Azərbaycan milli komandasının “FIFA Series – 2026” turniri üçün heyəti açıqlanıb. Komandamız martın 22-də Bakıda təlim-məşq toplanışına başlayacaq.

Futbolpress.az xəbər verir ki, yığmanın baş məşqçisi Ayxan Abbasov milliyə 27 futbolçu çağırıb.

İngiltərənin “Sanderlend” klubunun futbolçusu Dennis Çirkin milli komanda seçimini edib.

Futbolpress.az xəbər verir ki, 23 yaşlı müdafiəçi Latviya yığmasında oynayacaq. O, millinin toplanışına çağırılıb.

Çirkinin daha əvvəl AFFA-dan da təklif aldığı bildirilib.

Müdafiəçi bu mövsüm Premyer Liqada 7 oyuna çıxıb.

Beynəlxalq dərəcəli hakim-inspektor Asim Xudiyev UEFA-dan növbəti təyinat alıb.

Futbolpress.az xəbər verir ki, o, 19 yaşadək futbolçulardan ibarət komandalar arasında Avropa çempionatının seçmə mərhələ oyunlarının hakim-inspektoru olacaq. A. Xudiyev B Liqasının 5-ci qrupunda Niderland, Şimali Makedoniya, Moldova və Farer adaları milliləri arasında keçiriləcək matçlarda fəaliyyət göstərəcək.

Qrupun qarşılaşmaları 25-31 mart aralığında Niderlandda təşkil olunacaq.

AFFA-nın baş katibi Cahangir Fərəcullayev Regional Futbol Federasiyalarının (RFF) rəhbərləri ilə geniştərkibli görüş keçirib.

Futbolpress.az xəbər verir ki, görüşdə Regional Futbol Federasiyasının prezidenti İsgəndər Cavadov, eləcə də quruma üzv olan digər regional federasiyaların nümayəndələri iştirak ediblər.

Toplantı zamanı ölkə futbolunun regionlarda mövcud problemləri və onların aradan qaldırılması yolları müzakirə edilib. Xüsusilə futbol infrastrukturunun təkmilləşdirilməsi, uşaq və yeniyetmə futbolunun sistemli şəkildə inkişafı, eləcə də yerli məşqçi kadrlarının hazırlanması əsas prioritet istiqamətlər kimi önə çəkilib.

Bununla yanaşı, federasiyalar arasında əməkdaşlığın daha da gücləndirilməsi, yeni təşəbbüslərin təşviqi və regionlara göstərilən dəstəyin genişləndirilməsi məsələlərinə xüsusi diqqət ayrılıb. Bu istiqamətdə atılacaq məqsədyönlü addımların ölkə futbolunun inkişafına və regionlarda daha geniş yayılmasına töhfə verəcəyi vurğulanıb.

AFFA və Bakı Futbol Federasiyasının (BFF) birgə təşkilatçılığı ilə “D” kateqoriyalı məşqçi kurslarına start verilib.

Futbolpress.az xəbər verir ki, AFFA tərəfindən qəbul edilmiş Futbolun İnkişaf Strategiyasına uyğun olaraq Bayıl stadionunda təşkil olunan kursa ümumilikdə 25 iştirakçı cəlb edilib. Açılış mərasimində AFFA-nın Kütləvi Futbol Departamentinin rəhbəri Fərrux İsmayılov, BFF-nin prezidenti Tahir Süleymanov və məşqçi kurslarının təlimatçısı İlham Əzizzadə çıxış edərək iştirakçılara uğurlar arzulayıblar.

Daha sonra Kütləvi Futbol Departamentinin aparıcı mütəxəssisi Orxan Mikayıllı tərəfindən iştirakçılara kursun məqsədi və proqramı barədə ətraflı məlumat təqdim olunub. İlk gündə AFFA-nın məşqçi kurslarının təlimatçıları İlham Əzizzadə və Fərrux İsmayılov tərəfindən “Kütləvi futbolda əsas prinsiplər”, “Məşq metodları”, “Məşqçi davranışları” və digər mövzular üzrə təqdimatlar keçirilib. Təqdimatlar əsasında mövzular müxtəlif aspektlərdən geniş müzakirə olunub.
Qeyd edək ki, kursun ilk günü nəzəri hissədən ibarət olub və təlim proqramı ümumilikdə 3 gün davam edəcək.

Azərbaycan millisinin sabiq yarımmüdafiəçisi, veteran futbolçu Mirbağır İsayev UEFA-nın Elit Məşq Layihəsinə yeni rəhbər təyin olunub.

Arena.az xəbər verir ki, bu barədə AFFA-nın rəsmi saytı məlumat yayıb.

Xatırladaq ki, Mirbağır İsayev 1994-1999-cı illərdə formasını geyindiyi Azərbaycan milli komandasının heyətində 10 oyun keçirib, 1 qol vurub.

52 yaşlı mütəxəssis vaxtilə Azərbaycanın U-15, U-17 və U-21 yığmalarında baş məşqçi və məşqçi kimi çalışıb, “Standard”, “Ədliyyə”yə rəhbərlik edib, MOİK və “Neftçi”də baş məşqçi köməkçisi olub.

Azərbaycan Premyer Liqasında mübarizə aparan “Turan Tovuz” klubunun apellyasiya şikayəti qismən təmin edilib.

Arena.az xəbər verir ki, bu barədə AFFA Apellyasiya Arbitraj Tribunalı qərar çıxarıb.

Araşdırmalara əsasən, Kurban Berdıyevin hərəkətləri AFFA İntizam Məcəlləsinin 53.1-ci maddəsi ilə tövsif edilib. Buna görə “Turan Tovuz” komandasının baş məşqçisinə 3 oyunluq diskvalifikasiya, klubun özünə isə 6000 manat cərimə tətbiq olunub.

Qeyd edək ki, ötən il fevralın 5-də Azərbaycan Kubokunun 1/4 final mərhələsinin ilk oyunları çərçivəsində keçirilmiş “Turan Tovuz” – “Kəpəz” matçının 64-cü dəqiqəsində Kurban Berdıyev hakimi itələdiyinə görə birbaşa qırmızı vərəqə almış, daha sonra hakimləri təhqir etmişdi.

Buna görə AFFA İntizam Komitəsi məşqçiyə 4 oyunluq diskvalifikasiya, Tovuz klubuna isə 10000 manat cərimə vermişdi.

Apellyasiya Arbitraj Tribunalının qərarı ilə həmin qərar ləğv olunaraq cəza azaldılıb. Apellyasiya şikayəti qalan hissədə təmin edilməyib.

Birinci Liqada çıxış edən “Mingəçevir”in baş məşqçi Ramiz Məmmədovla bağlı verdiyi apellyasiya şikayəti də təmin olunub. Mütəxəssisin dörd oyunluq cəzasının biri İntizam Məcəlləsinin 19-cu maddəsinə uyğun olaraq təxirə salınıb. Məmmədova 6 aylıq sınaq müddəti təyin edilib.

Xatırladaq ki, Ramiz Məmmədov 15-ci turda “Şəfa”ya qarşı keçirdikləri matçın 45-ci dəqiqəsində hakimi təhqir etdiyi üçün 4 oyunluq diskvalifikasiya edilib, klub 3 000 manat cərimələnib.

“Sabah”ın Oyunçuların Statusu və Transferi Komitəsinin 3 dekabr 2025-ci il tarixli 8604 saylı Qərarından verilmiş şikayətinə də baxılıb. Paytaxt klubunun apellyasiya şikayəti təmin edilməyib. Oyunçuların Statusu və Transferi Komitəsinin “Yusif İmanov – “Sabah” Futbol Klubu” işi ilə əlaqədar qəbul etdiyi 3 dekabr 2025-ci il tarixli 8604 saylı qərarı öz qüvvəsində saxlanılıb.

Özbəkistanda təlim-məşq toplanışında olan 19 yaşadək qadın futbolçulardan ibarət Azərbaycan millisi ikinci yoxlama oyununu keçirib.

Komanda.az AFFA-ya istinadən xəbər verir ki, milli komanda Daşkənddə Özbəkistanın müvafiq yaş qrupundan ibarət yığması ilə qarşılaşıb. Oyun meydan sahiblərinin 4:0 hesablı qələbəsi ilə yekunlaşıb.

U-19 ilk yoxlama oyununda 3:2 hesablı qələbə qazanıb.

The post Azərbaycan millisi Özbəkistanda ikinci yoxlama oyununu keçirib appeared first on Komanda.az.