Portuqaliyalı futbolçu Bernardu Silva mövsümün sonunda “Mançester Siti”dən ayrılacaq.

Futbolpress.az xəbər verir ki, bu barədə “şəhərlilər”in baş məşqçisi Xosep Qvardiola “Sky Sports”a açıqlamasında deyib. O, Silvanın kluba vida edəcəyini söyləyib.

Bernardu 2017-ci ildən “Mançester Siti”də çıxış edirdi.

Futbolçunun adı İspaniya və Türkiyə klubları ilə hallanır.

Futbol üzrə İngiltərə Kubokunun 1/4 finalında “Liverpul” ilə oyun “Mançester Siti”nin baş məşqçisi Xosep Qvardiola üçün əlamətdar olub.

Arena.az xəbər verir ki, “şəhərlilər” ilk dəfə ispan mütəxəssisin rəhbərliyi altında ardıcıl üç oyunda Mersisayd təmsilçisinə qalib gəliblər.

Sözügedən komanda daha əvvəl bu rəqibini Premyer Liqada 2:1 və 3:0 hesabı ilə üstələmişdi. Bu dəfə isə Mançester təmsilçisi 4:0 hesabıyla qalib gəlib.

Yeri gəlmişkən, “Liverpul” cari mövsümdə məğlubiyyətlərin sayına görə son 11 ilin ən pis nəticəsini göstərib. İngiltərə Kubokunun 1/4 finalında “Mançester Siti”yə uduzan komanda mövsüm üzrə bütün turnirlərdə 15-ci məğlubiyyətini yaşayıb.

Bu göstərici klubun sonuncu dəfə 2014/2015-ci illər mövsümündə, Brendan Rocersin rəhbərliyi altında 18 dəfə uduzduğu dövrdən bəri ən zəif nəticədir. Cari mövsüm komanda üçün son onilliyin ən uğursuz mərhələlərindən biri kimi qiymətləndirilir.

Bundan başqa, bu məğlubiyyət “Liverpul”un İngiltərə Kubokundakı ən ağır məğlubiyyətlərindən biri olub. Komanda tarixində yalnız bir dəfə, 1945/1946-cı illər mövsümündə “Bolton”a 0:5 hesabı ilə daha böyük fərqlə uduzub.

“Mançester Siti”nin yarımmüdafiəçisi Rodri İngiltərə Premyer Liqasında çempionluq uğrunda sona qədər mübarizə aparacaqlarını açıqlayıb.

Arena.az ispan dayaq yarımmüdafiəçisinin müvafiq fikrini təqdim edir:

“Əl-qolumuzu sallamaq fikrində deyilik. Biz sonadək mübarizə aparmağa davam edəcəyik. Əlbəttə, “Arsenal”la aramızdakı xal fərqi xeyli böyükdür, amma biz sona qədə mübarizə aparacağıq”, deyə Rodri vurğulayıb.

“Mançester Siti”nin baş məşqçisi Xosep Qvardiola isə “şəhərlilər”in əsas fəsadını açıqlayıb. İspan mütəxəssisin müvafiq açıqlamasının təqdim edirik:

“Mən hələ də komandamıza mütləq sabitliyi təmin etmək üçün usul axtarışındayam”, deyə “Pep” vurğulayıb.

Xatırladaq ki, “Mançester Siti” İngiltərə Premyer Liqasının 2025/2026-cı illər mövsümündə 30 oyuna topladığı 61 xalla yarış cədvəlinin 2-ci pilləsində qərarlaşıb. “Şəhərlilər” 18 qələbə qazandıqları halda 7 heç-heçə ediblər, 5 məğlubiyyətə üzülüblər.

Premyer Liqanın turnir cədvəlinin ilk pilləsində 31 oyundan sonra 70 xalı olan “Arsenal” qərarlaşıb.