სერბეთის პოლიციამ ბელგრადში, ეროვნული კრების მიმდებარე ტერიტორიაზე გამართული საპროტესტო აქციის 37 მონაწილე დააკავა.
მედიის ინფორმაციით, სერბეთის შინაგან საქმეთა სამინისტროში აცხადებენ, რომ აღნიშნული პირები „არასანქცირებული საპროტესტო აქციის დროს მშვიდობისა და წესრიგის დარღვევაში“ მონაწილეობდნენ.
„შინაგან საქმეთა სამინისტროს თანამშრომლებმა გამოავლინეს და დააკავეს 37 პირი, რომლებიც მონაწილეობდნენ ეროვნული კრების წინ არასანქცირებული საპროტესტო აქციის დროს მშვიდობისა და წესრიგის დარღვევაში“, – ნათქვამია სერბეთის შინაგან საქმეთა სამინისტროს განცხადებაში.
ცნობისთვის, გუშინ ბელგრადში გამართულ აქციაზე სერბეთის პრეზიდენტის, ალექსანდრ ვუჩიჩის მომხრეებსა და მოწინააღმდეგეებს შორის დაპირისპირება მოხდა. სიტუაცია შაბათს დაიძაბა, როდესაც სერბეთის ქალაქ ნოვი სადის რკინიგზის სადგურზე მომხდარი უბედური შემთხვევიდან ერთი წლისთავთან დაკავშირებით მასშტაბური საპროტესტო აქცია გაიმართა. 2024 წლის პირველ ნოემბერს ნოვი სადის რკინიგზის სადგურზე ჭერი ჩამოინგრა და მოქალაქეების სიცოცხლე იმსხვერპლა. შემთხვევის შემდეგ სერბეთში მასობრივი საპროტესტო აქციები დაიწყო. მოქალაქეები ტრაგედიის გამომწვევ მიზეზად ქვეყანაში არსებულ კორუფციას ასახელებდნენ და ქვეყნის ხელისუფლების გადადგომას მოითხოვდნენ. საპროტესტო აქციების ფონზე თანამდებობა დატოვა ქვეყნის პრემიერ-მინისტრმა, მილოშ ვუჩევიჩმა. დააკავეს მშენებლობის მინისტრი და კიდევ 12 პირი. საპროტესტო აქციები არ შეწყვეტილა და ის პერიოდულად კვლავ იმართება.

აშშ-ის პრეზიდენტის, დონალდ ტრამპის განცხადებით, ამ ეტაპზე ის უკრაინისთვის შორ მანძილზე მოქმედი „ტომაჰაკვის“ ტიპის ფრთოსანი რაკეტების მიწოდებას არ განიხილავს.
ჟურნალისტების შეკითხვაზე, განიხილავს თუ არა რაკეტების მიყიდვასთან დაკავშირებულ გარიგებას, ტრამპმა უპასუხა: „არა, სინამდვილეში არა“, თუმცა, დასძინა, რომ, შესაძლოა, გადაიფიქროს.
ცნობისთვის, ბოლო დღეებში გავრცელებული ინფორმაციით, პენტაგონმა თეთრ სახლს აცნობა, რომ აშშ-ს „ტომაჰავკის“ საკმარისი მარაგი აქვს იმისთვის, რომ უკრაინისთვის მათი მიწოდება შესაძლებელი იყოს.

ბრემენის საერთაშორისო აეროპორტში დრონის აღმოჩენის გამო საჰაერო მოძრაობა დროებით შეფერხდა, – ინფორმაციას Deutsche Welle ავრცელებს.
გამოცემა ადგილობრივ პოლიციაზე დაყრდნობით იუწყება რომ დრონი აეროპორტის სიახლოვეს, კვირას, ადგილობრივი დროით დაახლოებით 19:30 საათზე თითქმის 1 საათით შენიშნეს.
საჰაერო მოძრაობის კონტროლმა თვითმფრინავების აფრენა და დაშვება დაუყოვნებლივ შეაჩერა. Buten un Binnen-ის ვებსაიტის ცნობით, ლონდონიდან ბრემენში მიმავალი რეისი ჰამბურგში გადამისამართდა. პოლიციაში აცხადებენ, რომ ჯერ კიდევ გაურკვეველია, ვინ გაუშვა დრონი.
შეგახსენებთ, ერთი დღით ადრე, 31 ოქტომბრის საღამოს, უცნობი დრონის დანახვის გამო ბერლინ-ბრანდენბურგის საერთაშორისო აეროპორტის მუშაობა დროებით შეფერხდა.

კრისტალბეთ ეროვნულ ლიგაში 31-ე ტური დაიწყო. სამი მატჩი გაიმართა. დინამო თბილისმა თელავს სძლია, გარეჯმა აუტსაიდერ ფოთის კოლხეთი 1913-ს აჯობა, ხოლო სამგურალისა და გაგრას დაპირისპირება ფრედ დასრულდა.
სამგურალი 1:1 გაგრა
წყალტუბოელებმა ზედიზედ ხუთი გამარჯვების შემდეგ, გაგრასთან ფრედ ითამაშეს. უგოლო პირველი ტაიმის მერე გუნდებმა შეტევას უფრო მეტი დრო დაუთმეს, მეორე ტაიმის შუაში გიორგი ხარებაშვილმა დაბალ კუთხეში დარტყმით დააწინაურა გაგრა. ხარებაშვილმა რიჩმონდ ადეიეს კარგი პასი გამოიყენა და ბოლო ორ შეხვედრაში სამი გოლი მოუგროვდა…
სამგურალმა ბოლოს, 86-ე წუთზე გაათანაბრა, კერძოდ, გიორგი ფანცულაიამ ახლო მანძილიდან გაიტანა. ეს მისი მე-15 გოლია მიმდინარე კრისტალბეთ ეროვნულ ლიგაში და ბომბარდირთა დავაში პირველ ადგილზეა.
იმერული გუნდი მეხუთე ადგილზეა და მეშვიდეზე მყოფ გაგრას ორი ქულით უსწრებს.
დინამო თბ 3:0 თელავი
თბილისის დინამოელებმა ბოლოსწინაადგილოსან თელავს აჯობეს.
პირველი გოლი მცველმა გიორგი გვასალიამ გაიტანა. საინტერესოა, რომ ეს 18 წლის გვასალიას პირველი გოლია კრისტალბეთ ეროვნულ ლიგაში.
მალევე თორნიკე მორჩილაძემ მახვილი კუთხიდან მაღალ კუთხეში გაუტანა თელაველთა მეკარე ოლექსი შევჩენკოს. მორჩილაძეს ამ სეზონში დინამოელთაგან ყველაზე მეტი გოლი აქვს – 11.
მეორე ტაიმი ახალი დაწყებული იყო, როცა ნიკა ნინუამ მშვენივრად შეასრულა საჯარიმო დარტყმა და სხვაობა სამამდე გაზარდა. სიახლე არაა, რომ ნინუა ზოგადად კარგად ასრულებს საჯარიმოებს.
კოლხეთი 1913 1:3 გარეჯი
აუტსაიდერი კოლხეთი 1913 საგარეჯოს გარეჯს უგებდა, მაგრამ მეორე ტაიმში სამი გოლი გაუშვა და 1:3 დამარცხდა. ფოთელები 10 ქულით ჩამორჩებიან მეცხრეზე მყოფ თელავს.
პირველი ტაიმის ბოლოს, ფოთელები ამარ ბეგიჩის გოლით დაწინაურდნენ. ბოსნიელს კარგი დარტყმა გამოუვიდა…
გარეჯმა მეორე ნახევარში მოუმტა და თხუთმეტწუთიან მონაკვეთში სამჯერ გაიტანა. ჯერ ლევან პაპავამ გაათანაბრა პენალტით. რამდენიმე წუთში კი ნიკა კაჭარავამ ბაჩანა მოსაშვილის პასს ეფექტურად ქუსლით დარტყმა მიაყოლა და 1:2.
გარეჯიდან მესამე გოლი კი ლუკა თოლორდავამ მიითვალა. ისევ მოსაშვილის პასი და თოლორდავამ თავით გაიტანა. სხვათა შორის, ორივე გოლის ავტორი, კაჭარავაც და თოლორდავაც შეცვლაზე შევიდნენ.
საგარეჯოელები მერვე ადგილზე არიან და ეცდებიან, რომ საშიშ ზონას თავი დააღწიონ.
erovnuliliga.ge
“სამგურალის” ზედიზედ მეხუთე მოგება
“დინამო თბილისმა” ფოთელებს მოუგო; “თელავი”-“ტორპედო” ფრედ დასრულდა
“იბერია 1999” პირველ ადგილზე დაბრუნდა, “გაგრამ” “დინამო ბათუმს” მოუგო
“იბერია 1999” პირველ ადგილზე დაბრუნდა, “გაგრამ” “დინამო ბათუმს” მოუგო
“სამგურალის” ზედიზედ მეხუთე მოგება
ფრე დინამოების დაპირისპირებაში; წყალტუბოელთა მოგება ფოთში
ფანცულაია გოლებს აგროვებს; “სამგურალმა”, “გარეჯმა” და “თელავმა” გაიმარჯვეს
“დინამო თბილისმა” ფოთელებს მოუგო; “თელავი”-“ტორპედო” ფრედ დასრულდა
ლიდერი ისევ “დილაა”; “ტორპედომ” კი იბერიელებს აჯობა

ლიგა ენდესას მეხუთე ტურში „ბარსელონა“ სახლში „მურსიასთან“ 78:81 დამარცხდა, მასპინძელთა გუნდის მძიმე ფორვარდმა თორნიკე შენგელიამ კარგად ითამაშა, მაგრამ ტრავმა მიიღო.
კატალონიური კლუბის ცნობით, შენგელიას მარცხენა კოჭ-წვივი დაუზიანდა და მისი მდგომარეობა დღეს სამედიცინო გამოკვლევის შემდეგ გაირკვევა.
3Cat-ი წერს, რომ ტრავმის სავარაუდო სირთულიდან გამომდინარე, 7 ნოემბერს ქართველის ევროლიგაზე „რეალთან“ თამაში საეჭვოა, რაც „ბარსასთვის“ დიდი დანაკლისი იქნება.
საქართველოს ნაკრები მსოფლიოს ჩემპიონატის საკვალიფიკაციო ეტაპზე 27 ნოემბერს უკრაინას უმასპინძლებს, 30 ნოემბერს კი ესპანეთს ესტუმრება და იმედია, იქამდე თორნიკე მწყობრში ჩადგება.

ამის შესახებ “როიტერსს” აცნობა ინფორმაციაზე პირდაპირი წვდომის მქონე ორმა და გადამამუშავებელი მრეწველობის სფეროდან რამდენიმე წყარომ.
თურქეთი, ჩინეთსა და ინდოეთთან ერთად, რუსეთის ნედლი ნავთობის უმსხვილესი შემსყიდველია. თურქეთის გადამამუშავებელი კომპანიები ინდოეთის მსგავს ნაბიჯებს დგამენ, რაც აჩვენებს აშშ-ის, ევროკავშირისა და გაერთიანებული სამეფოს მიერ რუსეთის ნავთობის გაყიდვის და შესაბამისად, უკრაინის წინააღმდეგ ომის საწარმოებელი რესურსების შესამცირებლად გაწეული ძალისხმევის ეფექტიანობას.
თურქეთის ერთ-ერთმა უმსხვილესმა გადამამუშავებელმა კომპანიამ Socar Turkey Aegean Refinery (STAR), რომელსაც აზერბაიჯანული კომპანია SOCAR-ი ფლობს, ახლახან ერაყიდან, ყაზახეთიდან და სხვა არარუსული მწარმოებლებისგან შეისყიდა ოთხი პარტია ნედლი ნავთობი, რომელსაც დეკემბერში მიიღებს.
პარტიის მოცულობიდან გამომდინარე, ეს ნიშნავს 77 ათასიდან 129 ათასამდე ბარელ არარუსულ ნავთობს დღეში და იმას, რომ SOCAR-ი ნაკლებ რუსულ ნედლ ნავთობს გამოიყენებს.
გლობალური ვაჭრობის მონაცემთა ანალიზის კომპანია Kpler-ის მონაცემებით, სექტემბერსა და ოქტომბერში STAR-ის ობიექტების მიერ გადამუშავებული ნედლი ნავთობი – დაახლოებით 210 ათასი ბარელი დღეში – პრაქტიკულად სრულად რუსული იყო.
STAR-მა ნავთობის ერთ-ერთი პარტია ყაზახეთის KEBCO-სგან შეისყიდა, აცხადებს ორი წყარო, რომელთა თანახმად, ეს ნედლეული იგივე ხარისხისაა, როგორიც რუსეთის ურალის ნავთობი.
ფორუმი

ლიგა 1-ის მეთერთმეტე ტურში, სახლში „ნიცას“ 1:0 დამარცხების შემდეგ, კომენტარი პსჟ-ს მწვრთნელმა ლუის ენრიკემ გააკეთა:
„აი, ასე მოგება ძალიან სასიამოვნოა, ბოლო წუთზე, მატჩის გადამწყვეტ მომენტში, შესანიშნავ ატმოსფეროში, როდესაც გულშემატკივრები 94 წუთის მანძილზე მღეროდნენ. კარგია, რომ ყველას ასეთი განწყობა გვაქვს. ვფიქრობ, დამსახურებული გამარჯვება მოვიპოვეთ. რამუშმა იმ 15-20 წუთის განმვლობაში, რაც მოედანზე იყო, თავისი სამუშაო ჩინებულად შეასრულა და გოლი თვითდაჯერებისათვის ძალიან მნიშვნელოვანია. მან „პარი სენ ჟერმენში“ მეასე მატჩი ჩაატარა და გაიტანა ლის კარგი ჩაწოდებისა და კვარაცხელიას კარგი პასის შედეგად.
საწყისი 30 წუთი მოდუნებულები ვიყავით, პირველი ტაიმის დარჩენილ ნაწილში უკეთ გამოვიყურებოდით, მეორე ტაიმში კი კარგად ვითამაშეთ. უკვე „ბაიერნთან“ შეხვედრაზე ვართ კონცენტრირებული, რადგან ეს ისევე როგორც „ბარსელონასთან“ გამართული შეხვედრა, სეზონში ერთ-ერთი საუკეთესო უნდა იყოს. მათ ბოლო 15 დაპირისპირება მოიგეს, რაც ჩინებული შედეგია. გვიხარია, რომ ევროპის ერთ-ერთ საუკეთესო გუნდს შევხდებით და საკუთარ თავში დარწმუნებული ვართ. ვიცით, როგორ დაგვიჭერენ გულშემატკივრები მხარს და შევეცდებით, ეს ჩვენს სასარგებლოდ გამოვიყენოთ“.
„ეკიპი“ წერს, რომ კვარაცხელია სეზონის დასაწყისში სირთულეებს წააწყდა, „ნიცასთან“ გადამწყვეტი საგოლე გადაცემა გააკეთა, საინტერესო მოქმედებები შემოგვთავაზა, განსაკუთრებით როდესაც მარცხენა ფლანგზე იყო და ლისთან გოლის აღნიშვნისას ისეთი სიხaრული გამოხატა, ადვილი მისახვედრი გახლდათ, როგორი შვება იგრძნო, თუმცა ჯერ კიდევ ზედმეტად ფრთხილად თამაშობს. გამოცემა ისევ აღნიშნავს, რომ ის ჩემპიონთა ლიგაზე უკეთ ირჯება, ვიდრე ლიგა 1-ზე.
ხვიჩა „ნიცასთან“ საჯარიმოში ბურთს 17-ჯერ შეეხო, რაც ამ სეზონში პარიზული გუნდის ფეხბურთელთა შორის საუკეთესო მაჩვენებელია.
ანალიტიკური საიტებისგან „კვარამ“ ყველაზე მაღალი შეფასებები დაიმსახურა, თუმცა ცნობილი ფრანგული გამოცემა მაინც თავისას ამტკიცებს.
კიტეიშვილის “შტურმი” ჩემპიონატზე ისევ დამარცხდა
პსჟ ისევ დარჩა დემბელეს გარეშე?
მესი მხარდაჭერას ოპოზიციის კანდიდატს გამოუცხადებს – ლეოს ლაპორტას მიმართ წყენა არ დავიწყებია
მბაპემ მადრიდის “რეალსა” და პსჟ-ის შორის სხვაობაზე ისაუბრა
L’Équipe: გადაღლილი კვარაცხელია ლიგა 1-ში თავს ზოგავს, ჩემპიონთა ლიგაზე კი შესანიშნავად თამაშობს – საეჭვოა ეს ლუის ენრიკეს მოეწონოს
მიქაუტაძე შეცვლაზე შევიდა – “ლიონმა” “ნიცას” მოუგო
“კვარა” დაიწყებს – ქართველების დღე გამორჩეულ ლიგებში
პსჟ-ის ახალი ვიცე-კაპიტანი ჰყავს – ის თავად გუნდის ფეხბურთელებმა აირჩიეს
“კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა” – ფრანგი ჟურნალისტი
ლუის ენრიკემ “კვარას” ნაკრებში გამოძახებაზე კომენტარი გააკეთა
რას უპირებს ენრიკე ზაბარნის საშინელი მატჩის შემდეგ – კომენტარი ქალთა გუნდის ყოფილმა მცველმაც გააკეთა
“მას შემდეგ, რაც პსჟ-ს მწვრთნელი ვარ, ყველაზე მეტად მათ წინააღმდეგ გაგვიჭირდა” – ლუის ენრიკემ მეტოქე გამოარჩია
არაბები საფრანგეთის ლიგა 1-ის გუნდს იყიდიან? – რეტკლიფს ამ თანხით თავის გეგმები აქვს
“პსჟ კი არა, ჩემპიონთა ლიგის ფავორიტი ეს გუნდია” – ლუის ენრიკეს მოულოდნელი არჩევანი
“დღეს კვარაცხელიას შეიძლება პსჟ-ს წინააღმდეგ ეთამაშა” – ფრანგული გამოცემა არშემდგარი ტრანსფერის დეტალებს ახმოვანებს

საფრანგეთის სპეცსამსახურებმა ლუვრში მომხდარი გახმაურებული ძარცვის საქმეზე კიდევ ხუთი ახალი ეჭვმიტანილი დააკავეს, – ამის შესახებ გამოცემა France Info წერს.
ოთხი ეჭვმიტანილი პოლიციამ მაშინ დააკავა, როცა ისინი მშვიდად იდგნენ გულშემატკივართა რიგში, რათა შესულიყვნენ საფეხბურთო მატჩზე „პარიზი FC“ – „ლიონი“. მეხუთე ეჭვმიტანილი მოგვიანებით აიყვანეს.
პარიზის პროკურორმა ლორა ბეკომ განმარტა, რომ ერთ-ერთი დაკავებული უკვე იყო გამომძიებელთა მხედველობის არეში, რადგან დანაშაულის ადგილზე მისი დნმ-ის კვალი იქნა აღმოჩენილი. სავარაუდოდ, ის იყო ერთ-ერთი სკუტერის მძღოლი, რომლითაც მძარცველები შემთხვევის ადგილიდან მიიმალნენ.
დაკავება მოხდა 29 ოქტომბრის საღამოს, დაახლოებით 20:30 საათზე, პარიზში. პოლიციის ცნობით, დაკავება სწრაფად და ინციდენტების გარეშე წარიმართა.
აღსანიშნავია, რომ ეჭვმიტანილთა უმეტესობა მცირე სამართალდარღვევების ისტორიის მქონე პირებია. ამასთან, მოპარული ძვირფასეულობა, რომლის ღირებულება შეადგენს დაახლოებით 88 მილიონ ევროს, ჯერჯერობით ნაპოვნი არ არის.
ქურდებმა ლუვრის ერთ-ერთ დარბაზში, აპოლონის გალერეაში, სადაც ექსპონატები იყო გამოფენილი, მხოლოდ ოთხი წუთი დაჰყვეს. მათ წაიღეს საიმპერატორო ყელსაბამები, დიადემები და გულსაბნევები. იმპერატორის მეუღლის – ეუხენიას გვირგვინი კი, მოგვიანებით ქუჩაში მიტოვებული იპოვეს.
პარიზის პროკურორის განცხადებით, მოპარული რვა ნივთის საერთო ღირებულება 102 მილიონ აშშ დოლარს აღწევს.
ლუვრის გაქურდვის ფაქტზე პოლიციამ 30 ოქტომბერს, კიდევ 5 ეჭვმიტანილი დააკავა.
რატომ არ შეეხნენ “რეგენტს“?
აპოლონის გალერეის ყველაზე ძვირად ღირებული ექსპონატია ბრილიანტი „რეგენტი“ – მსოფლიოს ერთ-ერთი ყველაზე სუფთა და სრულყოფილი ბრილიანტია. ესაა 140.64 კარატიანი ძვირფასი ქვა.
დღეს ბრილიანტის ფასი, დაახლოებით, 60 მილიონ ევროს შეადგენს. რადგან ქურდებმა მას ხელი არ ახლეს, ხელოვნებათმცოდნეები დარწმუნებულნი არიან, რომ მძარცველებს მხოლოდ ფინანსური მიზანი არ ამძორავებდათ.
“დაუცველი” ლუვრი
საფრანგეთის პრეზიდენტმა ემანუელ მაკრონმა ლუვრის განახლების პროგრამა „ლუვრი – ახალი რენესანსი“ – წელს, იანვარში დააანონსა. ესაა ათწლიანი, 800-მილიონიანი პროექტი, რომელიც მუზეუმის დაცვის სისტემის სრულ განახლებასაც ითვალისწინებს, თუმცა, სამუშაოები ჯერ არ დაწყებულა.
რუსული კვალის ეჭვი
ბოლო ორ წელიწადში საფრანგეთში განხორციელებული რიგ ქურდობებთან დაკავშირებით მედიაში პიერ მალინოვსკის სახელი “ამოტივტივდა”. პიერი ვინაა?
ეს გასაკვირი არაა, რადგან საფრანგეთში მოპარული მონეტები მიმდინარე წლის მარტში რუსეთის ერთ-ერთ ანტიკვარიატის ბაზრობაზე იქნა აღმოჩენილი. პიერ მალინოვსკი, საფრანგეთის არმიის ყოფილი წევრია, ბოლო 7 წელია რუსეთში ცხოვრობს 2018 წელს საფრანგეთ-რუსეთის ისტორიული ინიციატივების განვითარების ფონდი დააარსა, იგი საფრანგეთში საკმაოდ წინააღმდეგობრივად ითვლება. მალინოვსკის ფონდის ვიცე-პრეზიდენტი 2022 წლის მარტამდე დმიტრი პესკოვის შვილი ელიზავეტა იყო. მალინოვსკი საფრანგეთში ლე პენის ულტრამემარჯვენე პარტიასთან იყო ასოცირებული, ხოლო რუსეთში 2018 წელს პრეზიდენტის ინაუგურაციას დაესწრო და კრემლის ინსაიდერად ითვლება.
რუსულ მედიასთან საუბარში მან განაცხადა, რომ საფრანგეთში ძარცვებთან განძრახ აკავშირებენ, რათა “რუსეთი ნეგატიურად მოიხსენიონ”, მას არანაირი კავშირი არ აქვს ამ მოვლენებთან, იგი რუსეთის მოქალაქეა, ცხოვრობს მოსკოვში და არავის არ ემალება.
ლუვრის გაქურდვა, როგორც გაკვეთილი მსოფლიოსთვის
ლუვრიდან ექსპონატების მოპარვა, ალბათ, არა მხოლოდ საფრანგეთის, არამედ მთელი მსოფლიოსთვის გაფრთხილებაა, რომ შესაძლებელია, ყველაზე სახელგანთქმული მუზეუმიც კი გახდეს ორგანიზებული დანაშაულის მსხვერპლი. საქმეს ასზე მეტი პოლიციელი იძიებს, თუმცა გამოძიების დეტალები არ საჯაროვდება.

1 ნოემბერს ღამით უკრაინის თავდაცვის ძალებმა დარტყმა განახორციელეს ტუაფსეს ნავთობგადამამუშავებელ ქარხანაზე, რუსეთის ფედერაციის კრასნოდარის მხარეში.
უკრაინელი სამხედროების მონაცემებით, დაზიანებულია ფედერალური მნიშვნელობის საზღვაო სავაჭრო პორტის ნავთობის ჩატვირთვის ინფრასტრუქტურა, რომელიც მდებარეობს შავი ზღვის სანაპიროზე, ტუაფსეს ყურეში:
“თავდაცვის ძალები კვლავაც იღებენ ყველა ზომას, რუსი ოკუპანტების სამხედრო-ეკონომიკური პოტენციალისთვის ძირის გამოსათხრელად და რუსეთის იძულებისთვის, რომ შეწყვიტოს უკრაინის წინააღმდეგ შეიარაღებული აგრესია”.
უპილოტო საფრენი აპატარებით განხორციელებული თავდასხმის შედეგად, ტუაფსეს პორტში ხანძარი გაჩნდა. “უკრაინსკა პრავდას” წყაროების თანახმად, თავდასხმაში ჩართულები იყვნენ უკრაინის უსაფრთხოებისა და თავდაცვის ძალები, გამოყენებული იყო სპეცოპერაციების ცენტრ “ალფას” უპილოტო საფრენი აპარატები.
ფორუმი

დღეს, 2 ნოემბერს, საღამოს საათებში, სავარაუდოდ, ისევ დააკავეს რუსთაველის აქციის რამდენიმე მონაწილე.
დღეს საღამოს პოლიციამ რუსთაველის აქციის 5 მონაწილე წაიყვანა, მათ შორისაა: აფხაზეთიდან დევნილი, 71 წლის აზა ჩილაჩავა, ლადო ბეროზაშვილი, ლევან საბიაშვილი, დათო ბასარია და მაია სულაბერიძე.
თუმცა მოგვიანებით მაია სულაბერიძე გამოუშვეს. ასევე ვრცელდება ცნობა, რომ პოლიციამ დათო ბასარიაც გაათავისუფლა.
ნეტგაზეთი ცდილობს 2 ნოემბერს დაკავებულების შესახებ ინფორმაცია შინაგან საქმეთა სამინისტროში გადაამოწმოს, თუმცა უწყებაში არ გვპასუხობენ.
ბოლო დღეებში, ახალი რეპრესიული კანონებით, რუსთაველის აქციის ათეულობით მონაწილე დააკავეს გზის გადაკეტვისა და პირბადის ტარების საბაბით.
ფოტო: MOSE

ლიგა ენდესას მეხუთე ტურში „ბარსელონა“ სახლში „მურსიასთან“ 78:81 დამარცხდა.
თორნიკე შენგელია საუკეთესოდ გაისარჯა, მაგრამ, სამწუხაროდ, ტრავმა მიიღო და მოედანი თანაგუნდელების დახმარებით დატოვა.
შენგელიამ 25:05 წუთში 21 ქულა (11-დან 6 ორქულიანი, 5-დან 0 სამქულიანი, 11-დან 9 საჯარიმო), 3 მოხსნა, 1 პასი, 3 ჩაჭრა და 1 დაფარება მიითვალა, მისმა მარგი ქმედების კოეფიციენტმა 21 შეადგინა, რაც ორივე გუნდიდან საუკეთესო შედეგია.
„მარკა“ წერს, რომ „ბარსამ“ მოულოდნელი მარცხი განიცადა, თუმცა ყველაზე უარესი ისაა, რომ „თოკომ“ ტრავმირებულმა დატოვა პარკეტი.
იმედია, ის სერიოზულად არ დაშავებულა და ნოემბერში საქართველოს ნაკრების დახმარებას შეძლებს.
„ბარსელონა“ 2 მოგებით მერვე ადგილზეა და 9 ნოემბერს სტუმრად „ჟირონას“ შეხვდება.
[VIDEO] ქართველი გმირის საავტორო გამარჯვება – შენგელიას ლიდერობით “ბარსამ” ურთულესი მატჩი მოიგო
შენგელიას 11 ქულა და “ბარსას” მე-4 გამარჯვება ევროლიგაზე
შერმადინმა “უნიკახასთან” 15 ქულა, 8 მოხსნა და გამარჯვება გაიფორმა
[VIDEO] ქართველი გმირის საავტორო გამარჯვება – შენგელიას ლიდერობით “ბარსამ” ურთულესი მატჩი მოიგო
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
[VIDEO] შენგელიას შედეგიანი მატჩი – “ბარსელონა” “დუბაისთან” დამარცხდა
შენგელიას 11 ქულა და “ბარსას” მე-4 გამარჯვება ევროლიგაზე
შენგელიას 13 ქულა და “ბარსელონას” საშინაო მარცხი “ჟალგირისთან”
შენგელიას 13 ქულა და “ბარსელონას” საშინაო მარცხი “ჟალგირისთან”

„საერთაშორისო გამჭვირვალობა – საქართველო“ წერს, რომ 2021 წლის დეკემბრიდან დღემდე ახალციხის საკრებულოს დეპუტატებმა, მათი ოჯახის წევრებმა და ნათესავებმა, მხოლოდ ახალციხის მერიიდან და მისი იურიდიული პირებიდან, ჯამში, 24 811 129 ლარის შესყიდვები მიიღეს.

„გამჭვირვალობა – საქართველო“ აფასებს ახალციხის მუნიციპალიტეტის 2021 წლის მოწვევის საკრებულოს საქმიანობას. ანგარიში ეფუძნება საკრებულოდან გამოთხოვილ ინფორმაციას, საკრებულოს ოფიციალურ ვებგვერდზე არსებულ ინფორმაციას და ორგანიზაციის დაკვირვებებს. კვლევის საანგარიშო პერიოდია 2021 წლის დეკემბრიდან 2025 წლის 10 ივნისის ჩათვლით.

„გამჭვირვალობის“ შეფასებები ძირითადი მიგნებებია:

2021 წლის დეკემბრიდან დღემდე ახალციხის საკრებულოს დეპუტატებმა, მათი ოჯახის წევრებმა და ნათესავებმა, მხოლოდ ახალციხის მერიიდან და მისი იურიდიული პირებიდან, ჯამში, 24 811 129 ლარის შესყიდვები მიიღეს;

ახალციხის  საკრებულოს 22 თანამდებობის პირიდან 17 „ქართული ოცნების“ წარმომადგენელია. როგორც მათი ქონებრივი დეკლარაციების მონიტორინგიდან ირკვევა, 6-ის ოჯახის წევრები  სხვადასხვა ფორმით იყვნენ ჩართულნი 2024 წლის საარჩევნო პროცესში;

საკრებულოს 39 დეპუტატიდან 6 ოპოზიციონერ დეპუტატს ყოველწლიური ანგარიშები არ წარუდგენია. 4-11 დეპუტატი წერს, რომ მათი ჩართულობით, 3 წლის განმავლობაში, ჯამში, 116 პრობლემა მოგვარდა, თუმცა მათი ნაწილი მეორდება, ნაწილი კი „სოფლის მხარდაჭერის პროგრამის“ ფარგლებში განხორციელებულ პროექტებზე მოდის.

საკრებულოში მოქმედი სამი ფრაქციიდან ინიციატივა არცერთს არ წარუდგენია. ფრაქციების საქმიანობაზე, მხოლოდ 2 წელში, ბიუჯეტიდან 678 048 ლარი გაიწერა. 2024-2025 წლის ხარჯების შესახებ საკრებულომ ინფორმაცია „გამჭვირვალობას“ არ მიაწოდა. 

2021 წლის დეკემბრიდან 2023 წლის ჩათვლით საკრებულოს ხარჯმა 2 276 392 ლარია. ამ თანხის 89% ხელფასებში, დანამატებსა და ჯილდოებში გაიწერა. 2024-2025 წლების ხარჯებზე საკრებულომ ინფორმაცია ორგანიზაციას არ მიაწოდა. 

2021 წლის დეკემბრიდან 2023 წლის ჩათვლით საკრებულომ 66 835 ლიტრი საწვავი გახარჯა, რაშიც 198 889 ლარი დაიხარჯა. გახარჯული საწვავიდან 20 ტონაზე მეტი საკრებულოს თავმჯდომარემ და მისმა სამმა მოადგილემ გახარჯა. 2024-2025 წლების ხარჯებზე საკრებულომ „გამჭვირვალობას“ ინფორმაცია არ მიაწოდა.

„გამჭვირვალობა“ წერს, რომ საანგარიშო პერიოდში, საკრებულოს რაიმე სახის გადაცდომა მერის საქმიანობაში, ან ინტერესთა კონფლიქტი სახელმწიფო შესყიდვების პროცესში არ გამოუვლენია.

ამავე დროს, ორგანიზაცია აღნიშნავს, რომ საპირისპიროს აჩვენებს „საერთაშორისო გამჭვირვალობა – საქართველოს“ კვლევები და აუდიტის სამსახურის დასკვნები.

კერძოდ, „გამჭვირვალობა“ წერს:

„2021 წლის დეკემბრიდან დღემდე ახალციხის საკრებულოს დეპუტატებმა, მათი ოჯახის წევრებმა და ნათესავებმა, მხოლოდ ახალციხის მერიიდან და მისი იურიდიული პირებიდან, ჯამში, 24 811 129 ლარი მიიღეს;

ინფრასტრუქტურის კომისიის თავმჯდომარის და სატენდერო კომისიის წევრის, ნოდარ ტალახაძის შვილის, ტარიელ ტალახაძის კომპანიამ 13 023 982 ლარი მიიღო;
ქონების მართვის კომისიის თავმჯდომარის და მიღება-ჩაბარების კომისიის თავმჯდომარის მოადგილის, ზოია ბალიაშვილის რძლის [1] კომპანიამ – 10 455 585 ლარი მიიღო, ასევე, მისმა შვილმა კობა ბალიაშვილმა – 62 983 ლარი;

დეპუტატ ზაზა მელიქიძის კომპანიამ – 194 876 ლარი მიიღო. მისი ცოლის ძმის, ხვიჩა ალავიძის კომპანიამ – 193 966 ლარი. ზაზა მელიქიძის ბიძაშვილის შვილმა, ლაშა თედორაძემ წელიწად-ნახევარში, 2023 წლის ოქტომბრიდან 2025 წლის ივლისის ჩათვლით – 408 724 ლარი. აქედან 345 987 ლარი (84.65%) პირდაპირი შესყიდვებითა და უკონკურენტოდ მოგებული ტენდერებით დაერიცხა. ლაშა თედორაძე, ასევე, ახალციხის სკოლამდელი აღზრდის დაწესებულებათა გაერთიანების დირექტორის მოადგილის, ნანა ბერიძის სიძეა. ნანა ბერიძის და, ეკა ბერიძე კი ახალციხის საკრებულოში, პრესსამსახურის წარმომადგენელია;

დეპუტატ გელა ჭალიძის კომპანიებმა 300 973 ლარი მიიღო;

სახელმწიფო აუდიტის დასკვნის მიხედვით, 2022 წელს, „სამშენებლო სამუშაოების 3 გამარტივებული წესით შესყიდვისას, მუნიციპალიტეტმა არ დაიცვა კანონმდებლობა და 135.1 ათასი ლარი მიმწოდებლებს აუნაზღაურა ფაქტობრივი დანახარჯების დათვლისა და დადასტურების გარეშე. რაც ქმნის საბიუჯეტო სახსრების ზედმეტად ანაზღაურების რისკს“. აღნიშნული 3 შესყიდვიდან, ერთი, ახალციხის მერმა ირაკლი ლაზარაშვილმა თავის მეგობარს და პირადი მძღოლის ძმას, გიორგი კაპანაძეს 44 095 ლარზე გაუფორმა. კაპანაძემ კიდევ ერთი პირდაპირი შესყიდვა ახალციხის მერიიდან 20 631 ლარზე მიიღო“.

ამავე დროს, „გამჭვირვალობა“ მიუთითებს, რომ მოქალაქეთა ჩართულობა საკრებულოს საქმიანობაში დაბალია – „საანგარიშო პერიოდში გამართული 50 სხდომიდან, კანონის მოთხოვნათა დაცვით, ერთი კვირით ადრე, არცერთი სხდომა არ დაანონსებულა. მათ შორის 28 სხდომის ანონსი, წინა დღით გამოქვეყნდა“.

ასევე, ორგანიზაცია აღნიშნავს, რომ 2021 წლის მოწვევის საკრებულოში ორი პეტიცია დარეგისტრირდა და ორივეს ავტორი იყო „საერთაშორისო გამჭვირვალობა – საქართველო“;

პირველი პეტიცია, 2022 წლის 13 აპრილს, 360 ადგილობრივის ხელმოწერით, „ქალაქ ახალციხეში, იაძის ქ. 12-ში მდებარე N4 სკოლამდელი აღზრდის დაწესებულების დემონტაჟისა და ახლის აშენების“ მოთხოვნით, დაკმაყოფილდა და ახალი ბაღი უკვე აშენდა, ხოლო მეორე პეტიცია, 2023 წლის 7 დეკემბერს, 400 ადგილობრივის ხელმოწერით, „ქალაქ ახალციხეში შშმ პირთა საჭიროებებზე მომუშავე არასამთავრობო ორგანიზაციებისთვის ფართის (უზუფრუქტის ფორმით) გამოყოფის შესახებ“, ახალციხის საკრებულომ არ დაარეგისტრირა.

„გამჭვირვალობა“ წერს, რომ საკრებულოს ინფორმაციით, 2022-2024 წლებში ახალციხის საკრებულოს წევრებმა ჯამში 675 შეხვედრა გამართეს მოქალაქეებთან, თუმცა, საკრებულომ აღნიშნული შეხვედრების ოქმები ვერ წარმოადგინა.

„გამჭვირვალობის“ სრული შეფასება შეგიძლიათ ნახოთ ამ ბმულზე.

აქციის მონაწილეებმა ლოზუნგით „დედები თავისუფლებისთვის“ ფილარმონიის მიმდებარე ტერიტორიიდან საქართველოს პარლამენტთან გადაინაცვლეს, სადაც მანიფესტი წაიკითხეს და განაცხადეს, რომ ბრძოლას ბოლომდე გააგრძელებენ.
აქციის მონაწილეები საკანონმდებლო ორგანოსთან მობილიზებულ სამართალდამცველებს მოუწოდებენ, რომ „გაბედონ და ხალხის მხარეს გადმოვიდნენ“.
„გამარჯვება მხოლოდ ჩვენია, საქართველო ჩვენია”,-განაცხადეს აქციის მონაწილეებმა.
მათი განმარტებით, ხელისუფლებას ძალიან ეშინია ქართველი ქალების. მათივე თქმით, ფრთხილად უნდა იყოს „ქართული ოცნება“, რადგან ქართველი დედები საკუთარი შვილებისთვის ყველაფერს გააკეთებენ.
აქციის მონაწილეები ახალი, სამართლიანი არჩევნების ჩატარებას და აქციაზე დაკავებულების გათავისუფლებას მოითხოვენ. პარლამენტის მიმდებარე ტერიტორიაზე მობილიზებულია პოლიცია.
პარლამენტთან საპროტესტო აქცია 340 დღეა მიმდინარეობს.

თბილისის საქალაქო სასამართლომ აქტივისტი სერგეი ყანჩელი ადმინისტრაციულ სამართალდამრღვევად ცნო.
მოსამართლის გადაწყვეტილებით, მას 14-დღიანი ადმინისტრაციული პატიმრობა შეეფარდა.
ყანჩელს შსს შეკრება-მანიფესტაციის ჩატარების წესის დარღვევას, კერძოდ, გზის გადაკეტვას ედავებოდა.
ოფიციალური ინფორმაციით, შინაგან საქმეთა სამინისტროს თანამშრომლებმა, ბოლო 5 დღის განმავლობაში, შეკრება – მანიფესტაციის ჩატარების წესის დარღვევისთვის, ადმინისტრაციულ სამართალდარღვევათა კოდექსის შესაბამისად, რუსთაველის გამზირის უკანონოდ გადაკეტვის გამო, აქციის 29 მონაწილე დააკავეს.

გზის ხელოვნურად გადაკეტვის გამო გუშინ 2 ნოემბერს დაკავებულ სამ დემონსტრანტს მოსამართლე კობა ჩაგუნავამ ადმინისტრაციული პატიმრობა შეუფარდა.
· ვერიკო ზამთარაძეს – 5-დღიანი;
· ლევან ბუტიკაშვილს – 5-დღიანი;
· სერგეი ყანჩელს კი ყველაზე მეტი, 14 დღე.
დღეს გაიმართა კოალიცია „ცვლილებისთვის“ წევრის თათა ფერაძის სასამართლო, რომელიც გადაიდო. მოსამართლე შსს-ს მტკიცებულებების მოტანა დაავალა, შეცდომით იყო შევსებული დაკავების ოქმიც.
ამასთან, გამკაცრებული კანონის ამოქმედების შემდეგ პირველად, გზის ხელმეორედ გადაკეტვის ბრალდებით დააკავეს ზურაბ მენთეშაშვილი, რომელმაც ადმინისტრაციული პატიმრობის შემდეგ იზოლატორი სამი დღის წინ დატოვა. მას ბრალს, ხვალ 3 ნოემბერს წაუყენებენ.
მხოლოდ წინა ხუთი დღის განმავლობაში – 27-დან 31 ოქტომბრის ჩათვლით – რუსთაველზე საპროტესტო დემონსტრაციების 29 მონაწილე დააკავეს.
გამკაცრებული კანონმდებლობის მიუხედავად, აქციები გრძელდება. დემონსტრანტები გარკვეული დროით მაინც კეტავენ რუსთაველზე საავტომობილო მოძრაობას.
გრძელდება აქციის მონაწილეთა ყოველდღიური დაკავებები.
ფორუმი

30-წლიანი პაუზის შემდეგ, აფრიკა აქტიურად ცდილობს კვლავ დაუბრუნდეს ფორმულა 1-ის კალენდარს. რამდენიმე ქვეყანა უკვე ამზადებს განაცხადს, ხოლო სამხრეთ აფრიკა განსაკუთრებით აძლიერებს ძალისხმევას მასპინძლობისთვის როგორც Bloomberg-ი წერს. თუ ეს პროცესი წარმატებით დასრულდა, ქიალამის გრან-პრიზე განხორციელდება ისტორიული დაბრუნება, რომელიც ბოლოს 1993 წელს ჩატარდა და რომლის გამარჯვებულიც ალენ პროსტი იყო.

სამხრეთ აფრიკას კონკურენციას უწევენ მაროკო, რუანდა და ნიგერია ყველა მათგანი იბრძვის იმისთვის, რომ კონტინენტზე ათწლეულების შემდეგ პირველი გრან-პრი გაიმართოს. დაფინანსება, ინფრასტრუქტურის განახლება და სახელმწიფო მხარდაჭერა ამ პროცესის მთავარი ნაწილია და მთელი ყურადღება აფრიკისკენაა მიმართული, რომელიც ისტორიულ მოტორსპორტში დაბრუნებას ერთი ნაბიჯით კიდევ უახლოვდება.

ფორმულა 1-ის დაბრუნებაზე ბრძოლა არამხოლოდ მასპინძლობაზე მიუთითებს, არამედ აფრიკის ახალ ეკონომიკურ ხედვაზე: ინფრასტრუქტურაზე, როგორც ინვესტიციურ აქტივზე და სპორტზე, როგორც ინდუსტრიაზე.
ყოველი პროექტი:
· სამხრეთ აფრიკის სახელმწიფო/კერძო პარტნიორობა
· მაროკოს კერძო მეგა-ინვესტიციები
· რუანდის ინოვაციური სახელმწიფო მოდელი
· ნიგერიის ახალგაზრდებზე ორიენტირებული სტრატეგია
განმარტავს, რომ სპორტით განვითარება რეალური ეკონომიკური ძრავაა.
როგორც ჩანს, F1-ის დაბრუნება აფრიკაში მხოლოდ დროის ამბავია. შესაძლოა მომავალში გრან-პრი კონტინენტზე დაბრუნდეს და მოგება, ტურიზმი, დასაქმება მრავალ ქვეყანას შორის გადანაწილდეს.
აფრიკა სპორტს ახალი ხედვით უდგება: ის აღარ ცდილობს მხოლოდ ღონისძიებების მიღებას ის ქმნის ეკოსისტემას, რათა ისინი მომავალშიც შეინარჩუნოს.
ფორმულა 1-ის დაბრუნება აფრიკაში არ იქნება მხოლოდ გეოგრაფიული სიცარიელის შევსება, ეს გახდება ახალი კომერციული და კულტურული ეპოქის დასაწყისი გლობალური მოტორსპორტის ისტორიაში.

„ოპოზიცია ბოლომდე ვერ აცნობიერებს, რა საფრთხის წინაშე დგას თვითონ კი არა, ეს ქვეყანა მთლიანად. ამ დროს ყველა საკუთარი თავის გადარჩენის პერსპექტივაზე ფიქრობს,“ – მიიჩნევს პოლიტოლოგი ლელა ჯეჯელავა. მას ოპოზიციურ პოლიტიკურ ძალებზე ვესაუბრეთ: რა მეთოდებით ებრძვის ივანიშვილის რეჟიმი ოპოზიციას და რა რესურსია ერთობისთვის?
„მე მგონი, ჩვენი საზოგადოება ძალიან დიდ დროს და რესურსს უთმობს ნაცი-ქოცის დეფინიციას და მათ შორის ზღვრის გავლებას. დღეს საკრებულოების დაკომპლექტებისას, ლანჩხუთის საკრებულოში ძალიან მარტივი სურათი გამოჩნდა: უსპეტაკესი ნაცი ყოფილა ქოცი, ხოლო წმინდა წყლის ნაცები ვართ დანარჩენები… ახლა მივხვდი, რას ნიშნავს გამოთქმა: ნაცი უდრის ქოცს,“ – რეალობის გროტესკულობაზე ამახვილებს ყურადღებას ლელა ჯეჯელავა და შემდეგ გვიყვება იმაზეც, რომ რუსეთში პუტინის მემკვიდრეზე ალაპარაკდნენ.
„რუსეთის ინტერესებში შედის საქართველოში კონტროლირებადი სიტუაცია, ბიძინა ივანიშვილი კი, რეალურად საქართველოში ბოლომდე სიტუაციაზე კონტროლს ვერ ფლობს… ძალიან ღიად საუბრობენ რუსეთშიც პუტინის მემკვიდრის საკითხზე. მთავარია, რომ ჩვენ ამ ცვლილებების ტალღა ისე გავიაროთ, კიდევ უფრო ლამაზად შეფუთული რუსული ბომბონერი არ შეგვრჩეს ხელში,“ – გვიყვება ლელა ჯეჯელავა.
„ბათუმელებმა“ პოლიტოლოგ ლელა ჯეჯელავასთან ინტერვიუ ჩაწერა:
· ქალბატონო ლელა, თქვენი აზრით, რატომ ვერ ახერხებს ოპოზიცია ერთობას? ამჯერად ივანიშვილის რეჟიმი პარტიების აკრძალვას იწყებს, რა გამოჩნდა ოპოზიციის ლიდერების რეაქციებით?
საუკუნის კითხვაა: რა ხდება ქართული ოპოზიციის თავს? არ ვიცი, რუსებისგან ეტყობა, ვაი ჭკუისგან შეგვეყარა. ღრმად ვარ დარწმუნებული ერთ რამეში, რომ ყოველთვის შეიძლება ქვეყნის ინტერესების გარშემო გაერთიანება და არ არსებობს დაუძლეველი პრობლემები, როდესაც საქმე ქვეყნის გადარჩენას ეხება. ოპოზიცია ბოლომდე ვერ აცნობიერებს, რა საფრთხის წინაშე დგას თვითონ კი არა, ეს ქვეყანა მთლიანად. ამ დროს ყველა საკუთარი თავის გადარჩენის პერსპექტივაზე ფიქრობს.
მართლა არ მყოფნის ძალა, ვუპასუხო შეკითხვას იმაზე, თუ რა ხდება ოპოზიციაში, თუმცა პარტიების აკრძალვა „ქართულ ოცნებას“ ნამდვილად არ წარმოაჩენს ძლიერად. შალვა პაპუაშვილის ახსნა-განმარტება ნიშნავდა მხოლოდ ერთ რამეს: არ შეგვწევს კონკურენციის უნარი.
აღმოჩნდა, რომ „ოცნებას“ საფრთხეს უქმნის ეს სამი პოლიტიკური ძალა. რეალურადაც ასეა ელექტორალური თვალსაზრისით. შემდგომში თუ რომელიმე პარტიას გაუჩნდება ელექტორალური მხარდაჭერა და ის არ იქნება ნაკურთხი ბიძინა ივანიშვილისგან, ბუნებრივია, ისიც აიკრძალება, ნებისმიერი გამოგონილი მიზეზით.
ყველა დიდი ცვლილება სწორედ ასე იწყება – წინააღმდეგობა ძლიერდება იატაკქვეშეთში. საერთოდ არ არის საჭირო პარტიული რეგისტრაციის ქონა იმისთვის, რომ შედგეს გარკვეული ერთობა.
მგონია, რომ ნელ-ნელა ამას გაიაზრებს ქართული ოპოზიციის ის სპექტრი, რომელიც არსებობს. რაღაც ერთობლივ გადაწყვეტილებამდე, ბუნებრივია, მივლენ. უნდა გავითვალისწინოთ ისიც, რომ ოპოზიციური პარტიების თითქმის ყველა ლიდერი ციხეშია.
მე ყველაზე მეტად მაწუხებს ის, რომ ერთიანმა პროტესტმა ვერ მიიღო სტრუქტურირებული სახე.
· Facebook-შიც წერდით, რომ ეს საპროტესტო ენერგია ვერ ტრანსფორმირდება გამარჯვებად, თუკი ყველას და ყველაფერს თავისი სახელი არ დაერქმევა და რომ საზოგადოება თავისი სიმწიფით წინ უსწრებს პოლიტიკურ კლასს… რამდენად შესაძლებელია პოლიტიკური პარტიების ერთობის გარეშე პოლიტიკური წარმატების მიღწევა წინააღმდეგობის პროცესში?
ჩვენ ვხედავთ ინდივიდუალურ თავგანწირვებს, ინდივიდუალურ გმირობას, ინდივიდუალურ მსხვერპლშეწირვას, მაგრამ ჩვენ ვერ ვხედავთ კოლექტიური გონის მოქმედებას.
უნდა გამოჩნდნენ ადამიანები, რომლებსაც აღმოაჩნდებათ გადაწყვეტილებებზე პასუხისმგებლობის აღების უნარი. თუ ასეთი პოლიტიკოსები გამოჩნდებიან, რასაკვირველია, შესაძლებელია მივაღწიოთ წარმატებას.
· თინა ბოკუჩავა ამბობდა რამდენიმე დღის წინ პარტიების აკრძალვაზე: ეს ცირკი სინამდვილეში დიდი შესაძლებლობაა გაერთიანებისთვის, ან ახლა, ან არასდროსო.
მე მგონი, ჩვენი საზოგადოება ძალიან დიდ დროს და რესურსს უთმობს ნაცი-ქოცის დეფინიციას და მათ შორის ზღვრის გავლებას. დღეს საკრებულოების დაკომპლექტებისას ძალიან მარტივი სურათი გამოჩნდა: უსპეტაკესი ნაცი ყოფილა ქოცი, ხოლო წმინდა წყლის ნაცები ვართ დანარჩენები.
ახლა მივხვდი, რას ნიშნავს გამოთქმა: ნაცი უდრის ქოცს, ანუ უსპეტაკესი ნაცი უდრის ქოცს. ასე ყოფილა თურმე ეს ამბავი.
ამ რაღაც გამიჯვნების, პირადი წყენების, იდენტობის ძიების პროცესში ძალიან დიდი დროა გაშვებული. ყველაზე მეტად იცით, რაზე მწყდება გული? რომ ამ ნაცი-ქოცი და პარტიულ იდენტობებში საერთოდ დაიკარგა ჩვენი ნაციონალური იდენტობა: რა უნდა ქართველს?
ამ პროცესში პარტიულმა ინტერესებმა დაჩრდილა ჩვენი ეროვნული და სახელმწიფოებრივი ინტერესები. აი, ეს არის მთავარი პრობლემა, რომელიც ვერ გაიაზრეს ჩვენმა პოლიტიკურმა პარტიებმა.
· როგორ მოვედით აქამდე? თქვენი დაკვირვებით, რა მეთოდით იმუშავა ივანიშვილმა ოპოზიციასთან, რომ ის დაესუსტებინა და ერთმანეთისთვის დაეპირისპირებინა?
მე მეჩვენება, რომ პოლიტიკურ ოპოზიციას აქვს გარკვეული შიში პასუხისმგებლობის აღების თუნდაც ხელისუფლებაში მოსვლაზე. მათ ვერ დაძლიეს ეს შიში.
მათი სურვილი იყო – როგორც არ უნდა ეწყინოთ – ბიძინა ივანიშვილთან ძალაუფლების გაზიარება. მათთვის ეს იყო კომფორტის ზონა, მაგრამ ბიძინა ივანიშვილმა ეს შესაძლებლობაც მოუსპო. რეალურად დატოვა პოლიტიკის მიღმა.
· მაგრამ ისევ იმ გადაწყვეტილებებს იღებს ოპოზიცია ხშირ შემთხვევაში, რაც ივანიშვილს აწყობს, ამჯერად რა მუშაობს? მაგალითად, ციხიდან გამოსულმა „ლელოს“ ლიდერებმა თქვეს, არჩევნებში მივდივართო.
აქ არის უკვე თვითგადარჩენის ინსტინქტი, რომელიც შიშზეა დაფუძნებული.
რაციონალური გადაწყვეტილებები არ მიიღება შიშზე დაფუძნებით და ეს გვაჩვენა „ძლიერი საქართველოს“ მაგალითმა.
· გახარიას შემთხვევაში რა მოხდა, თქვენი აზრით?
გახარია, ჩემი აზრით, დაბრუნდა წიაღში. გახარია ჩაეზიარა ივანიშვილს ძალაუფლებაში, ნუ, მინიმალური დოზით და ფიქრობს, რომ მას ამ ფორმით შეუძლია თავისი წილი ძალაუფლების გაზრდა ცოტათი მაინც.
ამასობაში, ჩვენ შეიძლება სხვა მოვლენების მომსწრენი გავხდეთ: ასპარეზზე შემოდიან ახალი, ღიად პრორუსული პარტიები, ჩვენ ვნახეთ ნინო ბურჯანაძე არაფორმალური საუბრის დროს ლუკაშენკოსთან. როგორც ჩანს, ბიძინა ივანიშვილს რუსეთი ეუბნება, რომ მასზე მეტად საიმედო პარტნიორებიც შეიძლება იპოვოს. ამ პროცესს აქვს ძალიან სერიოზული პერსპექტივა.
· რას გულისხმობთ? აქამდე ვერასდროს ვერ მოიკიდეს პრორუსულმა ძალებმა ფეხი პოლიტიკურ ველზე, ახლა რა შეიცვლება?
რუსების ამოცანა, სავარაუდოდ, არის ბიძინა ივანიშვილის ჩანაცვლება ისეთი ფიგურით, რომელსაც დასავლეთში ხელს ჩამოართმევენ. ასეთი არ იქნება არც „პატრიოტთა ალიანსი“, არც „ალტ-ინფო“ და არც აი, ეს ნანა კაკაბაძის პარტია, რასაკვირველია, რომელიც ახლახან შეიქმნა.
რუსეთის ინტერესებში შედის საქართველოში კონტროლირებადი სიტუაცია, ბიძინა ივანიშვილი კი, რეალურად საქართველოში ბოლომდე სიტუაციაზე კონტროლს ვერ ფლობს. გარდა ამისა, აშკარაა, რომ ქვეყანაში ანტირუსული განწყობები გაიზარდა, რეპრესიების მიუხედავად ქვეყანაში პროტესტი არ ცხრება და ქვეყანა არის აბსოლუტურად იზოლაციაში… ამ ვითარებაში, ბუნებრივია, იყოს სერიოზული ფიქრი იმაზე, რომ ბიძინა ივანიშვილი შესაცვლელია ახალი პროექტით. თან, უკვე ძალიან ღიად საუბრობენ რუსეთშიც პუტინის მემკვიდრის საკითხზე.
როგორც ჩანს, რაღაცა ტიპის ტრანსფორმაცია რუსულ პოლიტიკაშიც აუცილებლად მოხდება. ის ვითარება, რომელშიც დღეს რუსეთი აღმოჩნდა, აუცილებლად ითხოვს გადატვირთვას და ეს ჯობია გააკეთოს თავად სისტემამ, ვიდრე რეალურად ეს მოხდება ბუნებრივი პროცესებით და უკმაყოფილებით ხალხში. რუსეთში ეს საუბრები მემკვიდრესთან დაკავშირებით არ არის საფუძველს მოკლებული და არც ძალიან შორი პერსპექტივაა. რუსეთში უკვე ღიად საუბრობენ სხვადასხვა კანდიდატზე.
შესაბამისად, რუსები იფიქრებენ ცვლილებებზე მათი გავლენის ქვეყნებშიც. ცვლილებების ტალღა მოვა ჩვენთანაც. ოღონდ, მთავარია, რომ ჩვენ ამ ცვლილებების ტალღა ისე გავიაროთ, რომ კიდევ უფრო ლამაზად შეფუთული რუსული ბომბონერი არ შეგვრჩეს ხელში.
· თქვენ ყურადღება გაამახვილეთ შიშზე, რაც გააქტიურა ივანიშვილმა ოპოზიციის ველზე. რა შიში იყო ეს?
ეს არის ერთმანეთის მიმართ უნდობლობის დათესვა. გარდა ამისა, ყველგან ჰყავდათ საკუთარი საყრდენები ყველა პროდასავლურ პარტიაში. აქ იმუშავა ასევე სხვადასხვა ტიპის ფინანსურმა ინტერესებმა.
ძალიან გროტესკულია ვითარებაა, როდესაც ლანჩხუთის საკრებულოს თავმჯდომარე ხდება ლანჩხუთის პოლიციის ყოფილი უფროსი „ნაციონალური მოძრაობის“ ხელისუფლებაში ყოფნის დროს და ამ დროს ქვეყანაში იკრძალება ლევან სანიკიძე და თინა ბოკუჩავა, რომლებიც ბავშვები იყვნენ მაშინ.
· რა ეტაპზე გადადის ივანიშვილის რეჟიმი პარტიების აკრძალვით?
ყველაფერი იქნება იმაზე დამოკიდებული, რამდენად პასუხისმგებლობიანი აღმოჩნდება პარტიებში დარჩენილი ბირთვი და რამდენად შეძლებენ ისინი წინააღმდეგობის მოძრაობის შექმნას არა პარტიული პოზიციებიდან, არამედ ეროვნულ-სახელმწიფოებრივი განმათავისუფლებელი მოძრაობიდან.
· ისევ არ ჩანს ერთობის ნიშნები, მაგალითად, „თავისუფლების მოედანმა“ წარმოადგინა 10-პუნქტიანი გეგმა, მაგრამ ის ძირითადად დამოუკიდებლად მოქმედებს…
„თავისუფლების მოედნის“ 10-პუნქტიან გეგმას დიდი ინტერესით გავეცანი, მაგრამ პარტიას ტაქტიკა და სტრატეგია ერთმანეთში არ უნდა ერეოდეს. მაგალითად, რეგიონებში წასვლა არ არის სტრატეგიული მიმართულება, ამას არ სჭირდება დეკლარირება, როგორც სტრატეგიის ნაწილს. მთავარი იყო, ხალხისთვის ეთქვათ 10 სტრატეგიული ნაბიჯი, რომლის გადადგმასაც ისინი აპირებენ ამ რეალობის შესაცვლელად.
საერთოდ ვერ გავიგე, რა გეგმა აქვს ქალბატონ სალომე ზურაბიშვილს, რომელიც დღემდე ამტკიცებს, რომ არის ლეგიტიმური პრეზიდენტი. კი ბატონო, ვაღიარებ, მაგრამ ჩემი აღიარება რომ არ შველის არაფერს, ესეც ხომ ფაქტია? სხვამაც რომ აღიაროს, უნდა დაინახოს რა ფარგლებში ახორციელებს ეს ქალბატონი თავის ლეგიტიმაციას.
ამ დროს ჩვენ გვყავს სინდისის პატიმრები, რომლებიც თავის ფიზიკურ ჯანმრთელობას და უსაფრთხოებას რისკავენ და რისკის ქვეშ დგანან, მათ შორის, თქვენი დამფუძნებელიც. ძალიან მიკვირს, რატომ აძლევენ ოპოზიციური პარტიები ასეთი ფუფუნების უფლებას თავს, რომ ამდენი დრო ტყუილად დაიკარგოს.
ჩვენ უნდა მოვთხოვოთ პოლიტიკურ პარტიებს, გვითხრან, რისთვის უნდა ვიბრძოლოთ ქართველმა ხალხმა, როგორ ვიბრძოლოთ და რა არის ის შედეგი, რომელთანაც უნდა მივიდეთ უახლოეს პერიოდში.
მართლა ძალიან არაორდინალური ვითარებაა ახლა ქვეყანაში, მაგრამ მოდით, დამიტოვეთ უფლება, ძალიან სკეპტიკური არ ვიყო და მქონდეს იმის იმედი, რომ ერთ მშვენიერ დღეს გაუნათდებათ გონება პოლიტიკოსებს და მიხვდებიან, რომ 10 ნაბიჯი იქნება გადასადგმელი თუ 5, ამას ერთად გადადგამენ.
batumelebi.netgazeti.ge

ჯერ არ გაუთიშიათ „აპარატიდან” ნაცები, „ახლები” და „ლელო”, მაგრამ ნინო ლომჯარიამ უკვე გააკეთა თავისი განაცხადი მომავალი საპარლამენტო არჩევნებისთვის
„ხალხის ძალის“ წევრი დავით ქართელიშვილი ყოფილი სახალხო დამცველის, ნონი ლომჯარიას მიერ წარმოდგენილ მოსაზღებებს სოციალურ ქსელში ეხმიანება. საქმე ეხება ამ უკანასკნელის ხედვას იმაზე, თუ რატომ ვერ მოახერხა ოპოზიციამ „ქართული ოცნების“ დამარცხება. დავით ქართველიშვილი არ გამორიცხავს, რომ ნინო ლომჯარიას სურს ახალი ოპოზიციური ძალის ლიდერობა და სწორედ ამიტომ, წინასწარ წარმოადგინა საკუთარი ხედვები.
„ეს არის ნინო ლომჯარიას მოსაზრებები, როგორ უნდა დაგვამარცხონ – ამიტომ, მთელი „სერიოზულობით” გავეცნოთ. ჯერ რატომ ვერ დაამარცხეს მოქმედი ხელისუფლება აქამდე, ამაზე გვიამბობს:
1) 2024 წლის საპარლამენტო არჩევნებზე ოპოზიცია მაქსიმუმ 2 ძლიერ ბანაკად უნდა გაერთიანებულიყო და არა 4-5 ალტერნატივად. როგორც ჩანს, ამ შემთხვევაში „დაამარცხებდნენ”;
2) 2025 წლის თვითმმართველობის არჩევნებზე ოპოზიციის ნაწილმა რომ მიიღო მონაწილეობა, ხოლო ნაწილმა არა, შეცდომა იყო. თორემ ან ერთ, ან მეორე შემთხვევაში ოცნებას „გაანადგურებდნენ”;
3) წლებია, რაც ოპოზიცია კრიტიკულად მნიშვნელოვან საკითხებზე ვერ ახერხებს შეთანხმებას და „რეჟიმთან” სწორი ტაქტიკით ბრძოლას, არა თუ „წლებია”, ჩასახვისთანავე; 4) დასავლეთმა არ იცის, ვის ან რა პროცესებს დაუჭიროს მხარი, ვინაიდან არ არსებობს ერთიანი მოთხოვნები, ერთიანი სტრატეგია, ერთიანი გუნდი, რომელიც ქართველი ხალხის საპროტესტო, პროევროპულ ხმას გამოხატავს – ერთადერთიო, რაც გამოგვდის, ჩვენი ლობისტების გაგიჟებააო.
„ქართული ოცნების” საკონსტიტუციო სარჩელს მიღმა დარჩენილი პოზიციებიდან, ნინო ლომჯარია თავის მომავალ პოლიტიკურ ამბიციებსაც შეეხო და წარმოგვიდგინა ოპოზიციური ჩიხიდან გამოსავალი: უნდა დაიწყოს მზადება მომავალი საპარლამენტო არჩევნებისთვის (ჩაინიშნება რა – ზეგ, მომავალ გაზაფხულზე, შემოდგომაზე, თუ 3 წელიწადში, არა აქვს მნიშვნელობა), ეს უკვე მეხუთე საპარლამენტო იქნება, და მხოლოდ “5”-იანის იმედად თუ მოემზადებით; წინააღმდეგობის იდეის გარშემო შეკრებილი ადამიანების ერთობამ, საზოგადოებრივი დაკვეთის გათვალისწინებით, უნდა შეადგინოს ერთიანი სია – ათი „პრემიერ-მინისტრობის” კანდიდატებიდან, ერთი, ნინო ლომჯარია უნდა დარჩეს; როგორც იქნა, საზოგადოებას უნდა წარუდგინონ პოლიტიკური გუნდის ხედვები პოლიტიკურ ცვლილებებზე, გარდამავალ მართლმსაჯულებაზე, სოციალურ-ეკონომიკურ და უსაფრთოების საკითხებზე. ალბათ დგება ეს დრო – 2028-თვის, ნაცსექტის 25-წლისთავზე, რამე „ხედვა” მაინც შეიმუშავონ; უნდა შექმნან არჩევნებზე სანდო დამკვირვებლების მონაცემთა ბაზა – მესმის, ეს „ეუთო/ოდირი” ვერ ქაჩავს; უნდა შეწყდეს მოკავშირეების/პოტენციური მოკავშირეების მიმართ სიძულვილის გაღვივება, დაუსრულებელი ბრალდებები, თავდასხმები, კუდიანების და აგენტების იარლიყის მიკერება, როგორც 4 ოქტომბრამდე შეძლეს „სექსის გარეშე” მიღწევა, მასე უნდა შეძლონ 2028-მდე ერთმანეთის დედებთან მოფერებაზე უარის თქმა.
წარმოუდგენელია, როგორ, მაგრამ უნდა სცადონ; პარალელურად, უნდა გრძელდებოდეს სასიცოცხლოდ აუცილებელი პროტესტი (2028 წლის ოქტომბრამდე, რუსთაველის გადაკეტვა კიდევ 1070 დღის განმავლობაში) და მოშიებამდე, პერმანენტული 1-2-დღიანი საპროტესტო შიმშილობები; უნდა გაგრძელდეს უკანონოდ დაკავებულთა, უკანონოდ გათავისუფლებულთა და სხვაგვარად რეპრესირებულთა უფლებებისთვის ბრძოლა როგორც ქვეყნის შიგნით, ასევე, საერთაშორისო სასამართლოში – იქნება ერთი სარჩელი მაინც მიიღოს სტრასბურგმა განსახილველად, პროცესების მოგებას ვიღა ელის; ბრძოლის იარაღი – მხოლოდ მშვიდობიანი წინააღმდეგობაა. ჯერ არ გაუთიშიათ „აპარატიდან” – ნაცები, „ახლები” და „ლელო” – ნინო ლომჯარიამ უკვე გააკეთა თავისი განაცხადი სამომავლო საპარლამენტო არჩევნებისთვის. თუ ვინმე აპირებს, ამ ახალ მოცემულობაში კიდევ ერთი ოპოზოციური მანტია მოირგოს – თქვენ გყავთ პირველი კონკურენტი, რომელმაც უკვე ფაქტიურად, თავისი ხედვები გაგანდოთ. ველოდებით რამე საპასუხო სვლას,“ – წერს დავით ქართველიშვილი.

ბუნდესლიგის მეცხრე ტურში „ჰამბურგი“ გასვლაზე „კიოლნთან“ 1:4 დამარცხდა.
სტუმართა გუნდის მცველი გიორგი გოჩოლეიშვილი 77-ე წუთზე იმანუელ ფერაისთან ერთად შევიდა შეცვლაზე, როდესაც ანგარიში 2:1 იყო. ამის შემდეგ ფერაიმ 2 წუთში ორი ყვითელი ბარათის მიღება მოახერხა. მერე გოჩოლეიშვილის დარტყმული ბურთი ოდნავ ასცდა მიზანს, ცოტა ხანში კი მსაჯმა HSV-ს კიდევ ერთი ფეხბურთელი, ფაბიუ ვიეირა გააძევა. დარჩენილ დროში მასპინძლებმა კიდევ ორი გოლი გაიტანეს და გაიმარჯვეს.
„ჰამბურგი“ 8 ქულით მეცამეტე ადგილზეა და 8 ნოემბერს „დარმშტადტს“ უმასპინძლებს.
კიოლნი – ჰამბურგი 4:1
გოლები: 1:0 ახე (25), 2:0 კაინცი (48), 2:1 დომბე (61), 3:1 ელ მალა (90+4), 4:1 კამინსკი (90+9)
გაძევება: ფერაი (79, ჰამბურგი), ფაბიუ ვიეირა (83, ჰამბურგი)
როგორი შეფასებები მიიღო მამარდაშვილმა “ასტონ ვილასთან” მატჩში?
[VIDEO] მამარდაშვილის პირველი პრემიერლიგური “მშრალი მატჩი” და “ლივერპულის” “ასტონ ვილასთან” გამარჯვება
[VIDEO] დავითაშვილმა ისევ გაიტანა – “სენტ-ეტიენი” “რედ სტართან” დამარცხდა
გოჩოლეიშვილს სახეზე 6 ნაკერი დაადეს – “ჰამბურგი” “ლაიფციგთან” დამარცხდა
გოჩოლეიშვილი უნიღბოდ დაბრუნდა – “ჰამბურგმა” თასზე ზივზივაძის “ჰაიდენჰაიმს” მოუგო
გოჩოლეიშვილის დაბრუნება გადაიდო – “ჰამბურგი” სახლში “ვოლფსბურგთან” დამარცხდა
“გოჩოლეიშვილის პროგრესი აშკარაა” – რას წერს გერმანული გამოცემა ქართველ მცველზე?
ბუდუს საგოლე პასი და 8-გოლიანი თრილერი – “კარსლრუემ” და “კიოლნმა” ქულები გაიყვეს
დრამა ბუნდესლიგაში – “დორტმუნდმა” ჩემპიონის ტიტული ხელიდან გაუშვა
ოფიციალურად: “ბაიერნმა” 21 წლის მეკარე დაიმატა
[VIDEO] გოჩოლეიშვილის კარგი მატჩი და საგოლე პასი – გარდასახული “ჰამბურგი” წინ მიიწევს
კიმიხის ულამაზესი გოლი – “ბაიერნი” “კიოლნს” დაუზავდა [VIDEO]
ნოიერის მემკვიდრე? – “ბაიერნს” 21 წლის მეკარის ყიდვა სურს
მიუნხენის “ბაიერნი” 21 წლის მეკარეს იმატებს
MOPO: გოჩოლეიშვილმა ვარჯიშზე გაიტანა, მაგრამ თავის ტრავმა მიიღო

72 წლის ასაკში ფრანგი მსახიობი და მუსიკოსი ჩეკი კარიო გარდაიცვალა. სიკვდილის მიზეზი სიმსივნე გახდა.
კარიო სტამბოლში დაიბადა, 13 წლის ასაკში მისი ოჯახი პარიზში გადავიდა საცხოვრებლად. დრამის კურსების შესწავლის შემდეგ ახალგაზრდა მსახიობი სტრასბურგის თეატრის დასის წევრი გახდა.
1982 წელს შეასრულა თავისი პირველი კინოროლი. იმავე წელს მიიღო პრემია სეზარი საუკეთესო დამწყები მსახიობის ნომინაციაში ფილმისთვის Le Balance. შესრულებული აქვს როლები ფილმებში La Femme Nikita, The Bear, Vincent and Me, 1492: Conquest of Paradise, Bad Boys, Dobermann, The Story of Joan of Arc.
2014 წელს სერიალ The Missing-ში განასახიერა გამომძიებელი ჟულიენ ბატისტი, მის როლს მსახიობი სერიალის მეორე სეზონში და სპინოფ Baptiste-ში დაუბრუნდა.
tabula.ge

„არა მგონია, პუტინს რაიმე, თუნდაც თეორიულად კარგი პერსპექტივა ჰქონდეს. მისი ჩანაცვლება რეჟიმის შიგნითვე საკმაოდ რეალისტურია და ეს საკმაოდ მალე შეიძლება მოხდეს. პუტინის მიერ ძალაუფლების შენარჩუნების შემთხვევაში, რუსეთის პერსპექტივები ძალიან სახიფათოა. ეს, პირველ რიგში, დაკავშირებულია სამხედრო რელსებზე გადასული ეკონომიკის ჩამოშლასთან,“ – ამბობს დიპლომატი გიორგი ბადრიძე. მას რუსეთზე ვესაუბრეთ: რამდენად ჩნდება რუსეთში პოლიტიკური სიტუაციის შეცვლის შესაძლებლობა, განსაკუთრებით აშშ-ს ახალი სანქციების შემდეგ?
დიპლომატს ვკითხეთ რუსეთის საგარეო პოლიტიკაზე, მათ შორის, სომხეთის არჩევნებზე, სადაც უკვე აშკარაა, რომ პუტინი პრორუსი კანდიდატის გაყვანას და ამით სომხეთის ევროპული პერსპექტივის გაქრობას ცდილობს.
„სომხეთში უფრო მეტად გაითვალისწინებენ საქართველოს გამოცდილებას, სადაც რუსეთმა ჯერ სამხედრო შემოჭრა სცადა, მაგრამ შემდეგ არჩევნების გზით უფრო წარმატებული აღმოჩნდა თავისი ხალხის ხელისუფლებაში მოყვანა. ამ გამოცდილებას სომხეთი ითვალისწინებს და უფრო მედგრად დაუდგება რუსეთს – სომხები უფრო მობილიზებულები იქნებიან. არა მგონია, რომ რუსეთს ადვილი შესაძლებლობა ჰქონდეს ფაშინიანის და სომხეთის პროდასავლური კურსი დაამარცხოს მომავალ არჩევნებში,“ – მიიჩნევს გიორგი ბადრიძე.
რატომ აქვს ამ პროცესში ტრამპს ამჯერად ჩინეთის დახმარების იმედი? – „ბათუმელებმა“ დიპლომატთან, გიორგი ბადრიძესთან ინტერვიუ ჩაწერა. გიორგი ბადრიძე საქართველოს საგანგებო და სრულუფლებიანი ელჩი იყო დიდ ბრიტანეთსა და ჩრდილოეთ ირლანდიის გაერთიანებულ სამეფოში.
· ბატონო გიორგი, პირველ რიგში მინდა გკითხოთ სამხრეთ კავკასიაზე. როგორ აისახა რუსეთზე ბოლო მოვლენები სამხრეთ კავკასიაში? ფაშინიანი რამდენიმე დღის წინ ამბობდა: „საქართველოს ევროპული პერსპექტივა მნიშვნელოვანია სომხეთისთვისაც“. არსებობს შანსი, რომ რუსეთმა 2026 წლის არჩევნებზე ფაშინიანი დაამარცხოს?
ცხადია, რუსეთი ყველაფერს გააკეთებს იმისთვის, რომ ფაშინიანის ხელისუფლება დაამხოს. ამისთვის პირველი ნაბიჯი გადაიდგა გიუმრიში, როდესაც პრორუსულმა ძალებმა – ნაციონალისტებმა და კომუნისტებმა – გაერთიანებული ძალებით მოიგეს მერის არჩევნები. ეს მერი უკვე დაპატიმრებულია კანონის დარღვევისთვის.
გამოჩნდა აშკარად, რომ სომხეთში უფრო მეტად გაითვალისწინებენ საქართველოს გამოცდილებას, სადაც რუსეთმა ჯერ სამხედრო შემოჭრა სცადა, მაგრამ შემდეგ არჩევნების გზით უფრო წარმატებული აღმოჩნდა თავისი ხალხის ხელისუფლებაში მოყვანა.
ამ გამოცდილებას სომხეთი ითვალისწინებს და უფრო მედგრად დაუდგება რუსეთს – სომხები უფრო მობილიზებულები იქნებიან. არა მგონია, რომ რუსეთს ადვილი შესაძლებლობა ჰქონდეს ფაშინიანის და სომხეთის პროდასავლური კურსი დაამარცხოს მომავალ არჩევნებში.
გიორგი ბადრიძე
სომხეთში ესმით, რომ მათი ევროპული გზა ძალიან მნიშვნელოვნადაა დაკავშირებული საქართველოსთან და მგონი, აქ არაფერი გასაკვირი არ არის. მართალია, დღეს სომხეთს უფრო მეტი არჩევანი აქვს, ვიდრე რამდენიმე წლის წინ – დღეს სრულიად ნათლად გამოჩნდა პერსპექტივა, არამარტო აზერბაიჯანთან სამშვიდობო, გრძელვადიანი სამშვიდობო შეთანხმების დადების, არამედ აქედან გამომდინარეობს თურქეთთან ურთიერთობის ნორმალიზება, რაც განაპირობებს წვდომას დასავლეთის ბაზრებზე.
თუ საუბარია სომხეთის ევროპულ გზაზე, ეს საქართველოს გარეშე წარმოუდგენელია. სომხეთის ერთადერთი შანსი, რომ ევროპულ ოჯახში გაწევრიანდეს, იქნება საქართველოს შემდეგ ან საქართველოსთან ერთად.
რუსეთის ინტერესია საქართველოში არსებული რეჟიმის შენარჩუნება, რომ ბოლომდე არ დაკარგოს კონტროლი მთელ სამხრეთ კავკასიაზე. აზერბაიჯანმა და სომხეთმა ნათლად აჩვენეს, რომ ისინი აღარ განიხილავენ რუსეთს, როგორც ორიენტირს.
· რუსეთს სომხეთში ისევ აქვს გიუმრის ბაზა. სამხედრო ინტერვენციის რესურსს შეიძლება განიხილავდეს რუსეთი?
გიუმრის ბაზა არ წარმოადგენს გადამწყვეტ ძალას, რომლის მეშვეობითაც შეიძლება სომხეთზე, მით უმეტეს, სამხრეთ კავკასიაზე კონტროლის შენარჩუნება, თუ პარალელურად ერევანში არ ზის პრორუსული ხელისუფლება.
გიუმრის ბაზას არ აქვს პირდაპირი კავშირი რუსულ სამხედრო ინფრასტრუქტურასთან, ამიტომაც, ძალიან მნიშვნელოვან გეოპოლიტიკური მნიშვნელობის მქონე სამხედრო საშიშროებას არ წარმოადგენს. შეგახსენებთ, რომ საბჭოთა პერიოდში მთელი რეგიონი იყო ურთიერთდაკავშირებული სამხედრო ინფრასტრუქტურით, მაგრამ დღევანდელ რეალობაში ეს ბაზა მნიშვნელოვან, ანგარიშგასაწევ ძალას არ წარმოადგენს. შეიძლება, რა თქმა უნდა, მისი გამოყენება ფართო ინტერვენციის საბაბისთვის, მაგრამ დღეს რუსეთი არ არის იმ მდგომარეობაში, რომ ახალი ფრონტი გახსნას.
გარდა ამისა, სომხეთი პირდაპირ არ ემეზობლება რუსეთს. ამიტომაც, გიუმრის ბაზის მომარაგება პრობლემაა. მეორე საკითხია, როგორ მოიქცევა ივანიშვილის ხელისუფლება – გაუხსნის თუ არა ის გზას რუსეთის ძალებს საქართველოს მეშვეობით გიუმრისთან დასაკავშირებლად, ან სომხეთთან დასაკავშირებლად. აი, სწორედ ეს იქნებოდა მეორე ფრონტის გახსნა, რაზეც საუბრობს „ოცნება“, თუმცა არ მგონია, რუსეთს ჰქონდეს ამის რესურსი უახლოესი წლების განმავლობაში.
· რა იცვლება რუსეთში, განსაკუთრებით ტრამპის მიერ დაწესებული ბოლო სანქციების შემდეგ? რამდენიმე დღის წინ CNN-თან ინტერვიუში რუსეთის პრეზიდენტის სპეციალური წარმომადგენელი კირილ დმიტრიევი ამბობდა: „რუსეთი, აშშ და უკრაინა რეალურად საკმაოდ ახლოს არიან დიპლომატიურ გადაწყვეტილებასთან.“
მიჩვეული ვართ სიცრუეს რუსეთის მხრიდან. აი, პირდაპირ საპირისპიროს აკეთებს რუსეთის ხელისუფლება იმისგან, რასაც ის აცხადებს, მათ შორის, უმაღლეს დონეზე. მაგალითად, წლების წინ იყო პრეზიდენტის განცხადება, რომ რუსეთი არასდროს არ განიხილავს ყირიმის წართმევას უკრაინისთვისო, მაგრამ ვიხილეთ 2014 წლის დასაწყისში რუსეთი გამოუცხადებელი ომით ჯერ ყირიმში, შემდეგ აღმოსავლეთ უკრაინაში, დონბასში.
შემდეგ ვისმენდით ლანძღვას, პროვოკატორია ყველა, ვინც ამბობს, რომ რუსეთი აპირებს, ან ოდესმე განიხილავს დანარჩენ უკრაინაზე თავდასხმასო და ვიხილეთ ფართომასშტაბიანი ომი. ეს არის რუსეთის ჩამოყალიბებული ქცევის მოდელი, როდესაც ისინი სრულიად მოურიდებლად, არათუ ნიუანსებში, არამედ რადიკალურად იტყუებიან და იმის საწინააღმდეგოს ამბობენ, რასაც აკეთებენ.
იგივე დმიტრიევს აქვს ნათქვამი ინტერვიუში, რომელიც თქვენ ახსენეთ, რომ ტრამპის მიერ შემოღებული პირველი სერიოზული სანქციები თითქოს არანაირ გავლენას არ მოახდენს რუსეთზე. ეს არის აბსოლუტური ტყუილი. ვერავინ დამდებს ბრალს ტრამპის ქომაგობაში, მაგრამ ეს არის პირველი ქმედითი ნაბიჯი, რომელიც მოქმედებს რუსეთის უნარზე, სტაბილურად აწარმოოს სამხედრო შეიარაღება და უზრუნველყოს საომარი კამპანია უკრაინაში. რუსული ენერგოგიგანტები – პირველ რიგში, „როსნეფტი“ – ყველაზე მეტად არიან ის ორგანიზაციები, რომლებსაც ყველაზე დიდი წილი შეაქვთ რუსეთის ბიუჯეტში.
ამას დავამატოთ უკრაინელების მიერ განხორციელებული ძალიან წარმატებული კამპანია ნავთობგადამამუშავებელი საწარმოების წინააღმდეგ. ვიღაცას შეიძლება მოეჩვენოს, რომ ეს მოქმედებს მხოლოდ ბენზინის წარმოებაზე და ზღუდავს ვთქვათ, რუსეთის მოქალაქეების გადაადგილებას, მაგრამ ამან მნიშვნელოვნად შეამცირა რუსეთში ბენზინის გაყიდვა ავტოგასამართ სადგურებზე, ზოგადად ბენზინის მოხმარებაზე.
ნავთობის გაყიდვა არის მეორე ყველაზე დიდი წყარო საბიუჯეტო შემოსავლებისა, რადგან 60-70%-მდეა ბენზინის ფასში ფედერალური და ადგილობრივი გადასახადები. ეს ძალიან მნიშვნელოვანი დანაკარგია რუსული ეკონომიკისთვის.
შესაბამისად, ეს სანქციები და უკრაინის კამპანია რუსეთის ენერგოობიექტებზე თავდასხმის კუთხით პირდაპირი დარტყმაა რუსეთის უნარზე, გააგრძელოს სამხედრო რელსებზე გადასული ეკონომიკის სტაბილურობა. უმრავლესობის წარმოდგენით რუსეთ-უკრაინის ომი იქნებოდა მოკლე კამპანია, რომელსაც რუსეთი მალე მოიგებდა.
მეორე მხრივ, გვესმოდა ზედმეტად ოპტიმისტური შეფასებები. მე არარეალისტური შეფასება არასდროს გამიკეთებია: ვამბობდი, რომ ეს იქნებოდა ხანგრძლივი, სისხლიანი კონფლიქტი. ჩემი წარმოდგენა ამ ომის დასასრულზე არის ასეთი, რომ დიახ, უკრაინას შეუძლია გამარჯვება, ოღონდ უკრაინის გამარჯვება იქნება არა ფრონტის ხაზის გარღვევა და კრემლის აღება, არამედ რუსეთის ჩაყენება იმგვარ მდგომარეობაში, როდესაც ის უბრალოდ ვეღარ შეძლებს თავისი საომარი მანქანის უზრუნველყოფას ეკონომიკური საშუალებებით.
· აქეთკენ მიდის რუსეთი?
ჩვენ ახლა ვხედავთ ნიშნებს, რომ ეს სცენარი შეიძლება სრულიად რეალისტური იყოს და ამას შეიძლება არ დასჭირდეს ათწლეულები, ძალიან დიდი დრო.
პირველ მსოფლიო ომში და ცივ ომშიც რუსეთის იმპერია და საბჭოთა კავშირი დამარცხდნენ სწორედ ეკონომიკურად, შიდა სოციალურ-ეკონომიკური მდგომარეობის კოლაფსით, როდესაც უბრალოდ ჩამოიშალა მმართველი პოლიტიკური სისტემა და ამგვარად მოხდა მისი დამარცხება.
მთელი დღევანდელი, რუსული პროპაგანდა მიმართულია იმისკენ, რომ აი, თითქოს დასავლეთმა უღალატა რუსეთს და იმიტომ არის გაბრაზებული რუსეთი, თითქოს ამიტომ არ უნდა ნატოს გაფართოება და ასე შემდეგ. ესეც არის ტყუილი – მთელი 90-იანი წლების განმავლობაში რუსეთი სარგებლობდა ათასნაირი დახმარებით, პრივილეგიებით, როგორც პირდაპირი ფინანსური დახმარებით, ინვესტიციებით, ისე ყველაზე პრესტიჟულ, საერთაშორისო კლუბებში გაწევრიანებით, მაგალითად, დიდ შვიდეულში დაამატეს და ასე შემდეგ. ასე რომ, უნდა გაითვალისწინოს მომავალში დასავლეთმა, როდესაც მორიგ რუსულ კოლაფსს მიიღებს, რომ ძალიან ფრთხილად მოეპყრონ მას, ვინც მოიპოვებს ძალაუფლებას მოსკოვში.
არ არის რელევანტური ვარაუდი, რომ რუსეთი გარანტირებულად დასავლეთის მოკავშირე გახდება. არ უნდა დაეხმარონ ფინანსურად და პოლიტიკურად ძალებს, რომლებმაც შეიძლება ისევ ახალი, აგრესიული რუსეთი აღადგინონ.
· ამ კოლაფსის საფრთხეს ხედავენ ალბათ რუსეთშიც. განიხილება, ვთქვათ, პუტინის შემცვლელი, თუ არანაირი ცვლილების მოლოდინი არ უნდა გვქონდეს?
ყველაზე რეალისტური სცენარია პუტინის ტექნიკური ჩანაცვლება, ისე რომ არ შეიცვალოს პოლიტიკური სისტემა. უბრალოდ ერთი დიქტატორი ჩანაცვლდება სისტემის შიგნითვე მოძიებული მეორე პერსონით.
ცხადია, საჯაროდ არ საუბრობენ, მაგრამ დარწმუნებული ვარ, სისტემის ხალხი ამაზე რუსეთში აქტიურად ფიქრობს. პუტინმა დიდწილად თავისი გადაწყვეტილებების მეშვეობით რუსეთი, როგორც სახელმწიფო, რუსული ეკონომიკა და რუსული ოლიგარქიის ინტერესები, მათ შორის, თავად პუტინის გარემოცვის ინტერესებიც, მნიშვნელოვნად დააზარალა.
მე რომ ვიყო რუსი ნაციონალისტი, სერიოზული პრეტენზიები მექნებოდა პუტინის მიმართ. რუსეთს ჰქონდა უზარმაზარი, ენერგომატარებლების გარანტირებული ბაზარი, ჰყავდა პარტნიორები მთელს მსოფლიოში, განსაკუთრებით დასავლეთში, მდიდარი, ყველაზე განვითარებული ქვეყნები წარმოადგენდნენ რუსეთის პარტნიორებს და ამის გამო რუსეთს პატიობდნენ ისეთ პატარ-პატარა „ცელქობებს“ – ჩვენთვის, რა თქმა უნდა, არ იყო პატარა – როგორიც იყო, მაგალითად, 2008 წლის აგრესია, ან 2014 წლის ყირიმის მიტაცება და ასე შემდეგ.
ყველანაირ ზღვარს გადააჭარბა პუტინმა და რუსეთს დააკარგვინა გარანტირებული ბუნებრივი გაზის ბაზარი ევროპის სახით, რომელთანაც ის დაკავშირებული იყო მრავალი მილიარდი დოლარის ფასის მქონე მილსადენების ინფრასტრუქტურით. ახლა ეს ინფრასტრუქტურა პირდაპირ ჯართად იქცა და გახადა დამოკიდებული ჩინეთზე, რომელიც რაღაც დონემდე რუსეთს დღეს ეხმარება, რომ არ ჩამოიშალოს და არ დაეცეს, მაგრამ, მეორე მხრივ, ძალიანაც კმაყოფილია იმით, რომ რუსეთი არის დასუსტებული და იყენებს რუსეთის ამ სისუსტეს.
ჩინეთის ინტერესი სულაც არ ემთხვევა რუსეთის ინტერესს. ჩინეთს კარგად ახსოვს, რამდენი ტერიტორია წაართვა რუსეთის იმპერიამ და უზარმაზარი ინტერესი აქვს რუსეთის ბუნებრივი რესურსებისადმი, რომელიც მის მეზობლად მდებარეობს.
· ტრამპს რა მოლოდინი აქვს ჩინეთისგან? აშშ-ს პრეზიდენტის თქმით, სანქციებს ექნება სერიოზული ძალა, მაგრამ მსურს, რომ ჩინეთიც დაგვეხმაროსო.
ტრამპსაც უამრავი არარეალისტური განცხადება აქვს გაკეთებული, მაგრამ ჩინეთისა და შეერთებული შტატების ინტერესები დაკავშირებულია ერთმანეთთან უზარმაზარი მოცულობის საერთო ვაჭრობით. ისინი, რა თქმა უნდა, დარჩებიან მეტოქეებად, უშუალო კონკურენტებად, ოღონდ არ არის აუცილებელი, რომ ეს კონკურენცია გადაითარგმნოს მტრობაში. ამ ზღვარზეა ეს ორი ქვეყანა ბოლო წლების განმავლობაში და თუ ტრამპის ადმინისტრაცია მიაღწევს რაღაც ურთიერთგაგებას სი ძინპინის ჩინეთთან, შეიძლება, კონფლიქტი იქნას აცილებული.
ჩემი აზრით, ჩინეთი ბოლომდე არ გაწირავს რუსეთს, მაგრამ ყველაფერს გააკეთებს იმისთვის, რომ რუსეთი არ აღმოჩნდეს გამარჯვებული ამ ომში – არ აწყობს ჩინეთს რუსეთის გამარჯვება. ჩინეთს აწყობს დასუსტებული რუსეთი, ოღონდ მისი ბოლომდე ჩამოშლა ჩინეთის ინტერესში არ არის. აი, ამაში, არ ვიცი რამდენად დაეთანხმება დასავლური სამყარო, განსხვავებულ პოზიციებზე შეიძლება აღმოჩნდნენ, მაგრამ იმდენად დიდია ჩინეთის ეკონომიკური ინტერესი, ისევე, როგორც შეერთებული შტატებისა, შეიძლება, საშუალო გზა იქნას მონახული.
· პუტინს რის იმედი აქვს ამ რეალობაში? მას არ ჰყავს არც ერთი ძლიერი მოკავშირე, ეკონომიკა კი, დღითიდღე სუსტდება…
არა მგონია, პუტინს რაიმე, თუნდაც თეორიული კარგი პერსპექტივა აქვს. ამიტომაც ვამბობ, რომ მისი ჩანაცვლება რეჟიმის შიგნითვე საკმაოდ რეალისტურია და ეს საკმაოდ მალე შეიძლება მოხდეს. პუტინის მიერ ძალაუფლების შენარჩუნების შემთხვევაში, რუსეთის პერსპექტივები ძალიან სახიფათოა. ეს, პირველ რიგში, დაკავშირებულია სამხედრო რელსებზე გადასული ეკონომიკის ჩამოშლასთან. დღეს უზარმაზარი დეფიციტი აქვს რუსულ ბიუჯეტს. ბოლო სანქციების შედეგად კი, საბიუჯეტო შემოსავლების მნიშვნელოვანი და ახალი დეფიციტური ფაქტორები გაჩნდა.
მნიშვნელოვანია აქვე კიდევ ერთი ფაქტორი: ინდოეთი რეალურად განახორციელებს თუ არა თავის განცხადებულ პირობას, რომ აღარ შეისყიდის რუსულ ნავთობს, ამის გარანტიას მე ვერ ვიძლევი, მაგრამ თუ ინდოეთმა ეს პირობა მართლაც შეასრულა, ეს იქნება უზარმაზარი დარტყმა რუსეთისთვის. ჩინური კომპანიებიც უკვე აქტიურად განიხილავენ რუსული ნავთობის შესყიდვის შემცირებას, ან მთლიანად მასზე უარის თქმას.
ეს იქნება პირდაპირ ეკონომიკური კატასტროფის ტოლფასი რუსეთისთვის.
· თქვენ ახსენეთ პუტინის ტექნიკურად შეცვლა. ამით რა იცვლება?
პუტინის ფაქტორი დღეს არის იმის წინაპირობა, რომ იგივე დმიტრიევის განცხადებისგან საპირისპიროდ, მას არათუ სამშვიდობო შეთანხმება, ცეცხლის შეწყვეტაც არ შეუძლია. აი, ეს შეიძლება შეიცვალოს.
მაგრამ თუ პუტინს ჩაანაცვლებს ვიღაც სხვა, ყოფილი კაგებეშნიკი, სულ მცირე, შეიძლება ვნახოთ თანხმობა ცეცხლის შეწყვეტაზე.
იგივე ცეცხლის შეწყვეტა პირდაპირ ნიშნავს პირადად პუტინისკენ უზარმაზარი შიდა უკმაყოფილების მიმართვას. ვიდრე ომი მიმდინარეობს, პუტინს შეუძლია აჩვენოს ტელევიზიებიდან თავის მრევლს, რომ განაგრძობს წინსვლას.
ამით გარკვეული სტაბილურობის ელემენტი ნარჩუნდება. მაგალითად, არსებობს კონტრაქტების სისტემა, რომლის მიხედვითაც, 2 მილიონ თუ 2.5 მილიონ რუბლს უხდიან ფრონტის ხაზზე გაწვეულებს.
როგორც კი ეს სისტემა შეწყდება, ანუ საზარბაზნე ხორცად გაგზავნისთვის მოქალაქეების მოსყიდვა, საზოგადოების დიდი ნაწილის უკმაყოფილება პირადად პუტინის წინააღმდეგ იქნება მიმართული. ამას დაამატეთ ასიათასობით ფრონტიდან მობრუნებული ბანდიტი.
· თუ პოლიტიკური სიტუაცია არსებითად არ შეიცვლება და მხოლოდ პუტინს ჩაანაცვლებენ, რუსეთი ხომ ისევ იზოლაციაში დარჩება და ეკონომიკა ისევ განაგრძობს კლებას?
თეორიულად პუტინის ჩანაცვლების შემთხვევაში, ვინც თანხმობას განაცხადებს ცეცხლის შეწყვეტაზე, მისი მთავარი პირობა იქნება დასავლეთთან ეკონომიკური სანქციების მოხსნა, პირველ რიგში, სანქციების მოხსნა შეერთებული შტატების მხრიდან. ამან შეიძლება რუსეთის ეკონომიკური ვითარება ოდნავ მაინც შეამსუბუქოს, თუმცა, ზიანი, რომელიც პუტინმა მიაყენა რუსეთის ეკონომიკას, იმდენად სტრუქტურულია, რომ მარტო „როსნეფტისთვის“ ნებართვის აღდგენა ნავთობის გაყიდვაზე, ამ ვითარებას ბოლომდე ვეღარ იხსნის.
რუსების მომავალ თაობებს ექნებათ გადასახადი ის ზარალი, რომელიც პუტინმა მიაყენა თავის ქვეყანას.
ძალაუფლების მონოპოლიზაციის, დიქტატურის გარდა ამ უზარმაზარი ქვეყნის ერთიანობის შენარჩუნების ისტორიულად გამოცდილება არ არსებობს. რუსეთში სხვა მეთოდები უბრალოდ არ იციან. ცხადია, არსებობს დიდი ქვეყნები, სადაც რეგიონებს ძალიან ფართო ავტონომია გააჩნიათ და ამით ერთიანობას არ დამუქრებია რაიმე რისკი, მაგალითად, შეერთებულ შტატები, სადაც თითოეულ შტატს უზარმაზარი დონის, ნამდვილი სუვერენიტეტი აქვს იურიდიულად, ფიზიკურად. კანადაც უზარმაზარი ქვეყანაა, მაგრამ თითოეულ პროვინციას უზარმაზარი ავტონომია აქვს.
რუსეთს კი, არასდროს არ უარსებია ოდნავ მაინც დემოკრატიული სახით. ელცინის დროს იყო პატარა ექსპერიმენტი, მაგრამ 1993 წელსვე აღმოჩნდა, რომ ეს შეუძლებელია ძალის გარეშე: ელცინი ხან საკუთარი სახელმწიფოს დუმას ესროდა ტანკებს და ხან ჩეჩნეთთან ომს მართავდა.
ამიტომაც, არ მგონია, რადიკალურად განსხვავებული, ახალი ხელისუფლება ვიხილოთ რუსეთში, რომელიც რადიკალურად განსხვავებულ, ახალ საგარეო პოლიტიკას განახორციელებს. მთავარი ამოცანაა, რუსეთის მეზობლები აღარ შეეწირონ დასავლეთის მორიგ ილუზიას: შეიძლება რაღაც ახალი, მეგობრული რეჟიმი მოვიდეს მოსკოვში.
· საქართველო როგორ უნდა პოზიციონირებდეს ამ დროს, როგორც რუსეთის მეზობელი, როცა „ოცნების“ მთავრობა მუდმივად გვაშინებს – ომი გინდათო?
ის ადამიანები, მათ შორის, „ქართული ოცნების“ მხარდამჭერები, რომლებიც ამბობენ და ხაზს უსვამენ, რომ აი, რა გინდათ, ომი ხომ არ არის და ესაა მთავარიო, თუ მათი პოზიცია არის ის, რომ მთავარია ომის აცილება, არ უნდა აღმოჩნდეს ისე, რომ ნეიტრალიტეტის ნაცვლად ჩვენ მივიღოლთ რუსეთთან გადაჯაჭვული, რუსეთის მხარეს მდგომი ქვეყანა.
აშკარაა, რომ ივანიშვილის მხრიდან ფსონი დადებულია იმაზე, რომ რუსეთი იმარჯვებს უკრაინაშიც და საერთაშორისო ასპარეზზე, მაგრამ რუსეთი არ იმარჯვებს. ამის გამო საკმაოდ დიდი საფასურის გადახდა მოუწევთ ამ იდეის მხარდამჭერებს, როდესაც რუსეთის მარცხი სააშკარაოზე გამოვა, ისევე, როგორც გერმანიის მოკავშირეებს მოუწიათ ორივე ომის შემდეგ.
batumelebi.netgazeti.ge

როგორც უორენ ბაფეტმა ერთხელ თქვა, “თუ მოსახლეობის ყველაზე იღბლიან 1%-ში ხარ, კაცობრიობის წინაშე ვალდებულება გაქვს, დანარჩენ 99%-ზე იზრუნო” – ბიზნესმენის ამ შეგონებას მილიარდერთა ნაწილი აქტიურად მიჰყვება. ფილანტროფთა ახალ ეპოქას, მსოფლიოში მზარდი უთანასწორობისა და გეოპოლიტიკური კრიზისების ფონზე, ქმნიან ადამიანები, რომლებიც სიმდიდრეს არა მხოლოდ საბოლოო დანიშნულების წერტილად, არამედ თემთა გაძლიერებისა და დახმარების საშუალებად ხედავენ. ქველმოქმედები ხშირად აღნიშნავენ, რომ მათი როლი რისკებზე წასვლა, ურთულესი პრობლემების მოგვარება და ინოვაციების, თანასწორობისა და გრძელვადიანი ცვლილებების წასახალისებლად საკუთარი კაპიტალის გამოყენებაა.
გაგაცნობთ ბიზნესმენებს, რომლებიც თავიანთ ქონებას ყველაზე გულუხვად გასცემენ.
ილაი ბროუდი – $4 მილიარდი
ილაი ბროუდი თვითშემდგარი მილიარდერი იყო, რომლის მრავალწლიანი კარიერაც უძრავი ქონების, დაზღვევისა და ფინანსების სექტორებს აერთიანებდა. ბროუდიმ ქონების მოხვეჭა 1950-იან წლებში Kaufman-ისა და Broad Home Corporation-ის დაფუძნებით დაიწყო და ომგამოვლილ ამერიკას იაფიანი, მასობრივი წარმოების სახლები შესთავაზა. რამდენიმე წელიწადში ბროუდიმ დაზღვევის სექტორშიც შეაბიჯა და Sun Life Insurance დააფუძნა.
ილაი ბროუდი 2021 წელს გარდაიცვალა. სიცოცხლეში თავდადებულმა ბიზნესმენმა ქველმოქმედების მიზნით $4 მილიარდი დოლარი გასცა. მისთვის პრიორიტეტულ მიმართულებებად რჩებოდა განათლების რეფორმა, სამეცნიერო კვლევები და ხელოვნება. ცოლთან, იდით ბროუდისთან ერთად, საქველმოქმედო ფონდიც დააფუძნა, რომლის მეშვეობითაც აშშ-ის მასშტაბით საჯარო სკოლის ინოვაციასა და სკოლების ექსპანსიას შეუწყო ხელი.
კარლოს სლიმ ჰელუ – $4 მილიარდი
მექსიკის უმდიდრესი ადამიანის, კარლოს სლიმ ჰელუს ქონება $90 მილიარდ დოლარზე მეტადაა შეფასებული. ჰელუ ლათინური ამერიკის ყველაზე გავლენიანი ფილანტროფიცაა. 1986 წელს “კარლოს სლიმის ფონდის” დაფუძნების შემდეგ, ჯანდაცვის, განათლების, სტიქიასთან ბრძოლისა და სამუშაო ადგილების შექმნის პროგრამების მხარდასაჭერად ჰელუს $4 მილიარდი აქვს გაცემული. კიდევ ერთი, “ტელემაქსის ფონდით” კი მექსიკის უმდიდრესი ადამიანი ქვეყანაში ინფრასტრუქტურულ აღმშენებლობას უჭერს მხარს.
გორდონ მური – $5 მილიარდი
ტექ-ანტრეპრენერმა გორდონ მურიმ ქონება მიკროპროცესორების მწარმოებელი გიგანტის, Intel-ის დაფუძნების შედეგად დააგროვა. გორდონმა და მისმა მეუღლემ, ბეტიმ, “გორდონისა და ბეტი მურის ფონდის” მეშვეობით $5 მილიარდზე მეტი გასცეს. მურების ოჯახისთვის პრიორიტეტულ მიმართულებებად მიიჩნევა გარემოს დაცვა, მეცნიერული განვითარება, კოსმოსური კვლევები და ჯანდაცვის სისტემების გაუმჯობესება. გორდონ მური 2023 წელს გარდაიცვალა. ფონდი, რომელიც ბიზნესმენმა 2000 წელს დააფუძნა, დღემდე ერთ-ერთი ყველაზე მაღალ ბიუჯეტიანი საქველმოქმედო ორგანიზაციაა.
ჩარლზ ფრანცის ფინი – $8 მილიარდი
ჩარლზ ფრანცის ფინის სახელი ბიზნესის ისტორიაში ოქროს ასოებით ჩაიწერა, როგორც ადამიანის, რომელმაც, ქველმოქმედებისთვის თითქმის მთელი ქონება დათმო. სიცოცხლის განმავლობაში, 2023 წლამდე, ჩარლზ ფინმა $8 მილიარდი გასცა.
ჩარლზ ფინი Duty Free-ის თანადამფუძნებელი იყო – მიუხედავად წამოწყების წარმოუდგენელი წარმატებისა, ბიზნესმენმა მოკრძალებული ცხოვრება, ეკონომ კლასით მგზავრობა და, უძრავი ქონების მრავალმილიონიანი პორტფოლიოს ნაცვლად, ნაქირავებ ბინებში ცხოვრება გააგრძელა. სიმდიდრე კი თავისი ფონდის, “ატლანტიკის ფილანტროფებისკენ” მიმართა. ფინის დონაციები განათლების, ჯანდაცვის, ადამიანთა უფლებების დაცვის პროგრამების განვითარებაზე იხარჯებოდა. მხარს უჭერდა უნივერსიტეტების გახსნასა და ჯანდაცვის ინიციატივებს ვიეტნამსა და სამხრეთ აფრიკაშიც.
სწორედ ჩაკ ფინის “გაიღე, სანამ ცოცხალი ხარ” ფილოსოფიამ მისცა შთაგონება “შემოწირულობის პირობის” საქველმოქმედო კამპანიას, რომელიც ახალისებს ბიზნესმენებს, თავიანთი ქონება სიცოცხლეშივე გასცენ.
სულეიმან ბინ აბდულ აზიზ ალ რაჯი – $16 მილიარდი
სულეიმან ბინ აბდულ აზიზ ალ რაჯი საუდის არაბეთის ერთ-ერთი ყველაზე გავლენიანი ბიზნესმენია, რომელსაც ყველაზე გულუხვ ფილანტროფადაც მოიხსენიებენ. უმსხვილესი ისლამური საბანკო ინსტიტუციის, “ალ რაჯის ბანკის” თანადამფუძნებელმა მრავალმილიარდიანი ქონება სწორედ საბანკო, უძრავი ქონებისა და სოფლის მეურნეობის სექტორებიდან დააგროვა. 2011 წელს მისი სახელი საერთაშორისო მედიაში გამოჩნდა როგორც ბიზნესმენის, რომელმაც ქონების ძირითადი ნაწილი, $16 მილიარდზე მეტი, საქველმოქმედო მიზნებისთვის გასცა, რითაც არაბულ სამყაროში უმსხვილესი ერთჯერადი საქველმოქმედო ტრანზაქციის ავტორიც გახდა. მისი ქველმოქმედება ძირითადად განათლებაზე, ჯანდაცვაზე, სიღარიბის შემცირებასა და ისლამურ მეცნიერებაზეა ორიენტირებული. გარდა ამისა, მან დააარსა ალ რაჯჰის უნივერსიტეტი, რომელიც სტუდენტებს მედიცინის, ინჟინერიისა და ისლამური ფინანსების ფაკულტეტებს სთავაზობს. მანვე დააფინანსა ასობით მეჩეთი, სკოლა და საავადმყოფო საუდის არაბეთში და მის ფარგლებს გარეთ.
მაიკლ ბლუმბერგი – $17 მილიარდი
$104 მილიარდ დოლარად შეფასებული ქონებით, ნიუ-იორკის ყოფილი მერი, Bloomberg-ის დამფუძნებელი, მაიკლ ბლუმბერგი, ყველაზე გულუხვ ბიზნესმენთა რეიტინგში ასევე შთამბეჭდავად პოზიციონირებს. მან სხვადასხვა მიზნების მხარდასაჭერად როგორც თავისი პლატფორმა, ასევე აქტივები გამოიყენა და გარემოსდაცვითი საქმიანობა, ხელოვნება, განათლება და საზოგადოებრივი ჯანდაცვა დააფინანსა. Bloomberg Philanthropies-ის მეშვეობით დააფინანსა მოწევის საწინააღმდეგო ინიციატივები, გლობალური საგზაო უსაფრთხოების პროგრამები, ხელოვნებისა და კულტურის ინსტიტუტები და განახლებადი ენერგიის პროექტები. ამასთან. ბლუმბერგი ერთ-ერთი მსხვილი დონორია ჯანდაცვის მსოფლიო ორგანიზაციის, ჰოპკინსის უნივერსიტეტისა და ოკეანის კონსერვაციის ინიციატივებისთვის. მხოლოდ 2024 წელს, Bloomberg Philanthropies-მა გლობალურად, სხვადასხვა პროექტებისთვის, $3.7 მილიარდი დოლარი გამოყო. ჯამურად, მაიკლ ბლუმბერგის კონტრიბუცია $17 მილიარდ დოლარს აღემატება.
მაკენზი სკოტი – $19 მილიარდი
Amazon-ის დამფუძნებელ, ჯეფ ბეზოსთან განქორწინებისა და მილიარდობით დოლარის მიღების შემდეგ, მაკენზი სკოტმა ფილანტროფიის წესების შეცვლა გადაწყვიტა. მან უარი თქვა ტრადიციულ ბიუროკრატიულ პროცესებზე და თავის ქონებას, საჩუქრების სახით, რიგით ადამიანებსა და თემთა გაძლიერების მიზნით შექმნილ ორგანიზაციებს პირდაპირ ურიგებს. მისმა დაფინანსებამ ათასობით ორგანიზაცია გააძლიერა, რომელთა ძირითადი ფოკუსიც რასობრივ და გენდერულ თანასწორობაზეა. 2019 წლიდან მაკენზი სკოტი “შემოწირულობის პირობის” კამპანიას შეუერთდა და, მას შემდეგ, 2400 ორგანიზაციისთვის $19 მილიარდ დოლარზე მეტი აქვს შეწირული. მისი მიდგომა უნიკალურია – არავითარი წინასწარი განცხადება, არავითარი ანგარიშწარმოება, არავითარი შეზღუდვა.ნაცვლად ამისა, სკოტის გუნდი თავად ავლენს ორგანიზაციებს, რომლებზეც გრანტის სახით 1-დან 50 მილიონამდე დოლარს გასცემს.
აზიმ პრემჯი – $21 მილიარდი
ინდოეთში ყველაზე გულუხვ კაცად აღიარებულმა აზიმ პერმჯიმ ქონება თავისი მცირე, საოჯახო ბიზნესის ქვეყნის ერთ-ერთ უმსხვილეს IT საკონსულტაციო ფირმად ქცევით დააგროვა. ბიზნესმენმა ქონების ნახევარზე მეტი საქველმოქმედო მიზნებისთვის გაიღო და, ამ მიმართულებით, ნამდვილ ლიდერად იქცა. “აზიმ პრემჯის ფონდმა” მხარი დაუჭირა 350 ათასზე მეტ სკოლას ინდოეთის მასშტაბით, საჯარო განათლებაში სისტემური რეფორმების დაფინანსების გზით. მის ინიციატივებს შორისაა მასწავლებლების გადამზადებისა და სასწავლო გეგმის განვითარების პროგრამები. დააფუძნა უნივერსიტეტიც, რომელიც განათლებასა და საჯარო მომსახურების სერვისებში ახალგაზრდა ლიდერების აღზრდას ემსახურება.
ბილ & მელინდა გეიტსები – $45 მილიარდი
$117 მილიარდიანი ქონებით, Microsoft-ის დამფუძნებელი ბილ გეიტსი პლანეტის ერთ-ერთი ყველაზე გულუხვი ბიზნესმენიცაა. ერთად თუ ცალ-ცალკე, ბილ და მელინდა გეიტსები გლობალური სისტემების გაუმჯობესებას აგრძელებენ და ამ მიზნით წყვილმა განქორწინებამდე რამდენიმე ათეული მილიარდი დოლარიც გაიღეს. სწორედ მათმა ძალისხმევამ თითქმის აღმოფხვრა პოლიოვირუსი და გააძლიერა სოფლის მეურნეობის მდგრადობა. “გეიტსის ფონდი” არაერთ საერთაშორისო ორგანიზაციას, მათ შორის ჯანმოსა და გაეროს ბავშვთა ფონდს აფინანსებს, ისევე როგორც შიდსის, ტუბერკულიოზისა და მალარიის წინააღმდეგ მიმართულ ინიციატივებს. მელინდა გეიტსი კი ქალებისა და გოგოების გაძლიერებაზე მუშაობს.
უორენ ბაფეტი – $51+ მილიარდი
“ომაჰას ორაკული”, თავისი $144 მილიარდიანი ქონებით, თანამედროვე ფილანტროფიის ნამდვილ პოლარულ ვარსკვლავად რჩება. ქონების 99%-ზე მეტი უორენ ბაფეტს საქველმოქმედო მიზნებისკენ აქვს მიმართული. მისივე ინიციატივით დაფინანსდა ვაქცინების გლობალური დისტრიბუცია, ჯანდაცვის ინფრასტრუქტურა გლობალურ სამხრეთში და საგანმანათლებლო თანასწორობა მსოფლიოში. სწორედ ბაფეტია “შემოწირულობის პირობის” კამპანიის თანადამფუძნებელი. “ომაჰას ორაკული” ბილ და მელინდა გეიტსების ფონდის ერთ-ერთი უმსხვილესი დონორიც არის. მისივე შვილები მართავენ ოთხ საოჯახო საქველმოქმედო ორგანიზაციასაც. ჯამურად, უორენ ბაფეტის მიერ ქველმოქმედებისთვის გაღებული თანხა $50 მილიარდს აღემატება.

პრემიერ-მინისტრ დონალდ ტუსკის განცხადებით, მისი ცოლი და ქალიშვილი, ჯაშუშური პროგრამა „პეგასუსის“ უკანონოდ გამოყენების საქმის გამოძიების ფარგლებში, მოწმეებად დაიკითხნენ. პოლონეთის პრემიერი ამბობს, რომ საქმის მასალებზე წვდომა არ აქვს და გამოძიებაში ჩარევას არ აპირებს.
როგორც ტუსკმა საზოგადოებრივ მაუწყებელ TVP Info-ს განუცხადა, სათვალთვალო სისტემა „პეგასუსი“ „ბოროტად“ და „მიზანმიმართულად“ გამოიყენებოდა და პოლიტიკური მოტივების შესანიღბად, ჩვეულებრივი სისხლის სამართლის საქმეების გამოძიება სახელდებოდა. მისივე თქმით, სამიზნეებს, სხვა პირებთან ერთად, ოპოზიციონერი პოლიტიკოსები და ჟურნალისტებიც წარმოადგენდნენ.
მან თავისი ოჯახის საქმეში ჩართულობა იურისტ რომან გერტიხთან საუბრებს დაუკავშირა. ეს უკანასკნელი მის ინტერესებს იმ პერიოდში იცავდა, როდესაც ტუსკს ევროპული საბჭოს პრეზიდენტის პოსტი ეკავა.
„ორივე მათგანი მოწმის სახით დაიკითხა და შესაძლოა, დაზარალებულის სტატუსი მიენიჭოთ“, – აღნიშნა ტუსკმა და დასძინა, რომ მისი ოჯახის მიმართ თვალთვალი „ცოდნის საკითხია და არა რწმენის“.
პრემიერ-მინისტრმა მოითხოვა, ყურადღება სხვა შესაძლო მსხვერპლებზეც გამახვილდეს, რომლებსაც მისნაირი რესურსები არ გააჩნიათ. მან ასევე ხაზი გაუსვა, რომ ამჟამინდელი მთავრობა პროკურორებზე ზეწოლას არ ახდენს და მხოლოდ ეროვნული პროკურატურა გადაწყვეტს, რა მასალები გაასაჯაროოს.
ეროვნულ პროკურატურაში შექმნილი სპეციალური საგამოძიებო ჯგუფი იკვლევს, „პეგასუსის“ გამოყენებისას, გადააჭარბეს თუ არა საჯარო მოხელეებმა უფლებამოსილებას და მოვალეობებს, მათ შორის – კანონიერების დაცვის, აუცილებლობის, მიზნისა და პროპორციულობის საკითხებში, ასევე, დანაშაულის პრევენციისა და გამოვლენის გარდა, ხომ არ გამოიყენეს ეს ინსტრუმენტი სხვა მიზნებისთვის.
ტუსკის თქმით, თვალთვალი ყოფილი მმართველი ბანაკის წარმომადგენლებზეც ხორციელდებოდა. მან იუსტიციის ყოფილი მინისტრი, ზბიგნევ ზიობროც ახსენა და თქვა, რომ არ გაუკვირდება, თუ თვალთვალის ქვეშ მყოფთა სიაში კონსერვატიული ოპოზიციური პარტიის, „კანონი და სამართლიანობის“ (PiS) პოლიტიკოსებიც აღმოჩნდებიან.
ტორონტოს უნივერსიტეტის კვლევითი ცენტრის, „სიტიზენ ლაბის“ მიერ ადრე გავრცელებული ინფორმაციით, „პეგასუსი“გამოიყენებოდა რამდენიმე საჯარო ფიგურის, მათ შორის, იურისტისა და ამჟამინდელი კანონმდებლის, რომან გერტიხის, პროკურორ ევა ვრჟოსეკის, მაშინდელი სენატორის და ამჟამინდელი ევროპარლამენტარის, კშიშტოფ ბრეიზას, აგრეთვე „აგროუნიას ლიდერის, მიხალ კოლოძეიჩაკის წინააღმდეგ.
საჯარო წყაროების მიერ გავრცელებულ ინფორმაციაში ასევე ნათქვამია, რომ იმ პირთა შორის, ვისაც უთვალთვალებდნენ, PiS-ის წევრი ცნობილი პოლიტიკოსებიც იყვნენ.
წყარო: 1tv.ge

გორის საკრებულოს ყოფილ წევრს „ქართული ოცნებიდან“, ბორის გოგიჩაიშვილს პატიმრობა გირაოთი შეეცვალა.
ინფორმაცია ნეტგაზეთს ბორის გოგიჩაიშვილის ადვოკატმა, თამარ კუჭავამ დაუდასტურა.
მისი თქმით, აღკვეთი ღონისძიების სახით შეფარდებული პატიმრობის გირაოთი შეცვლის მიზეზი ბორის გოგიჩაიშვილის ჯანმრთელობის მძიმე მდგომარეობა გახდა.
გორში დაკავებულ 7 პირს, მათ შორის არიან ბიზნესმენი გიორგი კანდელაკი და ბორის გოგიჩაიშვილი აღკვეთის ღონისძიების სახით პატიმრობა 16 სექტემბერს შეეფარდა.
პროკურატურა მათ “განსაკუთრებით დიდი ოდენობით საქონლის აქციზური მარკის გარეშე გამოშვებასა და შენახვას, ასევე სხვისი სასაქონლო ნიშნისა და რეგისტრირებული საფირმო სახელწოდების უკანონოდ გამოყენებით საქონლის წარმოებას” ედავება.
ბორის გოგიაჩაიშვილის ადვოკატი 16 სექტმებრს სასამართლოშიც აცხადებდა, რომ მისი დაცვის ქვეშ მყოფს „უმძიმესი დაავადება და დიაგნოზი“ აქვს და მისი „კოგნიტური ფუნქციები მნიშვნელოვნად არის შეზღუდული”.
მისი თქმით, გოგიჩაიშვილმა უკანასკნელი ერთი წელი თითქმის სრულად გაატარა თურქეთში, სადაც სამკურნალოდ იმყოფებოდა.
ბორის გოგიჩაიშვილის ადვოკატი 50 000-ლარიანი გირაოს გადახდის მზაობა გამოითქვამდა, თუმცა 16 სექტემბერს მოსამართლე თეონა ეპიტაშვილმა მას სხვა პირებთან ერთად პატიმრობა შეუფარდა.
აღსანიშნავია, რომ 31 ოქტომბერს პროკურატურამ სამსახურებრივი უფლებამოსილების ბოროტად გამოყენების ბრალდებით სისხლისსამართლებრივი დევნა დაიწყო შემოსავლების სამსახურის უფროსის ყოფილი მოადგილის, ვლადიმერ ხუნდაძის მიმართ.
ფინანსთა სამინისტროს საგამოძიებო სამსახურის გამოძიების თანახმად, ვლადიმერ ხუნდაძეს პირადი ნაცნობობა აკავშირებდა ბორის გოგიჩაიშვილთან, რომელიც თანამზრახველებთან ერთად, გორში უცხოური ბრენდების სასაქონლო ნიშნის გამოყენებით უკანონოდ ახორციელებდა ალკოჰოლური სასმელების, ვისკისა და არყის დამზადებასა და შენახვას.

ნიგერია ტერორიზმის წინააღმდეგ ბრძოლის მიზნით აშშ-ის დახმარებას მიესალმება, – ამის შესახებ ნიგერიის პრეზიდენტის, ბოლა ტინუბუს პრესსპიკერმა, დანიელ ბვალამ მას შემდეგ განაცხადა, რაც აშშ-ის პრეზიდენტმა, დონალდ ტრამპმა პენტაგონს ნიგერიაში „ქრისტიანების მკვლელობის“ გამო სამხედრო მოქმედების მომზადება დაავალა.
„ჩვენ მივესალმებით აშშ-ის დახმარებას, იმ პირობით, თუ ის ჩვენს ტერიტორიულ მთლიანობას აღიარებს. დარწმუნებული ვარ, როდესაც ლიდერები შეხვდებიან, ტერორიზმის წინააღმდეგ ბრძოლაში ჩვენს ერთობლივ ძალისხმევას უკეთესი შედეგები ექნება“, – განაცხადა დანიელ ბვალამ.
შეგახსენებთ, დონალდ ტრამპმა სოციალურ ქსელში დაწერა, რომ „თუ ნიგერიის მთავრობა ქრისტიანების მკვლელობის დაშვებას გააგრძელებს, მაშინ აშშ ნიგერიის დახმარებას დაუყოვნებლივ შეაჩერებს“.
„ომის დეპარტამენტს ვავალებ, რომ მოემზადოს შესაძლო მოქმედებისთვის. თუ ჩვენ შეტევას განვახორციელებთ, ეს სწრაფი და სასტიკი იქნება. ნიგერიის მთავრობამ სასწრაფოდ უნდა იმოქმედოს“, – დაწერა ტრამპმა Truth Social-ზე.

პროკურატურამ ბრალდება წარუდგინა პირს, რომელმაც განსაკუთრებული სისასტიკით მოკლა ორი ძაღლი. ამის შესახებ ინფორმაციას პროკურატურა ავრცელებს.
„პროკურატურამ ცხოველებისადმი სასტიკი მოპყრობის ფაქტებზე, რამაც მათი დაღუპვა გამოიწვია, ერთ პირს ბრალდება წარუდგინა.
შინაგან საქმეთა სამინისტროს მიერ ჩატარებული გამოძიებით დადგინდა, რომ ქ. ყვარელში 31 ოქტომბერს და 01 ნოემბერს ბრალდებულმა განსაკუთრებული სისასტიკით მოკლა 2 ძაღლი.
დაკავებულს ბრალდება საქართველოს სისხლის სამართლის კოდექსის 259-ე მუხლის მესამე ნაწილით (ცხოველის წამება ან მისდამი სასტიკი მოპყრობა, რამაც მისი დაღუპვა გამოიწვია – 2 ეპიზოდი), წარედგინა, რაც სასჯელის სახედ და ზომად ხუთ წლამდე თავისუფლების აღკვეთას ითვალისწინებს.
პროკურატურა ბრალდებულის მიმართ პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს“,-აღნიშნულია ინფორმაციაში.

ყვარელში, ორ დღეში ორი ძაღლი მოკლეს. „განსაკუთრებული სისასტიკით“, – აცხადებენ პროკურატურაში.
შემთხვევა 31 ოქტომბერსა და პირველ ნოემბერს მოხდა. ბრალდებული დაკავებულია.
მას ბრალდება საქართველოს სისხლის სამართლის კოდექსის 259-ე მუხლის მესამე ნაწილით (ცხოველის წამება ან მისდამი სასტიკი მოპყრობა, რამაც მისი დაღუპვა გამოიწვია – 2 ეპიზოდი), წარედგინა, რაც სასჯელის სახედ და ზომად ხუთ წლამდე თავისუფლების აღკვეთას ითვალისწინებს.
პროკურატურა ბრალდებულის მიმართ პატიმრობის შეფარდებას მოითხოვს.
ფორუმი

აშშ-მა და ინდოეთმა თავდაცვის 10-წლიან ჩარჩოხელშეკრულებას ხელი მოაწერეს. ამის შესახებ აშშ-ის თავდაცვის მდივანმა, პიტ ჰეგსეტმა განაცხადა.
აღნიშნულ ხელშეკრულებას ხელი მოაწერეს პიტ ჰეგსეტმა და ინდოეთის თავდაცვის მინისტრმა, რაჯნატ სინგჰმა.
ჰეგსეტის თქმით, ეს მნიშვნელოვანი ნაბიჯია.
„ეს ხელს უწყობს თავდაცვის სფეროში ჩვენი პარტნიორობის წინსვლას, რაც რეგიონული სტაბილურობისა და შეკავების ქვაკუთხედია. ჩვენ ვაძლიერებთ კოორდინაციას, ინფორმაციის გაზიარებასა და ტექნოლოგიურ თანამშრომლობას. ჩვენი თავდაცვის კავშირები არასდროს ყოფილა ასეთი ძლიერი“, – წერს ჰეგსეტი.

მიმდინარე კვირაში რუსებმა უკრაინაში ადამიანების წინააღმდეგ 1500-მდე დრონი, 1170-მდე მართვადი საავიაციო ბომბი და 70-ზე მეტი რაკეტა გამოიყენეს, – ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.
„დარტყმები იყო ჩვეულებრივ საცხოვრებელ შენობებსა და სამოქალაქო ინფრასტრუქტურაზე, ასევე ენერგეტიკის სექტორზე ტერორისტული თავდასხმები განხორციელდა. ნათელია, რომ მოსკოვის მიზანი ჩვენი ხალხისთვის ზიანის მიყენებაა“, – წერს ვოლოდიმირ ზელენსკი X-ზე.
მისი თქმით, უკრაინა „ზამთარში ენერგეტიკის სექტორისთვის მხარდაჭერის უზრუნველყოფის მიზნით მუშაობს“.
„ჩვენს პარტნიორებთან უკვე კონკრეტული შეთანხმებები გვაქვს. უკრაინის ენერგეტიკის მხარდაჭერის ფონდის მეშვეობით და საჭირო აღჭურვილობის მოწოდებით, აშშ, ნორვეგია, გერმანია, ნიდერლანდები, კანადა, გაერთიანებული სამეფო, იტალია, იაპონია, ლიეტუვა, დანია, შვედეთი, ესტონეთი, ესპანეთი და ევროკომისია მხარს გვიჭერს“, – აცხადებს უკრაინის პრეზიდენტი.

მიმდინარე კვირაში რუსებმა უკრაინაში ადამიანების წინააღმდეგ 1500-მდე დრონი, 1170-მდე მართვადი საავიაციო ბომბი და 70-ზე მეტი რაკეტა გამოიყენეს, – ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.
„დარტყმები იყო ჩვეულებრივ საცხოვრებელ შენობებსა და სამოქალაქო ინფრასტრუქტურაზე, ასევე ენერგეტიკის სექტორზე ტერორისტული თავდასხმები განხორციელდა. ნათელია, რომ მოსკოვის მიზანი ჩვენი ხალხისთვის ზიანის მიყენებაა“, – წერს ვოლოდიმირ ზელენსკი X-ზე.
მისი თქმით, უკრაინა „ზამთარში ენერგეტიკის სექტორისთვის მხარდაჭერის უზრუნველყოფის მიზნით მუშაობს“.
„ჩვენს პარტნიორებთან უკვე კონკრეტული შეთანხმებები გვაქვს. უკრაინის ენერგეტიკის მხარდაჭერის ფონდის მეშვეობით და საჭირო აღჭურვილობის მოწოდებით, აშშ, ნორვეგია, გერმანია, ნიდერლანდები, კანადა, გაერთიანებული სამეფო, იტალია, იაპონია, ლიეტუვა, დანია, შვედეთი, ესტონეთი, ესპანეთი და ევროკომისია მხარს გვიჭერს“, – აცხადებს უკრაინის პრეზიდენტი.

საპატრულო პოლიციის დეპარტამენტის თბილისის მთავარი სამმართველოს ახალი ხელმძღვანელი გოგა მემანიშვილია.
მან ამ პოზიციაზე ლაშა ჯოხაძე ჩაანაცვლა, რომელმაც პოსტი რამდენიმე დღის წინ დატოვა.
მემანიშვილი საპატრულო პოლიციაში წლების განმავლობაში მუშაობს. ბოლო პერიოდში ის თბილისის მთავარი სამმართველოს ხელმძღვანელის მოადგილე იყო.

საპატრულო პოლიციის დეპარტამენტის თბილისის მთავარი სამმართველოს ახალი ხელმძღვანელი გოგა მემანიშვილია.
მან ამ პოზიციაზე ლაშა ჯოხაძე ჩაანაცვლა, რომელმაც პოსტი რამდენიმე დღის წინ დატოვა.
მემანიშვილი საპატრულო პოლიციაში წლების განმავლობაში მუშაობს. ბოლო პერიოდში ის თბილისის მთავარი სამმართველოს ხელმძღვანელის მოადგილე იყო.

გუშინ, 1-ელ ნოემბერს, პრემიერლიგის მეათე ტურში “ლივერპულმა” “ასტონ ვილა” 2:0 დაამარცხა.
“მერსისაიდელების” კარის დარაჯმა გიორგი მამარდაშვილმა პირველად შეინახა “წითლების” რიგებში კარი “მშრალად”.
როგორც ჩანს, “ლივერპულის” ქომაგები ქართველი მეკარის თამაშით აღფრთოვანებულები არიან, გთავაზობთ მათ კომენტარებს სოციალური ქსელიდან:
“ქეშის დარტყმის შემდეგ, ამ მოგერიებას არასდროს დავივიწყებ”.
“რა მოგერიება იყო, ვაუ!”.
“ხალხი ამბობდა, რომ ის არასაკმარისად კარგი იყო, ახლა რას იტყვით?”.
“კარის ხაზზე ძალიან ძლიერია, თუ ფეხით თამაშს გააუმჯობესებს, გასაოცარი იქნება”.
“შეიძლება ითქვას, რომ მატჩი მისმა მოგერიებამ მოგვაგებინა, ეს უდიდესი მომენტი იყო, არავინ იცის, მდევრის როლში რომ ვყოფილიყავით, რა მოხდებოდა”.
“წინა მატჩებში გაშვებული გოლები მისი ბრალი საერთოდ არ ყოფილა”.
“ლივერპული” ჯერჯერობით 18 ქულით მესამე ადგილზეა და მომდევნო შეხვედრას სამშაბათს, 4 ნოემბერს სახლში, ჩემპიონთა ლიგაზე “რეალთან” ჩაატარებს.
[VIDEO] ბითაძის დომინანტური მატჩი – “ორლანდო მეჯიქმა” “ვაშინგტონ ვიზარდსი” დაამარცხა
[VIDEO] ზივზივაძის სადებიუტო გოლი ბუნდესლიგის ახალ სეზონში – “ჰაიდენჰაიმმა” “აინტრახტთან” ქულა მოიპოვა
საინტერესო ამბავი ინგლისში – დამკვიდრდება მრგვალი წითელი ბარათი?!
“კრიტიკას ვერ მივიღებ” – სლოტმა “კრისტალ პალასთან” მარცხის შემდეგ მედიასთან ისაუბრა
“ვერც კი წარმოიდგენთ, ალისონი ისე გვჭირდება” – “ლივერპულის” ყოფილმა ფეხბურთელმა ბრაზილიელ მეკარეზე ისაუბრა
“ფეხბურთელისთვის ინგლისში თამაში ბევრად მარტივია, ვიდრე ესპანეთში” – ტიერი ანრი
“ვადასტურებ, ამ ჩემპიონატში მუშაობა ჩემი ოცნებაა” – ლუჩანო სპალეტი
ისევ პრემიერ ლიგა თუ ბუნდესლიგა – ჯეკსონს ორი ვარიანტი გამოუჩნდა
“რა განსხვავებაა ბუნდესლიგასა და პრემიერლიგას შორის?” – ვირცმა ჩემპიონატები ერთმანეთს შეადარა
მიქაუტაძე პრემიერლიგის კლუბს შეუთანხმდა – მისი სასწრაფოდ შეძენა ემერიმ მოითხოვა
“დარწმუნებული ვარ, “მანჩესტერ იუნაიტედი” მომდევნო 10 წელიწადში პრემიერლიგას მოიგებს” – მაიკლ ოუენი
უპირებენ თუ არა გათავისუფლებას სლოტს – ფაბრიციო რომანო “ლივერპულის” მწვრთნელის მომავალზე
უგოლო ფრე ბირმინგემში – “ასტონ ვილა” “ნიუკასლს” დაუზავდა
“როდესაც დავინახე რომ ეს გააკეთა, თვალებს ვერ ვუჯერებდი” – “ლივერპულის” ყოფილმა ფეხბურთელმა მამარდაშვილი გააკრიტიკა
[VIDEO] მამარდაშვილის პირველი პრემიერლიგური “მშრალი მატჩი” და “ლივერპულის” “ასტონ ვილასთან” გამარჯვება
როგორი შეფასებები მიიღო მამარდაშვილმა “ასტონ ვილასთან” მატჩში?
კაზემირო: წელს პრემიერლიგას “მანჩესტერ იუნაიტედი” მოიგებს
“მეფე ჟორჟმა” გადაწყვეტილება შეცვალა და ჩემპიონთა ლიგაზე მოასპარეზე გუნდში გადავა
[VIDEO] 0:3. ესეც მამარდაშვილის ბრალია? – “ლივერპული” თასიდან “კრისტალ პალასმა” გამოაგდო

გუშინ, 1-ელ ნოემბერს, პრემიერლიგის მეათე ტურში “ლივერპულმა” “ასტონ ვილა” 2:0 დაამარცხა.
“მერსისაიდელების” კარის დარაჯმა გიორგი მამარდაშვილმა პირველად შეინახა “წითლების” რიგებში კარი “მშრალად”.
როგორც ჩანს, “ლივერპულის” ქომაგები ქართველი მეკარის თამაშით აღფრთოვანებულები არიან, გთავაზობთ მათ კომენტარებს სოციალური ქსელიდან:
“ქეშის დარტყმის შემდეგ, ამ მოგერიებას არასდროს დავივიწყებ”.
“რა მოგერიება იყო, ვაუ!”.
“ხალხი ამბობდა, რომ ის არასაკმარისად კარგი იყო, ახლა რას იტყვით?”.
“კარის ხაზზე ძალიან ძლიერია, თუ ფეხით თამაშს გააუმჯობესებს, გასაოცარი იქნება”.
“შეიძლება ითქვას, რომ მატჩი მისმა მოგერიებამ მოგვაგებინა, ეს უდიდესი მომენტი იყო, არავინ იცის, მდევრის როლში რომ ვყოფილიყავით, რა მოხდებოდა”.
“წინა მატჩებში გაშვებული გოლები მისი ბრალი საერთოდ არ ყოფილა”.
“ლივერპული” ჯერჯერობით 18 ქულით მესამე ადგილზეა და მომდევნო შეხვედრას სამშაბათს, 4 ნოემბერს სახლში, ჩემპიონთა ლიგაზე “რეალთან” ჩაატარებს.
[VIDEO] ბითაძის დომინანტური მატჩი – “ორლანდო მეჯიქმა” “ვაშინგტონ ვიზარდსი” დაამარცხა
[VIDEO] ზივზივაძის სადებიუტო გოლი ბუნდესლიგის ახალ სეზონში – “ჰაიდენჰაიმმა” “აინტრახტთან” ქულა მოიპოვა
საინტერესო ამბავი ინგლისში – დამკვიდრდება მრგვალი წითელი ბარათი?!
“კრიტიკას ვერ მივიღებ” – სლოტმა “კრისტალ პალასთან” მარცხის შემდეგ მედიასთან ისაუბრა
“ვერც კი წარმოიდგენთ, ალისონი ისე გვჭირდება” – “ლივერპულის” ყოფილმა ფეხბურთელმა ბრაზილიელ მეკარეზე ისაუბრა
“ფეხბურთელისთვის ინგლისში თამაში ბევრად მარტივია, ვიდრე ესპანეთში” – ტიერი ანრი
“ვადასტურებ, ამ ჩემპიონატში მუშაობა ჩემი ოცნებაა” – ლუჩანო სპალეტი
ისევ პრემიერ ლიგა თუ ბუნდესლიგა – ჯეკსონს ორი ვარიანტი გამოუჩნდა
“რა განსხვავებაა ბუნდესლიგასა და პრემიერლიგას შორის?” – ვირცმა ჩემპიონატები ერთმანეთს შეადარა
მიქაუტაძე პრემიერლიგის კლუბს შეუთანხმდა – მისი სასწრაფოდ შეძენა ემერიმ მოითხოვა
“დარწმუნებული ვარ, “მანჩესტერ იუნაიტედი” მომდევნო 10 წელიწადში პრემიერლიგას მოიგებს” – მაიკლ ოუენი
უპირებენ თუ არა გათავისუფლებას სლოტს – ფაბრიციო რომანო “ლივერპულის” მწვრთნელის მომავალზე
უგოლო ფრე ბირმინგემში – “ასტონ ვილა” “ნიუკასლს” დაუზავდა
“როდესაც დავინახე რომ ეს გააკეთა, თვალებს ვერ ვუჯერებდი” – “ლივერპულის” ყოფილმა ფეხბურთელმა მამარდაშვილი გააკრიტიკა
[VIDEO] მამარდაშვილის პირველი პრემიერლიგური “მშრალი მატჩი” და “ლივერპულის” “ასტონ ვილასთან” გამარჯვება
როგორი შეფასებები მიიღო მამარდაშვილმა “ასტონ ვილასთან” მატჩში?
კაზემირო: წელს პრემიერლიგას “მანჩესტერ იუნაიტედი” მოიგებს
“მეფე ჟორჟმა” გადაწყვეტილება შეცვალა და ჩემპიონთა ლიგაზე მოასპარეზე გუნდში გადავა
[VIDEO] 0:3. ესეც მამარდაშვილის ბრალია? – “ლივერპული” თასიდან “კრისტალ პალასმა” გამოაგდო

იტალიაში ზვავის ჩამოწოლას ხუთი გერმანელი მთამსვლელი ემსხვერპლა, – ინფორმაციას „დოიჩე ველე“ ავრცელებს.
გამოცემის ინფორმაციით, ზვავი ჩრდილოეთ იტალიაში, ორტლერის ალპებში ჩამოწვა.
მაშველების განცხადებით, ზვავმა მთამსვლელთა ორი ჯგუფი დაფარა.
„პირველი ჯგუფი თოვლში მთლიანად დაიფარა, სამივე მათგანი დაიღუპა“, – განაცხადეს მაშველებმა.
მთამსვლელთა მეორე ჯგუფის ოთხი წევრიდან მხოლოდ 2 გადარჩა.

იტალიაში ზვავის ჩამოწოლას ხუთი გერმანელი მთამსვლელი ემსხვერპლა, – ინფორმაციას „დოიჩე ველე“ ავრცელებს.
გამოცემის ინფორმაციით, ზვავი ჩრდილოეთ იტალიაში, ორტლერის ალპებში ჩამოწვა.
მაშველების განცხადებით, ზვავმა მთამსვლელთა ორი ჯგუფი დაფარა.
„პირველი ჯგუფი თოვლში მთლიანად დაიფარა, სამივე მათგანი დაიღუპა“, – განაცხადეს მაშველებმა.
მთამსვლელთა მეორე ჯგუფის ოთხი წევრიდან მხოლოდ 2 გადარჩა.

დასაქმების ხელშეწყობის სახელმწიფო სააგენტომ, პროფესიული მომზადება – გადამზადების პროგრამის ფარგლებში მიმდინარე საშემოდგომო მიღებაზე, 1500-ზე მეტი მოქალაქის პროფესიული სწავლება დააფინანსა. სწავლება მთელი ქვეყნის მასშტაბით, 41 სხვადასხვა კურსზე მიმდინარეობს.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ინფორმაციით, ჯანდაცვის მინისტრის მოადგილის გიორგი ცაგარეიშვილის განცხადებით, სახელმწიფო უმაღლეს განათლებასთან ერთად, მოქალაქეებს, სრულიად უფასოდ, სთავაზობს პროფესიულ განათლებას, როგორც ხანგრძლივ სწავლებას, ისე – მოკლევადიან პროგრამებს.
„დასაქმების ხელშეწყობის სახელმწიფო სააგენტო აფინანსებს სწორედ მოკლევადიან კურსებს, რომელიც ყოველწლიურად, უფრო და უფრო პოპულარული ხდება. პროგრამაში ჩართვა შეუძლია ნებისმიერი ასაკის მოქალაქეს, რაც ძალიან კარგი შესაძლებლობაა, შეისწავლოს ახალი პროფესია და დასაქმდეს სწრაფად“, – განაცხადა გიორგი ცაგარეიშვილმა.
დასაქმების ხელშეწყობის სახელმწიფო სააგენტო, ამ მიმართულებით, 50-ზე მეტ კოლეჯთან თანამშრომლობს, მთელი ქვეყნის მასშტაბით, მათ შორის რეგიონებში – საჩხერე, ოზურგეთი, ქობულეთი, ბათუმი, ქუთაისი, თელავი, გურჯაანი, გორი და ა. შ. სააგენტო მუშაობს, რომ გეოგრაფიული დაფარვა მაქსიმალურად გაიზარდოს და გაუმჯობესდეს კოლეჯების მატერიალურ ტექნიკური ბაზა.
გიორგი ცაგარეიშვილმა ასევე აღნიშნა, რომ მოკლევადიანი პროფესიული კურსების ფარგლებში, გასულ წელს, 3 000-ზე მეტი მოქალაქე გადამზადდა.
დასაქმების სახელმწიფო სააგენტოს სერვის – ცენტრები წარმოდგენილია თბილისსა და 10 რეგიონში, ასევე – 16 მუნიციპალურ ერთეულში.

დასაქმების ხელშეწყობის სახელმწიფო სააგენტომ, პროფესიული მომზადება – გადამზადების პროგრამის ფარგლებში მიმდინარე საშემოდგომო მიღებაზე, 1500-ზე მეტი მოქალაქის პროფესიული სწავლება დააფინანსა. სწავლება მთელი ქვეყნის მასშტაბით, 41 სხვადასხვა კურსზე მიმდინარეობს.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ინფორმაციით, ჯანდაცვის მინისტრის მოადგილის გიორგი ცაგარეიშვილის განცხადებით, სახელმწიფო უმაღლეს განათლებასთან ერთად, მოქალაქეებს, სრულიად უფასოდ, სთავაზობს პროფესიულ განათლებას, როგორც ხანგრძლივ სწავლებას, ისე – მოკლევადიან პროგრამებს.
„დასაქმების ხელშეწყობის სახელმწიფო სააგენტო აფინანსებს სწორედ მოკლევადიან კურსებს, რომელიც ყოველწლიურად, უფრო და უფრო პოპულარული ხდება. პროგრამაში ჩართვა შეუძლია ნებისმიერი ასაკის მოქალაქეს, რაც ძალიან კარგი შესაძლებლობაა, შეისწავლოს ახალი პროფესია და დასაქმდეს სწრაფად“, – განაცხადა გიორგი ცაგარეიშვილმა.
დასაქმების ხელშეწყობის სახელმწიფო სააგენტო, ამ მიმართულებით, 50-ზე მეტ კოლეჯთან თანამშრომლობს, მთელი ქვეყნის მასშტაბით, მათ შორის რეგიონებში – საჩხერე, ოზურგეთი, ქობულეთი, ბათუმი, ქუთაისი, თელავი, გურჯაანი, გორი და ა. შ. სააგენტო მუშაობს, რომ გეოგრაფიული დაფარვა მაქსიმალურად გაიზარდოს და გაუმჯობესდეს კოლეჯების მატერიალურ ტექნიკური ბაზა.
გიორგი ცაგარეიშვილმა ასევე აღნიშნა, რომ მოკლევადიანი პროფესიული კურსების ფარგლებში, გასულ წელს, 3 000-ზე მეტი მოქალაქე გადამზადდა.
დასაქმების სახელმწიფო სააგენტოს სერვის – ცენტრები წარმოდგენილია თბილისსა და 10 რეგიონში, ასევე – 16 მუნიციპალურ ერთეულში.

Eagle Hills-ის დიდი ეკონომიკური პოტენციალის პროექტს მიესია ცრუ ექსპერტთა არმია – მცირე ერებისათვის დამახასიათებელია დემოგრაფიული შიში, მაგრამ როდესაც აშკარად შეკვეთილი პროტესტი ჩანს, საქმე სხვაგვარადაა
ახლა Eagle Hills-ის დიდი ეკონომიკური პოტენციალის პროექტს მიესია ცრუ ექსპერტთა არმია, – წერს “ერთიანი ნეიტრალური საქართველოს” ერთ-ერთი დამფუძნებელი, ბიძინა გიორგობიანი, სოციალურ ქსელში. მისი განცხადებით, მცირე ერებისათვის დამახასიათებელია დემოგრაფიული შიში და სიფრთხილე, რაც გასაგები მოვლენაა, მაგრამ მოწინააღმდეგეთა მხრიდან, ყოველგვარი არგუმენტის გარეშე, აშკარად შეკვეთილი პროტესტი ჩანს. გიორგობიანი აღნიშნავს, რომ არც საბჭოთა კავშირის დროს, ტრანსკავკასიური მაგისტრალის მშენებლობისას აპირებდა მთელი რუსეთი ხევსურეთში გადმოსახლებას და არც Eagle Hills-ის შემდეგ გადმოსახლდება არაბეთის ნახევარკუნძული ორთაჭალაში.
“საქართველოში ყოველი მეგა პროექტის პერსპექტივა უმალ მოწინააღმდეგეების გააქტიურებას იწვევს. ასეთი იყო ჯერ კიდევ სსრკ დროს ტრანსკავკასიური მაგისტრალი, შემდეგ ხუდონჰესი (ამ ორივე პროექტის გაჩერებაზე მეც გამარჯვებული მეგონა თავი და აქედან ვხედავ როგორ გამოგვიყენეს პროექტების შესაჩერებლად მათ ვინც დღეს ელ.ენერგიას ჰყიდის ჩვენზე), უახლეს წარსულში ძალიან საეჭვო “რიონის მცველები”, რამაც საქართველოს დიდი ფინანსური ჯარიმა მოუტანა. ახლა Eagle Hills-ის დიდი ეკონომიკური პოტენციალის პროექტს მიესია ცრუ ექსპერტთა არმია. დიდი პროექტების მოწინააღმდეგეთა ერთ-ერთი მთავარი არგუმენტია, პროექტის ფარგლებში, დემოგრაფიული ექსპანსია. ტრანსკავკასიური მაგისტრალის შემთხვევაში, ჩვენ გვქონდა რუსიფიკაციის შიში, ახლა Eagle Hills -ზე არაბების მასიური ჩამოსახლების საფრთხეს ხატავენ.
მცირე ერებისათვის დამახასიათებელია დემოგრაფიული შიში და სიფრთხილე, ეს აბსოლუტურად გასაგები მოვლენაა, მაგრამ როდესაც მოწინააღმდეგეთა მხრიდან, ყოველგვარი არგუმენტის გარეშე, აშკარად შეკვეთილი პროტესტი ჩანს, საქმე სხვაგვარადაა. ცხადია არც ტრანსკავკასიური მაგისტრალის მშენებლობისას აპირებდა მთელი რუსეთი გადმოსახლებას ხევსურეთში და არც Eagle Hills-ის შემდეგ გადმოსახლდება არაბეთის ნახევარკუნძული ორთაჭალაში. ეკონომიკური განვითარების და წინსვლის გარეშე ქვეყნის დემოგრაფიული მდგომარეობის გაჯანსაღება გამორიცხულია, განვითარება თავის მხრივ საჭიროებს ასეთ პროექტებს. საქართველოში ყოველ ნაბიჯს დიდი ყურადღებით აკვირდებიან ჩვენი მეზობლები და არა მარტო ჩვენთან. ალბათ გახსოვთ ცოტა ხნის წინ რამდენი მოწინააღმდეგე გამოუჩნდა ე.წ. “ზანგეზურის დერეფანს” როგორც ირანის, ასევე რუსეთის მხრიდან (აქაც ინერვიულა ზოგიერთმა, ფუნქციას ვკარგავთო). მაშინვე გაჩნდა სომხეთშიც ასეთი კარგი შესაძლებლობების მოწინააღმდეგე “გულანთებული”ჯგუფები. შედეგად პროექტი გაჩერდა. ჩვენს შემთხვევაშიც ბევრჯერ გვაქვს ანალოგიური, აშკარად გარედან მართული სცენარი ნანახი. იმედია ამჯერად ვეღარ შეძლებენ ამ გზით მიზნის მიღწევას და საქართველოში დაირღვევა ეს “ტრადიცია”.” – წერს ბიძინა გიორგობიანი.

მექსიკაში სუპერმარკეტში ხანძარი გაჩნდა, რის შედეგად, სულ მცირე, 23 ადამიანი დაიღუპა, – ინფორმაციას Reuters-ი ავრცელებს.
გამოცემის ცნობით, ხანძარი ჩრდილოეთ მექსიკის ქალაქ ერმოსილიოში მდებარე ერთ-ერთ სუპერმარკეტში გაჩნდა, რის შედეგადაც, სულ მცირე, 23 ადამიანი დაიღუპა, მათ შორის, ბავშვები და ათობით ადამიანი დაშავდა.
„საფუძვლიანი და გამჭვირვალე გამოძიების დაწყების ბრძანება გავეცი“, – განაცხადა სონორას შტატის გუბერნატორმა, ალფონსო დურასომ.
მექსიკის პრეზიდენტმა, კლაუდია შეინბაუმმა დაღუპულთა ოჯახებს სამძიმარი გამოუცხადა.

მილანში ახალგაზრდა ქართველი ემიგრანტი გარდაიცვალა.
სოციალურ ქსელში წერენ, რომ ის ემიგრანტი სენს ებრძოდა.
„მეგობრებო, ძალიან სამწუხარო ამბით მოვედი… გარდაიცვალა ემიგრანტი მილანში… საყვარელი ნანიკო… არ ვიცი რა ხდება, ამდენი ახალგაზრდაა… დიდი მწუხარებით ვუსამძიმრებთ ოჯახს და ემიგრანტებს… უფალმა დაუმკვიდროს ცათა სასუფეველში სიმშვიდე მის სულს… ნანიკო ებრძოდა მძიმე ავადმყოფობას – მკერდის სიმსივნეს.“

საჯარო მოხელეები ერთზე მეტ ანაზღაურებად თანამდებობაზე დასაქმებას ვეღარ შეძლებენ
საჯარო მოხელეები ერთზე მეტ ანაზღაურებად თანამდებობაზე დასაქმებას ვეღარ შეძლებენ. აღნიშნულს ითვალისწინებს „კორუფციის წინააღმდეგ ბრძოლის შესახებ“ კანონში ცვლილებები, რომელსაც მიხელ ყაველაშვილმა ხელი უკვე მოაწერა.
კანონის თანახმად, 2 პოზიციაზე დასაქმებულ საჯარო მოხელეს ანაზღაურების დაბრუნება მოუწევს. თუმცა, შესაბამისის დადგენილებით უკვე შეიქმნა იმ ე.წ. დეფიციტური პროფესიების სია, რომელზეც არ გავრცელდება კანონის ეს განაწესი.
დადგენილების მიხედვით ასეთი საქმიანობებია:
სივრცითი დაგეგმარების, ურბანიზაციის, არქიტექტურის, ინჟინერიისა და მშენებლობის სფერო (მაგ: არქიტექტორი, ურბანისტი, კონსტრუქტორი, ტექნიკური ზედამხედველი, საგზაო ინჟინერი, ექსპერტ-ლაბორანტი და ა.შ);
საავიაციო სფერო (მაგ: მფრინავი ინსტრუქტორი, ავიაციის ინჟინერი , ავიაციის ტექნიკოსი და ა.შ);
გარემოს დაცვის სფერო (მაგ: ბიომრავალფეროვნების სპეციალისტი, ჰიდრობიოლოგი, აკვაკულტურის სპეციალისტი, ნიადაგმცოდნეობის სპეციალისტი, აგრონომ-ბოტანიკოსი ექსპერტი, გარემოსმცოდნე, ეკოლოგი, გარემოსდაცვითი ბიოლოგი);
ფიზიკური და დედამიწის შემსწავლელი მეცნიერებების სფერო (მაგ: გეოლოგი/ჰიდროგეოლოგი/ინჟინერ-გეოლოგი/გეომორფოლოგი, ატმოსფერული მეცნიერებების სპეციალისტი, ქიმიკოსი, მეტეოროლოგი, გლაციოლოგი, საინჟინრო ჰიდროლოგი, კლიმატოლოგი და ა.შ.);
მთარგმნელობითი საქმიანობა; ჟესტური ენის სპეციალისტი;
სამართლის სფერო;
პერსონალურ მონაცემთა დაცვის ოფიცერი;
შრომის უსაფრთხოების სპეციალისტი და ა.შ.
ცვლილებები საზოგადოებრივი ტრანსპორტის მიმართულებით
N306 მარშრუტზე ახალი, 18-მეტრიანი ავტობუსები იმოძრავებენ.
თბილისის მერის, კახა კალაძის თქმით, N306 მარშრუტი, რომელიც აქამდე მხოლოდ აკაკი ბელიაშვილის ქუჩიდან ნიკოლოზ ბარათაშვილის ქუჩამდე არსებულ მონაკვეთს მოიცავდა, დაგრძელდება და დაფარვის არეალი გაფართოვდება.
აღსანიშნავია, რომ ახალი სქემის მიხედვით, მარშრუტი ნიკოლოზ ბარათაშვილის ქუჩიდან ქეთევან დედოფლის გამზირამდე გაგრძელდება, შემდეგ კი ავტობუსი ბერი გაბრიელ სალოსის გამზირსა და ემირ ბურჯანაძის ქუჩას დაუკავშირდება. მეორე მხრივ, მარშრუტი აკაკი ბელიაშვილის ქუჩიდან დიდ დიღმამდე გაგრძელდება. შესაბამისად, N306 ავტობუსი იმოძრავებს ფარნავაზ მეფის გამზირისა და დემეტრე თავდადებულის ქუჩის გავლით.
გარდა ამისა, კალაძის განცხადებით, ბელიაშვილის ქუჩისა და რობაქიძის გამზირის კვეთაზე, ახალი სატრანსპორტო კვანძიც მოეწყო. შესაბამისად, პირველი ნოემბრიდან N306 მარშრუტის ავტობუსები ამ კვანძზე შუქნიშნის რეგულირების საშუალებით, მარცხნივ მოხვევით, მეტროსადგურ „დიდუბის“ მიმართულებით გადაადგილდებიან.
რიყე-ნარიყალას დამაკავშირებელი საბაგირო ზამთრის განრიგზე გადადის
თბილისის მერიის ინფორმაციით, იცვლება რიყისა და ნარიყალას დამაკავშირებელი საბაგირო გზის სამუშაო საათები.
კერძოდ, პირველი ნოემბრიდან საბაგირო გზა მუშაობას, 00:00 საათის ნაცვლად, 22:00 საათზე დაასრულებს. უცვლელი დარჩება დილის დრო – 10:00 საათი.
განახლებული დიზაინის პირადობის ელექტრონული მოწმობის გაცემა იწყება
სახელმწიფო სერვისების სააგენტოს ინფორმაციით, 2025 წლის 3 ნოემბრიდან განახლებული დიზაინის პირადობის ელექტრონული მოწმობის გაცემა არის დაგეგმილია.
შეგახსენებთ, განახლებული დიზაინის საქართველოს მოქალაქის ბიომეტრიული პასპორტის და ბინადრობის ელექტრონული მოწმობების გაცემა 6 ოქტომბრიდან უკვე დაიწყო. ამასთანავე, ოქტომბრიდან გაიცემა განახლებული დიზაინის მქონე შემდეგი დოკუმენტებიც:
დროებითი ბინადრობის ელექტრონული მოწმობა;მუდმივი ბინადრობის ელექტრონული მოწმობა;დიპლომატიური პასპორტი;სამსახურებრივი პასპორტი;ლტოლვილის სტატუსის მქონე პირის სამგზავრო დოკუმენტი;საქართველოში სტატუსის მქონე მოქალაქეობის არმქონე პირის სამგზავრო პასპორტი.

ვერძი
დღეს ენერგიისა და მოტივაციის წყაროს მონახვა გაგიჭირდებათ. შესაძლოა, მოვლენები შენელდეს, მაგრამ ეს დრო გამოიყენეთ საკუთარი გეგმების გასაუმჯობესებლად. უახლოეს მომავალში, ყველაფერი უფრო სწრაფად გადაწყდება.
კურო
ხალხთან ურთიერთობა დღესაც მნიშვნელოვანი იქნება, თუმცა, თქვენი ემოციების კონტროლი შეიძლება ამოცანა გახდეს. თუ ვინმესთან კამათი ან დაძაბულობა გექნებათ, გახსოვდეთ, რომ მშვიდობისკენ გადადგმული თითოეული ნაბიჯი ფასობს.
ტყუპები
დღეს კარგი დღეა სამსახურის საკითხებისთვის, ახალი იდეებისა და მნიშვნელოვანი გადაწყვეტილებებისთვის. გრძნობთ, რომ მიუახლოვდით წარმატების მიღწევის ნაბიჯებს. ყველაფერი რიგზეა, უბრალოდ ნუ დაკარგავთ ფოკუსს.
კირჩხიბი
ეს დღე თქვენი ინტუიციით არის აღსავსე. ემოციებსა და ფაქტებს შორის ბალანსის პოვნა შეიძლება რთული იყოს, მაგრამ თქვენი შინაგანი გრძნობა დაგეხმარებათ სწორი გზის გაკვალვაში. ყურადღება მიაქციეთ ოჯახური საკითხების მოგვარებას.
ლომი
დღეს გაგიჭირდებათ თქვენი აზრების გადმოცემა. შესაძლოა, გარემოებებმა ხელი შეგიშალოთ. ნუ იჩქარებთ გადაწყვეტილებების მიღებას, რადგან დღეს ემოციები გავლენას მოახდენს თქვენს ანალიზზე.
ქალწული
დღეს განსაკუთრებით მნიშვნელოვანია სწორი ორგანიზება და დეტალებზე ყურადღების მიქცევა. შესაძლოა, აღმოჩნდეთ სიტუაციაში, სადაც თქვენი უნარები და შრომისმოყვარეობა მნიშვნელოვნად გამოვლინდება.
სასწორი
ეს დღე შესანიშნავია თქვენი გრძნობებისა და სურვილების განსახორციელებლად. თქვენს პირად ცხოვრებაში ცვლილებები შეინიშნება, რომლებიც შეიძლება დიდ სიხარულთან და კმაყოფილებასთან იყოს დაკავშირებული. თქვენს გარშემო ყველა ისურვებს თქვენს სიბრძნეს.
მორიელი
დღეს თქვენი ენერგია და მგრძნობელობა განსაკუთრებულად მაღალ დონეზე იქნება. მარტივმა მოვალეობებმაც კი შეიძლება დიდი მნიშვნელობა მიიღოს. გახსოვდეთ, რომ ის, რასაც დღეს გააკეთებთ, დიდ გავლენას მოახდენს მომავალზე.
მშვილდოსანი
მშვილდოსნებისთვის დასაწყისია ახალი შესაძლებლობებისა და თავგადასავლების. შესაძლოა, თავგადასავლებისკენ გრძნობა გაგიჩნდეთ. ნუ გეშინიათ არასტანდარტული გზების და გადაწყვეტილებების, შეიძლება ამან დიდი შედეგები მოგიტანოთ.
თხის რქა
დღეს მეტად ძლიერი და შეუპოვარი იქნებით. ოჯახური და პირადი საკითხები ყველაზე მეტად მოგწონთ. შეიძლება გადაწყვიტოთ, რომ რაღაც ახალი დაიწყოთ, ან რაღაც მნიშვნელოვან ნაბიჯზე გადახვიდეთ.
მერწყული
დღეს განსაკუთრებით სასარგებლო იქნება თქვენი ინოვაციური მიდგომები. იგრძნობთ, რომ თქვენი იდეები მიიღებენ ხელსაყრელ გარემოს. ყურადღება მიაქციეთ თქვენს მეგობრებს, მათი რჩევები სასარგებლო იქნება.
თევზები
დღეს განსაკუთრებულ ყურადღებას მიაქცევთ თქვენს კარიერულ საქმეებს. ახალი იდეები, სურვილები და კარიერული სტრატეგიები გაძლიერებული იქნება. თუმცა, არ დაგავიწყდეთ საყვარელი ადამიანების მხარდაჭერა.

ისინი კანონმდებლებს იმ დისკუსიების ან მოვლენების შესახებ მიაწვდიან ინფორმაციას, რომლებსაც დეპუტატები გამოტოვებენ
„ხელოვნური ინტელექტის მიერ შექმნილი მინისტრი, დიელა „ორსულადაა“, – განაცხადა ალბანეთის პრემიერ-მინისტრმა, ედი რამამ.
მან ასევე გაამჟღავნა გეგმები დიელას „83 შვილის“, ანუ ასისტენტის, შექმნის შესახებ, რომლებიც პარლამენტარის თანაშემწის ფუნქციას შეასრულებენ – სოციალისტური პარტიის თითოეულ დეპუტატზე ერთი „შვილი“ (ასისტენტი) იქნება „მიმაგრებული“.
„ჩვენ დიელასთან დაკავშირებით საკმაოდ დიდ რისკზე წავედით, მაგრამ ყველაფერი ძალიან კარგად გამოგვივიდა. ასე რომ, დიელა პირველად არის ორსულად და მას 83 შვილი ეყოლება“, – განაცხადა მან ბერლინში.
რამას თქმით, „შვილები“ ჩაიწერენ ყველაფერს, რაც პარლამენტში ხდება და კანონმდებლებს იმ დისკუსიების ან მოვლენების შესახებ საქმის კურსში ჩააყენებენ, რომლებსაც ისინი გამოტოვებენ.
„თითოეული „შვილი“, როგორც ასისტენტი, მოემსახურება მათ, ვინც საპარლამენტო სესიებში მონაწილეობს, ჩაინიშნავს ყველაფერს, რაც საკანონმდებლო ორგანოში ხდება და პარლამენტის წევრებს რჩევებს მისცემს. ამ შვილებს დედის ცოდნა ექნებათ“, – აღნიშნა რამამ.
ალბანეთის პრემიერი ვარაუდობს, რომ სისტემა სრულად 2026 წლის ბოლოსთვის ამოქმედდება.
ბუნებრივი და ხელოვნური ინტელექტი: მწვავე დავა დეპუტატებსა და ვირტუალურ მინისტრს შორის ალბანეთში (ბულგარულ ენაზე)
რამამ ისიც განმარტა, თუ როგორ იმუშავებენ დეპუტატების „ხელოვნური ასისტენტები“:
„მაგალითად, თუ ყავაზე გახვალთ და სამსახურში დაბრუნება დაგავიწყდებათ, ეს „ბავშვი“ გეტყვით, რა ითქვა, სანამ დარბაზში არ იყავით, ასევე შეგატყობინებთ, ვის უნდა უპასუხოთ. შემდეგ ჯერზეც თუ მომიწვევთ პარლამენტში, დიელას „შვილებისთვის“ 83 დამატებითი ეკრანი გექნებათ“.
დიელა, ანუ „მზე“, მინისტრად სექტემბერში დაინიშნა, რათა ალბანეთის სახელმწიფო შესყიდვების სისტემა სრულად გამჭვირვალე და კორუფციისგან თავისუფალი გამხდარიყო.
თავდაპირველად, ის იანვარში, e-Albania-ს პლატფორმაზე, ვირტუალური ასისტენტის სახით ამოქმედდა და რიგით მოქალაქეებსა და ბიზნესმენებს სამთავრობო დოკუმენტების მიღებაში ეხმარებოდა.
ხელოვნური ინტელექტის მიერ შექმნილი მინისტრი ტრადიციულ ალბანურ სამოსში გამოწყობილი ქალის სახითაა წარმოდგენილი.
დიელას აკისრია პასუხისმგებლობა, მიიღოს ყველა გადაწყვეტილება საჯარო ტენდერებთან დაკავშირებით, რითაც მათ კორუფციისგან 100 პროცენტით თავისუფალს გახდის. „ყოველი საჯარო ტრანზაქცია, რომელიც ტენდერზე გავა, სრულად გამჭვირვალე იქნება“, – აცხადებს რამა.
ალბანეთი პირველი ქვეყანაა მსოფლიოში, რომელმაც ოფიციალურად დანიშნა მინისტრი, რომელიც ადამიანი არ არის.
თავად დიელა არის ხელოვნური ინტეელქტის პროდუქტი, რომელიც მთლიანად კოდისა და პიქსელებისგან შედგება.
წყარო: 1 არხი

2 ნოემბერს, ქუთაისში უნალექო ამინდი იქნება, დღისით +18 და ღამით +11 გრადუსია მოსალოდნელი.
მზეა ოზურგეთშიც, დღისით +19 გრადუსი დაფიქსირდება, ღამით კი +10. ბათუმშიც მზიანი ამინდი იქნება, დღისით ჰაერი +21 გრადუსამდე გათბება, ხოლო ღამით +10 გრადუსი დაფიქსირდება.
უნალექო ამინდია მოსალოდნელი ფოთში. დღისით +18 გრადუსი დაფიქსირდება, ღამით კი +11 გრადუსია მოსალოდნელი. მზიანი ამინდი იქნება ზუგდიდში, დღისით ტემპერატურა +18, ღამით კი +9 გრადუსია ნავარაუდევი.
მზიანი დღეა სოხუმში. +19 გრადუსია მოსალოდნელი დღისით, ღამით +10 გრადუსი დაფიქსირდება.
მესტიაში უნალექო ამინდია ნავარაუდევი, დღისით +10 გრადუსი იქნება, ღამით კი -2 გრადუსი დაფიქსირდება. ამბროლაურში მზიანი ამინდია, ჰაერი +18 გრადუსამდე გათბება, ღამით კი +11 გრადუსი დაფიქსირდება.
უნალექო ამინდია ჭიათურაში, დღისით +19 გრადუსი, ღამით კი +7 გრადუსი დაფიქსირდება. ახალციხეში მზიან დღეს ვარაუდობენ. დღისით ჰაერი +16 გრადუსამდე გათბება, ღამით კი ტემპერატურა -2 გრადუსი იქნება.
ბორჯომშიც უნალექო დღეა, +15 ქნება დღისით, ღამით კი 4 გრადუსი დაფიქსირდება. მზიანი ამინდია მოსალოდნელი ბაკურიანშიც, დღისით +9 გრადუსია მოსალოდნელი, ღამით -3 გრადუსი დაფიქსირდება.
უნალექო ამინდს ელოდებიან გორში, დღისით +19 გრადუსი, ღამის განმავლობაში კი 9 გრადუსი დაფიქსირდება. მზიანი ამინდი იქნება ცხინვალშიც, ჰაერის ტემპერატურა +18 გრადუსი იქნება, ღამით კი 9 გრადუსი დაფიქსირდება.
გუდაურშიც მზიანი ამინდი იქნება, დღის განმავლობაში 8 გრადუსი დაფიქსირდება, ღამით კი ჰაერის ტემპერატურა -2 გრადუსი იქნება. ომალოშიც მზიანი ამინდი იქნება, დღისით +11, ღამით კი -1 გრადუსი დაფიქსირდება.
ლაგოდეხში მზიან დღეს ელოდებიან. ჰაერის ტემპერატურა დღის განმავლობაში +20 გრადუსი იქნება, ღამით კი +11 გრადუსი დაფიქსირდება. უნალექო დღე იქნება თელავშიც, +18 გრადუსი დაფიქსირდება, ღამით კი +9 გრადუსია ნავარაუდევი.
მზიან ამინდს ვარაუდობენ გურჯაანშიც. დღისით +21 გრადუსი, ღამით კი +10 გრადუსი დაფიქსირდება. სიღნაღში უნალექო ამინდს ელოდებიან, დღისით +20 გრადუსია მოსალოდნელი, ღამით +8 გრადუსი დაფიქსირდება.
მზიანი დღეა მოსალოდნელი რუსთავში, დღისით +22 გრადუსია მოსალოდნელი, ღამით კი +10 გრადუსი დაფიქსირდება.
თბილისში მზიანი დღე იქნება. ჰაერის ტემპერატურა დღისით +21 გრადუსს მიაღწევს, ღამით კი +11 გრადუსი იქნება.

თბილისში პოლიტიკური კინკლაობა-სკანდალების ფონზე, ოკუპირებულ გალის რაიონში, სრული სვლით მიმდინარეობს ქართული ტოპონიმიკის გაქრობის პროცესი. ბოლო კვირეების მანძილზე, ისტორიულ სამურზაყანოში კიდევ 20-მდე ქართულ სოფელს შეუცვალეს სახელი.

„გააფხაზების“ კამპანიამ შეიწირა ნაბაკევი, რომელსაც “ბათაიგუარა” დაარქვეს. საბერიო – “პაპინრხუა” გახდა, ჭუბურხინჯი – “ხიაცხრა”, დიხაზურგა – “აბააკიტი”, თაგილონი – “თაღლანი”, მზიური – “მახუდჯრა”, ეწერი – “ლბაარხა”, ოკვინორე – “ციგტვარა”, პირველი ოტობაია – “ხაშთა”, მეორე ოტობაია – “ბგოურა”, ფიჩორი – “ბჩარა”, განახლება – “მარჩხაპონი”, ლეკუხონე – “ალაკუმხარა” და ა.შ

სოფლებისთვის ქართული(მეგრული) სახელების შეცვლის ინიციატივით ე.წ „აფხაზთა დეპუტატი“, სოხუმის ჰუმანიტარული კვლევების ინსტიტუტის “მეცნიერი” კვარჩია გამოვიდა. უცნაურია, მაგრამ ვალერი კვარჩიამ ქართული ტოპონიმიკის შეცვლის საბაბად, ქართველი მეცნიერის პაატა ცხადაიას შრომები მოიყვანა.

„გალის რაიონში სწორედ ეს სახელებია ისტორიული, არის ჩემი შრომებიც და ცხადაიას შრომებიც. ცხადაია არა მარტო საქართველოში, არამედ საბჭოთა კავშირში ცნობილი მეცნიერია. იგი 60 წლის წინ იწერდა სოფლების ისტორიულ სახელებს. მე, ომამდე, გასული საუკუნის 80-იანი წლებიდან.“

ქართველი ენათმეცნიერი, თბილისის სახელმწიფო უნივერსიტეტის ონომასტიკის სამეცნიერო-კვლევითი ლაბორატორიის გამგე პაატა ცხადაია, გასული საუკუნის 70-იანი წლებიდან სწავლობს სამურზაყანოს ტოპონიმიკას.

მეუღლესთან, ვილენა ჯოჯუასთან ერთად, მან გამოსცა ორი ნაშრომიც: „სამურზაყანოს ისტორიული და თანამედროვე ტოპონიმია“ და „სამურზაყანოს გეოგრაფიული სახელწოდებანი“.
„ამერიკის ხმასთან“ საუბარში ენათმეცნიერი პაატა ცხადაია ამბობს, რომ გაოცებულია მისი ნაშრომების ხსენებით, რადგან გალის სოფლებისთვის დარქმეული ახალი სახელების უმრავლესობა აქამდე არ გაუგია

„სამურზაყანოში არის აფხაზური ტოპონიმია, მაგრამ ის აფხაზური არის ზე-დანალექი, შემდგომი ფენა. ძირითადი სუბსტრატი ანუ ქვედა ფენა – არის მეგრული. ოდიშის მთავრის ლევან მეორე დადიანის (1611-1657) დროს აფხაზები არ ცხოვრობდნენ სამურზაყანოში.

აფაზები შემოვიდნენ და დასახლდნენ სამურზაყანოში მე-17 საუკუნის ბოლოს, ამიტომ მათ მიერ შექმნილი ტოპონიმია მეორადია.

მაგალითად, პირველ ოტობაიას დაარქვეს ხაშთა და ეს სახელი საიდან მოიტანეს?

აზრზე არ ვარ. ხაშთა არც ვიცი რას ნიშნავს. ასეთი სახელები მე იქ საერთოდ არ გამიგონია. რაც სამურზაყანოს სოფლებში აფხაზური იყო არაფერი გამომიტოვებია, ლექსიკონში ყველაფერია.
დიხაზურგა, საბერიო, ჭუბურხინჯი და სხვები ისტორიული სახელებია ილორამდე ანუ მდინარე ღალიძგის მარცხენა ნაპირამდე. იმის აქეთ, მდინარე ენგურამდე კი მთლიანად მეგრელები ცხოვრობდნენ.“

ქართველ ენათმეცნიერთა ნაწილი მიიჩნევს, რომ აფხაზები „ხურდას გვიბრუნებენ“ გასული საუკუნის 30-50-იან წლებში განხორციელებული პოლიტიკის გამო, როცა მთელ რიგ დასახლებულ პუნქტებს აფხაზეთში, სახელი საბჭოთა თბილისის მოთხოვნით შეეცვალა.

ამ მიმართულებით, განსაკუთებით „გამოიჩინა თავი“ სოხუმის ქალაქკომისა და აფხაზეთის ობკომის პირველმა მდივანმა (1943-51) აკაკი მგელაძემ, რომელიც მალევე დააწინაურეს და საქართველოს კომპარტიის ცენტრალური კომიტეტის პირველი მდივანი გახდა (1951-53).

თუმცა, სამართლიანობისთვის უნდა აღინიშნოს, რომ გასული საუკუნის მცდარი პოლიტიკა, უმეტესად გაგრის, გუდაუთის, სოხუმის, გულრიფშისა და ოჩამჩირის რაიონების სოფლებს შეეხოთ და თითქმის არ ჰქონია გავლენა გალის რაიონის ძირძველ ტოპონიმიკაზე.

1992-94 წლებში, ჯერ გაგრის, შემდეგ კი სოხუმის დაცემის შემდეგ, აფხაზებმა 1930-1955 წლებში შეცვლილი ტოპონიმიკის დიდი ნაწილი აღადგინეს, ნაწილი კი გადააკეთეს, თუმცა მაშინ გალის რაიონს არ შეხებიან.

ომის შემდეგ ლესელიძე გახდა გეჩრიფში, განთიადი – ცანდრიფში, ხეივანი – ამზარა, ხოლოდნაია რეჩკა – ბაგრიპსტა, ლიძავა – ლძაა, კოლხიდა – ფსახარა, ბაღნარი – ხიშხა, მიუსერა – მისრა, აგარაკი – ამჟიკუხუა, ჯირხვა – ჯირხუა, კალდახვარა – კალდახუარა, ოქტომბერი – არახუ, ციტრუსოვანი – ამჟასარა, გოგირდწყალი – წკუარა, ხოფი – ხუაპ, ახალსოფელი – ხიპსტა, ლიდა – ჩაბლარხა, ოდიში – აკაპა, თავისუფლება – იაშტხუა, კაკლიანი – არასახუ, გეორგიევსკოე – გიარგიაულ, წებელდა – ცაბალ, გორანა – აბიდზა, კელასური – აბგიძარა, შრომა – გუმა, ზეგანი – ხაბიუ, მთისკალთა – რაშხუა, ახალშენი – აპრა, ოჭუბურე – ხუაჟკიტ, სათავე – აცტიშ, ცუმური – ცვიმკირი, შუბარა – შვაარა, ქვალონი – შახო, ნახშირა – არიჩხუცა, ტბეთი – აჩეიძკუა, სტარუშკინო – ააბტრა, წყურგილი – ადძიხკუა, პავლოვსკოე – ალან, პეტროვსკოე – გუალძა, ბესლეთი – ბასლა, ლეჩკოფი – ლეჩკუაფ, კოდორი – კაციკიტ, ხუმუშქური – ნარზინი, აგარაკი -არაკიჩი, კინდღი – კინდიგ, მეორე ათარა – ათარა არმიანსკაია, ბესლახუბა – ბესლახუ, გუდავა – გუდაა, გუფი – გუპ, გვადა – გუადა, კოჩარა – კუაჩირ, კვიტაული – კუტოლ, მერკულა – მარკულა, მოქვი – მოქვა, ფოქვეში – ფაკუაშ, ტამიში – ტამშ, საჩაჩხალია – ჩაჩხალიაა რხაბლა, საჩინო – საჩინა.

ცნობილი ქართველი ისტორიკოსის სიმონ ჯანაშიას ქალიშვილი, აფხაზოლოგი და კავკასიოლოგი რუსუდან ჯანაშია „ამერიკის ხმასთან“ ამბობს, რომ სამურზაყანოს ისტორიული ტოპონიმიკის შეცვლა შეცდომაა

„მაგალითად, გამარჯვება რომ ერქვას სოფელს ან მსგავი რამ, შეიძლება გადაარქვა, მაგრამ საბერიოს და სხვებს?! ძველი სახელებია ესენი. ვფიქრობ, რომ შეცდომაა და არ არის სწორი. მთავარია შეთანხმება უნდა იყოს იქაურ და აქაურ მეცნიერებს შორის. მერე იქ მცხოვრები მოსახლეობის აზრი გამოკვლეულია თუ არა?! ხოდა, როგორ და რატომ გადაარქვეს მაშინ? არასწორია“

აფხაზ სეპარატისტთა ელიტა ირწმუნება, რომ მათ „ისტორიული სამართლიანობა“ აღადგინეს და ამ პროცესს, ანტიქართულ ან ანტიმეგრულ პოლიტიკასთან არაფერი აკავშირებს. ამის დასადასტურებლად მათ მოჰყავთ, გულრიფშის რაიონში, ეთნიკური სომხებით დასახლებული სოფელი შაუმიანოვკა, რომელსაც ასევე შეუცვალეს სახელი და ცკიბინი დაარქვეს.
სახელები შეეცვალათ გუდაუთასა და გალში მდებარე ორ სოფელს, ერთნაირი სახელით – პრიმორსკოე. ახლა მათ ცკუარა და გუდაა ჰქვიათ.

თუმცა, თუ ოკუპირებულ აფხაზეთში, განსაკუთრებით, სამურზაყანოში დარჩენილი ქართული (მეგრული) მოსახლეობის მდგომარეობას ფართო ჭრილში შევხედავთ, მოსახლეობისა, რომელსაც ფაქტობრივად, აკრძალული აქვს მშობლიურ ენაზე განათლების მიღება, შეზღუდული თავისუფლად გადაადგილების უფლება, ართმევენ „პასპორტებს“ და სოფლებს მასიურად უცვლიან ისტორიულ (ქართულ, მეგრულ) სახელებს, აშკარაა, რომ საქმე გვაქვს მიზანმიმართულ სეგრეგაციასთან ეთნიკური ნიშნით.

ქართული ტოპონიმიკის შეცვლა აფხაზურით
გალის რაიონი

ნაბაკევი – ბათაიგუარა
ეწერი – ლბაარხა
საბერიო – პაპინრხუა
ნაჯიხური – აბააჟვ
ფართონოხორი – აგუარადუ
ჭუბურხინჯი – ხიაცხრა
თაგილონი – თაღლან
მზიური – მახუდჯრა
ცხირი – ცხირ
პირველი ოტობაია – ხაშტა
მეორე ოტობაია – ბგოურა
ფიჩორი – ბჩარა
განახლება – მარჩხაპონ
ზემო ბარღები – ვიადა ბაღრიაპ
საშამუგიო – შამგიაა
საბუთბაიო – ბუთბაკიტ
ქვემო ბარღები – ლადა ბაღრიაპ
ფიცარღალი – აბიცარკუარა
დიხაზურგა – აბააკიტ
ოკვინორე – ციგტვარა
ღუმურიში – გუმრიშ
რეჩხი – რეჩხუ
რეფი – რიაპ
საყოლბაიო – კალგი
პირველი გალი – გალხუჩ გალ
ზემო გალი – გალ აჩაიუა
შეშელეთი – შაშალატ
ლეკუმხარა – ალაკუმხარა
მუხური – მახურ
საბულესკირიო – აბლასკირ
ხუმუშკური – რიშხა
ხუმენი-ნათოფური – ახუშტაარა
ზენი – ლბაა
სალხინო – ლაშტრა
აჩიგვარა – აჩგუაარა
ერისწყალი(მდინარე) – ერცკარ

ევროკომისიამ 2035 წლისთვის ბენზინისა და დიზელის ძრავიანი ავტომობილების აკრძალვის შესახებ კანონის მოსალოდნელი გადახედვის შესახებ განაცხადა, თუმცა, საფრანგეთმა და ესპანეთმა ევროკავშირის ლიდერებს მოუწოდეს, “დარჩნენ სწორ გზაზე”.
ევროკომისია მიუთითბს, რომ ნულოვანი გამონაბოლქვის მქონე ავტომობილები უალტერნატივოა. ეს ყველაფერი Euronews-მა გამოამზეურა ქვეყნების ოფიციალურ წერილზე დაყრდნობით.
ქვეყნები ამტკიცებენ, რომ მიუღებელია 2035 წლისთვის ე.წ. plug in ჰიბრიდებისთვის უპირატესობის მინიჭება, მიუხედავად იმისა, რომ ამას ევროკავშირის წევრი ბევრი ქვეყანა, მათ შორის გერმანია, იტალია და სლოვაკეთი ითხოვენ. მათი თქმით, მხოლოდ ელექტრომობილებზე გადაწყობა მნიშვნელოვნად დააზიანებს ქვეყნების წამყვან ინდუსტრიებს.
წერილში პარიზი და მადრიდი ამტკიცებენ, რომ შიდა წვის ძრავიანი ავტომობილების აკრძალვის გაუქმების შემთხვევაში, ბლოკი ვერ შეძლებს, 2050 წლისთვის სრულად ნახშირბად-ნეიტრალური გახდეს.
საერთო წერილში, საფრანგეთი და ესპანეთი საუბრობენ თანხებზე, რომლებიც უკვე მობილიზებულია დასახული მიზნის მისაღწევად და აცხადებენ, რომ იქმნება “უსამართლო საერთაშორისო კონკურენცია” და “მზარდი ზეწოლა”, რადგან ჩინეთის მიერ იშვიათ ლითონებზე დაწესებული სავაჭრო შეზღუდვები ევროპელი მწარმოებლებისთვის მთავარ შემაფერხებელ ფაქტორად იქცა.
გერმანია, როგორც, ავტოინდუსტრიის გამორჩეული მოთამაშე და BMW-ს, Mercedes Benz-ისა და VolksWagen-ის მარკის ავტომობილების მწარმოებლები, ღიად უჭერს მხარს დიზელსა და ბენზინზე მომუშავე ავტომობილების აკრძალვის გაუქმებას.
იტალიის პრემიერ-მინისტრ ჯორჯია მელონისთვის კანონი “სიგიჟეა”. იმავეს სლოვაკი კოლეგა, რობერტ ფიცოც. ის ამტკიცებს, რომ “მწვანე უტოპია” სლოვაკეთის ავტოინდუსტრიას უქმნის საფრთხეს.

იაპონიის პრემიერ-მინისტრმა, სანაე ტაკაიჩიმ და ჩინეთის პრეზიდენტმა, სი ძინპინმა პირველ შეხვედრაზე განაცხადეს, რომ მათ კონსტრუქციული და სტაბილური ურთიერთობების დამყარება სურთ.
„იაპონია და ჩინეთი იზიარებენ პასუხისმგებლობას რეგიონში მშვიდობისა და კეთილდღეობისთვის. მიუხედავად იმისა, რომ ჩვენს ქვეყნებს შორის სხვადასხვა გადაუჭრელი საკითხი და გამოწვევაა, ვიმედოვნებ, შევძლებთ მათ შემცირებას, ასევე დიალოგისა და თანამშრომლობის გაძლიერებას“, – განაცხადა ტაკაიჩიმ სამხრეთ კორეაში მიმდინარე ეკონომიკური თანამშრომლობის სამიტის ფარგლებში გამართული შეხვედრის დაწყებისას.
ჩინეთის სახელმწიფო მედიის ცნობით, თავის მხრივ, ჩინეთის პრეზიდენტმა, სი ძინპინმა განაცხადა, რომ მზადაა სანაე ტაკაიჩისთან კომუნიკაცია შეინარჩუნოს, რათა ჩინეთ-იაპონიის ურთიერთობები სწორ გზაზე ერთობლივად განვითარდეს.

პრემიერლიგის მეათე ტურში „ლივერპულმა“ შინ „ასტონ ვილა“ 2:0 დაამარცხა. მეკარე გიორგი მამარდაშვილმა პირველად შეინახა „წითლების“ რიგებში კარი „მშრალად“.
მისი თამაში ანალიტიკურმა საიტებმა დადებითად შეაფასეს: sofascore 7.2, flashscore 7.2, whoscored 7.1.
ბირმინგემელთა გოლკიპერის ემილიანო მარტინესის თამაში უარყოფითად შეფასდა: 5.7, 5.6, 5.1.

სამოქალაქო აქტივისტი, გიორგი მუხიგულაშვილი:
პომპეზურად კი დააკავეს 4 ოქტომბრის აქციის ხალხი, სასწრაფოდ თან, ბურჭულაძე კლინიკიდან წაიყვანეს, თვე გადის მალე, სუსი და რა ხდება?
გადატრიალებაო და სუსი გადატრიალების საქმეზე, გადატრიალდით ჯერ, თუ არა?
ჯერ იყო და ასაფეთქებელი შემოიტანეს და 4 ოქტომბერს უნდოდათ ქალაქის აფეთქებაო.
ასაფეთქებელი შემოიტანეს, წაართვა მდინარაძემ და მორჩა, ახალი ვერ იყიდეს და ვერც ადგილზე ააწყვეს?
ან ამ ასაფეთქებლის ფული ვინ დადოო, რატომ არ ამბობს სუსი?
ან გადატრიალებაო და ყაველაშვილის სასახლეში შესვლით ვინ გადატრიალდებოდა?
ყაველაშვილი ხალხმა მილიონ ცხრაასი ათასჯერ გადაატრიალა უკვე ყველა ბრუნვაში, რა გადასატრიალებელი ეგ იყო?
ან იარაღიო, ტყეში ჩაფლეს 4 ოქტომბრისთვისო და როდის აპირებდნენ ამ იარაღის ამოთხრას? 5 ოქტომბერს? 11 ოქტომბერს? 4 ოქტომბრისთვის რომ უნდოდათ, იმის ამოთხრა როდის იგეგმებოდა?
ან, დაფინანსება და ფულიო და ფული სად ჩაფლეს, ვერ იპოვე ჯერ, მამუკა? თუ რა ხდება?
ან ბაჩო ახალაიაო და არიქა, ჩქარა დაკითხვაზეო და აბა, დროზე, ცოლიც დაკითხვაზეო და რაო, ის ჩანაწერი არაა ხო ავთენტური?
და იმ ჩანაწერში რა სცენარიც დაამონტაჟეთ, არაფერი რომ ისე არ წასულა, მამუკა, ანუ, ბიძინას აშინებდით, ივანიშვილს? “აბა, არ იცოდით, ოპოს გეგმებზე არაფერი?
იმ ჩანაწერში 6-ზე დაიწყება შეტაკებაო – 6-ზე, ხალხს ველოდებით მშვიდად ვდგავართო ვნახეთ. იგივე ჩანაწერში, სისხლი დაიღვაროს უნდაო და პირბადეებითაც კი არ იყო ხალხი “აღჭურვილი”.
იმ ჩანაწერში, არიქა არეულობაო, ჭყლეტაო, ამბავიო და ეგაც პირიქით მოხდა, ხალხო აქ დაგველოდეთ მშვიდად, ცოტანი წავიდეთ მხოლოდ ყაველაშვილთანო.
ხოდა, მამუკა, რა ხდება-თქო, ისედაც შეშინებულ ბიძინას აშინებდი მაგ “ჩანაწერით?” თორემ, არც ერთი იქ გაჟღერებული არც კი უცდიათ.
დაფინანსებაო და ავტობუსებიც კი არ იყო რეგიონებისთვის დაფინანსებული.
კვამლის საწინააღმდეგო პირბადეებს ხალხი თავისი ფულით ყიდულობდა.
ფოიერვერკებიც კი არ იყო ნაყიდი.
იარაღი და ასაფეთქებელი კი არა, ის ღობე რომ ჩამოექცათ თავზე, 8 სპეცრაზმელის წინ იდგნენ და ელოდებოდნენ წიწაკის სპრეის როდის შეასხამდნენ.
არადა, კი გყავდათ იქვე მობილიზებული რობოკოპები, ბიჭებო, ერთი არასწორი ნაბიჯი და დალეწავდით, სისხლაც დაღვრიდით, ხო?
თუ სისხლის დაღვრას არ გეგმავდით 4 ოქტომბერს, პროსახელისუფლებო მედიას სისხლის დაღვრაზე რაღაც ბანძი აუდიო რატომ გამოაქვეყნებინეთ?
მაგრამ ხალხს პირბადეც კი არ ჰქონდა.
ხალხის უმრავლესობა რუსთაველზე იდგა.
იქ არქიმანდრიტმა დოროთემ ღიად თქვა რუსთაველზე, სისხლის დაღვრა უნდა ხელისუფლებასო და არ გამოვიდა ეგ ამბავი.
სისხლის დაღვრა არ გამოვიდა და აუდიო კი დარჩა ასე სისხლის დაღვრაზე, ჭყლეტაზე, 6 საათზე და დარჩა და დარჩეს რა როო, – რომელმა თქვით, მამუკამ, თუ ირაკლიმ? ჰა, ბიჭებო?
რაო, ბიძინამ, ამ ამოღებული ფულებიდან რამდენი პროცენტი აიღეთო?
ბომბებს, აფეთქებას, იარაღს, სისხლისღვრას რომ ამარიდეთ და გადატრიალებას, რით დასაჩუქრდებითო?
დაელოდებით, ახლა, ხო, შემოდებთ თაროზე საქმეს და როგორც კი ვიღაც არასწორად გადატრიალდება, ეგრევე მიუსვამთ ბურჭულაძეს 4 ოქტომბრის საქმეზე. ჯერ ვერ გადაწყვიტეთ და ვერ მოიფიქრეთ, ხო, ვის დაადოთ ხელი? თორემ, აქამდე ხომ დაადებდით?
ვინც გაგიჯიუტდებათ, იმას დაადებთ ხელს, რა პრობლემაა, ხომ?
ან მაგრად გაჭამათ ხალხმა და აზრზე არ იყავით რა მოხდებოდა ოთხში და ან ბიძინას დაშინება, მოდიან, მოდიან, მოდიან – აკაცუკები მოდიან, – მაგრად დაგიგეგმავთ.
ხოდა, რაო, ბიჭებო, იმან, ზემოთ, თოხლა?
პირბადეების რევოლუცია მოდისო, ვისი იდეა იყო, არ დაგვიმალოთ.
ჭეშმარიტი აკაცუკი პირბადეში იცნობაო, – ეს უთხარით რა სერიოზული სახით ბიძინას, დამიჯერეთ, გაგამეორებინებთ და ჩაიწერს, უყვარს მაგას აფორიზმები.
იტრიალეთ ახლა, ლოგინში იტრიალეთ და იფიქრეთ, რომელ ყოფილ თანაგუნდელს რამდენ მილიონს აახევთ და რამდენი გამოვა პროცენტი.
ყოველ საღამოს, 8 საათზე, მიწაზე ყურის დადება არ დაგავიწყდეთ…

პრემიერლიგის მეათე ტურში „ლივერპულმა“ საკუთარ მოედანზე „ასტონ ვილას“ 2:0 მოუგო – გიორგი მამარდაშვილმა პირველად შეინახა მერსისაიდულ გუნდში “კარი მშრალად”.
მატჩი ორმხრივი შეტევებით მიმდინარეობდა, თავიდან უფრო სახიფათო მომენტები სტუმრებმა შექმნეს – როჯერსმა ბურთი ძელს გაარტყა, მამარდაშვილმა კი კეშის ვან დეიკისგან რიკოშეტით და როჯერსის დარტყმული ბურთები მოიგერია. აქედან მოყოლებული მასპინძლები იერიშებზე გადავიდნენ, სობოსლაიმ ორი შანსი ვერ გამოიყენა, ეკიტიკეს გოლი თამაშგარეს გამო არ ჩაითვალა, ხოლო კომპენსირებულ დროში სალაჰმა დალაშქრა მარტინესის კარი. ეს „წითლებში“ მისი 250-ე გოლია.
შესვენების შემდეგ სლოტის შეგირდები უკვე უპირატესობას ფლობდნენ, გრავენბერხმა ტორესისგან რიკოშეტით გაუტანა ბირმინგემელებს და საბოლოო ანგარიში დააფიქსირა. ამით შეწყდა ჩემპიონატზე “ლივერპულის” წაგებათა ოთხმატჩიანი სერია.
„ლივერპული“ ჯერჯერობით 18 ქულით მესამე ადგილზეა და მომდევნო შეხვედრას 5 ნოემბერს სახლში, ჩემპიონთა ლიგაზე „რეალთან“ ჩაატარებს.
ლივერპული – ასტონ ვილა 2:0
გოლები: 1:0 სალაჰი (45+1), 2:0 გრავენბერხი (58)
[VIDEO] დავითაშვილმა ისევ გაიტანა – “სენტ-ეტიენი” “რედ სტართან” დამარცხდა
“კრიტიკას ვერ მივიღებ” – სლოტმა “კრისტალ პალასთან” მარცხის შემდეგ მედიასთან ისაუბრა
შეთანხმება მიღწეულია – მარკუს რაშფორდი კარიერას “ბარსელონაში” განაგრძობს
“ვერც კი წარმოიდგენთ, ალისონი ისე გვჭირდება” – “ლივერპულის” ყოფილმა ფეხბურთელმა ბრაზილიელ მეკარეზე ისაუბრა
ამბები, რომლებიც შესაძლოა შაბათ-კვირას გამოგრჩა
ისევ პრემიერ ლიგა თუ ბუნდესლიგა – ჯეკსონს ორი ვარიანტი გამოუჩნდა
“ადამიანი, რომელსაც ჩემს ცხოვრებასა და კარიერაზე უდიდესი გავლენა ჰქონდა, აღარ არის” – 64 წლის ასაკში “ვალენსიას” ლეგენდარული მეკარე გარდაიცვალა
უპირებენ თუ არა გათავისუფლებას სლოტს – ფაბრიციო რომანო “ლივერპულის” მწვრთნელის მომავალზე
უგოლო ფრე ბირმინგემში – “ასტონ ვილა” “ნიუკასლს” დაუზავდა
“როდესაც დავინახე რომ ეს გააკეთა, თვალებს ვერ ვუჯერებდი” – “ლივერპულის” ყოფილმა ფეხბურთელმა მამარდაშვილი გააკრიტიკა
მიქაუტაძე პრემიერლიგის კლუბს შეუთანხმდა – მისი სასწრაფოდ შეძენა ემერიმ მოითხოვა
პსჟ-ს ფეხბურთელი ესპანეთში დაბრუნებას აპირებს
“მეფე ჟორჟმა” გადაწყვეტილება შეცვალა და ჩემპიონთა ლიგაზე მოასპარეზე გუნდში გადავა
[VIDEO] 0:3. ესეც მამარდაშვილის ბრალია? – “ლივერპული” თასიდან “კრისტალ პალასმა” გამოაგდო

ვლადიმერ პუტინის, ალექსანდრ ლუკაშენკოს, სი ძინპინისა და სხვების გევრდით RFS-მა (“რეპორტიორები საზღვრების გარეშე”) “პრესის თავისუფლების მტაცებელთა” 2025 წლის სიაში ბიძინა ივანიშვილი შეიყვანა.
„პრესის თავისუფლების მტაცებლების 2025 წლის სია” წარმოადგენს RSF-ის მიერ “მსოფლიო პრესის თავისუფლების ინდექსის” ნაწილს, რომელსაც ყოველწიულარ აქვეყნებს ავტორიტეტული ორგანიზაცია.
ინდექსი აფასებს პრესის თავისუფლების მდგომარეობას მსოფლიოს მასშტაბით, ხოლო “მტაცებელთა სია” გამოყოფს მათ, ვინც მედიის თავისუფლებას ფეხქვეშ თელავს.
სია სხვადასხვა ინდიკატორის მიხედვით ხუთ კატეგორიადაა დაყოფილი, ესენია: პოლიტიკური, უსაფრთხოების, ეკონომიკური, სამართლებრივი და სოციალური. ბიძინა ივანიშვილი არის მათ გვერდით, ვინც ფინანსურად ანადგურებს მედიას.
“ვინაიდან ისინი ზღუდავენ საინფორმაციო მედიას ან მათზე თვითნებურად ახდენენ სამართლებრივ ზეწოლას, ბრენდან კარი (აშშ-ის ფედერალური კომუნიკაციების კომისიის (FCC) ხელმძღვანელი), ვიცე-პროკურორი სენგ ჰინგი (კამბოჯა) და ქართველი მილიარდერი ოლიგარქი და ყოფილი პრემიერ-მინისტრი ბიძინა ივანიშვილი შედიან 2025 წლის მტაცებლების ამ სიაში”, – ვკითხულობთ RFS-ის ვებ გვერდზე.

ლიგა 2-ის მეცმეტე ტურში „სენტ-ეტიენი“ გასვლაზე „რედ სტართან“ 1:2 დამარცხდა.
სტუმართა გუნდის ნახევარმცველმა ზურიკო დავითაშვილმა გოლი გაიტანა. მან შეუცვლელად ითამაშა – შეფასებები: sofascore 7.5, flashscore 6.5. დავითაშვილის ანგარიშზე მიმდინარე ტურნირის 12 მატჩში 6 გოლია.
„სენტ-ეტიენი“ ამ მომენტისთვის 23 ქულით მესამე ადგილზეა და 8 ნოემბერს „ტრუას“ ესტუმრება.
რედ სტარი – სენტ-ეტიენი 2:1
გოლები: 1:0 დიურანი (1), 2:0 დიურანი (31), 2:1 დავითაშვილი (72)
გამოუყენებელი პენალტი: ხაუი (36, რედ სტარი)
გამოიცანით ვინ მიიღო ყველაზე მაღალი შეფასებები “ნიცასთან” მატჩში
[VIDEO] დავითაშვილმა დუბლი შეასრულა და მატჩის საუკეთესო ფეხბურთელი გახდა
დავითაშვილის “სენტ-ეტიენმა” შინ მარცხი განიცადა
[VIDEO] 6:0. ზურიკომ გაიტანა და თან როგორი გაიტანა!
დავითაშვილის კაცნაკლული “სენტ-ეტიენი” “ანსისთან” განადგურდა
[VIDEO] დაიწყო – წიტაიშვილმა “მეცში” სადებიუტო გოლი გაიტანა
თურქული გრანდი დავითაშვილის შესაძენად ფულს არ დაზოგავს
[VIDEO] ზურიკოს დუბლით “სენტ-ეტიენი” “მონპელიეს” ამარცხებს

უკრაინამ 2022 წელს კიევის ოლქის ქალაქ ბუჩაში მშვიდობიანი მოსახლეობის მასობრივ მკვლელობებში ეჭვმიტანილების – ხუთი რუსი სამხედრო მოსამსახურის ვინაობა დაასახელა. ამის შესახებ RBC-Ukraine მთავარი სადაზვერვო დირექტორატზე დაყრდნობით იტყობინება.

ეჭვმიტანილები არიან რუსეთის არმიის 76-ე დივიზიის 234-ე საჰაერო-სადესანტო-მოიერიშე პოლკის წევრები: ლეიტენანტი იური კიმი, რიგითი ევგენი მეშალკინი, უფროსი სერჟანტი ანატოლი პავლოვი, უფროსი სერჟანტი შამილ ჰასანგულიევი და რიგითი პაველ კრეტინინი.

გამომძიებლების თქმით, ქალაქის ოკუპაციის დროს ეჭვმიტანილებმა 17 მშვიდობიანი მოქალაქე სიკვდილით დასაჯეს, აწამეს ადამიანები და დანაშაულის დაფარვა გარდაცვლილთა ცხედრების დაწვით სცადეს.

„ყველა, ვინც უკრაინელი მშვიდობიანი მოსახლეობის წინააღმდეგ დანაშაულებში მონაწილეობდა, დაისჯება. ვერავინ გაექცევა მართლმსაჯულებას – ჯალათების სახელები უკვე ცნობილია“, – განაცხადა მთავარი სადაზვერვო დირექტორატმა (GUR).
ბუჩაში მომხდარის გამოძიება არ დასრულებულა.

· ბუჩა კიევიდან დაახლოებით 30 კილომეტრში მდებარეობს. 2022 წელს რუსეთის ჯარების უკან დახევის შემდეგ, ქალაქში მრავალი მშვიდობიანი მოქალაქის ცხედარი აღმოაჩინეს. გადარჩენილი თვითმხილველები აცხადებდნენ რუსეთის სამხედროების მიერ სიკვდილით მოქალაქეთა მასობრივი დასჯის, ასევე წამებისა და ძარცვის შემთხვევებზე.
· რუსულმა მხარემ უარყო თავისი არმიის მონაწილეობა მშვიდობიანი მოსახლეობის წინააღმდეგ ჩადენილ დანაშაულებში და კიევი ინციდენტის დადგმაში დაადანაშაულა.თავდაცვის სამინისტროს ვერსიის კითხვის ნიშნის ქვეშ დაყენების გამო, რუსებს სისხლის სამართლის დევნა ემუქრებათ „ყალბი ინფორმაციის“ და „რუსული არმიის დისკრედიტაციის“ მუხლებით.
ფორუმი

პრესის თავისუფლების მტაცებელთა სიაში მოხვდა,- შესაბამის სიას ორგანიზაცია “რეპორტიორები საღვრების გარეშე” (RSF) ავრცელებს.
“ისინი კლავენ, აჩუმებენ, აპატიმრებენ და თავს ესხმიან ჟურნალისტებს, გუდავენ მედიას, აკნინებენ ჟურნალიზმს, ან მის კანონებს იყენებენ პროპაგანდისტული მიზნებისთვის ინფორმაციით მანიპულაციისთვის. კიდევ ერთხელ, 2025 წელს, მედიის პროფესიონალები სულ უფრო მრავალფეროვანი მტაცებლური ტექნიკის სამიზნე გახდნენ…
ისინი მოიცავენ მათ, ვინც წლებია დაუნდობლად დევნიან მედიას – ჩინეთის კომუნისტურ პარტიას და სი ძინპინს, როგორც მის მეთაურს, საუდის არაბეთის მოჰამენ ბინ სალმანს, ვლადიმირ პუტინსა და ალექსანდრ ლუკაშენკოს. ყველა მათგანმა 2025 წელს კიდევ ერთხელ გამოიჩინა თავი ჟურნალისტებისა და მედიის გაუჩერებელი დევნით…
ვინაიდან ისინი გუდავენ მედიას ან მას უკანონო სასამართლო ზეწოლის ობიექტად ხდიან, შეერთებული შტატების ფედერალური კომუნიკაციების კომისიის ხელმძღვანელი ბრენდან კარი, კამბოჯის პროკურორის მოადგილე სენგ ჰეანგი, და ქართველი მილიარდერი ოლიგარქი და ყოფილი პრემიერ-მინისტრი ბიძინა ივანიშვილი შესული არიან 2025 წლის მტაცებელთა სიაში,” – ნათქვამია განცხადებაში.
ბიძინა ივანიშვილთან ერთად სიაში ასევე არიან ჰაიბატულა ახუნძადა (ავღანეთი), ვლადიმირ პუტინი (რუსეთი), დანუელ ორტეგა (ნიკარაგუა), ალექსანდრ ლუკაშენკო (ბელარუსი), ილჰამ ალიევი (აზერბაიჯანი), ალი ხამენეი (ირანი), ნიკოლას მადურო (ვენესუელა), ვიქტორ ორბანი (უნგრეთი), ისრაელის თავდაცვის ძალები, ჩინეთის კომუნისტური პარტია, ალექსანდარ ვუჩინი (სერბეთი), ბურკინა-ფასოს სამხედრო ხუნტა, რეჯეფ თაიფ ერდოღანი (თურქეთი), მარგარიტა სიმონიანი (რუსეთი), ილონ მასკი (აშშ), ხავიერ მილეი (არგენტინა), რობერტ ფიცო (სლოვაკეთი) და სხვები.

ჟურნალისტი, ვიკა ბუკია:
აგერ ანოუკის ერთი საბავშვო ბაღის რეაბილიტაციის თანხა ყელზე უკეთია. ქოცები რომ გადავარდებიან, არქეოლოგები მათ სახლებს გათხრიან. კალაძის სახლში ისეთი სიმდიდრეა, ტუტანხამონის სამარხში ნანახი ბიჟუტერიად მოგეჩვენებათ.

ტვ პირველის ცნობით, მარნეულის მუნიციპალიტეტის, სოფელ შაუმიანის ნუშის ბაღები, “ქართული ოცნების” შინაგან საქმეთა ყოფილ მინისტრს, ვახტანგ გომელაურს ეკუთვნის. როგორც “შაბათის ეთერს” წყარო უყვება, 360 ათას კვადრატულ მეტრ მიწაზე გაშენებული ნუშის პლანტაცია, ყოფილმა პირველმა პოლიციელმა, მეგობარ ძალოვანებთან ერთად რამდენიმე წლის წინ შეიძინა და დიდ ბიზნესიც წამოიწყო.
36 ჰექტარი მიწა, სადაც ნუშის ათასობით ნერგი დარგეს, ოფიციალურად კომპანია “შაუმიანის ნუშის ბაღებს” ეკუთვნის. საჯარო რეესტრის მონაცემებით, კომპანია “შაუმიანი ნუშის” 100 პროცენტიანი წილის მფლობელი კაზრეთელი ბიზნესმენი, შალვა აზარაშვილია, თუმცა, მედიის ცნობით, ის ამ ბიზნესში მხოლოდ ფიქტიური პირია და ვახტანგ გომელაურმა ნუშის პლანტაციები მარნეულში, მის მოადგილე იოსებ ჭელიძესა და დავით კოდელაშვილთან ერთად გააშენა.

ბოლო 30 წლის განმავლობაში რუსეთის მხრიდან ბალტიის ქვეყნებში ბლოკირებული ნავსადგურები და სატრანზიტო დერეფნები საქართველოსთვის კონტრასტული შედარების მაგალითია იმისა, თუ როგორ ცდილობენ ბალტიის ქვეყნები გაარღვიონ და თავი დააღწიონ სატრანსპორტო სფეროში რუსეთის აგრესიულ პოლიტიკას.

ბალტიის ქვეყნების ნავსადგურების 2024-2025 წლების სტატისტიკა ტვირთნაკადების რუსეთის ნაცვლად ევროპულ ბაზარზე წარმატებულ ჩანაცვლებაზე მიუთითებს.
ბალტიის ქვეყნების ნავსადგურები არა მხოლოდ გადარჩნენ, არამედ ევროპულ ჰაბებზე ფოკუსირებით ტვირთბრუნვაც გაზარდეს, რითაც საბოლოოდ უფრო ღრმად ინტეგრირებულები აღმოჩნდნენ ევროპის ეკონომიკაში.
2022 წლის საომარი დაპირისპირების შემდგომ, რეგიონში ტექტონიკური ძვრების შედეგად, ბალტიის ქვეყნების ნავსადგურებიდან პრაქტიკულად გაქრა რუსული და ბელორუსული ტრანზიტი.

აღნიშნული ტენდენციის ფონზე, ევროპულ ლოგისტიკურ წრეებში ბუნებრივად გაჩნდა კითხვა – როგორც საკუთარ, ასევე ბალტიის ქვეყნების ნავსადგურებში, როგორ უნდა შეევსოთ ტვირთების ვარდნით წარმოქმნილი ფინანსური დანაკარგები?

სადღეისოდ პასუხი აშკარაა – ტვირთების სავარაუდო კლება ბალტიის ქვეყნების ნავსადგურებში საკონტეინერო ნაკადების დივერსიფიცირებულმა გადაზიდვებმა დააბალანსა.

რუსეთ-ბელორუსიაზე გამავალი სატრანზიტო დერეფნი, ევროპულ ჰაბებზე, რეგიონულ წარმოებასა და ახალ ინტერმოდალურ მარშრუტებზე დაფუძნებული მოქნილი ლოგისტიკური ხაზებით ჩანაცვლდა.
ბალტიის ქვეყნებში რუსეთის გამქრალი ტრანზიტი არა ერთი, არამედ ოთხი ევროპული ნაკადით ჩანაცვლდა, რომლებმაც ანალიტიკოსების მოსაზრებით, ერთად აღებულმა, არა მხოლოდ ბალტიის ნავსადგურებში, დაკარგული რუსეთის ტრანზიტის ფინანსური დანაკარგები აანაზღაურეს, არამედ ტვირთების გადამუშავების ახალ, რეკორდულ ნიშნულებამდეც მიიყვანეს.

ბალტიის ქვეყნების ნავსადგურებისთვის ერთ-ერთ ასეთ დამაბალანსებელ საკონტეინერო ნაკადს შიდაევროპული ფიდერული საზღვაო ხაზები წარმოადგენს, რომელსაც ტვირთების მომარაგების მიმართულებით „სკანდინავიურ-ჰოლანდიური“ გაძლიერებული ხაზი (როტერდამი – კოტკა – ტალინი/რიგა/კლაიპედა) დაემატა.
2024 წელს კონტეინერმზიდმა X-Press Godavari-მ HHLA TK Estonia-ს ტერმინალის მიმართულებით რეგულარული გადაზიდვები დაიწყო. დღესდღეობით მსოფლიოში უდიდესი კონტეინერმზიდი ოპერატორი X-Press Feeders როტერდამი – ანტვერპენი – ვუოსაარი – მუუგა – კოტკა – როტერდამის მიმართულებაზე ყოველკვირეულ საკონტეინერო გადაზიდვებს ახორციელებს.
ალტერნატიული საწვავის გამოყენებით, X-Press Feeders-მა როტერდამის, ანტვერპენის, კლაიპედას, რიგის, ტალინის, ჰელსინკისა და კოტკას ნავსადგურებთან თანამშრომლობით ბალტიის ზღვაზე ევროპის პირველი მწვანე საზღვაო დერეფანი შექმნა.
გარდა X-Press Feeders-ისა, სხვა მსხვილმა კომპანიებმა, მათ შორის ONE-მა, Unifeeder-მა, MSC-მ და CMA CGM-მა, გაზარდეს რეგიონში მომსახურე გემების სიხშირე და ტევადობა.
ბალტიის ქვეყნების ნავსადგურებისთვის ერთ-ერთ მნიშვნელოვან დამაბალანსებელ საკონტეინერო ნაკადად პოლონეთში, გდანსკის ღრმაწყლოვან ნავსადგურში ფორმირებული ჰაბი ითვლება. მას ასევე გდანსკის ბალტიის ჰაბსაც უწოდებენ, რომელიც აზიური ტვირთებისთვის ბალტიის ზღვის მთავარ კარიბჭეს წარმოადგენს.
შორეული აღმოსავლეთის ნაკადების ნაწილი ამჟამად პოლონეთის ნავსადგურ გდანსკში გადმოიტვირთება და გამანაწილებელი ფიდერული ხაზებით ბალტიის ქვეყნების კლაიპედისა და რიგის ნავსადგურებში გადაიზიდება.

ბალტიის ქვეყნების ნავსადგურებისთვის ერთ-ერთ დამაბალანსებელ მარშრუტად უკრაინის ინტერმოდალური დერეფანი განიხილება. ლიტვის რკინიგზასა (LTG) და „უკრზალიზნიცას“ (უკრაინის კინიგზა) შორის კიევი-კლაიპედას რეგულარული მარშრუტის ამოქმედების შესახებ შეთანხმებამ გზა გაუხსნა ტვირთების ახალ სპექტრს – სოფლის მეურნეობის პროდუქტებიდან დაწყებული მანქანათმშენებლობით დამთავრებული.
ევროპული ეკონომიკის აღდგენის ფონზე, რეგიონული იმპორტისა და ექსპორტის თვალსაზრისით, გაიზარდა ბალტიის ქვეყნების საკუთარი ტვირთების ნაკადები – მათ შორის ყოველდღიური მოხმარების საქონელი, ხის დამუშავებული პროდუქცია, ქიმიური ტვირთები და საავტომობილო ნაწილები.

ბალტიის ქვეყნების ნავსადგურების 2024-2025 წლების სტატისტიკა ტვირთნაკადების წარმატებულ ჩანაცვლებაზე მიუთითებს. ნავსადგურები არა მხოლოდ გადარჩნენ, არამედ კონტეინერიზაციაზე ფოკუსირებით ტვირთბრუნვაც გაზარდეს.
კლაიპედის ნავსადგური შთამბეჭდავ ზრდას აჩვენებს – 2025 წლის ბოლოსთვის ნავსადგური ისტორიულ „პიკს“ 1.3 მლნ TEU ნიშნულს მიაღწევს. ეს განსაკუთრებით მნიშვნელოვანია სანქციებთან დაკავშირებული კალიუმის სასუქების დაკარგვის შემდეგ. ნავსადგურმა შეძლო დაკარგული ტვირთების კონტეინერებითა და Ro-Ro გადაზიდვებით სრულყოფილად ჩანაცვლება.
ადაპტაციის პერიოდთან დაკავშირებული სირთულეების შემდეგ, ლატვიის რიგის ნავსადგურმა აქტიურად გააფართოვა მომსახურების სპექტრი.
2025 წლის დასაწყისში ONE-სა და Unifeeder-ის ალიანსის ხაზებს დაემატა ახალი BBX (Baltic Bridge Express) სერვისი, რომლის ამოქმედებამ რიგის ნავსადგური როტერდამთან, კლაიპედასთან, ტალინთან და კოტკასთან დააკავშირა.

ესტონეთის ნავსადგური ტალინი (მუუგა) ახალ ლოგისტიკურ ჯაჭვებში მყარად ინტეგრირებული აღმოჩნდა. მუუგას ნავსადგურში არსებული HHLA TK Estonia ტერმინალი 2025 წლის თებერვლიდან BBX სერვისის რეგულარული გაჩერების სატრანსპორტო გამანაწილებელ კვანძად გადაიქცა.
ბალტიის ქვეყნების ნავსადგურების მიერ რუსეთთან და ბელარუსთან ურთიერთობების გაწყვეტის შემდეგ, ევროკავშირის ფარგლებში სახაზო საზღვაო გადამზიდავებმა მოკლე და პროგნოზირებად მარშრუტებზე გააკეთეს აქცენტი, რაშიც მნიშვნელოვანი როლი ფინური და შვედური ტვირთების ტრანზიტიდან ანტვერპენისა და როტერდამის პირდაპირ ფიდერულ გემებზე გადამისამართებამ ითამაშა.

ანალიტიკოსების მოსაზრებით, ტვირთნაკადების მომხდარი ტრანსფორმაცია არა უბრალოდ ტვირთის მიმართულების შეცვლაა, არამედ რეგიონში ლოგისტიკური არქიტექტურის ფუნდამენტური ცვლილების მანიშნებელია, რომელიც სასიკეთოდ გამოიყენეს ბალტიის ქვეყნებმა.
transcor.ge

უნგრეთის პრემეირ-მინისტრის, ვიქტორ ორბანის განცხადებით, ევროკავშირი ბიუჯეტის დიდ ნაწილს, რომელსაც წევრი სახელმწიფოებისგან იღებს, უკრაინაში ომის დასაფინანსებლად ხარჯავს.
როგორც უნგრეთის პრემიერ-მინისტრი სოციალურ ქსელში წერს, ეს ნგრევისკენ მიმავალი გზაა და ევროპის ეკონომიკა ღრმა პრობლემებშია ჩაფლული.
„ბრიუსელს საკუთარი ფული არ აქვს. ის ჩვენს ფულს, წევრი სახელმწიფოების ფულს იყენებს უკრაინაში ომის დასაფინანსებლად. ევროკავშირის მომავალი ბიუჯეტის 20%-ზე მეტი უკრაინას უნდა გადაეცეს, მაშინ, როდესაც ევროპის ეკონომიკა ღრმა პრობლემებშია. ომის დაფინანსება ვალებითა და გადასახადების ზრდით სტრატეგია არ არის, ეს დანგრევისკენ მიმავალი გზაა. მშვიდობის დროა, ევროპის აღდგენის დროა!“, – წერს უნგრეთის მთავრობი ხელმძღვანელი.

ევრონესტის დელეგაცია ვერ მიუთითებს ქართველ ხალხს, თუ რა მიმართულებით წაიყვანოს საკუთარი ქვეყნის განვითარება – საქართველოს დელეგაციის გადაწყვეტილება ამ შემთხვევაში არის სწორი
ევრონესტის დელეგაცია ვერ მიუთითებს ქართველ ხალხს, თუ რა მიმართულებით წაიყვანოს საკუთარი ქვეყნის განვითარება. ეს პლატფორმა არასდროს ყოფილა ამ მიზნით შექმნილი, – განაცხადა საქართველოს საგარეო საქმეთა მინისტრმა, მაკა ბოჭორიშვილმა, რითაც გამოეხმაურა „ქართული ოცნების“ გადაწყვეტილებას, ევრონესტის საპარლამენტო პლატფორმაში მონაწილეობა აღარ მიიღოს.
„ძალიან ბევრი ქვეყანა აკლია უკვე აღმოსავლეთ პარტნიორობის ქვეყნებიდან ამ პლატფორმას. საქართველოს დელეგაციის გადაწყვეტილება ამ შემთხვევაში არის სწორი“, – აღნიშნა მაკა ბოჭორიშვილმა.
ევრონესტის რეზოლუციებს, რომელთაგან ერთ-ერთში 2024 წლის საპარლამენტო არჩევნები „გაყალბებულად”, არჩეული ხელისუფლება კი „თვითგამოცხადებულად” არის მოხსენიებული, საქართველოს პარლამენტის თავმჯდომარე შალვა პაპუაშვილი განცხადებით გამოეხმაურა. „საქართველოსადმი მტრული, უსამართლო და პოლიტიკურად მიკერძოებული პოზიციებით ცნობილმა ზოგიერთმა ევროპარლამენტარმა რეზოლუციის ტექსტებში დაამატა ისეთი ჩანაწერები, რაც ყოვლად მიუღებელი და აღმაშფოთებელია ქართული საზოგადოებისთვის”, – დაწერა შალვა პაპუაშვილმა.

აზერბაიჯან-სომხეთის საზღვრის მიმართულებით ზანგეზურის დერეფნის მშენებლობა დასკვნით ეტაპზე გადადის, – ამის შესახებ აზერბაიჯანის პრეზიდენტის თანაშემწემ და პრეზიდენტის ადმინისტრაციის საგარეო პოლიტიკის დეპარტამენტის ხელმძღვანელმა, ჰიქმეთ ჰაჯიევმა განაცხადა.
„აზერბაიჯანი დიდ ძალისხმევას დებს რეგიონული სატრანსპორტო და ლოგისტიკური კავშირების დასამყარებლად“, – წერს ჰაჯიევი სოციალურ ქსელში.
აზერბაიჯანის პრეზიდენტის თანაშემწე ვიდეოსაც აქვეყნებს.

1 ნოემბერს, სერბეთში, ნოვი სადში, რკინიგზის სადგურის სახურავის ჩამონგრევის პირველი წლისთავის გამო ათიათასობით სერბმა ქვეყნის სიდიდით მეორე ქალაქში 16 დაღუპულის ხსოვნას 16-წუთიანი დუმილით მიაგო პატივი.
AFP-ის ჟურნალისტების ცნობით, ზუსტად ტრაგედიის დროს, 2024 წლის 1 ნოემბერს, ნოვი სადის ცენტრში ათიათასობით ადამიანმა დუმილით პატივის სცა მათ ხსოვნას თავყრილობის აქციის დაწყებისას.

სტუდენტები, ომის ვეტერანები და მსხვერპლთა ოჯახის წევრები გვირგვინებით ხელში მყოფი ადამიანების გვერდით იდგნენ სადგურის წინ, სადაც ხალხმა ადრე სანთლები და ყვავილები დადო.

ტრაგედიის შემდეგ, რომელიც ღრმად ფესვგადგმული კორუფციის სიმბოლოდ იქცა, სერბიაში სტუდენტების მიერ ორგანიზებული რეგულარული საპროტესტო აქციები მიმდინარეობს.

მომიტინგეებმა თავიდან გამჭვირვალე გამოძიება მოითხოვეს, თუმცა მათი მოწოდებები მალევე გადაიზარდა ვადამდელი არჩევნების მოთხოვნებში.
სტუდენტებმა ხალხს მოუწოდეს „ყველაზე მასშტაბური სამახსოვრო შეკრებისკენ.“ ბევრი გაემართა ნოვი სადისკენ, ზოგი მანქანით, ზოგი ველოსიპედით და ზოგიც – ფეხით.
ათასობით ადამიანმა ბელგრადიდან იარა, ზოგმა ნოვი პაზარიდან, რომელიც დედაქალაქიდან სამხრეთით დაახლოებით 340 კილომეტრში მდებარეობს. მათ სიმბოლური 16 დღე დასჭირდათ მსვლელობის დასასრულებლად – 16 მსხვერპლისთვის.
პარასკევ საღამოს, ნოვი სადის მაცხოვრებლები ქუჩებში გამოვიდნენ მსვლელობის მონაწილეების მისასალმებლად, სასტვენებითა და დროშებით.

პროტესტმა პრემიერ-მინისტრის გადადგომა, მისი მთავრობის დაშლა და ახლის ფორმირება გამოიწვია. თუმცა, ნაციონალისტი პრეზიდენტი ალექსანდარ ვუჩიჩი უდრეკად ინარჩუნებს თანამდებობას. ადრე ვუჩიჩი დემონსტრანტებს უცხოეთიდან დაფინანსებულ გადატრიალების მომხრეები უწოდა, ხოლო მისი პარტია SNS-ის წევრები შეთქმულების თეორიებს ავრცელებენ და აცხადებენ, რომ რკინიგზის სადგურის სახურავის ჩამონგრევა, შესაძლოა, დაგეგმილი თავდასხმა ყოფილიყო.
თუმცა, 31 ოქტომბერს ტელევიზიით გადაცემულ საჯარო მიმართვაში, ვუჩიჩმა იშვიათი ჟესტი გააკეთა და ბოდიში მოიხადა ისეთი რაღაცების თქმის გამო, რასაც, მისი თქმით, ახლა ნანობს.
„ეს ეხება როგორც სტუდენტებს, ასევე მომიტინგეებს, და ასევე სხვებს, ვისაც არ ვეთანხმებოდი. ამისთვის ბოდიშს ვიხდი“, – განაცხადა ვუჩიჩმა და დემონსტრანტებს დიალოგისკენ მოუწოდა.

მთავრობამ შაბათი ეროვნული გლოვის დღედ გამოაცხადა, ხოლო სერბეთის მართლმადიდებლური ეკლესიის (SPC) მეთაურმა, პატრიარქმა პორფილემ, ბელგრადის წმინდა სავას ეკლესიაში დაღუპულთა ხსოვნის პატივსაცემად წირვა აღავლინა.
მას რამდენიმე ასეული ადამიანი დაესწრო, მათ შორის მთავრობის მინისტრები და ვუჩიჩი. ეკლესიის წინ კიდევ რამდენიმე ათასი ადამიანი შეიკრიბა და მსხვერპლთა ხსოვნის პატივსაცემად სანთლები დაანთო.
ევროკავშირის გაფართოების კომისარმა, მარტა კოსმა X-ზე გამოაქვეყნა პოსტი, სადაც ნათქვამია, რომ „ტრაგედია სერბეთს ცვლის“.
„ამან მასები აიძულა, ანგარიშვალდებულების, გამოხატვის თავისუფლებისა და ინკლუზიური დემოკრატიის დასაცავად გამოსულიყვნენ. ეს იგივე ღირებულებებია, რომლებსაც სერბეთი ევროკავშირში გაწევრიანებისკენ მიჰყავს“.

სექტემბერში, შენობის ჩამონგრევის საქმეზე, ბრალი 13 ადამიანს წაუყენეს, მათ შორის, მშენებლობის ყოფილ მინისტრს, გორან ვესიჩს.
გამოძიებასთან ერთად – რომელსაც ევროკავშირი უჭერს მხარს და რომელიც პროექტში ევროკავშირის სახსრების შესაძლო ბოროტად გამოყენების შესახებ მიმდინარეობს – გრძელდება ცალკე ანტიკორუფციული გამოძიებაც.

ფორუმი

ბოლო წლებში ოპოზიციური სპექტრის მიერ არაერთი შეცდომა იქნა დაშვებული, რამაც „ქართული ოცნების” რეჟიმის გახანგრძლივებას შეუწყო ხელი, – ამის შესახებ „საქართველოს ევროპული ორბიტის“ აღმასრულებელი დირექტორი, ნინო ლომჯარია სოციალურ ქსელში წერს.
მისი თქმით, ოპოზიცია კრიტიკულად მნიშვნელოვან საკითხებზე ვერ ახერხებს შეთანხმებასა და რეჟიმთან სწორი ტაქტიკით ბრძოლას.
„მინდა გაგიზიაროთ ჩემი მოსაზრება, რა არის გასაკეთებელი და რა უნდა იყოს მომავლის გეგმა, ჯერ დავიწყებდი დაშვებული შეცდომებით:
ბოლო წლებში ოპოზიციური სპექტრის მიერ არაერთი შეცდომა იქნა დაშვებული სტრატეგიულად მნიშვნელოვან საკითხებზე, რამაც “ქართული ოცნების” რეჟიმის გახანგრძლივებას შეუწყო ხელი. მაგალითად, 2024 წლის საპარლამენტო არჩევნებზე ოპოზიცია მაქსიმუმ 2 ძლიერ ბანაკად უნდა გაერთიანებულიყო და არა 4-5 ალტერნატივად. ამ ცხადი საზოგადოებრივი დაკვეთის უგულებელყოფამ გამოიწვია ის, რომ ფრაგმენტირებულმა ოპოზიციამ ვერ მოახერხა საარჩევნო უბნებზე ხმების უკეთ დაცვა, ხოლო, არჩევნების გაყალბების შემდგომ ფრუსტრირებულმა საზოგადოებამ წყენა და უნდობლობა ისევ ოპოზიციის მისამართით მიმართა.
ასევე, 2025 წლის თვითმმართველობის არჩევნებზე რეჟიმის ამოცანა არ იყო არჩევნებში ოპოზიციას მიეღო, ან არ მიეღო მონაწილეობა, რეჟიმის ამოცანა იყო – ოპოზიციის ნაწილს მიეღო და ნაწილს არ მიეღო მონაწილეობა. ფაქტია, ეს მიზანი ოპოზიციის ურთიერთდაპირისპირებული სტრატეგიის შედეგად მიღწეულ იქნა.
მე არ ვაპირებ გავარჩიო, ვინ მეტად იყო ამ ყველაფერში დამნაშავე და ვინ ნაკლებად, რადგან ამაზე დავა არაფრის მომტანია. მე უბრალოდ ვამტკიცებ, რომ უკვე წლებია, რაც ოპოზიცია კრიტიკულად მნიშვნელოვან საკითხებზე ვერ ახერხებს შეთანხმებას და რეჟიმთან სწორი ტაქტიკით ბრძოლას.
ეს გარემოება ასევე ძალიან დიდ დარტყმას აყენებს საერთაშორისო საზოგადოების მხრიდან მხარდაჭერას. დასავლეთის მხარდაჭერა ქართველი ხალხის მიმართ უპირობო და ერთსულოვანია, თუმცა, დასავლეთმა არ იცის, ვის ან რა პროცესებს დაუჭიროს მხარი, ვინაიდან არ არსებობს ერთიანი მოთხოვნები, ერთიანი სტრატეგია, ერთიანი გუნდი, რომელიც ქართველი ხალხის საპროტესტო, პროევროპულ ხმას გამოხატავს”,- წერს ნინო ლომჯარია.
ნინო ლომჯარიას შეფასებით, ახლა ოპოზიციამ უნდა დაიწყოს მზადება მომავალი საპარლამენტო არჩევნებისათვის.
„ახლა, რა არის, ჩემი აზრით, გამოსავალი. რა უნდა გაკეთდეს: უნდა დაიწყოს მზადება მომავალი საპარლამენტო არჩევნებისთვის. არჩევნები ჩაინიშნება ზეგ, მომავალ გაზაფხულზე, შემოდგომაზე, თუ 3 წელიწადში, არა აქვს მნიშვნელობა, ნებისმიერ შემთხვევაში მას სჭირდება მომზადება, რაც ნომერ პირველი ამოცანა უნდა იყოს! მომზადება გულისხმობს: ა. წინააღმდეგობის იდეის გარშემო შეკრებილი ადამიანების ერთობას, საზოგადოებრივი დაკვეთის გათვალისწინებით ერთიან სიას; ბ. პოლიტიკური გუნდის ხედვების მომზადებას და საზოგადოებასთან ეფექტურ კომუნიკაციას – საზოგადოებისთვის ნათლად ახსნას, რა სიკეთეს მოიტანს მათთვის პოლიტიკური ცვლილებები, მათ შორის ხედვების წარმოდგენას გარდამავალი მართლმსაჯულების, სოციალურ-ეკონომიკურ და უსაფრთხოების საკითხებზე; გ. არჩევნებზე სანდო დამკვირვებლების მონაცემთა ბაზის შექმნას და მათ მომზადებას.
ამასთან, უნდა შეწყდეს მოკავშირეების/პოტენციური მოკავშირეების მიმართ სიძულვილის გაღვივება, დაუსრულებელი ბრალდებები, თავდასხმები, კუდიანების და აგენტების იარლიყის მიკერება;
პარალელურად, პროტესტის გაგრძელება სასიცოცხლოდ აუცილებელია; უნდა გაგრძელდეს უკანონოდ დაკავებულთა, უკანონოდ გათავისუფლებულთა და სხვაგვარად რეპრესირებულთა უფლებებისთვის ბრძოლა როგორც ქვეყნის შიგნით, ისე საერთაშორისო სასამართლოში; პოლიტიკური ბრძოლის იარაღი მხოლოდ მშვიდობიანი წინააღმდეგობაა. შედეგები: საზოგადოების საპროტესტო ენერგიის კონსოლიდაცია ერთიანი პოლიტიკური ხედვის და იდეის გარშემო.
აქტივისტებისთვის საკუთარი როლის და ადგილის პოვნა წინააღმდეგობის ორგანიზებულ ინიციატივაში; ნიჰილიზმის ჩანაცვლება ქმედებით; საზოგადოების როლის ზრდა პოლიტიკურ გადაწყვეტილებებში; რეჟიმის მიმართ ორგანიზებული წინააღმდეგობის გაწევა, რის მიმართაც ყველაზე მეტად მოწყვლადები არიან“,- წერს ნინო ლომჯარია.

შინაგან საქმეთა სამინისტრომ, რუსთაველის გამზირის ხელმეორედ გადაკეტვისთვის გუშინ დაკავებული ერთი პირის, ზურაბ მენთეშაშვილის მიმართ გამოძიება სისხლის სამართლის წესით დაიწყო.
უფრო კონკრეტულად, შსს-ს ინფორმაციით, გამოძიება სისხლის სამართლის კოდექსის 347-ე მუხლის პირველი ნაწილით დაიწყო, რაც შეკრების ან მანიფესტაციის ჩატარების წესის დარღვევას გულისხმობს.
„2025 წლის 31 ოქტომბერს, შინაგან საქმეთა სამინისტროს თანამშრომლების მიერ დაკავებულ იქნა მოქალაქე ზურაბ მენთეშაშვილი, რომელიც იმხილება საპროტესტო აქციის დროს გზის განმეორებით გადაკეტვაში.
აღნიშნული პირი, 2025 წლის 24 ოქტომბერს ანალოგიური ქმედებისთვის დაკავებული იქნა ადმინისტრაციული წესით და სახდელის სახით შვიდდღიანი პატიმრობა შეეფარდა.
შესაბამისად, ქმედების განმეორებით ჩადენის გამო, მის მიმართ დაიწყო გამოძიება სისხლის სამართლის კოდექსის 347-ე მუხლის პირველი ნაწილით, რაც შეკრების ან მანიფესტაციის ჩატარების წესის დარღვევას გულისხმობს“,- ნათქვამია განცხადებაში.

ქარის ენერგიამ გაერთიანებული სამეფოს ენერგიის ხარჯები, 2010 წლიდან დღემდე, სულ მცირე 104 მილიარდი გირვანქა სტერლინგით შეამცირა – ამის შესახებ ლონდონის საუნივერსიტეტო კოლეჯის კვლევაშია აღნიშნული. ანგარიშიდან ასევე ირკვევა, რომ ამ სარგებლის ყველაზე დიდი ბენეფიციარები, ბუნებრივი აირის მომხმარებლები არიან.
როგორც ირკვევა, 2010-2023 წლებში ქარის ენერგიის გენერაციის წყალობით, ელექტროენერგიის გადასახადები £14.2 მილიარდით შემცირდა, ვიდრე იმავე სიმძლავრის ენერგიის წარმოება გაზის ელექტროსადგურის გამოყენებით დაჯდებოდა.
კიდევ უფრო საგულისხმოა, რომ კვლევის თანახმად, გაზის გაიაფებით, რასაც წინ, ქარის ენერგიის წყალობით გაზზე მოთხოვნის შემცირება და ახალი ინფრასტრუქტურის საჭიროების არარსებობა უსწრებდა, £133.3 მილიარდი დაიზოგა.
იგივე პერიოდში, მომხმარებლებმა დაახლოებით £43.2 მილიარდი ფუნტი სტერლინგი გადაიხადეს მწვანე სუბსიდიების სახით, რომლებიც, გაზზე გადასახადების ნაცვლად, ელექტროენერგიის გადასახადებზე იყო დაწესებული. მკვლევრების თქმით, საბოლოო შედეგი 13-წლიანი პერიოდის განმავლობაში ენერგიის გადასახადების £104.3 მილიარდით შემცირება იყო.
საქმე ისაა, რომ ევროპის მასშტაბით განახლებად ენერგიაზე მოთხოვნის ზრდამ, გაზის როგორც მოხმარება, ასევე ღირებულება მნიშვნელოვნად შეამცირა. ელექტროენერგიის კომპანიებს ბუნებრივ აირზე მომუშავე, ძვირად ღირებული ელექტროსადგურების აშენება აღარ უწევთ.
ანალიზი 2010-2023 წლებს მოიცავს, თუმცა მასში გათვალისწინებული არ არის 2022 წელს რუსეთის უკრაინაში შეჭრის შემდეგ გაზის ფასის ცვლილების ტენდენციები.
კვლევის თანაავტორი აღნიშნავს, რომ ანგარიშით დასტურდება, თუ როგორ მოუტანა ქარის ენერგიამ გაერთიანებულ სამეფოს მნიშვნელოვანი ფინანსური სარგებელი. მეტიც, მისი თქმით, £104 მილიარდი ფუნტის წმინდა სარგებელი აღემატება იმ თანხას, £90 მილიარდს, რომელიც გაერთიანებულმა სამეფომ გაზზე დახარჯა.
bm.ge

ბოლო წლებში თურქეთი Uber-ისთვის ერთ-ერთ მნიშვნელოვან ბაზრად იქცა.. გადაზიდვებისა და ტაქსის სერვისების გამცემი ამერიკული კომპანია Uber Technologies თურქეთში $200 მილიონის ინვესტიციას განახორციელებს.
თურქეთის ინდუსტრიისა და ტექნოლოგიის სამინისტროს ცნობით, ქალაქ სტაბმულში ტექნოლოგიური განვითარების ცენტრი შეიქმნება, თავად საინვესტიციო პერიოდი კი 5 წელი იქნება.
$200-მილიონიანი ინვესტიციის განხორციელებით Uber-ს ანატოლიის ნახევარკუნძულზე პოზიციების გამყარება და ევროპა-აზიის გადაკვეთის წერტილში ტექნოლოგიური ინფრასტრუქტურის განვითარება სურს. გარდა ამისა, კომპანია ტექნოლოგიურ სფეროში თურქულ ტალანტს მოიზიდავს და Uber-ის განვითარების პროცესში ჩართავს.
შეგახსენებთ, Uber-ს ამერიკის შეერთებული შტატებს ფარგლებს გარეთ კიდევ 3 სხვა ტექნოლოგიური ჰაბი აქვს შექმნილი: ბრაზილიაში, ინდოეთში და ნიდერლანდებში.