“Gəncə” basketbol klubunda ayrılıq gerçəkləşib.

Futbolpress.az xəbər verir ki, köməkçi məşqçi Yusuf Aydilek komandanı tərk edib.

Türkiyəli mütəxəssis səhhət ilə bağlı vətəninə yollanmaq məcburiyyətində qalıb.

İspaniya Kubokunda yarımfinal mərhələsinin püşkü atılıb.

Futbolpress.az xəbər verir ki, “Barselona” final yolunda “Atletiko” ilə qarşılaşacaq. Digər yarımfinal görüşü isə “Atletik” ilə “Real Sosyedad” arasında olacaq.

Yarımfinalın

İspaniya Kuboku
Yarımfinal mərhələsi

Atletiko – Barselona
Atletik – Real Sosyedad

Azərbaycan Premyer Liqasında XIX turun təyinatları məlum olub.

Futbolpress.az xəbər verir ki, “Sabah” – “Araz-Naxçıvan” oyununu Tural Qurbanov idarə edəcək.

“Neftçi” – “Qəbələ” görüşündə isə FIFA referisi Əliyar Ağayev ədaləti qoruyacaq.

8 fevral (bazar)

“Sabah” – “Araz-Naxçıvan”
Hakimlər: Tural Qurbanov, Asiman Əzizli, Müslüm Əliyev, Əli Əliyev
VAR: Rəvan Həmzəzadə
AVAR: Emin Əliyev
Hakim-inspektor: Zöhrab Qədiyev
AFFA nümayəndəsi: Elçin Məmmədov
“Bank Respublika Arena”, 16:00

“Sumqayıt” – “Zirə”
Hakimlər: İnqilab Məmmədov, Rahil Ramazanov, Teymur Teymurov, Alik Yunusov
VAR: Rauf Cabarov
AVAR: Kamran Əliyev
Hakim-inspektor: Əmrah İbrahimov
AFFA nümayəndəsi: Anar Şıxəliyev
Mehdi Hüseynzadə adına Sumqayıt şəhər stadionu, 18:30

9 fevral (bazar ertəsi)

“İmişli” – “Kəpəz”
Hakimlər: Fərid Hacıyev, Rəhman İmami, Tərlan Talıbzadə, İslam Məmmədov
VAR: Elçin Məsiyev
AVAR: Elşad Abdullayev
Hakim-inspektor: İmanxan Sultni
AFFA nümayəndəsi: Seymur Səlimli
Quba OİK stadionu, 14:30

“Turan Tovuz” – “Karvan-Yevlax”
Hakimlər: Vüqar Həsənli, Kamran Bayramov, Zöhrab Abbasov, Murad Səlimov
VAR: Nicat İsmayıllı
AVAR: Pərvin Talıbov
Hakim-inspektor: Orxan Məmmədov
AFFA nümayəndəsi: Məmmədəli Məmmədov
“Azersun Arena”, 18:30

10 fevral (çərşənbə axşamı)

“Şamaxı” – “Qarabağ”
Hakimlər: Kamal Umudlu, Namiq Hüseynov, Vüsal Məmmədov, Ruslan Quliyev
VAR: Kamranbəy Rəhimov
AVAR: Eyyub İbrahimov
Hakim-inspektor: Munis Abdullayev
AFFA nümayəndəsi: Yavər Rəhimov
Şamaxı şəhər stadionu, 14:30

“Neftçi” – “Qəbələ”
Hakimlər: Əliyar Ağayev, Zeynal Zeynalov, Kərim Zeynalov, Əkbər Əhmədov
VAR: Cavid Cəlilov
AVAR: Elvin Bayramov
Hakim-inspektor: Ceyhun Haşımov
AFFA nümayəndəsi: Zaur Hacı-Məhərrəmov
“Palms Sports Arena”, 19:00

Fransanın paytaxtı Parisdə Böyük Dəbilqə turnirinin püşkatma mərasimi keçirilib.

Futbolpress.az Azərbaycan Cüdo Federasiyasına istinadən xəbər verir ki, püşkatmanın nəticələrinə görə cüdoçularımızın ilk rəqibləri müəyyənləşibb.

Dünya Cüdo Turu seriyasına daxil olan ilin ilk yarışında Azərbaycan 5 çəki dərəcəsində 8 cüdoçu ilə təmsil olunacaq. Beynəlxalq turnirdə 78 ölkədən 488 cüdoçu iştirak edəcək.

Turnir sabah saat 11:00-da start götürəcək.

Kişilər

-60 kq, 1/16 final

Balabəy Ağayev – Kim Hvasu (Koreya) / Fransisko Qarriqos (İspaniya) cütünün qalibi ilə

-66 kq, 1/16 final

Nazir Talıbov – Migel Qaqo (Portuqaliya) / Erbol Abasbekov (Qırğızıstan) cütünün qalibi ilə

Ruslan Paşayev – Yusuf Nurkoviç (Monteneqro) / Bence Ponqrats (Macarıstan) cütünün qalibi ilə

-81 kq, 1/16 final

Zelim Tçkayev – Vanq Cian-nan (Çin) / Lova Mahaisoa Randrianasolo (Madaqaskar) cütünün qalibi ilə

Vüsal Qələndərzadə – Saşa Jiqli (Fransa) / Mixaylo Svidrak (Ukrayna) cütünün qalibi ilə

-100 kq, 1/16 final

Əjdər Bağırov – Denis Sedrik Nquyassa Bekai (Mərkəzi Afrika Respublikası)

+100 kq, 1/16 final

Uşanqi Kokauri – Marvin Belz (Almaniya)

Kənan Nəsibov – Ştefan Heqi (Avstriya)

Azərbaycan Kubokunun 1/4 final mərhələsinin ilk oyunları aşağı məhsuldarlıqla əlamətdar olub.

Futbolpress.az xəbər verir ki, dörd qarşılaşmada cəmi 4 top vurulub.

“Şamaxı” “Qarabağ”a 2:1, “Turan Tovuz” “Kəpəz”ə 1:0 hesabı ilə qalib gəlib. “Sumqayıt” – “Zirə” və “Sabah” – “Qəbələ” qarşılaşmaları qolsuz bitib. Orta məhsuldarlıq 1,00-a bərabərdir.

Bu, 4 matçın keçirildiyi ilk oyunlar üçün antirekordun təkrarıdır. Elə ötən mövsümdə də eyni sayda qol qeydə alınıb – “Səbail” – “Qarabağ” – 0:1, “Sabah” – “Sumqayıt” – 0:0, “Kəpəz” – “Neftçi” – 0:2, “Araz-Naxçıvan” – “Zirə” – 1:0.

Bunadək isə 2004/05 mövsümündə də 1/4 finalın ilk 4 görüşü 4 qolla bitib – “Neftçi” – “İnter” – 0:0, “Gənclərbirliyi” – “MKT-Araz” – 0:0, MOİK – “Xəzər Lənkəran” – 0:1, “Karat” – “Bakı” – 1:2.

Düzdür, bu raundda daha az – cəmi 2 qol vurulması da olub. Amma 1997/98 mövsümündə 1/4 finalın ilk oyunlarından üçü baş tutub, birində isə texniki nəticə qeydə alınıb. Orta məhsuldarlıqda antirekord olsa da, ümumi oyun sayı da az olub – “Dinamo” – “Qarabağ” – 0:0, “Kəpəz” – “Bakılı” – 0:0,  MOİK – “Neftçi” – 1:1, “Pambıqçı” (Bərdə) – “Kür-Nur” – -:+.

Qeyd edək ki, 1/4 finalın cavab oyunlarında da ən az qolun qeydə alındığı mövsümlərdə 4 top vurulub. 1996/97 və 1999/2000 mövsümlərində belə aşağı məhsuldarlıq yaşanıb.

“Turan Tovuz” Azərbaycan Kubokunda 10-cu qələbəsini qazanıb.

Futbolpres.az xəbər verir ki, bu, “Kəpəz”lə ev qarşılaşmasında qeydə alınıb.

Tovuz təmsilçisi Azərbaycan Kubokunun 1/4 final mərhələsinin ilk görüşündə 1:0 hesabı ilə qalib gəlib. Bu, klub tarixində 18-ci kubok matçında 10-cu qələbə olub. Evdə 5-ci dəfə qalib gələn qərblilər səfərdə də eyni sayda uğura malikdir

Qeyd edək ki, “Turan Tovuz” ilk qələbəsini 2015/16 mövsümünə təsadüf edən debüt matçında qazanıb. Qərblilər səfərdəki 1/16 final görüşündə MOİK-i məğlub edib – 2:1.

“Qarabağ”ın Jeremi Qnali transferindən sonra yerli futbolçuların – Toral Bayramov, Elvin Cəfərquliyev, Nəriman Axundzadənin ayrılacağı haqda xəbərlər çıxır.

“FutbolPress”in əldə etdiyi məlumata görə hər üç futbolçuya yerli və xarici klublardan təklif var.

Bəs proses hara gedir?

Legioner limitinin yeni formatı “Qarabağ”ın, daha dəqiq, baş məşqçi Qurban Qurbanovun məqbul saymadığı formatdır. Bu haqda rəsmi açıqlama olmasa da, kuluarlardan belə eşidilir.

Məlumatların təhlili o ehtimalı yaradır ki, “Qarabağ” da legionerlərə daha çox üstünlük verəcək. Aparıcı yerli futbolçuların düşərgəni tərk edəcəyi təxminən dəqiqdir.

Nəyin necə olacağını zaman göstərəcək, ancaq limitin yeni formatı özü ilə müsbət məqamlar gətirsə də, müəyyən təlatümlər də yaradır.

Çalxalanma prosesinin futbolumuza zərər deyil, xeyir verməsi üçünsə emosional yox, rasional davranışlar/qərarlar vacibdir.

Kamil Əhməd

AFFA Hakimlər Komitəsinin sədri Rəhim Həsənov Azərbaycan Kubokunun 1/4 final mərhələsinin ilk oyunlarındakı mübahisəli qərarları şərh edib.

Futbolpress.az xəbər verir ki, funksioner qərarların doğru olduğunu bildirib.

“Şamaxı” ölkə kubokunda 60-cı qələbəsini qazanıb.

Futbolpress.az xəbər verir ki, bu, Bizon Azərbaycan Kubokunun 1/4 final mərhələsinin ilk oyunları çərçivəsində “Qarabağ”a qarşı ev matçına təsadüf edib.

Şamaxının eyniadlı klubu 2:1 hesabı ilə qalib gəlib. Əvvəllər “Xəzər Universiteti”, “İnter” və “Keşlə” adlarını da daşımış klub 60-cı qələbəsini 115-ci oyununda əldə edib.

“Şamaxı” evdə 34, səfərdə 24, neytral meydanda 2 dəfə qalib gəlib. Bu, yarışın tarixində 4-cü nəticədir. Yalnız “Qarabağ”, “Neftçi” və “Kəpəz”in hesabında daha çox qələbə var.

Qeyd edək ki, “Şamaxı” ilk qələbəsini 2001/02 mövsümündə “Ümid”lə (Bakı) 1/8 finaldakı səfər matçında qazanıb – 3:1.

“İmişli” heyətinə yeni futbolçu cəlb edib.

Futbolpress.az xəbər verir ki, 25 yaşlı yarımmüdafiəçi Riad Abbaszadə bundan sonra komandanın uğurları üçün mübarizə aparacaq.

Riadın son klubu “Difai” olub.

Portuqaliyalı hücumçu Kirştiano Ronaldo boykota davam edir.

Futbolpress.az xəbər verir ki, “Əl Nəsr”in futbolçusu çempionatda “Əl İttihad”la matça da çıxmayacaq. Bu barədə insayder Fabrizio Romano məlumat yayıb.

Ronaldonun klub rəhbərliyi ilə münasibətləri pozulub və o, son günlərdə məşqə də qatılmır.

40 yaşlı hücumçunun ayrılığı gündəmdədir.

“Qalatasaray”ın sabiq futbolçusu Emmanuel Ebuenin oğlu Matis Ebue “Çelsi” ilə müqavilə imzalayıb.

Futbolpress.az xəbər verir ki, bu barədə “zadəganlar”ın mətbuat xidməti məlumat yayıb. Bu, Ebuenin ilk peşəkar müqaviləsi olub.

Matis ötən ilin yanvarında “Uotford”dan “Çelsi”yə keçib. 17 yaşlı yarımmüdafiəçi bu mövsüm “Çelsi”nin U-18 komandasında 16 oyunda 3 qol vurub.

Yeniyetmə qızlardan ibarət milli komandanın üzvləri üçün Beynəlxalq Cüdo Federasiyasının tətbiq etdiyi yeni qaydalarla bağlı seminar təşkil olunub.

Futbolpress.az xəbər verir ki, seminar Azərbaycan Cüdo Federasiyasının hakimlər heyətinin üzvü, “A” kateqoriyalı beynəlxalq dərəcəli hakim Nazim Umbayevin təqdimatında keçirilib.

Məşğələ zamanı qaydalardakı yeniliklər idmançılara praktiki nümunələr üzərindən izah edilib, müxtəlif epizodlar üzrə qərarvermə meyarları ətraflı müzakirə olunub. Seminarın məqsədi yeni tələblərin daha dəqiq mənimsənilməsi, yarışlarda yarana biləcək anlaşılmazlıqların qarşısının alınması və taktiki yanaşmanın daha səmərəli qurulmasına dəstək göstərmək olub.

“Roma”nın qapıçısı Devis Vaskes karyerasını Türkiyədə davam etdirə bilər.

Futbolpress.az xəbər verir ki, bu barədə İtaliya mətbuatı məlumat yayıb. “Beşiktaş” klubu kolumbiyalı qolkiperin icarəsi üçün “Roma” ilə danışıqlar aparır.

Vaskes “Roma”dan başqa İtaliyada “Milan” və “Empoli”də də çıxış edib.

Vaskes bu mövsüm oyuna çıxmayıb.

“Fənərbağça” futbolçusu Anderson Taliska ilə müqaviləni uzatmağa hazırlaşır.

Futbolpress.az xəbər verir ki, İstanbul təmsilçisi braziliyalı hücumçu ilə anlaşıb. Bu barədə Türkiyə mətbuatı məlumat yayıb. Xəbərdə tərəflər arasında yeni – 2 illik sözləşmə imzalanacağı bildirilib.

Taliska bu mövsüm 33 oyunda 19 qol vurub.

Gürcüstanda təlim-məşq toplanışında olan 17 yaşadək qadın futbolçulardan ibarət Azərbaycan milli komandası ilk yoxlama oyununu keçirib.

Futbolpress.az xəbər verir ki, millimiz Tbilisidə Gürcüstanın müvafiq yaş qrupundan ibarət yığması ilə qarşılaşıb. Görüş meydan sahiblərinin 6:0 hesablı qələbəsi ilə yekunlaşıb.

Qeyd edək ki, komandalar arasında ikinci yoxlama oyunu fevralın 9-da keçiriləcək.

Fevralın 6-da gənclər və idman naziri Fərid Qayıbov Naxçıvan şəhərində Naxçıvan Muxtar Respublikası üzrə şəhər və rayon sakinlərini qəbul edib.

Futbolpress.az xəbər verir ki, qəbuldan öncə nazir Fərid Qayıbov Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Ceyhun Cəlilovla birlikdə Ümummilli Lider Heydər Əliyevin abidəsini ziyarət edib, önünə gül dəstələri qoyub, xatirəsini ehtiramla yad ediblər.

İlham Əliyev adına Olimpiya İdman Kompleksində keçirilən qəbulda vətəndaşları dinləyən nazir Fərid Qayıbov onların müraciətlərinin həlli üçün müvafiq tapşırıqlar verib.

Qeyd edək ki, qəbul mərkəzi icra hakimiyyəti orqanları rəhbərlərinin şəhər və rayonlarda fevral ayı üzrə vətəndaşların qəbulu cədvəlinə əsasən həyata keçirilib.

“Şəfa” I Liqada mövsümün ikinci dövrəsinə xal itkisiylə başlayıb.

Bakı təmsilçisi doğma meydanda “Baku Sportinq”lə heç-heçə edib – 1:1. Komandanın baş məşqçisi Elgiz Kərəmli “Futbolpress.az”a açıqlamasında nəticəni şərh etdi:

“İlk oyunlar həmişə gərgin keçir. Xal itirsək də, turnir cədvəlində vəziyyət hələ də biz istəyən kimidir. Oyunun gedişinə baxsaq, iki xal itirdik. Ani səhvdən qol buraxdıq və üstünlüyü əldən verdik. Qarşıdakı oyunlarda bunları aradan qaldırmağa çalışacağıq. Səhvləri minimuma endirib, liderliyimizi qorumalıyıq”.

“Şəfa” növbəti turda “Səbail”lə qarşılaşacaq. Hazırda birinci sırada olan “Şəfa”nın 31, üçüncü “Səbail”in isə 25 xalı var. Çempionluq mübarizəsində olan komandaların dueli mövsümün ən kritik oyunlarından olacaq. Kərəmli matçla bağlı gözləntilərini bölüşdü:

“Qarşıda uzun marafon var. Xal itkiləri qaçılmazdır. Nəzərə alaq ki, ilk turlarda iddialı komandalarla qarşılaşırıq. Əsas məsələ xal fərqini qorumaqdır ki, əlavə təzyiq yaranmasın. “Səbail”lə oyunda qələbə qazanmaq istəyirik ki, yenidən fərqi artıraq. Məqsəd liderliyi davam etdirməkdir. Futbolçular da məsuliyyəti dərk edir. Fərqi qorumaq bizim üstünlüyümüzdür”.

“Şəfa” qış transfer dönəmini “sakit” keçirir. Kərəmli hücumçu transferi istədiklərini, ancaq hələ reallaşan nəsə olmadığını bildirdi:

“Yeni transferə hər zaman ehtiyac olur. Qış fasiləsində oyunçuların klublarıyla müqaviləsi olduğu üçün transfer etmək çox çətindir. Hücum xəttinə oyunçu istərdik, amma indiki məqamda bizdən asılı olmayan səbəblərə görə mümkünsüz görünür”.

Şahin Cəfərov

Azərbaycan Milli Olimpiya Komitəsi XXV Qış Olimpiya Oyunlarında Ermənistanı təmsil edən fiqurlu konkisürənlər Nikita Raxmanin – Karina Akopova cütlüyünün yarış proqramında siyasi və separatçı məzmun daşıyan “Arsax” adlı musiqidən istifadə etməsini ciddi narahatlıqla qarşılayıb.

Futbolpress.az xəbər verir ki, Azərbaycan Milli Olimpiya Komitəsi Beynəlxalq Olimpiya Komitəsinə Ermənistan idmançılarının bu addımı ilə bağlı öz etirazını bildirib.

BOK rəsmilərinin diqqətinə çatdırılıb ki, “Arsax” ifadəsi uzun illər ərzində Azərbaycan Respublikasının beynəlxalq hüquqla tanınmış əraziləri ilə bağlı Ermənistanın apradığı qeyri-qanuni və separatçı siyasətin ideoloji mahiyyətini əks etdirir. Bu baxımdan, Olimpiya Oyunları kimi siyasətdən kənar qalmalı olan beynəlxalq idman tədbirində belə bir proqram seçimi açıq şəkildə siyasi və ideoloji məna daşıyır və Olimpiya dəyərlərinə ziddir.

Qeyd edilib ki, Olimpiya Xartiyasının əsas prinsiplərinə əsasən, Olimpiya Oyunlarında hər hansı siyasi, ideoloji və separatçı təbliğata yol verilməməlidir. Beynəlxalq Olimpiya Komitəsinin missiyalarından biri də idmanı siyasətdən kənar saxlamaq, idmançıların və yarışların siyasi məqsədlər üçün istismarına qarşı çıxmaqdır.

Bu cür hallar Olimpiya Oyunlarının ruhuna, idman etikası və beynəlxalq idman prinsiplərinə zərər vurur, Olimpiya Hərəkatının neytrallıq prinsipini pozur, eyni zamanda regionda sülh və qarşılıqlı etimad mühitinə xələl gətirir.
Milli Olimpiya Komitəsi öz etirazında bir daha bildirib ki, Olimpiya Oyunları sülhün, dostluğun və xalqlar arasında qarşılıqlı hörmətin rəmzlərindən biridir, bu platformadan siyasi və separatçı təbliğat məqsədləri üçün istifadə etmək yolverilməzdir.

Region Liqasında mübarizə aparan “Araz” komandası texniki məğlubiyyətlə cəzalanıb.

Futbolpress.az xəbər verir ki, buna səbəb Region Liqasında keçirilən “Hacıqabul”la oyunun 86-cı dəqiqəsində komandanın meydanı tərk etməsidir.

Klub AFFA İntizam Komitəsi tərəfindən 0:3 hesablı texniki məğlubiyyətlə cəzalanıb.

AFFA İntizam Komitəsinin iclası keçirilib.

Futbolpress.az xəbər verir ki, toplantıda Premyer Liqanın XVIII turunun oyunları ilə bağlı aşağıdakı qərarlar qəbul edilib:

“Karvan-Yevlax” – “Sumqayıt” oyununda Əsasnamənin 9-cu maddəsinin 4-cü bəndinin tələbləri pozulduğuna görə “Karvan-Yevlax” komandası 1000 manat cərimə edilsin (maddə 68);

“Kəpəz” – “Şamaxı” oyununda Əsasnamənin 9-cu maddəsinin 4-cü bəndinin tələbləri pozulduğuna görə “Kəpəz” komandası 1000 manat cərimə edilsin (maddə 68);

“Kəpəz” – “Şamaxı” oyunu bitdikdən sonra meydançaya kənar şəxs daxil olduğuna və bu hal cari mövsümdə 2-ci dəfə yaşandığına görə “Kəpəz” komandası 5000 manat cərimə edilsin (maddə 86.3);

“Qarabağ” – “Turan Tovuz” oyununda “Turan Tovuz” komandasında 6 nəfər sarı vərəqə aldığı üçün “Turan Tovuz” komandası 700 manat cərimə edilsin (maddə 43.1);

Türkiyənin “Konyaspor” futbol komandasının yeni baş məşqçisi açıqlanıb.

Futbolpress.az xəbər verir ki, Super Liqa təmsilçisinin “sükanı” İlhan Paluta tapşırılıb. Bu barədə klubun mətbuat xidməti məlumat yayıb. Mütəxəssislə 1.5 illik müqavilə imzalanıb.

Palut bu postda Çağdaş Atanı əvəzləyib.

“Konyaspor” Super Liqada 20 turdan sonra 19 xalla 14-cü sıradadır.

“Qarabağ”ın Çempionlar Liqasının pley-off mərhələsinin “Nyukasl”la oyunları üçün iştirak ərizəsi açıqlanıb.

Futbolpress.az xəbər verir ki, yarımmüdafiəçi Kadi Borges yeni siyahıda yer alıb. O, Kris Koakunu əvəzləyib.

Yeni transfer Jeremi Qnali ilə iştirak ərizəsinə salınmayıb.

Qapıçılar: 89.Amin Ramazanov, 97.Fabian Buntiç, 99.Mateuş Koxalski

Müdafiəçilər: 2.Mateus Silva, 3.Sami Mmae, 13.Bəhlul Mustafazadı, 18.Dani Bolt, 30.Abbas Hüseynov, 44.Elvin Cəfərquliyev, 55.Bədavi Hüseynov, 81.Kevin Medina

Yarımmüdafiəçilər: 8.Marko Yankoviç, 10. Abdullah Zubir, 15. Leandro Andrade, 20.Kadi Borges, 21.Aleksey Kaşuk, 27.Toral Bayramov, 32.Hikmət Cəbrayılzadə, 35.Pedro Bikalyo, 9.Joni Montiel

Hücumçular: 11.Ammanuel Addai, 22.Musa Qurbanlı, 17.Kamilo Duran, 7.Nəriman Axundzadə

“Real” və “Bavariya”nın sabiq futbolçusu Xames Rodriqes karyerasına ABŞ-də davam edəcək.

Futbolpress.az xəbər verir ki, 34 yaşlı yarımmüdafiəçi “Minnesota” ilə anlaşıb. Bu barədə insayder Fabrizio Romano məlumat yayıb. Tərəflər arasında yaxın zamanda müqavilə imzalanacaq.

Karyerası ərzində “Real”, “Bavariya”, “Everton”, “Portu” kimi klublarda forma geyinən Xamesin son ünvanı Meksikada “Leon” olub.

“Real” “Mançester Siti”nin futbolçusu Fil Fodenlə maraqlanır.

Futbolpress.az xəbər verir ki, bu barədə insayder Ekrem Konur məlumat yayıb.

“Mançester Siti” Fodeni satmaq niyyətində deyil. Klub oyunçunu 180-200 milyon avroluq təklif olacağı halda, buraxa bilər.

Foden “Mançester Siti” formasıyla ümumilikdə 353 oyunda 110 qol vurub, 65 məhsuldar ötürmə edib. Onun klubla müqaviləsi 2027-ci ilin yayına kimidir.

Müqavilə ilə “Əl Nəsr”ə məxsus olan, icarə əsasında “Fənərbağça”da çıxış edən Con Duran klubu tərk edib.

Futbolpress.az xəbər verir ki, kolumbiyalı hücumçu “Zenit”lə anlaşıb. Bu barədə insayder Fabrizio Romano məlumat yayıb. Duran müqavilə üçün Rusiyaya yollanıb.

22 aşlı futbolçu bu mövsüm “Fənərbağça”da 21 oyunda 5 qol vurub, 3 məhsuldar ötürmə dib.

Fransa Kubokunda 1/4 final mərhələsinin cütləri məlum olub.

Futbolpress.az xəbər verir ki, “Marsel” bu raundda “Tuluza” ilə qarşılaşacaq. “Lion”un yarımfinal yolundakı rəqibi isə “Lans” olacaq.

Fransa Kuboku
1/4 final mərhələsi

Marsel – Tuluza
Strasburq – Reyms
Loryan – Nitsa
Lion – Lans.

Oyunların təqvimi hələ açıqlanmayıb.

“Qarabağ”ın prezidenti Tahir Gözəl Azərbaycan Televiziyasına açıqlama verib.

Futbolpress.az xəbər verir ki, funksioner Çempionlar Liqasında “Nyukasl”la pley-off oyunu ərəfəsində “Neftçi”yə qarşı keçirməli olduqları matçın təxirə salınmasını istədiyini deyib:

“Qrafikimiz çox ağırdır, çox çətindir. “Neftçi” ilə daim təmasdayıq. “Neftçi”dən xahiş edirik ki, imkan varsa, oyun təxirə salınsın. Amma qərar onlarındır. Hər bir qərarlarına böyük ehtiramla yanaşacağıq”.

Gözel “Nyukasl”la matçdan da danışıb:

“Çox gözəl yerlərə gəlib çıxmışıq. Tarixi mövsüm keçiririk. Bu, məni çox sevindirir. Avropada 1200-dən çox klub var və biz ilk “24-lüy”ə düşmüşük. “Nyukasl”la oyuna qalib gəlmək arzusu ilə çıxacayıq. Biz səfərə bərabərlik üçün yox, qalibiyyət üçün gedirik. Müdafiədə yox, hücumda çıxış edəcəyik. Klubun prezidenti olaraq Qurban Qurbanov və komandamdan gözləntim odur ki, bütün rəqiblərə qarşı ən gözəl oyunu görmək istəyirəm”.

“Qarabağ”ın Çempionlar Liqasının pley-off mərhələsində “Nyukasl”la oyunları üçün iştirak ərizəsində dəyişiklik edilib.

Futbolpress.az xəbər verir ki, yarımmüdafiəçi Kris Koaku heyətdən çıxarılıb və zədəsini sağaldan Kadi Borges sifariş olunub.

Kadi ötən ilin oktyabrında “Çelsi” ilə matçda (2:2) zədələndiyi üçün heyətdən çıxarılmışdı.

“Qarabağ” “Nyukasl”la ilk oyunu fevralın 18-də Bakıda, cavab görüşünü isə 25-də səfərdə keçirəcək.

“Şamaxı” Azərbaycan Kubokunun 1/4 final mərhələsinin ilk oyununda “Qarabağ”ı məğlub edib – 2:1.

Futbolpress.az-ın məlumatına görə, bu, baş məşqçi Ayxan Abbasovun “şirlər”lə “atlılar”a qarşı ilk qələbəsi kimi tarixə düşüb.

“Şamaxı” Abbasovun rəhbərliyi altında “Qarabağ”la 6 dəfə üz-üzə gəlib. 4 dəfə uduzan bölgə klubu 1 dəfə heç-heçə edib, 1 dəfə də qələbə qazanıb.

Ayxan Abbasov 2024-cü ilin yayından “Şamaxı”nı çalışdırır.

“Turan Tovuz” Azərbaycan Kubokunun 1/4 final mərhələsinin ilk oyununda “Kəpəz”ə qalib gəlib.

Futbolpress.az-ın məlumatına görə, tovuzlular Kurban Berdıyevin rəhbərliyi altında gəncəlilərə qarşı altıncı qalibiyyətini əldə edib.

“Turan Tovuz” mütəxəssisin başçılığı ilə “Kəpəz”ə qarşı ümumilikdə 7 oyun keçirib. Bu matçlarda cəmi 1 dəfə məğlubiyyət yaşanıb. Komanda ötən mövsüm səfərdə “sarı-göylər”ə 2:5 hesabıyla uduzub.

Berdıyev 2024-cü ilin yayından “Turan Tovuz”a rəhbərlik edir. Komanda onunla 58 matça çıxıb. Tovuzlular bu görüşlərdə 27 qələbə qazanıb, 16 heç-heçə edib, 15 dəfə uduzub. Qol nisbəti isə 84-ün 61-ədir. Berdıyevin “Turan Tovuz”da xal ortalaması 1.67-dir.

İspaniya Kubokunda yarımfinala yüksələn bütün komandalar məlum olub.

Futbolpress.az xəbər verir ki, final uğrunda “Atletiko”, “Barselona”, “Real Sosyedad” və “Atletik” mübarizə aparacaq.

Bu mərhələnin püşkü hələ atılmayıb.

Azərbaycan Kubokunda 1/4 final mərhələsinin ilk oyunlarını izləyən azarkeş sayı məlum olub.

Futbolpress.az-ın məlumatına görə, ən yüksək göstərici Şamaxıda qeydə alınıb. Yerli komandanın “Qarabağ”ı məğlub etdiyi (2:1) görüşdə tribunada 1200 tamaşaçı olub.

Digər üç görüşdə isə ümumi tamaşaçı sayı 1000-dir.

“Sumqayıt” – “Zirə” – 400 tamaşaçı (0:0)
“Sabah” – “Qəbələ” – 300 tamaşaçı (0:0)
“Şamaxı” – “Qarabağ” – 1200 tamaşaçı (2:1)
“Turan Tovuz” – “Kəpəz” – 300 tamaşaçı (1:0)

Qeyd: Rəqəmlər Peşəkar Futbol Liqasının rəsmi oyun protokollarından götürülüb.

“Beşiktaş” heyətini yeni futbolçu ilə gücləndirib.

Futbolpress.az xəbər verir ki, İstanbul təmsilçisi “Vulverhempton”dan Emmanuel Aqbadunu heyətinə qatıb. Bu barədə klubun mətbuat xidməti məlumat yayıb.

Aqbadu müqavilə üçün İstanbula gəlib.

28 yaşlı müdafiəçi bu mövsüm Premyer Liqada 14 oyuna çıxıb.

Fransalı hücumçu Kərim Benzema “Əl Hilal”da debüt edib.

Futbolpress.az xəbər verir ki, o, “Əl Uhdud”la matçda meydana çıxıb. Forvard 6:0 hesabıyla qələbə qazandıqları görüşdə üç qol vurub.

“Əl Hilal” çempionatda 50 xalla birinci sıradadır.

Bu gün İtaliyada XXV Qış Olimpiya Oyunlarının açılış mərasimi keçiriləcək.

Futbolpress.az xəbər verir ki, yarışlar Milan və Kortina-dAmpetso şəhərlərində təşkil olunacaq.

Olimpiada fevralın 4-də qarışıq cütlüklərin körlinq turniri ilə başlayıb. Qadınların hokkey turniri isə 5 fevralda start götürüb.

Açılış mərasimi fevralın 6-da Milandakı “San-Siro” stadionunda, yerli vaxtla saat 20:26-da başlayacaq.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

6 fevral

İtaliya, A Seriyası
23:45 Verona – Piza (Futbol 1)

İngiltərə, Premyer Liqa
00:00 Lids – Nottingem Forest (İdman TV, beİN Sports 3)

İspaniya, La Liqa
00:00 Selta – Osasuna (Futbol 2, Matç TV)

“Qalatasaray” heyətini yeni oyunçu ilə gücləndirib.

Futbolpress.az xəbər verir ki, İstanbul təmsilçisi Münhenqladbax “Borussiya”sından Can Armando Güneri transfer edib. Bu barədə klubun mətbuat xidməti məlumat yayıb.

Armando Güner bu mövsüm “Borussiya”nın  U-19 komandasında 14 matçda 4 qol vurub və 3 məhsuldar ötürmə edib.

Azərbaycan Kubokunda 1/4 final mərhələsinin ilk oyunlarına yekun vurulub. Sonuncu oyun günündə “Şamaxı” “Qarabağ”a, “Turan Tovuz” isə “Kəpəz”ə minimal fərqlə qalib gəlib.

Şamaxı – Qarabağ 2:1

Güclü duman altında keçirilən oyunda ilk hissədə meydanda daha aktiv oyun sərgilədi. Qurban Qurbanov sıx qrafikə görə daha çox ehtiyatda olan futbolçulara şans verdi. Mütəxəssis gözlədiyi performansı ala bilmədi və oyunun məntiqi nəticəsi kimi “Şamaxı” fasiləyə 2:0 öndə yollandı. İkinci hissədə aparıcı oyunçuları meydana buraxan Qurbanov bu dəfə “duman” əngəlini aşa bilmədi. Fasilədən sonra dumanın daha güclənməsinə baxmayaraq, oyun sona qədər davam etdi. “Qarabağ” sadəcə qollardan birinin əvəzini çıxa bildi.

Məğlubiyyətə baxmayaraq, cütün favoriti yenə məhz “Qarabağ”dır. “Atlılar” rəqibindən heyət baxımından daha üstündür və doğma meydanda minimal fərqi aradan qaldırmaq elə də çətin deyil. Hər bir halda, oyun göstərdi ki, “Qarabağ”ın ehtiyat qüvvəsi arzulanan səviyyədə deyil.

Turan Tovuz – Kəpəz 1:0

Bir neçə gün əvvəl ağır “Qarabağ” səfərindən məğlubiyyətlə ayrılan tovuzlular kubok matçına demək olar, elə həmin heyətlə çıxdı. “Kəpəz” isə rotasiyalar etmişdi. Gənclərə və oyun praktikası az olanlara şans verən Azər Bağırov komandasının oyunundan çox da narazı qala bilməz. Hər bir halda, hər iki hissədə mübarizə aparan və fürsətlər yaratmağa çalışan gəncəlilər məğlubiyyətdən qaça bilmədi. Fasilədən sonra yağan qar da komandalarn oyun tempinə təsirsiz ötüşmədi.

Oyunda daha çox diqqət çəkən isə Kurban Berdıyevin meydandan qovulması oldu. İkinci hissədə hakim Əli Əliyevin qərarına sərt reaksiya verən mütəxəssis “qırmızı” ilə qarşılaşdı. Sakit təbiəti ilə seçilən mütəxəssisin belə aqressiyası gözlənilməz oldu. Onu da qeyd edək ki, ilk hissədə tovuzluların sayılmayan qolu da müzakirəyə açıqdır.

Qələbə tovuzluları yarımfinala daha yaxınlaşdırdı. “Kəpəz”in cavab görüşündə “Turan Tovuz”a iki fərqlə qalib gəlməsi çətindir. Əsas diqqəti liqada qalmaq olan gəncəlilər üçün prioritet məhz çempionatdır. Bu səbəbdən cavab görüşündə Bağırovun riskə getməsi ehtimalı daha azdır.

Şahin Cəfərov

Türkiyə Kubokunda qrup mərhələsinin III turunun oyunları keçirilir.

Futbolpress.az xəbər verir ki, “Konyaspor” “Aliağa” klubunu darmadağın edib – 4:0. “Beşiktaş” səfərdə “Kocaelispor”la heç-heçə edib.

“Fənərbağça” azarkeşləri önündə “Ərzurumspor”a 3 qolla qalib gəlib.

Türkiyə kuboku
Qrup mərhələsi, III tur
5 fevral

B qrupu
Konyaspor – Aliağa 4:0

C qrupu
Kocaelispor – Beşiktaş 1:1
Fənərbağça – Ərzurumspor 3:1
Keçiörengücü – Qaziantep 1:5

Azərbaycanın U-21 millisinin məşqçisi Qara Qarayevə ağır itki üz verib.

Futbolpress.az xəbər verir ki, mütəxəssisin atası Elxan Qarayev vəfat edib.

O, müalicə aldığı Mərkəzi Gömrük Hospitalında dünyasını dəyişib. (Qafqazinfo)

21 yaşadək futbolçulardan ibarət Azərbaycan milli komandasının məşqçisi vəzifəsini icra edən Qara Qarayev futbolçu kimi “Qarabağ”, “Neftçi”, “Araz-Naxçıvan” klublarında çıxış edib.

Azərbaycan Kubokunun 1/4 final mərhələsinin “Turan Tovuz” – “Kəpəz” oyunundan (1:0) sonra meydan sahibi komandanın məşqçisi Ruslan Abışov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– 4 gün əvvəl “Qarabağ”a qarşı ağır oyun keçirmişdik. Bu gün də heyətdə böyük dəyişikliklər etmədik. Hava şəraitinin də oyuna təsiri oldu. Lakin vacib olan qələbə qazanmağımızdır. Bir ay sonra cavab oyunu olacaq. İndi növbəti matça hazırlaşmalıyıq.

– Avrokuboklara vəsiqə qazanmaq üçün kuboku, yoxsa çempionatı uyğun yol kimi görürsüz?
– Hamı istəyər ki, həm kubokda, həm də çempionatda iddialı olsun. Ona görə iki yarışda da yaxşı nəticə istəyirik.

Şahin Cəfərov

Azərbaycan Kubokunun 1/4 final mərhələsinin “Turan Tovuz” – “Kəpəz” oyunundan (1:0) sonra qonaq komandanın baş məşqçisi Azər Bağırov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Kubokun ilk oyunu çox maraqlı alındı, yaxşı mübarizə apardıq. Düşünürəm ki, cavab matçında daha fərqli oynamağa çalışacağıq. İlk hissədə 9 yerli futbolçu ilə meydanda idik. Bu bizim üçün yeni çağırış idi. Növbəti oyunlarda daha məsuliyyətli olub, turu keçməyə çalışacağıq.

– Növbəti mərhələ şanslarını necə dəyərləndirirsiniz?
– Bu gün dirəkdən qayıdan topumuz var idi. Rəqib qapısına zərbələrimiz oldu. Cavab oyununda fürsətlərdən maksimum istifadə etməyə çalışacağıq.

Şahin Cəfərov

“Samsunspor” “Çelsi”dən ayrılan Rahim Sterlinqin transferindən imtina edib.

Futbolpress.az xəbər verir ki, bu barədə klubun prezidenti Yüksel Yıldırım açıqlama verib. O, Sterlinqin onlara təklif edildiyini, lakin məbləğdə razılaşmadıqlarını deyib:

“Şərh vermək istəmirəm. Bizə dedilr, danışdıq, amma çox pul istədilər”.

“Sabah” heyətini yeni futbolçu ilə gücləndirib.

Futbolpress.az xəbər verir ki, qabonlu hücumçu Patrik Orfe Mbina bundan sonra “bayquşlar”ın uğurları üçün çalışacaq. 25 yaşlı futbolçu Sloveniyanın “Maribor” klubundan icarəyə götürülüb. İcarə müqaviləsi cari mövsümün sonuna kimi nəzərdə tutulub. Tərəflər arasında əldə olunan razılaşmaya əsasən, “Sabah” FK icarə müddətinin sonunda futbolçunun birbaşa transfer hüququna malik olacaq.

Mbina karyerası ərzində Qabonun “Port-Jantil” (2016-2018), Fransanın “Kolomye” (2018), “Bezye B” (2019-2020), “Qrenobl B” (2020-2021), “Bove” (2021-2022), “Şamalyer” (2022-2023), “Nim” (2023-2024), Portuqaliyanın “Leyriya” (2025, icarə) və Sloveniyanın “Maribor” (2024-2025) komandalarında çıxış edib. Qabon millisinin də üzvü olan futbolçu yığmada 5 oyun keçirib.

Azərbaycan I Liqasında mövsümün ikinci dövrəsinə start verilib.

Futbolpress.az xəbər verir ki, XIII turda ilk oyun günündə üç qarşılaşma baş tutub.

“Səbail” səfərdə “Zaqatala”ya qalib gəlib. Lider “Şəfa” isə “Baku Sportinq”lə heç-heçə edib.

Azərbaycan I Liqası
XIII tur

5 fevral

“Cəbrayıl” – MOİK 2:2
Qollar: Arsen Dauda, 11; 74 – Seyxan Fərəcov, 41. Mehrac Baxşalı, 69.

“Şəfa” – “Baku Sportinq” 1:1
Qollar: Emin Zamanov, 48-pen – Xəyyam Məmmədli, 75.

“Zaqatala” – “Səbail” 0:1
Qol: Emil Qasımov, 18.

“Turan Tovuz” Azərbaycan Kubokunun 1/4 final mərhələsinin ilk oyununda “Kəpəz”i qəbul edəcək.

Futbolpress.az xəbər verir ki, saat 19:00-da start götürəcək oyuna komandalar aşağıdakı heyətlə çıxacaqlar:

“Turan Tovuz”: 41. Sergey Samok 17. Rəhim Sadıxov 88. Faiq Hacıyev (k) 11. Ayxan Hüseynov 5. Roderik Miller 23. Alexandro Serrano 99. Vadji İbrahima 15. Emmanuel Hakman 32. Hayderson Hurtado 7. Xorxe Silva 19. Roberto Olabe
Ehtiyat oyunçular: 1. Oleq Baklov 4. Şəhriyar Əliyev 10. Xəyal Nəcəfov 6. Fərid Yusifli 14. Murad Dadaşev 3. Enrike Silva 90. Joarlem Santos 9. Coş Cinnelli 8. David Tavareş
Baş məşqçi: Kurban Berdiyev

“Kəpəz”: 33. Yusif İmanov 27. Məqsəd İsayev 7. Ehtiram Şahverdiyev 99. Əli Səmədov 77. Fərid Nəbiyev 88. Şakir Seyidov 17. Ümid Səmədov 21. Sadiq Şəfiyev 11. Rəhman Hacıyev 29. Dioqo Verdaska (k) 4. Mate Abuladze
Ehtiyat oyunçular: 22. Məmməd Hüseynov 81. Elgün Bayramov 5. Rauf Hüseynli 20. Elcan Əbilov 23. Fərid Kələntərov 66. Arzu Atakişiyev 80. Şahnur İsmayılov 83. Raul İsaqov 9. Luis Paçu 24. Olavale Onanuqa 14. Adama Fofana 10. Ryonosuke Ohori
Baş məşqçi: Azər Bağırov

Azərbaycan Kubokunun 1/4 final mərhələsində keçirilən “Şamaxı” – “Qarabağ” oyunundan (2:1) sonra meydan sahibi komandanın baş məşqçisi Ayxan Abbasov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Kubok iki oyundan ibarətdir. İlk matçı evimizdə keçirdik. Hava şəraiti iki komandaya da çətinlik yaradırdı. Futbolçularım döyüşdülər. “Qarabağ” kimi komandaya qarşı mübarizə aparmaq çətindir. Amma bu, komandamıza güc verir. “Qarabağ” sıx qrafikdədir, başa düşürük, bəzi oyunçuları da yoxdur. Lakin ilk hissədə futbolçularım tapşırıqları yaxşı yerinə yetirdilər. Sonradan yorğunluq oldu. Biz də sıx qrafikdəyik, çətin oyunlardır. Davam edəcəyik. Beş gün sonra yenidən çempionat oyunu var. Yaxşı hazırlaşmalıyıq.

– Bugünkü oyunda əsas heyəti buraxmaqla fiziki yüklənmə etmədiniz?
– Düzdür, tam gümrahlıq olmayacaq. Amma heyəti qorumaq, oyun keyfiyyətini artırmaq üçün belə matçlar lazımdır. Premyer Liqada hədəf yerimizi qorumaqdır. Çalışdığımızı edəcəyik.

– Kubokda hədəf nədir?
– Həyat mübarizədir, hamı istəyir ki, imkanları daxilində irəli getsin, inkişaf etsin. Əlbəttə, niyə istəmərik? Sadəcə bəlli qrupdayıq, “Qarabağ” kimi rəqibimiz var. Hamı mübarizə aparmaq istəyir.

– Cavab görüşündə şansları necə dəyərləndirirsiniz?
– Yenə favorit “Qarabağ”dır.

– Dumanlı havada baş məşqçi taktiki cəhətdən nələr edə bilər? 
– İkinci hissənin bəzi anlarında cinahları görə bilmirdik. Çətinlik çəkdik.

– Çempionatda da “Qarabağ”la oynayacaqsınız. Hava belə olsa, təxirəsalınma üçün müraciət edəcəksiniz?
– Daha çətin havalarda oynadıqlarımız olub. Ötən mövsüm “Səbail”lə matç var idi, bundan da pis hava olmasına baxmayaraq, oynadıq. Vəziyyət daha pis olsa, bizdən asılı olmayacaq. Belə baxsaq, havalar yaxşılığa doğru getməlidir.

Şahin Cəfərov

Azərbaycan Kubokunun 1/4 final mərhələsində keçirilən “Şamaxı” – “Qarabağ” oyunundan (2:1) sonra qonaq komandanın baş məşqçisi Qurban Qurbanov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Azarkeşlərə təşəkkür edirəm. Belə havada komandanı tək qoymadılar. Oyuna gəlincə, kubokda ilk matç idi və ciddi nəticə oldu. Cavab görüşünə ciddi hazırlaşmalıyıq. “Şamaxı”nı, Ayxanı, futbolçularını təbrik edirəm. Layiqli qələbə qazandılar.

– Məğlubiyyətə səbəb nə oldu?
– “Şamaxı” yaxşı oynadı, qalib gəldi.

– Dumanlı havada oynanılmaya münasibətiniz nədir?
– Münasibət bildirəcək şey yoxdur. İkinci hissədə demək olar, heç nə görünmədi. Elə gözləyirdik ki, oyun bitsin.

– Yeni transfer Jeremi Nqalini hansı mövqedə oynadacaqsınız?
– Müdafiəçi mövqeyində.

– “Qarabağ”ın sıx təqvimi və “Neftçi” ilə oyunun təxirə salınmaması çox müzakirə olunur. Bunu normal qarşılayırsınız?
– Sosial şəbəkələrdə olmuram. Hər hadisəyə normal yanaşıram. Burda kim haqlı, kim haqsız deyə bir şey yoxdur. Biz PFL-ə müraciət etdik ki, imkan varsa, təxirə salınsın. Burda rəqib “Neftçi” yox, digər rəqib də ola bilərdi. Məni narahat edən oyunun 6 gün sonra olmasıydı. Oyunun təxirə salınması bizim üçün yaxşı mənada təkan olardı. Lakin indi nəsə demək düz olmaz. İdman prinsipləri var. Reqlamentdə var ki, pley-offa çıxsaq, hansısa oyun güzəşt ola bilər. Bakıdakı “Turan Tovuz”la oyundan sonra da bildirdim ki, müraciət edəcəyik. Burda problem yoxdur. “Neftçi”nin də öz planları, hazırlığı var. Onları da başa düşürəm. Belə hallar olur. İndi təxirə salınma olmayıbsa, kimdənsə incimək fikrimiz yoxdur. İndi daha dərindən hazırlaşmalıyıq.

– “Nyukasl”da hansısa diqqətinizi çəkən xüsusi məqam var?
– Çoxdur. Komandanın özünəxas üslubu var, bərk komandadırlar. Qarşılarındakı rəqibə oynamağa imkan verməməyə çalışırlar. Güclü futbolçuları var. Digər komandalar kimi onların da təcrübələri danılmazdır. Onlar da istəkli olacaqlar. İnşallah, daha yaxından təhlil edib, ətraflı fikir bildirmək olar.

– “Neftçi”nin sizə neqativ cavab verəcəyini gözləyirdiniz?
– Neqativ deməzdim, sadəcə “yox” deyiblər, bildiriblər ki, oynamaq istəyirik. Hamıdan gözləmək olar. Qarşımızdakı rəqibin də öz proqramı, hazırlıq prosesi var. İstənilən klubun cavabı “yox” ola bilərdi. Bizim tərəfdən üzərinə gediləcək məsələ deyil. Azarkeşləri başa düşmək olar, onlar müzakirə edə bilərlər. Düzdür, təxirə salınma bizimçün yaxşı olardı ki, matça daha yaxşı hazırlaşacaq. Qarşıda çətin səfərlər var. “Nyukasl”la oyuna hazırlıq baxımından heç də yaxşı deyil. Şanslarımızdan maksimum istifadə etmək istərdik. Bu gün razılaşmırıq ki, “Nyukasl”dır və məğlub olacağıq. Sona kim mübarizə aparmağa çalışacağıq. Niyə daha yaxşısını etməyək, sona kimi mübarizə aparmayaq? Bununçün də yaxşı hazırlıq, yorğunluqdan uzaq olmaq lazımdır. Təklif etdik, alınmadı. İndi başqa variantlara əl atacağıq. Çempionlar Liqasında bura gəlmişiksə, çox ciddi hazırlaşmalıyıq. Bizimçün “bəsdir” demək istəmirik.

Şahin Cəfərov

“Qalatasaray”dan ayrılan Yusuf Demirin yeni ünvanı məlum olub.

Futbolpress.az xəbər verir ki, yarımmüdafiəçi “Rapid”ə keçib. Bu barədə klubun mətbuat xidməti məlumat yayıb. 22 yaşlı futbolçu ilə razılaşmanın detalları açıqlanmayıb.

“Rapid”in yetirməsi olan Yusuf karyerası ərzində “Barselona” və “Bazel”də də forma geyinib.

“Beşiktaş” Belçikanın “Genk” klubundan transfer etdiyi Hyonqyu Oh ilə müqavilə imzalayıb.

Futbolpress.az xəbər verir ki, bu barədə Super Liqa təmsilçisinin mətbuat xidməti məlumat yayıb. 24 yaşlı hücumçu ilə 3.5 illik müqavilə imzalanıb.

Oh bu mövsüm 32 oyunda 10 qol vurub, 3 məhsuldar ötürmə edib.

“Neftçi” Kiprin “Etnikos” klubunun futbolçusu Breno Almeyda üçün yenidən hərəkətə keçib.

Futbolpress.az xəbər verir ki, “ağ-qaralar” vinger üçün danışıqları sürətləndirib və klubla razılığa gəlib. Bu barədə Kipr mətbuatı məlumat yayıb. Xəbərdə Brenonun da “Neftçi”yə keçməyə müsbət yanaşdığı bildirilib.

“Transfermarkt”da dəyəri 400 min avro olan Breno bu mövsüm “Etnikos”da 14 oyunda 3 qol vurub, 5 məhsuldar ötürmə edib. Braziliyalı futbolçunun klubla müqaviləsi mövsümün sonuna kimidir.

“Qalatasaray” heyətini yeni müdafiəçi ilə gücləndirməyə hazırlaşır.

Futbolpress.az xəbər verir ki, İstanbul təmsilçisi “Bavariya”dan Saşa Boeylə razılaşıb. Bu barədə “Foot Mercato” nəşri məlumat yayıb. Fransalı müdafiəçinin mövsümün sonuna kimi icarə əsasında “Qalatasaray”da çıxış edəcəyi bildirilib.

Boey bu mövsüm 9 oyuna çıxıb.

“Xankəndi” Futbol Klubu heyətini yeni hücumçu ilə gücləndirib.

Futbolpress.az xəbər verir ki, bu barədə II Liqa təmsilçisinin mətbuat xidməti məlumat yayıb. “Qarabağ” Futbol Klubunun yetirməsi olan Mirmövsüm Caniyevlə mövsümün sonuna kimi müqavilə imzalanıb.

Qeyd edək ki, 22 yaşlı futbolçunun son klubu “Baku Sportinq” olub.

“Qarabağ” Azərbaycan Kubokunda 1/4 final mərhələsinin ilk oyununda “Şamaxı”nın qonağıdır.

Futbolpress.az xəbər verir ki, matçın keçirildiyi Şamaxıda güclü duman var. Görüşün baş hakimi Kamranbəy Rəhimov oyunun startından əvvəl arenadakı vəziyyəti nəzərdən keçirib və oynamaqda problem olmadığını bildirib.

İlk hissəsi davam edən matçda hesab açılmayıb.

“Mançester Siti”nin baş məşqçisi Xosep Qvardiola İngiltərə Liqa Kubokunda finala yüksəlmələrini şərh edib.

Futbolpress.az xəbər verir ki, mütəxəssis yarımfinalda “Nyukasl”ı məğlub etdikləri (3:1) oyundan sonra bunları deyib:

“Həqiqətən, xoşbəxtəm. Finala çıxmağımızın səbəbi transferlərə xərclədiyimiz pullardır (gülür). Zarafatı kənara qoysaq, həqiqətən, çox çətin oldu. Heç kim finala yüksəlməyin asan olduğunu düşünməsin. Ümid edirəm ki, finalda “Arsenal”a qarşı sağlam heyətimiz olar.

Bəlkə də, hazırda dünyanın ən yaxşı komandasına qarşı həlledici oyunumuz olacaq. Onlar möhtəşəm performans göstərirlər və inanılmaz formadadırlar”.

“Şamaxı” Azərbaycan Kubokunun 1/4 final mərhələsinin ilk oyununda bu gün “Qarabağ”ı qəbul edəcək.

Futbolpress.az xəbər verir ki, saat 14:30-da start götürəcək oyuna komandalar aşağıdakı heyətlə çıxacaqlar…

“Şamaxı”: 1. Rikardo Fernandes 5. Arsen Ağcabəyov (k) 2. Abdulla Rzayev 97. Oruc Məmmədov 82. Rüfət Abbasov 7. Edqar Adilxanov 9. Karim Rossi 13. Rikardo Apolinario 11. Dioqo Balau 4. Sezar Enrike 44. David Santos
Ehtiyat oyunçular: 62. Abdulla Seydəhmədov 99. Səlim Həşimov 17. Rafael Məhərrəmli 80. Həbib İsmayılov 21. Bilal İsmayılov 27. Emil Süleymanov 48. Ramiz Muradov 14. Ravil Qafarov 10. Andrey Tirkoveanu 19. Abdullahi Şuaybu 8. Alfons Msanqa
Baş məşqçi: Ayxan Abbasov

“Qarabağ”: 97. Fabian Buntiç 55. Bədavi Hüseynov (k) 77. Ramil Şeydayev 27. Toral Bayramov 22. Musa Qurbanlı 32. Hikmət Cəbrayılzadə 20. Kadi Borqes 3. Sami Mmae 18. Dani Bolt 21. Aleksey Kaşuk 11. Emmanuel Addai
Ehtiyat oyunçular: 99. Mateus Koxalski 30. Abbas Hüseynov 44. Elvin Cəfərquliyev 10. Abdullah Zubir 81. Kevin Medina 8. Marko Yankoviç 2. Mateus Silva 9. Joni Montiel 15. Leandro Andrade 6. Kris Kuaku 35. Pedro Bikalyo 17. Kamilo Duran
Baş məşqçi: Qurban Qurbanov

“Şahdağ Qusar” heyətini yeni hücumçu ilə gücləndirib.

Futbolpress.az xəbər verir ki, bölgə klubu Fildişi Sahilindən olan Alassane Kulibalini transfer edib. Bu barədə I Liqa təmsilçisinin mətbuat xidməti məlumat yayıb.

24 yaşlı futbolçu ilə müqavilənin müddəti cari mövsümün sonuna qədər nəzərdə tutulub. Qeyd edək ki, Kulibali son olaraq ölkəsinin “AFAD-Pleteau” klubunda çıxış edib.

Azərbaycan Premyer Liqasının 19-cu turu çərçivəsində fevralın 10-u saat 19:00-da “Palms Sports Arena”da keçiriləcək “Neftçi” – “Qəbələ” matçının biletləri satışa çıxarılıb.

Futbolpress.az xəbər verir ki, qiyməti 2 (“Şərq 1”, “Şərq 2”, “Forza”, “Qərb 2” sektorları), 3 (“Cənub üst”, “Şimal 1”, “Şimal 2” sektoru), 5 (“Cənub alt” sektorları), 15 (“VIP Silver” sektoru) və 20 (“VIP Gold” sektoru) AZN təşkil edən biletləri “Neftçi”nin mobil tətbiqindən və “https://bilet.neftchi.az” saytından onlayn şəkildə əldə etmək olar.

Stadionun kassasında isə biletlər oyun günü saat 11:00-dan etibarən satışda olacaq.

Argentinalı hücumçu Mauro İkardi “Qalatasaray”ın tarixinə düşüb.

Futbolpress.az xəbər verir ki, Türkiyə Kubokunda “İstanbulspor”la oyunda fərqlənən futbolçu klub tarixində ən çox qol vuran legioner statusuna yiyələnib.

2022-ci ilin yayından “Qalatasaray”da çıxış edən İkardinin 73 qolu var.

“Arsenal”ın futbolçusu Martin Subimendi adının “Real”la hallanmasına münasibət bildirib.

Futbolpress.az xəbər verir ki, yarımmüdafiəçi “Cadena SER”ə müsahibəsində yayılan şayiələri təkzib edib:

“Real”ın mənə ehtiyacı var? Düşünürəm ki, yox. Onların uğur qazanmaq üçün kifayət qədər yaxşı futbolçuları var”.

Subimendi bu mövsüm “Arsenal”da 33 oyunda 5 qol vurub, 3 məhsuldar ötürmə edib.

“Karvan-Yevlax” Premyer Liqada 6 xalla sonuncu – 12-ci sıradadır. Bölgə təmsilçisi son turda “Sumqayıt”a iki cavabsız qolla uduzub.

Komandanın futbolçusu Kayl Spens “Futbolpress.az“a açıqlamasında məğlubiyyəti şərh etdi:

“Məğlubiyyət məyusedici oldu. Oyun planında bəzi şeyləri həyata keçirə bilmədik. Xüsusilə, son anlarda ya yanlış qərarlar verdik, ya səhvlər etdik. Vacib odur ki, səhvlərimizi düzgün təhlil edib, düzgün reaksiya verək. Daha intizamlı, əzmkar olmalıyıq”.

Legioner ondan gözləntilərin böyük olduğunu bildiyini etiraf etdi:

“Gözləntiləri bilirəm. Şəxsən, qarşıma yüksək tələblər qoyuram. Oyunda bir çox aspektdə komandaya fayda verdiyimi düşünürəm, amma hələ performansımdan tam razı deyiləm. Ümumilikdə, komanda olaraq daha çoxuna qadirik. Fərdi olaraq da müəyyən səviyyəyə çatmalıyıq”.

İngiltərəli futbolçu komandanın mövqeyinin yaratdığı təzyiqdən danışdı:

“Liqadakı yerimiz təzyiq yaradır, amma bu, futbolun bir hissəsidir. Məsələ təzyiqə düzgün reaksiya verməyimizdir. Bəzən təzyiq komandanı daha çətin duruma sala bilər. Buna görə biz düz olanı etməliyik. Komanda olaraq birləşməli, inanmalı və işimizə davam etməliyik. Ardıcıl 2-3 qələbə liqadakı mövqeyimizi dəyişə bilər”.

Spens Azərbaycan çempionatının səviyyəsindən və növbəti turun “Turan Tovuz”la oyunundan söz açdı:

“Azərbaycan çempionatı çox rəqabətlidir. Taktiki baxımdan komandalar yaxşı təşkilatlanıb, intizamlıdır. Səfər görüşləri daha çətin keçir. Bəzi komandalarda oyunçular fərdi keçidlərə daha çox üstünlük verir.

“Turan Tovuz” güclü, aqressiv komandadır. Bu cür oyunlarda xarakter ön plana çıxır. Düşünürəm ki, bu oyun geridönüşümüz üçün bir fürsətdir. Kompakt oynayıb, inzitamlı olsaq, hücumlara cəsarətli çıxsaq, nəticə əldə edə bilərik. Matça ciddi hazırlaşırıq. Yaxşı nəticə qazanmağa çalışacağıq”.

Şahin Cəfərov

“Qalatasaray”da ayrılıq gerçəkləşib.

Futbolpress.az xəbər verir ki, Super Liqa təmsilçisi yarımmüdafiəçi Yusuf Demirlə yollarını ayırıb. Bu barədə klubun mətbuat xidməti məlumat yayıb.

22 yaşlı futbolçu ilə müqaviləyə xitam verilib.

2023-cü ildə “Qalatasaray”a keçən Yusuf bu mövsüm 3 oyuna çıxıb.

İtaliyalı keçmiş hücumçu Alessandro Del Pyero A Seriyasının favoritini açıqlayıb.

Futbolpress.az xəbər verir ki, o, insayder Nikolo Skiranın sorğusuna cavab olaraq bunları deyib:

“Milan” son illərdə kubok qazanmayıb və indi böyük üstünlükləri var. Lakin tək favorit onlar deyil. “İnter” də çempionluğa əsas namizədlərdəndir. Düşünürəm ki, kubok mübarizəsi əsas bu komanda arasında olacaq”.

“İnter” 55 xalla çempionatda liderdir. “Milan” isə 50 xalla ikinci sırada qərarlaşıb.

“Ayaks”ın futbolçusu Mika Qodts karyerasını İspaniyada davam etdirə bilər.

Futbolpress.az xəbər verir ki, “Barselona” 20 yaşlı vingerin xidmətində maraqlıdır. Bu barədə “Mundo Deportivo” nəşri məlumat yayıb.

Kataloniya klubu mövsümün sonuna kimi Qodtsu yaxından izləyəcək. Klubun skautları artıq bir neçə oyunda vingeri stadiondan izləyib.

Belçikalı futbolçu bu mövsüm 19 oyunda 10 qol vurub, 9 məhsuldar ötürmə edib.

Fransanın “Monako” klubu Çempionlar Liqasının pley-off mərhələsinin oyunları üçün yarımmüdafiəçi Pol Poqbanı sifariş etməyəcək.

Futbolpress.az xəbər verir ki, bu barədə “RMC Sport” məlumat yayıb. Komandanın məşqçilər korpusu fransalı yarımmüdafiəçinin formundan narazıdır. O, bu səbəbdən pley-off görüşlərində iştirak etməyəcək.

Poqba 2025-ci ilin yayından “Monako”dadır. O, komanda ilə cəmi 3 oyunda 30 dəqiqə şans qazanıb.

“Qarabağ” üçün günlərdir müzakirə olunan sıx qrafik bu gündən başlayır.

Futbolpress.az xəbər verir ki, son çempion 24 gündə 7 oyun keçirəcək. Bunlar kubok, Çempionlar Liqası və Premyer Liqa matçlarıdır.

5 fevral / Şamaxı – Qarabağ (kubok)
10 fevral / Şamaxı – Qarabağ
14 fevral / İmişli – Qarabağ
18 fevral / Qarabağ – Nyukasl (Çempionlar Liqası)
21 fevral / Neftçi – Qarabağ
25 fevral / Nyukasl – Qarabağ (Çempionlar Liqası)
1 mart / Qarabağ – Sabah

Azərbaycan Kubokunda 1/4 final mərhələsinə start verilib.

Futbolpress.az xəbər verir ki, “Sumqayıt” “Zirə”, “Qəbələ” isə “Sabah”la heç-heçə edib. Görüşlərdə qapılara qol vurulmayıb.

Havanın soyuq keçməsi azarkeş amilinə də ciddi təsir göstərib. Sumqayıtdakı görüşü 400, Masazırdakını isə cəmi 300 azarkeş izləyib.

Qeyd edək ki, komandaların Premyer Liqada ev oyunlarında isə təxminən ortalama 1000-dən çox tamaşaçı gəlir.

Braziliyanın “Kruzeyro” və “Santos” klubunun sabiq futbolçusu Vitao həlak olub.

Futbolpress.az xəbər verir ki, 22 yaşlı oyunçu güllələnib. Bu barədə “Metropoles” nəşri məlumat yayıb.

Hadisənin təfərrüatları açıqlanmayıb.

İspaniyanın “Real” klubunda yanvar ayının ən yaxşı futbolçusu açıqlanıb.

Futbolpress.az xəbər verir ki, bu, hücumçu Kilian Mbappedir. Bu barədə klubun mətbuat xidməti məlumat yayıb.

Fransalı futbolçu səsvermədə Federiko Valverde, Tibo Kurtua, Arda Güler və Vinisius Junioru qabaqlayıb.

Mbappe ötən ay 5 oyunda 8 qol vurub.

“Fənərbağça” yeni transferi Nqolo Kanteni təqdim edib.

Futbolpress.az xəbər verir ki, bu barədə klubun mətbuat xidməti məlumat yayıb. Fransalı yarımmüdafiəçi ilə 2.5 illik müqavilə imzalanıb.

Kante “Fənərbağça”da 17 nömrəli formanı geyinəcək.

Futbolçu 2018-ci ildə Fransa yığması ilə dünya çempionu olub.

“Şəfa”dan ayrılan Amil Yunanovun yeni ünvanı məlum olub.

Futbolpress.az xəbər verir ki, 33 yaşlı hücumçu “Mingəçevir”ə keçib. Bu barədə klubun mətbuat xidməti məlumat yayıb. Futbolçu ilə müqavilə mövsümün sonuna kimi nəzərdə tutulub.

Yunanov daha əvvəl Premyer Liqada “Şamaxı”, “Sumqayıt”, “Kəpəz”, “Səbail” kimi klublarda çıxış edib. Hücumçu Azərbaycan yığmasında 5 matçda meydanda olub.

Bu gün Azərbaycan Kubokunda 1/4 final mərhələsinin ilk oyunlarına yekun vurulacaq.

Futbolpress.az xəbər verir ki, sonuncu oyun günündə iki qarşılaşma baş tutacaq.

Günün birinci matçında “Qarabağ” “Şamaxı”ya uduzub.

Digər görüşdə “Turan Tovuz” “Kəpəz”in müqavimətini qırmağa çalışacaq.

Azərbaycan Kuboku
1/4 final mərhələsi, ilk oyunlar

5 fevral

19:00 Turan Tovuz – Kəpəz 1:0
Qol: Hurtado, 57
Baş hakim: Əli Əliyev
“Azersun Arena”

14:30 Şamaxı – Qarabağ 2:1
Qollar: Rossi, 27, 42 – Musa, 79
Baş hakim: Kamranbəy Rəhimov
Şamaxı şəhər stadionu

Azərbaycan Kubokunda 1/4 final mərhələsinin ilk oyunlarına start verilib. Dünən baş tutan iki matçda qapılara qol vurulmayıb. “Sumqayıt” “Zirə”, “Sabah” isə “Qəbələ” ilə heç-heçəyə razılaşıb.

Sumqayıtda baş tutan matçda qonaqlar ikinci hissəni daha yaxşı keçirməsinə baxmayaraq, fərqlənə bilmədi. “Sumqayıt”ın qapıçısı Mehdi Cənnətov xüsusilə son dəqiqələrdə etdiyi kritik seyvlərlə komandasının xilaskarı oldu. Oyun ərzində 2-3 imkan yaradan “kimyaçılar” son zərbələrdə uğursuz oldu. İlk oyuna nəzərən “Zirə”nin yarımfinal şansları daha çoxdur. Növbəti matçı evində keçirəcək “qartallar” cütün favoritidir.

Masazırda baş tutan “Sabah” – “Qəbələ” duelində də qonaqlar daha yaxşı göründü. İlk hissədə real şanslar yaradan, bir də penalti fürsəti yaxalayan “qırmızı-qaralar” rəqib qapısına yol tapa bilmədi. İlk hissədə qarşılıqlı hücumlar oldusa, ikinci yarıda komandalar daha ehtiyatlı davrandı. “Neftçi”dən “Qəbələ”yə keçən Rza Cəfərov kubok matçında yeni komandasında debüt etdi və bir neçə dəfə kritik seyvlərlə yadda qaldı. Cütün favoriti heyətinə nəzərən “Sabah”dır. Premyer Liqada lider olan “bayquşlar” ilk oyunda ehtiyat qüvvə ilə meydana çıxması faktını nəzərə almaq lazımdır. Hər bir halda, “Qəbələ” də yarımfinal arzusundadır və cavab görüşünün daha baxımlı keçəcəyi dəqiqdir.

Cavab görüşləri martda keçiriləcək.

Şahin Cəfərov

“Qarabağ”ın Çempionlar Liqasındakı rəqibi “Nyukasl” İngiltərə Liqa Kubokunda mübarizəni dayandırıb.

Futbolpress.az xəbər verir ki, “sağsağanlar” yarımfinalda “Mançester Siti” səddini aşa bilməyib. İlk oyunda rəqibinə 0:2 hesabıyla uduzan “Nyukasl” cavab görüşündə də 1:3 hesabıyla məğlub olub.

“Mançester Siti” finalda “Arsenal”la qarşılaşacaq.

“İnter” İtaliya Kubokunda 1/4 final oyununa çıxıb.

Futbolpress.az xəbər verir ki, “neradzurra” bu mərhələdə “Torino” ilə qarşılaşıb. Görüş “İnter”in qələbəsiylə başa çatıb – 2:1.

Qolları Bonni və Diuf vurub. “Torino”da isə Kulenoviç fərqlənib.

“İnter” qələbə sayəsində yarımfinala yüksəlib.

Türkiyə Kubokunda qrup mərhələsinin III turunun oyunları keçirilir.

Futbolpress.az xəbər verir ki, “Başakşəhər” səfərdə “Karagümrük”ə qalib gəlib.

“Qalatasaray” azarkeşləri önündə “İstanbulspor”u məğlub edib.

Türkiyə Kuboku
Qrup mərhələsi, III tur
4 fevral

A qrupu

Qalatasaray – İstanbulspor 3:1
Boluspor – Alanyaspor 0:4
Karagümrük – Başakşəhər 1:4

B qrupu

Gənclərbirliyi – Eyüpspor 2:2

Azərbaycan Kubokunun 1/4 final mərhələsinin “Sabah” – “Qəbələ” oyunundan (0:0) sonra meydan sahibi komandanın baş məşqçisi Valdas Dambrauskas jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Həqiqətən, çox çətin, ağır oyun oldu. “Qəbələ”ni təbrik edirəm. Çox yaxşı performans göstərdilər, yaxşı oyun planları var idi. Hesabda irəli də çıxa bilərdilər. Bu gün müəyyən mənada bəxtimiz də gətirdi. Qayıdan toplar var idi ki, onlardan fərqlənə bilərdilər. Bu gün öz səviyyəmizdən aşağı oynadıq. Çoxlu səhvlər etdik. Yaradacılığımız yox idi. Sadəcə bir şansımız oldu, ondan da istifadə edə bilmədik. Belə halda tam qələbəni hiss edə bilmirsən. Lakin yenə də mərhələnin birinci oyunudur. Qəbələdə cavab görüşü olacaq. Düşünürəm ki, bu matça daha yaxşı hazırlaşacağıq.

– Noyabrdan bəri hər oyunda demək olar, minimum iki qol vururdunuz. Bu gün isə fərqlənə bilmədiniz. Demək olar, kuboka köklənməkdə çətinlik çəkdiniz?
– Nəyə görə qol vura bilmədik? Hər oyunda qələbə qazanmaq istəyirik, bununçün meydana çıxırıq. Bu gün istədiyimiz enerji, yaradıcılıq meydanda çatışmırdı. Bizi irəli aparan qığılcım əksik idi. Pressinq də istədiyimiz səviyyədə deyildi. Lakin onu da nəzərə almaq lazımdır ki, hər oyun qazanmaq olmur. Rəqiblər də fərqlidir. Bu gün “Qəbələ” bizi çox yaxşı təhlil etmişdi, boşluqları bağlamışdılar. Bizi səhvlərə məcbur edirdilər və əks-hücuma çıxırdılar. Heç kim deyə bilməz ki, hər oyun qələbə olacaq.

– Heyəti seçəndə sadaladığınız problemlərin yaşanacağını nəzərə almışdınız?
– Oyunçular yığma üzvləridir. Özlərini sübut ediblər. Mənimçün həmişəlik start “11-lik” yoxdur. Hər kəs bir gün startda ola bilər. Oyunçuları da başa düşürəm. Onlarçün birlikdə oynamaq asan deyil. Çünki çox bir yerdə oynamayıblar. Bu gün heyətdə 4-5 dəyişiklik var idi və bu, oyuna təsirini göstərdi. Əminliklə deyə bilərəm ki, bu oyunçular birlikdə daha çox oynasalar, yaxşı olacaqlar. Yenə də futbolçulara təşəkkür edirəm, döyüşdülər, mübarizə apardılar. Etdiyimiz səhvlərdən nəticə çıxarmalı, oyun planında daha artırmalı və təkmilləşməliyik.

– Mövsümün gedişində kuboku çempionata fəda edə bilərsiniz?
– Dəfələrlə demişəm, bizim üçün həqiqətən, gələcəkdə nələr baş verəcəyini deyə bilmərik. Həmişə çalışırıq ki, komanda şəklində inkişaf edək. Bizimçün önəmli olan növbəti məşq, oyundur. 22-dən çox oyunçumuz var. Məşqlərə baxsanız görəcəksiniz ki, necə can yandırırlar. Onların hər biri bu gün oynamağa layiqdilər. Lakin 5 əvəzetmə edə bilirəm. İnanıram ki, bütün futbolçular komanda üçün çalışacaqlar. Nəyisə qurban vermək istəmirik. Sadəcə oyundan-oyuna köklənirik.

Şahin Cəfərov

Azərbaycan Kubokunun 1/4 final mərhələsinin “Sabah” – “Qəbələ” oyunundan (0:0) sonra qonaq komandanın məşqçisi Kaxaber Sxadadze jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Maraqlı, sürətli oyun oldu. Rəqibi yaxşı təhlil etmişdik. Heyətlərində kifayət qədər səviyyəli futbolçular var, çempionatın liderləridir. Uşaqlar tapşırıqları yaxşı yerinə yetirdi, təhlükəli epizodumuz da oldu. Təəssüf ki, penaltidən yararlana bilmədik. İki qələbədən sonra liderə qarşı necə oynayacağımız maraqla gözlənilirdi. Göstərdik ki, hər komandaya qarşı oynaya bilərik.

– Fasilədən sonra iki oyunu qazandınız, bu gün heç-heçə etdiniz. Görünür, komanda artıq yaxşı oyunu nəticə çevirə bilir. Fasilədə nəyi dəyişdiniz?
– Onu qeyd edim ki, transferlərimiz oldu, heyəti gücləndirdik. Akinade və Keytanı, Turan Manafovu transfer etdik. İnanıram ki, Manafov da qısa zamanda uyğunlaşacaq. Səhvlərimizi düzəltdik, müdafiədə daha inamlı oynamağa başladıq. Eşitmişdim ki, fikirlər yaranıb ki, bu gün “Sabah” “Qəbələ”yə üç qol vuracaq. Bunu hörmətsizlik kimi qəbul edirəm. Göstərdik ki, oynaya bilirik. İndi vacib məqamlardan biri odur ki, arxayınlıq yaranmasın. Özünəinam olsun, balansı qorumalıyıq. Rza Cəfərov debüt etdi və çox yaxşı oyun göstərdi. Turan Manafov da ilk oyununa çıxdı. İnanıram ki, üzərlərində daha çox işləyəcəklər. Daha bir transfer edəcəyik. Bununla da transferi bağlayacağıq.

– Kuboka əsas heyətlə çıxmaq komandanın fiziki gücünə necə təsir edəcək?
– Məqsədimiz Premyer Liqada qalmaqdır. Gücümüz çatacaqmı, sualdır. “Neftçi” ilə oyuna altı günümüz var, bərpa üçün vaxt olacaq. Bu ay sıx qrafikimiz var. Ayın sonu “Karvan-Yevlax”la vacib görüşümüz var. Bizimçün vacib olan yeni transferlərin formaya düşməsidir. Düşünürəm ki, oyunlar üçün gücümüz çatacaq. İndi “Neftçi” ilə oyun haqda düşünməyə başlamışam.

Şahin Cəfərov

“Mingəçevir” heyətini yeni futbolçu ilə gücləndirib.

Futbolpress.az xəbər verir ki, bölgə təmsilçisi “Zirə”dən Fuad Bayramovu icarəyə götürüb. Bu barədə klubun mətbuat xidməti məlumat yayıb.

Sol cinah oyunçusu mövsümün sonuna kimi “Mingəçevir”in formasını geyinəcək.

Azərbaycan Kubokunun 1/4 final mərhələsində keçirilən “Sumqayıt” – “Zirə” oyunundan (0:0) sonra qonaq komandanın baş məşqçisi Rəşad Sadıqov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib…

– İdeal komandaya qarşı oynayırdıq. Buna baxmayaraq, oyunu yaxşı səviyyədə keçirdik. Üstün tərəf biz idik, hücumlar etdik, qol imkanları yaratdıq. Təəssüflər olsun ki, sadəcə fərqlənə bilmədik. Bəlkə də bu gün 1-2 qol vursaydıq, cavab matçına daha rahat hazırlaşardıq. Xeyirlisi olsun. Artıq 3 gündən sonra bu iki komanda arasında olduqca önəmli çempionat oyunu var. Bütün fikrimizi həmin oyuna yönəldəcəyik. O matç daha fərqli keçəcək. Bu gün hər iki komandanın beynində birinci oyun idi deyə, səhvləri düzəltmək üçün vaxt var idisə, amma hamımız başa düşürük ki, 3 gündən sonra keçiriləcək qarşılaşma turnir cədvəli baxımından nə qədər önəmlidir. Düşünürük ki, o matçda rəqib daha istəkli, daha motivasiyalı olacaq. Çalışacağıq ki, bizə vacib olan qələbəni 3 gündən sonra burada qazanaq.

– Noyabrdan qələbə qazana bilmirsiniz. Bu məqam sizdə təzyiq yaradır?

– Xeyr. Bu haqda düşünmürük. Bizim üçün vacib olan oyundan sonra səhvlərimizi analiz edib, o yöndə hansı addımlar lazımdırsa, onu ataq və növbəti matçlarda da daha yaxşı olaq. Bu gün də qol epizodlarımız oldu, qalib də gələ bilərdik. Amma alınmadı. Artıq növbəti oyuna köklənməliyik. Komandamın performansından, göstərdiyi oyundan çox razıyam.

Şahin Cəfərov 

Portuqaliyalı hücumçu Kriştiano Ronaldo “Əl Nəsr”dən ayrıla bilər.

Futbolpress.az xəbər verir ki, bu barədə “The Touchline” portalı məlumat yayıb. 40 yaşlı hücumçu klubla müqavilənin ləğvi ilə bağlı danışıqlara başlamağı planlaşdırır.

Son günlərdə Ronaldo ilə klub rəhbərliyi arasında fikir ayrılığı yaşanıb. İdarəçilərin sistemini bəyənməyən portuqaliyalı boykot qərarı verib və məşqə, oyuna çıxmır.

Ronaldonun müqaviləsi 2027-ci ilin yayına kimidir.

Mövsümün sonunda “Bavariya”dan ayrılacağı açıqlanan Leon Qoretska karyerasını İngiltərədə davam etdirə bilər.

Futbolpress.az xəbər verir ki, “Arsenal” yarımmüdafiəçinin xidmətində maraqlıdır. Bu barədə “Bayern İnsider” portalı məlumat yayıb. “Topçular” yaxın zamanda Qoretska ilə danışıqlara başlayacaq.

Alman futbolçu bu mövsüm 28 oyunda 1 qol vurub.

“Beşiktaş” heyətini yeni futbolçu ilə gücləndirməyə hazırlaşır.

Futbolpress.az xəbər verir ki, İstanbul təmsilçisi “Genk”dən Hyonqyu Ohu transfer etmək üçün danışıqlara başlayıb. Bu barədə klubun mətbuat xidməti məlumat yayıb.

24 yaşlı koreyalı futbolçu bu mövsüm Belçika çempionatında 20 oyunda 6 qol vurub, 4 məhsuldar ötürmə edib.

“Mingəçevir” heyətini daha bir futbolçu ilə gücləndirib.

Futbolpress.az xəbər verir ki, bölgə təmsilçisi “Şəki”dən ayrılan Nurlan Novruzovu transfer edib. Bu barədə klubun mətbuat xidməti məlumat yayıb.

32 yaşlı hücumçu ilə müqavilə mövsümün sonuna kimi nəzərdə tutulub.

Novruzov karyerası ərzində “Sumqayıt”, “Bakı”, “Zirə” kimi klublarda forma geyinib.

“Sumqayıt” Azərbaycan Kubokunun 1/4 final mərhələsinin ilk oyununda bu gün “Zirə”ni qəbul edəcək.

Futbolpress.az xəbər verir ki, saat 17:00-da start götürəcək oyuna komandalar aşağıdakı heyətlə çıxacaqlar…

“Sumqayıt”: 1. Mehdi Cənnətov 3. Höccət Haqverdi 7. Rüstəm Əhmədzadə 8. Səbuhi Abdullazadə (k) 19. Roi Kehat 9. Aleksandr Ramalinqom 33. Danilo Beskorovaynıy 23. Ronaldo Vaskez 80. Keffel Resende 11. Aleksa Yankoviç 25. Abdul Raşid Mumini
Ehtiyat oyunçular: 22. Xəyal Fərzullayev 12. Murad Ağamalıyev 24. Sənan Muradlı 21. Nihad Əhmədzadə 64. Kənan Feyziyev 66. Ruslan Əliyev 37. Nihad Orucəli 97. Vüsal Paşayev 10. Nikola Ninkoviç 72. Rayan Senhadjic 71. Masaki Murata
Baş məşqçi: Saşa İliç

“Zirə”: 13. Aydın Bayramov 32. Qismət Alıyev (k) 8. İsmayıl İbrahimli7. Rövlan Muradov 29. Ceyhun Nuriyev 4. Ruan Renato 25. Enrike Kustodio 9. Davit Volkov 5. Ange Mutsinzi 11. Junior Martins 17. Ayron Qomis
Ehtiyat oyunçular: 97. Tiaqo Silva 41. Anar Nəzirov 70. Namik Ələskərov 21. Hacıağa Hacılı19. Rüfət Abdullazadə 26. Stefan Aka 28. Leroy Mikels30. Rikardo Martins 77. Yeqor Boqomolski 6. Eldar Quliyev
Baş məşqçi: Rəşad Sadıqov

Azərbaycan Üzgüçülük Federasiyası və Azərbaycan Triatlon Federasiyası arasında Əməkdaşlıq Haqqında Memorandum imzalanıb.

Futbolpress.az xəbər verir ki, federasiyalar ölkədə su idman növlərinin inkişafı üçün birlikdə çalışacaqlar. Əməkdaşlıq çərçivəsində birgə yarışların keçirilməsi, eləcə də üzməyə marağı olan potensiallı gənclərin üzgüçülük və triatlon idman növlərinə cəlb edilməsi nəzərdə tutulur.

Eyni zamanda, üzgüçülük və triatlonla məşğul olmaq üçün əlçatan və sağlam mühitin formalaşdırılmasına dəstək göstəriləcək. İdmançıların bacarıqlarının artırılması məqsədilə yerli və beynəlxalq ekspertlərin təlim-məşq prosesinə cəlb olunması da prioritet istiqamətlərdən biri olacaq.

Memorandumu ASF-nin baş katibi Oqtay Atayev və ATF-nin baş katibi Seymur Hüseyinov imzalayıblar.

17 yaşadək qadın futbolçulardan ibarət Azərbaycan milli komandası fevralın 5-dən 10-dək Gürcüstanın paytaxtı Tbilisidə təlim-məşq toplanışında olacaq.

Futbolpress.az xəbər verir ki, U-17 hazırlıq çərçivəsində fevralın 6-da və 9-da Gürcüstanın müvafiq yaş qrupundan ibarət komandası ilə iki yoxlama oyunu keçirəcək. Hər iki qarşılaşmanın Gürcüstan Futbol Federasiyasının Futbol Akademiyasında Bakı vaxtı ilə saat 13:00-da başlanması planlaşdırılır.

Bu gün Azərbaycan Kubokunda 1/4 final mərhələsinə start veriləcək.

Futbolpress.az xəbər verir ki, ilk oyun günündə iki qarşılaşma keçiriləcək.

Günün ilk matçı Sumqayıtda baş tutub. “Zirə” burda yerli komanda ilə heç-heçə edib.

Digər görüşdə isə Premyer Liqanın lideri “Sabah” “Qəbələ” ilə qolsuz bərabərə qalıb.

Azərbaycan Kuboku
1/4 final mərhələsi, ilk oyunlar

4 fevral

17:00 Sumqayıt – Zirə 0:0
Baş hakim: Cavid Cəlilov
Mehdi Hüseynzadə adına Sumqayıt şəhər stadionu

19:30 Sabah – Qəbələ 0:0
Baş hakim: Fərid Hacıyev
“Bank Respublika Arena”