“Qarabağ”ın prezidenti Tahir Gözel, UEFA Çempionlar Liqasının VI turunda “Qarabağ” – “Ayaks” oyununu Qadın və Uşaq Sığınacağında təkbaşına izləyən azyaşlı azarkeş Əkbər Zülfüqarovla klub bazasında görüşüb.

Futbolpress.az xəbər verir ki, bu barədə “atlılar”ın mətbuat xidməti məlumat yayıb.

“Qarabağ” – “Araz-Naxçıvan” oyunundan öncə baş tutan görüş zamanı Tahir Gözel Əkbərlə söhbətləşib, onun oyunla bağlı təəssüratlarını dinləyib, sonda klub prezidenti azyaşlı azarkeşə komandanın rəsmi formasını təqdim edib.

Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 15-ci turunun növbəti oyunları keçiriləcək.

Arena.az xəbər verir ki, ikinci oyun günündə də iki qarşılaşma baş tutacaq.

Çempionatın autsayderlərindən olan “Kəpəz” “Qəbələ”ni qəbul edəcək. Yevlax şəhər stadionunda baş tutacaq oyunu Rəvan Həmzəzadə idarə edəcək. Gəncə təmsilçisi 6 xalla 11-ci, “Qəbələ” isə 8 xalla 10-cu pillədə qərarlaşıb. Bu üzdən də sözügedən oyunu 6 xallıq görüş də adlandırmaq mümkündür.

Günün digər oyununda çempion “Qarabağ” “Araz-Naxçıvan”ı sınağa çəkəcək. “Azərsun Arena”da baş tutacaq oyunu Rəşad Əhmədov idarə edəcək. Ağdam təmsilçisi bu oyundan da qalib ayrılmaqla zirvədəki mövqeyini qorumağa çalışacaq. Son turlarda qeyri-sabit çıxışı ilə diqqət mərkəzində olan “Araz-Naxçıvan”ın güclü rəqibinə nə dərəcədə müqavimət göstərə biləcəyi maraqla gözlənilir.

Premyer Liqa
15-ci tur

13 dekabr

“Şamaxı” – “Zirə” 2:1
Qollar: Alfons Msanqa, 54. Karim Rossi, 61-pen – Georgi Papunaşvili, 8.
Hakimlər: İnqilab Məmmədov, Rəhman İmami, Şirmamed Mamedov, Kamran Əliyev.
VAR: Elçin Məsiyev.
AVAR: Rahil Ramazanov.
Hakim-inspektor: İmanxan Sultani.
AFFA nümayəndəsi: Erkin Hüseynov.
Şamaxı şəhər stadionu, 14:00.

“Turan Tovuz” – “Sabah” 1:3
Qollar: Filip Ozobiç, 82 – Coy Lens Mikels, 31. Velko Simiç, 68. Umarali Rahmonaliyev, 79.
Hakimlər: Əliyar Ağayev, Zeynal Zeynalov, Akif Əmirəli, Emin Əliyev
VAR: Nicat İsmayıllı.
AVAR: Kamran Bayramov.
Hakim-inspektor: Rəhim Həsənov.
AFFA nümayəndəsi: Seymur Səlimli.
Tovuz şəhər stadionu, 16:30.

14 dekabr

“Kəpəz” – “Qəbələ”
Hakimlər: Rəvan Həmzəzadə, Cəmil Quliyev, Gülnurə Əkbərzadə, Əkbər Əhmədov.
VAR: Cavid Cəlilov.
AVAR: Emin Əliyev.
Hakim-inspektor: Şahin Cəfərov.
AFFA nümayəndəsi: Mübariz Hüseynov.
Yevlax şəhər stadionu, 14:00.

“Qarabağ” – “Araz-Naxçıvan”
Hakimlər: Rəşad Əhmədov, Müslüm Əliyev, Eyyub İbrahimov, Elvin Bayramov.
VAR: Tural Qurbanov.
AVAR: Asiman Əzizli.
Hakim-inspektor: Babək Quliyev.
AFFA nümayəndəsi: Kifayət Mustafayeva.
Bakı. “Azərsun Arena”, 17:30.

15 dekabr

“İmişli” – “Karvan”
Hakimlər: Kamranbəy Rəhimov, Pərvin Talıbov, Zöhrab Abbasov, Vüqar Həsənli.
VAR: İnqilab Məmmədov.
AVAR: Namiq Hüseynov.
Hakim-inspektor: Asim Xudiyev.
AFFA nümayəndəsi: Eldəniz Musayev.
Quba Olimpiya İdman Kompleksinin stadionu, 14:00.

“Neftçi” – “Sumqayıt”
Hakimlər: Rauf Cabbarov, Elşad Abdullayev, Teymur Teymurov, İslam Məmmədov.
VAR: Elçin Məsiyev.
AVAR: Vüsal Məmmədov.
Hakim-inspektor: Anar Salmanov.
AFFA nümayəndəsi: Elçin Mehtiyev.
Bakı. “Neftçi Arena”, 19:00.

“Qarabağ“ın sabiq futbolçusu Juninyo “Flamenqo”dan ayrılmağa hazırlaşır.

Futbolpress.az xəbər verir ki, braziliyalı hücumçu Meksikanın “Pumas” klubu ilə anlaşıb. Bu barədə “Globo” nəşri məlumat yayıb. “Pumas” Juninyonun keçidi üçün “Flamenqo” ilə 5 milyon avro qarşılığında razılığa gəlib.

29 yaşlı hücumçu bu ilin yanvarında “Qarabağ“dan “Flamenqo”ya məhz 5 milyon avro qarşılığında transfer olunub. O, Braziliya təmsilçisi ilə 32 oyunda 4 qol vurub.

Bu gün Azərbaycan Premyer Liqasında XV turun daha iki oyunu keçirilib.

Futbolpress.az xəbər verir ki, ikinci oyun günündə iki qarşılaşma baş tutub. 

“Kəpəz” Yevlaxda “Qəbələ“ni məğlub edib.

Digər matçda “Qarabağ” “Araz-Naxçıvan”a qalib gəlib.

Azərbaycan Premyer Liqası
XV tur

14 dekabr

14:00 Kəpəz – Qəbələ 1:0
Qol: Ohori, 56
Qırmızı vərəqə: İbrahim Sanqare, 38 (“Qəbələ”)
Baş hakim: Rəvan Həmzəzadə
Yevlax şəhər stadionu

17:30 Qarabağ – Araz-Naxçıvan 5:1
Qollar: Toral Bayramov, 31, 90+5 (pen.) Nəriman Axundzadə, 41, Montiel, 57 (pen.), Leandro Andrade, 72 – Ramon Maçado, 75 (pen.)
Baş hakim: Rəşad Əhmədov
“Azersun Arena”

UEFA Çempionlar Liqası, Avropa Liqası və Konfrans Liqasında Liqa mərhələsinin 6-cı turunun görüşlərindən sonra reytinq siyahısı yenilənib.

Arena.az xəbər verir ki, Azərbaycan çempionu “Qarabağ” bu həftə Çempionlar Liqasının Liqa mərhələsinin 6-cı turu çərçivəsində Niderlandın “Ayaks” komandası ilə qarşılaşıb və 2:4 hesablı məğlubiyyətlə üzləşib.

Buna baxmayaraq, Azərbaycan UEFA reytinqində əvvəlki mövqeyini qoruyub. Hazırda Azərbaycan 22,250 əmsalla 26-cı pillədə qərarlaşıb. 25-ci yerdəki Ukraynanın 23,256 əmsalı var. Sloveniya isə 22,218 əmsalla 27-cidir.

Qeyd edək ki, Azərbaycan cari mövsümdə 5,125 reytinq əmsalı əldə edib. Son beş mövsümdəki ən yaxşı göstəricimiz isə 5,875 əmsaldır. Bu, 2023/2024-cü illər mövsümündə qazanılıb. “Qarabağ”ın cari mövsümdə ÇL-in Liqa mərhələsində ən azı daha 2 oyun keçirəcəyini nəzərə alsaq, yeni rekordun reallaşması da istisna deyil.

Xatırladaq ki, 55 ölkənin yer aldığı reytinq cədvəlinə hazırda İngiltərə başçılıq edir – 104,005. İtaliya (92,017) ikinci, İspaniya (85,562) üçüncü, Almaniya (82,777) dördüncü, Fransa (75,391) beşincidir.

“Qarabağ” Çempionlar Liqasının VI turunda “Ayaks”a uduzub – 2:4.

Millinin sabiq futbolçusu, Qərb Regional Futbol Federasiyasının rəhbəri Nadir Nəbiyev “Futbolpress.az“a açıqlamasında nəticəni dəyərləndirdi:

“Qarabağ“a inam böyük idi. Komanda oyuna da yaxşı başladı, qol vurdu. Rəqibdən üstün futbol sərgiləyirdilər. İkinci hissədə də pis oyun alınmadı. “Ayaks” son 15 dəqiqədə üstünlüyü ələ alıb qollar vurdu və qələbə qazandı“.

Mütəxəssis Qurban Qurbanovun Nəriman Axundzadəni meydana buraxmasına görə tənqid edilməsinə toxundu:

“Qurban müəllim ilk dəfə deyil ki, belə əvəzetmələr etsin. Dəfələrlə oyuna sonradan daxil olan futbolçular qələbə qolunu vurublar. Razıyam, əvəzetmələr bu dəfə yaxşı təsir göstərmədi. Amma məğlubiyyətə səbəb Nərimanın zəif oyunu deyil. Hücumda yaxşı fürsətlər boşa verildi, müdafiədə boşluqlar oldu və rəqib bundan yararlandı“.

Nəbiyev komandanın pley-off şanslarını da dəyərləndirdi:

“Ayntraxt”la oyunda qələbə mütləqdir. Bundan əlavə, digər rəqiblərin də nəticələri önəmli olacaq. Çətindir, amma şanslar qalır. Ümid edirəm, “Qarabağ” sonda yenə azarkeşlərini sevindirəcək”.

Şahin Cəfərov

Azərbaycanda 2025-ci ilin ən yaxşı futbol məşqçisinin adı məlum olub.

Futbolpress.az xəbər verir ki, “Komanda.az“ saytının jurnalistlər arasında keçirdiyi ənənəvi sorğuda “Qarabağ”ın baş məşqçisi Qurban Qurbanov digər namizədləri böyük fərqlə qabaqlayaraq, birinci yeri tutub.

Qurbanov 63 jurnalistin qatıldığı sorğuda 58 səs toplamaqla, 2025-ci ilin ən yaxşı məşqçisi seçilib. Bununla da, o, 15-ci dəfə Azərbaycanın ən yaxşı məşqçisi adını qazanıb.

Sorğuda iştirak edənlərdən 2-si son mövzümdə “Sabah”a ölkə kubokunu qazandıran Vasili Berezutskiyə, 1-i “Zirə”nin “sükanı arxasında” olan Rəşad Sadıqova, 1-i “Araz-Naxçıvan”ın çalışdırıcısı Elmar Baxşıyevə, 1-i isə milli komandanın və “Şamaxı”nın baş məşqçisi Ayxan Abbasova səs verib.

“Qarabağ” ötən mövsümdə Qurban Qurbanovun rəhbərliyi altında Azərbaycan Premyer Liqasında çempionluq sevinci yaşayıb. Bundan başqa, Qurbanovun komandası tarixində ikinci dəfə UEFA Çempionlar Liqasında əsas mərhələyə yüksəlib. Hazırda da bu turnirdə çıxışını davam etdirən “köhlən atlar” “Benfika”, “Kopenhagen” kimi komandaları məğlub edib, “Çelsi” ilə oyunda bərabərə qalıb.

QEYD: İlin ən yaxşı məşqçisinin mükafatlandırma mərasimi dekabrın 15-də keçiriləcək. “Fairmont otel”in (“Üç alov qülləsi”) “Səttar Bəhlulzadə zalı”nda təşkil olunacaq tədbir saat 11:30-da başlayacaq.

“Qarabağ“ın futbolçusu Pedro Bikalyo karyerasını Braziliyada davam etdirə bilər.

Futbolpress.az xəbər verir ki, “Botafoqo” klubu yarımmüdafiəçinin xidmətində maraqlıdır. Bu barədə “folhadoleste.com.br” saytı məlumat yayıb. Klubun ilk təklifi “Qarabağ” tərəfindən rədd edilib. Braziliya təmsilçisi danışıqları davam etdirir.

“Botafoqo”ya Braziliya millisinin baş məşqçisi Karlo Ançelottinin oğlu Davide Ançelotti rəhbərlik edir.

Bikalyo bu mövsüm 25 oyunda meydana çıxıb. 24 yaşlı futbolçunun klubla müqaviləsi 2028-ci ilin yayına kimidir.

Ertem Şener artıq qıcıq oyatmağa başlayır. “Ayaks”a 2:4 hesablı məğlubiyyətə görə komandanı, Qurban Qurbanovu, klubu tənqid edən azarkeşlərə “turkish arabesk” ritmində “fikir orientalı” oynamağa başlayıb.

Bu azmış kimi, tənqidçi mediaya qarşı da irad bildirib: “ya siz ne yapıyorsunuz?!”.

Ertem abi, şimdi bak… Sən gəldin, qonağımız oldun, “Qarabağ”ın ÇL oyununu “CBC Sport”dan şərh etdin, “vatan, millet, sakarya” əhvalında emosiyaların sinir uclarından yapışıb, alqışlanası dərəcədə “hype” topladın, getdin.

Ok, bu, əla idi.

Sonra məlum oldu ki, ödənişli kanallarımızın birində oyunlar şərh edəcəksən. Bu da xub!

Qardaş ölkədən gəlirsən, xoşdur, işini gör, paranı al…

Amma artıq ağıl verməyə, “arabesk” ab-havası qondarmağa cəhd edirsən, bak, bu olmuyor işte…

Bizdə belə şeylər “yeyilməz”. Bizim auditoriyanın emosional sinir ucları “istismara açıq deyil”, güzel kardeşim benim.

Bizə bizdən çox can yandırmayacağını deyib, neqativ toxumu səpməyəcəkdim araya, lakin sən tənqidçi müəlliflərə irad bildirirsən…

Gör biz heç sənə tamada deyirikmi? Yox.

Məsələn, bizim tanınmış idman jurnalisti sizə analoji senaridə qonaq gəlsəydi, heç vaxt, “…bu hədiyyələri də futbol federasiyamız adına gətirdim” deməzdi. Bizim jurnalistikamız tam ayrı üslubda, fərqli kriteriyadadır. Bizdə peşəkar jurnalist tərifi maddi qarşılıq müqabilində etmir, amma sizdə – o mühitə çox yaxşı bələdəm, ötən yazımda da vurğulamışdım, bu işlər maliyyə qarşılığında edilir və bu məsələ bizdəki kimi “ayıb” sayılmır. Bu və bu kimi irili-xırdalı çoxlu fərqlərimiz var, sən hələ bu “bazarın” daxilinə bələd olmamış sürətli giriş yapmısan. Abi, yapma ya…

Bilirik ki, Türkiyədə lirə dəyər itirir, kardeş ülke Azerbeycanda isə… lənət şeytana! Heç cür niyyətinizin çılpaqlığına varmaq istəmirəm.

Kardeşim, Karabağ savaşı, “44 gün”və s. emosional mövzular həssas yanaşma tələb edir. Burada doza aşılması qıcıq yarada bilər…

Ertem abi, gəlişin gözəldir, bilirik ki, bu il Türkiyədən xeyli bloqer və s. də gəldi və ilk dəfədir ki, “Qarabağ” haqda qardaş ölkədə geniş danışlır artıq.

Bəli, bilirik, bu il bu baxımdan fərqlilik var. Amma ciddi xərc də çəkilib də…

Heç vaxt “Qarabağ”dan bu qədər danışılmırdı oralarda. “Bayer”lə heç-heçə edib Avropaya səs salanda, “Atletiko” ilə eyni nəticəni göstərəndə Türkiyə televiziyalarında danışılmırdı (1-2 istisna).

Bəli, ötən yazımda da bildirdiyim kimi, oranın öz şərtləri/qaydaları var, buranın öz qaydaları.

Paralı konuşmalar problem deyil, aşırı olması problem, güzel kardeşim. Anladın sen ne söylemek istediyimi…

Gəl-get, işini gör, pulunu qazan, gözəldir, rəng/dinamika qatırsan.

Bunlar əladı, çox gözəldir. Biz səni əzizimiz kimi qarşılayarıq da, yola da salarıq.

Lakin ağıl verməyə, “elə etməyin, belə edin” deməyə girişmə. İstənilən girişmələrə açıq ola bilərsən bəlkə də, amma buna yok artık…

Burda nəyi necə etməyi bilib, “Qarabağ”ı buralaradək ÇIXARANLAR var. Var bir bildiyimiz…

Barış Manço səmimiyyəti, Erkin Koray ustalığı, Cem Karaca məsumiyyəti, Edip Akbayram saflığında gəlin…

Güzel günler göreceyiz… Ceviz ağacı altında, Gülhane parkında!

Elçin Cəlilov

Çempionlar Liqasında VI turun oyunlarından sonra komandaların statistik göstəriciləri açıqlanıb.

Futbolpress.az-ın məlumatına görə, “Qarabağ” topqazanmada 4-cü sıradadır. Azərbaycan təmsilçisinin futbolçuları 6 oyunda 264 dəfə rəqiblərdən “top oğurlayıb”.

Bu göstəricidə birinci sırada Bilbao “Atletik”i yer alıb. İspanlar 303 topqazanma ilə statistikada liderdir.

Avrokuboklarda həftə başa çatıb.

Futbolpress.az xəbər verir ki, Çempionlar Liqası, Avropa Liqası və Konfrans Liqası matçlarından sonra Azərbaycanın UEFA reytinqindəki mövqeyi dəyişməyib.

“Qarabağ” Çempionlar Liqasında “Ayaks”a uduzub və xal qazandırmayıb. Azərbaycan 22.250 xalla 26-cı sırada qərarlaşıb.

27-ci pillədəki Sloveniya da yerində qalıb. Ölkənin avrokuboklardakı yeganə təmsilçisi “Çelye” Konfrans Liqasında “Riyeka”ya uduzub. Sloveniyanın aktivində 22.219 xal var.

25-ci sıradakı Ukrayna isə xal ehtiyatını artırıb. “Şaxtyor” Konfrans Liqasında Maltada “Hamrun”u məğlub etməklə (2:0) ölkəsinə 0.500 xal qazandırıb. Ukrayna 22.850 xalla 25-ci pillədədir.

Reytinqə 103.339 xalla İngiltərə başçılıq edir.

“Qarabağ”ın “Ayaks”a məğlubiyyətinə (2:4) səbəb olan detalları azarkeşcəsinə qabartmaq niyə təəssübkeşlərin acığına gəldi ki?

Dünən ölkə gündəmi: “Qarabağ” – “Ayaks” 2:4, Qurban Qurbanovun əvəzetmələrindən sonra buraxılan qollar, Nəriman Axundzadənin fürsətləri boşa verməsi və s. idi.

Dünyada ən gözlənilən şeylərdən biri azarkeşin məğlubiyyətdə günahkar axtarmasıdır. Hər dəfə belə hal olanda “təəssübkeşlər” oyanır, vəcdə gəlir, naftalin qoxulu dramalar ətrafda uçuşur…

Azarkeşdən nə istəyirsiz ki?!

Şırhaşır yağışda, heç də ucuz olmayan bileti alıb stadiona gələn azarkeş üstün olduğu oyundan məğlub ayrılan komandanı qınamasın?!

Sizin ağlınız çaşıb?

Ən uzağı, “…belə canıyanansızsa, ölkə çempionatının oyunlarına gəlin də!” deyib, qınaya bilərdik, onu da hər kiçik fürsətdə belə azarkeşin başına qaxınc etmişik də, indi nə istəyirsiniz ki?

“Ayaks”dır eee bu…!

Baho! Nə edək, udmayaq?!

12 ildir avrokuboklarda oynayan,cari mövsüm 7 xal (!) toplayan “Qarabağ”dır bu! Sıfır xallı rəqibdən 4 qol yeməsinə qıçından bəraət uydursun azarkeş?

“Qarabağ”ın özü özünü heç bu qədər müdafiə etməzdi ki, siz bunu edirsiniz…

Nərimanı göylərə qaldıran və dəfələrlə ona dəstək verənlər sırasında biz də olmuşuq. Amma bir zəhmət, Nəriman da meydana çıxanda hücumçunun etməli olduğu təməl davranışları göstərsin.

Hələ bəziləri lap dramanın şitini-şorunu çıxarıb. Ah.. gəncdir, eləməyin belə, psixologiyası pozulur…

Dünya futbolunda 21 yaşlı gənc olmur, olsa da, Nəriman kimi ləng olmur. “Ayaks”ın meydana buraxdığı 17 yaşlıdır gənc. Nəriman və digər yerli oyunçular ondan refleksin nə olduğunu öyrənsin, sonrasına baxarıq…

İdmançının psixoloji həssaslığı 1-2-3 oyun olar. Bərpa olunmursa, ya klub onu bu vəziyyətdən çıxara bilmir, ya da “qabında yoxdur”.

ÇL psixoloji həssaslıqdan çıxmaq üçün reabilitasiya meydanı deyil, ən hazırlıqlıların meydanda çıxdığı və nəticə üçün bacarıqlarını ortaya qoyduğu yerdir. Nərimanın builki ÇL oyunlarında ortaya nəsə qoyduğunu görmürük, üstəlik, rabitəsiz hərəkətlər, laqeyd “rolu” ilə əsəbləri gərir.

Bəllidir, bu işdə məqsədli və “hype” toplamaq üçün tənqid/tərif qondaranlar da var. Onları öz dünyalarında rahat buraxıb, ciddi söhbətə qayıdaq; yoldaşlar, “Qarabağ”ın, Qurbanovun, Nərimanın müdafiə edilməyinə nə ehtiyac var?! Məgər onlara qarayaxma, hücummu var?

Azarkeş – hirsini çıxardır.
Tənqid edən müəlliflər – olmalı olanı edir.

Kimsə sarsaq tərzdə danışırsa, özünü azarkeş kimi təqdim edib, “ağıl verirsə”, bu sarsaqların üzərindən niyə AZARKEŞLƏRİN üzərinə gedilir ki?

Ümumiyyətlə, siz niyə vurnuxursunuz? Nədir məğlubiyyətə görə tənqidlərin olmasına görə narahat olmağınızın səbəbi?!

“Neftçi” ilk dəfə Avropa Liqasının qrup mərhələsinə yüksələndə, “Qəbələ” iki dəfə bu nəticəni təkrarlayanda uğursuz nəticələrə uğrayarkən nə azarkeş, nə media sərt tənqid etməmişdi. Məntiq vardı: çünki bu yolda kövrək addımlarımız idi…

“Qarabağ” isə, təkrar qeyd edirəm, 12 ildir bu yolu gedir! Bu, postsovet ölkələri içində ən yaxşı nəticədir! Bilirsinizmi bu həm də nə boyda bir təcrübə deməkdir?

İndi bu boyda təcrübənin hesabda və oyunda üstün olduğu qarşılaşmada uduzması və bunun sırf əvəzetmələrdən sonra baş verməsi qıcıq yaratmasın?!

Qurbanovun, “…oyundan razı qaldım” ifadəsinin hər məğlubiyyətdən sonra işlənməsi ilk dəfə bu oyundan sonra emosiya partlayışına səbəb oldu. İnsanlar belə vəziyyətdə bu sözləri eşitmək istəmədi, reaksiya verdi. Və tam haqlıdılar.

Hər şeyin bir tərzi, əndazəsi var.

“Qarabağ”ın (və digər bir neçə klub da) oyunçuları mediaya qapadılıblar, şablon açıqlamalara da göz yumuruq; təki ən yaxşımız olan bu komanda elə də davam etsin, quru xəbər də yazsaq, bəsimizdir – deyirik, lakin bu qədər də yox.

2:1 üstün olduğun oyunda 15 dəqiqə ərzində 2:4 məğlub duruma düşmək, sonra, “oyundan razı qaldım” sözlərini eşitmək xoş deyil, güzəşti də yoxdur/olmamalıdır. Bunu uğurlarına görə büdrəmələrinə həlim yanaşdığımız “Qarabağ”ın (lazım olarsa) müdafiəsinə belə dəfələrlə qalxdığımızı xatırladaraq qeyd edirəm: bu dəfə müdafiəlik yer yox idi. Daha uğursuzluq olarkən, “Qarabağ” belə bir çempionatda oynayır ee, neyləsin ee” kimi arxaik bəraətlərə də yer yoxdur.

Elçin Cəlilov

“Qarabağ” Çempionlar Liqasının VI turunda Bakıda “Ayaks”a uduzub – 2:4.

Millinin sabiq məşqçisi Şahin Diniyev “Futbolpress.az“a açıqlamasında oyunu dəyərləndirdi:

“Hamı kimi məyusam. “Qarabağ” üçün yaxşı şans var idi. “Ayaks”ı keçmək olardı, amma alınmadı. Lakin məğlubiyyət o demək deyil ki, şanslar qalmayıb. Düzdür, bu oyunda qələbə olsaydı, indi fərqli şeylərdən danışardıq. “Ayaks”ın əsas oyunçuları olmasa da, gəncləri özlərini sübut etmək istəyirdi. “Ayaks”da oyunçuların kimliyinin fərqi yoxdur”.

Mütəxəssis “atlılar”ın son dəqiqələrdə üstünlüyü əldən verməsinə toxundu:

“Qarabağ” 70-80 dəqiqə yaxşı oynadı. Təəssüf ki, son dəqiqələrdə üstünlük əldən verildi. Təəssüflənirik, amma nəzərə alaq ki, “Qarabağ” yaxşı işlər görüb. Çempionlar Liqasında 7 xal toplamaq asan iş deyil. Həm də şanslar hələ də davam edir”.

Məğlubiyyətə görə ən çox tənqid edilən Nəriman Axundzadədir. İkinci hissədə meydana daxil olan, lakin oyuna qoşula bilməyən hücumçu ardıcıl top itkilərinə yol verdi. Diniyev Nərimanın oyunundan da söz açdı:

“Məğlubiyyətə səbəb əvəzetmə deyil. Belə olduğunu düşünmürəm. Sadəcə meydança ağır idi, “Qarabağ” da çox güc sərf etmişdi. “Ayaks”ın gənc heyəti var, onların dinamikliyi və sürəti artırması təzyiq yaratdı. “Qarabağ”ın belə yorğunluğu gözlənilən idi”.

Şahin Cəfərov

Azərbaycanın “Qarabağ”, “Zirə”, “Sabah” və “Araz-Naxçıvan” klublarının dünya reytinqindəki mövqeləri müəyyənləşib.

Arena.az xəbər verir ki, Beynəlxalq Futbol Tarixi və Statistikaları Federasiyası (İFFHS) bu gün klubların yeni dünya reytinqini açıqlayıb.

İFFHS-in cədvəlində planetin 502 ən yaxşı komandası yer alıb. Siyahıda Azərbaycanı 4 klub təmsil edib.

Hazırda 187,5 xalı olan “Qarabağ” yeni siyahıda 3 pillə geriləyib. Azərbaycan çempionu 65-ci sıradan 68-ci yerə düşüb.

Digər klublarımızdan “Sabah” (87,25 xal) 276-cı mövqedən 252-yə, “Zirə” (70,5 xal) 387-dən 360-a qalxıb. “Araz-Naxçıvan” 390-cı pillədən (57,75 xal) 486-cı yerədək geriləyib.

Dünya reytinqinə 585 xalı olan Fransa çempionu PSJ rəhbərlik edir. İspaniyanın “Real” klubu 511 xalla ikincidir. İlk üçlüyü İngiltərənin “Çelsi” klubu qapayır – 484 xal.

Reytinq siyahısının ilk 10 pilləsində qərarlaşmış komandaların siyahısını təqdim edirik:

1. PSJ (Fransa) – 585 xal
2. Real (Madrid, İspaniya) – 534 xal
3. Çelsi (İngiltərə) – 483 xal
4. İnter (Milan, İtaliya) – 453 xal
5. Bayern (Almaniya) – 437 xal
6. Barselona (İspaniya) – 404 xal
7. Arsenal (İngiltərə) – 401 xal
8. Flamenqo (Braziliya) – 400 xal
9. Palmeyras (Braziliya) – 378 xal
10. Borussiya (Dortmund, Almaniya) – 371 xal

Hər kəsin qələbə gözlədiyi anda gələn məğlubiyyət “Qarabağ“a turnir cədvəlində mövqe, həm də psixoloji olaraq neqativ təsirlərini göstərəcək. İki dəfə önə keçilməsinə baxmayaraq, son dəqiqələrdə ardıcıl qollar buraxmaq yaraşmadı.

Nəriman Axundzadənin oyuna daxil olması ilə dəyişən oyun, azalan pressinq, rəqibin ustalığı və s. bunlar ayrı mövzudur. Lakin matçın ilk hissəsində 2-3 ötürmə ilə “Qarabağ” qapısına yaxınlaşan “Ayaks” asan olmayacağını əvvəldən göstərmişdi.

İllərdir, “Qarabağ” üçün əvvəldən rahat hesab edilən oyunlar demək olar, məğlubiyyətlə başa çatıb. Bəlkə, 1-2 dəfə heç-heçə ola, ya yox. Bu il “Ferentsvaroş“a səfərdə iki fərqlə qalib gəldikdən sonra da Bakıda rahat nəticə proqnozlaşdırılırdı. Lakin bəlkə də, bu mövsümün ən çətin, dramatik oyunlarından biri macarlara qarşı evdə olmuşdu. 2:3 hesablı məğlubiyyət və Çempionlar Liqasına alınan çətin bilet.

Bu dəfə isə “Ayaks“. Ağır mövsüm keçirən, liqada liderdən uzaq düşən, Çempionlar Liqasında xal qazana bilməyən amsterdamlılar “Qarabağ“ın rəqibləri arasında bəlkə də, ən rahatı hesab edilirdi. Baş məşqçi postu da müvəqqəti birinə tapşırılan “narıncılar”ın burda qələbə qazanmasına inanan kəsim çox az idi. Hər kəs qələbəyə köklənmiş, pley-off yolu gözləyirdi… Lakin keçmişə baxsaq, “Qarabağ”ın yaxşı futbolu, yaxşı nəticələri məhz favorit olmadığı, meydana rahat çıxdığı matçlarda olub. 

Niderland klubuna oyunun taleyini həll etmək üçün 10 dəqiqə kifayət etdi. Əvvəlcə bərabərlik qolunu vurdular, daha sonra əks-hücumlardan fərqləndilər. Bakıda “Çelsi“dən xal al, “Ayaks”a uduz… Səfərdə “Benfika”dan üç xal al, Bakıda “Ayaks”a uduz… Belə bir məqamda motivasiya məsələsi də üzə çıxır. Oyunçular çox arxayın idimi? Nəyin rahatlığı, nəyin gətirdiyi qələbə gözləntisi idi?

Nərimanın oyuna daxil olması ilə hücumda problemlər artdı. Amma əvəzləməyə qədər qaçırılan şansları kimə yazmaq olar? Zubirin real epizodda ləng qərar verməsi, bundan öncə bir dəfə təkbətəki vura bilməməsi və s. Tək Zubirlə deyil, rəqibin ikinci qoluna qədər kifayət qədər epizodlar qaçırıldı. Çempionlar Liqası “nəhənglər”in yeridir. Sən 10 epizod qaçır, onlar birində səni cəzalandırar. Məhz belə də oldu, “Qarabağ” nizamlı qurulan hücumlardan fərqlənə bilmədi, “Ayaks” kortəbii futbol və son dəqiqələrdəki əks-hücumlar hesabına Bakıdan üç xalla döndü və pley-off ümidlərini saxladı.

Bizim ümidimiz? Var, amma daha çətindir. Almaniyanın “Ayntraxt” (Frankfurt) klubuna qalib gəlmək, səfərdə “Liverpul”dan azı bir xal almaq müşkül məsələyə oxşayır.

Şahin Cəfərov

“Sofascore” portalı Çempionlar Liqasının “Qarabağ” – “Ayaks” oyununda futbolçuların performanslarını qiymətləndirib.

Futbolpress.az xəbər verir ki, görüşün ən yaxşısı 9.6 balla niderlandlıların yarımmüdafiəçi Oskar Qlux olub. “Ayaks”da cinah müdafiəçisi Anton Qae də 8 balla ikinci ən yaxşı futbolçu kimi dəyərləndirilib.

“Qarabağ“ın heyətində ən yüksək balı alan Mateus Silvadır. Komandanın ikinci qolunu vuran cinah oyunçusunun çıxışı 7.6 balla dəyərləndirilib. Start heyətdə meydana çıxanlarda ən zəifləri isə Elvin Cəfərquliyev və Bəhlul Mustafazadə olub – 6.1 bal.

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.

Futbolpress.az xəbər verir ki, “Qarabağ” 3 pillə geriləyərək, 68-ci sırada qərarlaşıb. Azərbaycan çempionunun aktivində 187.5 xal var.

Ötən siyahıda 276-cı olan “Sabah” irəliləyib. “Bayquşlar” 87.25 xalla bu dəfə 252-ci pillədə qərarlaşıb.

“Zirə” 70.5 xalla 360-cıdır. “Qartallar” ötən siyahı ilə müqayisədə 27 pillə irəliləyib.

“Araz-Naxçıvan” 57.75 xalla 486-cıdır. Naxçıvan təmsilçisi ötən siyahı ilə müqayisədə 96 sıra geriləyib.

Reytinqə 585 xalla PSJ başçılıq edir.

UEFA Çempionlar Liqasında VI turun oyunlarından sonra həftənin ən yaxşı futbolçusu adına namizədlər açıqlanıb.

Futbolpress.az xəbər verir ki, “Qarabağ“la oyunda iki qol vuran “Ayaks”ın futbolçusu Oskar Qlux namizədlər arasında yer alıb. Digər iddiaçılar “Atalanta”dan De Ketelare, “Arsenal”dan Nodi Madueke və “Barselona”dan Jül Kundedir.

Qalib UEFA-nın saytında keçirilən sorğu nəticəsində müəyyənləşəcək.

UEFA Çempionlar Liqasında VI turun oyunları baş tutub.

Futbolpress.az xəbər verir ki, matçlardan sonra turnir cədvəlində komandaların yerləri məlum olub.

Bakıda “Ayaks”a uduzan “Qarabağ” 7 xalla 22-ci sıradadır. Azərbaycan təmsilçisi oyundan öncə 19-cu sırada qərarlaşmışdı.

Turnir cədvəlinə 18 xalla “Arsenal” başçılıq edir.

Milyard il də olsa, Qurban Qurbanovu qınayanlardan müdafiə edərəm, amma cəmi iki məsələyə görə yox:

•⁠ ⁠Uduzduğumuz oyundan “razı qalması”
•⁠ ⁠⁠Bəzən hansısa futbolçunun lehinə inad etməsi

İllərdir Qurban müəllimi detallı izləyirəm, araşdırıram. Onda bu iki məsələdə inadkarlıq heç yaxşı hal deyil.

İlk dəfədir bunu qeyd edirəm, əvvəllər onun əziz xətrinə görə toxunmurdum.

Qurbanov nadir şəxsiyyətdir ki, Azərbaycan futboluna XİDMƏT edib. O, bizimçün mənəvi anlamda toxunulmazdır. Ondan öyrənməliyik və yeni-yeni ideyalarının gerçəkləşməsinə/icrasına meydan verməliyik.

Ancaq bütün bu pozitivlərin ucaltdığı bu şəxsiyyətin tənqid olunmalı məqamını da artıq qeyd etmək VACİBDİR.

Bəzən legionerə, bəzən yerli oyunçuya görə – inad edib, ona inanılmaz dərəcədə dəstək verib, şans tanıyıb. Olan olub, keçən keçib – lakin indi biz yüksəlişdə/öyrənməkdə olan “Qarabağ”dan deyil, 12 ildir sərasər avrokuboklarda çıxış edən klubdan danışırıqsa, artıq baxış bucağında dəyişikliyə ehtiyac var.

***

“Qarabağ” klub olaraq cari ÇL mövsümünə xəsis yanaşdı. Xəsis deyilsə, onda qeyri-ciddi…

Belə olmur…

***

Nəriman dünya futbol təfəkkürünə görə gənc sayılmır. Bu yaşda futbolçu ustalığa namizəd/usta olur. Ancaq bu növcavan hər formada göstərir ki, ona ümid bəsləmək əbəsdir.

Gəncdir, hələ öyrənəcək?! Artıracaqsa belə, bu eksperiment “Qarabağ”da olmamalıdır.

Andrade kimi top saxlama, müdafiə-hücum fazasında dinamik balans yaratma, pressinq kimi keyfiyyətləri olan futbolçunu çıxarıb, yerinə Nərimanı salmaq irəlidə olduğumuz oyunu uduzmağa səbəb olan əsas qərar idi.

Nəriman pressinqdə yoxdur, top qəbulunda həvəskar səhvlər edir, meydanda yerini belə doğru təyin edə bilmir.

Və bu oyunçu iki ildir ki belədir…

“Çelsi” ilə dominant oynayarkən əvəzetmələrdən sonra “sındıq” və qələbəni əldən verdik, “Ayaks”a qarşı da hərtərəfli üstünlük yaratmışkən edilən əvəzetmələr bizdə eniş, rəqibdə yüksəliş yaradırsa… barı oyundan “razı qalmayaq”, Qurban müəllim.

Elçin Cəlilov

Çempionlar Liqasının VI turunda keçirilən “Qarabağ” – “Ayaks” oyununun ən yaxşı futbolçusu açıqlanıb.

Futbolpress.az xəbər verir ki, bu, Amsterdam klubunun yarımmüdafiəçisi Oskar Qluxdur. O, 4:2 hesabıyla qələbə qazandıqları oyunda iki qol vurub.

Oskar UEFA-nın saytına açıqlamasında matçla bağlı bunları deyib:

“Sevincimi izah etmək çətindir. Həyəcanlı gecə oldu. Bakıya gəldiyimiz andan hazırlıq çox yaxşı idi və bunun bəhrəsini matçda gördük. Görüşə diktə etdik. Rəqib erkən qolla hesabı açdı. Amma performansımız yaxşı oldu. “Qarabağ” iki dəfə önə keçsə də, geridönüş edəcəyimizə inanırdıq. Yekunda bunu bacardıq. Qələbəyə dair güclü inamla bura gəlmişdik. Hələ iki oyunumuz qalır, onları da qələbə ilə bitirmək istəyirik”.

“Qarabağ”ın baş məşqçisi Qurban Qurbanov UEFA Çempionlar Liqasının Liqa mərhələsinin 6-cı turunda “Ayaks”a qarşı keçirdikləri oyunu şərh edib.

Arena.az xəbər verir ki, sözügedən komandaların bu gün Bakıda baş tutmuş oyununda Azərbaycan çempionu 2:4 hesablı məğlubiyyətə üzülüb.

Qurban Qurbanov matçdan sonra təşkil edilmiş mətbuat konfransında bunları söyləyib:

“Rəqibi təbrik edirəm. Oyundan sonra baş məşqçiləri öz oyunçuları tərəfə getdi, onu təbrik edə bilmədim. Görüşsəydik, daha yaxşı olardı. Matça gəldikdə, futbolçularımdan razı qaldım. Son illərdə belə dinamik, sürətli oyun, bu qədər bolqollu qarşılaşma nadir hallarda olurdu. Bu cür komandalar səhvləri bağışlamır, epizodlardan istifadə edirlər. Bura Çempionlar Liqasıdır. Burada istənilən nəticəni gözləmək lazımdır. Elə də oldu. Sanki “Ayaks” əvvəlki 5 oyunda bacarmadığını bu gün bacardı. Bu komanda əvvəlki oyunlarda uduzsa da, istənilən rəqibdən üstün futbol oynayıb. Bunu demişdim. Biz meydançada döyüşərək uduzduq. Azarkeşlər də, biz də bərabərlik haqda düşünmürdük, qələbə istəyirdik. Futbolçulara da bu ruhu vermişdik. Ona görə oyunçularımız hücumda çoxluq təşkil etməyə çalışırdılar. Azarkeşlərə təşəkkür edirəm. Futbol bayramı idi. Sadəcə, qələbə çatışmadı. Bizə güvəndilər. Çalışdıq ki, güvənlərini itirməyək. Futboldur, belə nəticələrə hazır olmaq lazımdır. Məncə, hamı oyundan həzz aldı, sadəcə nəticə fərqli oldu.

Qalib gəlmək istəyiriksə, necə hazırlaşmışıqsa, o sistemi sonadək saxlamalıyıq. Belə böyük oyunlarda futbolçularıma bildirmişəm ki, sona qədər oynamalıyıq. Qol vurduq, müdafiədən oynayaq söhbəti olmamalıdır. “Ayaks” topla yaxşı davransa da, risklərə gedirdik. Qol epizodlarını saysan, bəlkə bizdə daha çox idi. Nədən razı qaldım? Dünən hazırlaşmışdıq ki, hansı hücumları edəcəyik. Xeyli hücumlarımız oldu”.

Qurban Qurbanov onların çıxışından razı qalmayıb

Qurban Qurbanov bəzi oyunçuları, xüsusilə də sonradan meydana çıxanları tənqid edib:

“Buraxdığımız birinci və ikinci qol uzaqdan vurulan qollar idi. Orada bir az diqqətsizlik oldu. Digərlərini əks-hücumdan buraxdıq. Orada rəqibin ustalığı önə çıxdı. Hücuma çıxanda, sonda qol buraxırıq. Elvin Cəfərquliyev daha diqqətli olmalı idi. Sağ və sol müdafiəçilərimizin üstün tərəfidir ki, hər ikisi hücumda aktiv çıxış etsin. Qapımızda qollar gördük, oyunun sonları idi, bəlkə onlarda yorğunluq var idi. O epizodlarda sürətdə uduzduq.

Sonradan meydana buraxdığımız oyunçulardan tam razı qalmadım. Yağışlı hava idi, meydana sonradan daxil olmaq çətin idi. Sürəti artırmaq istəyirdik. Aleksey Kaşuk, Nəriman Axundzadə daha dəqiq olsaydı, fərqli nəticə olardı. İlk dəfə deyil ki, belə addımlar atmışıq. Sadəcə, bu dəfə alınmadı.

Təəssüf ki, Nərimanla bağlı çoxlu müzakirələr gedir. Mən özüm bilmirəm onun haqqında nə deyim. Hansısa fikir bildirsəm, bəlkə azarkeşə qarşı çıxmış olaram. Daha yaxşı oynaya bilərdi. Dəfələrlə futbolçularımın yanında olduğumu demişəm. İndi də eləcə. Kamilo Duran nə qədər sprint etdi, güc sərf etdi. Yorulmuşdu. Nəriman daha yaxşı oynaya bilərdi. Tək o yox, sonradan meydana çıxanların hər biri. Oyuna kənardan baxıb həzz alırdım. 90 dəqiqə dinamika var idi. Son vaxtlar çox oyuna baxmışdıq, analiz etmişdik ÇL matçlarını. Bəlkə də 3 ən yaxşı oyunlardan biridir. Hər iki komanda cəsarətli oynadı, xeyli sayda qol epizoduna girdi. Məğlub olduq. Deyəcək bir şey yoxdur”.

Qurban Qurbanov komandasının ÇL-in pley-offuna vəsiqə qazanmaq şanslarını da dəyərləndirib:

“Futbolçular üzgün idilər. Hamımız istəyirdik ki, şansdan maksimum istifadə edək. Meydanda icraçılar onlardılar. Çox çalışdılar. İndi də patlardəyişmə otağında gördüm ki, çox kefsizdirlər. Vaxtımız olacaq ki, onları yenidən geri qaytaraq. Hansısa matçlarda qalib gəlmişiksə, yenə də bunu edə bilərik. Pley-off şansımız varsa, maksimum istifadə edəcəyik”.

“Bu, Azərbaycan futbolunun yaralı yeridir”

Qurban Qurbanov “Qarabağ”ın U-19 komandasının UEFA Gənclər Liqasında keçirdiyi oyunların hamısında uduzmasına, xüsusilə də böyük hesablarla məğlub olmasına belə reaksiya verib:

“Bu, bizim Azərbaycan futbolunun yaralı yeridir. U-19 komandamızla fərq bu qədər hiss olunursa, 4-5 il sonra bu səviyyədə oyunlarda hansı səviyyədə olacağıq? Bu, bizim üçün böyük təhlükədir. Bəlkə kənardan vuruşmağımız, nəticələrimiz bizi aldadır. Amma gələcəyə baxsaq, fərq böyüyə-böyüyə gedir. 4-5 ildən sonra necə olacaq, bilmirəm. Biz mütləq “Qarabağ” olaraq, şəraitimizi yaxşılaşdırmalıyıq, daha diqqətli olmalıyıq. Bizim U-19 komandamızın əksər oyunçuları cavanlar idi, 17-18 yaşları vardı. İlk dəfə idi belə turnirdə oynayırdılar. Amma bu cür klubların futbolçuları beynəlxalq turnirlərdə oynayıb, böyüyə-böyüyə oynayırlar. Onlar 17 yaşından bu cür turnirlərdə iştirak edirlər. Onların şəraitləri danışılası deyil. Avropa futbolu, gənc, uşaq futbolu dedikdə, ilk ağla gələn “Ayaks”dır. Bu klubun şəraiti bizim bəlkə də Azərbaycan futbolunun şəraitindən daha üstündür. Bir neçə klubda olmuşam, akademiyalarına baxmışam. “Barselona”nın, “Çelsi”nin, “Borussiya”nın. Yan-yana qoyulası deyil. Çalışıb əziyyət çəkməli, pozitiv yanaşmalı, inamla baxmalıyıq gələcəyə. Fərq çox böyükdür”.

“Ayaks”ın baş məşqçisi Fred Qrim UEFA Çempionlar Liqasının Liqa mərhələsinin 6-cı turunda “Qarabağ”a qarşı keçirdikləri oyunu şərh edib.

Arena.az xəbər verir ki, sözügedən komandaların bu gün Bakıda baş tutmuş oyununda Niderland nəhəngi 4:2 hesablı əzmkar qələbəyə sevinib.

Fred Qrim matçdan sonra təşkil edilmiş mətbuat konfransında bunları söyləyib:

“Çox gözəl oyun oldu. “Qarabağ”ın qolları da keyfiyyətli oldu. Onların da çox şansı var idi ki, qollar vursunlar. Fasilədən sonra daha yaxşı oynamağa çalışdıq. Hesabda geri olanda, yenidən qol vurmaq mental cəhətdən də çətin idi. Amma bunu etməyi bacardıq.

Formatdan da çox şey asılı idi. Bu oyunda bundan istifadə etdik. İstədiyimiz oyunu göstərə bilərdik. Daha yaxşı ola bilərdik. Addım-addım daha yaxşı olacağıq.

“Qarabağ” da çox yaxşı oynayırdı. Bu səviyyədə oyunlarda çox kiçik səhvlərin çox böyük nəticəsi ola bilər. Futbolçularımız sürüşkən otun üstündə yıxılırdılar. Yəqin, “Qarabağ” bu ot örtüyünə öyrəşib, amma bizim üçün çətin idi. Amma bu qələbədən sonra özgüvənimiz artacaq. İstəyirik ki, bu nəticənin davamını gətirək.

İlk qələbəni çox böyük sevinclə qeyd etdik. Xüsusilə də fanatlarla bunu yaxşı qeyd etdik. Onlar bizə böyük dəstək oldular. İnanılmaz dərəcədə sevincliyik”.

“Qarabağ”ın baş məşqçisi Qurban Qurbanov Çempionlar Liqasının VI turunda “Ayaks”a uduzduqları görüşdən (2:4) sonra jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirdi…

– Rəqibi təbrik etmək istəyirəm. Oyunsonrası baş məşqçiləri öz oyunçuları tərəfə getdi, görüşə bilmədik. Oyuna gəlincə, futbolçulardan razı qaldım. Son dönəmlərdə belə dinamik, sürətli oyun nadir hallarda olur. Sadəcə bu cür komandalar səhvləri bağışlamır və əllərinə düşən imkanları maksimum dəyərləndirirlər. Bura Çempionlar Liqasıdır, istənilən nəticəni gözləmək lazımdır. “Ayaks”da əvvəlki oyunlarda alınmayanlar bu oyunda alındı. Bundan öncə məğlub olmalarına baxmayaraq, yaxşı oynamışdılar. Hər bir halda, futbolçulardan razı qaldım. Döyüşərək məğlub olduq. Bu gün bərabərlik haqda düşünmürdük. Futbolçular qələbə ruhunu vermişdi. Sona kimi hücumda daha çox olduq. Azarkeşlərimizə də təşəkkür edirəm. Bu gün futbol bayramı idi, sadəcə qələbə çatmadı.

– Qələbə istəyirdiz və öndə olduğunuz anlarda əks-hücumlardan qol buraxdınız…
– Hazırlığımız necədirsə, sona kimi saxlamaq istəyirik. Belə böyük oyunlarda gücümüzü sona qədər sınamalıyıq. Qol vurandan sonra geri çəkilmək düzgün olmazdı. “Ayaks” topla çox yaxşı davranmağı bacarır. Riskə getdik, rəqibə pressinq etdik. Bizim qol epizodlarımız daha çox olub. Nədən razı qaldım? Demək olar, bir günün içində oyuna hazırlaşdıq. Rəqibə uyğun hazırlıqlarımız oldu.

– “Bu cür komandalar səhvləri bağışlamır” dediniz. Hansı səhvləri nəzərdə tutursunuz?
– İlk iki qol uzaqdan vurulan zərbələr idi. Diqqətsizlik yaranmışdı. 3 və 4-cü qol da əks-hücumda yaxalandıq. Hücuma çıxanda toplar itirdik. Oyunun sonlarında Elvin Cəfərquliyev sol cinahda daha diqqətli olmalı idi. Bizim cinah müdafiəçilərimiz hücumda daha aktiv çıxış edir. Sona yaxın futbolçularda yorğunluq var idi. Bəlkə də, həmin epizodlarda sürətdə uduzduq.

– Oyunun qırılma anı Zubirin 2:1 öndə olduğunuz anda yaxşı imkanı qaçırması idi?
– Çoxlu şanslarımız oldu. Saymaq olar, amma artıq gecdir. Qırılma anı demək üçün gecdir. Epizodlardan rəqib daha yaxşı istifadə etdi.

– Oyuna sonradan daxil olanlardan razı qaldınız? Xüsusilə, Nəriman…
– Tam razı qaldım deməzdim. Daha yaxşı oynaya bilərdilər. Sürəti artırmaq istəyirdik. Dəqiq olsaydılar, məncə, fərqli olardı. İlk dəfə deyil, bu baş verir. Bu gün alınmadı.

– Nərimanın oyunu ilə bağlı narazılıq var. Azarkeşlər deyir ki, o oyuna daxil olandan sonra hücumda ləngimələr olur.
– Nərimanla bağlı nə qədər vaxtdır, müzakirələr gedir. Özüm bilmirəm Nəriman haqda nə deyim. Nəsə fikir bildirsəm, azarkeşə qarşı çıxmış olaram. Nəriman daha yaxşı oynaya bilərdi. Dəfələrlə futbolçularımın yanında olmuşam, bu gün də. Oyunun əvvəlindən çox güc sərf etdik. Azarkeşlərin narazılığı ilə bağlı hansısa fikir bildirmək istəmirəm. Sadəcə Nəriman daha yaxşı oynaya bilərdi.

– Hava şəraiti oyuna necə təsir etdi?
– Ağır idi. Amma indi nəsə fikir bildirsəm, düzgün çıxmaz. Oyun bitib. Hər iki komanda üçün şərtlər eyni idi. Avropadan gələn komandalar ilboyu bu rejimdə, tempdə oynayırlar. Bu gün çox istəkli olmağımız bəlkə də, bizi yordu. Oyuna kənardan baxanda həzz alırdım. 90 dəqiqə dayanma, ləngimə oldu. Meydanda sürət, mübarizə var idi. Bugünkü matç son dönəmlərin ən yaxşı üç oyunundan biri idi. Xeyli sayda qol epizodları, qollar oldu.

– “Ayntraxt”la oyundan öncə çempionatda bir aylıq fasilə olacaq. Amma Almaniyada liqa davam edəcək. Bu, komandaya mənfi təsir edə bilər?
– Olar. Çünki onlar daha hazır olacaqlar. Hər bir halda, başqa yolumuz yoxdur, maksimum çalışmalıyıq. Bəzi yoldaşlıq oyunları keçirməyi planlaşdırırıq. Qarşıda çempionat matçlarımız var. Köklənmək psixoloji baxımdan asan olmayacaq.

– Pley-off şanslarınızı necə dəyərləndirirsiniz?
– Futbolçular məğlubiyyətə görə məyusdur. Onlar da şansdan maksimum istifadə etməyə çalışdılar. Paltardəyişmə otağında da kefsiz olduqlarını gördük. Onları qaytarmaq üçün vaxtımız olacaq. Şansımız varsa, maksimum istifadə etməyə çalışacağıq.

– U-19 komandası Gənclər Liqasında 6 oyuna xal toplaya bilmədi və böyükhesabla uduzdu. Bu haqda fikirlərinizi bilmək istəyirdim. O kollektivdən hansısa oyunçunun əsas komandaya gəlmək ehtimalı var?
– Azərbaycan futbolunun yaralı yeridir. Bu gün 19 yaşlılarımızda fərq bu qədər hiss olunursa, 4-5 il sonra bu komanda hansı səviyyədə olacaq, maraqlıdır. Bu, bizim üçün böyük təhlükədir. Bəlkə, kənardan nəticələrimiz, vuruşmağımız bizi aldadır. Gələcəyə baxsaq, futbolumuzdakı fərqlər böyüyə-böyüyə gedir. Sonu necə olacaq, bilmirəm. “Qarabağ” olaraq mütləq şəraitimizi yaxşılaşdırmalı, daha diqqətli olmalıyıq. Həm də 19 yaşlılarımızın çox 17, 18 yaşlı oyunçular idi, ilk dəfədir belə turnirdə iştirak edirlər. Rəqiblər böyüyə-böyüyə gəlirlər. Bu gün biz Çempionlar Liqasında oynayırıqsa, onlar 17 yaşlarından başlayır belə turnirlərdə oynamağa. Onların şəraitindən isə danışmağa dəyməz. Avropada uşaq futbolu deyəndə ağıla gələn ilk komanda “Ayaks”dır. Onların şəraitindən danışılası deyil. Onların şəraiti Azərbaycan futbolunun şəraitindən üstündür. Özüm də bir neçə klubda, akademiyada olmuşam. Onlarla biz yan-yana qoyulası deyilik. Fərq çox böyükdür.

– Azərbaycanda futbolunda üzdə olan əsas iki simadan birisiniz. Gələcəyə ümid yoxdur?
– Ümidsiz olacağıqsa, futboldan uzaqlaşmalıyıq. Çalışıb, onlarla ayaqlaşmalıyıq. Bu gün klub olaraq onlara qarşı mübarizə apara bilirik. Elə səviyyədə olan komandalardır ki… Bu gün futbol elə səviyyədədir ki, istənilən komanda digərinə qalib gəlmək gücündədir. Finallarda belə böyükhesablı nəticələr olur. Çox geridə qalmışıq. Onlar gələcəyə böyük yatırımlar edirlər. Hər bir halda, pozitiv olmalıyıq.

Şahin Cəfərov

“Ayaks”ın baş məşqçisi Fred Qrim Çempionlar Liqasında “Qarabağ”a qalib gəldikləri oyundan (4:2) sonra jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə matçla bağlı fikirlərini bölüşdü…

– Maraqlı oyun alındı. Məncə, “Qarabağ”ın da qollarının keyfiyyəti yaxşı idi. Böyük şansları oldu ki, önə keçsinlər. Fasilədən sonra daha yaxşı oynamağa çalışdıq. 1:2 geridə olanda yenidən qol vurmaq çətin idi. Amma sonda bunu bacardıq.

– Nəhayət, xal qazandınız. Sizcə, qələbəni gətirən əsas amil nə idi?
– Əsas məsələ necə oynamağımızdan, taktikamızdan ibarət idi. Düzdür, daha yaxşı ola bilərdik. Oyun çətin keçdi, amma istədiyimiz nəticəni qazandıq.

– Çempionlar Liqasıında geridönüşünüz olmuşdu?
– Buna sevinirəm. Belə oyundan qələbə ilə ayrılmaq kifayət qədər yaxşıdır. Nəticədən məmnunam. Belə oyunlarda xırda detallar həlledici olur.

– Futbolçularınız çox sürüşürdü. Amma “Qarabağ”ın oyunçuları yox.
– Bəli, ola bilər, “Qarabağ” belə ot örtüyündə oynamağa öyrəşib. Bizim üçün çətin oldu.

– “Feyenoord”la matç üçün özünəinamınız artacaq?
– Bəli. İstəyirik ki, qələbə seriyamızı davam etdirək.

– Paltardəyişmə otağında ilk qələbəni necə qeyd etdiniz?
– Böyük sevinc var idi. Azarkeşlərimiz də böyük dəstək göstərdi. İnanılmaz hisslər yaşayırıq.

– Meydana çıxan gəncləriniz haqda nə düşünürsünüz?
– Pis oynamadılar. Aaron da özünü yaxşı göstərdi. Gənc olmalarına baxmayaraq, bu cür səviyyəyə hazır olduqlarını göstərdilər.

– İlk qələbə münasibətilə təbrik edirəm. Son 10 dəqiqədə 3 qol vurdunuz. Həmin an “Qarabağ”ı nədə üstələdiniz?
– Məncə, ilk növbədə komandanın yaxşı təşkil olunması vacib məqam idi. “Qarabağ”ın güclü tərəflərini də, axsaq tərəflərini də bilirdik.

Şahin Cəfərov

Futbol üzrə Azərbaycan çempionu “Qarabağ” bu gün UEFA Çempionlar Liqasının (ÇL) Liqa mərhələsində növbəti oyununa çıxıb.

Arena.az xəbər verir ki, Azərbaycan çempionu əsas mərhələnin 6-cı turu çərçivəsində Niderland nəhəngi “Ayaks”la üz-üzə gəlib.

Sözügedən komandalar arasındakı oyun Bakıdakı Tofiq Bəhramov adına Respublika stadionunda baş tutub. Görüşü Sloveniyadan olan hakimlər briqadası idarə edib. Matçın baş hakimi FIFA referisi Rade Obrenoviç olub.

Qurban Qurbanovun kollektivi qitənin ən nüfuzlu klub turnirinin əsas mərhələsində uğurlu çıxışı ilə diqqət mərkəzindəydi. Ağdam klubu əvvəlki 5 oyunda 2 qələbə, 1 heç-heçə və 2 məğlubiyyətlə üzləşmişdi.

“Ayaks” isə ÇL-in Liqa mərhələsində keçirdiyi 5 oyunun hamısında məğlubiyyətə üzülmüşdü. Niderland nəhəngi bu oyundan öncə xal qazanmamış yeganə komanda idi və 36-cı sırada qərarlaşmışdı. “Qarabağ” isə 7 xalla 20-ci idi.

Altı qolun qeydə alındığı bu oyuna Ağdam təmsilçisi daha yaxşı başlayıb və iki dəfə hesabda önə keçib. Amma matçın sonlarında fəallaşan “Ayaks” yekunda əzmkar qələbəyə sevinməklə “Qarabağ”ın xal hesabını artırmasına imkan verməyib.

UEFA Çempionlar Liqası
Liqa mərhələsi, 6-cı tur
10 dekabr

“Qarabağ” – “Ayaks” 2:4
Qollar: Kamilo Duran, 10. Mateus Silva, 47 – Kasper Dolberq, 39. Oskar Qlux, 79; 90. Anton Qaey, 83.
Hakimlər: Rade Obrenoviç, Yure Praprotnik, Qreqa Kordej, Mateo Tozan (Sloveniya).
VAR: Matey Yuq (Sloveniya).
AVAR: Alen Borosak (Sloveniya).
Bakı. Tofiq Bəhramov adına Respublika stadionu. Saat 21:45.

Qarabağ: 99. Mateuş Koxalski, 2. Mateus Silva, 8. Marko Yankoviç, 10. Abdullah Zubir (k), 11. Emmanuel Addai, 13. Bəhlul Mustafazadə, 15. Leandro Andrade, 17. Kamilo Duran, 35. Pedro Bikalyo, 44. Elvin Cəfərquliyev, 81. Kevin Medina.
Ehtiyat oyunçular: 1. Şahruddin Məhəmmədəliyev, 97. Fabiyan Buntiç, 3. Sami Mmae, 6. Kris Kuaku, 7. Nəriman Axundzadə, 9. Xoni Montiel, 18. Dani Bolt, 21. Aleksey Kaşuk, 22. Musa Qurbanlı, 27. Toral Bayramov, 55. Bədavi Hüseynov.
Baş məşqçi: Qurban Qurbanov.

Ayaks: 1. Viteslav Yaroş, 2. Lukas Roşa, 3. Anton Qaey, 4. Ko İtakura, 7. Raul Moro, 9. Kasper Dolberq, 10. Oskar Qlux, 15. Yuri Baas (k), 30. Aaron Bauman, 24. Yorti Mokio, 48. Sean Steur.
Ehtiyat oyunçular: 12. Yoeri Herkens, 22. Remko Pasveer, 5. Ouen Veyndal, 6. Yuri Reger, 11. Mika Qodts, 17. Oliver Edvardsen, 18. Davi Klaassen, 19. Don Konadu, 21. Van den Bomen, 28. Kian Fits-Jim, 43. Rayan Bunida, 53. Van de Lans.
Baş məşqçi: Fred Qrim.

UEFA Çempionlar Liqasının Liqa mərhələsinin 6-cı turu çərçivəsində keçiriləcək “Qarabağ” – “Ayaks” matçının start heyətləri müəyyənləşib.

Arena.az xəbər verir ki, sözügedən komandalar arasındakı oyun bu gün Bakıdakı Tofiq Bəhramov adına Respublika stadionunda baş tutacaq.

Görüşü Sloveniyadan olan hakimlər briqadası idarə edəcək. Matçın baş hakimi FIFA referisi Rade Obrenoviç olacaq.

UEFA Çempionlar Liqası
Liqa mərhələsi, 6-cı tur
10 dekabr

“Qarabağ” – “Ayaks”
Hakimlər: Rade Obrenoviç, Yure Praprotnik, Qreqa Kordej, Mateo Tozan (Sloveniya).
VAR: Matey Yuq (Sloveniya).
AVAR: Alen Borosak (Sloveniya).
Bakı. Tofiq Bəhramov adına Respublika stadionu. Saat 21:45.

Qarabağ: 99. Mateuş Koxalski, 2. Mateus Silva, 8. Marko Yankoviç, 10. Abdullah Zubir (k), 11. Emmanuel Addai, 13. Bəhlul Mustafazadə, 15. Leandro Andrade, 17. Kamilo Duran, 35. Pedro Bikalyo, 44. Elvin Cəfərquliyev, 81. Kevin Medina.
Ehtiyat oyunçular: 1. Şahruddin Məhəmmədəliyev, 97. Fabiyan Buntiç, 3. Sami Mmae, 6. Kris Kuaku, 7. Nəriman Axundzadə, 9. Xoni Montiel, 18. Dani Bolt, 21. Aleksey Kaşuk, 22. Musa Qurbanlı, 27. Toral Bayramov, 55. Bədavi Hüseynov.
Baş məşqçi: Qurban Qurbanov.

Ayaks: 1. Viteslav Yaroş, 2. Lukas Roşa, 3. Anton Qaey, 4. Ko İtakura, 7. Raul Moro, 9. Kasper Dolberq, 10. Oskar Qloux, 15. Yuri Baas (k), 30. Aaron Bauman, 24. Yorti Mokio, 48. Sean Steur.
Ehtiyat oyunçular: 12. Yoeri Herkens, 22. Remko Pasveer, 5. Ouen Veyndal, 6. Yuri Reger, 11. Mika Qodts, 17. Oliver Edvardsen, 18. Davi Klaassen, 19. Don Konadu, 21. Van den Bomen, 28. Kian Fits-Jim, 43. Rayan Bunida, 53. Van de Lans.
Baş məşqçi: Fred Qrim.

“Qarabağ”ın U-19 komandası UEFA Gənclər Liqasının 2025/2026 mövsümünün əsas mərhələsində bu gün sonuncu oyununa çıxıb.

Arena.az xəbər verir ki, Rəşad Sadiqovun baş məşqçisi olduğu kollektiv Bakıda Niderland təmsilçisi “Ayaks”ın müvafiq yaş qrupundan ibarət komandası ilə üz-üzə gəlib.

Görüş “Azərsun Arena”da baş tutub. Əsas mərhələnin 6-cı turunun matçını macarıstanlı FIFA referisi Marton Ruş idarə edib. Görüş Azərbaycan təmsilçisi üçün uğursuz alınıb. Ağdam klubu yekunda 0:8 hesablı məğlubiyyətə üzülüb.

Qeyd edək ki, əvvəlki oyunlarının hamısında məğlub olmuş “Qarabağ”ın U-19 komandası yarışı sonuncu – 35-ci pillədə başa vurub. Norveçin “Bodo Qlimt” və İngiltərənin “Nyukasl” komandaları da hazırda xalsızdırlar. Lakin onlar hələ son oyunlarını keçirməyiblər.

“Qarabağ”ın U-19 komandası UEFA Gənclər Liqasının 2025/2026 mövsümünün əsas mərhələsində bu gün sonuncu oyununa çıxacaq.

Arena.az xəbər verir ki, Rəşad Sadiqovun baş məşqçisi olduğu kollektiv Bakıda Niderland təmsilçisi “Ayaks”ın müvafiq yaş qrupundan ibarət komandası ilə üz-üzə gələcək.

Görüş “Azərsun Arena”da baş tutacaq. Oyuna saat 14:00-da start veriləcək. Əsas mərhələnin 6-cı turunun matçını macarıstanlı FIFA referisi Marton Ruş idarə edəcək.

Qeyd edək ki, əvvəlki beş qarşılaşmanın hamısında məğlub olmuş “Qarabağ”ın U-19 komandası hazırda yarış cədvəlinin 35-ci pilləsində qərarlaşıb. “Ayaks” isə 7 xalla 22-cidir.

Futbol üzrə Azərbaycan çempionu “Qarabağ” bu gün UEFA Çempionlar Liqasının (ÇL) Liqa mərhələsində növbəti oyununa çıxacaq.

Arena.az xəbər verir ki, Azərbaycan çempionu əsas mərhələnin 6-cı turu çərçivəsində Niderland nəhəngi “Ayaks”la üz-üzə gələcək.

Sözügedən komandalar arasındakı oyun Bakıdakı Tofiq Bəhramov adına Respublika stadionunda baş tutacaq. Görüşü Sloveniyadan olan hakimlər briqadası idarə edəcək. Matçın baş hakimi FIFA referisi Rade Obrenoviç olacaq. Ona yan xətt hakimləri Yure Praprotnik və Qreqa Kordej kömək edəcəklər. Dördüncü hakim funksiyasını Mateo Tozan yerinə yetirəcək. VAR-da Matey Yuq, AVAR-da Alen Borosak əyləşəcəklər.

Qurban Qurbanovun kollektivi qitənin ən nüfuzlu klub turnirinin əsas mərhələsində uğurlu çıxışı ilə diqqət mərkəzindədir. Ağdam klubu ilk turda səfərdə Portuqaliya təmsilçisi “Benfika”ya 3:2 hesabıyla qalib gəlib. İkinci turda isə Azərbaycan çempionu Danimarka nəhəngi “Kopenhagen”i diz çökdürüb – 2:0. Üçüncü turda İspaniya təmsilçisi “Atletik”ə 1:3 hesabıyla uduzmuş təmsilçimiz ardından Bakıda İngiltərə nəhəngi “Çelsi”dən xal almağı bacarıb – 2:2. Liqa mərhələsinin 5-ci turunda baş tutmuş “Napoli” (İtaliya) ilə oyunda isə ağdamlılar 0:2 hesablı məğlubiyyətə üzülüblər.

“Ayaks” isə ÇL-in Liqa mərhələsində keçirdiyi 5 oyunun hamısında məğlubiyyətə üzülüb. Niderland nəhəngi hazırda xal qazanmamış yeganə komandadır və 36-cı sırada qərarlaşıb. “Qarabağ” isə 7 xalla 20-ci pillədə qərarlaşıb.

UEFA Çempionlar Liqası
Liqa mərhələsi, 6-cı tur
10 dekabr

“Qarabağ” – “Ayaks”
Hakimlər: Rade Obrenoviç, Yure Praprotnik, Qreqa Kordej, Mateo Tozan (Sloveniya).
VAR: Matey Yuq (Sloveniya).
AVAR: Alen Borosak (Sloveniya).
Bakı. Tofiq Bəhramov adına Respublika stadionu. Saat 21:45.

“Qarabağ” Çempionlar Liqasında bu gün növbəti oyuna çıxıb.

Futbolpress.az xəbər verir ki, “atlılar” Bakıda “Ayaks”ı qəbul edib. Matç Amsterdam təmsilçisinin qələbəsiylə başa çatıb.

UEFA Çempionlar Liqası
Liqa mərhələsi, VI tur

10 dekabr

21:45 Qarabağ – Ayaks (Niderland) 2:4
Qollar: Kamilo Duran, 11, Mateus Silva, 49 – Dolberq, 40, Oskar Qlox, 78, 90, Anton Qae, 83
Baş hakim: Rade Obrenoviç (Sloveniya)
Tofiq Bəhramov adına Respublika stadionu

Futbol üzrə UEFA Çempionlar Liqasının (ÇL) Liqa mərhələsinin “Qarabağ” – “Ayaks” oyununa bilet satan şəxslər saxlanılıblar.

Arena.az xəbər verir ki, bu barədə Daxili İşlər Nazirliyi məlumat yayıb.

Bildirilir ki, Daxili İşlər Nazirliyi Kibercinayətkarlıqla Mübarizə Baş İdarəsi (KMBİ) dekabrın 10-da UEFA Çempionlar Liqasının Liqa mərhələsinin 6-cı turu çərçivəsində Tofiq Bəhramov adına stadionda keçiriləcək “Qarabağ” – “Ayaks” oyununun biletlərinin qeyri-qanuni onlayn satışına qarşı növbəti əməliyyat-texniki tədbir keçirib.

Biletləri əvvəlcədən onlayn qaydada və satış məntəqələrindən əldə edib, daha sonra sosial şəbəkələrdə müxtəlif səhifələrdə, eləcə də “qara bazar”da dəyərindən daha artıq qiymətə satmaq istəyən Şahin Məmmədov və Hüseyn Quliyev saxlanılıblar. Həmin şəxslər barəsində qanunamüvafiq tədbir görülüb.

DİN yaydığı xəbərdə bir daha idman yarışlarını stadionda izləmək istəyən vətəndaşlara biletləri yalnız rəsmi satış nöqtələri, eləcə də, onlayn qaydada QR və ya elektron bilet sifarişi verməklə əldə etməyi tövsiyə edib.

Sosial şəbəkələrdə saxta bilet satışı ilə bağlı dələduzluq halları ilə üzləşən şəxslər bu barədə polisə məlumat verə bilərlər.

“Qarabağ”ın baş məşqçisi Qurban Qurbanov UEFA Çempionlar Liqasının Liqa mərhələsində “Ayaks”a qarşı keçirəcəkləri oyundan danışıb.

Arena.az xəbər verir ki, Azərbaycan və Niderland nəhəngləri sabah UEFA Çempionlar Liqasının Liqa mərhələsinin 6-cı turu çərçivəsində Bakıda üz-üzə gələcəklər.

Qurban Qurbanov bu gün matçdan öncə təşkil edilmiş mətbuat konfransında bunları söyləyib:

“Çox vacib oyundur. Hazırlaşmağa çox vaxt olmadı. İstəyərdik ki, daha bir neçə gün vaxtımız olsun. Oyunun gedişatında fərqli rotasiyalar edən komandaya qarşı oynayırıq. Çox diqqətli olmalıyıq. Qarşımızda qalib gəlmək istəyən komanda var. İlk qələbələrini qazanmaq istəyəcəklər. “Ayaks”ın proqramına baxanda görərik ki, matça çox ciddi çıxacaqlar. Məşqi başqa yerdə edəcəklər. Görünən odur ki, bu qarşılaşmaya var gücləri ilə hazırlaşırlar. Çalışacağıq ki, yenə də öz istəkli oyunumuzu oynayaq. Çox istəyərdik ki, bu oyunda daha çox yaradıcı olaq. Amma rəqib təkbətək oynamağı xoşlayan, fərqli rotasiyalar edən kollektivdir. Biz də azarkeşləri sevindirmək və uğurlu nəticə əldə etmək üçün çalışacağıq.

İstənilən komandanın xalı çox ola və ya olmaya bilər. Biz də ÇL-in Liqa mərhələsinə düşəndə, rəqiblərimizi biləndə, bizə qarşı müəyyən fikirlər var idi ki, xalımız az ola bilər. Amma indi xeyli xalımız var. “Ayaks”a belə yanaşaraq bizdən 3 xal gözləmək təhlükəlidir. Amma güvənərək gözləmək yaxşıdır. Biz kənar fikirlərə diqqət ayırmayaraq, fikrimizi tam olaraq oyuna kökləməliyik. Düzgün və intizamlı oynamalıyıq. Unutmamalıyıq ki, qarşımızda “Ayaks” var.

Niderland mətbuatının bu oyunda “Qarabağ”ı favorit göstərməsinə bir azərbaycanlı kimi sevinə bilərəm. “Qarabağ”ı belə dəyərləndirirlərsə, ancaq sevinmək olar. Deməli, öz oyunumuzla, nəticələrimizlə, stabil çıxışımızla bunu haqq etmişik. Təkcə bu günə qədər yox, illərin gedişatına görə belə fikir formalaşıb. Bunun oyunun gedişatına təsiri olmamalıdır. Bunu bizim işimizə verilən dəyər kimi görmək olar. Demək ki, bizi dəyərləndirirlər, güvənirlər, qiymət verirlər. Sevindirici xəbərdir”.

“Yaxşı klublardan bizim oyunçulara təklif olarsa…”

Qurban Qurbanov qışda heyəti qorumağa çalışacaqlarını da vurğulayıb:

“İlin sonunda həmişə problemlər yaranır. Bir neçə oyunçumuz zədəli, yorğun olur. Mövsüm sona yaxınlaşdıqca istənilən böyük komandada problemlər müşahidə olunur. Biz daim heyətimizdə daha yaxşı, daha keyfiyyətli futbolçuların olmasının tərəfdarıyıq. Bunun da üzərində iş gedir. Dünya bazarına çıxmaq istəyiriksə, bu hallar mütləq olmalıdır. Yaxşı klublardan bizim oyunçulara təklif olarsa, bu bazara girmək üçün düşünə bilərik. Buna qədər bir neçə transferimiz olub. Özümüz də komandaya əlavə oyunçular gətirməliyik. İşin gedişatıdır. Elə şey yoxdur ki, bu futbolçu heç yerə getməyəcək, komandada qalacaq. İstəyirik ki, daha üstün liqalara getsinlər. Belə olan halda buna yox deməyəcəyik. İmkan olduğu qədər, qış transfer pəncərəsində bir neçə oyunçu cəlb etmək istəyirik ki, komandamız daha sağlam və daha keyfiyyətli olsun”.

“Qarabağ”ın müdafiəçisi Mateus Silva UEFA Çempionlar Liqasının Liqa mərhələsində “Ayaks”a qarşı keçirəcəkləri oyundan danışıb.

Arena.az xəbər verir ki, Azərbaycan və Niderland nəhəngləri sabah UEFA Çempionlar Liqasının Liqa mərhələsinin 6-cı turu çərçivəsində Bakıda üz-üzə gələcəklər.

Mateus Silva matçdan öncə keçirilmiş mətbuat konfransında bunları söyləyib:

“Bizi sabah çox ciddi oyun gözləyir. Çox təəssüf ki, hazırlaşmaq üçün kifayət qədər vaxtımız olmadı. Oyun fəlsəfəmiz hamıya bəllidir. Hamımız bilirik ki, meydanda nə edəcəyik. Doğma meydanda oynayacağıq. Çalışacağıq ki, azarkeşlərimizi sevindirək.

Bu turnirdə uğurlu nəticə üçün təkcə mənim yüksək performans göstərməyim yetərli deyil. Komanda yoldaşlarım hamısı yüksək performans göstərməlidir. Söz verə bilərəm ki, sabah mən və komanda yoldaşlarım əlimizdən gələni edəcəyik.

UEFA Çempionlar Liqasında bütün oyunlar əhəmiyyətlidir. Amma hansısa həyəcan yoxdur. Digər matçlara necə hazırlaşırıqsa, bu oyuna da elə hazırlaşacağıq.

Ötən mövsüm “Ayaks”a böyük hesabla (0:3) uduzmuşduq. Amma bir sözü deyə bilərəm ki, bu dəfə vəziyyəti xeyrimizə dəyişmək istəyəcəyik”.

Mateus Silva adının “Flamenqo” ilə birgə hallanmasına da münasibət bildirib:

“Mətbuatda çoxlu xəbərlər çıxır. Bütün xəbərlərə inanmaq məcburiyyətində deyilik. Biz yolun ortasındayıq. Öz missiyamız var. Onu bitirməliyik. Bir işə fokuslanmışıq və diqqətimizi yayındırmamalıyıq. Düşünmək üçün vaxtımız var. Missiyamızı başa vurmalıyıq”.

“Ayaks”ın qapıçısı Viteslav Yaroş Çempionlar Liqasının Liqa mərhələsində “Qarabağ”a qarşı keçirəcəkləri oyundan öncə fikirlərini bölüşüb.

Arena.az xəbər verir ki, Azərbaycan və Niderland nəhəngləri sabah UEFA Çempionlar Liqasının Liqa mərhələsinin 6-cı turu çərçivəsində Bakıda üz-üzə gələcəklər.

Viteslav Yaroş bu gün Bakıda baş tutmuş mətbuat konfransında bunları söyləyib:

“Ayaks”da xoşbəxtəm. Komandamız yaxşıdır. Hər şey gözəldir. Son iki oyunda gördünüz ki, inkişaf etmişik. Şəxsən mən tərəfdən böyük inkişaf var. Sabah “Qarabağ”a qarşı yaxşı oyun sərgiləməyə çalışacağıq”.

Xatırladaq ki, çexiyalı qolkiper “Ayaks”a bu yay İngiltərənin “Liverpul” klubundan icarə əsasında keçib. 23 yaşlı qapıçı 2026-cı ilin yayınadək Amsterdam təmsilçisində çıxış edəcək. O, “Ayaks”ın heyətində 14 oyuna çıxıb, 21 qol buraxıb, 3 matçda qapısını toxunulmaz saxlayıb.

“Ayaks”ın baş məşqçi əvəzi Fred Qrim Çempionlar Liqasının Liqa mərhələsində “Qarabağ”a qarşı keçirəcəkləri oyundan öncə fikirlərini bölüşüb.

Arena.az xəbər verir ki, Azərbaycan və Niderland nəhəngləri sabah UEFA Çempionlar Liqasının Liqa mərhələsinin 6-cı turu çərçivəsində Bakıda üz-üzə gələcəklər.

Fred Qrim bu gün Bakıda baş tutmuş mətbuat konfransında bunları söyləyib:

“Bakıya səhayətimiz yaxşı keçdi. Amma səfər heç də ucuz başa gəlmədi. Şadıq ki, azarkeşlərimiz də bura gəliblər. Klub rəhbərliyi bizə çox böyük dəstək verir. Bu da ümidvericidir. Bizim də öhdəliklərimiz var.

“Qarabağ”ın oyunlarına baxmışam. Çox yaxşı komandadır, məğlubiyyətləri azdır. Rəqibin sürətli hücumları var. Oyunçuları texniki cəhətdən yaxşıdırlar. Bizim üçün çox ciddi oyundur.

Futbolçularımız üçün ciddi oyundur. Yol yorğunluğu var, amma futbolçularıma inanıram. Komanda olaraq enerjimiz kifayət qədərdir. Onlar hamısı aktiv şəkildə oynamaq istəyirlər. Oyunçularım sabahkı matçı səbirsizliklə gözləyirlər.

Vut Veqhorst haqda dəfələrlə danışmışıq. Zədəsi çox ciddidir. Qış fasiləsindən öncə belə zədə ilə üzləşməsi üzücüdür. Amma indi biz Kasper Dolberq haqda düşünürük. O da çox oynayıb. Bütün oyunçuları kfayət qədər nəzərə almışıq. Müəyyən işlər görürük. Hər futbolçunun neçə dəqiqə oynaya biləcəyi haqda danışırıq. “Ayaks”ın inkişafını düşünürük.

Bizim xalımız yoxdur. Amma çox istəyərdik ki, sabah “Qarabağ”la görüşdə xal qazanaq”.

UEFA Çempionlar Liqasının əsas mərhələsinin 6-cı turunda keçiriləcək “Qarabağ” – “Ayaks” oyununun təyinatları bəlli olub.

Arena.az UEFA-nın rəsmi saytına istinadən xəbər verir ki, qarşılaşma Sloveniyadan olan hakimlər briqadasına tapşırılıb.

Görüşü FIFA referisi Rade Obrenoviç idarə edəcək. Ona yan xətt hakimləri Yure Praprotnik və Qreqa Kordej kömək edəcəklər. Dördüncü hakim funksiyasını Mateo Tozan yerinə yetirəcək. VAR-da Matey Yuq, AVAR-da Alen Borosak əyləşəcək.

Qeyd edək ki, Rade Obrenoviç 2017-ci ildən beynəlxalq oyunlara təyinat alır. O, daha əvvəl də “köhlən atlar”ın matçında iş başında olub. 35 yaşlı ədalət təmsilçisi 2021-ci ildə komandanın UEFA Konfrans Liqasının pley-off mərhələsinin ilk görüşünə təyinat alıb. FIFA referisi həmin vaxt Qurban Qurbanovun baş məşqçisi olduğu kollektivin Bakıda Şotlandiyanın “Aberdin” komandasını 1:0 hesabı ilə üstələdiyi qarşılaşmada baş hakim olub.

Xatırladaq ki, “Qarabağ” – “Ayaks” matçı dekabrın 10-da Tofiq Bəhramov adına Respublika stadionunda keçiriləcək. Oyuna saat 21:45-də start veriləcək.

Yeri gəlmişkən, “Qarabağ”ın U-19 komandasının UEFA Gənclər Liqasının Liqa mərhələsinin 6-cı turunda Bakıda “Ayaks”a (Niderland) qarşı keçirəcəyi matçın da hakim təyinatları bəlli olub. Bu görüşü Macarıstandan olan hakimlər briqadası idarə edəcək.

Baş hakim Marton Ruş olacaq. Gerqo Viq-Tarsonyi və Balaz Şalay köməklik edəcəklər. Dördüncü hakim funksiyasını Cavid Cəlilov yerinə yetirəcək.

Qarşılaşma dekabrın 10-da “Azərsun Arena”da baş tutacaq. Oyuna saat 15:00-da start veriləcək.

“Qarabağ”ın kapitanı Abdullah Zubir komandasının UEFA Çempionlar Liqasının əsas mərhələsindəki çıxışı barədə fikirlərini bölüşüb.

Arena.az xəbər verir ki, UEFA-nın mətbuat xidmətinə açıqlama verən fransalı futbolçu komandasının inkişafından da bəhs edib:

“Qarabağ”a gələndə məqsədim UEFA Çempionlar Liqasında oynamaq idi. Avropa Liqasında və Konfrans Liqasında oynamaqdan zövq alırdım, amma UEFA Çempionlar Liqası tamamilə fərqlidir. Bu atmosferi, stadionları, azarkeşləri, ətrafda baş verən hər şeyi, xüsusən də, evdə oynadığımız zaman həvəs inanılmazdır. Son bir neçə ildə klubun peşəkarlığı bir çox sahədə artıb: qidalanma, məşq, eyni zamanda iş yükü baxımından. Klub çox dəyişib və bu gün bir neçə illik işdən sonra əldə edilən nəticələri görürük”.

Abdullah Zubir uşaqlıqdan bəri bu məqsədə necə çatdığını da izah edib:

“Mən çox oyunçunun peşəkarlaşmadığı işçi sinfi məhəlləsindən gəlirəm. Futbolçu olmaq şansları çox az idi. Məhəlləmdə oynayanda həmişə öz-özümə deyirdim: “Bir gün Çempionlar Liqasında oynayacağam”. Axı, Çempionlar Liqası futbolun zirvəsidir. “Qarabağ”a gələndə isə şansımın olduğunu anladım. “Qarabağ”ın kapitanı olduğum üçün çox qürur duyuram. Bu, unudulmaz təcrübədir, bunu heç vaxt unutmayacam. Bir dəfə atamla birlikdə “Lill” və “Mançester Yunayted” arasında Çempionlar Liqası matçını izləməyə getmişdim. İndi isə şəxsən bu turnirdə oynamaq imkanım olduğuna görə atam böyük qürur hissi keçirir və mənə onun arzusunu gerçəkləşdirdiyimi deyir”.

Zubirin böyük qardaşı Muad da çox emosionaldır:

“Onun “Qarabağ”da gördüyü işlərlə fəxr edirəm. Ailəmizdən birinin dünyanın ən yaxşı turniri olan Çempionlar Liqasında oynaması hamımızı çox sevindirir”.

Futbol üzrə Azərbaycan Premyer Liqasının 14-cü turunun bu gün keçirilmiş “Zirə” – “Qarabağ” matçı bərabərliklə (1:1) başa çatdı.

Arena.az Zirədə baş tutmuş bu matçın yekun protokolunu və videoicmalını təqdim edir.

Azərbaycan Premyer Liqası
14-cü tur
6 dekabr

“Zirə” – “Qarabağ” 1:1
Qollar: İssa Cibrilla, 31 – Enrike Kustodio, 44-öz qapısına.
Sarı vərəqələr: Abdullah Zubir, 86 (qeyri-idman hərəkəti). Xoni Montiel, 90+2 (hakimin qərarına etiraz). Marko Yankoviç, 90+2 (hakimin qərarına etiraz).
Artırılan vaxt: Birinci hissədə 1 dəqiqə, ikinci hissədə 3 dəqiqə.
Saat 17:00. Zirə İdman Kompleksinin stadionu, 1200 tamaşaçı.

Baş hakim: Rauf Cabbarov.
Baş hakimin köməkçiləri: Elşad Abdullayev, Pərvin Talıbov.
Dördüncü hakim: Vüqar Həsənli.
VAR: Əliyar Ağayev.
AVAR: Vüsal Məmmədov.
Hakim-inspektor: Orxan Məmmədov.
AFFA nümayəndəsi: Elçin Məmmədov.

Zirə: 97. Tyaqo Silva, 32. Qismət Alıyev (k), 8. İsmayıl İbrahimli (6. Eldar Quliyev, 82), 4. Ruan Renato, 25. Enrike Kustodio, 10. Georgi Papunaşvili (29. Ceyhun Nuriyev, 51), 30. Rikardo Martins, 20. İssa Cibrilla (28. Leroy Mikels, 46), 5. Ange Mutsinzi, 11. Junior Martins (21. Hacıağa Hacılı, 66), 77. Yeqor Boqomolski (14. Elçin Əlicanov, 66).
Ehtiyat oyunçular: 13. Aydın Bayramov, 41. Anar Nəzirov, 7. Rövlan Muradov, 16. Fuad Bayramov, 48. Ramiz Muradov, 33. Əkbər Eyubov, 43. Əhliman Süleymanzadə.
Baş məşqçi: Rəşad Sadıqov.

Qarabağ: 99. Mateus Koxalski, 77. Ramil Şeydayev (10. Abdullah Zubir, 66), 13. Bəhlul Mustafazadə (k), 27. Toral Bayramov, 81. Kevin Medina, 2. Mateus Silva (44. Elvin Cəfərquliyev, 66), 9. Xoni Montiel, 15. Leandro Andrade (11. Emmanuel Addai, 66), 21. Aleksey Kaşuk (7. Nəriman Axundzadə, 66), 35. Pedro Bikalyo, 17. Kamilo Duran (8. Marko Yankoviç, 75).
Ehtiyat oyunçular: 97. Fabian Buntiç, 55. Bədavi Hüseynov, 22. Musa Qurbanlı, 32. Hikmət Cəbrayılzadə, 3. Sami Mmae, 18. Dani Bolt, 6. Kris Kuaku.
Baş məşqçi: Qurban Qurbanov.

“Qarabağ”ın baş məşqçisi Qurban Qurbanov Azərbaycan Premyer Liqasının 14-cü turunda “Zirə”yə qarşı keçirdikləri oyunu şərh edib.

Arena.az xəbər verir ki, sözügedən komandaların bu gün Zirədə baş tutmuş görüşündə qalib müəyyənləşməyib – 1:1.

Qurban Qurbanov matçdan sonra təşkil edilmiş mətbuat konfransında bunları söyləyib:

“Keyfiyyət baxımından oyun istədiyimiz kimi olmasa da, meydanda gərgin mübarizə vardı. Futbolçular çox enerji sərf etdilər. Biz də, “Zirə” də kubok matçından sonra meydana çıxmışdıq. Rəqibin oyunu isə 120 dəqiqə davam etmişdi. Buna görə dinamikanın bir qədər aşağı olması normaldır. Amma meydanda ciddi mübarizə getdi və hər iki komanda 1 xal qazanmağa layiq idi. Futbolçular həqiqətən çox əziyyət çəkdi. Oyundan-oyuna daha çətin, daha formalaşmış və daha geniş düşüncəli “Zirə” ilə qarşılaşırıq. Rəşad Sadıqovdan hər matçda bir sürpriz gözləmək mümkündür və bunu oyunun gedişində hiss edirik. Güclü rəqibə qarşı oynadıq. Hər iki komandaya uğurlar arzulayıram”.

Qurban Qurbanov Xoni Montieli iki mövqedə oynatmasına da aydınlıq gətirib:

“O, üç müxtəlif mövqedə oynaya bilən futbolçudur. Həm dayaq yarımmüdafiəçisi, həm “10 nömrə”, həm də vinger kimi çıxış edə bilir. Həqiqətən universal oyunçudur. Rotasiyalar və oyunun gedişatı buna səbəb oldu. “Zirə” təkbətək mübarizələrdə çox yaxşı çıxış edir, müdafiədə isə cəsarətli və aktivdir. Montieldən çox razı qaldım. Hər dəfə onun haqqında pozitiv fikirlər formalaşır.

“Ayaks”la matça start heyətdə yer almaq üçün tam hazır deyil. Bəlkə də bu gün onun üçün 90 dəqiqə oynamaq çoxdur. İlyarımdır bu rejimdə nə məşq edir, nə də oynayır. İlk dəqiqələrdən olmasa da, oyunun gedişatında müəyyən dəyişikliklər edə bilər. Əvvəlki matçda 90 dəqiqə oynamışdı və üç gün sonra bərpa oldu. Özünün dediyinə görə, çox yorulmuşdu. Qarşıdakı günlərdə onun bərpasına baxacağıq və ona uyğun qərar verəcəyik. Oyundan-oyuna daha hazırlıqlı olur”.

“O da futbolçudur, emosiyalarını biruzə verə bilər”

Qurban Qurbanov Abdullah Zubirin bu oyunda əsəblərini cilovlaya bilməməsinə də münasibət bildirib:

“Məni həmişə sakit görürsünüz, ancaq mən də bəzən emosiyalarımı saxlaya bilmirəm. Bir futbolçuya qarşı daha sərt oynayırlarsa, onu izləyirlərsə, ondan da hansısa emosional hərəkət olacaq. Zubir rəqibin üzünə əl atmadı, sadəcə itələdi. Oyunçulara tapşırıq olmuşdu ki, əsəblərini cilovlasınlar. O da futbolçudur, emosiyalarını biruzə verə bilər.

Qurban Qurbanov Ramil Şeydayevin durumundan da söhbət açıb:

“Ramil istəklidir, amma bəlkə ona daha çox şans versək, idman formasını daha tez bərpa edə bilər. Hər bir futbolçu üçün oyun sayı və oyun dəqiqəsi çox vacibdir. Nə qədər məşq etsə və istəkli olsa da, matç təcrübəsi tamamilə fərqlidir. Razı qaldığım odur ki, o həm istəkli, həm də intizamlıdır. Komandada ikinci heyət də var ki, uğur üçün böyük fayda verir. Bu oyunçular nəticə əldə etmək baxımdan kömək edir, əsas heyət üzvləri üçün isə rəqabət yaradır. Şərt deyil ki, onlar bütün oyunlarda iştirak etsinlər. Hər tərəfdən futbolçulardan razıyam. Məşqlərdə 20 oyunçunun aktiv olması komandanın idman formasını qorumasına böyük töhfə verir”.

Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 14-cü turuna start verilib.

Arena.az xəbər verir ki, ilk oyun günündə bir qarşılaşma baş tutub.

Turun açılış matçında lider “Qarabağ” əsas izləyicisi “Zirə”nin qonağı olub. Ağdam təmsilçisi bu oyundan öncə 29 xalla zirvədə qərarlaşmışdı. Rəşad Sadıqovun rəhbərlik etdiyi qəsəbə təmsilçisi isə 26 xalla ikinciydi. Bir sözlə, “Zirə” bu oyunda qələbə qazanmaqla zirvəyə şərik ola bilərdi. Əks halda “Qarabağ” izləyiciləri ilə xal fərqini daha da artırmış olacaqdı.

Amma tərəflər bu oyundan hərəyə 1 qol və 1 xalla ayrılıblar.

14-cü turun qalan görüşləri dekabrın 7-də, 8-də və 9-da keçiriləcək.

Premyer Liqa
14-cü tur

6 dekabr

“Zirə” – “Qarabağ” 1:1
Qollar: İssa Cibrilla, 31 – Enrike Kustodio, 44-öz qapısına.
Hakimlər: Rauf Cabbarov, Elşad Abdullayev, Pərvin Talıbov, Vüqar Həsənli.
VAR: Əliyar Ağayev.
AVAR: Vüsal Məmmədov.
Hakim-inspektor: Orxan Məmmədov.
AFFA nümayəndəsi: Elçin Məmmədov.
Zirə İdman Kompleksinin stadionu, 17:00.

Zirə: 97. Tyaqo Silva, 32. Qismət Alıyev (k), 8. İsmayıl İbrahimli, 4. Ruan Renato, 25. Enrike Kustodio, 10. Georgi Papunaşvili, 30. Rikardo Martins, 20. İssa Cibrilla, 5. Ange Mutsinzi, 11. Junior Martins, 77. Yeqor Boqomolski.
Ehtiyat oyunçular: 13. Aydın Bayramov, 41. Anar Nəzirov, 21. Hacıağa Hacılı, 7. Rövlan Muradov, 16. Fuad Bayramov, 14. Elçin Əlicanov, 29. Ceyhun Nuriyev, 48. Ramiz Muradov, 33. Əkbər Eyubov, 43. Əhliman Süleymanzadə, 28. Leroy Mikels, 6. Eldar Quliyev.
Baş məşqçi: Rəşad Sadıqov.

Qarabağ: 99. Mateus Koxalski, 77. Ramil Şeydayev, 13. Bəhlul Mustafazadə (k), 27. Toral Bayramov, 81. Kevin Medina, 2. Mateus Silva, 9. Xoni Montiel, 15. Leandro Andrade, 21. Aleksey Kaşuk, 35. Pedro Bikalyo, 17. Kamilo Duran.
Ehtiyat oyunçular: 97. Fabian Buntiç, 55. Bədavi Hüseynov, 44. Elvin Cəfərquliyev, 22. Musa Qurbanlı, 7. Nəriman Axundzadə, 32. Hikmət Cəbrayılzadə, 10. Abdullah Zubir, 8. Marko Yankoviç, 3. Sami Mmae, 18. Dani Bolt, 6. Kris Kuaku, 11. Emmanuel Addai.
Baş məşqçi: Qurban Qurbanov.

Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 14-cü turuna start veriləcək.

Arena.az xəbər verir ki, ilk oyun günündə bir qarşılaşma baş tutacaq.

Turun açılış matçında lider “Qarabağ” əsas izləyicisi “Zirə”nin qonağı olacaq. Ağdam təmsilçisi hazırda 29 xalla zirvədə qərarlaşıb. Rəşad Sadıqovun rəhbərlik etdiyi qəsəbə təmsilçisi isə 26 xalla ikincidir. Bir sözlə, “Zirə” bu oyunda qələbə qazana bilsə, zirvəyə şərik ola bilər. Əks halda “Qarabağ” izləyiciləri ilə xal fərqini daha da artırmış olacaq.

14-cü turun qalan görüşləri dekabrın 7-də, 8-də və 9-da keçiriləcək.

Premyer Liqa
14-cü tur
6 dekabr

“Zirə” – “Qarabağ”
Hakimlər: Rauf Cabbarov, Elşad Abdullayev, Pərvin Talıbov, Vüqar Həsənli.
VAR: Əliyar Ağayev.
AVAR: Vüsal Məmmədov.
Hakim-inspektor: Orxan Məmmədov.
AFFA nümayəndəsi: Elçin Məmmədov.
Zirə İdman Kompleksinin stadionu, 17:00.

7 dekabr

“Karvan” – “Şamaxı”
Hakimlər: Cavid Cəlilov, Namiq Hüseynov, Kamran Bayramov, Nicat İsmayıllı.
VAR: Rəşad Əhmədov.
AVAR: Emin Əliyev.
Hakim-inspektor: Ramil Diniyev.
AFFA nümayəndəsi: Azər Əsgərov.
Yevlax şəhər stadionu, 14:00.

8 dekabr

“Qəbələ” – “Turan Tovuz”
Hakimlər: Tural Qurbanov, Asiman Əzizli, Eyyub İbrahimov, Elvin Bayramov.
VAR: Nicat İsmayıllı.
AVAR: Şirmamed Mamedov.
Hakim-inspektor: Vüsal Əliyev.
AFFA nümayəndəsi: İlham Əliyev.
Qəbələ şəhər stadionu, 17:00.

“Sabah” – “Neftçi”
Hakimlər: Rəvan Həmzəzadə, Akif Əmirəli, Cəmil Quliyev, Kamranbəy Rəhimov.
VAR: Rauf Cabbarov.
AVAR: Rəhman İmami.
Hakim-inspektor: Babək Quliyev.
AFFA nümayəndəsi: Emin Cəfərov.
“Masazır Arena”, 20:00.

9 dekabr

“Araz-Naxçıvan” – “Kəpəz”
Hakimlər: İnqilab Məmmədov, Müslüm Əliyev, Rahil Ramazanov, İslam Məmmədov.
VAR: Elçin Məsiyev.
AVAR: Teymur Teymurov.
Hakim-inspektor: Munis Abdullayev.
AFFA nümayəndəsi: Elgiz Abbasov.
“Dalğa Arena”, 17:00.

“Sumqayıt” – “İmişli”
Hakimlər: Əliyar Ağayev, Zeynal Zeynalov, Kərim Zeynalov, Əkbər Əhmədov.
VAR: Əli Əliyev.
AVAR: Zöhrab Abbasov.
Hakim-inspektor: Ömər Paşayev.
AFFA nümayəndəsi: Məmmədəli Məmmədov.
Mehdi Hüseynzadə adına Sumqayıt şəhər stadionu, 19:30.

“Şamaxı” və “Sumqayıt” komandaları futbol üzrə Azərbaycan Kubokunda 1/4 finala vəsiqə qazanmaqla yubileyə imza atıblar.

Arena.az bu barədə Peşəkar Futbol Liqasının (PFL) rəsmi saytına istinadən xəbər verir.

Azərbaycan Kubokunun 2025/2026-cı illər mövsümünün bütün 1/4 finalçıları müəyyənləşib. Bu mərhələdə yeni komandalar olmayacaq. Belə ki, 8 ən yaxşı sırasına yüksəlmiş bütün klublar əvvəllər də 1/4 final həyəcanı yaşayıblar.

Onlardan ikisi yubiley uğuruna imza atıb. “Şamaxı” 20-ci, “Sumqayıt” 10-cu dəfə bu raundda iştirak edəcək. 1/4 finalçılar arasında ən yüksək göstərici “Qarabağ”dadır. Ağdam klubu 27-ci dəfə bu mərhələdə oynayacaq. Bununla da bölgə təmsilçisi 33 dəfə belə uğura imza atmış “Neftçi” ilə fərqi azaldacaq.

Mərhələnin digər iştirakçılarından “Qəbələ” və “Kəpəz” 17-ci, “Zirə” 11-ci, “Sabah” 7-ci, “Turan Tovuz” 2-ci dəfə 1/4 finalda oynayacaq.

Qeyd edək ki, ümumilikdə 46 komanda yarımfinalın bir addımlığında olub.

Azərbaycan Kubokunun 1/8 mərhələsinin “Qarabağ” – “Karvan” matçı meydan sahiblərinin 3:0 hesablı qələbəsi ilə başa çatdı.

Arena.az sözügedən qarşılaşmanın yekun protokolunu və videoicmalını təqdim edir:

Azərbaycan Kuboku
1/8 final mərhələsi
3 dekabr

“Qarabağ” – “Karvan” 3:0
Qollar: Nəriman Axundzadə, 80; 88. Elvin Yunuszadə, 83-öz qapısına.
Sarı vərəqələr: Marko Yankoviç, 41 (qeyri-idman hərəkəti) – İbrahim Qədirzadə, 35 (qeyri-idman hərəkəti). Vadim Abdullayev, 41 (qeyri-idman hərəkəti); Peter Kinqs, 57 (qeyri-idman hərəkəti). Elvin Yunuszadə, 88 (qeyri-idman hərəkəti).
Artırılan vaxt: Birinci hissədə 3 dəqiqə, ikinci hissədə 1 dəqiqə.
Saat 19:00. “Azersun Arena”, 550 tamaşaçı.

Baş hakim: Əliyar Ağayev.
Baş hakimin köməkçiləri: Zeynal Zeynalov, Akif Əmirəli.
Dördüncü hakim: Nicat İsmayıllı.
VAR: Rəşad Əhmədov.
AVAR: Emin Əliyev.
Hakim-inspektor: Şahin Cəfərov.
AFFA nümayəndəsi: Bəhram Qurbanov.

Qarabağ: 99. Mateuş Koxalski, 55. Bədavi Hüseynov (k), 44. Elvin Cəfərquliyev, 7. Nəriman Axundzadə, 10. Abdullah Zubir, 81. Kevin Medina (2. Mateus Silva, 65), 8. Marko Yankoviç, 18. Dani Bolt (13. Bəhlul Mustafazadə, 65), 6. Kris Kuaku (15. Leandro Andrade, 65), 11. Emmanuel Addai (35. Pedro Bikalyo, 82), 17. Kamilo Duran (22. Musa Qurbanlı, 85).
Ehtiyat oyunçular: 97. Fabian Buntiç, 77. Ramil Şeydayev, 27. Toral Bayramov, 32. Hikmət Cəbrayılzadə, 3. Sami Mmae, 9. Xoni Montiel, 21. Aleksey Kaşuk.
Baş məşqçi: Qurban Qurbanov.

Karvan: 1. Kamran İbrahimov (25. Əmrah Bulud, 46), 32. Elvin Yunuszadə (k), 6. Vadim Abdullayev, 42. İbrahim Qədirzadə (12. Vitor Roşa, 63), 14. Uğur Cahangirov, 2. Şakil Sno (4. Olavale Doyeni, 74), 37. Mois Nqvisani, 3. Said İranxan, 8. Peter Kinqs (22. Qabil Əlizadə, 63), 10. Samuel Durrant (11. Kayl Spens, 63), 21. İmani Barker.
Ehtiyat oyunçular: 7. Araz Abdullayev, 33. Eltun Turabov, 13. Vüsal Məsimov, 77. Əli Abdullayev.
Məşqçi: Füzuli Məmmədov.

“Qarabağ”ın baş məşqçisi Qurban Qurbanov Azərbaycan Kubokunun 1/8 final mərhələsi çərçivəsində “Karvan”a qarşı keçirdikləri oyunu şərh edib.

Arena.az xəbər verir ki, Ağdam təmsilçisi bu gün baş tutmuş oyunda 3:0 hesablı qələbə sayəsində 1/4 finala yüksəlib.

Qurban Qurbanov qarşılaşmadan sonra təşkil edilmiş mətbuat konfransında bunları söyləyib:

“Futbolçularımı təbrik edirəm. Çox intizamlı oynadılar. Belə oyunlarda səbirli olmaq çox vacibdir. Oyun intizamını pozmamaq lazımdır. Xüsusilə də kubok matçında. Bu rəqiblə 4 gün əvvəl oynamışdıq. Bizi çox yaxşı təhlil etmişdilər. 80-ci dəqiqəyə kimi qol vura bilmədik. İmkanlarımız var idi, dəqiqlik çatmadı. Belə oyunlar bəzən futbolçular üçün böyük fayda verir. Rəqib səni yaxşı tanıyır, sənə oynamaq imkanı vermir. Sən də axtarışda olursan ki, rəqibi səhvə məcbur edəsən. Buna nail olanda razı qalırsan. Maraqlı oyun oldu. Hər iki komanda intizamlı oynadı. Azarkeşlərimizə təşəkkür edirəm. “Karvan”a və Füzuli Məmmədova uğurlar arzulayıram”.

Bu gün futbol üzrə Azərbaycan Kubokunda 2025/2026-cı illər mövsümünün 1/8 final mərhələsinin növbəti oyunları keçirilib.

Arena.az xəbər verir ki, ikinci oyun gününün sonuncu qarşılaşması Bakıda baş tutub.

“Qarabağ” Premyer Liqanın aşkar autsayderi “Karvan”ı sınağa çəkib. Yevlax təmsilçisi güclü rəqibinə ciddi müqavimət göstərsə də, son 10 dəqiqədə 3 cavabsız qola sevinən Ağdam klubu adını 1/4 finalçılar sırasına yazdırmağı bacarıb.

Daha öncə keçirilmiş oyunlarda “Turan Tovuz” “Şahdağ Qusar”ı (2:1), “Zirə” “Neftçi”ni (1:0), “Şamaxı” “Baku Sportinq”i (1:0), “Sabah” “İmişli”ni (2:1) mübarizədən kənarlaşdırıb.

Qeyd edək ki, Azərbaycan Kubokunda 1/8 final mərhələsinin qalan oyunları dekabrın 4-də keçiriləcək.

Azərbaycan Kuboku
1/8 final
3 dekabr

“Qarabağ” – “Karvan” 3:0
Qollar: Nəriman Axundzadə, 80; 89. Elvin Yunuszadə, 83-öz qapısına.
Hakimlər: Əliyar Ağayev, Zeynal Zeynalov, Akif Əmirəli, Nicat İsmayıllı.
VAR: Rəşad Əhmədov.
AVAR: Emin Əliyev.
Hakim-inspektor: Şahin Cəfərov.
AFFA nümayəndəsi: Bəhram Qurbanov.
Bakı. “Azersun Arena”, 19:00.

Qarabağ: 99. Mateuş Koxalski, 55. Bədavi Hüseynov (k), 44. Elvin Cəfərquliyev, 7. Nəriman Axundzadə, 10. Abdullah Zubir, 81. Kevin Medina, 8. Marko Yankoviç, 18. Dani Bolt, 6. Kris Kuaku, 11. Emmanuel Addai, 17. Kamilo Duran.
Ehtiyat oyunçular: 97. Fabian Buntiç, 77. Ramil Şeydayev, 13. Bəhlul Mustafazadə, 27. Toral Bayramov, 22. Musa Qurbanlı, 32. Hikmət Cəbrayılzadə, 3. Sami Mmae, 2. Mateus Silva, 9. Xoni Montiel, 15. Leandro Andrade, 21. Aleksey Kaşuk, 35. Pedro Bikalyo.
Baş məşqçi: Qurban Qurbanov.

Karvan: 1. Kamran İbrahimov, 32. Elvin Yunuszadə (k), 6. Vadim Abdullayev, 42. İbrahim Qədirzadə, 14. Uğur Cahangirov, 2. Şakil Sno, 37. Mois Nqvisani, 3. Said İranxan, 8. Peter Kinqs, 10. Samuel Durrant, 21. İmani Barker.
Ehtiyat oyunçular: 25. Əmrah Bulud, 7. Araz Abdullayev, 33. Eltun Turabov, 13. Vüsal Məsimov, 22. Qabil Əlizadə, 77. Əli Abdullayev, 12. Vitor Roşa, 11. Kayl Spens, 4. Olavale Doyeni.
Məşqçi: Füzuli Məmmədov.

Bu gün futbol üzrə Azərbaycan Kubokunda 2025/2026-cı illər mövsümünün 1/8 final mərhələsinin növbəti oyunları keçiriləcək.

Arena.az xəbər verir ki, ikinci oyun günündə üç qarşılaşma baş tutacaq.

“Şamaxı” doğma meydanda Birinci Liqa təmsilçisi “Baku Sportinq”i sınağa çəkəcək. Bu oyunla eyni saatda Premyer Liqanın iki komandası – “İmişli” və “Sabah” da üz-üzə gələcək. Sözügedən komandaların görüşü Quba Olimpiya İdman Kompleksinin stadionunda təşkil ediləcək.

Günün sonuncu oyununda isə “Qarabağ” Premyer Liqanın aşkar autsayderi “Karvan”ı sınağa çəkəcək.

Qeyd edək ki, Azərbaycan Kubokunda 1/8 final mərhələsinin qalan oyunları dekabrın 4-də keçiriləcək.

Azərbaycan Kuboku
1/8 final
2 dekabr

“Şahdağ Qusar” – “Turan Tovuz” 1:2
Hakimlər: Rəvan Həmzəzadə, Cəmil Quliyev, Kərim Zeynalov, Kamran Əliyev.
Hakim-inspektor: Ramil Diniyev.
AFFA nümayəndəsi: Elman Musayev.
“Sumqayıt Arena”, 15:00.

“Zirə” – “Neftçi” 1:0
Hakimlər: Tural Qurbanov, Asiman Əzizli, Eyyub İbrahimov, Kamranbəy Rəhimov.
VAR: Rauf Cabarov.
AVAR: Elşad Abdullayev.
Hakim-inspektor: İmanxan Sultani.
AFFA nümayəndəsi: Erkin Hüseynov.
Zirə İdman Kompleksinin stadionu, 19:00.

3 dekabr

“Şamaxı” – “Baku Sportinq”
Hakimlər: İnqilab Məmmədov, Namiq Hüseynov, Rahil Ramazanov, Elvin Bayramov.
Hakim-inspektor: Əmrah İbrahimov.
AFFA nümayəndəsi: Eldəniz Musayev.
Şamaxı şəhər stadionu, 14:00.

“İmişli” – “Sabah”
Hakimlər: Kamal Umudlu, Vüsal Məmmədov, Şirmamed Mamedov, Əkbər Əhmədov.
VAR: Fərid Hacıyev.
AVAR: Vüqar Həsənli.
Hakim-inspektor: Zöhrab Qədiyev.
AFFA nümayəndəsi: Rüfət Əmirov.
Quba Olimpiya İdman Kompleksinin stadionu, 14:00.

“Qarabağ” – “Karvan”
Hakimlər: Əliyar Ağayev, Zeynal Zeynalov, Akif Əmirəli, Nicat İsmayıllı.
VAR: Rəşad Əhmədov.
AVAR: Emin Əliyev.
Hakim-inspektor: Şahin Cəfərov.
AFFA nümayəndəsi: Bəhram Qurbanov.
Bakı. “Azersun Arena”, 19:00.

4 dekabr

“Qəbələ” – “Şəfa”
Hakimlər: Əli Əliyev, Teymur Teymurov, Gülnurə Əkbərzadə, Kamran Əliyev.
Hakim-inspektor: Ceyhun Haşımov.
AFFA nümayəndəsi: Nəriman Axundov.
Qəbələ şəhər stadionu, 15:00.

“Araz-Naxçıvan” – “Kəpəz”
Hakimlər: Cavid Cəlilov, Kamran Bayramov, Müslüm Əliyev, İslam Məmmədov.
VAR: Elçin Məsiyev.
AVAR: Kamranbəy Rəhimov.
Hakim-inspektor: Asim Xudiyev.
AFFA nümayəndəsi: Yavər Rəhimov.
“Dalğa Arena”, 19:00.

“Difai” – “Sumqayıt”
Hakimlər: Nicat İsmayıllı, Pərvin Talıbov, Zöhrab Abbasov, Vüqar Həsənli.
Hakim-inspektor: Anar Salmanov.
AFFA nümayəndəsi: Asif Əliyev.
Mehdi Hüseynzadə adına Sumqayıt şəhər stadionu, 19:00.