İtaliyalı keçmiş futbolçu Françesko Totti “Roma”ya qayıda bilər.

Futbolpress.az xəbər verir ki, bu barədə insayder Nikolo Skira məlumat yayıb. Klub rəhbərliyi Tottini aşağı yaş qruplarından birinə baş məşqçi təyin etməyə hazırlaşır. Təyinatın yaxın zamanda reallaşacağı bildirilir.

Totti 1993-2017-ci illərdə “Roma”nın formasını geyinib. O, klubda 785 oyunda 307 qol vurub, 205 məhsuldar ötürmə edib.