Futbol üzrə Fransa millisinin kapitanı Kilian Mbappe DÇ-2026-nın yarımfinalında İspaniyaya 0:2 hesablı məğlubiyyətin səbəblərini açıqlayıb.

Arena.az xəbər verir ki, 27 yaşlı hücumçu komandasının nə texniki, nə də taktiki baxımdan oyun planını həyata keçirə bildiyini bildirib:

“Nə texniki, nə də taktiki baxımdan göstərmək istədiyimiz oyunu nümayiş etdirə bilmədik. Dünya çempionatının yarımfinalında etməli olduqlarını yerinə yetirmirsənsə, qalib gəlmək mümkün deyil.

İspaniya öz oyun planına və futbol fəlsəfəsinə sadiq qaldı. Onlar topa və oyunun tempinə nəzarət etməyi sevirlər. Bizim planımız isə onlara yüksək təzyiq göstərmək, öz ritmlərini tapmalarına imkan verməmək idi”.

Mbappe topu qazandıqları epizodlarda belə səhvlərə yol verdiklərini vurğulayıb:

“Hətta topu ələ keçirdiyimiz anlarda belə ilk toxunuşlarımız kifayət qədər keyfiyyətli deyildi. Məhz bu cür detallar məğlubiyyətə səbəb oldu.

Bu, bizim üçün böyük məyusluqdur. Amma obyektiv olsaq, finala yüksəlmək üçün lazım olan bütün şərtlərə malik deyildik”.

Xatırladaq ki, İspaniya yarımfinalda Fransanı 2:0 hesabı ilə məğlub edərək DÇ-2026-nın finalına yüksəlib. Turnirin ikinci yarımfinalında Argentina və İngiltərə milliləri üz-üzə gələcək. Final oyunu isə iyulun 19-da keçiriləcək.

Fransa millisinda baş məşqçi Didye Deşam vəzifəsindən ayrılıb.

Futbolpress.az xəbər verir ki, bu barədə insayder Fabrizio Romano məlumat yayıb. Mütəxəssisin müddəti başa çatan müqaviləsi uzadılmayıb.

Fransa yığmasının yeni baş məşqçisi Zinəddin Zidan olacaq. Təyinatın yaxın zamanda açıqlanacağı gözlənilir.

“Xoruzlar” dünya çempionatında yarımfinalda İspaniyaya uduzub – 0:2.

Fransa millisinin baş məşqçisi Didye Deşam DÇ-2026-da İspaniyaya məğlub olduqları yarımfinal oyunundan sonra fikirlərini bölüşüb.

Futbolpress.az “RMC Sport”a istinadən xəbər verir ki, mütəxəssis 0:2 hesabıyla bitən görüşlə bağlı bunları deyib:

“Başa düşürəm, məyusuq, istədiyimiz kimi oynamadıq. Dünya çempionatında ən zəif performansı göstərdik. Ancaq soruşuram, bu hakimin yarımfinalda nə işi var? Özüm cavab verməyəcəyəm, amma şübhəli məqamlar var idi. Məğlubiyyətə bəhanə gətirmirəm, zəif oynadığımızı qəbul edirəm, ancaq hakimin işi də çox aşağı oldu. Sanki ispanlara simpatiyası var idi”.

Fransa – İspaniya oyununu salvadorlu İvan Barton idarə edib. O, görüşdə fransızların qapısına penalti təyin edib.

Hücumameyilli yarımmüdafiəçi Torqan Hazard Belçikanın “Anderlext” klubundan azad agent kimi ayrılaraq yetirməsi olduğu “Lans”a qayıdıb.

Arena.az xəbər verir ki, bu barədə Fransa klubu rəsmi saytı vasitəsilə məlumat yayıb.

33 yaşlı futbolçu ilə imzalanmış müqavilənin müddəti 2028-ci ilin yayına qədər nəzərdə tutulub.

Xatırladaq ki, Torqan Hazard son üç mövsümü “Anderlext”də keçirib. O, bundan əvvəl Dortmund “Borussiya”sı, Mönhenqladbax “Borussiya”sı, “Çelsi” və “Sulte Varegem” klublarının şərəfini qoruyub.

Belçikalı futbolçu məhz “Lans” akademiyasının yetirməsidir. Bir sözlə o, peşəkar karyerasına başladığı kluba yenidən qayıdıb. Hazard vaxtilə bu klubun əsas komandasında 16 oyuna çıxıb, 1 məhsuldar ötürmə müəllifi olub.

Hazarda 2013-cü ildə debüt etdiyi Belçika millisinin heyətində keçirdiyi 47 oyunda 9 qol vurub, 8 məhsuldar ötürmə müəllifi olub.

Sonda onu da xatırladaq ki, Torqan, Eden Hazardın qardaşıdır.

Fransa millisinin futbolçusu Kilian Mbappe zədəsini tam sağaltmayıb.

Futbolpress.az xəbər verir ki, bu barədə “RMC Sport” məlumat yayıb. Forvardın hələ də sağ ayaq topuğunda ağrılar var. Buna baxmayaraq, onun İspaniya ilə yarımfinal matçına start heyətdə başlamaq ehtimalı yüksəkdir. Onun ağrıkəsicilərlə meydana çıxacağı bildirilir.

Bu gün keçiriləcək Fransa – İspaniya oyununa saat 23:00-da start veriləcək.

Fransa millisi DÇ-2026-nın yarımfinalında bu gün İspaniya ilə qarşılaşacaq.

Futbolpress.az xarici KİV-ə istinadən xəbər verir ki, fransızların baş məşqçisi Didye Deşam matçın favoritinin ispanlar olduğunu deyib:

“Şübhəsiz ki, favorit İspaniyadır. Onlar çox gözəl futbol sərgiləyilər. Top onlarda olanda hər an təhlükə yaratmaq bacarığındadırlar. Mundialda da çoxlu qol vurublar və yalnız birini buraxıblar”.

Fransa – İspaniya oyununa saat 23:00-da start veriləcək.

Futbol üzrə Fransa çempionatının sonuncu qalibi olan PSJ əslən Tunisdən olan yarımmüdafiəçisi Adam Ayari ilə peşəkar müqavilə imzalayıb.

Arena.az xəbər verir ki, bu barədə Paris təmsilçisi rəsmi saytı vasitəsilə məlumat yayıb.

Yeni müqaviləyə əsasən, hücumameyilli yarımmüdafiəçi 2029-cu ilin iyun ayınadək Paris təmsilçisinin formasını geyinəcək.

2008-ci il martın 30-da Parisdə anadan olmuş Ayari 6 yaşında PSJ akademiyasına qoşulub. Klubun yetirməsi sayılan futbolçu texniki bacarığı, kreativliyi və oyun quruculuğu ilə bütün yaş qruplarında diqqət çəkərək əsas perspektivli futbolçulardan birinə çevrilib.

O, ötən mövsüm PSJ-nin U-19 komandasında Fransa çempionatında keçirdiyi 20 oyunda 7 qol vurub və 6 məhsuldar ötürmə edib. Ayarinin uğurlu çıxışı sayəsində Paris klubu ardıcıl ikinci dəfə U-19 Fransa çempionu olub.

Gənc futbolçu həmçinin “Coupe Gambardella” turnirində komandasının qələbəsində mühüm rol oynayıb. O, altı oyunda 7 qol və 3 məhsuldar ötürmə ilə yadda qalıb. PSJ bununla da 35 ildən sonra ilk dəfə bu nüfuzlu gənclər kubokunu qazanıb.

Adam Ayari UEFA Gənclər Liqasında da 5 qola imza atıb. O, eyni zamanda məktəbi uğurla başa vuraraq bakalavr imtahanını verib.

Futbolçu Fransanın U-16 millisindən etibarən bütün aşağı yaş qruplarında forma geyinib və hazırda U-19 yığmasının üzvüdür. O, Fransanın müxtəlif yaş qruplarından ibarət millilərində ümumilikdə 18 oyunda iştirak edib və 3 qol vurub.

Lion “Olimpik”inin fransalı yarımmüdafiəçisi və kapitanı Korentin Tolisso “toxucular”la müqaviləsinin müddətini 3 mövsümlük artırıb.

Arena.az xəbər verir ki, bu barədə klubun mətbuat xidməti məlumat yayıb.

Yeni müqaviləyə əsasən, 31 yaşlı fransalı mərkəz yarımmüdafiəçisi 2029-cu ilin iyun ayının sonuna qədər “Olimpik”in xidmətində olacaq.

Xatırladaq ki, Tolisso “toxucular”ın məzunudur və “Olimpik”dən kənarda yalnız bircə dəfə – 2017–2022-ci illərdə “Bayern”də çıxış edib. Yarımmüdafiəçi Münhen təmsilçisinin heyətində 5 dəfə Bundesliqa çempionu, 1 dəfə UEFA Çempionlar Liqasının, 2 dəfə isə ölkə kubokunun qalibi olub. Fransız oyunçu “Bayern”də 118 oyuna 21 qol və 15 məhsuldar ötürmə ilə yadda qalıb.

Tolissonun “Olimpik” karyerası isə 309 oyun, 57 qol və 36 məhsuldar ötürmədən ibarətdir.

Korentin Tolisso həmçinin Fransa millisinin heyətində 2018-ci ildə dünya çempionluğunu qazanıb. O, ölkəsinin yığma komandasında 28 oyuna 2 qol vurub.

“Çelsi”nin sabiq baş məşqçisi, ingilis mütəxəssis Liam Rosenyor bundan sonra Fransanın “Paris” komandasına rəhbərlik edəcək.

Arena.az xəbər verir ki, bu barədə Liqa 1 təmsilçisinin rəsmi saytı məlumat yayıb.

41 yaşlı ingilis mütəxəssislə 2028-ci ilin iyun ayınadək nəzərdə tutulmuş müqavilə imzalanıb.

Rosenyor bu vəzifədə ötən mövsüm komandanı Fransa çempionatında 11-ci pilləyə yüksəltmiş Antuan Kombuareni əvəzləyib.

“Paris”in idman direktoru Marko Neppe yeni baş məşqçi barədə danışarkən onun müasir futbol baxışına və liderlik keyfiyyətlərinə diqqət çəkib:

“Liam Rosenyor axtardığımız bütün xüsusiyyətləri özündə birləşdirir. O, müasir, tələbkar məşqçidir və futbolçuların, eləcə də komandanın inkişafına töhfə verməsi ilə tanınır. Taktiki bilikləri ilə yanaşı, idarəetmə bacarığı və kollektivi vahid məqsəd ətrafında birləşdirmək qabiliyyəti bizi xüsusilə cəlb etdi”.

“Paris” klubunun məlumatına görə, Rosenyor iyulun 9-dan etibarən komanda ilə işə başlayacaq.

Rosenyor bununla Fransa futboluna qayıdır. O, 2024–2026-cı illərdə “Strasburq”u çalışdırdıqdan sonra bu ilin yanvarında “Çelsi”nin baş məşqçisi təyin olunmuşdu. Lakin onun London klubundakı fəaliyyəti cəmi dörd aya yaxın davam edib. Müqaviləsinin müddəti 2032-ci ilə qədər olsa da, uğursuz nəticələr səbəbindən klub onunla yollarını ayırmışdı.

İngilis mütəxəssis “Çelsi”yə rəhbərlik etdiyi 23 oyunda 11 qələbə, 2 heç-heçə və 10 məğlubiyyətlə yadda qalıb.

Rosenyor daha öncə İngiltərənin “Hall Siti”, Fransanın “Strasburq” komandalarını çalışdırıb, “Brayton” və “Derbi Kaunti”də köməkçi-məşqçi kimi işləyib.

İngiltərənin “Sanderlend” komandasında çıxış edən ispaniyalı hücumçu Elyeser Mayenda bundan sonra “Renn”in uğurları üçün çalışacaq.

Arena.az bu barədə Fransa klubunun rəsmi saytına istinadən xəbər verir.

Keçid Liqa 1 təmsilçisinə 22 milyon avro məbləğ müqabilində başa gəlib. Elyeser yeni klubu ilə 5 illik müqaviləyə imza atıb. O, 2031-ci ilin iyun ayının sonuna qədər müddət ərzində “qara-qırmızılar”ın xidmətində olacaq.

Elyeser Mayenda İspaniyada dünyaya gəlsə də, Fransa klublarının yetirməsi hesab edilir. 21 yaşlı mərkəz hücumçusu peşəkar karyerasına da “Soşo”da başlayıb. “Sanderlend” gənc forvardı 2023-cü ilin yayında cəmi 800 min avro müqabilində elə “Soşo”dan transfer etmişdi.

Mayenda “Sanderlend”in əsas komandasının heyətində 72 oyun keçirib, 12 qol vurub, 6 məhsuldar ötürmə müəllifi olub. O, bir müddət Şotlandiyanın “Hibernian” klubunda icarədə də olub.

İspaniyanın U-17 və U-21 yığmalarında oynamış Mayendaya əsas millidə debüt hələ qismət olmayıb.

“Transfermarkt” internet-portalı 21 yaşlı hücumçunun transfer dəyərini 16 milyon avro məbləğində qiymətləndirir.

Fransa Liqa 1-də 21-ci turun oyunları keçirilir.

Komanda.az xəbər verir ki, bu gün 3 oyun baş tutub.

“Lans” evdə “Renn”ə, “Brest” “Loryan”a, Lion “Olimpik”i isə səfərdə “Nant”a qalib gəlib.

Fransa Liqa 1
21-ci tur
6 fevral

Mets – Lill 0:0

7 fevral

Lans – Renn 3:1
Qollar: Eduard, 41. Aqilar, 54. Sent-Maksimin, 78 – Lepaul, 8.

Brest – Loryan 2:0
Qollar: Laskari, 50. Ayorke, 77.

Nant – Olimpik (Lion) 0:1
Qol: Şults, 25.

8 fevral

18:00. Nitsa – Monako
20:15. Anje – Tuluza
20:15. Oser – Paris
20:15. Havr – Strasburq
23:45. PSJ – Olimpik (Marsel)

The post “Lans” 3 xalı 3 qolla qazandı appeared first on Komanda.az.