“Bayern”in qapıçısı Manuel Noyer azarkeşlərin səsverməsinə əsasən UEFA Çempionlar Liqasında həftənin ən yaxşı oyunçusu seçilib.

Arena.az bu barədə UEFA-nın mətbuat xidmətinə istinadən xəbər verir.

Almaniyalı qolkiper ÇL-in 1/4 final mərhələsi çərçivəsində Madrid “Real”ına (İspaniya) qarşı keçirdikləri ilk görüşdə (2:1) özünü yaxşı tərəfdən göstərib. Noyer səsvermədə David Raya (“Arsenal”), Xviça Kvaratsxeliya (PSJ) və Xulian Alvaresi (“Atletiko”) qabaqlayıb.

Xatırladaq ki, Manuel Noyer “Şalke”nin yetirməsidir. Alman qapıçı 2011-ci ilin iyulundan “Bayern”də çıxış edir. Noyer Münhen klubuna 30 milyon avro məbləğ müqabilində elə, “Şalke”dən transfer edilib.

Qapıçının Münhen klubu ilə cari müqaviləsi 2026-cı ilin iyun ayının sonuna qədər qüvvədədir.

Noyer cari mövsümdə “Bayern”in heyətində 31 oyuna çıxıb, 30 qol buraxıb, 10 oyunda qapısının toxunulmazlığını təmin edib.

Təcrübəli qapıçının “Bayern” karyerası ümumilikdə 592 oyun, 489 buraxılmış qol və 275 “quru” oyundan ibarətdir. Noyer bu komanda ilə birlikdə 12 dəfə Almaniya çempionu, 5 dəfə Almaniya kubokunun və 2 dəfə UEFA Çempionlar Liqasının qalibi olub.

Noyer 2009-cu ilin iyununda debüt etdiyi və 2024-cü ildə iştirakına xitam verdiyi Almaniya yığmasının heyətində ümumilikdə 124 oyun keçirib, 118 qol buraxıb, 51 oyunda qapısını toxunulmaz saxlayıb.

Alman qapıçı “bundestim”lə DÇ-2014-ün qalibi olub. Noyer həmçinin Almaniyanın U-21 yığması ilə Avropa çempionatını (2009) qazanıb.

“Transfermarkt” internet-portalı 40 yaşlı alman qapıçının transfer dəyərini 4 milyon avro məbləğində qiymətləndirir.

UEFA Çempionlar Liqasında 1/4 final mərhələsinin ilk oyunlarından sonra həftənin ən yaxşı oyunçusu məlum olub.

Futbolpress.az yarışın rəsmi saytına istinadən xəbər verir ki, bu, “Bavariya”nın qapıçısı Manuel Noyerdir.

40 yaşlı qolkiper “Real”la səfər matçında 9 seyvlə yadda qalıb.

“Bavariya” ilk oyunda 2:1 hesabıyla qalib gəlib. Cavab görüşü aprelin 15-də Münhendə olacaq.

“Bavariya”nın qapıçısı Manuel Noyer Çempionlar Liqasının 1/4 final mərhələsinin ilk oyununda maraqlı rekorda imza atıb.

Futbolpress.az xəbər verir ki, o, buna “Real”a qarşı səfər oyununda 9 qurtarış etməklə nail olub.

Noyer bununla “Santyaqo Bernabeu”da pley-off mərhələsində Madrid nəhənginə qarşı bir matçda ən çox qurtarış edən qapıçı olub. 

Komandalar arasında cavab oyunu aprelin 15-də “Münhen Arena”da keçiriləcək.

​Almaniya futbolunun əfsanəvi qapıçısı Manuel Noyer Dünya Çempionatı ilə bağlı son qərarını verib.

Futbolpress.az xəbər verir ki, təcrübəli qolkiper bu il keçiriləcək mundialda iştirak etməyəcək.

​Fabrizio Romanonun verdiyi məlumata görə, Noyer milli komandaya qayıtmaqla bağlı fikrini dəyişməyəcəyini rəsmən bildirib. O, artıq diqqətini tamamilə klub karyerasına yönəltdiyini vurğulayıb.

Alman futbolunun digər bir əfsanəsi Lotar Matteus da mövzuya toxunaraq, baş məşqçi Yulian Nagelsmannın bu qayıdışda maraqlı olmadığını qeyd edib:

​”Nagelsmann Noyerin qayıdışı üçün qapını açmayacaq. Elə buna görə də Manuelin milli karyerası ilə bağlı qərarı artıq ‘daş üzərində yazılıb’. Mən buna tam əminəm.”

​Beləliklə, Almaniya millisi 2026-cı ildə ABŞ, Kanada və Meksikanın ev sahibliyi edəcəyi turnirə əfsanəvi qapıçısı olmadan yollanacaq.

Almaniyanın “Bayern” klubunun qapıçısı Manuel Noyer Lionel Messinin UEFA Çempionlar Liqasındakı (ÇL) rekordunu təkrarlayıb.

Arena.az xəbər verir ki, 40 yaşlı qolkiper buna İspaniyada “Real”a 2:1 hesabı ilə qalib gəldikləri UEFA Çempionlar Liqasının 1/4 final mərhələsinin ilk oyununda nail olub.

Noyer Münhen təmsilçisinin heyətində bu turnirdə 136-cı dəfə start heyətində meydana çıxıb. O, bir komandada bunu bacaran oyunçular arasında ilk “üçlük”dədir.

Daha əvvəl Messi (136 oyun) “Barselona” forması ilə buna nail olub. ÇL-də mütləq rekord isə “Real”ın sabiq qapıçısı İker Kasilyasa məxsusdur – 149 oyun.

Xatırladaq ki, 2011-ci ildən “Bayern”də çıxış edən Manuel Noyer cari mövsümdə bütün turnirlər çərçivəsində 31 qarşılaşmada meydanda olub. Alman qolkiper bu görüşlərdə 30 top buraxıb, 10 matçda qapısını toxunulmaz saxlayıb.