“Çelsi”dən ayrılan Liam Rosenyorun yeni iş yeri məlum olub.

Futbolpress.az xəbər verir ki, mütəxəssis Fransanın “Paris” klubuna baş məşqçi təyin olunacaq. Bu barədə “Lequipe” nəşri məlumat yayıb. Tərəflər arasında iki illik müqavilə imzalanacaq.

Rosenyor bu ilin fevralından aprelinə kimi “Çelsi”yə rəhbərlik edib.

Mütəxəssis daha əvvəl Fransada “Strasburq”u çalışdırıb.

“Çelsi” heyətini yeni futbolçu ilə gücləndirməyə hazırlaşır.

Futbolpress.az xəbər verir ki, London klubu “Valyekano”dan Pep Çavarriyanı transfer etmək istəyir. Bu barədə insayder Fabrizio Romano məlumat yayıb. “Zadəganlar” cinah müdafiəçisi üçün danışıqlara başlayıb.

Çavarriya ötən mövsüm “Valyekano”da 44 oyunda 1 qol vurub, 3 məhsuldar ötürmə edib. Sol cinah müdafiəçisinin dəyəri 10 milyon avrodur.

“Mançester Siti” baş məşqçisini açıqlayıb.

Futbolpress.az xəbər verir ki, “şəhərlilər”in “sükanı” Enzo Mareskaya tapşırılıb. Bu barədə klubun mətbuat xidməti məlumat yayıb. Mütəxəssislə 3 illik müqavilə imzalanıb.

Mareska son olaraq “Çelsi”yə rəhbərlik edib. O, bu ilin yanvarından işsiz idi.