Azərbaycan Basketbol Liqasının dördqat qalibi “Sabah” komandasının yeni baş məşqçisi Lazar Spasiç bu təyinatına münasibət bildirib.

Arena.az xəbər verir ki, serbiyalı mütəxəssis klubun mətbuat xidmətinə açıqlamasında bunları söyləyib:

“Sabah” kimi iddialı klubun baş məşqçisi təyin olunmaq böyük şərəfdir. Gələcəkdə birgə yaxşı nəticələr qazanmaq üçün əlimdən gələni edəcəyəm. Mənim əsas məqsədim Avropada tanınan sistem qurmaqdır. Birlikdə böyük işlər görəcəyimizə inanıram”.

Xatırladaq ki, 33 yaşlı mütəxəssislə 3 illik müqavilə imzalanıb. Spasiçin məşqçilər korpusuna Anatoli Boisa (köməkçi məşqçi), Saşa Miliçeviç (köməkçi məşqçi) və Vlade Draskoviç (fiziki hazırlıq üzrə məşqçi) daxil olacaq.

Lazar Spasiç “Sabah”ın baş məşqçi postunda bir neçə gün öncə öz istəyi ilə vəzifəsindən ayrılmış litvalı Rimas Kurtinaytisi əvəz edib.

Azərbaycan Basketbol Liqasının dördqat qalibi “Sabah” komandasını bundan sonra serbiyalı mütəxəssis Lazar Spasiç çalışdıracaq.

Arena.az xəbər verir ki, bu barədə Bakı klubunun mətbuat xidməti məlumat yayıb.

Xəbərdə bildirilir ki, 33 yaşlı mütəxəssislə 3 illik müqavilə imzalanıb.

Spasiçin məşqçilər korpusuna Anatoli Boisa (köməkçi məşqçi), Saşa Miliçeviç (köməkçi məşqçi) və Vlade Draskoviç (fiziki hazırlıq üzrə məşqçi) daxil olacaq.

Xatırladaq ki, Lazar Spasiç məşqçi karyerasına 2013-cü ildə Serbiyanın “Mladost Zemun” klubunda köməkçi kimi başlayıb. 2016-cı ildən baş məşqçi kimi çalışan 1992-ci il təvəllüdlü mütəxəssis “Rtanj”, “Zdravlye Leskovaç” və “Vrşaç” komandalarına rəhbərlik edib.

Serb mütəxəssis 2024/2025-ci illər mövsümündə “Vrşac” klubu ilə Serbiya Basketbol Liqasının qalibi olub və komandanın son illərdəki ən uğurlu nəticələrindən birinə imza atıb. O, karyerası ərzində gənc basketbolçuların inkişafına verdiyi önəm, nizam-intizamlı oyun sistemi və müasir basketbol yanaşması ilə seçilib.

Spasiç son olaraq Almaniya Bundesliqasının təmsilçisi “EWE Baskets Oldenburq” klubunda baş məşqçi işləyib.

Sonda onu da qeyd edək ki, Spasiç “Sabah”ın baş məşqçi postunda bir neçə gün öncə öz istəyi ilə vəzifəsindən ayrılmış litvalı Rimas Kurtinaytisi əvəz edib.

Azərbaycan Basketbol Liqasının 2025/2026-cı illər mövsümünün qalibi olmuş “Sabah” baş məşqçisi Rimas Kurtinaytis ilə yollarını ayırıb.

Arena.az xəbər verir ki, bu barədə klubun mətbuat xidməti məlumat yayıb.

Litvalı mütəxəssisin müqaviləsinə qarşılıqlı razılıq əsasında xitam verildiyi diqqətə çatdırılıb. Tərəflər qarşıdakı dövrdə məşqçinin kişilərdən ibarət basketbol üzrə Litva milli komandasındakı fəaliyyətinə daha çox diqqət ayırmaq istəyini nəzərə alaraq, əməkdaşlığın başa çatdırılması barədə qarşılıqlı razılığa gəliblər.

Xatırladaq ki, Rimas Kurtinaytis 2024-cü ilin yanvar ayından “Sabah”a rəhbərlik edirdi. “Sabah” Azərbaycan Basketbol Liqasında son 4 mövsümün qalibidir. Paytaxt təmsilçisi bu çempionluqlardan üçün məhz litvalı mütəxəssislə qazanıb.

Avropa basketbol tarixinin ən yaxşı “shooter”lərindən hesab olunan Kurtinaytis oyunçu kimi “Jalgiris” (Litva), ÇSKA (Rusiya), “Real Madrid” (İspaniya) klublarının şərəfini qoruyub.

Rimas Kurtinaytis 3 dəfə Avropa Kubokunu qazanan yeganə məşqçi kimi adını tarixə yazdırıb. 2008/2009 mövsümündə “Letuvos Ritas” (Litva), 2011/2012 və 2014/2015 mövsümlərində isə “Ximki” (Rusiya) klubu ilə Avropa Kubokunun qalibi olub. Kurtinaytis 2010/2011 mövsümündə “Ximki” klubu ilə VTB Liqasının çempionu olub. Kurtinaytisin məşqçi kimi hesabında VTB Liqasında 100-dən çox qələbə var.

Litvalı basketbol mütəxəssisi 2002-2006-cı illər aralığında Bakının “Qala” klubunun da baş məşqçisi olub.