“Atletiko”nun hücumçusu Antuan Qrizmann digər klubların diqqət mərkəzindədir.

Komanda.az xarici KİV-ə istinadən xəbər verir ki, 34 yaşlı futbolçunu heyətinə qatmaq istəyən “Əl-Əhli” (Səudiyyə Ərəbistanı), “Əl-Vahda” (Birləşmiş Ərəb Əmirlikləri) və “Şarlott” (ABŞ) artıq ona konkret təkliflərlə müraciət ediblər.

Bununla yanaşı, Qrizmannın gələcək durumu “İnter Mayami”, “Lion”, “Yuventus” və “Qalatasaray” tərəfindən də yaxından izlənilir. Onun Madrid təmsilçisi ilə müqaviləsinin müddəti 2027-ci ilin ortalarına qədərdir.

Fransalı futbolçu cari mövsümdə “Atletiko”nun heyətində bütün turnirlər üzrə 24 oyuna çıxıb, 8 qol vurub və 1 məhsuldar ötürmə verib. Onun karyerasını Avropa xaricində davam etdirib-etdirməyəcəyi yaxın aylarda daha da aktuallaşacaq.

The post Qrizmann Türkiyə klubunun hədəfindədir appeared first on Komanda.az.