“Mançester Siti”nin baş məşqçisi Xosep Qvardiola Çempionlar Liqasında “Real”a uduzduqları görüşü şərh edib.

Futbolpress.az UEFA-nın saytına istinadən xəbər verir ki, mütəxəssis 0:3 hesabıyla bitən görüşlə bağlı bunları deyib:

“Maraqlı oyun alındı. Burdan sərfəli nəticə ilə dönmək istəyirdim. Amma heç nə bitməyib. Qapıçımız Donnarumma penalti dəf etdi və bizi ümidləndirdi. Hər bir halda, 0:3 0:4-dən daha yaxşıdır. Kənardan göründüyü qədər pis deyildik. Sadəcə “Real” çox yaxşı oynadı. Bu komanda belədir, enişdə olduğunu düşünürsən, amma fərqli oyunla fərqli nəticə əldə edə bilirlər”.

Komandalar arasındakı cavab oyunu martın 17-də Mançesterdə olacaq.

Mövsümün sonunda “Mançester Siti”dən ayrılacağı açıqlanan Bernardo Silva karyerasını İtaliyada davam etdirə bilər.

Futbolpress.az xəbər verir ki, “Yuventus” portuqaliyalı yarımmüdafiəçinin xidmətində maraqlıdır. Bu barədə “La Gazetta dello Sport” nəşri məlumat yayıb. Turin klubunun nümayəndələrinin oyunçunun meneceri ilə görüşdüyü bildirilib.

Silva ilə Türkiyənin “Qalatasaray”, Portuqaliyanın “Benfika”, ABŞ-nin “İnter Mayami” klubları da maraqlanır.

31 yaşlı futbolçu bu mövsüm 38 oyunda 2 qol vurub, 5 məhsuldar ötürmə edib.

Bu gün UEFA Çempionlar Liqasında 1/8 final mərhələsinin ilk oyunlarına yekun vurulub.

Futbolpress.az xəbər verir ki, günün ilk matçında “Arsenal” Almaniyada “Bayer”lə heç-heçə edib.

PSJ Fransada “Çelsi”ni məğlub edib, “Mançester Siti” isə səfərdə “Real”a uduzub.

Turnirin sürpriz komandası “Bodo-Qlimt” isə azarkeşləri önündə “Sportinq”ə qalib gəlib.

UEFA Çempionlar Liqası
1/8 final mərhələsi, ilk oyunlar

11 mart

Bayer – Arsenal 1:1 
Qollar: Andrix, 46 – Haverts, 89 (pen.)

Bodo-Qlimt – Sportinq 3:0
Qollar: Fet, 31 (pen.), Blomberq, 45+1, Hoq, 71

PSJ – Çelsi 5:2
Qollar: Barkola, 10, Dembele, 40, Vitinya, 74, Kvaratsxeliya, 96, 90+4

Real – Mançester Siti 3:0
Qollar: Valverde, 20, 27, 42

“Mançester Siti”nin futbolçusu Rodri cərimələnib.

Futbolpress.az xəbər verir ki, İngiltərə Futbol Assosiyasiyası Premyer Liqada “Tottenhem”lə matçdan (2:2) sonra hakim haqda tənqidi fikirlər səsləndirən Rodrini 80 min avro məbləğində cərimələyib.

Rodriyə diskvalifikasiya tətbiq edilməyib.

İngiltərə Federasiya Kubokunda 1/4 final mərhələsinin cütləri məlum olub.

Futbolpress.az xəbər verir ki, “Mançester Siti” yarımfinal yolunda “Liverpul”la qarşılaşacaq.

“Arsenal”ın rəqibi “Sauthempton” olacaq. 1/8 finalda “Sanderlend”i mübarizədən kənarlaşdıran Liqa 2 təmsilçisi “Port Veyl” bu dəfə “Çelsi” səddini aşmağa çalışacaq.

İngiltərə Federasiya Kuboku
1/4 final cütləri

Sauthempton – Arsenal
Çelsi – Port Veyl
Mançester Siti – Liverpul
Vest Hem – Lids

Bu mərhələnin oyunları 4-5 apreldə olacaq.

“Mançester Siti”nin sabiq futbolçusu Yaya Ture İngiltərə Premyer Liqasının cari mövsümünün çempionu olacaq komandanı açıqlayıb.

Arena.az xəbər verir ki, ivuarlı keçmiş mərkəz yarımmüdafiəçisi “Arsenal” və “Mançester Siti” arasında seçim edib:

“Hesab edirəm ki, “Mançester Siti” “Arsenal”dan daha yaxşı oynayır. Söhbət üslubdan, təcrübədən, oyuna yanaşmadan gedir. Bəli, zənnimcə, “Mançester Siti” Premyer Liqanı qazanacaq”, deyə Yaya Ture vurğulayıb.

“Arsenal”ın ingiltərəli keçmiş mərkəz hücumçusu Yan Rayt isə “topçular”ın əsas fasadı ilə bağlı qənaətini açıqlayıb:

“Oyunların sonlarında “Arsenal”ın əsəbiliyi baş qaldırır. Komanda daha arxayın oynaması üçün, qələbəni özü üçün daha erkən surətdə təmin etməlidir”, deyə Rayt vurğulayıb.

Xatırladaq ki, İngiltərə Premyer Liqasının cari mövsümündə 29 oyuna 64 xal toplamış “Arsenal” vahid liderdir. “Mançester Siti” isə 59 xalla (28 oyun) ikinci sırada qərarlaşıb.

“Mançester Siti”nin yeni transferi Antuan Semenyo fərdi hədəfləri ilə bağlı danışıb. 26 yaşlı futbolçu yanvarda “Bornmut”dan 72 milyon avro qarşılığında Pep Qvardiolanın komandasına transfer olunub.

Komanda.az “City Report”-a istinadən xəbər verir ki, qanalı forvard, yeni klubundakı məsuliyyətin fərqində olduğunu gizlətməyib:

“Özümə qarşı müəyyən tələblərim var. Bilirdim ki, “Mançester Siti”də üzərimdə təzyiq olacaq və məndən Erlinq Haland səviyyəsində məhsuldarlıq gözləniləcək. Amma bu məqsədləri mövsümün əvvəlində özüm üçün müəyyən etmişdim. Vəzifəm Haland kimi futbolçularla rəqabət aparmaqdır. Onunla eyni komandada çıxış etmək böyük şansdır. Qollar mənim genetikamın bir hissəsidir və sadəcə, eyni tempdə davam etmək istəyirəm”.

Semenyo “Mançester Siti”nin heyətində keçirdiyi 6 oyunda 4 qol vurub və 1 məhsuldar ötürmə verib.

The post “Vəzifəm Haland kimi futbolçularla rəqabət aparmaqdır” appeared first on Komanda.az.