“Bavariya” Bundesliqanın XIV turunda “Maynts”la heç-heçə edib – 2:2.

Futbolpress.az xəbər verir ki, Münhen təmsilçisi çempionatda artıq 51 qol vurub. “Bavariya” Bundesliqada 50 qola ən tez çatan klub olub.

Komanda 14 turdan sonra 38 xalla liderdir.

“Real”ın futbolçusu Vinisius Junior açıqlama verib.

Futbolpress.az xəbər verir ki, braziliyalı hücumçu La Liqanın XVI turunda “Alaves”lə matçda (2:1) hakim idarəçiliyindən narazı qalıb:

“İkinci hissənin sonlarında rəqib oyunçu cərimə meydançasında ayağıma vurdu. Ancaq hakimin fiti susdu, VAR müdaxilə etmədi. Bunun bir səbəbi var. Çünki penalti mənə qarşı edilmişdi”.

“Liverpul”un sabiq baş məşqçisi Brendan Rocers Səudiyyə Ərəbistanıda çalışa bilər.

Futbolpress.az xəbər verir ki, “Əl Qadsiya” klubu komandanın sükanı arxasında mütəxəssisi gətirmək istəyir. Bu barədə “aawsat.com” saytı məlumat yayıb.

Rocersin son ünvanı “Seltik” olub. O, bu ilin oktyabrından işsizdir. 52 yaşlı mütəxəssis daha əvvəl “Lester” və “Liverpul”da çalışıb.

“Barselona” La Liqanın XVI turunda “Osasuna”nı məğlub edib – 260.

Futbolpress.az xəbər verir ki, kataloniyalıların hücumçusu Robert Levandovski budun arxa səthində yaranan problemlərə görə bu oyunda iştirak etməyib.

Bərpa keçən forvardın İspaniya Kubokunda çərşənbə axşamı “Qvadalahara”ya qarşı keçiriləcək oyunu da buraxa bilər.

37 yaşlı hücumçu bu mövsüm 17 oyunda 8 qol vurub.

İspaniya La Liqasının XVI turunun “Levante” – “Vilyarreal” oyunu təxirə salınıb.

Futbolpress.az xəbər verir ki, dünən baş tutmalı matç əlverişsiz hava şəraitinə görə keçirilməyib. Bu barədə yarışın rəsmi saytı məlumat yayıb.

“Vilyarreal” La Liqada 35 xalla üçüncü sıradadır. 20 xalı olan “Levante” 9-cudur.

Bu gün İngiltərə Premyer Liqasında XVI turun növbəti oyunları keçirilib.

Futbolpress.az xəbər verir ki, “Çelsi” “Everton”u, “Liverpul” “Brayton”u məğlub edib.

“Arsenal” son dəqiqələrdə vurduğu qolla “Vulverhempton”a qalib gəlib.

“Mançester Siti” bu turda səfərdə “Kristal Pelas”ı məğlub edib. “Tottenhem” isə “Nottingem Forest”ə uduzub.

İngiltərə Premyer Liqası
XVI tur

13 dekabr

Çelsi – Everton 2:0
Qollar: K.Palmer, 21, M.Qusto, 45

Liverpul – Brayton 2:0
Qollar: H.Ekitike, 1, 60

Bernli – Fulhem 2:3
Qollar: L.Uqoçukvu, 21, O.Sonne, 86 – E.Smit-Rou, 9, K.Bassi, 31, H.Vilson, 58

Arsenal – Vulverhempton 2:1
Qollar: S.Conston, 70 (avtoqol), Y.Moskera, 90+4 (avtoqol) – T.Arokodare, 90

14 dekabr

Kristal Pelas – Mançester Siti 0:3
Qollar: Haland, 41; 89 (pen.) Foden, 69.

Nottingem Forest – Tottenhem 3:0
Qollar: Hodson-Odoi, 28; 50. Sanqare, 79.

Sanderlend – Nyukasl 1:0
Qol: Voltemade, 46 (avtoqol)

Vest Hem – Aston Villa 2:3
Qollar: M.Fernandes, 1. Bouen, 24 – Mavropanos, 9-öz qapısına. M.Rocers, 50; 79.

Brentford – Lids 1:1
Qollar: Henderson, 70 – Levin, 82.

15 dekabr

00:00 Mançester Yunayted – Bornmut

Fransa Liqa 1-də XVI turun oyunları keçirilir.

Futbolpress.az xəbər verir ki, ilk oyun günündə “Anje” “Nant”a qalib gəlib.

PSJ bu turda “Mets”i məğlub edib. “Tuluza” isə səfərdə “Paris”dən üstün olub.

Fransa Liqa 1
XVI tur

12 dekabr

Anje – Nant 4:1
Qollar: Abdelli, 17-pen. Şerif, 60. Djibirin, 85. Raolisoa, 90+4 – Kentonse, 81.

13 dekabr

Renn – Brest 3:1
Qollar: Lepaul, 24. Tamari, 25. Meyte, 87 – Balde, 13.

Mets – PSJ 2:3
Qollar: Deminge, 42. Çitaişvili, 80 – Q.Ramos, 31. Ndjantu, 39. Due, 63.

Paris – Tuluza 0:3
Qollar: İdalqo, 29. Qboho, 37; 69.

14 dekabr

18:00. Lion – Havr
20:15. Oser – Lill
20:15. Lans – Nitsa
20:15. Strasburq – Loryan
23:45. Marsel – Monako

İtaliya A Seriyasında XV turun oyunları keçirilir.

Futbolpress.az xəbər verir ki, ilk oyun günündə “Leççe” “Piza”dan üstün olub.

“Torino” “Kremoneze”ni, “Latsio” “Parma”nı məğlub edib. “Atalanta” azarkeşləri önündə “Kalyari”yə qalib gəlib.

“Milan” və “Udineze” bu turda xal itirib. “Yuventus” isə “Bolonya” səfərindən qələbə ilə dönüb.

İtaliya A Seriyası
XV tur

12 dekabr

Leççe – Piza 1:0
Qol: Ştuliç, 72.

13 dekabr

Torino – Kremoneze 1:0
Qol: N.Vlaşiç, 27

Parma – Latsio 0:1
Qol: T.Noslin, 82

Atalanta– Kalyari 2:1
Qollar: C.Skamakka, 11, 81 – C.Qaetano, 75

14 dekabr

Milan – Sassuolo 2:2
Qollar: D.Bartesagi, 34, 47 – İ.Kon, 13, A.Lorente, 77

Fiorentina – Verona 1:2
Qollar: U.Nunyes, 69 – G.Orban, 42, 90+3

Udineze – Napoli 1:0
Qol: J.Ekkelenkamp, 73

Cenoa – İnter 1:2
Qollar: Vitinya, 68 – Y.Bissek, 6, L.Martines, 38

Bolonya – Yuventus 0:1
Qol: Y.Kabal, 64

15 dekabr

23:45. Roma – Komo

PSJ-nin qapıçısı Luk Şevalye zədəsini sağaldıb.

Futbolpress.az xəbər verir ki, bu barədə komandanın baş məşqçisi Luis Enrike yerli mətbuata açıqlamasında deyib. O, fransalı qolkiperin məşqlərə başladığını bildirib.

Şevalye zədə üzündən Paris klubunun son iki matçında meydana çıxmayıb.

İtaliya A Seriyasında noyabr ayının ən yaxşı baş məşqçisi açıqlanıb.

Futbolpress.az xəbər verir ki, bu, “Milan”ın çalışdırıcısı Massimiliano Alleqridir.

Onun rəhbərlik etdiyi komanda ötən ay 4 oyunda 3 qələbə qazanıb. “Milan” “Roma”nı, “İnter”i, “Latsio”nu 1:0 hesabıyla məğlub edib, “Parma” ilə heç-heçəyə razılaşıb (2:2).

“Milan” A Seriyasında 14 turdan sonra 31 xalla birinci sıradadır.

“Real”ın futbolçusu Kilian Mbappe sabiq klubu PSJ-yə qarşı açdığı məhkəməni uduzub.

Futbolpress.az xəbər verir ki, bu barədə “RMC Sport” nəşri məlumat yayıb.

Mbappe keçmiş klubundan 55 milyon avro məbləğində bonusları və 2024-cü ilin aprel-iyun ayları üçün maaşının ödənilməsini tələb etmişdi. Məhkəmə fransalı hücumçunun tələbini rədd edib.

PSJ tərəfi Mbappenin azad agent kimi “Real”a keçə bilmək üçün bonus və maaş tələbindən könüllü imtina etdiyini açıqlamışdı.

İddiası rədd edilən Mbappe məhkəmə xərclərini qarşılayacaq, eyni zamanda PSJ-yə kompensasiya üçün 3 milyon avro cərimə ödəyəcək.

“Atletiko”nun futbolçusu Yulian Alvares adının “Barselona” ilə hallanmasına münasibət bildirib.

Futbolpress.az İspaniya mətbuatına istinadən xəbər verir ki, argentinalı hücumçu xəbərlər haqda bunları deyib:

“Danışılanlar məni narahat etmir. Bütün diqqətim özümdə, komandaya kömək olmaqdadır. Bir oyunçu kimi inkişaf etməyə və qazanmağa çalışmalıyam”.

Alvares bu mövsüm 21 oyunda 11 qol vurub.

“Liverpul”un hücumçusu Məhəmməd Salah bağışlanıb.

Futbolpress.az xəbər verir ki, bir müddət əvvəl tənqidi açıqlamaları ilə baş məşqçi Arne Slotun qərarı ilə komandadan kənarlaşdırılan hücumçu heyətə qayıdıb. Bu barədə “Sky Sports” məlumat yayıb.

Salah Premyer Liqada “Brayton”la oyunda iştirak ərizəsində olacaq.

33 yaşlı hücumçu bu mövsüm çempionatda 13 oyunda 4 qol vurub.

“Nant” klubunun yeni baş məşqçisi açıqlanıb.

Futbolpress.az xəbər verir ki, komandanın sükanı Ahmed Kantariyə tapşırılıb. Bu barədə klubun mətbuat xidməti məlumat yayıb. 40 yaşlı mütəxəssislə müqavilə 2026-cı ilin yayına kimi nəzərdə tutulub.

Kantari bu postda bir neçə gün əvvəl istefaya göndərilən Luiş Kaştrunu əvəzləyib.

“Nant” Liqa 1-də 15 turdan sonra 11 xalla 17-ci sıradadır.

İngiltərə Premyer Liqasında noyabr ayının ən yaxşı futbolçusu açıqlanıb.

Futbolpress.az xəbər verir ki, bu, “Brentford”un hücumçusu İqor Tiaqodur.

Forvard ötən ay 4 oyunda 5 qol vurub.

İngiltərə Premyer Liqasında noyabr ayının ən yaxşı baş məşqçisi açıqlanıb.

Futbolpress.az xəbər verir ki, bu, “Çelsi“nin çalışdırıcısı Enzo Mareskadır.

Mütəxəssisin rəhbərlik etdiyi “zadəganlar” ötən ay 4 oyunda 3 qələbə qazanıb.

“Çelsi” Premyer Liqada 15 turdan sonra 25 xalla 5-ci sıradadır.

“Əl İttihad”ın hücumçusu Kərim Benzema DÇ-2026-da oynamaq istəyir.

Futbolpress.az xəbər verir ki, o, bu barədə “Lequipe” nəşrinə açıqlamasında deyib. Benzema Fransa yığmasının heyətində mundialda iştirak etmək istədiyini bildirib.

37 yaşlı hücumçu millidə 97 oyunda 37 qol vurub. O, 2022-ci ildə “Qızıl top” mükafatını qazanıb.

ABŞ, Meksika və Kanadanın ev sahibliyi edəcəyi mundial gələn il 11 iyun – 19 iyul tarixlərində olacaq.

“Bavariya” müdafiəçisi Saşa Boeyi satmaq istəyir.

Futbolpress.az xəbər verir ki, bu barədə insayder Fabrizio Romano məlumat yayıb. Münhen klubu qış transfer dönəmində oyunçu üçün gələcək təklifləri dəyərləndirəcək.

“Bavariya” 25 yaşlı futbolçu üçün 15 milyon avro tələb edir.

Boey bu mövsüm 14 oyuna çıxıb.

“İnter” itki ilə üzləşib.

Futbolpress.az xəbər verir ki, komandanın müdafiəçisi Françesko Açerbi sıradan çıxıb. Bu barədə klubun mətbuat xidməti məlumat yayıb.

“Liverpul”la Çempionlar Liqası matçında (0:1) zədə alan Açerbi azı bir ay yaşıl meydanlardan uzaq qalacaq. 

“Qalatasaray“ın futbolçusu Mauro İkardi karyerasını İtaliyada davam etdirə bilər.

Futbolpress.az xəbər verir ki, argentinalı hücumçu “Milan”a təklif edilib. Bu barədə İtaliya mətbuatı məlumat yayıb. “Qırmızı-qaralar” yanvarda heyətini təcrübəli forvardla gücləndirmək istəyir. Namizədlər arasında İkardi də var.

32 yaşlı hücumçu bu mövsüm 20 oyunda 7 qol vurub. O, İtaliyada daha öncə “Napoli” və “İnter”də çıxış edib.

İtaliya A Seriyasında noyabr ayının ən yaxşı futbolçusu açıqlanıb.

Futbolpress.az xəbər verir ki, bu, “Kremoneze”nin hücumçusu Ceymi Vardidir.

İngiltərəli futbolçu ötən ay 3 oyunda 3 qol vurub.

“Kremoneze” 14 turdan sonra 20 xalla 9-cudur.

“Əl İttihad”ın hücumçusu Kərim Benzema sabiq klubu “Real” haqda danışıb.

Futbolpress.az “Lequipe”yə istinadən xəbər verir ki, forvard “kral klubu”nun son oyunlardakı çıxışına toxunub:

“Mbappe,Vinisius,Bellingem və Rodriqo arasında anlaşılmazlıq var. İndiki məqamda əsas problem budur. Hər futbolçu meydanda nə etməli olduğunu bilməlidir. Məsələn, Mbappe pleymeyker deyil, hücumçudur. Vinisius dayaq yox, hücum oyunçusudur, sol vingerdir. Hər futbolçu mövqeyində düzgün oynamalıdır”.

Benzema 2009-2023-cü illərdə “Real”ın formasını geyinib.

“Barselona” futbolçusu Erik Qarsiya ilə müqaviləni uzadıb.

Futbolpress.az xəbər verir ki, bu barədə klubun mətbuat xidməti məlumat yayıb. 24 yaşlı futbolçunun sözləşməsi 2031-ci ilin yayına kimi artırılıb.

Qarsiya bu mövsüm 22 oyunda 1 qol vurub.

Çempionlar Liqasında həftənin rəmzi komandası açıqlanıb.

Futbolpress.az xəbər verir ki, heyətdə “Real”ı məğlub edən “Mançester Siti”dən bir futbolçu yer alıb.

Qapıçı: Unai Simon (“Atletik Bilbao”).

Müdafiəçilər: Niko O’Rayli (“Mançester Siti”), Məhəmməd Salisu (“Monako”), David Hantsko (“Atletiko Madrid”), Jül Kunde (“Barselona”)

Yarımmüdafiəçilər: Lenart Karl (“Bavariya”), Riçard Rios (“Benfika”), Şarl De Ketelare (“Atalanta”)

Hücumçular: Entoni Qordon (“Nyukasl”), Meyson Qrinvud (“Marsel”), Noni Madueke (“Arsenal”)

Fransanın “Nant” klubunun baş məşqçisi Luiş Kaştru ilə yollar ayrılıb.

Futbolpress.az xəbər verir ki, bu barədə Liqa 1 təmsilçisinin mətbuat xidməti məlumat yayıb. Mütəxəssislə müqaviləyə qarşılıqlı razılaşma əsasında xitam verilib.

“Nant” Fransa çempionatında 15 turdan sonra 11 xalla 17-ci sıradadır.

“Real”ın futbolçusu Cud Bellingem Çempionlar Liqasında “Mançester Siti”yə uduzduqları oyundan (1:2) sonra fikirlərini bölüşüb.

Futbolpress.az “CBS Sports”a istinadən xəbər verir ki, yarımmüdafiəçi bunları deyib:

“Komanda olaraq artırmalıyıq, inkişaf etdirməli olduğumuz şeylər var. Azarkeşlərin məni fitə basmalarını başa düşürəm. İnsanlar bizi izləmək üçün böyük pullar ödəyir. Biz dünyanın yaxşı klubu üçün oynayırıq və onları məyus etməli deyilik”.

“Monterrey”dən ayrılan Serxio Ramos karyerasını İngiltərədə davam etdirə bilər.

Futbolpress.az xəbər verir ki, müdafiəçi “Mançester Yunayted”in diqqət mərkəzinə düşüb. “Qırmızı şeytanlar” 39 yaşlı müdafiəçini azad agent kimi sıralarına qatmaq niyyətindədir.

Ramos bu mövsüm “Monterrey”də 15 oyunda 2 qol vurub.

“Liverpul”dan ayrılacağı gözlənilən Məhəmməd Salah bir neçə klubun diqqət mərkəzinə düşüb.

Futbolpress.az xəbər verir ki, Səudiyyə Ərəbistanı təmsilçiləri misirli hücumçunu heyətinə qatmaq üçün hərəkətə keçməyə başlayıb. Bu barədə “The Telegraph” nəşri məlumat yayıb.

“Əl Nəsr”, “Əl Hilal”, “Əl İttihad”,”Əl Əhli” və “Əl Qadisiya” 33 yaşlı futbolçunun xidmətində maraqlıdır. Səudiyyə Ərəbistanı çempionatının rəhbərliyi oyunçunun mümkün transferi üçün klublara maliyyə yardımı ayırmağa hazırdır.

Salah özü Avropada qalmaq niyyətindədir.

“Real”ın baş məşqçisi Xabi Alonso Çempionlar Liqasında “Mançester Siti”yə uduzduqları görüşü şərh edib.

Futbolpress.az xəbər verir ki, mütəxəssis 1:2 hesabıyla bitən matçla bağlı bunları deyib:

“Oyun gərgin keçdi. Hər iki komanda bəzi anlarda dominantlıq etdi. Rəqib qısa müddət ərzində oyunun gedişatını dəyişdi. Qoldan sonra irəli atıldıq, cəhdlər etdik, amma alınmadı. Kifayət qədər özümüzü tənqid edirik. Lakin çətin günlərin keçəcəyinə inanmalıyıq”.

“Real” futbolçusu David Alaba ilə yollarını ayıracaq.

Futbolpress.az xəbər verir ki, bu barədə insayder Fabrizio Romano məlumat yayıb. 33 yaşlı müdafiəçi mövsümün sonunda klubu tərk edəcək. Son iki mövsümdə tez-tez zədə alan Alabanın müqaviləsi uzadılmayacaq.

33 yaşlı futbolçu bu mövsüm La Liqada 3 oyuna çıxıb.

“Arsenal” Çempionlar Liqasının VI turunda “Brügge“ni səfərdə məğlub edib – 3:0.

Futbolpress.az xəbər verir ki, londonluların heyətində fərqlənən Qabriel Martinelli klubun tarixinə düşüb. O, “Arsenal”la Çempionlar Liqasında ardıcıl 5 qol vuran ilk braziliyalı oyunçu olub.

“Arsenal” 18 xalla birinci sıradadır.