Azərbaycanın cüdoçusu Zelim Tçkayev (81 kq) Gürcüstanın paytaxtı Tbilisidə keçirilən Avropa çempionatında bürünc medal qazanıb.

Futbolpress.az xəbər verir ki, o, üçüncü yer uğrunda görüşdə belçikalı Mattias Kasseni məğlub edib.

Bununla da, Azərbaycanın Avropa çempionatındakı medal sayı 4-ə çatıb.

Daha əvvəl Hidayət Heydərov (73 kq) gümüş, Əhməd Yusifov (60 kq) və Turan Bayramov (66 kq) bürünc medal qazanıb.