Argentina millisinin DÇ-2026 üçün genişləndirilmiş heyəti müəyyənləşib.

Futbolpress.az xəbər verir ki, bu barədə Argentina Futbol Federasiyası məlumat yayıb.

Heyət aşağıdakı kimi təqdim olunub.

Qapıçılar: Emiliano Martinez (Aston Villa), Jeronimo Rulli (Marsel), Valter Benites (PSV), Xuan Musso (Atletiko), Fakundo Kambese (Rasinq), Santyaqo Beltran (River Pleyt);

Müdafiəçilər: Aqustín Giay (Palmeyras), Nauel Molina (Atletiko), Qonzalo Montiel, German Pessella (hər ikisi River Pleyt), Nikolas Kapaldo (Sankt-Pauli), Kevin Makallister (Union), Lukas Martínez (River Pleyt), Markos Senesi (Bornmut), Lisandro Martinrs (Mançester Yunayted), Marcos Lib), Nikolas Otamendi (Benfika), Kristian Romero (Tottenhem), Leonardo Balerdi (Marsel), Lautaro Di Lollo (Boka Xuniors), Zayed Romero (Xetafe), Fakundo Medina (Lans/Marsel), Nikolas Talyafiko (Lion), Markos Akunya (River Pleyt), Qabriel Roxas (Rasinq);

Yarımmüdafiəçilər: Massimo Perrone (Komo), Leandro Paredes (Boka Xuniors), Qvido Rodriqes (Valensiya), Anibal Moreno (River Pleyt), Enzo Fernandes (Çelsi), Rodriqo De Paul (İnter Mayami), Ezekiel Palasios (Bayer), Aleksis Makallister (Liverpul), Covani Lo Selso (Betis), Niko Paz (Komo), Nikolas Dominqes (Nottingem Forest), Alehandro Qarnaço (Çelsi), Nikolas Qonzales (Atletiko), Klaudio Eçeverri (Jirona), Milton Delqado (Boka Xuniors), Alan Varela (Porto), Esekel Fernandes (Bayer), Emilio Bunendia (Aston Villa), Valentin Barko (Strasburq), Tiaqo Almada (Atletiko), Tomas Aranda (Boka Xuniors);

Hücumçular: Culiano Simeone, Xulian Alvares, Nikolas Qonzales (hamısı Atletiko), Lionel Messi (İnter Mayami), Lautaro Martínes (İnter), Santyaqo Kastro (Bolonya), Franko Mastantuono (Real Madrid), Canluka Prestianni (Benfika), Matias Soule (Roma), Santyaqo Kastro (Bolonya), Xose Maneul Lopes (Palmeyras), Mateo Pelleqrino (Parma).

UEFA Çempionlar Liqasının final mərhələsinin hakim təyinatları müəyyənləşib.

Futbolpress.az xəbər verir ki, PSJ – “Arsenal” matçı Almaniyadan olan hakimlər briqadasına tərəfindən idarə olunacaq.

Meydanda baş hakim funksiyasını Daniel Zibert yerinə yetirəcək. Ona VAR otağından həmyerlisi Bastian Dankert köməklik edəcək.

Qeyd edək ki, Çempionlar Liqasının final matçı mayın 30-da Macarıstanın paytaxtı Budapeştdə baş tutacaq.

II Liqada 26-cı turun daha iki oyunu keçirilib.

Futbolpress.az xəbər verir ki, “Xankəndi” “Şirvan”ı, “Qaradağ Lökbatan” isə “Quba”nı qəbul edib. Hər iki görüş meydan sahiblərinin böyükhesablı qələbəsi ilə yekunlaşıb.

II Liqa
XXVI tur
11 may

“Xankəndi” – “Şirvan” 4:0
Qollar: B.Teymurov 2, 39, 77, M.Caniyev 88

“Qaradağ Lökbatan” – “Quba” 3:0
Qollar: İ.Əliyev 35, V.Hüseynov 58, İ.Ağayarov 78

“Barselona” rəhbərliyi baş məşqçi Hansi Flik ilə müqaviləni uzatmağı planlaşdırır.

Futbolpress.az xəbər verir ki, “Barsa”da təcrübəli çalışdırıcı ilə müqavilə müddətinin 2028-ci ilin yayına qədər uzadılmağı nəzərdə tutulub. Bu barədə tanınmış insayder Fabrizio Romano məlumat yayıb.

Flikin kontraktında daha bir il – 2029-cu ilə qədər artırılma haqda əlavə bəndin də yer alacağı gözlənilir.

Xatırladaq ki, almaniyalı çalışdırıcı 2024-cü ilin iyul ayında kataloniyalıların “sükanı arxası”na gətirilib.

“Qalatasaray”ın rəhbəri Dursun Özbek müqavilə müddəti başa çatan Mauro İkardi ilə bağlı son vəziyyətə aydınlıq gətirib.

Futbolpress.az xəbər verir ki, klub rəsmisi Türkiyə mediasına açıqlamasında ulduz futbolçu ilə danışıqlar aparılacağını bildirib:

”Mövsüm sonu gəlir. İkardinin “Qalatasaray”a qatqısı çox böyükdür. Bir nəsli azarkeşimizə çevirdi. Mauro ilə görüşəcəm. Şərtlər barəsində qarşılıqlı danışacam. O bizim üçün bir dəyərdir. Danışıqların müsbət yekunlaşacağını arzulayıram”.

Qeyd edək ki, 2022-ci ilin sentyabr ayında PSJ-dən icarəyə götürülən argentinalı oyunçu 2023-cü ilin iyulunda tam şəkildə “sarı-qırmızılar”a transfer olunmuşdu.

Azərbaycan millisinin futbolçusu Renat Dadaşovun formasını geyindiyi “Motor” Polşa çempionatında növbəti oyuna çıxıb.

Futbolpress.az xəbər verir ki, sözügedən komanda 32-ci turda səfərdə “Visla” ilə qarşılaşıb. Matç “Motor”un darmadağını ilə başa çatıb – 4:0.

Renat oyunun ikinci hissəsində – 77-ci dəqiqədə meydana daxil olub.

“Motor” 32 turdan sonra 42 xalla 10-cu sıradadır.

Danimarkada 2025/26 mövsümünün çempionu məlum olub.

Futbolpress.az xəbər verir ki, XXXI turda “Brondbü”nü məğlub edən (2:0) “Orxus” sona bir tur qalmış qızıl medalları rəsmiləşmdirib.

Aktivində 64 xal olan komanda liderdir və ən yaxın izləyicisi “Midtyulland”ı 4 xal qabaqlayır.

Azərbaycan atıcılıq millisinin üzvləri Ruslan Lunev və Zeynəb Sultanova Xorvatiyanın Osiyek şəhərində keçirilən Avropa Çempionatında növbəti uğura imza atıblar.

Futbolpress.az xəbər verir ki, atıcılar 25 metr məsafəyə atəş üzrə duet (qarışıq komanda) yarışında yüksək nəticə göstərərək final mərhələsinə yüksəliblər.

Final qarşılaşmasında inamlı və peşəkar çıxış edən Lunev və Sultanova Avropa Çempionatının gümüş medalını qazanıb.

Misli Premyer Liqasında XXXII turun oyun cədvəli müəyyənləşib.

Futbolpress.az xəbər verir ki, turun bütün görüşləri “CBC Sport” telekanalı vasitəsilə canlı yayımlanacaq.

15 may (cümə)

“Karvan Yevlax” – “Qəbələ”
Yevlax şəhər stadionu, 17:00

“Araz-Naxçıvan” – “Kəpəz”
“SOCAR Polymer Arena”, 19:30

16 may (şənbə)

“Şamaxı” – “Turan Tovuz”
Şamaxı şəhər stadionu, 17:00

“Qarabağ” – “İmişli”
Tofiq Bəhramov adına Respublika Stadionu, 17:00

17 may (bazar)

“Zirə” – “Sumqayıt”
Zirə İdman Kompleksinin stadionu, 18:00

“Sabah” – “Neftçi”
“Bank Respublika Arena”, 18:00

Misli Premyer Liqasının 32-ci turu çərçivəsində 17 may saat 18:00-da keçiriləcək “Sabah” – “Neftçi” oyunundan sonra mükafatlandırma mərasimi keçiriləcək.

Futbolpress.az xəbər verir ki, bu barədə PFL-in mətbuat xidməti məlumat yayıb.

Turnirin qalibi adını qazanmış “Sabah” futbol klubuna çempionluq kuboku və qızıl medallar təqdim ediləcək.

16 yaşadək qızlardan ibarət Azərbaycan milli komandası Bakıda təşkil olunan UEFA İnkişaf Turnirində son oyuna çıxıb.

Futbolpress.az xəbər verir ki, millimiz Gürcüstanın müvafiq yaş qrupundan ibarət komandası ilə qarşılaşıb. Binə stadionunda keçirilən görüş rəqib komandanın 4:2 hesablı qələbəsi ilə yekunlaşıb.

U-16-nın heyətində qolları 3-cü dəqiqədə penaltidən Xədicə Rəhimova və 20-ci dəqiqədə Suel Polikarpova vurublar.

Müdafiəçi Joao Kanselo tarixə düşüb.

Futbolpress.az xəbər verir ki, portuqaliyalı oyunçu Avropanın TOP-5 liqalarının dördündə ölkə çempionu olan ilk futbolçu olub.

Kanselo “Yuventus”la A Seriyasını, “Barselona” ilə La Liqanı, “Bavariya” ilə Bundesliqanı və “Mançester Siti” ilə İngiltərə Premyer Liqasını qazanıb.

Müdafiəçi hazırda icarə əsasında “Barselona”da çıxış edir. O, müqavilə ilə “Əl Hilal”a məxsusdur.

“Bakı–Xankəndi” Azərbaycan velosiped yarışının ikinci mərhələsinin medalçıları mükafatlandırılıb.

Futbolpress.az xəbər verir ki, tədbirdə İsmayıllı Rayon İcra Hakimiyyətinin başçısı Nahid Bağırov, Azərbaycan Velosiped İdmanı Federasiyasının 1-ci vitse-prezidenti, Bakı-Xankəndi Azərbaycan Velosiped Yarışının Təşkilat Komitəsinin sədri Sahib Ələkbərov iştirak ediblər.

Qazaxıstanlı Yevgeni Fyodorova qızıl, isveçrəli Aleksandr Balmerə gümüş, uruqvaylı Erik Antonio Faqundesə bürünc medal verilib.

Bu raundda idmançılar “Sea Breeze”dən start götürməklə İsmayıllıya qədər 193,3 km məsafə qət ediblər.

Yarışın məqsədi ölkədə velosiped idmanının inkişafına töhfə vermək, Azərbaycanın beynəlxalq idman tədbirlərinə uğurla ev sahibliyi etdiyini bir daha nümayiş etdirmək və işğaldan azad olunmuş ərazilərə diqqəti artırmaqdır.

Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Beş mərhələdən ibarət olan yarışın mükafat fondu 50 000 avrodan çoxdur. Yarışa mayın 14-də yekun vurulacaq.

Turnirin son mərhələsi isə Xankəndi şəhərində baş tutacaq.

“Neftçi” İdman Klubunun nümayəndə heyəti icraçı direktor Fərəc Əliyevin rəhbərliyi ilə Türkiyənin İzmir şəhərinə səfər edərək “Aliağa Petkim Spor Klubu” ilə əməkdaşlıq imkanlarını müzakirə edib.

Futbolpress.az xəbər verir ki, keçirilən görüşlər çərçivəsində tərəflər əsasən basketbol idman növü üzrə inkişaf perspektivləri, birgə təlim-məşq toplanışlarının təşkili, gənc idmançıların hazırlanması və digər müvafiq məsələlər barədə fikir mübadiləsi aparıblar.

Səfər nəticəsində iki klub arasında gələcəkdə birgə layihələrin icra edilməsi, qarşılıqlı təcrübə mübadiləsinin həyata keçirilməsi və münasibətlərin davamlı inkişafı barədə razılıq əldə olunub.

Bu səfər “Neftçi” İdman Klubunun beynəlxalq nüfuzunun daha da yüksəldilməsi və Azərbaycan idmanının xaricdə tanıdılması baxımından mühüm əhəmiyyət kəsb edir.

Portuqaliyalı mütəxəssis Joze Mourinyo “Real”ı çalışdırmağa yaxındır.

Futbolpress.az xəbər verir ki, bu barədə insayder Fabrizio Romano məlumat yayıb. Tərəflər arasında bir müddətdir, davam edən danışıqlar artıq son mərhələdədir. Yekun qərarı klubun rəhbəri Florentino Perez verəcək.

Mourinyo hazırda “Benfika”ya rəhbərlik edir. O, 2010-2013-cü illərdə “kral klubu”nda çalışıb.

Misli Premyer Liqasının XXXI turu Rəhim Sadixov üçün yubileylə əlamətdar olub.

Futbolpress.az xəbər verir ki, “Turan Tovuz”un yarımmüdafiəçisi turnirdə 200-cü matçına çıxıb. “Karvan-Yevlax”la qarşılaşmanı (1:0) əvəz olunmadan keçirən Rəhim 200 oyunda 31 qola imza atıb.

Debütü 2019/20 mövsümünə təsadüf edən yarımmüdafiəçi 3 klubun formasını geyinib. O, “Sumqayıt”da 82 (17 qol), “Zirə”də 70 (10 qol), “Turan Tovuz”da 48 (4 qol) görüşə çıxıb.

Azərbaycan Kubokunun 2025/26 mövsümünün baş tutan 38 oyununu 41 min 895 tamaşaçı izləyib.

Futbolpress.az xəbər verir ki, bu, son 10 mövsümdə ən yüksək göstəricidir.

Orta göstərici isə 1102-yə bərabərdir. Bu, indiki formatda – bütün klubların qatıldığı, təsnifat mərhələlərinin təşkil olunduğu və 39 matçdan ibarət mövsümlər üçün rekord göstəricidir. Bu formata ardıcıl 3-cü dəfə üstünlük verilir.

Azərbaycan Kuboku 18-ci dəfə PFL-in bayrağı altında təşkil olunub. 2008-ci ildən indiyədək olan dövrdə 465 matç təşkil olunub. Onlardan biri baş tutmayıb, biri yarımçıq dayandırılıb.

Bu qarşılaşmaları 695 min 272 tamaşaçı izləyib. Finaldan sonra bu rəqəm 700 mini keçə bilər.

Tamaşaçısız keçirilən 2020/21 mövsümünün qarşılaşmaları və baş tutmayan matç nəzərə alınmamaqla orta göstərici 1555-ə bərabər olub.

Orta tamaşaçı sayında 2010/11 mövsümü rekordla əlamətdar olub – 3369.

“Sabah” Misli Premyer Liqasının XXXI turunda “Kəpəz”ə uduzub – 0:1. Bu, çempionluğunu öncədən elan edən “bayquşlar”ın mövsümdə ikinci məğlubiyyətidir.

Komandanın müdafiəçisi Stiv Solvet “Futbolpress.az“a açıqlamasında fikirlərini bölüşdü:

“Öz meydanımızda 33 oyun idi, məğlub olmurduq. Ona görə, nəticə daha çox məyus edir. Buna baxmayaraq, bu məğlubiyyət qazandıqlarımızı kölgədə qoymur. Əla mövsüm keçirdik və klub tarixində ilk dəfə çempion oldu. Bunun həzzini yaşamalıyıq”.

“Sabah” ölkə kubokunun finalında “Zirə” ilə üz-üzə gələcək. Solvet matçdan gözləntilərini söylədi:

“Zirə” yaxşı komandadır. Onlar da avrokuboklara vəsiqə qazanmaq istəyir və titulun önəmi böyükdür. Final bir matçdan ibarət olur və hər nəticə mümkündür. Məncə, tempimizi saxlasaq və keyfiyyətlərimizi ortaya qoysaq, istədiyimiz nəticəni qazana bilərik. Qələbə öz əlimizdədir”.

“Sabah” – “Zirə” oyunu mayın 13-də olacaq.

Şahin Cəfərov

Misli Premyer Liqasında 2025/26 mövsümünün ən erkən qollarından biri vurulub.

Futbolpress.az xəbər verir ki, XXXI turun “Neftçi” – “Şamaxı” matçında (3:0) hesabı açan Emin Mahmudov 1-ci dəqiqədə fərqlənib.

Bu, mövsümdə ilk dəqiqəyə təsadüf edən ikinci qoldur. Hesabın belə erkən açılması ilk dəfə II turda qeydə alınıb. 2025-ci il avqustun 24-də Coy Lens Mikels 1-ci dəqiqədə topu rəqib qapısından keçirib.

Emin kimi almaniyalı futbolçu da “Şamaxı” ilə görüşdə (2:1) fərqlənib. Çempionatın bombardiri səfər görüşündə buna nail olub.

Misli Premyer Liqasının XXXI turu “Turan Tovuz”un yarımmüdafiəçisi Alexandro Serrano üçün əlamətdar olub.

Futbolpress.az xəbər verir ki, ispaniyalı yarımmüdafiəçi Premyer Liqada 100-cü oyununu keçirib. Onun yubileyi “Karvan-Yevlax”la ev matçına (1:0) təsadüf edib.

Serrano bu qarşılaşmalarda 11 qola imza atıb. Premyer Liqada yalnız bir klubda çıxış edən futbolçu “Turan Tovuz”da 2023/24 mövsümündə debüt edib.

Serrano Premyer Liqada 100 və daha çox oyun keçirən ikinci ispaniyalıdır. Onadək yalnız “Qarabağ”ın sabiq futbolçusu Miçel buna nail olub.

“Roma”nın hücumçusu Paulo Dibala açıqlama verib.

Futbolpress.az xəbər verir ki, “Sky Sport”a danışan argentinalı futbolçu klubdan yeni müqavilə təklifi almadığını bildirib:

“Nə olacağını bilmirəm. Müqaviləmin bitməsinə qədər iki oyun var. Görək, necə olacaq. Hazırki məqamda klubdan heç kim mənimlə əlaqə saxlamayıb”.

Dibala bu mövsüm A Seriyasında 20 oyunda 2 qol vurub, 4 məhsuldar ötürmə edib.

ABŞ-də yaşayan azərbaycanlı Ceyhun Əlizadə “Kolumbus Kryu”da çıxış edən Nəriman Axundzadəyə ləvəngi verib.

Futbolpress.az xəbər verir ki, bu barədə o, sosial şəbəkə hesabında paylaşım edib.

Görüntüləri təqdim edirik:

Birləşmiş Ərəb Əmirlikləri (BƏƏ) təmsilçisi “Palm Siti” argentinalı hücumçu Mauro İkardi ilə maraqlanır.

Futbolpress.az xəbər verir ki, klub “Qalatasaray”la müqaviləsi yayda bitəcək forvardı azad agent kimi sıralarına qatmaq niyyətindədir. Bu barədə insayder Maurizio Ruzzo məlumat yayıb.

İkardi “Palm Siti”də oynamağa müsbət yanaşmır.

Argentinalı hücumçu bu mövsüm Super Liqada 30 oyunda 14 qol vurub.

“Barselona” İspaniya La Liqasında çempion olub.

Futbolpress.az xəbər verir ki, Kataloniya təmsilçisi XXXV turda “Real”ı məğlub edərək (2:0) sona üç tur qalmış qızıl medalları təmin edib.

Komandanın baş məşqçisi Hansi Flik “Marca”ya açıqlamasında çempionluğu belə dəyərləndirib:

“Bu anı heç vaxt unutmayacağam. İlk dəfə “el klasiko”da qələbə qazanaraq, çempionluğumuzu elan etdik. Azarkeşlərimiz üçün inanılmaz anlar oldu. Həqiqətən, çox yaxşı oynadıq və əla qələbə qazandıq”.

“Yunion” klubu Bundesliqanın XXXIII turunda səfərdə “Maynts”a qalib gəlib – 3:1.

Futbolpress.az xəbər verir ki, Berlin təmsilçisinin çalışdırıcısı Mari-Luize Eta çempionat tarixinə düşüb. O, Avropanın TOP-5 çempionatlarında qələbə qazanan ilk qadın məşqçi olub.

Mütəxəssis ötən ay “Yunion”a baş məşqçi təyin edilib.

16 yaşadək qızlardan ibarət Azərbaycan milli komandası Bakıda təşkil olunan UEFA İnkişaf Turnirində bu gün son oyuna çıxacaq.

Futbolpress.az xəbər verir ki, millimiz Gürcüstanın müvafiq yaş qrupundan ibarət komandası ilə qarşılaşacaq. Binə stadionunda keçiriləcək görüş saat 12:00-da başlayacaq. Qarşılaşma FIFA+ TV tərəfindən canlı yayımlanacaq.

Milli bundan öncə Rumıniyaya 1:7, Litvaya isə 1:4 hesabıyla uduzub.

Azərbaycan millisinin futbolçusu Nəriman Axundzadənin formasını geyindiyi “Kolumbus Kryu” MLS-də növbəti matçına çıxıb.

Futbolpress.az xəbər verir ki, sözügedən komanda səfərdə “Nyu York Siti” ilə qarşılaşıb. Matç “Kolumbus Kryu”nun məğlubiyyəti ilə başa çatıb – 0:3.

Nəriman oyuna ehtiyatda başlayıb və 79-cu dəqiqədə Piçardın əvəzinə meydana daxil olub.

“Kolumbus Kryu” 12 turdan sonra 12 xalla 12-ci sıradadır. “Nyu York Siti” isə 15 xalla 7-cidir.

“Barselona” İspaniya La Liqasının XXXV turunda “Real”ı məğlub edib – 2:0.

Futbolpress.az xəbər verir ki, bu, Kataloniya təmsilçisinin “el klasiko”lardakı 106-cı qələbəsi olub. “Barselona” qalibiyyət sayında Madrid klubuna çatıb.

Komadnalar arasındakı 52 görüş isə heç-heçə başa çatıb.

“Real” “el klasiko”larda 444, “Barselona” isə 441 qol vurub.

Ukrayna Premyer Liqasında 2025/26 mövsümünün qalibi məlum olub.

Futbolpress.az xəbər verir ki, “Şaxtyor” “Poltava”nı məğlub edərək (4:0) sona üç tur qalmış qızıl medalları təmin edib.

Donetsk təmsilçisi ən yaxın izləyicisi “Polessye”ni 11 xal qabaqlayır.

“Şaxtyor”un baş məşqçisi Arda Turan Türkiyə futbolu tarixində Avropada əcnəbi klubla kubok qazanan ilk mütəxəssis olub.

“Neftçi” Misli Premyer Liqasında növbəti qələbəsini qazandı. Yuri Vernidubun yetirmələri XXXI turda “Şamaxı”nı məğlub etməklə beşinci pillədəki “Zirə” ilə xal fərqini üçə yüksəltdi. “Ağ-qaralar” bu nəticə ilə dördüncü sıra uğrunda mübarizədə böyük üstünlük yaxaladı.

Erkən qolla rəqibin planlarını pozan “Neftçi” birinci hissədə daha bir neçə real fürsət yaxalamasına baxmayaraq, fərqi artıra bilmədi. Fasilədən sonra üstünlüyünü iki topa çatdıran “ağ-qaralar” matçın qalan hissəsini rahat keçirdi və rəqibinə ciddi qol imkanı vermədi.

Əsas rəqibi “Zirə”nin xal itirməsindən yararlanan “Neftçi”nin avrokuboklara vəsiqə şansı artıq demək olar, “Sabah”dan asılıdır. Komanda liqadakı yerini qoruyur və fərqi artırıb. Bundan sonrası isə “bayquşlar”ın kuboku qazanıb-qazanmamasından asılıdır. Hər bir halda, Vernidubun gəlişindən sonra sərgilənən oyun və əldə olunan nəticələr “Neftçi” adına ümid verir.

“Şamaxı” isə liqadakı yerini təmin edib və komandada motivasiya əskikliyi hiss olunur. Son iki matçda altı qol buraxan “şirlər” rəqib qapılarına yol tapa bilməyib. Hücumda effektivlik azalıb və iddianın qalmaması da məğlubiyyətlərə əsas səbəbdir.

Şahin Cəfərov

İspaniya La Liqasında 2025/26 mövsümünün qalibi müəyyənləşib.

Futbolpress.az xəbər verir ki, XXXV turda “Real”ı məğlub edən (2:0) “Barselona” sona üç tur qalmış qızıl medalları təmin edib.

“Barselona” 35 turdan sonra 91 xalla liderdir. İkinci “Real”ın aktivində isə 77 xal var.

Yunanıstan çempionatının qalibi müəyyənləşib.

Futbolpress.az xəbər verir ki, AEK “Panatinaikos”u 2-1 məğlub edərək çempionluğu təmin edib.

Afina təmsilçisinə qələbə qazandıran qolları 72-ci dəqiqədə Ambrosini Cabaça və əsas vaxta əlavə olunan 4-cü dəqiqədə Joao Mario vurub. “Panatinaikos”un yeganə qoluna isə Andre Tetteh imza atıb.

Futbol üzrə İngiltərə Premyer Liqasının XXXVI turu çərçivəsində “Arsenal” səfərdə “Vest Hem” ilə üz-üzə gəlib.

Futbolpress.az xəbər verir ki, oyun “topçular”ın minimal hesablı qələbəsi ilə yekunlaşıb.

Matçda yeganə qol 83-cü dəqiqədə vurulub. “Arsenal”ın belçikalı futbolçusu Leandro Trossar fərqlənərək komandasına vacib üç xal qazandırıb.

Qarşılaşmanın əlavə vaxtında “Vest Hem” hesabı bərabərləşdirsə də, qol qeydə alınmayıb.

Bu, “Arsenal”ın Premyer Liqada ardıcıl üçüncü qələbəsi olub. Mikel Artetanın komandası çempionatın başa çatmasına iki tur qalmış xalını 79-a çatdırıb. London klubu ikinci pillədə qərarlaşan “Mançester Siti”ni beş xal qabaqlayır. “Şəhərlilər”in isə ehtiyatda bir oyunu var.

Aktivində 36 xalı olan “Vest Hem” turnir cədvəlində 18-ci pillədə yer alıb və hələ də Premyer Liqanı tərk etmək təhlükəsi ilə üz-üzədir.

Əvəzedicilər Liqasında XXV tura yekun vurulub.

Futbolpress.az xəbər verir ki, son oyun günündə bir qarşılaşma baş tutub.

“Qəbələ-2” evdə “Sabah-2”ni qəbil edib və minimal hesabla qalib gəlib.

Əvəzedicilər Liqası
25-ci tur
10 may

“Qəbələ-2” – “Sabah-2” 1:0
Qol: Süleyman Damadayev, 35 (pen)

II Liqada 26-cı turun oyunlarına start verilib.

Futbolpress.az xəbər verir ki, ilk oyun günü 3 qarşılaşma baş tutub.

“Araz Saatlı” “Ağstafa Gəncləri”nə 3 cavabsız qolla qalib gəlib. “Ağdaş” “Kür-Araz”ı məğlub edib. “Şəki Siti” isə evdə “Göygöl” ilə bacarmayıb.

2-ci Liqa
26-cı tur
10 may

“Araz Saatlı” – “Ağstafa Gəncləri” 3:0
Qollar: Coşqun Əsədzadə, 34; 90+5. Yaqub Yusubov, 69.

“Şəki Siti” – “Göygöl” 1:2
Qollar: Zaur Fərzəliyev, 41 – Taleh Hüseynzadə, 26; 86.

“Ağdaş” – “Kür-Araz” 2:1
Qollar: Elvin İsmayılov, 40. Yusif Dilanov, 51 – Bayram Əliyev, 71.

Misli Premyer Liqasının XXXI turunun “Neftçi” – “Şamaxı” oyunundan (3:0) sonra meydan sahib komandanın baş məşqçisi Yuri Vernidub jurnalistlərin suallarını cavablandırıb.

Futbolpress.az xəbər verir ki, mütəxəssis media nümayəndələri ilə görüşdə bunları deyib:

– Ukraynalı mütəxəssis Lobanovskinin komandalarının vizik kartı o idi ki, ilk dəqiqələrdən pressinq tətbiq edir, qol vurur və müdafiəyə çəkilirdi. Bu gün də “Neftçi” bu sistemlə çıxış etdi. Bunu bəyənirsiniz deyə tətbiq edirsiniz?
– Lobanovski böyük əfsanədir. Deməzdim ki, onu çox yaxşı tanıyıram və sistemini tətbiq etmək istəyirəm. “Neftçi” olaraq çalışırıq ki, adımıza layiq oyun göstərək. İlk dəqiqələrdən aqressiv olmalı, pressinq etməliyik. Bizdən aşağı sıralarda qərarlaşan komandalara tez qol vuranda oyun daha da asanlaşır. Bəzən bu, yaxşı alınır. Bugünkü matçda da çox tez qol vurduq və əlavə şanslar yaratdıq. Amma bir neçə epizodda fürsətləri boşa verdik. İkinci hissə isə edə bilmədiklərimizi etdik. Xoşdur ki, komandam vəziyyəti dərk edir və oyunun əvvəlindən müdafiədə qalmır.

– “Qarabağ”ı beş ildir, məğlub edə bilmirdiniz və bu seriyanı siz pozdunuz. Komanda üç ildir “Sabah”a da qalib gələ bilmir, bu həsrəti də başa çatdıra biləcəksiniz?
– Başqa yolumuz yoxdur. Hazırda turnir cədvəlinə baxsaq, “Zirə” ilə aramızda üç xallıq fərq var və bu, heç nə demək deyil. “Sabah”la matçda qələbə üçün oynayacağıq. Əlimizdən gələni edəcəyik ki, mövsümü yaxşı yerdə bitirək.

– Qapıçı mövqeyində dəyişikliyi daha tez etməli olduğunuzu düşünmürsünüz?
– Qeyri-adi bir şey görmürəm. Emil Balayev və Kenan Piriç yaxşı qapıçıdır. Sadəcə, “Qarabağ”a böyük hesablı məğlubiyyətdən sonra Emilə şans verməyi qərara aldım. Həmin matçdan sonra dəyişiklik etməli idim. Gələcək üçün deyə bilərəm ki, eyni səviyyəli iki qapıçımız var. Düşünürəm ki, hər ikisi şansını qazanacaq.

– Abubakar məsələsi necə olacaq? Hardadır və nə üçün oynamır?
– Hər futbolçunun şansı olacaq. Daha əvvəl Ağadadaş haqqında suallar verilirdi, amma son iki matçda o da oynayır. Məşqdə göstərdiyi əzmkarlığı bəyənirəm və buna görə şans verirəm. Kimlər yaxşı olacaq, onlar da şans əldə edəcək. Bu, bizim futbol həyatımızdır.

Şahin Cəfərov

Misli Premyer Liqasının XXXI turunun “Neftçi” – “Şamaxı” oyunundan (3:0) sonra qonaq komandanın baş məşqçisi Ayxan Abbasov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:

– Son oyunları gözləyirik. Çempionatın elə yerindəyik ki, bəzi matçlar formal xarakter daşıyır. Buna baxmayaraq, qarşıda bir ev matçımız var, “Turan Tovuz”la qarşılaşacağıq. Hazırlaşacağıq. Elə futbolçular var ki, onları meydanda görmək istəyirik.

– Ardıcıl iki güclü rəqiblə oynadınız və qol vura bilmədiniz. Futbolçuların oyunlara köklənməyində problem hiss edirsiniz?
– İki matçda altı qol buraxmışıq. Buna qədər səhv etmirəmsə, az qol buraxan komandalar arasında 4, ya 5-də idik. Təqvimimiz ağır oldu. Bilirdik ki, son matçlar çətin keçəcək, rəqiblər isə daha iddialı kollektivlərdir. Bu oyunlardan əvvəl çempionatdakı yerimizi təmin etdik. Mövsümün sonudur və yorğunluq normaldır. Liqa bizim üçün gərgin keçdi. Görürsən ki, futbolçular istirahəti gözləyir. Bu da normaldır. Rəqibi də qeyd etmək lazımdır – onlar da hər matça final kimi yanaşır. Futbolçular ağır yolda canlarını qoydular. Azarkeşlərimizi sevindirmək istəyirdik, təssüf ki, alınmadı.

– Sizcə, burdakı birinci oyunda, yoxsa bugünkü matçda “Neftçi”yə qarşı çox çətinlik çəkdiniz?
– Şamaxıda 2:2 hesablı heç-heçə etmişdik və asan alınmamışdı. Həmin oyunda rəqib bizdən böyük ölçüdə fərqlənməmişdi. Düzdür, matçın sonları dramatik keçmişdi. Bugünkü görüşlə müqayisə etmirəm. “Neftçi” bu gün üstün idi, son matçlarda da yaxşı çıxış edirlər. “Qarabağ”ı məğlub etdilər, sonra “Karvan-Yevlax”a qalib gəldilər. Onların Avroliqa yolu açılıb. “Neftçi” Azərbaycan futbolunun tarixidir. Heyətlərinin potensialı var və daha yüksəkdə olmağa layiqdirlər.

– “Şamaxı”dakı taleyinizə aydınlıq gəlib? Təklif olsa, sizi fikrinizdən döndərə bilər?
– Klubla danışmışıq və vəziyyəti təhlil etmişik. İnşallah, qarşıdakı iki oyundan xal qazanıb, elə ayrılarıq.

– “Şəfa”dan təklif var?
– Belə söhbət olmayıb. Bir işə köklənməliyik, qarşıda ağır yol var. Heç bir klubla bu barədə danışmamışam.

Şahin Cəfərov

Misli Premyer Liqasının 2025/26 mövsümünün üçüncü mükafatçısı və ölkəmizin avrokuboklardakı daha bir təmsilçisi müəyyənləşib.

Futbolpress.az xəbər verir ki, “Sabah”la “Qarabağ”ın ardından “Turan Tovuz” buna nail olub.

Kurban Berdıyevin baş məşqçisi olduğu komanda XXXI turun “Karvan-Yevlax”la ev oyunundakı qələbə ilə (1:0) xallarının sayını 59-a çatdırıb. Bununla da Tovuz klubu ilk “üçlük”də yerini təmin edib.

Bu qələbədən sonra “Neftçi” və “Zirə” üçün əlçatmaz olan Qərb təmsilçisinin gümüş, yoxsa bürünc medallara sahib çıxacağı son 2 turda dəqiqləşəcək. İlk medalını təmin edən “Turan Tovuz” çempionatın tarixinə mükafat sahibi olan 21-ci komanda kimi düşüb.

Əvvəlki 33 mövsümdə (2001/02 mövsümü başa çatmayıb) 20 komanda mükafata yiyələnib. “Neftçi” hamıdan çox – 21 dəfə medalçılar sırasında yer alıb. “Qarabağ” cari mövsümdə özünün 20-ci mükafatını əldə etsə də, medalın əyarı hələ dəqiqləşməyib.

“Şamaxı”nın 9, “Kəpəz”lə “Bakı”nın hərəyə 6, “Qəbələ”nin 5, “Şəmkir”, “Xəzər Lənkəran” və “Zirə”nin hərəyə 4 mükafatı var. “Turan Tovuz”la eyni şəhərin – Tovuzun çempionatdakı ilk təmsilçisi “Turan”ın da eyni sayda – 4 medalı var: 1 qızıl, 1 gümüş və 2 bürünc.

İlk çempionluğunu bu il qazanan “Sabah” 3-ə çatıbsa, “Xəzər” (Sumqayıt), “Xəzri”, “Karvan”ın hərəyə 2 medalı var. Digər komandalar “Turan Tovuz” kimi bir dəfə “üçlüy”ə düşüb: AZAL, “Simurq”, “Viləş”, “Səbail”, “Sumqayıt”, “Araz-Naxçıvan”.

İlk “üçlük”də yerini təmin edən “Turan Tovuz” avrokuboklara da yüksəlib. Qitə səhnəsində debüt edəcək komandanın UEFA Avropa Liqası, yoxsa UEFA Konfrans Liqasında mübarizə aparacağı kubokun finalı və ya qarşıdakı turlardan asılı olacaq.

“Turan Tovuz” Azərbaycan futbolu tarixinə avrokuboklara (İntertoto kuboku da nəzərə alınmaqla) vəsiqə qazanan 23-cü komanda kimi düşüb.

İndiyədək 22 komanda ölkəmizi Avropada təmsil edib: “Qarabağ”, “Neftçi”, “Şamaxı”, “Qəbələ”, “Sabah”, “Zirə”, “Bakı”, “Xəzər Lənkəran”, “Karvan”, “Kəpəz”, “MKT-Araz”, “Bakı fəhləsi”, “Şəmkir”, , “Araz-Naxçıvan”, AZAL, “Sumqayıt”, “Xəzri”, “Səbail”, “Simurq”, “Turan”, “Şəfa”, “Viləş”.

Tovuz avrokuboklarda 2-ci komanda ilə təmsil olunacaq. 1994-cü ildə Azərbaycanın avrokuboklardakı ilk təmsilçisi bu şəhərin komandası “Turan” olub.

Misli Premyer Liqasının 31-ci turu çərçivəsində “Turan Tovuz” “Karvan”ı qəbul edib və minimal hesabla qalib gəlib.

Futbolpress.az xəbər verir ki, Tovuz təmsilçisinin baş məşqçisi Kurban Berdiyev matçdan sonra keçirilən mətbuat konfransında jurnalistlərin suallarını cavablandırıb:

– Oyundan qabaq futbolçulara matçın çətin olacağını demişdim. Onlar məsuliyyətin dərəcəsini başa düşürdülər. Qələbə qazandıq və tapşırığı həll etdik.

– Hakmanın və Millerin sarı vərəqəsi var idi. Hakmanı əvəzlədiniz, amma Miller qaldı. Burda cəzalı duruma düşmə amili rol oynadı, yoxsa başqa səbəb var idi?
– Sadəcə olaraq bəzi səhvlər var idi. Hakman xəstələndiyi üçün bəzi məşqlərini buraxmalı olmuşdu.

– Karyeranızda çox uğurlarınız olub. “Turan Tovuz” ilə də avrokuboklara vəsiqə qazandınız. Bu sizin karyeranızda hansı yeri tutur?
– Təbii ki, xüsusi yer tutur. Mən bura gələndə klub prezidenti qarşıma belə bir məqsəd qoydu. Prezidentə təşəkkürümü bildirirəm ki, bu yolda ürəyini və ruhunu göstərdi. Mövsümboyu harda oynamağımızdan aslı olmayaraq, bizi dəstəkləyən bütün azarkeşlərimizə də təşəkkür edirəm.

– “Turan Tovuz” avrokuboklarda uğurlu olması üçün ciddi şəkildə güclənməlidir?
– Klub prezidenti tapşırıq verib ki, heyət güclənməlidir. Futbolçular dəvət etmək üçün variantlar axtarırıq. Avrokubok təcrübəsi olanlara üstünlük verəcəyik.

– Növbəti mövsüm Premyer Liqada hədəf yüksələcək?
– Bu barədə indidən danışmaq çətin olar. Bu, nə qədər güclənməyimizdən asılı olacaq. Baxın, “Sabah” güclü heyətə sahib olduğu üçün çempion oldu. Bunu da inkar edə bilmərik. Məhz gələnlər “Sabah”ın oyununu canlandırdı. Həmçinin baş məşqçi amili də özünü doğrultdu.

Murad

Misli Premyer Liqasının 31-ci turu çərçivəsində “Karvan” səfərdə “Turan Tovuz”a 1:0 hesabı ilə məğlub olub.

Futbolpress.az xəbər verir ki, Yevlax təmsilçisinin baş məşqçisi Füzuli Məmmədov matçdan sonra keçirilən mətbuat konfransında jurnalistlərin suallarını cavablandırıb:

– Oyun gözlədiyimiz kimi gərgin keçdi. Hər iki komanda döyüşkən futbol sərgilədi. Rəqibi tam təhlil etmişdik və futbolçularımızı qələbəyə kökləmişdik. Oyunçularımız da qalibiyyət üçün çox çalışdı. Bir qol matçın taleyini həll etdi. Qələbə üçün sistemdə dəyişiklik etdik, əvəzetmələri yoxladıq. Amma Tovuz komandasının müdafiə xətti çox yaxşıdı. Rəqibi səhvlər etməyə məcbur etsək də çox diqqətli oynadılar. Bir qol epizodumuz oldu. Təəssüf ki, ondan da yararlana bilmədik. Buna baxmayaraq futbolçularım meydanda çox zəhmət çəkdilər. Hər birinə təşəkkürümü bildirirəm. “Turan Tovuz”u da təbrik edirəm. Avrokuboklarda onlara uğurlar arzulayıram.

 – Son iki mövsümdə aşağı liqaya düşən komandalar orda cəmi bir mövsüm qalıb təkrar Premyer Liqaya qayıdıblar. “Karvan”da belə potensial görürsüzmü? Rəhbərliklə bu mövzuda söhbətiniz olubmu?

–  İnfrastruktur baxımından komandanın növbəti il yenidən geri qayıtmağı üçün hər bir şərait var. Heyətdə də bu potensiala sahib olan futbolçular var. Bu məqsəd üçün çalışmaq istəyiriksə, yaxşı komanda qurmalıyıq. Çempionat bitdikdən sonra rəhbərliklə bu haqda danışığımız olacaq.

 – Hansı məqama görə təəssüflənirsiz?

– Bəzi oyunlarımız var idi ki, qələbə qazana bilərdik. Çox sadə səhvlər etdik və qollar buraxdıq. Çox məqamlar var. İtirdiyimiz xallar bizə su kimi lazım idi. Səfərdə “Turan Tovuz” kimi komandaya qalib gəlmək çətindir. Amma bəzi ev oyunlarımız var ki, onları qələbə ilə yekunlaşdıra bilərdik.

– “Karvan” aşağı liqaya düşdükdən sonra sizin məşqçilik karyeranız hansı yöndə davam edəcək? Bununla bağlı hər hansısa danışıq və ya razılaşma varmı?

– Rəhbərliklə hələki bu məsələ ilə bağlı danışığımız olmayıb. Çempionat bitdikdən sonra bəlli olacaq. Hər şey uyğun olarsa, yenidən Premyer Liqaya qayıtmaq üçün birlikdə çalışacağıq.

Murad Abdullazadə

“Neftçi” Misli Premyer Liqasının XXXI turunda bu gün “Şamaxı”nı qəbul edəcək.

Futbolpress.az xəbər verir ki, saat 19:30-da start götürəcək oyuna komandalar aşağıdakı heyətlə çıxacaqlar:

“Neftçi”: 1. Emil Balayev , 8. Emin Mahmudov (k) , 15. Elvin Bədəlov 7. Emil Səfərov, 77. Falaye Sako , 6. Sessi Dalmeyda , 5. İqor Ribeyro , 33. Breno Almeyda , 11. İmad Faraj , 10. Freddi Varqas , 22. Luis Ortis

Ehtiyat oyunçular: 13. Kenan Piriç , 81. Məhdi Həsənov , 4. Elvin Camalov , 17. Murad Xaçayev , 19. Ağadadaş Salyanskiy , 14. Edvin Kuç , 24. Mustafa Sek , 18. İfeanyi Metyu , 70. Andrey Ştoqrin , 23. Cordan Rezabala , 28. Alessio Kurçi

Baş məşqçi: Yuri Vernidub

“Şamaxı” : 1. Rikardo Fernandes , 5. Arsen Ağcabəyov (k) , 2. Abdulla Rzayev , 97. Oruc Məmmədov , 82. Rüfət Abbasov , 9. Karim Rossi , 3. Vladislav Veremeyev , 13. Rikardo Apolinario , 11. Dioqo Balau , 4. Sezar Enrike , 8. Alfons Msanqa

Ehtiyat oyunçular: 62. Abdulla Seydəhmədov , 99. Səlim Həşimov , 17. Rafael Məhərrəmli, 80. Həbib İsmayılov , 21. Bilal İsmayılov , 27. Emil Süleymanov , 7. Edqar Adilxanov , 77. Nihat Mehralıyev , 14. Ravil Qafarov , 10. Andrey Tirkoveanu , 88. Rodriqo Fernandeş , 19. Abdullahi Şuaybu

Baş məşqçi: Ayxan Abbasov

Azərbaycanın üzgüçülük idmanı tarixində yeni rekord qeydə alınıb.

Futbolpress.az xəbər verir ki, Quba sakini Cəmil Əliyev növbəti dəfə ölkə üzrə rekord nəticə göstərib. O, müvafiq qaydalara uyğun şəkildə 13 saat fasiləsiz üzərək əvvəlki rekordunu yeniləyib.

Qeyd edək ki, Cəmil Əliyev bundan əvvəl 10 saat fasiləsiz üzərək ölkə üzrə rekordu müəyyənləşdirmişdi.

Vyetnamın Dananq şəhərində çimərlik güləşi mövsümünə start verilib.

Futbolpress.az xəbər verir ki, həftəsonu keçirilən Dünya Seriyasının ilk mərhələsində baş məşqçi Oyan Nəzərianinin rəhbərliyi altında ölkəmizi 4 güləşçi təmsil edib. Millimiz Vyetnamdan 1 dəst medalla qayıdır.

Əşrəf Aşırovun (90 kq) çimərlik güləşində debütü uğurlu alınıb. Qrup mərhələsində maksimum nəticə göstərən həmyerlimiz yarımfinalda yunanıstanlı Mixail Akritidisə, finalda isə gürcüstanlı İuza Tsertsvadzeyə 3:1 hesabıyla qalib gələrək çempion olub.

Sahib Dadaşov (80 kq) qrup 2-cisi kimi yarımfinala vəsiqə qazanıb. O, yarımfinalda fransalı Huqo Kuenoya şans tanımayıb – 3:0. Finalda gürcüstanlı Luka Çxitunidzeyə minimal fərqlə (1:2) məğlub olan Dadaşov gümüş medalı boynundan asıb.

Rübail İbrahimli (70 kq) də qrup ikincisi kimi adını yarımfinala yazdırıb. Güləşçimiz finalın bir addımlığında rusiyalı Konstantin Topşinoyevə 0:1 hesabıyla məğlub olsa da, fransalı Kuentin Stikeri (2:1) üstələyərək fəxri kürsünün 3-cü pilləsinə yüksəlib.

Dörd çəkidən üçündə təmsil olunan millimiz 60 xal toplayaraq, komanda hesabında Gürcüstan (71) və Ukraynadan (65) sonra 3-cü yeri tutub.

“Qarabağ”ın futbolçusu Emmanuel Addai karyerasını İngiltərədə davam etdirə bilər.

Futbolpress.az xəbər verir ki, “Hall Siti” və “Midlsbro” qanalı cinah oyunçusunun xidmətində maraqlıdır. Bu barədə İngiltərə mətbuatı məlumat yayıb.

Addai özü də İngiltərədə oynamağa müsbət yanaşır.

Qanalı vinger bu mövsüm Premyer Liqada 27 oyunda 4 qol vurub, 3 məhsuldar ötürmə edib. Onun müqaviləsi yayda başa çatır.

“Turan Tovuz” Misli Premyer Liqasının XXXI turunda bu gün “Karvan-Yevlax”ı qəbul edəcək.

Futbolpress.az xəbər verir ki, saat 17:00-da start götürəcək oyuna komandalar aşağıdakı heyətlə çıxacaqlar:

“Turan Tovuz”: 1. Oleq Baklov 17. Rəhim Sadıxov 10. Xəyal Nəcəfov 11. Ayxan Hüseynov 5. Roderik Miller 3. Enrike Silva 23. Alexandro Serrano 90. Joarlem Santos 15. Emmanuel Hakman (k) 32. Hayderson Hurtado 7. Xorxe Silva
Ehtiyat oyunçular: 41. Sergey Samok 13. Mehman Hacıyev 88. Faiq Hacıyev  6. Fərid Yusifli 99. Vadji İbrahima 19. Roberto Olabe 8. David Tavareş 2. Mark Rene Mampassi
Baş məşqçi: Kurban Berdiyev

“Karvan-Yevlax”:  99. Pedro Mateuş 6. Vadim Abdullayev (k) 33. Eltun Turabov 13. Vüsal Məsimov 14. Uğur Cahangirov 16. Rauf Rüstəmli 5. Emin Rüstəmov 20. Coy Sleyd Mikels 2. Şakil Sno 11. Kayl Spens 4. Olavale Doyeni
Ehtiyat oyunçular: 1. Kamran İbrahimov 25. Əmrah Bulud 42. İbrahim Qədirzadə 18. Süleyman Əhmədov 17. Samir Abdullayev 77. Əli Abdullayev 37. Mois Nqvisani 19. Tompson Qavi 8. Peter Kings 10. Samuel Durrant                         Baş məşqçi: Füzuli Məmmədov

“Real” İspaniya La Liqasının XXXV turunda bu gün “Barselona” ilə qarşılaşacaq.

Futbolpress.az xəbər verir ki, Madrid təmsilçisinin hücumçusu Kilian Mbappe “el klasiko”da iştirak etməyəcək. Fransalı hücumçu matçın heyətinə daxil edilməyib.

“Barselona” – “Real” oyununa saat 23:00-da start veriləcək.

“Barselona” turnir cədvəlində 88 xalla liderdir və ikinci “Real”ı 11 xal qabaqlayır. Kataloniyalılar bu gün məğlub olmayacağı halda, çempionluğunu rəsmiləşdirəcək.

“İnter”in hücumçusu Yoan Bonni milli komanda seçimini edib.

Futbolpress.az xəbər verir ki, forvard Fil Dişi Sahili yığmasının uğurları üçün çalışacaq. Bu barədə Afrika təmsilçisinin mətbuat xidməti məlumat yayıb.

Bonni buna qədər Fransa millisinin aşağı yaş qruplarında oynayıb.

Forvard bu mövsüm “İnter”də 45 oyunda 7 qol vurub, 8 məhsuldar ötürmə edib.

“İnter Mayami”nin hücumçusu Lionel Messi rekorda imza atıb.

Futbolpress.az xəbər verir ki, argentinalı futbolçu turnir tarixində qol+assistlər sayında 100-ə ən tez çatan oyunçu olub. Messi bunu 64 matçda bacarıb. O, bu görüşlərdə 59 qol vurub, 41 məhsuldar ötürmə edib.

Buna qədər rekordçu Sebastyan Covinko idi. O, 95 oyunda bunu göstəriciyə nail olmuşdu.

“Qarabağ”ın futbolçusu Kadi Borqes Premyer Liqada 25-ci qoluna imza atıb.

Futbolpress.az xəbər verir ki, braziliyalı yarımmüdafiəçi “Qəbələ” ilə səfər qarşılaşmasında (1:1) fərqlənib. 25-ci qoluna Misli Premyer Liqasının XXXI turunda sevinən cənubi amerikalı buna 76-cı oyununda nail olub.

Ölkəmizdə yalnız “Qarabağ”ın formasını geyinən Kadi 2021/22 mövsümündə 12, 2022/23 mövsümündə 4, 2024/25 mövsümündə 6, cari çempionatda 3 dəfə rəqib qapısına yol tapıb.

Yarımmüdafiəçi turnirin tarixinə ən azı 25 qol vuran 132-ci oyunçu kimi düşüb. Kadi 25-ci qolunu 2025/26 mövsümündə vuran 4-cü futbolçudur. Onun komanda yoldaşı Toral Bayramov və “Araz-Naxçıvan”lılar Felipe Santosla Ülvi İsgəndərov da yubileyini mövsümün gedişində gerçəkləşdirib.

Urfan Abbasov Premyer Liqada 350-ci oyununu keçirib.

Futbolpress.az xəbər verir ki, “Araz-Naxçıvan”ın kapitanının yubileyi “Sumqayıt”la səfər matçına (1:2) təsadüf edib. O, Misli Premyer Liqasının XXXI turunun görüşünə start heyətində çıxıb.

Abbasov 350 oyunda 8 qola imza atıb. Debütü 2011/12 mövsümünə təsadüf edən futbolçu üç klubun formasını geyinib. O, “Qəbələ”də 248 (5 qol), “Səbail”də 47 (2 qol) və “Araz-Naxçıvan”da 55 (1 qol) oyun keçirib.

Urfan Azərbaycan çempionatları tarixinə yüksək dəstədə 350 və daha çox oyun keçirən 14-cü futbolçu kimi düşüb. O, 2025/26 mövsümündə adı sifariş vərəqində olmuş oyunçular arasında 3-cü göstəriciyə malikdir. “Qəbələ”nin futbolçusu Asif Məmmədov 388, karyerasını mövsümün gedişində “Araz-Naxçıvan”da bitirən Qara Qarayev 360 matçın iştirakçısı olub.

II Liqada çıxış edən “Göygöl”, “Ağstafa Gəncləri” və “Şəmkir” klublarının əsas komandalarının üzvləri üçün danışılmış oyunlara qarşı mübarizə mövzusunda maarifləndirici sessiya təşkil olunub.

Futbolpress.az xəbər verir ki, sessiya AFFA-nın Komplayns və danışılmış oyunlara qarşı mübarizə şöbəsi tərəfindən həyata keçirilib.

Təlimdə çıxış edən Komplayns və danışılmış oyunlara qarşı mübarizə şöbəsinin rəisi, eyni zamanda danışılmış oyunlara qarşı mübarizə üzrə məsul şəxs Naib Əsədov və şöbənin digər əməkdaşı Murad Məmmədli futbolçulara danışılmış oyun anlayışı, oyun zamanı edilən adi səhvlərlə qəsdən manipulyasiya edilmiş davranışlar arasındakı fərqlər, eləcə də bu cür halların futbolun dürüstlüyünə və nüfuzuna vurduğu ciddi zərər barədə ətraflı məlumat veriblər.
Sessiya çərçivəsində futbolçuların yalnız idmançı deyil, eyni zamanda dəyərlərin daşıyıcısı olduğu vurğulanıb, ədalət, dürüstlük, məsuliyyət və nümunə olmaq kimi prinsiplərin futbolçuların peşəkar fəaliyyətində mühüm rol oynadığı qeyd edilib. Danışılmış oyunların əsas motivləri, manipulyasiya hallarının daha çox hansı oyunlarda baş verdiyi, idman mərclərinin bu prosesdə rolu və futbolçulara təsir üsulları təqdimat vasitəsilə izah olunub.

Eyni zamanda, futbolçuların etik borcu, şübhəli və ya danışılmış oyun təklifi ilə qarşılaşdıqda atmalı olduqları addımlar, susmağın da məsuliyyət daşıdığı hallarla bağlı praktiki situasiyalar üzərində müzakirələr aparılıb. Sosial media üzərindən edilən yaxınlaşmalar, manipulyatorların istifadə etdiyi vasitələr və futbolçuların ictimai və şəxsi profillərinin düzgün idarə olunmasının vacibliyi xüsusi diqqətə çatdırılıb.

Sessiya zamanı AFFA-nın 2025-ci ildə qəbul edilmiş İntizam Məcəlləsinin müvafiq maddələri, danışılmış oyunlarda iştirakın, bu cür hallara cəhdin və ya məlumatın gizlədilməsinin ağır intizam pozuntusu hesab olunduğu bildirilib, həmçinin yerli və beynəlxalq təcrübədən konkret nümunələr futbolçulara təqdim edilib.

Maarifləndirici tədbirin əsas məqsədi futbol ictimaiyyətində şəffaflığın və dürüstlüyün qorunması, danışılmış oyunlara qarşı mübarizənin gücləndirilməsi və futbolçuların bu sahədə məlumatlılığının artırılmasıdır.

“Liverpul”un baş məşqçisi Arne Slot açıqlama verib.

Futbolpress.az xarici KİV-ə istinadən xəbər verir ki, mütəxəssis yeni mövsümlə bağlı fikirlərini bölüşüb:

“Azarkeşlərimizə fərqli şeylər yaşatmaq istərdik, amma indi alınmır. Onları xoşbəxt etməyi arzulayırıq. Əminəm ki, yeni mövsümdə fərqli “Liverpul” görəcəklər”.

“Liverpul” Premyer Liqada 36 turdan sonra 59 xalla 4-cü sıradadır.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir:

İtaliya, A Seriyası
14:30 Verona – Komo (Futbol 1)
17:00 Fiorentina – Cenoa (Futbol 1)
20:00 Parma – Roma (Futbol 1)
22:45 Milan – Atalanta (Futbol 1)

Rusiya, Premyer Liqa
16:00 Zenit – Soçi (Matç Premyer, Matç TV)
18:15 Axmat – Dinamo Mahaçqala (Matç Premyer)
20:30 Lokomotiv Moskva – Baltika (Matç Premyer, Matç TV)

Azərbaycan, Premyer Liqa
17:00 Turan Tovuz – Karvan-Yevlax (CBC Sport)
19:30 Neftçi – Şamaxı (CBC Sport)

İngiltərə, Premyer Liqa
17:00 Kristal Pelas – Everton (beİN Sports 2)
17:00 Bernli – Aston Villa (beİN Sports 3)
19:30 Vest Hem – Arsenal (İdman TV)

İspaniya, La Liqa
18:15 Atletik – Valensiya (Futbol 2)
23:00 Barselona – Real (İdman TV, Matç TV, Futbol 2)

Fransa, Liqa 1
23:00 PSJ – Brest (beİN Sports 2)

“Sabah”ın futbolçusu Aaron Maluda Avropa klublarının diqqət mərkəzindədir.

Futbolpress.az xəbər verir ki, İtaliyanın “Sampdoriya” və Şotlandiyanın “Seltik” klubu fransalı vingerlə maraqlanır. Bu barədə Fransanın “Lequipe” nəşri məlumat yayıb. Klubların Maluda ilə danışıqlara başladığı bildirilib.

20 yaşlı futbolçu bu mövsüm 27 oyunda 8 qol vurub, 4 məhsuldar ötürmə edib.

“Qalatasaray” Türkiyə Super Liqasında 2026/26 mövsümünün çempionu olub.

Futbolpress.az xəbər verir ki, İstanbul təmsilçisi “Antalyaspor”u 3:2 hesabıyla məğlub edərək, sona bir tur qalmış qızıl medalları rəsmiləşdirib.

Matçdan sonra komandanın baş məşqçisi Okan Buruk fikirlərini bölüşüb:

“Bura “Qalatasaray”a xidmət etmək üçün gəlmişəm. Çətin dönəm idi və ardıcıl dörd çempionluq qazandıq. Bu klubda olmağın verdiyi dəyəri çox yaxşı bilirəm. Buna qədər klub ardıcıl dörd dəfə çempionluq yaşamışdı, amma sonrası olmamışdı. Hədəfimiz artıq beşinci çempionluqdur”.

UFC-də titul döyüşü keçirilib.

Futbolpress.az xəbər verir ki, Həmzət Çimayevlə Şon Ştriklend üz-üzə gəlib. Döyüş Ştriklendin qələbəsiylə başa çatıb – 2:1 (48:47, 48:47, 47:48).

Çimayev bununla da peşəkar karyerasında ilk məğlubiyyətini yaşayıb.

Lionel Messinin formasını geyindiyi “İnter Mayami” MLS-də növbəti oyuna çıxıb.

Futbolpress.az xəbər verir ki, sözügedən komanda səfərdə “Toronto” ilə qarşılaşıb. Matç “İnter Mayami”nin qələbəsiylə başa çatıb – 4:2.

Messi bu görüşün iştirakçısı olub. Argentinalı hücumçu iki məhsuldar ötürmə edib, bir qol vurub.

“İnter Mayami” 12 turdan sonra 22 xalla 2-ci sıradadır.

“Qəbələ” Misli premyer Liqasının XXXI turunda azarkeşləri önündə “Qarabağ”la heç-heçə edib. Bölgə təmsilçisi ilk hissəni geridə tamamlasa da, fasilədən sonra hesaba tarazlıq gətirib və yekunda meydanı bərabərliklə tərk edib – 1:1.

Turnir cədvəlinin 11-ci pilləsində qərarlaşan “Qəbələ” aktivinə bir xal yazdırmaqla böyük ölçüdə sonuncu olmayacağını dəqiqləşdirdi. Nəticə “Qarabağ”la “Qəbələ”dən daha çox “Kəpəz”in işinə yaradı. Bu turda çempion “Sabah”ı məğlub edən Gəncə təmsilçisi liqadakı yerini təmin etdi.

Sonuncu “Karvan-Yevlax” bu gün Tovuzda məğlub olacağı halda, I Liqaya yuvarlanacaq. “Qəbələ” isə elitada qalmaq uğrunda pley-off oynayacaq. Rəqib də böyük ehtimalla “Səbail” olacaq. Komandaların durumuna nəzər salsaq, “Qəbələ” elitada qalmağa daha yaxın tərəfdir. Həm heyət, həm də sərgilənən oyun “qırmızı-qaralar”ı üstün göstərir.

“Qəbələ” ümumiyyətlə, bu mövsüm çempionatda ən çox qol epizodu yaradan komandadır. Bölgə klubunun bu mövqedə olmasının başlıca səbəbi keyfiyyət və təcrübə çatışmazlığıdır.

“Qarabağ”da isə hər kəs mövsümün başa çatmasını arzulayır. Fiziki və psixoloji yorğunluq özünü göstərir. Çempionlar Liqasında tarixi mövsüm keçirən “atlılar” artıq gücdən düşüb və komandanın yaxşı istirahətə ehtiyacı var.

Şahin Cəfərov

Bu gün Misli Premyer Liqasında XXXI tura yekun vurulub.

Futbolpress.az xəbər verir ki, günün ilk matçında autsayder “Karvan-Yevlax” səfərdə “Turan Tovuz”la qarşılaşıb. Minimal hesabla məğlub olan Yevlax təmsilçisi Premyer Liqanı tərk edib. Tovuz klubu isə avrokuboklara vəsiqəni təmin edib.

Tura “Neftçi” – “Şamaxı” oyunu ilə yekun vurulub. Meydan sahibləri 3:0 hesablı qələbə qazanıb.

Misli Premyer Liqası
XXXI tur

10 may

17:00 Turan Tovuz – Karvan-Yevlax 1:0
Qol: Ayxan Hüseynov, 45+1
Baş hakim: Əkbər Əhmədov
Tovuz şəhər stadionu

19:30 Neftçi – Şamaxı 3:0
Qol: Emin Mahmudov, 1, İmad Faraj, 47, Breno Almeyda 83
Baş hakim: Tural Qurbanov
“Palms Sports Arena”

Türkiyə Super Liqasında 2025/26 mövsümünün bitməsinə bir tur qalmış artıq liqanı tərk edəcək 2 klubun adına aydınlıq gəlib.

Futbolpress.az xəbər verir ki, çempionatın XXXIII turunda “Alanyaspor”a 3-1 hesabı ilə məğlub olan “Kayserispor”un və “Kocaelispor”a 1-0 qalib gələn “Fatih Karagümrük”ün aşağı liqaya düşəcəyi dəqiqləşib.

Liqanın qarşıdakı son turunda elitanı tərk edəcək üçüncü komanda da bəlli olacaq. “Antalyaspor”, “Gençlerbirliyi”, “Eyüpspor” və “Kasımpaşa” Super Liqada qalmaq uğrunda mübarizə aparacaq.

İngiltərə Premyer Liqasının 36-cı turu çərçivəsində “Mançester Siti” “Brentford”u qəbul edib.

Futbolpress.az xəbər verir ki, oyun “şəhərlilər”in 3:0 hesablı qələbəsi ilə yekunlaşıb.

60-cı dəqiqədə Jeremi Doku hesabı açıb. Erlinq Hollan 75-ci dəqiqədə ikinci qolu vurub. Əsas vaxta əlavə olunan ikinci dəqiqədə Omar Marmuş hesabı 3:0 edib.

Beləlikləturnir cədvəlinin ikinci pilləsində olan “Mançester Siti” xallarını 74-ə çatdıraraq lider “Arsenal” ilə xal fərqini 2-yə endirib. “Brentford” isə 51 xalla səkkizinci sırada yer alıb.

Türkiyə Super Liqasının XXXIII turu çərçivəsində lider “Qalatasaray” “Antalyaspor”u qəbul edib.

Futbolpress.az xəbər verir ki, görüş “Cim-Bom”un 4:2 hesablı qələbəsi ilə başa çatıb.

Oyunda hesabı ilk hissəyə əlavə edilən 3-cü dəqiqədə qonaqların heyətində Soner Dikmen açıb. Digər 5 qol isə ikinci hissədə vurulub. Əvvəlcə 56-cı dəqiqədə fərqlənən Mario Lemina oyuna tarazlıq gətirib. 62-ci dəqiqədə Soner Dikmen həm özünün, həm də komandasının ikinci qolunu vurub. Qoldan cəmi 4 dəqiqə sonra Viktor Osimhen yenidən hesabı bərabərləşdirib. 88-ci dəqiqədə Osimhen dublunu rəsmiləşdirib. Əsas vaxta artırılan 5-ci dəqiqədə isə Kaan Ayhan yekun hesabı müəyyənləşdirib.

Beləliklə, “Qalatasaray” 77 xal toplayaraq sona bir tur qalmış ardıcıl 4-cü, ümumilikdə isə 26-cı dəfə çempion adını qazanıb.

AFFA U-15 Liqasında 2025/2026-cı illər mövsümünün qalibləri mükafatlandırılıb.

Futbolpress.az xəbər verir ki, ”Neftçi” Futbol Mərkəzində təşkil edilən tədbirdən əvvəl sonuncu turun oyunları baş tutub. A Liqasının 10-cu turunun son qarşılaşmalarında “Ulduz” “Neftçi”ni 2:1, “Sabah” isə EFA-nı 3:1 hesabı ilə məğlub edib.

Beləliklə, “Neftçi” 24 xalla mövsümü çempion kimi, “Sabah” 22 xalla ikinci, “Ulduz” isə 20 xalla üçüncü pillədə başa vurub.

Matçların ardından mükafatlandırma mərasimi baş tutub. Çempionatda 3-cü yeri tutan “Ulduz” bürünc, 2-ci pillənin sahibi “Sabah” gümüş medallarla təltif olunub. Çempion “Neftçi”yə isə qızıl medallar və kubok təqdim edilib.

Həmçinin fərdi nominasiyalar üzrə qaliblər bəlli olub. Aktivinə 27 qol yazdıran “Karvan-Yevlax”ın futbolçusu Ramil İsmayıllı ən məhsuldar oyunçuya verilən mükafatın sahibi olub. İştirakçı komandalar arasında keçirilmiş sorğuya əsasən, mövsümün ən yaxşı oyunçusu isə “Neftçi”nin üzvü Kənan Əzimov seçilib.

Mükafatları AFFA-nın baş katibi Cahangir Fərəcullayev və Azərbaycan milli komandasının kapitanı Emin Mahmudov təqdim ediblər.

İtaliya A Seriyasının XXXVI turu çərçivəsində lider “İnter” “Latsio”nun qonağı olub.

Futbolpress.az xəbər verir ki, oyun “göy-qaralar”ın 3:0 hesablı qələbəsi ilə başa çatıb.

Matçın ilk qolunu altıncı dəqiqədə qonaqların kapitanı Lautaro Martinez vurub. 39-cu dəqiqədə Petar Suçiç fərqi iki topa yüksəldib. 76-cı dəqiqədə fərqlənən Henrix Mxitaryan yekun hesabı müəyyən edib.

Bu qəıəbədən sonra çempionluğu təmin edən “İnter” 85 xalla birinci yerdədir. “Latsio” isə 51 xalla turnir cədvəlinin səkkizinci pilləsində qərarlaşıb.

Qeyd edək ki, 13 may tarixində sözügedən komandalar İtaliya Kubokunun finalında yenidən üz-üzə gələcək.

Gürcüstanın Qori şəhərində cüdo üzrə böyüklər arasında Avropa Kuboku start götürüb.

Futbolpress.az xəbər verir ki, ilk yarış günündə milli komandamız 1 qızıl, 1 gümüş və 3 bürünc olmaqla ümumilikdə 5 medal qazanıb.

Mükafatların üçü -66 kq çəki dərəcəsində əldə olunub. İslam Rəhimov bütün rəqiblərinə qalib gələrək qızıl medal qazanıb. Elşən Əsədov ikinci yeri tutaraq gümüş, Nizami İmranov isə bürünc medala sahib çıxıb. Digər bürünc medallara Babarəhim Mirzəyev (-60 kq) və Rüfət Şövlətov (-73 kq) yiyələniblər.

Sabah başa çatacaq beynəlxalq turnirdə Azərbaycan medalların əyarına görə 18 ölkə arasında ikinci pillədə qərarlaşıb.

Türkiyə Super Liqasının XXXIII turu çərçivəsində “Beşiktaş” “Trabzonspor”u qəbul edir.

Futbolpress.az xəbər verir ki, davam edən oyunun 7-ci dəqiqəsində Qara dəniz təmsilçisinin qapıçısı Andre Onana zədələnib.

Zədəsi ciddi olan qolkiper Ahmet Yıldırım ilə əvəzlənib.

Misli Premyer Liqasının XXXI turunun “Sumqayıt” – “Araz-Naxçıvan” oyunundan (2:1) sonra meydan sahibi komandanın məşqçisi Veliçko Kaplanoviç jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirdi:

– Futbolçulara təşəkkür edirəm, yaxşı nəticə qazandıq. Birinci hissədəki oyunumuzdan razı qaldım. Amma fasilədən sonra rəqib üstünlüyü ələ aldı və fərdi səhvimizdən yararlandılar. Qoldan sonra temp aşağı düşdü. Şadam ki, xarakter göstərib, istədiyimiz nəticəni əldə etdik. “Barselona” kimi oynamasaq da, yaxşı qələbə oldu. Bu gün bəzi gənc futbolçulara da şans verdik.

– Fasilədən sonra üstünlüyün rəqibə keçməsi nə ilə bağlı idi? 

– “Araz-Naxçıvan” keyfiyyətli komandadır. Fərdi olaraq yaxşı oyunçulara sahibdirlər. Ən böyük problem o idi ki, tez-tez ötürmə səhvlərinə yol verdik. Buna görə üstünlük onlara keçirdi.

Şahin Cəfərov 

Misli Premyer Liqasının XXXI turunun “Sumqayıt” – “Araz-Naxçıvan” oyunundan (2:1) sonra qonaq komandanın baş məşqçisi Andrey Demçenko fikirlərini bölüşdü:

Futbolpress.az xəbər verir ki, mütəxəssis matçla bağlı bunları bildirdi:

– Bu gün oyunumuz alınırdı. Yaxşı imkanlarımız oldu, amma istifadə edə bilmədik. Məğlubiyyətdə özümüz günahkarıq. Rəqib sadə səhvlərimizdən yararlandı. Fasilədən sonra qol vurduq və irəli atıldıq. Oyunu idarə edən tərəf biz idik. Amma sonra avtoqolla məğlub olduq. Meydanda qələbə üçün “ölməlisən”, bütün gücünü ortaya qoymalısan – işin yarısı elə budur. Hamı bacardığını etməlidir. Bəzi futbolçular qələbəni kifayət qədər istəmirdi. Qalib olmaq üçün 100, 150 faizini meydanda qoymalısan. Kimsə axsayırsa, bütün komanda bundan əziyyət çəkir.

Şahin Cəfərov 

Bu gün Misli Premyer Liqasında XXXI turun növbəti oyunları keçirilib.

Futbolpress.az xəbər verir ki, ikinci oyun günündə iki qarşılaşma baş tutub.

“Qəbələ” azarkeşləri önündə “Qarabağ”ı qəbul edib. Oyun bərabərliklə başa çatıb.

Günün digər matçında “Sumqayıt” doğma divarlar arasında “Araz-Naxçıvan”la üz-üzə gəlib. Meydan sahibləri son dəqiqə qolu ilə 3 xalı əldə edib.

Misli Premyer Liqası
XXXI tur

9 may

17:00 Qəbələ – Qarabağ 1:1
Qollar: İsmael Akinade, 57 – Kadi Borges, 28
Baş hakim: İnqilab Məmmədov
Qəbələ şəhər stadionu

19:30 Sumqayıt – Araz-Naxçıvan 2:1

Qol: Aleksandr Ramalinqom, 45+2, Rahil Məmmədov (öz qapısına), 90+3 – Ba-Muaka Simakala, 62
Baş hakim: Rəvan Həmzəzadə
M.H. Sumqayıt ş. st.