Azərbaycan Kubokunun yarımfinalında “Qarabağ” qarşı cavab oyununun (2:1, 2:2) sonlarındakı mübahisəli penalti tələbi epizoduna “Sabah” atmacalı paylaşımla cavab verib.

Futbolpress.az xəbər verir ki, klub sosial şəbəkə hesabında müxtəlif illərdə “Qarabağ” və “Sumqayıt” klublarına qarşı matçlarda penalti verilməyən bənzər epizodları müqayisə edib.

“Penalti yoxdur”, deyə qeyd olunan həmin epizodları burdan izləyə bilərsiniz.

Azərbaycanın daha bir yunan-Roma güləşçisi Qurban Qurbanov Albaniyanın paytaxtı Tiranada keçirilən Avropa çempionatında qızıl medal qazanıb.

Futbolpress.az xəbər verir ki, 82 kq çəki dərəcəsində mübarizə aparan Qurbanov həlledici görüşdə Adlet Tyulbayevə 4:2 hesabı ilə qalib gələrək fəxri kürsünün ən yüksək pilləsinə yüksəlib.

Daha əvvəl güləşçisi Həsrət Cəfərov Avropa çempionu olub.

Azərbaycan Kubokunun yarımfinal mərhələsinin “Sabah” – “Qarabağ” oyunundan (2:1) sonra meydan sahibi komandanın baş məşqçisi Valdas Dambrauskas jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü:

– “Sabah” ailəsini təbrik edirəm. Bugünkü qələbəni azarkeşlərimizə həsr edirəm. Onlar bu gün də bizi meydanda dəstəklədilər. Hər iki komanda arasında başabaş mübarizə getdi, oyunda müəyyən drama da yaşandı. Biz meydanda maksimum gücümüzü göstərməyə çalışdıq. İlk hissədə bəzən topa nəzarət rəqibin xeyrinə dəyişirdi.

Oyunda əsas məqamlardan biri buraxdığımız qol idi. Rəqib azlıqda qalmasına baxmayaraq, yaxşı oynadı. Biz də sona qədər mübarizə apardıq, təslim olmadıq, bu inadkarlıq sayəsində qələbə qazandıq. İndi isə bunu qeyd edib, sabahdan bərpaya başlayacağıq.

Düzdür, kubokda finala yüksəlmişik, amma hələ kuboku qazanmamışıq. Finalın hələ əhəmiyyəti yoxdur. Vacib olan titulu əldə etməkdir. Qarşıda görəcəyimiz işlər çoxdur.

– Hər iki hissənin sonunda baş verənləri – həm qırmızı vərəqə, həm də mümkün penalti epizodunu necə şərh edərdiniz?
– Hakim qərarlarını şərh etməyini xoşlamıram. Planşetdən epizodlara baxdım. Bu, artıq hakimlərin işidir, özləri danışmalıdır. Azərbaycanda futbolun səviyyəsinin artmasını istəyiriksə, hakimliyin də səviyyəsi yüksəlməli, inkişaf etməlidir. Fərqli ölkələrdə çalışmışam. Açığı, hakim qərarları ilə bağlı bu qədər müzakirənin olduğunu əvvəllər görməmişəm. Referilərin qərarları hər həftə gündəmə gəlir, yəqin ki, növbəti həftə də bu davam edəcək. Hakimlik də inkişaf etməlidir. Bəzən eyni epizodlara fərqli qərarlar verilir.

– Finalda rəqib “Zirə” olacaq. Bu mövsüm onlara qarşı rahat qələbələriniz olub. İndi necə düşünürsünüz, final asan olacaq?
– Elə düşünmürəm. Həlledici oyun bir matçdan ibarətdir. Həyatımda asan final görməmişəm. Məncə, işimizi görməliyik və titul üçün əlimizdən gələni etməliyik. Belə oyunlarda aşağı liqa klublarının da yaxşı çıxışlarına şahid olmuşuq. Final günü maraqlı olacaq – kim güclüdürsə, o da qazanacaq.

Şahin Cəfərov

Azərbaycan Kubokunun yarımfinal mərhələsinin “Sabah” – “Qarabağ” oyunundan (2:1) sonra qonaq komandanın baş məşqçisi Qurban Qurbanov jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü:

– “Sabah”ı təbrik edirəm. Futbolçularıma təşəkkürümü bildirirəm. Emosional oyun alındı. Sona qədər mübarizə getdi. Azarkeşlərin oyundan zövq aldığına inanıram.

– Penalti epizoduna fikrinizi bilmək istəyirdim. Penalti necə olur?
–  Bu barədə fikir bildirməyim, fərqli qarşılana bilər. Topun ələ dəydiyi görünürdü. Amma Rəhim Həsənov yəqin ki, bununla bağlı açıqlama verəcək. Son saniyələrdə belə epizodun yaşanması gərginliyi daha da artırır. Bəzən bu cür fikirlər səsləndirəndə, deyirlər ki, rəqibin qələbəsinə kölgə salınır. Xeyr, “Sabah” finala layiq idi. Hesab 2:2 olsaydı belə, yenə də 10 nəfərlə oynayacaqdıq və  əlavə gücə ehtiyac var idi. Həmin epizodu penalti kimi gördüm. Olan şeylərdir.

– Son oyunlarınızda VAR-a da baxılmır. Sizcə, niyə belədir?
– Baxılsa… nə bilim. Baxsaydılar, yəqin nəsə problem olardı. VAR-a gedirsənsə, 90 faiz fikrini dəyişməlisən. Bilmirəm, hakimlik məndən uzaq sahədir. Yəqin izahı veriləcək. VAR sistemi fərqli baxır.

– Oyundan sonra yaşananlar illər əvvəlki “Neftçi” – “Xəzər Lənkəran” finalını xatırlatdı. Sizcə, bu gün baş verənlərlə irəli gedirik, yoxsa geri?
– Futbolçularla hakimlər arasında gərginlik oldu.

– Paltardəyişmə otağının qarşısında dava-dalaş idi…
– Görmədim. Bəzən bu cür emosiyalar futbolu daha da gözəlləşdirir. Belə anlar nadir hallarda yaşanır. Hətta Çempionlar Liqasının finalında da buna  bənzər məqamlarla qarşılaşırıq.

– “Zirə” – “Neftçi”, “Turan Tovuz” – “Zirə” qarşılaşmalarında da oyundan çox kənar məsələlər müzakirə olunur. “Qarabağ”ın baş məşqçisi kimi yox, bir azarkeş kimi ölkə futbolunda baş verənlər sizi narahat edirmi?
– Hadisələr hakim qərarlarından sonra baş verənlərdir. Hakimlər üzərində o qədər təzyiq olur ki, bəzən özlərini necə idarə edəcəklərini bilmirlər. Epizodu düzgün təhlil etməkdə çətinlik yaşayırlar. Açığı, bəzən onlara yazığım gəlir, səhv qərar vermək qorxusu ilə  həyəcanları yüksək olur.

Məncə, ili sakit şəkildə başa vurmalıyıq. Bugünkü matçda komandamın xarakterini, döyüşkənliyini gördüm. Son matçlarda eniş var idi. İstəyirdim ki, komandamda bu ruhu yenidən görüm. İnamı geri qaytarmaq üçün böyük səbəb oldu. Hakimlər də ili yaxşı başa vursalar, yeni mövsümdə daha diqqətli olarlar. Hamısı bizimkilərdir, azərbaycanlıdılar. İstərdim ki, özlərini meydanda daha inamlı hiss etsinlər. Sadəcə, üzərlərindəki təzyiq bəzən onları səhvlərə vadar edir.

– Demək olar, mövsümü titulsuz başa vuracaqsınız. Toparlanmaq çətin olmayacaq?
– Dünya futbolunda da belə hallar gözləniləndir. 2021-ci ildə də titulsuz qalmışdıq. Çempionlar Liqası bizi xeyli yordu, necə deyərlər, “suyumuz çıxdı”. Avropadakı böyük komandalara baxanda da eyni mənzərəni görürük. Məsələn, “Liverpul” bir neçə il əvvəl bir nəfəsə çempion oldu, amma bu gün eniş dövrünü yaşayır.

Çempionlar Liqası elə turnirdir ki, bir addım irəli gedəndə yorğunluq daha da artır. Dünya futbolunda bunun çox nümunəsi var. Düzdür, ola bilsin, Premyer Liqaya tam köklənə bilmədik. Aleks Ferqyusonun da dediyi kimi, komandanın zirvədə qalma müddəti 3-4 il olur. Şükür ki, biz bu səviyyəni daha uzun müddət qoruyub saxladıq.

Ciddi narahatlığım yoxdur. İşin içindəyəm və çatışmayan məqamları yaxşı bilirəm. Ola bilsin, gələn il də çətinliklər yaşayaq – bunlar normaldır. Bu isə o demək deyil ki, bacarmayacağıq. Ruhdan düşmürük. Hər komanda illərlə çalışır, titul qazanmaq, böyük turnirlərdə oynamaq istəyir. İntriqa da getdikcə artır.

Qarşıdakı mövsümlər daha maraqlı olacaq və buna yalnız sevinirəm. Digər komandaların  artırması ilə intriqa da böyüyür. Ölkə futbolu bir komanda üzərində inkişaf edə bilməz-bunu normal qəbul etməliyik. Futbolda hər cür emosiyalar olur. “Sabah”a qarşı keçirdiyimiz son oyunlar maraqlı alındı, azarkeşlər zövq aldı. Fanatlarımız üzüldü, amma buna ehtiyac yoxdur. Onlar həm qalibiyyətdə, həm də çətin anlarda yanımızda olublar. Belə oyunlar isə ailəni daha da möhkəmləndirir.

– “Nyukasl”la oyunda 90 dəqiqəni yaxşı keçirən Bədavi Hüseynov həmin matçdan sonra demək olar, oynamadı. Bunun xüsusi səbəbi var?
– Bədavi təcrübəli futbolçumuzdur. Mateus Silvanın isə daha da güclü stoper kimi formalaşmasını istəyirəm. Həmin mövqedə təcrübə qazanması üçün ona şans verirəm. Qarşıdakı matçlarda Bədavi də oynaya bilər. Hazırda oynamamasının səbəbləri özümüzdə qalsın.

– Azərbaycan futbolunda istədiyiniz temp bugünkü idi?
– Bugünkü oyunun tempini yaxşı edən həm də, hakim Rəvan Həmzəzadə idi. Onun idarə etdiyi matçlarda oyun az dayanır, hər epizoda fit çalmır. Matçı sona qədər davam etdirməyi sevən biridir. Tempin artmasında hakimin də rolu var. Həm də rəqibin heyətində çox sürətli oyunçular var. Çempionatda bizi geri salan həm fiziki, həm psixoloji yorğunluğumuz oldu.

– Koxalskinin mövsümün sonunda klubdan ayrılmaq ehtimalı nə qədərdir?
– Qışda daha real təklifi var idi. İndi eşitməmişəm. Hazırda müqaviləsi davam edir. Mövsümün sonuna yaxın yəqin ki, onunla bağlı danışığımız olacaq.

– Qırmızı vərəqə epizodu ilə bağlı nə düşünürsünüz?
– Epizoda baxdım. Yəqin, məni hamı səmimi qəbul edər. Rəvana ilk hissədən sonra yaxınlaşdım, dedim ki, bu “qırmızı” sənin hakimliyinə yaraşmadı. Bu cür oyunda belə qırmızı vərəqə göstərmək çox sərt qərardır. Top keçdi, Mikels zərbə vurdu, Simiç və Koxalski geridə qalmışdı.

Çox istərdim ki, hakimlər barədə bu qədər neqativ danışılmasın. Belə səhvlər bizi böyüdür. Nəriman Axundzadənin bir epizodu var idi, həmin epizod onu böyütdü, amma sonra ona çox təzyiqlər oldu. Hakimlik də səhvlərdən öyrənərək inkişaf etməlidir. Bəlkə, gələcəkdə Avropada bir oyunda həmin səhvi xatırlayıb, daha doğru qərar verəcək, hamı onu müsbət qiymətləndirəcək.

İnsanı böyüdən məhz səhvlərdir. Bu cür hallar olur  və onları normal qəbul etmək lazımdır. Yekunda hər kəsin məqsədi ölkə futbolunun inkişafına xidmət etməlidir.

– Sizcə, həqiqətən, hakimlərimizin potensialı bu qədər səhvləri edəcək qədər aşağıdadır?
– Potensiallı hakimlərimiz var. Üzülürəm ki, onlar bu cür texniki səhvlərə yol verirlər. Bu il hakimlər üçün sanki kabus kimi keçir. İllərdir onların idarəçiliyini izləyirik. Qaydalar da dəyişir. Yəqin, bu fikirlərimə görə məni cərimə etməzlər. Sanki hakimlər “başlarını itiriblər”.

Şahin Cəfərov

“Sabah” Azərbaycan Kubokunun yarımfinal mərhələsinin cavab oyununda “Qarabağ”ı məğlub edib – 2:1.

Futbolpress.az xəbər verir ki, matçın son saniyəsində “atlılar” penalti qərarı gözləsə də, baş hakim Rəvan Həmzəzadə oyunu bitirib. Final fitindən sonra “Qarabağ” cəbhəsi hakimə ciddi etirazını bildirib.

Referi polislərin müşayiəti ilə meydanı tərk edib.

Azərbaycanın yunan-Roma güləşçisi Həsrət Cəfərov Albaniyanın paytaxtı Tiranada keçirilən Avropa çempionatında qızıl medal qazanıb.

Futbolpress.az xəbər verir ki, 67 kq çəki dərəcəsində mübarizə aparan idmançı həlledici görüşdə türkiyəli Murat Fırata qalib gəlib.

Həsrət Cəfərov ardıcıl dördüncü dəfə Avropa çempionu olub.

“Çelsi” baş məşqçisi Liam Rosenyor ilə yollarını ayırıb.

Futbolpress.az xəbər verir ki, bu barədə klubun mətbuat xidməti məlumat yayıb. Mütəxəssislə müqaviləyə qarşılıqlı razılaşma əsasında xitam verilib.

“Çelsi” Premyer Liqada 33 turdan sonra 48 xalla 7-ci sıradadır.

Albaniyanın paytaxtı Tiranada güləş üzrə Avropa çempionatı davam edir.

Futbolpress.az xəbər verir ki, üçüncü yarış günündə qadın güləşi üzrə mübarizəyə start verilib və millinin 2 üzvü xalçaya çıxıb.

Elnurə Məmmədova (50 kq) ilk mərhələdə polşalı Aqata Qoluşovskaya “tuş”la məğlub olub.

Günay Qurbanova (59 kq) debüt etdiyi qitə birinciliyinə 1/4 finaldan qoşulub və almaniyalı Elena Brügger üzərində inamlı qələbə qazanıb – 7:0. Həmyerlimiz yarımfinalda ukraynalı dünya ikincisi Mariya Vinniklə qarşılaşıb. Görüşün sonuncu dəqiqəsinədək hesabda 2:0 öndə olan güləşçimiz son saniyələrdə rəqibin fəndlərinin qarşısını ala bilməyib – 2:6. Günay sabah bürünc medal uğrunda belaruslu Marta Hetmanava ilə güləşəcək.

Futbol üzrə Azərbaycan I Liqasında XXIII tura start verilib.

Futbolpress.az xəbər verir ki, ilk oyun günündə üç qarşılaşma baş tutub.

Lider “Şəfa” MOİK-ə qalib gəlib. Turnir cədvəlinin ikinci pilləsində yer alan “Mingəçevir” isə “Cəbrayıl”a uduzub.

I Liqa, XXIII tur
22 aprel

“Şəfa” – MOİK 3:0
Qollar: U.İsmayılov, 55, T.Quliyev, 58, N.Əliyev, 74

“Cəbrayıl” – “Mingəçevir” 2:1
Qollar: S.Hüseynli, 21, D.Açimi, 45 – K.Kalunqa, 55

“Zaqatala” – “Şahdağ Qusar” 0:1
Qol: S.Ağalarov, 69

“Sabah” Azərbaycan Kubokunun yarımfinal mərhələsinin cavab oyununda bu gün “Qarabağ”la qarşılaşacaq.

Futbolpress.az xəbər verir ki, saat 20:00-da start götürəcək oyuna komandalar aşağıdakı heyətlə çıxacaqlar:

“Sabah”: 92. Stas Pokatilov (k) 10. Aleksey İsayev 20. Coy Lens Mikels 21. Velko Simiç 40. İqor Noqeyra 80. Akim Zedadka 3. Stiv Solvet 27. Timoteuş Puxaç 13. İvan Lepiniça 7. Umarali Raxmonaliyev 19. Aron Maluda

Ehtiyat oyunçular: 55. Nicat Mehbalıyev 94. Rəvan Mirzəmmədov 17. Tellur Mütəllimov 2. Amin Seydiyev 5. Rəhman Daşdəmirov 6. Abdulax Xaybulaev 9. Xəyal Əliyev 70. Cesse Sekidika 11. Kahim Parris 22. Zinedin Uld Xaled 99. Patrik Mbina 53. Andrey Santos

“Qarabağ”: 99. Mateus Koxalski 27. Toral Bayramov 81. Kevin Medina (k) 8. Marko Yankoviç 20. Kadi Borqes 2. Mateus Silva 18. Dani Bolt 15. Leandro Andrade 35. Pedro Bikalyo 11. Emmanuel Addai 17. Kamilo Duran

Ehtiyat oyunçular: 97. Fabian Buntiç 89. Amin Ramazanov 55. Bədavi Hüseynov 77. Ramil Şeydayev 22. Musa Qurbanlı 10. Abdullah Zubir 9. Joni Montiel 21. Aleksey Kaşuk 24. Jeremi Qnali

AFFA U-11 Liqasında keçirilən “Zirə” – “Azərbaycan Qartalları” oyununda qalmaqal yaşanıb.

Futbolpress.az xəbər verir ki, matçın 48-ci dəqiqəsində iki komandanın baş məşqçiləri arasında dava düşüb. Bu barədə AFFA İntizam Komitəsi məlumat yayıb.

“Zirə”nin məşqçisi Afin Bağırov, “Azərbaycan Qartalları”nın çalışdırıcısı Tural Axundov dava etdiyinə görə, hər biri 5 oyunluq diskvalifikasiya edilib.

“Mançester Siti”nin baş məşqçisi Xosep Qvardiola komandanın sabiq futbolçusu, hazırda “Bavariya”nı çalışdıran Vensan Kompani haqda açıqlama verib.

Futbolpress.az xarici KİV-ə istinadən xəbər verir ki, ispan mütəxəssis Kompaninin bir gün “şəhərlilər”ə qayıdacağını deyib:

“Hiss edirəm ki, Kompani bir gün İngiltərəyə qayıtmağa qərar verəcək və seçimi “Mançester Siti” olacaq. Ümid edirəm ki, bir gün onunla yollarımız yenidən kəsişər”.

Kompani 2008-2019-cu illərdə “Mançester Siti”nin formasını geyinib.

“Sabah” Azərbaycan Kubokunun yarımfinal mərhələsinin cavab oyununda bu gün “Qarabağ”la qarşılaşacaq. Matça saat 20:00-da start veriləcək. Komandalar arasındakı ilk matçda bərabərlik qeydə alınıb.

Oyunla bağlı veteran futbolçular Arif Əsədov və Şahin Diniyevə müraciət etdik. Hər iki mütəxəssis komandaların final şanslarının bərabər olduğunu bildirdi:

Arif Əsədov: “Həlledici oyundur. Matça final kimi baxmaq olar. Şanslar bərabərdir. “Qarabağ” üçün kubok daha vacibdir. Onlar da liqadakı durumdan sonra mövsümü titulla bitirmək istəyir. “Sabah” isə çempionatda demək olar, çempionluğun taleyini həll edib. Buna baxmayaraq, mövsümü iki kubokla bitirmək şansları var və bundan nə üçün istifadə etməsinlər? Proqnoz vermək çətindir. Şanslar bərabərdir”.

Şahin Diniyev: “Maraqlı oyun olacaq. Oyunun nəticəsi hər kəs üçün maraq doğurur. Prinsipial matç olacaq. Son zamanlarda komandalar arasında gərgin oyunların sayı çoxdur. Kubok matçıdır və hər şey bu gün həll olunacaq. “Sabah” demək olar, “Qarabağ”dan çempionluq titulunu alıb. “Qarabağ” isə revanş düşünür. Avropa Liqasına vəsiqə baxımından bu görüş onlar üçün vacibdir. “Sabah” da kuboku asanlıqla vermək niyyətində deyil. Maraqlı oyun olacaq, şansları bərabər hesab edirəm”.

Şahin Cəfərov

Türkiyənin “Qaziantep” klubunun yeni baş məşqçisi məlum olub.

Futbolpress.az xəbər verir ki, Super Liqa təmsilçisinin “sükanı” Mirel Radoya tapşırılıb. Bu barədə klubun mətbuat xidməti məlumat yayıb. 45 yaşlı mütəxəssislə müqavilə 2027-ci ilin yayına kimi nəzərdə tutulub.

Radoyun son ünvanı FKSB olub.

“Qaziantep” bir neçə gün əvvəl baş məşqçisi Burak Yılmazla yollarını ayırıb.

“Qarabağ”ın U-17 komandasının məşqçisi Vüqar Əsgərli cəzalanıb.

Futbolpress.az xəbər verir ki, bu barədə AFFA İntizam Komitəsinin iclasında qərar qəbul edilib.

Əsgərli AFFA U-17 Liqasında “Sabah”la matçdan sonra hakimlər briqadasını təhqir etdiyi üçün qırmızı vərəqə alıb və 4 oyunluq diskvalifikasiya olunub.

Yunan-Roma güləşi üzrə Avropa üçüncüsü İslam Abbasov (87 kq) təəssüratlarını bölüşüb.

Futbolpress.az xəbər verir ki, o bürünc medal qazanmasını şərh edib:

“Bu, çox çətin yoldur. Bildiyiniz kimi, yunan-Roma güləşi Avropa ölkələrində çox yüksək səviyyədə inkişaf edib. Bu səbəbdən Avropa çempionatı çox rəqabətli və gərgin keçir. Bu yarışa hazırlaşdığım müddətdə mənə dəstək olan hər kəsə dərin təşəkkürümü bildirirəm. Çox sağ olun!

Hər il Avropa və dünya çempionatlarında verdiyin nəticələr sənin il ərzində hazırlığının göstəricidir. Məqsəd çempionluq idi. Sadəcə, bəzi çatışmayan cəhətlər oldu. Çalışacağıq ki, onu qarşıdakı yarışlarda aradan götürək. Tam yüz faizlik formamızı bərpa edib, gələcək yarışlara hazırlaşacağıq”.

Moskvanın “Dinamo” klubunun futbolçusu Ülvi Babayev Rusiya mətbuatına müsahibə verib.

Futbolpress.az xəbər verir ki, 22 yaşlı yarımmüdafiəçi Azərbaycanı yox, Rusiya yığmasını seçməsinin səbəbindən də danışıb:

“Ximkidə doğulmuşam və bu müddətdə Rusiyada yaşamışam. Vətəndaşlığımı dəyişmək heç vaxt ağlıma gəlməyib. Atama, anama, ailəmə, qohumlarıma hörmətlə və anlayışla yanaşıram. Rusiyada böyüyüb, burda tərbiyə almışam. Rusiya yığmasını seçmək düzgün qərardır”.

Babayev bu mövsüm Rusiya Premyer Liqasında 12 oyunda 1 qol vurub, 1 məhsuldar ötürmə edib.

Bu gün Azərbaycan Kubokunda ikinci finalçı məlum olacaq. “Sabah” azarkeşləri önündə “Qarabağ”ı qəbul edəcək. Matça saat 20:00-da start veriləcək. Komandalar arasındakı ilk görüşdə qalib müəyyənləşməyib – 2:2.

“Qarabağ” 2024-cü ilin sentyabrından “Sabah”ı məğlub edə bilmir. Qurban Qurbanovun yetirmələrinin “bayquşlar” üzərindəki sonuncu qələbəsi ötən mövsümün əvvəlinə təsadüf edir. Həmin görüş “atlılar”ın 3:2 hesablı üstünlüyü ilə başa çatıb.

Tərəflər arasında bundan sonra baş tutan 8 oyunda “Sabah” 3 qələbə qazanıb, 5 görüş heç-heçə başa çatıb. Komandalar ötən həftəsonu çempionat matçında üz-üzə gəlib və bu matçı da “Sabah” qazanıb – 1:0.

“Sabah”la oyun “Qarabağ” üçün artıq prinsipial xarakter daşıyır. “Futuristlər” liqada son çempionu 13 xal qabaqlayır və liderdir. Taxtdan düşmək üzrə olan “Qarabağ” mövsümü kubokla başa vurmaq və Avropa Liqasına vəsiqə qazanmaq üçün bu matçda mütləq qələbə hədəfləyir.

“Sabah”a qarşı son duellərdəki uğursuz seriyanı bitirmək niyyətində olan “atlılar”da problemlər var. Müdafiəçilər Abbas Hüseynov və Elvin Cəfərquliyevin əsas komandadan kənarlaşdırılması, bəzi futbolçuların fikrinin transfer söhbətlərində qalması “atlılar”ın enişinə səbəb olub. Çempionlar Liqasında böyük güc sərf edən və tarixində ilk dəfə turnirdə pley-off oynayan ilk Azərbaycan komandası olan “Qarabağ” ÇL-ə vida etdikdən sonra toparlanmaqda çətinlik çəkir. Mövsümün yorğunluğu komandanın üzərinə çöküb və qeyri-stabil nəticələr yaranmaqdadır.

“Sabah”la oyun “Qarabağ” üçün mövsümü xilas etmək baxımından xüsusi əhəmiyyət daşıyır. Ölkə kubokunu qazanan komanda Avropa Liqasına vəsiqə əldə edəcək. “Qarabağ” üçün titulun digər prestiji də məhz budur.

“Sabah” isə indiki məqamda daha rahat tərəfdir. Bu mövsüm əldə edilən nəticələr komanda haqda xoş fikirlər yaradıb və əla forma yığan “bayquşlar” mövsümü iki titulla – “qızıl dubl”la bitirmək arzusundadır.

Şahin Cəfərov

İngiltərəli futbolçu Ceyms Tavernyer mövsümün sonunda “Reyncers”dən ayrılacaq.

Futbolpress.az xəbər verir ki, bu barədə insayder Fabrizio Romano məlumat yayıb. 34 yaşlı müdafiəçi 11 il sonra klubu tərk edəcək.

Tavernyer 2015-ci ildən Qlazqo təmsilçisində çıxış edirdi. O, bu mövsüm 49 oyunda 14 qol vurub, 6 məhsuldar ötürmə edib.

“Karvan-Yevlax”ın komandası AFFA U-10 Liqasından kənarlaşdırılıb.

Futbolpress.az xəbər verir ki, bu barədə qurumun İntizam Komitəsi qərar qəbul edib:

– U-10 Liqasında iştirak edən “Karvan-Yexlax” komandası SUHB komandasına məxsus futbolçunu müxtəlif oyunlarda ən azı 3 dəfə öz heyətinə cəlb etdiyinə görə Karvan-Yevlax komandasına 0:3 hesablı texniki məğlubiyyət verilsin, komanda yarışlardan kənarlaşdırılsın.

– Komandanın baş məşqçisi Oqtay Əlizadənin 6 ay müddətinə futbola aid istənilən fəaliyyətdə iştirak etməsi qadağan edilsin (maddə 99, 79.4, 97.1, 97.2, 11.3).

17 yaşadək qadın futbolçulardan ibarət Azərbaycan milli komandasının baş məşqçisi Nərgiz Qurbanova ilə yollar ayrılıb.

Futbolpress.az xəbər verir ki, bu barədə AFFA-nın mətbuat xidməti məlumat yayıb.

U-17-yə müvəqqəti olaraq A milli komandanın məşqçisi Xanlar Əliyev rəhbərlik edəcək.

“Real”ın baş məşqçisi Alvaro Arbeloa hücumçu Vinisius Juniorun klubdakı taleyindən danışıb.

Futbolpress.az xəbər verir ki, mütəxəssis braziliyalı hücumçunun Madrid təmsilçisində qalmalı olduğunu deyib:

“Vinisiusla yeni müqavilə? Prosesin nə yerdə olduğunu bilmirəm. Amma o, “Real”da qalmalıdır. Azarkeşlər Vinisiusu çox sevir”.

Vinisius bu mövsüm 48 oyunda 18 qol vurub, 14 məhsuldar ötürmə edib.

Azərbaycan Cüdo Federasiyasının (ACF) təşkilatçılığı ilə aprelin 25-də Naxçıvan şəhərində kəmər dərəcələri üzrə rəsmi imtahan keçiriləcək.

Futbolpress.az xəbər verir ki, Naxçıvan Olimpiya İdman Kompleksində baş tutacaq imtahan 7 yaşdan yuxarı cüdo ilə məşğul olan hamı üçün açıqdır. Kəmər seçimi müvafiq yaş uyğunluğuna əsasən aparılacaq.

İmtahanı uğurla keçən namizədlərə ACF tərəfindən müvafiq kəmər və sertifikat təqdim ediləcək.

Qeyd edək ki, bu ildən etibarən kəmər dərəcəsi olmayan idmançıların yarışlarda iştirakına icazə verilməyəcək.

“Qarabağ”ın akademiyasının meneceri Nail Kərimov və koordinatoru Aftandil Hacıyev UEFA Gənclər Liqası V Forumunda iştirak ediblər.

Futbolpress.az xəbər verir ki, bu gün Cenevrə şəhərində başa çatan tədbirdə bir neçə mövzuda seminarlar keçirilib. Lids Bekket Universitenin professoru Sercio Lara-Bersial “Futbol IQ-sü nədir və gənc futbolçularda necə inkişaf etdirilə bilər?”, “Olimpik”in (Lion, Fransa) sabiq köməkçi məşqçisi Damyen Della Santa “Fərdi oyunçu inkişafı”, UEFA Məşqçi İnkişafı Departamenti “Gələcək nəsil futbolçu yetişdirilməsinin metodoloji prinsipləri” mövzularında təqdimatlar ediblər.
Qonaqlar Lozanna şəhərində Madrid “Real”ının penaltilərlə Belçika təmsilçisi “Brügge”yə qalib gəldiyi (əsas vaxt 1:1) Gənclər Liqasının final matçını izləmək imkanı qazanıblar.

Daha sonra UEFA texniki nümayəndələri – sabiq məşhur futbolçu Sami Xedira və məşhur məşqçi Anj Postukouqlu ilə birlikdə final oyunu ətrafında fikir mübadiləsi aparılıb. Tədbir Dortmund “Borussiya”sında uşaq futbolundan başlayaraq Çempionlar Liqasının finalına qədər uzun yol keçmiş Edin Terziçin maraqlı panel müsahibəsi ilə başa çatıb.
Sonda iştirakçılara UEFA tərəfindən sertifikatlar təqdim olunub.

“Bayer”in futbolçusu Alexandro Qrimaldo karyerasını Türkiyədə davam etdirə bilər.

Futbolpress.az xəbər verir ki, “Beşiktaş” cinah müdafiəçisinin xidmətində maraqlıdır. Bu barədə “Fanatik” nəşri məlumat yayıb.

Leverkuzen klubu Qrimaldo üçün 20 milyon avro tələb edir.

Alexandro bu mövsüm Bundesliqada 25 oyunda 8 qol vurub.

“Mançester Yunayted”in qapıçısı Altay Bayındır karyerasını Türkiyədə davam etdirə bilər.

Futbolpress.az xəbər verir ki, “Fənərbağça” və “Beşiktaş” qolkiperin xidmətində maraqlıdır. Bu barədə Türkiyə mətbuatı məlumat yayıb.

Bayındır bu mövsüm  6 oyuna çıxıb. Onun müqaviləsi 2027-ci ilin yayına kimidir.

“Barselona”nın sabiq futbolçusu Rafael Markes DÇ-2026-dan sonra Meksika yığmasına rəhbərlik edəcək.

Futbolpress.az xəbər verir ki, bu barədə yerli futbol federasiyasının mətbuat xidməti məlumat yayıb. 47 yaşlı mütəxəssis bu postda hazırkı çalışdırıcı Xavyer Aqirreni əvəzləyəcək.

Meksika millisi mundialda Cənubi Afrika, Cənubi Koreya və Çexiya ilə bir qrupda mübarizə aparacaq.

Dünya çempionatı iyunun 14-dən iyulun 19-dək keçiriləcək. Yarışa ABŞ, Kanada və Meksika ev sahibliyi edəcək.

Ukrayna millisində baş məşqçi Sergey Rebrovla yollar ayrılıb.

Futbolpress.az xəbər verir ki, bu barədə yerli futbol assosiasiyasının mətbuat xidməti məlumat yayıb. Mütəxəssislə müqaviləyə qarşılıqlı razılaşma əsasında xitam verilib.

Rebrov 2023-cü ilin yayından yığmaya rəhbərlik edirdi. Milli onun başçılığı altında 34 oyunda 16 qələbə qazanıb, 10 dəfə məğlub olub.

Braziliyanın Fos-du-İquasu şəhərində boks üzrə Dünya Kuboku davam edir.

Futbolpress.az xəbər verir ki, reytinq xarakterli yarışın ikinci günündə rinqə çıxan Azərbaycan millisinin hər iki idmançısı qələbə qazanıb.

55 kq-da Zidan Hünbətov 1/16 finalda Aqustin Susloaqanı (Uruqvay) mübarizədən kənarlaşdırıb – 5:0 (30:27, 30:27, 30:27, 29:28, 30:27). O, növbəti görüşünü Rafael Lozano Serranoya (İspaniya) qarşı keçirəcək. Döyüş aprelin 23-də olacaq.

Məhəmməd Abdullayev (+90 kq) də Dünya Kubokuna qələbə ilə başlayıb. Boksçumuz 1/8 finalda Yakub Domuradı (Polşa) 5:0 (30:27, 30:27, 29:28, 30:27, 29:28) hesabı ilə məğlub edib. Abdullayev ikinci görüşündə Luka Pratljaçiçlə (Xorvatiya) üz-üzə gələcək. Döyüş aprelin 24-də baş tutacaq.

Qeyd edək ki, Dünya Kubokuna aprelin 26-da yekun vurulacaq.

“Zirə” Azərbaycan Kubokunda finala yüksəldi. Rəşad Sadıqovun rəhbərlik etdiyi kollektiv yarımfinalda “Turan Tovuz”u üstələdi. İlk oyunda 2:0 hesablı qələbə qazanan “qartallar” cavab matçında qapısını toxunulmaz saxladı və qolsuz heç-heçə adını finala yazdırdı.

Tərəflər arasındakı birinci dueldə yaşanan hakim səhvi hər iki matçı kölgədə saxladı. Oyundan çox hakim qərarlarının müzakirə olunduğu dueldən sonra da idarəçilik məsələsi gündəmdə qaldı. Birinci matçda “Turan Tovuz”un lehinə verilməli olan penaltilər bəlkə də, turun həlledici məqamı idi. Ən azından tovuzlular bu iddiadadır.

Cavab matçında “Turan Tovuz”un hücumda daha effektiv oynayacağı gözlənilsə də, sərgilənən oyun sanki tovuzluların məğlubiyyətlə barışdığını hiss etdirdi. Ciddi epizodlara girə bilməyən “Turan Tovuz” matçın son hissəsində daha çox təzyiq göstərsə də, real təhlükə yarada bilmədi. Burada “Zirə” müdafiə xəttinin də etibarlı oyunu xüsusi vurğulanmalıdır.

Hər bir halda, ilk oyunda verilən qərarlar yarımfinaldakı bu duelləri, meydandakı mübarizəni kölgədə qoydu.

Tarixində üçüncü dəfə finala adlayan “Zirə”nin rəqibi “Sabah” – “Qarabağ” cütünün qalibi olacaq. Qəsəbə təmsilçisi üçün hər iki rəqib arzuolunmazdır. “Qarabağ” finallarda kifayət qədər təcrübəli, “Sabah” isə son çempiondur.

Komandalar arasındakı ilk matçda qollu bərabərlik qeydə alınıb – 2:2. Cavab matçı bu gün, saat 20:00-da start götürəcək.

Şahin Cəfərov

“Barselona”nın baş məşqçisi Hansi Flik açıqlama verib.

Futbolpress.az xarici KİV-ə istinadən xəbər verir ki, mütəxəssis karyerasındakı son klubun Kataloniya təmsilçisi olacağını deyib:

“Barselona” sonuncu iş yerimdir. Ayrıldıqdan sonra klub çalışdırmaq niyyətim yoxdur. İndi bütün diqqətim komandadadır və qarşıda oyunlar var. Klubda qazana bilmədiyim iki titul da var. Onları əldə etdikdən sonra rahat ayrıla bilərəm. Xəyalım “Barselona” ilə Çempionlar Liqasını qazanmaqdır”.

“Barselona” La Liqada liderdir. Komanda ikinci pillədəki “Real”ı 6 xal qabaqlayır.

“Çelsi”nin baş məşqçisi Liam Rosenyor Premyer Liqada “Brayton”a uduzduqları görüşü şərh edib.

Futbolpress.az BBC-yə istinadən xəbər verir ki, mütəxəssis 0:3 hesabıyla bitən matçla bağlı bunları deyib:

“Oyunda bütün komponentlərdə rəqibə uduzduq. Bu, qəbuledilməzdir. İndi nələrisə kökündən dəyişmək lazımdır. Özümüzə baxmalıyıq – oyunumuzda müdafiə ediləcək nəsə yoxdur. Komandada atmosfer yaxşı deyil. 11 futbolçudan sadəcə 3-4-ü oyuna canını qoyur. Bunu demək lazımdır – bu, həqiqətdir. Futbolçuların bəziləri peşəkar davranmır. Həqiqətən, karyeramın ən çətin axşamı idi. Gördüyüm bəzi şeyləri bir daha görmək istəmirəm”.

“Çelsi” 48 xalla turnir cədvəlində 6-cı sıradadır.

“Real”ın baş məşqçisi Alvaro Arbeloa açıqlama verib.

Futbolpress.az “Marca”ya istinadən xəbər verir ki, mütəxəssis La Liqada “Alaves”ə qalib gəldikləri oyundan (2:1) sonra çempionluq yarışından danışıb:

“Birinci hissədə oyuna tam nəzarət etdik. Üstünlüyümüzü daha artırmalı və qələbəni möhkəmləndirməliyik. “Bavariya”ya məğlubiyyətdən sonra komanda ilə danışdıq və söz verdik ki, qalan 7 oyunumuzu qazanmalıyıq. Bir oyun getdi, qaldı altısı. Çempionluq yarışı hələ bitməyib. Futbolda hər şey mümkündür”.

“Real” La Liqada 73 xalla ikincidir. “Kral klubu” ehtiyatda bir oyunu olan “Barselona”dan 6 xal geri qalır.

Portuqaliyanın paytaxtı Lissabonda UEFA-nın təşkilatçılığı ilə “Məktəblərdə Futbol” mövzusunda seminar keçirilir.

Futbolpress.az xəbər verir ki, 21–23 aprel tarixlərini əhatə edən tədbir Avropa ölkələri arasında məktəb futbolunun inkişafı, kütləviliyin artırılması və uşaqların idmana cəlb olunması istiqamətində təcrübə mübadiləsinin genişləndirilməsini hədəfləyir.

Seminarda 19 ölkəni – Azərbaycan, Portuqaliya, Avstriya, Belçika, Danimarka, İngiltərə, Finlandiya, Almaniya, Macarıstan, İtaliya, Niderland, Polşa, İrlandiya, Şotlandiya, İsveç, İsveçrə, Türkiyə və Uelsi təmsil edən nümayəndə heyəti iştirak edir. Tədbir çərçivəsində məktəblərdə futbol layihələrinin tətbiqi, uşaqların erkən yaşlardan idmana marağının artırılması, inklüzivlik və gender bərabərliyi prinsiplərinin təşviqi kimi mühüm mövzular müzakirə olunur.
Seminarda AFFA-nı Kütləvi Futbol Departamentinin rəhbəri Fərrux İsmayılov, departamentin aparıcı mütəxəssisləri Orxan Mikayıllı və Ziya Səfərov təmsil edirlər. Nümayəndə heyəti seminar çərçivəsində müxtəlif ölkələrin uğurlu təcrübələri ilə tanış olur, interaktiv sessiyalarda iştirak edir.

Qeyd edək ki, bu cür tədbirlər UEFA-nın kütləvi futbol strategiyasının əsas istiqamətlərindən biri olmaqla, üzv assosiasiyalar arasında bilik və təcrübə paylaşımının gücləndirilməsinə xidmət edir.

“Əl Nəsr” yeni mövsümdən Kriştiano Ronaldonun oğlu Junior Ronaldonu əsas komandaya daxil etmək istəyir.

Futbolpress.az xəbər verir ki, bu barədə Səudiyyə Ərəbistanı mətbuatı məlumat yayıb. Juniorun 15 yaşı var və qaydalara görə o, hələ əsas komandaya qoşula bilməz.

Ronaldonun oğlunun yayda 16 yaşı olacaq və bundan sonra o, atası ilə birlikdə oynamaq şansı qazana bilər.

Junior “Əl Nəsr”in U-16 komandasında çıxış edir.

“Çelsi” İngiltərə Premyer Liqasının XXXIV turunda “Brayton”a uduzub.

Futbolpress.az xəbər verir ki, Liam Rosenyorun rəhbərlik etdiyi kollektiv yarışda ardıcıl beşinci matçını uduzub. “Zadəganlar” bu görüşlərdə qol da vura bilməyib.

“Çelsi” sonuncu dəfə 1912-ci ildə çempionatda ardıcıl beş oyunda qol vurmadan məğlub olub.

Bu yaxınlarda dünyagörüşünə hörmət etdiyim bir klubun rəhbərindən eşitdim: Zaur Axundov yaxşı oğlandı.

Bu kəlmə/ifadə adətən, yerini bilən, doğru yolda olan, pozitiv imicə malik şəxslər haqda işlənir.

Duruxdum, amma bu, sırf futbol klubu rəhbəri personasına nəzərən eşitdiyim arasında fərqə görə var-gəl etdiyim üçün idi…

Əlqərəz, Axundov yaxşı futbol rəhbəri deyil, bu dəqiqdir. İzafi və nəzəri izahlarıyla sübut etmək olar və fikrimcə, şəxsiyyətində bu cür məsələləri etiraf edəcək keyfiyyətli çalarlar da var.

***

Naxçıvanda böyük futbolun yaranmasına ən çox o səbəb ola bilərdi. Olmadı.

İllər boşa getdi. İndi öz vəziyyəti sual altındadır.

“Araz Naxçıvan”ı yurduna qaytarmaq üçün şəxsi vəsaiti xərcləmək və ya naxçıvanlı imkanlılardan kömək istəmək lazım deyildi, elə AFFA-dan gələn 2.5-3 milyon manat illik dotasiyanın yarısı ayrılsaydı, bəs edərdi.

Deməli, istəmək lazımdır.

Şəxsi vəsaiti hesabına klub saxladığını iddia edən adam dotasiyaya ehtiyac duyarmı? Duysa da, onu baza tikintisinə sərf edər, böyük bir ƏHSƏN qazanardı.

Bu da olmadı.

Və ən vacibi, yoldaş Axundov, Azərbaycanda heç kəs şəxsi vəsaiti hesabına klub saxlamır. Bunu sizdən başqa da iddia edənlər tapılır arabir.

Ola bilər ki, şəxsi vəsaitdən bir qədər ayrılsın, lakin heç kəs, təkrar vurğulanır, diqqət edin, heç kəs şəxsi imkanları hesabına futbol klubu saxlamır.

Bunun heç praktiki izahını verə bilməzlər, nəinki hesabatını…

Azərbaycanda futbol sosial layihədir (!) və bu dövlət siyasətinin prioritetlərindən biri kimi tənzimlənir. Siz də ən yaxşı halda vasitəçi rolunda…

Uzadıb ucuzluğa aparmağın adı yoxdur, mövzu bitmişdir.

Elçin Cəlilov

“Real” İspaniya La Liqasının XXXIII turunda “Alaves”i məğlub edib – 2:1.

Futbolpress.az xəbər verir ki, “kral klubu”nun birinci qolunu Kilian Mbappe vurub. O, cərimə meydançasından kənardan endirdiyi zərbə ilə fərqlənib.

Fransalı hücumçu bu mövsüm bütün turnirlər daxil olmaqla, cərimə meydançasından kənardan 8 qol vurub. Bu, onun karyerasının ən yüksək göstəricisidir.

“Lans” Fransa Kubokunda finala yüksəlib.

Futbolpress.az xəbər verir ki, sözügedən komanda yarımfinalda “Tuluza”nı məğlub edib – 4:1.

“Lans” 28 ildən sonra birinci dəfə kubokda finala adlayıb.

Həlledici görüşdəki rəqib “Strasburq” – “Nitsa” cütünün qalibi olacaq.

İngiltərə Çempionşipində mübarizə aparan “Lester” liqanı tərk edəcək.

Futbolpress.az xəbər verir ki, “tülkülər” 44-cü turda “Hall Siti” ilə heç-heçə edib. Aktivində 44 xal olan “Lester”in sona iki tur qalmış liqanı tərk edəcəyi dəqiqləşib.

“Tülkülər” yeni mövsümdə İngiltərə III Liqasında mübarizə aparacaq.

“Lester” 2016-cı ildə İngiltərə Premyer Liqasının qalibi olub. Komanda daha sonra eniş yaşayıb və bu mövsüm də Çempionşipdən yuvarlanacaq.

Azərbaycan Premyer Liqasında çıxış edən bəzi klubların “başı qaçıb”. Klubun başına gələnlərdən, hakim nöqsanlarından və s. neqativliklərdən heç nə danışmayan həmin klubların rəhbərləri, idarəçiləri düşünür ki, bunu onların əvəzinə etməlidir;

– media
– ⁠azarkeşlər

Niyə?!

Həmin klub rəhbərləri, əksər hallarda da idarəçiləri rahat kresloda yayxanıb, ay sonunda 10-20-30-40 min manat maaşını alacaq, onun yerinə media “döyüşəcək”?

Əksəri unudur ki, futbol biliyinin zəif olduğunu hamı görür, idarəçi kimi nöqsanlarını da gizlədə bilmirlər.

Özünü pis etmək istəməmələri ağıllı yanaşmadır, ancaq bir yerə qədər.

Klub rəhbəri klubun başına gələn və ya gətirilən pis hadisələrə qarşı hamıdan əvvəl;

– reaksiya verməlidir
– ⁠problemin məğzini, məzmununu tam formada izah etməli, göstərməlidir.

Bunlar hələ idarəçi üçün təməl vacibiyyətlərdir. Halbuki illərdir bunları onların yerinə media edib. Təbii ki, peşəkar, layiqli mediadan söhbət gedir…

Günün üzdə olmayan, lakin ən ciddi problemlərindən biri də məhz budur. Klublar öz mənafeyini qoruya bilmir və ya bunu etmək istəmir.

Dotasiya hesabına mövcud olan futbolumuzda bacarığından qat-qat artıq mənfəət əldə edən xeyli nəfər var.

Zamanın tələblərinə uyğunlaşdıqca ortaya çıxır ki, həmin nəfərlər, “ortada yeyim, kənarda gəzim” prinsipiylə hərəkət edib və bu müftəliyə öyrəşib.

İndi mediada rasionallıq artıb. İnterşum, reytinq naminə atılan addımlara artıq yol verilmir. Sözünü deməyi bacaran müəlliflər illərlə zərbə aldı… aldıqca da bu fədailiyin onlara heç nə qazandırmadığını, əksinə, itkilərdən başqa nəsə vermədiyini gördü. Öyrəndi.

İndi media özünü fədai kimi aparmır. Və bu mənfəətbazlara heç sərf etməyən reallıqdır.

Qələmi iti, auditoriyası geniş olan müəlliflərə ucuz həmlələrlə təzyiq etməyə çalışırlar: filan mövzuda nə əcəb yazmadın və s.

Yazmaz da. Sən öz vəzifənə görə borclu olduğun məsələlərdə ağzını açırsanmı? Yox.

Nə vaxt özün öz haqqını qorumağı düşünəcəksən, onda…

Yeni zamanın yeni mənzərəsi bu tip idarəçiləri, rəhbərləri “vəziyyətdən çıxış üçün” özünəməxsus icadlar düşünməyə vadar edib.

Trol dəstəsi formalaşdırmaq!

Bəli, onların beyni, özünümüdafiə instikti yalnız belə işləyir. Media bunların mənfəətləri naminə “lokomotiv” rolunu oynamaqdan boyun qaçırdıqca bunlar trollar cəlb edir, bəsləyir.

Belə klub idarəçiləri haqqında tənqid yazılarının şərh bölümünə fikir verin, onlarla, yüzlərlə trol şərhi.

Dotasiyanın başına daraşan kök salmış mənfəətbaz dəstənin tifağı dağılmasa, Azərbaycan futbolu ağ günə çıxmayacaq.

Bu da monopoliyanın bir formasıdır və “metastaz verib”, kök salıb, ölkə futbolunu cənginə alıb.

Onlar hər yerdədilər – klub idarəçiliyində, menecerlikdə, uşaq futbolunda. Dərin kök salıblar və şəbəkə kimidirlər.

Bir “Damokl qılıncı” lazımdır ki, bu tifağı dağıda, futbol parazitlərdən təmizlənə.

Yoxsa çarə olmayacaq.

Hələlik, ümumi yazdıq. Medianın canına daraşmağa davam etdikcə bu “trolşünaslar” aşkara çıxarılacaq, ağır zərbə alacaqlar. Hələlik, bəslədikləri trolların sayəsində yaranan komfort zonasında var-gəl etsinlər…

Kamil Əhməd

Bu gün Azərbaycan Kubokunda ikinci finalçı məlum olacaq.

Futbolpress.az xəbər verir ki, “Sabah” azarkeşləri önündə “Qarabağ”ı qəbul edəcək. “Bank Respublika Arena”da baş tutacaq görüşə saat 20:00-da start veriləcək.

Komandalar arasındakı ilk oyunda qollu bərabərlik qeydə alınıb – 2:2.

Cütün qalibi finalda “Zirə” ilə qarşılaşacaq.

Azərbaycan Kuboku
Yarımfinal mərhələsi, cavab oyunu

22 aprel

20:00 Sabah – Qarabağ 2:1
Qollar: Velko Simiç, 78, Patrik Mbina, 88 – Kamilo Duran, 59
Qırmızı vərəqə: Mateus Koxalski, 36 (“Qarabağ”)
Baş hakim: Rəvan Həmzəzadə
“Bank Respublika Arena”
İlk oyun – 2:2

“İnter” İtaliya Kubokunda finala yüksəlib.

Futbolpress.az xəbər verir ki, “neradzurra” yarımfinalda “Komo”nu məğlub edib. Komandalar arasındakı ilk görüş qolsuz başa çatıb.

“İnter” cavab matçında 0:2-dən geridönüş edərək, 3:2 hesablı qələbə qazanıb və finala adlayıb.

“İnter”in həlledici matçdakı rəqibi “Latsio” – “Atalanta” cütünün qalibi olacaq.

“Fənərbağça” Türkiyə Kuboku ilə vidalaşıb.

Futbolpress.az xəbər verir ki, İstanbul təmsilçisi 1/4 finalda “Konyaspor”a uduzub. Matçda yeganə qolu 120-ci dəqiqədə Yevtoviç penaltidən vurub.

“Konyaspor” yarımfinalda “Beşiktaş” – “Alanyaspor” cütünün qalibi ilə qarşılaşacaq.

Albaniyanın paytaxtı Tiranada güləş üzrə Avropa çempionatı davam edir.

Futbolpress.az xəbər verir ki, ikinci yarış günündə 2 yunan-Roma güləşçimiz fəxri kürsüyə qalxıb.

Rəşad Məmmədov türkiyəli Ömər Rəcəplə tam üstünlüklə (8:0) qalib gələrək bürünc medalı boynundan asıb.

İslam Abbasov (87 kq) da eyni nəticəni təkrarlayıb. Təcrübəli güləşçimiz həlledici qarşılaşmada türkiyəli Doğan Kayanı üstələyib – 5:1. Bununla da İslam böyüklər arasında Avropa çempionatlarında qazandığı medalların sayını beşə (1 gümüş, 4 bürünc) çatdırıb.

Beka Kandelaki (130 kq) üçüncülük uğrunda qarşılaşmada ukraynalı Mixaylo Vişnivetskiyə 1:3 hesabıyla məğlub olaraq, 5-ci yerlə kifayətlənib.

Azərbaycan atleti İsa Rüstəmov Gürcüstanın Batumi şəhərində keçirilən Avropa çempionatında gümüş medal qazanıb.

Futbolpress.az xəbər verir ki, 71 kq çəki dərəcəsində yarışan İsa birdən qaldırma hərəkətində gostərdiyi 147 kq nəticə ilə fəxri kürsünün ikinci pilləsinə qalxıb.

Təkanla qaldırma hərəkətində 180 kq çəkinin öhdəsindən gələn Rüstəmov bu dəfə 4-cü olub. Təmsilçimiz toplamda 327 kq göstərici ilə yarışı 4-cü yerdə bitirib.

“Zirə”nin baş məşqçisi Rəşad Sadıqov Azərbaycan Kubokunda “Turan Tovuz”a qarşı keçirdikləri oyundan sonra tovuzlu azarkeşlərin onu tənqid etməsinə münasibət bildirib.

Futbolpress.az mütəxəssisin fikirlərini təqdim edir:

AFFA-nın Komplayns və danışılmış oyunlara qarşı mübarizə şöbəsi tərəfindən 3, 4 və 5-ci kateqoriyalı, həmçinin xanım hakimlər üçün danışılmış oyunlara qarşı mübarizə mövzusunda maarifləndirici sessiya təşkil olunub.

Futbolpress.az xəbər verir ki, sessiyadan əvvəl iştirakçı hakimlərin mövzu üzrə bilik səviyyəsinin qiymətləndirilməsi məqsədilə testlər keçirilib. Nəticələr göstərdi ki, hakimlərin əksəriyyəti bu sahədə vəzifə və öhdəliklərini yaxşı başa düşürlər.

Sessiya zamanı Komplayns və danışılmış oyunlara qarşı mübarizə şöbəsinin rəhbəri, eyni zamanda UEFA-nın oyunların toxunulmazlığı üzrə məsul nümayəndəsi Naib Əsədov və şöbənin aparıcı mütəxəssisi Murad Məmmədli hakimlərə danışılmış oyun anlayışı, oyun zamanı verilən adi hakim qərarları ilə qəsdən manipulyasiya edilmiş qərarlar arasındakı fərqlər, eləcə də bu cür halların futbolun toxunulmazlığına və nüfuzuna vurduğu ciddi zərər barədə ətraflı məlumat veriblər.

Təlimçilər hakimlərin oyun prosesində oynadığı həlledici rol və bu rolun hər hansı kənar təsirdən qorunmasının vacibliyi barədə geniş çıxış ediblər. Bildirilib ki, danışılmış oyunlar kontekstində hakim qərarları ən həssas məqamlardan biri hesab olunur və bu səbəbdən hakimlərin peşəkar davranışı daim yüksək nəzarət və məsuliyyət tələb edir.

Sessiya çərçivəsində hakimlərin yalnız oyunu idarə edən tərəf deyil, eyni zamanda futbolun ədalət və dürüstlük prinsiplərinin əsas təminatçısı olduğu vurğulanıb. Bildirilib ki, obyektivlik, prinsipiallıq, qərəzsizlik və yüksək peşə etikası hakim fəaliyyətinin ayrılmaz hissəsidir və bu prinsiplərin qorunması futbolun etibarlılığı üçün həlledici əhəmiyyət daşıyır. Danışılmış oyunların əsas motivləri, manipulyasiya hallarının daha çox hansı oyunlarda baş verdiyi, idman mərclərinin bu prosesdə rolu və hakimlərə mümkün təsir üsulları təqdimat vasitəsilə izah olunub.

Eyni zamanda, hakimlərin etik borcu, şübhəli və ya danışılmış oyun təklifi ilə qarşılaşdıqda atmalı olduqları addımlar, bu cür halların vaxtında və düzgün şəkildə raport edilməsi zərurəti, eləcə də məlumatın gizlədilməsinin doğura biləcəyi ciddi nəticələr praktiki situasiyalar əsasında müzakirə olunub. Sosial media üzərindən edilən yaxınlaşmalar, manipulyatorların istifadə etdiyi vasitələr və hakimlərin ictimai və şəxsi profillərinin düzgün idarə olunmasının vacibliyi xüsusi diqqətə çatdırılıb.

Sessiya zamanı AFFA-nın 2025-ci ildə qəbul edilmiş İntizam Məcəlləsinin müvafiq maddələri hakimlərin diqqətinə çatdırılıb, danışılmış oyunlarda iştirakın, bu cür hallara cəhdin və ya məlumatın gizlədilməsinin ağır intizam pozuntusu hesab olunduğu vurğulanıb, həmçinin yerli və beynəlxalq təcrübədən konkret nümunələr təqdim edilib.

Maarifləndirici tədbirin əsas məqsədi futbol ictimaiyyətində şəffaflığın və dürüstlüyün qorunması, danışılmış oyunlara qarşı mübarizənin gücləndirilməsi və hakimlərin bu sahədə məsuliyyət və məlumatlılıq səviyyəsinin daha da artırılmasıdır.

Albaniyanın paytaxtı Tiranada güləş üzrə Avropa çempionatı davam edir.

Futbolpress.az xəbər verir ki, ikinci yarış günündə yunan-Roma güləşi üzrə 60, 67, 72, 82 və 97 kq-da mübarizəyə start verilib.

Yarışa 1/4 finaldan qoşulan Nihat Məmmədli (60 kq) ukraynalı Vladislav Kuzkoya şans tanımayıb – 5:0. Həmyerlimiz yarımfinalda ermənistanlı Suren Ağacanyana (tuş) uduzub və sabah bürünc medal uğrunda Tommaso Bosi (İtaliya) – Suner Konunov (Rusiya) qarşılaşmasının qalibiylə güləşəcək.

Həsrət Cəfərov (67 kq) startda isveçli Niklas Oehleni 5:1 hesabıyla üstələyib. Titullu güləşçimiz bolqarıstanlı Abu Muslim Amayevi isə “tuş”la yolundan kənarlaşdırıb. Cəfərov gərgin keçən yarımfinal görüşündə gürcüstanlı Dieqo Çxikvadzeyə 4:2 hesabıyla qalib gələrək 4-cü dəfə böyüklər arasında Avropa çempionatının finalına yüksəlib. Həsrət sabah həlledici görüşdə türkiyəli Murat Fıratla güləşəcək.

Ruslan Nurullayev (72 kq) debütdə ukraynalı Dmitro Vasilyevi (9:5) mübarizədən kənarlaşdırsa da, 1/4 finalda ermənistanlı Qaspar Terteryana ilk xal prinsipinə əsasən (1:1) məğlub olub.

Qurban Qurbanov (82 kq) bolqarıstanlı Svetoslav Nikolov (7:3) və moldovalı Mihail Braduya (5:4) qalib gələrək yarımfinala yüksəlib. Qurbanov finalın bir addımlığında gürcüstanlı dünya və Avropa mükafatçısı Gela Bolkvadzeni üstələyib – 2:1. Qurban sabah həlledici görüşdə rusiyalı Adlet Tyulbayevlə mübarizə aparacaq.

Murad Əhmədiyev (97 kq) finlandiyalı Arvi Savolaynenlə (7:3) xorvatiyalı Filip Smetkodan (2:1) güclü olub. Ancaq 1/4 finalda rusiyalı Artur Sarqsyana məğlub olub – 0:4

Azərbaycan Kubokunun yarımfinal mərhələsinin “Zirə” – “Turan Tovuz” oyunundan (0:0) sonra meydan sahibi komandanın baş məşqçisi Rəşad Sadıqov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:

– Olduqca gərgin oyun keçdi. Matçdan əvvəl də özümüzü buna hazırlayırdıq. Nə qədər hazırlaşsan da, prosesin içində olanda fərqli alınır. Bu mövsümün ən gərgin qarşılaşmalarından biri oldu. 60-70-ci dəqiqəyə qədər bərabər oyun keçdi. Sonrasında rəqib təzyiqi artırdı, hücuma atıldı. Şükürlər olsun ki, bu dəqiqələrdə qol buraxmadıq. Rəqib böyük qüvvə ilə irəli atılırdı. “Turan Tovuz”un standart vəziyyətlərdə təhlükəli olduğunu bilirdik. Futbolçulara təşəkkür edirəm, layiqli mübarizə aparıb, finala çıxdılar.

– “Turan Tovuz”u bu gün standart vəziyyətlərdə zərərsizləşdirə bildiniz. Bunun sirri nədir?
– Sirri yoxdur. Çempionatda növbəti turda onlarla qarşılaşacağıq. Necə olacağını bilmirik. Bu dəfə alındı. İlk hissədə standart vəziyyətlərdə daha etibarlı oynadıq.

– Birinci matçdakı mübahisəli epizodlar bu gün sizdə və komandada təzyiq yaradırdı?
– Təbii ki, müəyyən təzyiq yaradır. Bəzən haqlı iradlar da olur, etirazlar da normaldır. Avrokuboklara vəsiqə uğrunda gərgin mübarizə gedir. Bu prosesdə həm hakimlər, həm də rəqib komandalar üzərində əlavə təzyiqlər yarana bilər.

Epizodlara gəlincə, Hakimlər Komitəsi də təsdiqlədi ki, penaltidir. Biz də sonradan baxanda, eyni fikrə gəkdik. Ancaq 2-3 oyun əvvəl Yevlaxdakı oxşar epizodun şərhində bunun penalti olmadığı deyilmişdi. Ardınca  “Kəpəz” – “Qarabağ” oyunundakı mübahisəli epizodla bağlı bildirildi ki, rəqib əvvəlcə topa, sonra ayağa müdaxilə edir.

Biz də qaydaları izləyirik, amma bəzən eyni tip epizodlara fərqli yanaşmalar olur. Bəzən insan bilmir nə desin. Bizim oyunda penalti kimi dəyərləndirilir, başqa matçda isə “sürtünmə” kimi izah olunur. Soyuqqanlı baxanda biz də epizodları görürük, amma  çempionatda eyni situasiyalara fərqli şərhlərin verilməsi çaşqınlıq yaradır. Başımız qarışır. Çempionatda mübahisəli epizodlar həddindən artıq çoxdur. Bəzən hakimləri də qınamaq olmur. Bizim oyunlarımızda da verilməyən penaltilər olur,  50/50-yə epizodlar da var.

Düşünürəm ki, bu gün həm “Zirə”, həm “Turan Tovuz” finala layiq idi. İlk oyunda şanslarımızı daha yaxşı dəyərləndirdik. Düzdür, rəqibin penaltisi verilsəydi, bəlkə fərqli olardı. Amma ümumi baxanda, hər iki oyunda başabaş mübarizə getdi. Şükürlər olsun ki, bu dəfə biz daha şanslı olduq.

– Finaldakı rəqibiniz sabah bilinəcək. “Qarabağ”la bu mövsüm başabaş oyunlarınız olub. “Sabah”dan isə daha təcrübəlisiniz. Hansı rəqib daha uyğun olar?
– Hansısa rəqibi arzulamaq olmur. İmkan olsa, heç biriylə oynamazdıq. Həqiqətən də, “Qarabağ” kimi titullu komanda var, “Sabah” isə bu il çempionluğa çox yaxındır, ötən il kuboku qazanıb. Finala kim çıxsa, iddialı olacaq. Kimlərisə arzulamaq ürəyimdən keçmir. Xeyirlisi nədirsə, o olsun.

– Rəqib klubun rəhbəri Ehtiram Quliyevin ilk oyundan sonrakı açıqlaması sizə necə təsir etdi?
– Məyus oldum. Hakimləri mən də tənqid edərdim, haqlı  hesab edirəm. Səhv varsa, tənqid də normaldır. Lakin bəzi açıqlamalar var ki, insanı məyus edir. Bilmirəm, bəlkə, həddindən artıq emosional olub. Yəqin, bir az vaxt keçəndən sonra özü də məyusluq hissi keçirib.

– Qarşıda Tovuz səfəri var. Orda sizə qarşı təxribat çox olur. Səbəb nədir?
– Evimə gedirəm. Köhnə azarkeşlər də bilir ki, Tovuza ilk transferimdə üç ay oynaya bilmədim. Fuad Musayev o vaxt bildirmişdi ki, “Şəfa”da oynamalıyam, gənc, perspektivli futbolçuyam. Lakin mən Tovuzda qalmaq istədim, şəhəri və azarkeşləri çox sevdim. Üç ay sonra oynamağa başladım. Uğurlu karyeram da oradan formalaşdı. Milliyə düşdüm, sonra “Neftçi”yə keçdim. O komandanın, şəhərin mənə etdiyi yaxşılıqları unuda bilmərəm.

Azarkeşlərin şüarlarına gəlincə, araşdırma apardım və başa düşdüm ki, mənə niyə məyus olublar… “Şamaxı” – “Turan Tovuz” oyununda (0:0) 75-ci dəqiqədə penalti epizodu yaşanıb. Həmin vaxt matçı tribunadan izləyirdim. “Sky Box”a keçib, hər iki klubun rəhbərliyi ilə görüşdüm.

Stadiona getməyimin səbəbi oyunu analiz etməkdir. Yanımda azarkeşlər var idi və bizim tribunada nə danışdığımı eşitmirlər. Deyirlər ki, mən penalti qərarına sevinmişəm. Amma həmin an hər iki tərəfə demişəm ki, penalti yoxdur, VAR-a baxılacaq və penalti qərarı geri götürüləcək. Lakin “Turan Tovuz”un azarkeşləri etiraz edirdi ki, Rəşad penaltiyə sevinib. Amma mən sevinməmişdim. Bilmirəm ki, kim onlara çatdırıb ki, Rəşad onların uğursuzluğuna sevinib.

26 il əvvəl “Turan”da oynamışam. Bir çox insan məni tovuzlu kimi tanıyır. Amma indi o azarkeşləri kim yanlış istiqamətləndiribsə, düz etməyib. Sevinsəydim, deyərdim ola bilər, tənqidləriniz normaldır. Amma mümkün deyil belə şey olsun. Hansısa rəqibin oyununda verilən hansısa qərara sevinmirəm. Heç kim deyə bilməz ki, Rəşad emosional reaksiya verib. Bu gün də etirazları gördüm. Yenə də haqqımı halal edirəm.

– Ola bilər ki, bu açıqlamadan sonra etirazlar səngisin?
– Buna görə etmirəm. Bilsinlər ki, mən həmişə “Turan Tovuz”u diqqətdə saxlamışam. Legionerlərlə ora səfərə gedəndə deyirəm ki, bura mənim evimdir. Öz karyeramla bağlı onlara danışmışam. İndi səslənən fikirlər məni məyus edir. Ola bilsin, yanlış anlaşılma var.

– “Qarabağ”ın bugünkü durumu ortadadır. Baş məşqçi Qurban Qurbanov da etiraf edir ki, yorğunluq var, futbolçuların fikirləri fərqli yerdədir. Siz də bu komandada olmusunuz. Situasiya ilə bağlı nə düşünürsünüz?
– Finala kim çıxsa, istəkli olacaq. Kubok üçün son addımdır. “Qarabağ”ın pis durumda olduğunu düşünmürük. Finalda çox məsələ həll olunacaq. Mən rəqib seçmirəm, xeyirlisi nədirsə, o olsun. Bu il “Sabah”la “Qarabağ” arasındakı oyunları böyük həvəslə gözləyirəm. Əvvəl “Neftçi” – “Qarabağ” duellərinə maraq böyük idi. İndi “Sabah” da bu sıraya qoşulub. Oyunların keyfiyyəti fərqli olur. Matça baxanda zövq alırsan. Sabahkı oyunu da azarkeş kimi səbirsizliklə gözləyirəm.

– Elvin Cəfərquliyev cəzalandırılıb. Düşünmürsünüz ki, futbolçular parlayan dönəmlərdə səhvlər edir. Sizcə, onlar üçün psixoloq lazımdır? Sanki “ulduz xəstəliyi”ndən əziyyət çəkirlər…
– Bilmirəm problem nədədir. Mən də gənc olmuşam, mənim də səhvlərim olub. İndi kiminsə səhvləri barədə danışmaq istəmirəm. İstərdim ki, yerli futbolçular daha motivasiyalı olsunlar. Potensialları var. Çempionlar Liqasında güclü rəqiblərə qarşı oynayıblar. Çalışıb, bu uğurları düzgün balanslarşdırmaq lazımdır. Mütləq şəkildə bu balans qorunmalıdır.

– “Zirə”nin lehinə verilən yanlış qərarlar komanda haqda xoş olmayan fikirlər yaradır. Bu, sizə necə təsir edir?
– Səhv etmirəmsə, əsas etiraz “Turan Tovuz”la kubok oyununda olub. Bir də “Neftçi” ilə matçda. Bəli, hər üç epizod mübahisəyə açıqdır. “Neftçi” ilə oyundan sonra baxdım və düşündüm ki, ofsayd yoxdur. Lakin təkrarı izlədikdən sonra gördüm ki, Ruana görə qapıçı topu görmür. Biz də bildik ki, ofsayddır. Belə qərarlar mənə də xoş deyil. Hamı bilir ki, biz də uzun müddət hakimlikdən əziyyət çəkmişik. Azı 40 epizod göstərərəm ki, bizə qarşı olub. Bəlkə, həmin səhvlər bizi turnir cədvəlində fərqli yerə salıb. Səhv olub, bunu etiraf edirəm. Amma xeyrimizə və əleyhimizə olan səhvlərə baxsaq, fərq böyükdür. İstəmərəm ki, oyunlarımızda belə səhvlər olsun. Biləndə ki, “Neftçi” ilə oyundakı qol səhvdir, məyus oldum, 2-3 gün özümü yaxşı hiss etmədim. Həmin anın onlar üçün də necə məyusedici olduğunu başa düşürəm.

Şahin Cəfərov

Azərbaycan Kubokunun yarımfinal mərhələsinin “Zirə” – “Turan Tovuz” oyunundan (0:0) sonra qonaq komandanın məşqçisi Yunis Hüseynov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:

– Hər iki komanda finala yüksəlmək istəyirdi. Bu gün daha üstün oynayan tərəf biz idik. İlk oyunda haqqımızı yedilər. Məncə, finala biz çıxmalı idik. Ötən matçdakı səhvlərə görə yarımfinalda dayandıq. Bu gün də qolumuzu ləğv etdilər. Anlamıram, niyə hər dəfə biz qol vuranda VAR-a baxılır? Futbolçularımızın haqqı yeyildi. Finala layiq olan biz idik.

– Geridönüş üçün daha effektiv oyun gözlənilirdi. Bu gün epizodlara da çox girə bilmədiniz. Oyun alınmadı, ya ilk matçdakı psixoloji zərbənin təsiri var idi?
– Psixoloji təsirlər var idi, bunu danmıram. Ötən oyunda iki penalti epizodu oldu, rəqibin oyunçusuna isə qırmızı vərəqə göstərilmədi. Bugünkü matça da pis hazırlaşmamışdıq. “Zirə”nin 2:0 üstünlüyü var idi və müdafiədə qalıb, əks-hücumlara köklənmişdilər. Buna baxmayaraq, biz pis təsir bağışlamadıq. İlk hissədə qol vura bilsəydik, ardı gələcəkdi. Birinci yarıda imkanlardan istifadə etsəydik, oyunun gedişi fərqli olardı. Bu gün “Zirə” əsasən müdafiə olunmağa üstünlük verdi.

– Bugünkü oyunun idarəçiliyindən razı qaldınız?
– Narazı deyiləm, amma qol epizoduna baxmamışam. VAR-a baxıb, qolumuzu sildilər. Amma məncə, qol təmiz idi.

– Mövsümün əvvəlində klub rəhbəri Ehtiram Quliyev bildirmişdi ki, hədəf kubokdur. Yarımfinalda dayandınız. İndi çempionatda ikinciliyə yüksəlməyi hədəfləyirsiniz?
– İstəyirdik ki, titul qazanaq, amma alınmadı. Çempionatda çətin oyunlar bizi gözləyir. Növbəti matçlarda qələbə qazanmağa çalışacağıq. İnşallah, yaxşı yerlərdən birini tutacağıq.

Şahin Cəfərov

AFFA U-14 Liqasında pley-off mərhələsinin püşkü atılıb.

Futbolpress.az xəbər verir ki, AFFA-nın inzibati binasında baş tutan tədbirdə 1/8 final mərhələsinin cütləri müəyyənləşib.

Həmçinin, iştirakçı komandaların 1/4 və yarımfinaldakı potensial rəqibləri də bəlli olub.

U-14 Liqası, 1/8 final
“Neftçi” – “Araz Saatlı”
“Qarabağ” – “Baku Sportinq”
“UGİM Naxçıvan” – “Şamaxı”
“Astara” – “Ulduz” FA
“Metak” – “Gəncə”
“Turan Tovuz” – “Qəbələ”
“Sumqayıt” – “Şimal” RFF
“Sabah” – “Sumqayıt City”

Qeyd edək ki, 1/8 final mərhələsinin ilk oyunları aprelin 25-26-da, cavab görüşləri isə ayın 28-29-da keçiriləcək.

İtaliyalı keçmiş müdafiəçi Leonardo Bonuççi “İnter”in futbolçusu Alessandro Bastoni haqda açıqlama verib.

Futbolpress.az xəbər verir ki, mütəxəssis yerli mətbuata açıqlamasında müdafiəçinin adının “Barselona” ilə hallanmasına münasibət bildirib.

“Bastoninin futbolçu profili “Barselona”ya çox uyğundur. Çünki o, yüksək texniki bacarıqlara sahibdir və əla müdafiəçidir”.

İtaliya mətbuatının xəbərinə görə, Bastoni yayda “Barselona”ya keçəcək. Tərəflər arasında şifahi razılığın əldə olunduğu bildirilir.

Türkiyənin “Qaziantep” klubunun yeni baş məşqçisi məlum olub.

Futbolpress.az xəbər verir ki, Super Liqa təmsilçisinin “sükanı” Mirel Radoya tapşırılıb. Bu barədə Türkiyə mətbuatı məlumat yayıb. 45 yaşlı mütəxəssis bu gecə Qaziantepə gələcək və rəsmi müqaviləyə imza atacaq.

Radoyun son ünvanı FKSB olub.

“Qaziantep” bir neçə gün əvvəl baş məşqçisi Burak Yılmazla yollarını ayırıb.

Azərbaycanın yunan-Roma güləşçisi Həsrət Cəfərov Albaniyanın paytaxtı Tiranada keçirilən Avropa çempionatında finalına yüksəlib.

Futbolpress.az xəbər verir ki, 67 kq çəki dərəcəsində mübarizə aparan Cəfərov yarımfinalda gürcüstanlı rəqibi Dieqo Çxikvadzeyə 4:2 hesabı ilə qalib gəlib.

60 kq-da mübarizə aparan Nihat Məmmədli isə yarımfinalda ermənistanlı Suren Ağacanyana “tuş”la məğlub olub və sabah bürünc medal uğrunda güləşəcək.

“Qalatasaray” “Yuventus”un futbolçusu Temu Koopmeyners ilə maraqlanır.

Futbolpress.az xəbər verir ki, bu barədə İtaliya mətbuatı məlumat yayıb. İstanbul klubu yayda belçikalı yarımmüdafiəçinin transferi üçün Turin təmsilçisi ilə danışıqlara başlamağı planlaşdırır.

Koopmeynerslə İngiltərənin “Mançester Yunayted” klubu da maraqlanır.

28 yaşlı futbolçu bu mövsüm 40 oyunda 2 qol vurub.

“Tottenhem”dən ayrılacağı gözlənilən Kristian Romero karyerasını İspaniyada davam etdirə bilər.

Futbolpress.az xəbər verir ki, “Atletiko” 28 yaşlı müdafiəçinin xidmətində maraqlıdır. Bu barədə İngiltərə mətbuatı məlumat yayıb. Tərəflər arasında danışıqlar yayda başlayacaq.

Romero zədə səbəbindən mövsümün qalan hissəsini buraxacaq. Argentinalı müdafiəçi bu “futbol ili”ndə 23 oyunda 4 qol vurub.

“Kəpəz” akademiyanın üzvləri Raul İsaqov və Şahnur İsmayılov ilə peşəkar müqavilə imzalayıb.

Futbolpress.az xəbər verir ki, bu barədə klubun mətbuat xidməti məlumat yayıb. Hər iki futbolçu ilə 2029-cu ilin yayına qədər müqavilə bağlanıb.

16 yaşlı Raul hücuma meyilli yarımmüdafiəçi kimi çıxış edir. 19 yaşlı Şahnur isə yarımmüdafiə xəttində oynayır. İsaqov U-17, U-19 və əvəzedicilər, İsmayılov U-19 və əvəzedicilərdən ibarət komandada çıxış edir.

“Zirə” Azərbaycan Kubokunun yarımfinal mərhələsinin cavab oyununda bu gün “Turan Tovuz”la qarşılaşacaq.

Futbolpress.az xəbər verir ki, saat 19:00-da start götürəcək oyuna komandalar aşağıdakı heyətlə çıxacaq:

Zirə: 97. Tyaqo Silva, 32. Qismət Alıyev (k), 26. Stefan Akka, 4. Ruan Renato, 9. Davit Volkov, 28. Leroy Mikels, 30. Rikardo Martins, 20. İssa Cibrilla, 93. Brahim Konate, 5. Ange Mutsinzi, 17. Ayron Qomis.
Ehtiyat oyunçular: 13. Aydın Bayramov, 41. Anar Nəzirov, 73. Anatoli Nuriyev, 21. Hacıağa Hacılı, 8. İsmayıl İbrahimli, 7. Rövlan Muradov, 14. Elçin Əlicanov, 29. Ceyhun Nuriyev, 25. Enrike Kustodio, 10. Georgi Papunaşvili, 11. Junior Martins, 22. Eren Aydın.
Baş məşqçi: Rəşad Sadıqov.

Turan Tovuz: 1. Oleq Baklov, 17. Rəhim Sadıxov, 10. Xəyal Nəcəfov, 23. Alexandro Serrano, 90. Joarlem Santos, 99. İbrahima Vadji, 15. Emmanuel Hakman (k), 32. Hayderson Hurtado, 7. Xorxe Silva, 19. Roberto Olabe, 2. Mark Rene Mampassi.
Ehtiyat oyunçular: 41. Sergey Samok, 13. Mehman Hacıyev, 29. Filip Ozobiç, 4. Şəhriyar Əliyev, 88. Faiq Hacıyev, 11. Ayxan Hüseynov, 6. Fərid Yusifli, 3. Enrike Silva, 9. Coş Cinnelli, 8. David Tavares.
Məşqçi: Yunis Hüseynov.

“Napoli” futbolçusu Romelu Lukakunu cərimələyib.

Futbolpress.az xəbər verir ki, bu barədə İtaliya mətbuatı məlumat yayıb. Hücumçu klubun daxili qaydalarını pozduğu üçün 150 min avro məbləğində cərimələnib.

Lukaku ötən ay milli komandaların oyunlarına görə yaranan fasilədə Belçikaya gedib və orda fərdi məşqlər edib. Klub onu geri çağırsa da, o, vaxtında İtaliyaya dönməyib.

Lukaku bu mövsüm A Seriyasında 5 oyunda 1 qol vurub. Onun yayda klubdan ayrılacağı gözlənilir.

“Turan Tovuz” Azərbaycan Kubokunun yarımfinal mərhələsinin cavab oyununda bu gün “Zirə” ilə qarşılaşacaq.

Futbolpress.az xəbər verir ki, Tovuz təmsilçisi görüşə itki ilə çıxacaq. Müdafiəçi Roderik Miller zədə səbəbindən oyunu buraxacaq.

Matç saat 19:00-da start götürəcək.

Komandalar arasındakı ilk oyunda “Zirə” qələbə qazanıb – 2:0.

“Real”ın futbolçusu Orelyen Çuameni karyerasını İngiltərədə davam etdirə bilər.

Futbolpress.az xəbər verir ki, “Mançester Yunayted” fransalı yarımmüdafiəçinin xidmətində maraqlıdır. Bu barədə “The Telegraph” nəşri məlumat yayıb. “Qırmızı şeytanlar” yayda komandadan ayrılacağı açıqlanan Kazemironun əvəzinə Çuamenini transfer etmək niyyətindədir.

Yarımmüdafiəçi bu mövsüm 44 oyunda 2 qol vurub, 2 məhsuldar ötürmə edib.

24-26 aprel tarixlərində İtaliyada akademik avarçəkmə üzrə “Paolo De Aloya” xatirə turniri keçiriləcək.

Futbolpress.az xəbər verir ki, nüfuzlu beynəlxalq yarışda Azərbaycan Su İdman Növləri Federasiyası Volodimir Morozovun məşqçiliyi ilə 3 nəfərlik heyətlə mübarizə aparacaq.

Komandamızın heyətində perspektivli idmançılar olan Azər İlyasov, Ziya Məmmədzadə və Nurlan Paşayev mükafatçılar sırasına düşməyə çalışacaq.

“Sabah” Azərbaycan Kubokunun yarımfinal mərhələsinin oyununda sabah “Qarabağ”la qarşılaşacaq.

Futbolpress.az xəbər verir ki, “bayquşlar”ın hücumçusu Coy-Lens Mikelsin matçda iştirakı sual altındadır. Çempionatda “Qarabağ”la oyunda zədələnən forvardın durumuna sabah aydınlıq gələcək.

Komandanın digər hücumçusu Pavol Şafranko da görüşü buraxacaq. Uzun müddətdir, zədəli olan slovakiyalı futbolçu hələ fərdi məşq edir.

Sabah keçiriləcək “Sabah” – “Qarabağ” oyununa saat 20:00-da start veriləcək. Komandalar arasındakı ilk oyunda qalib müəyyənləşməyib – 2:2.

Cüdo üzrə veteranlar arasında Azərbaycan çempionatı keçirilib.

Futbolpress.az xəbər verir ki, Abşeron Olimpiya Kompleksində baş tutan yarışda 36 klub və idman cəmiyyətindən 103 usta cüdoçu mübarizə aparıb.

Qeyd edək ki, ölkə çempionatı Gənclər və İdman Nazirliyi, Azərbaycan Cüdo Federasiyası və İdman Veteranları İctimai Birliyinin birgə təşkilatçılığı ilə reallaşıb.

Nəticələri təqdim edirik:

Kişilər
M-1 və M-2 yaş kateqoriyaları üzrə

-60 kq
1. Elşən Dünyamalıyev, M-1 (Umbayev Sport Klub)
2. Musa Əhmədli, M-2 (Neftçi İK)
3. Vaqif İsmayılov, M-1 (Quba CİK)
3. Elşən Allahverdiyev, M-1 (İstək İK)
-66 kq
1. Sadıx Məhərrəmov, M-1 (RKİM)
2. Xəyal Zaliyev, M-2 (Neftçi Sumqayıt)
3. Mirelturan Seyidi, M-1 (FHN)
3. Elbrus Zamanov, M-1 (Qusar)
-73 kq
1. Ruslan Hacıyev, M-1 (Turan İK)
2. Fariz Səfərov, M-1 (Mingəçevir UGİM)
3. Heydər Quliyev, M-1 (Maştağa İK)
3. Nurlan Şeydəbəyov, M-1 (Balaxanı İM)
-81 kq
1. Asim Qulamzadə, M-1 (Aydın Gənclər İK)
2. Natiq Sariyev, M-1 (Fəxri İK Qaradağ)
3. Sahib Əskərov, M-1 (Bakı şəhəri 13 nömrəli İOEUGİM PHŞ)
3. Hüseyn Heydərov, M-1 (Quba CİK)
-90 kq
1. Coşqun Abdullayev, M-1 (Şabran)
2. Orxan Əskərzadə, M-2 (Kano PİK)
3. Anar Yusifov, M-1 (DİN İC)
3. Mahir Abbasov, M-1 (Judo Club 2012)
-100 kq
1. Elçin Məmmədov, M-2 (Uğur İK Sumqayıt)
2. Rəşad Soltanov, M-1 (DİN İC)
+100 kq
1. Qurban Məmmədli, M-2 (Judo Club 2012)
2. Araz Mehrəliyev, M-1 (DİN İC)
M-2 və M-3 yaş kateqoriyaları üzrə
-60 kq
1. Babək Hacıyev, M-4 (Judo Club 2012)
2. Mənsur Abbasov, M-3 (Yevlax)
3. Elşən Kərimov, M-4 (Uğur İK Sumqayıt)
3. Əli Həsənov, M-3 (Judo Club 2012)
-66 kq
1. Vüqar Babayev, M-3 (Neftçi İK)
2. Qadir İsgəndərov, M-3 (Abşeron OİK)
3. Vüsal Kərimov, M-3 (Uğur İK Sumqayıt)
3. Babək Hüseynov, M-3 (Qusar)
-73 kq
1. İlqar Əliheydərov, M-4 (Neftçi İK)
2. Şıxrəcəb Şıxmuradov, M-3 (Qusar)
3. Emil Qurbanov, M-3 (DİN İC)
3. Elnur Əhmədov, M-4 (RKİM Sumqayıt)
-81 kq
1. Azər Fətullayev, M-3 (DİN İC)
2. Anar Ağayev, M-4 (Uğur İK Sumqayıt)
3. Emil Səmədov, M-3 (Kanokan-TT İK)
-90 kq
1. Hikmət Cəbiyev, M-3 (DİN İC)
2. Oqtay Paşayev, M-3 (DİN İC)
3. Xəqani Kazımov, M-4 (Judo Club 2012)
3. Heydər Əliheydərov, M-3 (Neftçi İK)
-100 kq
1. Emil Hüseynov, M-4 (Uğur İK Sumqayıt)
2. Valeriy Fomin, M-4 (Judo Club 2012)
3. İlqar Ağarəhimov, M-3 (Kanokan-TT İK)
3. Ramil Aslanov, M-3 (Sərhədçi İM)
+100 kq
1. Pərviz Şahbazov, M-4 (Uğur İK Sumqayıt)
2. Elşən Paşayev, M-3 (Kanokan-TT İK)
M-5, M-6 və M-7 yaş kateqoriyaları üzrə
-66 kq
1. Sultan Ağagülov, M-6 (Boz Oğuz İK)
2. Filman Şabiyev, M-5 (DİN İC)
-81 kq
1. Anar Xəlilov, M-5 (Bakı Cüdo Klubu)
2. Natiq Pircanov, M-6 (DİN İC)
-90 kq
1. Emin Həsənov, M-5 (Atilla İK)
2. Əyyub Hüseynov, M-5 (Metallurq Gəncə)
3. Araz Umarov, M-6 (Oğuz)
3. Nazim Əliyev, M-7 (A.A.A.B.M.)
+100 kq
1. Vüqar Bağırlı, M-5 (Judo Club 2012)
2. Tağı Tağızadə, M-6 (Spartak Wrestle Zone)

M-8 yaş kateqoriyası üzrə
-66 kq
1. Çingiz Təhməzov (Boz Oğuz İK)

Qəbələdə təlim-məşq toplanışında olan 20 yaşadək futbolçulardan ibarət Azərbaycan milli komandasının heyətində dəyişiklik baş verib.

Futbolpress.az xəbər verir ki, “Sabah”ın futbolçusu Şahin İbrahimov zədə səbəbindən millinin düşərgəsindən ayrılıb.

Qeyd edək ki, U-20 aprelin 26-dək Qəbələdə hazırlıq keçəcək.

“Çelsi”nin baş məşqçisi Liam Rosenyor açıqlama verib.

Futbolpress.az xəbər verir ki, İngiltərə mətbuatına danışan mütəxəssis klubdakı taleyinə toxunub:

“Rəhbərlik mənə dəstək olur. Son dörd oyunumuzu uduzmuşuq. Klubla uzunmüddətli bir layihə düşünmüşük. Düzdür, onlar mənə inanır, ancaq indiki məqamda qarşıdakı oyunlarda yaxşı nəticə əldə etməliyik. Bütün məsuliyyət məndədir”.

“Çelsi” Premyer Liqada 48 xalla 6-cı sıradadır.

“Zirə” Azərbaycan Kubokunun yarımfinal mərhələsinin cavab oyununda bu gün “Turan Tovuz”u qəbul edəcək.

Futbolpress.az xəbər verir ki, “qartallar”ın futbolçusu Rüfət Abdullazadə zədə səbəbindən görüşü buraxacaq.

Matç saat 19:00-da start götürəcək.

Komandalar arasındakı ilk oyunda “Zirə” qələbə qazanıb – 2:0.

“Azərlotereya” ASC-nin sponsoru olduğu “DH Volley” (“Demirören Holdinq”) komandası qadın voleybolçuların Azərbaycan Yüksək Liqasının final mərhələsində uğurla çıxış edərək gümüş medal qazanıb.

Futbolpress.az xəbər verir ki, qısa müddətdə formalaşmasına baxmayaraq komandanın əldə etdiyi bu nəticə sistemli hazırlıq, güclü komanda ruhu və davamlı dəstəyin uğurlu vəhdəti kimi qiymətləndirilir.

Final qarşılaşması Azərbaycan Respublikasının Gənclər və İdman Nazirliyinin Voleybol Mərkəzində keçirilib. Qızıl medal uğrunda keçirilən oyunda “DH Volley” komandası “Turan” komandası ilə üz-üzə gəlib. Gərgin mübarizə şəraitində keçən qarşılaşmanın nəticəsində “Turan” birinci yerə layiq görülüb, “DH Volley” ikinci yeri tutaraq gümüş medal qazanıb. Bürünc medala isə “Gəncə” komandası sahib olub.

Mükafatlandırma mərasimində Gənclər və İdman naziri Fərid Qayıbov, Dövlət Gömrük Komitəsinin sədri, Azərbaycan Voleybol Federasiyasının (AVF) prezidenti Şahin Bağırov, “Demirören Holdinq” qrupu İdarə Heyətinin sədri Yıldırım Demirören və digər rəsmi şəxslər iştirak ediblər.

Qaliblərə medal və kuboklar təqdim edilib, həmçinin liqanın ən yaxşı oyunçuları və rəmzi komandası açıqlanıb. Qadın voleybolçular arasında Yüksək Liqada fərqlənən oyunçular arasında “DH Volley”in üzvləri də yer alıb. “Ən yaxşı toppaylayıcı” Natalia Gajewska, “Ən yaxşı hücumçu” Alla Alekumova, “Ən yaxşı diaqonal oyunçu” isə Katerina Jidkova seçilib.

AVF prezidenti Şahin Bağırov Yüksək Liqada çıxış edən bütün idmançılara, Gənclər və İdman Nazirliyinə, eləcə də aidiyyəti qurumlara, azarkeşlərə, media nümayəndələrinə və sponsorlara, xüsusilə də “Demirören Holdinq” qrupu İdarə Heyətinin sədri Yıldırım Demirörenə Azərbaycan voleyboluna verilən böyük töhfəyə görə təşəkkür edib.

Mükafatlandırma mərasimində “Demirören Holdinq” qrupu İdarə Heyətinin sədri Yıldırım Demirören də “DH Volley” üzvlərini bu böyük uğur münasibətilə təbrik edərək qısa müddətdə əldə edilən müvəffəqiyyətin böyük zəhmətin və məqsədyönlü fəaliyyətin nəticəsi olduğunu bildirib.

Gələcək mövsümlərdə daha böyük uğurları hədəfləyən “DH Volley” komandası “Azərlotereya”nın sponsorluğu ilə yaradılıb. “Azərlotereya” gənclərin idmana və sağlam həyat tərzinə təşviqi, eləcə də müxtəlif idman növlərinin inkişafı istiqamətində bir sıra təşəbbüsləri dəstəkləyir. Şirkət “Misli Premyer Liqası” başda olmaqla futbol, voleybol və basketbol kimi idman növləri üzrə müxtəlif layihələr reallaşdırır. Bu çərçivədə şirkət ölkə voleybolunun inkişafına da töhfə verir.

Şirkət 2021-ci ildən “Demirören Holdinq”in idarəetməsinə verilib. Fəaliyyət göstərdiyi ölkələrdə idmanın inkişafına xüsusi diqqət ayıran “Demirören Holdinq” xüsusilə voleybolun dəstəklənməsi istiqamətində müxtəlif təşəbbüslərlə çıxış edir. “DH Volley” komandasının əldə etdiyi uğur da bu dəstəyin və idmana yönəlmiş strategiyanın nəticələrindən biri kimi yüksək qiymətləndirilir.

“Kəpəz” Misli Premyer Liqasında son üç oyunu uduzub. Bölgə təmsilçisində baş məşqçi Azər Bağırovla yayda yolların ayrılacağı xəbərləri dolaşır.

Mövzu ilə bağlı komandanın baş məşqçisi Azər Bağırovla danışdıq:

– “Qarabağ” kimi komandaya qalib gələndən sonra son məğlubiyyətlər əsas nədən qaynaqlanır?
– “Qarabağ” kimi komandaya qalib gəlmək nə qədər çətindirsə, bu qələbənin psixoloji baryerini adlamaq ondan da çətindir. Düşünürəm ki, bunun müəyyən təsirləri ola bilər. Amma artıq üçüncü oyundur. Birinci matçı psixoloji amillə izah etmək olar, amma digər görüşlərdə oyunçu çatışmazlığı və  diqqətsizlik özünü göstərdi. Ən öməli məqam isə odur ki, bu gün “Kəpəz” 6-7 legionerdən ibarət komandadır. Digər bütün klublarda 11-12 legioner var və əvəzetmələrlə heyəti gücləndirirlər. Bizdə isə legionerləri yerli futbolçular əvəz edir.

– ⁠”Kəpəz”dən ayrılacağınız ilə bağlı xəbərlər dolaşır.
– Ayrılıq məsələsi gündəmdə deyil. “Kəpəz”də işimiz var və mövsümün sonuna qədər bunu yekunlaşdırmalıyıq. Zaman göstərəcək. Rəhbərliklə danışığımız olub, inşallah, hər şey müsbətə doğru inkişaf edər.

– Bu cür xəbərlər komandaya necə təsir edir?
– Futbol insan faktorudur. Klub ətrafında yayılan mənfi xəbərlər, reaksiyalar oyunumuza təsir göstərə bilər. Yəni, futbolçularda emosional eniş qaçılmazdır. İnanıram ki, bunun öhdəsindən gələcəyik. Qarşımıza qoyulan hədəfləri isə yerinə yetirəcəyik.

Kamil Əhməd

PSJ ciddi itki ilə üzləşib.

Futbolpress.az xəbər verir ki, komandanın yarımmüdafiəçisi Vitinya zədələnib. Bu barədə klubun mətbuat xidməti məlumat yayıb. Futbolçunun bərpa müddəti açıqlanmayıb.

Vitinya Fransa Liqa 1-də “Lion”la matçda (1:2) zədə alıb.

Yarımmüdafiəçi bu mövsüm 45 oyunda 7 qol vurub, 10 məhsuldar ötürmə edib.

“Mançester Yunayted”in futbolçusu Brunu Fernandeş açıqlama verib.

Futbolpress.az “TNT Sports”a istinadən xəbər verir ki, yarımmüdafiəçi komandanın hədəflərindən danışıb:

“Lids”lə oyundakı məğlubiyyətdən sonra geridönüş etməliydik. “Çelsi” səfərinin çətin olacağını bilirdik, amma çox mühüm qələbə qazandıq. Hədəfimiz “dördlük”də yer almaqdır. Qarşıdakı hər oyunun əhəmiyyəti böyükdür”.

“Mançester Yunayted” 33 turdan sonra 58 xalla 3-cü sıradadır.

Azərbaycan Üzgüçülük Federasiyası (ASF) bədii üzgüçülük üzrə məşqçi Yekaterina Matviyenko ilə əməkdaşlığa start verib.

Futbolpress.az xəbər verir ki, bədii üzgüçülük üzrə idman ustası müxtəlif illərdə Ukrayna, Misir və Rusiyada məşqçi kimi çalışıb, o cümlədən Misirin Olimpiya və yeniyetmələrdən ibarət bədii üzgüçülük üzrə milli komandalarında fəaliyyət göstərib.

Son illərdə Krasnodar şəhərində bədii üzgüçülük klubunun baş məşqçisi olmuş mütəxəssis ASF-nin rəsmi saytına açıqlamasında fikirlərini bölüşüb:

“Mən dünyanın ən güclü bədii üzgüçülük ənənələrindən birinə malik olan Rusiya məktəbini təmsil edirəm və məqsədim qazandığım zəngin təcrübəni Azərbaycanda tətbiq edərək həm Bakıda, həm də regionlarda bədii üzgüçülüyün texniki bazasının möhkəmlənməsinə, peşəkar inkişafına və kütləviləşməsinə töhfə verməkdir”.

AFFA İntizam Komitəsinin iclası keçirilib.

Futbolpress.az xəbər verir ki, toplantıda Misli Premyer Liqasının XXVIII turunun oyunları ilə bağlı aşağıdakı qərarlar verilib:

17 aprel 2026-cı il tarixində Misli Premyer Liqasında XXVIII turun “Araz-Naxçıvan” – “Turan Tovuz” oyunu bitdikdən sonra meydançaya kənar şəxslər daxil olduğuna və bu hal cari mövsümdə 2-ci dəfə təkrarlandığına görə “Araz-Naxçıvan” komandası 5000 manat cərimə edilsin (maddə 86.3);

17 aprel 2026-cı il tarixində Misli Premyer Liqasında XXVIII turun “Araz-Naxçıvan” – “Turan Tovuz” oyununda “Turan Tovuz” komandasında 5 nəfər sarı vərəqə aldığı üçün “Turan Tovuz” komandası 700 manat cərimə edilsin (maddə 43.1);

18 aprel 2026-cı il tarixində Misli Premyer Liqasında XXVIII turun “Karvan-Yevlax” – “Şamaxı” oyununda təşkilati-texniki öhdəliklər (mətbuat konfransı otağı düzgün təşkil edilməyib) pozulduğuna görə “Karvan-Yevlax” komandası 1000 manat cərimə edilsin (maddə 68);

18 aprel 2026-cı il tarixində Misli Premyer Liqasında XXVIII turun “Qarabağ” – “Sabah” oyunu başa çatdıqdan sonra “Qarabağ” komandasının azarkeşləri olan sektordan meydançaya kənar şəxslər daxil olduğuna və bu hal cari mövsümdə 2-ci dəfə təkrarlandığına görə “Qarabağ” komandası 5000 manat cərimə edilsin (maddə 86.3);

18 aprel 2026-cı il tarixində Misli Premyer Liqasında XXVIII turun “Qarabağ” – “Sabah” oyununda “Sabah” komandasında 6 nəfər sarı vərəqə aldığı üçün “Sabah” komandası 700 manat cərimə edilsin (maddə 43.1);

18 aprel 2026-cı il tarixində Misli Premyer Liqasında XXVIII turun “Qarabağ” – “Sabah” oyununun 47-ci dəqiqəsində “Sabah” komandasının 6 nömrəli futbolçusu Abdulax Xaybulayev ciddi qayda pozuntusuna görə birbaşa qırmızı vərəqə aldığı üçün 2 oyun oyuna buraxılmasın, “Sabah” komandası 1000 manat cərimə edilsin (maddə 44.1);

18 aprel 2026-cı il tarixində Misli Premyer Liqasında XXVIII turun “Qarabağ” – “Sabah” oyunu başa çatdıqdan sonra “Sabah” komandasının azarkeşləri olan sektordan meydançaya kənar şəxslər daxil olduğuna və bu hal cari mövsümdə 2-ci dəfə təkrarlandığına görə “Sabah” komandası 5000 manat cərimə edilsin (maddə 86.3, 86.9);

19 aprel 2026-cı il tarixində Misli Premyer Liqasında XXVIII turun “Kəpəz” – “İmişli” oyununda “Kəpəz” komandasında 4 nəfər sarı vərəqə aldığı üçün “Kəpəz” komandası 700 manat cərimə edilsin (maddə 43.1);

AFFA İntizam Komitəsi “Neftçi” klubunu böyük məbləğdə cərimələyib.

Futbolpress.az xəbər verir ki, “ağ-qaralar” Misli Premyer Liqasında “Zirə” ilə matçda (1:1) yaşananlara görə ümumilikdə 26 min 200 manat məbləğində cəzalanıb:

17 aprel 2026-cı il tarixində Misli Premyer Liqasında XXVIII turun “Zirə” – “Neftçi” oyununda “Zirə” komandasında 5 nəfər sarı vərəqə aldığı üçün “Zirə” komandası 700 manat cərimə edilsin (maddə 43.1);

17 aprel 2026-cı il tarixində Misli Premyer Liqasında XXVIII turun “Zirə” – “Neftçi” oyununun 90+6-cı dəqiqəsində “Zirə” komandasının məşqçisi Ağabala Ramazanov texniki zona qaydalarını pozduğuna görə birbaşa qırmızı vərəqə aldığı üçün 1 oyun oyuna buraxılmasın, “Zirə” komandası 2000 manat cərimə edilsin (maddə 47.2);

17 aprel 2026-cı il tarixində Misli Premyer Liqasında XXVIII turun “Zirə” – “Neftçi” oyunu bitdikdən sonra stadion ərazisində hakimə məxsus avtomobilə zərər vurulduğuna və bu hal cari mövsümdə ilk dəfə yaşandığına görə “Zirə” komandası 3000 manat cərimə edilsin. Dəymiş zərər “Zirə” komandası tərəfindən qarşılansın (maddə 86.3);

17 aprel 2026-cı il tarixində Misli Premyer Liqasında XXVIII turun “Zirə” – “Neftçi” oyununda “Neftçi” komandasında 5 nəfər sarı vərəqə aldığı üçün “Neftçi” komandası 700 manat cərimə edilsin (maddə 43.1);

17 aprel 2026-cı il tarixində Misli Premyer Liqasında XXVIII turun “Zirə” – “Neftçi” oyununun 90+8-ci dəqiqəsində “Neftçi” komandasının baş məşqçisi Yuri Vernidub hakimin qərarına etiraz etdiyinə görə birbaşa qırmızı vərəqə aldığı üçün 1 oyun oyuna buraxılmasın, “Neftçi” komandası 5000 manat cərimə edilsin (maddə 51.1, 11.3);

17 aprel 2026-cı il tarixində Misli Premyer Liqasında XXVIII turun “Zirə” – “Neftçi” oyunu bitdikdən sonra “Neftçi” komandasının məşqçisi Dmitro Kara Mustafa hakimin qərarına etiraz etdiyinə görə birbaşa qırmızı vərəqə aldığı üçün 1 oyun oyuna buraxılmasın, “Neftçi” komandası 5000 manat cərimə edilsin (maddə 51.1, 11.3);

17 aprel 2026-cı il tarixində Misli Premyer Liqasında XXVIII turun “Zirə” – “Neftçi” oyununun 90+5-ci dəqiqəsində “Neftçi” komandasının 33 nömrəli futbolçusu Breno Almeyda birbaşa qırmızı vərəqə aldığı üçün 1 oyun oyuna buraxılmasın, “Neftçi” komandası 3000 manat cərimə edilsin (maddə 45.1, 11.3);

17 aprel 2026-cı il tarixində Misli Premyer Liqasında XXVIII turun “Zirə” – “Neftçi” oyununda “Neftçi” komandasının azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 7-ci dəfə təkrarlandığına görə “Neftçi” komandası 8000 manat cərimə edilsin (maddə 52.5);

17 aprel 2026-cı il tarixində Misli Premyer Liqasında XXVIII turun “Zirə” – “Neftçi” oyununda “Neftçi” komandasının azarkeşləri tərəfindən meydançaya kənar əşyalar atıldığına və bu hal cari mövsümdə 5-ci dəfə təkrarlandığına görə “Neftçi” komandası 4500 manat cərimə edilsin (maddə 86.3)

“Real”ın sabiq futbolçusu Toni Kroos açıqlama verib.

Futbolpress.az AS nəşrinə istinadən xəbər verir ki, yarımmüdafiəçi karyerasını yenidən bərpa edəcəyi ilə bağlı dolaşan xəbərlərə münasibət bildirib:

“Heç vaxt belə bir fikrim olmayıb. Çünki istədiyim şəkildə ayrılmışam. Futbolçu səhifəmi bağladım. Həmişə düşünürdüm ki, karyeramı ən yaxşı necə bitirə bilərəm və hər şey istədiyim kimi oldu”.

Kroos karyerası ərzində “Bavariya” və “Real”da çıxış edib. 36 yaşlı keçmiş yarımmüdafiəçi 2024-cü ildə “butslarını asıb”.

“Barselona”nın futbolçusu Lamin Yamal açıqlama verib.

Futbolpress.az İspaniya mətbuatına istinadən xəbər verir ki, vinger futbol tarixinin ən yaxşı oyunçusunun Lionel Messi olduğunu deyib:

“Messi bütün dövrlərin ən yaxşı futbolçusudur. Hamı ona hörmət edir. Ümid edirəm ki, mən də onun yolunu davam etdirə biləcəyəm”.

Messi hazırda “İnter Mayami”də çıxış edir.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir:

Rusiya, Premyer Liqa
18:30 Soçi – Krılya Sovetov (Matç Premyer)
20:45 ÇSKA – Rostov (Matç Premyer)

Azərbaycan Kuboku
19:00 Zirə – Turan Tovuz (CBC Sport)

Türkiyə Kuboku
21:30 Konyaspor – Fənərbaxça (ATV – Türkiyə)

İspaniya, La Liqa
21:00 Malyorka – Valensiya (İdman TV)
21:00 Atletik – Osasuna (Futbol 2)
23:30 Real – Alaves (Futbol 2)

İngiltərə, Premyer Liqa
23:00 Brayton – Çelsi (İdman TV)

İtaliya Kuboku
23:00 İnter – Komo (TRT Spor, Futbol 1, Matç TV)

“Zirə” Azərbaycan Kubokunun yarımfinal mərhələsinin cavab oyununda bu gün “Turan Tovuz”u qəbul edəcək. Zirə İdman Kompleksinin stadionunda baş tutacaq görüşə saat 19:00-da start veriləcək.

Komandalar arasındakı ilk matçda “Zirə” qələbə qazanıb – 2:0. “Turan Tovuz” finala adlamaq üçün azı üç top fərqiylə qalib gəlməlidir.

İlk oyunda tovuzluların xeyrinə verilməyən iki penalti bir neçə gün gündəmdə qaldı. Klubun rəhbəri Ehtiram Quliyevin hakimləri sərt tənqid etməsi, azarkeşləri etiraza səsləməsi daha sonra “Turan Tovuz”un 15 min manat cərimələnməsinə səbəb oldu. Oyun ətrafında kifayət qədər gərginlik var. İlk matçdakı hakim səhvlərindən sonra iki top fərqi ilə  geridə olan tovuzlular səfərdə geridönüşə ümid edirlər.

Kurban Berdıyevin yetirmələri bu mövsüm “Zirə”yə bir dəfə qalib gəlib. Fevralda baş tutan Premyer Liqa oyunu “Turan Tovuz”un 2:0 hesablı qələbəsiylə başa çatıb. Çempionatın digər matçında isə qolsuz bərabərlik qeydə alınıb.

“Turan Tovuz” Misli Premyer Liqasının son turunda “Araz-Naxçıvan”a ikinci hissədə üç qol vurub. Ümumiyyətlə, bu mövsüm tovuzlular hücumda daha çox şans yaratsalar da, vurduqları qolların sayı azdır. Ancaq bu gün final arzulayan komanda əlinə düşən hər bir şansdan istifadə etməlidir.

Bölgə təmsilçisi “Zirə”yə sonuncu dəfə 2023-cü ildə üç qol vurub. 2022/23 mövsümünün mayında Zirədə baş tutan çempionat matçında tovuzlular 3:1 hesablı qələbə qazanıb. Bu gün eyni hesab qeydə alınarsa, oyun əlavə vaxta gedəcək.

“Zirə” isə daha rahatdır. Komandanın iki top üstünlüyü var və azarkeşləri önündə “qartallar”ın üç top fərqi ilə məğlub olması inandırıcı görünmür. “Turan Tovuz”un erkən vuracağı qol oyunun seyrini dəyişə bilər.

“Turan Tovuz” çempionatda üçüncü sırada qərarlaşıb və böyük ölçüdə ilk üçlükdə yerini təmin edib. “Zirə” isə dördüncüdür və “Neftçi” ilə avrokuboklara vəsiqə uğrunda mübarizə aparır. Rəşad Sadıqovun yetirmələri üçün kubok yolu daha əlverişli və prestijlidir.

Şahin Cəfərov

“Milan”ın yarımmüdafiəçi Luka Modriç Xorvatiyada ilin ən yaxşı futbolçusu seçilib.

Futbolpress.az xəbər verir ki, bu barədə Xorvatiya Futbol Assosiasiyasının mətbuat xidməti məlumat yayıb. 40 yaşlı futbolçu bu həftə mükafatını alacaq.

Modriç karyerasında 14-cü dəfə ölkəsində ilin futbolçusu seçilib.

Azərbaycan II Liqasında ikinci sırada qərarlaşan “Qaradağ Lökbatan” 100 qol sayını keçib.

Futbolpress.az xəbər verir ki, komanda 23 turda ümumilikdə 105 qol vurub, 17-ni buraxıb. “Qaradağ Lökbatan” bu mövsüm Azərbaycan çempionatlarında ən çox qol vuran komandadır.

Lökbatan təmsilçisi 23 turdan sonra 63 xalla ikinci sıradadır və lider “Xankəndi”dən 3 xal geri qalır.

Müdafiəçi Con Stounz yayda “Mançester Siti”dən ayrılacaq.

Futbolpress.az xəbər verir ki, bu barədə insayder Fabrizio Romano məlumat yayıb. Stounz klubla müddəti başa çatacaq müqaviləni uzatmayacaq.

Con 2016-ci ildən “Mançester Siti”də çıxış edir. 31 yaşlı müdafiəçi bu mövsüm Premyer Liqada 7 oyuna çıxıb.

Daha əvvəl portuqaliyalı yarımmüdafiəçi Bernardu Silvanın klubdan ayrılacağı açıqlanıb.

“Çelsi” 16 yaşlı futbolçu Kalvin Diakite ilə peşəkar müqavilə imzalayıb.

Futbolpress.az xəbər verir ki, bu barədə “zadəganlar”ın mətbuat xidməti məlumat yayıb. London klubu Kalvin ilə müddəti 2028-ci ilin yayına kimi olan sözləşmə imzalayıb.

Diakite “Çelsi”nin U-18 və U-21 komandalarında çıxış edir.

İngiltərə Premyer Liqasını tərk edəcək birinci komanda məlum olub.

Futbolpress.az xəbər verir ki, XXXIII turda “Vest Hem”in “Kristal Pelas”la heç-heçə etməsindən (0:0) sonra 20-ci pillədə yer alan “Vulverhempton”un elitadan düşəcəyi dəqiqləşib.

“Canavarlar” 17 xalla 20-cidir və sona beş tur qalmış hər oyunu qazansa belə, autsayderlər zonasından çıxa bilmir.

“Vulverhempton” yeni mövsümdə Çempionşipdə mübarizə aparacaq.

Bu gün Azərbaycan Kubokunda yarımfinal mərhələsinin cavab oyunlarına start verilib.

Futbolpress.az xəbər verir ki, ilk gündə bir qarşılaşma keçirilib. “Zirə” azarkeşləri önündə “Turan Tovuz”u qəbul edib. Görüş qolsuz bərabərliklə başa çatıb.

İlk oyunda 2:0 hesablı qələbə qazanan “Zirə” finala adlayan tərəf olub.

Azərbaycan Kuboku
Yarımfinal mərhələsi, cavab oyunu

21 aprel

19:00 Zirə – Turan Tovuz 0:0
Baş hakim: Əli Əliyev
Zirə İdman Kompleksinin stadionu
İlk oyun 2:0

Deməli, Rəhim Həsənov deyir ki, İnqilab Məmmədov “Zirə” – “Neftçi” oyununda (1:1) səhv qərar verib.

Hakimlər Komitəsinin sədri bunadək də bir neçə dəfə analoji mövqedə çıxış edib.

Ümumən, De Blekerin HK sədrliyi dövründə əsası qoyulan bu işin məntiqini anlamaq asan deyil.

HK sədri hakimin təqsirkar olduğunu etiraf etdi.

Və?

Səhv qərara görə zərər çəkən komanda bundan nəsə qazanırmı?

Yox.

Bəs bu göstəriş niyə var?

Hakimi cəzalandır, vəssalam da. HK sədri media rolunu niyə oynayır?

Ümumiyyətlə, AFFA bu məsələdə təkmilləşdirmə aparmağı düşünsün. Məsələnin absurdluğu ortada əməlli-başlı oriental oynayır…

HK sədri səhvə “səhvdir” təsdiqi verməkçün deyil, islahat aparmaq, idarə etməkçündür, inkişafa məsuliyyət daşıyır.

İnkişaf isə yenə gizlənib, gözə dəymir.

Kamil Əhməd

“Fənərbağça” Türkiyə Kubokunda “Konyaspor”la 1/4 final oyununa itki ilə çıxacaq.

Futbolpress.az xəbər verir ki, bu barədə klubun mətbuat xidməti məlumat yayıb. Yüngül zədəsi olan Dorgeles Nene matçın iştirak ərizəsində yer almayıb.

Sabah keçiriləcək “Konyaspor” – “Fənərbağça” oyununa saat 21:30-da start veriləcək.

UEFA Gənclər Liqasında mövsümün qalibi məlum olub.

Futbolpress.az xəbər verir ki, final matçında “Brügge” və “Real”ın U-19 komandaları üz-üzə gəlib.

Əsas vaxtı bərabərliklə bitən matçın qalibi penaltilər seriyasında müəyyənləşib. Son zərbələrdə dəqiq olan “Real” çempion adını qazanıb.

Albaniyanın paytaxtı Tiranada güləş üzrə Avropa çempionatına start verilib.

Futbolpress.az xəbər verir ki, ilk yarış günündə 55, 63, 77, 87 və 130 kq-da çıxış edən yunan-Roma güləşçiləri mübarizə aparıb.

Rəşad Məmmədov (55 kq) 1/4 finalda rusiyalı Avropa çempionu və dünya mükafatçısı Emin Seferşayevə 0:3 hesabıyla məğlub olub. Rəqib finala yüksəldiyi üçün həmyerlimiz sabah bürünc medal uğrunda güləşəcək. Rəqib türkiyəli Ömər Rəcəp olacaq.

Ziya Babaşov (63 kq) debütdə türkiyəli 2 qat Avropa çempionu Kərəm Kamala uduzub – 0:8.

Sənan Süleymanov (77 kq) belaruslu Şuay Mamedovu vaxtından əvvəl mübarizədən kənarlaşdırıb – 9:0. Ancaq 1/4 finalda macarıstanlı Robert Fritşə minimal fərqlə məğlub olub – 5:6.

İslam Abbasov (87 kq) polşalı Arkadiuş Kuliniçlə (3:1) norveçli Eksos Mukubuya (4:3) qalib gələrək yarımfinala yüksəlib. Finalın bir addımlığında bolqarıstanlı Semyon Novikova məğlub olan (0:4) güləşçimiz sabah bürünc medal uğrunda güləşəcək. Rəqib Valtteri Latvala (Finlandiya), Maryan Kola (Albaniya) və ya Doğan Kaya (Türkiyə) olacaq.

Beka Kandelaki (130 kq) albaniyalı Qriseldi Kodraya tam üstünlüklə (11:0), almaniyalı Yello Krahmerə isə minimal fərqlə (3:2) qalib gələrək yarımfinala adını yazdırıb. Macarıstanlı Dariuş Vitekə ilk xal prinsipinə əsasən (1:1) məğlub olan təmsilçimiz sabah bürünc medal uğrunda güləşəcək. Rəqib Sulxan Buidze (Gürcüstan) – Mixaylo Vişnivetski (Ukrayna) qarşılaşmasının qalibi olacaq.

İngiltərənin “Bornmut” klubunun yeni baş məşqçisi açıqlanıb.

Futbolpress.az xəbər verir ki, Premyer Liqa təmsilçisinin “sükanı” Mark Rouza tapşırılıb. Bu barədə klubun mətbuat xidməti məlumat yayıb. Mütəxəssis yayda komandada işinə başlayacaq.

“Bornmut”u hazırda Andoni İraola çalışdırır. O, mövsümün sonunda kubdan ayrılacaq.

“Bornmut” çempionatda 33 turdan sonra 48 xalla 7-ci sıradadır.

“Qaradağ Lökbatan” II Liqada “Şəmkir”i 9:1 hesabıyla məğlub edib.

Futbolpress.az oyundan hazırlanmış icmalı təqdim edir:

“Qalatasaray”ın hücumçusu Viktor Osimhen zədəsini sağaldıb.

Futbolpress.az xəbər verir ki, bu barədə klubun mətbuat xidməti məlumat yayıb. Nigeriyalı hücumçu komandanın son məşqində iştirak edib.

Osimhen aprelin 26-da “Fənərbağça”ya qarşı keçiriləcək matçda meydana çıxa bilər.

Futbol üzrə Azərbaycan II Liqasında XXIII tura yekun vurulub.

Futbolpress.az xəbər verir ki, lider “Xankəndi” “Dinamo”nu məğlub edib.

“Qaradağ Lökbatan” bu turda “Şəmkir”ə darmadağınla qalib gəlib.

II Liqa, XXIII tur
20 aprel

“Xənkəndi” – “Dinamo” 2:1
Qollar: E.Quliyev, 13, B.Teymurov, 90+2 – F.Dəmirov, 88

“Quba” – “Şirvan” 3:1
Qollar: R.Məhərrəmov, 19, İ.İbrahimli, 41, R.Zeynallı, 58 – Q.İbrahimov, 83

“Qaradağ Lökbatan” – “Şəmkir” 9:1
Qollar: F.Abbaslı, 2, R.Orucov, 9, A.Mikayılov, 21 (pen), A.Mikayılov, 49, 88, 90+1, İ.Əliyev, 63, İ.Müseyibov, 87 (avtoqol), İ.Ağayarov, 90+3 – S.Abbasov, 61

“Şəki Siti” – “Araz Saatlı” 1:8
Qollar: S.Süleymanov, 39 – E.Xəlilli, 4, 23, 67, X.Bədirov, 10, M.Məsimov, 43, 68, 81, N.Səmədov, 83

“Atletiko” ciddi itki ilə üzləşib.

Futbolpress.az xəbər verir ki, komandanın hücumçusu Ademola Lukman zədələnib. Bu barədə klubun mətbuat xidməti məlumat yayıb. Məşqdə zədə alan futbolçu bir həftə yaşıl meydanlardan uzaq qalacaq.

Lukman bu mövsüm La Liqada 8 oyunda 2 qol vurub.

“Neftçi” bəyanat yayıb.

Futbolpress.az xəbər verir ki, “ağ-qaralar” “Zirə” ilə oyunda yaşanan hakim səhvləri ilə bağlı bunları bildirib:

“Misli Premyer Liqasının 28-ci turu çərçivəsində keçirilmiş “Zirə” – “Neftçi” qarşılaşmasının bütün gedişatı boyunca və eyni zamanda son dəqiqələrində “Neftçi” yenə hakim səhvləri ilə üzləşdi. 90+4-cü dəqiqədə “Zirə”nin qolu qaydaların kobud şəkildə pozulması ilə vuruldu, rəqib komandanın futbolçusu Ruan Renatonun oyundan kənar vəziyyətdə olmasına və “Neftçi”nin qapıçısı Kenan Piriçin görmə bucağını kəsməsinə baxmayaraq, qol baş hakim İnqilab Məmmədov tərəfindən qeydə alındı, VAR-da əyləşən Nicat İsmayıllı isə bu epizoda müdaxilə etmədi.

Bu səhv mövsümün həlledici mərhələsində “Neftçi”nin növbəti ədalətsiz xal itkisinə gətirib çıxarmaqla yanaşı, qoldan sonra hər iki komandanın futbolçuları arasında yaranmış mübahisələr və VAR-ın səssiz qalması səbəbi ilə meydanda baş verən hadisələr nəticəsində baş məşqçi Yuri Vernidub, baş məşqçinin köməkçisi Dmitro Kara-Mustafa və futbolçu Breno Almeydaya əsassız qırmızı vərəqələr göstərildi.

20.04.2026 tarixində AFFA-nın inzibati binasında “Neftçi” PFK-nın Müşahidə Şurasının sədri, “Neftçi” PFK-nın Baş İcraçı Direktoru və klubun digər nümayəndələri AFFA rəsmiləri və Hakimlər Komitəsinin sədri ilə görüşüb. Görüşdə klubumuz sözügedən oyunda qapımıza vurulan qola etiraz edib, eyni zamanda məşqçilərimiz və futbolçumuza göstərilən əsassız qırmızı vərəqələrin ləğv olunmasını tələb edib. Həmçinin mövsüm ərzində bir neçə dəfə təkrarlanan kobud hakim səhvlərini sərt şəkildə qınayıb, bir çox hakimlərin “Neftçi”yə qarşı ədalətsiz və qərəzli mövqe sərgilədiyini bildirib.

Klub nümayəndələri “Zirə” – “Neftçi” oyununda verilmiş yanlış qərarlara etirazını bildirib, həmin qərarların əsaslandırılmasını tələb edib, Hakimlər Komitəsinin sədri tərəfindən verilmiş cavablar klub rəsmilərini qismən qane edib.

Hakimlər Komitəsinin 20.04.2026 tarixli qərarı ilə “Zirə” – “Neftçi” oyununun hakimlərinin açıq-aşkar kobud səhvə yol verdiyinin etiraf olunmasını təqdirəlayiq hesab edirik. Bununla belə, təəssüf hissi ilə bildiririk ki, itirilən xallar geri qayıtmayacaq və bu hal mövsümdə artıq birinci dəfə baş vermir.

Bir daha bu mövsüm “Neftçi”nin oyunlarında dəfələrlə təkrarlanan kobud səhvləri bəzi hakimlərin komandamıza qarşı ədalətsiz və qərəzli münasibəti ilə əlaqələndirir, günahkarların ən sərt formada cəzalandırılmasını, bu kimi halların dayandırılmasını və gələcəkdə baş verməməsi üçün müvafiq tədbirlərə əl atılmasını AFFA Hakimlər Komitəsindən tələb edirik.

“Neftçi” PFK olaraq aşağıdakıları bəyan edirik:

1. “Neftçi”yə qarşı məqsədyönlü, qərəzli hakim ədalətsizliyinə son qoyulmasını tələb edirik;
2. Bu kampaniyanı aparanlara öz məqsədlərinə nail olmayacağını bildirir və ölkənin ən qədim-köklü futbol klubu olan “Neftçi” olaraq sona qədər mübarizə aparacağıq;
3. Qarşımızda kimin olub-olmamasına baxmayaraq, böyük “Neftçi” camiəsinin – azarkeşlərin arxamızda olması yetərlidir;
4. Bütün çətinliklərə rəğmən, “Neftçi” Azərbaycan futbolunun flaqmanı olub, var və bundan sonra da olacaq”.

Rusiya milli komandası iyunda yoldaşlıq oyunu keçirəcək.

Futbolpress.az xəbər verir ki, yığma Moskvada Burkino-Faso ilə qarşılaşacaq. Matç iyunun 5-də olacaq.

Rusiyanın Ukraynaya hücumu səbəbindən bu ölkənin milli komandası və klubları UEFA və FIFA bayrağı altında keçirilən yarışlardan kənarlaşdırılıb. Buna görə Rusiya millisi Avropadan bir komanda ilə oynaya bilmir.

“Sumqayıt” Misli Premyer Liqasının XXVIII turunda “Qəbələ”ni məğlub edib – 1:0.

Matçdan sonra “kimyaçılar”ın müdafiəçisi Rayan Senhaci “Futbolpress.az”ın suallarını cavablandırdı:

– Oyunu necə şərh edərdin?
– Uzun müddətdir qələbə qazana bilmirdik. Nəhayət, bu uğursuz seriyanı qıraraq, 3 xal əldə etdik və buna görə çox sevinirik.

– “Qəbələ” daha yaxşı oynayan tərəf idi. Bəxtinizin gətirdiyini düşünmürsünüz?
– Bundan əvvəlki turlarda elə oyunlar olub ki, bəxtimiz gətirməyib, yaxşı oynamışıq, amma uduzmuşuq. Futbolda belə hallar olur. “Qəbələ” ilə oyunda da bəxt bizdən yana oldu.

– Qarşıda “İmişli” ilə səfər oyunu var. Qələbənin ardını gətirmək mümkün olacaq?
– “İmişli”ni yaxşı tanıyırıq. Müdafiədə inamlı çıxış edirlər. Onlarla matç daha çətin olacaq. Səfərdə oynayacağıq və Quba stadionunun vəziyyəti də məlumdur. Ümumiyyətlə, “İmişli”ə qarşı səfərdə oynamaq bütün komandalar üçün çətindir. Buna baxmayaraq, yaxşı nəticə qazanmağa çalışacağıq.

Şahin Cəfərov

“Çelsi” futbolçusu Alexandro Qarnaço ilə yollarını ayırmağı planlaşdırır.

Futbolpress.az xəbər verir ki, bu barədə İngiltərə mətbuatı məlumat yayıb. “Zadəganlar” yayda oyunçu üçün gələcək təklifləri dəyərləndirəcək.

Qarnaço bu mövsüm 32 oyunda 8 qol vurub. Onun klubla müqaviləsi 2032-ci ilin yayına kimidir.