Bakı Olimpiya stadionunun tikintisi 2012-ci ildə başlamışdı. 2015-ci ilin 18 martında isə Prezident İlham Əliyev arenanın açılışını etmişdi.

68 min tutumu olan BOS Avropanın elit stadionlarından sayılır.

Stadion ilk dəfə Avropa Oyunlarının açılışı üçün istifadə edildi.

Bundan başqa arenada AVRO-2020-nin qrup və 1/4 final mərhələsinin oyunları keçirilib. 2019-cu ildə isə burada UEFA Avropa Liqasının finalı baş tutub.

Tikintisinə 1 milyard manat sərf olunan bu nəhəng arena uzun müddətdir ki, istifadəsiz qalıb.

İnfrastruktur dərdi böyüməkdə olan ölkə futbolunun bu boyda imkanları olan bazası istifadəsiz qalıb.

Məlumdur, BOS-u saxlamaq baha başa gəlir, xərcləri digər stadionlara nisbətən çoxdur. Ancaq əsas xərcləri SOCAR çəkir.

Belədə hansısa kluba niyə təhkim edilmir?

Bir ara müxtəlif marketinq layihələri icra olunsa da, fayda vermədi. Nə toy keçirmək, nə başqa…

Təsəvvür edin, BOS-da keçirilən son böyük tədbir 2024-cü ildə 11-22 noyabrda COP-29 olub.

Bu qədər xərc çəkilən nəhəng arenanın istifadəsiz qalması absurddur.

Kamil Əhməd