“Lill”in futbolçusu Nabil Bentaleb karyerasını Türkiyədə davam etdirə bilər.

Futbolpress.az xəbər verir ki, bu barədə “Foot Mercato” nəşri məlumat yayıb. 31 yaşlı yarımmüdafiəçinin Fransa klubu ilə müqaviləsi yayda başa çatır.

“Beşiktaş” artıq oyunçu ilə danışıqlara başlayıb. İstanbul təmsilçisi əlcəzairli futbolçunu azad agent kimi heyətinə qatmaq istəyir.

Bentaleb bu mövsüm Fransa çempionatında 25 oyunda 2 qol, 2 məhsuldar ötürmə ilə yadda qalıb.

Futbol üzrə Kosovo milli komandasının və Türkiyənin “Beşiktaş” klubunun vingeri Milot Raşiça üçün cari mövsüm erkən başa çatıb.

Arena.az xəbər verir ki, “qara qartallar” mövsümün sonunda ciddi itki ilə üzləşiblər.

İstanbul təmsilçisinin əsas heyət oyunçularından olan Raşiça mövsümü erkən başa vurub. 29 yaşlı kosovolu vinger məşq zamanı zədələnib. Aparılan MRT müayinəsində onun bud sümüyünün aşağı hissəsində ödəm aşkar olunub. Artıq futbolçunun müalicəsinə başlanılıb. Həkimlərin rəyinə görə, Raşiçanın yaxın həftələrdə meydana qayıtması mümkün deyil. Beləliklə, futbolçu bu mövsüm bir daha meydana çıxa bilməyəcək.

Milot Raşiça 2023-cü ilin avqustundan formasını geyindiyi “Beşiktaş”ın heyətində bütövlükdə 115 oyuna çıxıb, 12 qol vurub, 25 məhsuldar ötürmə verib. Onun İstanbul klubu ilə 2027-ci ilin 30 iyununadək müqaviləsi var.

Raşiça daha öncə “Vuştrria”, “Vitess”, “Verder”, “Norviç Siti” və “Qalatasaray”da da forma geyinib.

Albaniyanın aşağı yaş qrupları üzrə yığmalarında oynamış Milot, 2016-cı ildən Kosovonun əsas millisinə dəvət alır. O, yığmada 64 oyuna 12 qol vurub, 18 məhsuldar ötürmə verib.

Növbəti mövsüm üçün transfer çalışmalarını davam etdirən “Beşiktaş” Fransa çempionatına üz tutub.

Futbolpress.az xəbər verir ki, “ağ-qaralar” “Lill”in oyunçusu Nabil Bentaleb ilə yaxından maraqlanır. Bu barədə “Foot Mercato” nəşri məlumat yayıb.

Əlcəzairli futbolçunun mövsümün sonunda Fransa klubu ilə müqaviləsi başa çatacaq.

Bu mövsüm “Lill”in heyətində 36 oyuna çıxan 31 yaşlı yarımmüdafiəçi 2 qol və 2 məhsuldar ötürməyə imza atıb.