Luis Enrike PSJ ilə yeni müqavilə imzalamağa yaxındır.

Futbolpress.az xarici mətbuata istinadən xəbər verir ki, ispan mütəxəssislə anlaşma 2030-cu ilin yayına qədər olacaq.

Razılaşmadan sonra 55 yaşlı mütəxəssis Avropanın ən çox maaş alan üç məşqçisindən biri ola bilər.

Hazırda Enrikenin maaşı ayda 1 milyon avro təşkil edir.

PSJ-nin baş məşqçisi Luis Enrike Çempionlar Liqasında bu gün “Liverpul”a qarşı keçirəcəkləri 1/4 final oyunu ilə bağlı fikirlərini bölüşüb.

Futbolpress.az xəbər verir ki, mütəxəssis matçın favoritinin olmadığını deyib:

“Ümid edirik ki, topa daha çox nəzarət edən tərəf biz olarıq. Bunun nə qədər çətin olacağının fərqindəyik. “Liverpul”un çox yaxşı heyəti və baş məşqçisi var. İngiltərə klubları ilə oynamağa öyrəşmişik. Bu baxımdan oyun tempi ilə bağlı narahatlığımız yoxdur.

Belə matçlarda favorit olmur. Çempionlar Liqasında həlledici dönəmdir və hər komandanın şansı var”.

PSJ – “Liverpul” oyunu saat 23:00-da start götürəcək.