“Mançester Yunayted”in baş məşqçisi Maykl Karrik klubdakı taleyi ilə bağlı açıqlama verib.

Futbolpress.az xəbər verir ki, İngiltərə mətbuatına danışan mütəxəssis bunları deyib:

“Klubda qalacağam? Həqiqətən, burda olmaqdan zövq alıram. Vəziyyəti başa düşürəm, amma qərarı mən vermirəm. Komanda ilə xüsusi anlar yaşamaq istəyirəm. Klubdakı taleyimlə bağlı konkret nəsə yoxdur”.

“Mançester Yunayted” Premyer Liqada 33 turdan sonra 58 xalla üçüncü sıradadır.

“Mançester Yunayted”in baş məşqçisi Maykl Karrik İngiltərə Premyer Liqasının 32-ci turunda “Bornmut”a qarşı keçirdikləri oyunu şərh edib.

Arena.az xəbər verir ki, “qırmızı şeytanlar” doğma meydanda qarşılaşdıqları bu rəqibə 1:2 hesabıyla məğlub olublar.

İngilis mütəxəssis matçdan sonra bunları söyləyib:

“Oyuna yaxşı başlamadıq. Amma ikinci hissədəki fəaliyyətimizi bəyəndim. Oyunçumuzu meydandan qovmuş hakimin müvafiq qərarından narazıyam”, deyə Karrik vurğulayıb.

“Mançester Yunayted”in kapitanı, portuqal yarımmüdafiəçi Bruno Fernandes də “Bornmut”a ev məğlubiyyətinə aydınlıq gətirib:

“Hər şey elə, birinci hissədə itirilmişdi. Biz oyuna daxil ola bilmədik”, deyə Fernandes vurğulayıb.

“Bornmut”in baş məşqçisi Daniel Farke isə “Mançester Yunayted” üzərində qələbəni belə şərh edib:

“Cəsarətlə fəaliyyət göstərməyimiz və hücum futbolu oynamağımız vacib idi. Hesab edirəm ki, qələbəyə layiq idik”, deyə Farke vurğulayıb.