“Mançester Siti”nin yeni baş məşqçisi məlum olub.

Futbolpress.az xəbər verir ki, komandanın “sükanı” Enzo Mareskaya tapşırılacaq. Bu barədə insayder Fabrizio Romano məlumat yayıb. Tərəflər arasında üç illik müqavilə imzalanacaq.

Mareska komandadan ayrılacağını açıqlayan Xosep Qvardiolanı əvəzləyəcək.

Enzonun son iş yeri “Çelsi” olub. O, bu ilin əvvəlindən klubsuzdur.

“Mançester Siti”dən ayrılacağı açıqlanan Xosep Qvardiola açıqlama verib.

Futbolpress.az xarici KİV-ə istinadən xəbər verir ki, mütəxəssis qərarı ilə bağlı bunları deyib:

“Ayrılığımın səbəbini soruşmayın, çünki yoxdur. Düşünürəm ki, artıq vaxtı idi. Heç bir şey sonsuz deyil, olsaydı, burda qalardım. Əbədi olan tək məsələ “Mançester Siti”yə olan sevgimdir”.

Qvardiola 2016-cı ildən “Mançester Siti”yə rəhbərlik edir. O, yayda klubdan ayrılacaq.

“Şəhərlilər” ispan mütəxəssisin rəhbərliyi altında 6 dəfə Premyer Liqanı, 1 dəfə Çempionlar Liqasını qazanıb.

İngiltərənin “Mançester Siti” klubu ispaniyalı baş məşqçisi Xosep Qvardiola ilə cari mövsümün sonunda yollarını ayıracağını açıqlayıb.

Arena.az xəbər verir ki, bu barədə klubun mətbuat xidməti məlumat yayıb.

Tərəflər arasındakı müqavilənin müddəti cari mövsümün sonuna qədər idi. 55 yaşlı mütəxəssis klubla yeni sözləşmə imzalamaq istəmədiyi üçün klub onunla vidalaşmaq məcburiyyətində qalıb.

Xosep Qvardiola “Mançester Siti”yə 2016-cı ilin yayından rəhbərlik edir. O, “şəhərlilər”i indiyə qədər 592 oyuna çıxarıb, 423 qələbə, 77 heç-heçə və 92 məğlubiyyət görüb.

Qvardiola “Mançester Siti” ilə bütün mümkün titulları qazanıb. Belə ki, o, bu komanda ilə 6 dəfə İngiltərə Premyer Liqasının, 3 dəfə İngiltərə Federasiya Kubokunun, 5 dəfə İngiltərə Liqa Kubokunun, 1 dəfə isə UEFA Çempionlar Liqasının, UEFA Super Kubokunun və klublararası dünya çempionatının qalibi olub.

İspaniyalı mütəxəssis daha öncə “Barselona” və “Bayern”ə də rəhbərlik edib.

“Mançester Siti” baş məşqçisi Xosep Qvardiola ilə yollarını ayırır.

Futbolpress.az xəbər verir ki, bu barədə klubun mətbuat xidməti məlumat yayıb. İspan mütəxəssis mövsümün sonunda “şəhərlilər”lə vidalaşacaq.

Qvardiola 2016-cı ildən “Mançester Siti”yə rəhbərlik edirdi. Komanda onun başçılığı altında 1 dəfə Çempionlar Liqasını, 6 dəfə İngiltərə Premyer Liqasını qazanıb.