Rafael Markes bu il keçiriləcək dünya çempionatından (DÇ-2026) sonra Meksika millisinin baş məşqçisi təyin olunacaq.

Arena.az xəbər verir ki, bu barədə Meksika Futbol Federasiyasının mətbuat xidməti məlumat yayıb.

Hazırda 47 yaşlı mütəxəssis yığmada baş məşqçi Xavyer Aqirrenin köməkçisi vəzifəsini yerinə yetirir.

“Barselona”nın sabiq müdafiəçisi peşəkar karyerasını bitirdikdən sonra Kataloniya klubunun əvəzedici komandasına rəhbərlik edib. Rafael Markes 2024-cü ildən Meksika yığmasında baş məşqçinin köməkçisi kimi fəaliyyət göstərir. O, 1997–2018-ci illər aralığında formasını geyindiyi Meksika millisinin heyətində 148 oyun keçirib, 17 qol və 7 assistlə yadda qalıb.

Qeyd edək ki, bu il iyunun 11-dən iyulun 19-na qədər ABŞ, Meksika və Kanadada keçiriləcək DÇ-2026-ya ümumilikdə 48 komanda qatılacaq. Meksika millisi CAR, Koreya və Çexiya yığmaları ilə eyni qrupda mübarizə aparacaq.

“Barselona”nın sabiq futbolçusu Rafael Markes DÇ-2026-dan sonra Meksika yığmasına rəhbərlik edəcək.

Futbolpress.az xəbər verir ki, bu barədə yerli futbol federasiyasının mətbuat xidməti məlumat yayıb. 47 yaşlı mütəxəssis bu postda hazırkı çalışdırıcı Xavyer Aqirreni əvəzləyəcək.

Meksika millisi mundialda Cənubi Afrika, Cənubi Koreya və Çexiya ilə bir qrupda mübarizə aparacaq.

Dünya çempionatı iyunun 14-dən iyulun 19-dək keçiriləcək. Yarışa ABŞ, Kanada və Meksika ev sahibliyi edəcək.