Azərbaycan Premyer Liqasının turunun “Qarabağ” – “Araz-Naxçıvan” oyunu (5:1) tarixi yubileylə əlamətdar olub.

Komanda.az-ın Peşəkar Futbol Liqasına istinadən məlumatına görə, bu qarşılaşma Azərbaycan çempionatları tarixinə yüksək dəstədə keçirilən 6000-ci matç kimi düşüb.

Bu oyuna qədər 5999 görüşün nəticəsi turnir cədvəllərində əks olunub. 6000 matçdan 279-u tarixə texniki nəticə kimi düşüb.

1992-ci ildən keçirilən ölkə çempionatları həmin il mayın 3-də start götürüb. 34-cü mövsümü oynanılan turnirin ilk ikisi yaz-payız, sonradan payız-yaz sistemi ilə baş tutub. 2001/2002 və 2019/2020 mövsümləri yarımçıq dayandırılıb.

Cari mövsümdə 86 oyun keçirilib və onlardan biri texniki nəticə kimi tarixə düşüb.

The post “Qarabağ” – “Araz-Naxçıvan” oyunu yubileylə əlamətdar olub appeared first on Komanda.az.

“Qarabağ” Premyer Liqada növbəti qələbəsini qazanıb. Qurban Qurbanovun rəhbərlik etdiyi kollektiv XV turda “Araz-Naxçıvan” üzərində inamlı qələbəyə sevinib – 5:1.

Çempionlar Liqasında “Ayaks”a məğlubiyyətdən (2:3) sonra komanda ilə bağlı narazılıqlar artmış, hədəfə isə Qurbanov və hücumçu Nəriman Axundzadə gətirilmişdi. Bir neçə gündür davam edən tənqid dalğası fonunda “atlılar” yaxşı oyun və nəticə ilə atmosferi sakitləşdirdi.

Üstəlik, oyundan öncə “Sabah”ın qələbə qazanaraq, liderliyə yüksəlməsi “Qarabağ” üçün əlavə motivasiya idi. Postunu geri qalan “atlılar” “bayquşlar”la növbəti duel öncəsi pozitiv siqnallar verdi. Premyer Liqada uzun müddət sonra liderlik uğrunda əməlli “döyüş” olacaq.

Tərəflər üç gün sonra təxirə salınmış oyun çərçivəsində Masazırda üz-üzə gələcək. “Qarabağ“a heç-heçə sərf etdiyi halda, “Sabah” birincilik üçün mütləq qələbə qazanmalıdır. Hər iki komanda yaxşı formadadır və gərgin görüş keçəcəyi gözlənilir.

Bu gün Azərbaycan Premyer Liqasında XV turun daha iki oyunu keçirilib.

Futbolpress.az xəbər verir ki, ikinci oyun günündə iki qarşılaşma baş tutub. 

“Kəpəz” Yevlaxda “Qəbələ“ni məğlub edib.

Digər matçda “Qarabağ” “Araz-Naxçıvan”a qalib gəlib.

Azərbaycan Premyer Liqası
XV tur

14 dekabr

14:00 Kəpəz – Qəbələ 1:0
Qol: Ohori, 56
Qırmızı vərəqə: İbrahim Sanqare, 38 (“Qəbələ”)
Baş hakim: Rəvan Həmzəzadə
Yevlax şəhər stadionu

17:30 Qarabağ – Araz-Naxçıvan 5:1
Qollar: Toral Bayramov, 31, 90+5 (pen.) Nəriman Axundzadə, 41, Montiel, 57 (pen.), Leandro Andrade, 72 – Ramon Maçado, 75 (pen.)
Baş hakim: Rəşad Əhmədov
“Azersun Arena”