სამსახურებრივი უფლებამოსილების ბოროტად გამოყენების ბრალდებით დაკავებულ, საქართველოს მუნიციპალური განვითარების ფონდის ყოფილი აღმასრულებელი დირექტორს დავით ტაბიძეს აღკვეთის ღონისძიების სახით 300 ათასი ლარის ოდენობის გირაო შეეფარდა.
გადაწყვეტილება მოსამართლე ირაკლი ხუსკივაძემ მიიღო.
საქმე ეხება მუნიციპალური განვითარების ფონდიდან 30 საბავშვო ბაღის რეაბილიტაციისთვის გამოყოფილი 9 365 801 ლარის თაღლითურად დაუფლებისა და 1 211 000 ლარის უკანონო შემოსავლის ლეგალიზაციის საქმეს, რაზეც დაკავებულები არიან შპს „ლაგი კაპიტალის“ ხელმძღვანელი პირები.
აღნიშნულ საქმეზე ასევე დაკავებულები იყვნენ ფონდის პროგრამის მენეჯერი და ამავე სამსახურის პროექტის მენეჯერი, რომლებმაც გამოძიებასთან ითანამშრომლეს და მათ აღკვეთის ღონისძიების სახით გირაო შეეფარდათ.
„გამოძიებით დადგენილია, რომ ისინი ფლობდნენ ინფორმაციას, რომ შპს „ლაგი კაპიტალის“ მიერ 2023 წლის ივლისიდან 2024 წლის მაისამდე პერიოდში წარდგენილი ავანსის მოთხოვნები იყო დაუსაბუთებელი და მხოლოდ ნაწილობრივ უზრუნველყოფილი. დასახელებულმა პირებმა სამსახურებრივი უფლებამოსილება ბოროტად გამოიყენეს და უპირატესობის მინიჭების მიზნით, მიუხედავად იმისა, რომ კომპანიის მიერ 2023 წლის ივლისის თვეში მიღებული ავანსი არ იყო დახარჯული მიზნობრივად, 2023-2024 წლებში შპს „ლაგი კაპიტალზე“ საბავშვო ბაღების რეაბილიტაციისთვის მაინც გასცეს 11 218 380 ლარის დაუსაბუთებელი ავანსი, საიდანაც შპს „ლაგი კაპიტალის“ ხელმძღვანელი პირები თაღლითურად დაეუფლნენ 9 365 801 ლარს“, — ნათქვამია ფინანსთა სამინისტროს საგამოძიებო სამსახურის განცხადებაში.

2025 წლის წლის 9 თვის მონაცემებით, საქართველოს აეროპორტები რეკორდული რაოდენობის მგზავრსა და რეისებს მოემსახურნენ. იანვარ-სექტემბრის განმავლობაში განხორციელებული ფრენების რაოდენობა ჯამურად, (28 681) 18%-ით აღემატება 2024 წლის ანალოგიურ პერიოდში განხორციელებული ფრენების (24 348) რაოდენობას.
საქართველოს აეროპორტების გაერთიანების გენერალური დირექტორის, ლევან მოსეშვილის განცხადებით, 2025 წლის პირველი 9 თვის მონაცემებით, საქართველოს აეროპორტებში ისტორიულად მაღალი მგზავრთნაკადი და რეისების რაოდენობა დაფიქსირდა. იანვარ-სექტემბერში საქართველოს აეროპორტები 6 489 755 მგზავრს მოემსახურნენ, რაც 2024 წლის ანალოგიურ პერიოდში არსებული მგზავრთნაკადის (5 682 304) რაოდენობას 14%-ით მეტია.
,,2025 წლის პირველი ცხრა თვის მონაცემები ცხსდყოფს უპრეცედენტო ზრდას საქართველოს საავიაციო სექტორში. ჩვენი აეროპორტები 6 ნახევარ მილიონამდე მგზავრს მოემსახურნენ, რაც რეკორდული მაჩვენებელია.
ფრენების და მგზავრთნაკადის ზრდა ნათლად ასახავს ჩვენი სწორად დაგეგმილი საავიაციო პოლიტიკის შედეგს და იმ დინამიკურ განვითარებას, რომელიც საქართველოს რეგიონში კიდევ უფრო გამორჩეულ პოზიციაზე აყენებს,-‘’განაცხადა ლევან მოსეშვილმა.
იანვარ-სექტემბერში თბილისის საერთაშორისო აეროპორტი 4 067 202 მგზავრს მოემსახურა და ზრდამ 2024 წლის ანალოგიურ პერიოდთან მიმართებაში 12%-ი შეადგინა. ქუთაისის დავით აღმაშენებლის სახელობის საერთაშორისო აეროპორტმა 9 თვეში 1 407 814 მგზავრი მიიღო და მოემსახურა, რაც 10%-ით აღემატება გასული წლის მონაცემებს. ყველაზე მაღალი ზრდა კი ბათუმის საერთაშორისო აეროპორტში დაფიქსირდა, კერძოდ, 9 თვეში აეროპორტი 995 099 მგზავრს მოემსახურა, რაც შარშან გადაყვანილი მგზავრების რაოდენობაზე 32%-ით მეტია.
ინფორმაციას აეროპორტების გაერთიანება ავრცელებს

ბიზნესების დაცვის მოტივით, ბარათით გადახდის მაქსიმალური საკომისიო შესაძლოა 0.5% გახდეს – პარლამენტში შესაბამისი საკანონმდებლო ინიციატივა სექტემბერში დარეგისტრირდა. ცვლილების ინიციატორები მიუთითებენ, რომ დღეისათვის პოსტერმინალებით გადახდის მთლიანი საკომისიო საკმაოდ მაღალია, რაც ბიზნესისთვის მძიმე ფინანსური წნეხია.
BTU-ს ასოცირებულ პროფესორი მაია ხელაძე “საქმის კურსთან” ინტერვიუში აცხადებს, რომ ინიციატივას ახლავს რისკები, რომელიც გასათვალისწინებელია. მისი განმარტებით, ამის თქმის საფუძველს ევროკავშირში 2015 წელს მიღებული რეგულაცია აძლევს, რომელმაც ბარათით გადახდების საკომისიოები დაადგინა. მისი შეფასებით, რეგულაციის ამოქმედებამ სამერჩანტო ქსელს მოსალოდნელი ეკონომია არ მოუტანა და უფრო მეტიც, ბაზრის მონაწილეების ბაზრიდან გასვლის რისკები გააჩინა.
“ორი მიმართულებაა, რისთვისაც ღირს ამ რეგულაციის შემოღება და ასე ვთქვათ, სამერჩანტო საკომისიოს ზღვრის დაწესება. ერთია, რომ მეტი მერჩანტი მოვიზიდოთ ჩვენს ქსელში და უნაღდო ანგარიშსწორებას შეეწყოს ხელი და მეორე მიმართულება არის ფინტექ სექტორის და მცირე მოთამაშეების ხელშეწყობა, რომელიც იკითხება ამ კანონპროექტში. კერძოდ, ექვაირინგის მიმართულებით, სამერჩანტო ქსელების სისტემების განვითარება, მათთვის სხვადასხვა შესაძლებლობების მიცემა, აპლიკაციების შეთავაზება იმისთვის, რომ რაც შეიძლება ფართო სპექტრი მოიცვას გადახდების ფორმებმა.
ის, რომ რისკები არსებობს, ამის თქმის საფუძველს ის გვაძლევს, როგორ განვითარდა სხვა პრეცედენტები, მაგალითად, ევროკავშირში, სადაც ეს რეგულაცია ევროპულმა პარლამენტმა მიიღო 2015 წელს, 29 აპრილს და მას შემდეგ მოქმედებს, როდესაც მაქსიმალური სამერჩანტო საკომისიო განისაზღვრა სადებეტო ბარათებისთვის 0,2%-ის ოდენობით და საკრედიტო ბარათების შემთხვევაში 0,3%-ის ოდენობით და ინტერნეტ გადახდებზე 1,5%-იანი ზღვარი განისაზღვრა. მოსალოდნელი შედეგი, რაც უნდა დამდგარიყო, 6 მილიარდი დოლარის ეკონომია სამერჩანტო ქსელისთვის, ვერ მიიღეს, დანაზოგი იყო მხოლოდ მოსალოდნელი თანხის 50%.
იგივე რომ არ განმეორდეს ჩვენთანაც, საჭიროა უფრო ფოკუსირებული მიდგომა. იმიტომ, რომ რისკები, რომელიც დგება, არის ის, რომ შეიძლება მოთამაშეები გავიდნენ ბაზრიდან, ისინი, ვინც უზრუნველყოფენ ამ გადახდების სისტემის ამოქმედებას,“- ამბობს BTU-ს ასოცირებულ პროფესორი მაია ხელაძე.
ჯერჯერობით ინიციატივის განხილვა პარლამენტში არ დაწყებულა, შეფასებები არ კეთდება არც საბანკო ასოციაციის მხრიდან. გასულ კვირას საკითხთან დაკავშირებით კომენტარი გააკეთა ეროვნული ბანკის პრეზიდენტმა ნათია თურნავამ, რომელიც ამბობს, რომ კომუნიკაცია ექნებათ საბანკო სექტორთან.
bm.ge

აფხაზეთში რამდენიმე პოლიტიკური პარტია და საზოგადოებრივი მოძრაობა [“ФНЕА” , “АПСНЫ”, “АКЗААРА”, “АРУАА”, “АНД”
“СОВРЕМЕННОЕ ГОСУДАРСТВО” ] დე ფაქტო პრეზიდენტ ბადრა გუნბას მიმართავს მოწოდებით, გაწმინდოს ხელისუფლება იმ პირებისგან, რომლებიც მას იმიჯს ულახავენ. მათ შორისაა ლაშა საკანია, რომელიც საქართველოს ყოფილი პარლამენტარის ირმა ინაშვილის აფხაზეთში ვიზიტზე პასუხისმგებელ პირად დაასახელეს აფხაზეთში.
„ერთ-ერთი ასეთი პირია ე.წ. ეროვნული ფრონტის ალიანსის (НФА) ლიდერი და თქვენი სპეციალური წარმომადგენელი СНГ-სა და BRICS-ის ქვეყნებში ლაშა საკანია. ლ. საკანიამ 2020 წლის ზაფხულში, სკანდალის შემდეგ, დატოვა აფხაზეთის პრეზიდენტის ასლან ბჟანიას თანაშემწის თანამდებობა. სკანდალი უკავშირდებოდა აფხაზეთისა და საქართველოს სახელმწიფო საზღვრის უკანონო გადაკვეთას საქართველოს პარლამენტის დეპუტატების მიერ „ენგურის“ საკონტროლო-გამშვებ პუნქტზე. მათ შორის იყო ირმა ინაშვილი – საქართველოს სახელმწიფო საბჭოს ჯარების სამხედრო კორესპონდენტი, რომელსაც ჰქონდა ომის ვეტერანის სტატუსი. მოცემულმა ინციდენტმა აფხაზეთის ეროვნულ -თავდაცვითი ომის ვეტერანებსა და მთლიანად საზოგადოებაში სამართლიანი აღშფოთება გამოიწვია. სანდო ინფორმაციის თანახმად, სწორედ ლ. საკანია იყო ქართული დეპუტატების ვიზიტის მთავარი ორგანიზატორი და ის პირადად ატარებს პასუხისმგებლობას მომხდარზე. ორგანიზაცია „არუაას“ წარმომადგენლების შეხვედრის შემდეგ პრეზიდენტ ასლან ბჟანიასა და სერგეი შამბასთან, სადაც ვეტერანებმა მოითხოვეს საკანიას დაუყოვნებლივი გადადგომა, პრეზიდენტი მათ პოზიციას დაეთანხმა და უკვე მეორე დღეს საკანია გადადგა. მოგვიანებით ის კვლავ სკანდალის ცენტრში მოექცა – „ფსოუს“ საკონტროლო პუნქტზე დააკავეს, როცა ცდილობდა კრიპტოვალუტის მაინინგის აპარატურის გადატანას იმ პარლამენტარის ავტომობილით, რომლის ასისტენტიც იყო. ამ შემთხვევის შემდეგაც იგი იძულებული გახდა, დაეტოვებინა თანამდებობა. თუმცა, 2024 წლის შემოდგომაზე აფხაზეთის ყოფილმა პრეზიდენტმა კვლავ დანიშნა საკანია საკუთარ წარმომადგენლად. დღეს იგი ამ სტატუსს და სახელმწიფოს მეთაურის ხელმოწერით გაცემულ მოწმობას იყენებს პირადი კონტაქტების მოსამყარებლად და საკუთარი კომერციული ინტერესების გასატარებლად, რაც ზიანს აყენებს ქვეყნის რეპუტაციას და დისკრედიტაციას უწევს სახელმწიფო სამსახურის ინსტიტუტს. ჩვენ მიგვაჩნია, რომ ხელისუფლების გაწმენდა მსგავსი ფიგურებისგან აუცილებელი პირობაა საზოგადოების ნდობის აღსადგენად და სახელმწიფო დისციპლინის გასამყარებლად. ამასთან დაკავშირებით გთავაზობთ, ბატონო ბადრა ზურაბოვიჩ, დაიწყოთ სახელმწიფო აპარატის სისტემური გაწმენდის პროცესი და პირველ ნაბიჯად, გაათავისუფლოთ ლაშა საკანია მის მიერ დაკავებული ყველა თანამდებობიდან,“ – აღნიშნულია მიმართვაში.

საქართველოს ტექნიკურ უნივერსიტეტში სამუშაო ვიზიტით მყოფმა ცნობილმა ფიზიკოსმა, ბირთვული კვლევების ევროპული ორგანიზაციის (CERN) მეცნიერმა, CERN/ CMS კოლაბორაციისა და ექსპერიმენტის ერთ-ერთმა ლიდერმა, პროფესორმა ტიციანო კამპორეზიმ სტუ-ის სტუდენტებისთვის საჯარო ლექცია – Fundamental Research is Good for Your Health („ფუნდამენტური კვლევა სასარგებლოა თქვენი ჯანმრთელობისთვის“) ჩაატარა.
ინფორმაციას საქართველოს ტექნიკური უნივერსიტეტი ავრცელებს.
სტუ-ის ცნობით, საჯარო ლექციას უნივერსიტეტის ვიცე-რექტორები თამარ წერეთელი და თამარ ლომინაძე, ინფორმატიკისა და მართვის სიტემების ფაკულტეტის საინჟინრო და სამედიცინო ფიზიკის, ბიოსამედიცინო ინჟინერიის, მათემატიკის, ინფორმატიკისა და კომპიუტერული ინჟინერიის საგანმანათლებლო პროგრამების სწავლების სამივე საფეხურის სტუდენტები, საინჟინრო ფიზიკის დეპარტამენტის მკვლევრები, სტუ-ის კვანტური ფიზიკისა და საინჟინრო ტექნოლოგიების ინსტიტუტის, ასევე ბირთვული ინჟინერიის ცენტრის მეცნიერები, ინჟინრები და სტუ-ის CERN-LHC ჯგუფის წევრები ესწრებოდნენ.
საჯარო ლექცია ვიცე-რექტორმა, პროფესორმა თამარ წერეთელმა გახსნა. მან შეკრებილ საზოგადოებას CERN/CMS კოლაბორაციის ერთ-ერთი წამყვანი მეცნიერი, დოქტორი, პროფესორი ტიციანო კამპორეზი წარუდგინა.
ვიცე-რექტორის თქმით, CERN-ში მიმდინარე გლობალური სამეცნიერო ექსპერიმენტების მაგალითზე პროფესორ კამპორეზის მრავალწლიანი სამეცნიერო გამოცდილების გაზიარება საქართველოს ტექნიკური უნივერსიტეტის შესაბამისი პროგრამების სტუდენტებისთვის უდავოდ საინტერესო აღმოჩნდება. თამარ წერეთლის განცხადებით, ტიციანო კამპორეზი, რომელიც ამჟამად CERN/CMS კოლაბორაციის ერთ-ერთი ლიდერი და CERN/CMS კოლაბორაციის ყოფილი სპოუკსპერსონია, მრავალი წელია ბირთვული და ნაწილაკების ფიზიკის მიმართულებით უმნიშვნელოვანეს კვლევებშია ჩართული, ამასთან ერთად, ის წლების მანძილზე აქტიურად თანამშრომლობს საქართველოს ტექნიკურ უნივერსიტეტთან, რექტორთან, აკადემიკოს დავით გურგენიძესა და სტუ-ის CERN-LHC ჯგუფის წევრებთან.
როგორც თამარ წერეთელმა აღნიშნა, კოლაბორაციის ფარგლებში, CERN-ის მეცნიერმა არაერთი საჯარო ლექცია წაიკითხა სტუდენტებისა და სამეცნიერო წრეებისთვის, ხოლო დღევანდელი საჯარო ლექციით ის მიმოიხილავს, თუ რამდენად ეფექტიანად გამოიყენება მიმდინარე გლობალური ექსპერიმენტების ფარგლებში ნაწილაკების ფიზიკასა და ამაჩქარებლების ტექნოლოგიაში განხორციელებული ინოვაციები, კერძოდ კი რადიაციასთან დაკავშირებული კვლევები, ადამიანის ჯანმრთელობისთვის, დაავადებათა დიაგნოსტიკისა და მკურნალობის მეთოდების გაუმჯობესებისთვის.
პროფესორმა კამპორეზიმ საჯარო ლექცია მთავარი გზავნილით დაიწყო – რომ ფუნდამენტური მეცნიერება და მათ შორის ნაწილაკების ფიზიკა არ არის მხოლოდ აბსტრაქტული ცოდნა, არამედ ადამიანთა ჯანმრთელობისა და სიცოცხლის ხარისხის გაუმჯობესების საფუძველია. მეცნიერმა ისაუბრა იმაზე, თუ როგორ უკავშირდება ნაწილაკების ფიზიკაში ფუნდამენტური კვლევები და სამეცნიერო მიღწევები ადამიანის ჯანმრთელობას და მედიცინის განვითარებას; ხაზგასმით აღნიშნა, რომ სამეცნიერო კვლევების შედეგად იქმნება მოწინავე ტექნოლოგიები, რომლებიც სამედიცინო დიაგნოსტიკისა და მკურნალობის ახალ მეთოდებს უყრის საფუძველს.
ტიციანო კამპორეზის განმარტებით, რადიაცია, რომელიც ფუნდამენტური კვლევის ერთ-ერთი მთავარი ინსტრუმენტია, სიმსივნური უჯრედების განადგურების საშუალებას იძლევა.
CERN-ის მეცნიერმა ისაუბრა ამაჩქარებლების მეშვეობით რადიაციის კონტროლირებისა და იზოტოპების წარმოების პროცესებზე. მისი განმარტებით, ამაჩქარებელი, რომლითაც დამუხტული ნაწილაკების აჩქარება ხდება, ფართოდ გამოიყენება როგორც ფუნდამენტურ ფიზიკაში, ასევე სამედიცინო მიზნებისთვის, მათ შორის: იზოტოპების წარმოებისთვის, სამედიცინო დიაგნოსტიკასა და თერაპიაში; აღნიშნა, რომ რადიოგრაფია, ანგიოგრაფია, იზოტოპური კვლევები, კომპიუტერული ტომოგრაფია (CT) და პოზიტრონ-ემისიური ტომოგრაფია (PET) საშუალებას იძლევა არაინვაზიურად დავინახოთ ადამიანის შიდა ორგანოები და სისტემები, ხოლო კომბინირებული სისტემა PET/CT კი უზრუნველყოფს სხეულის ფუნქციური და ანატომიური მონაცემების ერთიანად მიღებას.
CERN-ის მეცნიერმა სტუდენტებს განუმარტა, რომ უჯრედის განადგურება ხდება მაშინ, როდესაც ის კარგავს გამრავლების უნარს – როცა რადიაცია მოქმედებს უჯრედის ბირთვზე და აზიანებს დნმ-ს და ხაზგასმით აღნიშნა, რომ პროტონული თერაპია დღეს ერთ-ერთი ყველაზე პერსპექტიული მიმართულებაა, რადგან პროტონები ენერგიას მიზნობრივად მიმართავს და არ აზიანებს ჯანმრთელ ქსოვილებს. მისი თქმით, მეცნიერები დღეს უკვე აქტიურად იკვლევენ მძიმე იონებით, მაგალითად ნახშირბადის იონებით მკურნალობის შესაძლებლობებს, რაც მომავალში შესაზლოა ონკოლოგიური დაავადებების წინააღმდეგ ბრძოლის გაცილებით ეფექტური მიმართულება გახდეს.
სტუ-­ის ინფორმაციით, საჯარო ლექციის დასრულების შემდეგ გაიმართა დისკუსია, რომელსაც მოდერაციას უწევდა სტუ-ის კვანტური ფიზიკისა და საინჟინრო ტექნოლოგიების ინსტიტუტის დირექტორი, CERN-LHC საუნივერსიტეტო ჯგუფის ლიდერი და CERN-ში საქართველოს მთავრობის წარმომადგენელი, პროფესორი ზვიად წამალაიძე. დისკუსიაში მონაწილეობდნენ სტუ-ის მეცნიერები, ახალგაზრდა მკვლევრები და სტუდენტები.

სრულიად საქართველოს კათოლიკოს-პატრიარქმა ილია მეორემ არქიმანდრიტი დოროთე ყურაშვილი ბეთლემის მაცხოვრის შობის სახელობის ტაძრის წინამძღვრობიდან გაათავისუფლა და სამების საპატრიარქო ტაძრის მღვდელმსახურად განაწესა.
შესაბამისი ბრძანება საპატრიარქოს საზოგადოებასთან ურთიერთობის სამსახური ავრცელებს.
„ა.წ. 29 ოქტომბრიდან არქიმანდრიტი დოროთე (ყურაშვილი) გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრობიდან და განმწესდეს წმ. სამების საპატრიარქო ტაძრის მღვდელმსახურად“, – ნათქვამია ბრძანებაში, რომელსაც ილია მეორე აწერს ხელს.
შეგახსენებთ, საქართველოს საპატრიარქოში გაიმართა მცხეთა-თბილისის ეპარქიული კომისიის სხდომა. ეპარქიულმა კომისიამ დასკვნის სახით დაადგინა, რომ არქიმანდრიტ დოროთეს ყურაშვილის მხრიდან “კვლავ იკვეთება დისციპლინური და ზნეობრივი ხასიათის დარღვევები, კერძოდ: ცილისმწამებლური, ასევე მღვდლისა და მონაზვნისათვის შეუფერებელი სხვა ქმედებები”. ეპარქიულმა კომისიამ შუამდგომლობით მიმართა სრულიად საქართველოს კათოლიკოს-პატრიარქს, უწმინდესსა და უნეტარესს, ილია II-ს, რომ არქიმანდრიტი დოროთე ყურაშვილი სასჯელის სახით გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესდეს მღვდელმსახურად ყოვლადწმინდა სამების საპატრიარქო ლავრაში, რომლის საძმოს წევრადაც ირიცხება.

ჩვენ ვხედავთ, რომ ბრიუსელის მხრიდან ევროინტეგრაციასთან დაკავშირებული ყველა საკითხის გამოყენება ხდება პოლიტიკური მიზნებისთვის, ყველა საკითხის ინსტრუმენტალიზება ხდება. არ გამოვრიცხავ, რომ ევროკომისიის ეს ანგარიშიც იქნება ერთგვარი ინსტრუმენტი ამ მიმართულებით ,- ამის შესახებ საგარეო საქმეთა მინისტრმა მაკა ბოჭორიშვილმა ჟურნალისტების მიერ დასმული კითხვის საპასუხოდ განაცხადა.
საგარეო საქმეთა მინისტრის თქმით, რთულია წინასწარ შეფასება, თუ რა იქნება ასახული ანგარიშში, თუმცა ბოლო თვეების მოვლენების გათვალისწინებით, ობიექტური შეფასებების მოლოდინი ნაკლებია.
“ჩვენ ვხედავთ, რომ ბრიუსელის მხრიდან ევროინტეგრაციასთან დაკავშირებული ყველა საკითხის გამოყენება ხდება პოლიტიკური მიზნებისთვის, ყველა საკითხის ინსტრუმენტალიზება ხდება. არ გამოვიცხავ, რომ ეს ანგარიშიც იქნება ერთგვარი ინსტრუმენტი ამ მიმართულებით. რთულია წინასწარ ვთქვათ, რა იქნება ასახული, თუმცა შეიძლება ვივარაუდოთ, რამდენად ობიექტური შეიძლება იყოს ეს ანგარიში. ერთი რაც უნდა ითქვას, მთელი წლის განმავლობაში ჩვენ ვაკვირდებით და ვხედავთ იმას, რომ ბრიუსელის მხრიდან ნაკლებად არის სურვილი – საქართველოში მიმდინარე პროცესები ობიექტურად იყოს დანახული და აქედან გამომდინარე, ძალიან რთულია მოველოდეთ ობიექტურ შეფასებებს იმ ანგარიშში, რომელიც გამოქვეყნდება მომავალ კვირას.
ერთი რაც შეგვიძლია ვთქვათ, იმდენად გვაკლია ბრიუსელის მხრიდან ობიექტური შეფასებები, იმასაც ვერ მივაღწიეთ, რომ 4 ოქტომბრის მოვლენებს დარქმეოდა თავისი სახელი, ობიექტურად შეფასებულიყო, გამიჯნულიყო ბრიუსელი იმ ძალადობისგან და შეტევებისგან რაც საქართველოში დემოკრატიულ ინსტიტუტებზე ხორციელდება. აქედან გამომდინარე, რთულია, გვქონდეს მოლოდინი ევროკომისიის ანგარიშში პოზიტიური ან ობიექტური შეფასებების”, – აღნიშნა მაკა ბოჭორიშვილმა, რომლის განცხადებასაც საქართველოს საგარეო უწყების პრესსმსახური ავრცელებს.

საქართველოს პატრიარქმა ილია მეორემ ეპარქიული კომისიის მიმართვის საფუძველზე ხელი მოაწერა ბრძანებას, რომლის თანახმადაც არქიმანდრიტი დოროთე ყურაშვილი ქვემო ბეთლემის მაცხოვრის შობის სახელობის ტაძრის წინამძღვრობიდან გაათავისუფლა.
ეპარქიული კომისიის მოთხოვნის შესაბამისად, არქიმანდრიტი დოროთე ყურაშვილი სამების საპატრიარქო ტაძრის მღვდელმსახურად განამწესეს.
29 ოქტომბერს მცხეთა-თბილისის ეპარქიული კომისია გაიმართა, რომლის შემდეგაც, საპატრიარქოს გვერდზე გამოქვეყნდა დასკვნა.
დასკვნაში ეპარქიული კომისია მიმართავდა პატრიარქს, არქიმანდრიტი დოროთე ყურაშვილი გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესდეს მღვდელმსახურად ყოვლადწმინდა სამების საპატრიარქო ლავრაში.

ლიეტუვამ ოთხშაბათს განაცხადა, რომ ბელარუსთან ქვეყნის სასაზღვრო- გამშვები პუნქტები კიდევ ერთი თვის განმავლობაში დარჩება ჩაკეტილი. ერთი კვირის წინ ვილნიუსის და კაუნასის აეროპორტები დაიხურა ბელარუსიდან მეტეოროლოგიური ბუშტების შეფრენის გამო.
ვილნიუსის აეროპორტი მანამდე, თვის დასაწყისშიც დაიხურა მას შემდეგ, რაც ლიეტუვის დედაქალაქის საჰაერო სივრცეში შევიდა ბელარუსიდან გამოშვებული ბუშტები. მათი მეშვეობით კონტრაბანდისტებს ბელარუსიდან სიგარეტი გადაჰქონდათ.
ლიეტუველი ოფიციალური პირები საჰაერო ბუშტების შეგზავნას რუსეთის მოკავშირე ბელარუსის მიერ განზრახ ქმედებად მიიჩნევენ. ლიეტუვა ნატოს და ევროკავშირის წევრია და ესაზღვრება რუსეთის კალინინგრადის ანკლავსა და ბელარუსს.
ლიეტუვის კაბინეტმა ოთხშაბათს გადაწყვიტა, რომ ერთი გამშვები პუნქტი დაიხურება, მეორე გამშვები პუნქტი – ვილნიუსის მახლობლად კი – შეზღუდულად იმუშავებს. ამ პუნქტის მეშვეობით ლიეტუვის და ევროკავშირის მოქალაქეებს კვლავ ექნებათ გასვლის უფლება. ოფიციალურმა პირებმა ასევე განაცხადეს, რომ რუსებს, რომლებსაც აქვთ ტრანზიტული დოკუმენტი, რომელიც მათ კალინინგრადში გამგზავრების საშუალებას აძლევს, ასევე შეეძლებათ გავლა.
სამშაბათს ბელარუსის პრეზიდენტმა ალიაქსანდრ ლუკაშენკამ ლიეტუვის საზღვრის დაკეტვის გადაწყვეტილებას „გიჟური თაღლითობა“ და მისი ქვეყნის წინააღმდეგ „ჰიბრიდული ომის“ ნაწილი უწოდა. მან აღნიშნა, რომ ვილნიუსი თავად უნდა ებრძოლოს კონტრაბანდას.
„თუ იქ სიგარეტით დატვირთული საჰაერო ბუშტები დაფრინავენ, ვფიქრობ, მათ ეს საკითხი თავის მხრივ უნდა გადაჭრან, – თქვა მან. – ვიღაც მათ იქ იღებს, ვიღაც დაინტერესებულია ამით. მათ უნდა იპოვონ პასუხისმგებელი პირები და თავიდან აიცილონ ასეთი რამ“.
ლუკაშენკამ განაცხადა, რომ ბელარუსი ბოდიშს მოიხდის, თუ მისი მონაწილეობა დადასტურდება.

საქართველოს პატრიარქმა ილია მეორემ ეპარქიული კომისიის მიმართვის საფუძველზე ხელი მოაწერა ბრძანებას, რომლის თანახმადაც, 29 ოქტომბრიდან არქიმანდრიტი “დოროთე ყურაშვილი გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრობიდან და განმწესდეს წმ. სამების საპატრიარქო ტაძრის მღვდელმსახურად”.
დღეს, 29 ოქტომბერს, კათოლიკოს-პატრიარქ ილია მეორეს ეპარქიულმა კომისიამ შუამდგომლობით მიმართა, “კომისიის უგულებელყოფის, შეურაცხყოფისა და კვლავ არასაპატიო მიზეზით გამოუცხადებლობის გამო”, არქიმანდრიტი დოროთე ყურაშვილი გათავისუფლებულიყო ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესებულიყო მღვდელმსახურად ყოვლადწმინდა სამების საპატრიარქო ლავრაში. ამის შესახებ ნათქვამია საპატრიარქოს მიერ გავრცელებულ განცხადებაში.
არქიმანდრიტი დოროთე ყურაშვილი დღეს, 29 ოქტომბერს, საპატრიარქოსთან მივიდა და კომისიის სხდომაში მონაწილეობას აპირებდა საჯაროობის უზრუნველყოფის პირობითა და მედიის თანდასწრებით, რაზე უარის მიღების შემდეგაც საპატრიარქოში შესვლაზე უარი განაცხადა.
საპატრიარქოს განცხადებაში კი ნათქვამია, რომ
“არქიმანდრიტი დოროთე (ყურაშვილი) მიმდინარე წლის 16 ოქტომბერს დაბარებული იყო მცხეთა-თბილისის ეპარქიულ კომისიაზე, სადაც მღვდელმთავრებთან შეხვედრისა და გასაუბრების საშუალება მიეცემოდა, მაგრამ იგი არასაპატიო მიზეზით არ გამოცხადდა. აღნიშნულის საფუძველზე, მას გამოეცხადა მკაცრი გაფრთხილება, ხოლო ახსნა-განმარტებისთვის განმეორებით დაბარებულ იქნა კომისიაზე მიმდინარე წლის 29 ოქტომბერს, რაზეც მან თავისი პირობები წამოაყენა, რომ კომისიას მხოლოდ მედიასაშუალებების თანხლებით დაესწრებოდა. ამ მოთხოვნაზე კომისიამ მას უარი განუცხადა და განმარტა, რომ ასეთი ფორმატით კომისიის სხდომის გამართვა არის უპრეცედენტო და მიუღებელი. აღნიშნული პირობის არდაკმაყოფილების საფუძველზე, არქიმანდრიტი დოროთე (ყურაშვილი) კვლავ არ დაესწრო სხდომას, რაც კომისიის წევრებმა არასაპატიო მიზეზად მიიჩნიეს”.
საპატრიარქოს განცხადებაში ნათქვამია, რომ არქიმანდრიტი დოროთე (ყურაშვილი) “ეკლესიის იერარქიისა და თავად კომისიის წევრების მისამართით შეურაცხმყოფელ და ცილისმწამებლურ განცხადებებს” აკეთებს და ამის საილუსტრაციოდ მოჰყავთ მისი ციტატები.
„ეკლესიას ძაან უნდა გახარებოდა… და ძალიან უნდა მოწონებოდა სახელმწიფოს, რომ მე ხალხი თუნდაც პოლიციელები და თუნდაც მისი ხალხი რაღაცა მსხვერპლს გადავარჩინე და ძალიან გაბრაზდა ორივე და თურმე რატომ, მსხვერპლი უნდოდათ“. „მე ვწმენდ ეკლესიას სინდისს და ნამუსს, მე ვწმენდ ეკლესიას იმ უნამუსობას, რომელიც ზოგიერთს ჩაუდენია და გაუკეთებია თავისი მდუმარებით თუნდაც“. „როცა მღვდელს სხვა უფროსი ეყოლება, მერე ის აკეთებს იმის დავალებებს, რასაც ის უფროსი დაავალებს და არა ქრისტეს დავალებებს. აი, ამ დღეში ვართ, დღეს ჩვენ ეკლესიურად უფროსი გაუჩნდა, მიუხედავად იმისა, არცერთი სახელმწიფოებრივი სტატუსით არაფერი არაა თანამდებობა, მაგრამ სახელმწიფო მთავრობა გაიხადეს უფროსად და აქ უკვე გაქრა ის, რომ ქრისტეა ჩვენი უფროსი…“ „მე დღეს მსჯის რუსეთის ეკლესია და ბიძინა ივანიშვილი, ეს არის მათი დავალება…“
ეპარქიულმა კომისიამ დაადგინა, რომ არქიმანდრიტ დოროთე ყურაშვილის მხრიდან კვლავ იკვეთება დისციპლინური და ზნეობრივი ხასიათის დარღვევები – “ცილისმწამებლური, ასევე მღვდლისა და მონაზვნისათვის შეუფერებელი სხვა ქმედებები”.
საპატრიარქოს განცხადების მიხედვით, ეპარქიულ კომისიას ესწრებოდნენ:
· კომისიის თავმჯდომარე, საქართველოს საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი);
· სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე);
· კომისიის მდივანი დეკანოზი მიქაელ ბოტკოველი (სრულიად საქართველოს კათოლიკოს-პატრიარქის მდივანი);
· საქართველოს საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი ანდრია ჯაღმაიძე;
· დეკანოზი ლონგინოზ სუარიშვილი.
“ჩემი „დანაშაული“ არის ის, რომ მე ვამბობ, რომ რუსეთი ჩვენი სისხლით ვერ გაძღა; ვამბობ, რომ ივანიშვილმა გაანადგურა საქართველოს ეკლესია; ვამბობ, რომ მცირე ჯგუფი, რომელიც საპატრიარქოშია შესახლებული, რუსულ გეგმას ემსახურება და უნდათ, რომ ის ტაძარი, სადაც გმირები და პატრიოტები ეზიარებიან ჩემთან ქვემო ბეთლემში, ისიც წაართვან ამ ხალხს. მე ვერაფერს წამართმევენ, მაგრამ ამ ხალხს წაართმევენ. ეს სამწუხაროა, მაგრამ ჩვენ მაინც გავიმარჯვებთ. თუ ამათმა დამსაჯეს, მეტი დრო მექნება გადავერთო ეროვნულ-განმანთავისუფლებელ მოძრაობაში, რომელიც აუცილებელია, რომ ჩვენი ერი გათავისუფლდეს ამ დიდი ქოციანობისა და რუსეთის მონობისაგან“, – განაცხადა არქიმანდრიტმა დოროთე ყურაშვილმა.
დოროთე ყურაშვილი ანტისამთავრობო აქციებზე დაკავებული დემონსტრანტებისა და პროევროპული საპროტესტო მოძრაობის მხარდამჭერია და ხშირად აკრიტიკებს მმართველი გუნდის მოქმედებებს, ქადაგებებშიც და საჯარო გამოსვლებშიც. არქიმანდრიტს 16 საეპარქიო კომისიის სხდომაზე, რომელზეც არ გამოცხადდა, „მკაცრი გაფრთხილება“ გამოუცხადეს.

სამხრეთ კავკასიაში ეუთო-ს საპარლამენტო ასამბლეის სპეციალურმა წარმომადგენელმა, ლუის გრაჩამ (პორტუგალია) სამი ოპოზიციური პარტიის აკრძალვის მოთხოვნით საქართველოს საკონსტიტუციო სასამართლოში შეტანილ სარჩელთან დაკავშირებით, შეშფოთება გამოხატა იმ შესაძლო შედეგების გამო, რაც მსგავსმა პროცესებმა საქართველოში პოლიტიკური პლურალიზმისა და დემოკრატიული ცხოვრებისთვის შეიძლება გამოიწვიოს, – ამის შესახებ განცხადებას ეუთო-ს საპარლამენტო ასამბლეის პრესსამსახური ავრცელებს.
„ღრმად შეშფოთებული ვარ საქართველოს დემოკრატიულ განვითარებაზე ამ პროცესების შესაძლო შედეგებით. ნებისმიერ პირს, რომელმაც კანონი ან კონსტიტუცია დაარღვია, ყოველგვარი კითხვის გარეშე, სამართლიანი და გამჭვირვალე წესით პასუხისმგებლობა უნდა დაეკისროს. თუმცა, რამდენიმე ოპოზიციური პარტიის აკრძალვის შესაძლებლობა სერიოზულ შეშფოთებას იწვევს პოლიტიკური პლურალიზმისა და დემოკრატიის ხარისხის შესახებ“, – აცხადებს გრაჩა.
მისი თქმით, „იმედი აქვს, რომ ყველა ჩართული მხარე მსგავსი ქმედებების ფართო გავლენას ყურადღებით განიხილავს და მოძებნის გადაწყვეტილებას, რომელიც ეროვნულ დიალოგსა და დემოკრატიულ სტაბილურობას გააძლიერებს“.
„გადაწყვეტილება, რომელიც პოლიტიკური აქტორების პროცესებიდან გარიცხვას გამოიწვევს, საზოგადოების კიდევ უფრო პოლარიზაციას უზრუნველყოფს და დემოკრატიული ინსტიტუტების მიმართ ნდობას დაასუსტებს“, – აღნიშნავს გრაჩა.
გრაჩა იმედს გამოთქვამს, რომ „საქართველოს დემოკრატიული ინსტიტუტები მოძებნიან გზას, რომელიც ინკლუზიურობასა და დიალოგს ხელს შეუწყობს“.
„როგორც პარლამენტარს, მჯერა, რომ სტაბილურობისა და რეფორმების საფუძველი ჩართულობა და თანამშრომლობაა, და არა გარიცხვა. ჩვენი ასამბლეა გააგრძელებს დიალოგისა და შერიგების გზების ხელშეწყობას და მხარს დაუჭერს გადაწყვეტილებებს, რომლებიც ეუთო-ს ვალდებულებების შესაბამისად, ინკლუზიურობასა და ფუნდამენტური თავისუფლებების პატივისცემას აძლიერებს“, – აცხადებს ეუთო-ს საპარლამენტო ასამბლეის სპეციალური წარმომადგენელი.

რუსეთის პრეზიდენტის, ვლადიმერ პუტინის განცხადებით, რუსულ ფრთოსან რაკეტა „ბურევესტნიკში“ დამონტაჟებული ბირთვული რეაქტორის გაშვება წუთებსა და წამებშია შესაძლებელი.
„ყველაზე მნიშვნელოვანი ის არის, რომ მაშინ, როდესაც ჩვეულებრივი ბირთვული რეაქტორის გაშვებას საათები და დღეებში სჭირდება, ამ ბირთვული რეაქტორის ამოქმედება წუთებსა და წამებშია შესაძლებელი – ეს უდიდესი მიღწევაა“, – განაცხადა რუსეთის პრეზიდენტმა.
მისი თქმით, რაკეტა „ბურევესტნიკი“ გარღვევაა არა მხოლოდ რუსეთის თავდაცვისუნარიანობის გაძლიერებაში, არამედ მეცნიერებაშიც.
„ახლაც კი „ბურევესტნიკის“ რაკეტაში გამოყენებული რადიაციისადმი მდგრადი ელექტრონიკა უკვე გამოიყენება კოსმოსურ პროგრამებში. ამგვარად, ეს გარღვევაა არა მხოლოდ ქვეყნის თავდაცვისუნარიანობის გაძლიერების, არამედ მეცნიერებისა და მთლიანად ეროვნული ეკონომიკის კუთხით“, – აღნიშნა პუტინმა.

საჯარო მოსამსახურეზე თავდასხმაში ბრალდებული მასწავლებელი ნინო დათაშვილი თავისუფალია. მან რუსთავის მე-5 ქალთა საპატიმრო დატოვა.
“არაფრის თავი არ მაქვს. გეხვეწებით, ნუ გადამიღებთ. მტკივა ყველაფერი, დაჯდომა მინდა. არ ჩამეხუტოთ, ძალიან დიდი მადლობა ყველას! – ასე მიმართა დათაშვილმა საპატიმროსთან შეკრებილ გულშემატკივრებს.
ცნობისთვის, ბრალდებულ ნინო დათაშვილისთვის აღკვეთის ღონისძიების სახით შეფარდებული პატიმრობა, სასამართლომ, ბრალდებულის ჯანმრთელობის მდგომარეობის გამო, პროკურატურის მიერ დაყენებული შუამდგომლობის საფუძველზე, უფრო მსუბუქი აღკვეთის ღონისძიების სახით დღეს შეცვალა და 5000-ლარიანი გირაო შეუფარდა.
ნინო დათაშვილი თბილისის საქალაქო სასამართლოში 9 ივნისს მომხდარი ფაქტის გამო 20 ივნისს დააკავეს. მას ბრალდება საქართველოს სისხლის სამართლის კოდექსის 353-ე სეკუნდა მუხლის მე-3 ნაწილით წარედგინა, რაც საჯარო მოსამსახურეზე თავდასხმას მის მიერ სამსახურებრივი მოვალეობის შესრულების დროს გულისხმობს. აღნიშნული სასჯელის სახედ და ზომად ჯარიმას, ან 4-დან 7 წლამდე თავისუფლების აღკვეთას ითვალისწინებს.

საშინაო პოლიტიკის აქტუალურ თემებზე „ინტერპრესნიუსი“, კონსტიტუციონალისტს, ვახტანგ ხმალაძეს ესაუბრა.
– ბატონო ვახტანგ, „ქართული ოცნება“ საკონსტიტუციო სასამართლოს 3 პარტიის – „ნაცმოძრაობის“, „კოალიცია ცვლილებებისთვის“ და „ძლიერი საქართველო – ლელოს“ არაკანოსტიტუციურად ცნობისა და აკრძალვის შესახებ სარჩელით მიმართავს.
პარლამენტის თავმჯდომარის შალვა პაპუაშვილის თქმით, სარჩელი საკონსტიტუციო სასამართლოში შეტანილი იქნება ორი რამის დასადგენად – „რამდენად მყარია კონკრეტული პარტიის არაკონსტიტუციურობის სამართლებრივი დასაბუთება და რამდენად უქმნის კონკრეტული პარტია თავისი ზომით, ორგანიზაციული სტრუქტურით თუ პოლიტიკური გავლენით რეალურ საფრთხეს კონსტიტუციურ წყობილებას”.
აღსანიშნავია, რომ სარჩელში მითითებულები არ არიან ამ პარტიების წარმომადგენლები, მაგრამ, მას შემდეგ, რაც საპროცედურო საკითხთა კომიტეტზე მათი ვინაობა დადასტურდება, სარჩელი საკონსტიტუციო სასამართლოში შევა.
პარლამენტის სპიკერის განცხადებით, სარჩელი დაეფუძნება პარლამენტის დროებითი საგამოძიებო კომისიის შედეგებს.
სამართლებრივად და პოლიტიკურად რამდენად საფუძვიანია ამ სამი პარტიის არაკონსტიტუციურად ცნობისა და აკრძალვის საკითხის დაყენება?
– არა ერთ გზის მითქვამს, სამართლებრივი თვალსაზრისით ამ პარტიების არაკონსტიტუციურად გამოცხადება და აკრძალვა აბსოლუტურად არასწორია. პარტიის აკრძალვის სამართლებრივი საფუძველი საკმაოდ ზუსტად არის განსაზღული საქართველოს კონსტიტუციაში.
კონსტიტუცია ადგენს – დაუშვებელია ისეთი პარტიის შექმნა და საქმიანობა, რომლის მიზანია და შემდგომ არის ჩამონათვალი. ამ ჩამონათვალში ერთ ერთი კომპონენტია საქართველოს კონსტიტუციური წყობილების დამხობა ან, ძალადობით შეცვლა. რასაც „ქართული ოცნების“ ლიდერები ამბობენ, როგორც ჩანს, ამ ნაწილის შესაბამისად მოამზადეს კონსტიტუციური სარჩელი. თუ არსებული პარტია მსგავს რამეს აკეთებს, მაშინ ის პარტია უნდა აიკრძალოს. ამას ამბობს კონსტიტუცია.
კანონში არ შეიძლება ეწეროს რაიმე სხვა იმისგან განსხვავებული, რაც კონსტიტუციაში წერია. კანონს არა აქვს უფლება გააფართოვოს კონსტიტუციით დადგენილი საფუძვლების ფარგლები. ეს კარგად უნდა ესმოდეს ყველას.
ბევრი წელია თვალს ვადევნებ სხვადასხვა პარტიების საქმიანობას, მაგრამ არ მახსენდება პარტია, რომელსაც თავის მიზნად განეცხადებინოს კონსტიტუციური წყობილების დამხობა, ან ძალადობით შეცვლა. პარტიების აკრძალვასთან დაკავშირებით სამართალში არც თუ კარგად გათვითცნობიერებული მკითხველისთვის ვიტყვი რომ მე „ქართული ოცნების“ მხრიდან მანიპულაციურ მოქმედებას ვხედავ.
ბევრი წელია თვალს ვადევნებ სხვადასხვა პარტიების საქმიანობას, მაგრამ არ მახსენდება პარტია, რომელსაც თავის მიზნად განეცხადებინოს კონსტიტუციური წყობილების დამხობა, ან ძალადობით შეცვლა. პარტიების აკრძალვასთან დაკავშირებით სამართალში არც თუ კარგად გათვითცნობიერებული მკითხველისთვის ვიტყვი რომ მე „ქართული ოცნების“ მხრიდან მანიპულაციურ მოქმედებას ვხედავ
კონსტიტუციაში საუბარია კონსტიტუციურ წყობილებაზე და არა ხელისუფლებაზე. ეს სხვადასხვა რამეა. რასაც ახლა ვიტყვი, ეს სახელმძღვანელოებში წერია და სტუდენტებს ასწავლიან.
მაგალითად, გაერთიანებულ სამეფოში როგორია კონსტიტუციური წყობილება – ეს არის საპარლამენტო დემოკრატია და კონსტიტუციური მონარქია. შეერთებული შტატებიში – წარმომადგენლობითი დემოკრატიაა, ფედერალიზმი, ანუ ფედერაციული მოწყობა და საპრეზიდენტო რესპუბლიკა. გერმანიაში – საპარლამენტო დემოკრატია, ფედერაცია და საპარლამენტო რესპუბლიკა. ეს არის წყობილება. არა აქვს მნიშვნელობა ამ ქვეყნებში ძალაუფლება რომელ პარტიის ხელშია.
კონსტიტუცია კრძალავს კონსტიტუციური წყობილების დამხობას. ანუ, ჩვენთან არსებული საპარლამენტო რესპუბლიკისა და დემოკრატიის სისტემის დამხობას. ასევე კრძალავს ამ სისტემის ძალადობით შეცვლას. ანუ საპარლამენტო რესპუბლიკის შეცვლას მაგალითად კონსტიტუციური მონარქიით.
ესაა განსხვავება. ამიტომ იმ საფუძვლით, რასაც „ქართული ოცნება“ ამბობს, მკაფიოდ უნდა ჩანდეს რომ ასაკრძალი პარტიების მიზანი ქვეყანაში კონსტიტუციური წყობილების შეცვლაა, ან ძალადობით შეცვლაა. ვფიქრობ რომ ამის დამტკიცება სრულიად შეუძლებელია, რადგან მსგავსი რამ არ არსებობს.
– შალვა პაპუაშვილის განმარეტებაში თუ რატომ უნდა აიკრძალოს „ნაცმოძრაობა“ საუბარია იმაზე, რომ ამ პარტიამ დაარღვია ქვეყნის ტერიტორიული მთლიანობა და მშვიდობიანი გზით კონფლიქტის მოგვარების პერსპექტივა მოუსპო და ასე შემდეგ. მეტიც, 2008 წელს საქართველოს ხელისუფლებაა დადანასაულებული ომის დაწყებაში და ასე შემდეგ.
მაშინ როცა ჩვენი დასავლელი პარტნიორები აგვისტოს ომის დაწყებაში რუსეთს ადანაშაულებენ, საქართველოს ხელისუფლების მხრიდან ამაზე საუბარი გაუგებარიც კია.
ბევრი კვალიფიციური ადამიანი ფიქრობს რომ ამგვარი რამის მტკიცება სხვა არაფერია თუ არა რუსეთის მხრიდან 2008 წელს საქართველოში სამხედრო ინტერვენციის გამართლება. თუ საკონსტიტუციო სასამართლომ მმართველი გუნდის სარჩელი დააკმაყოფილა, ხომ არ აღმოჩნდება რომ „ქართული ოცნება“ 2008 წლის აგვისტოში რუსეთის სამხედრო ინტერვენციის გამართლებას შეეცდება?
– თუ თქვენ, ან მე, ან გარკვეულმა ჯგუფმა ისეთი რამ ჩაიდონოს, რომელიც, შესაძლოა, შედეგის მიხედვით დანაშაულებრივი აღმოჩნდება, მაგრამ, ამ დანაშაულის ხარისხის განსაზღვრისას გადამწყვეტი მნიშვნელობა აქვს რა განზღახვა ჰქონდათ თქვენ, ან მე, ან ადამიანების სხვა ჯგუფს.
როცა საუბარია ამა თუ იმ პარტიის, და მოდით ვთქვათ ასე, გამოთქმაც – „პარტიის მოქმედებამ გამოიწვია,“ არაზუსტია, სწორია – „რაღაც შედეგი გამოიწვია ხელისუფლების მოქმედებამ“.
შესაძლოა, იმ დროს ხელისუფლებაში ყოფილიყო ერთი პარტია, შესაძლოა, ყოფილიყო რამდენიმე პარტია. სხვათა შორის, როცა ვლაპარაკობთ ხელისუფლებაზე, აქ იგულისხმება პარლამენტში მყოფი ყველა პარტია, როგორც უმრავლესობა, ისე ოპოზიცია.
ამიტომ, თქმა იმისა, რომ პარტიის მოქმედების შედეგი იყო რაღაცა, ეს თავის თავად არასწორია. თუ ხელისუფლების მოქმედების შედეგი ქვეყნისთვის აღმოჩნდა უარყოფითი, ამის მიზეზი, შესაძლოა იყოს შეცდომა, ან ამის მიზეზი შესაძლოა იყოს სხვა ქვეყნა, ჩვენს შემთხვევაში რუსეთის მოქმედების გარდუვალობა.
თუ ხელისუფლების მოქმედების შედეგი ქვეყნისთვის აღმოჩნდა უარყოფითი, ამის მიზეზი, შესაძლოა იყოს შეცდომა, ან ამის მიზეზი შესაძლოა იყოს სხვა ქვეყნა, ჩვენს შემთხვევაში რუსეთის მოქმედების გარდუვალობა
ამიტომ, ესეც ვერ გამოდგება ამა თუ იმ პარტიის აკრძალვის კონსტიტუციურ საფუძვლად. მე აქ უფრო ვხედავ პოლიტიკურ საფუძველს. ის რომ საფუძველი პოლიტიკურია, ეს კარგად გამოჩნდა ბატონი პაპუაშვილის მიერ ბრიფინგზე ნათქვამშიც.
– პარლამენტის თავმჯდომარის შალვა პაპუაშვილის განმარტებით, გასათვალისწინებელია ის, რომ „ასაკრძალ პარტიებთან დაკავშირებული არიან ელენე ხოშტარიას „დროა“, „გირჩი – მეტი თავისუფლება“, რომლებიც დაკავშირებული არიან „კოალიცია ცვლილებებისთვის, გირჩი, დროასთან“, თუმცა, ფორმალურად დამოუკიდებელ პარტიებად არიან რეგისტრირებული, აგრეთვე „სტრატეგია აღმაშენებელი“, „ევროპული საქართველო – მოძრაობა თავისუფლებისთვის“, „ფედერალისტური პარტია“ „საქართველოს რესპუბლიკური პარტია,“ და სხვა ფაქტიურად ერთკაციანი და მცირე პარტიები.“
თუმცა, პარლამენტის სპიკერი აქვე აღნიშნავს – „ვინაიდან მათ ამჟამად, მათი სიდიდით, ორგანიზაციული სტრუქტურით არსებითი გავლენა, მათ შორის, საარჩევნო ბარიერის გადალახვის რეალური პერსპექტივა არ გააჩნიათ, ამ ეტაპზე მათი აკრძალვის აუცილებლობა არ იკვეთება. მათი არაკონსტიტუციურობის საკითხი დღის წესრიგში შეიძლება დადგეს მოგვიანებით, იმ შემთხვევაში, თუ ისინი პოლიტიკურ პროცესზე არსებით გავლენას შეიძენენ”.
სამართლებრივი თვალსაზრისით, ასევე პოლიტიკურად რამდენად გამართულად გამოიყურება მტკიცება რომ თუ ამ პარტიებიდან რომელიმე პარტიას ბარიერის გადალახვის შესაძლებლობა გაუჩნდებათ მათი არაკონსტიტუციურად ცნობის საკითხი დღის წესრიგში დადგება?
– პაპუაშვილის ამ განცხადებაში კარგად ჩანს რა გახლავთ ხელისუფლების მიზანი პარტიების აკრძალვასთან დაკავშირებით. მე რომ ეს განცახდება მოვისმინე გამიჩნდა განცდა, რომ „ქართულმა ოცნებამ“ თვითლუსტრაცია მოახდინა.
საქმე ის გახლავთ რომ თუ ვიმე დანაშაულს სჩადის, ეს ვინმე ძლიერია თუ სუსტია, ის დასასჯელია. ბოლო ბოლო მმართველ გუდს ის ანდაზა უნდა ახსოვდეს, თუ არ ახსოვთ, გაიხსენონ ქართველებს რომ გვაქვს – აქლემის ქურდი და ნემსის ქურდი ორივე ქურდია.
პაპუაშვილის ამ განცხადებაში კარგად ჩანს რა გახლავთ ხელისუფლების მიზანი პარტიების აკრძალვასთან დაკავშირებით. მე რომ ეს განცახდება მოვისმინე გამიჩნდა განცდა, რომ „ქართულმა ოცნებამ“ თვითლუსტრაცია მოახდინა
პაპუაშვილის განცხადებებიდან ჩანს რომ „ქართული ოცნების“ მიზანია იმ პარტიების აკრძალვა და განადგურება, რომლებმაც შესაძლოა, „ქართულ ოცნებას“ გაუწიონ პოლიტიკური კონკურენცია.
ვინც მათ კონკურენციას არ უწევს, ისინი მათთვის საინტერესო არაა. მაგრამ, ისინი თუ ისე მომძლავდნენ რომ შეძლებენ მათ კონკურენცია გაუწიონ, მაშინ ისინიც უნდა აიკრძალონ. ეს გახლავთ ხელისუფლების უსამართლო მოქმედების პოლიტიკური მიზანი.
– პარლამენტის თავმჯდომარე შალვა პაპუაშვილი განმარტავს – „პარტიის აკრძალვის შემდეგ დავაკვირდებით, მასთან დაკავშირებული პირები ხომ არ ცდილობენ, მოძებნონ პოლიტიკური საქმიანობის სხვა საშუალებები – თუ ამას დავინახავთ, მივმართავთ საკონსტიტუციო სასამართლოს“.
მისივე თქმით, აკრძალული პარტიის წევრებსა და მასთან დაკავშირებულ პირებს არ უნდა ჰქონდეთ შესაძლებლობა გვერდი აუარონ აკრზალვის შესახებ გადაწყვეტილებას და „ნაცმოძრაობის“ ნაცვლად პარტია „ეროვნული მოძრაობა“ დააფუძნონ.
მისივე თმით, „მას შემდეგ, რაც პარტია აიკრძალება დავაკვირდეთ ამ აკრძალული პარტიასთან დაკავშირებული პირები, ხომ არ ცდილობენ, რომ მოძებნონ პოლიტიკური საქმიანობის სხვა საშუალებები და თუკი ამას დავინახავთ, ჩვენ მივმართავთ საკონსტიტუციო სასამართლოს.“
იმის გათვალისწინებით, რომ ის რაზეც ბატონი პაპუაშვილი ამბობს, შესაძლოა, მოქალაქეთა საკმაოდ დიდ რაოდენობას შეეხოს, გამოდის მმართველი გუნდი შეეცდება პოლიტიკური საქმიანობა აუკრძალოს საკმაოდ ბევრ მოქალაქეს ანუ, მათ, ვინც ხელისუფლების ალტერნატიულ ძალად ჩამოყალიბებას შეეცდება. ასეა?
– დიახ, სწორედ ასეა. ბატონმა პაპუაშვილმა ამ სიტყვებით ჩვენ, საქართველოს მოქალაქეებს დაგვიდგინა შეზღუდვები რომლებიც გათვალისწინებული არ არის საქართველოს კონსტიტუციაში. მან ჩვენ, პრაქტიკულად აგვიგრძალა პოლიტიკური გაერთიანების შექმნა, აუკრძალა მათ, ვისაც „ქართული ოცნება“ თავის კონკურენტად მიიჩნევს.
ჩვენს კონსტიტუციაში ძალიან კარგად არის განსაზღრული როგორც პოლიტიკური საქმიანობის თავისუფლება, ასევე გამოხატვის თავისუფლება. გამოხატვის თავისუფლება შესაძლოა ვლინდებოდეს ასევე არაპოლიტიკურ საქმიანობაში. თურმე, ბატონ პაპუაშვილსა და „ქართულ ოცნებას“ უნდა ვკითხოთ შეგვიძლია თუ არა პოლიტიკური საქმიანობის დაწყება და ისინი მოგვცემენ თუ არა ამის ნებართვას.
ბატონმა პაპუაშვილმა საქართველოს მოქალაქეებს დაგვიდგინა შეზღუდვები რომლებიც გათვალისწინებული არ არის საქართველოს კონსტიტუციაში. მან ჩვენ, პრაქტიკულად აგვიგრძალა პოლიტიკური გაერთიანების შექმნა, აუკრძალა მათ, ვისაც „ქართული ოცნება“ თავის კონკურენტად მიიჩნევს
ეს გახლავთ აბსოლუტურად არაკონსტიტუციური მოქმედება.
– პარლამენტის თავმჯდომარე შალვა პაპუაშვილისგან მოვისმინეთ, რატომ არ შეეხება არაკონსტიტუციურად ცნობის სარჩელი და აკრძალვა გიორგი გახარიას პარტიას.
მისი თქმით, მხოლოდ იმიტომ რომ გახარიას პარტია პარლამენტში შევიდა.
სამართლებრივად, რამდენად გამართულად გამოიყურება გახარიას პარტიასთან დაკავშირებით ამგვარი მტკიცება და სავარაუდოდ, რას შეიძლება ეს ნიშნავდეს?
– აქაც იმავეს ვიტყვი, რაც უკვე ბევრჯერ ვთქვი. გახარიასა და სხვა პარტიებთან დაკავშირებით ნათქვამი სხვა არაფერია თუ არა შერჩევითი სამართალი. ანუ, მინდა აკრძალავ, არ ვინდა – არ აკრძალავ. თან, ერთი და იმავე საფუძვლით.
თუ ჩვენ ორივემ მსგავსი რამ გავაკეთეთ, თუ მე ხელისუფლებას მოვწონვარ, თქვენ კი არა, ამიტომ გადაწყვეტენ თქვენს დასჯას, მე კი არ დამსჯიან. სწორედ აგაა შერჩევითი სამართალი. იმ ქვეყანაში, სადაც შერჩევითი სამართალია, იმ ქვეყანაზე ვერავინ იტყვის რომ სამართლიანი სახელმწიფოა. ჩვენ კი კონსტიტუციაში გვიწერია რომ საქართველო არის სამართლებრივი სახელმწიფო.
გახარიასა და სხვა პარტიებთან დაკავშირებით ნათქვამი სხვა არაფერია თუ არა შერჩევითი სამართალი. ანუ, მინდა აკრძალავ, არ ვინდა – არ აკრძალავ. თან, ერთი და იმავე საფუძვლით… სწორედ აგაა შერჩევითი სამართალი. იმ ქვეყანაში, სადაც შერჩევითი სამართალია, იმ ქვეყანაზე ვერავინ იტყვის რომ სამართლიანი სახელმწიფოა ჩვენ ვიცით შემთხვევა, როცა პარლამენტმა მიიღო კანონი და შემდგომ ამ კანონის არაკონსტიტუციურობა საკონსტიტუციო სასამართლომ სცნო და გააუქმა. ანუ, პარლამენტმა მიიღო არაკონსტიტუციური, ანუ კონსტიტუციის საწინაღმდეგო გადაწყვეტილება… ამის გამო რომელიმე ქვეყანაში, თუნდაც საქართველოში ვინმეს პარლამენტის წევრებისთვის მოეთხოვა სისხლის სამართლის პასუხიმგებლობის დაკისრება. ან მთლიანად პარლამენტი აეკრძალა?
თუ ხელისუფლება აღღვევს ქვეყნის კონსტიტუციით განსაზღვრულ პრინციპს, ის ამით არღვევს კონსტიტუციას და მისი მოქმედება არის არაკონსტიტუციური. რაც, ყოველ შემთხვევაში უნდა იწვევდეს როგორც სამართლებრივ, ისევე პოლიტიკური პასუხიმგებლობის საკითხის დაყენებას.
– პარლამენტის დროებითმა საგამოძიებო კომისიამ, რომელზეც ერთხელ პირადად იმყოფებოდა ექს-პრემიერი გიორგი გახარია, ერთხელაც გერმანიიდან ჩაერთო და ასე მიიღო მასში მონაწილეობა, თავის დასკვნაში დაწერა რომ გახარიამ ჩორჩანაში საგუშაგოს გახსნით ქვეყნის წინაშე დანაშაული ჩაიდინა და ცხინვალის ხელისუფლებას „მილიონი კვადრატული მეტრი გადასცა“.
„ქართულ ოცნებას“ გახარიას ეს „დანაშაული დაავიწყდა“ თუ პარლამენტში მისი თანაგუნდელების მეორე შემადგენლობას შესვლის გამო აპატია?
– ეს უნდა ვკითხოთ თავად „ქართულ ოცნებას“. მე მხოლოდ იმას ვიტყვი რომ ჯერ დასადგენია გახარიას მოქმედება იყო თუ არა დანაშაული. ასეთი განცხადებებით ირღვევა უდანაშაულობის პრეზუმცია.
ვთქვათ და გახარიას მოქმედება როდესაც ის იყო შს მინისტრი ჩორჩანს ეპიზოდში იყო დანაშაული. ასეც რომ იყოს, რა შუაშია ამასთან გახარიას პარტისთან დაკავშრებით აკრძალვაზე საუბარი? მაშინ ხომ გახარიას პარტია საერთოდ არ არსებობდა? რომც არსებულიყო, ამა თუ იმ პირის, თუნდაც პარტიის თავმჯდომარის დანაშაულებრივი მოქმედება არანაირად არ ნიშნავს პარტიის დანაშაულებრივ მოქმედებას.
ეს რომ ასეა შემდეგი რამით დასტურდება – ჩვენ ვიცით შემთხვევა, როცა პარლამენტმა მიიღო კანონი და შემდგომ ამ კანონის არაკონსტიტუციურობა საკონსტიტუციო სასამართლომ სცნო და გააუქმა. ანუ, პარლამენტმა მიიღო არაკონსტიტუციური, ანუ კონსტიტუციის საწინაღმდეგო გადაწყვეტილება.
თქვენ გსმენით რომ ამის გამო რომელიმე ქვეყანაში, თუნდაც საქართველოში ვინმეს პარლამენტის წევრებისთვის მოეთხოვა სისხლის სამართლის პასუხიმგებლობის დაკისრება. ან მთლიანად პარლამენტი აეკრძალა?
თუ საკონსტიტიციო სასამართლო დააკმაყოფილებს „ქართული ოცნების“ სარჩელს პარტიების აკრძალვის შესახებ, მმართველი გუნდისთვის აღარანაირი ზღუდე არ იარსებებს იმისთვის რაც უნდა ის აკეთოს. ამით დასრულდება საქართველოში დემოკრატიული წყობილება
ლოგიკა ამ შემთხვევაშიც ხომ იგივეა.
– პარტიების აკრძალვასთან დაკავშირებით განცხადებების შემდეგ ბევრი აზრი გამოითქვა. მათ შორის ასეთიც – თუ ვიმე არღვევს კონსტიტუციას, მმართველი „ქართული ოცნებაა“, რადგან იგი არ ასრულებს კონსტიტუციის 78-ე მუხლს და ანტიდასავლური განცხადებებითა და ქმედებებით ხელს კი არ უწყობს ქვეყნის ევროკავშირისკენ მოძრაობას, არამედ პირიქით, საპირისპირი მიმართულებით მოძრაობს.
მმართველ გუნდს, რომელსაც კონსტიტუციის 78-ე მუხლის შეუსრულებლობაში ედება ბრალი, სამართლებრივ საკითხსაც რომ თავი დავანებიოთ, მისი მხრიდან რამდენად მორალურია სხვა პარტიების აკრძალვაზე საკონსტიტუციო სასამართლოში სარჩელის შეტანა?
– მოდით, როცა „ქართული ოცნების“ მოქმედებებთან დაკავშირებით ვმსჯელობთ, მორალზე აღარ უნდა ვისაუბროთ. სამწუხაროდ, „ქართული ოცნების“ მოქმედებაში მორალური აღარაფერია.
ახლა აქტუალური თემაა, მას შემდეგ, რაც ერთი წლის წინ „ქართულმა ოცნებამ“ დაარღვია კონსტიტუციის 78-ე მუხლი და უარი თქვა ევროპულ გზაზე, ამის ნიშნები მანამდეც ჩანდა, მაგრამ შარშან 28 ოქტომბერს აბსოლუტურად ცხადად გამოჩნდა, და „ქართული ოცნების“ ხელისუფლებამ და ერთპარტიულმა პარლამენტმა იმდენჯერ დაარღვიეს კონსტიტუცია, ახლა უკვე, მისთვის რაიმე შემაფერხებელი იმ სიტყვებში რომ „ამით კონსტიტუცია ირღვევა“, აღარაფერი არ არსებობს.
– ბევრი მიიჩნევს, რომ „ქართული ოცნება“ რუსეთის მსგავსად საქართველოში „სუვერენულ დემოკრატიას აშენებს“.
გასაგებია, რომ პარტიების აკრძალვის საკითხის განხილვას საკონსტიტუციო სასამართლოში დრო დასჭირდება და ვთქვათ მმართველი გუნდისთვის სასურველი გადაწყვეტილება იქნა მიღებული, ამის შემდეგ, საქართველოს სამართლებრივი და პოლიტიკური სივრცე, სავარაუდოდ, რა განზომილებაში აღმოჩნდება?
– თუ საკონსტიტიციო სასამართლო დააკმაყოფილებს „ქართული ოცნების“ სარჩელს პარტიების აკრძალვის შესახებ, მმართველი გუნდისთვის აღარანაირი ზღუდე არ იარსებებს იმისთვის რაც უნდა ის აკეთოს. ამით დასრულდება საქართველოში დემოკრატიული წყობილება.
თუ საკონსტიტუციო სასამართლომ „ქართული ოცნების“ სარჩელი 3 პარტიებიის აკრძალვის შესახებ დააკმაყოფილა, სწორედ ეს იქნება ჩვენი საპარლამენტო რესბუბლიკის, დემოკრატიული სისტემის და კონსტიტუციური წყობილების დამხობა. ასე იქნება იმის გამო რომ რაც გვექნება იმას დემოკრატიასთან საერთო აღარფერი ექნება.
ქაღალდზე ბევრი რამ ეწერება. სსრკ-ს დროინდელ კონსტიტუციაში ქაღალდზე ბევრი რამ ეწერება, მათ შორის ისეთი კარგი რამეებიც, კითხვისას გული გაგინათდებოდა, მაგრამ, ეს მხოლოდ ქაღალდზე იყო.
ფაქტობრივად გვექნება ტოტალიტარული სისტემა. ქვეყანას ფაქტობრივად მართავს პირი, რომელსაც კონსტიტუციურად არანაირი თანამდებობა არ უკავია. ესეც ხომ არაკონსტიტუციურია. თუ ასაკრძალ პარტიებთნ დაკავშირებით საკონსტიტუციო სასამართლომ „ქართული ოცნების“ სარჩელი დააკმაყოფილა, აღმოვჩდებით არაკონტიტუციური მმართველობის ჩაბეტონებულ სისტემაში.
„ინტერპრესნიუსი“
კობა ბენდელიანი

თიბისი კონცეპტი მომხმარებლებს ჯანსაღი ცხოვრებისა და თავის მოვლის კატეგორიაში მუდმივად უპირატეს შეთავაზებებს სთავაზობს. მიმდინარე შეთავაზებებში კი, განსაკუთრებით მრავალფეროვანია სპა ცენტრების ჩამონათვალი.
· Paragraph Spa Tbilisi
31 ოქტომბრიდან 2 ნოემბრის ჩათვლით, თიბისი კონცეპტის Visa სადებეტო და Visa ertguli Signiture ბარათის მომხმარებლები, სასტუმრო პარაგრაფ თბილისის სპა ცენტრში გადახდილი თანხის 30%-ს, ჯამში მაქსიმუმ 300 ლარს, მომენტალურად დაიბრუნებენ. შეთავაზება ვრცელდება სპაში მიღებულ ყველა სერვისსა და შეძენილ პროდუქციაზე, ასევე აღნიშნული ბარათების ციფრულ ანალოგებზე: TBC Concept Visa Platinum, Visa Signature, Miles&Smiles Visa Signature და Visa ertguli Signature.
· Anne Semonin Spa Batumi
31 ოქტომბრიდან 2 ნოემბრის ჩათვლით, თიბისი კონცეპტის მომხმარებლებს 30%-იანი ქეშბექი დახვდებათ რადისონ ბლუ ბათუმში არსებულ სპა ცენტრშიც- Anne Simonin Spa, სადაც ჯამში მაქსიმუმ 200 ლარს დაიბრუნებენ. სპა პროცედურების გარდა, შეთავაზება ვრცელდება მათ სასაჩუქრე ვაუჩერზეც.
Anne Simonin Spa-ში პროცედურის დაჯავშნით, შესაძლებლობა გაქვთ ისარგებლოთ- ფიტნეს ცენტრით, თბილი გარე აუზით, მშრალი და სველი საუნებით, შიდა აუზით.
შეთავაზება ვრცელდება შემდეგ სადებეტო ბარათებსა და მათ ციფრულ ანალოგებზე: TBC Concept Visa Signature, Visa Platinum, MC Worldelite, Miles&Smiles Visa Signature და Visa ertguli Signature.
· Purovel SPA
TBC Concept Visa Platinum, Visa Signature, MC World Elite ბარათების მფლობელები 31 დეკემბრამდე, 15%-იანი ფასდაკლებით ისარგებლებენ Purovel SPA-ში ანგარიშსწორებისას.
შეთავაზება ვრცელდება აღნიშნული ბარათების ციფრულ ანალოგებზეც.
· ბალნეოლოგიური სპა კურორტი
TBC Concept Visa Signature, Visa Platinum, MC Worldelite ბარათების მფლობელები, 31 დეკემბრამდე, 10%-იანი ფასდაკლებით ისარგებლებენ თბილისის ბალნეოლოგიური კურორტის შერჩეულ პროცედურებზეც.
თითოეულ სპა ცენტრში შეთავაზებით სარგებლობისთვის, გადახდა უნდა განხორციელდეს თიბისის პოს-ტერმინალზე.
გარდა სპა ცენტრებისა, თიბისი კონცეპტის მომხმარებლებს, ჯანმრთელობისა და სილამაზის კატეგორიაში, სხვადასხვა შეთავაზება დახვდებათ შემდეგ პარტნიორ ობიექტებში: Axis Towers Wellness, Alliance Palace Batumi SKY39, Nail Sunny, GiGi Cosmetics, 12 რაუნდი, თოდუას კლინიკა, კლინიკა ნუაჟი, ნოემი, ველქინი, ესთეტიკური კლინიკა – MM.
შეთავაზებების დამატებითი პირობების სანახავად ეწვიეთ ბმულს.

ნავთობის ფასმა ოთხშაბათს დღისით ზომიერი ზრდა დაიწყო, ზედიზედ სამი სესიის განმავლობაში კლების შემდეგ.
ლონდონის ICE Futures ბირჟაზე Brent-ის ნავთობის დეკემბრის ფიუჩერსები 0.25 აშშ დოლარით (0.39%) გაიზარდა და ბარელზე 64.65 აშშ დოლარი შეადგინა.
NYMEX ბირჟაზე WTI-ის დეკემბრის ფიუჩერსები 0.21 აშშ დოლარით (0.35%) გაიზარდა და ბარელზე 60.36 აშშ დოლარი შეადგინა.
ვრცლად interfax – ზე

„უბრალოდ, მინდა, რომ დავჯდე… გთხოვთ არ ჩამეხუტოთ არავინ, მტკივა ყველაფერი…“ – მიმართავდა ის მეგობრებსა და მხარდამჭერებს, რომლებიც რუსთავში პენიტენციურ დაწესებულებასთან შეიკრიბნენ.
ჯანმრთელობის მძიმე მდგომარეობის გამო, რომელიც გამოიხატებოდა ვიზუალურადაც, ნინო დათაშვილმა ჟურნალისტებს სთხოვა, არ გადაეღოთ მისთვის ვიდეოკადრები.
ნინო დათაშვილს საპატიმროს დატოვების უფლება მას შემდეგ მისცეს, რაც პროკურატურამ აღკვეთის ღონისძიებად შეფარდებული პატიმრობის გირაოთი შეცვლა მოითხოვა. მოსამართლე თამარ მჭედლიშვილმა ბრალდებულს 5000 ლარის გადახდა დააკისრა – მხარდამჭერებმა ნინო დათაშვილს ეს თანხა რამდენიმე წუთში შეუგროვეს.
ნინო დათაშვილი 20 ივნისს დააკავეს მანდატურებზე თავდასხმის ბრალდებით – თბილისის საქალაქო სასამართლოში 9 ივნისს მომხდარის გამო. საქმე აღძრულია სისხლის სამართლის კოდექსის 353-ე სეკუნდა მუხლის მე-3 ნაწილით, რაც გულისხმობს საჯარო მოსამსახურეზე თავდასხმას, სამსახურებრივი მოვალეობის შესრულების დროს. მას 4-დან 7 წლამდე პატიმრობა ემუქრება.
პატიმრობაში მყოფი ქალი მასწავლებლის ჯანმრთელობის მდგომარეობის დამძიმების შესახებ არასამთავრობო ორგანიზაცია „პარტნიორობა ადამიანის უფლებებისთვის“ – PHR – ბოლო პერიოდში მუდმივად საუბრობდა.
„დაპატიმრებიდან დაახლოებით 2 თვეში ნინოს დაეწყო ხერხემლის და კიდურების ტკივილები, რის გამოც, 2025 წლის 8 და 17 სექტემბერს, ვეღარ შეძლო თავის სასამართლო პროცესებში მონაწილეობა. N5 პენიტენციური დაწესებულება ნინო დათაშვილს აწვდის სამედიცინო სერვისს, თუმცა, ციხის პირობებში მისი ჯანმრთელობის მდგომარეობა ვერ უმჯობესდება. პირიქით, ბოლო პერიოდში მისი მდგომარეობა გახდა კრიტიკულად მძიმე, რაც იმის დასტურია, რომ გაწეული სამედიცინო დახმარება არ არის ეფექტური“, – ეწერა PHR-ის მიერ 28 ოქტომბერს გავრცელებულ განცხადებაში.
· 25 აგვისტოს, კლინიკა „ვივამედში“ ჩატარებული კვლევის შემდეგ, ნინო დათაშვილს დაენიშნა მედიკამენტოზური მკურნალობა და ფიზიოთერაპია. სამედიცინო დოკუმენტში მითითებული იყო ხერხემლის ოსტეოქონდროზი. ამავე სამედიცინო დოკუმენტის თანახმად, მკურნალობის არაეფექტურობის შემთხვევაში, პაციენტი კლინიკაში ქირურგიული ოპერაციისთვის უნდა გადაეყვანათ;
· 24 ოქტომბერს, სამედიცინო შემოწმების მიზნით, დათაშვილი კვლავ გადაიყვანეს „ვივამედში“, სადაც ჩაუტარდა მაგნიტურ-რეზონანსული ტომოგრაფია. გაცემული სამედიცინო დოკუმენტის მიხედვით, დიაგნოზის საფუძველზე საჭიროა ქირურგიული ოპერაცია;
· PHR-ის თანახმად, ნინო დათაშვილს ესაჭიროება ორი ქირურგიული ოპერაცია. პირველ რიგში, – კისრის მალებზე.
გუშინ, 28 ოქტომბერს, ნინო დათაშვილის ქმარმა გოდერძი ფრუიძემ თქვა, რომ მისი ცოლის მდგომარეობა მკვეთრად დამძიმდა.
„ნინო დღეს მოიყვანეს ეტლით, სადაც იჯდა გაცრეცილი, გაშეშებული კისრით. ოთახში, სადაც უნდა მენახა, ძლივს ავიყვანეთ (კიბის ერთ საფეხურზეა ფეხი ასაწევი). სკამზე დასმაც გაგვიჭირდა, რომ მისთვის ტკივილები კიდევ უფრო არ გაგვემძაფრებინა“.
ფორუმი

შორენა ბეგაშვილის ქალიშვილი ევა ბარბაქაძე საზოგადოების ყურადღების ცენტრში მუდმივად ექცევა. დიდია ინტერესი მისი პირადი თუ კარიერული ცხოვრების დეტალების შესახებ. ამჯერად ევა რჩეულთან ერთად გადაღებულ ფოტოებს გვიზიარებს, თუმცა მისი ვინაობის შესახებ არ წერს.
პირველად საყვარელ ადამიანთან ერთად გადაღებული ფოტოები ევამ დედის, შორენა ბეგაშვილის დაბადების დღეზე გამოაქვეყნა და დიდი სიყვარულიც დაიმსახურა.
ევა ბარბაქაძე შორენა ბეგაშვილს პატარა ასაკში შეეძინა, ჯერ კიდევ მაშინ, როდესაც შორენა ეკრანზე არ ჩანდა. პოპულარობა დედა-შვილის ცხოვრებაში დიდი მუშაობისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა.
ცნობილი დედის მსგავსად ევაც სოციალურ ქსელში დიდი პოპულარობით სარგებლობს. მას 120 ათასზე მეტი გამომწერი ჰყავს, რომელთაც ხშირად უზიარებს პირად ფოტოებსა და სასარგებლო რჩევებს.
რო­გორც ერთ-ერთ გა­და­ცე­მა­ში მოგ­ვი­ა­ნე­ბით შო­რე­ნამ ისა­უბ­რა, ევას მამას ღა­ლა­ტის გამო და­შორ­და. შორენას ქმარი ზურაბ ბარბაქაძეა, რომელმაც ცოტა ხნის წინ იქორწინა. მისი რჩე­უ­ლი უკ­რა­ი­ნა­ში ცნო­ბი­ლი დი­ზა­ი­ნე­რი გა­ლი­ნა აპი­ლა­ტია. გა­ლი­ნა და მისი და, ლუბა, სა­ქორ­წი­ნო კა­ბებ­ზე, პე­ნუ­ა­რებ­სა და ქა­ლის თეთ­რე­ულ­ზე მუ­შა­ო­ბენ.
შემთხვევა 2016 წლის 27 მარტს მოხდა. როგორც თვითმხილველები ჰყვებოდნენ, ევა სახლში, საკუთარ ოთახში ფანჯარაზე იჯდა, რა დროსაც მოულოდნელად გადავარდა. მაშინ 14 წლის ევას ხერხემლის სამი მალის, ბეჭის და ბარძაყის მოტეხილობები ჰქონდა, მკურნალობდა რამდენიმე თვე თურქეთის ერთ-ერთ კლინიკაში და რამდენიმე ოპერაციის შემდეგ ჩვეულ ცხოვრებას დაუბრუნდა.
შორენა ამბობდა, რომ ინციდენტის დროს სამზარეულოში იყო და კერძს ამზადებდა, როდესაც ეზოში სასწრაფო დახმარების მანქანის ხმა გაიგო, რომელსაც საპატრულო პოლიციის სირენების ხმაც ერთოდა, გაიქცა ევას ოთახში და ის იქ აღარ დახვდა.
საბედნიეროდ, ხანგრძლივი რეაბილიტაციის შემდეგ, ევა ჩვეულ ცხოვრებას დაუბრუნდა. განაგრძო სწავლა, მოგვიანებით უნივერსიტეტშიც ჩააბარა და აგრძელებს სრულფასოვან ცხოვრებას.

“რეალის” ბრაზილიელი ვარსკვლავი თავის მეგობარ გოგონა ვირჯინია ფონსეკას შეურიგდა და ამის დამადასტურებელი კადრები სოციალურ ქსელში განათავსა. აღსანიშნავია, რომ ორივე პიროვნებას Instagram-ზე 50 მილიოზე მეტი გამომწერი ჰყავს და სასიყვარულო ფოტოებს 10 მილიონზე მეტი მოწონება აქვს.
შეხსენებისთვის, ვინისიუსი 26 წლის ბრაზილიელ ტელეწამყვანსა და “ინფლუენსერს”, სამი შვილის დედა ვირჯინია ფონსეკას მისი სავარაუდო ღალატის გამო დაშორდა. მოგვიანებით, ფეხბურთელმა გოგონას საჯაროდ ბოდიში მოუხადა, ფონსეკამაც აპატია, “ელ კლასიკოზე” მადრიდში ჩავიდა და დიდი შერიგებაც შედგა.
[VIDEO] “გინდა, ვიჩხუბოთ?!… გასახდელში გავიდეთ!” – იამალისა და ვინისიუსის კონფლიქტის დეტალები
[VIDEO] გენიალური ბელინგემი და უკმაყოფილო ვინისიუსი – “რეალმა” “ელ კლასიკოში” გაიმარჯვა
არის თუ არა იამალისგან ფეხმძიმედ – ნიკი ნიკოლმა კითხვას უპასუხა
“ალ-აჰლი” მზადაა ვინისიუსი 300 მილიონად შეიძინოს
[VIDEO] “გინდა, ვიჩხუბოთ?!… გასახდელში გავიდეთ!” – იამალისა და ვინისიუსის კონფლიქტის დეტალები
კონტრაქტს აღარ გააგრძელებს – კურტუა “რეალიდან” მალე წავა
საუდის არაბეთის კლუბი ვინისიუს სანაცვლოდ 300 მილიონი ფუნტის გადახდაზე თანახმაა
ტრენტს “ელ კლასიკოში” თამაში სურს – როდის დაუბრუნდება ინგლისელი მოედანს
“სექსუალური მანიაკია, გამუდმებით თავისი პენისის სურათებს მიგზავნიდა” – ბრაზილიელმა მოდელმა ვინისიუსზე სკანდალური ამბავი მოჰყვა
მოინანია და აპატიეს – ვირჯინიამ ვინისიუსს კიდევ ერთი შანსი მისცა და დღეს “ბარსელონასთან” მატჩში ტრიბუნიდან გაამხნევებს
[PHOTOS] ურთიერთობა სამი შვილის დედასთან? – ვინისიუსი ამ 26 წლის ტელეწამყვანს დაუკავშირეს
საიუბილეო მე-300 მატჩი და მე-4 საუკეთესო შედეგი – კურტუა ბრწყინვალე ასპარეზობას განაგრძობს

დონალდ ტრამპი მომავალ კვირას ცენტრალური აზიის ქვეყნების ლიდერებს შეხვდება, – ინფორმაციას Reuters-ი ავრცელებს.
Reuters-ის ინფორმაციით, აშშ-ის პრეზიდენტსა და უზბეკეთის, ყაზახეთის, ყირგიზეთის, ტაჯიკეთისა და თურქმენეთის ლიდერებს შორის შეხვედრა 6 ნოემბერს თეთრ სახლში გაიმართება.
აშშ-ის სახელმწიფო მდივნის მოადგილემ, კრისტოფერ ლანდაუმ, რომელიც უზბეკეთში ვიზიტით იმყოფება, განაცხადა, რომ უზბეკეთის პრეზიდენტი, შავკატ მირზიოევი ვაშინგტონს მომავალ კვირას ეწვევა.
ამასთან, ყაზახეთის პრეზიდენტმა, კასიმ-ჟომარტ ტოკაევმა დონალდ ტრამპს მიწვევისთვის მადლობა გადაუხადა და აღნიშნა, რომ სამიტში მონაწილეობას მიიღებს.

4 ოქტომბრის ეპიზოდი ხელისუფლების მხრიდან იყო პროვოცირებული – მის მიერ კონტროლირებადი ე.წ. სახელმწიფო გადატრიალება საჭირო იყო, რადგან ეს საფუძვლად დასდებოდა საკონსტიტუციო სარჩელს – ხაბეიშვილმა, კლასიკური პროვოკატორის როლი შეასრულა, ხელი შეუწყო ხელისუფლებას ამ სარჩელის მომზადების პროცესში მისი გეგმებიდან გამომდინარე,- ამის შესახებ პოლიტოლოგმა, გია ხუხაშვილმა „პალიტრანიუსის“ გადაცემა, „დღის ნიუსრუმში“ სტუმრობისას განაცხადა.
ხუხაშვილის თქმით, რა პროცესიც დღეს ქვეყანაში მიდის, „სამართლის მიღმა პროცესია“.
„ხელისუფლების სტრატეგიული ამოცანაა, რომ ქვეყანაში ჩამოაყალიბოს რუსული ტიპის ე.წ. სუვერენული დემოკრატიული სისტემა, რაც გულისხმობს იმას, რომ ქვეყანაში უნდა არსებობდეს ერთი დომინანტური ძალა, დომინანტური პარტია და მისი სატელიტები, რომლებიც დათანხმდებიან ძალაუფლების მუდმივობის თამაშის წესებზე. მოუზომავენ რაღაც ბოსტანს და იმ ბოსტნის ფარგლებში იმოძრავებ ისე, რომ ძალაუფლებაზე, ხელისუფლებაზე პრეტენზია არ ექნებათ. ეს არის რუსული მოდელი, რომელიც მუშაობს კვაზ დემოკრატიულ ქვეყნებში და ხელისუფლების ყველა ნაბიჯი ამ მიმართულებით, ამ საქმეს ემსახურება. ოპოზიციური ძალები, რომლებიც ამ თამაშის წესებზე არ თანხმდებიან, უნდა იქნან სახელდებული, ე.წ. არასისტემურ ოპოზიციად და ნახევრად არალეგალურ მდგომარეობაზე უნდა იყვნენ გადაყვანილები.
დღეს რა პროცესიც მიდის, ეს არის სამართლის მიღმა პროცესი. [რაც შეეხება უშუალოდ კონსტიტუციური წყობილების ძალადობრივი გზით შეცვლის ბრალდებას], სრულად დარწმუნებული ვარ იმაში, რომ 4 ოქტომბრის ეპიზოდი იყო ხელისუფლების მხრიდან პროვოცირებული, რომლის ინსტრუმენტადაც შეგნებულად თუ შეუგნებლად, გამოყენებულები იყვნენ კონკრეტული ადამიანები. ყველას ჰქონდა თავისი როლი. ვიღაც იყო ჩანერგილი პროვოკატორი, ვიღაც სასარგებლო ბრიყვი და ა.შ. ზუსტად იმისთვის იყო ხელისუფლების მიერ კონტროლირებადი ეს ე.წ. სახელმწიფო გადატრიალება საჭირო, რომ ეს მერე საფუძვლად დასდებოდა ამ ყველაფერს. დარწმუნებული ვარ, რომ ხაბეიშვილმა, არ ვამბობ, რომ ის „დავერბოვკებული“ პროვოკატორია, მაგრამ მან კლასიკური პროვოკატორის როლი შეასრულა. მერე ის პროცესს გაარიდეს. ის სასარგებლო ბრიყვი იყო ამ პროცესში თუ რა იყო, ეს ცალკე თემაა. ხაბეიშვილმა, ფაქტობრივად, ხელი შეუწყო ხელისუფლებას ამ სარჩელის მომზადების პროცესში მისი გეგმებიდან გამომდინარე. ეს ჩემთვის სრულად აშკარაა. ამაზე გაბრაზდებიან, მაგრამ თუ ვინმეს თვალების დახუჭვა უნდა, ხუჭოს რამდენიც უნდა. ეს პოლიტიკის „ორჯერ ორი ოთხია“. უნდათ გაბრაზდნენ, უნდათ ცივი წყალი დალიონ“, – განაცხადა ხუხაშვილმა.
მისივე თქმით, მიზეზი, რის გამოც, საკონსტიტუციო სარჩელი აღარ მოიაზრებს ინდივიდუალურ პირებთან დაკავშირებით მიმართვას, შეიძლება იყოს ის, რომ „შავ სიაში“ „ქართულ ოცნებაში“ ძალიან ბევრი პორტირებული მოხვდებოდა“.
„თავიდან უნდოდათ დაკავშირებული პირების „შავი სიის“ გაკეთება. ეს გადაიფიქრეს იმ მარტივი მიზეზის გამო, რომ ეს „შავი სია“ რომ გაკეთებულიყო, მასში „ქართულ ოცნებაში“ ძალიან ბევრი პორტირებული მოხვდებოდა. შეიძლებოდა საფრთხე შეჰქმნოდა „ქართულ ოცნებასაც“, მისი ლიკვიდაციისა და გაუქმების საკითხი შეიძლება დამდგარიყო დღის წესრიგში.
პაპუაშვილმა აღიარა, რომ ამოცანა მართლმსაჯულება და სახელმწიფო უსაფრთხოება კი არ არის, ამოცანა არის პარტიული, „ქართული ოცნების“ უსაფრთხოება, რომ ლეგალურ სივრცეში მარტო სუსტი ძალები უნდა იყვნენ და არა ძლიერები. ვფიქრობ, რომ „ლელოც“ აქ მოხვედრილია არა იმ სრული პაკეტით, რასაც სახელმწიფო გადატრიალება, მმართველობის პერიოდში ჩადენილი დანაშაული ა.შ. ჰქვია. ეს ეხება უფრო „ნაციონალურ მოძრაობას“ და „კოალიცია ცვლილებისთვის“. ამ კრიტერიუმებში „ლელო“ ვერ ჯდება. „ლელო“ ჩასვეს აბსოლუტურად ბელეტრისტიკული კრიტერიუმებით. ეს არის გარკვეული ტაქტიკური სვლა „ქართული ოცნების“ მხრიდან, რომ გარკვეულწილად სახე შეუნარჩუნოს საკონსტიტუციო სასამართლოს. გათვლილია სარჩელის ნაწილობრივ დაკმაყოფილება, ეს არის მათი ვირეშმაკული ტაქტიკა, რომ საკონსტიტუციო სასამართლომ, თითქოს ობიექტურმა მართლმსაჯულების ინსტიტუტმა, სარჩელი დააკმაყოფილოს ორი პარტიის შემთხვევაში და მესამეს შემთხვევაში არა“,- განაცხადა ხუხაშვილმა.
პოლიტოლოგის მოსაზრებით, გახარიას პარტიის არ შეყვანა სარჩელში, მის „დისკრედიტაციას და ელექტორალურ დასუსტებას ემსახურება“. მისივე თქმით, გახარიასა და ბიძინა ივანიშვილის შორის შესაძლო გარიგება „ტყუილია, რადგან ბიძინა ივანიშვილი გახარიასთან მოლაპარაკებებს არ დაიწყებს“.
„გახარიას დატოვება ამ სიის მიღმა, ვინაიდან ის პარლამენტში შევიდა, ეს უფრო მეტად, მის დისკრედიტაციას ემსახურება. „ლელოსა“ და გახარიას შორის იმ კრიტერიუმების მიხედვით, რაზეც საუბარია, განსხვავების პოვნა, პრაქტიკულად, შეუძლებელია. ხელისუფლების გათვლაა, რომ მოხდება ამ პარტიის ელექტორალური დასუსტება. პარლამენტში ისინი უბრალოდ, „განტევების ვაცები“ და ფასადის შემქმნელი ოპოზიცია გახდებიან. გახარიას პარტიის არ ეშინიათ, იმიტომ, რომ მის ლიდერზე უმძიმესი ბრალდებებით შეკერილი საქმე აქვთ აღძრული.
ერთ-ერთი მოტივი, რატომ დაიწყეს ეს შეტევა და ამ სარჩელის ინიცირება, არის ის, რომ მიმდინარეობს „ქართული ოცნებისთვის“ ბევრად უფრო მძიმე, პარალელური პროცესი – ქონების, ბიზნესების გადანაწილება, შიდა გავლენის სფეროების გადანაწილება. ფულისა და ძალაუფლების ფლობაზე ექსკლუზივის მიღებისთვის სასტიკი ბრძოლა მიმდინარეობს „ქართულ ოცნებაში“. შესაბამისად, ამის გამო საზოგადოება ვერ ფოკუსირდება ძირითად პროცესზე. გადაფარვის ამოცანა ერთ-ერთი მნიშვნელოვანი ამოცანაა ამ ყველაფერში“, – განაცხადა ხუხაშვილმა.
მისივე თქმით, „პოლიტიკური შედეგის წონის მხრივ, ამ პროცესს უბრალოდ აზრი არ აქვს, რადგან პოლიტიკური ფასი, რასაც ხელისუფლება ამაში იხდის, ბევრად აღემატება იმ სარგებელს, რაც მათ ამ ე.წ. საკონსტიტუციო სარჩელის მხრივ შეიძლება მიიღონ“.
გარდა ამისა, ხუხაშვილი გამოეხმაურა „ნაციონალური მოძრაობის“ ერთ-ერთი ლიდერის, ლევან სანიკიძის განცხადებას „ქართული ოცნების“ მიერ წარდგენილი საკონსტიტუციო სარჩელის საპასუხოდ, სადაც მან აღნიშნა რომ „ახლა არის დრო, როგორც ქვეყნის შიგნით, ისე ქვეყნის გარეთ, გამოვიყენოთ ეს უნიკალური შესაძლებლობა და ვაჩვენოთ რეალური ერთიანობა“. ხუხაშვილის თქმით, ოპოზიციური პარტიების გაერთიანებას მნიშვნელობა არ აქვს, სანამ ისინი „ხალხის ნდობას არ დაიბრუნებენ“.
„დიდი ბოდიში, მაგრამ კიდევ გვაქვს ჩვენ ილუზია, რომ პარტიების გაერთიანება-არ გაერთიანებას რაიმე მნიშვნელობა აქვს?! მათ აქვთ ილუზია ან არ აქვთ და რატომღაც მუდმივად ამ მანკიერ წრეზე ტრიალებენ, რომ პარტიების გაერთიანებას რაიმე აზრი აქვს. ხალხის აზრს და კონსოლიდაციას აქვს აზრი. ძალაუფლების წყარო პარტიები კი არ არიან, რომლებიც ისეთივე არალეგიტიმურები არიან ამ საზოგადოებაში, როგორც ხელისუფლება. პარტიები ერთმანეთთან გაერთიანებაზე კი არ უნდა ზრუნავდნენ, ხალხის ნდობის დაბრუნებაზე უნდა ზრუნავდნენ. ხალხის ნდობას რომ დაიბრუნებენ, მერე უნდათ ერთად დასხდნენ და რაც უნდათ ქნან. როგორც უნდათ ისე დასხდნენ, დაკვრას მაინც ვერ ისწავლიან. ხალხზე იფიქრონ!“ – აღნიშნა ხუხაშვილმა.

უნგრეთის პრემიერ-მინისტრი, ვიქტორ ორბანი მოხიბლულია მოსკოვით და სურს, რომ თავისი ქვეყანა რუსეთის მოდელით ააშენოს, – ამის შეახებ პოლონეთის პრემიერ-მინისტრმა, დონალდ ტუსკმა განაცხადა.
„ბოლო დროს მოსკოვით მოხიბლულია და თვლის, რომ უმჯობესია შექმნას გარკვეულწილად ავტორიტარული მოდელი, რუსეთის ნიმუშის მიხედვით“, – აღნიშნა ტუსკმა.
მან უნგრეთში ხელისუფლების მხრიდან დარღვევების შესახებ ისაუბრა და განაცხადა, რომ ორბანის აზროვნება ძალაუფლებას აღიქვამს, როგორც „საშუალებას იმის უზრუნველსაყოფად, რომ ვერავინ გააკონტროლოს ხელისუფლების ქმედებები“.
ტუსკმა აღნიშნა, რომ უნგრეთი 1989 წელს პოლონეთზე გაცილებით წინ იყო, მაგრამ ახლა ის ევროკავშირის ყველაზე ღარიბი ქვეყანაა.
„ისინი, ვინც დაუშვა კორუფცია, მაგალითად, ევროპული ფონდების მიმართ, ჩამორჩნენ ეკონომიკური ზრდისა და ხალხის კეთილდღეობის ამ დიდ რბოლაში“, – აღნიშნა ტუსკმა.

თიბისის მხარდაჭერით, საქართველოში ზეთისხილის გადამამუშავებელი ყველაზე მსხვილი ქარხანა – სვანიძის ზეთისხილის საწარმო – გაიხსნა. ობიექტი დედოფლისწყაროში, ტარიბანას ველზე მდებარეობს და დღეში 150 ტონა ზეთისხილს გადაამუშავებს.
7-მილიონიან პროექტში თიბისის დაფინანსება 5 მილიონი ლარია. თანხა კომპანიამ ქარხნის მშენებლობისა და დანადგარების შესაძენად გამოიყენა.
2 400 კვადრატულ მეტრზე გაშენებულ საწარმოში 30-მდე ადამიანი დასაქმდება, სეზონურად კი თანამშრომელთა რიცხვი 150-მდე გაიზრდება. ქარხანა 100%-ით ნატურალურ ზეთისხილის ზეთსა და მარინადს აწარმოებს. პროდუქცია ადგილობრივ ბაზარზე გაიყიდება, სამომავლოდ კი დაგეგმილია ექსპორტი. ახალი საწარმო ინოვაციური ტექნოლოგიებით არის აშენებული და აღჭურვილია მსოფლიოში წამყვანი ბრენდების დანადგარებით, გერმანული და იტალიური საწარმოო სისტემებით.
თიბისი და „სვანიძე ჰოლდინგი“ 2023 წლიდან აქტიურად თანამშრომლობენ. პარტნიორობის ფარგლებში 108 ჰექტარი ზეთისხილის ბაღებია გაშენებული, სამომავლოდ კი ფართობი 300 ჰექტარს გადააჭარბებს. თანამშრომლობა ასევე მოიცავს 900 ჰა-ზე გაშენებული ბაღების მოვლის დაფინანსებასა და მექანიზაციის შეძენის ხარჯებს.
„ზეთისხილის კულტურა საქართველოსთვის ახალი მიმართულებაა. მოხარული ვარ, რომ სწორედ თიბისი იყო ერთ-ერთი პირველი, ვინც დარგის პოტენციალი დაინახა და სექტორის განვითარებას დაუჭირა მხარი. ამ ნაბიჯით ადგილობრივ წარმოებას და ექსპორტსაც შევუწყეთ ხელი. დარწმუნებული ვარ, „სვანიძის ზეთისხილის“ ქარხანა მნიშვნელოვან წვლილს შეიტანს სფეროს განვითარებაში, ხელს შეუწყობს ადგილობრივების დასაქმებას და სოფლის მეურნეობაში თანამედროვე ტექნოლოგიების დანერგვას. აგრარული მიმართულების, განსაკუთრებით საექსპორტო პროდუქციის, მხარდაჭერა თიბისისთვის მნიშვნელოვანი პრიორიტეტია. ბოლო 3 წლის განმავლობაში ბანკის პორტფელი სოფლის მეურნეობის სექტორში 38%-ით, 330 მილიონი ლარით, გაიზარდა და 1.2 მილიარდ ლარს შეადგენს”, – გიორგი დარჩიაშვილი, თიბისის მსხვილი და საშუალო კორპორაციული კლიენტების მომსახურების დეპარტამენტის დირექტორი.
„ეს ქარხანა მხოლოდ ზეთისხილის ზეთის წარმოების სივრცე არ არის – ეს არის საქართველოს შესაძლებლობის დემონსტრაცია, რომ ეკომეგობრული მიდგომითა და ინოვაციური ტექნოლოგიებით ვაწარმოოთ უმაღლესი ხარისხის პროდუქტი მხოლოდ შეშის ენერგიაზე, ბუნებრივი წარმოების გზით. საწარმო არამხოლოდ სვანიძის ბაღებს მოემსახურება, არამედ მთელი საქართველოს ფერმერების ზეთისხილის მოსავალს ჩაიბარებს. ჩვენი მიზანია, საქართველო ზეთისხილის მსოფლიო რუკაზე ერთ-ერთ წამყვან მწარმოებლად ვაქციოთ”, – გიორგი სვანიძე, „სვანიძის ზეთისხილის“დამფუძნებელი.

პროკურატურა ნინო დათაშვილის მიმართ აღკვეთის ღონისძიების სახით შეფარდებული პატიმრობის, გირაოთი შეცვლას მოითხოვს – ამის შესახებ გიორგი გვარაკიძის უწყების მიერ გავრცელებულ განცხადებაშია ნათქვამი.
პროკურატურა აღნიშნული შუამდგომლობით დღეს, რამდენიმე წუთში შევა პროცესზე. მიზეზად სახელმწიფო ბრალდება დაკავებული მასწავლებლის გაუარესებულ ჯანმრთელობის მდგომარეობას ასახელებს.
საქართველოს პროკურატურა ბრალდებულ ნინო დათაშვილის ჯანმრთელობის მდგომარეობის გათვალისწინებით სასამართლოს შუამდგომლობით მიმართავს,რომ ბრალდებულს აღკვეთის ღონისძიების სახით შეფარდებული პატიმრობა გირაოთი შეეცვალოს.
➡️ როგორც ბრალდების მხარისთვის გახდა ცნობილი, ბრალდებულისთვის ჩატარებული სამედიცინო კვლევების შედეგად დადასტურებულია, რომ მას ესაჭიროება ქირურგიული ჩარევა და შემდგომი მკურნალობა.
➡️ პროკურატურა სასამართლოს ბრალდებულისთვის აღკვეთის ღონისძიების შეცვლის თაობაზე შუამდგომლობით დღესვე მიმართავს”, – ნათქვამია განცხადებაში.

საპატრიარქოში კიდევ ერთხელ განმარტავენ, რომ ეპარქიული კომისიის სხდომას, სადაც არქიმანდრიტი დოროთე ყურაშვილია დაბარებული, მედია არ დაესწრება.
ამის შესახებ „ინტერპრესნიუსს“ საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ განუცხადა.
კითხვაზე ხომ არ გეგმავს საპატრიარქო გადაწყვეტილების გადახედვას, დეკანოზმა ანდრია ჯაღმაიძემ აღნიშნა, რომ „ეს არ განიხილება“.
„თუ მედიის დასწრებას გულისხმობთ კომისიაზე, ეს არ განიხილება, გუშინ ამის შესახებ განცხადებაც გავავრცელეთ,“- აღნიშნა დეკანოზმა ანდრია ჯაღმაიძემ.

ნინო ბურჯანაძე მინსკში ევრაზიის უსაფრთხოების საერთაშორისო კონფერენციას ესწრებოდა, სადაც ბელარუსის პრეზიდენტს, ალექსანდრე ლუკაშენკოს შეხვდა – ვიდეო, რომელსაც რუსული ტელეგრამ არხი ავრცელებს, ჩანს, როგორ ართმევს ხელს ბურჯანაძე ლუკაშენკოს.
,,მადლობა, რომ ყურადღებით მისმენდით”… – ეუბნება ლუკაშენკო ბურჯანაძეს, რომელიც პასუხობს ,,თქვენ არაჩვეულებრივი ორატორი ხართ”…
,,ჩამოდით, ჩამოდით… ბევრი თემაა განსახილველი” – ეუბნება ლუკაშენკო ბურჯანაძეს.

თიბისის მხარდაჭერით, საქართველოში ზეთისხილის გადამამუშავებელი ყველაზე მსხვილი ქარხანა – სვანიძის ზეთისხილის საწარმო – გაიხსნა. ობიექტი დედოფლისწყაროში, ტარიბანას ველზე მდებარეობს და დღეში 150 ტონა ზეთისხილს გადაამუშავებს.
7-მილიონიან პროექტში თიბისის დაფინანსება 5 მილიონი ლარია. თანხა კომპანიამ ქარხნის მშენებლობისა და დანადგარების შესაძენად გამოიყენა.
2 400 კვადრატულ მეტრზე გაშენებულ საწარმოში 30-მდე ადამიანი დასაქმდება, სეზონურად კი თანამშრომელთა რიცხვი 150-მდე გაიზრდება. ქარხანა 100%-ით ნატურალურ ზეთისხილის ზეთსა და მარინადს აწარმოებს. პროდუქცია ადგილობრივ ბაზარზე გაიყიდება, სამომავლოდ კი დაგეგმილია ექსპორტი. ახალი საწარმო ინოვაციური ტექნოლოგიებით არის აშენებული და აღჭურვილია მსოფლიოში წამყვანი ბრენდების დანადგარებით, გერმანული და იტალიური საწარმოო სისტემებით.
თიბისი და „სვანიძე ჰოლდინგი“ 2023 წლიდან აქტიურად თანამშრომლობენ. პარტნიორობის ფარგლებში 108 ჰექტარი ზეთისხილის ბაღებია გაშენებული, სამომავლოდ კი ფართობი 300 ჰექტარს გადააჭარბებს. თანამშრომლობა ასევე მოიცავს 900 ჰა-ზე გაშენებული ბაღების მოვლის დაფინანსებასა და მექანიზაციის შეძენის ხარჯებს.
„ზეთისხილის კულტურა საქართველოსთვის ახალი მიმართულებაა. მოხარული ვარ, რომ სწორედ თიბისი იყო ერთ-ერთი პირველი, ვინც დარგის პოტენციალი დაინახა და სექტორის განვითარებას დაუჭირა მხარი. ამ ნაბიჯით ადგილობრივ წარმოებას და ექსპორტსაც შევუწყეთ ხელი. დარწმუნებული ვარ, „სვანიძის ზეთისხილის“ ქარხანა მნიშვნელოვან წვლილს შეიტანს სფეროს განვითარებაში, ხელს შეუწყობს ადგილობრივების დასაქმებას და სოფლის მეურნეობაში თანამედროვე ტექნოლოგიების დანერგვას. აგრარული მიმართულების, განსაკუთრებით საექსპორტო პროდუქციის, მხარდაჭერა თიბისისთვის მნიშვნელოვანი პრიორიტეტია. ბოლო 3 წლის განმავლობაში ბანკის პორტფელი სოფლის მეურნეობის სექტორში 38%-ით, 330 მილიონი ლარით, გაიზარდა და 1.2 მილიარდ ლარს შეადგენს”, – გიორგი დარჩიაშვილი, თიბისის მსხვილი და საშუალო კორპორაციული კლიენტების მომსახურების დეპარტამენტის დირექტორი.
„ეს ქარხანა მხოლოდ ზეთისხილის ზეთის წარმოების სივრცე არ არის – ეს არის საქართველოს შესაძლებლობის დემონსტრაცია, რომ ეკომეგობრული მიდგომითა და ინოვაციური ტექნოლოგიებით ვაწარმოოთ უმაღლესი ხარისხის პროდუქტი მხოლოდ შეშის ენერგიაზე, ბუნებრივი წარმოების გზით. საწარმო არამხოლოდ სვანიძის ბაღებს მოემსახურება, არამედ მთელი საქართველოს ფერმერების ზეთისხილის მოსავალს ჩაიბარებს. ჩვენი მიზანია, საქართველო ზეთისხილის მსოფლიო რუკაზე ერთ-ერთ წამყვან მწარმოებლად ვაქციოთ”, – გიორგი სვანიძე, „სვანიძის ზეთისხილის“დამფუძნებელი.
(R)

29) ოქტომბერს ქართული ეკლესია აღნიშნავს ღირსი მამის ზენონ იყალთოელის ხსენების დღეს (VI საუკუნე).
ღირსი იოანე ზედაზნელი და მისი თორმეტი მოწაფე: აბიბოს ნეკრესელი, ანტონ მარტყოფელი, დავით გარეჯელი, ზენონ იყალთოელი, თადეოზ სტეფანწმიდელი, ისე წილკნელი, იოსებ ალავერდელი, ისიდორე სამთავნელი, მიქაელ ულუმბოელი, პიროს ბრეთელი, სტეფანე ხირსელი და შიო მღვიმელი იყვნენ ასურელი მოღვაწეები, რომლებმაც საქართველოში სამონასტრო ცხოვრება ააღორძინეს და დაამკვიდრეს.
წმიდა ზენონ იყალთოელი ქადაგებდა კახეთის მთიანეთში, შემდეგ იყალთოში დააარსა მონასტერი და იქ მოღვაწეობდა სიკვდილამდე. დაკრძალულია მაცხოვრის ხელთუქმნელი ხატის სახელობის ტაძარში.
„წმიდანთა ცხოვრება“, ტომი II, თბილისი, 2001 წ.

პარლამენტმა პირველი მოსმენით, დაჩქარებული წესით განიხილა „კორუფციის წინააღმდეგ ბრძოლის შესახებ“ კანონში შესატანი ცვლილება და 81 ხმით მხარი დაუჭირა.
კანონპროექტის მიხედვით, საჯარო მოსამსახურის მიერ საჯარო დაწესებულებაში სხვა თანამდებობის დაკავების შეზღუდვის გამონაკლისს ემატება საპენსიო ფონდის მმართველობითი საბჭოს წევრის თანამდებობა.
„ამასთანავე, საჯარო სამსახურში მმართველობითი/სათათბირო ფუნქციის განხორციელებისათვის შექმნილ სხვა კომისიებსა და საბჭოებში დასაქმებულ საჯარო მოსამსახურეთა არაანაზღაურებადი საქმიანობა აღარ დაკვალიფიცირდება თანამდებობრივ შეუთავსებლობად“, – აღნიშნულია პარლამენტის ვებ-გვერდზე გამოქვეყნებულ ინფორმაციაში.

კარიბის ზღვის აუზის კუნძულოვან სახელმწიფოს, იამაიკას მასშტაბური ზიანი მიაყენა დამანგრეველმა ქარიშხალმა „მელისამ“. ატლანტის ოკეანიდან დაძრულმა მეხუთე კატეგორიის ქარიშხალმა, რომელსაც თან ახლდა კოკისპირული წვიმა, იამაიკის ნაპირებამდე 28 ოქტომბერს მიაღწია და ნგრევა, წყალდიდობა და მეწყერი გამოიწვია.
ხმელეთზე ქარიშხლის სიმძლავრე მეოთხე კატეგორიამდე შემცირდა, ხოლო ქარის სიჩქარე – დაახლოებით 300კმ/სთ-დან 150კმ/სთ-მდე.
იამაიკის ხელისუფლების ინფორმაციით, კუნძულზე დაღუპულია სამი ადამიანი, თუმცა არა უშუალოდ ქარიშხლის დროს, არამედ სტიქიისთვის მოსამზადებელ ეტაპზე მომხდარი უბედური შემთხვევების შედეგად.
ქარიშხალმა დაანგრია, ან დააზიანა სახლები და ელექტროგადამცემი ხაზები. ენერგომომარაგების გარეშე დარჩა 530 ათასამდე სახლი და სხვა შენობები. სანაპირო ზოლიდან დროებით თავშესაფრებში გადაიყვანეს 15 ათასამდე ადამიანი.
იამაიკის მეტეოსამსახურის თანახმად, „მელისა“ ქვეყნისთვის უძლიერესი ქარიშხალია 1851 წლიდან, ანუ იმ პერიოდიდან, როცა მეტეოდაკვირვება დაიწყო.
„მელისამ“ წყალდიდობა და ნგრევა გამოიწვია იამაიკის მეზობელ ჰაიტისა და დომინიკის რესპუბლიკაშიც.
დომინიკაში ერთი ადამიანი დაიღუპა და ერთი დაკარგულად ითვლება. ჰაიტიზე დაღუპულია სულ მცირე სამი ადამიანი. დატბორილია ასეულობით სახლი.
„მელისამ“ იამაიკიდან გეზი აიღო კუბისკენ, სადაც, ადგილობრივი ხელისუფლების ინფორმაციით, სახიფათო ზონიდან ევაკუირებულია 735 ათასზე მეტი ადამიანი.
ფორუმი

აშშ-ის პრეზიდენტის, დონალდ ტრამპის განცხადებით, ღაზაში აშშ-ის მიერ მხარდაჭერით მიღწეულ ცეცხლის შეწყვეტის შეთანხმებას საფრთხე არ ემუქრება.
„როგორც გავიგე, მათ ისრაელელი ჯარისკაცი მოკლეს. ასე რომ, ისრაელელებმა საპასუხო დარტყმა განახორციელეს და უნდა განახორციელონ საპასუხო დარტყმა. როდესაც ეს მოხდება, მათ უნდა განახორციელონ საპასუხო დარტყმა. ცეცხლის შეწყვეტას არაფერი ემუქრება. „ჰამასი“ ახლო აღმოსავლეთში მშვიდობის ძალიან მცირე ნაწილია და ვალდებულნი არიან, კარგად მოიქცნენ“, – განუცხადა ტრამპმა ჟურალისტებს.
აშშ-ის პრეზიდენტმა ეს განცხადება მას შემდეგ გააკეთა, რაც ისრაელმა ღაზაზე დარტყმები განახორციელა, რის შედეგადაც, ადგილობრივი ხელისუფლების ცნობით, 26 ადამიანი დაიღუპა.
არ წარმოადგენს მას შემდეგ, რაც ადგილობრივი ხელისუფლების ცნობით, ისრაელის დარტყმების შედეგად 26 ადამიანი დაიღუპა, რადგან ისრაელი და ჰამასი ერთმანეთს ძალადობაში ადანაშაულებენ.

ლიგა 2-ის მეთორმეტე ტურში „სენტ-ეტიენმა“ საკუთარ მოედანზე ლიდერთა ჯგუფის წარმომადგენელ „პოს“ 6:0 სძლია.
მასპინძელთა გუნდის ნახევარმცველი ზურიკო დავითაშვილი 67-ე წუთზე შევიდა შეცვლაზე, როდესაც ანგარიში 5:0 იყო, მეტოქის კარი დალაშქრა და ანალიტიკური საიტებისგან მაღალი შეფასებები დაიმსახურა: sofascore 7.9, flashscore 7.6. მის ანგარიშზე მიმდინარე ტურნირის 11 მატჩში 5 გოლია.
„სენტ-ეტიენმა“ ზედიზედ ორი წაგების შემდეგ დამაჯერებელი გამარჯვება მოიპოვა, 23 ქულით მეორე ადგილზეა და 1-ელ ნოემბერს პარიზში „რედ სტარს“ შეხვდება.
სენტ-ეტიენი – პო 6:0
გოლები: 1:0 ფერეირა (2), 2:0 კარდონა (11), 3:0 ტარდიე (41, პენ), 4:0 დუფუსი (44), 5:0 დუფუსი (48), 6:0 დავითაშვილი (79)
გაძევება: კარამოკო (89, პო)
· toy წეიყომარეს ერთი-ორი თამაში ბიჭებმა და
დიდი როტაციით “ლორიენთან” – იქნება ხვიჩა სასტარტოში?
[VIDEO] დავითაშვილმა დუბლი შეასრულა და მატჩის საუკეთესო ფეხბურთელი გახდა
დავითაშვილის “სენტ-ეტიენმა” შინ მარცხი განიცადა
დავითაშვილის კაცნაკლული “სენტ-ეტიენი” “ანსისთან” განადგურდა
დავითაშვილი შეცვალეს – “სენტ-ეტიენი” სახლში “გენგამთან” დამარცხდა
თურქული გრანდი დავითაშვილის შესაძენად ფულს არ დაზოგავს
[VIDEO] ზურიკოს დუბლით “სენტ-ეტიენი” “მონპელიეს” ამარცხებს

აშშ-ის პრეზიდენტი დონალდ ტრამპი სამხრეთ კორეაში ჩავიდა, სადაც აზია-წყნარი ოკეანის ეკონომიკური თანამშრომლობის სამიტს დაესწრება.
ამასან, დონალდ ტრამპი სამხრეთ კორეის პრეზიდენტ ლი ჯე მიუნგს შეხვდება. შეხვედრაზე ვაჭრობასა და უსაფრთხოებასთან დაკავშირებულ საკითხებს განიხილავენ.
სამხრეთ კორეაში ვიზიტის ფარგლებში აშშ-ის პრეზიდენტი ხუთშაბათს ჩინელ კოლეგას, ლიდერ სი ძინპინს შეხვდება. ლიდერები, სავარაუდოდ, სავაჭრო შეთანხმებას განიხილავს, რომელსაც შესაძლოა ფართო ეკონომიკური შედეგები მოჰყვეს.
შეგახსენებთ, დონალდ ტრამპი სამხრეთ კორეაში ჩასვლამდე მალაიზიასა და იაპონიაში იმყოფებოდა.

ისრაელის არმიის ავიაციამ გასულ ღამით ღაზის სექტორი დაბომბა. მანამდე ისრაელმა პალესტინელთა რადიკალური ისლამისტური მოძრაობა, ისრაელის, აშშ-ის და ევროკავშირის მიერ ტერორისტულ ორგანიზაციად გამოცხადებული ჰამასი საზავო შეთანხმების დარღვევაში დაადანაშაულა.
28 ოქტომბერს ისრაელის თავდაცვის მინისტრმა ისრაელ კაცმა განაცხადა, რომ ჰამასმა ცეცხლი გაუხსნა ისრაელის არმიის სამხედროებს. ადგილობრივი მედიის ცნობით, თავდასხმა ქალაქ რაფაჰის მახლობლად მოხდა. ჰამასმა თავდასხმა უარყო.
გარდა ამისა, ისრაელის მთავრობის თანახმად, ჰამასმა გადასცა არა კიდევ ერთი, მე-16 მძევლის ცხედარი, როგორც ეს 28 ოქტომბერს განაცხადა, არამედ სხვა მოკლული მძევლის, ოფირ ცარფატის ცხედრის ნაშთები, რაც ექსპერტიზის შედეგად გაირკვა. ცარფატის ცხედრის ნაწილები ღაზის სექტორიდან ისრაელში პირველად დაახლოებით ორი წლის წინ გადაასვენეს.
28 ოქტომბერს, გვიან საღამოს ისრაელის პრემიერ-მინისტრ ბენიამინ ნეთანიაჰუს ოფისმა განაცხადა, რომ უსაფრთხოების საკითხებზე კონსულტაციების შემდეგ მან სამხედროებს უბრძანა, დაუყოვნებლივ დაარტყან ღაზის სექტორს.
ჰამასის მიერ კონტროლირებული სამოქალაქო თავდაცვის სააგენტოს ინფორმაციით, ქალაქ ღაზაზე და კიდევ რამდენიმე რაიონზე ისრაელის ავიადარტყმების შედეგად სულ მცირე 30 ადამიანი დაიღუპა და ათეულობით დაიჭრა.
ისრაელმა და ჰამასმა ღაზის სექტორში ომის დასასრულებლად შეერთებული შტატების პრეზიდენტ დონალდ ტრამპის მიერ ინიციირებული სამშვიდობო გეგმის საფუძველზე შეთანხმებას 10 ოქტომბერს ეგვიპტეში მიაღწიეს აშშ-ის, ეგვიპტის, კატარის და თურქეთის შუამავლობით.
ჰამასმა გაათავისუფლა ისრაელიდან ორი წლის წინ გატაცებული ადამიანებიდან ცოცხლად დარჩენილი ოცივე მძევალი. თავის მხრივ ისრაელმა გაათავოსუფლა 2000-მდე პალესტინელი პატიმარი და ღაზის სექტორზე შეტევა შეწყვიტა. ჰამასმა ეტაპობრივად დაიწყო ისრაელისთვის 28 დაღუპული მძევლის ცხედრების გადაცემაც. საზავო შეთანხმების დარღვევის შესახებ იუწყებოდნენ 19 და 25 ოქტომბერსაც.
დღეს, 29 ოქტომბერს იაპონიიდან სამხრეთ კორეისკენ მიმავალ დონალდ ტრამპს ჟურნალისტებმა პრეზიდენტის თვითმფრინავში ჰკითხეს, მიღწეულ შეთანხმებას საფრთხეს ხომ არ უქმნის ღაზის სექტორზე ავიადარტყმები. ტრამპმა უპასუხა, რომ შეთანხმებას საფრთხე არ ემუქრება. შეერთებული შტატების პრეზიდენტის განცხადებით, ისრაელი ვალდებული იყო საპასუხო იერიში მიეტანა მას შემდეგ, რაც 28 ოქტომბერს ერთი ჯარისკაცი მოუკლეს. ტრამპმა ისევ გაიმეორა მუქარა, რომ თუ ჰამასი შეთანხმებას არ დაემორჩილება, მას იოლად გაანადგურებენ.
· ჰამასის მიერ კონტროლირებულ ღაზის სექტორში ისრაელის ფართომასშტაბიანი სამხედრო ოპერაცია მოჰყვა 2023 წლის ოქტომბერში ისრაელის სამხრეთზე ჰამასის თავდასხმას, 1200-მდე ადამიანის დახოცვას და 250-ზე მეტის მძევლად აყვანას და ისრაელზე მასირებულ სარაკეტო შეტევას.
· მოგვიანებით მძევლების ნაწილი გაათავისუფლეს, ნაწილი დაიღუპა. ჰამასის ტყვეობაში დარჩენილი იყო 50-მდე მძევალი. მათგან 20 ცოცხალი.
· ისრაელის ფართომასშტაბიანმა სამხედრო ოპერაციამ ღაზის სექტორში დიდი მსხვერპლი და ჰუმანიტარული კატასტროფა გამოიწვია. ჰამასის მიერ კონტროლირებული ჯანდაცვის სამინისტროს მიერ 2025 წლის ოქტომბრის პირველ ნახევარში გავრცელებული მონაცემებით, რომლებიც დამოუკიდებელი წყაროებით გადაუმოწმებელია, დაღუპულია 67 ათასზე მეტი ადამიანი.
ფორუმი

ბრაზილიის ქალაქ რიო-დე-ჟანეიროში ორგანიზებული დანაშაულის წინააღმდეგ მიმართული პოლიციის მიერ ჩატარებული მასშტაბური რეიდის დროს, სულ მცირე, 64 ადამიანი დაიღუპა, – ინფორმაციას CNN-ი ბრაზილიის უსაფრთხოების სამსახურის ოფიციალურ პირებზე დაყრდნობით ავრცელებს.
ტელეკომპანიის ცნობით, დაღუპულთა შორის ოთხი ბრაზილიელი პოლიციელია.
რიო-დე-ჟანეიროს შტატის გუბერნატორმა კლაუდიო კასტრომ ჟურნალისტებს განუცხადა, რომ რეიდის დროს პოლიციამ დიდი რაოდენობით ნარკოტიკი ამოიღო. ხელისუფლების წარმომადგენლებმა ასევე განაცხადა, რომ ოპერაციის დროს სულ მცირე 42 შაშხანა ამოიღეს.
რიო-დე-ჟანეიროს მთავრობის ინფორმაციით, ოპერაციის მიზანი კომანდო ვერმელიოს კრიმინალური დაჯგუფების ტერიტორიული ექსპანსიის წინააღმდეგ ბრძოლაა. ოპერაცია ერთ წელზე მეტი ხნის განმავლობაში მუშავდებოდა და მასში 2 500-ზე მეტი სამხედრო და სამოქალაქო პოლიციელი მონაწილეობდა.
პოლიციის რეიდები ქალაქში საერთაშორისო ღონისძიებების წინ ხშირია, მომავალ კვირას კი რიომ კლიმატის ცვლილებისადმი მიძღვნილ მნიშვნელოვან კონფერენციას, C40-ის მსოფლიო მერების სამიტს უნდა უმასპინძლოს.

ისრაელის მიერ ღაზაზე განხორციელებული დარტყმები ღიად არღვევს “ჰამასთან” მიღწეული ცეცხლის შეწყვეტის შეთანხმებას, – ამის შესახებ თურქეთის საგარეო სამინისტროს განცხადებაშია აღნიშნული.
უწყების მტკიცებით, შეშფოთებულია მშვიდობიან მოსახლეობაში მხვერპლის შესახებ ინფორმაციით და კიდევ ერთხელ მოუწოდებს ისრაელს, ცეცხლის შეწყვეტის შეთანხმების მიმართ ერთგული დარჩეს.
„თურქეთი გააგრძელებს სოლიდარობას პალესტინელი ხალხის მიმართ და გააგრძელებს რეგიონში სამართლიანი, მდგრადი და ყოვლისმომცველი მშვიდობის უზრუნველყოფის მცდელობების მხარდაჭერას“, – ნათქვამია განცხადებაში.
შეგახსენებთ, ისრაელმა ღაზას სექტორის ტერიტორიაზე ახალი დარტყმები დაიწყო მას შემდეგ, რაც მხარეებმა ერთმანეთი ცეცხლის შეწყვეტის დარღვევაში დაადანაშაულეს. „ჰამასის“ მიერ მართული სამოქალაქო თავდაცვის სააგენტოს ინფორმაციით, ისრაელის თავდასხმას 9 ადამიანი ემსხვერპლა.

ისრაელმა ღაზას სექტორის ტერიტორიაზე ახალი დარტყმები დაიწყო მას შემდეგ, რაც მხარეებმა ერთმანეთი ზავის დარღვევაში დაადანაშაულეს, – ინფორმაციას BBC-ი ავრცელებს.
გამოცემის ცნობით, იერიში მას შემდეგ განხორციელდა რაც ისრაელის პრემიერ-მინისტრმა, ბენიამინ ნეთანიაჰუმ მძლავრი დარტყმების ბრძანება გასცა.
მანამდე, ნეთანიაჰუს ოფისმა განაცხადა, რომ ორშაბათს „ჰამასის“ მიერ გადაცემული ცხედარი არა კიდევ ერთი გარდაცვლილი მძევლის ცხედარი იყო, არამედ ოფირ ცარფატის ნეშტი, რომლის ცხედარიც ისრაელის ძალებმა 2023 წლის ბოლოს იპოვეს.
„ჰამასის“ მიერ მართული სამოქალაქო თავდაცვის სააგენტოს ინფორმაციით, ისრაელის თავდასხმას 9 ადამიანი ემსხვერპლა.

ლიგა 1-ის მეათე ტურში პსჟ „ლორიენს“ ესტუმრება და „პარიზიენის“ მტკიცებით, გუნდის მწვრთნელი ლუის ენრიკე ჩემპიონთა ლიგაზე „ბაიერნთან“ დაპირისპირებამდე ერთი კვირით ადრე შემადგენლობაში დიდ ცვლილებებს აპირებს.
როტაცია ისევ არ შეეხება მეკარე ლუკა შევალიეს. ოთხდღიანი შვებულება მიიღო აშრაფ ჰაკიმიმ და მას უორენ ზაირ-ემერი შეცვლის. 22 სექტემბერს „მარსელთან“ მიღებული ტრავმის შემდეგ პირველად იქნება სასტარტოში მარკინიოსი. დაცვაში აგრეთვე ლუკას ბერალდოს და ნუნო მენდეშს დააყენებს. ფაბიან რუისი და ჟოაო ნევეში მწყობრში ჩადგნენ, მაგრამ ისინი თავიდანვე არ დაიწყებენ თამაშს. ძირითად თერთმეტეულში დაბრუნდება უსმან დემბელე. იმისათვის, რათა ხვიჩა კვარაცხელიას და ბრედლი ბარკოლას დასვენების საშუალება მიეცეთ, მათ ესპანელი სპეციალისტი გონსალო რამუშით და იბრაიმ მბაიეთი შეცვლის.
„პარი სენ ჟერმენის“ სავარაუდო შემადგენლობა: შევალიე, ზაირ-ემერი, მარკინიოსი, ბერალდო, მენდეში, ლი, ვიტინია, დუე, მბაიე, დემბელე, რამუში.
სათადარიგოები: საფონოვი, მარინი, პაჩო, ზაბარნი, ბოლი, ერნანდესი, კამარა, ნევეში, კვარაცხელია, მეილიუ, ნტანჯუ, ბარკოლა.
მატჩი „სტად დუ მუსტუარზე“ თბილისის დროით 22:00 საათზე დაიწყება.
6:0. ზურიკომ გაიტანა და თან როგორი გაიტანა!
“ზაბარნი იხრჩობა და თავდაჯერებულობას კარგავს” – ფრანგული მედია უკრაინელს აკრიტიკებს
ამბები, რომლებიც შესაძლოა შაბათ-კვირას გამოგრჩა
“ბრესტთან” მატჩში პსჟ-ს შემადგენლობა ცნობილია
მენდი “სიტის” 2 წლის ხელფასის ანაზღაურებას სთხოვს
[VIDEO] კვარაცხელიას შედევრამდე სულ ცოტა დააკლდა – ქართველმა ჰაკიმის გაატანინა
მიქაუტაძის საგოლე პასი – “მეცი” ზედიზედ მერვედ დამარცხდა [VIDEO]
[VIDEO] ხვიჩას საგოლე პასი, ჰაკიმის დუბლი – პსჟ-მ “ბრესტს” უპრობლემოდ მოუგო
როგორი შეფასებები მიიღეს პსჟ-ს ფეხბურთელებმა “ბრესტთან” მატჩში?
პროექტის მნიშვნელოვან წევრად მოიაზრება – პსჟ გუნდის ტალანტს კონტრაქტს უხანგრძლივებს
ექსკლუზივი – დავითაშვილი საფრანგეთის ჩემპიონატში ითამაშებს

ლიგა 2-ის მეთორმეტე ტურში „სენტ-ეტიენმა“ საკუთარ მოედანზე ლიდერთა ჯგუფის წარმომადგენელ „პოს“ 6:0 სძლია.
მასპინძელთა გუნდის ნახევარმცველი ზურიკო დავითაშვილი 67-ე წუთზე შევიდა შეცვლაზე, როდესაც ანგარიში 5:0 იყო, მეტოქის კარი დალაშქრა და ანალიტიკური საიტებისგან მაღალი შეფასებები დაიმსახურა: sofascore 7.9, flashscore 7.6. მის ანგარიშზე მიმდინარე ტურნირის 11 მატჩში 5 გოლია.
„სენტ-ეტიენმა“ ზედიზედ ორი წაგების შემდეგ დამაჯერებელი გამარჯვება მოიპოვა, 23 ქულით მეორე ადგილზეა და 1-ელ ნოემბერს პარიზში „რედ სტარს“ შეხვდება.
სენტ-ეტიენი – პო 6:0
გოლები: 1:0 ფერეირა (2), 2:0 კარდონა (11), 3:0 ტარდიე (41, პენ), 4:0 დუფუსი (44), 5:0 დუფუსი (48), 6:0 დავითაშვილი (79)
გაძევება: კარამოკო (89, პო)
გოჩოლეიშვილი უნიღბოდ დაბრუნდა – “ჰამბურგმა” თასზე ზივზივაძის “ჰაიდენჰაიმს” მოუგო
ფორმაში მყოფი “კვარა” აღდგენილ სამეულში – “მამარდას” ვუდმანი შეცვლის და მატჩი ქვედალიგელთან
ქოჩორაშვილი ორი გამოტოვებული მატჩის შემდეგ შეცვლაზე შევიდა – “სპორტინგმა” გაიმარჯვა
[VIDEO] დავითაშვილმა დუბლი შეასრულა და მატჩის საუკეთესო ფეხბურთელი გახდა
დავითაშვილის “სენტ-ეტიენმა” შინ მარცხი განიცადა
დავითაშვილის კაცნაკლული “სენტ-ეტიენი” “ანსისთან” განადგურდა
დავითაშვილი შეცვალეს – “სენტ-ეტიენი” სახლში “გენგამთან” დამარცხდა
თურქული გრანდი დავითაშვილის შესაძენად ფულს არ დაზოგავს
[VIDEO] ზურიკოს დუბლით “სენტ-ეტიენი” “მონპელიეს” ამარცხებს

წყალტუბოს სამგურალმა საგარეჯოს გარეჯს მოუგო და მეხუთე ადგილზე გადავიდა. ეს მოხდა კრისტალბეთ ეროვნული ლიგის 30-ე ტურის ბოლო მატჩში.
გარეჯი 1:4 სამგურალი
ანგარიშის მიუხედავად, საკმაოდ დაძაბული შეხვედრა გამოდგა. 86-ე წუთამდე ფრე იყო.
სწრაფი გოლი ვნახეთ, კერძოდ, სამგურალის ნახევარმცველმა ჟან კარლოსმა გამოზომილი დარტყმით გაიტანა.
გარეჯმა პირველ ტაიმში გაათანაბრა თამაზ ცეცხლაძის თავურით – 1:1.
მთავარი ამბები სწორედ 86-ე წუთიდან დაიწყო: ისევ ჟან კარლოსმა იმოქმედა მშვენივრად, კარგად მოატყუა მცველი და შორეულ კუთხეში დარტყმით დააწინაურა სამგურალი.
ამას მოჰყვა ველისოლის პასი და ჯეფერსონ ჯერალდოს გოლი. ხოლო ბოლოს იყო დემურ ჩიხლაძის 40 მეტრიდან გატანილი: სამგურალის კაპიტანმა დაინახა კარიდან წინ გამოსული მეკარე და მაღალი ტრაექტორიით ჩაუშვა ბურთი კარში. საბოლოოდ 1:4.
სამგურალი მეხუთე ადგილზე გადავიდა. გარეჯი კი მერვე საფეხურზეა.
erovnuliliga.ge
“იბერია 1999” პირველ ადგილზე დაბრუნდა, “გაგრამ” “დინამო ბათუმს” მოუგო
ფანცულაია გოლებს აგროვებს; “სამგურალმა”, “გარეჯმა” და “თელავმა” გაიმარჯვეს
“იბერია 1999” პირველ ადგილზე დაბრუნდა, “გაგრამ” “დინამო ბათუმს” მოუგო
ფრე დინამოების დაპირისპირებაში; წყალტუბოელთა მოგება ფოთში
27-ე ტური. ლიდერსა და მდევარს შორის სხვაობა შემცირდა
ფანცულაია გოლებს აგროვებს; “სამგურალმა”, “გარეჯმა” და “თელავმა” გაიმარჯვეს
ლიდერი ისევ “დილაა”; “ტორპედომ” კი იბერიელებს აჯობა

საქართველოს მესამე პრეზიდენტი, მიხეილ სააკაშვილი, ციხიდან წერილს ავრცელებს:
ჩემი მოწოდება ამერიკის შეერთებული შტატებისადმი, ევროკავშირისადმი და გაერთიანებული სამეფოსადმი, დაასანქცირონ ქართული ბანკები, როგორც დიქტატურის ანტიდემოკრატიული და ანტიევროპული პოლიტიკის თანამონაწილეები. ბანკებს არ სურთ რომ საქართველო ევროკავშირში შევიდეს, ვინაიდან ამ შემთხვევაში მათი ყაჩაღური ზემოგებები მრავალგზის შემცირდება

„ძალიან ვისურვებდით, ჩინეთმა მოახდინოს ზეწოლა რუსეთზე, რომ დაასრულოს ეს ომი და არანაირი ფორმით არ ეხმარებოდეს მის გაგრძელებაში“, – განაცხადა უკრაინის პრეზიდენტმა ვოლოდიმირ ზელენსკიმ 28 ოქტომბერს, როცა ნიდერლანდის საგარეო საქმეთა მინისტრთან შეხვედრისას ჟურნალისტების შეკითხვებს უპასუხა.
ზელენსკიმ ილაპარაკა რუსეთის ენერგორესურსების შესყიდვის შემცირების მნიშვნელობაზე კრემლზე რეალური ზეწოლის მოსახდენად. მისი თქმით, ომი რომ არ იყოს, ცხადია, ცალკეული ქვეყნის საქმე იქნებოდა, ვისგან იყიდიდნენ ენერგორესურსებს, თუმცა, დღეს, მისი თქმით, რუსეთის ენერგორესურსების შესყიდვა უკრაინის, ევროპისა და მთელი მსოფლიოს უსაფრთხოებას უკავშირდება. ამ კონტექსტში მან კიდევ ერთხელ გაიმეორა: „ტრამპი თუ მოახერხებდა ჩინეთის პრეზიდენტის დაყოლიებას, რომ შეამციროს რუსეთის ენერგორესურსების შესყიდვა, ყველას დაგვეხმარებოდა“.
რაც შეეხება ნიდერლანდის საგარეო საქმეთა მინისტრის ვიზიტს, დევიდ ვან ვილმა გამოხატა აღტაცება უკრაინის მედეგობით და აღნიშნა: „მხოლოდ უკრაინის გადასაწყვეტია როგორი სამშვიდობო შეთანხმება იქნება მისთვის მისაღები“. ვან ვილის ვიზიტის დღის წესრიგში იყო უკრაინის ენერგოსექტორისთვის დახმარება (25 მილიონი ევრო) და უკრაინაში რუსეთის რუსეთის მიერ ჩადენილი აგრესიის დანაშაულის განსასჯელად ევროსაბჭოს ეგიდით საგანგებო ტრიბუნალის შექმნა ჰააგაში. ამ ინიციატივის ძლიერი მხარდამჭერია ესტონეთი, რომლის საგარეო საქმეთა მინისტრის მარგუს ცაჰკნა 28 ოქტომბერს ასევე იმყოფებოდა უკრაინის დედაქალაქში. გარდა ამისა ნიდერლანდის საგარეო საქმეთა მინისტრმა განაცხადა:
„გამოვაცხადე 9 მილიონი ევროს გამოყოფა პროექტისთვის „უკრაინაში ღირსებისა და სამართლიანობის აღდგენა“. ამ კონტრიბუციით მხარს ვუჭერთ უკრაინის მიერ საერთაშორისო დანაშაულების გამოძიებას მისივე მართლმსაჯულების სისტემის გამოყენებით. ეს არის უმნიშვნელოვანესი პასუხისგების მისაღწევად.
ნიდერლანდები მოწადინებულია დაეხმაროს უკრაინას ევროკავშირში გაწევრიანებაში. დღეს გამოვაცხადეთ აგრეთვე 1 მილიონი ევროთი მხარდაჭერა უკრაინაში ეკონომიკური უსაფრთხოების ბიუროს რეფორმირებისთვის, რომელიც არის უკრაინაში კორუფციასთან ბრძოლის წინა ხაზზე“.
უკრაინის პრეზიდენტმა ვოლოდიმირ ზელენსკიმ ნიდერლანდის საგარეო საქმეთა მინისტრ დევიდ ვან ვილთან შეხვედრაზე განაცხადა, რომ მიმდინარე კვირის პარასკევს ან შაბათს გაიმართება უკრაინისა და ევროპის ქვეყნების ლიდერების მრჩეველთა შეხვედრა, რომელზეც იმსჯელებენ ომის დასრულების გეგმის შტრიხებზე. 27 ოქტომბერს ზელენსკიმ განაცხადა, რომ უკრაინა და ევროპის ლიდერები შეიმუშავებენ ცეცხლის შეწყვეტის გეგმას ერთ კვირაში ან ათ დღეში. „აქსიოსისთვის“ მიცემულ სატელეფონო ინტერვიუში მან აღნიშნა, რომ გეგმა უნდა იყოს მოკლე და ბევრი დეტალის გარეშე.
უკრაინისა და ევროპის სახელმწიფოების ომის დასრულების გეგმაზე მუშაობის შესახებ ინფორმაცია ერთი კვირის წინ გაავრცელა „ბლუმბერგმა“.
ფორუმი

ლიგა 2-ის მეთორმეტე ტურში „სენტ-ეტიენმა“ საკუთარ მოედანზე ლიდერთა ჯგუფის წარმომადგენელ „პოს“ 6:0 სძლია.
მასპინძელთა გუნდის ნახევარმცველი ზურიკო დავითაშვილი 67-ე წუთზე შევიდა შეცვლაზე, როდესაც ანგარიში 5:0 იყო, მეტოქის კარი დალაშქრა და ანალიტიკური საიტებისგან მაღალი შეფასებები დაიმსახურა: sofascore 7.9, flashscore 7.6. მის ანგარიშზე მიმდინარე ტურნირის 11 მატჩში 5 გოლია.
„სენტ-ეტიენმა“ ზედიზედ ორი წაგების შემდეგ დამაჯერებელი გამარჯვება მოიპოვა, 23 ქულით მეორე ადგილზეა და 1-ელ ნოემბერს პარიზში „რედ სტარს“ შეხვდება.
სენტ-ეტიენი – პო 6:0
გოლები: 1:0 ფერეირა (2), 2:0 კარდონა (11), 3:0 ტარდიე (41, პენ), 4:0 დუფუსი (44), 5:0 დუფუსი (48), 6:0 დავითაშვილი (79)
გაძევება: კარამოკო (89, პო)
გოჩოლეიშვილი უნიღბოდ დაბრუნდა – “ჰამბურგმა” თასზე ზივზივაძის “ჰაიდენჰაიმს” მოუგო
[VIDEO] დავითაშვილმა დუბლი შეასრულა და მატჩის საუკეთესო ფეხბურთელი გახდა
დავითაშვილის “სენტ-ეტიენმა” შინ მარცხი განიცადა
დავითაშვილის კაცნაკლული “სენტ-ეტიენი” “ანსისთან” განადგურდა
დავითაშვილი შეცვალეს – “სენტ-ეტიენი” სახლში “გენგამთან” დამარცხდა
თურქული გრანდი დავითაშვილის შესაძენად ფულს არ დაზოგავს
[VIDEO] ზურიკოს დუბლით “სენტ-ეტიენი” “მონპელიეს” ამარცხებს

ჟურნალისტი, გიორგი მანაცაშვილი:
▪️
უსისხლო, უსამშობლო და უღმერთო ნაძირლები უკადრებელს კადრულობენ ლაშას მიმართ…
არადა, თუ მის ამ ინტერვიუს წაიკითხავთ, ყველაფერი თავის ადგილზე დადგება.
ლევან თარხნიშვილს და ვიღაც აფრიამაშვილს მეტი არც მოეთხოვებათ. არც სხვებს – მათ მსგავსებს… “თბილისელებისთვის” მიცემული ეს ინტერვიუ 2018 წელსაა ჩაწერილი.
და ამ ინტერვიუშიც ნათლად ჩანს სააკაშვილისა და ახალაიების სექტის სახე!
გვარ-სახელებით! ესაა სიმართლე და ლაშა ბასლანძის სიმართლეც ეს იყო! ჰოდა, ნუღარ გაგიკვირდებათ, ძვირფასო მეგობრებო, ლაშას მიმართ, გარდაცვალების შემდეგაც კი – გამოხატული არაადამიანობა!
ნაცებსა და ხლისტებს სხვას რას ვთხოვთ?
ლაშა ბასლანძე:
დილით ჩამოვედი სახლიდან და ვნახე, რომ მანქანის შუშა დამსხვრეული იყო. დავრეკე სადაზღვევოში, იქიდან, ალბათ, პოლიციას შეატყობინეს და დამიბარეს პოლიციაში. უბნის პოლიციის უფროსი გადამემტერა, აქეთ მაბრალებდა, შენ თვითონ გატეხე და გაუხსნელ საქმეს მტენიო და მსგავსი სისულელეები… შენნაირები მე უბანში არ მჭირდება, არაფერში გამომადგები, ჩაშვებით შენ არავის ჩაუშვებო. დამიჭირეს შუშის გატეხვის გამო, დამიდეს იარაღი და ნარკოტიკი, მარიხუანის მოხმარება თუ ანალიზში არ ამოგივარდა, ამოირჩიე, მაშინ რომელიმეს ჩაგიდებთ, მაინც დაგიჭერთო. ამომიგდო მარიხუანა და ასე დამიჭირეს პირველად და ჩამსვეს გლდანის ციხეში წინასწარ ორთვიან პატიმრობაში. მერე გირაო გადავიხადე და გამომიშვეს. ასე დამიჭირეს ოთხჯერ, გადავიხდიდი გირაოს, გამომიშვებდნენ, მერე ისევ მიჭერდნენ.
– როგორც ვიცი, კარანტინის დაშლის დროს ოლეგ ფაცაციას უცემიხარ…
– კარანტინი გამატარეს ოთხჯერ და ბოლოს ამიყვანეს კამერაში. გამომიყვანდნენ, გამატარებდნენ, მცემდნენ, შემიშვებდნენ უკან და ასე მეორდებოდა, კარანტინის დაშლა ხდებოდა ყოველ პარასკევს. „სისხლიან პარასკევს“ ეძახდნენ, რადგან სისხლის გუბეებს აყენებდნენ. კარანტინს რომ გადიოდი, პატიმრების კორიდორი ეყენათ და შენს გვარს რომ გამოაცხადებდნენ, შემოტრიალდებოდი, ხელში ფურცელი გეჭირა, რომელშიც შენს ბრალს კითხულობდნენ და გცემდნენ. რეჟიმის უფროსი და ოლეგ ფაცაცია იდგნენ, გცემდნენ და რომ დაცემულიყავი უარესი იყო – ცემაში მოგკლავდნენ. ამიტომაც ვერ უძლებდნენ პატიმრები და ხელს აწერდნენ ყველაფერზე. მეოთხეჯერ რომ გამიყვანეს კარანტინში, იქ იყო ოლეგ ფაცაცია და ისე მცემა, ბოლოს მკლავდა. ერთი ნახალოვკელი ბადრაგი მუშაობდა, რომელსაც უბნიდან ვიცნობდი და რატომ კლავ, რის გამოო. ასე იმიტომ მექცეოდნენ, რომ მეყვირა, გარეთ მიმეწვდინა ხმა, მკლავენ და მიშველეთ-მეთქი და ჩემს ოჯახს, რაც შეიძლება ბევრი გადაეხადა. მეოთხე დაშლის დროს ხელით ამიტანეს ბიჭებმა. მივლიდნენ, ხელით მაჭმევდნენ… საშინელება იყო, ნაცემი რომ გადიხარ ადვოკატებთან, გაფრთხილებენ, თუ რამე წამოგცდება, მოგკლავთო. ბოლოს უკვე ან ტყდები, ან ისე „გაგარეკინებენ“, მიდიხარ ყველაფერზე.
– ოლეგ ფაცაციას გარდა, ვინმე ცნობილ ბადრაგთან თუ გქონია შეხება?
– მე არ ვიცი, მანამდე რას აკეთებდა ლადო ბედუკაძე. მაშინ კარანტინის სმენის უფროსი იყო. მე ორჯერ ვნახე, ლოცვების წიგნი ეჭირა ხელში, სამხედრო ფორმით დადიოდა. როცა დაიწყეს ცემა და დაშლა, ადგა და წავიდა, იქ არ გაჩერდა. კარანტინში სიგარეტს ვინ მოგაწევინებდა და ერთადერთი ტიპი იყო, ვინც სიგარეტიც მომაწევინა და თავი მტკიოდა და ტკვილგამაყუჩებელი შემომიტანა. ერთი წელია, რაც თავის ტკივილებმა გამიარა.
– როგორ პირობებში იყავით საკანში?
– რა ტელევიზორი, რა რადიო, ციხეში ყველა ცოდვაა, მაგრამ ახლა სასტუმროში არიან მაშინდელ ციხესთან შედარებით. ჩვენს დროს შობას მოგვკლეს ცემით, იმიტომ რომ, სანთლები გვენთო. დილით გასეირნება ხომ ყველას ეკუთვნის, რომ გასულიყავი, გცემდნენ, რატომ გვღლი და რატომ გადიხარო. არ უნდა დამჯდარიყავი, არ უნდა წამოწოლილიყავი, რომ შემოვიდოდნენ, ფეხზე უნდა ამდგარიყავი. დაბანა 3-4 წუთში უნდა მოგესწრო, ბევრი ვერ უძლებდა და გარბოდა ბალანდიორად, იმათ ვეღარ სცემდნენ და მეტი პრივილეგია ჰქონდათ. ადამიანის სრული გატეხვა ხდებოდა. წვერი რომ გაგეპარსა და ერთი ღერი დაგრჩენოდა, მაგაზე გცემდნენ, არ იპარსავო. მერე ცოტა ხანი ორთაჭალაშიც მომიწია ჯდომა, ერთი თვე გლდანს ერთი წელი ორთაჭალა მერჩია. ჩვეულებრივად გავცვლიდი. იქ ყოფნას ვინც გაუძლო და მყარად გამოვიდა, მაგარი ნერვული სისტემა ჰქონია. მსოფლიო ციხეებში ერთ-ერთი ყველაზე საშინელი ციხე იყო. ხუთი კაცი თუ იჯდა საკანში, ორი მაგათი ტიპი იყო, რამე ცუდად რომ გეთქვა, ჩათვალე, უკვე მათ იცოდნენ და მოგკლავდნენ ცემაში. ყველას აფუჭებდნენ, ვისაც ვერ გააფუჭებდნენ „ცინკის“ კუბოთი გადიოდა. სანამ უხდიდი, ბოლომდე არ გწირავდნენ, თუ ვეღარ გადაუხდიდი, სიკვდილი პრობლემა არ იყო. რაღაც ბალანდა შემოდიოდა – აფეთქებულს ვეძახდი. ბევრი რაღაც რომ ჩაყარო და „ლიმონკა“ ჩააგდო, ააფეთქო, ასეთი იყო. თან ცხიმი ჰქონდა საშინელი. ერთდერთი, ლობიოს ვჭამდი ორშაბათს და ოთხშაბათს, საპატრიარქო აგზავნიდა, ნორმალური იყო. მაღაზიაში ვყიდულობდი, მაგრამ თუ რამე არ მოეწონებოდათ მაღაზიაში ყიდვასაც გიკრძალავდენ და პური უნდა გეჭამა. პური ისეთი შემოდიოდა, რომ ვერ შეჭამდი. მე რომ დამიჭირეს, ვისი პურიც შემოდიოდა, მაგის მეპატრონე იყო დაჭერილი. მთელი ციხე ხომ გინებაში იყო, არ იჭმეოდა, ვხუხავდით, ვაცხელებდით და რომ გავიდა ციხიდან, პური ეგრევე გამოასწორა.
– შენ თვალწინ თუ ხდებოდა სხვა პატმრების წამება?
– ღამე რომ მოდიოდა, საშინელი ხმები ისმოდა, კაცის ასეთი განწირული ყვირილი არსად გამიგია. ისე კიოდნენ, რომ მახსენდება, ცუდად ვხდები. საკნიდან ვუყურებდი „რეზბალნიცას“ და ბევრჯერ ყოფილა, ორი-სამი მკვდარი გადმოუყრიათ და ძირს ეყარნენ, სანამ კატაფალკა არ შემოვიდოდა. ოლეგ ფაცაცია მიდიოდა ხოლმე „რეზბალნიცის“ თავზე და ბინოკლით იყურებოდა. 27-28 წლის ახალგაზრდა იყო და აღარ გადიოდა ციხიდან, იქ ცხოვრობდა. პატიმრებს აფურთხებდნენ და აშარდავდნენ. აუპატიურებდნენ – რაღაც რომ უნდოდათ და ვერ იღებდნენ, ამ ტიპის გაფუჭება ჩვეულებრივი იყო. სასწაულებს აკეთებდნენ. 80 წლის კაცს რაღაც საბუთების მაქინაციისთვის კლავდნენ ცემით. 78 წლის კაცს ძროხის მოპარვას აბრალებდნენ, ოთხზე დააყენეს ეს კაცი და ახლა ძროხასავით იღმუვლეო.
– ოთხჯერ დაგიჭირეს, საბოლოოდ როგორ დააღწიე თავი?
– ბოლოს რომ დამიჭირეს ჩემი შვილის, ელენიკოს, დაბადების დღე იყო. მაშინ ვაჩუქე ბავშვს კოკერსპანიელის ლეკვი, ეს ლეკვი და გომელაურის წიგნი მიდევს მანქანაში და ჩემთვის წყნარად მივდივარ. გადამაყენეს, წამობრძანდიო. თან, ეს გამომძიებლები, რომ დაგიჭერდნენ, გეუბნებოდნენ, ლაშა, მაგრად „გვიტყდება“, შენნაირ კაცს ციხეში რა უნდა, მაგრამ ხომ იცი, ბრძანებაა და რომ არ შევასრულოთ, შარში აღმოვჩნდებითო, მარაზმი ხდებოდა. იმ ქვეყანას რა ვუთხარი, სადაც განაჩენის 95 პროცენტი გამამტყუნებელი იყო. გირაოთი გამომიშვებდნენ, რაღაც პერიოდის მერე კიდევ შემიყვანდნენ. „მეკაიფებოდნენ“. თან ფული უნდა მეხადა, თან ბოლომდე უნდა გავეტეხეთ. რაც გადამახდევინეს, მაგის გარდა ქონება წაიღეს, კლინიკა წაიღეს. ზუსტად იცოდნენ, რამდენი გქონდა, რამდენის სესხების თავი გქონდა; ყველაფერი რომ გაგეყიდა, რამდენი გექნებოდა და პლუს მიუმატებდნენ კიდევ ცოტას, რომ ბოლომდე გაეწურე. ბოლოს, 2012 წელს რომ გამოვედი, არჩევნებამდე, ძალიან დიდი როლი ითამაშა ივანიშვილების ოჯახმა, ბერამ. ბოლოს დაჭერილი ვიყავი და მაგ პერიოდში იყო, ჩვენი ბიჭები, ფაქო და ამიკო, გადავიდნენ „რუსთავი 2-იდან“ „ჯიდიესზე“ და ვთქვი, რომ ამას უკვე ვეღარ გადავურჩები-მეთქი. ახალაია იყო მაშინ და შეუთვალა ფაქოს და ამიკოს, თქვენი ძმაკაცი რომ გიზით აქ, იმას ცოცხალს ვერც გამოიყვანთო. ისე ვიყავი შეჩვეული, რომ ზუსტად ვიცოდი, შევბრუნდებოდი. იმან გვიშველა, რომ შეიცვალა ყველაფერი, თორემ არ მომეშვებოდნენ, შანსი არ იყო. ხანდახან რომ მიყვებიან ნაციონალებზე რაღაცებს, ვაჩერებ, ისე ნერვები მეშლება. მაწამეს ტიპებმა და ესე იგი, ემხრობი იმ მწამებლებს და რამე რომ იყოს, შენც მაწამებ. ან უნდა გავჩერდეთ მაშინ, ან კამათში თუ შემოვედი, უნდა ვცემო, ან რა ვიცი, ჩემთვის არიან პირადი მტრები. დედაჩემმა 4-5 წელია, რაც გაიცინა.
– რომ გამოხვედი, ის ბადრაგები არასდროს შეგხვედრიან?
– მერე, რომ გამოვედი, ერთ-ერთი ბადრაგი, რომელმაც მაგრად მცემა, მანქანის სამრეცხაოში ვნახე, მანქანას რეცხავდა. ძალიან დიდი ტიპი იყო გარეგნულად და რომ დამინახა, ისე დაპატარავდა, ასანთის კოლოფის ხელა გახდა და მე ვუთხარი, მე მიპატიებია, შენ თუ აპატიებ შენს თავს-მეთქი მანქანის გარეცხვა ათი ლარი ღირდა და დავუტოვე. არ მგონია, მაგათმა თავის თავს აპატიონ, წარმოუდგენელ საშინელებებს სჩადიოდნენ. მუხაძე იყო მაშინ ციხის დირექტორი. მანამდე მელაძე იყო, წავიდოდა, სპორტულებს ჩაიცვამდა და ისე გამოდიოდა, რომ ეცემა ხალხი. ჩვეულებრივად ვარჯიშობდა ტიპი. მეგრელი კოჭოია რომ დაიჭირეს, ტეორირზმის ბრალდებით, საცოდავს ეზოში სცემდნენ მინისტრებიდან დაწყებული, ყველა. მართლა არ მჯერა დღემდე, რომ იმას ამერიკის საელჩოს აფეთქება შეეძლო.
– სასოწარკვეთილების მომენტები თუ გქონდა?
– კი. იქ არ არსებობს ადამიანი, თვითმკვლელობაზე არ იფიქროს. მე რომ გამოვედი, იმ დღეს მოიკლა 18 წლის ბავშვმა თავი, ახალი გადმოსული იყო პატარებიდან და ვეღარ გაუძლო. ერთხელ მეც გავჭედე, წყალი შევასხი კლუჩნიკს და ისეთი ხმა ჰქონდა, რომ ყველა ბადრაგმა მოირბინა, ციხე აზანზარდა. მაგრად მცემეს, მაგრამ ერთ-ერთმა ნაცნობმა ბადრაგმა გადამარჩინა, გადაუდგა, რა დაგიშავათ, დაანებეთ თავიო. მაგის მერე შემოვიდა ფაცაცია და მითხრა, ჩვენ არაფერი გვინდოდა, გარედან გვქონდა ბრძანება, რომ გაგვეპრესეო. ბევრ რაღაცას გადააფასებ, ის ბავშვი აღარ ხარ და სანამ ნაბიჯს გადადგამ, ბევრად უფიქრდები. ეს რომ ის შემთხვევა ყოფილიყო, რომ რაღაცას ვაშავებდი და დავეჭირე, უფრო მეტი შეიცვლებოდა ჩემს ცხოვრებაში, მაგრამ ამან იქით წამიყვანა, რომ ჩემს ქვეყანას არ დავტოვებ. სულ „ვიჩალიჩებ“, რომ ეგეთები არ მოვიდნენ.
– გაგიჭირდა ციხიდან გამოსულს ახალი ცხოვრების დაწყება?
– ახალი ცხოვრება დავიწყე, სალომე გაჩნდა ჩემს ცხოვრებაში და ყველაფერი დადებითისკენ შეიცვალა, თორემ მე დღეს, ალბათ, ცოცხალიც არ ვიქნებოდი. სალომემ გადამატანინა ეს ამბავი. ახალი გამოსული ვიყავი, დანევროზებული, გაგიჟებული და ასეთი გამიცნო სალომემ და ასეთი მიმიღო. ამიტომაც, ის ჩემთვის ყველაფერია. 2012 წლიდან მე და ჩემმა ოჯახმა ყველაფერი ნულიდან დავიწყეთ, მიწა ვიყიდეთ, ახალი კლინიკა ავაშენეთ. ახლა ყველაფერი კარგადაა…
ღმერთმა გაანათლოს ლაშას სული… სალომეს და ოჯახს გამძლეობა მისცეს უფალმა…
მის შვილებს მუდამ გაჰყოლოდეთ მეგზურად კარგი მამის სახელი და მის მიერ დათესილი სიკეთეები – ცხოვრების მანათობელ ლამპრად… ბოლოს ამ სამიოდე კვირის წინ გვქონდა მიმოწერა…
და ყოველთვის გვქონდა ქვეყნის გადარჩენის საქმეში ერთმანეთის იმედი… ბასლა, ნათელში იყავი, კარგო ადამიანო…- წერს მამაცაშვილი

„გაიღვიძე, თორემ გადაჭამეს ბიუჯეტი!“ – დღევანდელი გზავნილი ახალციხის უწყვეტი პროტესტიდან.
მოქალაქე ჯაბა ნათენაძე ახალციხიდან ასე ეხმიანება „საერთაშორისო გამჭვირვალობა – საქართველოს“ დღეს გავრცელებულ კვლევას, რომლის თანახმადაც ახალციხის საკრებულოს დეპუტატებმა, მათი ოჯახის წევრებმა და ნათესავებმა, მხოლოდ ახალციხის მერიიდან და მისი იურიდიული პირებიდან, ჯამში, 24 811 129 ლარის შესყიდვები მიიღეს.

ბოლო დროს ქოცების მოქმედება ჩვენი, უკვე მიჩვეული გონებისთვისაც კი რთული აღსაქმელი გახდა. ნამეტანი გიჟობაა. ხშირია კითხვები, რატომ აიწყვიტეს ასე ყველა მიმართულებით, რატომ ასეთი ჯირითის რეჟიმში, სად ეჩქარებათ და არის თუ არა ამ მოქმედებაში ეკლექტიკის მიღმა რაიმე მწყობრი სისტემა. ვფიქრობ, ეს აღრევა მეტწილად გამოიწვია ორი სამოქმედო გეგმის ერთდროულად, პარალელურ რეჟიმში განხორციელების მცდელობამ. ერთი გეგმა რუსებისაა, მეორე-ქოცების, უშუალოდ გლუვის (ანუ ბიძინასი). რუსების სამოქმედო გეგმა იმ ქვეყნის მიმართ მოთხოვნების სტანდარტულ პაკეტს მოიცავს, რომლის მთლიანად გადაყლაპვასაც რუსეთი აპირებს. ეს პაკეტი დეტალურად გაასაჯაროეს უკრაინასთან მიმართებაში და მიუხედავად იმისა, რომ ჩვენთან საომარი მომქმედებები არ მიმდინარეობს, მოთხოვნები იგივეა. თუ უკრაინაში უკუღმა მოქმედება უწევთ, გეგმის ბოლოდან სათავისკენ, რაც მეტად უჭირთ, ჩვენთან წაღმა მოქმედება გამოსდით, პუნქტობრივად მიყვებიან თავიდან და უფრო უადვილდებათ. მივყვეთ ჩვენც პუნქტობრივად და ვნახოთ, განხორციელების რა სტადიაზეა გეგმა ამჟამად, რა არის შესრულებული და რა არის რიგში. გეგმებში შემდეგი პუნქტებია: ლოიალური ხელისუფლება, დემილიტარიზაცია, დენაციფიკაცია, ნეიტრალური სტატუსი. გეგმის სრული შესრულება მიზნად ისახავს ქვეყნის დელეგიტიმაციას, სახელმწიფოებრივი არსებობის ფაქტობრივ შეწყვეტას. გეგმის ყველა პუნქტის განხორციელებას ადგილზე ჰყავს კონკრეტული, პერსონიფიცირებული პასუხისმგებელი, ერთი მთავარი და დამხმარეები. პირველ პუნქტზე პასუხსიმგებელი, ბუნებრივია, თავად გლუვი იყო, მან უზრუნველყო ქვეყნის სათავეში რუსეთის მიმართ სრულად ლოიალური რეჟიმის ჩამოყალიბება და ის არის სტატუს ქვოს შენარჩუნების გარანტორი. ეს პუნქტი სრულად შესრულებულია. შესრულებულია მეორე პუნქტიც -დემილიტარიზაცია. აქ პასუხისმგებელი იყო რუსების მიერ პირდაპირ მოთხოვნილი ყოფილი თავდაცვის მინისტრი მინდია ჯანელიძე, ღრმად კაგებისტური ოჯახის წარმომადგენელი. მან უზრუნველყო კონტრდაზერვის დეპარტამენტის სრული განადგურება და რუსების მხრიდან მის წარმომადგენლებზე სასტიკი რევანში, ფიზიკური ლიკვიდაციისა და ციხეში ჩასმის ჩათვლით. შემდეგ თავდაცვის სამინისტროში რუსული კადრების გადამწყვეტი დომინაცია დასავლური, მეტწილად ამერიკული ბექგრაუნდის კადრებზე, ადგილზე გენერალურ შტაბში რუსების ფიზიკური შეღწევა და შედეგად, საქართველოს შეიარაღებული ძალების სრული დეგრადაცია. როგორც ვთქვით ეს პუნქტიც სრულადაა შესრულებული.
ამჟამად მიმდინარეობს ყველაზე მოცულობითი, მთავარი, ფუძემდებლური პუნქტის განხორციელება – ესაა დენაციფიკაცია. დენაციფიკაცია დელეგიტიმაციის საფუძველია. ის გულისხმობს ნაციონალური იდეის, ეროვნული თვითშეგნების, იდენტიფიკაციის გაქრობას, ისტორიულ-კულტურული მეხსიერების წაშლას, ისტორიის გადაწერას და არასასურველ პირთა იდენტიფიკაციას. პროცესი, რომლის შეფუთვასაც ქოცები „ნაციონალური მოძრაობის და მისი სატელიტების აკრძალვის“ გამოცხადებულ ღონისძიებაში ცდილობენ. სინამდვილეში ეს არის ადამიანების პერსონიფიცირებული აღწერა-ინვენტარიზაცია, ზედმეტობის დადგენა, იმ ადამიანური ზედმეტობის, რომელიც ასე აწუხებს გლუვს და რომლის აღმოფვრას ცდილობს მუდმივად ხან დაშინებით, ხან ციხეებში გასტუმრებით, ხან ქვეყნის დატოვების შეთავაზებით. პროცესი მიმდინარეობს ბოლშევიკური ინსტრუქციებით, ამიტომ, რასაც ვიღებთ, ბოლშევიკებისვე ლოგიკით, არის ციხეში ჩასმულთა, გადასახლებულთა და დასახვრეტთა სიები. ასე აღმოფხრავდნენ ბოლშევიკები ზედმეტობას. ესაა გლუვის მთავარი პრობლემა და აქ ის ისევ ეჯახება მთავარ მტერს – დროს. როგორც ვერანაირი ბაობაბებით, ნატვრის თვლებით და ბროწეულებით ვერ მოახერხებს ის, თავისი ვაგლახი სიცოცხლე 200 წლამდე გაახანგძლივოს, ასევე ვერ მოახერხებს 21-ე საუკუნეში დედამიწის ამ გეოგრაფიულ ნაწილში ათასობით ადამიანის დახვრეტას, გაქრობას. უბრალოდ ვერ და დამთავრდა! გადაულახავი დაბრკოლებაა. ჩვენი მებრძოლი, შეწირული წინაპრების მთავარი დამსახურება ისაა, რომ ამ დრომდე მოგვატანინეს. დრომდე, როდესაც ვერ გვხრეტენ. ნებისმიერი რაოდენობის ადამიანთა სასამართლოს გარეშე დახვრეტის მანდატის გარეშე ბოლშევიკებიც დამარცხდებოდნენ. რომ შეეძლოთ, დაუფიქრებლად დაგვრეტდნენ. აი ისინი, ამ დღეებში პირბადის გამო ხალხს ვინც აპატიმრებენ – დაუფიქრებლად გამოკრავდნენ ჩახმახს თითს. მიუხედავად იმისა, რომ მათი უმეტესობის წინაპრები ნაღდად დახვრეტილები არიან, ისე აქვთ ტვინები გამორეცხილი, რომ თავისიანების დამხვრეტთა ღირსეულ მემკვიდრეებად იქცნენ და მართალ საქმედ სიმართლის დევნა მიაჩნიათ. ესაა უკვე დენაციფიცირებული მასა. ასეთებად უნდათ აქციონ ყველა, ვისაც თავის ჭკუაში აქ ცხოვრების უფლებას მისცემენ, მაგრამ არ გამოვა ეგ ამბავი. ბელორუსში დახვრეტა არსებობს, მაგრამ ლუკაშენკოც კი უკვე წლებია ვერ იყენებს მას. იმიტომ, რომ ამ დროში ვცხოვრობთ, სადაც მე გივი, დახვრეტილ ბაბუა გივიზე უკვე ზუსტად 30 წლით უფროსი ვარ. კი, სცადეს ბომბით, მაგრამ დარწმუნდნენ, რომ ეს საიმედო არაა, ისეთი, როგორც ტყვია კედელთან. გასაკვირი არაა, რომ დენაციფიკაციაზე პასუხისმგებელ პირად განისაზღვრა თეა წულუკიანი. მამის აღტკინება გამოყვა, მაგრამ გასაქანი აქვს შეზღუდული. ამ პროცესის შიგნით სხვადასხვა მიმართულებას ასევე ჰყავს თავისი პასუხისმგებელი. წულუკიანის კომისიამ უკვე შეასრულა ისტორიის გადაწერის ფუნქცია, თავისი დასკვნით 200 წლის ომთან დაკავშირებით და საფუძველი შეუქმნა პარტიების, პოლიტიკოსების აკრძალვას. წულუკიანი რელიგიურ ძეგლების განადგურებასაც აკონტროლებს. აქაც პრობლემა აქვთ – მეფის რუსეთის დროს ფრესკებს შეათეთრებდნენ, ბოლშევიკების დროს ტაძრებს ააფეთქებდნენ, დღეს კი უწევთ უმოქმედობის ინიცირება, იმისათვის, რომ ეს მემკვიდრეობა მიწასთან გასწორდეს და დაგვავიწყდეს. საბედნიეროდ, ამდენი დრო არ აქვთ. არასამთავრობოების ამოძირკვაზე მუშაობს რაჟდენ კუპრაშვილი. სავარაუდოდ, ის იქნება თავისუფალ მედიაზე მომავალი გენერალური შეტევის სათავეშიც. აი, განათლების „რეფორმას“, რაც შეეხება, დარწმუნებული ვარ, ირაკლი კობახიძის დედა ხელმძღვანელობს. ისიც, მინდია ჯანელიძის მსგავსად, ძირძველი კაგებისტური საუნივერსიტეტო ოჯახის წარმომადგენელია და მისი უფროსი ბიძა იყო, თავად ის ე.წ. „პრემიერის“ უფროსია ახლაც, ისევე, როგორც მისი მამის უფროსი იყო ყოველთვის. განათლების სისტემის განადგურების ხელმძღვანელობის შანსს ის არ გაუშვებდა ხელიდან, ამიტომაც მგონია მისი პროდუქტი. მოკლედ, დენაციფიკაციის პუნქტი პაკეტის ყველაზე მნიშვნელოვანი პუნქტია, მაგრამ ამავე დროს, ყველაზე პრობლემატურიცაა, ამიტომ მის ბოლომდე შესრულებას ვერ დაელოდებიან და პარალელურად დაიწყებენ ბოლო, ნეიტრალიტეტის პუნქტის შესრულებას. ვფიქრობ, ამ მხრივ რუსები მაქსიმალურად აჩქარებენ და აწვებიან, უკრაინაში მათი შანსების გაურესებიდან გამომდინარე, რათა იქ წარუმატებლობის შემთხვევაში აქ მაინც შერჩეთ ფორმალიზირებული, ასე ვთქვათ ბეჭდიანი გამარჯვება, რაც ნეიტრალური სტატუსის შესახებ საკოინსტიტუციო ჩანაწერს გულისხმობს, რომელიც ჩაანაცვლებს ქვეყნის ევრო-ატლანტიკური არჩევანის შესახებ კონსტიტუციის 78-ე მუხლს. პროცესის დაწყებაზე რუსების დავალება უკვე მიღებულია, რადგან უკვე გამოჩნდნენ ოკუპანტთა მესინჯერები ამ მოთხოვნით. მათი გამოჩენა, ფაქტობრივად, ხმოვანი სიგნალია – კრემლიდან დეპეშა მოვიდა. ამ დეპეშებს ისინი რეჟიმისთვის მიწერილი პერსონალური წერილების სახეს აძლევენ, რომელთა საფუძველზეც რეჟიმი დაუყონებლივ იწყებს მოქედებას. გვახსოვს, ასეთი წერილი მისწერეს ნანა კაკაბაძემ და გელა ნიკოლაიშვილმა რეჟიმს წულუკიანის კომისიის შექმნის აუცილებლობაზე და კომისია, არა მხოლოდ მყისვე შეიქმნა, არამედ უკვე მუშაობაც დაასრულა მოღალატეობრივი აქტით. ვატო შაქარიშვილმა მისწერა წერილი არასამთავროების განადგურების აუცილებლობის შესახებ და მყისვე რაჟდენ კუპრაშვილი აღიჭურვა შესაბამისი დავალებით, უფლებამოსილებით და დაიწყო მოქმედება. ამჟამად ეს პერსონები ერთ ნაგვის გროვად გაფორმდნენ, დაირქვეს „ერთიანი, ნეიტრალური საქართველო“ და მოითხოვეს ამ საკითხის რეფერენდუმზე გატანა. ამ მოთხოვნას მყისვე აყვა ქაქის გარნირი – ხაინდრავები, უცნობები და მსგავსები. რეფერენდუმს, ვფიქრობ, ვერ გარისკავენ, აი საკონსტიტუციო უმრავლესობის მოპოვების გზით კი აუცილებლად წავლენ. მე დარწმუნებული ვარ, რომ პარტიების გაუქმების შემდეგ რეჟიმი უკვე გაზაფხულზე დანიშნავს საპარლამენტო არჩევნებს. ვფიქრობ, ირაკლი კობახიძის ციკლი ამ რუსული პაკეტის ბოლომდე შესრულების ვადით შემოისაზღვრება. ხსენებული კაგებისტური წარმომავლობის გამო, არ გამოვრიცხავ, ის პრემიერად რუსების მხრიდან, მინდია ჯანელიძისავით მოთხოვნილი თუ არა, მხარდაჭერილი კადრი მაინც არის. ვფიქრობ, ამ არჩევნებზე ქოცებს სწორედ ის გაიყვანს. ჩემი აზრით არჩევნების შემდეგ მას პარლამენტში დააბრუნებენ, რათა უშუალოდ უხელმძღვანელოს პროცესის დასრულებას – საკონსტიტუციო ჩანაწერის მიღებას, რის შემდგომაც მისი მისია ამოიწურება და გლუვს შეეძლება ჩირად გამოაშროს, ვინმეს აჩუქოს ან სათავსოში შეინახოს. ჩემი აზრით სწორედ ასეთ განვითარებას მოითხოვენ რუსები და კარგი იქნება, ამ თემაზე, საგაზაფხულო საპარლამენტო არჩევნების შემთხვევაში მოქმედების ერთიანი ხედვაზე დისკუსია ახლავე დაიწყოს, მერე ისევ ცაიტნოტში, რომ არ მივიღოთ აქეთა ნაპირიდან ისევ რადიკალურად საპირისპირო მოქმედებები, მით უფრო, რომ მაგ დროისთვის ახალი მოთამაშეები გამოჩნდებიან პოლიტიკურ ველზე. რაც შეეხება გლუვის დღის წესრიგს – ის ორი მიმართულებით ვითარდება. ერთი შიდა ამბებია და აქ რაიმე მწყობრი გეგმის ძიება სრულიად ფუჭია. ეს არის მისი, გლუვის, ნახევარი ნაოჭის მუდმივი ანთების, ეჭვიანობის, ბრაზის, წყენის ანარეკლი. ეს ყველაფერი გროვდება, ერთმანეთს ედება და ბოლოს გამოხეთქავს, ოღონდ, როდის და რა მიმართულებით, კაცმა არ იცის. ამ უკვე გამოხეთქილზე გლუვის აგრესიის მიმართულების კორექცია შესაძლებელია ჭორების და ყურში ჩაჩურჩულების გზით, რასაც მიხვდა კობახიძე და ცდილობს ეს ფაზა სათავისოდ გამოიყენოს. გამომწვევ მიზეზებს რაც შეეხება, მაგალითად, ლილუაშვილზე, ერთმანეთს მიეწყო ამერიკაში გლუვის მესიჯის ვერ მიტანა, თანაც, გლუვმა გადაწყვიტა, რომ ლილუაშილმა მისი საქმეები ვერ დაალაგა, თავისი კი მოაკვარახჭინა და სანქციებს ასცდა. მერე მთავარი ბიტკოინმტრის ქვეყნიდან გასვლა, ბოლოს ჯანგველაძის მკვლელობა და ეგაა. ღარიბაშვილმა, როგორც ჩანს, მაქსიმალური აჭრილობის, დროს, აი კალაძესთან გინებნარევი ურთიერთგადაძახილისას, კობახიძისთვის დარტყმის და მყისვე ყაველაშვილის, მდინარაძის და კობახიძისგან მაგარი ცემის დროს, თავი ვერ შეიკავა და გლუვიც მოიხსენია. საკმარისზე მეტია. ფარცხალაძე-რომანოვი მთლად ჯანგველაძის ამბავია. მერე ეს გლუვში ისევე, როგორც ყოველივე, კონვერტირდება კონკრეტულ თანხებში – რადგან ვერ გაამართლეს, რაც აკეთეს დააბრუნონ. ამის უზრუნველსაყოფად ვიღაცები ციხეში, ესენი ტყვეობაში, წაღებულის პატარა ნაწილი ბიუჯეტში, დიდი – გლუვთან. თავისუფლებაზე ჩემი მეზობელი მილიონიანი გირაოთი და შიდა სატუსაღოში, აქაური ჩემი მეზობელი კი, მისი რომეო და ჯუ-ლეიტა არა-ანშური – სევდაში. გლუვის დღის წესრიგის მეორე პუნქტი და მისი მუდმივი ვერ შესრულება მნიშვნელოვნად იწვევს პირველ პუნქტსაც და ზოგადად, გიჟურ აფეთქებებს ნახევარ ნაოჭში. ამ პუნქტს გლუვი ვერ ერევა და ვერც მოერევა. ესაა პროტესტი და რუსთაველი. მერწმუნეთ, ეს ერთი პუნქტი გადაიყოლებს საბოლოოდ რუსული დღის წესრიგის მთელ პაკეტს. მასობრივი გადასახლებისა და დახვრეტების გარეშე ეს პუნქტი ვერ შესრულდება და სულ რომ ყირაზე დადგეს, გამოვლენილ ზედმეტობას გლუვი ვერ მოერევა, რადგან სწორედ ეს მისთვის და რუსებისთვის ზედმეტობა არის საქართველო და ეს ზედმეტობა იბრძვის, არ ნებდება და არც დანებდება. რუსები და ქოცები ხშირად წუხან – ესენი მაიდნის ორგანიზებას ცდილობენო. არადა, ჩვენ, აქეთა ნაპირზე, ჯერ ბოლომდე ვერ ვხდებით, რომ უკვე ერთი წელია გვაქვს ქართული მაიდანი. მე ოთხი შემდგარი მშვიდობიანი რევოლუციის დაგეგმვასა და განხორციელებაში მაქვს მონაწილეობა მიღებული და არც ერთი მათგანი არ იყო მეორეს იდენტური. საერთო მდგენელის – მშვიდობიანი ცვლილებების – მიღმა, ყველა განსხვავებული იყო. აქაც ასეა – აუცილებელი არაა საბურავები იწვოდეს და ნამდვილი ტყვიები დაფრინავდეს. უკრაინული მაიდანი ხომ არ იყო დაკავებული სამთავრობო შენობები, რეჟიმის დატყვევებული წევრები. ეს იყო კონკრეტული ტერიტორია ქვეყნის დედაქალაქის ცენტრში, რომელიც დაიკავეს თავისუფლებისთვის მებრძოლებმა და შეინარჩუნეს მანამ, სანამ რეჟიმი არ გატყდა. ასე, რომ ჩვენ გვაქვს ლოკაციაც – რუსთაველი, პროცესიც – ერთწლიანი პროტესტი და მიზანიც – გაძლება. ჯარიმებს უკვე გავუძელით, პატიმრობებსაც ვუძლებთ. უკრაინელებმა ნამდვილ ტყვიებს გაუძლეს, ჩვენ სასტიკ დარბევებს. პატიმრობა მძიმეა, მაგრამ არა გამოუსწორებელი, ამიტომ გავუძლებთ. მითუმეტეს, როდესაც ქუჩაში მთავარ სიტყვად სოლიდარობა იქცა. სოლიდარობა უზრუნველყოფს პროტესტის უწყვეტობას, უწყვეტობა კი გამარჯვებას!

“ლუკოილმა” განაცხადა, რომ გაყიდის ნავთობგასამართ სადგურებს მთელს მსოფლიოში და გამოდის ამ ბიზნესიდან. ეს ათას ერთეულზე მეტი სადგურია. მხოლოდ საქართველოში ასეთი სამოცმდე სადგურია. ეს მხოლოდ მცირე ნაწილია ამ კომპანიების აქტივების და შემოსავლების.
შავი დღეები ელით “ლუკოილსა” და “ როსნეფტს”.

სერია A-ს მეცხრე ტურში „ნაპოლიმ“ გასვლაზე „ლეჩე“ 1:0 დაამარცხა.
გოლი 69-ე წუთზე დავიდ ნერესის პასით თავით ანდრე-ფრანკ ზამბო ანგისამ გაიტანა. იქამდე მასპინძელთა 17 წლის თავდამსხმელის ფრანჩესკო კამარდას დარტყმული პენალტი მეკარე სერგეი მილინკოვიჩ-სავიჩმა მოიგერია.
„ნაპოლი“ ამ მომენტისთვის 21 ქულით ერთპიროვნული ლიდერია და 1-ელ ნოემბერს „კომოს“ უმასპინძლებს. ნეაპოლურ გუნდს შეუძლია „რომა“ დაეწიოს, რომელიც ხვალ სახლში „პარმას“ დაუპირისპირდება.
ლეჩე – ნაპოლი 0:1
გოლი: ანგისა (69)
გამოუყენებელი პენალტი: კამარდა (55, ლეჩე)
უბედური შემთხვევა – “ინტერის” მეკარემ ავტომობილით 81 წლის მამაკაცი გაიტანა
“მანჩესტერ იუნაიტედს” “ლეჩედან” განაპირა მცველის დამატება სურს
“ასე რთულია. გუნდში 9 ახალი ტვინი მყავს” – კონტემ “ნაპოლის” მარცხის მიზეზებზე ისაუბრა
გოგლიჩიძემ ისევ შეუცვლელად ითამაშა – “უდინეზემ” გაიმარჯვა და მერვე ადგილზე გადავიდა
ზამთრის პირველი შენაძენი – “მანჩესტერ იუნაიტედმა” 20 წლის დანიელი მცველის ტრანსფერი შეათანხმა
მიქაუტაძე თუ კრსტოვიჩი? – რომში ორი ვარიანტი აქვთ
[VIDEO] “ნაპოლიმ” “ინტერს” უმნიშვნელოვანეს მატჩში სძლია
მარსელოს კარიერის დასრულებამდე უარი იტალიურმა კლუბმა უთხრა
ნაპოლი რამდენიმე თვე დე ბრუინის გარეშე დარჩება
“მილანის” მორიგი პრობლემა – მენიოს დისკვალიფიკაცია მისცეს
“არსენალის” და “ინტერის” დამაჯერებელი გამარჯვებები და “ნაპოლის” განადგურება პსვ-სთან

მაია ომიაძე: “საერთაშორისო ტურიზმიდან მიღებული შემოსავლების ჩვენი პროგნოზი სრულად მართლდება“
ტურიზმის ეროვნული ადმინისტრაციის ხელმძღვანელმა მაია ომიაძემ წლის პირველი ცხრა თვის შედეგები შეაჯამა. მისი თქმით, ადმინისტრაციის მიერ წლის დასაწყისში დადგენილი 4.7 მილიარდი აშშ დოლარის პროგნოზი სრულად რეალიზებადი ჩანს. იანვარი-სექტემბრის პერიოდში საერთაშორისო ტურიზმიდან შემოსავალმა ახალ რეკორდულ მაჩვენებელს მიაღწია და 3.6 მილიარდ აშშ. დოლარს გადააჭარბა და 3,637,761,827 აშშ დოლარი შეადგინა
„ტურიზმის ეროვნული ადმინისტრაცია ტრადიციულად ადგენს პროგნოზებს როგორც კვარტლების, ისე სეზონების მიხედვით. ეს პროგნოზები ეფუძნება გასული წლების მონაცემებსა და საერთაშორისო ტენდენციებს, როგორც საერთაშორისო მოგზაურების, ისე ტურისტული მოგზაურებისა და შემოსავლების ჭრილში, კვლევითი კომპანიების პროგნოზები და ტურიზმის ეროვნული ადმინისტრაციის შეფასებები ერთმანეთს თითქმის ემთხვევა, რაც მიუთითებს შეფასებების სიზუსტესა და რეალისტურობას. „თუ შევაფასებთ 2019 წლის შემდეგ აღდგენის დინამიკას, საერთაშორისო მოგზაურობების და შემოსავლების თვალსაზრისით, პროგნოზები იძლევა საფუძველს ვთქვათ, რომ მიღწეული შედეგები სრულად შეესაბამება მოლოდინებს. ამ ეტაპზე შეგვიძლია თამამად განვაცხადოთ, რომ 2025 წლის ბოლოსთვის, როდესაც დაიხურება წლის მეოთხე კვარტალი, პროგნოზები სრულად გამართლდება”,-აღნიშნა ტურიზმის ეროვნული ადმინისტრაციის ხელმძღვანელმა.
მაია ომიაძეს განცხადებით, ტურიზმის ეროვნული ადმინისტრაციის სწორი სტრატეგიისა და სამიზნე ბაზრებზე აქტიური კამპანიების შედეგად, წელს მიღებული შემოსავლები მნიშვნელოვნად აჭარბებს 2019 წლის მონაცემებს.
„მიუხედავად იმისა, რომ საერთაშორისო მოგზაურობების რაოდენობა ჯერ კიდევ აღდგენის პროცესშია, ტურიზმიდან მიღებული შემოსავლები მნიშვნელოვნად აღემატება 2019 წლის დონეს. ეს შედეგი ნათლად აჩვენებს, რომ ჩვენი სტრატეგია, რომელიც მაღალმხარჯველი ტურისტების მოზიდვაზე ორიენტაცია, სრულად ამართლებს ჩვენს მოლოდინებს. შესაძლოა, მოგზაურების რაოდენობა შედარებით ნაკლები იყოს, თუმცა თითოეული მათგანი ბევრად მეტ თანხას ხარჯავს საქართველოში,“ — აღნიშნა ომიაძემ.

კომპანია “ვიჯეთის” გენერალური დირექტორის, ლაშა ფეიქრიშვილის ინფორმაციით, ჩინეთს საქართველოში ინვესტიციის ჩადება არა მარტო, ბიზნესის მიმართულებით, არამედ ტურიზმის კუთხითაც სურს.
როგორც გადაცემა “ბიზნესპარტნიორში” ლაშა ფეიქრიშვილი აღნიშნავს, ჩინეთისთვის საქართველო მარტივი გზაა, რომ ევროპისკენ “გაიჭრას”.
“არამარტო ჩვენი, არამედ მათი ინტერესიც ძალიან მაღალია – საქართველოში ჩამოსვლის სურვილი აქვთ. უკვე რამდენიმე შემთხვევა გვქონდა, იქაური (ჩინური) ქარხნების წარმომადგენლობა ჩვენს ქვეყანაში ჩამოვიდნენ, ადგილობრივი გარემო ვაჩვენეთ, ინვესტიციის სურვილი აქვთ.
ჩინეთისთვის ინვესტიციის ერთ-ერთი მიმართულება ტურიზმი გახლავთ, რომ საქართველოში ჩამოვიდნენ, როგორც ბიზნესის კუთხით, ასევე ტურისტულად. ზოგადად, ჩინეთში ბოლო 3-4 წელია საერთაშორისო ბიზნესს უფრო აქტიურად უყურებენ. საქართველო მეტ ინტერესს იმით იპყრობს, რომ მათთვის ჩვენი ქვეყანაა მარტივი გზაა, რომ ევროპისკენ გაიჭრან. სურთ აქ დააფუძნონ ის ჰაბი, საიდანაც თავიანთი პროდუქციის ექსპორტი მოხდება”, – აცხადებს ლაშა ფეიქრიშვილი.
ამასთან, კომპანია “ვიჯეთის” გენერალური დირექტორი მსოფლიოში ცნობილი საერთაშორისო კომპანია Alibaba-ს შესახებაც საუბრობს და აღნიშნავს, რომ თავისუფლად შეიძლება, საქართველოში Alibaba-მ ტერმინალი გააკეთოს.
“საერთაშორისო პლატფორმა TEMU საქართველოში შემოვიდა და ჩვენი ქვეყანა ჰაბად იქცა. კერძოდ, ტერმინალები აქ შენდება და ჩვენგან პროდუქციის გარეთ გატანა იგეგმება. შესაბამისად, თავისუფლად შეიძლება, ტერმინალი Alibaba-მაც გააკეთოს, ამ ყველაფერზე აქტიურად ვმუშაობთ, ინტერესი მათი მხრიდან ძალიან მაღალია – მგონია, რომ ყველაფერი გამოვა. ამასთან, Alibaba ქართული ნაწარმის გამოფენას არ ზღუდავს, შესაბამისად, საქართველოში თუ მათი პლატფორმა მოექცა, ქართველებს თავიანთი პროდუქციის ექსპორტზე გატანა ბევრად მეტად შეეძლებათ – პროდუქციას ბევრად მაღალ ღირებულებაში გაყიდიან”, – აღნიშნავს კომპანიის გენერალური დირექტორი.
ცნობისთვის, კომპანია Alibaba Group Holding Limited (ალიბაბა ჯგუფი) — მსოფლიოში ერთ-ერთი ყველაზე დიდი და გავლენიანი ტექნოლოგიური და სავაჭრო კომპანიაა, რომელიც ჩინეთში 1999 წელს დაარსდა.
შეგახსენებთ, რომ “ვიჯეთი” გადამზიდი კომპანიაა, რომლის მიზანი სატრანსპორტო ბაზარზე მომხმარებლებისთვის სერვისის მიწოდებაა.
ბიზნესპარტნიორი

გარემოს დაცვისა და სოფლის მეურნეობის მინისტრი დავით სონღულაშვილი გურიის რეგიონში იმყოფებოდა. დავით სონღულაშვილი ფერმერებს და მეწარმეებს შეხვდა. შეხვედრები გაიმართა სამინისტროს სისტემაში შემავალი უწყებების თანამშრომლებთანაც. მინისტრმა მიმდინარე საქმიანობის და არსებული საჭიროებების შესახებ მოისმინა ინფორმაცია. „რეგიონებში ფერმერებთან, ადგილობრივ მეწარმეებთან და სამინისტროს სისტემის უწყებების თანამშრომლებთან შეხვედრებს ვაგრძელებთ. დღეს გურიის რეგიონში ვიმყოფებოდით. სახელმწიფო პროექტებით მოსარგებლე ფერმერებმა საკუთარი წარმატების შესახებ გაგვიზიარეს ინფორმაცია; საუბარი გვქონდა გამოწვევებზე და იმ საჭიროებებზე, რაც წარმოების ზრდისთვის და მაღალი ხარისხისთვის გვჭირდება.
ხაზგასმით მინდა აღვნიშნო, რომ პირდაპირი კომუნიკაცია არის საუკეთესო საშუალება სწორი გადაწყვეტილებების და სამომავლო გეგმების განსასაზღვრად. ჩვენი მიზანია, რეგიონი გაძლიერდეს, წარმოების ზრდით იზრდება ეკონომიკური სარგებელი და ჩვენი მოსახლეობის კეთილდღეობა“, – განაცხადა დავით სონღულაშვილმა.
როგორც მინისტრმა აღნიშნა, სამინისტროს რეგიონული სამსახურების გამართულ ფუნქციონირებაზეა დამოკიდებული სახელმწიფო პოლიტიკის ეფექტიანი აღსრულება. შედეგზე ორიენტირებული საქმიანობისთვის მნიშვნელოვანია შესაბამისი ინფრასტრუქტურა, მოტივირებული და პროფესიონალი კადრები, რისთვისაც აქტიური მუშაობა მიმდინარეობს.
„რეგიონული სამსახურების თანამშრომლებთან გამართულ შეხვედრებზე მიმდინარე საქმიანობის, სამომავლო გეგმების, ასევე, საჭიროებების და გამოწვევების შესახებ ვიღებთ ინფორმაციას. ვფიქრობთ, უახლოეს მომავალში, ჩვენი რეგიონული სამსახურები სრულად დააკმაყოფილებს სტანდარტებს და ეფექტიანი ფუნქციონირებისთვის ყველა საჭირო პირობა იქნება უზრუნველყოფილი“, -განაცხადა მინისტრმა.
გურიის რეგიონში ვიზიტის ფარგლებში, მინისტრმა თაფლის საწარმო, საკალმახე მეურნეობა, ასევე ჩაის გადამმუშავებელი საწარმო დაათვალიერა. დავით სონღულაშვილი გარემოს ზედამხედველობის დეპარტამენტის, ეროვნული სატყეო სააგენტოს, სოფლის მეურნეობის სახელმწიფო ლაბორატორიის, სურსათის ეროვნული სააგენტოს ოფისებშიც იმყოფებოდა.

ინფორმაციას გარემოს დაცვისა და სოფლის მეურნეობის სამინისტრო ავრცელებს

სამტრედია-გრიგოლეთის ჩქაროსნული მაგისტრალის მესამე, 12 კმ-იან მონაკვეთზე მშენებლობა აქტიურად მიმდინარეობს. ინფორმაციას მმართველი პარტია ავრცელებს, რომლის თანახმადაც უკვე დასრულებულია ქვის სვეტებისა და სადრენაჟე ფენის, ასევე გზის საფარისა და სახიდე ნაგებობების მოწყობა.
მათ მიერ გავრცელებული ინფორმაციის თანახმად, პირველ 6 კილომეტრზე დასრულებულია გზის საფარის ზედა ფენის მოწყობა. ეწყობა საგზაო ნიშნები და ხორციელდება გზის ჰორიზონტალური მონიშვნა. დასრულდა ლითონისა და ბეტონის თვალამრიდების მოწყობის სამუშაოები.
„აღნიშნული მონაკვეთი ლანჩხუთსა და მის სოფლებს აუვლის გვერდს. ეს გზა საერთაშორისო მნიშვნელობის ჩქაროსნული მაგისტრალის ნაწილია და საერთო ჯამში 52 კმ-იანია – იწყება ზესტაფონი-ქუთაისის შემოვლითი გზიდან და მთავრდება გრიგოლეთში, მდინარე სუფსასთან. გზის მშენებლობა ოთხ მონაკვეთად მიმდინარეობს, მეორე და მეოთხე მონაკვეთები უკვე ექსპლუატაციაშია.
პროექტის მიზანია სატრანსპორტო ნაკადების გამტარუნარიანობის გაზრდა, მოძრაობის უსაფრთხოების გაუმჯობესება, შეუფერხებელი და ეფექტური სატრანზიტო კავშირის უზრუნველყოფა.
მშენებლობა ევროპის საინვესტიციო ბანკისგან მიღებული სესხის ფარგლებში 324.6 მლნ ლარით ფინანსდება,“ – ნათქვამია ინფორმაციაში.

გარემოს დაცვისა და სოფლის მეურნეობის მინისტრმა დავით სონღულაშვილმა სოფლის მეურნეობის ოზურგეთის ლაბორატორიაში თანამედროვე აპარატურით აღჭურვილი ინფრასტრუქტურა დაათვალიერა და თანამშრომლებს შეხვდა.
სსიპ სოფლის მეურნეობის სახელმწიფო ლაბორატორიის დირექტორმა ირაკლი გულედანმა მინისტრს ოზურგეთის ლაბორატორიაში ცხოველთა განსაკუთრებით საშიში პათოგენებით გამოწვეული დაავადებების დიაგნოსტიკისა და სასმელი წყლის კვლევის მიმართულებებით მიმდინარე საქმიანობა გააცნო.
აღინიშნა, რომ ოზურგეთის ლაბორატორიაში მუდმივად მიმდინარეობს ახალი კვლევის მეთოდების დანერგვა და ლაბორატორიის შესაძლებლობების გაძლიერება. ასევე, აღსანიშნავია, რომ სტატისტიკური მონაცემების მიხედვით, ლაბორატორიაში მიმართვიანობა, გასულ წლებთან შედარებით, მნიშვნელოვნად გაზრდილია, რაც იმას ნიშნავს, რომ ოზურგეთის ლაბორატორიას აქვს ყველანაირი რესურსი მოსახლეობას ხარისხიანი მომსახურება შესთავაზოს.
დავით სონღულაშვილი ოზურგეთში სურსათის ეროვნული სააგენტოს გურიის რეგიონული სამსახურის თანამშრომლებსაც შეხვდა.
სურსათის უვნებლობა, ვეტერინარია და მცენარეთა დაცვა ის სფეროებია, რომლებიც ერთიანობაში ქმნის უვნებელ გარემოს. შესაბამისად, სურსათის ეროვნული სააგენტოს ინსტიტუციურ გაძლიერებას განსაკუთრებული დატვირთვა აქვს. მნიშვნელოვანია, რეგიონის მოსახლეობას შესაძლებლობა ჰქონდეს, ადგილზე ისარგებლოს იმ სერვისებით, რომლებსაც სურსათის ეროვნული სააგენტო სთავაზობს.
თანამშრომლებთან გამართულ შეხვედრაზე აღინიშნა, რომ სამსახურის თითოეულ წარმომადგენელს საკუთარი უმნიშვნელოვანესი როლი და, ამავე დროს, პასუხისმგებლობა აქვს სამომხმარებლო ბაზრის უვნებელი სურსათით უზრუნველყოფაში, ქვეყნის ეპიზოოტიურ კეთილსაიმედოობასა და მცენარეთა დაცვაში.
მინისტრთან ერთად მინისტრის მოადგილეები კახა კაკაბაძე, ზურაბ ეზუგბაია, სახელმწიფო რწმუნებული გურიის მხარეში გიორგი ღურჯუმელიძე, სურსათის ეროვნული სააგენტოს უფროსის მოადგილე გიორგი იაკობაშვილი და ადგილობრივი თვითმმართველობების წარმომადგენლები იმყოფებოდნენ.
ინფორმაციას გარემოს დაცვისა და სოფლის მეურნეობის სამინისტრო ავრცელებს

World Justice Project-ის ანგარიშის მიხედვით, კანონის უზენაესობის მსოფლიო რეიტინგში, საქართველო აღმოსავლეთ ევროპისა და ცენტრალური აზიის რეგიონში პირველ ადგილზეა
World Justice Project-ის ანგარიშის მიხედვით, კანონის უზენაესობის მსოფლიო რეიტინგში, საქართველო აღმოსავლეთ ევროპისა და ცენტრალური აზიის რეგიონში პირველ ადგილზეა.
ორგანიზაციის მიერ გამოქვეყნებული 2025 წლის კანონის უზენაესობის მსოფლიო რეიტინგის მიხედვით, საქართველოს 143 ქვეყანას შორის 52-ე ადგილზეა. ანგარიშის მიხედვით, საქართველო გლობალურ რეიტინგში შარშანდელთან შედარებით ორი ადგილით ჩამოქვეითდა, თუმცა აღმოსავლეთ და ცენტრალური აზიის რეგიონში პირველ ადგილზეა.
საქართველოს მინიჭებული აქვს 0,58 ქულა. რეიტინგის ავტორების შეფასებით, საქართველო საშუალოზე მაღალი ჯგუფის ქვეყნებს შორის მოხვდა. ამ ჯგუფში ის მეექვსე ადგილს იკავებს.
გლობალურ რეიტინგში საქართველოს ჩამორჩება ევროკავშირის წევრი ბულგარეთი, უნგრეთი, ასევე ევროკავშირის კანდიდატი ქვეყნები – მოლდოვა, უკრაინა, ალბანეთი, მონტენეგრო, სერბეთი და ბოსნია და ჰერცეგოვინა. რეიტინგში 105-ე ადგილზეა ბელარუსი, თურქეთი 118-ე პოზიციაზეა.
რეიტინგის შედგენა ხდება რვა ფაქტორის შეფასებით. ესენია: მთავრობის ძალაუფლების შეკავება, კორუფციის არსებობა, ღია მმართველობა, ფუნდამენტური უფლებები, წესრიგი და უსაფრთხოება, რეგულირება, სამოქალაქო სამართლის სისტემა, სისხლის სამართლის სისტემა.
2025 წლის რეიტინგის მიხედვით, სისხლის სამართლის სისტემის, რეგულირების აღსრულების, ღია მთავრობისა და კორუფციის არსებობის ფაქტორებში საქართველო აღმოსავლეთ ევროპისა და ცენტრალური აზიის რეგიონის ქვეყნებს შორის პირველ ადგილზეა.
ფაქტორებს შორის ყველაზე მაღალი შეფასება საქართველოს აქვს „წესრიგსა და უსაფრთხოებაში“ – 0,78 ქულა. ეს ფაქტორი აფასებს, რამდენად კარგად არის დაცული პიროვნებისა და ქონების უსაფრთხოება.
ყველაზე დაბალი ქულა, 0,50 კი საქართველოს აქვს „სისხლის სამართალის სისტემის“ ფაქტორში, რომელიც ამ სისტემას აფასებს.
საერთო ჯამში, კანონის უზენაესობის 2025 წლის მსოფლიო რეიტინგის მიხედვით, ევროკავშირი ქვეყნების ორ მესამედში ვითარება გაუარესებულია. ყველაზე დიდი უკუსვლა აქვთ სლოვაკეთსა და უნგრეთს.
ევროკავშირის 27 წევრ ქვეყანას შორის ყველაზე დაბალი შეფასება აქვს უნგრეთსა და ბულგარეთს. ყველაზე მაღალი შეფასება მიიღეს – დანიამ, ნორვეგიამ, ფინეთმა, ახალმა ზელანდიამ, გერმანიამ, შვედეთმა და ირლანდიამ.
World Justice Project არის 2006 წელს დაფუძნებული დამოუკიდებელი ორგანიზაცია, რომელიც მუშაობს მსოფლიოში კანონის უზენაესობის განმტკიცების საკითხზე. ორგანიზაციის სათავო ოფისი მდებარეობს ვაშინგტონში. ორგანიზაცია კანონის უზენაესობის მსოფლიო რეიტინგს ადგენს როგორც საზოგადოებრივი აზრის კვლევისა და იურიდიულ საკითხთა ექსპერტების გამოკითხვის საფუძველზე.

აშშ-ისა და ჩინეთის ლიდერების შეხვედრამდე რამდენიმე დღით ადრე ჩინეთის სახალხო რესპუბლიკის საგარეო უწყების წარმომადგენელი განმარტავს პოზიციებს მომავალი სამიტის ძირითად საკითხებზე, მათ შორის – პეკინის მიერ იშვიათი მინერალების ექსპორტის კონტროლზე.
28 ოქტომბერს, ყოველდღიურ პრეკონფერენციაზე, საგარეო უწყების წარმომადგენელს როიტერსის ჟურნალისტმა ჰკითხა ტაივანზე. კერძოდ, იმის შესახებ, რომ ტაივანის საგარეო საქმეთა მინისტრი ლინ ჩია-ლანგი დარწმუნებულია, რომ „აშშ-ტაივანის ურთიერთობები ძალიან სტაბილურია“ და აშშ-ის პრეზიდენტი დონალდ ტრამპი არ „მიატოვებს“ ტაივანს. ჩინეთის სახალხო რესპუბლიკის საგარეო საქმეთა სამინისტროს წარმომადგენელმა განაცხადა:
„ტაივანი ჩინეთის ტერიტორიის განუყოფელი ნაწილია. ტაივანის სრუტეში მშვიდობისა და სტაბილურობისთვის ყველაზე დიდ საფრთხეს ახლა წარმოადგენს „ტაივანის დამოუკიდებლობის“ ძალების სეპარატისტული მოქმედებები და გარედან მიღებული თანხმობა და მხარდაჭერა. ჩინეთი მტკიცედ ეწინააღმდეგება აშშ-სა და ჩინეთის ტაივანის რეგიონს შორის ოფიციალურ ურთიერთობას, ნებისმიერი ფორმით. მოვუწოდებთ აშშ-ს პატივი სცეს ერთი ჩინეთის პრინციპსა და ჩინეთი-აშშ-ის სამ ერთობლივ კომუნიკეს, გამოიჩინოს მეტი წინდახედულება ტაივანის საკითხზე. დემოკრატიულ-პროგრესული პარტიის (DPP) ხელისუფლება კვლავაც ცდილობს მხარდაჭერის მოპოვებას „ტაივანის დამოუკიდებლობისთვის“ და მიმართავს ყველა პლატფორმას სეპარატისტული ნარატივების პოპულარიზაციისთვის, დეზინფორმაციის გავრცელებისა და საზოგადოების შეცდომაში შეყვანისთვის. …ვერაფერი, რასაც DPP-ს ხელისუფლება აცხადებს, ვერასდროს შეცვლის ისტორიულ და იურიდიულ ფაქტს, რომ ტაივანი ჩინეთის ტერიტორიის ნაწილია და მითუმეტეს ვერ შეცვლის ჩინეთის გაერთიანების გარდაუვალობას“.
ჩინეთის საგარეო უწყების წარმომადგენელმა სამშაბათის პრესკონფერენციაზე უპასუხა შეკითხვას აშშ-ის ფინანსთა მინისტრ სკოტ ბესენტის განცხადებაზე, რომ ჩინეთს „არასდროს დაუწესებია“ კონტროლი იშვიათი მინერალების ექსპორტზე, რაც განაპირობა პრეზიდენტ ტრამპის მუქარამ ჩინეთისთვის 100-პროცენტიანი ტარიფების დაწესებაზე. ჩინელმა დიპლომატმა ჟურნალისტს განუცხადა:
„იშვიათი მინერალების ექსპორტზე პოლიტიკას რაც შეეხება, ჩინეთმა ის არაერთხელ მკაფიოდ გამოხატა. იმ ზომების მიზანი, რომლებსაც მივმართავთ, არის ექსპორტის კონტროლის სისტემის სტანდარტიზაცია და დახვეწა, რაც შეესაბამება ზოგად პრაქტიკას. ჩინეთი ამას აკეთებს იმისათვის, რომ უკეთესად შეინარჩუნოს მსოფლიო მშვიდობა და რეგიონის სტაბილურობა, შეასრულოს საერთაშორისო ვალდებულებები. მზად ვართ, ვიმუშაოთ დანარჩენ მსოფლიოსთან ექსპორტის კონტროლზე დიალოგის გასაძლიერებლად და მოსაზრებების გასაცვლელად იმისთვის, რომ გლობალური ინდუსტრიული და მიწოდების ჯაჭვები იყოს დაცული და სტაბილური“.
ჩინეთის სახალხო რესპუბლიკის სახელმწიფო საბჭოს ოფიციალურ საიტზე 26 ოქტომბერს გამოქვეყნდა ჩინეთის ვიცეპრემიერისა და აშშ-ის ფინანსთა მინისტრის ორდღიანი მოლაპარაკებების შესახებ განცხადება, რომელშიც აღნიშნულია:
„მხარეებმა იხელმძღვანელეს ორი სახელმწიფოს მეთაურების მიერ მიმდინარე წლის დასაწყისიდან დღემდე სატელეფონო საუბრებისას მიღწეული მნიშვნელოვანი კონსენსუსით და ჰქონდათ მოსაზრებების გულწრფელი, სიღრმისეული და კონსტრუქციული გაცვლა ვაჭრობისა და ეკონომიკის საკითხებზე, მათ შორის: აშშ-ის [უსამართლო სავაჭრო პრაქტიკის შესახებ] „301-ე ნაწილის“ კანონით გათვალისწინებული ზომები ჩინეთის საზღვაოსნო, ლოჯისტიკისა და გემთმშენებლობის სექტორების მიმართ, ორმხრივი ტარიფების შეჩერების გახანგრძლივება, ფენტანილთან დაკავშირებული ტარიფი და სამართალდამცავ უწყებებს შორის თანამშრომლობა, სოფლის მეურნეობის პროდუქციით ვაჭრობა და ექსპორტის კონტროლი“.
გასულ შაბათ-კვირას აშშ-ის ფინანსთა მინისტრი სკოტ ბესენტი მალაიზიაში, „სამხრეთ აზიის ქვეყნების ასოციაციის“ (ASEAN) სამიტის კულუარებში შეხვდა ჩინეთის ვაჭრობის სფეროს მაღალჩინოსნებს და შემდეგ რამდენიმე მედიის ეთერში ილაპარაკა ამის შესახებ. მან ABC-ს ეთერში განაცხადა:
„პრეზიდენტმა მომცა მაქსიმალური ბერკეტი, როცა ის დაიმუქრა 100%-იანი ტარიფებით, თუკი ჩინელები დააწესებდნენ იშვიათი მინერალების ექსპორტზე გლობალურ კონტროლს. ასე რომ, ვფიქრობ, ეს თავიდან ავიცილეთ, ტარიფები აცილებულია“, – განაცხადა აშშ-ის ფინანსთა მინისტრმა ჩინეთის ვიცეპრემიერთან მოლაპარაკებების შედეგებზე საუბრისას. CBS-სთან საუბრისას კი მან აღნიშნა, რომ სწორედ ტრამპის 100%-იანი ტარიფებით მუქარამ გახადა შესაძლებელი ორი ქვეყნის ლიდერების შეხვედრამდე შედეგების მიღწევა.
27 ოქტომბერს აშშ-ის სახელმწიფო დეპარტამენტმა გაავრცელა განცხადება სახელმწიფო მდივან მარკო რუბიოსა და ჩინეთის საგარეო საქმეთა მინისტრ ვანგ იის სატელეფონო საუბრის შესახებ:
„მათ იმსჯელეს აშშ-ჩინეთის ურთიერთობისა და პრეზიდენტ ტრამპსა და სახელმწიფოს თავმჯდომარე სის მოახლოებული შეხვედრის მნიშვნელობაზე, ბუსანში, კორეის რესპუბლიკაში“.
გავრცელებული ინფორმაციით, დონალდ ტრამპი და სი ძინპინი ერთმანეთს 30 ოქტომბერს შეხვდებიან.
ფორუმი

ლოგიკა რაშია, ვერ ვხვდები, 2012 წლამდე ის ადამიანი, რომელიც ამ „სისხლიანი რეჟიმის“ ერთ-ერთი მნიშვნელოვანი ნაწილი იყო (მათივე ლოგიკით), კრძალავს პარტიას, რომლის მთავარი სპიკერების უმეტესობას 2012 წლამდე პოლიტიკასთან არავითარი შეხება არ აქვს , – ამის შესახებ „ერთიანი ნაციონალური მოძრაობის“ გენერალური მდივნის მოადგილემ, ირაკლი ფავლენიშვილმა „პალიტრანიუსის“ გადაცემა „პოლიტიკურ სივრცეში“ განაცხადა.
ფავლენიშვილის თქმით, სწორედ ის ადამიანები კრძალავენ „ნაციონალურ მოძრაობას“, რომლებიც წინა ხელისუფლების დროს „ნაციონალურ მოძრაობაში“ გავლენიანი ფიგურები იყვნენ.
„ძალიან სასაცილოა, მე, პირადად, ირაკლი ფავლენიშვილს მკრძალავს ადამიანი, რომელიც იყო „ნაციონალური მოძრაობის“ მაღალჩინოსანი 2012 წლამდე, ან ფულს სწირავდა ან მაღალ თანამდებობაზე იყო, ან „ნაცების“ მეხოტბე იყო, მაგ დროს მე ვსწავლობდი სკოლაში, წყალბურთს ვთამაშობდი, სხვა ცხოვრება მქონდა. ლოგიკა რაშია, ვერ ვხვდები, 2012 წლამდე ის ადამიანი, რომელიც ამ „სისხლიანი რეჟიმის“ ერთ-ერთი მნიშვნელოვანი ნაწილი იყო (მათივე ლოგიკით), კრძალავს პარტიას, რომლის მთავარი სპიკერების უმეტესობას 2012 წლამდე პოლიტიკასთან არავითარი შეხება არ აქვს.
ეს ხალხი აგვკრძალეს ადამიანებმა, რომლებიც უფრო მეტად იყვნენ გავლენიანი ფიგურები იმ პერიოდში“, – აღნიშნა ფავლენიშვილმა.
კითხვაზე, იმ შემთხვევაში, თუ „ნაციონალური მოძრაობა“ აიკრძალება, როგორ გაგრძელდება პოლიტიკური პროცესები, ირაკლი ფავლენიშვილმა უპასუხა, რომ მხოლოდ ხელის შემშლელი ფაქტორები გაჩნდება, რადგან მანამდე პოლიტიკური პარტიებისთვის საარჩევნო პროცესი მოკლეს და საქართველოში არჩევნები აღარ ტარდება.
„ერთადერთი, რაც შეიძლება შეიცვალოს, გახლავთ ის, რომ უფრო მეტი ხელის შემშლელი ფაქტორი შეიძლება გამოჩნდეს, თორემ არსებითად არაფერი არ იცვლება იმიტომ, რომ პარტიების კლასიკური ფორმით არსებობა მიესადაგება საარჩევნო დემოკრატიას. როცა ქვეყანაში საარჩევნო დემოკრატიაა დამყარებული, იქ, რა თქმა უნდა, პარტიები ფუნქციონირებენ ჩვეულებრივი კონსტრუქციული დემოკრატიული წესით – არჩევნები ტარდება, შენ გაქვს პარტიული ინფრასტრუქტურა, იღებ დაფინანსებას და ა.შ. ჩვენთან ეს პროცესი ხომ მოკლეს ისედაც, აღარ არის საარჩევნო პროცესი.
სინამდვილეში, როდესაც ჩვენ ე.წ. არჩევნებზე ვსაუბრობთ და ვამბობთ, რომ საქართველოში არჩევნები არ ტარდება, იმიტომ, რომ მართლა არ იყო არჩევნები ის, რაც ხდებოდა. მაშინ მუნიციპალურ არჩევნებშიც მივიღებდით მონაწილეობას. ამ ხალხმა საარჩევნო პროცესი მოკლა, ისედაც დისიდენტურ ფაზაში გადავედით, ადამიანებს აკავებენ ქუჩაში დგომის გამო, ამიტომ ჩვენ ისედაც ამ კლასიკურ საარჩევნო პროცესში არ ვიყავით.
ერთადერთი, რაც გასაკეთებელია, უფრო მეტი მუშაობაა საჭირო, მათ შორის, საგარეო ფრონტზე მაინც უნდა დავრჩეთ აქტიურები, უფრო მეტ პერსონალურ, წერტილოვან სანქციებზე უნდა ვიმუშაოთ, ქვეყნის შიგნით უნდა ვიმუშაოთ პროტესტის გაღვივებაზე, რუსთაველის კერის შენარჩუნებაზე და უფრო დიდი კერების გაჩენაზე“, – განაცხადა ირაკლი ფავლენიშვილმა.

ვიღაცები პარლამენტში თანამდებობებს იყოფენ, ვიღაცის სახლიდან მილიონები გამოაქვთ, მე რომ ამის ფონზე ადამიანებს ანალიტიკა შევთავაზო, მორალურად არ ვიქნები მართალი, ამიტომ ის ხალხი, ვინც დღეს დავსხედით საშიმშილოდ, მგონია, რომ ადეკვატურად აღვიქვამთ ამ მოცემულობას და ამ მოცემულობას უნდა დავუპირისპირდეთ უფრო რადიკალური პროტესტის ფორმებით , – ამის შესახებ „კოალიცია ცვლილებისთვის“ წევრმა, გედევან ფოფხაძემ „პალიტრანიუსის“ გადაცემა „პოლიტიკურ სივრცეში“ განაცხადა.
ფოფხაძის თქმით, დღეს მასთან ერთად კიდევ ოთხმა პირმა დაიწყო შიმშილობა. მან იმედი გამოთქვა, რომ პროტესტის ამ უკიდურეს ფორმას სხვებიც შემოუერთდებიან.
„რეალობა არის ის, რომ ქვეყანა მიდის დიქტატურისკენ, იღებენ დრაკონულ კანონებს, რომელიც გამორიცხავს ქვეყანაში ადამიანის უფლებების დაცვასა და პოლიტიკურ პროცესს და მე ამ შემთხვევაში მგონია, რომ ჩვენი პროტესტი უნდა ყოფილიყო ადეკვატური, ამიტომ ჩვენ ვუბრუნდებით ისევ იმ ტრადიციულ პროტესტს, რაც თავის დროზე ეროვნულმა მოძრაობამ ძალიან ეფექტურად გამოიყენა 1988-1989-1990 წლების შიმშილობების დროს.
ვითხოვთ ორ რამეს – ახალ სამართლიან არჩევნებსა და პოლიტპატიმრების გათავისუფლებას. მე მგონია, რომ ამ კონტექსტიდან გამომდინარე, ეს არის სწორი.
ამ შემთხვევაში, შედეგი შეიძლება ბევრ რამეს არ მოჰყვეს – არჩევნებში მონაწილეობას, გზის გადაკეტვას, პერმანენტულ აქციებსა და ა.შ. ჩვენ ხომ ჩვენ პროტესტს გამოვხატავთ იმ რეალობის გამო, რაც არის ქვეყანაში. მე მგონია, რომ ეს არის ყველაზე ადეკვატური პროტესტი იმიტომ, რომ ძალიან მძიმეა ვითარება, იმდენად გაუსაძლისია რეალობა, რომ ძალიან ძნელია, სხვანაირი არგუმენტებით აუხსნა ადამიანებს ამ რეალობის სიმძიმეც და მორალური ფასიც.
ვიღაცები პარლამენტში თანამდებობებს იყოფენ, ვიღაცის სახლიდან მილიონები გამოაქვთ და ხომ ხვდებით, ქვეყანაში რა ხდება? მე რომ ამის ფონზე ადამიანებს ანალიტიკა შევთავაზო, მორალურად არ ვიქნები მართალი, ამიტომ ის ხალხი, ვინც დღეს დავსხედით საშიმშილოდ, მგონია, რომ ადეკვატურად აღვიქვამთ ამ მოცემულობას და ამ მოცემულობას უნდა დავუპირისპირდეთ უფრო რადიკალური პროტესტის ფორმებით.
ხუთი ადამიანი ვართ თანამოაზრეები, ვინც შიმშილობა დავიწყეთ და მგონია, რომ ვიღაცები კიდევ გამოძებნიან თავის თავში შესაძლებლობებს, გაიზიარებენ ჩვენს განწყობას და შემოგვიერთდებიან. იმედს ვიტოვებ, რომ ეს ხუთი ადამიანი ხუთად არ დავრჩებით და ეს პროტესტი გაიზრდება“, – განაცხადა გედევან ფოფხაძემ.

Venice Simplon-Orient-Express–ის ლუქს კლასის მატარებელი თავის ქსელს ახალ მარშრუტს დაამატებს – პარიზიდან ამალფის სანაპირომდე. პირველი რეისი 2026 წლის 4 მაისს არის დაგეგმილი და ის ცნობილი მატარებლის ისტორიაში ერთ-ერთი ყველაზე მასშტაბური იქნება.
ახალი სამდღიანი ტური შევა კომპანია Belmond–ის სერიაში «Villeggiatura by Train», რომელიც სთავაზობს ღამის მატარებლით მგზავრობას ქსელის ხუთვარსკვლავიან სასტუმროებში განთავსებით.
მარშრუტი გადის ფრანგულ და იტალიურ რივიერებზე და ჩერდება პომპეიში, სადაც მგზავრებს ელოდება ექსკურსია უძველეს ქალაქში. ლუქსების სტუმრები სარგებლობენ განსაკუთრებული ბონუსით: კერძო წვდომა კასა დელ ლარარიოს არქეოლოგიურ ძეგლზე, ასევე ცნობილ როგორც აქილევსის სახლი, რომელიც, როგორც წესი, საზოგადოებისთვის დაკეტილია.

კოალიცია “ცვლილებისთვის” პარტიების აკრძალვასთან დაკავშირებით “ოცნების” მიერ საკონსტიტუციოში სარჩელის შეტანას აფასებს საგანგებო ბრიფინგზე.
კოალიცია “ცვლილებისთვის” სახელით მინდა, გავაკეთო განცხადება იმ ე.წ. სარჩელზე, რომელიც ბიძინა ივანიშვილმა და მისმა რეჟიმმა წარადგინა საკონსტიტუციო სასამართლოში. რეჟიმმა და ივანიშვილმა კიდევ ერთხელ გამოხატულად თქვა, რომ ის არის სუსტი და ეშინია ეროვნული ძალების სამართლიან არჩევნებში მონაწილეობის. 28 ოქტომბერს, 35 წლის წინ, საქართველოში პირველად ჩატარდა მრავალპარტიული არჩევნები კომუნისტური რეჟიმის პირობებში და საქართველომ მოიპოვა დამოუკიდებლობა, აღდგა საქართველოს დამოუკიდებლობა. ახლა ჩვენ ბიძინა ივანიშვილის რეჟიმის პირობებში ვიბრძვით საქართველოს თავისუფლებისთვის. პარტიები, ეს არის ინსტრუმენტი დემოკრატიისთვის, სხვა შემთხვევაში, ხელისუფლებას და რეჟიმებს ცვლის ხალხი. საქართველოს მილიონამდე ამომრჩეველმა გადაწყვიტა, რომ “ქართული ოცნება” ვერ იქნება ჩვენი ხალხის და ჩვენი სახელმწიფოს წარმომადგენელი. ამიტომ, მნიშნელოვანია, ვიცოდეთ, ჩვენ ყველა ბერკეტს, ყველაფერს გამოვიყენებთ იმისთვის, რომ “ქართული ოცნება” დამარცხდეს და ეროვნული ძალები მოვიდნენ საქართველოს ხელისუფლებაში, ვინაიდან საქართველოს ისე, როგორც არასდროს, სჭირდება ერთიანობა და ძლიერ სახელმწიფოდ ჩამოყალიბება, რომელიც აუცილებლად მოხდება საქართველოს ევროკავშირში გაწევრიანებით და საქართველოს რეალური სუვერენიტეტის დაბრუნებით. დღეს თუ ვინმე გვართმევს სუვერენიტეტს, ეს არის ბიძინა ივანიშვილი და რუსული რეჟიმი. გაუმარჯოს თავისუფალ საქართველოს! ბრძოლა იქნება ბოლომდე, საქართველოს გამარჯვებამდე!, – განაცხადეს ბრიფინგზე.

საქართველოზე ევროპარლამენტის მუდმივი მომხსენებელი, ევროპარლამენტარი რასა იუკნევიჩიენე პარტიების აკრძალვასთან დაკავშირებით “ოცნების” მიერ საკონსტიტუციოში სარჩელის შეტანას ეხმაურება.
“შოკისმომგვრელი ამბები საქართველოს მმართველი პარტიიდან. “ქართული ოცნების” პარტიამ სასამართლო სარჩელი შეიტანა 3 ძირითადი ოპოზიციური ძალის ასაკრძალად – “ერთიანი ნაციონალური მოძრაობის”, “ლელოს” და “ახალის” (“კოალიცია ცვლილებებისთვის” ნაწილი). “ქართული ოცნება” ლუკაშენკოს ტყუპისცალი ხდება – პირდაპირ კრემლის სახელმძღვანელოდან”, – წერს იუკნევიჩიენე.

„პარიზიენი“ წერს, რომ პსჟ-ს ცენტრალური მცველის ილია ზაბარნის თამაში უკეთესის სურვილს ტოვებს:
„იქმნება შთაბეჭდილება, რომ ბოლო პერიოდის ზეწოლის გამო ზაბარნი იხრჩობა. „ბაიერთან“ ჩემპიონთა ლიგაზე გაძევების შემდეგ, მან ისევ გამოავლინა ნერვიულობის ნიშნები. მაგალითად, მე-17 წუთზე მისი შეცდომის შედეგად მბუპმა მომენტი შექმნა“.
Footmercato აღნიშნავს: „მბუპმა მარჯვე თამაშით ზაბარნი წყობილებიდან გამოიყვანა და შეხვედრის დასაწყისში კინაღამ გაიტანა გოლი. აჟორკიც აქტიურად სარგებლობდა ფიზიკური უპირატესობით, რომლისთვისაც უკრაინელი ხშირად მზად არ იყო. ახლა ილია პსჟ-ში თავდაჯერებულობას კარგავს“.
პროექტის მნიშვნელოვან წევრად მოიაზრება – პსჟ გუნდის ტალანტს კონტრაქტს უხანგრძლივებს
[VIDEO] “როდესაც ჟოაომ ეს პირველად გააკეთა, მთელი ოჯახი ვტიროდით” – ნევეშის ულამაზესმა შეყვარებულმა ახსნა, რას ნიშნავს ფეხბურთელის გოლის სამი თითით აღნიშვნა
2 წელზე მეტი გავიდა – პოგბა მოედანზე დაბრუნებასთან ახლოსაა
“ბრესტთან” მატჩში პსჟ-ს შემადგენლობა ცნობილია
[VIDEO] კვარაცხელიას შედევრამდე სულ ცოტა დააკლდა – ქართველმა ჰაკიმის გაატანინა
[VIDEO] ხვიჩას საგოლე პასი, ჰაკიმის დუბლი – პსჟ-მ “ბრესტს” უპრობლემოდ მოუგო
კატასტროფულმა ზაბარნიმ უნიკალური ანტირეკორდი გაიმეორა
როგორი შეფასებები მიიღეს პსჟ-ს ფეხბურთელებმა “ბრესტთან” მატჩში?
კაპიტანი გუნდიდან მიდის? – მარკინიოსის 12-წლიანი პარიზული კარიერა დასასრულს უახლოვდება
ზაბარნის ტრანსფერმა სიტუაცია შეცვალა – კაპიტანი გუნდის დატოვებაზე
[PHOTO] ზაბარნის მეუღლე მისი ქმრის “ბარსელონასთან” მატჩში ცარიელი კარიდან გამოტანილ ბურთს გამოეხმაურა
პროექტის მნიშვნელოვან წევრად მოიაზრება – პსჟ გუნდის ტალანტს კონტრაქტს უხანგრძლივებს
“ზაბარნის ყველაფერში დავეხმარები” – მარკინიოსმა უკრაინელ მცველს თანადგომა აღუთქვა
რას უპირებს ენრიკე ზაბარნის საშინელი მატჩის შემდეგ – კომენტარი ქალთა გუნდის ყოფილმა მცველმაც გააკეთა

შემაშფოთებელი ამბავი საქართველოდან.

მმართველმა “ქართული ოცნების” პარტიამ სამი ძირითადი ოპოზიციური ძალის – ერთიანი ნაციონალური მოძრაობის, ლელსა და ახალის, აკრძალვის მიზნით სარჩელი შეიტანა.

“ქართული ოცნება” ლუკაშენკოს ტყუპისცალი ხდება – პირდაპირ პუტინის სახელმძღვანელოდან.

უკრაინის ფინანსური საჭიროებების დაფარვისთვის მზად ვართ, – ამის შესახებ ევროკომისიის პრეზიდენტმა, ურსულა ფონ დერ ლაიენმა სტოკჰოლმში, ჩრდილოეთის საბჭოს შეხვედრის შემდეგ გამართულ პრესკონფერენციაზე განაცხადა.
ურსულა ფონ დერ ლაიენის განცხადებით, ევროკავშირი „გაყინული რუსული აქტივების გამოყენების საკითხს განიხილავს“.
„წინადადება გულისხმობს ამ თანხების გამოყენებით უკრაინისთვის სესხის გაცემას, რომელსაც უკრაინა დაფარავს, თუ რუსეთი რეპარაციებს გადაიხდის. ამიტომ, ეს სამართლებრივად სწორი წინადადებაა. მარტივი არ არის, თუმცა სამართლებრივად სწორია“, – განაცხადა ურსულა ფონ დერ ლაიენმა.
მისი თქმით, ევროპულმა საბჭომ ტექნიკურ საკითხებთან დაკავშირებით შესაძლო ვარიანტების მომზადება მოითხოვა.
„რუსეთისთვის მთავარი გზავნილი სრულიად ნათელია“, – აღნიშნა ევროკომისიის პრეზიდენტმა.

“ქართული ოცნება” ლუკაშენკოს ტყუპისცალი ხდება – პირდაპირ კრემლის სახელმძღვანელოდან , – წერს იუკნევიჩიენე , – ამის შესახებ საქართველოზე ევროპარლამენტის მუდმივი მომხსენებელი, ევროპარლამენტარი რასა იუკნევიჩიენე სოციალურ ქსელში წერს.
იუკენიჩიენე შოკისმომგვრელს უწოდებს „ქართული ოცნების“ მოთხოვნას, მიმართოს საკონსტიტუციო სასამართლოს 3 პარტიის აკრძალვის თაობაზე.
“შოკისმომგვრელი ამბები საქართველოდან.
მმართველმა “ქართული ოცნების” პარტიამ სასამართლო სარჩელი შეიტანა 3 ძირითადი ოპოზიციური ძალის ასაკრძალად – “ერთიანი ნაციონალური მოძრაობის”, “ლელოს” და “ახალის” (“კოალიცია ცვლილებებისთვის” ნაწილი).
“ქართული ოცნება” ლუკაშენკოს ტყუპისცალი ხდება – პირდაპირ კრემლის სახელმძღვანელოდან”, – წერს იუკნევიჩიენე.

ვგმობ “ქართული ოცნების” გადაწყვეტილებას ძირითადი ოპოზიციური პარტიების აკრძალვის შესახებ, რაც მიზნად ისახავს საქართველოს რუსული ტიპის ავტორიტარულ რეჟიმად გადაქცევას, – ამის შესახებ საქართველოს მეხუთე პრეზიდენტი, სალომე ზურაბიშვილი სოციალურ ქსელში წერს.
მისი თქმით, „რეჟიმი ყოველდღიურად სისტემატურად ახორციელებს ყველაფრის შეზღუდვას, რაც ხელს უშლის სრული ავტორიტარიზმის დამკვიდრებაში და გამყარებაში“.
„დღეს, ოპოზიციური პარტიების აკრძალვის წინააღმდეგ საჭიროა ერთიანი და მკაფიო ხმა ისმოდეს საქართველოდან: ეს მიუღებელია!
ოპონენტების ასეთი დევნა, არა მხოლოდ ანგრევს მრავალპარტიულ დემოკრატიას, შლის საზოგადოებას და ანადგურებს სახელმწიფოს.
სოლიდარობა ყველა ოპოზიციურ ძალას, ვისაც ეზღუდება კონსტიტუციური უფლება თავისუფლად გამოხატვისა და პოლიტიკურ საქმიანობაში მონაწილეობის”, – წერს ზურაბიშვილი “ფეისბუქზე“.

აშშ დოლარის ოფიციალური ღირებულება 2.7212 ლარი გახდა.
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7212 ლარი გახდა. კურსი, რომელიც დღეს მოქმედებდა, 2.7152 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0060 ლარი შეადგინა.
რაც შეეხება ევროს, მისი კურსი 3.1740 ლარია. მაშინ, როცა დღეს მოქმედი კურსი 3.1610 ლარს შეადგენდა. შესაბამისად, ევროს ცვლილებამ 0.0130 ლარი შეადგინა.

თუკი აკრძალულ პარტიასთან დაკავშირებული პირები შექმნიან ახალ პარტიას ან შეუერთდებიან არსებულ პარტიას და საკონსტიტუციო სასამართლო იმსჯელებს, რომ მათი იქ ყოფნა იძლევა იმის თქმის საშუალებას, რომ ეს არის ახალი მემკვიდრე პარტია ან არსებული პარტია, მაშინ სასამართლოს შეუძლია მიიღოს გადაწყვეტილება და აკრძალოს ის პარტიაც. ანუ გვერდის ავლის საშუალება არ უნდა იყოს, როცა კრძალავ პარტიას არ უნდა არსებობდეს რაღაც ხვრელები, – ამის შესახებ პარლამენტის თავმჯდომარემ, შალვა პაპუაშვილმა განაცხადა.
მან ასევე განმარტა, იმ შემთხვევაში, თუ საკონსტიტუციო სასამართლო აკრძალავს „ლელოს“, „ნაციონალურ მოძრაობას“ და „კოალიცია ცვლილებებს“, შეეძლებათ თუ არა ამ პარტიის წევრებს სხვა პარტიის შექმნა.
„ზუსტად ამას შეეხება მემკვიდრე პარტიის ინსტიტუტი, რომელიც გულისხმობს შემდეგ რამეს, თუკი არსებობს პარტია და ის მიჩნეულ იქნა, რომ არღვევს კონსტიტუციას და აიკრძალა პარტია, მის წევრებს, მასთან დაკავშირებულ პირებს არ უნდა ჰქონდეთ შესაძლებლობა გვერდი აუარონ ამ გადაწყვეტილებას და იურიდიული ფორმალობით, უბრალოდ ადგენენ და დღეს თუ არის „ნაციონალური მოძრაობა“ და აიკრძალა საკონსტიტუციო სასამართლოს მიერ, ხვალ შექმნან და „ეროვნული მოძრაობა“ დაარქვან, იგივე ხალხი, იგივე მიზნებით შეიკრიბოს. ამიტომ, მემკვიდრე პარტიის ინსტიტუტი უზრუნველყოფს – მას შემდეგ, რაც პარტია აიკრძალება დავაკვირდეთ ამ აკრძალული პარტიასთან დაკავშირებული პირები, ხომ არ ცდილობენ, რომ მოძებნონ პოლიტიკური საქმიანობის სხვა საშუალებები და თუკი ამას დავინახავთ, ჩვენ მივმართავთ საკონსტიტუციო სასამართლოს. ვთქვათ, აიკრძალა „ნაციონალური მოძრაობა“, მისმა წევრებმა ან მასთან დაკავშირებულმა პირებმა შექმნეს სხვა პარტია, დაარქვეს პირობითად, „ეროვნული მოძრაობა“, თუ ეს მოხდება ჩვენ შეგვიძლია მივმართოთ საკონსტიტუციო სასამართლოს და ვთქვათ, რომ რეალურად, ეს არის იმ პარტიის ასლი, რაც იყო, არის მემკვიდრე პარტია თავის შემადგენლობით, იდეოლოგიით, ორგანიზაციული სტრუქტურით, რეგიონში პარტიული სტრუქტურებით და ა.შ. სხვადასხვა კრიტერიუმები რაც ამაზე მიუთითებს. საკონსტიტუციო სასამართლოში ორკვირიანი ვადა არსებობს იმისათვის, რომ იმსჯელოს და თუ დაადგენს, რომ სინამდვილეში ეს არის ფარსი, პოლიტიკოსები ცდილობენ, რომ თავი დაიძვრინონ და ახალი იურიდიული ფორმა შექმნან, მაშინ ის, როგორც მემკვიდრე პარტია აიკრძალება.
თუკი აკრძალულ პარტიასთან დაკავშირებული პირები შექმნიან ახალ პარტიას ან შეუერთდებიან არსებულ პარტიას და საკონსტიტუციო სასამართლო იმსჯელებს, რომ მათი იქ ყოფნა იძლევა იმის თქმის საშუალებას, რომ ეს არის ახალი მემკვიდრე პარტია ან არსებული პარტია, თავისი არსით, მემკვიდრე პარტია გახდა, მაშინ საკონსტიტუციო სასამართლოს შეუძლია მიიღოს გადაწყვეტილება და აკრძალოს ის პარტიაც. ანუ გვერდის ავლის საშუალება არ უნდა იყოს, როცა კრძალავ პარტიას არ უნდა არსებობდეს რაღაც ხვრელები, რომ გვერდი აუარო და სხვა სახელი დაირქვა. “-განაცხადა შალვა პაპუაშვილმა.

ანტიეროვნულმა და ანტიქართულმა „ოცნებამ“ გადაწყვიტა, დემოკრატიას მიაყენოს გადამწყვეტი დარტყმა და აკრძალოს პროდასავლური ოპოზიციური პარტიები, მათ შორის პოლიტიკური კოალიცია „ლელო- ძლიერი საქართველო“. წინააღმდეგობა რუსული რეჟიმისა და „ქართული ოცნების“ პირისპირ იქნება უკომპრომისო და იქნება პრინციპული, – ამის შესახებ „ძლიერი საქართველო-ლელოს“ ერთ-ერთმა ლიდერმა ირაკლი კუპრაძემ პარტიის ოფისში გამართულ ბრიფინგზე განაცხადა, რომელსაც პარტიის სხვა ლიდერები და წევრები ესწრებოდნენ.
კუპრაძის განმარტებით, „ქართული ოცნების“ მცდელობა, გააქროს პროდასავლური სახალხო ოპოზიციური ხმა, ისეთი გამოწვევაა, რომელსაც „ძლიერი საქართველო- ლელო“ აპირებს დაუპირისპიროს წინააღმდეგობის ნებისმიერი გზა.
„კოალიცია „ლელო- ძლიერმა საქართველომ“ ამ წლების განმავლობაში გაატარა საქართველოს მოქალაქეებისთვის მთავარი და ძირითადი ინტერესი, რომ პოლიტიკაში დაბრუნდეს ქართველი ხალხის ხმა. ჩვენ ვაგრძელებთ ბრძოლას და წინააღმდეგობას. რუსულ რეჟიმს, რომელსაც აქვს დავალება, რომ ამ ქვეყანაში გააქროს პროდასავლური სახალხო ოპოზიციური ხმა, მათ შორის, „კოალიცია ძლიერი საქართველოს“ და „ლელოს“ სახით, ჩვენთვის ეს არის ისეთი გამოწვევა, რომელსაც აუცილებლად მოვუძებნით წინააღმდეგობის გზას. ჩვენ გუშინ შევიტანეთ კონსტიტუციური სარჩელი იმ მუხლების წინააღმდეგ, რომლებიც არის ანტიკონსტიტუციური პოლიტიკური პარტიების აკრძალვის სახით. მე ახლა ვდგავარ ჩემს გუნდთან ერთად. მთელი საქართველოს მასშტაბით „ლელოს“ და „ძლიერი საქართველოს“ წარმომადგენლები ყველა მუნიციპალიტეტიდან – ჩვენ ვაცხადებთ, რომ წინააღმდეგობა რუსული რეჟიმისა და „ქართული ოცნების“ პირისპირ იქნება უკომპრომისო და იქნება პრინციპული, იმიტომ, რომ არ არსებობს სხვა გზა, რომელიც ჩვენ გამოგვიყვანს ამ კრიზისიდან. „ქართულ ოცნებას“, ივანიშვილს, მის პოლიტიკურ დამნაშავეებს მოუწევთ აუცილებლად პასუხისმგებლობის აღება იმაზე, რომ მათ მიიღეს ანტიდემოკრატიული, ანტიეროვნული, ანტიევროპული პოლიტიკური გადაწყვეტილებები და სამართლებრივი აქტები. ჩვენ დღეს აქ დგომით და თქვენთან, მოქალაქეებთან, პოლიტიკური კომუნიკაციით, ვდებთ პირობას, რომ ეს ბრძოლა არ გაჩერდება მანამ, სანამ არ იქნება მიღწეული გამარჯვება, რასაც იმსახურებენ საქართველოს მოქალაქეები, ქართველი ხალხი – ეს არის ივანიშვილის რუსული რეჟიმის დასრულება და ამ ბრძოლაში ჩვენ გამოვიყენებთ ყველა შესაძლებლობას, სტრატეგიული წინააღმდეგობის ყველა სტრატეგიულ ხაზს, რომელიც მიგვიყვანს გამარჯვებამდე“, – განაცხადა კუპრაძემ.
ცნობისთვის, „ქართული ოცნება“ საკონსტიტუციო სასამართლოს 3 პარტიის აკრძალვის მოთხოვნით მიმართავს. პაპუაშვილის ინფორმაციით, მმართველი პარტიის მიერ მომზადებული საკონსტიტუციო სარჩელით შემდეგი პარტიების არაკონსტიტუციურად ცნობას და აკრძალვას მოითხოვენ: „ნაციონალური მოძრაობა“, „კოალიცია ცვლილებისთვის“ და „ძლიერი საქართველო – ლელო“.

ერთ-ერთი მიზეზი რატომაც ჩვენ სარჩელში არ მივმართავთ ინდივიდუალურ პირებთან დაკავშირებით პოლიტიკური საქმიანობის შეზღუდვას, არის ზუსტად ის, რომ არ გვინდა გვქონდეს მოკლე სია ან რაღაც სია, რომელზეც ვიტყოდით, რომ ესენი არიან პოლიტიკოსები, რომელთაც არ უნდა მიეცეთ საშუალება, პოლიტიკური ცხოვრების ნაწილები იყვნენ, – ასე უპასუხა პარლამენტის თავმჯდომარემ, შალვა პაპუაშვილმა ჟურნალისტების კითხვას, რომელიც საქართველოს მეხუთე პრეზიდენტ, სალომე ზურაბიშვილთან დაკავშირებულ სავარაუდო გადაწყვეტილებას შეეხებოდა, იმ შემთხვევაში, თუ ის მოინდომებს ახალი პარტიის შექმნას.
ამასთან, კითხვაზე შესაძლოა თუ არა, სალომე ზურაბიშვილის მიერ შექმნილი პარტია „ქართული ოცნების“ სარჩელის მიხედვით არაკონსტიტუციური პარტიების მემკვიდრე პარტიად იყოს აღქმული, პაპუაშვილის თქმით, „პირველ ეტაპზე ჯერ საკონსტიტუციო სასამართლომ მმართველი გუნდის სარჩელი წარმოებაში უნდა მიიღოს“.
„ერთ-ერთი მიზეზი რატომაც ჩვენ სარჩელში არ მივმართავთ ინდივიდუალურ პირებთან დაკავშირებით პოლიტიკური საქმიანობის შეზღუდვას, არის ზუსტად ის, რომ არ გვინდა გვქონდეს მოკლე სია ან რაღაც სია, რომელზეც ვიტყოდით, რომ ესენი არიან პოლიტიკოსები, რომელთაც არ უნდა მიეცეთ საშუალება, რომ პოლიტიკური ცხოვრების ნაწილები იყვნენ. არამედ გვინდა დავიტოვოთ უფრო ფართო ინსტრუმენტი, რომელიც მოგვცემს საშუალებას, რომ შემდეგ ვამტკიცოთ, მივიჩნიოთ დაკავშირებულად თუ არ მივიჩნიოთ, ჩვენი გადმოსახედიდან. პირველი ეტაპი არის ჩვენი სასარჩელო მოთხოვნა სამ პარტიასთან დაკავშირებით, ვნახოთ საკონსტიტუციო სასამართლომ მიიღოს სარჩელი, იყოს მსჯელობა. მივიდეთ ჯერ პროცესამდე. საკონსტიტუციო სასამართლო რა გადაწყვეტილებას მიიღებს და ამის შემდეგ ვნახოთ ვინ რა დასკვნას გამოიტანს“,- განაცხადა პაპუაშვილმა.

გასული წლის საპარლამენტო არჩევნების წინ „ქართული ოცნების“ პოლიტიკური გუნდი ამომრჩეველს დავპირდით, რომ ამომრჩევლების მხარდაჭერის შემთხვევაში ვუზრუნველყოფდით „ნაციონალური მოძრაობის“ რეჟიმის ძირეული პოლიტიკური და სამართლებრივი შეფასების პროცესის წარმართვას. ამ დაპირების შესასრულებლად დემოკრატიული მანდატი 1 120 000-მა ამომრჩეველმა მოგვცა,- ამის შესახებ პარლამენტის თავმჯდომარემ, შალვა პაპუაშვილმა კონსტიტუციური სარჩელის წარდგენის დროს განაცხადა.
პაპუაშვილის თქმით, სარჩელში, „სხვა დარღვევებთან ერთად, მტკიცებულებებით დასტურდება, რომ შესაბამისი პოლიტიკური პარტიები, პრაქტიკულად უწყვეტ რეჟიმში, უარყოფენ საქართველოს მოქმედი ხელისუფლებისა და მმართველი პოლიტიკური პარტიის როგორც საშინაოპოლიტიკურ, ისე საგარეოპოლიტიკურ ლეგიტიმაციას”.
„2024 წლის საპარლამენტო არჩევნების წინ „ქართული ოცნების“ პოლიტიკური გუნდი ამომრჩეველს დავპირდით, რომ ამომრჩევლების მხარდაჭერის შემთხვევაში ვუზრუნველყოფდით „ნაციონალური მოძრაობის“ რეჟიმის ძირეული პოლიტიკური და სამართლებრივი შეფასების პროცესის წარმართვას. 1 120 000-მა ამომრჩეველმა ამ დაპირების შესასრულებლად მოგვცა მისი დემოკრატიული მანდატი.
ამ სახალხო მანდატის საფუძველზე, საქართველოს პარლამენტის 2025 წლის 5 თებერვლის და 1 აპრილის დადგენილებებით შეიქმნა „2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისია“, რომელმაც 6 თვიანი მუშაობის პერიოდში, პირდაპირ ეთერში გამართა 64 სხდომა, გამოიკითხა 139 პირი, შეისწავლა მოქალაქეებისგან 778 განცხადება. კომისიის თითქმის 500 გვერდიანი დასკვნის განხილვის საფუძველზე 2025 წლის 3 სექტემბერს საქართველოს პარლამენტმა მიიღო დადგენილება და გაიზიარა კომისიის მიგნებები. ამით, საქართველოს პარლამენტმა პოლიტიკური შეფასება მისცა „ნაციონალური მოძრაობის“ და სხვა დაკავშირებული პარტიების ქმედებებს 2003-2025 წლებში.
დღეს კი, ვიწყებთ ჩვენი დაპირების სამართლებრივი ნაწილის შესრულებას. პარლამენტის დროებითი საგამოძიებო კომისიის მიგნებების საფუძველზე ფრაქცია „ქართული ოცნების“, პოლიტიკური ჯგუფების „ხალხის ძალა“ და „ევროპელი სოციალისტების“ წევრები ერთობლივი კონსტიტუციური სარჩელით მივმართავთ საკონსტიტუციო სასამართლოს კონკრეტული პოლიტიკური პარტიების არაკონსტიტუციურად ცნობისა და მათი აკრძალვის მოთხოვნით.
საქართველოს კონსტიტუციის 23-ე მუხლი დაუშვებლად მიიჩნევს ისეთი პოლიტიკური პარტიის საქმიანობას, „რომლის მიზანია საქართველოს კონსტიტუციური წყობილების დამხობა ან ძალადობით შეცვლა, ქვეყნის დამოუკიდებლობის ხელყოფა, ტერიტორიული მთლიანობის დარღვევა ან რომელიც ეწევა ომის ან ძალადობის პროპაგანდას, აღვივებს ეროვნულ, ეთნიკურ, კუთხურ, რელიგიურ ან სოციალურ შუღლს.“
ამასთან, პოლიტიკური პარტიის საქმიანობა უშუალოდ და მჭიდროდ დაკავშირებულია თავდაცვისუნარიანი დემოკრატიის კონცეფციაისთანაც, რომლიდან გამომდინარეც, დაუშვებელია პოლიტიკური პარტიის ისეთი საქმიანობა, რომელიც უგულებელყოფს დემოკრატიული სახელმწიფოს იდეას ან საფრთხეს უქმნის სახელმწიფოს რომელიმე ფუძემდებლურ პრინციპს. ადამიანის უფლებათა ევროპულმა სასამართლომ თავის გადაწყვეტილებებში სწორედ თავდაცვისუნარიანი დემოკრატიის კონცეფციაზე დაყრდნობით აღნიშნავს, რომ თუ სახელმწიფო ხელისუფლების ორგანომ პოლიტიკური პარტიის მიერ დემოკრატიისთვის საფრთხის შემცველი პოლიტიკის გატარების რისკი სათანადოდ დაადასტურა, სახელმწიფო უფლებამოსილია აღკვეთოს ასეთი პოლიტიკის გატარება.
ჩვენი ერთობლივი კონსტიტუციური სარჩელით მოთხოვნილია რამდენიმე პოლიტიკური პარტიის არაკონსტიტუციურად ცნობა და აკრძალვა. სხვა დარღვევებთან ერთად, მტკიცებულებებით დასტურდება, რომ შესაბამისი პოლიტიკური პარტიები, პრაქტიკულად უწყვეტ რეჟიმში, უარყოფენ საქართველოს მოქმედი ხელისუფლებისა და მმართველი პოლიტიკური პარტიის როგორც საშინაოპოლიტიკურ, ისე საგარეოპოლიტიკურ ლეგიტიმაციას. შესაბამისად, მის კონსტიტუციურობას. ამით, აღნიშნული პარტიები აღიარებენ რომ მათსა და მმართველ პარტიას შორის ერთ-ერთი მხარე უსათუოდ არაკონსტიტუციურად უნდა შეირაცხოს. ჩვენს სარჩელში წარმოდგენილია მტკიცებულებები იმის შესახებ, რომ არაკონსტიტუციური მიზნები სწორედ ამ პოლიტიკურ პარტიებს ამოძრავებს.
სამართლებრივი დასაბუთება –
კონსტიტუციური სარჩელი ეფუძნება საქართველოს კონსტიტუციის 23-ე მუხლით გათვალისწინებულ შემდეგ დარღვევებს:
· საქართველოს კონსტიტუციური წყობილების დამხობა და ძალადობით შეცვლა
· ადამიანის უფლებების ხელყოფა
საქართველოს კონსტიტუციური წყობილების განუყოფელი ელემენტია სამართლებრივი სახელმწიფოს პრინციპი და ადამიანის ძირითადი უფლებები, რომელთა სისტემური დარღვევა საქართველოს კონსტიტუციური წყობილების ხელყოფაა. დროებითი საგამოძიებო კომისიის დასკვნაში ასახული ფაქტებითა და მტკიცებულებებით დასტურდება, რომ „ნაციონალური მოძრაობის“ ხელისუფლებაში ყოფნის პერიოდში, ადამიანის უფლებების ხელყოფა გასცილდა ერთეული შემთხვევების ფარგლებს და მიიღო სისტემური და სისტემატური ხასიათი, კერძოდ
პენიტენციურ დაწესებულებებში მოთავსებულ პირთა წამების პრაქტიკის დანერგვით,
მკვლელობებისა და სხვაგვარი ძალადობის პრაქტიკის დანერგვით,
პირთა უკანონო თვალთვალის, უკანონო მიყურადებისა და პირადი ცხოვრების ამსახველი ვიდეო-, აუდიო- და ფოტომასალის უკანონოდ შექმნის, შენახვისა და გამოყენების პრაქტიკის დანერგვით,
მასობრივი ინფორმაციის საშუალებების საკუთრების ან სხვა უფლების ხელმყოფი პრაქტიკის დანერგვით,
ქონების გამოძალვისა და საკუთრების უფლების ხელყოფის პრაქტიკის დანერგვით.
· საყოველთაო არჩევნების გზით არჩეული ორგანოების ლეგიტიმურობის აღიარებაზე უარის თქმა, საქართველოს კონსტიტუციური წყობილების დამხობის ან ძალადობით შეცვლის მცდელობები
საქართველოს პარლამენტის 2012 წლის 1 ოქტომბრის არჩევნების ჩატარებიდან დღემდე საქართველოში ჩატარდა 9 მორიგი საყოველთაო არჩევნები. აღნიშნული არჩევნების შედეგებისა და ამ არჩევნების გზით არჩეული ორგანოების ან თანამდებობის პირების ლეგიტიმურობის აღიარებაზე მთელ რიგ შემთხვევებში უარი თქვეს და ამ გზით საქართველოს სახელმწიფოს წინააღმდეგ არაერთი საბოტაჟი აწარმოეს კონსტიტუციურ სარჩელში მითითებულმა არაკონსტიტუციურმა პოლიტიკურმა პარტიებმა, მიუხედავად იმისა, რომ ყველა ეს არჩევნები საქართველოს კონსტიტუციისა და საარჩევნო კანონმდებლობის შესაბამისად ჩატარდა.
1) 2016 წლის საპარლამენტო არჩევნების შემდეგ შედგა ხალხის მიერ დემოკრატიული წესით არჩეული ხელისუფლების არალეგიტიმურად გამოცხადების პირველი მცდელობა, როდესაც არჩევნების არალეგიტიმურობის ყალბი საბაბით, „ნაციონალურმა მოძრაობამ“ არჩევნების მეორე ტურს ბოიკოტიც კი გამოუცხადა. თუმცა, მოგვიანებით, ისინი შეუდგნენ საქართველოს პარლამენტში მანდატების გამოყენებას, რაც უტყუარად ადასტურებს იმ გარემოებას, რომ არჩევნების არალეგიტიმურად გამოცხადებას არავითარი საფუძველი არ ჰქონდა.
2) 2018 წელს „ნაციონალური მოძრაობის“ თაოსნობით მოქმედმა კოალიციამ უარი თქვა საქართველოს პრეზიდენტის არჩევნების შედეგების აღიარებაზე და სცადა ძალადობრივი მეთოდის გამოყენებით საქართველოს ახალარჩეული პრეზიდენტის ფიცის დადების ცერემონიის ჩაშლა.
3) 2019 წლის ივნისში „ნაციონალური მოძრაობა“ და მჭიდროდ დაკავშირებული სხვა პოლიტიკური პარტიები საქართველოს პარლამენტის სასახლის შტურმით აღებას შეეცადნენ.
4) 2020 წლის საპარლამენტო არჩევნები არაკონსტიტუციურმა პოლიტიკურმა პარტიებმა არალეგიტიმურად შერაცხეს, უარი თქვეს ახალარჩეული პარლამენტის მუშაობაში მონაწილეობაზე და საქართველოს ცენტრალური საარჩევნო კომისიის ადმინისტრაციული შენობის შტურმით აღებას შეეცადნენ. თუმცა, მოგვიანებით, ისინი შეუდგნენ საქართველოს პარლამენტში მანდატების გამოყენებას, რაც უტყუარად ადასტურებს იმ გარემოებას, რომ არჩევნების არალეგიტიმურად გამოცხადებას არავითარი საფუძველი არ ჰქონდა.
5) 2021 წლის თვითმმართველობის არჩევნები არაკონსტიტუციურმა პოლიტიკურმა პარტიებმა არალეგიტიმურ არჩევნებად შერაცხეს, სხვადასხვა ქალაქში საპროტესტო აქციები წამოიწყეს და ხელახალი არჩევნების ჩატარების მოთხოვნა განაახლეს. თუმცა, მოგვიანებით, ისინი შეუდგნენ ადგილობრივი თვითმმართველობის ორგანოებში მანდატების გამოყენებას, რაც უტყუარად ადასტურებს იმ გარემოებას, რომ არჩევნების არალეგიტიმურად გამოცხადებას არავითარი საფუძველი არ ჰქონდა.
6) 2024 წლის საპარლამენტო არჩევნების შემდეგ პოლიტიკურმა პარტიებმა, რომლებმაც საარჩევნო ბარიერი გადალახეს, უარყვეს ამ არჩევნების შედეგები, უარი თქვეს პარლამენტის წევრის მანდატებზე და ახალარჩეული პარლამენტი არალეგიტიმურად გამოაცხადეს. მეტიც, არჩევნების შემდეგ, არაკონსტიტუციურმა პოლიტიკურმა პარტიებმა ხელი შეუწყეს და განახორციელეს ისეთი ღონისძიებები, რომლებიც მოიცავდა საქართველოს პარლამენტის სასახლეში ძალის გამოყენებით შეჭრას.
ზემოაღნიშნული ქმედებების პარალელურად და მათ გაგრძელებად, არაკონსტიტუციურმა პოლიტიკურმა პარტიებმა 2022-2025 წლებში განახორციელეს საქართველოს კონსტიტუციური წყობილების დამხობის ან ძალადობით შეცვლის რამდენიმე მცდელობა.
არაკონსტიტუციური პოლიტიკური პარტიების მიერ დემოკრატიული წესით არჩეული ხელისუფლების არალეგიტიმურად შერაცხვის პირველი მცდელობა 2016 წელს დაფიქსირდა, 2018 წლიდან ამ მცდელობამ სისტემატური, ხოლო 2020 წლიდან კი სისტემური და უწყვეტი სახე შეიძინა. ამასთან, დემოკრატიული წესით არჩეული ხელისუფლების არალეგიტიმურად გამოცხადებას 2019-2025 წლებში ერთვოდა საქართველოს კონსტიტუციური წყობილების დამხობისა და ძალადობით შეცვლის, მთლიანობაში, ექვსი უშუალო მცდელობა, რაც ადასტურებს, რომ საქართველოს კონსტიტუციური წყობილების დამხობისკენ ან ძალადობით შეცვლისკენ მიმართული საქმიანობა, რომელსაც არაკონსტიტუციური პოლიტიკური პარტიები აწარმოებენ ხანგრძლივი, სისტემატური, სისტემური და აქტუალურია, რაც დღეს ამ მიზნის აქტუალურობასაც უტყუარად ცხადყოფს.
ამრიგად, 2004-2012 წლებში „ნაციონალურმა მოძრაობამ“ დაარღვია საქართველოს კონსტიტუციითა და ადამიანის უფლებათა ევროპული კონვენციით გათვალისწინებული ადამიანის ძირითადი უფლებები. ამასთანავე, კონსტიტუციურ სარჩელში მითითებულმა ყველა არაკონსტიტუციურმა პარტიამ დაარღვია საქართველოს კონსტიტუციის მე-3 მუხლითა და ადამიანის უფლებათა ევროპული კონვენციით გათვალისწინებული დემოკრატიის არსი, რაც საქართველოს კონსტიტუციისა და საარჩევნო კანონმდებლობის შესაბამისად ჩატარებული საყოველთაო არჩევნების გზით არჩეული ორგანოებისა და თანამდებობის პირების ლეგიტიმურობის აღიარებაზე უსაფუძვლოდ უარის თქმასა და დემოკრატიის მიმართ აშკარა და უხეში უპატივცემულობის გამოვლენაში გამოიხატა.
· საქართველოს დამოუკიდებლობის ხელყოფა, ქვეყნის ტერიტორიული მთლიანობის დარღვევა
· 2008 წლის აგვისტოს ომთან დაკავშირებული მოვლენები
„ნაციონალურმა მოძრაობამ“ ხელისუფლებაში ყოფნის დროს საქართველოს დამოუკიდებლობისა და ტერიტორიული მთლიანობის წინააღმდეგ ჩაიდინა არაერთი ქმედება და ამ მხრივ, აშკარა არაკონსტიტუციური საქმიანობა განახორციელა, რამაც დააზიანა საქართველოს ტერიტორიული მთლიანობის მშვიდობიანი გზით აღდგენის პერსპექტივა და ხელი შეუწყო საქართველოს ტერიტორიების ოკუპაციასა და საოკუპაციო ძალის მიერ ოკუპაციასთან მიმართებით პოლიტიკური პოზიციების გამყარებას. კერძოდ, 2004-2008 წლებში საომარ რიტორიკასთან და კონფრონტაციულ ქმედებებთან ერთად აღსანიშნავია შემდეგი ფაქტები:
· 2004 წელს ქალაქ ცხინვალის მიმართულებით შეიარაღებული დაპირისპირება განხორციელდა.
· 2006 წლის 28 სექტემბერს კოდორის ხეობას საქართველოს პრეზიდენტის ბრძანებულებით ეწოდა „ზემო აფხაზეთი“.
· 2006 წლის ნოემბერში საქართველოს იმდროინდელმა ხელისუფლებამ ცხინვალის რეგიონში საქართველოს როგორც დე იურე, ისე დე ფაქტო იურისდიქციას დაქვემდებარებულ ტერიტორიაზე ჩაატარა ალტერნატიული არაკონსტიტუციური არჩევნები, სადაც აირჩა ე.წ. სამხრეთ ოსეთის პრეზიდენტი და მის დაქვემდებარებაში შეიქმნა ე.წ. სამხრეთ ოსეთის ალტერნატიული მთავრობა, რომლის წევრებიც მინისტრებად იწოდებოდნენ. ამით საქართველოს იმჟამინდელმა ხელისუფლებამ ცხინვალის რეგიონში სეპარატისტულ არჩევნებს ირიბი ლეგიტიმაცია შესძინა, რაც საქართველოს სახელმწიფო ინტერესების ღია და უხეში ღალატი იყო.
· 2007 წელს საქართველოს იმდროინდელმა ხელისუფლებამ ყოფილი სამხრეთ ოსეთის ავტონომიური ოლქის ტერიტორიაზე შექმნა დროებითი ადმინისტრაციულ-ტერიტორიული ერთეული და სამართლებრივად აღადგინა სამხრეთ ოსეთის ავტონომიური ოლქის 1990 წელს გაუქმებული საზღვრები.
· აღნიშნული ქმედებების კულმინაცია იყო 2008 წლის აგვისტო, როდესაც საქართველოს იმდროინდელმა ხელისუფლებამ შექმნა ნიადაგი ცხინვალის რეგიონში საოკუპაციო ძალის შესაჭრელად, რის შემდეგაც საქართველოს იმჟამინდელმა ხელისუფლებამ მხარი დაუჭირა ევროპის საბჭოს საპარლამენტო ასამბლეის 2008 წლის 2 ოქტომბრის რეზოლუციას, რომლითაც აღიარა საკუთარი ქმედებებით ესკალაციის ახალ, „ღია და სრულმასშტაბიანი საომარი მოქმედებების საფეხურზე“ გადაყვანა, რუსეთის სამხედრო ინტერვენციას კი „საპასუხო იერიში“ უწოდა.
ამრიგად, „ნაციონალურმა მოძრაობამ“ 2004 წლიდან გეგმაზომიერად და თანამიმდევრულად განახორციელა ქმედებები და ღონისძიებები, რომლებმაც ხელი შეუწყო არა მხოლოდ საქართველოს ტერიტორიების ოკუპაციას, არამედ საოკუპაციო ძალის მიერ ოკუპაციასთან მიმართებით პოლიტიკური პოზიციების გამყარებასაც.
· 2012 წლის შემდეგ განვითარებული მოვლენები
„ნაციონალურმა მოძრაობამ“ საქართველოს დამოუკიდებლობისა და ტერიტორიული მთლიანობის წინააღმდეგ ქმედებების ჩადენა 2012 წლის შემდეგაც განაგრძო, რაც უკვე მჭიდროდ დაკავშირებულ სხვა არაკონსტიტუციურ პოლიტიკურ პარტიებთან ერთად განახორციელა.
· საქართველოს ტერიტორიული მთლიანობის მშვიდობიანი გზით აღდგენის პერსპექტივის დაზიანება და საქართველოსა და რუსეთს შორის აქტიური საომარი მოქმედებების გაჩაღების მცდელობა-ხელშეწყობა
2022 წელს უკრაინაში რუსეთის შეჭრის პირველივე წუთებიდან გამოვლინდა არაკონსტიტუციური პოლიტიკური პარტიების მიზანი და მცდელობა, რუსეთ-უკრაინის ომის ფონზე, საქართველოსა და რუსეთის ფედერაციას შორის კონფლიქტი მაქსიმალურ ნიშნულამდე გაემწვავებინათ. არაკონსტიტუციური პოლიტიკური პარტიები დღემდე ცდილობენ, საქართველოსა და რუსეთს შორის ვითარება გამწვავდეს იგივე ფორმითა და ხარისხით, რა ფორმითა და ხარისხითაც ამას 2008 წლის ომამდე „ნაციონალური მოძრაობა“ ახორციელებდა.
· საქართველოს დამოუკიდებლობის ხელყოფაში უცხოური ძალისთვის ხელის შეწყობა.
საქართველოს ტერიტორიული მთლიანობის მშვიდობიანი გზით აღდგენის პერსპექტივის დაზიანებასა და საქართველოსა და რუსეთს შორის აქტიური საომარი მოქმედებების გაჩაღების მცდელობა-ხელშეწყობასთან ერთად, 2012 წლის შემდეგ საქართველოს დამოუკიდებლობის ხელყოფის მცდელობა სხვა მიმართულებითაც ხორციელდება; კერძოდ, ეს პოლიტიკური პარტიები ისწრაფვიან, სხვადასხვა საკითხთან მიმართებით უცხოეთიდან „დაისაჯოს“ საქართველოს სახელმწიფო და საქართველოს ხელისუფლება, რათა საქართველოს მოქალაქეებში უკმაყოფილება დაგროვდეს, ისინი მათ მიერ კანონიერად არჩეულ ხელისუფლებას დაუპირისპირდნენ და ეს პროცესები საქართველოს სახელმწიფოს წინააღმდეგ საბოტაჟის მექანიზმად და საქართველოს ხელისუფლებაზე ზეწოლის ბერკეტად იქნეს გამოყენებული. კერძოდ, ეს მცდელობები მოიცავს
· ევროპის კავშირის წევრი სახელმწიფოების ტერიტორიაზე საქართველოს მოქალაქეთათვის უვიზო მიმოსვლის რეჟიმის შემოღებისა და შენარჩუნების საკითხისთვის საზიანო ქმედებებს,
· ევროპის კავშირში საქართველოს გაწევრების მიმართულებით ქვეყნისთვის ხელშემშლელ ქმედებებს,
· საქართველოს სახელმწიფოსა და საქართველოს ხელისუფლებაზე უცხოეთიდან სისტემატური საინფორმაციო თავდასხმებს, სანქციების დაწესების მცდელობებს და ამის ხელშეწყობას.
ამრიგად, 2004-2012 წლებში „ნაციონალურმა მოძრაობამ“ ხელყო საქართველოს დამოუკიდებლობა და მიზანმიმართულად შექმნა ნიადაგი საქართველოს ტერიტორიული მთლიანობის დასარღვევად, ხოლო 2012 წლის შემდეგ ამ პოლიტიკურმა პარტიამ და სხვა არაკონსტიტუციურმა პოლიტიკურმა პარტიებმა განახორციელეს საქართველოს დამოუკიდებლობის ხელყოფისა და ტერიტორიული მთლიანობის დარღვევის მრავალი მცდელობა.
სასარჩელო მოთხოვნა
ზემოაღნიშნული გარემოებები, საქართველოს კონსტიტუციისა და ადამიანის უფლებათა ევროპული სასამართლოს მიდგომების გათვალისწინებით, ერთობლივად ქმნის რამდენიმე არაკონსტიტუციური პოლიტიკური პარტიის აკრძალვის მყარ კონსტიტუციურ საფუძველს.
ამასთან, საერთაშორისო პრაქტიკის მიხედვით პოლიტიკური პარტიის აკრძალვისთვის, მის არაკონსტიტუციურ იდეებთან და ქცევასთან ერთად, მნიშვნელოვანია, რომ კონკრეტულ პარტიას, ჰქონდეს იმის შესაძლებლობა, რომ რეალური საფრთხე შეუქმნას კონსტიტუციურ წყობილებას. ამ მხრივ განმსაზღვრელია პარტიის ზომა, სტრუქტურული ორგანიზება, პოლიტიკური გავლენა. ამიტომ, იმ პარტიების განსაზღვრისას, რომელთა აკრძალვასაც კონსტიტუციური სარჩელით ვითხოვთ, ვისარგებლეთ ორი მთავარი კრიტერიუმით:
– რამდენად მყარია კონკრეტული პარტიის არაკონსტიტუციურობის სამართლებრივი დასაბუთება,
– რამდენად უქმნის კონკრეტული არაკონსტიტუციური პარტია მისი ზომით, ორგანიზაციული სტრუქტურით თუ პოლიტიკური გავლენით რეალურ საფრთხეს კონსტიტუციურ წყობილებას.
შესაბამისად, ჩვენი ერთობლივი კონსტიტუციური სარჩელით მოთხოვნილია შემდეგი სამი პოლიტიკური პარტიის არაკონსტიტუციურად ცნობა და აკრძალვა, რომლებმაც საერთო მისწრაფებებით მოქმედი კოალიციური ერთობა და ერთიანი ორგანიზმი შექმნეს და დღესაც ასე მოქმედებენ. ეს პარტიებია (პარტიების რეესტრში მითითებული მათი იურიდიული დასახელებებით):
− მოქალაქეთა პოლიტიკური გაერთიანება „ერთიანობა − ნაციონალური მოძრაობა“,
− მოქალაქეთა პოლიტიკური გაერთიანება „კოალიცია ცვლილებისთვის, გვარამია, მელია, გირჩი, დროა“,
− მოქალაქეთა პოლიტიკური გაერთიანება „ძლიერი საქართველო − ლელო, ხალხისთვის, თავისუფლებისთვის“.
ამასთანავე, გასათვალისწინებელია, რომ ზემოხსენებულ პოლიტიკურ პარტიებთან მჭიდროდ დაკავშირებულია სხვა პოლიტიკური პარტიებიც, როგორებიცაა „ელენე ხოშტარია – დროა“ და „გირჩი – მეტი თავისუფლება“, რომლებიც სინამდვილეში „კოალიცია ცვლილებისთვის, გვარამია, მელია, გირჩი, დროას“ შემადგენლობაში არიან, თუმცა, ფორმალურად, დამოუკიდებელ პარტიებადაც არიან რეგისტრირებული, აგრეთვე „კი ევროპას – სტრატეგია აღმაშენებელი“, „ევროპული საქართველო – მოძრაობა თავისუფლებისთვის“, „ფედერალისტური პარტია“, „საქართველოს რესპუბლიკური პარტია“ და სხვა ფიქტიური, ერთკაციანი და მცირე პარტიები. თუმცა, ვინაიდან მათ ამჟამად, მათი სიდიდით, ორგანიზაციული სტრუქტურით არსებითი გავლენა, მათ შორის, საარჩევნო ბარიერის გადალახვის რეალური პერსპექტივა არ გააჩნიათ, ამ ეტაპზე მათი აკრძალვის აუცილებლობა არ იკვეთება. მათი არაკონსტიტუციურობის საკითხი დღის წესრიგში შეიძლება დადგეს მოგვიანებით, იმ შემთხვევაში, თუ ისინი პოლიტიკურ პროცესზე არსებით გავლენას შეიძენენ.
ზემოაღნიშნული პარტიების არაკონსტიტუციური მიზნების ერთიანობას ადასტურებს შემდეგი გარემოებები:
– აღნიშნული პოლიტიკური პარტიების ხელმძღვანელი პირები „ნაციონალური მოძრაობის“ ან მისი მონაწილეობით შექმნილი საარჩევნო ბლოკის წარდგენით არჩეულ იქნენ სხვადასხვა მოწვევის საქართველოს პარლამენტის წევრებად, ეკავათ სხვადასხვა პარტიული თუ პოლიტიკური თანამდებობა.
– აღნიშნული პოლიტიკური პარტიები წლების განმავლობაში თვისებრივად ერთნაირი პოზიციით წარმოჩინდებოდნენ, ქმნიდნენ საერთო მისწრაფებით მოქმედ კოალიციურ ერთობას და ერთიან ორგანიზმს და დღესაც ასე მოქმედებენ.
ამავე დროს, ჩვენი კონსტიტუციური სარჩელით მოთხოვნილი არ იქნება არაკონსტიტუციური პოლიტიკური პარტიის წარდგენით არჩეული წარმომადგენლობითი ორგანოს წევრების უფლებამოსილების შეწყვეტა, რაც დღევანდელი მდგომარეობით, რელევანტური იქნებოდა მხოლოდ პარტია „ლელოს“ სახელით საკრებულოებში გასულ 59 წევრთან დაკავშირებით. ამით, უპირველეს ყოვლისა, გვსურს, პატივი ვცეთ მათ ამომრჩევლებს და განსხვავებით თავად პარტია „ლელოსგან“, რომელმაც მისი ამომრჩევლისგან მინიჭებულ საპარლამენტო მანდატების მიღებაზე უარი თქვა, საკრებულოებში შევინარჩუნოთ ამომრჩევლის მიერ გაცემული მანდატები.
ასევე, ჩვენი სარჩელი არ შეიცავს არაკონსტიტუციურ პოლიტიკურ პარტიასთან დაკავშირებული პირებისთვის პოლიტიკური საქმიანობის შეზღუდვის მოთხოვნას. როგორც იცით, დღეს კანონმდებლობით განსაზღვრულია მემკვიდრე პარტიის ინსტიტუტი, რომელიც იძლევა უფრო ფართო შესაძლებლობას აკრძალული პარტიებთან დაკავშირებული პირების სამომავლო არაკონსტიტუციური პოლიტიკური საქმიანობის აღსაკვეთად“,- განაცხადა პაპუაშვილმა.

შალვა პაპუაშვილმა წარადგინა კონსტიტუციური სარჩელი, რომელშიც მოთხოვნილია „ნაციონალური მოძრაობის“, „კოალიცია ცვლილებისთვის“ და „ძლიერი საქართველო-ლელო“ საქმიანობის არაკონსტიტუციურად ცნობა და მათი აკრძალვა. სრულად
ფრაქცია „ქართული ოცნების“, პოლიტიკური ჯგუფების „ხალხის ძალა“ და „ევროპელი სოციალისტების“ წევრების ერთობლივ კონსტიტუციურ სარჩელთან დაკავშირებით, რომლითაც მოთხოვნილია რამდენიმე პოლიტიკური პარტიის საქმიანობის არაკონსტიტუციურად ცნობა და მათი აკრძალვა
წინაპირობა
2024 წლის საპარლამენტო არჩევნების წინ „ქართული ოცნების“ პოლიტიკური გუნდი ამომრჩეველს დავპირდით, რომ ამომრჩევლების მხარდაჭერის შემთხვევაში უზრუნველყოფილიყო „ნაციონალური მოძრაობის“ რეჟიმის ძირეული პოლიტიკური და სამართლებრივი შეფასების პროცესის წარმართვას. 1 120 000-მა ამომრჩეველმა ამ დაპირების შესასრულებლად მოგვცა მისი დემოკრატიული მანდატი.
ამ სახალხო მანდატის საფუძველზე, საქართველოს პარლამენტის 2025 წლის 5 თებერვლის და 1 აპრილის დადგენილებებით შეიქმნა „2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისია“, რომელმაც 6 თვიანი მუშაობის პერიოდში, პირდაპირ ეთერში გამართა 64 სხდომა, გამოიკითხა 139 პირი, შეისწავლა მოქალაქეებისგან 778 განცხადება. კომისიის თითქმის 500 გვერდიანი დასკვნის განხილვის საფუძველზე 2025 წლის 3 სექტემბერს საქართველოს პარლამენტმა მიიღო დადგენილება და გაიზიარა კომისიის მიგნებები. ამით, საქართველოს პარლამენტმა პოლიტიკური შეფასება მისცა „ნაციონალური მოძრაობის“ და სხვა დაკავშირებული პარტიების ქმედებებს 2003-2025 წლებში.
დღეს კი, ვიწყებთ ჩვენი დაპირების სამართლებრივი ნაწილის შესრულებას. პარლამენტის დროებითი საგამოძიებო კომისიის მიგნებების საფუძველზე ფრაქცია „ქართული ოცნების“, პოლიტიკური ჯგუფების „ხალხის ძალა“ და „ევროპელი სოციალისტების“ წევრები ერთობლივი კონსტიტუციური სარჩელით მივმართავთ საკონსტიტუციო სასამართლოს კონკრეტული პოლიტიკური პარტიების არაკონსტიტუციურად ცნობისა და მათი აკრძალვის მოთხოვნით.
საქართველოს კონსტიტუციის 23-ე მუხლი დაუშვებლად მიიჩნევს ისეთი პოლიტიკური პარტიის საქმიანობას, „რომლის მიზანია საქართველოს კონსტიტუციური წყობილების დამხობა ან ძალადობით შეცვლა, ქვეყნის დამოუკიდებლობის ხელყოფა, ტერიტორიული მთლიანობის დარღვევა ან რომელიც ეწევა ომის ან ძალადობის პროპაგანდას, აღვივებს ეროვნულ, ეთნიკურ, კუთხურ, რელიგიურ ან სოციალურ შუღლს.“
ამასთან, პოლიტიკური პარტიის საქმიანობა უშუალოდ და მჭიდროდ დაკავშირებულია თავდაცვისუნარიანი დემოკრატიის კონცეფციასთანაც, რომლიდან გამომდინარეც, დაუშვებელია პოლიტიკური პარტიის ისეთი საქმიანობა, რომელიც უგულებელყოფს დემოკრატიული სახელმწიფოს იდეას ან საფრთხეს უქმნის სახელმწიფოს რომელიმე ფუძემდებლურ პრინციპს. ადამიანის უფლებათა ევროპულმა სასამართლომ თავის გადაწყვეტილებებში სწორედ თავდაცვისუნარიანი დემოკრატიის კონცეფციაზე დაყრდნობით აღნიშნავს, რომ თუ სახელმწიფო ხელისუფლების ორგანომ პოლიტიკური პარტიის მიერ დემოკრატიისთვის საფრთხის შემცველი პოლიტიკის გატარების რისკი სათანადოდ დაადასტურა, სახელმწიფო უფლებამოსილია აღკვეთოს ასეთი პოლიტიკის გატარება.
ჩვენი ერთობლივი კონსტიტუციური სარჩელით მოთხოვნილია რამდენიმე პოლიტიკური პარტიის არაკონსტიტუციურად ცნობა და აკრძალვა. სხვა დარღვევებთან ერთად, მტკიცებულებებით დასტურდება, რომ შესაბამისი პოლიტიკური პარტიები, პრაქტიკულად უწყვეტ რეჟიმში, უარყოფენ საქართველოს მოქმედი ხელისუფლებისა და მმართველი პოლიტიკური პარტიის როგორც საშინაო პოლიტიკურ, ისე საგარეო პოლიტიკურ ლეგიტიმაციას და შესაბამისად, მის კონსტიტუციურობას. ამით, აღნიშნული პარტიები აღიარებენ რომ მათსა და მმართველ პარტიას შორის ერთ-ერთი მხარე უსათუოდ არაკონსტიტუციურად უნდა შეირაცხოს. ჩვენს სარჩელში წარმოდგენილია მტკიცებულებები იმის შესახებ, რომ არაკონსტიტუციური მიზნები სწორედ ამ პოლიტიკურ პარტიებს ამოძრავებს.
სამართლებრივი დასაბუთება
კონსტიტუციური სარჩელი ეფუძნება საქართველოს კონსტიტუციის 23-ე მუხლით გათვალისწინებულ შემდეგ დარღვევებს:
I. საქართველოს კონსტიტუციური წყობილების დამხობა და ძალადობით შეცვლა
1. ადამიანის უფლებების ხელყოფა
საქართველოს კონსტიტუციური წყობილების განუყოფელი ელემენტია სამართლებრივი სახელმწიფოს პრინციპი და ადამიანის ძირითადი უფლებები, რომელთა სისტემური დარღვევა საქართველოს კონსტიტუციური წყობილების ხელყოფაა. დროებითი საგამოძიებო კომისიის დასკვნაში ასახული ფაქტებითა და მტკიცებულებებით დასტურდება, რომ „ნაციონალური მოძრაობის“ ხელისუფლებაში ყოფნის პერიოდში, ადამიანის უფლებების ხელყოფა გასცილდა ერთეული შემთხვევების ფარგლებს და მიიღო სისტემური და სისტემატური ხასიათი, კერძოდ
· პენიტენციურ დაწესებულებებში მოთავსებულ პირთა წამების პრაქტიკის დანერგვით,
· მკვლელობებისა და სხვაგვარი ძალადობის პრაქტიკის დანერგვით,
· პირთა უკანონო თვალთვალის, უკანონო მიყურადებისა და პირადი ცხოვრების ამსახველი ვიდეო-, აუდიო- და ფოტომასალის უკანონოდ შექმნის, შენახვისა და გამოყენების პრაქტიკის დანერგვით,
· მასობრივი ინფორმაციის საშუალებების საკუთრების ან სხვა უფლების ხელმყოფი პრაქტიკის დანერგვით,
· ქონების გამოძალვისა და საკუთრების უფლების ხელყოფის პრაქტიკის დანერგვით.
2. საყოველთაო არჩევნების გზით არჩეული ორგანოების ლეგიტიმურობის აღიარებაზე უარის თქმა, საქართველოს კონსტიტუციური წყობილების დამხობის ან ძალადობით შეცვლის მცდელობები
საქართველოს პარლამენტის 2012 წლის 1 ოქტომბრის არჩევნების ჩატარებიდან დღემდე საქართველოში ჩატარდა 9 მორიგი საყოველთაო არჩევნები. აღნიშნული არჩევნების შედეგებისა და ამ არჩევნების გზით არჩეული ორგანოების ან თანამდებობის პირების ლეგიტიმურობის აღიარებაზე მთელ რიგ შემთხვევებში უარი თქვეს და ამ გზით საქართველოს სახელმწიფოს წინააღმდეგ არაერთი საბოტაჟი აწარმოვეს კონსტიტუციურ სარჩელში მითითებულმა არაკონსტიტუციურმა პოლიტიკურმა პარტიებმა, მიუხედავად იმისა, რომ ყველა ეს არჩევნები საქართველოს კონსტიტუციისა და საარჩევნო კანონმდებლობის შესაბამისად ჩატარდა.
1) 2016 წლის საპარლამენტო არჩევნების შემდეგ შედგა ხალხის მიერ დემოკრატიული წესით არჩეული ხელისუფლების არალეგიტიმურად გამოცხადების პირველი მცდელობა, როდესაც არჩევნების არალეგიტიმურობის ყალბი საბაბით, „ნაციონალურმა მოძრაობამ“ არჩევნების მეორე ტურს ბოიკოტიც კი გამოუცხადა. თუმცა, მოგვიანებით, ისინი შეუდგნენ საქართველოს პარლამენტში მანდატების გამოყენებას, რაც უტყუარად ადასტურებს იმ გარემოებას, რომ არჩევნების არალეგიტიმურად გამოცხადებას არავითარი საფუძველი არ ჰქონდა.
2) 2018 წელს „ნაციონალური მოძრაობის“ თაოსნობით მოქმედმა კოალიციამ უარი თქვა საქართველოს პრეზიდენტის არჩევნების შედეგების აღიარებაზე და სცადა ძალადობრივი მეთოდის გამოყენებით საქართველოს ახალარჩეული პრეზიდენტის ფიცის დადების ცერემონიის ჩაშლა.
3) 2019 წლის ივნისში „ნაციონალური მოძრაობა“ და მჭიდროდ დაკავშირებული სხვა პოლიტიკური პარტიები საქართველოს პარლამენტის სასახლის შტურმით აღებას შეეცადნენ.
4) 2020 წლის საპარლამენტო არჩევნები არაკონსტიტუციურმა პოლიტიკურმა პარტიებმა არალეგიტიმურად შერაცხეს, უარი თქვეს ახალარჩეული პარლამენტის მუშაობაში მონაწილეობაზე და საქართველოს ცენტრალური საარჩევნო კომისიის ადმინისტრაციული შენობის შტურმით აღებას შეეცადნენ. თუმცა, მოგვიანებით, ისინი შეუდგნენ საქართველოს პარლამენტში მანდატების გამოყენებას, რაც უტყუარად ადასტურებს იმ გარემოებას, რომ არჩევნების არალეგიტიმურად გამოცხადებას არავითარი საფუძველი არ ჰქონდა.
5) 2021 წლის თვითმმართველობის არჩევნები არაკონსტიტუციურმა პოლიტიკურმა პარტიებმა არალეგიტიმურ არჩევნებად შერაცხეს, სხვადასხვა ქალაქში საპროტესტო აქციები წამოიწყეს და ხელახალი არჩევნების ჩატარების მოთხოვნა განაახლეს. თუმცა, მოგვიანებით, ისინი შეუდგნენ ადგილობრივი თვითმმართველობის ორგანოებში მანდატების გამოყენებას, რაც უტყუარად ადასტურებს იმ გარემოებას, რომ არჩევნების არალეგიტიმურად გამოცხადებას არავითარი საფუძველი არ ჰქონდა.
6) 2024 წლის საპარლამენტო არჩევნების შემდეგ პოლიტიკურმა პარტიებმა, რომლებმაც საარჩევნო ბარიერი გადალახეს, უარყვეს ამ არჩევნების შედეგები, უარი თქვეს პარლამენტის წევრის მანდატებზე და ახალარჩეული პარლამენტი არალეგიტიმურად გამოაცხადეს. მეტიც, არჩევნების შემდეგ, არაკონსტიტუციურმა პოლიტიკურმა პარტიებმა ხელი შეუწყვეს და განახორციელეს ისეთი ღონისძიებები, რომლებიც მოიცავდა საქართველოს პარლამენტის სასახლეში ძალის გამოყენებით შეჭრას.
ზემოაღნიშნული ქმედებების პარალელურად და მათ გაგრძელებად, არაკონსტიტუციურმა პოლიტიკურმა პარტიებმა 2022-2025 წლებში განახორციელეს საქართველოს კონსტიტუციური წყობილების დამხობის ან ძალადობით შეცვლის რამდენიმე მცდელობა.
არაკონსტიტუციური პოლიტიკური პარტიების მიერ დემოკრატიული წესით არჩეული ხელისუფლების არალეგიტიმურად შერაცხვის პირველი მცდელობა 2016 წელს დაფიქსირდა, 2018 წლიდან ამ მცდელობამ სისტემატური, ხოლო 2020 წლიდან კი სისტემური და უწყვეტი სახე შეიძინა. ამასთან, დემოკრატიული წესით არჩეული ხელისუფლების არალეგიტიმურად გამოცხადებას 2019-2025 წლებში ერთვოდა საქართველოს კონსტიტუციური წყობილების დამხობისა და ძალადობით შეცვლის, მთლიანობაში, ექვსი უშუალო მცდელობა, რაც ადასტურებს, რომ საქართველოს კონსტიტუციური წყობილების დამხობისკენ ან ძალადობით შეცვლისკენ მიმართული საქმიანობა, რომელსაც არაკონსტიტუციური პოლიტიკური პარტიები აწარმოებენ ხანგრძლივი, სისტემატური, სისტემური და აქტუალურია, რაც დღეს ამ მიზნის აქტუალურობასაც უტყუარად ცხადყოფს.
ამრიგად, 2004-2012 წლებში „ნაციონალურმა მოძრაობამ“ დაარღვია საქართველოს კონსტიტუციითა და ადამიანის უფლებათა ევროპული კონვენციით გათვალისწინებული ადამიანის ძირითადი უფლებები. ამასთანავე, კონსტიტუციურ სარჩელში მითითებულმა ყველა არაკონსტიტუციურმა პარტიამ დაარღვია საქართველოს კონსტიტუციის მე-3 მუხლითა და ადამიანის უფლებათა ევროპული კონვენციით გათვალისწინებული დემოკრატიის არსი, რაც საქართველოს კონსტიტუციისა და საარჩევნო კანონმდებლობის შესაბამისად ჩატარებული საყოველთაო არჩევნების გზით არჩეული ორგანოებისა და თანამდებობის პირების ლეგიტიმურობის აღიარებაზე უსაფუძვლოდ უარის თქმასა და დემოკრატიის მიმართ აშკარა და უხეში უპატივცემულობის გამოვლენაში გამოიხატა.
II. საქართველოს დამოუკიდებლობის ხელყოფა, ქვეყნის ტერიტორიული მთლიანობის დარღვევა
1. 2008 წლის აგვისტოს ომთან დაკავშირებული მოვლენები
„ნაციონალურმა მოძრაობამ“ ხელისუფლებაში ყოფნის დროს საქართველოს დამოუკიდებლობისა და ტერიტორიული მთლიანობის წინააღმდეგ ჩაიდინა არაერთი ქმედება და ამ მხრივ, აშკარა არაკონსტიტუციური საქმიანობა განახორციელა, რამაც დააზიანა საქართველოს ტერიტორიული მთლიანობის მშვიდობიანი გზით აღდგენის პერსპექტივა და ხელი შეუწყო საქართველოს ტერიტორიების ოკუპაციასა და საოკუპაციო ძალის მიერ ოკუპაციასთან მიმართებით პოლიტიკური პოზიციების გამყარებას. კერძოდ, 2004-2008 წლებში საომარ რიტორიკასთან და კონფრონტაციულ ქმედებებთან ერთად აღსანიშნავია შემდეგი ფაქტები:
• 2004 წელს ქალაქ ცხინვალის მიმართულებით შეიარაღებული დაპირისპირება განხორციელდა.
• 2006 წლის 28 სექტემბერს კოდორის ხეობას საქართველოს პრეზიდენტის ბრძანებულებით ეწოდა „ზემო აფხაზეთი“.
• 2006 წლის ნოემბერში საქართველოს იმდროინდელმა ხელისუფლებამ ცხინვალის რეგიონში საქართველოს როგორც დე იურე, ისე დე ფაქტო იურისდიქციას დაქვემდებარებულ ტერიტორიაზე ჩაატარა ალტერნატიული არაკონსტიტუციური არჩევნები, სადაც აირჩა ე.წ. სამხრეთ ოსეთის პრეზიდენტი და მის დაქვემდებარებაში შეიქმნა ე.წ. სამხრეთ ოსეთის ალტერნატიული მთავრობა, რომლის წევრებიც მინისტრებად იწოდებოდნენ. ამით საქართველოს იმჟამინდელმა ხელისუფლებამ ცხინვალის რეგიონში სეპარატისტულ არჩევნებს ირიბი ლეგიტიმაცია შესძინა, რაც საქართველოს სახელმწიფო ინტერესების ღია და უხეში ღალატი იყო.
• 2007 წელს საქართველოს იმდროინდელმა ხელისუფლებამ ყოფილი სამხრეთ ოსეთის ავტონომიური ოლქის ტერიტორიაზე შექმნა დროებითი ადმინისტრაციულ-ტერიტორიული ერთეული და სამართლებრივად აღადგინა სამხრეთ ოსეთის ავტონომიური ოლქის 1990 წელს გაუქმებული საზღვრები.
• აღნიშნული ქმედებების კულმინაცია იყო 2008 წლის აგვისტო, როდესაც საქართველოს იმდროინდელმა ხელისუფლებამ შექმნა ნიადაგი ცხინვალის რეგიონში საოკუპაციო ძალის შესაჭრელად, რის შემდეგაც საქართველოს იმჟამინდელმა ხელისუფლებამ მხარი დაუჭირა ევროპის საბჭოს საპარლამენტო ასამბლეის 2008 წლის 2 ოქტომბრის რეზოლუციას, რომლითაც აღიარა საკუთარი ქმედებებით ესკალაციის ახალ, „ღია და სრულმასშტაბიანი საომარი მოქმედებების საფეხურზე“ გადაყვანა, რუსეთის სამხედრო ინტერვენციას კი „საპასუხო იერიში“ უწოდა.
ამრიგად, „ნაციონალურმა მოძრაობამ“ 2004 წლიდან გეგმაზომიერად და თანამიმდევრულად განახორციელა ქმედებები და ღონისძიებები, რომლებმაც ხელი შეუწყო არა მხოლოდ საქართველოს ტერიტორიების ოკუპაციას, არამედ საოკუპაციო ძალის მიერ ოკუპაციასთან მიმართებით პოლიტიკური პოზიციების გამყარებასაც.
2. 2012 წლის შემდეგ განვითარებული მოვლენები
„ნაციონალურმა მოძრაობამ“ საქართველოს დამოუკიდებლობისა და ტერიტორიული მთლიანობის წინააღმდეგ ქმედებების ჩადენა 2012 წლის შემდეგაც განაგრძო, რაც უკვე მჭიდროდ დაკავშირებულ სხვა არაკონსტიტუციურ პოლიტიკურ პარტიებთან ერთად განახორციელა.
• საქართველოს ტერიტორიული მთლიანობის მშვიდობიანი გზით აღდგენის პერსპექტივის დაზიანება და საქართველოსა და რუსეთს შორის აქტიური საომარი მოქმედებების გაჩაღების მცდელობა-ხელშეწყობა
2022 წელს უკრაინაში რუსეთის შეჭრის პირველივე წუთებიდან გამოვლინდა არაკონსტიტუციური პოლიტიკური პარტიების მიზანი და მცდელობა, რუსეთ-უკრაინის ომის ფონზე, საქართველოსა და რუსეთის ფედერაციას შორის კონფლიქტი მაქსიმალურ ნიშნულამდე გაემწვავებინათ. არაკონსტიტუციური პოლიტიკური პარტიები დღემდე ცდილობენ, საქართველოსა და რუსეთს შორის ვითარება გამწვავდეს იგივე ფორმითა და ხარისხით, რა ფორმითა და ხარისხითაც ამას 2008 წლის ომამდე „ნაციონალური მოძრაობა“ ახორციელებდა.
• საქართველოს დამოუკიდებლობის ხელყოფაში უცხოური ძალისთვის ხელის შეწყობა.
საქართველოს ტერიტორიული მთლიანობის მშვიდობიანი გზით აღდგენის პერსპექტივის დაზიანებასა და საქართველოსა და რუსეთს შორის აქტიური საომარი მოქმედებების გაჩაღების მცდელობა-ხელშეწყობასთან ერთად, 2012 წლის შემდეგ საქართველოს დამოუკიდებლობის ხელყოფის მცდელობა სხვა მიმართულებითაც ხორციელდება; კერძოდ, ეს პოლიტიკური პარტიები ისწრაფვიან, სხვადასხვა საკითხთან მიმართებით უცხოეთიდან „დაისაჯოს“ საქართველოს სახელმწიფო და საქართველოს ხელისუფლება, რათა საქართველოს მოქალაქეებში უკმაყოფილება დაგროვდეს, ისინი მათ მიერ კანონიერად არჩეულ ხელისუფლებას დაუპირისპირდნენ და ეს პროცესები საქართველოს სახელმწიფოს წინააღმდეგ საბოტაჟის მექანიზმად და საქართველოს ხელისუფლებაზე ზეწოლის ბერკეტად იქნეს გამოყენებული. კერძოდ, ეს მცდელობები მოიცავს
• ევროპის კავშირის წევრი სახელმწიფოების ტერიტორიაზე საქართველოს მოქალაქეთათვის უვიზო მიმოსვლის რეჟიმის შემოღებისა და შენარჩუნების საკითხისთვის საზიანო ქმედებებს,
• ევროპის კავშირში საქართველოს გაწევრების მიმართულებით ქვეყნისთვის ხელშემშლელ ქმედებებს,
• საქართველოს სახელმწიფოსა და საქართველოს ხელისუფლებაზე უცხოეთიდან სისტემატური საინფორმაციო თავდასხმებს, სანქციების დაწესების მცდელობებს და ამის ხელშეწყობას.
ამრიგად, 2004-2012 წლებში „ნაციონალურმა მოძრაობამ“ ხელყო საქართველოს დამოუკიდებლობა და მიზანმიმართულად შექმნა ნიადაგი საქართველოს ტერიტორიული მთლიანობის დასარღვევად, ხოლო 2012 წლის შემდეგ ამ პოლიტიკურმა პარტიამ და სხვა არაკონსტიტუციურმა პოლიტიკურმა პარტიებმა განახორციელეს საქართველოს დამოუკიდებლობის ხელყოფისა და ტერიტორიული მთლიანობის დარღვევის მრავალი მცდელობა.
სასარჩელო მოთხოვნა
ზემოაღნიშნული გარემოებები, საქართველოს კონსტიტუციისა და ადამიანის უფლებათა ევროპული სასამართლოს მიდგომების გათვალისწინებით, ერთობლივად ქმნის რამდენიმე არაკონსტიტუციური პოლიტიკური პარტიის აკრძალვის მყარ კონსტიტუციურ საფუძველს.
ამასთან, საერთაშორისო პრაქტიკის მიხედვით პოლიტიკური პარტიის აკრძალვისთვის, მის არაკონსტიტუციურ იდეებთან და ქცევასთან ერთად, მნიშვნელოვანია, რომ კონკრეტულ პარტიას, ჰქონდეს იმის შესაძლებლობა, რომ რეალური საფრთხე შეუქმნას კონსტიტუციურ წყობილებას. ამ მხრივ განმსაზღვრელია პარტიის ზომა, სტრუქტურული ორგანიზება, პოლიტიკური გავლენა. ამიტომ, იმ პარტიების განსაზღვრისას, რომელთა აკრძალვასაც კონსტიტუციური სარჩელით ვითხოვთ, ვისარგებლეთ ორი მთავარი კრიტერიუმით:
1. რამდენად მყარია კონკრეტული პარტიის არაკონსტიტუციურობის სამართლებრივი დასაბუთება,
2. რამდენად უქმნის კონკრეტული არაკონსტიტუციური პარტია მისი ზომით, ორგანიზაციული სტრუქტურით თუ პოლიტიკური გავლენით რეალურ საფრთხეს კონსტიტუციურ წყობილებას.
შესაბამისად, ჩვენი ერთობლივი კონსტიტუციური სარჩელით მოთხოვნილია შემდეგი სამი პოლიტიკური პარტიის არაკონსტიტუციურად ცნობა და აკრძალვა, რომლებმაც საერთო მისწრაფებებით მოქმედი კოალიციური ერთობა და ერთიანი ორგანიზმი შექმნეს და დღესაც ასე მოქმედებენ. ეს პარტიებია (პარტიების რეესტრში მითითებული მათი იურიდიული დასახელებებით):
− მოქალაქეთა პოლიტიკური გაერთიანება „ერთიანობა − ნაციონალური მოძრაობა“,
− მოქალაქეთა პოლიტიკური გაერთიანება „კოალიცია ცვლილებისთვის, გვარამია, მელია, გირჩი, დროა“,
− მოქალაქეთა პოლიტიკური გაერთიანება „ძლიერი საქართველო − ლელო, ხალხისთვის, თავისუფლებისთვის“.
ამასთანავე, გასათვალისწინებელია, რომ ზემოხსენებულ პოლიტიკურ პარტიებთან მჭიდროდ დაკავშირებულია სხვა პოლიტიკური პარტიებიც, როგორებიცაა „ელენე ხოშტარია – დროა“ და „გირჩი – მეტი თავისუფლება“, რომლებიც სინამდვილეში „კოალიცია ცვლილებისთვის, გვარამია, მელია, გირჩი, დროას“ შემადგენლობაში არიან, თუმცა, ფორმალურად, დამოუკიდებელ პარტიებადაც არიან რეგისტრირებული, აგრეთვე „კი ევროპას – სტრატეგია აღმაშენებელი“, „ევროპული საქართველო – მოძრაობა თავისუფლებისთვის“, „ფედერალისტური პარტია“, „საქართველოს რესპუბლიკური პარტია“ და სხვა ფიქტიური, ერთკაციანი და მცირე პარტიები. თუმცა, ვინაიდან მათ ამჟამად, მათი სიდიდით, ორგანიზაციული სტრუქტურით არსებითი გავლენა, მათ შორის, საარჩევნო ბარიერის გადალახვის რეალური პერსპექტივა არ გააჩნიათ, ამ ეტაპზე მათი აკრძალვის აუცილებლობა არ იკვეთება. მათი არაკონსტიტუციურობის საკითხი დღის წესრიგში შეიძლება დადგეს მოგვიანებით, იმ შემთხვევაში, თუ ისინი პოლიტიკურ პროცესზე არსებით გავლენას შეიძენენ.
ზემოაღნიშნული პარტიების არაკონსტიტუციური მიზნების ერთიანობას ადასტურებს შემდეგი გარემოებები:
– აღნიშნული პოლიტიკური პარტიების ხელმძღვანელი პირები „ნაციონალური მოძრაობის“ ან მისი მონაწილეობით შექმნილი საარჩევნო ბლოკის წარდგენით არჩეულ იქნენ სხვადასხვა მოწვევის საქართველოს პარლამენტის წევრებად, ეკავათ სხვადასხვა პარტიული თუ პოლიტიკური თანამდებობა.
– აღნიშნული პოლიტიკური პარტიები წლების განმავლობაში თვისებრივად ერთნაირი პოზიციით წარმოჩინდებოდნენ, ქმნიდნენ საერთო მისწრაფებით მოქმედ კოალიციურ ერთობას და ერთიან ორგანიზმს და დღესაც ასე მოქმედებენ.
ამავე დროს, ჩვენი კონსტიტუციური სარჩელით მოთხოვნილი არ იქნება არაკონსტიტუციური პოლიტიკური პარტიის წარდგენით არჩეული წარმომადგენლობითი ორგანოს წევრების უფლებამოსილების შეწყვეტა, რაც დღევანდელი მდგომარეობით, რელევანტური იქნებოდა მხოლოდ პარტია „ლელოს“ სახელით საკრებულოებში გასულ 59 წევრთან დაკავშირებით. ამით, უპირველეს ყოვლისა, გვსურს, პატივი ვცეთ მათ ამომრჩევლებს და განსხვავებით თავად პარტია „ლელოსგან“, რომელმაც მისი ამომრჩევლისგან მინიჭებულ საპარლამენტო მანდატების მიღებაზე უარი თქვა, საკრებულოებში შევინარჩუნოთ ამომრჩევლის მიერ გაცემული მანდატები.
ასევე, ჩვენი სარჩელი არ შეიცავს არაკონსტიტუციურ პოლიტიკურ პარტიასთან დაკავშირებული პირებისთვის პოლიტიკური საქმიანობის შეზღუდვის მოთხოვნას. როგორც იცით, დღეს კანონმდებლობით განსაზღვრულია მემკვიდრე პარტიის ინსტიტუტი, რომელიც იძლევა უფრო ფართო შესაძლებლობას აკრძალული პარტიებთან დაკავშირებული პირების სამომავლო არაკონსტიტუციური პოლიტიკური საქმიანობის აღსაკვეთად.

თიბისის მხარდაჭერით, საქართველოს ხელოვნური ინტელექტის ასოციაციამ (GAIA) D ბლოკთან პარტნიორობით, შეხვედრების სერია – GAIA Meetupდაიწყო. რომლის ფარგლებში 25 ოქტომბერს MeetupsHorizons-ის პირველი შეხვედრა გაიმართა.
Meetups შეხვედრები რეგულარულად იმართება და შეკრებების მიზანია მონაწილეების ცნობიერების ამაღლება, ინსპირაცია და პრაქტიკული იდეების გაცვლა იმის შესახებ, თუ როგორ შეიძლება დაინერგოს AI ტექნოლოგიები ბიზნესში, ადამიანებმა კი შეძლონ სწორი კომპტენეციების განვითარება სწრაფად ცვალებად პერიოდში.
GAIA-ს მითაფები ორ ფორმატში ტარდება – Tech და Horizons. Horizons-ის ყოველთვიურ მითაფებზესხვადასხვა სფეროს პროფესიონალები განიხილავენ, როგორ ცვლის AI მათ ინდუსტრიებს, როგორ გამოიყენონ ხელოვნური ინტელექტი უკეთესად თავის საქმეში და რა სიახლეებია AI-ის მიმართულებით.
GAIA Meetups Horizons პირველ შეხვედრაზე InSource-ის მმართველი პარტნიორი, მედეა ტაბატაძემ ისაუბრა AI-ის როლზე თანამედროვე სამყაროში, შრომის ბაზარზე და პროფესიებში და იმ უნარებზე, რომელიც მომავალშიკარიერული თუ პიროვნული წარმატებისთვისაა საჭირო.
„ხელოვნური ინტელექტი არ არის მხოლოდ ტექნოლოგიური ინსტრუმენტი – ეს არის ცვლილება და შესაძლებლობა, რომელიც გავლენას ახდენს ყველა სფეროზე. მნიშვნელოვანია, ადამიანები იყვნენ ღია ახალი ცოდნისადმი და შეძლონ სწორი უნარების განვითარება, რათა AI-ის შესაძლებლობები პირად და პროფესიულ განვითარებაში გამოიყენონ. MeetupsHorizons სწორედ ამ მიზანს ემსახურება – გააღვიძოს ინტერესი, გაზარდოს ცნობიერება და მისცეს მონაწილეებს პრაქტიკული ხედვა მომავლისკენ“ – მედეა ტაბატაძე.
GAIA-სთან თანამშრომლობით, თიბისი აგრძელებს იმ ინიციატივების მხარდაჭერას, რომლებიც ხელს უწყობს AI-ისა და მონაცემთა მეცნიერების სფეროში განათლების ხელმისაწვდომობას, ცოდნის გაზიარებას და პროფესიული ეკოსისტემის გაძლიერებას. ხელოვნური ინტელექტის სფეროში მთავარია გჯეროდეს, იკვლიო, ისწავლო და შექმნა

როცა “ჭიათურის რუკა” ვნახე, ვთქვი რომ ეს დადგმა იქნებოდა, სადაც ბოლოს სკოლის მოსწავლე ბავშვები გაამთლიანებდნენ ამ რუკას… “მთავარი არხის” ფოტოც დავდე რამდენიმე მეგობართან კომენტარში, რომ რეალურად ეს სკოლის დადგმა იყო…
საუკეთესო შემთხვევაში, ვინმე ნიჭიერმა ჭიათურელმა ბავშვმა გაიგო, რომ ჭიათურის მერი რუს ოლიგარქს, მიხაილ სოცკის დაპატიჟებდა ჭიათურობაზე საგულაოდ… ჰოდა ადგა ამან და სოცკის ვაჩვენებ საქართველოს გამთლიანებასო და გააკეთა სკოლამ ეს დადგმა… საუკეთესო შემთხვევაში, მერიაში ვერ მიხვდნენ რომ ეს ფოტო ჯერ არ უნდა გადაეღოთ და მერე არ უნდა დაედოთ… ყველაზე უარეს შემთხვევაზე ბევრს არ დავწერ… აქ ყველა ჩათლახია, სკოლაც, მერიაც და რეჟისორიც… ყველაზე უარეს შემთხვევაში, სუსი რუსულ სტილში ატარებს კიდევ ერთ “შეგუების ოპერაციას” იმ ქალაქში, სადაც უკვე ბევრი ოპერაცია ჩაატარა… ყველაზე უარეს შემთხვევაში “გასუსულ ქალაქში” ისევ გრძელდება ადამიანების და რაც ყველაზე სამწუხაროა ახალგაზრდების “ვერბოვკა”… აპატიეთ საზოგადოებას, რომ ძალიან ბევრმა მართლა დაიჯერა რომ ეს ფოტო მერიამ სპეციალურად დადო… ბევრმა სულ არ იცოდა რაიმე დღესასწაულიდან თუ იყო ეს ფოტო… სწორედ ესაა მთავარი უბედურება ამ ამბავში, ისეთ ქვეყანაში ვცხოვრობთ უკვე, სადაც მართლა ბევრმა დაიჯერა, ასეთ რუკას საჯარო სამსახურში იკადრებდნენო… შეგახსენებთ, ცოტა ხნის წინ, პაპუაშვილმა დაახლოებით ასეთი რუკით ბრიფინგიც ჩაატარა… ჰო გახსოვთ, რაც ხდებოდა და ხდება ჩვენს ქალაქში და სოფლებში, ისეთებს კადრულობდნენ და ისეთებს ვპატიობდით… ბოლოს რუს ბიზნესმენს ისე დახვდა აქაური “სამთავრობო ინწელიგენცია”, რომ მართლა ბევრმა იფიქრა ჭიათურის მერიიდან სოცკის ასიამოვნესო, ცენტრალური ხელისუფლების მიერ დანიშნულ მანგანუმის საბადოების ახალ მმართველს… ბოდიშს ვიხდი პირადად მე იმისთვის, რომ ვფიქრობ ჩემი ბრალიც არის იმ ყველაფერში, რასაც ახლა ამ ქალაქს უკეთებენ (ცუდს ვგულისხმობ და ვინც მხოლოდ კარგს ხედავთ, იქაც იქნება ჩემი და ჩემი მეგობრების წვლილი)… სისტემამ არ გვაპატია ახალგაზრდებს დამოუკიდებელი და თავისუფალი პოლიტიკური ბრძოლა, ყველაფერი დაგვაბრალეს და ყველაფერი იკადრეს… ამაზე აღარ ვისაუბრებ… სისტემა ბევრად უფრო მძიმე გამოდგა რიგითი მოქალაქეების, ახალგაზრდების და განსხვავებული აზრის მიმართ… სისტემა რეჟიმად გადაიქცა… რამდენიმე წლის წინ კიდევ გვჯეროდა, რომ ჭიათურის გადარჩენა შეიძლებოდა ბიძინას ხელისუფლების პირობებში, ახლა რა თქმა უნდა ამის აღარ გვჯერა… მთელი ქვეყანა საქართველოს ოკუპირებულ რუკას აზიარებდა “ჭიათურობა 2025”-დან… ამ დროს კი, ყველას ყურადღების მიღმა დაგვრჩა სხვა ბევრი ფოტო ჭიათურობიდან… როგორ ასეირნებდა ჭიათურის ცენტრში რუს ოლიგარქს ჭიათურის მერი (სხვათა შორის, სოცკისთან ერთად ტყიბულში ეს ყველაფერი ასე ბანძად არავის უკადრია, რაც ჩვენთან ვიკადრეთ, როცა ის ტყიბულში ცხოვრობდა და მუშაობდა)… ყურადღების მიღმა უკვე დიდი ხანია რჩება ნამდვილი ჭიათურის რუკაც… კოსმოსიდან რომ ჭიათურას დახედოთ გუგლის რუკით, ბოლო წლებში მანგანუმის ღია კარიერებით ისეთები დამართეს სოფლებს და ტყეებს, რომ ჩინეთის დიდ კედელზე უკეთ ჩანს კოსმოსიდან (არ ვხუმრობ, ვეღარ ვხუმრობ ჭიათურაზე)… მაშინ, როცა ამ რუკას განვიხილავდით, ყურადღების მიღმა დარჩა, როგორ ააფარეს სატვირთო მანქანები ჭიათურელი მაღაროელების საპროტესტო კარვებს… მაღაროელების პროტესტი დღემდე გრძელდება ქალაქის ცენტეში განლაგებულ კარვებში. ეს ხალხი აპროტესტებს მთავრობის დანიშნული მიხაილ სოცკის მიერ, ცოტა ხნის წინ 2 ათასი მაღაროელის და მათი ოჯახების შემოსავლის გარეშე დატოვებას და შემდეგ მათი მეგობარი მაღაროელების ციხეში ჩასმას… ამ დროს, ყურადღების მიღმა დარჩა ფოტოები, როგორ ელოდებოდნენ ჭიათურელი სკოლის მოსწავლე ბავშვები ქოლგიან სტუმრებს საკმაოდ ძლიერ წვიმაში… ესენი ქოლგებით რომ მოვიდოდნენ, ბავშვები სველი ფორმებით იწყებდნენ ცეკვას, სიმღერას, ჭიდაობას, კრივს და სხვა კულტურულ-სპორტულ დადგმებს…
ამ დროს, ყურადღების მიღმა რჩება, რომ ჭიათურაში ოთხი ათასზე მეტი ბავშვი ცხოვრობს სიღარიბეში და შიმშილში (ოფიციალური მონაცემებით)… დღეს ჭიათურაში “სოცკის რეფორმის” შემდეგ, კიდევ უფრო მეტი ოჯახი და ბავშვი შიმშილობს… და გუშინ ეს ბავშვები და მათი მეგობრები ცეკვავდნენ, მღეროდნენ და ჭიდაობდნენ ამ რუსი ნაბი@ვრის თვალწინ…

თუკი საკონსტიტუციო სასამართლო “ოცნების” სარჩელს დააკმაყოფილებს და “ლელოს” აკრძალავს, პარტიის უკვე არჩეული დეპუტატები საკრებულოებში დამოუკიდებელ დეპუტატებად დარჩებიან, – ამის შესახებ ბრიფინგზე “ქართული ოცნების” პარლამენტის თავმჯდომარემ შალვა პაპუაშვილმა განაცხადა.
“ჩვენი კონსტიტუციური სარჩელით მოთხოვნილი არ იქნება არაკონსტიტუციური პოლიტიკური პარტიის წარდგენით არჩეული წარმომადგენლობითი ორგანოს წევრების უფლებამოსილების შეწყვეტა, რაც დღევანდელი მდგომარეობით, რელევანტური იქნებოდა მხოლოდ პარტია „ლელოს“ სახელით საკრებულოებში გასულ 59 წევრთან დაკავშირებით. ამით, უპირველეს ყოვლისა, გვსურს, პატივი ვცეთ მათ ამომრჩევლებს და განსხვავებით თავად პარტია „ლელოსგან“, რომელმაც მისი ამომრჩევლისგან მინიჭებულ საპარლამენტო მანდატების მიღებაზე უარი თქვა, საკრებულოებში შევინარჩუნოთ ამომრჩევლის მიერ გაცემული მანდატები”, – განაცხადა შალვა პაპუაშვილმა.
ქართულ ოცნებას პარტიების აკრძალვაზე საკონსტიტუციო სასამართლოში სარჩელი შეაქვს.
პარტიები, რომლებსაც აკრძალვას უპირებენ:

28 ოქტომბერი, 2025 – სელფი მობაილმა აბონენტებისთვის მასშტაბური წამახალისებელი გათამაშება დაიწყო სადაც მომხმარებლებს შეუძლიათ ყოველ შევსებულ ₾5 დააგროვონ ბილეთები და მოიგონ 5 000, 10 000, 20 000, 50 000 ან 100 000 ლარი.
გათამაშებაში ჩართვა მარტივია – აბონენტს შეუძლია დაადასტუროს მონაწილეობა ერთ-ერთი გზით:
· აკრიფოს USSD კოდი *2525#
· ჩაერთოს MyCellfie აპლიკაციით
· დარეკოს სელფის სატელეფონო ცენტრში – 110101
ბილეთი ირიცხება ყოველ ჯერზე, როდესაც აბონენტი შეავსებს ბალანსს 5 ლარით. მაგალითად, ₾5 შევსებისას მიიღებთ 1 ბილეთს, ₾10 შევსებისას – 2 ბილეთს და ა.შ. იმ შემთხვევაში, თუ ბალანსი ივსება სელფის აპლიკაციით MyCellfie App, ბილეთების რაოდენობა ორმაგდება.
პორტირებული აბონენტები ავტომატურად ერთვებიან გათამაშებაში და საჩუქრად იღებენ 5 ბილეთს.
გათამაშება ტარდება ტელეკომპანია რუსთავი 2-ის და სელფი მობაილის Facebook გვერდის პირდაპირ ეთერში, ყოველ კვირა დღეს, 11:00 საათზე, სადაც ყოველ ჯერზე გამოვლინდება 5 გამარჯვებული და თითოეულს ერგება პრიზად ₾5000. ფინალური ეთერი შედგება 28 დეკემბერს და გათამაშდება:
🏆 3 პრიზი ₾10,000
🏆 1 პრიზი ₾20,000
🏆 1 პრიზი ₾50,000
🏆 მთავარი პრიზი ₾100,000
დამატებითი ინფორმაცია იხილეთ ბმულზე.

ლოიალობის სქემები, ქეშბექები, ფასდაკლებები, რომელსაც ემიტენტები, ანუ ბარათის გამომშვები მომხმარებლებს სთავაზობენ, რა თქმა უნდა, შემცირდება – ასე აფასებს BTU-ს ასოცირებულ პროფესორი და საგადახდო სისტემების სპეციალისტი მაია ხელაძე ინიციატივას, რომელიც ბარათით გადახდისას საკომისიოს ზედა ზღვრის 0.5%-მდე შემცირებას ითვალისწინებს.
მისი თქმით, ინიციატივის კანონად ქცევის შემთხვევაში, შესაძლოა, მოთამაშეთა ნაწილს ბაზრის დატოვება მოუხდეს, რადგანაც ხარჯების დაბალანსებას ვერ შეძლებენ. მაია ხელაძე განმარტავს, რომ ამ იდეამ ბანკებს, შესაძლოა, ფინანსური რისკი გაუზარდოს. მისი შეფასებით, თუკი ბარათით გადახდისას საკომისიოს შემცირებას ვიზას, მასტერქარდის, ამექსის თუ სხვა პროვაიდერის მხრიდან გაზრდილი ტრანზაქციები ვერ დააკომპენსირებს, ბანკებისთვის ფიქსირებული საკომისიოს დაწესება გამორიცხული არ არის.
“ჩვენ არ შეგვიძლია ამ საგადახდო სქემებთან თანამშრომლობაზე უარის თქმა, იმიტომ, რომ წინააღმდეგ შემთხვევაში, ჩვენ ვერ გავატარებთ ისეთ ოპერაციებს, როგორიცაა Apple Pay თუ GPay – საერთაშორისო ბარათები, რომლებიც შემოდიან და ჩვენს ქსელში ტრანზაქციებს ასრულებენ. ჩვენ ეს გვჭირდება”, – განმარტავს მაია ხელაძე და მიიჩნევს, რომ მნიშვნელოვანია სექტორთან კომუნიკაცია და ბიზნესის აზრის გათვალისწინება.
“ძირითადი, რაც არის, ეს არის საჯარო და კერძო სექტორს შორის კომუნიკაცია. აუცილებელია ძალიან აქტიური კომუნიკაცია ბანკებთან, ამ შემთხვევაში ფინტექებთან, რომელიც შემოვა ამ სისტემაში, იმიტომ, რომ ეროვნულ ბანკს გაჟღერებული აქვს ინიციატივა ადგილობრივი IPS გადახდის სისტემების დანერგვის შესახებ, რომელიც ასევე მომართული იქნება იმაზე, რომ საერთაშორისოდ აღიარებული ტრანზაქციები რაც გვაქვს და რაც ჩვენი მთლიანი ტრანზაქციების 94%-ია, არ წავიდეს ვიზა-მასტერქარდში დასამუშავებლად და ადგილზევე დარეგულირდეს.
ეს მხარე მოსაწესრიგებელი იქნება, რათა ამ ეკოსისტემაში ჩართული მონაწილეების აზრი აუცილებლად იყოს გათვალისწინებული. ასევე, ბიზნესის აზრი – რომელი მტკივნეული ადგილებია მათთვის ისეთი, რომ საკომისიოს ოდენობა დაიწიოს, თუმცა ეს არ/ვერ მოხდება მხოლოდ საკომისიოს დაწევის ეფექტით. მაგალითად, ინდოეთში, სახელმწიფომ სუბსიდირებაც განახორციელა, რომ ეს საკომისიო ზღვარი დაეწესებინა. ამან დადებითი შედეგი გამოიღო, თუმცა ბევრი მოთამაშე გავიდა ბაზრიდან იმიტომ, რომ მათთვის ხარჯი გაიზარდა, შემოსავალი კი იმდენად შემცირდა, რომ ამ ინფრასტრუქტურის მომსახურება არ უღირდათ”, – ამბობს BTU-ს ასოცირებულ პროფესორი და საგადახდო სისტემების სპეციალისტი მაია ხელაძე.
ჯერჯერობით ინიციატივის განხილვა პარლამენტში არ დაწყებულა, შეფასებები არ კეთდება არც საბანკო ასოციაციის მხრიდან. გასულ კვირას საკითხთან დაკავშირებით კომენტარი გააკეთა ეროვნული ბანკის პრეზიდენტმა ნათია თურნავამ, რომელიც ამბობს, რომ კომუნიკაცია ექნებათ საბანკო სექტორთან.
bm.ge

თბილისის განვითარების ფონდი, ავარიული სახლების ჩანაცვლების პროექტის ფარგლებში, სამგორის რაიონში, ვარკეთილის მესამე მასივის მე-10 კვარტალში მდებარე მე-9 კორპუსის ჩანაცვლებას იწყებს, – ამის შესახებ თბილისის მუნიციპალიტეტის მთავრობის სხდომაზე დღეს დედაქალაქის მერმა კახა კალაძემ განაცხადა.
მისი თქმით, აღნიშნულ მისამართზე სადემონტაჟო სამუშაოები დასრულებულია, მიმდინარეობს ტერიტორიიდან სამშენებლო ნარჩენების გატანა, რის შემდეგაც ავარიული, 4-სართულიანი სახლის ნაცვლად, 10-სართულიანი, თანამედროვე სტანდარტების შესაბამისი შენობა-ნაგებობა აშენდება.
„ჩვენი ერთ-ერთი მთავარი პრიორიტეტი ავარიული სახლების ჩანაცვლება გახლავთ. აღნიშნული პროგრამა რამდენიმე წელია წარმატებით მუშაობს. ჩვენ ყოველთვის განსაკუთრებულ ყურადღებას ვუთმობთ ამ მიმართულებას, რადგან დღეს, თბილისში არსებული ავარიული საცხოვრებელი სახლები ერთ-ერთი სერიოზული გამოწვევაა. ჩვენი გამგეობების თანამშრომლებს ყოველთვის აქვთ კომუნიკაცია იმ ოჯახებთან, რომლებიც ასეთ საცხოვრებელ სახლებში ცხოვრობენ. ვუკეთებთ კონკრეტულ შეთავაზებას, რომ მათი ჩართულობითა და თანამშრომლობით მოვახდინოთ ასეთი საცხოვრებელი სახლების დემონტაჟი და მათ ახალ კორპუსებში გადავცეთ გარემონტებული და ყველანაირად მოწესრიგებული ბინები“, – განაცხადა კახა კალაძემ.
მისი თქმით, დედაქალაქის მთავრობას არასდროს გაუწყვეტია კომუნიკაცია ამ ადამიანებთან მაშინ, როდესაც ოპოზიციას ეს თემა მხოლოდ არჩევნების წინ, სპეკულაციის მიზნით ახსენდება.
„ოპოზიციას მხოლოდ არჩევნებზე ახსენდება ასეთი შენობა-ნაგებობები, იქ მცხოვრები ოჯახები და ყოველთვის მიმართავენ სპეკულაციებსა და სოცრუეს, თითქოს აღნიშნული თემა არ გვაინტერესებს. ეს არის ძალიან დიდი ტყუილი. პირიქით, ძალიან ბევრს აკეთებს მუნიციპალიტეტი, რომ რაც შეიძლება მეტი ასეთი შენობა-ნაგებობის დემონტაჟი განხორციელდეს და მის მაგივრად ახალი საცხოვრებელი კორპუსები ავაშენოთ“, – განაცხადა დედაქალაქის მერმა და აღნიშნა, რომ ამ მიმართულებით ძალიან აქტიურია სამგორის რაიონი.
აღნიშნულ მისამართზე აშენდება 4 905 კვ.მ ფართობის შენობა, სადაც განთავსდება 90 ბინა. აქედან სრულად გარემონტებული საცხოვრებელი სახლი გადაეცემა 44 ოჯახს, ხოლო დანარჩენი 46 ბინა ნატურით ანგარიშსწორებაში მონაწილეობს.
ინფორმაციას დედაქალაქის მერია ავრცელებს.

საჯარო მოსამსახურის მიერ საჯარო დაწესებულებაში სხვა თანამდებობის დაკავების შეზღუდვის გამონაკლისს საპენსიო ფონდის მმართველობითი საბჭოს წევრის თანამდებობა ემატება. ასევე, საჯარო სამსახურში მმართველობითი-სათათბირო ფუნქციის განხორციელებისათვის შექმნილ კომისიებსა და საბჭოებში დასაქმებულ საჯარო მოსამსახურეთა არაანაზღაურებადი საქმიანობა თანამდებობრივ შეუთავსებლობად აღარ დაკვალიფიცირდება.
შესაბამისი ცვლილებები “კორუფციის წინააღმდეგ ბრძოლის შესახებ“ კანონში შედის, რომელსაც პარლამენტი დაჩქარებული წესით იხილავს.
კანონპროექტის ავტორი ეკონომიკისა და მდგრადი განვითარების სამინისტროა, ხოლო ინიციატორი – მთავრობა.
„გამონაკლისი კეთდება – თუ კომისია ან საბჭო მმართველობითი ან სათათბირო ფუნქციის განხორციელებისთვის არის შექმნილი, საჯარო მოხელეს შეუძლია ამ საბჭოშიც დასაქმდეს, იმუშაოს, მისი ცოდნა და გამოცდილება გაზიარებული იყოს, მაგრამ მთავარია, რომ ამ ყველაფერში ანაზღაურება არ უნდა აიღოს. კვლავინდებურად ნარჩუნდება პრინციპი, რომ საჯარო ფინანსების ხელმომჭირნედ დახარჯვა მოხდეს. მთავარია, ადამიანებმა საკუთარი ცოდნა და გამოცდილება გაუზიარონ, მაგრამ ისევ და ისევ ანაზღაურების გარეშე“, – განმარტა პარლამენტის იურიდიულ საკითხთა კომიტეტის თავმჯდომარემ არჩილ გორდულაძემ კომიტეტის სხდომაზე, სადაც საკითხი პირველი მოსმენით განიხილეს და მხარი დაუჭირეს.

გიორგი გახარია არის ადამიანი, რომელიც არის ქრონიკული მოღალატე,- ამის შესახებ „ერთიანი ნაციონალური მოძრაობის“ გენერალური მდივნის მოადგილე, ირაკლი ფავლენიშვილმა პარტია „გახარია საქართველოსთან“ დაკავშირებით განაცხადა, რომელმაც მე-11 მოწვევის პარლამენტში შესვლის გადაწყვეტილება მიიღო.
როგორც ფავლენიშვილმა ჟურნალისტებს განუცხადა, გიორგი გახარიას ტრაგედიის არსი მდგომარეობს იმაში, რომ არც ხელისუფლება აღიარებს ხელისუფლება და არც ოპოზიცია ოპოზიციად.
„მან ჯერ უღალატა იმ გუნდს, რომლის წევრი იყო, ივანიშვილის გუნდს, მერე უღალატა ოპოზიციას, მე მგონი მერე თავის ბოლო პარტნიორსაც უღალატა. ზუსტად ვერ გეტყვით, ალბათ, მათ უნდა ჰკითხოთ. საბოლოოდ, ეს არის ადამიანი, რომელიც ცდილობს დაუბრუნდეს „ქოცურ“ წიაღს, თუმცა მგონი, ამ „ქოცურ“ წიაღში დიდად არც იბრუნებენ ამ ადამიანს. ამიტომ, მართლაც ტრაგიკული გახლავთ ის ე.წ. პოლიტიკური მოღვაწეობა, რომელიც მას ჰქონდა. საბოლოოდ, ის არც ოპოზიციის მიერ არის აღქმული ოპოზიციად და მგონი, მგონი არც ხელისუფლების მიერ არის აღქმული ხელისუფლებად, ეს არის მისი ტრაგედიის არსი“,-განაცხადა ირაკლი ფავლენიშვილმა.
გარდა ამისა, მან პარტიების აკრძალვასთან დაკავშირებითაც ისაუბრა.
ირაკლი ფავლენიშვილის თქმით, „ეს არის ერთ-ერთი ყველაზე ავტორიტარული და დრაკონული კანონი, რაც ამ ქვეყანას უნახავს“.
„საქართველოში მიიღება კანონები, რომელიც აზრს უკარგავს არა მხოლოდ პოლიტიკურ მოღვაწეობას, არამედ ზოგადად, კრიტიკული აზრის ქონას. იგივე ლოგიკით შეიძლება მიიღონ კანონი, რომლითაც კრიტიკულად განწყობილ ადამიანებს არ შეეძლებათ ქუჩაში სიარული იმიტომ, რომ უკვე ყველანაირი უფლება არის შეზღუდული. ქრესტომათიული მაგალითი არის ჩვენს ქვეყანაში დიქტატურის დამყარების, არა მხოლოდ ჩვენს ქვეყანაში, არამედ ალბათ, სასწავლო კურსშიც შეიტანენ სხვა ქვეყნებში იმიტომ, რომ მართლა არ მახსენდება ასეთი პრეცედენტი, როდესაც არა მხოლოდ ათეულობით და ასეულობით პოლიტიკოსს ეკრძალება პოლიტიკური საქმიანობა, არამედ მათივე გათვლებით, ასი ათასობით მოქალაქეს ეკრძალება აქტიური საარჩევნო უფლება, ანუ ხმის მიცემის უფლება. წინა არჩევნებზე რომელ პარტიებსაც ხმას აძლევდნენ, ის უბრალოდ აღარ იარსებებს და აღარ ექნება არსებობის საშუალება. ამიტომ, რა თქმა უნდა, ეს არის ერთ-ერთი ყველაზე ავტორიტარული, დრაკონული კანონი, რაც ამ ქვეყანას უნახავს“,-განაცხადა ირაკლი ფავლენიშვილმა.

„პარტნიორობა ადამიანის უფლებებისთვის“ განცხადებით, აქტივისტ ნინო დათაშვილის ჯანმრთელობის მდგომარეობა მკვეთრად გაუარესდა, რის გამოც, 29 ოქტომბერს, 12:00 საათზე ჩანიშნულ პროცესზე სასამართლოს პატიმრობის შეცვლის შუამდგომლობით მიმართავენ.
მათივე განცხადებით, ნინო დათაშვილს ორი ქირურგიული ოპერაცია ესაჭიროება.
„პენიტენციურ დაწესებულებაში ნინო დათაშვილის ჯანმრთელობის მდგომარეობა მკვეთრად გაუარესდა. ხვალინდელ პროცესზე „პარტნიორობა ადამიანის უფლებებისთვის“ სასამართლოს პატიმრობის შეცვლის შუამდგომლობით მიმართავს.
დაპატიმრებიდან დაახლოებით 2 თვეში ნინოს დაეწყო ხერხემლის და კიდურების ტკივილები, რის გამოც, 2025 წლის 8 და 17 სექტემბერს, ვეღარ შეძლო თავის სასამართლო პროცესებში მონაწილეობა. N5 პენიტენციური დაწესებულება ნინო დათაშვილს აწვდის სამედიცინო სერვისს, თუმცა, ციხის პირობებში მისი ჯანმრთელობის მდგომარეობა ვერ უმჯობესდება. პირიქით, ბოლო პერიოდში მისი მდგომარეობა გახდა კრიტიკულად მძიმე, რაც იმის დასტურია, რომ გაწეული სამედიცინო დახმარება არ არის ეფექტური.
2025 წლის 25 აგვისტოს, კლინიკა „ვივამედში“ ჩატარებული კვლევის შემდეგ, სადაც მითითებული იყო ხერხემლის ოსტეოქონდროზი, ნინო დათაშვილს დაენიშნა მედიკამენტოზური მკურნალობა და ფიზიოთერაპია. ამავე სამედიცინო დოკუმენტის თანახმად, მკურნალობის არაეფექტურობის შემთხვევაში, პაციენტი გადაყვანილი უნდა ყოფილიყო კლინიკაში ქირურგიული ოპერაციისთვის. ორი თვის განმავლობაში, ნინო დათაშვილს უტარდებოდა გეგმური სამედიცინო მკურნალობა, თუმცა, მისი ჯანმრთელობის მდგომარეობა უფრო გაუარესდა.
2025 წლის 24 ოქტომბერს, ნინო დათაშვილი სამედიცინო შემოწმების მიზნით კვლავ გადაყვანილი იქნა კლინიკაში „ვივამედი“, სადაც ჩაუტარდა მაგნიტურ რეზონანსული ტომოგრაფია. გაცემული სამედიცინო დოკუმენტის თანახმად, გამოვლენილია დიაგნოზი, რაც არ იყო დაფიქსირებული ორი თვის წინ გაცემულ სამედიცინო დოკუმენტში. კერძოდ M50.2. კისრის სეგმენტის მალთაშუა დისკების ცდომები. C5 C6 დისკების თიაქრები. რომელიც საჭიროებს ქირურგიული ოპერაციას.
დღევანდელი მდგომარეობით, ნინო დათაშვილს ესაჭიროება ორი ქირურგიული ოპერაცია. სამედიცინო დოკუმენტის თანახმად, პრიორიტეტულად გასაკეთებელია კისრის მალების ოპერაცია. სახელმწიფო ვალდებულია უზრუნველყოს პატიმრის ჯანმრთელობის მდგომარეობის შენარჩუნება ან გაათავისუფლოს ის პატიმრობიდან“, – ნათქვამია ინფორმაციაში.
ცნობისთვის, ნინო დათაშვილი თბილისის საქალაქო სასამართლოში 9 ივნისს მომხდარი ფაქტის გამო 20 ივნისს დააკავეს. მას ბრალდება საქართველოს სისხლის სამართლის კოდექსის 353-ე სეკუნდა მუხლის მე-3 ნაწილით წარედგინა, რაც საჯარო მოსამსახურეზე თავდასხმას მის მიერ სამსახურებრივი მოვალეობის შესრულების დროს გულისხმობს.
აღნიშნული სასჯელის სახედ და ზომად ჯარიმას, ან 4-დან 7 წლამდე თავისუფლების აღკვეთას ითვალისწინებს.

ფრაქცია „ქართული ოცნება“ პარლამენტში, ინტერპელაციის წესით, პრემიერ-მინისტრს ირაკლი კობახიძეს იბარებს.
კობახიძის ინტერპელაციის ფორმატში მოსმენა ნოემბრის ბოლო კვირას გაიმართება.
პარლამენტის თავმჯდომარის შალვა პაპუაშვილის ინფორმაციით, კითხვები, რომელსაც კობახიძემ პარლამენტის პლენარულ სხდომაზე უნდა უპასუხოს, განათლების რეფორმასთან დაკავშირებულ საკითხებს შეეხება.
პარლამენტში პირველი ინტერპელაცია ხვალ გაიმართება. ინტერპელაციის პროცედურით „ქართულმა ოცნებამ“ ინფრასტრუქტურის მინისტრი მოიწვია.

დღეს ჩვენ პოლიტიკური ძალა „გახარია საქართველოსთვის” ვიწყებთ „ოცნების” მოძალადე რეჟიმთან ბრძოლის ახალ ეტაპს, რისთვისაც, ამ შემთხვევაში გამოვიყენებთ ჩვენთვის მონიჭებულ იმ პოლიტიკურ პლატფორმას, რასაც საქართველოს პარლამენტის ტრიბუნა ჰქვია – ჩვენი პარლამენტი შემოსვლა არ ნიშნავს ამ პარლამენტის ლეგიტიმაციის მიცემას ან არ მიცემას, – ამის შესახებ პარტია „გახარია საქართველოსთვის” ერთ-ერთმა ლიდერმა, გიორგი შარაშიძემ პარლამენტში გამართულ ბრიფინგზე განაცხადა.
მისი თქმით, პარტია ყველაფერს გააკეთებს იმისთვის, რომ ქართველი ხალხის და განსხვავებული ხმა, რომელიც აქამდე საქართველოს პარლამენტში არ ისმოდა, ამ დარბაზსა და ტრიბუნაზე გაახმოვანონ.
„რა თქმა უნდა, „ოცნებას” 2024 წლის საპარლამენტო არჩევნების გაყალბების შემდეგ ჩადენილი უამრავი დანაშაულის გამო, პირველ რიგში, საქართველოს ევროპულ მომავალზე უარის თქმის გამო, ანტიდემოკრატიული, ადამიანის უფლებების შემლახველი კანონების მიღების გამო, მოქალაქეებზე ძალადობის გამო, ჰქონდა ლეგიტიმაციის პრობლემა, მაგრამ სამწუხაროდ, მას შემდეგ რაც ტოტალური კამპანია დაიწყო მუნიციპალური არჩევნების ბოიკოტის სასარგებლოდ და 4 ოქტომბრის სრულიად უპასუხისმგებლო პროვოკაციით, ამან „ოცნებას”, სამწუხაროდ, მისცა საბაბი, დაეძლია ლეგიტიმაციის კრიზისიც, დაებრუნებინა ამომრჩეველი და გადაელახა ის კრიზისიც, რომლის წინაშეც ის ამ წლის დასაწყისში იდგა. ამიტომ, როდესაც საუბარია იმაზე და ისმის კითხვა ვინ აძლევს ლეგიტიმაციას ამ პარლამენტს, ეს კითხვა პირველ რიგში, იმ უპასუხისმგებლო პოლიტიკოსებს უნდა დაუსვან, რომელიც ჩართული იყვნენ 4 ოქტომბრის პროვოკაციის მოწყობასა და იმ მძიმე შედეგების დადგომაში, რის წინაშეც ჩვენ დღეს ვდგავართ და რამაც რეალურად, კიდევ უფრო დაამძიმებინა ოცნებას ავტოკრატიული რეჟიმი, რასაც, რა თქმა უნდა, აქამდეც აკეთებდა, მაგრამ დამატებით მისცა საბაბი, საკუთარ ამომრჩეველში გაემართლებინა ავტორიტარიზმის დამძიმება“, – აღნიშნა შარაშიძემ.
მისივე თქმით, მათი პარლამენტში შესვლა რეალობისთვის თვალის გასწორებას ნიშნავს.
„ჩვენი პარლამენტი შემოსვლა არ ნიშნავს ამ პარლამენტის ლეგიტიმაციის მიცემას ან არ მიცემას. ეს ნიშნავს რეალობისთვის თვალის გასწორებას. იმ რეალობისთვის, რომლითაც დღეს ქვეყანა “ოცნების” მიერ იმართება. “ოცნების” მიერ მიღებული კანონებით დღეს უამრავი ადამიანი არის დაჭერილი, რაც ყოველდღიურად გრძელდება. ამიტომ, ჩვენთვის პარლამენტში შემოსვლა პირველ რიგში, ქართველი ხალხის ხმის და განსხვავებული აზრის პარლამენტში დაბრუნებას ემსახურება, რომელიც არ ეკუთვნის არავის – არც “ოცნებას” და არც რომელიმე სხვა პარტიას; ნიშნავს ამ ორი რადიკალური ძალის, რასაც “ოცნება”, “ნაციონალური მოძრაობა” და “ნაცმოძრაობის” ქვეშ მყოფი პარტიების მიერ შექმნილი დაპირისპირებისა და რადიკალიზაციის სპირალიდან ქვეყნის გამოყვანის მცდელობას; და რა თქმა უნდა, გვიშავს ძალიან მწვავე პრინციპულ, მაგრამ ამავე დროს, გონიერ, ზომიერ და თანმიმდევრულ პოლიტიკას “ოცნების” წინააღმდეგ”, – განაცხადა შარაშიძემ.
შეგახსენებთ, პარტია „გახარია-საქართველოსთვის“ 2024 წლის 26 ოქტომბრის საპარლამენტო არჩევნებისადმი გამოცხადებული ბოიკოტი შეწყვიტა და მე-11 მოწვევის პარლამენტში, პარტიის 12 წევრით, შესვლის გადაწყვეტილება მიიღო.

უმშვენიერესი ქართველი მოდელი, ანა შელია Marie Claire-ის ფრანგული გამოცემისთვის გადაიღეს. ფოტო ჟურნალიდან თავად ანამ გაგვიზიარა:
Marie Claire არის ფრანგული საერთაშორისო ყოველთვიური მოდის ჟურნალი, რომელიც პირველად გამოიცა საფრანგეთში 1937 წელს. მას შემდეგ გამოიცემა მრავალ ქვეყანაში და სხვადასხვა ენაზე.
მთავარი გამოცემები ფოკუსირებულია მსოფლიოს ქალებსა და გლობალურ საკითხებზე. ჟურნალი Marie Claire ასევე მოიცავს ჯანმრთელობის, სილამაზის, მოდას, პოლიტიკის, ფინანსებისა და კარიერის თემებს. Marie Claire დააარსეს ჟან პრუვომ და მარსელ ოკლერმა. 1976 წელს პრუვო პენსიაზე გავიდა და ჟურნალი მისმა ქალიშვილმა ეველინმა გადაიბარა.
ანა შელია, ცნობილი ოჯახიდან გამომდინარე, არაერთხელ მოქცეულა ყურადღების ცენტრში. მისი დედა ყოფილი მოდელი, ლიკა კვარაცხელიაა, მამა კი – 1990-იანი წლების საქართველოს ეროვნული საფეხბურთო ნაკრების წამყვანი მოთამაშე, მურთაზ შელია.
შეუძლებელია, ანა შელიას გამორჩეული გარეგნობა შეუმჩნეველი დაგრჩეთ. სწორედ ამიტომ, მან კარიერა ადრეულ ასაკში დაიწყო, როცა ჯერ კიდევ 14 წლის იყო.
ანამ განსაკუთრებული პოპულარობა მას შემდეგ მოიპოვა, რაც 2017 წელს მონაწილეობა ბრიტანული მოდის სახლის, Ralph & Russo-ს ჩვენებაში Victoria’s Secret-ის საპატიო სუპერმოდელ ალესანდრა ამბროსიოსთან ერთად მიიღო.
მას შემდეგ მის კარიერაში არაერთი მნიშვნელოვანი ჩვენება თუ თანამშრომლობა ყოფილა, მოგვიანებით კი, როცა ანა დედა გახდა, კარიერაზე დროებით უარი თქვა. ახლა კი მშვენიერი მოდელი კვლავ უბრუნდება პროფესიას და დროდადრო მონაწილეობს ისეთი ბრენდებისა თუ კომპანიების სარეკლამო კამპანიებში, როგორებიცაა: PSP, S-SOCIETY, PARFOIS, OYSHO, Lutecia და სხვ.
ჩვენს ქვეყანაში არაერთი ახალგაზრდა, ლამაზი და წარმატებული წყვილია, რომელთან შესახებაც ჩვენ ხშირად გიყვებით ხოლმე. ქვემოთ კი უფრო ახლოს გაგაცნობთ მოდელისა და მორგაბის წყვილს – ანა შელიასა და ლაშა ლომიძეს. მათი სიყვარული 7 წელს ითვლის და ისინი ორ უსაყვარლეს შვილს ზრდიან.
ანას მეუღლე მორაგბე ლაშა ლომიძეა. ლაშა 1992 წლის 30 ივნისს დაიბადა. ლაშა საქართველოს მორაგბეთა ეროვნული ნაკრების მე-8 ნომერია. 2012 წელს საფრანგეთში გუნდ „მონტპელიეს“ შემადგენლობაში თამაშობდა. 2 წლის შემდეგ ფრანგულ „ბეზიერსში“ გადავიდა. 2017-2018 წლებში ლაშა ბრიტანულ კლუბში თამაშობდა, შემდეგ ლაციოში გადავიდა, 2020 წლიდან კი ფრანგულ კლუბში “DAX” თამაშობდა.
ანამ და ლაშამ 2018 წლის 19 მაისს დაიწერეს ჯვარი. სოციალურ ქსელში მათი ნიშნობის ფოტოებმა მალევე დაიმსახურა მოწონება. ანას ულამაზესი სადა აბრეშუმის კაბა ეცვა.
ანა და ლაშა უკვე 7 წელია, ქორწინებაში არიან. მათ ორი უსაყვარლესი შვილი, ელი და ვატო ჰყავთ, რომლებიც საფრანგეთში დაიბადნენ.
წყვილი შვილებთან ერთად ხშირად მოგზაურობს. მშობლები ელის და ვატოს აღზრდაში აქტიურად არიან ჩართული და ანა სხვა დედებს სასარგებლო რჩევებსაც ხშირად აძლევს.

“საერთაშორისო გამჭვირვალობა – საქართველომ” ახალციხის მუნიციპალიტეტის 2021 წლის მოწვევის საკრებულოს საქმიანობა შეისწავლა.
ორგანიზაციის ანგარიშის მიხედვით, 2021 წლის დეკემბრიდან დღემდე ახალციხის საკრებულოს დეპუტატებმა, მათი ოჯახის წევრებმა და ნათესავებმა, მხოლოდ ახალციხის მერიიდან და მისი იურიდიული პირებიდან, ჯამში, 24 811 129 ლარის შესყიდვები მიიღეს.
ანგარიში ეფუძნება საკრებულოდან გამოთხოვილ ინფორმაციას, საკრებულოს ოფიციალურ ვებ-გვერდზე არსებულ ინფორმაციას და ორგანიზაციის დაკვირვებებს.
ანგარიშის მიხედვით:
· ახალციხის საკრებულო საანგარიშო პერიოდში აღმასრულებელ ორგანოზე სუსტ ზედამხედველობას ახორციელებდა.
· საკრებულომ მკვეთრად გააუარესა საჯარო ინფორმაციის გაცემის პრაქტიკა.
· საკრებულოს თანამდებობრივი შეუთავსებლობის, საკრებულოს რეგლამენტის, ეთიკის ნორმების დარღვევის ან ინტერესთა კონფლიქტის ფაქტები არ გამოუვლენია. თუმცა, საკრებულოს დეპუტატებმა, მათი ოჯახის წევრებმა და ნათესავებმა, მხოლოდ ახალციხის მერიიდან და მისი იურიდიული პირებიდან, ჯამში, 24,811,129 ლარის შესყიდვები მიიღეს;
· ახალციხის საკრებულოს 22 თანამდებობის პირიდან 17 „ქართული ოცნების“ წარმომადგენელია.
· საანგარიშო პერიოდში, საკრებულომ 50 სხდომა გამართა;
· საკრებულოს 39 დეპუტატიდან 6 ოპოზიციონერ დეპუტატს, ყოველწლიური ანგარიშები არ წარუდგენია.
· საკრებულოში მოქმედი სამი ფრაქციიდან ინიციატივა არცერთს არ წარუდგენია. ფრაქციების საქმიანობაზე, მხოლოდ 2 წელში, ბიუჯეტიდან 678,048 ლარი გაიწერა.
· ახალციხის საკრებულომ 2025 წლის 30 მაისს ისე გააუქმა გენდერული თანასწორობის საბჭო, რომ მას არ განუხორციელებია არც სამართლებრივი აქტების ანალიზი და არც ექსპერტიზა საკანონმდებლო აქტების პროექტებზე.
· საკრებულომ „საერთაშორისო გამჭვირვალობა – საქართველოს“ მიერ წარდგენილი ორი პეტიციიდან ერთი შეასრულა, მეორე არ დაარეგისტრირა.
· 2021 წლის დეკემბრიდან 2023 წლის ჩათვლით საკრებულოს ხარჯმა 2,276,392 ლარი შეადგინა. ამ თანხის 89% ხელფასებში, დანამატებსა და ჯილდოებში გაიწერა.
· 2021 წლის დეკემბრიდან 2023 წლის ჩათვლით საკრებულომ 66 835 ლიტრი საწვავი გახარჯა, რომლის ღირებულებამაც 198 889 ლარი შეადგინა. გახარჯული საწვავიდან 20 ტონაზე მეტი საკრებულოს თავმჯდომარემ და მისმა სამმა მოადგილემ გახარჯა, – ნათქვამია ანგარიშში.

უნგრეთს სურს, ჩეხეთთან და სლოვაკეთთან ერთად უკრაინის მიმართ სკეპტიკურად განწყობილი ალიანსი შექმნას, – ამის შესახებ უნგრეთის პრემიერ-მინისტრ ვიქტორ ორბანის მთავარმა პოლიტიკურმა მრჩეველმა, ბალაშ ორბანმა Politico-ს განუცხადა.
მისი თქმით, ორბანი იმედოვნებს, რომ ჩეხეთის საპარლამენტო არჩევნებში გამარჯვებული პარტიის ლიდერთან, ანდრეი ბაბიშთან და სლოვაკეთის პრემიერ-მინისტრ რობერტ ფიცოსთან ერთად გაერთიანდება, რათა ევროკავშირის ლიდერების შეხვედრების წინ, პოზიციები შეაჯერონ.
POLITICO წერს, მიუხედავად იმისა, რომ მყარი პოლიტიკური ალიანსის ჩამოყალიბება ჯერ კიდევ შორს არის, ამ ფორმირებამ, შეიძლება, მნიშვნელოვნად შეაფერხოს ევროკავშირის ძალისხმევა უკრაინის ფინანსური და სამხედრო მხარდაჭერის კუთხით.
ორბანის წარმომადგენლის თქმით, ეს იქნება ე.წ. ვიშეგრადის ოთხეულის განახლება, რომელშიც შედიოდნენ უნგრეთი, ჩეხეთი, სლოვაკეთი და პოლონეთი.
POLITICO წერს, რომ ვიშეგრადის ახალ ალიანსში ოთხის ნაცვლად სამი წევრი იქნება, რადგან პოლონეთის ამჟამინდელი პრემიერ-მინისტრი, დონალდ ტუსკი უკრაინის მხარდამჭერია და ნაკლებად სავარაუდოა, რომ ორბანთან რაიმე ალიანსში შევიდეს.

ევროპა სრულ სოლიდარობას უცხადებს ლიეტუვას იმ ფონზე, როდესაც მის საჰაერო სივრცეში მუდმივად შედიან კონტრანაბდის გადამტანი ჰელიუმის ბუშტები, ეს დესტაბილიზაციაა, ეს პროვოკაციაა, – ამის შესახებ ევროკომისიის პრეზიდენტი, ურსულა ფონ დერ ლაიენი სოციალურ პლატფორმა X-ზე წერს.
მისი თქმით, ეს არის ჰიბრიდული საფრთხე, რასაც ევროპა არ შეეგუება.
„ჩვენ ამას თავის სახელს ვეძახით: ჰიბრიდულ საფრთხეს. ჩვენ ამას არ შევეგუებით. ეს კიდევ ერთი მიზეზია, რომ დავაჩქაროთ ჩვენი ფლაგმანური პროექტები – აღმოსავლეთ ფლანგის მეთვალყურეობა და ევროპული დრონების თავდაცვის ინიციატივა“, – წერს ევროკომისიის პრეზიდენტი.
ლიეტუველ ხალხს სოლიდარობას უცხადებს ევროპული საბჭოს პრეზიდენტი, ანტონიო კოშტაც.
„სრული სოლიდარობა ლიეტუველ ხალხს ბელარუსის მიერ ევროკავშირისა და მისი წევრი სახელმწიფოების წინააღმდეგ განხორციელებული მუდმივი და პროვოკაციული ქმედებების გამო. ეს ჰიბრიდული აქტივობები უნდა შეწყდეს და ბელარუსმა უნდა აღკვეთოს შემდგომი ინციდენტები. ევროკავშირი გააგრძელებს რეჟიმზე ზეწოლას უკრაინის წინააღმდეგ რუსეთის ომში მისი თანამონაწილეობის გამო და მხარს დაუჭერს ევროკავშირის აღმოსავლეთ საზღვრის დაცვას“, – წერს კოშტა.
შეგახსენებთმ ლიეტუვამ, საჰაერო სივრცის დარღვევების გამო, ბელარუსთან საზღვარი დახურა. ქვეყნის პრემიერ-მინისტრის, ინგა რუგინინეს განცხადებით, ბოლო დღეების განმავლობაში ლიეტუვის საჰაერო სივრცეში ბელარუსიდან ჰელიუმის ათობით ბუშტი შეიჭრა.

თურქეთის ჩრდილო-დასავლეთში, ბალიქესირის პროვინციაში ძლიერი მიწისძვრა იყო. 27 ოქტომბერს, ადგილობრივი დროით ღამის 11 საათისთვის მომხდარი 6,1 მაგნიტუდის მიწისძვრის ეპიცენტრი იყო ქალაქი სინდირიგი.
სააგენტო „ანადოლუ“ თურქეთის შინაგან საქმეთა მინისტრ ალი ერლიქაიაზე დაყრდნობით წერს, რომ არავინ დაშავებულა. ჩამოინგრა სამი ცარიელი შენობა და ორსართულიანი მაღაზია. ეს შენობები მნიშვნელოვნად იყო დაზიანებული ამავე რაიონში 2025 წლის აგვისტოში მომხდარი ძლიერი მიწისძვრის შედეგად.
27 ოქტომბრის მიწისძვრამ ეპიცენტრში დააზიანა ელექტროგადამცემი ხაზები.
მიწისქვეშა ბიძგები იგრძნობოდა ბურსაში, მანისაში, იზმირსა და სტამბოლშიც.
ბალიქესირის პროვინციაში 6,1 მაგნიტუდის მიწისძვრა მოხდა 10 აგვისტოსაც. ადგილობრივი ხელისუფლების ინფორმაციით, დაიღუპა 1 და დაშავდა 29 ადამიანი. დაინგრა 16 შენობა და ათეულობით დაზიანდა.
თურქეთში, რომელიც სამი ტექტონიკური ფილის გადაკვეთაზე მდებარეობს, მიწისძვრები ხშირია.
2023 წლის თებერვალში ქვეყნის სამხრეთ-დასავლეთში მომხდარი 7,8 მაგნიტუდის მიწისძვრის შედეგად 50 ათასზე მეტი ადამიანი დაიღუპა, ასეულობით ათასი კი უსახლკაროდ დარჩა.
ფორუმი

ევროპა სრულ სოლიდარობას უცხადებს ლიეტუვას მის საჰაერო სივრცეში ჰელიუმის კონტრაბანდული ბუშტების მუდმივი შეჭრის ფონზე, ეს დესტაბილიზაციაა, ეს პროვოკაციაა, – ამისშესახებ ევროკომისიის პრეზიდენტი, ურსულა ფონ დერ ლაიენი სოციალურ პლატფორმა X-ზე წერს.
მისი თქმით, ეს არის ჰიბრიდული საფრთხე, რასაც ევროპა არ შეეგუება.
„ჩვენ ამას თავის სახელს ვეძახით: ჰიბრიდულ საფრთხეს. ჩვენ ამას არ შევეგუებით. ეს კიდევ ერთი მიზეზია, რომ დავაჩქაროთ ჩვენი ფლაგმანური პროექტები – აღმოსავლეთ ფლანგის მეთვალყურეობა და ევროპული დრონების თავდაცვის ინიციატივა“, – წერს ევროკომისიის პრეზიდენტი.
ლიეტუველ ხალხს სოლიდარობას უცხადებს ევროპული საბჭოს პრეზიდენტი, ანტონიო კოშტაც.
„სრული სოლიდარობა ლიეტუველ ხალხს ბელარუსის მიერ ევროკავშირისა და მისი წევრი სახელმწიფოების წინააღმდეგ განხორციელებული მუდმივი და პროვოკაციული ქმედებების გამო. ეს ჰიბრიდული აქტივობები უნდა შეწყდეს და ბელარუსმა უნდა აღკვეთოს შემდგომი ინციდენტები. ევროკავშირი გააგრძელებს რეჟიმზე ზეწოლას უკრაინის წინააღმდეგ რუსეთის ომში მისი თანამონაწილეობის გამო და მხარს დაუჭერს ევროკავშირის აღმოსავლეთ საზღვრის დაცვას“, – წერს კოშტა.
შეგახსენებთმ ლიეტუვამ, საჰაერო სივრცის დარღვევების გამო, ბელარუსთან საზღვარი დახურა. ქვეყნის პრემიერ-მინისტრის, ინგა რუგინინეს განცხადებით, ბოლო დღეების განმავლობაში ლიეტუვის საჰაერო სივრცეში ბელარუსიდან ჰელიუმის ათობით ბუშტი შეიჭრა.

რუსეთ-საქართველოს 2008 წლის აგვისტოს ომის მიმდინარეობისას, საქართველოს 412 მოქალაქე დაიღუპა, 1747 კი დაიჭრა. ომის მონაცემები ციფრებში ასე გამოიყურება, –
· დაღუპულია – თავდაცვის სამინისტროს 170 მოსამსახურე, 14 პოლიციელი და 228 სამოქალაქო პირი.
· საომარი მოქმედებების გაშუქებისას, დაიღუპა სამი ჟურნალისტი, ექვსი დაიჭრა.
· დაიჭრა – 1747 ადამიანი. მათ შორის: 973 სამხედრო მოსამსახურე, 227 პოლიციელი და 547 მშვიდობიანი მოქალაქე.
· მონაცემები დევნილთა შესახებ – ომის მიმდინარეობისას, 130 000 ადამიანს იძულებით მოუწია საკუთარი საცხოვრებლის დატოვება. მათგან, 25 000 დღემდე იძულებით გადაადგილებული პირია. ოკუპირებული რეგიონებიდან, აფხაზეთიდან და სამაჩაბლოდან იძულებით გადაადგილებულ პირთა რაოდენობა, ჯამში, ნახევარ მილიონს აღწევს.
· კონფლიქტის ზონაში, სრულიად განადგურდა, დაიწვა და დაინგრა 35 000 სახლი.
· ომის შემდგომი მონაცემებით, აგვისტოს ომის შედეგად ცხინვალის რეგიონში 125 სოფლის ოკუპაცია განხორციელდა.
ომის შემდგომ პერიოდში, წლების განმავლობაში, საოკუპაციო რეჟიმი კვლავ აწარმოებს ეთნიკური ნიშნით დევნას. შედეგად ნაწამები და მოკლული ადამიანების რიცხვი იზრდება.
„საგანგაშოა ეთნიკურ ნიადაგზე წამებისა და მკვლელობის შემთხვევები, რასაც ადასტურებს დავით ბაშარულის, გიგა ოთხოზორიასა და არჩილ ტატუნაშვილის სიცოცხლის ხელყოფის ფაქტები. აღნიშნულ საქმეებზე დაუსჯელობის სინდრომის დამკვიდრებამ შესაძლებელი გახადა ირაკლი კვარაცხელიას გარდაცვალება უკანონო ტყვეობაში, ოკუპირებულ აფხაზეთში განთავსებულ რუსეთის სამხედრო ბაზაზე.
განსაკუთრებულ წუხილს იწვევს ის ფაქტი, რომ ეთნიკური წმენდის არაერთი ტალღის შედეგად, აფხაზეთისა და ცხინვალის რეგიონებიდან გამოდევნილი ასობით ათასი იძულებით გადაადგილებული პირი და ლტოლვილი კვლავაც მოკლებულია საკუთარ სახლში უსაფრთხოდ და ღირსეულად დაბრუნების შესაძლებლობას.“ – ნათქვამია ომის 11 წლისთავთან დაკავშირებით, საქართველოს საგარეო საქმეთა სამინისტროს მიერ გავრცელებულ განცხადებაში.
ომის 11 წლის თავზე, რუსეთი კვლავ არ ასრულებს ცეცხლის შეწყვეტის შესახებ შეთანხმებას. საგარეო უწყება, რუსეთის ფედერაციას მოუწოდებს შეასრულოს 2008 წლის 12 აგვისტოს ნაკისრი ვალდებულებები.
„რუსეთი კვლავ აგრძელებს საერთაშორისო ვალდებულებების დარღვევას, მიუხედავად საერთაშორისო თანამეგობრობის მუდმივი მოწოდებებისა. სრულად უგულებელყოფს რა ცეცხლის შეწყვეტის შეთანხმებით ნაკისრ ვალდებულებებს საქართველოს ტერიტორიიდან ჯარების გაყვანის თაობაზე, მოსკოვი კიდევ უფრო აძლიერებს თავის უკანონო სამხედრო ყოფნას ადგილზე და ხელს უშლის უსაფრთხოების საერთაშორისო მექანიზმების შექმნას საქართველოს აფხაზეთისა და ცხინვალის რეგიონებში.

ამასთან, დგამს ნაბიჯებს საქართველოს აფხაზეთისა და ცხინვალის რეგიონების დე-ფაქტო ანექსიის მიმართულებით, პარალელურად, კი ცდილობს, ოკუპირებულ ტერიტორიებზე მცხოვრები მოსახლეობა იზოლაციაში მოაქციოს დანარჩენი საქართველოსგან. ამ მიზნით, რუსეთის ფედერაცია მიზანმიმართულად აგრძელებს საოკუპაციო ხაზზე მავთულხლართებისა და ხელოვნური ბარიერების აღმართვას, ე.წ გადასასვლელი პუნქტების დახურვას, თავისუფალი გადაადგილების შეზღუდვას, ადგილობრივი მოსახლეობის გატაცებისა და უკანონო დაკავების პრაქტიკას, რითაც უხეშად არღვევს ადამიანის ფუნდამენტურ უფლებებსა და თავისუფლებებს და გაუსაძლისს ხდის კონფლიქტით დაზარალებული მოსახლეობის ისედაც რთულ ჰუმანიტარულ და სოციალურ-ეკონომიკურ მდგომარეობას.
შეშფოთებას იწვევს აფხაზეთისა და ცხინვალის რეგიონებში დარჩენილი ქართველი მოსახლეობის ეთნიკური ნიშნით დისკრიმინაცია და შევიწროება, მათ შორის, მშობლიურ ენაზე განათლების აკრძალვა და ღირსების შელახვა, ეთნიკური იდენტობის შეცვლის იძულების გზით.“ – ნათქვამია განცხადებაში.
საგარეო უწყება, ოკუპირებულ ტერიტორიებზე ევროკავშირის სადამკვირვებლო მისიის შესვლისა და მანდატის სრულად განხორციელების აუცილებლობაზე საუბრობს.

თურქეთის დასავლეთით, ბალიქესირის პროვინციაში მომხდარი 6.1 მაგნიტუდის მიწისძვრის შედეგად ოთხი შენობა ჩამოინგრა.
თურქეთის შინაგან საქმეთა მინისტრის, ალი იერლიკაიას განცხადებით, ერთ-ერთ შენობაში მაღაზია იყო განთავსებული.
მისივე იცნობით, დაღუპულების ან ნანგრევების ქვეშ მოყოლილი ადამიანების შესახებ ინფორმაცია არ არსებობს.
შეგახსენებთ, თურქეთის კატასტროფებისა და საგანგებო სიტუაციების მართვის სამსახურის ცნობით, ორშაბათს, ადგილობრივი დროით დაახლოებით 23:00 საათზე, ბალიქესირის პროვინციაში 6.1 მაგნიტუდის მიწისძვრა მოხდა. ბიძგები სტამბოლსა და რამდენიმე მიმდებარე პროვინციაში იგრძნობოდა.

აშშ-ის პრეზიდენტმა დონალდ ტრამპმა იაპონიის პრემიერ-მინისტრ სანაე ტაკაიჩის ტოკიოში გამართულ შეხვედრაზე განუცხადა, რომ მისი აზრით, ის ერთ-ერთი შესანიშნავი პრემიერ-მინისტრი იქნება.
„დიდი პატივია თქვენთან ერთად ყოფნა ამ პროცესის ასე ადრეულ ეტაპზე. თქვენ იქნებით ერთ-ერთი შესანიშნავი პრემიერ-მინისტრი“, – აღნიშნა ტრამპმა.
მისი თქმით, მიაჩნია, რომ აშშ-იაპონიის ურთიერთობა ისეთი მტკიცე იქნება, როგორც არასდროს.
„ეს იქნება ურთიერთობა, რომელიც იმაზე მტკიცე იქნება, ვიდრე ოდესმე და მოუთმენლად ველი თქვენთან და ჩვენი ქვეყნის სახელით მუშაობას. თქვენ ფანტასტიკურ საქმეს გააკეთებთ და ჩვენ გვექნება ფანტასტიკური ურთიერთობა“, – აღნიშნა ტრამპმა.
თავის მხრივ, იაპონიის პრემიერ-მინისტრმა იმედი გამოთქვა, რომ შეხვედრა იაპონია-აშშ-ის ალიანსის „ახალი ოქროს ხანის“ დასაწყისი იქნება.
ტრამპმა და ტაკაიჩიმ ხელი მიოაწერეს ორ ახალ შეთანხმებას : აშშ-იაპონიის ურთიერთობების ახალ „ოქროს ხანასთან“ დაკავშირებით და კრიტიკული მინერალების შესახებ შეთანხმებას.
პირველი შეთანხმება ეხება აშშ-სა და იაპონიას შორის თანამშრომლობის უზრუნველყოფას, კრიტიკული მინერალების შესახებ შეთანხმება კი ჰქმნის ჩარჩოს იშვიათი მინერალების მიწოდების უზრუნველსაყოფად.
შეგახსენებთ, დონალდ ტრამპი იაპონიაში აზიური ტურნეს ფარგლებში იმყოფება.

ეკონომისტი დემურ გიორხელიძე:

,,კითხვა მაქვს:
“ყველამ მოუსმინა არაბი ინვესტორის წარმომადგენელს?
(ინტერვიუ “იმედზე” იყო სამიოდე დღის წინ)

რაიმე დაფარა, ღიად არ თქვა, რასაც აპირებენ?!
არაბებმა იყიდეს 550 ჰა თბილისის შემოგარენში,
250 ჰა გონიოს პოლიგონი (ბათუმთან).

ვისთვის ვაშენებთო, ვინ უნდა შემოვიყვანოთო, –
გაუგებარი დარჩა? არაბებმა იყიდეს ოფიციალურად,
მართალია არალეგიტიმური ხელისუფლებისგან, მაგრამ
იყიდეს: ამ “ხელისუფლებამ” დაუშვა უტიფრად და ღიად
უზარმაზარი მიწის ნაკვეთების გაყიდვა.

თუ გონება და გრძნობა ატროფირებული არ არის, –
რაიმე კითხვა დარჩა კიდევ?!

ასე უტიფრად როცა იქცევა ხელისუფლება და მას
მხარდამჭერები ჰყავს, – ერთი მითხარით, რა ჰქვია
ამ მხარდამჭერებს?

კარგად გაიაზრეთ ქართველთა დიდი გაერთიანების
ინიციატორების განცხადებები… თუ არ გნებავთ, მალე
ტრაგედიის წინაშე აღმოვჩნდეთ!

ვითომ პროტესტანტები რომ არიან, –
საერთოდ, ქვეყანაში არსებული უმსგავსოება და/ან
ქვეყნის მიწების გაყიდვა თუ გაუპროტესტებიათ?
არაფორმალური მმართველობა თუ გაუპროესტებიათ? 🙂

აბა, რას აპროტესტებენ?!
“ჩელიაბინსკში” არ უნდათ და “შინ ბრიუსელში” უნდათ,
ხომ? 🙂

ამ პროტესტებს რომ “ოცნების” სასარგებლო შედეგი
მოაქვს, – არ ჩანს? “ოცნება” კი მშვიდად ატყუებს მთელ
ქვეყანას:

ნაციონალურ მოძრაობასთან პრაქტიკულად გაერთიანებული, მხოლოდ აგრესიული ნაცმოძრაობის
მარგინალური ნაწილის “ჩახსნას”/”აკრძალვას” ცდილობს!
ევროპას ამის არაფერი საწინააღმდეგო აქვს: ორივე მხარე
ერთნაირად მარიონეტი და მორჩილი იქნება.

“ოპოზიციურ პარტიებსაც” ჩახსნიან, ვინც ამ ორს ხელს უშლის, რასაც არ ჩახსნიან, მომსახურე პარტიებად აქცევენ,
რაღაც ნამცეცებს გადაუგდებენ.

არაფორმალური მმართველი?
მისთვის სულერთია: დღეს ქუჩას ვინც მართავს და
მოტყუებულ ახალგაზრდებს, ის ახდენს კიდეც შიდა
გადატრიალებას და “კორუფციის” წინააღმდეგ “ძლევამოსილ გამარჯვებას აღწევს”, ცხადია,
“დიიპ სტეიტს” უკვე კუდით ქვა ასროლინეს!

აი, ესაა სურათი!

რაღაც სჭირს ქართველს მასაში, თორემ ასე არ
გაიბითურებდა თავს, თუმცა, გასაკეთებელი მაინც
გაკეთდება, თუ არ გვინდა მალე საერთოდ დაიკარგოს
ეს ქვეყანა!“

ჟურნალისტი ლაშა ბერულავა ლაშა ბასლანძის გარდაცვალებას ეხმაურება:
,,თუ ცოტას უკან გადავახვევთ, სამწუხაროდ, ლაშა ბასლანძე მართლაც ათვალწუნებული იყო წინა ხელისუფლების პოლიციის ერთ-ერთი უფროსის მიერ, გლდანის ციხეშიც მისი დიდი მონდომებით მოხვდა, ციხის მესვეურებსაც გაზვიადებული ინფორმაცია შეაწოდა და შავ სიაშიც შეატანინა. სამწუხაროდ, ასეც ხდებოდა.
თან ეს ის პერიოდი იყო, როცა დაუნდობელი ბრძოლა გამოცხადდა კრიმინალების მიმართ და შესაბამისად, ლაშა ბასლანძემ ციხის რეჟიმის სიმკაცრე საკუთარ ტყავზე გამოსცადა.
იმედია, არ შემედავებით, რომ კარანტინები საშინელება იყო და მას ოთხჯერ მოუწია ამის გავლა, რაც ნიშნავს არაერთხელ სასტიკად ცემას და საშინელ ფსიქოლოგიურ ზეწოლასაც ერთდროულად, რბილად რომ ვთქვათ ეს ყველაფერი.
გირაოთი გამოუშვეს პირველ ჯერზე, მერე ისევ შეაბრუნეს, მერე ისევ გამოუშვეს და ისევ შეაბრუნეს, მოკლედ, ძალიან არ მოსდიოდათ თვალში და არც ლაშას ამოსდიოდა მათზე მზე და მთვარე, ცხადია.
საერთოდ არ ვიცნობდი ლაშას, ვინც მასზე მომიყვა, ჩემი თანამოაზრეა და არა ქოცების და, სხვათა შორის, ეს ამბები გარდაცვალებამდე მომიყვა, როცა ვკითხე, რა იყო, ასე რამ გაამწარა ეს კაცი, რეებს წერს-მეთქი და, ეგრე იყოო – ნათესავებშიც კი ღიად აქვს ნათქვამი, წინა ხელისუფლებაზე არანაირი კარგის გაგონება არ მინდა და არ მელაპარაკოთ, თქვენც მწამებლებად აღგიქვამთო.
ჰოდა, რატო ვწერ ახლა ამდენს: ამ კაცმა, ვისაც ლაშა დიდად არ ეხატებოდა გულზე, მაგრამ მისი ადრინდელი ამბები კარგად იცოდა რამდენიმე დღის წინ მითხრა ამბავი, რომლისთვისაც დიდად არ მიმიქცევია ყურადღება და ახლა შეიძინა მნიშვნელობა, ლაშა ბასლანძის გარდაცვალების შემდეგ.
მოკლედ, მომიყვა, როცა ლაშა ციხიდან გამოვიდა, მერეც ვურთიერთობდით ცოტა ხანსო და ერთად როცა ვიყავით, ერთ დღესაც ის ბადრაგი შეხვდა “მოიკაზე”, ვინც კარანტინის დროს ცემდაო – მანქანებს რეცხავდაო. ლაშამ მე კი მითხრაო, მაგრამ არ შეიმჩნია იმასთანო.
იმ მრეცხავს რომ ვაკვირდებოდი, მგონი იცნო ლაშაო, ძაან დაძაბული იყოო. ლაშამ კიდე, 10 ლარი გადაუხადა (მაგ დროს ასე ღირდა) და წამოვიდაო…
ჰოდა, რა ვიცი, თუნდაც იმიტომაა გულდასაწყვეტი მისი გარდაცვალება, რომ იქნებ ბოლოს დაენახა, რომ ბიძინას მიერ ორად გაყოფილი საზოგადოების ორივე მხარეს შეიძლება იდგნენ კეთილი ადამიანები და რომ არ ღირს შვილისტოლა გოგო-ბიჭებს აგინო და თავების გახლეჩით ემუქრებოდე…

ღაზის სექტორში წითელი ჯვრის წარმომადგენლებს ჰამასმა (აშშ-ში და ევროკავშირში ტერორისტულად შერაცხილმა) გადასცა კიდევ ერთი, მე-16მძევლის, ცხედარი. ისრაელის არმიამ დაადასტურა, რომ წითელ ჯვარს ცხედარი გადასცეს.
ჰამასმა 13 ოქტომბერს ისრაელს გადასცა დარჩენილი 20 ცოცხალი მძევალი.
დაჯგუფებას ისრაელისთის უნდა გადაეცა 28 დაღუპული მძევლის ცხედრები და დღემდე მხოლოდ 15-ის გადაცემა მოხერხდა, რადგან, როგორც ჰამასი აცხადებს, ძნელია გვამების მიკვლევა ომით განადგურებულ რეგიონში.
ცხედრების გაცვლა ღაზის სექტორში ისრაელსა და ჰამასს შორის ცეცხლის შეწყვეტის შესახებ შეთანხმების ერთ-ერთი პირობაა.
ფორუმი

კრისტალბეთ ეროვნულ ლიგაში 30-ე ტურის კიდევ ორი მატჩი გაიმართა. დინამო თბილისმა აუტსაიდერ ფოთელებს მოუგო, ხოლო თელაველებისა და ქუთაისელების დაპირისპირება ფრედ დასრულდა. ტორპედო ორი ბურთით იგებდა, მაგრამ მასპინძლებმა ხასიათი გამოავლინეს და 2:2…
თელავი 2:2 ტორპედო
ტორპედო სწრაფი გოლით დაწინაურდა. ალეკო ბასილაძე ფელიპე პირესის პასის მერე სწრაფად შევარდა საჯარიმოში და ზუსტადაც დაარტყა. ეს ბასილაძის მეექვსე გოლია მიმდინარე სეზონში.
მე-13 წუთზე ქუთაისელებმა მეორე ბურთიც მიაყოლეს, კერძოდ, ფელიპე პირესმა გამოიყენა ვარლეი და სილვას გადაცემა.
რამდენიმე წუთში კი თელავის ნახევარმცველმა ანდრია დევდარიანმა მარჯვნიდან კარში ჩაახვია ბურთი, რითაც სხვაობა შეამცირა – 1:2.
მე-80 წუთზე კი მასპინძლებმა კიდევ ერთხელ მოახერხეს გატანა: ალეკო ანანიძის შორიდან დარტყმული ბურთი ძელიდან ასხლეტით შევარდა კარში. 2:2. გუნდებს თითო-თითო ფეხბურთელი გაუძევეს და ორივე მეორე გაფრთხილების გამო. ჯერ ვარლეი და სილვა, მერე კი ანდრია დევდარიანი.
ტორპედო მესამე ადგილზე რჩება, თელავი კი ბოლოსწინაზეა.
დინამო თბ 3:1 კოლხეთი 1913
დინამო თბილისმა კოლხეთი 1913-ს აჯობა და ერთი ქულითღა ჩამორჩება მესამე ადგილზე მყოფ ტორპედოს. რაც შეეხებათ ფოთელებს, ბოლო საფეხურზე არიან და 10 ქულით ჩამორჩნენ მეცხრეადგილოსანს.
აქაც სწრაფი გოლი ვნახეთ: თორნიკე მორჩილაძემ პენალტით გაიტანა სეზონში თავისი მეათე გოლი. პენალტი კი გიორგი გვასალიას წაქცევისთვის დაინიშნა.
პირველი ტაიმის შუაში მორჩილაძის ჩაწოდებულს მოჰყვა მათე ვაწაძის თავური და ანგარიში 2:0 გახდა. ტაიმის ბოლოს კი გიორგი ხარაიშვილმა საჯარიმო შეასრუა, საკმაოდ შორიდან, ტექნიკურად. ესეც მესამე გოლი…
მეორე ნახევარში დინამოელებს აღარ გაუტანიათ. ფოთელებმა შეამცირეს სხვაობა, კერძოდ, ეს დიტო ფაჩულიამ მოახერხა და საბოლოოდ, 3:1.
ტური 28 ოქტომბერს დასრულდება. ერთი მატჩი დარჩა:
გარეჯი – სამგურალი
erovnuliliga.ge
ფანცულაია გოლებს აგროვებს; “სამგურალმა”, “გარეჯმა” და “თელავმა” გაიმარჯვეს
ლიდერი ისევ “დილაა”; “ტორპედომ” კი იბერიელებს აჯობა
“ძალიან დაბალი დონის ჩემპიონატი გვაქვს, ყოველი წელი უარესია” – გიორგი ჭიაბრიშვილი “გარეჯთან” გამარჯვების შემდეგ
ფრე დინამოების დაპირისპირებაში; წყალტუბოელთა მოგება ფოთში
27-ე ტური. ლიდერსა და მდევარს შორის სხვაობა შემცირდა
ფანცულაია გოლებს აგროვებს; “სამგურალმა”, “გარეჯმა” და “თელავმა” გაიმარჯვეს
ლიდერი ისევ “დილაა”; “ტორპედომ” კი იბერიელებს აჯობა

დაკავებულია მუნიციპალური განვითარების ფონდის ყოფილი აღმასრულებელი დირექტორი
ფინანსთა სამინისტროს საგამოძიებო სამსახურის თანამშრომლებმა სამსახურებრივი უფლებამოსილების ბოროტად გამოყენების ფაქტზე, სსიპ საქართველოს მუნიციპალური განვითარების ფონდის ყოფილი აღმასრულებელი დირექტორი დავით ტაბიძე დააკავეს. ამის შესახებ ფინანსთა სამინისტროს საგამოძიებო სამსახურში ბრიფინგზე განაცხადეს.
საგამოძიებო უწყების ცნობით, აღნიშნულ საქმეზე ასევე დაკავებულები იყვნენ ფონდის პროგრამის მენეჯერი და ამავე სამსახურის პროექტის მენეჯერი, რომლებმაც სრულად ითანამშრომლეს გამოძიებასთან. მათ აღკვეთის ღონისძიების სახით სასამართლოს მიერ გირაო შეეფარდათ.
„როგორც უკვე საზოგადოებისთვის ცნობილია, მუნიციპალური განვითარების ფონდიდან, 30 საბავშვო ბაღის რეაბილიტაციისთვის გამოყოფილი 9 365 801 ლარის თაღლითურად დაუფლებისა და 1 211 000 ლარის უკანონო შემოსავლის ლეგალიზაციის ფაქტზე დაკავებულები არიან შპს „ლაგი კაპიტალის“ ხელმძღვანელი პირები.
გამოძიებით დადგენილია, რომ ისინი ფლობდნენ ინფორმაციას, რომ შპს „ლაგი კაპიტალის“ მიერ 2023 წლის ივლისიდან 2024 წლის მაისამდე პერიოდში წარდგენილი ავანსის მოთხოვნები იყო დაუსაბუთებელი და მხოლოდ ნაწილობრივ უზრუნველყოფილი. დასახელებულმა პირებმა, სამსახურებრივი უფლებამოსილება ბოროტად გამოიყენეს და უპირატესობის მინიჭების მიზნით, მიუხედავად იმისა, რომ კომპანიის მიერ 2023 წლის ივლისის თვეში მიღებული ავანსი არ იყო დახარჯული მიზნობრივად, 2023-2024 წლებში შპს „ლაგი კაპიტალზე“ საბავშვო ბაღების რეაბილიტაციისთვის მაინც გასცეს 11 218 380 ლარის დაუსაბუთებელი ავანსი, საიდანაც შპს „ლაგი კაპიტალის“ ხელმძღვანელი პირები თაღლითურად დაეუფლნენ 9 365 801 ლარს.
გამოძიება საქართველოს სისხლის სამართლის კოდექსის 332-ე მუხლის პირველი ნაწილით, 180-ე მუხლის მე-2 ნაწილის და მე-3 ნაწილებით, 194-ე მუხლის მე-2 და მე-3 ნაწილებით და 362-ე მუხლის მე-2 ნაწილით მიმდინარეობს, რაც სასჯელის სახედ და ზომად ითვალისწინებს თავისუფლების აღკვეთას 9-დან 12 წლამდე ვადით. საქმეზე გამოძიება ინტენსიურად გრძელდება დანაშაულში თანამონაწილე სხვა პირთა დადგენის და შესაბამისი რეაგირების მიზნით“,- განაცხადეს ფინანსთა სამინისტროს საგამოძიებო სამსახურში.

სერბეთის ქალაქ ნოვი-სადში 23-წლამდელთა თავისუფალ სტილით მოჭიდავეთა მსოფლიოს ჩემპიონატზე მერაბ სულეიმანიშვილმა (97კგ) ვერცხლის მედალი მოიპოვა.
გადამწყვეტ ბრძოლამდე სულეიმანიშვილმა სამ მეტოქეს სძლია, ფინალში კი იაპონელ არაშ იოშიდასთან 2:12 დამარცხდა.
თორნიკე სამხარაძემ (86 კგ) ბრინჯაოსთვის ბრძოლა აზერბაიჯანელ ალი ცოკაევთან 2:13 წააგო და მედლის გარეშე დარჩა.
საქართველოს ნაკრებმა მსოფლიოს ჩემპიონატი ერთადერთი მედლით დაასრულა.
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
ჭაბუკების 4 მედალი და გუნდური მეორე ადგილი ევროპის ჩემპიონატიდან

აშშ-ის მიერ სანქციების დაწესების გამო „ლუკოილი“ უცხოური აქტივების გაყიდვას გეგმავს, – ინფორმაციას რუსული მედია ნავთობკომპანიაზე დაყრდნობით ავრცელებს.
„გარკვეული ქვეყნების მიერ „ლუკოილისა“ და მისი შვილობილი კომპანიების წინააღმდეგ შემოღებული შეზღუდვების გამო, კომპანია საერთაშორისო აქტივების გაყიდვის განზრახვის შესახებ აცხადებს. პოტენციური მყიდველების განაცხადების განხილვა დაიწყო“, – ნათქვამია რუსული ნავთობკომპანიის განცხადებაში.
შეგახსენებთ, გასულ კვირას აშშ-მა რუსული ნავთობკომპანიების, „როსნეფტის“, „ლუკოილისა“ და მათი შვილობილი კომპანიების წინააღმდეგ სანქციები დააწესა.

კომპანია “ვიჯეთის” გენერალური დირექტორის, ლაშა ფეიქრიშვილის შეფასებით, თავისუფლად შეიძლება, საქართველოში Alibaba-მ ტერმინალი გააკეთოს.
როგორც გადაცემა “ბიზნესპარტნიორში” ლაშა ფეიქრიშვილი აღნიშნავს, მსოფლიოში ცნობილი საერთაშორისო კომპანია (Alibaba) ქართული ნაწარმის გამოფენას არ შეზღუდავს.
“საერთაშორისო პლატფორმა TEMU საქართველოში შემოვიდა და ჩვენი ქვეყანა ჰაბად იქცა. კერძოდ, ტერმინალები აქ შენდება და ჩვენგან პროდუქციის გარეთ გატანა იგეგმება. შესაბამისად, თავისუფლად შეიძლება, ტერმინალი Alibaba-მაც გააკეთოს, ამ ყველაფერზე აქტიურად ვმუშაობთ, ინტერესი მათი მხრიდან ძალიან მაღალია – მგონია, რომ ყველაფერი გამოვა. ამასთან, Alibaba ქართული ნაწარმის გამოფენას არ ზღუდავს, შესაბამისად, საქართველოში თუ მათი პლატფორმა მოექცა, ქართველებს თავიანთი პროდუქციის ექსპორტზე გატანა ბევრად მეტად შეეძლებათ – პროდუქციას ბევრად მაღალ ღირებულებაში გაყიდიან”, – აღნიშნავს კომპანიის გენერალური დირექტორი.
“ვიჯეთის” წარმომადგენელი Alibaba-სთან ურთიერთობის შესახებ დეტალურად საუბრობს და აღნიშნავს, რომ Alibaba ხარისხის გარანტიაა.
“ჩინეთში Alibaba-ს წარმომადგენლობა ქარხნების დირექტორებთან შეხვედრებს გვიორგანიზებს. შესაბამისად, ჩვენგან წასული მომხმარებლები, როდესაც ჩინეთში ჩადიან, ქარხნებთან შეხვედრები დაორგანიზებული აქვთ. ეს ყველაფერი სრულ პროცესს ამარტივებს. გამომდინარე იქიდან, რომ ჩინეთთან თავისუფალი ვაჭრობის ხელშეკრულება შეიქმნა და ამ ყველაფერს უვიზო მიმოსვლა დაემატა, დიდი შესაძლებლობა გაჩნდა… ყველა ჩვენგან ჩასული მომხმარებელი კმაყოფილია, რადგან ენობრივი და კულტურული ბარიერი მოვხსენით, ქართველი გიდები უკვე ჩვენს მომხმარებლებს თან დაჰყვებიან. ზოგადად, Alibaba ხარისხის გარანტიაა”, – აცხადებს ლაშა ფეიქრიშვილი.
ცნობისთვის, კომპანია Alibaba Group Holding Limited (ალიბაბა ჯგუფი) — მსოფლიოში ერთ-ერთი ყველაზე დიდი და გავლენიანი ტექნოლოგიური და სავაჭრო კომპანიაა, რომელიც ჩინეთში 1999 წელს დაარსდა.
შეგახსენებთ, რომ “ვიჯეთი” გადამზიდი კომპანიაა, რომლის მიზანი სატრანსპორტო ბაზარზე მომხმარებლებისთვის სერვისის მიწოდებაა.

საქართველოს კალათბურთელთა ნაკრებისა და ესპანური კლუბის, „ტენერიფეს“ ცენტრალური თავდამსხმელი გიორგი შერმადინი ესპანეთის ჩემპიონატის თვის საუკეთესო კალათბურთელად დასახელდა.
ოქტომბერში ჩატარებულ ოთხ შეხვედრაში 36 წლის შერმადინი საშუალოდ 18.5 ქულასა და 7 მოხსნას აგროვებდა. მისმა სარგებლიანობის კოეფიციენტმა 27 შეადგინა. თვის საუკეთესო კალათბურთელად გიორგი შერმადინი კარიერაში მეთოთხმეტედ აღიარეს, რაც სარეკორდო მაჩვენებელია.
ოქტომბერში „ტენერიფემ“ ოთხივე მატჩი მოიგო, წინ უდანაკარგოდ მიიწევს და ესპანეთის ჩემპიონატის ლიდერია.

ვლადიმერ პუტინისა და დონალდ ტრამპის შეხვედრის სავარაუდო თარიღი უცნობია, თუმცა შეხვედრისთვის მზადყოფნა არსებობს. ამის შესახებ რუსეთის პრეზიდენტის თანაშემწემ, იური უშაკოვმა განაცხადა.
„ჯერჯერობით კონკრეტული თარიღები უცნობია, თუმცა შეხვედრის ჩასატარებლად მზადყოფნა არსებობს, თუ ექსპერტების მიერ მისი წინასწარ მომზადება მოხდება“, – განაცხადა უშაკოვმა.
მისი თქმით, არ იცის, შეიძლება თუ არა რუსეთისა და აშშ-ის პრეზიდენტებს, ვლადიმერ პუტინსა და დონალდ ტრამპს შორის შეხვედრა ახალ წლამდე ჩატარდეს.
„ეს არ ვიცი, თუმცა, გახსოვთ რა სწრაფად შევთანხმდით ანკორიჯში შეხვედრის ჩატარების შესახებ“, – აღნიშნა უშაკოვმა.

თბილისში ჩატარებულ მეორე ამხანაგურ მატჩში საქართველოს ნაკრებმა მოლდოვა 3:0 დაამარცხა.
პირველ შეხვედრაში ანტმანის შეგირდები უპირატესობას ფლობდნენ, მაგრამ გოლის გატანა ვერ შეძლეს და ფრეს დასჯერდნენ, ამჯერად კი შეტევაში უკეთ გაისარჯენ და დამსახურებული გამარჯვება მოიპოვეს.
პირველ ტაიმში კუთხურიდან ბებიას ორჯერ ჩაწოდებულ ბურთს ორივეჯერ დანელიამ მეტოქის კარში მიუჩინა ადგილი, ხოლო ამბალიამ მუნტიანუს კარი ლამაზი დრიბლინგის შედეგად დალაშქრა.
შესვენების შემდეგ თამაშის სურათი არ შეიცვალა, ბაქრაძე რამდენიმე მცველს გასცდა, თუმცა გატანა ვერ შეძლო, ჩემინავას დარტყმულ ბურთს მეტოქე გადაეღობა და საბოლოოდ – 3:0.
საქართველო – მოლდოვა 3:0
გოლები: 1:0 დანელია (29), 2:0 ამბალია (32), 3:0 დანელია (37)
საქართველო: გაბუნია, ტატუნაშვილი, კალანდაძე, გასვიანი (პასიკაშვილი 72), ქადაგიშვილი (ბუხრიკიძე 62), ამბალია (ხაბურზანია 62), მწყერაშვილი (ჯოჯუა 80), დანელია (ჩხარტიშვილი 72), მეტონიძე (აკობიძე 80), სულაშვილი (ბაქრაძე 62), ბებია (ჩემინავა 62)
WU17 | საქართველო 3:2 ლატვია
საქართველოს ქალთა ნაკრები მოლდოვას ფრედ ეთამაშა
WU17 | ყაზახეთი 4:2 საქართველო
საქართველოს ქალთა ნაკრები მალტას დაუპირისპირდება
ქალთა ნაკრები ორ ამხანაგურ მატჩს გამართავს
კვიპროსი – საქართველო | ერთა ლიგის მეორე ტურის მატჩი
საქართველოს ნაკრებმა ანდორას თამაში შემოუტრიალა
საქართველოს ნაკრები სტუმრად კვიპროსთან დამარცხდა
საქართველოს ქალთა ნაკრები მოლდოვას ფრედ ეთამაშა

თემქაზე მოკლული ახალგაზრდის საქმეზე დაკავებულებს ბრალი დაუმძიმდათ
საქართველოს პროკურატურამ, ახალგაზრდა მასწავლებლის, გიგა ავალიანის მკვლელობის საქმეზე დაკავებულ 2 არასრულწლოვანს ბრალი დაუმძიმა, ესენია – ჯანმრთელობის განზრახ მძიმე დაზიანება, რამაც ადამიანის სიცოცხლის მოსპობა გამოიწვია და დანაშაულის შეუტყობინებლობა.
შინაგან საქმეთა სამინისტროს ცნობით, 2025 წლის 1-ელ ოქტომბერს, თბილისში, ზღვის უბნის დასახლებაში, ბრალდებულმა მეგობარ გოგონასთან არასასურველი კომუნიკაციის და ეჭვიანობის გამო, დაზარალებულს სახის არეში მუშტი დაარტყა, რის შედეგადაც იგი წაიქცა და სიცოცხლისათვის სახიფათო მძიმე დაზიანება მიიღო.
დაზარალებული 24 ოქტომბერს სამედიცინო დაწესებულებაში გარდაიცვალა. მძიმე დანაშაულის ჩადენის მომენტში შემთხვევის ადგილზე იმყოფებოდა კიდევ ერთი პირი, რომელმაც აღნიშნული ფაქტის ამსახველი ვიდეო გადაიღო და მომხდარი მძიმე დანაშაულის შესახებ სამართალდამცავ ორგანოებს არ შეატყობინა.
სამართალდამცველებმა დანაშაულის ჩამდენი არასრულწლოვანი პირი 19 ოქტომბერს დააკავეს. დაკავებულს ბრალდება საქართველოს სისხლის სამართლის კოდექსის 117-ე მუხლის პირველი ნაწილით წარედგინა და აღკვეთის ღონისძიების სახით პატიმრობა შეეფარდა. დაზარალებულის გარდაცვალების შემდგომ დაკავებულს ბრალდება დაუმძიმდა და ბრალი საქართველოს სისხლის სამართლის კოდექსის 117-ე მუხლის მე-2 ნაწილით (ჯანმრთელობის განზრახ მძიმე დაზიანება, ესე იგი სხეულის დაზიანება, რომელიც სახიფათოა სიცოცხლისთვის, რამაც გამოიწვია სიცოცხლის მოსპობა) წარედგინა.
დანაშაულის შეუტყობინებლობის ფაქტზე, 26 ოქტომბერს სასამართლოს განჩინების საფუძველზე სამართალდამცველებმა კიდევ ერთი არასრულწლოვანი დააკავეს. მას ბრალდება საქართველოს სისხლის სამართლის კოდექსის 376-ე მუხლის პირველი ნაწილით (დანაშაულის შეუტყობინებლობა იმის მიერ, ვინც ნამდვილად იცის, რომ ჩადენილია მძიმე დანაშაული) წარედგინა.
პროკურატურა დანაშაულის შეუტყობინებლობის ფაქტზე დაკავებული პირის მიმართ აღკვეთის ღონისძიების სახით პატიმრობის გამოყენების შუამდგომლობით თბილისის საქალაქო სასამართლოს კანონით დადგენილ ვადაში მიმართავს.
შინაგან საქმეთა სამინისტროში სისხლის სამართლის საქმეზე გამოძიება გრძელდება.

საბერძნეთში, „მარია კალასის“ სახელობის ისტორიულ თეატრში ქართული გალა კონცერტი – “მუსიკალური ბათუმი ათენში“ გაიმართა.
აჭარის სახელმწიფო მუსიკალური ცენტრის სიმფონიურმა ორკესტრმა, მაესტრო დავით მუქერიას დირიჟორობით, და სოლისტებმა ცნობილი ქართველი კომპოზიტორების შედევრები ააჟღერეს.
ღონისძიებას 48 ქვეყნის ელჩი და ქართული დიასპორის წარმომადგენლები ესწრებოდნენ. საღამო ანშლაგით დასრულდა.
გალა კონცერტი მიეძღვნა გამოჩენილი ქართველი ბერძენის, დიდი მაესტროს, ოდისეი დიმიტრიადის ხსოვნას.
პროექტი განხორციელდა აჭარის კულტურის სამინისტროს ორგანიზებით, საბერძნეთში საქართველოს საელჩოსა და ათენის კულტურის, სპორტისა და ახალგაზრდობის ორგანიზაციის ,,ოპანდა” მხარდაჭერით.

რომის პაპი ლეონ XIV წელს თურქეთისა და ლიბანის რვა ქალაქს ეწვევა, განაცხადა ვატიკანმა 27 ოქტომბერს. ეს მისი, როგორც პაპის, პირველი ვიზიტია იტალიის გარეთ და მოსალოდნელია, რომ ის რეგიონში მშვიდობისკენ მოწოდებით წარდგება.

ლეონი, პირველი ამერიკელი პაპი, თურქეთს 27-დან 30 ნოემბრამდე ეწვევა, შემდეგ
კი ლიბანში ჩავა და იქ 30 ნოემბრიდან 2 დეკემბრამდე დარჩება.

მისი წინამორბედი, პაპი ფრანცისკე, ამ ორივე ქვეყანაში გეგმავდა ვიზიტს, მაგრამ ჯანმრთელობის გაუარესების გამო ვეღარ შეძლო. ფრანცისკე 21 აპრილს გარდაიცვალა, ხოლო ლეონი პაპად 8 მაისს აირჩიეს.
თურქეთში ვიზიტისას, რომის პაპი მსოფლიო პატრიარქ ბართლომეოსთან ერთად, რომელსაც სტამბოლში უდევს ბინა, აღნიშნავს ადრეული ქრისტიანული ეკლესიის პირველი მსოფლიო საეკლესიო კრების – ნიკეის – 1700 წლისთავს. მსოფლიო საეკლესიო კრება ქალაქ ნიკეაში (ამჟამად იზნიკი) 325 წელს გაიმართა. ნიკეის საეკლესიო კრებაზე განიხილეს ეკლესიის უმთავრესი დოგმატიკურ-კანონიკური და იერარქიულ-ადმინისტრაციული საკითხები.

ლეონი ანკარაში შეხვდება თურქეთის პრეზიდენტს, რეჯეპ ტაიპ ერდოანს, სტამბოლში ეწვევა “ლურჯ მეჩეთს” და სტამბოლის „ფოლკსვაგენ არენაზე“ კათოლიკურ მესას ჩაატარებს.

ლიბანში, ბეირუთში პაპი შეხვდება ქვეყნის პრეზიდენტ ჯოზეფ აუნს, უმასპინძლებს რელიგიათაშორის შეხვედრას და ღია ცის ქვეშ, ბეირუთის სანაპიროზე მესას ჩაატარებს.

პაპი ასევე ილოცებს ბეირუთის პორტში 2020 წელს მომხდარი ქიმიური აფეთქების ადგილას – აფეთქებამ 200 ადამიანი იმსხვერპლა და მილიარდობით დოლარის ზარალი გამოიწვია.

თურქეთიც და ლიბანიც ძირითადად მუსლიმებითაა დასახლებული და პაპმა ფრანცისკემ თავისი 12-წლიანი მმართველობის დროს, რომლის დროსაც 47-ჯერ იმოგზაურა საზღვარგარეთ, დიდი ყურადღება დაუთმო დიალოგს მუსლიმებსა და კათოლიკეთა შორის.

რომის პაპის, ლეონ XIV-ის ლიბანში მოგზაურობის ოფიციალური დევიზია სახარებისეული „ნეტარ არიან მშვიდობისმყოფელნი“.
ფორუმი

რუსეთის პრეზიდენტი, ვლადიმერ პუტინი ჩრდილოეთ კორეის საგარეო საქმეთა მინისტრს შეხვდა, – ინფორმაციას რუსული მედია ავრცელებს.
რუსეთის პრეზიდენტმა, ვლადიმერ პუტინმა ჩრდილოეთ კორეის საგარეო საქმეთა მინისტრი, ჩოი სონ ჰუი კრემლში მიიღო.
„რუსეთისა და ჩრდილოეთ კორეის ურთიერთობები გეგმის მიხედვით ვითარდება“, – განაცხადა პუტინმა შეხვედრაზე.
ვლადიმერ პუტინთან შეხვედრამდე ჩრდილოეთ კორეის საგარეო საქმეთა მინისტრმა მოლაპარაკებები რუს კოლეგასთან, სერგეი ლავროვთან გამართა.
„რუსები ჩრდილოეთ კორეელი ჯარისკაცებისა და ოფიცრების მიერ კურსკში ჩადენილ გმირულ საქმეებს არასდროს დაივიწყებენ. ეს ხალხებს შორის მეგობრულ კავშირებს გააძლიერებს“, – განუცხადა ლავროვმა ჩრდილოეთ კორეელ კოლეგას.

საქართველოს ბანკი, როგორც განათლების მთავარი მხარდამჭერი ბანკი, მიზნად ისახავს, ხელი შეუწყოს ადამიანებს, გამოავლინონ და სრულად აითვისონ საკუთარი პოტენციალი. ამ პროცესში კი განსაკუთრებულ მნიშვნელობას განათლებას ანიჭებს. სწორედ ამიტომ, 40-ზე მეტ საგანმანათლებლო პროექტს ახორციელებს და უჭერს მხარს.
საქართველოს ბანკის ინოვაციური ბიბლიოთეკები 11 რეგიონის 25 სკოლაში
მეხუთე წელია, რაც ხარისხიან განათლებაზე ხელმისაწვდომობის გასაზრდელად საქართველოს ბანკი რეგიონების სკოლებში ინოვაციურ ბიბლიოთეკებს – იდეათეკებს ხსნის, რომელთა მეშვეობით, 18 000-ზე მეტი მოსწავლისთვის ქმნის შემეცნებისა და ახალი აღმოჩენების სივრცეს.
ყოველი იდეათეკა აღჭურვილია მრავალფეროვანი, 2000-მდე წიგნისგან შემდგარი ბიბლიოთეკით, განათლების მისაღებად საჭირო თანამედროვე ინსტრუმენტებით – კომპიუტერებით, პროექტორებით და STEM კუთხით. საქართველოს ბანკის ინოვაციური ბიბლიოთეკების რაოდენობა კიდევ გაიზრდება და უფრო მეტ ახალგაზრდას მისცემს წვდომას უსაზღვრო აღმოჩენების სივრცეზე.
საქართველოს ბანკი ხელს უწყობს ქვეყანაში მომავლის პროფესიების განვითარებას
STEM ოლიმპიადა – მოსწავლეების მომავლის პროფესიებით დაინტერესების მიზნით, საქართველოს ბანკი, კომაროვის სკოლასთან ერთად, STEM ოლიმპიადას ახორციელებს. ინიციატივის ფარგლებში კი შესაძლებლობას აძლევს მოსწავლეებს, გამოავლინონ საკუთარი ცოდნა და აღმოაჩინონ ახალი შესაძლებლობები. პროექტში მონაწილეობა 200-ზე მეტი სკოლის 1500-მდე მოსწავლემ უკვე მიიღო.
STEM ოლიმპიადაზე რეგისტრაცია მიმდინარეობს და 30 ნოემბერს დასრულდება. ოლიმპიადის ფარგლებში, გამარჯვებული სკოლის გუნდს 10 000 ლარი გადაეცემა.
ოლიმპიადაზე მონაწილეობის მისაღებად დეტალური ინფორმაცია იხილეთ ვებგვერდზე stem.school.ge
ამასთან, საქართველოს ბანკი კომაროვის სკოლასთან ერთად STEM სკოლის პროექტს ახორციელებს, რომლის ფარგლებშიც VII-XI კლასის მოსწავლეებს შესაძლებლობას აძლევს, მიიღონ როგორც თეორიული, ასევე პრაქტიკული ცოდნა და გამოცდილება.
STEM სკოლაში გაკვეთილები ონლაინ რეჟიმში ტარდება, რაც საქართველოს მასშტაბით მცხოვრებ მოსწავლეებს შესაძლებლობას აძლევს, დისტანციურად დაესწრონ გაკვეთილებს და მიიღონ ხარისხიანი განათლება. ამასთან, საქართველოს ბანკი ყოველწლიურად საუკეთესო შედეგის მქონე 90 სტიპენდიატს ასახელებს და მათ სწავლის ხარჯებს უფინანსებს – 60 მოსწავლეს სრულად, ხოლო 30-ს ნაწილობრივ.
STEM სკოლაში უკვე 1000-ზე მეტმა მოსწავლემ ისწავლა, მათგან 200-ზე მეტი კი საქართველოს ბანკის სტიპენდიატი გახდა. პროექტში მონაწილეობის მსურველებისთვის კი მიღება წელიწადში ორჯერ ცხადდება.
CODE-IT
მომავლის პროფესიების კიდევ უფრო მეტად პოპულარიზაციის მიზნით, საქართველოს ბანკი სხვადასხვა პროექტს უჭერს მხარს. მათ შორის ერთ-ერთი Code-IT-ია, რომელიც საქართველოს ბანკის, Lineate-ისა და საქართველოს ინოვაციების და ტექნოლოგიების სააგენტოს (GITA) თანამშრომლობით შეიქმნა.
პროექტი პროგრამირებით დაინტერესებულ ახალგაზრდებს შესაძლებლობას აძლევს, საქართველოს 8 ტექნოპარკში – ოზურგეთში, ბათუმში, ზუგდიდში, სენაკში, კასპში, გურჯაანში, თელავში, ახმეტასა და თბილისში (და დამატებით 5 ლოკაციაზე) დაეუფლონ პროგრამირების საფუძვლებს.
ევერესტის ოლიმპიადა
ამასთან, საქართველოს ბანკი საქართველოში ყველაზე მასშტაბური ევერესტის მათემატიკის ოლიმპიადის გენერალური სპონსორია.
ყოველწლიურად პროექტში მონაწილეობას 17 000-ზე მეტი II, III, IV, V და VI კლასის მოსწავლე იღებს.
ეს საქართველოს ბანკის მიერ განხორციელებული საგანმანათლებლო პროექტების მხოლოდ ნაწილია. ინიციატივების შესახებ დეტალური ინფორმაცია ხელმისაწვდომია ვებგვერდზე: ganatleba.bog.ge
(R)

თბილისში ახალგაზრდა მასწავლებლის გიგა ავალიანის მკვლელობის საქმეზე დაკავებულ ორ არასრულწლოვანს ბრალდება წარედგინა.
კერძოდ, საქართველოს პროკურატურამ ჯანმრთელობის განზრახ მძიმე დაზიანების, რამაც ადამიანის სიცოცხლის მოსპობა გამოიწვია და დანაშაულის შეუტყობინებლობის ფაქტებზე ორ პირს ბრალდება წარუდგინა.
შინაგან საქმეთა სამინისტროში ჩატარებული გამოძიების თანახმად, მიმდინარე წლის 1-ელ ოქტომბერს, თბილისში, ზღვის უბნის დასახლებაში, ბრალდებულმა მეგობარ გოგონასთან არასასურველი კომუნიკაციის და ეჭვიანობის გამო, დაზარალებულს სახის არეში მუშტი დაარტყა, რის შედეგადაც იგი წაიქცა და სიცოცხლისათვის სახიფათო მძიმე დაზიანება მიიღო. დაზარალებული 24 ოქტომბერს სამედიცინო დაწესებულებაში გარდაიცვალა.
გამოძიების ინფორმაციით, მძიმე დანაშაულის ჩადენის მომენტში შემთხვევის ადგილზე იმყოფებოდა კიდევ ერთი პირი, რომელმაც აღნიშნული ფაქტის ამსახველი ვიდეო გადაიღო და მომხდარი მძიმე დანაშაულის შესახებ სამართალდამცავ ორგანოებს არ შეატყობინა.
„სამართალდამცველებმა დანაშაულის ჩამდენი არასრულწლოვანი პირი 19 ოქტომბერს დააკავეს. დაკავებულს ბრალდება საქართველოს სისხლის სამართლის კოდექსის 117-ე მუხლის პირველი ნაწილით წარედგინა და აღკვეთის ღონისძიების სახით პატიმრობა შეეფარდა. დაზარალებულის გარდაცვალების შემდგომ დაკავებულს ბრალდება დაუმძიმდა და ბრალი საქართველოს სისხლის სამართლის კოდექსის 117-ე მუხლის მე-2 ნაწილით (ჯანმრთელობის განზრახ მძიმე დაზიანება, ესე იგი სხეულის დაზიანება, რომელიც სახიფათოა სიცოცხლისთვის, რამაც გამოიწვია სიცოცხლის მოსპობა) წარედგინა.
დანაშაულის შეუტყობინებლობის ფაქტზე, 26 ოქტომბერს სასამართლოს განჩინების საფუძველზე სამართალდამცველებმა კიდევ ერთი არასრულწლოვანი დააკავეს. მას ბრალდება საქართველოს სისხლის სამართლის კოდექსის 376-ე მუხლის პირველი ნაწილით (დანაშაულის შეუტყობინებლობა იმის მიერ, ვინც ნამდვილად იცის, რომ ჩადენილია მძიმე დანაშაული) წარედგინა.
პროკურატურა დანაშაულის შეუტყობინებლობის ფაქტზე დაკავებული პირის მიმართ აღკვეთის ღონისძიების სახით პატიმრობის გამოყენების შუამდგომლობით თბილისის საქალაქო სასამართლოს კანონით დადგენილ ვადაში მიმართავს.
შინაგან საქმეთა სამინისტროში სისხლის სამართლის საქმეზე გამოძიება გრძელდება”, – ნათქვამია ინფორმაციაში.

,,ამ დროისთვის, საქართველოში 10-12 ათასამდე ელექტრომობილია რეგისტრირებული”- დავით იოსავა
საქართველოში ელექტრომობილების ბაზარი სწრაფად იზრდება- E-space-ის გენერალური დირექტორის დავით იოსავას ინფორმაციით, ქვეყანაში უკვე 10-12 ათასამდე ელექტრომობილია რეგისტრირებული, ხოლო მათ აპლიკაციაში 20 ათასამდე მომხმარებელია დარეგისტრირებული, რაც მიუთითებს მზარდ ინტერესზე.
მისი თქმით, წლის ბოლომდე ელექტრომობილების რაოდენობა 15 ათასს მიაღწევს.
,,საქართველოში 10-12 ათასამდე ელექტრომობილია რეგისტრირებული, ჩვენს აპლიკაციაში კი დარეგისტრირებულია დაახლოებით 20 ათასამდე მომხმარებელი. შეგვიძლია, ჩავთვალოთ, რომ ესენი არიან მომხმარებლები, რომლებიც წინასწარ ცდილობენ ინფორმაციის მოძიებას, ან არის პოტენციური კლიენტი, რომელიც ელექტრომობილებით არის დაინტერესებული. აქედან გამომდინარე, სავსებით შესაძლებელია, 20 ათასამდე უახლოესი ერთი წლის განმავლობაში ავიდეთ. ყოველწლიურ დინამიკას რომ დავაკვირდეთ, ელექტრომობილების იმპორტის 100%-იანი ზრდა ფიქსირდება. ვფიქრობ, წლის ბოლომდე საქართველოში რეგისტრირებული ელექტრომობილების რაოდენობა 15 ათასს მიუახლოვდება”,- აღნიშნა დავით იოსავამ რადიო “კომერსანტის” ეთერში.
E-space-ის გენერალური დირექტორის თქმით, ქალაქში სწრაფი დამტენების პრობლემა ელექტრომობილების მფლობელებისთვის კვლავ მთავარი გამოწვევაა.
,,მერიის დამტენები, რაც განთავსებულია თბილისში, ნელი დამტენებია და კვლაც რჩება უფასოდ, რაც კონკურენციას ცოტას რთულს ხდის, რადგან უფასო პროდუქტს კონკურენციას ვერ გაუწევ. სწრაფ დამტენებს რაც შეეხება, რაზეც ყველაზე დიდი მოთხოვნაა, ეს დამტენები ფასიანია მთელი საქართველოს მასშტაბით. ჩვენი და კონკურენტების ფასი დაახლოებით მსგავსია, თუმცა, ჩვენი აპლიკაცია საშუალებას იძლევა, რომ მომხმარებელს შეუძლია, შეარჩიოს ადგილი, სანამ მივა, ნახოს 1 კილოვატის ღირებულება და გადაწყვიტოს, უღირს თუ არა”,- აღნიშნა space-ის გენერალურმა დირექტორმა დავით იოსავამ.

საგამოძიებო სამსახურმა, სახელმწიფოს კუთვნილი დიდი ოდენობით თანხების თაღლითურად დაუფლების ფაქტზე, ორგანიზებული ჯგუფის კიდევ ერთი წევრი დააკავა, ხოლო შვიდი პირის მიმართ დაიწყო სისხლისსამართლებრივი დევნა
„ფინანსთა სამინისტროს საგამოძიებო სამსახური აქტიურად აგრძელებს საქართველოს გარემოს დაცვისა და სოფლის მეურნეობის სამინისტროს ა(ა)იპ-სოფლის განვითარების სააგენტოს მიერ გრანტის სახით გამოყოფილი თანხების მართლზომიერად ხარჯვის კანონიერების შესწავლას და გვსურს წარმოგიდგინოთ შემაჯამებელი ინფორმაცია ამ ეტაპზე ჩატარებული ოპერატიულ-სამძებრო და საგამოძიებო მოქმედებების შესახებ“ – ინფორმაციას საგამოძიებო სამსახური ავრცელებს.
„საგამოძიებო სამსახურმა 2025 წლის 24 ოქტომბერს, საქართველოს პროკურატურასთან კოორდინაციით, სასამართლოს განჩინების საფუძველზე, სახელმწიფოს კუთვნილი დიდი ოდენობით თანხების თაღლითურად დაუფლების ფაქტზე, ორგანიზებული ჯგუფის კიდევ ერთი წევრი დააკავა, ხოლო შვიდი პირის მიმართ დაიწყო სისხლისსამართლებრივი დევნა.
საქმეზე 1000-ზე მეტი საგამოძიებო/საპროცესო მოქმედება ჩატარდა. მასშტაბური საგამოძიებო მოქმედებების შედეგად დადგენილია, რომ ორგანიზებული ჯგუფის ხელმძღვანელმა პირებმა, მოიპოვეს „მერძევეობის დარგის მოდერნიზაციისა და ბაზარზე წვდომის“ სახელმწიფო პროგრამით დაინტერესებული 219 ბენეფიციარის შესახებ ინფორმაცია, რომელთაც შესთავაზეს პროგრამით გათვალისწინებული გრანტის გარანტირებულად მიღება, სააგენტოში წარსადგენი დოკუმენტაციის მოწესრიგება და თანამონაწილეობის თანხით უზრუნველყოფა, სანაცვლოდ კი ბენეფიციარებს მოსთხოვეს და გამოართვეს სააგენტოდან გრანტის სახით ჩარიცხული თანხები.
გამოძიებით დადგინდა, რომ ბენეფიციარებისათვის საქართველოს გარემოს დაცვისა და საოფლის მეურნეობის სამინისტროს ა(ა)იპ „სოფლის განვითარების სააგენტო“-ს მიერ გრანტის სახით გამოყოფილი 12 935 750 ლარიდან, პროექტებით გათვალისწინებული სამუშაოების ღირებულებამ შეადგინა 8 824 695 ლარი, ხოლო დანარჩენ 4 111 054 ლარს ორგანიზებული ჯგუფის წევრები მართლსაწინააღმდეგოდ დაეუფლნენ.
ორგანიზებული ჯგუფის წევრებმა, დამატებით საქართველოს გარემოს დაცვისა და სოფლის მეურნეობის სამინისტროს ა(ა)იპ-სოფლის განვითარების სააგენტოსგან, კიდევ ერთი პროგრამით – სასოფლო-სამეურნეო ტექნიკის თანადაფინანსების და გადამამუშავებელი და შემნახველი საწარმოს მოწყობის სახელმწიფო პროგრამის ფარგლებში გრანტის სახით მიიღეს საერთო ჯამში 1 559 739 ლარი, რომელსაც მართლსაწინააღმდეგოდ დაეუფლნენ. დანაშაულებრივი ქმედებების სისრულეში მოსაყვანად, ბრალდებულების მიერ დამზადებული და გამოყენებული იქნა ყალბი სასაქონლო ზედნადებები, ინვოისები და აუდიტორული დასკვნები.
დანაშაულებრივი გზით მიღებული განსაკუთრებით დიდი ოდენობით ქონებისთვის კანონიერი სახის მიცემის მიზნით, ორგანიზებული ჯგუფის ხელმძღვანელმა პირებმა შეიძინეს და მათთან დაკავშირებული ფიზიკური და იურიდიული პირების სახელზე გააფორმეს უძრავი ქონებები და სატრანსპორტო საშუალებები, რაც გამოძიების პროცესში სრულად იქნა მოძიებული და დაყადაღებული.
გამოძიების ამ ეტაპზე უკვე დადასტურებულია ბრალდებულების მხრიდან ბიუჯეტის კუთვნილი 5 670 793,2 ლარის თაღლითურად დაუფლებისა და 3 008 906,67 ლარის უკანონო შემოსავლის ლეგალიზაციის ფაქტი. სისხლის სამართლის საქმეზე პასუხისგებაში მიცემულია 21 პირი. საზოგადოებას შევახსენებთ, რომ საქართველოს ფინანსთა სამინისტროს საგამოძიებო სამსახურის თანამშრომლების მიერ ა(ა)იპ-სოფლის განვითარების სააგენტოს კუთვნილი დიდი ოდენობით თანხების თაღლითურად დაუფლების, ყალბი საგადასახადო და ოფიციალური დოკუმენტების დამზადება – გამოყენების ფაქტზე, 2025 წლის ივლისსა და აგვისტოს თვეში, დაკავებულია 13 პირი, მათ შორის სოფლის განვითარების სააგენტოს პროექტების და ტექნიკური დეპარტამენტის უფროსი და სააგენტოს ყოფილი თანამშრომელი.
ინტენსიურად გრძელდება გამოძიება ორგანიზებული ჯგუფის სხვა წევრების გამოვლენის, მათ მიერ ჩადენილი სხვა დანაშაულებრივი ქმედებებისა და სახელმწიფოსთვის მიყენებული ზიანის დადგენის მიზნით.
გამოძიება მიმდინარეობს საქართველოს სისხლის სამართლის კოდექსის 180-ე მუხლის მე-3 ნაწილის „ბ“, მე-4 ნაწილის „ა“ ქვეპუნქტებით, 210-ე მუხლის მე-2 ნაწილის „ა“ ქვეპუნქტით, 362-ე მუხლის მე-2 ნაწილის „ბ“ ქვეპუნქტით და 194-ე მუხლის მე-3 ნაწილის „გ“ ქვეპუნქტით, რაც სასჯელის სახით ითვალისწინებს თავისუფლების აღკვეთას 9-დან 12 წლამდე ვადით“ – ნათქვამია ინფორმაციაში.

ერთადერთი საინტერესო ნაწილი, რაც გახარიას პარტიის წევრების პარლამენტში მუშაობას შეიძლება ახლდეს, არის ის, რომ შეგვიძლია პირდაპირ ვნახოთ თუ რა დავალებები მოდის გარედან. ეს არის პარტია, რომელიც ფორმალურადაც გარედან იმართება, გიორგი გახარიას მიერ, რომელიც გარეთ ანუ გერმანიაშია და ლენინივით გერმანიიდან ცდილობს აქ რევოლუციების ორგანიზებას, – ამის შესახებ ჟურნალისტებს პარლამენტის თავმჯდომარემ, შალვა პაპუაშვილმა განუცხადა.
მისივე თქმით, პარტია „გახარია-საქართველოსთვის“ წევრებს უწევდათ პარლამენტში ჯერ არ შესვლის, ახლა კი შესვლის გადაწყვეტილების გამართლება.
„დღეს გახარიას პარტიიდან რუსუდან თევზაძემ განაცხადა, რომ უარს ამბობს საპარლამენტო მანდატზე. ის 4 ოქტომბერს, ადგილობრივი თვითმმართველობის არჩევნებში კენჭს იყრიდა, როგორც თბილისის ერთ-ერთი რაიონის მაჟორიტარი, სადაც არის 67 ათასი ამომრჩეველი. მან მიიღო 369 ხმა. მისი აქ ყოფნა ან არ ყოფნა რამდენად მნიშვნელოვანია საქართველოს პარლამენტისთვის, აქედანაც შეგიძლიათ დაასკვნათ. ასევე, ეს ხალხი საუბრობს ლეგიტიმაციაზე, ვინც 67 ათასი ამომრჩევლისგან აიღო 369 ხმა. მესმის, რომ რთული მდგომარეობაა. წინა პარლამენტშიც იგივე იყო. გახსოვთ ნიკა მელიას განცხადება, „პუფი იქნება, ვინც შევაო“, ბოლოს პუფებად შემოვიდნენ. მათაც არ ჰქონდათ გადაწყვეტილი, რომ აქტიური მუშაობა ჰქონოდათ პარლამენტში. მანდატები არ დათმეს, მაგრამ არც პარლამენტში შემოდგეს ფიზიკურად ფეხი. ახლა უწევთ საპარლამენტო არჩევნების აღიარება და არიან რთულ მდგომარეობაში, რომ რაღაც გამართლება მოუძებნონ, მაგრამ უფრო სასაცილო მდგომარეობაში იგდებენ თავს. ჩვენ ვხედავთ, გარე მითითებებიდან გამომდინარე, რა პროცესებიც გვქონდა შარშან ოქტომბერში, როდესაც დამარცხებულს რადიკალურ ოპოზიციას, დამარცხებულ ელჩებთან, უცხოელ პოლიტიკოსებთან ერთად საკუთარი მარცხის აღიარება არ უნდოდათ. დაიწყეს გეგმა „ბე“-ზე მუშაობა იმისთვის, რომ ძალადობრივი გზით ჩამოეშორებინათ ეროვნული და ლეგიტიმური ხელისუფლება და მიეცათ საკუთარი მარიონეტებისთვის. ეს გეგმა ჩავარდა და საბოლოოდ, ჩავარდა 4 ოქტომბერს, როდესაც ხელისუფლების ვერ შემდგარ დამხობას ვუყურებდით. აქვე გავიხსენებ რასა იუკნევიჩიანეს, რომელიც გარედან გულშემატკივრობდა ხელისუფლების დამხობას და პოსტს პოსტზე წერდა იმ მომენტში, როდესაც პრეზიდენტის სასახლეში შევარდნა ხდებოდა. იქიდან გულშემატკივრობდა. შესაბამისად, ახლა უწევთ საკუთარ ამომრჩეველთან რაღაცნაირად გაამართლონ საკუთარი სამარცხვინო ქცევა – ერთი წლის განმავლობაში პარლამენტში რომ არ მუშაობდნენ და ასევე, შემოსვლა საქართველოს პარლამენტში.
ამ მხრივ ერთადერთი საინტერესო ნაწილი, რაც მათ მუშაობას პარლამენტში შეიძლება ახლდეს, არის ის, რომ შეგვიძლია პირდაპირ ვნახოთ თუ რა დავალებები მოდის გარედან, ამ სიტყვის პირდაპირი მნიშვნელობით გარედან. ფაქტობრივად, პარტიაა, რომელიც ფორმალურადაც გარედან იმართება, გიორგი გახარიას მიერ, რომელიც გარეთ ანუ გერმანიაშია და ლენინივით გერმანიიდან ცდილობს აქ რევოლუციების ორგანიზებას“, – განაცხადა პაპუაშვილმა.
შეგახსენებთ, პარტია „გახარია-საქართველოსთვის“ 2024 წლის 26 ოქტომბრის საპარლამენტო არჩევნებისადმი გამოცხადებული ბოიკოტი შეწყვიტა და მე-11 მოწვევის პარლამენტში, პარტიის 12 წევრით, შესვლის გადაწყვეტილება მიიღო.

პარლამენტის თავმჯდომარის შალვა პაპუაშვილის განცხადებით, ევრონესტის საპარლამენტო ასამბლეის მე-12 პლენარულ სესიაზე „ენჯეოშნიკების“ კვოტით „ნაციონალური მოძრაობის“ წარმომადგენლები ჰყავთ მიწვეული. როგორც შალვა პაპუაშვილმა ჟურნალისტებს განუცხადა, მათი მიწვევა არის სირცხვილი.
„ის ფაქტი, რომ ევრონესტის ამ სხდომაზე აღმოსავლეთ პარტნიორობის მხოლოდ 2 ქვეყანა იქნება წარმოდგენილი, თავად მასპინძელი სომხეთი და მის გარდა, უკრაინა, ესეც თავისთავად აჩვენებს, რომ ევროპარლამენტის მხრიდან რაღაც სწორად არ ხდება, მათ შორის ის ფაქტი, რომ ტარდება სამხრეთ კავკასიის რეგიონში და სამხრეთ კავკასიის ორი ქვეყანა, აზერბაიჯანი და საქართველო ამ სხდომაში არ მონაწილეობს. თავად ეს ფაქტი აჩვენებს, რომ ქცევა არასწორია. რაც შეეხება ევრონესტის სხდომაზე მიწვეულ პოლიტიკოსებს, სინამდვილეში, აქ „ენჯოეშნიკების“ საფარქვეშ მიწვეული ჰყავთ „ნაციონალური მოძრაობის“, „ლელოს“, „ევროპული საქართველოს“ , „დროას“ პარტიის წევრები. რამდენადაც ჩვენთვის ცნობილია, მიწვეული პირებიდან უმრავლესობა, თითქმის ყველა პოლიტიკოსები, პარტიის წევრები არიან, ქალბატონი ბოკუჩავა და ასე შემდეგ.
სინამდვილეში, ამით ევრონესტის ევროპარლამენტის მხარე გვაჩვენებს და მიუთითებს ქართველებს, თუ ვის თვლიან ისინი საქართველოს წარმომადგენლებად. საქართველოს წარმომადგენლებად „ნაცმოძრაობას“ თვლიან. ევრონესტის უკან კონკრეტული ადამიანები დგანან, ქალბატონი რასა იუკნევიჩიანე და მისი მტრული დამოკიდებულება ქართველი ხალხის მიმართ ცნობილია. გასაკვირი არ არის, რომ „ნაცმოძრაობასთან“ ჩახუტებული ქალბატონი რასა იუკნევიჩიანე „ენჯოშნიკების“ საფარქვეშ იწვევს „ნაცებს“ ევრონესტზე, რაც რა თქმა უნდა, სირცხვილია“,-განაცხადა შალვა პაპუაშვილმა.
პარლამენტის თავმჯდომარის განმარტებით, „საქართველოს ხელისუფლება ფარსში მონაწილეობას არ აპირებს“.
„მტრული რიტორიკა აქვს ზოგიერთ ევროპარლამენტარს ქართველი ხალხის მიმართ, რომლებიც არიან ევრონესტის ხელმძღვანელობაში. მტრული რიტორიკა აქვთ ქართველი ხალხის არჩევანის, ქართველი ხალხის ხელისუფლების მიმართ. რა თქმა უნდა, ჩვენ ამ მტრულ რიტორიკას ლეგიტიმაციას ვერ მივცემთ, მათ შორის, ვერ მივიღებთ იმ ფარსში მონაწილეობას, როდესაც „ენჯოეშნიკებად“ გაფორმებული ჰყავთ თინა ბოკუჩავა, გრიგოლ გეგელია და მსგავსი პოლიტიკოსები. ევრონესტი ახდენს საკუთარი თავის იზოლაციას აღმოსავლეთ პარტნიორობისგან. უნდათ, რომ რეგიონული პოლიტიკა მათ პოლიტიკურ გემოვნებაზე აეწყოს“,-განაცხადა შალვა პაპუაშვილმა.

რა შუაშია რაჟდენ კუპრაშვილი? მე ვერ ვხედავ [მის ბრალეულობას]- ასე პასუხობს თბილისის მერი, კახა კალაძე ჟურნალისტის კითხვას, ხედავს თუ არა ანტიკორუფციული სააგენტოს დირექტორის, რაჟდენ კუპრაშვილის ბრალეულობას იმაში, რომ ყოფილი პრემიერის, ირაკლი ღარიბაშვილის მიერ „წლების განმავლობაში არაკეთილსინდისიერად შევსებულ დეკლარაციაში“ ხარვეზები ვერ აღმოაჩინა.
კალა ხალაძის თქმით, საქმეზე გამოძიება მიმდინარეობს.
„რაჟდენ კუპრაშვილს, როგორ უნდა დაენახა,[ღარიბაშვილის მიერ შევსებულ დეკლარაციაში გადაცდომები], ძალიან დიდი ბოდიში? და თუ ვიღაცამ დეკლარაცია არასწორად შეავსო, ეს რაჟდენ კუპრაშვილს, როგორ უნდა…
გამოძიება მიმდინარეობს ამ მიმართულებით და საზოგადოებამ ყველაფერი მოისმინა აღნიშნულთან დაკავშირებით. რა შუაშია რაჟდენ კუპრაშვილი? მე ვერ ვხედავ [მის ბრალეულობას]. არასწორია თქვენი დამოკიდებულება. ცხადია, არა, [არაკეთილსინდისიერად არ ამოწმებდა ღარიბაშვილის დეკლარაციას]“.
ამასთან დაკავშირებით შესაბამისი უწყება მუშაობს. შესაბამისმა უწყებამ გააკეთა განმარტებები. კითხვები რაზე უნდა გასჩენოდა [კუპრაშვილის უწყებას], მოწმენდილ ცაზე ხომ არ გაუჩნდებოდა? საგამოძიებო რეპორტაჟებს რაც შეეხება, თქვენ თუ მელაძის საგამოძიებო რეპორტაჟებზე მეუბნებით, ყველა რეპორტაჟი იყო ტყუილი და სიცრუე. ვიმეორებ, თქვენ შეგიძლიათ ნახოთ, თქვენ მიერ გაჟღერებული ინფორმაციები რეპორტაჟების სახით და შემდეგ ნახოთ ბრალი, რასთან დაკავშირებით არის. ძალიან მარტივია გააკეთოთ შედარებები“, -განაცხადა კახა კალაძემ.
ცნობისთვის, ყოფილ პრემიერ-მინისტრს, ირაკლი ღარიბაშვილს აღკვეთის ღონისძიების სახით 1-მილიონიანი გირაო შეეფარდა. აღნიშნული გადაწყვეტილება თბილისის საქალაქო სასამართლოს მოსამართლემ ეკა ბარბაქაძემ მიიღო. მოსამართლის გადაწყვეტილებით, ღარიბაშვილს სხვა დამატებითი ღონისძიებებიც დაუწესდა. კერძოდ კი, მას პასპორტი ჩამოერთვა და ქვეყნის ფარგლებს გარეთ გასვლა აეკრძალა.
შეგახსენებთ იმასაც, რომ ირაკლი ღარიბაშვილს ბრალი საქართველოს სისხლის სამართლის კოდექსის 194-ე მუხლის მესამე ნაწილის „გ“ ქვეპუნქტით წარედგინა, რაც გულისხმობს უკანონო შემოსავლის ლეგალიზაციას, რასაც თან ახლდა განსაკუთრებით დიდი ოდენობით შემოსავლის მიღება. სისხლის სამართლის კოდექსით გათვალისწინებული ეს დანაშაული 9-დან 12 წლამდე პატიმრობას ითვალისწინებს.

აზერბაიჯანის საპარლამენტო (მილი მეჯლისის) დელეგაცია ევრონესტის ასამბლეის მე-12 პლენარულ სესიაში მონაწილეობას არ მიიღებს, – ამის შესახებ ევრონესტში აზერბაიჯანის დელეგაციის ხელმძღვანელმა, ტაჰირ მირკიშილიმ ადგილობრივ მედიას განუცხადა.
მისი თქმით, ევროპარლამენტის დოკუმენტები და განცხადებები, რომლებიც ევრონესტის ასამბლეის საქმიანობის ნახევარს შეადგენს, ეწინააღმდეგება აზერბაიჯანის სუვერენიტეტსა და ტერიტორიულ მთლიანობას.
„ეს განცხადებები ასევე არ უჭერს მხარს აზერბაიჯანსა და სომხეთს შორის სამშვიდობო პროცესს რეგიონში; პირიქით, ისინი ემსახურება იმ ძალების ინტერესებს, რომლებიც დაინტერესებულნი არიან რეგიონში მტრობის გაგრძელებით. აზერბაიჯანის მილი მეჯლისმა არაერთხელ გააკეთა საპროტესტო განცხადებები ამ საკითხთან დაკავშირებით. აზერბაიჯანის პრეზიდენტსა და სომხეთის პრემიერ-მინისტრს შორის მიმდინარე წლის აგვისტოში ვაშინგტონში გამართული სამშვიდობო შეხვედრის შემდეგ, რომელსაც მთელი მსოფლიო აპლოდისმენტებით შეხვდა, ევროპარლამენტის არაკონსტრუქციულმა განცხადებამ ამ ღონისძიებასთან დაკავშირებით კიდევ ერთხელ სერიოზული დარტყმა მიაყენა აზერბაიჯანის დელეგაციის ნდობას ევრონესტის საპარლამენტო ასამბლეის ფარგლებში ამ ორგანიზაციასთან თანამშრომლობის სარგებლიანობის მიმართ. ამ მიზეზების გამო, ჩვენ არ მივიღებთ მონაწილეობას ერევანში გასამართ პლენარულ სხდომაში“, – აღნიშნა ტაჰირ მირკიშილიმ.
მისი განმარტებით, ეს გადაწყვეტილება არ არის დაკავშირებული იმ ფაქტთან, რომ ღონისძიება სომხეთში ტარდება.
შეგახსენებთ, ევრონესტის საპარლამენტო ასამბლეის მე-12 პლენარულ სესია ერევანში 28-30 ოქტომბერს გაიმართება.

კიდევ ერთხელ გავალებთ, მოიძიოთ იმ გარემოს დამადასტურებელი მტკიცებულება, რომ თამარ გიორგაძე გზის სავალ ნაწილზე იმყოფებოდა და მას ხელოვნურად მაშინ კეტავდა, როცა ამისთვის შესაბამისი რაოდენობის ხალხი არ იყო, – ამ სიტყვებით მიმართა მოსამართლე ნინო ენუქიძემ შინაგან საქმეთა სამინისტროს წარმომადგენლებს.
დღევანდელ სხდომაზე აქტივისტ თამარ გიორგაძის ადმინისტრაციული სახდელის დადებაზე უნდა ემსჯელათ. აღნიშნული საქმის განხილვა გასულ სხდომაზეც იმ მიზეზით გადაიდო, რომ შინაგან საქმეთა სამინისტროს წარმომადგენლებს გიორგაძის მიერ გზის გადაკეტვის დამადასტურებელი ვიდეომტკიცებულება უნდა წარმოედგინა, თუმცა, ის არც დღევანდელ პროცესზე ჰქონდა წარმოდგენილი.
სწორედ აღნიშნულის შემდეგ მიმართა მოსამართლემ ადმინისტრაციულ ორგანოს და დამატებითი დრო განუსაზღვრა ვიდეომტკიცებულების წარდგენისთვის.
შსს-ს წარმომადგენელმა პოზიციის დაფიქსირება დააპირა, თუმცა ენუქიძემ ამის საშუალება არ მისცა.
„დავალება მოგეცით და ეს უნდა შეასრულოთ, პოლემიკა და დისკუსია აქ მიზანშეწონილად არ მიმაჩნია!“ – მიმართა მოსამართლემ შსს-ს იურისტს.
დღევანდელ სხდომაზე დაცვის მხარემ ვიდეომასალა წარადგინა, საიდანაც მათი თქმით, ირკვევა, რომ აქტივისტი გზის სავალ ნაწილზე არ იდგა და ის ტროტუარზე დააკავეს.
შემდეგი სხდომა 17 ნოემბერს, 11:00 საათზე ჩატარდება. სწორედ, ამ დროისთვის უნდა წარმოადგინოს შსს-მ ვიდეომასალა.
თამარ გიორგაძეს, 22 ოქტომბერს, რუსთაველის გამზირზე დააკვეს. მას ადმინისტრაციულ სამართალდარღვევათა კოდექსის 174-ე პრიმა მუხლის მე-10 ნაწილით და 173-ე მუხლით გათვალისწინებულ ქმედებას ედავებიან, რაც პოლიციელის კანონიერი მოთხოვნის შესუსრულებლობასა და გზის სავალი ნაწილის ხელოვნურად გადაკეტვას გულისხმობს.

რუსეთის პრეზიდენტის პრესსპიკერის, დიმიტრი პესკოვის განცხადებით, ბირთვული ძრავის მქონე ფრთოსანი რაკეტების „ბურევესტნიკის“ გამოცდაში არაფერია ისეთი, რამაც შეიძლება მოსკოვსა და ვაშინგტონს შორის ურთიერთობები დაძაბოს, – ინფორმაციას რუსული მედია ავრცელებს.
„აქ არაფერია ისეთი, რამაც შეიძლება ან უნდა დაძაბოს მოსკოვსა და ვაშინგტონს შორის ურთიერთობები“, – განუცხადა პესკოვმა ჟურნალისტებს, როდესაც უპასუხა შეკითხვას, შეიძლება თუ არა ახალი რაკეტის დაანონსებამ მოსკოვსა და ვაშინგტონს შორის ურთიერთობები დაძაბოს.
შეგახსენებთ, რუსეთის პრეზიდენტმა, ვლადიმერ პუტინმა გუშინ განაცხადა, რომ რუსეთმა წარმატებით გამოსცადა „ბურევესტნიკის“ რაკეტა, რომელსაც, მისი თქმით, მოქმედების შეუზღუდავი რადიუსი აქვს. აშშ-ის პრეზიდენტმა, დონალდ ტრამპმა ვლადიმერ პუტინის ამ განცხადებას შეუსაბამო უწოდა და აღნიშნა, რომ პუტინმა, რაკეტების გამოცდის ნაცვლად უკრაინასთან ომი უნდა დაასრულოს.

ტელეკომპანია „იმედი“ ინფორმაციას აქვეყნებს:
„გიორგი გახარიას პარტიას კიდევ ერთი შეცდომის აღიარება მოუწია. შეწყვიტეს ტელეკომპანია „იმედთან“ ბოიკოტი. ამბობენ, რომ მოცემულობა შეიცვალა, თუმცა კონკრეტულად – რა, ვერ ასახელებენ.“

არგენტინის შუალედურ საპარლამენტო არჩევნებში მემარჯვენე ალიანსმა „თავისუფლება წინ მიიწევს“, რომლის შემადგენლობაში არგენტინის პრეზიდენტის, ხავიერ მაილის „ლიბერტარიანული პარტიაც“ შედის, გამარჯვება მოიპოვა.
BBC-ის ინფორმაციით, კოალიციამ ხმების თითქმის 41% მიიღო, რითაც სენატის 24 ადგილიდან 13 და ქვედა პალატის 127 ადგილიდან 64 მოიპოვა.
ალიანსმა ასევე გაიმარჯვა დედაქალაქ ბუენოს-აირესში, რომელიც დიდი ხანია ულტრალიბერალების მთავარი მეტოქის, ყოფილი პრეზიდენტის, კრისტინა ფერნანდეს დე კირშნერის, მემარცხენე ცენტრისტული კოალიციის, „სამშობლოს ძალის“ დასაყრდენად ითვლება.
კოალიციამ შუალედურ არჩევნებში ხმების 31.6% მიიღო.
BBC-ი წერს, რომ კენჭისყრამდე მილეის მოკავშირემ, დონალდ ტრამპმა, მკაფიოდ განაცხადა, რომ აშშ-ის მიერ არგენტინისთვის ცოტა ხნის წინ გამოცხადებული 40 მილიარდი დოლარის გამოყოფა მილეის მიერ პოლიტიკური იმპულსის შენარჩუნებაზე იქნებოდა დამოკიდებული.

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, პროფესორმა დავით ნარმანიამ მონაწილეობა მიიღო აკაკი წერეთლის სახელმწიფო უნივერსიტეტის ორგანიზებით, გამართულ ენერგეტიკულ სისტემათა ინჟინერიის მე-2 საერთაშორისო კონგრესში. ინფორმაციას სემეკი ავრცელებს.
მათივე ცნობით, დავით ნარმანია პლენარულ სხდომაზე ძირითადი მოხსენებით წარდგა. მან ენერგეტიკისა და წყალმომარაგების სექტორებში განხორციელებულ პროექტებზე, გამოწვევებსა და მოსალოდნელ შედეგებზე ისაუბრა.
„სემეკის თავმჯდომარემ ყურადღება გაამახვილა კომისიის მიერ მიღებული ნორმატიული აქტების მიზნობრიობაზე, სატარიფო პოლიტიკაზე, ენერგეტიკის ეკონომიკისა და მენეჯმენტის საკითხებზე.
სემეკის მხრიდან კონფერენციაში მონაწილეობა მიიღეს და სამეცნიერო ნაშრომები წარადგინეს ელექტროენერგეტიკის, წყალმომარაგების, ბაზრის მონიტორინგისა და შიდა აუდიტის დეპარტამენტების წარმომადგენლებმა.
ენერგეტიკულ სისტემათა ინჟინერიის მეორე საერთაშორისო კონგრესის მიზანს წარმოადგენდა ექსპერტების, მკვლევარებისა და სპეციალისტების გაერთიანება ენერგეტიკის სხვადასხვა მიმართულებების შესახებ ცოდნისა და იდეების გაზიარებისთვის. კონგრესი გახსნა აწსუ-ს რექტორმა, შალვა კირთაძემ.
ენერგეტიკულ სისტემათა მე-2 საერთაშორისო კონგრესის პარტნიორია სემეკი“, – აღნიშნულია ინფორმაციაში.

ქართული ოცნების პროკრატურამ ტექნიკური უნივერსიტეტის განცხადების საფუძველზე სამსახურებრივი მდგომარეობის გამოყენებით, საქართველოს ტექნიკური უნივერსიტეტის კუთვნილი, დიდი ოდენობით ქონების მართლსაწინააღმდეგო მითვისების და გაფლანგვის ფაქტზე საქართველოს უნივერსიტეტის წინააღმდეგ გამოძიება დაიწყო.
ტექნიკურმა უნივერსიტეტმა გენერალურ პროკურატურას 17 ოქტომბერს მიმართა. სტუ-ის რექტორის დავით გურგენიძის მტკიცებით, საქართველოს უნივერსიტეტის ტერიტორია მიხეილ სააკაშვილის ოჯახმა “მიიტაცა”.
საქართველოს უნივერსიტეტის რექტორი კონსტანტინე თოფურია აცხადებს, რომ სამართლებრივად ამ საქმეს არანაირი პერსპექტივა არ აქვს და განმარტავს, რომ ქონება ეკონომიკის სამინისტროს ეკუთვნოდა და ის უნივერსიტეტს რამდენიმე მილიონად აქვს ნაყიდი.
პროკურატურის განცხადებით, გამოძიება სისხლის სამართლის კოდექსის 182-ე მუხლის მე-2 ნაწილის დ ქვეპუნქტით და მე-3 ნაწილის ბ ქვეპუნქტით 24 ოქტომბერს დაიწყო
“ტექნიკური უნივერსიტეტის რექტორის, დავით გურგენიძის განცხადების საფუძველზე, სამსახურებრივი მდგომარეობის გამოყენებით, საქართველოს ტექნიკური უნივერსიტეტის კუთვნილი, დიდი ოდენობით ქონების მართლსაწინააღმდეგო მითვისების და გაფლანგვის ფაქტზე გამოძიება დაიწყო.
პროკურატურას ტექნიკური უნივერსიტეტის რექტორმა, მიმდინარე წლის 17 ოქტომბერს განცხადებით მიმართა, სადაც საქართველოს ტექნიკური უნივერსიტეტის სარგებლობასა და მფლობელობაში არსებული, თბილისში კოსტავას ქუჩა N77-ში მდებარე უძრავი ქონების (მიწის ნაკვეთების, მასზე დამაგრებული შენობა-ნაგებობებისა და სპორტული მოედნების) შპს ,,საქართველოს უნივერსიტეტზე“ უკანონო პრივატიზების ფაქტებზე მიუთითებდა.
საქართველოს გენერალური პროკურატურის კორუფციული დანაშაულის წინააღმდეგ ბრძოლის დეპარტამენტში გამოძიება საქართველოს სისხლის სამართლის კოდექსის 182-ე მუხლის მე-2 ნაწილის ,,დ“ ქვეპუნქტით და მე-3 ნაწილის ,,ბ“ ქვეპუნქტით 24 ოქტომბერს დაიწყო. გამოძიების მიმდინარეობის და შესაბამისი სამართლებრივი შეფასებების შესახებ საზოგადოებას ინფორმაციას პერიოდულად მივაწვდით”- ნათქვამია განცხადებაში.

ჩინეთში გამართულ ფიგურული სრიალის გრან-პრის სერიის მეორე ეტაპზე წარმატებით იასპარეზეს ლუკა ბერულავამ და ანასტასია მეტელკინამ – ისინი ტურნირის ჩემპიონები გახდნენ.
მოკლე პროგრამაში ქართულმა წყვილმა 77,77, თავისუფალში კი 139,47 ქულა დაიმსახურა და პირველობა არავის დაუთმო. ორი პროგრამის ჯამში მათ 217,24 ქულა მოაგროვეს და ტურნირი გამარჯვებით დაასრულეს.
ქართული სპორტული წყვილი წელს ევროპის ჩემპიონატის ბრინჯაოს პრიზიორი გახდა. 2025 წელს მათ ჩემპიონობა იუნიორთა მსოფლიოს ჩემპიონატზე და საქართველოში გამართულ ჩელენჯერის სერიის საერთაშორისო ტურნირზეც „თრიალეთის თასი“ მოიპოვეს.

საქართველოს პროკურატურა აცხადებს, რომ ტექნიკური უნივერსიტეტის რექტორის, დავით გურგენიძის განცხადების საფუძველზე, სამსახურებრივი მდგომარეობის გამოყენებით, საქართველოს ტექნიკური უნივერსიტეტის კუთვნილი, დიდი ოდენობით ქონების მართლსაწინააღმდეგო მითვისების და გაფლანგვის ფაქტზე გამოძიება დაიწყო.
პროკურატურას ტექნიკური უნივერსიტეტის რექტორმა, მიმდინარე წლის 17 ოქტომბერს განცხადებით მიმართა, სადაც საქართველოს ტექნიკური უნივერსიტეტის სარგებლობასა და მფლობელობაში არსებული, თბილისში კოსტავას ქუჩა N77-ში მდებარე უძრავი ქონების (მიწის ნაკვეთების, მასზე დამაგრებული შენობა-ნაგებობებისა და სპორტული მოედნების) შპს ,,საქართველოს უნივერსიტეტზე“ უკანონო პრივატიზების ფაქტებზე მიუთითებდა.
“საქართველოს გენერალური პროკურატურის კორუფციული დანაშაულის წინააღმდეგ ბრძოლის დეპარტამენტში გამოძიება საქართველოს სისხლის სამართლის კოდექსის 182-ე მუხლის მე-2 ნაწილის ,,დ“ ქვეპუნქტით და მე-3 ნაწილის ,,ბ“ ქვეპუნქტით 24 ოქტომბერს დაიწყო.
გამოძიების მიმდინარეობის და შესაბამისი სამართლებრივი შეფასებების შესახებ საზოგადოებას ინფორმაციას პერიოდულად მივაწვდით”, – აცხადებენ პროკურატურაში.
საქართველოს უნივერსიტეტის თანადამფუძნებელია მიხეილ სააკაშვილის დედა გიული ალასანია. ეს უნივერსიტეტი ბოლო პერიოდია ვერბალური შეტევების ობიექტია მმართველი პარტიიდან.
დავით გურგენიძემ მისი ქონებიც დაყადაღებაც მოითხოვა.
საქართველოს უნივერსიტეტის რექტორი, კონსტანტინე თოფურია გამოეხმაურა ტექნიკური უნივერსიტეტის რექტორის მიერ მათი უნივერსიტეტის ქონების დაყადაღებისა და ჩამორთმევის მოთხოვნას.
თოფურიას თქმით, ამ საქმეს სამართლებრივად არანაირი პერსპექტივა არ გააჩნია.
„ფორმულასთან“ კომენტარში უნივერსიტეტის რექტორმა ისაუბრა საქართველოს უნივერსიტეტის წინააღმდეგ არსებულ კამპანიაზე, რომელიც დაარსების დღიდან არსებობს.
მისი განცხადებით, არსებული ქონება საქართველოს უნივერსიტეტმა ეკონომიკის სამინისტროსგან შეიძინა.
„სამართლებრივად ამ საქმეს არანაირი პერსპექტივა აქვს იმიტომ, რომ, როგორც გახსოვთ, ბატონი გურგენიძე ამბობდა, რომ სამართლებრივად ვერაფერს გავხდებითო. საქართველოს უნივერსიტეტს ყველაფერი კანონიერად აქვს შეძენილი ეკონომიკის სამინისტროდან და თვითონ გურგენიძე, წულუკიანის კომისიაზე ითხოვდა, რომ პოლიტიკური გადაწყვეტილება მიეღოთ.
რაც შეეხება ახლა შეძენას, ეს არის უტიფარი ტყუილი, რომელიც წლების განმავლობაში მეორდება. ჩვენ არაერთხელ სასამართლოში შევიტანეთ, გავასაჩივრეთ ეს, თუმცა რა თქმა უნდა, რეაგირება ამას არ ჰქონია. ეს ქონებები, თვითონ გურგენიძეც აღიარებს და მისი პრორექტორი კოპალიანიც აღიარებს, რომ იყო თავის დროზე რამდენიმე მილიონად შეძენილი. როცა საუბრობენ, რომ ტექნიკურ უნივერსიტეტს კაპიკი არ მიუღიაო, ეს ლოგიკურია. წულუკიანმაც განუმარტა, რომ ეს ქონებები ეკონომიკის სამინისტრომ გაყიდა და შემდეგ ფული შეუვიდა ეკონომიკის სამინისტროს.
ეს ქონებები იყო არა ტექნიკური უნივერსიტეტის საკუთრება, არამედ ეს იყო ეკონომიკის სამინისტროს საკუთრება, ეს იყო დაუმთავრებელი მშენებლობები, აქ არასოდეს “გეპეი” არ ახორციელებდა სასწავლო საქმიანობას, არც კვლევით საქმიანობას, ეს იყო ეკონომიკის სამინისტროს დაუმთავრებელი მშენებლობები, რომლებიც ეკონომიკის სამინისტრომ აუქციონზე გაყიდა და საქართველოს უნივერსიტეტმა რამდენიმე მილიონად შეიძინა.
საქართველოს უნივერსიტეტის წინააღმდეგ კამპანია არის დაწყებული პრაქტიკულად უნივერსიტეტის დაარსების მომენტიდან, ეს “ერთი ლარის თემა” სულ ისმოდა წლების განმავლობაში, ჯერ კიდევ წინა ხელისუფლების დროს, მერეც. ბოლო ერთი თვეა უფრო აქტიურ ფაზაში შევიდა ეს კამპანია, თუმცა მანამდეც არ ვიყავით განებივრებული მათი უყურადღებობით.
ზოგადად, როგორც ვთქვი, სამართლებრივად არანაირი პერსპექტივა ამ საქმეს არ გააჩნია. პოლიტიკურად და ზოგადად წინასწარ შეფასებას ვერ ვიტყვი, მაგრამ საქართველოს [უნივერსიტეტის] პოზიციები არის ძალიან მყარი, სამართლებრივად არის ძალიან მყარი. ეს ქონებები თავის დროზე აშშ-ის დახმარებით იქნა გარემონტებული და რეაბილიტირებული, ეს არის ერთ-ერთი საუკეთესო უნივერსიტეტი საქართველოში, წარმოიდგინეთ, ეს იყო ცარიელი კარკასები, აქ არაფერი იყო და დღეს არის შექმნილი საუკეთესო უნივერსიტეტი.
ტექნიკურ უნივერსიტეტს რომ გადასცემოდა ეს ქონებები, ტექნიკურ უნივერსიტეტს თავისი ბევრი ქონება აქვს, რომელიც ასევე მოუვლელია და გუშინ პრემიერ-მინისტრმაც აღნიშნა, რომ ძალიან სავალალო მდგომარეობაში არის უნივერსიტეტების ინფრასტრუქტურა. ჯერ იმ შენობებს მოუარონ, რაც ჩაჰბარდათ, რაც გადასცა ეკონომიკის სამინისტრომ მათ და მერე იფიქრონ მიშენებებზე”,- განუცხადა კონსტანტინე თოფურიამ „ფორმულას“.

პროკურატურამ ტექნიკური უნივერსიტეტის რექტორის, დავით გურგენიძის განცხადების საფუძველზე, სამსახურებრივი მდგომარეობის გამოყენებით, საქართველოს ტექნიკური უნივერსიტეტის კუთვნილი, დიდი ოდენობით ქონების მართლსაწინააღმდეგო მითვისების და გაფლანგვის საქმეზე გამოძიება დაიწყო.
ტექნიკური უნივერსიტეტის რექტორმა დავით გურგენიძემ პროკურატურას 17 ოქტომბერს მიმართა. გურგენიძის თქმით, „წინა ხელისუფლების დროს ტექნიკური უნივერსიტეტის ქონების დიდი ნაწილი მიიტაცა ყოფილი პრეზიდენტის [მიხეილ სააკაშვილის] ოჯახმა“. მან გიული ალასანიას უნივერსიტეტისთვის (საქართველოს უნივერსიტეტი) ქონების დაყადაღება და შემდეგ ტექნიკურ უნივერსიტეტისთვის გადაცემა მოითხოვა.
პროკურატურის განცხადების თანახმად, გურგენიძე განცხადებაში საქართველოს ტექნიკური უნივერსიტეტის სარგებლობასა და მფლობელობაში არსებული, თბილისში კოსტავას ქუჩა N77-ში მდებარე უძრავი ქონების (მიწის ნაკვეთების, მასზე დამაგრებული შენობა-ნაგებობებისა და სპორტული მოედნების) შპს ,,საქართველოს უნივერსიტეტზე“ უკანონო პრივატიზების ფაქტებზე მიუთითებდა.
საქართველოს გენერალური პროკურატურის კორუფციული დანაშაულის წინააღმდეგ ბრძოლის დეპარტამენტში გამოძიება საქართველოს სისხლის სამართლის კოდექსის 182-ე მუხლის მე-2 ნაწილის ,,დ“ ქვეპუნქტით და მე-3 ნაწილის ,,ბ“ ქვეპუნქტით 24 ოქტომბერს დაიწყო.
ტექნიკური და აგრარული უნივერსიტეტების საკითხი მოხვდა „ქართული ოცნების“ პარლამენტში შექმნილი საგამოძიებო კომისიის დასკვნაშიც, რომელსაც თეა წულუკიანი ხელმძღვანელობდა. დასკვნის წარდგენისას თეა წულუკიანმა განაცხადა, რომ საგამოძიებო კომისიამ დაადგინა, რომ 2004-2012 წლებში, „ნაციონალური მოძრაობის“ მიერ ქვეყანაში დამკვიდრებული „არაჯანსაღი მართვის მოდელი კორუმპირებული იყო“.
წულუკიანის თქმით, „ნაციონალური მოძრაობის“ მთელი მმართველობის განმავლობაში ადგილი ჰქონდა კანონგარეშე პროცესებს, რომელთა მიზანსაც ბიზნესისა და სხვა კერძო მესაკუთრეების რეკეტი და ტერორი წარმოადგენდა. ამ კონტექსტში წულუკიანმა ისაუბრა ტექნიკური და აგრარული უნივერსიტეტების ქონებებზე. მისი თქმით, ტექნიკური უნივერსიტეტის სახელმწიფო ქონება სააკაშვილის და მისი გარემოცვის წყალობით, გიული ალასანიამ ხელში ჩაიგდო.
„ოცნების“ პრემიერ-მინისტრმა ირაკლი კობახიძემ განაცხადა, რომ ყოფილი პრეზიდენტის, მიხეილ სააკაშვილის დედას, გიული ალასანიას ტექნიკური უნივერსიტეტის ინფრასტრუქტურა 1 ლარად, „თავხედურად“ გადაეცა და საინტერესო იქნება გამოძიების მიერ ამ საკითხის შესწავლა.
საქართველოს უნივერსიტეტის რექტორის, კონსტანტინე თოფურიას განცხადებით, ამ საქმეს სამართლებრივად არანაირი პერსპექტივა არ გააჩნია. მისი თქმით, საქართველოს უნივერსიტეტის წინააღმდეგ კამპანია დაარსების დღიდან არსებობს და სინამდვილეში არსებული ქონება საქართველოს უნივერსიტეტმა ეკონომიკის სამინისტროსგან შეიძინა.

რუსეთის პრეზიდენტი, ვლადიმირ პუტინი ამბობს, რომ გასულ დღეებში ჩატარებული ბირთვული ძალების წვრთნების ფარგლებში წარმატებით გამოცადეს ბირთვული ძრავის მქონე “შეუზღუდავ მანძილზე მფრენი” ფრთოსანი რაკეტა ბურევესტნიკი.
“რაც სწავლებებს, რომლებიც ჩატარდა. მსურს გენერალური შტაბის მეთაურმა მომახსენოს კიდევ ერთ მოვლენაზე, რომელიც მოკლედ ვახსენე გახსნით სიტყვაში. საუბარია შეუზღუდავი მანძილის ბურევესტნიკზე, ბირთვული ენერგეტიკული ძრავით. ვიცი, მაქვს ანგარიში, წარმოების მხრივაც და მთლიანობაშიც, ჩემთვის ცნობილია თავდაცვის სამინისტროს შეფასებაც – ეს არის უნიკალური დანადგარი, რომელიც მსოფლიოში არავის გააჩნია.” – თქვა სამხედრო ფორმაში გამოწყობილმა პუტინმა გენშტაბის უფროს ვალერი გერასიმოვთან შეხვედრის დროს.
პუტინმა ამ შეხვედრაზე გასულ დღეებში ჩატარებულ წვრთნებზე ისაუბრა და თქვა, რომ გამოცადეს “შეიარაღების პერსპექტიული ნიმუშები”. მან აღნიშნა რომ სწავლებაში მონაწილეობდა სტრატეგიული ბირთვული ძალების სამივე კომპონენტი. პუტინის თქმით, წვრთნებმა “კიდევ ერთხელ დაადასტურა რუსეთის ბირთვული ფარის საიმედობა”.
გერასიმოვმა პუტინს მოახსენა, რომ ბურევესტნიკი 21 ოქტომბერს გამოცადეს. მისი თქმით, ეს გამოცდა იმით იყო გამორჩეული, რომ რაკეტა მრავალი საათის განმავლობაში დაფრინავდა. მისი თქმით, რაკეტამ იფრინა 15 საათი და 14 000 კილომეტრი დაფარა. გერასიმოვის თქმით, რაკეტას შეუძლია ამ მანძილზე მეტი რადიუსი დაფაროს. საუბარში პუტინმა და გერასიმოვმა აღნიშნეს, რომ რაკეტა ბირთვული ძრავით დაფრინავდა.
“რაკეტის ტექნიკური მახასიათებლები საშუალებას იძლევა მისი გარანტირებული სიზუსტით გამოყენებას ნებისმიერ მანძილზე მყოფ მაღალი დაცვის მქონე ობიექტების წინააღმდეგ.” – უთხრა გერასიმოვმა პუტინს.
პუტინმა დაამატა, რომ უნდა დადგინდეს ბურევესტნიკის გამოყენების შესაძლო მეთოდები და რაკეტით არმიის შესაიარაღებლად უნდა მომზადდეს ინფრასტრუქტურა.
“ვალერი ვასილევიჩ, უნდა განვსაზღვროთ, შეიარაღების რომელ კლასს ეკუთვნის ეს ახალი სისტემა. უნდა განვსაზღვროთ გამოყენების შესაძლო მეთოდები და დავიწყოთ ინფრასტრუქტურის მზადება ჩვენს შეიარაღებულ ძალებში ამ იარაღის განსათავსებლად.” – თქვა პუტინმა.
პუტინმა ბურევესტინიკზე მუშაობის შესახებ ინფორმაცია პირველად 2018 წელს გაავრცელა. ამერიკული ანალიტიკური ცენტრი Nuclear Threat Initiative-ი წერდა, რომ 2017-2019 წლებში რუსეთმა ბურევესტნიკი, სულ მცირე, 13-ჯერ გამოცადა, თუმცა “ნახევრად წარმატებულად” მხოლოდ ორი გამოცდა დასრულდა. 2019 წელს არხანგელსკის ოლქში, სევეროდვინსკის მახლობლად მდებარე პოლიგონზე მოხდა აფეთქება, რომელსაც როსატომისა და თავდაცვის სამინისტროს 7 თანამშრომელი ემსხვერპლა. შემდეგში რუსეთის ხელისუფლებამ ირიბად აღიარა, რომ აფეთქება რადიაციულ მატერიალებზე მუშაობასთან იყო დაკავშირებული.
2023 წელს პუტინმა განაცხადა, რომ ჩაატარეს ბურევესტნიკის “ბოლო წარმატებული გამოცდა”. 2025 წლის აგვისტოში გავრცელდა ცნობები, რომ რუსეთი ამ რაკეტის კიდევ ერთი გამოცდისთვის ემზადებოდა.
21 ოქტომბერს რუსეთში ვლადიმირ პუტინის მეთაურობით სტრატეგიული ბირთვული ძალების წვრთნები ჩატარდა, მაშინ, როცა აშშ-ს პრეზიდენტ დონალდ ტრამპთან უნგრეთში შეხვედრის დაგეგმილი სამიტი გაურკვეველი ვადით გადაიდო. წვრთნების დროს გამოიყენეს ბირთვული ტრიადის ყველა კომპონენტი. რუსეთის გენშტაბის მეთაურმა, ვალერი გერასიმოვმა პუტინს მოახსენა, რომ წვრთნების მიზანი იყო “ბირთვული იარაღის გამოყენების ავტორიზაციის პროცესის” სიმულაცია.
პარალელურად, გასულ დღეებში იმუქრებოდა, რომ თუ უკრაინა, ტომაჰავკის ტიპის ფრთოსანი რაკეტების მიღების შემთხვევაში, მათ რუსეთის ტერიტორიაზე გამოიყენებს, პასუხი “ძალიან ძლიერი” იქნება.

ღვინის კომპანიების ნაწილში აცხადებენ, რომ ჯამურ ექსპორტში კლების ფონზე, მათ შემთხვევაში წელს 9 თვეში საზღვარგარეთ პროდუქციის გაყიდვების ზრდა ფიქსირდება.
როგორც BMG-სთან „რთველისში“ აცხადებენ, მათი კომპანიისთვის ძირითადი საექსპორტო ბაზარი აზიის და ევროპის ბაზარია. კომპანიის დირექტორის, თორნიკე ჭიკაძის განცხადებით, „რთველისს“ გაყიდვების 25%-იანი ზრდა აქვს და მოლოდინია, რომ წელს ჯამურად ექსპორტზე 5 მილიონ ბოთლს გაყიდიან.
რაც შეეხება ჯამურად, 9 თვის მონაცემებით, ექსპორტის კლებას, თორნიკე ჭიკაძის განცხადებით, ეს ფაქტი რუსეთის ბაზარზე ალკოჰოლურ სასმელებზე აქციზის შემოღებითაა გამოწვეული.
“ჩვენი კომპანიის გაყიდვების 80% მოდის აზიასა და ევროპაზე. წელს დაახლოებით 25%-იანი ზრდა აქვს. იცით, რომ ჩვენ არ ვართ მრავალწლიანი კომპანია, მე-5 წელს ითვლის ჩვენი კომპანია. აქედან გამომდინარე, ეს წელი ჩვენთვის როგორც საექსპორტო კუთხით, ისე შიდა ბაზარზე, განვითარებით გამოირჩეოდა. ჯამში, ვფიქრობთ, რომ წელს 20-დან 25%-მდე ზრდით დავხურავთ და 5 მილიონ ბოთლს გავიტანთ ექსპორტზე. ეს არის ჩვენი გეგმა, რაც გვინდა რომ შევასრულოთ.
რაც შეეხება, ჯამურ ციფრებს, ეს რუსეთის ბაზარზე გასულ წელს რეკორდული პროდუქციის გადატვირთვას უკავშირდება. რაც თავის მხრივ სამომავლოდ აქციზის გაძვირებას უკავშირდებოდა. ეს მაჩვენებლები ახლა უბრალოდ თავის ბუნებრივ ნორმებს უბრუნდება”, – განაცხადა თორნიკე ჭიკაძემ.
ცნობისთვის, წელს 9 თვეში საქართველოდან ექსპორტზე სულ 189.8 მლნ დოლარის ღირებულების ღვინო გავიდა, რაც წლიურად 11.5%-ით შემცირებული მაჩვენებელია. ძირითადი კლება კვლავ რუსეთის ბაზარზე მოდის, სადაც 9 თვეში ექსპორტი თითქმის 17%-ით 120.1 მლნ დოლარამდეა შემცირებული.
bm.ge

ლა ლიგის მე-10 ტურის ცენტრალურ მატჩში “ელ კლასიკო” გაიმართა, სადაც მადრიდის “რეალმა” შინ “ბარსელონა” 2:1 დაამარცხა.
72-ე წუთზე ჩაბი ალონსომ ვინისიუს ჟუნიორი შეცვალა, ბრაზილიელმა უკმაყოფილება ღიად გამოხატა და მაშინვე გასახდელს მიაშურა, მის ნაცვლად კი თამაშში როდრიგო ჩაერთო.
DAZN-ის ცნობით, ბრაზილიელმა სუპერვარსკვლავმა მთავარ მწვრთნელს შემდეგი სიტყვები უთხრა: მე?! წადი შენი!“. ალონსომ ბრაზილიელს უპასუხა და მისი დამშვიდება სცადა: “ვინი, დამშვიდდი, დაწყნარდი, გთხოვ”, რაზეც მოთამაშემ უპასუხა: “გა***ი!”. ვინისიუსი გასახდელისკენ გაემართა და თქვა: “მორჩა, გუნდს ვტოვებ!”.
შეხვედრის შემდეგ ესპანელმა სპეციალისტმა განაცხადა, რომ მომხდართან დაკავშირებით ვინისიუსს პირადად გაესაუბრებოდა.
მადრიდის “რეალი” 27 ქულით ლა ლიგას ლიდერობს და მეორეადგილოსან “ბარსელონას” 5 ქულით უსწრებს, “სამეფო კლუბი” მორიგ შეხვედრას 2 ნოემბერს, “ვალენსიას” წინააღმდეგ გამართავს.
ამბები, რომლებიც შესაძლოა შაბათ-კვირას გამოგრჩა
“კარლოს დროს მეტი თავისუფლება გვქონდა” – კარვახალმა ერთმანეთს ანჩელოტი და ალონსო შეადარა
[VIDEO] კრიტიკოსები დაადუმა – ვინისიუსმა “ლევანტეს” “ტრიველა” გაუტანა
“წინ კიდევ დიდი გზა გვაქვს გასავლელი” – ჩაბი ალონსო “ლევანტესთან” მატჩის შემდეგ
ვინისიუსმა “ატლეტიკოს” ფანებს მატჩის შემდეგ მოედანზე “რეალის” მაისური დაუფინა [VIDEO]
“სახელებს მნიშვნელობა არ აქვს, ვინც არ ირბენს, არ ითამაშებს” – ჩაბი ალონსო
“თქვა, რომ ვინისიუსს 10 წამში ნოკაუტში ჩააგდებდა, ბრაზილიელმა კი სიტყვის შესრულება გასახდელში მოსთხოვა” – “რეალის” ვარსკვლავი მორიგ სკანდალში გაეხვია [VIDEO]
“ვინისიუსი გაძევებას არ იმსახურებდა, გადაწყვეტილებას გავასაჩივრებთ”- კარლო ანჩელოტი
“ფეხბურთი ძალიან მაგრად ესმის” – ალონსომ მბაპე შეაქო
“წინ დიდი გამოცდა გველოდება” – ალონსო პსჟ-სთან მატჩის წინ
ჰოლანი ვინისიუსის ნაცვლად – ფლორენტინო პერესის გეგმა
კიდევ ერთი ვარსკვლავი – ვის ყიდვას შეეცდება “რეალი”, თუ ვინისიუსი წავა

ფრანგი ევროპარლამენტარი, ნატალი ლუაზო აცხადებს, რომ ქართველი ხალხი გასული წლის საპარლამენტო არჩევნების შემდეგ მშვიდობიან დემონსტრაციებს ყოველ დღე მართავს.
„ზუსტად ერთი წლის წინ, ვაკვირდებოდი საქართველოში საკანონმდებლო არჩევნებს. ვნახე, როგორ მოიპარა მმართველმა პარტიამ ხალხის ხმა. მას შემდეგ, დაუღალავად, რეპრესიების მიუხედავად, ქართველები ყოველდღიურად მშვიდობიან დემონსტრაციებს მართავენ“, – წერს ევროპარლამენტარი სოციალურ პლატფორმა X-ზე.

რუსეთის დედაქალაქ მოსკოვის მერის, სერგეი სობიანინის ინფორმაციით, რუსეთის საჰაერო თავდაცვამ მოსკოვისკენ მიმავალი 30 დრონი ჩამოაგდო, – ინფორმაციას რუსული მედია ავრცელებს.
სობიანინის განცხადებით, დრონების ნამსხვრევების ადგილებზე საგანგებო სიტუაციების სამსახურები მუშაობენ.
რუსული ტელეგრამ არხების ცნობით, ადგილობრივმა მაცხოვრებლებმა აფეთქებების ხმები მოსკოვის ოლქის სხვადასხვა ქალაქში, მათ შორის რუსეთის დედაქალაქშიც, გაიგონეს.

ევროპული საბჭოს პრეზიდენტი ანტონიო კოშტა სამხრეთ-აღმოსავლეთ აზიის ქვეყნების ასოციაციის სამიტის ფარგლებში ჩინეთის პრემიერ-მინისტრს, ლი ციანს შეხვდა.
„ევროკავშირი დიდ მნიშვნელობას ანიჭებს ჩინეთთან კონსტრუქციულ და სტაბილურ ურთიერთობებს. გვსურს თანამშრომლობის გაძლიერება გლობალური გამოწვევების მოსაგვარებლად“, – წერს კოშტა სოციალურ პლატფორმა X-ზე.
მისი ინფორმაციით, შეხვედრაზე ხაზი გაუსვა ევროკავშირსა და ჩინეთს შორის სავაჭრო და ეკონომიკური ურთიერთობების ხელახლა დაბალანსების მიზნით კონკრეტული პროგრესის მიღწევის აუცილებლობას.
„გავუზიარე ჩემი ძლიერი შეშფოთება ჩინეთის მიერ კრიტიკულად მნიშვნელოვანი ნედლეულის ექსპორტის კონტროლის გაფართოებასთან დაკავშირებით. მოვუწოდე მას, რაც შეიძლება მალე აღადგინოს მოქნილი, საიმედო და პროგნოზირებადი მიწოდების ჯაჭვები. ასევე გამოვხატე ევროკავშირის მოლოდინი, რომ ჩინეთი ხელს შეუწყობს უკრაინის წინააღმდეგ რუსეთის აგრესიის ომის დასრულებას“, – წერს კოშტა.
სამხრეთ-აღმოსავლეთ აზიის ქვეყნების ასოციაციის (ASEAN) 47-ე სამიტი მალაიზიის დედაქალაქ კუალა-ლუმპურში მიმდინარეობს. სამიტს მსოფლიო და რეგიონული ლიდერები ესწრებიან, მათ შორის აშშ-ის პრეზიდენტი, დონალდ ტრამპი. სამიტი გუშინ გაიხსნა და 28 ოქტომბრამდე გაგრძელდება.

შუაღამის შემდეგ აფეთქებები იყო მოსკოვში და მოსკოვის ოლქში. აფეთქებების შესახებ სოციალური ქსელების ადგილობრივი მომხმარებლები იუწყებოდნენ. მოსკოვის მერის, სერგეი სობიანინის თანახმად, საჰაერო თავდაცვის სისტემა უკრაინულ დრონებს იგერიებდა. დროებით დაკეტეს დომოდედოვოს და ჟუკოვსკის აეროპორტები.
სობიანინის ტელეგრამ არხზე 27 ოქტომბერს, ღამის პირველიდან ოთხი საათის ჩათვლით გამოქვეყნებული ცნობების მიხედვით, საჰაერო თავდაცვის ძალებმა „ჩამოაგდეს“, ან „მოიგერიეს“ საერთო ჯამში, 30-ზე მეტი დრონი, რომლებიც „მოსკოვისკენ მიფრინავდნენ“. ყველა ამ შეტყობინებას თან ახლდა სტანდარტული ტექსტი, რომ „ნამსხვრევების ჩამოცვენის ადგილზე მუშაობენ საგანგებო სამსახურების სპეციალისტები“. კონკრეტული ადგილები სობიანინს არ დაუსახელებია.
ტელეგრამ-არხის, ASTRA-ს ცნობით, მოსკოვში აფეთქებების შემდეგ კვამლი იყო დაბა კომუნარკას ტყის მასივში. ეს დაბა უშუალოდ მოსკოვის შემადგენლობაშია და რუსეთის დედაქალაქის წრიულ საავტომობილო გზასთან მდებარეობს.
მოსკოვის ოლქის ქალაქ სერპუხოვში ხანძარი იყო ნავთობის ბაზაზე. ქალაქის ადმინისტრაციას ხანძრის გამომწვევი მიზეზი არ დაუსახელებია.
26 ოქტომბერს რუსეთის ჯარებმა უპილოტო საფრენი აპარატებით მორიგი შეტევა მიიტანეს უკრაინის დედაქალაქ კიევზე. დაიღუპა 3 და დაშავდა 30-ზე მეტი ადამიანი.
ფორუმი

რუსეთის დედაქალაქ მოსკოვის მერის, სერგეი სობიანინის ინფორმაციით, რუსეთის საჰაერო თავდაცვამ მოსკოვისკენ მიმავალი 30 დრონი ჩამოაგდო, – ინფორმაციას რუსული მედია ავრცელებს.
სობიანინის განცხადებით, დრონების ნამსხვრევების ადგილებზე საგანგებო სიტუაციების სამსახურები მუშაობენ.
რუსული ტელეგრამ არხების ცნობით, ადგილობრივმა მაცხოვრებლებმა აფეთქებების ხმები მოსკოვის ოლქის სხვადასხვა ქალაქში, მათ შორის რუსეთის დედაქალაქშიც, გაიგონეს.

უკრაინის პრეზიდენტის, ვოლოდიმირ ზელენსკის განცხადებით, მისი ქვეყანა კიდევ უფრო მეტ Mirage-ის ტიპის მოიერიშე თვითმფრინავებს და საჰაერო თავდაცვის რაკეტებს მიიღებს.
„მინდა, განსაკუთრებული მადლიერება გამოვხატო გაერთიანებული სამეფოსა და საფრანგეთის მიმართ: საფრანგეთმა მიიღო გადაწყვეტილება, უკრაინას მიაწოდოს დამატებითი Mirage-ის გამანადგურებლები და საჰაერო თავდაცვის რაკეტები, ხოლო გაერთიანებული სამეფო გააგრძელებს დახმარებას საჰაერო თავდაცვაში რაკეტების მიწოდებით და უპილოტო საფრენი აპარატების მოსაგერიებელი დრონების წარმოებით – მადლობა ამისთვის“, – წერს ზელენსკი სოციალურ პლატფორმა X-ზე.
ამასთან, მისი ინფორმაციით, ასევე, ფინეთმა და ესპანეთმა მიიღეს ახალი გადაწყვეტილებები ამერიკული იარაღის, მათ შორის Patriot-ებისთვის რაკეტების შესყიდვის მექანიზმში – PURL ინიციატივაში – მონაწილეობის შესახებ.
„ამაზე სრული ფოკუსირებით ვმუშაობთ და ევროპელ პარტნიორებთან ჩვენი თავდაცვის შეთანხმებები აშკარად მუშაობს. ვამზადებთ ახალ პროექტებს – იქნება მეტი ერთობლივი იარაღის წარმოება“, – აცხადებს ზელენსკი.
მისი თქმით, იმისათვის, რომ მსოფლიომ რუსეთს ძალის პოზიციიდან მიმართოს, უკრაინა თავად უნდა იდგეს მყარად.
„მნიშვნელოვანია, ყოველთვის შევადაროთ ის, რისი გაკეთება და როდის ჰქონდათ რუსებს ნაბრძანები, იმას, რაც მათ რეალურად შეძლეს. უკრაინის წინააღმდეგობა ნამდვილად გმირულია“, – აცხადებს ზელენსკი.

ამათმა, საჯაროდ ჩვენებების მიცემა დაიწყეს?
ანუ აღიარებენ რომ არჩევნების გამყალბებლები არიან ხოო?

შეაჩერე კორუფციას თანადამფუძნებელი, ქეთევან ენუქიძე:
პროტესტს ვინც გულშემატკივრობს, მათი დიდი ნაწილი ვერ დარეგისტრირდება სურვილის შემთხვევაშიც კი და სრულიად პრაგმატული მიზეზით.
პირადად მე არ მაქვს წინაღობა, მაგრამ მოტივია გაუგებარი…
რატომ? ვინ უნდა დამაორგანიზოს?
პწიჩკა უნდა დამისვან, თუ კრესწიკი?
თუ არ დავორგანიზდი ამათ ბაბლში, ე.ი. პროტესტს ვემიჯნები?
სრულ სურათს მაინც ვერ შექმნიან და არასრული რა ჯანდაბად უნდათ?
რა @@@ობაა ეს საერთოდ?
ვინმემ მიხუროს ფსიხუშკის კარი, ბოლოს და ბოლოს!
ყველა გარეთ როგორ არის?!

კრისტალბეთ ეროვნულ ლიგაში 30-ე ტური დაიწყო. ისევ შეიცვალა ლიდერი: იბერია 1999-მა დილას მოუგო. ექვსქულიანს რომ ეძახიან, ასეთი მატჩი იყო. მეორე შეხვედრაში კი გაგრამ დინამო ბათუმი დიდი ანგარიშით დაამარცხა.
იბერია 1999 2:1 დილა
ექვსქულიანს რომ ეძახიან, ამ რანგის მატჩი იყო. პირველ-მეორეზე მყოფი გუნდების დაპირისპირება ვნახეთ.
იბერია 1999 დაწინაურდა გიორგი ჯინჯოლავას ლამაზი გოლით. მარცხენა მცველმა შორიდან გაუტანა დავით კერესელიძეს.
ეს მე-13 წუთზე მოხდა და მალევე, მასპინძლები ათი კაცით დარჩნენ: არბიტრმა ალეკო აფციაურმა VAR-ზე ნახა გურამ გოშთელიანის უხეშობა და წითელი ბარათი უჩვენა.
ტაიმის ბოლოს დილას კარში პენალტი დაინიშნა. არეულობაში, იბერიელთა მცველმა გიორგი ჯგერენაიამ თავით ძელს მოარტყა ბურთი და იმ დარტყმის მომენტში სირილ ედუძის ფეხი მოხვდა თავში. პენალტი არ გავიდა: კესერელიძემ აუღო ლუკა სილაგაძეს.
ზედ შესვენების წინ კი ისევ ჯინჯოლავამ ითამაშა მშვენივრად. კუთხურიდან კარისკენ ჩაახვია და იქ დილას ფეხბურთელ დეო ბასინგასაც შეეხო ბურთი, რის შემდეგაც კარში შევარდა – 2:0.
სხვაობა ბოლოს შემცირდა. 89-ე წუთზე დილას შემტევმა ოთარ ფარულავამ შორიდან დარტყმით გაიტანა. მეტი კი ვეღარ მოახერხეს გორელებმა.
რა ხდება ცხრილში? გუნდები ქულებით გათანაბრდნენ, მაგრამ პირველზე იბერია 1999 გადავიდა. ცნობისთვის: იბერია 1999 და დილა ჩემპიონატს თმაბარი ქულებით თუ დაასრულებენ, ჩემპიონები თბილისელები გახდებიან, რადგან ურთიერთშეხვედრებში სჯობნიან მეტოქეს.
გაგრა 4:1 დინამო ბთ
პირველივე წუთზე, კერძოდ 44-ე წამზე დაწინაურდა გაგრა. გიორგი ხარებაშვილმა ისარგებლა ბათუმელთა მეკარე საბა ისმაილოვის შეცდომით და ცარიელ კარში გაიტანა – 1:0.
მეორე ტაიმის საწყის წუთებში ბათუმელთა ნახევარმცველმა უერდი მარამ ძელს მოარტყა ბურთი. არ გაუმართლა. აი, ამას მოჰყვა გაგრას შეტევა, ილია სკრიპნიკის პასი და ხარებაშვილის ზუსტი დარტყმა. ასე მიითვალა დუბლი ხარებაშვილმა.
მე-60 წუთზე ლუკა წულუკიძემ პენალტის უფლება მოიპოვა, თავადვე დაარტყა და არსენ სიუკაევმა მოიგერია ბურთი.
შემდეგ ვნახეთ რატი არდაზიშვილის გარღვევა, დაბალ კუთხეში დარტყმა და ანგარიშიც 3:0 გახდა.
მალევე, გაგრას კარში კიდევ ერთი პენალტი დაინიშნა. ისევ წულუკიძემ დაარტყა და ამჯერად გაიტანა…
ბოლოს კი გიორგი პაპუაშვილი საბა ზოიძის პასის შემდეგ მეკარესთან პირისპირ დარჩა და გატანა არ გასჭირვებია – 4:1.
დინამო ბათუმს 10-მატჩიანი მოუგებელი სერია აქვს, მაგრამ მეხუთე ადგილზე რჩება. გაგრა მეექვსეზეა და ერთი ქულითღა ჩამორჩება ბათუმელებს.
erovnuliliga.ge
ფანცულაია გოლებს აგროვებს; “სამგურალმა”, “გარეჯმა” და “თელავმა” გაიმარჯვეს
ლიდერი ისევ “დილაა”; “ტორპედომ” კი იბერიელებს აჯობა
“გაგრას” ლიუბენოვიჩი ჩაუდგა სათავეში
“ძალიან დაბალი დონის ჩემპიონატი გვაქვს, ყოველი წელი უარესია” – გიორგი ჭიაბრიშვილი “გარეჯთან” გამარჯვების შემდეგ
ფრე დინამოების დაპირისპირებაში; წყალტუბოელთა მოგება ფოთში
27-ე ტური. ლიდერსა და მდევარს შორის სხვაობა შემცირდა
ქეცბაია ტრიბუნაზე, ჩვეული კანკავა, ნაკლებად დასამახსოვრებელი ოქრიაშვილი – 19 წლის ბრაზილიელის ლამაზი გოლი… [VIDEO]
ფანცულაია გოლებს აგროვებს; “სამგურალმა”, “გარეჯმა” და “თელავმა” გაიმარჯვეს
ლიდერი ისევ “დილაა”; “ტორპედომ” კი იბერიელებს აჯობა

,,ფედერალისტების” დამფუძნებელმა, თამარ ჩერგოლეიშვილმა რუსთაველზე, აქციის მსვლელობისას განაცხადა:
,,ერთადერთი, რაც ჩვენ გვჭირდება იმისთვის, რომ რეჟიმი ბოლომდე მოვგუდოთ პოლიტიკურად არის უკეთესი ორგანიზება, ამიტომ ყველას, ვინც ამ პროტესტს გულშემატკივრობთ, გთხოვთ, რომ დარეგისტრირდეთ წინააღმდეგობის გვერდზე და გაგვაგებინოთ ვინ ხართ, იმისთვის რომ უკუკავშირი შევძლოთ, უკეთ ვორგანიზდეთ, უკეთ დავიცვათ ერთმანეთი, არ დავაჭერინოთ რეჟიმს არავინ, იმისთვის რომ პროტესტი რეჟიმს უფრო ძვირი დავუსვათ, ვიდრე ჩვენ და გავიტანოთ გოლი.”

ესპანეთის ჩემპიონატს 2 ერთპიროვნული ლიდერი ჰყავს – 4-დან 4 გამარჯვების მქონე “ვალენსია” და “ტენერიფე”. ამ უკანასნელის ლიდერი გიორგი შერმადინია, რომელიც სტაბილურად მაღალ დონეზე თამაშობს. გასულ, მე-4 ტურის მატჩში შერმადინი ისევ გამოირჩა. მან თავისი გუნდის მორიგ, ზედიზედ მეოთხე გამარჯვებაში ტრადიციულად სოლიდური წილი დაიდო.
“ტენერიფემ” ერთ-ერთ მთავარ კონკურენტ “უნიკახას” უმასპინძლა, რომლის დამარცხებაც არ გასჭირვებია – 95:79. მასპინძლებს მარსელო უერტასმა და გიორგი შერმადინმა ულიდერეს. ბრაზილიელმა თამაში 19 ქულით, 2 მოხსნითა და 6 პასით დაასრულა, ქართველმა კი 15 ქულა, 8 მოხსნა და 2 პასი მიითვალა. შერმადინმა 6-იდან 5 ორქულიანი ჩააგდო და 5-ივე საჯარიმო ზუსტად ისროლა. შერმადინი, რომელსაც სარგებლიანობის კოეფიციენტი ყველაზე მაღალი ჰქონდა (22), მატჩის MVP-ად დასახელდა.
მაღალი ალბათობით, ტენერიფეს 36 წლის ქართველი ცენტრი ლიგა ენდესის ოქტომბრის MVP-ადაც დასახელდება, მისი გუნდი კი მომდევნო ტურში “ბასკონიას” ესტუმრება (2 ნოემბერს). მანამდე კი, 28 ოქტომბერს, შერმადინის გუნდს ჩემპიონთა ლიგაში გასვლაზე ბურსას “ტოფაშთან” ითამაშებს.
FBF.GE
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
[VIDEO] ბოლდუინის პირველი სასტარტო “ბაიერნში” – გერმანულმა გუნდმა “მილანი” დაამარცხა
შენგელია საუკეთესო იყო – “ბარსელონა” სახლში დამარცხდა
გიორგი შერმადინის 25-ე MVP და ესპანეთის ჩემპიონატის რეკორდი!
[VIDEO] შერმადინის და უერტასის დუეტი კვლავ ბრწყინავს – “ტენერიფემ” “მურსია” დაამარცხა
[VIDEO] შერმადინი მაგრად იწყებს – ქართველის 28 ქულა, MVP-ის ტიტული და გამარჯვება “მანრესასთან” პირველ ტურში
შერმადინი “ტენერიფეს” უკაპიტნებს | ესპანეთის უმაღლეს ლიგაში 4 ქართველი ითამაშებს
[VIDEO] “ტენერიფე” ჩემპიონთა ლიგას გამარჯვებით იწყებს – შერმადინმა მოედანზე 23 წუთი გაატარა
[VIDEO] შერმადინის ზედიზედ 30-ე საშინაო გამარჯვება ჩემპიონთა ლიგაში | “ტენერიფემ” “ჰერცლია” დაამარცხა

ნინო წილოსანმა ,,იმედზე” სალომე ზურაბიშვილზე განაცხადა:
„სალომე ზურაბიშვილი არც თავისი არჩევნების დროს იყო ლეგიტიმურად არჩეული, ვგულისხმობ იმას, რომ პირველ ტურში მან ფაქტობრივად წააგო თავის ოპონენტთან. ის ვერ გახდებოდა პრეზიდენტი, რომ არა მეორე ტური, სადაც „ქართული ოცნება“ დაუდგა მას გვერდით და „ქართული ოცნების“ ხარჯზე გაიმარჯვა სალომე ზურაბიშვილმა.
სალომე ზურაბიშვილი არც მაშინ იყო შინაარსობრივად არჩეული პრეზიდენტი, მთლიანი მხარდაჭერა „ქართულ ოცნებას“ ეკუთვნოდა და ახლა მით უფრო, როდესაც ის საქართველოს გამყიდველი ყოფილი პრეზიდენტია, რომელიც თავს აცხადებს მიმდინარე პრეზიდენტად.“

უკრაინის პრეზიდენტი ვოლოდიმირ ზელენსკი აცხადებს, რომ კიევში დასრულდა მრავალსაათიანი სამაშველო საქმიანობა:
„დასრულდა სამაშველო სამუშაოები კიევში, საცხოვრებელ შენობაზე რუსეთის „შაჰედის“ დარტყმის ადგილას. მაშველები ღამის შემდეგ მუშაობდნენ და დიდი დრო დასჭირდა სახანძრო ძალისხმევას.
მხოლოდ დღეს, მარტო კიევში, სამი ადამიანია მოკლული რუსეთის თავდასხმის შედეგად, 31 დაშავდა, მათ შორის 7 ბავშვია”.
უკრაინის პრეზიდენტის თანახმად, ბოლო ერთი კვირის განმავლობაში რუსებმა უკრაინის წინააღმდეგ გამოიყენეს “თითქმის 1200 მოიერიშე დრონი და სხვადასხვა ტიპის 50 რაკეტა – უმრავლესობა, ბალისტიკური. ასეთი საფრთხისგან დაცვა მხოლოდ კოლექტიური ძალისხმევით არის შესაძლებელი – მსოფლიოში არც ერთი სახელმწიფო უნდა დარჩეს მარტო ამის წინაშე”.
ზელენსკი ჩამოთვლის ბოლოდროინდელ კომუნიკაციას ევროპელ ლიდერებთან:
“ვესაუბრე გერმანიის კანცლერს და გვაქვს კომუნიკაცია სხვა ევროპელ პარტნიორებთან „პატრიოტებთან“ დაკავშირებით. განსაკუთრებულ მადლიერებას გამოვხატავ გაერთიანებული სამეფოსა და საფრანგეთის მიმართ: მიღებულია გადაწყვეტილება საფრანგეთის მიერ უკრაინისთვის დამატებითი „მირაჟის“ მოიერიშე თვითმფრინავებისა და საჰაერო თავდაცვის რაკეტების მიწოდებაზე. გაერთიანებული სამეფო გააგრძელებს ჩვენს დახმარებას საჰაერო თავდაცვის კუთხით: რაკეტების მოწოდებითა და გადამტაცი დრონების წარმოებით. ახალი გადაწყვეტილებები მიიღეს ფინეთმა და ესპანეთმა PURL-ის ინიციტივის ფარგლებში წვლილის შეტანით – ეს არის ამერიკული იარაღის შეძენის მექანიზმი, მათ შორის „პატრიოტებისთვის“ საჭირო რაკეტების”.
ზელენსკის ინფორმაციით, მზადდება ახალი პროექტები:
“იქნება მეტი იარაღის ერთობლივი წარმოება. იმისთვის, რომ მსოფლიო რუსეთს ძლიერის პოზიციიდან ელაპარაკოს, ჩვენ უკრაინაში უნდა ვიდგეთ ძლიერად. უმნიშვნელოვანესია იმის შედარება – რას და რამდენ ხანში გეგმავდნენ რუსები, იმასთან – რა მოახერხეს სინამდვილეში”.
უკრაინის პრეზიდენტი ლაპარაკობს ფრონტზე არსებულ ვითარებაზეც. მათ შორის, პოკროვსკზე ამბობს:
“ქალაქში არიან მტრის სადაზვერვო და დივერსიული ჯგუფები. ლოჯისტიკა კვლავაც რთულია. თუმცა, ჩვენ უნდა გავაგრძელოთ ოკუპანტის განადგურება; უნდა გავაგრძელოთ მაქსიმალური დანაკარგების მიყენება რუსებისთვის”.
25 ოქტომბერს ღამით რუსეთმა დრონებით მიიტანა იერიში კიევზე.
კიევის მერის, ვიტალი კლიჩკოს თქმით, კიევის დესნიანსკის რაიონში, “შაჰედის” ნამსხვრევები მოხვდა ცხრასართულიან საცხოვრებელ შენობას, რის შედეგადაც გაჩენილმა ხანძარმა მოიცვა რამდენიმე სართული. დრონების იერიშის შედეგად ასევე დაზიანდა კიდვ ერთი ცხრასართულიანი შენობის ფასადი და ზედა სართულების გადახურვა.
ფორუმი

ჰელიუმი ყველაზე მეტად ბუშტებთან ასოცირდება, თუმცა ის გაცილებით უფრო მნიშვნელოვანი აირია. იგი აქტიურად გამოიყენება თანამედროვე ინდუსტრიაში — მაგნიტურ-რეზონანსული ტომოგრაფიის აპარატებში ზეგამტარი მაგნიტების გაგრილებიდან დაწყებული კვანტური გამოთვლების კვლევებით დამთავრებული.
Frontiers International-ის მონაცემების გამოყენებით, Visual Capitalist-მა ის ქვეყნები გამოავლინა, რომლებსაც ჰელიუმის უდიდესი მარაგები აქვთ.
როგორც მონაცემები აჩვენებს, 20.6 მილიარდი მ³ ჰელიუმის მარაგით მსოფლიოში ამერიკის შეერთებული შტატები ლიდერობს. მისი მარაგი ორჯერ მეტია კატარის მარაგზე, რომელიც 10.1 მილიარდი მ³-ით სიაში მეორე პოზიციას იკავებს. ჩამონათვალში ასევე ვხვდებით ალჟირს, რუსეთსა და კანადას, ხოლო მსოფლიოს დანარჩენ ქვეყნებზე ჰელიუმის მარაგების შედარებით მცირე წილზე მოდის.
ჰელიუმი უნიკალურია იმით, რომ ის დედამიწაზე არაგანახლებადი რესურსია. იგი რადიოაქტიური დაშლის გზით წარმოიქმნება და ხშირად მოიპოვება ბუნებრივი აირის წარმოების თანმდევი პროდუქტის სახით. ატმოსფეროში გამოყოფის შემდეგ, ჰელიუმი კოსმოსში ხვდება, რაც იმას ნიშნავს, რომ მისი აღდგენა ან გადამუშავება ადვილად შეუძლებელია.
ინერტული, ულტრამსუბუქი და უკიდურესად ცივი აირის თვისებებით, ის შეუცვლელია კრიოგენული, ნახევარგამტარული წარმოებისა და აერონავტიკური ტექნოლოგიებისთვის.
მისი მნიშვნელობის მიუხედავად, ჰელიუმის მიწოდების ჯაჭვები კვლავ მყიფეა. ბოლო წლებში, ქარხნების გათიშვის, გეოპოლიტიკური დაძაბულობისა და ბაზრის რყევების კომბინაციამ ჰელიუმის დეფიციტი გამოიწვია. გლობალური წარმოება წელიწადში მხოლოდ 0.2 მილიარდი მ³-ია, მომდევნო ათწლეულებში კი მარაგი შეიძლება კიდევ უფრო კრიტიკული გახდეს.
ჰელიუმ-3, იშვიათი იზოტოპი, რომელიც დედამიწაზე უხვად არ გვხვდება, მთვარის ზედაპირზე უფრო დიდი რაოდენობით არსებობს. მეცნიერები და კომპანიები აქტიურად იკვლევენ გზებს, თუ როგორ შეიძლება ჰელიუმ-3-ის მოპოვება ბირთვული შერწყმისთვის პოტენციური გამოყენებისთვის, რამაც შესაძლოა მალე მთვარე სტრატეგიული რესურსების ცენტრად აქციოს.
შენიშვნა: აშშ-ის მაჩვენებელი დამოკიდებულია შეფასების მეთოდოლოგიაზე — ცხრილში მოცემულია მონაცემები, რომლებიც მოიცავს როგორც დადასტურებულ, ისე ნაკლებად შესწავლილ მარაგებს.
forbes.ge

პორტუგალიის ჩემპიონატის მეცხრე ტურში „სპორტინგმა“ გასვლაზე ერთ-ერთი აუტსაიდერი „ტონდელა“ 3:0 დაამარცხა.
სტუმართა გუნდის მწვრთნელმა რუი ბორჟესმა ნახევარმცველი გიორგი ქოჩორაშვილი წინა ორ მატჩში სათადარიგოთა შორის დატოვა, დღეს კი 90-ე წუთზე 18 წლის ჟოაო სიმოეშის ნაცვლად შეუშვა შეცვლაზე.
ჩემპიონატს 22-22 ქულით „პორტუ“ და „სპორტინგი“ ლიდერობენ, თუმცა პორტუელებს 1 მატჩით ნაკლები აქვთ ჩატარებული. მათ 1 ქულით „ბენფიკა“ ჩამორჩება. „სპორტინგი“ მომდევნო შეხვედრას 29 ოქტომბერს გამართავს – თასის მეოთხედფინალში „ალვერკას“ უმასპინძლებს.
ტონდელა – სპორტინგი 0:3
გოლები: 0:1 სუარესი (18), 0:2 გონსალვეში (59), 0:3 კენდა (90+2)
ორივე ქართველი სასტარტოში და “მეცის” მორიგი წაგება
კიტეიშვილი შეცვლაზე შევიდა – “შტურმი” “ვოლფსბერგერთან” დამარცხდა
[VIDEO] ლოჩოშვილის მოპოვებული პენალტით “ნიურნბერგმა” “კაიზერსლაუტერნთან” ფრეს მიაღწია
“მისით არ ვინტერესდებით” – “სპორტინგმა” საფონოვთან დაკავშირებული ჭორები უარყო
ქოჩორაშვილი სათადარიგოთა შორის დატოვეს – “სპორტინგი” 1/16-ფინალში ძლივს გავიდა
ქოჩორაშვილი არ ათამაშეს – “სპორტინგი” “ნაპოლისთან” დამარცხდა
მაღალი შეფასებები – ლომინაძემ პორტუგალიური გუნდის სასტარტოში დაიმკვიდრა ადგილი
დღეს – კვარაცხელია დაბრუნებულ დემბელესთან ერთად, მიქაუტაძე “სიტის” დასამწუხრებლად
“თავი არ დავხაროთ და ამ დაცემაზე ვისწავლოთ!” – ქოჩორაშვილი ესპანეთთან მატჩის შემდეგ
მამარდაშვილი “აინტრახტთან” სასტარტოშია, ქოჩორაშვილი “მარსელთან” სათადარიგოა
ბუდუ ზივზივაძე: პორტუგალიის პრიმეირას გუნდსაც ვუნდივარ
“სპორტინგი” შეიძლება ქოჩორაშვილის უშუალო კონკურენტმა დატოვოს
ქოჩორაშვილი შეცვლაზე და “სპორტინგის” ხელიდან გაშვებული გამარჯვება

რუსუდან თევზაძე აცხადებს, რომ უარს ამბობს პარლამენტის მანდატზე და ტოვებს პარტიას “გახარია-საქართველოსთვის”.
მისი თქმით, გადაწყვეტილება, არცერთ შემთხვევაში, არ არის მიმართული პოლიტიკური ძალის „გახარია საქართველოსთვის“ წინააღმდეგ, თუმცა დღეს და ახლა, საქართველოსთვის უკიდურესად მძიმე საშინაო და საგარეო გამოწვევების ფონზე, მივიღე ადამიანურად ურთულესი, მაგრამ ვფიქრობ მოქალაქეობრივად სწორი გადაწყვეტილებააზ
“მოგეხსენებათ, რომ 2021 წლიდან ვარ პარტია „გახარია საქართველოსთვის“ პოლიტსაბჭოს წევრი და განათლებისა და კულტურის მიმართულების კურატორი. სწორედ, პოლიტიკური პარტიის წევრის სტატუსით ვცდილობდი, ქვეყნისთვის სასიკეთო საქმეების კეთებას. მოგეხსენებათ ისიც, რომ მაქვს დეპუტატის მანდატი, რომელიც კოლეგებთან და მეგობრებთან, რთული და წინააღმდეგობებით აღსავსე ერთობლივი მუშაობით მივიღე. თუმცა, დღეს და ახლა, საქართველოსთვის უკიდურესად მძიმე საშინაო და საგარეო გამოწვევების ფონზე, მივიღე ადამიანურად ურთულესი, მაგრამ ვფიქრობ მოქალაქეობრივად სწორი გადაწყვეტილება, ჩემი შვილებისა და მათი თაობის მომავლის სასარგებლოდ. უარს ვამბობ პარლამენტის მანდატზე და ვტოვებ პარტიას.პ.ს.ხმამაღლა და მკაფიოდ ვაცხადებ, რომ ჩემი გადაწყვეტილება, არცერთ შემთხვევაში, არ არის მიმართული პოლიტიკური ძალის „გახარია საქართველოსთვის“ წინააღმდეგ. ჩემი კოლეგები, ჩემთვის კვლავაც რჩებიან მეგობრებად და ჩემთვის პატივსაცემ პროფესიონალ ადამიანებად და ვუსურვებ მათ წარმატებას ამ გზაზე”, – წერს ის სოციალურ ქსელში.

ყოფილი პარლამენტარი ხათუნა ხოფერია დღეს გამართულ საპროტესტო მსვლელობას ეხმაურება:
,,ოპოზიცია “ ქართული ოცნების” გამარჯვების წლისთავს აღნიშნავს! გამარჯვებაც ასეთი უნდა!”

ევროპარლამენტმა მართვის მოწმობის გაცემის ახალი წესები შემოიღო. ეს ნაბიჯი მიზნად ისახავს საგზაო უსაფრთხოების გაუმჯობესებას და ავტოსაგზაო შემთხვევების რაოდენობის შემცირებას, რომლებსაც ევროკავშირში ყოველწლიურად დაახლოებით 20 000 ადამიანი ეწირება.
ახალი დირექტივის თანახმად, მართვის მოწმობის ჩამორთმევის, შეჩერების ან შეზღუდვის შესახებ უნდა ეცნობოს იმ ქვეყანას, რომელმაც ის გასცა. ეს უზრუნველყოფს ტრანსსასაზღვრო სანქციების დაწესებას ისეთი სერიოზული დანაშაულებისთვის, როგორიცაა ალკოჰოლის ან ნარკოტიკების ზემოქმედების ქვეშ ავტომობილის მართვა, ფატალური შემთხვევის გამოწვევა, ან დაშვებული სიჩქარისთვის 50 კმ/სთ-ით ან უფრო მეტით გადაჭარბება.
ევროპარლამენტში ამ საკითხზე მომხსენებელი, მატეო რიჩი („სოციალისტები“, იტალია) ამბობს: „ამჟამად, იმ მძღოლების თითქმის 40%, ვისაც ლიცენზია ჩამოერთვა ან შეუჩერდა ქვეყანაში, რომელიც მართვის მოწმობის გამცემ ქვეყანას არ წარმოადგენს, დაუსჯელი რჩება. ამიტომ, მონიტორინგის უფრო ძლიერი და ეფექტური სისტემა ავარიების თავიდან აცილებასა და სიცოცხლის გადარჩენაში დაგვეხმარება“.
ევროპარლამენტის გადაწყვეტილებით, დაინერგება ციფრული მართვის მოწმობა, რომელიც მობილური ტელეფონის საშუალებით იქნება ხელმისაწვდომი და თანდათან მართვის მოწმობის ძირითადი ფორმა გახდება ევროკავშირში, თუმცა საბარათო ვერსია არ გაუქმდება.
ციფრული ლიცენზიების შესახებ მომხსენებელმა, იუტა პაულუსმა („მწვანეები“, გერმანია) აღნიშნა: „2030 წლისთვის მოქალაქეებს საშუალება ექნებათ, არჩევანი ელექტრონულ და ფიზიკურ ბარათებს შორის გააკეთონ“.
ახალი წესები ადგენს ორწლიან გამოსაცდელ პერიოდს ახალბედა მძღოლებისთვის და აწესებს უფრო მკაცრ ჯარიმებს ნასვამ მდგომარეობაში ავტომობილის მართვის, უსაფრთხოების ღვედის ან ბავშვის სავარძლის არგამოყენებისთვის. ამასთან, ავტომობილის მართვის მოწმობის მიღება შესაძლებელი იქნება 17 წლის ასაკიდან, იმ პირობით, რომ სრულწლოვანებამდე მათ გამოცდილი მძღოლი გაუწევს ზედამხედველობას.
პროფესიონალი მძღოლების დეფიციტის აღმოსაფხვრელად, სატვირთო მანქანის მართვის მოწმობის აღება 18 წლის ასაკში იქნება შესაძლებელი, ხოლო ავტობუსის მართვის მოწმობა – 21 წლის ასაკში, იმ პირობით, რომ დაცული იქნება პროფესიული კომპეტენციის აუცილებელი მოთხოვნები.
ახალი დებულებები ევროკავშირის ოფიციალურ ჟურნალში გამოქვეყნებიდან 20 დღის შემდეგ შევა ძალაში. ამის შემდეგ, წევრ სახელმწიფოებს სამი წელი ექნებათ ამ დებულებების ეროვნულ კანონმდებლობაში გადმოსატანად, პლუს – კიდევ ერთი წელი განხორციელებისთვის მოსამზადებლად.
წყარო: 1 არხი

‘შავმა ლომმა’ სამხრეთაფრიკულ ტურნეზე Toyota Chellenge-ს ფარგლებში ადგილობრივ ‘ჩიტასთან’ მეორე მატჩი გამართა. ბლუმფონტეინის „ტოიოტა სთედიუმზე“ სტუმრები სათამაშო და ტერიტორიულ უპირატესობას ფლობდნენ, თუმცა ამით ვერ ისარგებლეს და მასპინძლებმა 24:5 გაიმარჯვეს.
პირველი შეხვედრისგან განსხვავებით, რომელშიც ‘შავმა ლომმა’ 6 ლელო გაიტანა და 39:38 მოიგო, მეორე მწირქულიანი აღმოჩნდა. რიჩარდ ქოქრილის შეგირდები ტერიტორიულ და სათამაშო უპირატესობას ფლობდნენ, მაგრამ ეს ქულებში ვერ ასახეს და კონტრშეტევებზე ლელოები მიიღეს.
საწყისი 25 წუთის განმავლობაში ‘შავი ლომი’ უტევდა, ჯარიმებს კარში არ ურტყამდა და ლელოზე თამაშობდა. ლუკა ცირეკიძეს პასისა და თორნიკე კახოიძეს გარღვევის შემდეგ ლელო გარდაუვალი ჩანდა, თუმცა მცველმა შეძლო შემტევისთვის ხელი გამოკვრა, კონტრშეტევას უკვე ‘ჩიტასის’ ლელო და გარდასახვა მოყვა და რადგან 33-ე წუთზე ცირეკიძემ ჯარიმა ვერ გაიტანა, ტაიმი 7:0 დასრულდა.
მეორე ტაიმიც ჩვენი შეტევებით დაიწყო, ჯარიმა რამდენჯერმე არ დავარტყით, 56-ე წუთზე 5-მეტრიანი დერეფნიდან მოლი ავაგორეთ და შალვა მამუკაშვილმა საპასუხო ლელო გაიტანა. 62-ე წუთზე მეტოქის ლელოში მოლით კიდევ ერთხელ შევედით, მაგრამ მამუკაშვილს ბურთი არ დაამიწებინეს.
გამოუყენებელი მომენტების შემდეგ 68-ე წუთზე კონტრშეტევაზე მეორე ლელო მივიღეთ, რამაც ხასიათი წაგვიხდინა, დასკვნით წუთებში კიდევ ორი ლელო გავუშვით და მასპინძლებმა 24:5 გაიმარჯვეს.
‘შავი ლომის’ მოთამაშეთა ნაწილს ნოემბერში სანაკრებო შეხვედრები ელის, რის შემდეგაც გუნდი შეიკრიბება და დეკემბრიდან ჩელენჯ თასში ჩაერთვება.
Toyota Chellenge. 26 ოქტომბერი.
სამხრეთ აფრიკა. ბლუმფონტეინი. „ტოიოტა სთედიუმი“
ჩიტასი (სამხრეთ აფრიკა) – შავი ლომი (საქართველო) 24:5 (7:0)
შავი ლომი
ხაზი: 15. ლუკა თაყაიშვილი, 14. აკაკი ტაბუცაძე, 13.თორნიკე კახოიძე, 12. ლაშა მალაღურაძე, 11. ოთარ მეტრეველი, 10. ლუკა ცირეკიძე, 9. თენგიზ პერანიძე;
შერკინება: 1. დავით აბდუშელიშვილი, 2. ირაკლი ქვათაძე, 3. კახაბერ დარბაიძე, 4. მიხეილ ბაბუნაშვილი (კაპ.), 5. დემურ ეფრემიძე, 6. სანდრო მამამთავრიშვილი, 7. გიორგი ცუცქირიძე, 8. გიორგი სინაურიძე.
მარქაფა: 16. შალვა მამუკაშვილი, 17. ვასილ კაკოვინი, 18. გიორგი ჩხარტიშვილი, 19. გუგა ღანიაშვილი, 20. ლაშა ციხისთავი, 21. გიორგი კერვალიშვილი; 22. გიორგი სპანდერაშვილი, 23. ალექსანდრე თოდუა.
1 ლელო: მამუკაშვილი
Rugby.ge
“შავი ლომი” | დავით აბდუშელიშვილი – თანაგუნდელების დახმარების გარეშე ეს შეუძლებელი იქნებოდა
“შავი ლომი” | არის რევანში – “ჩიტასი” დამარცხებულია
“შავი ლომი” | ქოქრილმა “ჩიტასთან” პირველი მატჩისთვის შემადგენლობა დაასახელა
“შავი ლომი” | “ჩიტასთან” ჩელენჯ თასისთვის მოსამზადებლად
“შავი ლომი” | ქოქრილმა “ჩიტასთან” პირველი მატჩისთვის შემადგენლობა დაასახელა
“შავი ლომი” | დავით აბდუშელიშვილი – თანაგუნდელების დახმარების გარეშე ეს შეუძლებელი იქნებოდა
“შავი ლომი” – სამხრეთ აფრიკაში “ჩიტასთან” ორი ტესტისთვის
“შავი ლომი” | არის რევანში – “ჩიტასი” დამარცხებულია
“შავი ლომი” | სამხრეთ აფრიკაში 32 მორაგბით

„ასლან აბაშიძის კეთილ ნებაზე რომ იყო დამოკიდებული, ვის დააფინანსებდა და ვის არა, აი, ამ დროში გვაბრუნებენ, აქეთკენ მიჰყავთ ყველაფერი, რომ ერთ ადამიანზე იყოს ჩამოკიდებული განათლების სისტემა ფინანსურადაც და სტრუქტურულადაც“-ამბობს ლალი ანთიძე, ბათუმის რუსთაველის სახელმწიფო უნივერსიტეტის ასოცირებული პროფესორი.
„ბათუმელები“ ლალი ანთიძეს „ოცნების“ მთავრობის მიერ დაანონსებულ განათლების რეფორმაზე ესაუბრა.
· ქალბატონო ლალი, როგორ შეაფასებთ კობახიძის მიერ დაანონსებულ საუნივერსიტეტო რეფორმას და თქვენი აზრით, რა დარჩება თუნდაც ბათუმის რუსთაველის სახელმწიფო უნივერსიტეტისგან თუ ეს ცვლილებები განხორციელდა, თუ დარჩა ბსუ ერთი ფაკულტეტით და უცხოელი სტუდენტების გარეშე?
ჯერ დავიწყოთ იმით, რომ დაანონსებული ცვლილებები არის ძალიან ბუნდოვანი. უბრალოდ ისიც მწყინს, ასეთ სიბრიყვეებზე რომ მიწევს კომენტარების გაკეთება.
· რა გეჩვენებათ სიბრიყვედ დაანონსებულ რეფორმაში?
ფაქტობრივად, ამ რეფორმის ყველა პუნქტი გამოიწვევს იმას, რომ განათლების სისტემა მთლიანად დასამარდება ქვეყანაში. რაღაც ისტორიული მოცემულობის გათვალისწინების დეკლარირებაც ძალიან ბუნდოვანია. არ მგონია ამ ისტორიულ მოცემულობაში გელათის და იყალთოს აღდგენას გულისხმობდნენ. ერთ-ერთი ვარიანტია, რომ ამ „ისტორიულის“ ქვეშ იგულისხმება საბჭოთა, რადგან საბჭოთა პერიოდში იყო ასე, ერთი უნივერსიტეტი გვქონდა ქვეყანაში.
თუ ამ კონტექსტში შევხედავთ, ეს „ისტორიული“ ნიშნავს, რომ ისევ საბჭოთა კავშირში ვბრუნდებით და მაშინ გამოდის, რომ საბჭოთა ბათუმში ჩვენი უნივერსიტეტი პედაგოგიური ინსტიტუტი იყო და პედაგოგიურად უნდა გადაგვაქციონ? – ეს ლეგიტიმური კითხვა ჩნდება.
თუ ადამიანმა წერა-კითხვა იცის და ორი წიგნი წაუკითხავს, ყველა ხვდება, რომ დღეს „ოცნების“ ხელისუფლება აბსოლუტური იზოლაციონიზმის პრინციპს ადგას და საერთოდ გვმიჯნავს ევროპისგან. როდესაც ეს პირდაპირ და ღიად ვერ გააკეთეს, ასეთი შეფარული რეფორმებით აკეთებენ. ფაქტობრივად, ჩვენს სტუდენტებსაც გაცვლითი პროგრამის შესაძლებლობა ესპობათ და ჩვენს მოსწავლეებსაც ესპობათ ევროპულ უნივერსიტეტებში სწავლის გაგრძელების შესაძლებლობა.
· კობახიძის რეფორმით უნივერსიტეტებს ეზღუდებათ უცხოელი სტუდენტების მიღებაც. მაგალითად ბსუ-ს, 700-ზე მეტი უცხოელი სტუდენტი ჰყავს და ეს არის უნივერსიტეტისთვის დამატებითი შემოსავალი. რას დაკარგავს ამით ბათუმის უნივერსიტეტი?
არა მარტო ბსუ-ს, სხვა უნივერსიტეტებსაც ჰყავთ უცხოელი სტუდენტები და ესეც იმის ნაწილია, რომ საბოლოოდ დაიმორჩილონ უნივერსიტეტები და მთლიანად დამოკიდებული გახადონ სახელმწიფოზე. აბსოლუტურად კლავენ უნივერსიტეტის ავტონომიას.
მიუხედავად იმისა, რომ ჩვენ სახელმწიფო უნივერსიტეტი გვქვია, მაინც არ ვართ სახელმწიფო დოტაციაზე და სტუდენტების შემოსავლებით ვარსებობთ. ერთადერთი, რაშიც სახელმწიფო გვეხმარება, გარკვეული ინფრასტრუქტურული პროექტებია, მაგალითად ლეონიძეზე სტუდენტური საცხოვრებელი ააშენეს და კიდევ სხვა საამშენებლო პროექტებიც განახორციელეს. სხვა მხრივ, უნივერსიტეტი საზრდოობს სტუდენტების შემოსავლებით, ამიტომ, აბსოლუტურად შეიცვლება არსებული მოდელი და დაფინანსება ხელისუფლების მიმართ მორჩილების ხარისხით განისაზღვრება.
· რამდენი ფაკულტეტი ფუნქციონირებს დღეს თქვენთან და რამდენად წარმოგიდგენიათ ბსუ ერთი ფაკულტეტით?
სადღაც 7 თუ 8 ფაკულტეტია დღეს უნივერსიტეტში და სიმართლე გითხრათ, ვერანაირად ვერ წარმომიდგენია უნივერსიტეტი ერთი ფაკულტეტით. მგონია, რომ რაღაც გვეშველება და ვარსკვლავები ისე დალაგდება საიმისოდ, რომ ასეთი დანაშაულებრივი ქმედების განხორციელებას ვერ მოასწრებს ეს ხელისუფლება. შინაგანად მჯერა ამის.
თუ მაინც გააკეთეს, ძალიან ბევრი პროფესორი წავა ალბათ სამსახურებიდან და ბუნებრივია, უმუშევრობა გაიზრდება.
იმ სტუდენტებს, რომლებიც დღეს სწავლობენ, ალბათ მისცემენ დამთავრების საშუალებას და მერე გადავლენ ახალ მოდელზე. ახლა, ამ მოცემულობაში ამის გაკეთება შეუძლებელია, რადგან ეს ძალიან დიდ რყევებს გამოიწვევს და სად უნდა წაიყვანონ ამდენი სტუდენტი?
მაშინ თვითონ სახელმწიფომ უნდა დააფინანსოს მათი სხვადასხვა ქალაქებში გადანაწილება, მათი იქ ცხოვრება და ასე შემდეგ.
· სტუდენტები რას ამბობენ ამ მოსალოდნელ ცვლილებებზე, გააზრებული აქვთ რა ტიპის სისტემაში მოუწევთ განათლების მიღება?
ყველა ტიპის სტუდენტი არსებობს დღეს. ისეთი, ვისაც მხოლოდ ნიშანი და დიპლომის ფურცელი უნდა, ვისთვისაც მხოლოდ ის არის მთავარი, რომ „ნაჭამი ვიყო“, როგორც ეს თქვა ერთ-ერთმა იმ ვიდეოში, რომელიც ამ დღეებში გავრცელდა და ვნახეთ ყველამ და არიან ისეთებიც, რომლებიც მართლა აზროვნებენ და სხვანაირად უდგებიან ამ პროცესს და რეაქციებიც განსხვავებული აქვთ.
· პროფესორები რა აზრზე არიან? ჯერ-ჯერობით მათი შეფასებები არ მოგვისმენია ამ საკითხზე.
სიმართლე გითხრათ, ისე ვარ დაკავებული ლექციებით, მათთან სალაპარაკოდ არ მომიცლია და მე მგონი, არც ვუყურებთ ამ რეფორმას სერიოზულად, რადგან რაღაც წარმოუდგენელი ამბავი მგონია, რადგან ამ მთავრობამ ბევრი რამ დააანონსა და მერე მიხვდნენ, რომ ვერ ახორციელებდნენ. ახლაც მაგის იმედი გვაქვს.
უდავოდ განუხორციელებელი პროექტია, ასე ერთი ხელის დაკვრით – მით უმეტეს. ბევრი საკითხი რჩება ღიად, თუნდაც სახელმწიფო გრანტის საკითხი. თუ კერძო უნივერსიტეტში ჩაირიცხება სტუდენტი მერე რა ხდება, ესეც გაუგებარია. ასევე გაუგებარია კერძო უნივერსიტეტების ბედი.
· ხომ თქვეს, რომ მხოლოდ უნივერსიტეტები დაფინანსდება. გამოდის გრანტის სისტემა გაუქმდება.
იმიტომ, რომ უნივერსიტეტის დაფინანსება გაცილებით იოლად მართვადს გახდის უნივერსიტეტს.
არცერთი პუნქტი მისაღები არ არის ჩემთვის, აბსოლუტურად არცერთი. არსად არ არსებობს მსგავსი სისტემა. არცერთი ქვეყნის მოდელში არ ჯდება. ალბათ უფრო რუსულთან არის ახლოს და სავარაუდოდ რუსულს დაუახლოვდება.
· ფიქრობთ, რომ ამ რეფორმის მიზანიც ქვეყნის იზოლაციისკენ გადადგმული კიდევ ერთი ნაბიჯია?
სრული, აბსოლუტური იზოლაციონიზმია მიზანი, ანუ რკინის ფარდა. ეს ერთი და მეორეა ის, რომ უნდათ სამუშაოს მიმცემები და დამსაქმებელი იყოს მხოლოდ და მხოლოდ სახელმწიფო და ყველა სხვა წყაროს ჭრიან.
თვითონ მათ ექნებათ ოფშორებიდან შემოსავლები, სხვებს კი დატოვებენ დაფინანსების წყაროს გარეშე. როგორც არასამთავრობოებს და მედიას გადაუკეტეს შემოსავლის წყარო, ისე მოხდება უნივერსიტეტების შემთხვევაშიც. საზოგადოებას ართმევენ რესურსებს.
ასლან აბაშიძის კეთილ ნებაზე რომ იყო დამოკიდებული ვის დააფინანსებდა და ვის არა, ამ დროში გვაბრუნებენ, აქეთკენ მიჰყავთ ყველაფერი, რომ ერთადერთ ადამიანზე იყოს ჩამოკიდებული ფინანსურადაც და სტრუქტურულადაც მთელი განათლების სისტემა.
ყველა კარგად ვხედავდით, რომ ასეთი სისტემაში განვითარება არ ხდებოდა.

საქართველოს მეხუთე პრეზიდენტმა სალომე ზურაბიშვილმა 26 ოქტომბერს გამართულ საპროტესტო აქციაზე სიტყვით გამოსვლისას 2024 წლის საპარლამენტო აჩენებიდან გასული ერთი ერთი წელი შეაჯამა.
“26 ოქტომბრიდან ზუსტად ერთი წელი გავიდა. ერთი წელია ხელისუფლება არალეგიტიმურია და ვერაფრით მოიპოვა ლეგიტიმურობა მცდელობებით, რომ ვიღაცებს ხელი ჩამოართვან, ვერც იმით, რომ ვიღაცები შეიყვანეს პარლამენტში, ან აპირებენ შეიყვანონ პარლამენტში”, – განაცხადა ზურაბიშვილმა, რომელმაც 2024 წლის 26 ოქტომბრის საპარლამენტო არჩევნებს რუსული სცენარი უწოდა ისევე როგორც – 2025 წლის 4 ოქტომბრის მოვლენებს:
“ერთი წელი გავიდა, ერთი რუსული სცენარიდან მეორე რუსულ სცენარამდე. 4 ოქტომბერს რეჟიმმა სცადა ხალხი შეეტყუებინა აბსურდულ სცენარში, რომელიც მხოლოდ რუსული სპეცსამსახურების ტვინში შეიძლება ყოფილიყო მოხარშული. ქართველი ხალხი ბრძენია, იცის, როგორ უნდა მიიყვანოს ეს ერთწლიან ბრძოლა ბოლომდე. რა გამოჩნდა ერთი წლის განმავლობაში? გამოჩნდა, რომ ქართველი ხალხის მხარეს არის არნახული სოლიდარობა. საკმარისია ნახოთ, რა სისწრაფით გროვდება დახმარება ჯარიმებისთვის, რათა არავინ დარჩეს დაუცველი ამ უსამართლობის წინაშე. საკმარისია ნახოთ ყოველივე სასამართლოზე ადამიანები, რომლებიც იქ დგანან, მიდიან, არავის ტოვებენ მარტო. სამაგიეროდ, ამ რეჟიმის წარმომადგენლები როდესაც არიან ციხის წინ და სასამართლოზე, მარტო არიან, არავინ დგება მათ გვერდთ. არავინ უცხადებს სოლიდარობას, თუნდაც „ფეისბუქ“ პოსტებით. მარტო არიან, საზოგადოების მხარეს არის სოლიდარობა, თანაგრძნობა, რომელიც რეჟიმმა გამოაცხადა, როგორ არალეგალური, ნულოვანი თანაგრძნობაა. ხალხში არის ერთიანი ბრძოლა”.
სალომე ზურაბიშვილმა სიტყვით გამოსვლისას ყურადღება დაუთმო ჟურნალისტებს, რომლებიც, მისი თქმით, ბოლომდე იბრძვიან ძალიან დიდი საფრთხეების წინაშე და ციხეშიც ხვდებიან.
“მზია ამაღლობელის სახელი, ყველა ჩვენი ჟურნალისტების სახელით საზღვრებს იქით გავიდა. არამხოლოდ ჟურნალისტები, ადვოკატები და იურისტები 1 წლის განმავლობაში სრულიად უანგაროდ ემსახურებიან სხვებს, ადამიანებს, რომლებიც უსამართლობის მსხვერპლი არიან. ეს არის ძალა საზოგადოების. პატრიოტიზმი ამ ხალხის მხარეს არის, რომელიც აქ დგას, ამ დროშების უკან. რეჟიმი არის რუსეთის მხარე, რომელსაც შემოჰყავს რუსული სანქცირებული გემი, შემოაქვს რუსული ნავთობი გადასამუშავებლად“,- განაცხადა სალომე ზურაბიშვილმა რუსთაველის გამზირზე სიტყვით გამოსვლისას.
ფორუმი

ერთი წლის თავზე ყველაფერი გაშიშვლდა. საზოგადოება იხდის ჯარიმებს, ბიუჯეტს ავსებს და რეჟიმი და მისი უკანასკნელი წარმომადგენლები ტოტალურ კორუფციაში არიან -კიდევ ცოტას გაუძლოს ჩვენმა გულმა, მალე იქნება ნამდვილი, ბოლომდე გამარჯვება, ახალი არჩევნები, ახალი საზოგადოება, ახალი პოლიტიკური სივრცე, რომელიც გვჭირდება,- ამის შესახებ საქართველოს მეხუთე პრეზიდენტმა, სალომე ზურაბიშვილმა საკანონმდებლო ორგანოსთან მიმდინარე აქციაზე, სიტყვით გამოსვლისას განაცხადა.
მისივე თქმით, ეს არის რეჟიმი, რომელიც ყიდის და ასხვისებს საქართველოს მიწებს.
„ერთი წლის თავზე, ყველაფერი გაშიშვლდა. ეს საზოგადოება იხდის ჯარიმებს, ბიუჯეტს ავსებს და რეჟიმი და მისი უკანასკნელი წარმომადგენლები ტოტალურ კორუფციაში არიან. ტოტალურში, რომლის ასეთი მასშტაბი არსად გამიგონია. ვეღარ ვითვლით ასეულ მილიონებს, სად მიდის. ეს არის რეჟიმი, რომელიც ყიდის და ასხვისებს საქართველოს მიწებს. აქვეა გახსნილი ახალი სამშენებლო ოფისი, მაგრამ ასევე მიწების გარიგების გაერთიანებულ არაბთა ემირატებთან. ვითომ კინო რუსთაველი ვერ დარჩებოდა რუსთველზე. ეს არის ამ რეჟიმის ქმედებები. ამ რეჟიმმა უკვე წააგო, აღარ აქვს არანაირი საფუძველი რომ გააგრძელოს, მისი დღეები დათვლილია! ჩვენ, ვალდებულები ვართ, კიდევ ცოტა გავუძლოთ. მინდა ვუთხრა პოლიტიკური პატიმრების მშობლებს: მე მესმის, როდესაც ვამბობ: “ცოტა კიდევ გავუძლოთ” მარტივი სიტყვები არ არის. ამას როდესაც ვამბობ მარტივი სიტყვები არაა იმ აქტივისტებისთვისაც, რომლებიც ყოველ დღე აქ დგანან და საკუთარ თავზე იღებენ ამ მოძრაობის უწყვეტობას. ვიცი, არაფერი არასდროს არის ადვილი, როდესაც საუბარია, რომ ეს ქვეყანა უნდა გადავარჩინოთ, რუსებს არ დავუთმოთ, თუნდაც ქართულ ტანსაცმელში გადაცმულს.
აქ, უკვე ჩვენი, თქვენი გამარჯვებაა. კიდევ ცოტას გაუძლოს ჩვენმა გულმა, მალე იქნება ნამდვილი, ბოლომდე გამარჯვება, ახალი არჩევნები, ახალი საზოგადოება, ახალი პოლიტიკური სივრცე, რომელიც გვჭირდება. ეს არის ჩვენი მომავალი და ჩვენ ამ მომავლისთვის ყველა ერთად ვდგავართ“,- აღნიშნა ზურაბიშვილმა.

„თავისუფლების მოედნის“ ლიდერმა, ლევან ცუცქირიძემ 26 ოქტომბერს გამართულ საპროტესტო აქციაში მონაწილეებს შემდეგი “დემოკრატიული რიტუალის” ჯიუტად შესრულება შესთავაზა:
„ჩვენ გვჭირდება, რომ საქართველოს მოქალაქეების კიდევ უფრო დიდმა რაოდენობამ გადაწყვიტოს, რომ ჩვენ აღარ და ვეღარ ვიცხოვრებთ ძველებურად მანამ, სანამ არ აღვადგენთ დემოკრატიას ამ ქვეყანაში, არ გავათავისუფლებთ უდანაშაულოდ დაპატიმრებულ ადამიანებს და არ ჩავატარებთ ნამდვილად თავისუფალ არჩევნებს. ამისთვის მინდა შემოგთავაზოთ, რომ თითოეულმა მოქალაქემ დაამკვიდროს ერთგვარი ახალი, დემოკრატიული რიტუალი, რომელსაც ჯიუტად შევასრულებთ მანამ, სანამ ჩვენი მიზნები არ იქნება მიღწეული. შემიძლია ამ რიტუალისთვის სამი რამ შემოგთავაზოთ:
I. თითოეულმა მოქალაქემ კვირაში ერთი დღე მაინც აუცილებლად გაატაროს რუსთაველზე, საპროტესტო კერაზე ან სხვა ქალაქებში;
II. მხარი დაუჭირონ და დავაფინანსოთ ის მამაცი ადვოკატები, იურისტები და დამოუკიდებელი ჟურნალისტები, რომლებიც იცავენ მართალ ადამიანებს და მათი ბრძოლის წყალობით მართალი სიტყვა ჯერ კიდევ ისმის ქვეყანაში;
III. შევუერთდეთ და გავაძლიეროთ დემოკრატიული, პატრიოტული, სამოქალაქო და პოლიტიკური ძალები იმისთვის, რომ ჩვენ ჩვენი დემოკრატიის ფუნდამენტი ახლავე ჩავყაროთ და ის ისეთი ძლიერი იყოს, რომ ვერცერთმა ავტოკრატმა ვეღარ შეარყიოს“
ლევან ცუცქირიძის თქმით, საზოგადოება ერთი წლის განმავლობაში ითხოვდა ელემენტარულს – თავისუფალ არჩევნებს და პოლიტპატიმრების გათავისუფლებას. დღეს კი, მისი თქმით, საპროტესტო შეკრების მონაწილეები შეიკრიბნენ იმისთვის, რომ ყველამ ერთად, მათ შორის დაპატიმრებული ადამიანების სახელით, თქვან:
“გადადგეს ეს ბანდიტების მთავრობა! გათავისუფლდნენ უდანაშაულო ადამიანები! ჩატარდეს თავისუფალი არჩევნები! ჩვენ ყველამ ერთისთვისაც უნდა ვიბრძოლოთ და ერთმაც უნდა იბრძოლოს ყველასათვის. მინდა გთხოვოთ გავიმეოროთ ჩვენი ბრძოლის ახალი წესი: ერთი ყველასათვის, ყველა ერთისთვის, გამარჯვებისთვის, ბოლომდე გამარჯვებისთვის!“.
ფორუმი

რუსეთის პრეზიდენტის პრესმდივანი დმიტრი პესკოვი გამოეხმაურა აშშ-ის მიერ რუსეთის ნავთობკომპანიების – „როსნეფტისა“ და „ლუკოილის“ წინააღმდეგ სანქციების დაწესებას.
„აშშ-ის პრეზიდენტის მიერ გახმიანებული სხვადასხვა ნიუანსის მიუხედავად, ჩვენ მაინც უნდა ვორიენტირდეთ საკუთარ ინტერესებზე. ჩვენი ინტერესებია ყველა ქვეყანასთან, მათ შორის – შეერთებულ შტატებთან, კარგი ურთიერთობების დამყარება. რა თქმა უნდა, ქმედებები, რომლებსაც ამ კვირაში მიმართეს, არამეგობრული ნაბიჯია. მათ ნამდვილად დააზიანეს ჩვენი ურთიერთობების რეანიმაციის პერსპექტივები. თუმცა, ეს არ ნიშნავს, რომ ჩვენ უნდა დავთმოთ ეს მისწრაფებები. უნდა ვაკეთოთ ის, რაც ჩვენთვის არის ხელსაყრელი“, – პესკოვის ამ სიტყვებს რუსეთის სახელმწიფო სააგენტო „ტასი“ ავრცელებს.
22 ოქტომბერს აშშ-ის სახაზინო დეპარტამენტის საგარეო აქტივების კონტროლის ოფისმა (OFAC) გააძლიერა სასანქციო ზეწოლა რუსეთის ენერგოსექტორზე და მის სამიზნეებად ამჯერად იქცა რუსეთის უმსხვილესი ნავთობკომპანიები „როსნეფტი“ და „ლუკოილი“. ამ გადაწყვეტილებას თან ახლდა მოწოდება მოსკოვისადმი „ცეცხლის შეწყვეტაზე დაუყოვნებლივ დასათანხმებლად“. აშშ-ის ფინანსთა მინისტრმა სკოტ ბესენტმა განაცხადა:
ასევე ნახეთ პუტინი დათმობაზე არ მიდის ტრამპის მხრიდან რუსეთის მსხვილი ნავთობკომპანიებისთვის სანქციების დაწესების ფონზე
„მკვლელობის შეწყვეტისა და ცეცხლის დაუყოვნებლივ შეწყვეტის დროა. ამ უაზრო ომის დასრულებაზე პრეზიდენტ პუტინის უარის გათვალისწინებით, ხაზინა ასანქცირებს რუსეთის ორ უმსხვილეს ნავთობკომპანიას, რომლებიც აფინანსებენ კრემლის ომის მანქანას. ხაზინა მზად არის შემდგომი მოქმედებისთვის, თუკი ეს აუცილებელი იქნება პრეზიდენტ ტრამპის ძალისხმევის მხარდასაჭერად, კიდევ ერთი ომის დასასრულებლად. მოვუწოდებთ ჩვენს მოკავშირეებს, შემოგვიერთდნენ და დაიცვან ეს სანქციები”.
ფორუმი

გერმანიის კანცლერის ამ სიტყვების მოსმენისას, ორი გარემოება უნდა გავითვალისწინოთ. პირველი – მომავალ წელს ხუთ ფედერალურ მხარეში ადგილობრივი არჩევნები ტარდება. მეორე – გერმანიის ულტრამემარჯვენე პარტიის, „ალტერნატივა გერმანიისთვის“ (AfD) მზარდი პოპულარობა, რომელსაც აღმოსავლეთ გერმანიის ორ რეგიონში უპრეცედენტო, 40-პროცენტიანი მხარდაჭერა აქვს.
20 ოქტომბერს, ჟურნალისტმა გერმანიის კანცლერს ჰკითხა, თავის პოზიციებზე რჩებოდა თუ ბოდიშს მოიხდიდა იმისთვის, რომ გასულ კვირას დიდი ქალაქებიდან მიგრანტების ფართომასშტაბიან დეპორტაციას დაუჭირა მხარი.
ფრიდრიხ მერცმა საკუთარი პოზიცია დაიცვა და დასძინა: „რაღაც უნდა შევცვალოთ“.
„არ ვიცი, გყავთ თუ არა თქვენ ვაჟები ან ქალიშვილები (…). ჰკითხეთ თქვენს ქალიშვილებს, ეჭვი მაქვს, ძალიან მკაფიო პასუხს მიიღებთ. უკან არაფერი მიმაქვს; პირიქით, ხაზს ვუსვამ: რაღაც უნდა შევცვალოთ“, – უპასუხა კანცლერმა ჟურნალისტს.
გასულ კვირას კანცლერმა მიანიშნა, რომ გერმანიის ქალაქებში პრობლემა თავად მრავალფეროვნებაშია.
„რა თქმა უნდა, ჩვენ ჯერ კიდევ გვაქვს ეს პრობლემა ურბანულ ლანდშაფტში და ამიტომ, შინაგან საქმეთა ფედერალური მინისტრი ახლა მუშაობს იმაზე, რომ დაუშვას და განახორციელოს ფართომასშტაბიანი გამოსახლებები“, – აღნიშნა მან ბერლინის გარეუბანში, ბრანდენბურგის მხარეში ვიზიტის დროს.
ასეთი განცხადებებისთვის კრიტიკოსებმა გერმანიის კანცლერი მიგრაციის შესახებ „საშიში“ რიტორიკის გამოყენებაში დაადანაშაულეს.
ფრიდრიხ მერცს რამდენიმე ოპოზიციონერი გამოეპასუხა. მაგალითად, „მწვანეთა პარტიის“ დეპუტატმა, რიკარდა ლანგმა მას პატერნალიზმსა და ახალგაზრდების რეალური პრობლემების უგულებელყოფაში დასდო ბრალი.
„შესაძლოა, „ქალიშვილებსაც“ მობეზრდათ, რომ ფრიდრიხ მერცი მათ უფლებებსა და უსაფრთხოებაზე მხოლოდ მაშინ ზრუნავს, როცა სურს, ისინი თავისი სრულიად ჩამორჩენილი პოლიტიკის გასამართლებლად გამოიყენოს“, – დაწერა მან „X“ პლატფორმაზე.
ბრანდენბურგის „მწვანეების“ ლიდერმა მერცი რასობრივი ცრურწმენების გაღვივებაშიც დაადანაშაულა. „საშიშია, როდესაც მმართველი პარტიები ცდილობენ, ადამიანებს იარლიყი მათი გარეგნობის ან წარმოშობის მიხედვით მიაკერონ“, – აცხადებს ლანგი.
„სოციალ-დემოკრატიული პარტიის“ წარმომადგენელი, ნატალი პავლიკი კი ამბობს, რომ „მიგრაცია არ უნდა გახდეს გაკიცხვისა და პოპულისტური განცხადებების სამიზნე – ეს კიდევ უფრო ყოფს საზოგადოებას“.
ფრიდრიხ მერცმა კანცლერის თანამდებობა მიმდინარე წლის მაისში AfD-ის აღზევებასთან ბრძოლის დაპირებით დაიკავა.
თებერვლის საყოველთაო არჩევნებში, კონსერვატიულმა ბლოკმა „ქრისტიან-დემოკრატიული კავშირი / ქრისტიან-სოციალური კავშირი“ (ქდკ/ქსკ) 28.5 პროცენტი მიღო, მაშინ როდესაც AfD-მ მისთვის რეკორდული, 20.8 პროცენტი მოიპოვა.
მას შემდეგ, „ალტერნატივა გერმანიისთვის“ ქდკ/ქსკ-ს კოალიციას გაუთანაბრდა და, ზოგიერთი გამოკითხვის თანახმად, უკვე გაუსწრო კიდეც.
ეს საგანგაშო ნიშანია ფრიდრიხ მერცის „ქრისტიან-დემოკრატებისთვის“, რომლებიც კვირასა და ორშაბათს მომავალი წლის ხუთი ფედერალური მხარის არჩევნების სტრატეგიის განსასაზღვრად შეიკრიბნენ.
გერმანელი პოლიტიკური ანალიტიკოსები მიიჩნევენ, რომ ტრადიციული პარტიები, როგორიცაა, მაგალითად, „ქრისტიან-დემოკრატიული კავშირი“, ულტრამემარჯვენეებს მედიის დღის წესრიგის განსაზღვრის საშუალებას აძლევენ. სხვა სიტყვებით რომ ვთქვათ, ისინი უნებლიედ ახდენენ AfD-ს ქსენოფობიური და რასისტული იდეების ლეგიტიმაციასა და გავრცელებას.
წყარო: 1 არხი

ამერიკის შეერთებული შტატების პრეზიდენტმა დონალდ ტრამპმა მიმდინარე წელს სოლიდური თანხა გამოიმუშავა. ეს, წესით, საიდუმლო არავისთვის არ უნდა იყოს, რადგან ტრამპისა და მისი ოჯახის საკუთრებაში რამდენიმე კერძო კომპანია ირიცხება. დამატებით კი, კრიპტოვალუტაში ინვესტიციაც მილიარდერისთვის ბოლო პერიოდში შემოსავლის მნიშვნელოვან წყაროდაა ქცეული. მაგრამ რეალურად არავინ იცის, თუ კონკრეტულად რა თანხა გამოიმუშავა ტრამპმა მეორე ვადით არჩევის შემდეგ და ამის მიზეზი არც ისაა, რომ პრეზიდენტი საგადასახადო დეკლარაციებს არ აქვეყნებს. მთავარი მიზეზი ერთი საიდუმლო შეთანხმებაა, რომელიც ინაუგურაციის პერიოდში გამოჩნდა.
ამერიკული Forbes-ის ცნობებით, წლის დასაწყისში ტრამპი კომპანია DT Marks Defi LLC-ის 70%-ს ფლობდა. აღნიშნული კომპანია კი, თავის მხრივ, კრიპტოპროექტ World Liberty Financial-ის 75%-იანი წილის მფლობელია. პრეზიდენტის ფინანსური დეკლარაციის ანგარიშში ტრამპის ოჯახის სხვა წევრები (რომლებიც დოკუმენტში დასახელებულნი არ არიან) დარჩენილი 30%-ის მფლობელებად არიან მოხსენიებულნი. ამერიკული Forbes-ის ინფორმაციით, ეს წილი, სავარაუდოდ, ტრამპის სამ ვაჟს შორის თანაბრად ნაწილდებოდა.
თუმცა Trump Organization-ის წარმომადგენელმა გაამხილა, რომ ოჯახი ერთ-ერთი კომპანიის წილს ყიდდა. ეს კომპანია კი, სავარაუდოდ, DT Marks Defi იყო, რაც ნიშნავს, რომ წლის დასაწყისის შემდეგ, ფირმის სტრუქტურა შესაძლოა მნიშვნელოვნად იყოს შეცვლილი – თუმცა ეს ვარაუდი ამ დრომდე დაზუსტებული არაა.
ტრამპმა თავისი ფინანსური ანგარიში ივნისის თვეში წარადგინა, რომელიც პრეზიდენტის აქტივების მოკლე მიმოხილვას წარმოგვიდგენს, მაგრამ მხოლოდ 1-ელი იანვრის მდგომარეობით. გარიგების შესახებ ინფორმაციას არც Trump Organization-ი ავრცელებს. შესაბამისად, უცნობია, კომპანიის აქციების რამდენი პროცენტი გაყიდა ტრამპის ოჯახმა, ვინ შეისყიდა წილი ან, საერთოდ, გაფორმდა თუ არა შეთანხმება.
ერთი რამ ცხადია: DT Marks Defi LLC თანხას გამოიმუშავებს, თან იმაზე მეტს, ვიდრე ტრმპის ბიზნესიმპერიაში შემავალი ნებისმიერი სხვა კომპანია. ინვესტორების ნაწილმა, იანვრიდან მარტამდე პერიოდში, World Liberty-ის დაახლოებით 440 მილიონი აშშ დოლარის ღირებულების ტოკენები შეიძინა. ამ თანხის 75%, თითქმის $330 მილიონი, DT Marks Defi-ს გადაეცა. მაგრამ ეს მხოლოდ დასაწყისი იყო.
აპრილში კომპანია DWF Labs-მა $25 მილიონის ტოკენები შეიძინა, საიდანაც ტრამპის კომპანიას დაახლოებით $19 მილიონი ერგო. რამდენიმე კვირის შემდეგ ერიკ ტრამპი ზაკ ვიტკოფთან, ტრამპის სპეციალური ელჩის, სტივ ვიტკოფის შვილთან ერთად, დუბაიში კრიპტოკონფერენციაზე გაემგზავრა. ღონისძიებაზე უმცროსმა ვიტკოფმა გაამხილა, რომ არაბთა გაერთიანებული საამიროების პრეზიდენტის საინვესტიციო ფირმა USD1-ის საშუალებით კრიპტობირჟაზე $2 მილიარდის დაბანდებისთვის ემზადებოდა. ეს შეთანხმება World Liberty-ს არსებითად რამდენიმე მილიარდი დოლარის დეპოზიტს ჰპირდებოდა, რომლის გამოყენებაც მას ყოველწლიურად ათობით მილიონი პროცენტის გენერირებისთვის შეეძლო.
Forbes-მა ტრამპის ოჯახის მიერ DT Marks Defi-ში წილის გაყიდვის შესახებ ინფორმაცია პირველად ივნისში გაავრცელა. რამდენიმე კვირის თავზე კი World Liberty-ის $100 მილიონის ღირებულების ტოკენის შეძენაზე არაბთა გაერთიანებული საამიროების კიდევ ერთმა ფირმამ განაცხადა. წესით, ამ თანხიდან $75 მილიონი ტრამპის კომპანიის საკუთრებაში უნდა გადასულიყო.
თუმცა ამ ინფორმაციის გამოქვეყნებას მალევე პრეზიდენტი ტრამპი თავადვე გამოეხმაურა და ამერიკული გამოცემა მკაცრად გააკრიტიკა. „Forbes-ი არც კი ცდილობს რამის სწორად გაგებას, – დაწერა მან Truth Social-ზე. – მათ ფაქტები არ სურთ, ყველაფერში არაზუსტები არიან (განზრახ!), მეგონა, რომ Forbes-ი უკვე მკვდარი იყო, მაგრამ ის საშინელი დაავადებასავით კვლავ არსებობს“.
შემდგომ უკვე აგვისტოში, ტრამპის კომპანიამ ტოკენების ყველაზე დიდი რაოდენობის გაყიდვის შესახებ განაცხადა. ეს კი Alt5 Sigma-თან პარტნიორობის წყალობით მოხდა, რომელმაც დაახლოებით 717 მილიონი აშშ დოლარი World Liberty Financial-ის ტოკენების პირდაპირ შესაძენად გამოიყენა. ამ თანხიდან $500 მილიონზე მეტი ტრამპების ოჯახის კომპანიას გადაეცა. ამერიკული Forbes-ის გამოთვლით გამოდის, რომ ამ დროის მონაცემებით პრეზიდენტის კომპანიამ 2025 წელს დაახლოებით $1 მილიარდი მიიღო.
თუმცა ამერიკული Forbes-ის მოპოვებული მონაცემებისა და შეფასებების მიუხედავად, ოფიციალური ინფორმაცია კომპანიის გარიგებების, გაყიდვის და მათ შორის, არც ტრამპის აქციათა რაოდენობის შესახებ ცნობილი არაა. პასუხები შესაძლოა 2026 წლის მაისამდე ვერც მივიღოთ, როდესაც აშშ-ის პრეზიდენტი თავის ახალ ფინანსურ ანგარიშს წარადგენს. მაგრამ ეს არ გამორიცხავს იმის ალბათობასაც, რომ ტრამპი დეტალების ნაწილს კვლავ საზოგადოებისთვის მიუწვდომელს დატოვებს.
forbes.ge

კრემლმა გამოაქვეყნა ვიდეო, რომელშიც რუსეთის გენერალური შტაბის უფროსი ვალერი გერასიმოვი პუტინს ბირთვული ძრავით აღჭურვილი კონტინენტთაშორისი ფრთოსანი რაკეტის, „ბურევესტნიკის“ წარმატებული გამოცდის შესახებ მოახსენებს.
„ბურევესტნიკის“ გამოცდის კომენტირებისას, სამხედრო ფორმაში გამოწყობილმა პუტინმა განაცხადა: „ეს არის უნიკალური პროდუქტი, რომელიც მსოფლიოში არავის აქვს“.
კრემლის განმარტებით, „ბურივესტნიკის“ შესახებ საუბარი შედგა პუტინის გერასიმოვთან და უკრაინაში მებრძოლი დაჯგუფებების მეთაურებთან შეხვედრისას, რომელიც რუსეთის შეიარაღებული ძალების გაერთიანებული დაჯგუფების ერთ-ერთი დამხმარე სამეთაურო პუნქტში გაიმართა.
გერასიმოვმა განაცხადა, რომ გამოცდა 21 ოქტომბერს ჩატარდა. მისი თქმით, „ბურევესტნიკმა“ „დაახლოებით 15 საათის განმავლობაში“ იფრინა და ჯამში 14 000 კილომეტრი დაფარა.
„და ეს არ არის ზღვარი“, – დასძინა რუსეთის გენერალური შტაბის უფროსმა. ვლადიმირ პუტინმა კი პასუხად განაცხადა, რომ აუცილებელია „განისაზღვროს, თუ რა არის ეს, რა კლასს მიეკუთვნება ეს ახალი სისტემა და, რომ უნდა დაიწყოს ინფრასტრუქტურის მომზადება ამ იარაღის რუსეთის შეიარაღებულ ძალებში განლაგებისთვის“.
„ბურევესტნიკი“ რუსული კონტინენტთაშორისი ფრთოსანი რაკეტაა. გამოცემა Mediazona-ს ცნობით, ამერიკელი სპეციალისტები მას, ძრავის მუშაობის დროს რადიოაქტიური დაბინძურების რისკის გამო, „მფრინავ ჩერნობილს“ უწოდებენ.
პუტინმა „ბურევესტნიკის“ შექმნის შესახებ პირველად ილაპარაკა 2018 წელს, ფედერალური კრებისადმი მიმართვისას. სავარაუდოდ, მაშინვე დაიწყო მისი გამოცდა. Reuters-ის ცნობით, 13 ცნობილი გაშვებიდან მხოლოდ ორი იყო ნაწილობრივ წარმატებული.
2019 წელს წარუმატებლად დასრულდა რაკეტის ბირთვული ძრავის გამოცდა არხანგელსკის რეგიონში მდებარე ნიონოკის საცდელ პოლიგონზე.
2023 წლის ოქტომბერში პუტინმა „ბურევესტნიკის“ არქტიკაში წარმატებული გამოცდის შესახებ განაცხადა.
2025 წლის აგვისტოში Reuters-მა და Barents Observer გაავრცელეს ინფორმაცია, რომ რუსეთი „ბურევესტნიკის“ გამოცდისთვის ალასკაში პუტინ-ტრამპის შეხვედრის წინ ემზადებოდა.
არ არსებობს დამოუკიდებელი წყაროების დადასტურება იმისა, რომ „ბურევესტნიკის“ გამოცდები ოდესმე სრულიად წარმატებული იყო.
ფორუმი

მრავალ ქვეყანაში გაყიდვების ზრდის ფონზე, ბატარეებზე მომუშავე ელექტრომობილების (BEV) გლობალურმა ბაზარმა 2024 წელს პირველად გადააჭარბა წლიური გაყიდვების 10 მილიონიან მაჩვენებელს, რაც 2023 წელთან შედარებით თითქმის 10%-ით გაზრდილი მაჩვენებელია – ამის შესახებ Statista-ს პუბლიკაციაშია საუბარი.
სუფთა ტრანსპორტის საერთაშორისო საბჭოს (ICCT) მონაცემებით, ნიშანსვეტური იყო ჩინეთის მიღწევა, სადაც ერთ თვეში ერთ მილიონზე მეტი ელექტრომობილი გაიყიდა.
მიუხედავად იმისა, რომ გაყიდვების მოცულობით გლობალურ ბაზარზე ჩინეთი დომინირებს, ზოგიერთი ევროპული ქვეყანა კვლავ ლიდერობს ელექტრომობილებზე ადაპტირების კუთხით, ახალი ავტომობილების გაყიდვებში ბატარეებზე მომუშავე ელექტრომობილების წილის გათვალისწინებით.
ამ მაჩვენებლით, უკვე რამდენიმე წელია, ნორვეგია სიის სათავეში გვხვდება: 2025 წლის პირველ ნახევარში, PwC-ის მიერ შედგენილი მონაცემების თანახმად, ამ ქვეყანაში ახლად რეგისტრირებული მსუბუქი ავტომობილების 90%-ზე მეტი ელექტრო იყო, რაც რეკორდულია.
ჩრდილოეთ ევროპაში მსუბუქი ავტომობილების სრულ გაყიდვებში მაღალ წილს იკავებენ დანია და ნიდერლანდებიც, შესაბამისად, 63.5% და 35%-ით.
ევროპის გარეთ, გაყიდვებში ელექტრომობილების წილის მხრივ, ჩინეთი ლიდერობს, სადაც ეს თანაფარდობა 70.2/29.8-ზეა. შედარებისთვის, შეერთებულ შტატებში ელექტრომობილების წილი მსუბუქი ავტომობილის სრულ გაყიდვებში 7.3%-ია.
მიუხედავად იმისა, რომ ნორვეგიის მიერ მიღებული ზომები როგორებიცაა ელექტრომობილების გადასახადებისგან გათავისუფლება და სხვა შეღავათები, მათი პოპულარიზაციისთვის ძალიან ეფექტური აღმოჩნდა, ნორვეგიული მოდელის სხვა ქვეყნებში მარტივად დანერგვა თითქმის შეუძლებელია. ნორვეგია ავტომობილების იმპორტსა და რეგისტრაციაზე მაღალ გადასახადებს აწესებს, რაც შიდა წვის ძრავიან მანქანებს მნიშვნელოვნად აძვირებს, მაგალითად, ამერიკის შეერთებულ შტატებთან შედარებით. ელექტრომობილებისთვის გადასახადების გაუქმებით, ნორვეგია ფაქტობრივად სუბსიდირებას უკეთებს ელექტრომობილების შესყიდვას. ამასთან, ნორვეგიის სტატისტიკის ეროვნული ინსტიტუტის მონაცემებით, ქვეყანაში საშუალო შემოსავალი, გადასახადების შემდეგ, 2025 წელს დაახლოებით 64,000 დოლარი იყო, რაც თითქმის უტოლდება აშშ-ის მაჩვენებელს, მაგრამ მნიშვნელოვნად აღემატება ევროკავშირის საშუალო ანაზღაურებას.
bm.ge

პოლიციამ თემქის დასახლებაში, მომხდარ ჯანმრთელობის განზრახ მძიმე დაზიანების ფაქტთან დაკავშირებით, რასაც ახალგაზრდა მასწავლებლის გიგა ავალიანის სიცოცხლის მოსპობა მოჰყვა, კიდევ ერთი პირი 2007 წელს დაბადებული გ.რ. დააკავა.
როგორც „ინტერპრესნიუსს“ შსს-ში განუცხადეს, მას მძიმე დანაშაულის შეუტყობინებლობა ედება ბრალად.
გამოძიების თანახმად, დაკავებული შემთხვევის ადგილზე იმყოფებოდა, თუმცა მან დანაშაულის შესახებ სამართალდამცველებს არ შეატყობინა და საქმეზე უკვე დაკავებულ პირთან -2008 წელს დაბადებულ ა.გ.-სთან ერთად მიიმალა.
“სამინისტროს თბილისის პოლიციის დეპარტამენტის გლდანი-ნაძალადევის მთავარი სამმართველოს თანამშრომლებმა, თბილისში, თემქის დასახლებაში, მომხდარ ჯანმრთელობის განზრახ მძიმე დაზიანების ფაქტთან დაკავშირებით, რასაც ახალგაზრდა მამაკაცის სიცოცხლის მოსპობა მოჰყვა, კიდევ ერთი პირი 2007 წელს დაბადებული გ.რ. დააკავეს. მას მძიმე დანაშაულის შეუტყობინებლობა ედება ბრალად.
გამოძიების მიერ მოპოვებული მტკიცებულებებით დგინდება, რომ გ.რ. შემთხვევის ადგილზე იმყოფებოდა, თუმცა მან დანაშაულის შესახებ სამართალდამცველებს არ შეატყობინა და ამავე საქმეზე უკვე დაკავებულ პირთან -2008 წელს დაბადებულ ა.გ.-სთან ერთად ადგილიდან მიიმალა”,- აცხადებენ უწყებაში.
შეგახსენებთ, 25 ოქტომბერს, შინაგან საქმეთა სამინისტროს თანამშრომლებმა 2008 წელს დაბადებული პირი დააკავა. გამოძიების თანახმად, რომ ბრალდებული თბილისში, თემქის დასახლებაში, ერთ-ერთი საცხოვრებელი კორპუსის მიმდებარე ტერიტორიაზე, გიგა ავალიანს ფიზიკურად გაუსწორდა და ჯანმრთელობის მძიმე დაზიანება მიაყენა. დაშავებული კრიტიკული მდგომარეობით საავადმყოფოში მოათავსეს, სადაც სამედიცინო დახმარება უტარდებოდა, თუმცა მომდევნო დღეების განმავლობაში მისი ჯანმრთელობის მდგომარეობა კიდევ უფრო დამძიმდა და ის 24 ოქტომბერს გარდაიცვალა.

პო­ლი­ცი­ამ ახალ­გაზ­რდა მას­წავ­ლებ­ლის, გიგა ავა­ლი­ა­ნის მკვლე­ლო­ბის საქ­მე­ზე კი­დევ ერთი – 2007 წელს და­ბა­დე­ბუ­ლი პირი და­ა­კა­ვა. მას მძი­მე და­ნა­შა­უ­ლის შე­უ­ტყო­ბი­ნებ­ლო­ბა ედე­ბა ბრა­ლად.
გა­მო­ძი­ე­ბის თა­ნახ­მად, და­კა­ვე­ბუ­ლი შემ­თხვე­ვის ად­გილ­ზე იმ­ყო­ფე­ბო­და, თუმ­ცა მან და­ნა­შა­უ­ლის შე­სა­ხებ სა­მარ­თალ­დამ­ცვე­ლებს არ შე­ა­ტყო­ბი­ნა და საქ­მე­ზე უკვე და­კა­ვე­ბულ პირ­თან -2008 წელს და­ბა­დე­ბულ ა.გ.-სთან ერ­თად მი­ი­მა­ლა.
“სა­მი­ნის­ტროს თბი­ლი­სის პო­ლი­ცი­ის დე­პარ­ტა­მენ­ტის გლ­და­ნი-ნა­ძა­ლა­დე­ვის მთა­ვა­რი სამ­მარ­თვე­ლოს თა­ნამ­შრომ­ლებ­მა, თბი­ლის­ში, თემ­ქის და­სახ­ლე­ბა­ში, მომ­ხდარ ჯან­მრთე­ლო­ბის გან­ზრახ მძი­მე და­ზი­ა­ნე­ბის ფაქტთან და­კავ­ში­რე­ბით, რა­საც ახალ­გაზ­რდა მა­მა­კა­ცის სი­ცო­ცხლის მოს­პო­ბა მოჰ­ყვა, კი­დევ ერთი პირი 2007 წელს და­ბა­დე­ბუ­ლი გ.რ. და­ა­კა­ვეს. მას მძი­მე და­ნა­შა­უ­ლის შე­უ­ტყო­ბი­ნებ­ლო­ბა ედე­ბა ბრა­ლად.
გა­მო­ძი­ე­ბის მიერ მო­პო­ვე­ბუ­ლი მტკი­ცე­ბუ­ლე­ბე­ბით დგინ­დე­ბა, რომ გ.რ. შემ­თხვე­ვის ად­გილ­ზე იმ­ყო­ფე­ბო­და, თუმ­ცა მან და­ნა­შა­უ­ლის შე­სა­ხებ სა­მარ­თალ­დამ­ცვე­ლებს არ შე­ა­ტყო­ბი­ნა და ამა­ვე საქ­მე­ზე უკვე და­კა­ვე­ბულ პირ­თან -2008 წელს და­ბა­დე­ბულ ა.გ.-სთან ერ­თად ად­გი­ლი­დან მი­ი­მა­ლა”,- აცხა­დე­ბენ უწყე­ბა­ში.
შე­გახ­სე­ნებთ, 25 ოქ­ტომ­ბერს, ში­ნა­გან საქ­მე­თა სა­მი­ნის­ტროს თა­ნამ­შრომ­ლებ­მა 2008 წელს და­ბა­დე­ბუ­ლი პირი და­ა­კა­ვა. გა­მო­ძი­ე­ბის თა­ნახ­მად, რომ ბრალ­დე­ბუ­ლი თბი­ლის­ში, თემ­ქის და­სახ­ლე­ბა­ში, ერთ-ერთი სა­ცხოვ­რე­ბე­ლი კორ­პუ­სის მიმ­დე­ბა­რე ტე­რი­ტო­რი­ა­ზე, გიგა ავა­ლი­ანს ფი­ზი­კუ­რად გა­უს­წორ­და და ჯან­მრთე­ლო­ბის მძი­მე და­ზი­ა­ნე­ბა მი­ა­ყე­ნა. და­შა­ვე­ბუ­ლი კრი­ტი­კუ­ლი მდგო­მა­რე­ო­ბით სა­ა­ვად­მყო­ფო­ში მო­ა­თავ­სეს, სა­დაც სა­მე­დი­ცი­ნო დახ­მა­რე­ბა უტარ­დე­ბო­და, თუმ­ცა მომ­დევ­ნო დღე­ე­ბის გან­მავ­ლო­ბა­ში მისი ჯან­მრთე­ლო­ბის მდგო­მა­რე­ო­ბა კი­დევ უფრო დამ­ძიმ­და და ის 24 ოქ­ტომ­ბერს გარ­და­იც­ვა­ლა.

აშშ-ის პრეზიდენტმა, დონალდ ტრამპმა კანადურ საქონელზე ტარიფების კიდევ 10%-ით გაზრდის გადაწყვეტილება მიიღო.
აშშ-ის პრეზიდენტი საკუთარ სოციალურ პლატფორმა Truth Social-ზე წერს, რომ გადაწყვეტილების მიზეზი კანადის მიერ რონალდ რეიგანის გამოსვლის ვიდეო ჩანაწერის გამოყენებით თაღლითური რეკლამის გამოქვეყნებაა.
ტრამპის მტკიცებით, რეკლამა ყალბია და ის რეიგანის რადიო მიმართვის მნიშვნელობას ამახინჯებს.
„ფაქტების სერიოზული დამახინჯებისა და მტრული ქმედების გამო, კანადას ტარიფებს 10%-ით ვუზრდი“, – წერს ტრამპი.
საუბარია კანადის ხელისუფლების მიერ გამოქვეყნებულ რეკლამაზე, რომელშიც აშშ-ის მე-40 პრეზიდენტის, რონალდ რეიგანის გამოსვლის ამონარიდებია წარმოდგენილი. ვიდეო ჩანაწერში რეიგანი ტარიფებს აკრიტიკებს და თავისუფალი ვაჭრობის პრინციპებს იცავს.
ტრამპის გადაწყვეტილებას კანადის ვაჭრობის მინისტრი, დომინიკ ლებლანკი გამოეხმაურა და განაცხადა, რომ მზად არიან ბოლო კვირების განმავლობაში ამერიკელ კოლეგებთან კონსტრუქციული მოლაპარაკებების შედეგად მიღწეული პროგრესის გამოყენებით.
„ჩვენ კვლავაც ორიენტირებულები ვიქნებით იმ შედეგების მიღწევაზე, რომლებიც სარგებელს მოუტანს როგორც შეერთებულ შტატებში, ასევე კანადაში მუშებსა და ოჯახებს და ეს პროგრესი საუკეთესოდ მიიღწევა აშშ-ის ადმინისტრაციასთან პირდაპირი თანამშრომლობით“, – აღნიშნა მინისტრმა.

პოლიციამ თემქის დასახლებაში, მომხდარ ჯანმრთელობის განზრახ მძიმე დაზიანების ფაქტთან დაკავშირებით, რასაც ახალგაზრდა მასწავლებლის გიგა ავალიანის სიცოცხლის მოსპობა მოჰყვა, კიდევ ერთი პირი 2007 წელს დაბადებული გ.რ. დააკავეს.
როგორც „ინტერპრესნიუსს“ შსს-ში განუცხადეს, მას მძიმე დანაშაულის შეუტყობინებლობა ედება ბრალად.
გამოძიების თანახმად, დაკავებული შემთხვევის ადგილზე იმყოფებოდა, თუმცა მან დანაშაულის შესახებ სამართალდამცველებს არ შეატყობინა და საქმეზე უკვე დაკავებულ პირთან -2008 წელს დაბადებულ ა.გ.-სთან ერთად მიიმალა.
“სამინისტროს თბილისის პოლიციის დეპარტამენტის გლდანი-ნაძალადევის მთავარი სამმართველოს თანამშრომლებმა, თბილისში, თემქის დასახლებაში, მომხდარ ჯანმრთელობის განზრახ მძიმე დაზიანების ფაქტთან დაკავშირებით, რასაც ახალგაზრდა მამაკაცის სიცოცხლის მოსპობა მოჰყვა, კიდევ ერთი პირი 2007 წელს დაბადებული გ.რ. დააკავეს. მას მძიმე დანაშაულის შეუტყობინებლობა ედება ბრალად.
გამოძიების მიერ მოპოვებული მტკიცებულებებით დგინდება, რომ გ.რ. შემთხვევის ადგილზე იმყოფებოდა, თუმცა მან დანაშაულის შესახებ სამართალდამცველებს არ შეატყობინა და ამავე საქმეზე უკვე დაკავებულ პირთან -2008 წელს დაბადებულ ა.გ.-სთან ერთად ადგილიდან მიიმალა”,- აცხადებენ უწყებაში.
შეგახსენებთ, 25 ოქტომბერს, შინაგან საქმეთა სამინისტროს თანამშრომლებმა 2008 წელს დაბადებული პირი დააკავა. გამოძიების თანახმად, რომ ბრალდებული თბილისში, თემქის დასახლებაში, ერთ-ერთი საცხოვრებელი კორპუსის მიმდებარე ტერიტორიაზე, გიგა ავალიანს ფიზიკურად გაუსწორდა და ჯანმრთელობის მძიმე დაზიანება მიაყენა. დაშავებული კრიტიკული მდგომარეობით საავადმყოფოში მოათავსეს, სადაც სამედიცინო დახმარება უტარდებოდა, თუმცა მომდევნო დღეების განმავლობაში მისი ჯანმრთელობის მდგომარეობა კიდევ უფრო დამძიმდა და ის 24 ოქტომბერს გარდაიცვალა.

რელიგიის საკითხთა სახელმწიფო სააგენტო სომხური სამოციქულო ეკლესიის საქართველოს ეპარქიასა და მრევლს ცხოველმყოფელი ჯვრის მოპოვების დღესასწაულს ულოცავს.
რელიგიის საკითხთა სახელმწიფო სააგენტოს ინფორმაციით, ჯვრის მოპოვება ქრისტეს ჯვრისადმი მიძღვნილ ოთხ დღესასწაულთაგან ერთ-ერთია და იგი წმინდა ელენე დედოფლის მიერ 327 წელს, იერუსალიმში ჯვრის აღმოჩენას უკავშირდება.

ბოლო სამი დღის განმავლობაში, შეკრება-მანიფესტაციის ჩატარების წესის დარღვევისთვის, ადმინისტრაციულ სამართალდარღვევათა კოდექსის შესაბამისად, აქციის 60 მონაწილე დააკავეს. ინფორმაციას შსს ავრცელებს.
შსს მოუწოდებს აქციის მონაწილეებს, თავი შეიკავონ „კანონსაწინააღმდეგო ქმედების განხორციელებისგან, წინააღმდეგ შემთხვევაში მათ მიმართ გატარდება კანონით გათვალისწინებული ზომები“.
„შინაგან საქმეთა სამინისტროს თანამშრომლებმა, ბოლო 3 დღის განმავლობაში, შეკრება – მანიფესტაციის ჩატარების წესის დარღვევისთვის, ადმინისტრაციულ სამართალდარღვევათა კოდექსის შესაბამისად, აქციის 60 მონაწილე – გ.ლ.,ზ.ს., მ.ბ., ვ.ჩ., ბ.ქ., გ.მ., ა.გ., ი.გ., გ.ლ., ნ.ლ., ზ.ც., ნ.ლ., დ.მ., დ.ჭ., ნ.ს., ს.რ., ლ.ს., რ.მ., ლ.ბ., ა.გ., გ.ხ., ნ.გ., ი.კ., ზ.მ., თ.კ., ი.ვ., ლ.ბ., ნ.ნ., ნ.ბ., დ.ა., ი.ხ., ნ.ნ., თ.გ., ვ.გ., გ.ე., მ.ტ., თ.ტ., ლ.შ.,ი.კ., ი.ღ., დ.ტ., ბ.მ., ნ.კ., ი.დ., გ.ჯ., გ.მ., ა.შ., თ.კ., ა.ჯ., ვ.ჯ., ლ.ა., თ.ლ., კ.კ., გ.ს., ნ.შ., შ.ბ., ლ.გ., ა.ლ., ნ.პ. და გ.ს. დააკავეს.
მიუხედავად იმისა, რომ საპატრულო პოლიციის წარმომადგენლებმა აქციის მონაწილეებს არაერთხელ მოუწოდეს, არ ჩაედინათ კანონსაწინააღმდეგო ქმედება, რადგან მათი რაოდენობა არ იძლეოდა გზის გადაკეტვის კანონიერ უფლებას, დემონსტრანტები სამართალდამცველთა მოწოდებას არ დაემორჩილნენ, კვლავ გადაკეტეს ტრანსპორტის სავალი ნაწილი და შეაფერხეს მოძრაობა.
კიდევ ერთხელ მოვუწოდებთ აქციის მონაწილეებს, თავი შეიკავონ კანონსაწინააღმდეგო ქმედების განხორციელებისგან, წინააღმდეგ შემთხვევაში მათ მიმართ გატარდება კანონით გათვალისწინებული ზომები“, – ნათქვამია ინფორმაციაში.

შინაგან საქმეთა სამინისტროს აჭარის პოლიციის დეპარტამენტის თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვისა და რეალიზაციის ხელშეწყობის ბრალდებით, უცხო ქვეყნის მოქალაქეები: 2007 წელს დაბადებული ა.ბ. და 1999 წელს დაბადებული ა.ს. დააკავეს. ამის შესახებ ინფორმაციას შსს ავრცელებს.
უწყების ცნობით, დანაშაულები 20 წლამდე ან უვადო თავისუფლების აღკვეთას ითვალისწინებს.
„სამართალდამცველებმა ბრალდებულების პირადი ჩხრეკისას, ასევე, სხვადასხვა ადგილიდან ნივთმტკიცებად ამოიღეს სარეალიზაციოდ გამზადებული, განსაკუთრებით დიდი ოდენობით ნარკოტიკული საშუალებები, მათ შორის „მეფედრონი“, „მეთადონი“ და „ალფა-პვპ“.
პოლიციის მიერ, ერთ-ერთი ბრალდებულის სახლიდან, ასევე, ამოღებულია ნარკოტიკული საშუალებების დაფასოებისთვის საჭირო მასალები.
გამოძიება სისხლის სამართლის კოდექსის 260-ე და 260-ე კვარტა მუხლებით მიმდინარეობს”, – აღნიშნულია ინფორმაციაში.

„ქართული ოცნების“ სადავო ლეგიტიმაციის პარლამენტის თავმჯდომარე, შალვა პაპუაშვილი 2025 წლის 26 ოქტომბრის საპარლამენტო არჩევნების წლისთავს სოციალურ ქსელში გამოეხმაურა ვრცელი სტატუსით, რომელშიც ის კიდევ ერთხელ იმეორებს “ქართული ოცნების” თითქმის ყველა პროპაგანდისტულ კლიშეს, მათ შორის ომში ჩათრევას, დასავლეთის შეთქმულებას და აგენტ-აკაცუკებთან ბრძოლას.
“26 ოქტომბრის არჩევნები იყო ნამდვილი, ხელშესახები საქართველოს განმსაზღვრელი მომენტი, – წერს პაპუაშვილი, – ჩვენ, ჩვენს ნამდვილ ამომრჩევლებთან ერთად დავუპირისპირდით არა მხოლოდ შიდა, რევანშისტულ და დესტრუქციულ ძალებს, ნაცმოძრაობის იდეოლოგიით გაჟღენთილ მრუდე ოპოზიციას, არამედ მათ წარმმართველ, საგარეო გლობალისტურ ძალებს, რომელთაც საქართველოსთვის, გეოპოლიტიკის საჭადრაკო დაფაზე, შესაწირი პაიკის როლი დიდი ხნის დაწერილი აქვთ. ამ ძალებმა, ადგილობრივ მოკავშირეებთან ერთად განგვიცხადეს, რომ უკეთ იციან, რა სჯობს საქართველოსთვის, მისი მომავლისთვის, რა გვაქვს სამეცადინო და ჩასაბარებელი, როგორ უნდა დავიცვათ ჩვენი მომავალი და სად არის ჩვენი ადგილი. სამიათასწლოვან სახელმწიფოს სიბრძნე და გონიერება დაგვიწუნეს და უფსკრულის პირისკენ გვიბიძგეს. სწორედ ესაა ის გამრუდებული რეალობა, რომელსაც ჯიუტად და უხეშად გვახვევენ თავს. როდესაც საშიშროებასა და რისკებზე ვლაპარაკობდით, ზოგს არ სჯეროდა, რომ ამგვარი ძალები მართლაც არსებობდნენ. უმცირესობაში მყოფმა სკეპტიკოსებმა დაქსაქსულ ოპოზიციას მხარი დაუჭირა. მყარად მდგომმა უმრავლესობამ კი „ქართული ოცნება“ და სამშობლოს ეროვნული ინტერესები აირჩია”.
შალვა პაპუაშვილი ასევე ეხება არჩევნების გაყალბების ბრალდებას. საპროტესტო აქციებსა და მის მიერ სამშობლოს მტრებად გამოცხადებული ოპოზიციური პარტიების ბოიკოტს:
“26 ოქტომბრის შემდგომ განვითარებულმა მოვლენებმა, სამართლიანი არჩევნების სრულიად უსაფუძვლოდ გაყალბებულად გამოცხადებამ, საპროტესტო ტალღის მორიგ ჯერზე ხელოვნურად აგორებამ, მარიონეტი ოპოზიციონერების მიერ ბოიკოტის გამოცხადებამ და პოლიტიკური პროცესის საბოტაჟმა ოპოზიციის ამომრჩეველთა უმრავლესობა თავის შეცდომაში დაარწმუნა. ოპოზიციის რჩეულმა პარტიებმა ელექტორატი გააბრიყვეს, მოატყუეს, გამოცხადებული ნდობა და მიღებული მანდატები წყალს გაატანეს. როგორც შემდგომმა პროცესმა გვაჩვენა, ხელისუფლებამ გამოიჩინა სიმტკიცე და გონიერება, სამშობლოს მტრები და დამაქცევრები კი საკუთარ მანდატებს იმავე წყალთან ერთად გაჰყვნენ”.
შალვა პაპუაშვილი თავის განცხადებაში ტრადიციულად არ ივიწყებს ევროპის ქვეყნებსა და მათ დიპლომატიურ მისიებს.
“განვლილ წელიწადში, სიახლე და უპრეცედენტო მოვლენა გახლდათ გარკვეული დასავლური ქვეყნებისა და მათი დიპლომატიური მისიების სრულიად უხეში, მზაკვრული და დესტრუქციული ჩარევა საქართველოს შიდა საქმეებში. ჩვენ ვნახეთ, თუ როგორ გაიხსნა ყველაფერი, რაც იყო დაფარული და როგორ გაცხადდა ის გეგმა, რაც საქართველოსთან მიმართებით არსებობდა. ეს გეგმა არ ეხებოდა არც საქართველოს დემოკრატიის მხარდაჭერას, არც ხალხის ნების გამოვლენას, მის გაძლიერებას თუ შემდგომ ინტეგრაციას. ეს გეგმა შეიცავდა ნებისმიერ ფასად ეროვნული ხელისუფლების შეცვლის სურვილს, რომლის ჩავარდნის შემთხვევაში ერთდროულად უნდა ამოქმედებულიყო ყველა ძალა, გავლენის ყველა აგენტი, ღია თუ ფარული, ყველა მედია თუ ენჯეო, უსარგებლო აკაცუკი თუ სასარგებლო იდიოტი”.
შალვა პაპუაშვილის თქმით, საქართველო უპირისპირდება ქვეყნის გარეთ ჩაბუდებულ მრუდე ძალებს, რომელთათვისაც საქართველო, მისი თქმით, მათი კონკრეტული ინტერესების სათამაშოა.
“ამ ბრძოლაში ფრონტის ხაზი ჩვენს მოქალაქეებზე გადის. ხალხების გონებისთვის მიმდინარე ომში სწორედ ისინი არიან მთავარი სამიზნე – მათი აზრები, ფიქრები, რწმენა და ქცევა. ზუსტად გათვლილი ფსიქოლოგიური იერიშით, როგორც ბოროტ ძალას სჩვევია, მოწყვლადი პირები დაარწმუნეს, რომ ეროვნული ხელისუფლება თითქოს რუსულია, რომ ომი არ არსებობს, რომ დამარცხებული გამარჯვებულია, ქველმოქმედება ქვეყნის ნგრევაა, ეკონომიკური აღმავლობა კი სიღარიბე”.
პაპუაშვილის თქმით, 2025 წლის 4 ოქტომბერს ჩატარებულმა ადგილობრივი თვითმმართველობის არჩევნებმა წერტილი დაუსვა ყოველგვარ სპეკულაციას, სიცრუეს და სიმრუდეს.
“სწორედ ამიტომ, დღევანდელ დღეს, მსურს, კიდევ ერთხელ მადლობა გადავუხადო ჩვენს ამომრჩეველს, ნამდვილ პატრიოტებს. მადლობა ეკუთვნის ასევე ყველა იმ მოქალაქეს, რომელიც ქვეყნის კონსტიტუციურ ჩარჩოში განვითარებას უჭერს მხარს, განურჩევლად პოლიტიკური შეხედულებისა, რომელიც აფასებს მშვიდობას, ახსოვს ისტორიის მწარე გაკვეთილები და უკეთესი ხვალინდელი დღე ეიმედება. ჩვენ კი, ჩვენს პასუხისმგებლობას და ვალდებულებას ქვეყნის წინაშე არ გავაცრუებთ, არ ვუღალატებთ, ზურგს არ შევაქცევთ. ნამდვილების და მრუდეების ჭიდილში, ჩვენ დავიცავთ ნამდვილ საქართველოს მთელი შეძლებით, ცოდნით და მონდომებით, ყველა ხილული თუ უხილავი მტრისაგან და გავასწორებთ ყოველგვარ სიმრუდეს, უსამართლობას და ძალდატანებას“, – დაწერა შალვა პაპუაშვილმა.
ფორუმი

ავტორიტეტული ფრანგული გამოცემა L’Équipe-ის ინფორმაციით, პსჟ გუნდის 19 წლის შემტევ სენი მაიულუსთან ახალი კონტრაქტის გაფორმებაზე მოლაპარაკებებს აწარმოებს და შეთანხმებასაც სავარაუდოდ, მალე მიაღწევს.
პარიზული გრანდი ახალგაზრდა ფეხბურთელს პროექტის ერთ-ერთ მნიშვნელოვან წევრად მიიჩნევს და ახალ შრომით ხელშეკრულებასაც ამიტომ სთავაზობს.
მოქმედი კონტრაქტით მაიულუ “პარკ დე ფრანსზე” 2027 წლის 30 ივნისამდე უნდა დარჩეს. მიმდინარე სეზონში მან ყველა ტურნირზე 8 შეხვედრაში მიიღო მონაწილეობა, სადაც 2 გოლი გაიტანა და 1 ასისტი მიითვალა.
[VIDEO] “როდესაც ჟოაომ ეს პირველად გააკეთა, მთელი ოჯახი ვტიროდით” – ნევეშის ულამაზესმა შეყვარებულმა ახსნა, რას ნიშნავს ფეხბურთელის გოლის სამი თითით აღნიშვნა
2 წელზე მეტი გავიდა – პოგბა მოედანზე დაბრუნებასთან ახლოსაა
ლუის ენრიკემ დონარუმას კრიტიკოსებს მკვლელები უწოდა – კომენტარი ნასრიმ გააკეთა
[VIDEO] ხვიჩას საგოლე პასი, ჰაკიმის დუბლი – პსჟ-მ “ბრესტს” უპრობლემოდ მოუგო
[VIDEO] “როდესაც ჟოაომ ეს პირველად გააკეთა, მთელი ოჯახი ვტიროდით” – ნევეშის ულამაზესმა შეყვარებულმა ახსნა, რას ნიშნავს ფეხბურთელის გოლის სამი თითით აღნიშვნა

ბოლო 3 დღის განმავლობაში, შეკრება – მანიფესტაციის ჩატარების წესის დარღვევისთვის, ადმინისტრაციულ სამართალდარღვევათა კოდექსის შესაბამისად, აქციის 60 მონაწილე დააკავეს. ინფორმაციას შსს ავრცელებს.
შსს მოუწოდებს ხ აქციის მონაწილეებს, თავი შეიკავონ „კანონსაწინააღმდეგო ქმედების განხორციელებისგან, წინააღმდეგ შემთხვევაში მათ მიმართ გატარდება კანონით გათვალისწინებული ზომები“.
„შინაგან საქმეთა სამინისტროს თანამშრომლებმა, ბოლო 3 დღის განმავლობაში, შეკრება – მანიფესტაციის ჩატარების წესის დარღვევისთვის, ადმინისტრაციულ სამართალდარღვევათა კოდექსის შესაბამისად, აქციის 60 მონაწილე – გ.ლ.,ზ.ს., მ.ბ., ვ.ჩ., ბ.ქ., გ.მ., ა.გ., ი.გ., გ.ლ., ნ.ლ., ზ.ც., ნ.ლ., დ.მ., დ.ჭ., ნ.ს., ს.რ., ლ.ს., რ.მ., ლ.ბ., ა.გ., გ.ხ., ნ.გ., ი.კ., ზ.მ., თ.კ., ი.ვ., ლ.ბ., ნ.ნ., ნ.ბ., დ.ა., ი.ხ., ნ.ნ., თ.გ., ვ.გ., გ.ე., მ.ტ., თ.ტ., ლ.შ.,ი.კ., ი.ღ., დ.ტ., ბ.მ., ნ.კ., ი.დ., გ.ჯ., გ.მ., ა.შ., თ.კ., ა.ჯ., ვ.ჯ., ლ.ა., თ.ლ., კ.კ., გ.ს., ნ.შ., შ.ბ., ლ.გ., ა.ლ., ნ.პ. და გ.ს. დააკავეს.
მიუხედავად იმისა, რომ საპატრულო პოლიციის წარმომადგენლებმა აქციის მონაწილეებს არაერთხელ მოუწოდეს, არ ჩაედინათ კანონსაწინააღმდეგო ქმედება, რადგან მათი რაოდენობა არ იძლეოდა გზის გადაკეტვის კანონიერ უფლებას, დემონსტრანტები სამართალდამცველთა მოწოდებას არ დაემორჩილნენ, კვლავ გადაკეტეს ტრანსპორტის სავალი ნაწილი და შეაფერხეს მოძრაობა.
კიდევ ერთხელ მოვუწოდებთ აქციის მონაწილეებს, თავი შეიკავონ კანონსაწინააღმდეგო ქმედების განხორციელებისგან, წინააღმდეგ შემთხვევაში მათ მიმართ გატარდება კანონით გათვალისწინებული ზომები“, – ნათქვამია ინფორმაციაში.

პრემიერლიგის მეცხრე ტურში „ლივერპული“ გასვლაზე „ბრენტფორდთან“ 2:3 დამარცხდა.
მასპინძლები დებიუტშივე უატარამ დააწინაურა, რომელმაც მამარდაშვილის კარი ახლო მანძილიდან უძლიერესი დარტყმით დალაშქრა. საპასუხო შეტევისას ვირტცმა ბურთი ძელს გაარტყა. „ბრენტფორდმა“ თანდათან ინივიატივა დაიბრუნა, დამსგორს გიორგიმ არ გაატანინინა. შემდეგ შადე პირისპირ გავიდა ქართველთან და მეორე გოლი გაუტანა, ზედ შესვენებაზე გასვლის წინ კი კერკეზმა ანგარიში შეამცირა და მატჩს ინტრიგა დაუბრუნა.
აღსანიშნავია, რომ მსაჯმა ჰუპერმა ტრავმა მიიღო და შესვენებაზე ის რობინსონმა შეცვალა. „ბრენტფორდმა“ ზეწოლა გააძლიერა, მამარდაშვილმა ორჯერ გადაარჩინა თავისი გუნდი. შემდეგ ვან დეიკმა უატარა წააქცია და ტიაგომ პენალტი გაიტანა. „ლივერპული“ იერიშებზე გადავიდა, სალაჰმა სხვაობა შეამცირა და საბოლოოდ უკეთესმა გუნდმა გაიმარჯვა.
„ლივერპულმა” ჩემპიონატზე ზედიზედ მეოთხე მარცხი განიცადა, ჯერჯერობით 15 ქულით მეექვსე ადგილზეა და მომდევნო შეხვედრას 29 ოქტომბერს ჩაატარებს – თასის მერვედფინალში „კრისტალ პალასს“ უმასპინძლებს.
ბრენტფორდი – ლივერპული 3:2
გოლები: 1:0 უატარა (5), 2:0 შადე (45), 2:1 კერკეზი (45+5), 3:1 ტიაგო (60, პენ), 3:2 სალაჰი (89)
· საშინელი დაცვა ლივერი ვალენსიას ემსგავსება. მამარდა თამაშობს გუნდი აგებს.
როგორი შეფასებები მიიღო მამარდაშვილმა “ბრენტფორდთან” მატჩში?
როგორი შეფასებები მიიღო მამარდაშვილმა “ბრენტფორდთან” მატჩში?

სერია A-ს მერვე ტურში „ნაპოლიმ“ საკუთარ მოედანზე „ინტერს“ 3:1 მოუგო და ამით შეწყდა ყველა ტურნირზე მილანური გუნდის შვიდმატჩიანი გამარჯვებათა სერია.
„ნაპოლი“ 18 ქულით ლიდერია და 28 ოქტომბერს „ლეჩეს“ ესტუმრება, ინტერი“ კი 15 ქულით მეოთხე პოზიციაზე იმყოფება და 29 ოქტომბერს „ფიორენტინას“ უმასპინძლებს.
– ნეაპოლურმა გუნდმა “ინტერი” 2023 მაისის შემდეგ პირველად დაამარცხა – იქამდე ორჯერ წააგო და სამჯერ ფრედ ეთამაშა.
– მასპინძელთა ნახევარმცველმა კევინ დე ბრუინმა პირველ ტაიმში ტრავმა მიიღო და მოედანი სამედიცინო პერსონალის დახმარებით დატოვა.
ნაპოლი – ინტერი 3:1
გოლები: 1:0 დე ბრუინი (33, პენ), 2:0 მაკტომინეი (54), 2:1 ჩალჰანოღლუ (59, პენ), 3:1 ანგისა (66)
ყველა დროის ანტი-რეკორდი – იტალიაში 20-მა გუნდმა მხოლოდ 11 გოლი გაიტანა
ლუჩიანო სპალეტი შესაძლოა, სერია A-ში სამწვრთნელო საქმიანობას დაუბრუნდეს
პირველი შეხვედრა უკვე შედგა – “იუვენტუსმა” შესაძლოა, მთავარი მწვრთნელი შეიცვალოს
[VIDEO] ლივერპულმა” კომპენსირებულ დროში გატანილი გოლით გაიმარჯვა – “ბაიერნმა” და “ინტერმაც” მოგებებით დაიწყეს
“ასე რთულია. გუნდში 9 ახალი ტვინი მყავს” – კონტემ “ნაპოლის” მარცხის მიზეზებზე ისაუბრა
[VIDEO] ვენდეტა არგენტინულად – სიმეონემ “ტორინოს” “ნაპოლისთან” გამარჯვება მოუპოვა
ვიერიმ “სან სიროს” დანგრევასა და მის ადგილას ახალი სტადიონის აშენებაზე ისაუბრა
“არსენალის” და “ინტერის” დამაჯერებელი გამარჯვებები და “ნაპოლის” განადგურება პსვ-სთან
“მილანსა” და “ინტერს” ახალი სტადიონი ექნებათ – 2031 წლიდან კლუბები ლეგენდარულ “სან სიროზე” აღარ ითამაშებენ
კანტე ევროპაში ბრუნდება? – ფრანგს სერიოზული მსურველი ჰყავს
[VIDEO] ჩემპიონთა ლიგა: “ატლეტიკომ”, “ჩელსიმ”, “ინტერმა”, “მარსელმა” და “ბაიერნმა” გაიმარჯვეს – “ტოტენჰემმა” “ბოდო გლიმტთან” ფრეს მიაღწია
გიჟური მატჩი და საოცარი სილამაზის გოლები ტურინში – “იუვენტუსმა” “ინტერს” თამაში ბოლო წუთებზე შემოუტრიალა
“სალაჰი, ტოტი, კვარაცხელია…” – სპალეტიმ სიმბოლური ნაკრები შეადგინა
“ასეთ პირობებზე ვერ დავრჩებოდი” – სპალეტიმ “ნაპოლის” დატოვების მიზეზი დაასახელა

პრემიერლიგის მეცხრე ტურში „ლივერპული“ გასვლაზე „ბრენტფორდთან“ 2:3 დამარცხდა. „წითლების“ მეკარე გიორგი მამარდაშვილმა რამდენჯერმე გადაარჩინა თავისი გუნდი.
ქართველის თამაში ანალიტიკურმა საიტებმა შეაფასეს: flashscore 6.8, whoscored 6.4, sofascore 6.0.
“ლივერპული” საშინელ ფორმაშია, ჩემპიონატზე ზედიზედ მეოთხედ დამარცხდა და ფაქტია, მამარდაშვილს ძალიან მძიმე სიტუაციაში უწევს თამაში და გუნდში დამკვიდრება.
მამარდაშვილის ეფექტური მოგერიებები – “ლივერპული” “ბრენტფორდთან” დამარცხდა
მამარდაშვილის ეფექტური მოგერიებები – “ლივერპული” “ბრენტფორდთან” დამარცხდა

პრემიერლიგის მეცხრე ტურში „ლივერპული“ გასვლაზე „ბრენტფორდთან“ 2:3 დამარცხდა.
მასპინძლები დებიუტშივე უატარამ დააწინაურა, რომელმაც მამარდაშვილის კარი ახლო მანძილიდან უძლიერესი დარტყმით დალაშქრა. საპასუხო შეტევისას ვირტცმა ბურთი ძელს გაარტყა. „ბრენტფორდმა“ თანდათან ინივიატივა დაიბრუნა, დამსგორს გიორგიმ არ გაატანინინა. შემდეგ შადე პირისპირ გავიდა ქართველთან და მეორე გოლი გაუტანა, ზედ შესვენებაზე გასვლის წინ კი კერკეზმა ანგარიში შეამცირა და მატჩს ინტრიგა დაუბრუნა.
აღსანიშნავია, რომ მსაჯმა ჰუპერმა ტრავმა მიიღო და შესვენებაზე ის რობინსონმა შეცვალა. „ბრენტფორდმა“ ზეწოლა გააძლიერა, მამარდაშვილმა ორჯერ გადაარჩინა თავისი გუნდი. შემდეგ ვან დეიკმა უატარა წააქცია და ტიაგომ პენალტი გაიტანა. „ლივერპული“ იერიშებზე გადავიდა, სალაჰმა სხვაობა შეამცირა და საბოლოოდ უკეთესმა გუნდმა გაიმარჯვა.
„ლივერპულმა” ჩემპიონატზე ზედიზედ მეოთხე მარცხი განიცადა, ჯერჯერობით 15 ქულით მეექვსე ადგილზეა და მომდევნო შეხვედრას 29 ოქტომბერს ჩაატარებს – თასის მერვედფინალში „კრისტალ პალასს“ უმასპინძლებს.
ბრენტფორდი – ლივერპული 3:2
გოლები: 1:0 უატარა (5), 2:0 შადე (45), 2:1 კერკეზი (45+5), 3:1 ტიაგო (60, პენ), 3:2 სალაჰი (89)
დავითაშვილის კაცნაკლული “სენტ-ეტიენი” “ანსისთან” განადგურდა
“ყველა მწვრთნელს ვახშამზე დავპატიჟებ” – გვარდიოლას პრემიერ ლიგაში 250 გამარჯვება დაუგროვდა
“მაშინ დავკარგე ფეხბურთელი, რომელთან მუშაობაც კიდევ 10 წლით მსურდა” – კლოპმა კოუტინიოს “ბარსელონაში” ტრანსფერი გაიხსენა
ჯორდან ჰენდერსონი პრემიერ ლიგას დაუბრუნდა
“ტოტენჰემს” ახალი მწვრთნელი ჰყავს – ლონდონელებმა პოსტეკოღლუს შემცვლელი მალევე იპოვნეს
მამარდაშვილი “აინტრახტთან” სასტარტოშია, ქოჩორაშვილი “მარსელთან” სათადარიგოა
გამარჯვება ოთხი წაგების შემდეგ – მამარდაშვილის “ლივერპულმა” “აინტრახტი” დაჯაბნა
კლუბები შეთანხმდნენ – “იუნაიტედი” “ბრენტფორდის” შემტევს 70 მილიონ ევროდ იმატებს
რატომ ჩაითვალა მამარდაშვილის კარში პირველი გოლი – VAR-ის გადაწყვეტილების მიზეზი სადავო ეპიზოდზე
“ვილიარეალი” 30 მილიონს იხდის, მაგრამ ბოლოს შესაძლოა, პრემიერლიგაში აღმოჩნდეს” – რას წერს ცნობილი ფრანგული გამოცემა მიქაუტაძეზე
[VIDEO] “რა დაემართა ჩვენს გუნდს?! ეს სასაცილო აღარაა!” – “მანჩესტერ იუნაიტედთან” მარცხის შემდეგ გაბრაზებულმა ალექსანდერ-არნოლდის ძმამ მიმართვა გაავრცელა

თამარ ბაჩალიაშვილის დედა, თეონა თამაზაშვილი მიმართვას ავრცელებს:
,,ყურადღება! ყურადღება! იმათ გასაგონად ვისაც გგონიათ ან გაგვაჩუმეს, ან შეგვაშინეს, ან გადაგვასახლეს , ან სულაც მოვკვდით, იმედი უნდა გაგიცრუოთ .მთლად ჯანმრთელად არა მარა ცოცხლები ვართ და ველოდებით უფლის ნებას. დაილოცოს შეუცნობელი გზანი უფლისანი! ორმა კინკილა განადგურებულმა ადამიანმა ამხელა მონსტრის( სისტე მის)წინააღმდეგ ვერაფერი რომ ვერ გავაწყეთ (ძალა აღმართს რო ხნავდა) , მორწმუნე ადამიანების კეთილი რჩევების გათვალისწინებით მივენდეთ უფალს. და ჰოი საოცრებავ, ძლიერნი ამა სოფლისანი სულ არ ყოფილან ძლიერები ღმერთის წინაშე. ( შემოქმედს ვერ მოისყიდი, მის წინაშე ვერ გააყალბებ, თვალებში ნაცარს ვერ შეაყრი და ბოლობოლო უბრალოდ ვერც მოატყუებ და ვერ იმართლებ თავს). გესლიანი და ბოროტი ხალხის საყურადღებოდ პროცესი დაწყებულია და ის შეუქცევადია. მე მჯერა უფლის სამართლის, რამეთუ ჩემი ღიმილა შვილის ცოდვას არავის შეარჩენს. მადლობა უფალო! სამართალი მაინც იზეიმებს მავანს უნდა თუ არა ეს!“

ლა ლიგის მეათე ტურში „ვილიარეალმა“ გასვლაზე „ვალენსიას“ 2:0 სძლია.
სტუმართა გუნდის თავდამსხმელი გიორგი მიქაუტაძე ძირითად შემადგენლობაში იყო და მოედანზე 79 წუთი გაატარა. აღსანიშნავია, რომ “ყვითელი წყალქვეშა ნავის” მეორე გოლი სწორედ ქართველი ფორვარდის აქტიურობას მოჰყვა, მან მეტოქე ეფექტურად ჩამოიშორა და ბურთი კარში გადაგზავნა, თუმცა არ გაუმართლა და მისმა თანაგუნდელმა კომესანიამ ცარიელ კარში გაიტანა.
„ვილიარეალი“ 20 ქულით ჯერჯერობით მე-3 ადგილზეა და მომდევნო მატჩს 30 ოქტომბერს ჩაატარებს – თასის 1/64-ფინალში კორდობაში ქვედა ლიგის „სიუდად დე ლუსენას“ შეხვდება.
ვალენსია – ვილიარეალი 0:2
გოლები: 0:1 მორენო (45), 0:2 კომესანია (57)
[VIDEOS] გოგასგან და სანდროსგან მეტს ველით – ქართველების გუნდები დამარცხდნენ
“იამალი თუ გიულერი?” – კასანომ არჩევანი გააკეთა
როგორი შეფასებები მიიღეს კვარაცხელიამ და მიქაუტაძემ ჩემპიონთა ლიგის მესამე ტურში?
“ვილიარეალთან” თამაში ძალიან რთულია, რადგან ტოპ გუნდია” – გვარდიოლას კომენტარი გამარჯვების შემდეგ
დღეს – კვარაცხელია დაბრუნებულ დემბელესთან ერთად, მიქაუტაძე “სიტის” დასამწუხრებლად
“ვალენსია” ჩაკვეტაძის ტრანსფერზე “უოტფორდს” დაუკავშირდა
“მიქაუტაძესთან დაკავშირებით საშიშროება არსებობდა” – “სიტისთან” მატჩამდე მარსელინომ ქართველზე ისაუბრა
[PHOTO] “სიტისთან” მატჩამდე მიქაუტაძე ძველ მეგობარს შეხვდა
გადადის ჩაკვეტაძე “ვალენსიაში”? – მედიაში ურთიერთგამომრიცხავი ინფორმაციები ვრცელდება
“ვალენსიამ” მამარდაშვილის შემცვლელად 24 წლის მეკარე დაიმატა
ორივე ქართველი სასტარტოშია. კვარაცხელია “ბაიერს” შეუტევს, მიქაუტაძე კი – “სიტის”
“დრო არ ითმენს – “ვალენსიას” ჩაკვეტაძის სასწრაფოდ დამატება სჭირდება” – ესპანური მედია
[VIDEO] სასიამოვნო კადრები – როგორ შეხვდნენ ერთმანეთს მიქაუტაძე და შერკი “ვილიარეალი” სიტის” მატჩამდე
ჩაკვეტაძის “ვალენსიაში” გადასვლა დღითიდღე არარეალური ხდება – როგორ აფასებენ ტრანსფერის შანსებს?
მიქაუტაძის 66 წუთი – “მანჩესტერ სიტიმ” “ვილიარეალი” უშანსოდ დაამარცხა
Geo Team: არის პირადი კონტრაქტი – ჩაკვეტაძის “ვალენსიაში” ტრანსფერი ბოლომდეა მისაყვანი

სერია A-ს მერვე ტურში „ნაპოლიმ“ საკუთარ მოედანზე „ინტერს“ 3:1 მოუგო და ამით შეწყდა ყველა ტურნირზე მილანური გუნდის შვიდმატჩიანი გამარჯვებათა სერია.
„ნაპოლი“ 18 ქულით ლიდერია და 28 ოქტომბერს „ლეჩეს“ ესტუმრება, ინტერი“ კი 15 ქულით მეოთხე პოზიციაზე იმყოფება და 29 ოქტომბერს „ფიორენტინას“ უმასპინძლებს.
– ნეაპოლურმა გუნდმა “ინტერი” 2023 მაისის შემდეგ პირველად დაამარცხა – იქამდე ორჯერ წააგო და სამჯერ ფრედ ეთამაშა.
– მასპინძელთა ნახევარმცველმა კევინ დე ბრუინმა პირველ ტაიმში ტრავმა მიიღო და მოედანი სამედიცინო პერსონალის დახმარებით დატოვა.
ნაპოლი – ინტერი 3:1
გოლები: 1:0 დე ბრუინი (33, პენ), 2:0 მაკტომინეი (54), 2:1 ჩალჰანოღლუ (59, პენ), 3:1 ანგისა (66)
ყველა დროის ანტი-რეკორდი – იტალიაში 20-მა გუნდმა მხოლოდ 11 გოლი გაიტანა
ლუჩიანო სპალეტი შესაძლოა, სერია A-ში სამწვრთნელო საქმიანობას დაუბრუნდეს
პირველი შეხვედრა უკვე შედგა – “იუვენტუსმა” შესაძლოა, მთავარი მწვრთნელი შეიცვალოს
[VIDEO] ლივერპულმა” კომპენსირებულ დროში გატანილი გოლით გაიმარჯვა – “ბაიერნმა” და “ინტერმაც” მოგებებით დაიწყეს
“ასე რთულია. გუნდში 9 ახალი ტვინი მყავს” – კონტემ “ნაპოლის” მარცხის მიზეზებზე ისაუბრა
[VIDEO] ვენდეტა არგენტინულად – სიმეონემ “ტორინოს” “ნაპოლისთან” გამარჯვება მოუპოვა
ვიერიმ “სან სიროს” დანგრევასა და მის ადგილას ახალი სტადიონის აშენებაზე ისაუბრა
“არსენალის” და “ინტერის” დამაჯერებელი გამარჯვებები და “ნაპოლის” განადგურება პსვ-სთან
“მილანსა” და “ინტერს” ახალი სტადიონი ექნებათ – 2031 წლიდან კლუბები ლეგენდარულ “სან სიროზე” აღარ ითამაშებენ
კანტე ევროპაში ბრუნდება? – ფრანგს სერიოზული მსურველი ჰყავს
[VIDEO] ჩემპიონთა ლიგა: “ატლეტიკომ”, “ჩელსიმ”, “ინტერმა”, “მარსელმა” და “ბაიერნმა” გაიმარჯვეს – “ტოტენჰემმა” “ბოდო გლიმტთან” ფრეს მიაღწია
გიჟური მატჩი და საოცარი სილამაზის გოლები ტურინში – “იუვენტუსმა” “ინტერს” თამაში ბოლო წუთებზე შემოუტრიალა
“სალაჰი, ტოტი, კვარაცხელია…” – სპალეტიმ სიმბოლური ნაკრები შეადგინა
“ასეთ პირობებზე ვერ დავრჩებოდი” – სპალეტიმ “ნაპოლის” დატოვების მიზეზი დაასახელა

აშშ-ის პრეზიდენტი, დონალდ ტრამპი აცხადებს, რომ რუსეთის პრეზიდენტს, ვლადიმირ პუტინს მხოლოდ იმ შემთხვევაში შეხვდება, თუ ეცოდინება, რომ ეს შეხვედრა მოიტანს უკრაინაში მშვიდობის შესახებ შეთანხმებას. “არ ვაპირებ დრო ტყუილუბრალოდ ვფლანგო” – თქვა ტრამპმა.
ტრამპი ამ განცხადებით ჟურნალისტებთან გამოვიდა, საპრეზიდენტო თვითმფრინავის, Air Force One-ის ბორტზე, როცა სამხრეთ-აღმოსავლეთ აზიაში ტურნეს წინ. ამასთან, ტრამპმა კიდევ ერთხელ დაადასტურა, რომ უკრაინაში ომის და რუსეთზე ზეწოლის განხორციელების შესაძლებლობის საკითხებს წამოჭრის დაგეგმილ შეხვედრაზე ჩინეთის ლიდერთან, სი ძინპინთან. ტრამპი ამბობს, რომ აპირებს ჩინეთის ლიდერს დაელაპარაკოს რუსეთის ნავთობის შესყიდვის შეზღუდვაზე.
ტრამპი კითხვებს პასუხობდა კატარის ამირასთან, თამიმ ბინ ჰამად ალ-თანისთან და პრემიერ-მინისტრთან შეხვედრის შემდეგ – რომელიც თვითმფრინავის ბორტზე გაიმართა, როცა ხომალდი საწვავის შესავსებად კატარში იყო გაჩერებული. განხილულ თემებს შორის იყო ღაზის სექტორის მომავალიც. კატარი ერთ-ერთი შუამავალი ქვეყანა იყო ღაზაში ცეცხლის შეწყვეტის შეთანხმების მიღწევის პროცესში.
ტრამპის თქმით, შეხვედრაზე განიხილეს საერთაშორისო ძალების საკითხი ღაზაში წესრიგის მხარდასაჭერად. აშშ-ის პრეზიდენტი ამბობს, რომ კატარმა მზადყოფნა გამოთქვა ამგვარ მისიაში მონაწილეობა მიიღოს საჭიროების შემთხვევაში.
ტრამპმა მიმდინარე კვირაში გამოაცხადა, რომ გაუქმდა პუტინთან ბუდაპეშტში დაგეგმილი შეხვედრა, თუმცა თქვა, რომ შეხვედრა, შესაძლოა, მომავალში გაიმართოს. პუტინმა განაცხადა, რომ შეხვედრა უფრო გადაიდო, ვიდრე გაუქმდა. ამასთან, აშშ-მა სანქციები დაუწესა რუსეთის ორ უმსხვილეს ნავთობკომპანიას. ეს მოხდა მას მერე, რაც მოსკოვმა ფაქტობრივად უარყო ტრამპის ბოლო ინიციატივა, რომელსაც უკრაინა დაეთანხმა – რომ ცეცხლი ფრონტის მიმდინარე ხაზზე უნდა შეწყდეს.
პარალელურად, აშშ-ში ვიზიტით მყოფი პუტინის საგანგებო წარმომადგენელი, კირილ დმიტრიევი კვლავ ირწმუნება, რომ კონფლიქტის დიპლომატიური გადაწყვეტა უფრო მოახლოებულია.

ირლანდიის საპრეზიდენტო არჩევნებში გაიმარჯვა მემარცხენე შეხედულებების მქონე პოლიტიკოსმა, კეტრინ კონოლიმ – რომელიც დამოუკიდებელი კანდიდატის სტატუსით იყრიდა კენჭს. არჩევნების საბოლოო შედეგი ჯერჯერობით არ არის დათვლილი, თუმცა წინასწარი მონაცემებით კონოლი თითქმის ორჯერ უსწრებს თავის ერთადერთ მეტოქეს – მმართველი პარტია “ფინე გელის” კანდიდატ ჰეზერ ჰემფრის.
წინასწარი მონაცემებით, კონოლი იღებს ხმათა 60 პროცენტზე მეტს, ჰემფრისი – 30 პროცენტზე ნაკლებს. დანარჩენი ხმები ერგო არჩევნებიდან მოხსნილ ჯიმ გევისს, ამომრჩეველთა დაახლოებით 10-მა პროცენტმა ბიულეტენები განზრახ გააფუჭა – როგორც წესი, ესენი არიან მემარჯვენე შეხედულებების მოქალაქეები, რომლებსაც არ მოსწონთ ქვეყნის მიგრაციული პოლიტიკა და ვერ ხედავენ მათთვის მისაღებ კანდიდატს.
68 წლის კონოლის მხარს უჭერდა შვიდი ოპოზიციური პარტიის კოალიცია, რომელსაც ხელმძღვანელობს უმსხვილესი მემარცხენე ძალა “შინ ფეინი”. ანალიტიკოსების შეფასებით, რიგ საკითხებთან მიმართებით კონოლის პოზიციები ბევრად უფრო რადიკალურად მემარცხენეა, ვიდრე ევროპული პოლიტიკის მეინსტრიმული ძალების. იგი, მათ შორის, აკრიტიკებს ევროკავშირის გადაიარაღების გეგმას, უკრაინისთვის საომარი დახმარების გაწევას, მწვავედ აკრიტიკებს აშშ-ს, ნატოს და ისრაელს, ღაზაში მისი ომის გამო.
ირლანდიაში პრეზიდენტს უწინარესად ცერემონიული ფუნქციები აქვს და მთავრობის პოლიტიკაზე გავლენას არ ახდენს. კაბინეტის ხელმძღვანელმა, მიჰოლ მარტინმა კონოლის გამარჯვება მიულოცა და მასთან თანამშრომლობის მზაობა გამოთქვა.

ლიგა 2-ის მეთერთმეტე ტურში „სენტ-ეტიენი“, რომელიც მე-13 წუთზე იგორ მილადინოვიჩის გაძევების გამო რიცხობრივ უმცირესობაში დარჩა, გასვლაზე „ანსისთან“ 0:4 დამარცხდა.
სტუმართა გუნდის ნახევარმცველმა ზურიკო დავითაშვილმა 74-ე წუთამდე ითამაშა.
„სენტ-ეტიენმა“ ზედიზედ მეორე მარცხი განიცადა, 20 ქულით მეოთხე ადგილზეა და 28 ოქტომბერს „პოს“ უმასპინძლებს.
ანსი – სენტ-ეტიენი 4:0
გოლები: 1:0 ლაროზი (6), 2:0 პარიზი (67), 3:0 ტურე (71), 4:0 რამბო (90+1)
გაძევება: მილადინოვიჩი (13, სენტ-ეტიენი)
როგორი შეფასებები მიიღეს პსჟ-ს ფეხბურთელებმა “ბრესტთან” მატჩში?
[VIDEO] ხვიჩას საგოლე პასი, ჰაკიმის დუბლი – პსჟ-მ “ბრესტს” უპრობლემოდ მოუგო
გოჩოლეიშვილის დაბრუნება გადაიდო – “ჰამბურგი” სახლში “ვოლფსბურგთან” დამარცხდა
[VIDEO] დავითაშვილმა დუბლი შეასრულა და მატჩის საუკეთესო ფეხბურთელი გახდა
დავითაშვილის “სენტ-ეტიენმა” შინ მარცხი განიცადა
დავითაშვილის სრული მატჩი – “სენტ-ეტიენმა” კვლავ გაიმარჯვა
დავითაშვილი შეცვალეს – “სენტ-ეტიენი” სახლში “გენგამთან” დამარცხდა
თურქული გრანდი დავითაშვილის შესაძენად ფულს არ დაზოგავს
[VIDEO] ზურიკოს დუბლით “სენტ-ეტიენი” “მონპელიეს” ამარცხებს

ჰარვარდში ანასტასია ლელაძე, ქუთაისელი გოგონა უკვე მეორე წელია სრული დაფინანსებით სწავლობს. მისი აზრით, მომავალი დიპლომატისთვის ძალზე მნიშვნელოვანია ამერიკაში, საქართველოს სტრატეგიულ პარტნიორ ქვეყანაში განათლების მიღება. არცთუ იოლ ადაპტაციაში მას თავიდან ყველაზე მეტად ქართველი მეგობრები დაეხმარნენ.

მოსახლეობაში განათლების მაღალი დონე ხშირად ასოცირდება ინოვაციურობასთან, ეკონომიკურ ზრდასთან და უკეთეს სამუშაო შესაძლებლობებთან. თუმცა, როგორც ეკონომიკური თანამშრომლობისა და განვითარების ორგანიზაციის (OECD) 2025 წლის ანგარიშიდან ირკვევა, ეს ყოველთვის არ ნიშნავს უფრო კარგ ეკონომიკურ შედეგს.
აღნიშნულ კვლევაში 45 ქვეყნის სამუშაო ასაკის მოსახლეობის განათლების დონეა შეფასებული და იგი სამ კატეგორიად იყოფა:
· საშუალო სკოლის დონეზე ქვემოთ;
· საშუალო სკოლა ან დიპლომი (მაგ; სკოლის ატესტატი, პროფესიული სასწავლებლის დიპლომი და ა.შ.),
· კოლეჯის ან უნივერსიტეტის ხარისხი.
რეიტინგის სათავეში კანადაა, სადაც მოსახლეობის თითქმის 65% ფლობს კოლეჯის ან უნივერსიტეტის დიპლომს. მას მოსდევს ირლანდია და სამხრეთი კორეა. ამ ქვეყნებმა განათლების ხელმისაწვდომობასა და ცოდნაზე დაფუძნებულ ეკონომიკაში ბოლო პერიოდში დიდი ინვესტიციები ჩადეს.
OECD-ის მონაცემებით, უმაღლესი განათლების მქონე პირები, როგორც წესი, ორჯერ მეტ შემოსავალს იღებენ იმ ადამიანებთან შედარებით, რომლებმაც საშუალო განათლების საფეხური ვერ დაასრულეს.
ისეთი ქვეყნები, როგორიცაა ავსტრია და გერმანია, უმაღლეს და პროფესიულ განათლებას შორის უფრო დაბალანსებულ განაწილებით გამოირჩევიან. მაგალითად, გერმანია ერთ სულ მოსახლეზე მშპ-ის მაჩვენებლით მსოფლიოში მე-19 ადგილზეა, მიუხედავად იმისა, რომ მისი ზრდასრული მოსახლეობის მხოლოდ 34%-ს აქვს უნივერსიტეტის ხარისხი.
ქვეყანას სტაჟირების გამართული სისტემა აქვს, სადაც სტუდენტები პრაქტიკულ ტრენინგს თეორიულ სწავლებასთან ერთად გადიან. ეს მათ სასწავლებლის დამთავრების შემდეგ დასაქმების მაღალ შანსს აძლევს.
განათლების დონე მსოფლიოს 45 ქვეყანაში, 2024 წლის მდგომარეობით:
forbes.ge

ახალგაზრდა მასწავლებელი, გიგა ავალიანი, რომელსაც 1-ელ ოქტომბერს თავს დაესხნენ, კლინიკაში გარდაიცვალა – საქმესთან დაკავშირებით სამართალდამცავებმა არასრულწლოვანი დააკავეს.
როგორც „ინტერპრესნიუსს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 117-ე მუხლით არის დაწყებული, რაც ჯანმრთელობის განზრახ მძიმე დაზიანებას გულისხმობს.
არსებული ინფორმაციით, გიგა ავალიანს თავს რამდენიმე არასრულწლოვანი 1-ელ ოქტომბერს დაესხა, რის შედეგადაც მან თავის არეში დაზიანება მიიღო. ის კლინიკაში კომატოზურ მდგომარეობაში იმყოფებოდა.

საქართველოში ახალშექმნილი სამი ოჯახიდან ორი ინგრევა. მდგომარეობა წლიდან წლამდე უარესდება და მატულობს განქორწინებათა რიცხვი. ბევრიც არარეგისტრირებულ ქორწინებაში და ურთიერთობაშია. ცალკე თავსატეხია დაქორწინების ასაკის გადაწევა. პრობლემა იმდენად მასშტაბურია, რომ ქვეყნის ეკონომიკაზეც მკვეთრად ნეგატიური გავლენა აქვს, რადგან განქორწინება მოქალაქეების მდგომარეობაზე ცუდად მოქმედებს, ხარჯები იზრდება და დანაზოგი ვერ კეთდება.
მდგომარეობის სიმძიმეს ასახავს ოფიციალური სტატისტიკაც, ,,საქსტატის” მომაცემის მიხედვით, 2025 წლის ექვს თვეში საქართველოში 9925 – ქორწინება და 6256 განქორწინება დარეგისტრირდა, რაც სავალალო მაჩვენებელია.
განქორწინების ფაქტების გავლენა შეაფასეს სპეციალისტებმა და ისაუბრეს იმ მიზეზებზეც, რამაც უარყოფითი ტენდენცია გამოიწვია. დემოგრაფ ანზორ სახვაძის თქმით, შექმნილ სიტუაციაში მნიშვნელოვანია დემოგრაფიული პოლიტიკა გადაიხედოს და ოჯახის სიმტკიცისაკენ მიმართული ღონისძიებები გატარდეს.
“ნამდვილად დამაფიქრებელი გარემოებაა, თუმცა საბჭოთა კავშირის დროსაც იყო მსგავსი ფაქტები. უნდა ვიცოდეთ ფაქტორები, რამ განაპირობა ასეთი ცვლილება. ეს შეიძლება იყოს განპირობებული ასაკობრივი სტრუქტურითაც, რომელიც მნიშვნელოვნად განსაზღვრავს როგორც ქორწინებების, ასევე განქორწინების რაოდენობას. ამიტომაც საჭიროა უფრო სიღრმისეული ანალიზი.
ერთი შეხედვით კი ნამდვილად რთული მოცემულობაა, რაც უარყოფით შედეგებს იწვევს. პირველ რიგში, იკლებს შობადობის მაჩვენებელი, მით უმეტეს მაშინ, როდესაც ქვეყანაში მოსახლეობის რაოდენობა განუწყვეტლივ მცირდება, ოჯახების გახლეჩა უდავოდ არასასურველი ფაქტია.განქორწინება სიმპტომია, მაგრამ რიგი გამომწვევი საკითხები უნდა იქნას შესწავლილი. სამწუხაროდ, მშრალი სტატისტიკა ამის ანალიზს შესაძლებლობას არ იძლევა”, – აღნიშნა დემოგრაფმა.
იგი ადასტურებს, რომ განქორწინება ოჯახის წევრთა ეკონომიურ მდგომარეობას ართულებს.
,,განქორწინებულებს სჭირდებათ არა ერთი, არამედ 2 ბინა, შესაბამისად, ოჯახში ხარჯები იზრდება და ახალი საცხოვრისის გაჩენის აუცილებლობა ჩნდება. ბინით უზრუნველყოფის საკითხი დგება წინა პლანზე, თავისთავად განქორწინება ნეგატიურად მოქმედებს ქვეყნის დემოგრაფიულ მდგომარეობაზეც. ამისი გამოსწორებისათვის საჭიროა მთლიანად პოლიტიკა გადაიხედოს და სადაც საჭიროა, ახალი ღონისძიებები იქნას გატარებული, რომელიც ოჯახის სიმტკიცისაკენ იქნება მიმართული.
როდესაც ოჯახში ცხოვრების საკმარისი პირობები არ არის, ამან შეიძლება უკმაყოფილება წარმოშვას და განქორწინების საბაბიც გახდეს. ამიტომ საჭიროა სახელმწიფომ შეიმუშაოს ისეთი ღონისძიებები, რომელიც ახალგაზრდა ოჯახებს მისცემს საშუალებას თავიანთი შემოსავლებით ნორმალურ პირობებში იცხოვრონ”, – ამბობს ანზორ სახვაძე.
სპეციალისტები საუბრობენ იმაზეც, რომ სტატისტიკით გადმოცემული მონაცემები პირდაპირ კავშირშია ე.წ. თანამედროვეობასთან და ლიბერალურ პოლიტიკასთან. დემოგრაფმა თამარ ჩიბურდანიძემ ქართული ტრადიციის უგულებელყოფასა და მიგრაციის ნეგატიურ გავლენაზე გაამახვილა ყურადღება.
,,განქორწინებასთან დაკავშირებული სტატისტიკა ე.წ. თანამედროვეობასთან და ლიბერალურ პოლიტიკასთან პირდაპირ კავშირშია. ამის უმთავრესი მიზეზი ისაა, რომ ახალგაზრდები ერთმანეთთან თანაცხოვრების თავისუფალ რეჟიმს ამჯობინებენ, ვიდრე დაქორწინებას. რამდენიმე წელი ისინი თანაცხოვრების პროცესში არიან, ოღონდ არ ქორწინდებიან. ტრადიციული ღირებულებები მეორეხარისხოვანი გახდა. ეს არის უმთავრესი მიზეზი.
შობადობაც შემცირებულია და აქაც ერთ-ერთი განმსაზღვრელი ისააა, რომ პირველი შვილის გაჩენის მაჩვენებელი დაკლებულია. ეს ნიშნავს, რომ ახალდაქორწინებული წყვილები შვილის ყოლის გადავადებას ახდენენ.
ქორწინებაზე იმოქმედა მიგრაციამაც, ეს პროცესი მუდმივად მიმდინარეობს. 90-იანი წლებიდან მუდმივად გაედინება მოსახლეობა ქვეყნიდან. ძირითადი მიზეზი მაინც ისააა, რომ ახალგაზრდები გვიან ასაკში შედიან ოფიციალურ ქორწინებაში.
განქორწინებათა რაოდენობის ზრდა პირდაპირ მიუთითებს, თუ რამდენად დეგრადირებულია ოჯახური ღირებულებები ახალგაზრდებში. თუკი ჩვენს თაობაში ოჯახი იყო ღირებულებათა სისტემა, დღეს ეს დაიკარგა. ცოლქმრობა ვალდებულებაა იმისა, რომ ოჯახი შეინაჩუნო.
გაეროს მონაცემის მიხედვით, ყველა განვითარებულ სახელმწიფოს აქვს დემოგრაფიული პრობლემები, ხოლო განუვითარებელ ქვეყნებში მოსახლეობის რაოდენობა კატასტროფულად იზრდება. ის, რომ ვიღაცას ეკონომიკური კრიზისი აქვს და ოჯახი ენგრევა, ეს არის ტყუილი”, – აღნიშნა თამარ ჩიბურდანიზემ და მომავალი თაობის მენტალურ პრობლემაზეც დასძინა.
,,მარტოხელა მშობელი, დედაც და მამაც, სახელმწფოს კისერზეა. ასეთი ადამიანი შეიძლება სოციალური სტატუსის მქონე გახდეს, ზოგიერთმაც შვილი დატოვოს და უცხოეთში წავიდეს, რაც ძალიან მძჳმედ აისახება ბავშვის ფსიქიკაზე, უდედოდ გაზრდილ თაობას ვუყურებთ, ეს ტრაგედიაა.
ლიბერალურმა პოლიტიკამ საქართველოს ახალგაზრდობა გაანადგურა, ვერ ხვდებიან, რომ მოქალაქეობა სახელმწიფოს მხრიდან არის ვალდებულება. მოქალაქემ და სახელმწიფო, ორივე ურთიერთვალდებული უნდა იყოს ერთმანეთის წინაშე. ძალიან მარტივად ელევიან თანაცხოვრებას და ანგრევენ ოჯახებს. აქედან გამომდინარე, ახალგაზრდების ცნობიერებაშია პრობლემა”, – დასძინა თამარ ჩიბურდანიძემ.
საქსტატის ცნობით, 2025 წლის პირველ ნახევარში ბუნებრივი მატება (სხვაობა ცოცხლად დაბადებულთა და გარდაცვლილთა რიცხოვნობას შორის) -4 999 კაცით განისაზღვრა. ბუნებრივი მატების დადებითი მაჩვენებელი მხოლოდ თბილისსა (406) და აჭარის ავტონომიურ რესპუბლიკაში (296) დაფიქსირდა.
resonancedaily.com

ჩინეთში გამართულ ფიგურული სრიალის გრან-პრის სერიის მეორე ეტაპზე ქართულმა წყვილმა ბრწყინვალედ იასპარეზა. ლუკა ბერულავამ და ანასტასია მეტელკინამ გრან-პრიზე გამარჯვება მოიპოვეს.
მოკლე პროგრამაში ქართულმა წყვილმა 77.77 ქულა დააგროვა და პირველი ადგილი დაიკავა, თავისუფალ პროგრამაში კი პირველობა კვლავ არავის დაუთმეს და საერთო ჯამში 217.14 ქულით გაიმარჯვეს.
ტურნირზე მეორე ადგილი იტალიურმა წყვილმა 209.88 ქულით დაიკავა.
გუბანოვამ ოლიმპიადის ლიცენზია მოიპოვა
საქართველო პირველად უმასპინძლებს ჩელენჯერის სერიის საერთაშორისო ტურნირს
ისტორიაში პირველად საქართველოს ფიგურული ციგურაობის ნაკრები მსოფლიოს ჩემპიონატზე იასპარეზებს
უკრაინელმა ფიგურულმა მოციგურავეებმა საქართველოს სახელით მოასპარეზე წყვილს ხელი არ ჩამოართვეს [VIDEO]
მეტელკინასა და ბერულავას წყვილი მსოფლიო ჩემპიონატზე ოქროს მედლებს დაეუფლა
ქართულმა წყვილმა იუნიორთა მსოფლიოს ჩემპიონატზე მცირე ოქროს მედალი მოიპოვა
ისტორიული მიღწევა – მეტელკინა-ბერულავას წყვილი ევროპის ვიცე-ჩემპიონია [VIDEO]
მეტელკინამ და ბერულავამ ოლიმპიადის ლიცენცია მოიპოვეს
ქართველმა მოციგურავეებმა ფიგურული სრიალის საერთაშორისო ტურნირი მოიგეს
ქართულმა წყვილმა იუნიორთა მსოფლიოს ჩემპიონატზე ოქროს მედალი ზედიზედ მეორედ მოიპოვა

სანაქებოა ჩვენი სპეცსამსახურებისა და სამართალდამცველების შესანიშნავი მუშაობა, იქოლება “შავბნელი ხვრელები” – ხან “ჰექსოგენი” ტერორისტებიანად, ხან დიდძალი ნარკოტიკები, ახლა სუს-ის მიერ ურანის უკანონო შეძენა – გადაზიდვის აღკვეთა
სახელმწიფო უსაფრთხოების სამსახურის კონტრდაზვერვისა და სპეციალური ოპერაციების დეპარტამენტების თანამშრომლების მიერ ერთობლივად ჩატარებული ღონისძიების შედეგად, თბილისში, 2 კილოგრამი ბირთვული მასალა – ურანის უკანონო შეძენის მცდელობისას დაკავებულია ჩინეთის სამი მოქალაქე. დანაშაულებრივი ჯგუფის წევრები თბილისში გეგმავდნენ რადიოაქტიური ნივთიერების უკანონო შეძენას 400 000 აშშ დოლარად და შემდეგ უკანონო ტრანსპორტირებას ჩინეთში, რუსეთის ტერიტორიის გავლით – წერს ანალიტიკოსი გია აბაშიძე სოციალურ ქსელში.
მისივე თქმით, ე.წ. „რუსულ-ჩინურად“ მონათლული საქართველოს ხელისუფლება ბლოკავს ბირთვული მასალების კრიმინალურ ტრანზიტს სწორედ რუსეთსა და ჩინეთში, და ამავე დროს საერთაშორისო სასამართლოებში სისტემატურად იგებს საქმეებს რუსეთის წინააღმდეგ საქართველოს ოკუპაციასთან დაკავშირებით, რაც სრულიად აბათილებს ოპოზიციის ბრალდებებს ხელისუფლების პრორუსულობაზე.
„სანაქებოა ჩვენი სპეცსამსახურებისა და სამართალდამცველების შესანიშნავი მუშაობა, იქოლება “შავბნელი ხვრელები” – ხან “ჰექსოგენი” ტერორისტებიანად, ხან დიდძალი ნარკოტიკები, ახლა სუს-ის მიერ ურანის უკანონო შეძენა-გადაზიდვის აღკვეთა. სახელმწიფო უსაფრთხოების სამსახურის კონტრდაზვერვისა და სპეციალური ოპერაციების დეპარტამენტების თანამშრომლების მიერ ერთობლივად ჩატარებული ღონისძიების შედეგად, თბილისში, 2 კილოგრამი ბირთვული მასალა – ურანის უკანონო შეძენის მცდელობისას დაკავებულია ჩინეთის სამი მოქალაქე. დანაშაულებრივი ჯგუფის წევრები თბილისში გეგმავდნენ რადიოაქტიური ნივთიერების უკანონო შეძენას 400 000 აშშ დოლარად და შემდეგ უკანონო ტრანსპორტირებას ჩინეთში, რუსეთის ტერიტორიის გავლით. მორიგ ჯერზე უბადრუკი ნაცსპიკერების მასხრად აგდების კონტექსტში ვიკითხავ – როგორ აიხსნება, რომ ე.წ. “რუსულ-ჩინური” საქართველოს ხელისუფლება ბირთვული მასალების კრიმინალურ ტრანზიტს ბლოკავს რუსეთსა და ჩინეთში და იმავდროულად, საერთაშორისო სასამართლოებში მუდმივად უგებს კრემლს ჩვენი ოკუპაციის საქმეებზე?..“ – წერს აბაშიძე.

თამამად შეგვიძლია ვთქვათ, რომ ახალი ხელმძღვანელობის პირობებში სახელმწიფო უსაფრთხოების სამსახური განვითარების ახალ ეტაპზე გადავიდა
ექსპერტი დავით ჩიხელიძე, სოციალურ ქსელში სახელმწიფო უსაფრთხოების სამსახურის კონტრდაზვერვისა და სპეციალური ოპერაციების დეპარტამენტების თანამშრომლების მიერ ერთობლივად ჩატარებულ ღონისძიებას ეხმიანება, რომლის დროსაც უცხო ქვეყნის სამი მოქალაქე 2 კილოგრამი ურანის უკანონო შეძენის მცდელობისას დააკავეს და აღნიშნავს, რომ სახელმწიფო უსაფრთხოების სამსახური, კრიმინალისა და უსაფრთხოების გამოწვევების წინააღმდეგ ბრძოლაში უკომპრომისოა. მისივე შეფასებით, ოპერაციის წარმატება ხაზს უსვამს სუს-ის მაღალ პროფესიონალიზმს.
მისივე თქმით, აღნიშნული შემთხვევა ნათლად აჩვენებს, რომ სახელმწიფო ინსტიტუტები მზად არიან არა მხოლოდ შიდა უსაფრთხოების, არამედ საერთაშორისო რისკების ეფექტურად მართვისთვის.
„სახელმწიფო უსაფრთხოების სამსახურის კონტრდაზვერვისა და სპეციალური ოპერაციების დეპარტამენტების მიერ ერთობლივად ჩატარებულმა ოპერაციამ, რომლის დროს უცხო ქვეყნის სამი მოქალაქე 2 კილოგრამი ურანის უკანონო შეძენის მცდელობისას დააკავეს, კიდევ ერთხელ აჩვენა, რომ სახელმწიფო უსაფრთხოების სამსახური, კრიმინალისა და უსაფრთხოების გამოწვევების წინააღმდეგ ბრძოლაში უკომპრომისოა. აღსანიშნავია, რომ ოპერაცია არ არის მხოლოდ ლოკალური მნიშვნელობის, მისი შედეგები საერთაშორისო თვალსაზრისითაც განსაკუთრებულ ყურადღებას იპყრობს, რადგან არავინ იცის ურანი სად რა მიზნით გამოიყენებოდა, მაგრამ ფაქტია ურანის მყიდველები კეთილშობილური მიზნით არ მოქმედებდნენ… ოპერაციის წარმატება ხაზს უსვამს სუს-ის მაღალ პროფესიონალიზმს, აღნიშნული შემთხვევა ნათლად აჩვენებს, რომ სახელმწიფო ინსტიტუტები მზად არიან არა მხოლოდ შიდა უსაფრთხოების, არამედ საერთაშორისო რისკების ეფექტურად მართვისთვის. დღეს თამამად შეგვიძლია ვთქვათ, რომ ახალი ხელმძღვანელობის პირობებში სახელმწიფო უსაფრთხოების სამსახური განვითარების ახალ ეტაპზე გადავიდა, რაც გვაძლევს გარანტიას, რომ ქვეყნის სტაბილურობასა და განვითარებას საფრთხე არ ემუქრება. ერთადერთი რეალური საფრთხე დღეს კრიმინალმა უნდა იგრძნოს, რადგან სუსი მოქმედებს უკომპრომისოდ, მაღალ სტანდარტებსა და პროფესიონალიზმზე დაყრდნობით, რათა ნებისმიერი უკანონო, ქვეყნის უსაფრთხოების წინააღდეგ მიმართული მოქმედება უმოკლეს დროში იყოს აღმოფხვრილი.“ – წერს ჩიხელიძე.

რუსთაველის გამზირზე საპროტესტო აქცია მიმდინარეობს.
მოქალაქეების პარლამენტის წინ, ტროტუარზე არიან შეკრებილები.
პროტესტის 332-ე დღესაც აქციის მონაწილეების მოთხოვნა უცვლელია – დაინიშნოს ახალი საპარლამენტო არჩევნები და გათავისუფლდნენ აქციის ფარგლებში დაკავებულები.

ლიგა 1-ის მეცხრე ტურში პსჟ-მ გასვლაზე „ბრესტი“ 3:0 დაამარცხა, ხვიჩა კვარაცხელიამ კი მიმდინარე ტურნირზე პირველი საგოლე მოქმედება მიითვალა.
სტუმრები უპირატესობას ფლობდნენ და ჰაკიმიმ დააწინაურა. შემდეგ კვარაცხელიამ ლამაზი ფინტით მცველი ჩამოიშორა, მისი დარტყმული მეკარე მაიეცკიმ მოიგერია, თუმცა გადაცემა ჰაკიმის გაუკეთა და პარიზულმა გუნდმა პირველი ტაიმი 2:0 მოიგო.
მეორე ტაიმის დასაწყისში ბურთი საჯარიმოში ხელზე ლის მოხვდა, მსაჯმა ვიდეოარბიტრთან ხანგრძლივი განხილვის შედეგად პენალტი ჯერ არ დანიშნა, მაგრამ მერე მონიტორთან თავად მივიდა, გადაწყვეტილება შეცვალა და დელ კასტილიომ თერთმეტმეტრიანის ნიშნულიდან ბურთი ტრიბუნაზე გაგზავნა. „პარი სენ ჟერმენის“ მორიგი იერიშისას ხვიჩას გატანა მაეცკიმ ისევ არ დაანება და ლუის ენრიკემ 70-ე წუთზე ქართველი დუეთი შეცვალა, რომელმაც მეტოქის კარი კომპენსირებულ დროში დალაშქრა და პსჟ-მ დამაჯერებელი გამარჯვება მოიპოვა.
პსჟ 20 ქულით ამ მომენტისთვის ლიდერია და 29 ოქტომბერს სტუმრად „ლორიენს“ დაუპირისპირდება.
ბრესტი – პსჟ 0:3
გოლები: 0:1 ჰაკიმი (29), ჰაკიმი (39), 0:3 დუე (90+6)
გამოუყენებელი პენალტი: დელ კასტილიო (58, ბრესტი)
გოჩოლეიშვილის დაბრუნება გადაიდო – “ჰამბურგი” სახლში “ვოლფსბურგთან” დამარცხდა
ზივზივაძის ერთი ტაიმი და “ჰაიდენჰაიმის” მორიგი წაგება
გოგლიჩიძემ ისევ შეუცვლელად ითამაშა – “უდინეზემ” გაიმარჯვა და მერვე ადგილზე გადავიდა

ის, რომ შვედი დეპუტატი ისევ ბედავს საქართველოზე საუბარს, იმის ბრალია, რომ არც მას, არც შვედეთის მთავრობას და არც შვედეთის საელჩოს ბოდიში არ მოუხდიათ, შარშან, მის მიერ, მაიდნის სცენარის განხორციელებით ხელისუფლების დამხობისკენ მოწოდების გამო,- ამის შესახებ პარლამენტის თავმჯდომარე შალვა პაპუაშვილი „ფეისბუქზე“ წერს, რითაც ეხმაურება შვედეთის პარლამენტის ევროკავშირის საქმეთა კომიტეტის თავმჯდომარის, ერიკ ოტოსონის განცხადებას, რომ „ერთი წლის წინ, 26 ოქტომბერს, ქართველ ხალხს დემოკრატია და ევროპისკენ გზა მოჰპარეს“.
როგორც პაპუაშვილი აღნიშნავს, შვედი პარლამენტარის „დღევანდელ ვიდეომიმართვასაც იგივე მიზანი აქვს, რაც მაიდნისკენ მის მოწოდებას“.
„ის, რომ ეს შვედი დეპუტატი ისევ ბედავს საქართველოზე საუბარს, იმის ბრალია, რომ არც მას, არც შვედეთის მთავრობას და არც შვედეთის საელჩოს ბოდიში არ მოუხდიათ, შარშან, მის მიერ, მაიდნის სცენარის განხორციელებით ხელისუფლების დამხობისკენ მოწოდების გამო.
მის დღევანდელ ვიდეომიმართვასაც იგივე მიზანი აქვს, რაც შარშან მაიდნისკენ მის მოწოდებას“,- წერს პაპუაშვილი.
ცნობისთვის, შვედეთის პარლამენტის ევროკავშირის საქმეთა კომიტეტის თავმჯდომარის, ერიკ ოტოსონის განცხადებით, „ერთი წლის წინ, 26 ოქტომბერს, ქართველ ხალხს დემოკრატია და ევროპისკენ გზა მოჰპარეს“.
„გვსურს კიდევ ერთხელ დავადასტუროთ ჩვენი მუდმივი მხარდაჭერა დემოკრატიის, თავისუფლებისა და ევროპაში მომავლისკენ ქართველი ხალხის სწრაფვის მიმართ. რუსთაველის გამზირზე ყოველდღიურ საპროტესტო აქციებს საქართველოს მომავლისთვის იმედის შუქურად მივიჩნევთ და ჩვენ თქვენს გვერდით ვდგავართ“, – განაცხადა ერიკ ოტოსონმა.

ევროკომისიის დასკვნით, „ტიკტოკი“ და „მეტა“ გამჭვირვალობის მოთხოვნებს არღვევენ.
ევროკომისიის მიერ ჩატარებულმა გამოძიებამ დაადგინა, რომ ციფრული პლატფორმები „ტიკტოკი“ და „მეტა“ არ აკმაყოფილებენ ევროკავშირის განახლებულ კანონმდებლობას მკვლევარებისთვის მონაცემებზე ადეკვატური წვდომის უზრუნველყოფის ვალდებულებებთან დაკავშირებით.
ევროკომისიამ წინასწარ დაასკვნა, რომ ორივე ციფრული პლატფორმა არ შეესაბამება ციფრული სერვისების შესახებ კანონის მოთხოვნებს მკვლევარების მონაცემებზე წვდომის შესახებ, ასევე ვალდებულებებს, უზრუნველყონ მომხმარებლებისთვის უკანონო კონტენტის შესახებ ინფორმაციის მიწოდების მარტივი ინსტრუმენტები და მოდერატორების გადაწყვეტილებების გასაჩივრების ინსტრუმენტები.
ევროკომისიის გუნდის განცხადებით, „ფეისბუქმა“, „ინსტაგრამმა“ და „ტიკტოკმა“ მონაცემების მოპოვების მსურველი მკვლევარებისთვის ზედმეტად რთული პროცედურები შექმნეს და ეს მათ შესაძლებლობებს ზღუდავს, მათ შორის, შემოწმებას, სათანადოდ არიან თუ არა მომხმარებლები, განსაკუთრებით არასრულწლოვნები, დაცულნი უკანონო შინაარსისგან.
ევროკომისია მიიჩნევს, რომ არც „ფეისბუქი“ და არც „ინსტაგრამი“ მომხმარებლებს არ სთავაზობენ მავნე შინაარსის შესახებ ინფორმაციის მიწოდების მარტივ და გასაგებ ინსტრუმენტს.
საგამოძიებო ჯგუფი ასევე მიიჩნევს, რომ „ფეისბუქისა“ და „ინსტაგრამის“ მომხმარებლებს არ ეძლევათ შესაძლებლობა, წარმოადგინონ ახსნა-განმარტებები ან მტკიცებულებები მათი შეტყობინებების დაბლოკვის გასაჩივრებისთვის.
ამ დასკვნების შემდეგ „მეტას“ და „ტიკტოკს“ შეუძლიათ, ევროკომისიას წერილობითი პასუხი გაუგზავნონ ან ნაბიჯები გადადგან ამ ხარვეზების აღმოსაფხვრელად. გამოძიების წინასწარი დასკვნები თუ შემდგომში დადასტურდება, ევროკომისიამ, შეიძლება, გამოაცხადოს ციფრული სერვისების შესახებ კანონის შეუსრულებლობა, რაც გლობალური წლიური ბრუნვის ექვს პროცენტამდე ჯარიმას ითვალისწინებს.
ევროკომისია ასევე იძიებს, როგორ მოქმედებენ Snapchat-ი და YouTube-ი არასრულწლოვნების დასაცავად.

თბი­ლის­ში 26 წლის ახალ­გაზ­რდა მოკ­ლეს. გიგა ავა­ლი­ანს სა­ცხოვ­რე­ბელ სახ­ლთან დახ­ვდნენ და თა­ვის არე­ში მძი­მე და­ზი­ა­ნე­ბა მი­ა­ყე­ნეს. შემ­თხვე­ვა პირ­ველ ოქ­ტომ­ბერს მოხ­და. მას შემ­დეგ ახალ­გაზ­რდა კლი­ნი­კა­ში, კო­მა­ტო­ზურ მდგო­მა­რე­ო­ბა­ში იმ­ყო­ფე­ბო­და. სო­ცი­ა­ლურ ქსელ­ში მის და­სახ­მა­რებ­ლად ჯგუ­ფიც შე­იქ­მნა, სა­დაც უამ­რა­ვი ადა­მი­ა­ნი გა­წევ­რი­ან­და. სამ­წუ­ხა­როდ ახალ­გაზ­რდას გა­დარ­ჩე­ნა ვერ მო­ხერ­ხდა. ის დღეს და­ი­ღუ­პა.
“გიგა ძა­ლი­ან კარ­გი და ჭკვი­ა­ნი ბიჭი იყო, რო­გორც ვი­ცით, პო­ლი­ცი­ას უკვე ჰყავს ამ საქ­მე­ზე და­კა­ვე­ბუ­ლი. ამ­ბო­ბენ, რომ გო­გოს გამო მოხ­და ყვე­ლა­ფე­რი. ვიცი, რომ სამი პირი დახ­ვდა სა­დარ­ბა­ზოს­თან, მათ შო­რის თა­ვად ის გო­გოც. თავ­ში ჩა­არ­ტყეს რა­ღაც გი­გას, მთე­ლი ეს პე­რი­ო­დი კლი­ნი­კა­ში იყო, სა­ში­ნე­ლე­ბა ხდე­ბა” – ჰყ­ვე­ბი­ან ახ­ლობ­ლე­ბი.
“არაჩ­ვე­უ­ლებ­რი­ვი, გო­ნი­ე­რი, ზრდი­ლი ბიჭი, გიგა ავა­ლი­ა­ნი შე­ე­წი­რა თავ­ხე­დი გო­გოს ქა­რაფ­შუ­ტო­ბას, რო­მელ­მაც აეჭ­ვი­ა­ნა შეყ­ვა­რე­ბუ­ლი, მის გა­სა­ღი­ზი­ა­ნებ­ლად გა­მო­ი­ყე­ნა გიგა, რო­მელ­თა­ნაც მა­თე­მა­ტი­კა­ში ემ­ზა­დე­ბო­და. სამ­ნი დახ­ვდნენ გი­გას და სი­ცო­ცხლეს გა­მო­ა­სალ­მეს ეს მზე­სა­ვით ბიჭი, ბიჭი, რო­მე­ლიც ნამ­დვი­ლად გა­მო­ად­გე­ბო­და ქვე­ყა­ნას, რო­მე­ლიც ფე­რე­ბით და სუ­ლის ბერ­ვით გა­ზარ­და არაჩ­ვე­უ­ლებ­რივ­მა დე­დამ, რო­მე­ლიც ახლა გა­ნად­გუ­რე­ბუ­ლია” – წერს ოჯა­ხის კი­დევ ერთი ახ­ლო­ბე­ლი სო­ცი­ა­ლურ ქსელ­ში.
წყარო: ამბები.ჯი

„ჩვენ ვდგავართ საქართველოს გვერდით! ჩვენ გვჯერა დემოკრატიის!“, – ეს სიტყვები ამერიკელმა მომღერალმა, კეტი პერიმ საკუთარ კონცერტზე ქართველ გულშემატკივრის საპასუხიდ განაცხადა.
კონცერტზე მყოფმა ქართველმა ბიჭმა ვარსკვლავს საქართველოში არსებული ვითარება გააცნო.
“ჩვენი ქვეყნის 20% ოკუპირებულია რუსეთის მიერ და ჩვენ პრორუსული მთავრობა გვყავს”- უთხრა ახალგაზრდამ მომღერალს.

ლიგა 1-ის მეცხრე ტურში პსჟ გასვლაზე “ბრესტს” დაუპირისპირდება. პარიზული გუნდის მწვრთნელმა ლუის ენრიკემ ძირითადი შემადგენლობა დაასახელა:
შევალიე, ჰაკიმი, მარკინიოსი, პაჩო, მენდეში, ზაირ-ემერი, ვიტინია, დუე, კვარაცხელია, ბარკოლა, მეილიუ.
მატჩი “ფრანსის ლე ბლეზე” თბილისის დროით 19:00 საათზე დაიწყება.
კვარაცხელია: მეგონა, ბურთი კარს ავაცილე და ცოტა შემეშინდა
“ნაპოლი” ფრანგულ “ბრესტთან” დამარცხდა
[VIDEO] დავითაშვილის მე-14 საგოლე მოქმედება და “სენტ-ეტიენის” საბრძოლო ფრე “ბრესტთან”
რას ნიშნავს კვარაცხელიას გოლის აღნიშვნა? – Le Parisien-ი განმარტავს
“ბრესტის” მწვრთნელი: პსჟ-მ ჩემზე “ბარსაზე” დიდი შთაბეჭდილება მოახდინა
ფონსეკას გაძევება და შეუცვლელი მიქაუტაძე – “ლიონმა” ლაკაზეტის დუბლით “ბრესტს” მოუგო [VIDEO]
“კვარა” – ზღაპრის გმირობა, რწმენა და ლიგის ზედიზედ მოგება
სიომინი: პსჟ-ს ბრწყინვალე სამეული ჰყავს და ჩემპიონთა ლიგაზე სიურპრიზის შემოთავაზება შეუძლია
კატასტროფულმა ზაბარნიმ უნიკალური ანტირეკორდი გაიმეორა
რას უპირებს ენრიკე ზაბარნის საშინელი მატჩის შემდეგ – კომენტარი ქალთა გუნდის ყოფილმა მცველმაც გააკეთა
როგორი შეფასებები მიიღეს კვარაცხელიამ და მიქაუტაძემ ჩემპიონთა ლიგის მესამე ტურში?

საქართველოს პრეზიდენტი მიხეილ ყაველაშვილი, მსოფლიოს ეთნოსპორტის კონფედერაციის პრეზიდენტს ბილალ ერდოღანს შეხვდა
საქართველოს პრეზიდენტი მიხეილ ყაველაშვილი, მსოფლიოს ეთნოსპორტის კონფედერაციის პრეზიდენტს ბილალ ერდოღანს შეხვდა.
შეხვედრაზე მხარეებმა საქართველოსა და თურქეთს შორის არსებულ მეგობრულ ურთიერთობებზე გაამახვილეს ყურადღება და ტრადიციული სპორტული სახეობების განვითარების მნიშვნელობასა და პერსპექტივებზე იმსჯელეს.
ბილალ ერდოღანი საქართველოში სპორტის სამინისტროსა და ქართული ჭიდაობის ფედერაციის მოწვევით იმყოფება. ის ქართული ჭიდაობის მსოფლიო ჩემპიონატს დაესწრება, რომელსაც საქართველო ისტორიაში პირველად მასპინძლობს.
შეხვედრას სპორტის მინისტრი შალვა გოგოლაძე და საქართველოში თურქეთის რესპუბლიკის საგანგებო და სრულუფლებიანი ელჩი, ალი ქაან ორბაი დაესწრნენ.

საქართველოში მყოფი ბელარუსის მოქალაქეების 22.7% შეფასებულია, როგორც საქართველოს რეზიდენტები, – ამის შესახებ ეროვნული ბანკის მიერ საერთაშორისო მოგზაურობიდან მიღებული შემოსავლების შესახებ გამოქვეყნებულ მონაცემებშია აღნიშნული.
„2025 წლის 30 სექტემბრის მდგომარეობით საქართველოში მყოფი ბელარუსის მოქალაქეების 22.7% შეფასებულია როგორც 1 წელზე მეტი ვადით მყოფი ან აპირებენ საქართველოში 1 წელზე მეტი ვადით დარჩენას, თანახმად საერთაშორისო სავალუტო ფონდის მეთოდოლოგიისა ისინი არიან საქართველოს რეზიდენტები და მათ მიერ გაწეული ხარჯები არ შედის საერთაშორისო მოგზაურობიდან მიღებულ შემოსავლებში,“ აღნიშნულია ინფორმაციაში.
ცნობისათვის, 2025 წლის მესამე კვარტალში საქართველომ ტურიზმიდან 1.666 მლრდ დოლარის შემოსავალი მიიღო, რაც გასული წლის ანალოგიურ პერიოდთან შედარებით 6.5%-ით გაზრდილი მაჩვენებელია. საქართველოს ეროვნული ბანკის მონაცემებით, შარშან მესამე კვარტალში შემოსავალმა 1.563 მლრდ დოლარი შეადგინა.
ამასთან, აღსანიშნავია, რომ 2025 წლის მე-3 კვარტალში ბელარუსის მოქალაქეებმა საქართველოში მოგზაურობისას 36.9 მლნ ლარი დახარჯეს.
რაც შეეხება 2025 წლის 1-ელი 9 თვის მაჩვენებლებს, სებ-ის მონაცემებით, იანვარ-სექტემბერში ტურიზმიდან შემოსავლებმა 3.637 მლრდ ლარი შეადგინა, მაშინ როცა გასული წლის ანალოგიურ პერიოდში ეს მაჩვენებელი 3.461 მლრდ ლარი იყო

„პრაგმატულად რომ ვთქვა, როგორია ეს ჩვენი ქვეყნისთვის, ვიტყვი, რომ არის უფრო კარგი, ვიდრე ცუდი“ – ასე ეხმაურება საქართველოს ეკონომიკის ყოფილი მინისტრი, გიორგი ქობულიამ „პალიტრანიუსის“ გადაცემაში „მონეტიზაცია“ ირაკლი ღარიბაშვილის გარშემო განვითარებულ მოვლენებს.
შეგახსენებთ, ყოფილ პრემიერ-მინისტრს, ირაკლი ღარიბაშვილს ბრალი წარუდგინეს. პროკურატურის ცნობით, ღარიბაშვილს ბრალი სსკ-ის 194 მუხლის მე-3 ნაწილი “გ” ქვეპუნქტით წარედგინა, რაც გულისხმობს უკანონო შემოსავლის ლეგალიზაციას, რასაც თან ახლავს განსაკუთრებით დიდი ოდენობით შემოსავლის მიღება.
გვარაკიძის განცხადებით, ღარიბაშვილმა წარდგენილ ბრალდებაში თავი სრულად ცნო დამნაშავედ.
„ადამიანურად ეს ძალიან მძიმე ფაქტია, მაგრამ პრაგმატულად რომ ვთქვა, როგორია ეს ჩვენი ქვეყნისთვის – კარგი თუ ცუდი, მინდა ვთქვა, რომ არის უფრო კარგი, ვიდრე ცუდი. ახლა ავხსნი რატომ: ცუდია იმიტომ, ამას რომ უყურებს ინვესტორი ან ბიზნესმენი, რომელსაც აქ შემოსვლა უნდა, ან ის, რომელიც უკვე აქ არის, იტყვის, რომ ძალიან ცუდია, რადგან მთელი სისტემა კორუფციაში ყოფილა ჩართული. ქვეყნის რეპუტაციისთვის ეს ძალიან დამაზიანებელია.
რაც შეეხება კარგ ნაწილს – რომ დავფიქრდეთ: ის რომ, „ქართული ოცნება“ და მისი მმართველობა რაღაც დოზით კორუფციაში იყო ჩართული და ამისი განცდა სულ იყო მოსახლეობაში, ამას ვერ უარვყოფთ. რაც მოხდა, დიდად არავის გაჰკვირვებია, უფრო ის გაუკვირდათ, როგორ გასწირეს „თავისიანი“. ანუ, ადამიანები, რომლებსაც სულ ჰქონდათ ასეთი კორუფციის განცდა, იტყვიან, რომ სისტემამ თვითონ აღიარა შეცდომა და დაარტყა თანაგუნდელებს“,- აღნიშნა ექს-მინისტრმა.
გიორგი ქობულიამ პროკურატურის ამ გადაწყვეტილებას ისტორიული უწოდა.
„ასეთი ძლიერი დარტყმის მერე მთავარი გზავნილი ყველა სახელმწიფო მოხელის მიმართ არის: იცოდეთ, რომ შეხვიდეთ კორუფციულ გარიგებაში, ჩვენც რომ დაგავალოთ, მაინც გაგებინებთ პასუხს.
ეს არის ძალიან მნიშვნელოვანი, ისტორიული ნაბიჯი ჩვენი ქვეყნის დამოუკიდებლობის პერიოდში“. – განაცხადა მან.

სახელმწიფო უსაფრთხოების სამსახურის ყოფილი უფროსის, გრიგოლ ლილუაშვილის ბიძაშვილს, ანდრია ლილუაშვილს, თბილისის საქალაქო სასამართლოს მოსამართლემ ნანა შამათავამ აღკვეთის ღონისძიების სახით პატიმრობა შეუფარდა.
ეს გადაწყვეტილება მოსამართლემ 25 ოქტომბერს, დახურულ სხომაზე მიიღო. სხდომის სრულად დახურვა კი ბრალდების მხარემ მოითხოვა.
პროკურატურის ამ მოთხოვნას არ ეთანხმებოდნენ თავად ბრალდებული და მისი ადვოკატი, თუმცა, მოსამართლე ნანა შამათავამ დაცვის მხარის შუამდგომლობა არ გაითვალისწინა და სხდომა როგორც მედიისთვის, ისე სხვა დამსწრეებისათვის დახურა.
დაცვის მხარე ანდრია ლილუაშვილისთვის აღკვეთის ღონისძიების გარეშე დატოვებას ითხოვდა, თუმცა, სასამართლოს ალტერნატივის სახით 300 ათასი ლარის ოდენობით გირაო შესთავაზა.
ანდრია ლილუაშვილი ბრალდებას არ აღიარებს.
წინასასამართლო სხდომა 16 დეკემბერს დაინიშნა.
ანდრია ლილუაშვილს გამოძიება ფულის გათეთრებას ედავება. ამ დანაშაულისათვის 9-დან 12 წლამდე პატიმრობაა გათვალისწინებული.
ანდრია ლილუაშვილი გრიგოლ ლილუაშვილთან დაკავშირებული მესამე ადამიანია, რომლის წინააღმდეგაც სისხლის სამართლის საქმეა აღძრული.
22 ოქტომბერს, ცნობილი გახდა, რომ დააკავეს მასთან დაკავშირებული პირი კობა ხუნდაძე, რომლის სახლიდანაც ამოიღეს 94 კონვერტად დახარისხებული $1 319 300;
სუსმა ძებნა გამოაცხადა გრიგოლ ლილუაშვილის ნათესავზე, ბიჭიკო პაიკიძეზე, რომელიც ვანის საკრებულოში „ქართული ოცნების“ წარმომადგენელი იყო.
გრიგოლ ლილუაშვილის სახელი ფულის გათეთრების საქმეში პირველად 17 ოქტომბერს გამოჩნდა. ამ დღეს ცნობილი გახდა, რომ სამი ყოფილი მაღალჩინოსნის – ყოფილი პრემიერის, ირაკლი ღარიბაშვილის, სახელმწიფო უსაფრთხოების სამსახურის ყოფილი უფროსის, გრიგოლ ლილუაშვილისა და ყოფილი გენერალური პროკურორის, ოთარ ფარცხალაძის – საცხოვრებელი ბინები გაჩხრიკეს. გამომძიებლებმა ამოიღეს „სხვადასხვა ელექტრონული მოწყობილობები, დოკუმენტაცია და დიდი ოდენობით ფულადი თანხა“.
მეორე დღეს, 18 ოქტომბერს კი სახელმწიფო უსაფრთხოების სამსახურმა განაცხადა, რომ სხვადასხვა ადგილიდან ამოღებულია ნაღდი ფული, საერთო ჯამში 7 002 200 აშშ დოლარისა და 136 000 ლარის ოდენობით, 198 ერთეული ძვირფასი ნაკეთობა და საათი, ძვირადღირებული ნახატები, ათასობით გვერდი დოკუმენტაცია, 50 მობილური ტელეფონი და 119 ელექტრომოწყობილობა.
24 ოქტომბერს, ყოფილ პრემიერ-მინისტრს ირაკლი ღარიბაშვილი განსაკუთრებით დიდი ოდენობით უკანონო შემოსავლის ლეგალიზაციის ფაქტზე ბრალი წარედგინა. ამავე დღეს, თბილისის საქალაქო სასამართლოს მოსამართლემ, ეკა ბარბაქაძემ, ირაკლი ღარიბაშვილს აღკვეთის ღონისძიების სახით 1 მლნ-ლარიანი გირაო შეეფარდა.

ლუვრის მუზეუმის ღირებული ექსპონატების ნაწილი დროებით განათავსეს საფრანგეთის ბანკში – იუწყება რადიოსადგური RTL. ეს ზომა გატარებულ იქნა გასულ კვირაში მუზეუმის აპოლონის გალერეაში მომხდარი ძარცვის შემდეგ და ის მუზეუმის სრული უსაფრთხოების დადასტურებამდე იმოქმედებს.
წყაროთა ცნობით, გადატანილ ნივთებს შორისაა ძირითად ექსპოზიციაში შემავალი სამეფო რეგალიების და სამკაულების ნაწილი. სამუზეუმო ექსპონატების საფრანგეთის ბანკისთვის შესანახად გადაცემა უკიდურესად იშვიათ ზომად მიიჩნევა.
ბანკის მთავარი სეიფი განთავსებულია 26 მეტრის სიღრმეში და ის ქვეყნის ოქროს მარაგის 90-მდე პროცენტს ინახავს. ამ სეიფს ერთ-ერთ ყველაზე დაცულად მიიჩნევენ მსოფლიოში. მანამდე იქ ინახებოდა ლეონარდო და ვინჩის ჩანაწერები, რომელთა ღირებულება 600 მილიონ ევროს აჭარბებს.
19 ოქტომბერს ლუვრში შეაღწია ოთხმა ბოროტმოქმედმა, რომლებმაც საიმპერატორო კოლექციიდან გაიტაცეს ცხრა ექსპონატი. გატაცებული ნივთების ღირებულება 88 მილიონი ევროა. დამნაშავეები ჯერჯერობით არ დაუკავებიათ.

„ძლიერი საქართველო-ლელოს” საგარეო მდივანი, გრიგოლ გეგელია, ბრიუსელში ALDE-ს ყრილობის ფარგლებში, ლუქსემბურგის ვიცე-პრემიერსა და საგარეო საქმეთა მინისტრს, ქსავიე ბეტელს და დანიის ევროპულ საქმეთა მინისტრს, მარი ბიერეს შეხვდა.
შეხვედრებისას განიხილეს პარტიების აკრძალვის საკითხი, “ძლიერი საქართველოს” საკონსტიტუციო სარჩელი, ისევე როგორც მასშტაბური პოლიტიკური რეპრესიები და დიქტატურის დამყარების მცდელობები.
„ჩვენი პარტნიორები მხარს უჭერენ ჩვენს დემოკრატიულ ძალისხმევას და მათ შორის, „ძლიერი საქართველო-ლელოს” მიერ ინიცირებულ საკონსტიტუციო სარჩელს, რომელსაც ALDE და ევროკავშირის წევრი სახელმწიფოები ყურადღებით მიადევნებენ თვალყურს და იმ შემთხვევაში თუ საკონსტუტუციო სასამართლო არ დაიცავს კონსტიტუციურ პრინციპებს, ამას აღიქვამენ სახელმწიფოს მიტაცების და ქართველი ხალხის დემოკრატიული ნების დაღალატების მორიგ შემთხვევად”, – განაცხადა “ძლიერი საქართველოს” საგარეო მდივანმა, გრიგოლ გეგელიამ.

საქართველოს პრემიერ-მინისტრი ირაკლი კობახიძე მსოფლიოს ეთნოსპორტის კონფედერაციის პრეზიდენტ ბილალ ერდოღანს შეხვდა
საქართველოს პრემიერ-მინისტრი ირაკლი კობახიძე მსოფლიოს ეთნოსპორტის კონფედერაციის პრეზიდენტ ბილალ ერდოღანს შეხვდა.
შეხვედრაზე საუბარი საქართველოსა და თურქეთს შორის არსებულ მეგობრულ ურთიერთობებს, სტრატეგიულ პარტნიორობას და სპორტის სფეროში თანამშრომლობას შეეხო.
განიხილეს თბილისში ჭიდაობის მსოფლიო ჩემპიონატის მიმდინარეობა. ბილალ ერდოღანმა პრემიერ-მინისტრს ჩემპიონატის მასპინძლობისა და მაღალ დონეზე ორგანიზებისთვის მადლობა გადაუხადა.
ბილალ ერდოღანი საქართველოში საქართველოს სპორტის სამინისტროს მოწვევით, ქართული ჭიდაობის მსოფლიო ჩემპიონატთან დაკავშირებით იმყოფება.
ქართულ ჭიდაობაში მსოფლიო ჩემპიონატს საქართველო ისტორიაში პირველად მასპინძლობს. ჩემპიონატი 25 ოქტომბერს გაიმართება. გამარჯვებულები აბსოლუტურ წონით კატეგორიებში გამოვლინდებიან.

დღეს, 25 ოქტომბრის დილის საათებში დაკავებული 21 წლის სტუდენტი, ანა ლომიძე დარბაზიდან გაათავისუფლეს. მოსამართლე ზვიად ცეკვავამ მას სიტყვიერი გაფრთხილება მისცა.
შინაგან საქმეთა სამინისტრო მას 23 ოქტომბერს, რუსთაველის გამზირზე მიმდინარე აქციაზე გზის ხელოვნურად გადაკეტვას ედავებოდა.
ის საქალაქო სასამართლოში რამდენიმე საათში გადმოიყვანეს. ლომიძის მეგობრებმა სხდომის დაწყებამდე მისვლა ვერ მოასწრეს, ამიტომ დარბაზში მხოლოდ მაშინ შევიდნენ, როცა მოსამართლე ცეკვავა სათათბიროდ იყო გასული.
“მადლობა, რომ მოხვედით და ბოდიში რომ შეგაწუხეთ”, – უთხრა მათ ანა ლომიძემ.
ანა ლომიძე საბურთალოზე, “სითი მოლთან” დააკავეს. ლომიძე იქ კაბის საყიდლად იყო. დღეს მისი ბავშვობის მეგობრის ქორწილია. კაბა იყიდა, თუმცა ეგონა რომ ქორწილში წასვლას ვეღარ მოახერხებდა, ამიტომ იზოლატორში გასატარებელ დღეებზე ფიქრობდა.
“ნეტავ იქ ტელევიზორი იქნება?” – იკითხა სანამ მოსამართლე სათათბიროდ იყო გასული.
“იქნება, მაგრამ ალბათ, მხოლოდ “იმედს” აჩვენებენ”, – უპასუხა ერთ-ერთმა მეგობარმა.
“რა შემოგიგზავნოთ?” – ჰკითხა მეორემ – “რამე წიგნს კითხვა თუ გაქვს დაწყებული, გვითხარი და იმას მოგიტანთ”.
“ხაჭაპური გირჩევნია თუ ლობიანი?”
“მამამ იცის?”
“არ ინერვიულო”
“მესტიაში რომ წაგიყვანონ? სხვა იზოლატორებში ადგილები აღარააო”
“არა უშავს, მიყვარს მთები”.
მსგავსი ფრაზები ისმოდა სასამართლო დარბაზში იქამდე, სანამ მოსამართლე სათათბიროდ იყო გასული. რამდენიმე წუთის შემდეგ ზვიად ცეკვავა დარბაზში დაბრუნდა და ანა ლომიძე ადმინისტრაციული სახდელისგან გაათავისუფლა.
ანა ლომიძის გარდა დღეს დაკავებული მოქალაქეები არიან ნიკა პატარაია და გიორგი სიხარულიძე.
ნიკა პატარაიას საქმეს ამ წუთებში [17:40] განიხილავს მოსამართლე თორნიკე ქოჩქიანი.

განსაკუთრებით დიდი ოდენობით უკანონო შემოსავლის ლეგალიზაციის ფაქტზე დაკავებულ ანდრია ლილუაშვილს აღკვეთის ღონისძიების სახით პატიმრობა შეეფარდა.
აღნიშნული გადაწყვეტილება თბილისის საქალაქო სასამართლოს მოსამართლემ ნანა შამათავამ მიიღო.
დღევანდელი პროცესი, სადაც გრიგოლ ლილუაშვილის ბიძაშვილის, ანდრია ლილუაშვილის მიმართ აღკვეთის ღონისძიების შეფარდებაზე მსჯელობდნენ, მედიისთვის დახურულად ჩატარდა.
პროკურატურა დაკავებულის მიმართ პატიმრობის გამოყენებას შუამდგომლობდა, დაცვის მხარე კი მისი აღკვეთის ღონისძიების გარეშე დატოვებას, თუმცა, სასამართლოს ალტერნატივის სახით 300 ათასი ლარის ოდენობით გირაო შესთავაზეს.
ანდრია ლილუაშვილი ბრალდებას არ აღიარებს.
ცნობისთვის, ანდრია ლილუაშვილს ბრალდება საქართველოს სისხლის სამართლის კოდექსის 194-ე მუხლით წარედგინა, რაც სასჯელის სახედ და ზომად 9-დან 12 წლამდე თავისუფლების აღკვეთას ითვალისწინებს.

ლიეტუველმა ფერმერებმა სოციალურ ქსელებში ხორბლის, როგორც საწვავი საშუალების, რეკლამირება დაიწყეს. როგორც ზოგიერთი მათგანი აცხადებს, მარცვლეულის ფასი იმდენად დაეცა, რომ ახლა უფრო გონივრულია ხორბლის საწვავად და არა საკვებად გამოყენება.
ნატურალისტმა მინდაუგას რაილამ ფეისბუქზე იმ ფერმერის პოსტი გააზიარა, რომელიც საწვავად ხორბლის გამოყენების რეკომენდაციას იძლევა. რეკლამის თანახმად, ხორბლით გათბობა უფრო ეკონომიურია, ვიდრე ამ მიზნით გრანულების ან შეშის გამოყენება; ერთი ტონა ხორბლის ფასი დაახლოებით 140 ევროა, გრანულების კი – 260 ევრო.
როგორც „ლიეტუვის საზოგადოებრივ რადიოს“ რაილამ განუცხადა, მიუხედავად იმისა, რომ ადამიანებს შეუძლიათ თავიანთი პროდუქტი ისე გამოიყენონ, როგორც სურთ, საკითხი არც ისე მარტივია, რადგან ხორბლის მოყვანა ევროკავშირის მიერ სუბსიდირდება. მისი მტკიცებით, ევროკავშირის მიერ დაფინანსებული კულტურების საწვავად გაყიდვა ეთიკურად მიუღებელია, რადგან ამ ხარჯს, საბოლოო ჯამში, გადასახადის გადამხდელები ფარავენ.
„რომ დაფიქრდე, ეს, უბრალოდ, არასწორია და ისეთ შთაბეჭდილებას ტოვებს, თითქოს, მარცვლეულის სიჭარბე გვაქვს. შესაძლოა, ეს მარკეტინგია და ფერმერს მხოლოდ ყურადღების მიქცევა სურს, მაგრამ რეკლამა მაინც ცუდად ჟღერს“, – ამბობს რაილა.
მისი თქმით, პრობლემა ისაა, რომ ევროკავშირის გადასახადის გადამხდელები მარცვლეულის წარმოებას საკვების გასაიაფებლად აფინანსებენ, მაგრამ საბოლოო პროდუქტი სრულიად სხვა რამისთვის გამოიყენება.
„სხვა სიტყვებით რომ ვთქვათ, ჩვენ აშკარად ვხედავთ ჭარბწარმოებას. ფასები იმდენად დაეცა, რომ ხალხს ახლა შეუძლია ხორბალი იმისთვის გამოიყენოს, რისთვისაც არასდროს ყოფილა განკუთვნილი“, – განმარტა მან.
მიუხედავად იმისა, რომ ბიომასის დაწვა თავისთავად საზიანო არ არის, რაილა ამბობს, რომ მარცვლეულის მოყვანა ხელს უწყობს ნიადაგისა და წყლის დაბინძურებას, ასევე ეროზიას.
„გარემოსდაცვითი თვალსაზრისით, ეს ნორმალური არ არის. ხორბლის მოყვანის პროცესი გულისხმობს სასუქებისა და პესტიციდების გამოყენებას, რაც გავლენას ახდენს გარემოზე“, – აღნიშნა მან.
ლიეტუვის ფერმერთა კავშირის ხელმძღვანელის მოადგილის, მარტინას პუიდოკასის თქმით, მარცვლეულის ბაზარი მივიდა იმ წერტილამდე, როდესაც გასაყიდი ფასები წარმოების ხარჯებსაც კი ვერ ფარავს.
„ეს, რა თქმა უნდა, საკვების ფასებზე არ აისახება. ფერმერებს არ შეუძლიათ საცალო ფასებზე გავლენის მოხდენა – მას შუამავლები აკონტროლებენ“, – ამბობს პუიდოკასი.
მისივე თქმით, ბევრი დეზინფორმაცია ვრცელდება იმის შესახებ, თითქოს, ფერმერები „ბუნებას ანადგურებენ“ ან სუბსიდიებით ცხოვრობენ.
„ევროკავშირის სუბსიდიები გაიცემა ფერმერთა შემოსავლების დასასტაბილურებლად და ხელმისაწვდომი, უსაფრთხო საკვების უზრუნველსაყოფად. რეალური პრობლემა ბაზრის მძიმე პირობებია – მარცვლეულის წარმოება ძვირი და შრომატევადია, თუმცა მომგებიანი აღარ არის“, – აღნიშნა მან.
პუიდოკასის თქმით, შექმნილ ვითარებას სასუქების მაღალი ფასები და წარმოების საერთო ხარჯები განაპირობებს.
„გვინდა, ამაზე მთავრობის ყურადღება გავამახვილოთ – ეს სრულიად არალოგიკურია და ფასების ასეთი კოლაფსი ძალიან იშვიათია“, – ხაზგასმით აღნიშნა მან.
„ლიეტუვის საზოგადოებრივ რადიოსთვის“ გაგზავნილ ელექტრონულ წერილში, ლიეტუვის მეღორეობის ასოციაციის ხელმძღვანელი, ალგის ბარავიკასი ამბობს, რომ ხორბლის დაწვა ეთიკურ კითხვებს აჩენს, ისევე როგორც მისი სხვა მიზნებით გამოყენება, მაგალითად, მისგან სპირტის გამოხდა.
„ფერმერები აღარ ზრდიან ღორებს ან ფრინველს, ამიტომ მათ საკვებზე ნაკლები მოთხოვნაა. თვრამეტი წლის წინ, „ლიეტუვის საზოგადოებრივ რადიოში“ გავიდა რეპორტაჟი გერმანიაში ხორბლის დასაწვავი ღუმელების შესახებ – 2007 წელს ასეთი რამ მარცვლეულის სიჭარბის გამო მოხდა“, – დასძინა მან.
ბარავიკასი მიიჩნევს, რომ საბაზრო პირობები ზოგჯერ მარცვლეულის სიჭარბეს ან მოთხოვნის ნაკლებობას იწვევს და მათი მაღალი ენერგეტიკული ღირებულების გათვალისწინებით, გათბობის წყაროდ მარცვლეულის გამოყენება შესაძლებელია.
„შეგიძლიათ დაწვათ ხორბალი, რაფსი ან ჭვავი – მათ მაღალი ენერგეტიკული ღირებულება აქვთ და შეშაზე ნაკლებ შესანახ ადგილს იკავებენ“, – ამბობს ის.
მიუხედავად ამისა, რაილა ამტკიცებს, რომ სუბსიდირებული ხორბალი ამ მიზნებისთვის არ უნდა იყოს გამოყენებული.
„არსებობს ბიოსაწვავი, რომელიც სპეციალურად გასათბობად მოჰყავთ, მაგალითად, ტირიფი. ის ნაკლებად აბინძურებს გარემოს და უფრო ენერგოეფექტურია, ვიდრე ხორბალი. თუ ევროპას მარცვლეულის სიჭარბე აქვს, მაშინ მისი სუბსიდირება არ უნდა მოხდეს და ბაზარი ბუნებრივად უნდა დაბალანსდეს“, – მოითხოვს რაილა.
პუიდოკასი მას ეთანხმება იმაში, რომ არანორმალურია, როდესაც სასურსათო კულტურების დაწვა უფრო იაფია, ვიდრე მათი საკვებად გამოყენება, თუმცა, ხაზგასმით აცხადებს, რომ ხორბლის დაწვა იშვიათად ხდება და ეს უფრო გამონაკლისი შემთხვევებია, ვიდრე ტენდენცია.

საქართველოდან ახალგაზრდული დელეგაცია ინგუშეთში რუსეთ-საქართველოს ახალგაზრდულ ფორუმზე დასასწრებად ჩავიდა – ინფორმაციას Telegram-არხი “მსოფლიო პოლიტიკა” ავრცელებს.
ამავე ინფორმაციით, საქართველოდან და რუსეთის სხვა რეგიონებიდან ჩამოსული სტუმრები კავკასიის ერთ-ერთ ყველაზე წმინდა ადგილს – უძველეს თაბა-იერდის ტაძარს – და 1994 წელს „მეგობრობის გზის“ მშენებლობაზე დაღუპული ქართველი მშენებლების მემორიალს ეწვივნენ.
„დარწმუნებული ვარ, რომ ეს ფორუმი ხელს შეუწყობს ჩვენი ერების ახალგაზრდებს შორის ურთიერთობებისა და კავშირების დამყარებას, რათა მათ შეძლონ საინტერესო და ამბიციური ახალგაზრდული პროექტების განხორციელება, რომლებიც მიზნად ისახავს ჩვენს ხალხებს შორის მეგობრობის განმტკიცებას“, – განაცხადა რუსეთში ქართული დიასპორის ხელმძღვანელმა დავით ცეცხლაძემ.
ინგუშეთში რუსეთ-საქართველოს ახალგაზრდული ფორუმი 24- 25 ოქტომბერს, რუსეთ-საქართველოს ბიზნეს საბჭოს ორგანიზებით იმართება და მას 100-მდე მონაწილე ჰყავს

ციფრები თავად მეტყველებენ: მესამე კვარტალში ჩინეთის ეკონომიკის ზრდა მხოლოდ 4.8% იყო, რაც ბოლო ერთი წლის განმავლობაში ყველაზე დაბალი მაჩვენებელია. ჩინეთი აღარ იმყოფება 2000-იანი წლების ტრიუმფალური ექსპანსიის ფაზაში. ზრდა, რომელიც ოდესღაც ორნიშნა ციფრებით გამოხატებოდა, ოფიციალური პროგნოზების თანახმად, 2026 წლისთვის 5-6 პროცენტის დონეზე დასტაბილურდება.
მოხმარების მთავარი ინდიკატორი – საცალო გაყიდვები – მესამე კვარტალში მხოლოდ 3%-ით გაიზარდა, ხოლო სამრეწველო წარმოება – 6.5%-ით,რაც დინამიურ სამრეწველო მიწოდებასა და სტაგნაციაში მყოფ შიდა მოთხოვნას შორის არსებული დისბალანსის ნიშანია.
სამომხმარებლო ფასები სექტემბერში კვლავ დაეცა, უძრავი ქონების კრიზისი კი, რომელიც 2020 წელს რამდენიმე მსხვილი დეველოპერის, მაგალითად, Evergrande-ის გაკოტრებით დაიწყო, შინამეურნეობების ნდობაზე ისევ აისახება. მშენებლობაში წლიური ინვესტიციები თითქმის 14%-ით შემცირდა.
ფრთხილი ჩინური შინამეურნეობები, მოხმარების ნაცვლად, დანაზოგს აკეთებენ. ახალგაზრდებს შორის უმუშევრობა 14%-ს აჭარბებს და შობადობის კოეფიციენტიც მკვეთრად ეცემა.
ჩინეთის ეკონომიკის გასაცოცხლებლად რამდენიმე ფაქტორი მოიაზრება. პირველი, რომელიც ჩინეთის პრეზიდენტის ხედვის მთავარი ნაწილია, არის შიდა ბაზარზე ფოკუსირება. ჩინელები ბევრს ზოგავენ და ცოტას მოიხმარენ. ამიტომ, გეგმის ერთ-ერთი მიზანი მოხმარების წახალისება იქნება. ამის მისაღწევად, პეკინს სურს გააუმჯობესოს ქალაქის მოსახლეობის ცხოვრების დონე, უზრუნველყოს განათლებასა და ჯანდაცვაზე უკეთესი ხელმისაწვდომობა და შიდა ბაზარი ზრდის მთავარ მამოძრავებლად აქციოს.
გეგმის კიდევ ერთი პრიორიტეტი ინოვაციაა. ქვეყანა უკვე ხარჯავს თავისი მშპ-ს 2.6%-ს კვლევასა და განვითარებაზე, რაც ევროკავშირის დონეს უახლოვდება. პეკინი აპირებს გაამყაროს თავისი ლიდერობა ელექტრომობილების, დრონებისა და ხელოვნური ინტელექტის სფეროებში და დაძლიოს ჩამორჩენა ნახევარგამტარების სტრატეგიულ სექტორში, სადაც შეერთებულმა შტატებმა გარკვეულ საკვანძო ტექნოლოგიებზე წვდომა შეუწყვიტა.
მიზანი ნათელია: ქვეყანა უნდა გახდეს თვითკმარი და უზრუნველყოს მიწოდების ჯაჭვები, რათა დაუპირისპირდეს შეერთებულ შტატებს, რომელიც სენსიტიურ ტექნოლოგიებზე სულ უფრო მეტ შეზღუდვას აწესებს. ეს არის ომი ჩიპებისთვის, მიკროპროცესორებისა და იშვიათმიწა ლითონებისთვის, რომელიც ჩინეთსა და დასავლეთს შორის მიმდინარეობს.
ჩინეთის მე-15 ხუთწლედის გეგმა, რომელიც ოფიციალურად 2026 წელს, ეროვნული სახალხო კონგრესის სესიაზე განხილვისა და დამტკიცების შემდეგ გამოქვეყნდება, ასევე მიზნად ისახავს ჩინეთის სტრატეგიული ალიანსების გადახედვას და გლობალურ სამხრეთზე მეტ ფოკუსირებას, რათა უკეთ დაუპირისპირდეს დონალდ ტრამპის ამერიკას და კონკურენტი ინდოეთი დაჩრდილოს. ის ითვალისწინებს პარტნიორობას აფრიკასთან, სამხრეთ-აღმოსავლეთ აზიასა და ლათინურ ამერიკასთან იმის ფონზე, როდესაც ჩინეთის ექსპორტს გეოპოლიტიკური სირთულეები ემუქრება.
ბაზრების დამშვიდება, ნდობისა და ზრდის სტიმულირება ვალის გაზრდის გარეშე, მრეწველობის მოდერნიზება და გარე დაძაბულობის შეკავება – მე-15 ხუთწლედის გეგმამ ეს ყველაფერი ერთდროულად უნდა მოაგვაროს, თანაც – პარტიის კონტროლის შესუსტების გარეშე.

25 ოქტომბერს, ერეკლე მეფის მოედანზე, კახეთი აერთიანებს ტრადიციებს, გემოს და მუსიკას ერთ დიდ დღესასწაულში.
ფესტივალზე გაიმართება ქართული ჭაჭის მწარმოებლების გამოფენა-გაყიდვა, სადაც მონაწილეობენ როგორც პროფესიული კომპანიები, ასევე ოჯახებში დამზადებული ჭაჭის ავტორები.
მესაქონლეები, გლეხები და მცირე მარნები გაგიზიარებენ თავიანთ უნიკალურ ნამუშევრებს და დაგაგემოვნებინებენ ჭაჭის ნამდვილ კახურ არომატს.
ფესტივალის კიდევ ერთი მთავარი მომენტია კახეთის ყველა მუნიციპალიტეტის შეჯიბრება – ვინ უფრო უკეთ წარმოაჩენს საკუთარ კუთხეს, ტრადიციებსა და სტუმართმოყვარეობას.
თითო მუნიციპალიტეტი მოაწყობს საკუთარ სივრცეს — სუფრის გაშლით, მწვადის შეწვით, ფოლკლორით და კახური განწყობით.
დღის ბოლოს სპეციალური ჟიური გამოავლენს საუკეთესო ჭაჭის ნიმუშებს – ცალკე ოჯახურ და ცალკე საწარმოო კატეგორიაში და გამარჯვებულები დაჯილდოვდებიან ოქროს, ვერცხლის და ბრინჯაოს მედლებით.
ფესტივალს დახურავს ნინო ჩხეიძე თავისი სოლო კონცერტით.

განსაკუთრებით დიდი ოდენობით უკანონო შემოსავლის ლეგალიზაციის ფაქტზე დაკავებულ ანდრია ლილუაშვილის მიმართ სასამართლო აღკვეთის ღონისძიების შეფარდებაზე დღეს იმსჯელებს.
სხდომა თბილისის საქალაქო სასამართლოში 15:00 საათზე ჩატარდება.
დღევანდელ პროცესზე გრიგოლ ლილუაშვილის ბიძაშვილის, ანდრია ლილუაშვილის მიმართ აღკვეთის ღონისძიების შეფარდებაზე იმსჯელებენ.
პროკურატურა მის მიმართ პატიმრობის გამოყენებას იშუამდგომლებს, დაცვის მხარე კი მისი აღკვეთის ღონისძიების გარეშე დატოვების შუამდგომლობას დააყენებს, თუმცა, სასამართლოს ალტერნატივის სახით გირაოს შესთავაზებს.
სხდომა მედიისთვის და საზოგადოებისთვის დიდი ალბათობით, დახურული იქნება, რადგან ადვოკატს ხელი გაუთქმელობაზე მოაწერინეს.
ანდრია ლილუაშვილი ბრალდებას არ აღიარებს.
ცნობისთვის, ანდრია ლილუაშვილს ბრალდება საქართველოს სისხლის სამართლის კოდექსის 194-ე მუხლით წარედგინა, რაც სასჯელის სახედ და ზომად 9-დან 12 წლამდე თავისუფლების აღკვეთას ითვალისწინებს.

რუსეთის იუსტიციის სამინისტრომ პარასკევს კიდევ შეავსო ე.წ. “უცხოეთის აგენტების” რეესტრი. მას დაემატა რამდენიმე ჟურნალისტი, ბლოგერთა პროექტი და რუსეთის ხელისუფლების მიმართ კრიტიკულად განწყობილი ყოფილი მეწარმე ირკუტსკის ოლქის ქალაქ უსტ-კუტიდან.
სიაში მოხვდნენ მათ შორის მედიასაშუალება “ვოტ ტაკ”-ის ჟურნალისტი ირინა კუზმიჩევა, სააგენტო ტასს-ის ყოფილი კორესპონდენტი, რუსლან სულეიმანოვი, “ეხო მოსკვის” ყოფილი წამყვანი, ნინო როსებაშვილი, სარატოვის რამდენიმე გამოცემის ყოფილი მთავარი რედაქტორი, დმიტრი ჩერნიშევსკი და საინტერნეტო პროექტი “სერდიტაია ჩუვაშია”.
“უცხოეთის აგენტების” რეესტრში შეყვანილ პირებს ეზღუდებათ სამოქალაქო უფლებები, ამასთან, სიაში შეყვანის კრიტერიუმები მუდმივად ფართოვდება, ხელისუფლებას შეუძლია ეს თვითნებურად გააკეთოს. ამ პრაქტიკას აკრიტიკებენ უფლებადამცველები და ადამიანის უფლებათა ევროპული სასამართლო.
მიმდინარე წლის მარტში ადამიანის უფლებათა ევროპულმა სასამართლომ დაადგინა, რომ განსაზღვრება “უცხოეთის აგენტი” არის “სტიგმის მიმნიჭებელი და დამაბნეველი”, ხოლო “აგენტებად” მიჩნეულთათვის რუსეთის კანონმდებლობის მოთხოვნები არ არის გამართლებული აუცილებლობით.
ფორუმი

“სანტოსის” შემტევმა ნეიმარმა შესაძლოა, კარიერა MLS-ში კერძოდ, მაიამის “ინტერში” გააგრძელოს, ამის შესახებ ინფორმაციას Diario Sport-ი ავრცელებს.
წყაროს ცნობით, ნეიმარის მიზანი 2026 წლის მსოფლიო ჩემპიონატზე ასპარეზობაა და ფიქრობს, რომ ბრაზილიის ჩემპიონატის დატოვებით, მისი ნაკრებში მოხვედრის შანსები გაიზრდება.
გამოცემის ინფორმაციით, გამოცდილი შემტევი ელოდებოდა, რომ მისით ევროპის კლუბები დაინტერესდებოდნენ, თუმცა მისთვის სამწუხაროდ, წარსულში მსოფლიოს ერთ-ერთი საუკეთესო შემტევის დამატებით მხოლოდ მაიამის “ინტერი” ინტერესდება.
ცნობისთვის, ნეიმარი მოედანზე ბოლოს 14 სექტემბერს გამოჩნდა, მას შემდეგ კი ტრავმირებულია. ბრაზილიის ჩემპიონატში დაბრუნების შემდეგ ნეიმარმა “სანტოსის” მაისურით გამართულ 21 მატჩში თავი 6 გატანილი გოლითა და 3 შედეგიანი პასით გამოიჩინა.
“რეალის” ფეხბურთელები იამალის კომენტარით აღშფოთებულები არიან – კარვახალი ლამინს პირადად გაესაუბრება
“ინტერის” სპორტულმა დირექტორმა ნეიმარის შესაძლო ტრანსფერზე ისაუბრა
[VIDEO] მესის ბენეფისი – “მაიამის ინტერმა” ნიუ იორკ სიტი” გაანადგურა
“ყველაფერი კარგად იყო, მაგრამ შემდეგ მბაპე და ნეიმარი მოვიდნენ” – დრაქსლერმა პსჟ-ში გატარებული პერიოდი გაიხსენა
“ამისთვის ფიზიკური მონაცემებია აუცილებელი” – ანჩელოტიმ ნეიმარის ფლანგზე თამაში გამორიცხა
[VIDEO] მსგავსს ხშირად ვერ ნახავთ – ნეიმარი კურიოზულ სიტუაციაში აღმოჩნდა
ახალი კონტრაქტი – ნეიმარი კვლავ “სანტოსში” ითამაშებს
[VIDEO] აქ სიტყვები ზედმეტია – მესის ჰეთ-თრიქი და საგოლე პასი “ნეშვილთან”
ნეიმარს COVID-19 დაუდასტურდა
“კონკურენცია ძალიან მაღალია, შეცდომის დაშვების უფლება არ გვაქვს” – ანჩელოტიმ ნეიმარის ნაკრებში არგამოძახების მიზეზებზე ისაუბრა
კონტე, ნეიმარი და დე ბრუინი — გადაწყვეტილება, რომელმაც ნაპოლის მომავალი განსაზღვრა
“ერთად დასაწყისიდან დასასრულამდე” – მესი ბუსკეტსის გადაწყვეტილებას ემოციური წერილით გამოეხმაურა
დღეში 11 საათი ვარჯიშობს – “სანტოსი” ნეიმარს ახალ კონტრაქტს შესთავაზებს
“მატჩიდან მატჩამდე დროს აჩერებს” – მასკერანომ მესის მიმართ საქებარი სიტყვები არ დაიშურა
სერხიო ბუსკეტსმა კარიერის დასრულება გადაწყვიტა
[PHOTO] დააღწევს თავს გაჭირვებას – უცნობმა ადამიანმა ნეიმარს მილიარდი დოლარი უანდერძა
რაფინიამ ახსნა, როგორ ცდილობდა ნეიმარი “ბარსელონაში” დაბრუნებაზე დაერწმუნებინა

ბიზნესი კლინიკების მართვაში სახელმწიფოს ჩამოშორებას ცდილობს, რასაც სპეციალისტები მკვეთრად უპირისპირდებიან. ჯანდაცვის სფეროს ექსპერტები ჰოსპიტალური სექტორის პერსპექტივას სახელმწიფოს როლის გაძლიერებაში ხედავენ. ბიზნესის ინტერესებს ისინი ქვეყნისთვის საზიანოდ მიიჩნევენ და ირწმუნებიან, რომ კერძო ინვესტორები კლინიკების მართვის პროცესს უნდა ჩამოშორდნენ, რადგან მათთვის ავადმყოფი ხდება უბრალოდ კლიენტი და ასეთი მიდგომა დარგის დასასრულს მოასწავებს.
შედეგიც სახეზეა. წლებია საქართველოში ჯანდაცვა ვერ ვითარდება და ამ თუ იმ ავადმყოფობასთან გასამკლავებლად მოქალაქეები მეზობელ ქვეყნებში გარბიან. დღეს საქართველოში სამედიცინო სექტორი კერძო ბიზნესმა მოიცვა. მიუხედავად იმისა, რომ სახელმწიფო დაწესებულები ფუნქციონირებს, კერძო სექტორი მას საკმაოდ დიდ კონკურენციას უწევს და ხშირ შემთხვევაში ჩაგრავს კიდეც. სპეციალისტების აზრით, დაუშვებელია ჯანდაცვა გახდეს ბიზნესი, რადგან საქმე ადამიანის სიცოცხლეს ეხება.
სამედიცინო სფეროს ექსპერტის მარინე ბერაძე აღნიშნავს, რომ დღეს ბიზნესს აწყობს ის, რომ სფეროში თავად იყვნენ დომინანტები. ისინი ისედაც ფლობენ დიდ ქსელსა და სისტემას.
,,არ არსებობს ისეთი განვითარებული ქვეყანა, სადაც სახელმწიფო სამედიცინო დაწესებულებები უმრავლესობაში არ იყოს. იქ 80%-ზე მეტი სახელმწიფო სამედიცინო დაწესებულებებს უჭირავს. წარმოუდგენელია, სახელმწიფო კლინიკები არ იყოს, რომელიც უზრუნველყოფს ასევე, დამწყები ექიმების განათლებას. ეს ახალგაზრდისთვის ხელმისაწვდომი უნდა იყოს. ის კერძო კლინიკებში ამას ვერ მოახერხებს, თანაც დიდ თანხებთანაა დაკავშირებული. აუცილებელია ჯანდაცვის სფეროში ყველაზე აქტიური სახელმწიფო იყოს. გვახსოვს 100 ახალი საავადმყოფოს პროექტი, რომელიც სრულად ჩავარდა. სწორედ მაშინ მოხდა ყველა სახელმწიფოს დაქვემდებარებაში არსებული კლინიკების კერძო სტრუქტურებისთვის გადაცემა.
ორივე უნდა არსებობდეს, მაგრამ აუცილებელია სახელმწიფო დომინანტი იყოს, რადგან მთავარი გადამხდელი სამედიცინო მომსახურებაში ხომ სწორედ ისაა,” – განაცხადა მარინე ბერაძემ და დასძინა, რომ ქვეყანაში თითქმის ყველა კლინიკა კერძოა. თანხებსაც ისინი ინაწილებენ. ამიტომაც მთლიანობაში, პაციენტი, ექიმი და ექთანი, ყველა უკმაყოფილოა.
რაც შეეხება გამოსავალს, ბერაძე მიიჩნევს, რომ აუცილებლია სისტემაში ცვლილებები, წინააღმდეგ შემთხვევაში სფერო უფრო დიდ კრიზისში ჩაეფლობა.
,,ჩვენთან არიან ძალიან კარგი ექიმები, მაგრამ თუ სისტემა არ იმუშავებს სწორად ისინი ვერ შეძლებენ ჰიპოკრატეს ფიცის შესრულებას. პაციენტს ნდობა უნდა ჰქონდეს თავისი ექიმის და არ გარბოდეს საზღვარგარეთ. რა გვჭირს, რომ არ ვაგზავნიდეთ ამ რაოდენობის პაციენტებს უცხოეთში”, – აღნიშნა მარინე ბერაძემ.
ამავე მოსაზრებას იზიარებს დარგის სპეციალისტი რევაზ კარანაძე. მისთვის მიუღებელია სახელმწიფო კლინიკების არარსებობა. ჯანდაცვა არის ადამიანის უფლება და მასზე ხელმისაწვდომობა პაციენტისათვის აუცილებელია, გარანტი კი, სახელმწიფო უნდა იყოს.
,,სამწუხაროდ, დღეს კერძო ჯანდაცვამ მოგვიტანა ის რომ, საავადმყოფოების 50%-ზე მეტი არის “საქართველოს ბანკის” მფლობელობაში ,,ევექსის” სახით. ხარისხმა ვერსად აიწია, ფულის დიდი ნაწილი მხოლოდ მოგებაში წავიდა. ექიმების, ექთნებისა და სხვა მედპერსონალების ხელფასები კატასტრუფულად დაბალია. შედეგად მივიღეთ ის, რომ დღეს 4-ჯერ უფრო ნაკლები ექთანი გვყავს, ვიდრე საჭიროა.
განკერძოებამ და მასობრივმა პრივატიზებამ ის შედეგები ვერ მოგვიტანა, რასაც 90-იანი წლებიდან ველოდით. კვალიფიციური მედპერსონალი აღარ გვყავს. ექთნები მუდმივად ტოვებენ ქვეყანას და მიდიან მომვლელებად უცხოეთში. ვინც დარჩა 3-4 სამსახურში ერთდროულად მუშაობს და საკმარისი ანაზღაურება მაინც არ აქვთ”, – განაცხადა რევაზ კარანაძემ.
მისი აზრით, კერძო ჯანდაცვამ მოგვცა მხოლოდ გალამაზებული ინფრასტრუქტურა. სხვა მხრივ წინსვლა არ შეინიშნება, მათ შორის არ ხდება კადრების გადაკვალიფიცირება.
,,მთელი დარგი ფულის საჭრელ მანქანად გადაიქცა. როცა პაციენტები მეზობელ ქვეყანაში გარბიან სამკურნალოდ, ეს ნორმალური არაა. საწყენია ამ გზით რომ მივდივართ. როცა ხედავ შედეგს, რომ ეს დამოკიდებულება არ მუშაობს და კიდევ ამის გაღრმავებას ახდენ, ვფიქრობ, სულ ცოტა, კითხვის ნიშნების დასმის უფლება მაინც გვაქვს”, – განაცხადა კარანაძემ.
ცნობისთვის, “ავერსის” დამფუძნებელი და მმართველი პარტნიორი პაატა კურტანიძე მიიჩნევს, რომ სახელმწიფო კლინიკები საერთოდ არ უნდა არსებობდეს, რადგან ამ მიმართულებით კერძო ინვესტორების მხრიდან ინტერესი არის. სახელმწიფო კი მაკონტროლებლის ფუნქციით უნდა იყოს წარმოდგენილი.
“რატომ უნდა დახარჯოს სახელმწიფომ კლინიკის აშენება-აღჭურვაზე ათეულობით და ასეულობით მილიონი დოლარი, თუ კერძო ინვესტორები არიან მზად ფული დახარჯონ? ლიცენზიას გასცემს სახელმწიფო, აწესებს ფასებს, ლიცენზიის პირობების შესრულებას, სამედიცინო სერვისების ხარისხს აკონტროლებს. სახელმწიფომ იმ ფულით უნდა შეასრულოს ისეთი ინფრასტრუქტურული პროექტები, რომელშიც კერძო ინვესტორი ვერ ჩადებს ფულს. თუ კლინიკებს აშენებენ კერძო ინვესტორები, ფასით დაწყებული ყველაფერს აწესებს და აკონტროლებს სახელმწიფო, რა საჭიროა, რომ ამაში სახელმწიფომ ფული დახარჯოს”, – აღნიშნა კურტანიძემ.
წყარო: resonancedaily.com

ფინანსთა სამინისტროს საგამოძიებო სამსახურის ცნობით, ქრთამის აღებისთვის ეროვნული სატყეო სააგენტოს თანამშრომელი დააკავეს.
“გამოძიებით დადგინდა, რომ ბრალდებულმა, ფასანაურის უბნის ტყის მცველმა შ.გ.-მ, რომელსაც სამსახურებრივად, საჯარო უფლებამოსილების ფარგლებში სატყეო ტერიტორიის დაცვა ევალება, პირადი მატერიალური გამორჩენისა და სარგებლის მიღების მიზნით, მის სამოქმედო ტერიტორიაზე, ტყეში კემპინგის მოწყობის სანაცვლოდ, მოქალაქეს ქრთამის სახით მოსთხოვა და გამოართვა 900 დოლარი, რა დროსაც მოხდა მისი დაკავება”. – წერს საგამოძიებო სამსახური.
ფაქტზე გამოძიება სისხლის სამართლის კოდექსის 338-ე მუხლის პირველი ნაწილით მიმდინარეობს, რაც 6-დან 9 წლამდე თავისუფლების აღკვეთას ითვალისწინებს.

საქართველოს სახალხო დამცველის რწმუნებულებმა თბილისსა და მთელი ქვეყნის ტერიტორიაზე მდებარე დროებითი მოთავსების იზოლატორებში ბოლო დღეების განმავლობაში მიმდინარე საპროტესტო აქციებზე დაკავებული 32 პირი მოინახულეს.
ამის შესახებ ინფორმაციას სახალხო დამცველის აპარატი ავრცელებს.
მათივე ცნობით, დაკავებული პირებისგან მიღებულ ინფორმაციაზე დაყრდნობით, სავარაუდო არასათანადო მოპყრობის შესახებ მიღებულ თითოეულ შემთხვევაზე სამართლებრივი რეაგირების მიზნით, სახალხო დამცველმა შესაბამის ორგანოებს მიმართა.
„სახალხო დამცველის აპარატი აგრძელებს დაკავებულების მონახულების პროცესს და საზოგადოებას დამატებით მიეწოდება ინფორმაცია.
უფლებადარღვევის ფაქტების შესახებ თქვენს ხელთ არსებული ინფორმაცია შეგიძლიათ მოგვაწოდოთ სახალხო დამცველის აპარატის ცხელი ხაზის ნომერზე – 1481“, – ნათქვამია გავრცელებულ ინფორმაციაში.

თბილისის საქალაქო სასამართლოში 24 ოქტომბერს, დილის 3 საათამდე გაგრძელდა რუსთაველის გამზირზე, გზის გადაკეტვისათვის დაკავებული დემონსტრანტების სასამართლო სხდომები.
ზვიად კვარაცხელიას, მწერალს, გამომცემელსა და პუბლიცისტს, მოსამართლემ 3-დღიანი ადმინისტრაციული პატიმრობა დააკისრა:
„გზა მე კი არა, ოლიგარქიულმა რეჟიმმა გადაკეტა. ამის გასაპროტესტებლად გამოვდივარ რუსთაველის გამზირზე“, – თქვა მან სასამართლო სხდომაზე.
რუსთაველის გამზირის გადაკეტვის გამო 3-დღიანი ადმინისტრაციული პატიმრობა დააკისრა მოსამართლე ნინო ენუქიძემ რეჟისორ გიორგი ლიფონავასაც. მოსამართლემ ეს გადაწყვეტილება გამთენიის 3 საათისთვის გამოაცხადა.
პოლიტპატიმრად მიჩნეული ზვიად ცეცხლაძის მამა, ზურაბ ცეცხლაძე კი მოსამართლე ლელა ცაგარეიშვილმა 7 დღით გაუშვა ადმინისტრაციულ პატიმრობაში. შსს მის პატიმრობას მოითხოვდა და აღნიშნავდა, რომ ის „45-ჯერ არის დაჯარიმებული“. ზურაბ ცეცხლაძე აცხადებდა, რომ მის მიმართ გამოწერილი ყველა ჯარიმა გასაჩივრებულია და გზის სავალ ნაწილზე მხოლოდ მას შემდეგ გადადიოდა, როცა საპატრულო ეკიპაჟს ჩაკეტილი ჰქონდა ხოლმე მოძრაობა.
შინაგან საქმეთა სამინისტრომ გამოხატვის თავისუფლების შემზღუდავი მორიგი საკანონმდებლო პაკეტის მიღების შემდეგ გამკაცრებული კანონის აღსრულება 19 ოქტომბერს დაიწყო.
გასულ კვირას სადავო პარლამენტმა დაჩქარებული წესით, ორ დღეში გაამკაცრა კანონები, რომელიც მნიშვნელოვნად ზღუდავს გამოხატვის უფლებას.
კანონის მიხედვით, მოსამართლეს აღარ ექნება ჯარიმის გამოყენების უფლება და დემონსტრანტს პირდაპირ 60 დღემდე გაუშვებს პატიმრობაში, თუ:
· მას აქციაზე ცეცხლსასროლ იარაღს, ადვილად აალებად ნივთიერებას, ცივ იარაღს ან პიროტექნიკას აღმოუჩენენ;
· თუ პოლიცია შეკრების დაშლის გადაწყვეტილებას მიიღებს, დემონსტრანტი კი არ დაემორჩილება.
ჯარიმის გარეშე, პირდაპირ 15 დღემდე პატიმრობა არის გათვალისწინებული:
· აქციაზე ნიღბის ტარების გამო;
· ცრემლმდენი საშუალების ფლობის გამო;
· გზის გადაკეტვისთვის.

თბილისში, რუსთაველის გამზირზე და საქართველოს რამდენიმე ქალაქში გასული წლის ნოემბრის ბოლოდან აქციები იმართება ხელახალი საპარლამენტო არჩევნების დანიშვნის მოთხოვნით, რასაც მოგვიანებით დემონსტრაციების დაშლისას დაკავებულთა გათავისუფლების მოთხოვნა დაემატა. მათ პოლიტპატიმრებად მოიხსენიებენ.
დემონსტრაციების შესაზღუდად „ქართულმა ოცნებამ“ არაერთხელ გაამკაცრა კანონი – შეზღუდა ლაზერისა და პიროტექნიკის გამოყენება, სახის დაფარვა. გაზარდა ჯარიმები გზის გადაკეტვისთვის და დააწესა ადმინისტრაციული პატიმრობა. ამის მიუხედავად, დემონსტრაციები არ წყდება.
ფორუმი

3 კვირაა ბრიუსელი პრეზიდენტის სასახლის ძალადობრივ შტურმს არ გმობს – სირცხვილია,- ამის შესახებ პარლამენტის თავმჯდომარე შალვა პაპუაშვილი “ფეისბუქზე” წერს.
მისი თქმით, ძალადობის არდაგმობა ძალადობის მხარდაჭერაა.
“3 კვირაა ბრიუსელი პრეზიდენტის სასახლის ძალადობრივ შტურმს არ გმობს.
ძალადობის არდაგმობა ძალადობის მხარდაჭერაა.
სირცხვილია”- წერს შალვა პაპუაშვილი.

აშშ-ის პრეზიდენტი დონალდ ტრამპი იმედოვნებს, რომ ჩინეთის ლიდერ სი ძინ პინთან მოახლოებული შეხვედრის დროს უკრაინაში ომის დასრულების გზებზე ისაუბრებს.
ტრამპი ჟურნალისტებს ესაუბრა პრეზიდენტის თვითმფრინავში, რომელიც აზიისკენ მიემართებოდა. აშშ-ის პრეზიდენტი ხუთ დღეს გაატარებს რეგიონში. ის ეწვევა მალაიზიას, იაპონიას და სამხრეთ კორეას, აგრეთვე მონაწილეობას მიიღებს სამხრეთ-აღმოსავლეთ აზიის ქვეყნების ასოციაციის შეხვედრაში, რომელიც კვირას კუალა-ლუმპურში დაიწყება.
ჟურნალისტებმა ტრამპს ჰკითხეს, ელის თუ არა ის ჩინეთის დახმარებას რუსეთ-უკრაინის ომის დარეგულირების საკითხში.
„გვინდა, რომ ჩინეთი დაგვეხმაროს რუსეთთან დაკავშირებით“, – უპასუხა აშშ-ის პრეზიდენტმა ჟურნალისტებს და დასძინა: „ჩვენ ძალიან მკაცრი სანქციები დავაწესეთ რუსეთის მიმართ. ვფიქრობ, ამ სანქციებს ექნება სერიოზული ძალა. მაგრამ მსურს, რომ ჩინეთიც დაგვეხმაროს“.
ჩინეთი აცხადებს, რომ უკრაინაში რუსეთის ომის საკითხში ნეიტრალიტეტს ინარჩუნებს, თუმცა ის არ უერთდება დასავლურ სანქციებს მოსკოვის წინააღმდეგ, აგრძელებს ორმაგი დანიშნულების საქონლის მიწოდებას და რუსული ნავთობის დიდი რაოდენობით შეძენას.
ცოტა ხნის წინ გამართულ ბრიუსელის სამიტზე, უკრაინის პრეზიდენტმა ვოლოდიმირ ზელენსკიმ განაცხადა, რომ ჩინეთს არ აინტერესებს კიევის გამარჯვება და მოსკოვის დამარცხება.
ჟურნალისტებმა ტრამპს ასევე ჰკითხეს, ხომ არ შიშობს, რომ მის მიერ რუსეთის წინააღმდეგ დაწესებული სანქციები გამოიწვევს ესკალაციას რუსეთის პრეზიდენტ ვლადიმირ პუტინის მხრიდან.
„არ ვფიქრობ ასე. ის ხომ ამბობდა, რომ მათ [სანქციებს] დიდი გავლენა არ ექნებათ. ასე ამბობს. მე არ ვფიქრობ, რომ ამ შემთხვევაში ის მართალია. ვნახოთ, რა იქნება. ვფიქრობ, მასაც სურს ამ ყველაფრის დასრულება“, – უპასუხა ტრამპმა ჟურნალისტებს.
კვირის ბოლოს ტრამპმა სანქციები დაუწესა რუსეთის ორ უდიდეს ნავთობკომპანიას – „როსნეფტსა“ და „ლუკოილს“. ამ გადაწყვეტილებაზე საუბრისას, პუტინმა განაცხადა, რომ ეს სერიოზული ნაბიჯია, რომელიც ზიანს აყენებს რუსეთ-ამერიკის ურთიერთობებს, თუმცა ის რუსეთის ეკონომიკაზე დიდ გავლენას არ მოახდენს.
ფორუმი

რუსებმა კიევს ბალისტიკური რაკეტებით შეუტიეს, არიან დაშავებულები, – ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.
უკრაინის საჰაერო ძალების ცნობით, რუსებმა უკრაინის დედაქალაქის მიმართულებით ბალისტიკური რაკეტები გაუშვეს.
უკრაინის დედაქალაქის საქალაქო-სამხედრო ადმინისტრაციის ხელმძღვანელის, ტიმურ ტკაჩენკოს განცხადებით, კიევში აფეთქებების ხმა ისმოდა და რამდენიმე რაიონში ხანძარი გაჩნდა.
კიევის მერის, ვიტალი კლიჩკოს ინფორმაციით, ხანძარი დესნიანსკისა და დარნიცკის რაიონებში მდებარე საცხოვრებელ კორპუსებში გაჩნდა, რის შედეგადაც ცხრა ადამიანი დაშავდა.

პენტაგონის მეთაურის, პიტ ჰეგსეტის ბრძანებით, კარიბის ზღვაში მსოფლიოში ყველაზე მსხვილი ავიამზიდი USS Gerald Ford გაიგზავნა.
“საერთაშორისო კრიმინალურ დაჯგუფებების ლიკვიდაციისა და ნარკოტერორიზმისგან აშშ-ს დაცვის შესახებ გაკეთებული პრეზიდენტის ბრძანების ფარგლებში, თავდაცვის მინისტრმა ავიამზიდების ჯგუფი გაგზავნა, რომელსაც USS Gerald Ford მეთაურობს”. – განაცხადა პენტაგონის წარმომადგენელმა, შონ პარნელმა.
პარნელის განმარტებით მსგავსი გადაადგილება იმ პირებისთვის ხელის შესაშლელად კეთდება, რომლებიც აშშ-სა და დასავლეთ ნახევარსფეროს უსაფრთხოებას საფრთხის ქვეშ აგდებენ.
ბოლო მონაცემებით, ავიამზიდი, რომელიც ხმელთაშუა ზღვაში იმყოფებოდა, ხორვატიის სანაპიროდან დაიძრა.
კარიბის ზღვაში აშშ-მ მსხვილ სამხედრო ძალას მოუყარა თავი. ავიამზიდის გარდა, პუერტო-რიკოს ტერიტორიაზე განთავსებულია F-35B-ს ტიპის 10 ავიაგამანადგურებელი, AV-8B Harrier ტიპის 6 ავიაგამანადგურებელი, 7 მოიერიშე დრონი MQ 9 Reaper და 13 ვერტმფრენი.
გარდა ამისა, ვენესუელის ჩრდილოეთით კრეისერისგან, ოთხი სარაკეტო ნაღმმზიდისა და სანაპირო ზონის საბრძოლო გემისგან შემდგარი ჯგუფი კურსირებს. თითოეულ სამხედრო ხომალდს 32 Tomahawk-ის ტიპის ფრთოსანი რაკეტის გადატანა შეუძლია.
მიმდინარე წლის აგვისტოში ცნობილი გახდა, რომ დონალდ ტრაპმა ნარკოკარტელების წინააღმდეგ სამხედრო ძალის გამოყენების ნებართვა გასცა.
ბოლო ორი თვის განმავლობაში, აშშ-ს სამხედრო ძალებმა როგორც ატლანტიკურ, ისე წყნარ ოკეანეში 9 ხომალდი გაანადგურა, რომელსაც სავარაუდოდ ნარკოტიკი გადაჰქონდა.
“ეს იერიშები ყოველდღიურად გაგრძელდება. ისინი უბრალოდ ნარკოტიკების გადამტანები არ არიან, ისინი არიან ნარკოტერორისტები, რომლებსაც ჩვენს ქალაქებში სიკვდილი და განადგურება მოაქვთ”, – განაცხადა ჰეგსეთმა მე-9 ხომალდის განადგურების შემდეგ.
tabula.ge

პირველად ხუთი საუკუნის შემდეგ: ბრიტანეთის მეფე რომის პაპთან ერთად ილოცებს
მეფე ჩარლზ III ოთხშაბათს ვატიკანში სახელმწიფო ვიზიტით გაემგზავრა, სადაც ის პაპ ლეო XIV-ს შეხვდება და ისტორიაში შევა, როგორც ანგლიკანური ეკლესიის პირველი მეთაური, რომელიც 500 წლის წინ ეკლესიებს შორის მომხდარი განხეთქილების (სქიზმის) შემდეგ, პონტიფიკოსთან ერთად საჯაროდ ილოცებს. ვიზიტი ბრიტანეთის მეფისთვის დელიკატურ დროს ემთხვევა – ახალი სკანდალური ცნობები გავრცელდა მისი ძმის, პრინც ენდრიუს შესახებ, რომელიც გარდაცვლილი ამერიკელი სექსუალური მოძალადის, ჯეფრი ეპშტეინის გარშემო ატეხილ სკანდალშია გახვეული. ჩარლზი და დედოფალი კამილა ლეოს პირველად შეხვდებიან მას შემდეგ, რაც მან მაისში გარდაცვლილი პაპი ფრანცისკე შეცვალა. ხუთშაბათს, ჩარლზი და ლეო ერთად ილოცებენ. ეს პირველი ასეთი საჯარო რელიგიური რიტუალი იქნება მას შემდეგ, რაც ჰენრი VIII კათოლიკურ ეკლესიას გამოეყო. საეკლესიო განხეთქილების მიზეზი კი ის გახდა, რომ მაშინდელმა პაპმა ესპანელ პრინცესა კატალინა არაგონელთან მისი ქორწინების ანულირებაზე უარი თქვა.
მეფე ჩარლზის დედა, გარდაცვლილი დედოფალი ელისაბედ II 1961 წელს გახდა პირველი ბრიტანელი მონარქი, რომელიც XVI საუკუნეში მომხდარი განხეთქილების შემდეგ წმინდა საყდარს ეწვია. „მეფის ორდღიანი ვიზიტი წარმოადგენს მნიშვნელოვან მომენტს კათოლიკურ და ინგლიკანურ ეკლესიებს შორის ურთიერთობებში, რომლის უზენაესი მმართველიც მისი უდიდებულესობაა“, –ნათქვამია ბუკინგემის სასახლის მიერ გავრცელებულ განცხადებაში. ხუთშაბათის ეკუმენური მსახურება სიქსტეს კაპელაში, მიქელანჯელოს ნახატებით შემკულ ბრწყინვალე ჭერქვეშ გაიმართება. მისი მთავარი თემა გარემოს დაცვა და შენარჩუნებაა – ეს არის საქმე, რომელსაც ჩარლზმა მთელი თავისი მოღვაწეობა მიუძღვნა.
ბრიტანელი მეფის რომის პაპთან სტუმრობისას, კათოლიკური და ანგლიკანური ტრადიციები გაერთიანდა – რიტუალში მონაწილეობენ როგორც სიქსტეს ტაძრის კაპელას მომღერალთა გუნდი, ასევე დიდი ბრიტანათის მეფე-დედოფლის ერთ-ერთი რეზიდენციის, უინძორის სასახლეში მდებარე სენტ ჯორჯის სამლოცველოს გუნდი.
„ეს ისტორიული მოვლენაა, უპირველეს ყოვლისა, იმიტომ, რომ მეფე ინგლისის ეკლესიის უზენაესი მმართველია და კანონით მოეთხოვება, იყოს პროტესტანტი“, – ამბობს „ოქსფორდ ბრუკსის უნივერსიტეტის“ თეოლოგიის პროფესორი, უილიამ გიბსონი. „1536-დან 1914 წლამდე, გაერთიანებულ სამეფოსა და წმინდა საყდარს შორის ოფიციალური დიპლომატიური ურთიერთობები არ არსებობდა და მისია საელჩოს დონეზე მხოლოდ 1982 წელს ამაღლდა“, – განუცხადა მან სააგენტო „ფრანს პრესს“. ჩარლზი და დედოფალი კამილა ასევე მონაწილეობას მიიღებენ რომის კედლებს მიღმა წმინდა პავლეს ბაზილიკაში (Basilica of Saint Paul Outside the Walls) გამართულ ეკუმენურ რელიგიურ მსახურებაში. ეს ამ ვიზიტის პროგრამის მნიშვნელოვანი ნაწილია და მის მიზანს ანგლიკანურ და კათოლიკურ ეკლესიებს შორის კავშირების ხაზგასმა წარმოადგენს. ვატიკანში ვიზიტის დროს, მეფე ოფიციალურად გახდება ბაზილიკის მიმდებარე სააბატოს „სამეფო კონფრატერი“ (Royal Confrater). ეს წარმოადგენს ჟესტი, რომელიც ბუკინგემის სასახლემ აღწერა, როგორც ორ კონფესიას შორის „სულიერი ზიარების“ აღიარება.
ბაზილიკაში ჩარლზ III-სთვის სპეციალურად შექმნილი სავარძელი დამონტაჟდება და ის ვიზიტის შემდეგაც შენარჩუნდება, რათა მომავალში ბრიტანელი მონარქების სტუმრობის დროს გამოიყენონ. ვიზიტი ემთხვევა კათოლიკური ეკლესიის საიუბილეო წლისთვის მზადებას, რომელიც ყოველ 25 წელიწადში ერთხელ იმართება და მილიონობით პილიგრიმს იზიდავს ვატიკანში. ის ასევე ეწყობა აწ გარდაცვლილი ვირჯინია ჯუფრეს მემუარების გამოქვეყნებიდან ერთი დღის შემდეგ, რომელშიც ნათქვამია, რომ ეპშტეინის მიერ განხორციელებული ტრეფიკინგის მსხვერპლი იყო და აიძულეს, სამჯერ ჰქონოდა სექსი მეფის უმცროს ძმასთან, პრინც ენდრიუსთან, მათ შორის ორჯერ, როდესაც მხოლოდ 17 წლის იყო. გავრცელებული ინფორმაციით, ენდრიუმ პარასკევს, ჩარლზის ზეწოლის ქვეშ, გამოაცხადა, რომ იორკის ჰერცოგის ტიტულზე უარს იტყვის. აღსანიშნავია, მან 2019 წელსაც დაიხია უკან სამეფო მოვალეობებისგან.
პარალელურად, 76 წლის მეფე აგრძელებს კიბოს მკურნალობას, რომლის შესახებაც საჯაროდ 2024 წლის დასაწყისში გახდა ცნობილი. მონარქისთვის ვატიკანი უცხო ადგილი არ არის, ის წარსულში რამდენჯერმე ეწვია წმინდა საყდარს. ჩარლზი და კამილა 9 აპრილს, პონტიფიკოსის გარდაცვალებამდე სულ რამდენიმე დღით ადრე, იტალიაში სახელმწიფო ვიზიტის დროს, პირადად შეხვდნენ პაპ ფრანცისკეს.
წყარო: 1 არხი

მრავალეროვნულმა არქეოლოგიურმა ექსპედიციამ საქართველოში ჩატარებული გათხრების შედეგად აღმოაჩინა, რომ აქ სელს 30 000 წლის წინათ ხმარობდნენ.
სელი ერთ-ერთი უძველესი კულტურაა, რომელსაც ადამიანი სხვადასხვა დანიშნულებით მოიხმარდა. ჰარვარდის უნივერსიტეტის არქეოლოგის ოფერ ბარ იუსეფის განცხადებით ეს აღმოჩენა შემთხვევით გაკეთდა. სელის მოკროსკოპული ნაწილაკების გამოკვლევის შედეგად დადგინდა რომ მას იყენებდნენ თოკების და ქაღალდის დამზადებაში, ასევე ქსოვილების შეღებვისას.
ეს აღმოცენა იმ პერიოდს განეკუთვნება როდესაც თანამედროვე ადამიანის წინაპრები ახლო აღმოსავლეთში ევროპასა და შუა აზიაში ნეანდერატლებს ავიწროებდნენ. 30000 წლის წინათ მათ აითვისეს ძუძუანას გამოქვაბულები, სადაც აღნიშნული აღმოჩენა გაკეთდა. ბარ იუსეფის განცხადებით სელი შესაძლოა უფრო ადრეულ ხანაშიც გამოიყენებოდა. მისი თქმით:“ მე არა ვარ დარწმუნებულუ რომ სელის გამოყენება თანამედროვე ადამიანმა დაიწყო, არ არის გამორიცხული რომ მას ნეანდერტალებიც იყენებდნენ.“
ჯერ-ჯერობით უცნობია თუ როგორ აღმოაჩინა ადამიანმა რომ მცენარისგან შესაძლებელი იყო ქსოვილების დამზადება. ბარ იუსეფი მიიჩნევს რომ ეს აღმოჩენა ქალებს უნდა გაეკეტებინათ:“ კაცები ძირიტადად ნადირობით იყვნენ დაკავებულნი, ქალები კი ბანაკში ტრიალებდნენ და უფრო მეტ ყურადღებას აქცევდნენ მცენარეებს.“
ჰარვარდის უნივერსიტეტის არქეოლოგის ოფერ ბარ იუსეფის განცხადებით:“
როდესაც გათხრებს აწარმოებ ყველაფრისთვის უნდა იყო მზად, განსაკუთრებით თანამედროვე მეცნიერული მიღწევების გამოყენების დროს, რომელთა დახმარებით უდიდესი არქეოლოგიური აღმოჩენების გაკეთება შეიძლება.“
არქეოლოგებმა სელის 1300 ფრაგმენტი აღმოაჩინეს ძუძუანას გამოქვაბულში, სადაც უძველესი ადამიანი სელის ქსოვილებთან ერთად ნადირის ტყავისგან დამზადებულ ტანსაცმელსაც იყენებდა.

რეჟისორსა და „ფორმულას“ დამფუძნებელ გიორგი ლიფონავას 3-დღიანი ადმინისტრაციული პატიმრობა შეეფარდა. აღნიშნული გადაწყვეტილება მოსამართლე ნინო ენუქიძემ მიიღო.
გიორგი ლიფონავას შსს “გზის ხელოვნურად გადაკეტვას” ედავებოდა. ლიფონავა სამართალდამცავებმა 24 ოქტომბერს დააკავეს.

დღეს ლიგა 1-ის მეცხრე ტურში პსჟ გასვლაზე „ბრესტს“ დაუპირისპირდება და დაკარგული ლიდერობის დაბრუნებას შეეცდება, ყოველ შემთხვევაში დროებით მაინც, ვიდრე „მარსელი“ „ლანსს“ ესტუმრება.
„პარიზიენის“ ცნობით, პარიზული გუნდი მოედანზე ისევ შეცვლილი შემადგენლობით გავა. მწვრთნელი ლუის ენრიკე თავიდანვე არ დააწყებინებს თამაშს დეზირე დუეს, ილია ზაბარნი მარკინიოსთან და ჟოაო ნევეშთან ერთად სათადარიგოთა შორის იქნება, ხვიჩა კვარაცხელია კი ისევე როგორც უსმან დემბელე და ბრედლი ბარკოლა – სასტარტოში.
პსჟ-ს სავარაუდო შემადგენლობა: შევალიე, ჰაკიმი, ბერალდო, პაჩო, მენდეში, ზაირ-ემერი, ვიტინია, ლი, კვარაცხელია, ბარკოლა, დემბელე.
მატჩი „ფრანსის ლე ბლეზე“ თბილისის დროით 19:00 საათზე დაიწყება.
იქამდე მამარდაშვილი ითამაშებს – სლოტმა ალისონის დაბრუნებაზე კომენტარი გაკეთა
კვარაცხელია: მეგონა, ბურთი კარს ავაცილე და ცოტა შემეშინდა
“ნაპოლი” ფრანგულ “ბრესტთან” დამარცხდა
[VIDEO] დავითაშვილის მე-14 საგოლე მოქმედება და “სენტ-ეტიენის” საბრძოლო ფრე “ბრესტთან”
რას ნიშნავს კვარაცხელიას გოლის აღნიშვნა? – Le Parisien-ი განმარტავს
ფონსეკას გაძევება და შეუცვლელი მიქაუტაძე – “ლიონმა” ლაკაზეტის დუბლით “ბრესტს” მოუგო [VIDEO]
“კვარა” – ზღაპრის გმირობა, რწმენა და ლიგის ზედიზედ მოგება
სიომინი: პსჟ-ს ბრწყინვალე სამეული ჰყავს და ჩემპიონთა ლიგაზე სიურპრიზის შემოთავაზება შეუძლია
კატასტროფულმა ზაბარნიმ უნიკალური ანტირეკორდი გაიმეორა
ხვიჩა კვარაცხელია: ჩვენ პსჟ ვართ – რა თქმა უნდა, ჩემპიონთა ლიგის მოგება შეგვიძლია
[VIDEO] “როდესაც ჟოაომ ეს პირველად გააკეთა, მთელი ოჯახი ვტიროდით” – ნევეშის ულამაზესმა შეყვარებულმა ახსნა, რას ნიშნავს ფეხბურთელის გოლის სამი თითით აღნიშვნა
[VIDEO] 2:7. “კვარას” გოლი პლუს საგოლე პასი, ორი გაძევება, ორი პენალტი და პსჟ-ს მიერ “ბაიერის” განადგურება
“ბრესტის” მწვრთნელი: პსჟ-მ ჩემზე “ბარსაზე” დიდი შთაბეჭდილება მოახდინა
რას უპირებს ენრიკე ზაბარნის საშინელი მატჩის შემდეგ – კომენტარი ქალთა გუნდის ყოფილმა მცველმაც გააკეთა
როგორი შეფასებები მიიღეს კვარაცხელიამ და მიქაუტაძემ ჩემპიონთა ლიგის მესამე ტურში?