“Sumqayıt”ın baş məşqçisi Saşa İliç Azərbaycan Kubokunun 1/4 finalında “Zirə”yə qarşı keçirdikləri cavab oyununu şərh edib.

Arena.az xəbər verir ki, sözügedən komandaların bu gün Zirədə baş tutmuş cavab görüşü meydan sahiblərinin 2:0 hesablı qələbəsi ilə yekunlaşıb.

Saşa İliç mübarizəni dayandırdıqları bu görüşdən sonra təşkil edilmiş mətbuat konfransında bunları söyləyib:

“İlk növbədə “Zirə”ni təbrik edirəm. Kubok oyunları çətin keçir. Birinci hissədə yaxşı oynadıq, fasilədən sonra buraxılan səhvlər qolla nəticələndi. İkinci hissədə oyunu dəyişməyə çalışdıq. Amma Nikola Ninkoviçin aldığı qırmızı vərəqə planlarımızı pozdu. Oyunçular verilən tapşırıqları yerinə yetirməyə çalışdılar. Fürsətlərimiz çox olmadı. “Zirə”nin də qol epizodu çox deyildi. İlk fürətdəcə qol vurdular. Bu mövsüm onlarla 4 oyun keçirdik və hamısında bir-birimizə bərabər oyun göstərdik. “Zirə” keyfiyyətli komandadır.

Ninkoviçdən gözləntilərimiz böyükdür. Bu gün qırmızı vərəqə aldı. Ola bilər ki, psixoloji problemləri var, dəqiq deyə bilmərəm. Ona ümidlərimiz var, amma o, hələ ki, ümidlərimizi doğrultmur.

Oyunçularla bağlı müzakirə etmək istəməzdim. Bəli, mövsümə yaxşı başlamışdıq. Müəyyən zamandan sonra eniş oldu. Qarşıda bizi oyunlar gözləyir. Çalışacağıq ki, əlimizdən gələni edək”.

Azərbaycan Kubokunun 1/4 final mərhələsinin “Zirə” – “Sumqayıt” oyunundan (2:0) sonra qonaq komandanın baş məşqçisi Saşa İliç jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– “Zirə”ni təbrik edirəm. Kubok oyunları çətin olur. İlk hissəni yaxşı oynadıq. İkinci hissədə buraxılan səhv qolla nəticələndi. Fasilədən sonra oyunu dəyişməyə çalışdıq. Amma Ninkoviçin aldığı qırmızı vərəqə planlarımızı pozdu.

– Qəbul edirsinizmi ki, komandada intizam problemi var?
– Deməzdim. Futbolçular çalışır ki, tapşırıqları etsinlər.

– Ninkoviçin qovulmasına qədər də rəqibin müdafiəsini yara bilmirdiniz. Bu, nə ilə bağlı idi?
– “Zirə”nin də çox şansı olmadı. İlk zərbəni qola çevirdilər. Bu mövsüm 4 oyun keçirdik və hər biri bərabərsəviyyədə oldu. “Zirə” keyfiyyətli klubdur. Onların fərdi bacarıqları yüksək olan futbolçuları var. Biz bacardığımızı etdik.

– Mövsümə yaxşı başlamışdınız. Aleksa Yankoviç fərq göstərirdi. Bəs sonra nə oldu ki, komandada eniş başladı?
– Futbolçularla bağlı müzakirə aparmaq istəməzdim. Yaxşı başlamışdıq, müəyyən məqamdan sonra oyunumuzda eniş görünür. Qarşıda oyunlar var. Ümidliyik, çalışacağıq ki, əlimizdən gələni edək.

– Avrokuboklara nə dərəcə ümidiniz qalıb?
– Reallığa qalsa, çətin məsələdir. Aradakı xal fərqi böyükdür.

– Ninkoviç təcrübəsinə görə komandanı arxasıyca aparacaq futbolçudur. Amma son iki oyunda qırmızı vərəqə alıb, komandanı çətinə salır. Psixoloji problem var, ya necə?
– Ninkoviçdən gözləntilərimiz böyükdür. Bu gün də “qırmızı” aldı. Bəlkə, nəsə psixoloji problemləri var. Ancaq ondan ümidliyik, hələlik ümidimizi doğrultmur.

Şahin Cəfərov

“Sumqayıt”ın baş məşqçisi Saşa İliç Azərbaycan Premyer Liqasının 22-ci turu çərçivəsində “Kəpəz”ə qarşı keçirdikləri oyunu şərh edib.

Arena.az xəbər verir ki, sözügedən komandaların bu gün Yevlaxda baş tutmuş oyunda “Sumqayıt” 0:3 hesabı ilə məğlub olub.

Saşa İliç matçdan sonra təşkil edilmiş mətbuat konfransında bunları söyləyib:

“Kəpəz”i qələbə münasibətilə təbrik edirəm. Fikrimcə, bura gəldiyim vaxtdan bəri ən pis birinci hissə oynadıq. İnana bilmirəm ki, bu cür asan qollar buraxdıq. İkinci hissəyə bir az yaxşı başladıq. Amma Ninkoviçin meydanı tərk etməsi oyuna təsirini göstərdi.

Daha yaxşı oynamağa çalışacağıq. Aleksander Ramalinqomun bir oyunluq cəzası qalıb. Bizi kubok matçı da gözləyir. Mövcud oyunçularla davam edəcəyik. Deməzdim ki, mən rahatam. Təbii ki, bununla bağlı müəyyən işlər görülür. İlk 20 dəqiqədə buraxılan qollar komandanın oyununu sındırdı.

Yankoviçin hərarəti yüksək idi. İki məşqdə iştirak etməmişdi. Ona görə bu matçda iştirak etmədi”.