İspaniya millisinin futbolçusu Pedro Porro DÇ-2026-da yarımfinal mərhələsində Fransa ilə matçda (2:0) fərqlənib.

Futbolpress.az xəbər verir ki, bu, müdafiəçinin mundialdakı ikinci qolu olub. O, daha öncə pley-offda Avstriya ilə matçda da fərqlənmişdi.

Porro İspaniya millisi ilə bir dünya çempionatında iki qol vuran ikinci futbolçudur. Daha əvvəl DÇ-2002-də Fernando Yorro bunu bacarıb.

Dünya çempionatının (DÇ-2026) yarımfinalında Fransa ilə oyun İspaniya millisinin futbolçuları Rodri və Emerik Laport üçün əlamətdar olub.

Arena.az xəbər verir ki, onlar 2:0 hesablı qələbəyə sevindikləri bu matçda dünya çempionatları tarixinə düşüblər.

Rodri mundialın yarımfinal görüşündə 67 dəqiq ötürmə yerinə yetirib. Bununla da “Mançester Siti”nin futbolçusunun DÇ-2026 ərzində etdiyi dəqiq ötürmələrin sayı 655-ə çatıb. Beləliklə, 30 yaşlı yarımmüdafiəçi 1966-cı ildən etibarən statistikanın aparıldığı dövrdə dünya çempionatlarında ən çox dəqiq ötürmə edən futbolçu rekordunu yeniləyib.

İspaniya millisinin müdafiəçisi Emerik Laport da tarixi göstəriciyə imza atıb. 31 yaşlı futbolçu dünya çempionatları tarixində doğulduğu ölkəni yarımfinal mərhələsində məğlub edən ilk oyunçu olub.

Fransada anadan olan Laport bu ölkənin aşağı yaş qrupları üzrə milli komandalarında 50-dən çox oyun keçirib. Lakin o, baş məşqçi Didye Deşamın rəhbərliyi altında Fransa millisində debüt etmək imkanı əldə etməyib.

Daha sonra İspaniyanın “Atletik” (Bilbao) klubuna transfer olunan müdafiəçi 2021-ci ildə İspaniya vətəndaşlığı alaraq bu ölkənin millisində çıxış etməyə başlayıb.

Qeyd edək ki, İspaniya millisi DÇ-2026-nın yarımfinalında Fransanı 2:0 hesabı ilə məğlub edərək finala vəsiqə qazanıb.

İspaniya millisinin hücumçusu Mikel Oyarsabal dünya çempionatlarının bir turnirində vurulan qolların sayına görə yığmanın rekordunu təkrarlayıb.

Arena.az xəbər verir ki, 29 yaşlı futbolçu DÇ-2026-nın yarımfinalında Fransaya qarşı keçirilən oyunda fərqlənərək turnirdəki 5-ci qolunu vurub.

Bununla da Oyarsabal bu göstəricidə 1986-cı il dünya çempionatında 5 qol vuran Emilio Butragenyo və 2010-cu ildə eyni sayda qol vuran David Vilya ilə eyni səviyyəyə yüksəlib.

“Real Sosyedad”ın kapitanı olan Oyarsabal 2015-ci ildən San Sebastyan klubunun əsas komandasında çıxış edir. O, klubu ilə 2020 və 2026-cı illərdə İspaniya Kubokunun qalibi olub.

İspaniya millisinin heyətində isə Mikel Oyarsabal 2024-cü il Avropa çempionu, həmçinin 2021 və 2025-ci illərdə UEFA Millətlər Liqasının gümüş mükafatçısı adını qazanıb. 30 qolla o, İspaniya millisinin tarixində ən məhsuldar futbolçular siyahısında 6-cı pillədə qərarlaşıb.

İspaniya millisinin futbolçusu Lamin Yamal unikal göstəriciyə imza atıb.

Futbolpress.az “Opta”ya istinadən xəbər verir ki, “Qırmızı furiya” dünya və Avropa çempionatlarında 18 yaşlı vingerin start heyətdə meydana çıxdığı son 12 oyunda qələbə qazanıb.

İspanlar dünən dünya çempionatında Fransaya qalib gələrək (2:0) finala yüksəlib. Yamal bu görüşə “11-lik”də başlayıb.

 

Futbol üzrə İspaniya millisi dünya çempionatının (DÇ-2026) yarımfinalında Fransa yığmasını 2:0 hesabı ilə məğlub edərək tarixi rekorda imza atıb.

Arena.az xəbər verir ki, Luis de la Fuentenin rəhbərlik etdiyi komanda bununla da ardıcıl 37-ci oyununda məğlub olmayaraq İtaliya millisinin dünya rekordunu təkrarlayıb.

İspanların məğlubiyyətsiz seriyası 2024-cü ilin mart ayından davam edir. Bu göstərici ilə onlar 2018–2021-ci illərdə Roberto Mançininin rəhbərliyi altında 37 oyunluq məğlubiyyətsizlik seriyası yaşamış İtaliya millisinin rekorduna şərik olublar.

Xatırladaq ki, İspaniya millisi yarımfinalda Fransaya 2:0 hesabı ilə qalib gələrək ABŞ, Kanada və Meksikanın ev sahibliyi etdiyi 2026-cı il dünya çempionatının ilk finalçısı olub. İspanların finaldakı rəqibinin adına bu gün keçiriləcək Argentina – İngiltərə matçında aydınlıq gələcək.

DÇ-2026-ya iyulun 19-da keçiriləcək final görüşü ilə yekun vurulacaq.

Fransa millisinin futbolçusu Kilian Mbappe zədəsini tam sağaltmayıb.

Futbolpress.az xəbər verir ki, bu barədə “RMC Sport” məlumat yayıb. Forvardın hələ də sağ ayaq topuğunda ağrılar var. Buna baxmayaraq, onun İspaniya ilə yarımfinal matçına start heyətdə başlamaq ehtimalı yüksəkdir. Onun ağrıkəsicilərlə meydana çıxacağı bildirilir.

Bu gün keçiriləcək Fransa – İspaniya oyununa saat 23:00-da start veriləcək.

Fransa millisi DÇ-2026-nın yarımfinalında bu gün İspaniya ilə qarşılaşacaq.

Futbolpress.az xarici KİV-ə istinadən xəbər verir ki, fransızların baş məşqçisi Didye Deşam matçın favoritinin ispanlar olduğunu deyib:

“Şübhəsiz ki, favorit İspaniyadır. Onlar çox gözəl futbol sərgiləyilər. Top onlarda olanda hər an təhlükə yaratmaq bacarığındadırlar. Mundialda da çoxlu qol vurublar və yalnız birini buraxıblar”.

Fransa – İspaniya oyununa saat 23:00-da start veriləcək.

Futbol üzrə İspaniya La Liqasında mübarizə aparan “Valensiya” heyətini yaponiyalı cinah hücumçusu Ryunosuke Sato ilə gücləndirib.

Arena.az xəbər verir ki, bu barədə La Liqa təmsilçisinin mətbuat xidməti məlumat yayıb.

19 yaşlı yaponiyalı vingerlə 2031-ci ilin yayına qədər nəzərdə tutulmuş uzunmüddətli müqavilə imzalanıb.

Ryunosuke Sato “Tokio” klubunun akademiyasının yetirməsidir. O, 2023-cü ildə cəmi 16 yaşında əsas komandada debüt edərək klub tarixinin ən gənc futbolçusu kimi adını tarixə yazdırıb. Gənc futbolçu 2025-ci ilin iyununda isə ilk dəfə Yaponiya millisinin formasını geyinib.

Sato ötən mövsümü icarə əsasında “Faciano Okayama” klubunda keçirib. O, bütün turnirlərdə 19 oyunda meydana çıxaraq 6 qol vurub və 2 məhsuldar ötürmə ilə yadda qalıb.

“Valensiya” argentinalı yarımmüdafiəçi Quido Rodriqeslə də yeni müqavilə imzalandığını açıqlayıb. 32 yaşlı dayaq yarımmüdafiəçisi ilə 2028-ci ilin yayına qədər nəzərdə tutulmuş müqavilə imzalanıb. Sazişdə daha bir mövsüm uzadılma imkanı da yer alıb.

2026-cı ilin yanvarında “Vest Hem”dən “Valensiya”ya keçmiş Quido Rodriqes ötən mövsümün ikinci yarısında komandanın əsas oyunçularından birinə çevrilmişdi. Klub rəhbərliyi onun çıxışından razı qaldığı üçün əməkdaşlığın davam etdirilməsi barədə qərar verib.

Argentina millisinin sabiq üzvü karyerası ərzində “River Pleyt”, “Defensa və Xustisiya”, “Tixuana”, “Amerika”, “Betis” və “Vest Hem” kimi klublarda çıxış edib. O, Argentina yığmasının heyətində 2022-ci il dünya çempionu olub.

İspaniya La Liqasında mübarizə aparan “Valensiya”nın baş məşqçisi, 43 yaşlı ispan mütəxəssis Karlos Korberan klubla yeni müqavilə bağlayıb.

Arena.az xəbər verir ki, tərəflər müddəti 2028-ci ilin iyun ayının sonuna qədər qüvvədə olacaq yeni müqavilə imzalayıblar.

Xatırladaq ki, Korberan 2024-cü ilin dekabr ayından “yarasalar”ın sükanı arxasındadır. Həmin vaxt tərəflər 2027-ci ilin iyun ayının sonuna qədər qüvvədə olacaq müqaviləyə imza atmışdılar.

“Valensiya” Korberanın rəhbərliyi altında indiyə qədər 67 oyuna çıxıb. Komanda bu görüşlərd 28 qələbə qazanıb, 17 heç-heçə edib, 22 məğlubiyyətə üzülüb.

43 yaşlı Korberan məşqçilik fəaliyyətinə 2013/2014-cü illər mövsümündə başlayıb. Korberan “Alkorkon”, “Doksa”, “Ermis”, “Lids” (U-23 komandası), “Haddersfild Taun”, “Olimpiakos” (Pirey), “Vest Bromviç” komandalarını çalışdırıb.

Portuqaliyanın “Sportinq” komandasının danimarkalı yarımmüdafiəçisi Morten Hyulmand bundan sonra “Atletiko”nun uğurları üçün çalışacaq.

Arena.az xəbər verir ki, bu barədə Madrid klubunun mətbuat xidməti məlumat yayıb.

Danimarka yığmasının 27 yaşlı üzvü ilə 2031-ci ilin iyununa kimi müqavilə bağlanıb. İspaniya klubu bu keçidin rəsmiləşməsi üçün 40 milyon avrosundan keçib.

Morten Hyulmand 2023-cü ildən “Sportinq”də oynayırdı. O, Lissabon klubunun heyətində 141 matça çıxıb, 10 qol vurub və 12 məhsuldar ötürmə edib.

Hyulmand “Kopenhagen”in yetirməsidir. O, “Admira Vakker” və “Leççe” kimi klubların da şərəfini qoruyub. “Sportinq” yarımmüdafiəçini 2023-cü ildə məhz “Leççe”dən 19,5 milyon avro müqabilində heyətinə qatmışdı.

Morten 2023-cü ildə debüt etdiyi Danimarka yığmasında 27 oyun keçirib, 1 qol və q məhsuldar ötürmə müəllifi olub.

“Real”ın köhnə-yeni baş məşqçisi, 63 yaşlı portuqal mütəxəsssis Joze Mourinyo Madrid təmsilçisinin sükanı arxasında işinə başlayıb.

Arena.az xəbər verir ki, bu barədə “Real”ın mətbuat xidməti məlumat verib.

“Mour” “Real”ın növbəti mövsümə hazırlığı çərçivəsində mövsümöncəsi hazırlıq mərhələsinə başlanğıc verib.

Vuğrulanır ki, 2026-cı ilin dünya çempionatının başa çatması ilə “Mour” “Real”ın tam heyəti ilə növbəti mövsümə hazırlığı daha geniş miqyasda davam etdirəcək.

“Real”ı 2010–2013-cü illərdə çalışdırmış Joze Mourinyo “qaymaqlılar”ı yenidən çalışdrıması ilə bağlı fikirlərini də bölüşüb. O, klub telekanalına açıqlamasında bunları söyləyib:

“Sözlər hisslərimi tam ifadə edə bilməz, çünki bu, mənim üçün bir missiyadır. Məsələ mənim taleyim və ya nə qədər qələbə qazanacağım deyil. Mən futbolçuların, məşqçilər korpusunun və bütün klubun daha da inkişaf etməsinə kömək etmək üçün buradayam. İş mədəniyyəti, məsuliyyət və ambisiya formalaşdırmaq istəyirəm. Mən “Real”da işləmək yox, “Real” üçün işləmək anlayışını sevirəm. Bu, həm böyük şərəf, həm də böyük məsuliyyətdir. Məhz bu düşüncə ilə buradayam”.

Mourinyo qeyd edib ki, mövsümə hazırlıq prosesi onun bazaya gəlişindən xeyli əvvəl başlayıb:

“Biz uzun müddətdir klub rəhbərliyi ilə müxtəlif istiqamətlər üzrə intensiv işləyirik. Müasir texnologiyalar məsafədən də işləməyə imkan verir. Bu gün əsas məqsəd görülən işləri nəzərdən keçirmək və qarşıdakı planları dəqiqləşdirmək idi”.

Təcrübəli çalışdırıcı qarşıdakı iki həftəlik hazırlıq dövründən maksimum faydalanmaq istədiyini də vurğulayıb:

“Əlbəttə, bütün futbolçuların burada olmasını istərdim. Amma vəziyyətə müsbət yanaşıram. Birlikdə işləyəcəyim gənc futbolçuları yaxından tanımaq, onların da məni tanıması üçün yaxşı imkandır. Hazırlıq dövründə “Kastilya”dan da bir çox oyunçu əsas komanda ilə məşq edəcək və mən onların inkişafına da dəstək olmaq istəyirəm. Dünya çempionları da komandaya qoşulacaq. Mən bu klubu sevirəm”.

İspaniyanın “Betis” klubu La Liqanın digər təmsilçisi Madrid “Real”ının sol cinah müdafiəçisi Fran Qarsiyanın transferini rəsmən açıqlayıb.

Arena.az xəbər verir ki, bu barədə Sevilya klubunun mətbuat xidməti məlumat yayıb.

26 yaşlı futbolçu yeni klubu ilə 2030-cu ilin yayına qədər nəzərdə tutulmuş müqavilə imzalayıb. “Betis” bu transfer üçün paytaxt klubuna 4 milyon avro ödəyib. Razılaşmaya əsasən, “Real” futbolçunun gələcək satışından əldə olunacaq məbləğin 50 faizini almaq hüququnu da özündə saxlayıb.

“Real”ın yetirməsi olan Fran Qarsiya 2023-cü ildən Madrid təmsilçisinin əsas komandasında çıxış edirdi. Bu müddətdə o, komandanın heyətində 109 oyuna çıxıb, 3 qol və 13 məhsuldar ötürmə ilə yadda qalıb. Fran bir neçə mövsüm “Rayo Valyekano”da da çıxış edib – 122 oyun, 5 qol, 8 məhsuldar ötürmə.

Qarsiya 2023-cü ildə debüt etdiyi İspaniya millisində də 2 oyun keçirib.

“Transfermarkt” internet-portalı 26 yaşlı müdafiəçinin transfer dəyərini 10 milyon avro məbləğində qiymətləndirir.

Amerika Birləşmiş Ştatlarından (ABŞ) olan 48 yaşlı futbol mütəxəssisi Pelleqrino Matarasso “Real Sosyedad”la yeni müqaviləyə imza atıb.

Arena.az bu barədə İspaniya klubunun rəsmi saytına istinadən xəbər verir.

Klubun rəsmi açıqlamasına əsasən, yeni razılaşma 2027/2028-ci illər mövsümünün sonunadək qüvvədə olacaq. Əvvəlki müqavilə 2027-ci ilin yayına qədər nəzərdə tutulmuşdu.

Pelleqrino Matarasso 2025-ci ilin dekabr ayında “Real Sosyedad”a baş məşqçi təyin edilib. O, San Sebastyan təmsilçisini indiyə qədər 26 oyuna çıxarıb, 12 qələbə, 8 heç-heçə, 6 məğlubiyyət görüb.

Matarassonun rəhbərliyi altında komanda 2025/2026-cı illər mövsümündə İspaniya Kubokunun qalibi olub. La Liqada isə “Real Sosyedad” mövsümü 10-cu pillədə başa vurub.

Pelleqrino daha öncə “Nürnberq” (2-ci komanda), “Ştutqart” və “Hoffenhaym”da da baş məşqçi kimi çalışıb.

“Barselona”nın yarımmüdafiəçisi Fermin Lopes əsas komandada ilk addımlarını atdığı dövrü və keçmiş baş məşqçisi Xavi Hernandesin onun karyerasındakı rolunu xatırladıb.

İspaniyalı futbolçu bir neçə il əvvəl Kataloniya klubundan ayrılmağa yaxın olsa da, komandanın keçmiş baş məşqçisi onun istedadını görərək, əsas heyətə cəlb etmişdi.

Komanda.az “Managing Barca”-ya istinadən xəbər verir ki, 22 yaşlı yarımmüdafiəçi həmin dönəmlə bağlı bunları deyib:

“Xavi mənə güvəndi və mövsümlərarası hazırlıq toplanışı zamanı əsas komandaya qoşulmağa imkan verdi. O, inkişafımda həlledici rol oynadı. Daha sonra isə Hans-Diter Flik onun başladığı işi davam etdirdi”.

Fermin Lopes bu yaxınlarda klubu ilə müqaviləsinin müddətini 2031-ci ilə qədər uzadıb.

The post “Xavi inkişafımda həlledici rol oynadı” appeared first on Komanda.az.