Futbol üzrə Fransa milli komandasının keçmiş hücumçusu Olivye Jiru Liqa 1-də mübarizə aparan “Lill” klubu ilə yeni müqaviləyə imza atıb.
Arena.az xəbər verir ki, bu barədə Fransa klubunun mətbuat xidməti məlumat yayıb.
39 yaşlı hücumçu ilə yeni müqavilənin müddəti 2027-ci ilin 30 iyununa qədər nəzərdə tutulub.
Xatırladaq ki, Jiru 2025-ci ilin yayından “Lill”də çıxış edir. O, ötən mövsüm Liqa 1 təmsilçisinin heyətində 44 oyunda 11 qol vurub, 1 qol ötürməsi edib.
Olivye Jiru futbolçu karyerası ərzində “Los Anceles”, “Qrenobl”, “İstr”, “Tur”, “Monpelye”, “Arsenal”, “Çelsi” və “Milan”da çıxış edib. Jirunun futbolçu karyerasının böyük hissəsi məhz “Arsenal”da keçib.
Jiru 2011-ci ilin noyabr ayında debüt etdiyi Fransa yığmasının heyətində 131 oyun keçirib, 57 qol vurub, 15 məhsuldar ötürmə verib. Təcrübəli hücumçu Fransa yığmasının ən sərrast futbolçusudur. Olivye “xoruzlar”la DÇ-2018-in, 2021 UEFA Millətlər Liqasının qalibi olub.
“Transfermarkt” internet-portalı veteran hücumçunun transfer dəyərini 900 min avro məbləğində qiymətləndirir.
Fransa nəhəngi PSJ-nin rusiyalı qapıçısı Matvey Safonov Paris komandasındakı fransız həmkarı Luka Şevalye ilə münasibətindən danışıb.
Arena.az rusiyalı qapıçının müvafiq fikrini təqdim edir:
“Biz vahid qapıçı dəstəsiyik. Oyuna qədər hamımız bir-birimizə uğurlar diləyirik, oyundan sonra təbriklər ünvanlayırıq. Bu, adi haldır. Kollektivdə belə də olmalıdır”, deyə Safonov vurğulayıb.
Xatırladaq ki, Matvey Safonov PSJ-yə 2024-cü ilin iyul ayında Rusiyanın “Krasnodar” klubundan keçib. Paris klubu bu transfer üçün 20 milyon avro ödəyib. 27 yaşlı qolkiperin Fransa nəhəngi ilə 2029-cu ilin 30 iyununa qədər müqaviləsi mövcuddur.
Safonov indiyə qədər PSJ-nin heyətində bütövlükdə 44 oyuna çıxıb. Rusiyalı qapıçı bu oyunlarda 41 qol buraxıb, 19 oyunda qapısını toxunulmaz saxlayıb. O, PSJ ilə 2 dəfə Fransa çempionu, UEFA Çempionlar Liqasının qalibi olub, eləcə də 1 dəfə Fransa Kubokunu, Fransa Super Kubokunu, UEFA Super Kubokunu, FİFA Qitələrarası Kubokunu qazanıb.
“Krasnodar”ın yetirməsi olan, Rusiyanın müxtəlif yaş qrupları üzrə yığmalarında oynamış Safonov, 2021-ci ildən əsas millidə forma geyinir. O, Rusiya milli komandasında 18 oyuna çıxıb, 13 qol buraxıb, 7 matçdan “quru” qurtulub.
“Transfermarkt” internet-portalı 27 yaşlı rusiyalı qapıçının transfer dəyərini 30 milyon avro məbləğində qiymətləndirir.
Braziliya millisinin cinah müdafiəçisi Uesli Fransa zədə səbəbindən bu il keçiriləcək dünya çempionatında (DÇ-2026) iştirak edə bilməyəcək.
Arena.az xəbər verir ki, bu barədə Braziliya Futbol Federasiyasının mətbuat xidməti məlumat yayıb.
Futbolçu Misir yığmasına qarşı keçirdikləri yoxlama oyununda (2:1) zədələnib. Aparılan tibbi müayinə nəticəsində onun sol budunda əzələ zədəsi aşkarlanıb. Bu səbəbdən Uesli Braziliya yığmasının mundial üçün açıqlanmış heyətindən çıxarılıb.
Baş məşqçi Karlo Ançelotti onun əvəzinə İtaliyanın “Atalanta” komandasının yarımmüdafiəçisi Edersonu milliyə çağırıb. 26 yaşlı futbolçu ötən klub mövsümündə bütün turnirlərdə 41 matç keçirib, 3 qol və 1 məhsuldar ötürmə ilə yadda qalıb.
Braziliya millisi DÇ-2026-da C qrupunda Mərakeş, Haiti və Şotlandiya yığmaları ilə mübarizə aparacaq.
Uesli Fransa Braziliyanın “Atletiko Tubarao” klubunun yetirməsidir. Ölkəsində “Flamenqo”nun da formasını geyinmiş futbolçu “Roma”ya 2025-ci ilin yayında 25 milyon avro müqabilində keçib. 22 yaşlı müdafiəçinin İtaliya klubu ilə 2030-cu ilin 30 iyununadək müqaviləsi var. O, “canavarlar”ın heyətində 39 oyuna çıxıb, 5 qol vurub, 2 məhsuldar ötürmə müəllifi olub.
Uesli 2025-ci ilin mart ayında debüt etdiyi Braziliya millisinin heyətində 8 oyuna çıxıb, məhsuldar fəaliyyəti ilə diqqət çəkməyib.
“Transfermarkt” internet-portalı 22 yaşlı müdafiəçinin transfer dəyərini 40 milyon avro məbləğində qiymətləndirir.
Futbol üzrə Fransa çempionatının 2025/2026-cı illər mövsümündə uğursuz çıxışı ilə diqqət çəkmiş “Oser” baş məşqçisi Kristof Pelissye ilə vidalaşıb.
Arena.az xəbər verir ki, bu barədə Liqa 1 təmsilçisinin mətbuat xidməti məlumat yayıb.
60 yaşlı fransalı mütəxəssislə müqaviləyə xitam verilib. Klub ona xidmətlərinə görə təşəkkür edib, gələcək karyerasında uğurlar arzulayıb.
Kristof Pelissye 2022-ci ildən “Oser”i çalışdırırdı. Onun rəhbərliyi altında komanda ümumilikdə 140 rəsmi oyun keçirib. Oserlilər bu qarşılaşmalarda 50 qələbə, 38 heç-heçə, 52 məğlubiyyət görüblər.
Qeyd edək ki, başa çatmış 2025/2026-cı illər mövsümündə “Oser” Pelissyenin rəhbərliyi altında Fransa Liqa 1-də turnir cədvəlini 15-ci pillədə başa vurub. Komanda 34 oyunda 8 qələbə qazanıb, 10 heç-heçə edib, 16 məğlubiyyətə üzülüb və topladığı 34 xalla elitadakı yerini çətinliklə qoruyub.
Fransa Liqa 1-də 21-ci turun oyunları keçirilir.
Komanda.az xəbər verir ki, bu gün 3 oyun baş tutub.
“Lans” evdə “Renn”ə, “Brest” “Loryan”a, Lion “Olimpik”i isə səfərdə “Nant”a qalib gəlib.
Fransa Liqa 1
21-ci tur
6 fevral
Mets – Lill 0:0
7 fevral
Lans – Renn 3:1
Qollar: Eduard, 41. Aqilar, 54. Sent-Maksimin, 78 – Lepaul, 8.
Brest – Loryan 2:0
Qollar: Laskari, 50. Ayorke, 77.
Nant – Olimpik (Lion) 0:1
Qol: Şults, 25.
8 fevral
18:00. Nitsa – Monako
20:15. Anje – Tuluza
20:15. Oser – Paris
20:15. Havr – Strasburq
23:45. PSJ – Olimpik (Marsel)
The post “Lans” 3 xalı 3 qolla qazandı appeared first on Komanda.az.
Login