Futbol üzrə Azərbaycan 1-ci Liqasında 11-ci turun oyunları keçirilir.

Komanda.az xəbər verir ki, bu gün iki qarşılaşma keçirilib.

Çempionatın iddialı komandalarından olan “Şəfa” “Şahdağ Qusar”la heç-heçə edib. “Difai” – “Mingəçevir” görüşündə də bərabərlik qeydə alınıb.

1-ci Liqa, 11-ci tur

18 dekabr

“Şahdağ Qusar” – “Səbail” 2:2
Qollar: S.Ağalarov, 27, R.Voronsov, 35 – S.Bağırov, 26, B.Həziyev, 69

“Difai” – “Mingəçevir” 1:1
Qollar: M.Musazadə, 2 – S.Abdullayev, 9 (pen)
Qırmızı vərəqə: M.Musazadə, 31 (“Difai”)

The post “Səbail” və “Mingəçevir”dən heç-heçə appeared first on Komanda.az.

Braziliyanın “Vasko da Qama” klubunun hücumçusu Rayan “Tottenhem”in maraq dairəsinə düşüb.

Komanda.az xəbər verir ki, bu barədə “NT Vascainos” məlumat yayıb.

London klubunun məşqçilər heyəti 19 yaşlı vingeri yaxından izləyir. Klub artıq qış transfer pəncərəsində “Vasqo da Qama”ya rəsmi təklif göndərə bilər.

Ancaq daha əvvəl də xəbər verildiyi kimi, bu keçidə “Real” ciddi maneə yaratmaq niyyətindədir. “Kral klubu” Rayan üçün 50 milyon avro ödəməyə hazırdır.

Braziliyalı futbolçu cari mövsümdə bütün turnirlərdə 56 oyuna çıxıb, 20 qol vurub və 1 məhsuldar ötürmə verib.

The post “Tottenhem” də istəyir – “Real”ın hədəfindəki futbolçunu appeared first on Komanda.az.

Kişi voleybolçuların Yüksək Liqasında yarımçıq dayandırılmış 7-ci turun “Xilasedici” – “ORDU” oyunu ilə bağlı qərar verilib.

Komanda.az xəbər verir ki, bu barədə Azərbaycan Voleybol Federasiyasının (AVF) mətbuat xidməti məlumat yayıb.

Dekabrın 17-də keçirilən qarşılaşmanın yekun nəticəsi ilə əlaqədar bu gün Azərbaycan Voleybol Federasiyasında (AVF) iclas keçirilib.

İclasda federasiyanın İnzibati Məsələlər Komissiyasının üzvləri, “Xilasedici” və “ORDU” komandalarının menecerləri, qarşılaşmanın supervayzeri və hakimlər iştirak ediblər.

AVF-nin baş katibi Faiq Orucovun rəhbərliyi ilə keçirilən iclasda dünənki qarşılaşmada baş verən hadisələr ətraflı şəkildə araşdırılıb və məsələ ilə bağlı müvafiq qərar qəbul olunub.

Qərara əsasən, yarımçıq dayandırılmış “Xilasedici” – “ORDU” qarşılaşmasında “Xilasedici” komandasına 0:3 hesabı ilə texniki məğlubiyyət verilib.

The post Azərbaycan Voleybol Federasiyası yarımçıq dayandırılmış oyunla bağlı qərar verdi appeared first on Komanda.az.

“Əl-Nəsr”in hücumçusu Kriştiano Ronaldonun həyat yoldaşı Corcina Rodriges uşaqların tərbiyəsi ilə bağlı fikirlərini bölüşüb.

Cütlük ümumilikdə beş uşaq böyüdür. Onların iki qızı var.

Komanda.az xarici KİV-ə istinadən xəbər verir ki, Rodriges uşaqlara zəhmətin və əziyyətin dəyərini aşılamağın indiki dövrdə xüsusilə vacib olduğunu vurğulayıb:

“Həm heç nəyə sahib olmaq, həm də hər şeyə sahib olmaq… Bunun nə demək olduğunu bilirsiz. Bu dövrdə uşaqlara əməyin və çalışmanın dəyərini necə izah etmək olar? Maddi imkanların səviyyəsi artsa da, ailənin əsas dəyərləri dəyişmir.

İqtisadi imkanlarımız fərqli səviyyədə olsa belə, mahiyyətimiz eyni qalır. Biz onlara öz dəyərlərimizi aşılayırıq. Uşaqlar bizim necə ağır zəhmət çəkdiyimizi görür, anlayırlar ki, heç nə asanlıqla əldə edilmir. Ona görə də, onlara daim xatırladırıq ki, mübarizə aparmaq və hər şeydən əvvəl yaxşı insan olmaq lazımdır.

Uşaqlar tərbiyəli, məsuliyyətli böyüyür, məktəbdə səylə oxuyur və müxtəlif fəaliyyətlərlə məşğul olurlar. Ən önəmlisi isə odur ki, onlar arzularının arxasınca gedirlər. Evdə gördükləri də məhz budur”.

The post “Uşaqlar bizim necə ağır zəhmət çəkdiyimizi görür” – Ronaldonun xanımı appeared first on Komanda.az.

“Qarabağ”ın və Azərbaycan millisinin üzvü Şahrudin Məhəmmədəliyev bu gün Almaniyanın Plattlinq şəhərində əməliyyat olunub.

Komanda.az xəbər verir ki, 31 yaşlı qapıçı “IsarPark Plattling” klinikasında professor, doktor Stefan Fikert tərəfindən sol bud oynağından uğurlu əməliyyat keçirib.

Futbolçunun əməliyyat və müalicə xərcləri AFFA tərəfindən qarşılanıb.

The post AFFA Şahrudini əməliyyat etdirdi appeared first on Komanda.az.

“İnter” Zaqreb “Dinamo”sunda çıxış edən cinah müdafiəçisi Moris Valinçiçlə müqavilə imzalamaq niyyətindədir.

Komanda.az xarici KİV-ə istinadən xəbər verir ki, Milan klubunun rəhbərliyi xorvatiyalı futbolçunu hazırda topuq zədəsindən bərpa olunan Denzel Dumfrisin müvəqqəti əvəzedicisi kimi nəzərdən keçirir.

“İnter” artıq qış transfer pəncərəsində “Dinamo”ya rəsmi təklif göndərə bilər.

23 yaşlı futbolçu cari mövsümdə 14 oyunda iştirak edib və 2 məhsuldar ötürmə verib.

The post “İnter” xorvat futbolçu üçün təklif göndərə bilər – Tezliklə appeared first on Komanda.az.

Futzal üzrə Azərbaycan Yüksək Liqasında 9-cu turdan təxirə salınmış “Araz-Naxçıvan” – U-19 matçı keçirilib.

Komanda.az xəbər verir ki, “Olimpik Star”da baş tutan görüş Naxçıvan təmsilçisinin 12:2 hesablı qələbəsi ilə başa çatıb.

Bu nəticədən sonra son ölkə çempionu qış fasiləsinə 25 xalla turnir cədvəlinin zirvəsində yollanıb. U-19 isə 6 xalla beşincidir.

Futzal üzrə Azərbaycan Yüksək Liqasında 3-cü dövrəyə 2026-cı il yanvarın 19-da start veriləcək.

The post “Araz-Naxçıvan” təxirə salınmış oyunda qələbə qazandı appeared first on Komanda.az.

“Benfika”nın çalışdırıcısı Joze Mourinyo məşqçilik karyerasında qazandığı 750-ci qələbə ilə bağlı fikirlərini bölüşüb.

Bu göstərici Portuqaliya kubokunun 1/8 finalında, “Benfika”nın “Farense” üzərində 2:0 hesablı qələbəsindən sonra qeydə alınıb.

Komanda.az “EuroFoot”-a istinadən xəbər verir ki, portuqaliyalı mütəxəssis bu nailiyyətə özünəməxsus şəkildə, fəlsəfi yanaşma sərgiləyib:

“750 qələbə – onlardan hansı ən vacibdir? Birincisi? “Benfika”nın “Belenenseş” üzərində qələbəsi? “Portu”nun UEFA Çempionlar Liqasında “Monako”nu məğlub etməsi? “İnter”in Çempionlar Liqasının finalında “Bayern”ə qalib gəlməsi? Yoxsa bugünkü “Farense” – “Benfika” oyunu?

Xeyr! Ən vacibi növbəti, 751-ci qələbədir. Gəlin, növbəti uğur üzərində işləyək!”

Mourinyo məşqçilik karyerası ərzində 10 komandaya rəhbərlik edib. O, “Benfika” ilə “Çelsi”ni iki dəfə çalışdırıb və ümumilikdə 26 titul qazanıb, 4 dəfə isə ilin ən yaxşı klub məşqçisi seçilib.

The post Mourinyo 750-ci qələbədən sonra: “Ən vacibi 751-cidir” appeared first on Komanda.az.

“Liverpul”un müdafiəçisi Co Qomes Premyer Liqanın növbəti turunda “Tottenhem”lə keçiriləcək oyunda komandasına kömək edə bilməyəcək.

Komanda.az xarici KİV-ə istinadən xəbər verir ki, ingiltərəli futbolçu “Brayton”la (2:0) oyunun birinci hissəsində aldığı arxa bud əzələsi zədəsi səbəbindən qarşıdakı oyunda iştirak etməyəcək. Ancaq zədənin ciddi olmadığı vurğulanır.

28 yaşlı müdafiəçi cari mövsümdə bütün turnirlərdə 12 oyuna çıxıb və 2 məhsuldar ötürmə verib. Onun komandası dekabrın 20-də səfərdə “Tottenhem”lə qarşılaşacaq.

“Liverpul” “Qarabağ”ın UEFA Çempionlar Liqasındakı rəqiblərindən biridir.

The post “Qarabağ”ın rəqibinin futbolçusu “Tottenhem”lə matçı buraxacaq appeared first on Komanda.az.

“Barselona” rəhbərliyi Robert Levandovski ilə növbəti mövsümdə əməkdaşlığın davam etdirilib-etdirilməməsinə görə hələ yekun qərar verməyib.

Polşalı hücumçunun Kataloniya klubu ilə müqaviləsinin müddəti 2026-cı ilin iyununun sonunda başa çatacaq.

Komanda.az “Sport”-a istinadən xəbər verir ki, 37 yaşlı forvardın klubda qalması onun cari mövsümdəki çıxış səviyyəsindən və əsas rəqibi Ferran Torreslə müqayisəli performansından asılı olacaq.

Bundan başqa, yay transfer pəncərəsində hücumçuların bazarda əlçatan olub-olmaması və mövsümün sonunda klubun maliyyə durumu da həlledici rol oynayacaq.

Rəhbərlik həmçinin, Levandovski kimi nüfuzlu futbolçunun mümkün gedişinin paltardəyişmə otağındakı ab-havaya göstərə biləcəyi təsiri də nəzərə almağı planlaşdırır.

Mövcud məlumatlara əsasən, Levandovski artıq MLS təmsilçisi “Çikaqo Fayr”la danışıqlar aparır, ancaq o, hələlik gələcəyi ilə bağlı qəti qərar qəbul etməyib.

The post “Barselona” Levandovski ilə bağlı qərarsızdır appeared first on Komanda.az.

AFFA Hakimlər Komitəsinin sədri Rəhim Həsənov Azərbaycan Premyer Liqasının 15-ci turunda keçirilən oyunlarda mübahisəli epizodlarla bağlı fikirlərini bildirib.

Komanda.az xəbər verir ki, o, bu barədə AFFA-nın mətbuat xidmətinə açıqlama verib.

Həsənov “Şamaxı” – “Zirə” (2:1), “Kəpəz” – “Qəbələ” (1:0) və “Qarabağ” – “Araz-Naxçıvan” (5:1) matçlarında qeydə alınan ümumilikdə 6 epizodla bağlı fikirlərini bölüşüb.

Federasiya rəsmisi hakimlərin həmin epizodlar zamanı düzgün qərarlar verdiyini bildirib.

The post AFFA Hakimlər Komitəsinin sədri 15-ci turun mübahisəli epizodlarını şərh etdi – VİDEO appeared first on Komanda.az.

Səudiyyə Ərəbistanının “Əl-Hilal” klubu yarımmüdafiəçisi Ruben Neveşi müqaviləni yeniləməyə razı sala bilməyib.

Komanda.az xarici KİV-ə istinadən xəbər verir ki, portuqaliyalı futbolçu yeni müqavilə imzalamaqdan imtina edib və Avropaya geri dönməyə açıqdır.

Hazırda onun əsas namizədi uzun müddətdir maraq göstərən “Mançester Yunayted” hesab olunur.

28 yaşlı futbolçu 2023-cü ildə “Əl-Hilal”a keçərək, müddəti 3 il olan müqavilə bağlamışdı. O, cari mövsümdə bütün turnirlərdə 15 oyuna çıxıb, 5 qol vurub və 1 məhsuldar ötürmə verib.

The post Tanınmış futbolçu Səudiyyə Ərəbistanı klubunu tərk edəcək appeared first on Komanda.az.

“Barselona”nın qapıçısı Mark-Andre Ter Ştegen klubun daxili informasiyasını KİV-lərə ötürməkdə əsas şübhəli kimi görülür.

Komanda.az xarici KİV-ə istinadən xəbər verir ki, kataloniyalıların baş məşqçisi Hans-Diter Flikin komandada “gizli agent”i müəyyən etdiyi barədə məlumatlar yayılmışdı. Ancaq konkret ad açıqlanmamışdı.

33 yaşlı Ter Ştegen “Barsa”nın heyətində 2014-cü ildən çıxış edir.

Almaniyalı qolkiper cari mövsümdə yalnız İspaniya kubokunda bir oyuna çıxıb, çünki o, mövsümün ilk yarısını ağır zədədən bərpa olunmağa sərf edib.

“Barselona” dekabrın 21-də səfərdə “Vilyarreal”la qarşılaşacaq.

The post Ter Ştegen “casusluq”da şübhəli bilinir appeared first on Komanda.az.

UEFA Çempionlar Liqasında baş verən xoşagəlməz hadisələr Almaniya klubu üçün ciddi sanksiyalara səbəb olub.

Komanda.az “Bild” nəşrinə istinadən xəbər verir ki, “Ayntraxt”ın “Barselona” ilə səfər oyunu (1:2) zamanı frankfurtlu azarkeşlərinin davranışı UEFA-nın sərt qərarına səbəb olub. Qonaq sektorunda pirotexniki vasitələrdən istifadə edilməsi, tribunaya əşyaların atılması və işıq raketinin buraxılması qurumun diqqətindən yayınmayıb.

Nəticədə, UEFA “Ayntraxt”a növbəti iki Avropa səfər oyununda azarkeş qadağası tətbiq edib. Bu isə o deməkdir ki, yanvarın 21-də Çempionlar Liqasında “Qarabağ”la Bakıda keçiriləcək matçda Frankfurt təmsilçisinin azarkeşləri stadionda olmayacaq. Komanda növbəti mərhələyə yüksələrsə, sonrakı səfər oyunu da eyni cəza altına düşəcək.

Bundan başqa, pirotexnika qalmaqalına görə “Ayntraxt” 30 min avro, “Kamp Nou” stadionunda tualetlərə və pleksiqlas divara dəyən zərərə görə isə əlavə 8 min avro cərimələnib. Klub ziyanın aradan qaldırılması üçün 30 gün ərzində “Barselona” rəhbərliyi ilə əlaqə saxlamalıdır. Frankfurt klubu daha əvvəl “Roma” ilə oyundakı oxşar hadisələrə görə şərti cəza altında idi.

“Bild”in yazdığına görə, bu cəza minlərlə günahsız “Ayntraxt” azarkeşini də zərbə altında qoyub. Artıq Bakıya səfər üçün uçuş və otellər bron edən, futbola görə yola çıxan fanatlar stadiondan kənarda qalacaqlar. Məlumata görə, klub “Qarabağ”la oyun üçün təxminən 3000 bilet sorğusu almışdı.

The post UEFA qərar verdi: “Ayntraxt” Bakıya azarkeşsiz gələcək appeared first on Komanda.az.

“Bayern”in müdafiəçisi Dayo Upamekano birbaşa “Liverpul”a təklif edilib.

Komanda.az xəbər verir ki, bu barədə TZ məlumat yayıb.

Fransalı futbolçu Münhen klubunda çətin vəziyyətdədir. Yeni müqavilə ilə o, illik 18 milyon avro qazanmaq istəyir. Həmçinin, Upamekano müqaviləyə 65 milyon avroluq çıxış şərti daxil edilməsini də tələb edir. “Bayern” hazırda bu maliyyə tələblərinin heç birini yerinə yetirməyə hazır deyil.

27 yaşlı müdafiəçi cari mövsümdə bütün turnirlərdə 20 oyuna çıxıb və 1 qol vurub. Onun “Bayern”lə müqaviləsinin müddəti gələn yay başa çatacaq.

“Liverpul” “Qarabağ”ın UEFA Çempionlar Liqasındakı rəqiblərindən biridir.

The post Upamekano “Qarabağ”ın rəqibinə təklif edilib appeared first on Komanda.az.

“Globe Soccer Awards”ın mətbuat xidməti ilin ən yaxşı futbol klubu nominasiyasının finalçılarını açıqlayıb.

Komanda.az xəbər verir ki, siyahıda beş klub yer alıb: “Liverpul”, “Çelsi”, PSJ, “Barselona” və “Flamenqo”.

İlin ən yaxşı futbolçusu mükafatına isə Kilian Mbappe, Osman Dembele, Vitinya, Rafinya və Lamin Yamal namizəd göstərilib.

Mükafatlandırma mərasimi dekabrın 28-də, Birləşmiş Ərəb Əmirliklərinin Dubay şəhərində keçiriləcək və qaliblər səsvermə yolu ilə müəyyənləşəcək.

The post İlin ən yaxşı klubu və futbolçusu adına namizədlər açıqlanıb appeared first on Komanda.az.

“Yuventus” hücumçusu Kənan Yıldızla müqavilənin müddətini uzatmaq niyyətindədir.

Komanda.az xarici KİV-ə istinadən xəbər verir ki, Turin klubu 20 yaşlı futbolçuya müddəti 5 il olan yeni müqavilə təklif etməyə hazırdır. Əməkhaqqı illik 5 milyon avro təşkil edəcək və müqavilədə əlavə pul bonusları da nəzərdə tutulacaq.

Tərəflər arasındakı mövcud müqavilənin müddəti 2029-cu ilin iyununun sonunda başa çatacaq.

Türkiyəli futbolçu cari mövsümdə 21 oyunda iştirak edərək, 6 qol vurub və eyni sayda məhsuldar ötürmə verib.

The post Türk futbolçuya 5 illik müqavilə təklif olunacaq appeared first on Komanda.az.

İtaliya millisinin sabiq müdafiəçisi, hazırda Özbəkistan yığmasının baş məşqçisi olan Fabio Kannavaro “Yuventus”un bu mövsüm A Seriyası titulunu qazanmaq şansları ilə bağlı fikirlərini bölüşüb.

Komanda.az xarici KİV-ə istinadən xəbər verir ki, o, bunu deyib:

“Yuventus” hazırda əsas rəqiblərindən geri qalır, amma skudettodan imtina edə bilmir. İndi onların əla baş məşqçiləri var. Luçano Spalettinin işini həmişə bəyənmişəm. Ondan öyrəniləsi çox şey var. O, mənim ən sevdiyim məşqçidir”.

Turin klubu A Seriyasında 15 turdan sonra 26 xalla turnir cədvəlində beşinci yerdədir. Komanda lider “İnter”dən yeddi xal geridədir.

The post “Yuventus”un əla baş məşqçisi var” appeared first on Komanda.az.

Nigar Arpadarainin sədrliyi ilə Azərbaycan Milli Antidopinq Agentliyinin (AMADA) Müşahidə Şurasının 2025-ci ildə sonuncu iclası keçirilib.

Bu barədə Komanda.az-a gentlikdən bildirilib.

AMADA-nın icraçı direktoru Təhminə Tağı-zadə cari ilin 9 ayı ərzində görülən işlər barədə təqdimatla çıxış edib. Sonra agentliyin 2025-ci il üzrə hesabatlılıq məsələləri nəzərdən keçirilib, görülən işlər və əldə olunan nəticələr ətrafında geniş müzakirələr aparılıb.

Bununla yanaşı, AMADA-nın 2026–2030-cu illəri əhatə edən strateji inkişaf istiqamətləri barədə fikir mübadiləsi aparılıb, qarşıdakı dövr üçün əsas prioritetlər və hədəflər müəyyənləşdirilib.

İclasda həmçinin, 2025-ci il üzrə büdcənin icrası məsələsinə baxılıb, maliyyə vəsaitlərindən səmərəli və şəffaf istifadə ilə bağlı müzakirələr aparılıb.

Müşahidə Şurası tərəfindən təqdim olunan məsələlər üzrə müvafiq tövsiyə və qərarlar qəbul edilib.

The post AMADA-da ilin son iclası appeared first on Komanda.az.

“Çelsi” 2026-cı ildə yarımmüdafiə xəttini gücləndirməyi planlaşdırır.

Komanda.az xarici KİV-ə istinadən xəbər verir ki, paytaxt təmsilçisi yarımmüdafiənin mərkəzinə daha bir keyfiyyətli futbolçu transfer edərək, Moyses Kaysedo və Enzo Fernandеsin üzərindəki yükü azaltmaq niyyətindədir.

Klub rəhbərliyi mövsüm ərzində bu iki futbolçunun üzərinə düşən məsuliyyətin çox olmasından narahatdır.

“Çelsi” daha əvvəl “Mançester Yunayted”in yarımmüdafiəçisi Kobbi Mainu ilə maraqlanıb, həmçinin, “Kristal Pelas”dan Adam Uortonun transfer variantını nəzərdən keçirib. Ancaq son məlumatlara əsasən, Mainu uğrunda mübarizəyə artıq “Mançester Siti” də qoşulub.

London klubu Premyer Liqada 16 turdan sonra 28 xal toplayaraq, turnir cədvəlinin 4-cü pilləsində qərarlaşıb. Komanda UEFA Çempionlar Liqasının 4-cü turunda Bakıda “Qarabağ”la qarşılaşıb – 2:2.

The post “Çelsi”nin yarımmüdafiə ilə bağlı planı var appeared first on Komanda.az.

PSJ-nin prezidenti Nasser Əl-Xələfi komandanın 2025-ci ildə daha bir titul qazanması ilə bağlı danışıb.

Komanda.az “RMC Sport”-a istinadən xəbər verir ki, o, klubdakı hər kəsin çox xoşbəxt olduğunu bildirib:

“PSJ Qətərdə qələbə ilə başlayıb və burada qələbə ilə başa vurur. Bu, inanılmazdır. Altı kubok qazandıq. Bu, Paris klubu üçün tarixi bir nailiyyətdir. Hamı çox xoşbəxtdir. Öz performansımızla fəxr edirik”.

Paris klubu Qitələrarası kubokun həlledici oyununda Braziliyanın “Flamenqo” komandasını penaltilər seriyasında məğlub edib (2:1).

The post “Hamı çox xoşbəxtdir” – PSJ-nin prezidenti appeared first on Komanda.az.

“Bornmut”un vingeri Antuan Semenyo “Liverpul”a keçidə bir addım da yaxınlaşıb.

Komanda.az “CaughtOffside”-a istinadən xəbər verir ki, Mersisayd klubu Qana millisinin 25 yaşlı oyunçusu ilə şəxsi müqavilənin şərtlərini artıq razılaşdırıb.

Semenyo Premyer Liqanın digər top-klublarının marağına baxmayaraq, karyerasını məhz “Liverpul”da davam etdirmək niyyətindədir. Onun bu seçimi transfer prosesini xeyli sürətləndirib.

Semenyo cari mövsümdə İngiltərə çempionatında 15 oyuna çıxıb, 7 qol vurub və 3 məhsuldar ötürmə verib.

“Liverpul” “Qarabağ”ın UEFA Çempionlar Liqasındakı rəqiblərindən biridir.

The post “Qarabağ”ın rəqibi qanalı futbolçu ilə razılığa gəlib appeared first on Komanda.az.

Bu gün UEFA Konfrans Liqasının liqa mərhələsində sonuncu – 6-cı turun oyunları keçiriləcək.

Komanda.az xəbər verir ki, 18 qarşılaşmanın hamısı eyni saatda start götürəcək.

Türkiyənin “Samsunspor” klubu səfərdə “Maynts”la üz-üzə gələcək. “Fiorentina” isə İsveçrədə “Lozanna”nın qonağı olacaq.

UEFA Konfrans Liqası

Liqa mərhələsi, 6-cı tur

18 dekabr

00:00. AZ Alkmaar (Niderland) – “Yagelloniya” (Polşa)

00:00. “Şaxtyor” (Ukrayna) – “Riyeka” (Xorvatiya)

00:00. “Slovan” (Slovakiya) – “Hakken” (İsveç)

00:00. “Legiya” (Polşa) – “Linkoln” (Cəbəllütariq)

00:00. “Sparta” (Çexiya) – “Aberdin” (Şotlandiya)

00:00. “Dinamo” (Kiyev, Ukrayna) – “Noa” (Ermənistan)

00:00. “Kristal Pelas” (İngiltərə) – “KuPS” (Finlandiya)

00:00. “Rayo Valyekano” (İspaniya) – “Drita” (Kosovo)

00:00. “Şemrok Rovers” (İrlandiya) – “Hamrun” (Malta)

00:00. “Omoniya” (Kipr) – “Rakuv” (Polşa)

00:00. “Maynts” (Almaniya) – “Samsunspor” (Türkiyə)

00:00. “Strasburq” (Fransa) – “Breydablik” (İslandiya)

00:00. “Çelye” (Sloveniya) – “Şelbrun” (İrlandiya)

00:00. “Zrinski” (Bosniya və Herseqovina) – “Rapid” (Avstriya)

00:00. AEK (Yunanıstan) – “Universitatya” (Rumıniya)

00:00. “Siqma” (Çexiya) – “Lex” (Polşa)

00:00. AEK (Larnaka, Kipr) – “Şkendiya” (Şimali Makedoniya)

00:00. “Lozanna” (İsveçrə) – “Fiorentina” (İtaliya)

UEFA Konfrans Liqasında pley-off mərhələsinə 2026-cı il fevralın 19-20-də start veriləcək.

The post Konfrans Liqası: Bu gün 6-cı turun oyunları keçiriləcək appeared first on Komanda.az.

“Mançester Yunayted”in kapitanı Bruno Fernandesin gələcəyi qeyri-müəyyən olaraq qalır.

Komanda.az xarici KİV-ə istinadən xəbər verir ki, portuqaliyalı yarımmüdafiəçi 2026-cı ilin yay transfer pəncərəsi üçün Səudiyyə Ərəbistanı çempionatını təmsil edən klubların əsas hədəflərindən biridir.

Fernandesin yanvarda “Mançester Yunayted”dən ayrılması ehtimalı olduqca aşağıdır və bu ssenari real görünmür. Daha çox ehtimal edilən variant isə mövsüm başa çatdıqdan sonra rəsmi təkliflərin gəlməsidir. Bu halda mümkün transferin taleyi birbaşa futbolçunun öz qərarından asılı olacaq.

31 yaşlı oyunçunun “qırmızı şeytanlar”la müqaviləsinin müddəti 2027-ci ilə qədərdir.

The post Kapitanın gələcəyi sual altındadır appeared first on Komanda.az.

Peşəkar Futbol Liqası və “Misli”nin təşkilatçılığı ilə Dünya Azərbaycanlılarının Həmrəyliyi Günü və Yeni ilə həsr olunmuş, idman jurnalistləri arasında intellektual yarış keçirilib.

Komanda.az xəbər verir ki, 60-dan çox media nümayəndəsinin iştirak etdiyi turnir maraqlı və yaddaqalan alınıb.

Dövlət Vergi Xidmətinin Şamaxı tədris mərkəzində baş tutan yarışda komandalara Azərbaycan Premyer Liqasının 2025/26 mövsümündə iştirak edən 12 komandanın adları verilib. Tamamilə Azərbaycan futboluna həsr olunmuş suallar əsasında keçirilən yarışda sona qədər gərgin mübarizə gedib.

Belə ki, qalib “qızıl oyun”da müəyyənləşib. Yekunda “Sumqayıt” komandası qalib, “Sabah” ikinci, “Kəpəz” üçüncü olub.

Tədbirin sonunda çempion “Sumqayıt” komandasına kubok və medallar təqdim edilib.

Turnirdə qaliblə yanaşı, ikinci və üçüncü yerin sahibləri də pul mükafatı qazanıb.

The post PFL idman jurnalistlərini bir araya gətirdi – Bu dəfə Şamaxıda appeared first on Komanda.az.

“Qalatasaray”da çıxış edən argentinalı hücumçusu Mauro İkardinin karyerasını yenidən İtaliya çempionatında davam etdirmək variantları yaranıb.

Komanda.az xarici KİV-ə istinadən xəbər verir ki, 32 yaşlı futbolçu ilə A Seriyasından üç klub maraqlanır. Söhbət “Roma”, “Milan” və “Komo”dan gedir.

İkardinin agentləri artıq adıçəkilən klublarla ilkin danışıqlara başlayıblar. Onun “Qalatasaray”la müqaviləsinin müddəti 2025/26 mövsümünün sonunda başa çatacaq.

O, cari mövsümdə İstanbul təmsilçisinin heyətində 21 oyuna çıxaraq, 8 qol vurub.

İkardi əvvəllər İtaliyada “İnter”in formasını geyinib.

The post İkardinin İtaliyadan 3 “elçi”si var appeared first on Komanda.az.

“Barselona”nın müdafiəçisi Ronald Arauxo meydana qayıtmağa hazırlaşır.

Uruqvaylı futbolçu sonuncu dəfə UEFA Çempionlar Liqasının “Çelsi” ilə Londonda keçirilən və 0:3 hesablı məğlubiyyətlə nəticələnən oyununda forma geyinmişdi. Həmin qarşılaşmada ilk hissədə qırmızı vərəqə alaraq komandasını çətin vəziyyətdə qoyan Arauxo o vaxtdan bəri meydanlardan uzaq qalmışdı.

Komanda.az “Mundo Deportivo”-ya istinadən xəbər verir ki, 26 yaşlı futbolçu hazırda vətənində fərdi məşqlərini davam etdirir və şəxsi fiziki hazırlıq məşqçisi ilə çalışır. Bildirilir ki, məşq prosesi “Barselona”nın nümayəndələri ilə daimi əlaqə şəraitində aparılır və müdafiəçiyə verilən yüklənmələr klubla məsləhətləşərək tənzimlənir.

Arauxo Londonda aldığı qırmızı vərəqədən sonra yaşadığı psixoloji problemlərə görə müvəqqəti olaraq Kataloniya klubunun düşərgəsini tərk etmişdi. İndi isə o, həm fiziki, həm də mənəvi baxımdan yenidən yaşıl meydanlara qayıtmaq üçün addım-addım hazırlaşır.

The post Arauxo geri dönür appeared first on Komanda.az.

Karlo Ançelottinin oğlu Davide Ançelotti “Botafoqo”da baş məşqçi postunu tərk edir.

36 yaşlı çalışdırıcı cari ilin iyulunda Rio-de-Janeyro təmsilçisinin “sükanı arxasına” keçmişdi. Komanda onun rəhbərliyi altında mövsümü ölkə çempionatında turnir cədvəlinin 6-cı pilləsində başa vurub.

Komanda.az xarici KİV-ə istinadən xəbər verir ki, italiyalı mütəxəssis klubla müqavilənin müddətini uzatmamaq qərarına gəlib. Onun sözləşməsi bu ayın sonunda başa çatacaq.

Ançelotti “Botafoqo”ya təyinatınadək heç vaxt baş məşqçi kimi çalışmayıb. O, 2012-ci ildən etibarən atası Karlo Ançelottinin rəhbərlik etdiyi bütün komandalarda köməkçi məşqçi olub.

Ata Ançelotti hazırda Braziliya millisinin baş məşqçisi vəzifəsində çalışır.

The post Ançelotti postunu tərk edir appeared first on Komanda.az.

Bu gün dünyanın idman arenalarında bir sıra oyunlar keçiriləcək.

Komanda.az qarşılaşmaları canlı yayımlayacaq telekanalların siyahısını təqdim edir:

18 dekabr

Türkiyə, kubok
18:30 Gənclərbirliyi – Bodrumspor (A Spor)
21:30 Qalatasaray – Başakşəhər (A Spor)

Azərbaycan, Premyer Liqa
19:30 Sabah – Qarabağ (CBC Sport)

İtaliya, superkubok
23:00 Napoli – Milan (TRT Spor, A Spor, Futbol 1)

UEFA Konfrans Liqası
00:00 Maynts – Samsunspor (CBC Sport, TRT 1)

İspaniya, kubok
00:00 Mursiya – Betis (Futbol 3)

The post Günün oyunları – TV appeared first on Komanda.az.

“Bayern”in baş məşqçisi Vensan Kompani oyunçularını müntəzəm olaraq komandanın hücumçusu Harri Keyni təqlid etməyə təşviq edir.

Komanda.az “Bild”-ə istinadən xəbər verir ki, ingilis futbolçu təkcə qol vurma bacarığı ilə deyil, həm də topdan kənarda özünü göstərməsi və komandaya sadiqliyi ilə tanınır. Belçikalı mütəxəssis isə bütün futbolçularından bu münasibəti görmək istədiyini bildirib:

“Mən bunu hamınızdan gözləyirəm. İndi və beş ildən sonra!”

Keyn bu mövsüm “Bayern”in heyətində bütün yarışlarda 24 oyunda 29 qol vurub və 3 məhsuldar ötürmə edib. O, 2023-cü ilin yayından Münhen klubunda çıxış edir.

The post Kompani bütün oyunçularının Keynə bənzəməsini istəyir appeared first on Komanda.az.

“Liverpul”un və “Bayern”in sabiq futbolçusu Ditmar Hamann İngiltərə klubunun hücumçusu Məhəmməd Salahın gələcəyi barədə danışıb.

Hamannın fikrincə, Salah oyun vaxtının azaldılmasını qəbul etmirsə və baş məşqçidən dəstək görmədiyini bildirirsə, tərəflər üçün ən yaxşı yol ayrılıq ola bilər. O, həmçinin, bildirib ki, belə vəziyyətdə klub və oyunçu kompromis tapmalıdır.

Komanda.az “Goal”-a istinadən xəbər verir ki, almaniyalı keçmiş futbolçu, Salahın Avropada maraq doğurmağa davam edəcəyini söyləyib:

“Məncə, o, Səudiyyə Ərəbistanına getmək istəməz. Hələ də Avropada onu istəyən komandalar var. Onu İtaliya liqasında görmək mümkündür. A Seriyası belə oyunçuları cəlb etməklə onların ən yaxşı formaya qayıtmasına kömək edir”.

33 yaşlı futbolçu cari mövsümdə Premyer Liqada 14 oyunda iştirak edib, 4 qol vurub və 3 məhsuldar ötürmə verib. Onun komandası “Qarabağ”ın UEFA Çempionlar Liqasındakı rəqiblərindən biridir.

The post Sabiq futbolçu “Qarabağ”ın rəqibinin hücumçusuna İtaliyanı məsləhət görür appeared first on Komanda.az.

Fransanın PSJ klubu FIFA Qitələrarası kubokunun sahibi olub.

Komanda.az xəbər verir ki, Paris təmsilçisi Qətərdə baş tutan həlledici görüşdə Braziliyanın “Flamenqo” kollektivini üstələyib.

Qarşılaşmanın əsas və əlavə vaxtı 1:1 hesabı ilə yekunlaşdığından qalibi müəyyən etmək üçün penalti seriyasına ehtiyac duyulub.

Burada daha dəqiq oynayan (2:1) Luis Enrikenin baş məşqçisi olduğu komanda Qitələrarası Kuboka sahib çıxıb.

PSJ tarixində ilk dəfə Qitələrarası kuboka sahib çıxıb.

The post PSJ Qitələrarası kubokun sahibi oldu appeared first on Komanda.az.

Kişi voleybolçular arasında Azərbaycan Yüksək Liqasında 7-ci turun oyunu yarıda dayandırılıb.

Komanda.az xəbər verir ki, Fövqəladə Hallar Nazirliyinin idman zalında keçirilən “Xilasedici” – “Ordu” matçı supervayzerin qərarı ilə yarıda saxlanılıb.

Qarşılaşma ilə bağlı Azərbaycan Voleybol Federasiyası tərəfindən müvafiq qərar qəbul ediləcək və açıqlanacaq.

Günün ilk görüşündə isə “Neftçi” “Murov Az Terminal”a 3:2 hesabı ilə qalib gəlib.

The post Turun sonuncu oyunu yarıda dayandırıldı appeared first on Komanda.az.

“Bornmut”un yarımmüdafiəçiləri Aleks Skott və Tayler Adams “Mançester Yunayted”in maraq dairəsinə düşüb.

Komanda.az xəbər verir ki, bu barədə “Transfer News Live” məlumat yayıb.

Bazar ertəsi Premyer Liqa çərçivəsində üz-üzə gələn komandaların oyunu 4:4 hesabı ilə yekunlaşıb. Qarşılaşmanın 5-ci dəqiqəsində Tayler Adams zədə səbəbindən oyunu davam etdirə bilməyib və onun yerinə məhz Aleks Skott meydana daxil olub.

“Qırmızı şeytanlar” baş məşqçi Ruben Amorimin tələblərinə uyğun olaraq, orta xətti yenidən qurmaq niyyətindədir və bu baxımdan hər iki futbolçunun transferi nəzərdən keçirilir. Bildirilir ki, klublar Adamsın keçidi ilə bağlı artıq danışıqlar aparıblar, ancaq 26 yaşlı yarımmüdafiəçinin ciddi zədəsi sözləşmənin baş tutmamasına səbəb ola bilər.

“Transfermarkt” portalı amerikalı Adamsın transfer dəyərini 25 milyon, 22 yaşlı Aleks Skottun qiymətini isə 30 milyon avro olaraq göstərir.

The post “Mançester Yunayted” “Bornmut”un iki futbolçusunu “qaralayıb” appeared first on Komanda.az.

“Aston Villa” belçikalı yarımmüdafiəçisi Yuri Tilemansla yeni müqavilə imzalamağı planlaşdırır.

Komanda.az “Football Insider”-ə istinadən xəbər verir ki, İngiltərə klubunun rəhbərliyi 28 yaşlı futbolçu ilə danışıqlar aparmaq niyyətindədir.

Tilemansın klubu ilə mövcud müqaviləsinin müddəti 2028-ci ilin ortalarına qədər nəzərdə tutulub. O, cari mövsümdə Premyer Liqada 10 oyunda iştirak edib, 2 məhsuldar ötürmə verib.

Unay Emerinin komandası İngiltərə Premyer Liqasında 16 turdan sonra 33 xal toplayaraq, turnir cədvəlinin 3-cü pilləsində qərarlaşıb.

The post “Aston Villa”nın Tilemans planı appeared first on Komanda.az.

“İnter Mayami” hücumçusu Luis Suaresin müqaviləsinin müddətini uzadıb.

Komanda.az xəbər verir ki, bu barədə klubun mətbuat xidməti məlumat yayıb.

38 yaşlı uruqvaylı futbolçunun yeni sözləşməsi 2026-cı ilin sonuna qədər nəzərdə tutulub.

“İnter Mayami” və Luis Suares arasında mövcud sözləşmənin müddəti 2025-ci ilin sonuna kimi nəzərdə tutulub.

Suares 2024-cü ildən “İnter Mayami”də çıxış edir. Bu mövsüm o, klubda 32 oyunda 10 qol və 10 məhsuldar ötürmə müəllifi olub.

The post “İnter Mayami”dən Luis Suareslə yeni müqavilə appeared first on Komanda.az.

“Sumqayıt” komandasının qış hazırlıq planları bəlli olub.

Komanda.az xəbər verir ki, Saşa İliçin yetirmələri Premyer Liqada dekabrın 22-də baş tutacaq “Sabah”la oyundan sonra istirahətə buraxılacaq.

Komanda 2026-cı il, yanvarın 3-də Türkiyənin Antalya şəhərinə yollanacaq.

Həmin tarixdən ayın 17-dək Lara bölgəsində yerləşən “Limak” otelində məskunlaşacaq “gənclik şəhəri” təmsilçisi bu müddət ərzində 3 yoxlama oyununda qüvvəsini sınayacaq.

“Kimyaçılar” 9, 12 və 16 yanvar tarixlərində müvafiq olaraq Macarıstanın “Paksi”, Serbiyanın “OFK Belqrad” və Xorvatiyanın “Osiyek” klubu ilə yoxlama oyunları keçirəcək.

The post “Sumqayıt”ın qış hazırlıq planı müəyyənləşdi appeared first on Komanda.az.

FİFA 2026-cı ildə keçiriləcək futbol üzrə dünya çempionatının rekord həcmdə mükafat fondunu açıqlayıb.

Komanda.az xəbər verir ki, mundialın ümumi mükafat fondu 727 milyon ABŞ dolları təşkil edəcək.

Bu məbləğin 655 milyon dolları turnirdə iştirak edəcək 48 milli komanda arasında bölünəcək ki, bu da əvvəlki mundialla müqayisədə təxminən 50 faiz çoxdur.

Mükafatların bölgüsü aşağıdakı kimidir:

1-ci yer – 50 milyon dollar

2-ci yer – 33 milyon dollar

3-cü yer – 29 milyon dollar

4-cü yer – 27 milyon dollar

5–8-ci yerlər – 19 milyon dollar

9–16-cı yerlər – 15 milyon dollar

17–32-ci yerlər – 11 milyon dollar

33–48-ci yerlər – 9 milyon dollar

Bundan əlavə, final mərhələsinə vəsiqə qazanan hər bir yığmaya hazırlıq xərclərinin qarşılanması üçün 1,5 milyon dollar ayrılacaq. Beləliklə, mundialın bütün iştirakçıları minimum 10,5 milyon dollar gəlir əldə edəcəyi dəqiqləşib.

Dünya çempionatı 2026-cı il iyunun 11-dən iyulun 19-dək ABŞ, Kanada və Meksikada keçiriləcək.

The post DÇ-2026-nın rekord mükafat fondu açıqlandı appeared first on Komanda.az.

Kristofer Nkunkunun “Milan”a keçidi gözlənilən effekti verməyib. Fransalı hücumçu İtaliya klubunda özünü doğrulda bilmədiyi üçün rəhbərlik artıq futbolçu ilə yolların ayrılması variantlarını nəzərdən keçirir.

Komanda.az “​Tuttosport”-a istinadən xəbər verir ki, Nkunkunun agenti Pini Zahavi bu məsələ üzərində aktiv şəkildə çalışır və hazırda ən real variant onun Səudiyyə Ərəbistanı klublarından birinə satılmasıdır.

“Çelsi”dən transfer olunan Nkunku “Milan”ın heyətində mütəmadi olaraq meydana çıxsa da, indiyədək komandada qol hesabını aça bilməyib.

“Qırmızı-qaralar” hazırda 18 dekabrda start götürəcək İtaliya superkubokunda iştirak etmək üçün Səudiyyə Ərəbistanına yollanıblar.

The post “Milan” fransalı hücumçu ilə vidalaşmaq istəyir appeared first on Komanda.az.

Azərbaycan Basketbol Liqasında 7-ci turdan təxirə salınmış matç keçirilib.

Komanda.az xəbər verir ki, A qrupunun görüşündə səfərdə “Şəki” ilə üz-üzə gələn evdə “Neftçi” 84:67 hesablı qələbə qazanıb.

Oyun Şəki Olimpiya İdman Kompleksində baş tutub.

The post “Neftçi” “Şəki” üzərində qələbə qazandı appeared first on Komanda.az.

“Antalyaspor” baş məşqçisi Erol Bulutla yollarını ayırıb.

Komanda.az xəbər verir ki, bu barədə klubun mətbuat xidməti məlumat yayıb.

Komanda son olaraq Super Liqanın 16-cı turunda doğma meydanda “Qalatasaray”a 1:4 hesabı ilə uduzub.

“Antalyaspor” turnir cədvəlində 15 xalla 15-ci pillədə qərarlaşıb. Erol Bulut komandaya bu il baş məşqçi təyin olunmuşdu.

The post Super Liqa klubu baş məşqçisi ilə vidalaşdı appeared first on Komanda.az.

“Mançester Siti”nin müdafiəçisi Natan Ake qış transfer pəncərəsində klubunu dəyişə bilər.

Komanda.az “ElDesmarque”-yə istinadən xəbər ki, “Atletiko” 30 yaşlı müdafiəçiyə maraq göstərir.

Madridlilər Akeni yanvarda icarə yolu ilə komandaya qatmaq və sonradan almaq istəyirlər.

Niderlandlı futbolçu 2020-ci ildən “Mançester Siti”də çıxış edir. O, cari mövsümdə baş məşqçi Pep Qvardiolanın birinci seçimi olmadığı üçün bütün turnirlərdə cəmi 14 oyunda iştirak edib.

Akenin “şəhərlilər”lə müqaviləsinin müddəti 2027-ci ilin yayına qədərdir.

The post “Mançester Siti”nin müdafiəçisi La Liqa klubuna keçə bilər appeared first on Komanda.az.

“Naxçıvan” klubu heyətini yeni basketbolçu ilə gücləndirib.

Bu barədə Komanda.az-a Naxçıvan təmsilçisinin mətbuat xidmətindən bildirilib.

Klub Azərbaycan millisinin də üzvü olan Emanuel Aqbasonla ikili lisenziya əsasında mövsümün sonuna qədər müqavilə imzalayıb.

Basketbolçu son mövsümü “Sabah”da keçirib.

The post “Naxçıvan”da yeni basketbolçu appeared first on Komanda.az.

Qətərin paytaxtı Dohada FİFA Plenar Sessiyası keçirilir.

Komanda.az xəbər verir ki, AFFA-nın prezidenti Rövşən Nəcəf də tədbirə qatılıb.

Rövşən Nəcəf FİFA Plenar Sessiyasında və Komitə iclaslarında iştirak edir.

The post AFFA prezidenti FİFA-nın Sessiyasında iştirak edir appeared first on Komanda.az.

1-ci Liqada 11-ci tura start verilib.

Komanda.az xəbər verir ki, ilk gündə 2 oyun baş tutub.

“Zaqatala” MOİK-lə, “Şimal” isə “Baku Sportinq”lə qarşılaşıb və məğlub ollub.

1-ci Liqa
11-ci tur
17 dekabr

“Zaqatala” – MOİK 1:3
Qollar: Rəhman Şabanov, 65-pen – Seyxan Fərəcov, 25; 90+5. Zeynəddin Abdurahmanov, 47.

“Şimal” – “Baku Sportinq” 0:1
Qol: İlham Allahverdiyev, 9-pen.

The post “Baku Sportinq”lə MOİK-dən səfər qələbəsi appeared first on Komanda.az.

“Lans”ın 23 yaşlı yarımmüdafiəçisi Mamadu Sanqarenin İngiltərəyə keçidi gündəmə gəlib.

Komanda.az “TEAMtalk”-a istinadən xəbər verir ki, “Tottenhem” malili futbolçunu transfer etməkdə maraqlıdır.

Həmçinin,b“Çelsi” və “Mançester Yunayted” də ona diqqət yetirir.

Sanqarenin dəyəri bu yay “Lans”a keçdikdən sonra ciddi şəkildə artıb. Cari mövsümdə Fransa çempionatında 15 oyunda iştirak edən yarımmüdafiəçi 1 qol vurub və 1 məhsuldar ötürmə verib.

The post Premyer Liqa klubları Sanqareni izləyir appeared first on Komanda.az.

“Bayern” müdafiəçisi Dayot Upamekano ilə yeni müqavilə barədə danışıqlar aparır.

Komanda.az xarici KİV-ə istinadən xəbər verir ki, fransalı futbolçunun agentləri müqaviləyə 2028-ci ildən etibarən qüvvəyə minəcək 65 milyon avro məbləğində çıxış şərti daxil edilməsini istəyirlər.

Həmçinin, 27 yaşlı müdafiəçi yeni müqaviləyə imza atması üçün yüksək məbləğdə bonus almaq arzusundadır. “Bayern” rəhbərliyi isə bütün bu tələblərə baxmayaraq nikbindir və Upamekano ilə razılığa gələcəyinə inanır.

Hazırkı müqaviləsinin müddəti yayda başa çatacaq fransalı futbolçuya “Real” da maraq göstərir.

The post “Bayern” onunla anlaşacağına inanır appeared first on Komanda.az.

Bu gün Azərbaycan Premyer Liqasında 1-ci turdan təxirə salınmış “Sabah” – “Qarabağ” oyunu keçiriləcək.

Komanda.az xəbər verir ki, qarşılaşma “Bank Respublika Arena”da təşkil olunacaq. Bu oyunun nəticəsi Premyer Liqada lideri dəyişə bilər. “Qarabağ” hazırda 33 xalla turnir cədvəlinin ilk pilləsində qərarlaşıb. İki xal az toplayan “Sabah” ikincidir. Meydan sahibləri qələbə qazanmaqla “köhlən atlar”ı “taxt”dan endirə bilər.

Azərbaycan Premyer Liqası, 1-ci turun oyunu

18 dekabr 

Sabah – Qarabağ
Hakimlər: Elçin Məsiyev, Elşad Abdullayev, Pərvin Talıbov, Vüqar Həsənli
VAR: Tural Qurbanov
AVAR: Asiman Əzizli
Hakim-inspektor: Vüsal Əliyev
AFFA nümayəndəsi: Erkin Hüseynov
“Bank Respublika Arena”, 19:30

The post Masazırda liderlik oyunu – YENİLƏNİR appeared first on Komanda.az.

“Mançester Yunayted”in yarımmüdafiəçisi Kobbi Mainu karyerasını Mançesterin başqa klubunda davam etdirə bilər.

Komanda.az xarici KİV-ə istinadən xəbər verir ki, “Mançester Siti” 20 yaşlı oyunçunu komandaya qatmaq istəyir.

“Şəhərlilər” artıq Mainu üçün mübarizəyə başlayıblar. İngiltərəli yarımmüdafiəçi baş məşqçi Ruben Amorim rəhbərliyi altında oyun vaxtından narazıdır.

O, cari mövsümdə bütün turnirlərdə 12 oyunda iştirak edib və 1 məhsuldar ötürmə verib. Onun “qırmızı şeytanlar”la müqaviləsinin müddəti 2027-ci ilə qədərdir.

The post “Mançester Siti” Mainu üçün mübarizəyə qoşulub appeared first on Komanda.az.

“İnter”in yarımmüdafiəçisi Davide Frattesi karyerasını İngiltərə Premyer Liqasında davam etdirə bilər.

Komanda.az “Fichajes”-ə istinadən xəbər verir ki, 26 yaşlı futbolçuya diqqət yetirən Premyer Liqanın dörd klubundan biri “Liverpul”dur.

Klublar hesab edirlər ki, Frattesinin “İnter”də hazırkı oyun praktikası vəziyyəti onun qış transfer pəncərəsi zamanı asanlıqla komandadan ayrılmasına şərait yaradacaq.

İtaliyalı futbolçu 2024-cü ilin yayında “İnter”ə qoşulub. O, cari mövsümdə bütün turnirlər daxil olmaqla 13 oyunda iştirak edib və 2 məhsuldar ötürmə ilə yadda verib.

“Liverpul” “Qarabağ”ın UEFA Çempionlar Liqasındakı rəqiblərindən biridir.

The post “Qarabağ”ın rəqibi italiyalı futbolçu ilə maraqlanır appeared first on Komanda.az.

“Vasko da Qama”nın hücumçusu Rayanın karyerasını “Real”da davam etdirmək ehtimalı gündəmə gəlib.

Komanda.az “Fichajes”-ə istinadən xəbər verir ki, “kral klubu” 19 yaşlı futbolçunun transferi üçün ilkin olaraq 50 milyon avroluq təklif hazırlayır.

Bundan əvvəl “Barselona”nın da braziliyalı oyunçu ilə bağlı “Vasko da Qama”ya rəsmi təklif göndərdiyi barədə şayiələr dolaşırdı. Onun Avropa top-klublarının diqqətini çəkməsi cari mövsümdəki məhsuldar çıxışı ilə əlaqələndirilir.

Rayan 2025-ci ildə bütün turnirlər daxil olmaqla 55 oyunda meydana çıxıb, 20 qol vurub və 1 məhsuldar ötürmə verib. Onun “Vasko da Qama” ilə müqaviləsinin müddəti 2028-ci ilin sonuna qədərdir.

The post “Real” braziliyalı futbolçu üçün 50 milyon avroluq təklif hazırlayıb appeared first on Komanda.az.

“Mançester Siti”nin baş məşqçisi Xosep Qvardiola Liqa kubokunda “Brentford”la oyundan əvvəl fikirlərini bölüşüb.

Komanda.az xarici KİV-ə istinadən xəbər verir ki, o, komanda olaraq əllərindən gələni edəcəklərini söyləyib:

“Brentford” çətin rəqibdir. Bunu bu mövsüm özümüz də gördük. Əvvəlki mövsümlərdə turnirin lap əvvəlində “Nyukasl” və “Tottenhem”lə qarşılaşmışdıq. O vaxtlar çoxlu zədəli oyunçularımız var idi. Bu şəraitdə oynamaq çətin idi. Bu dəfə əlimizdən gələni edəcəyik”.

“Mançester Siti” və “Brentford” arasında oyun bu gün Mançesterdə keçiriləcək.

The post Qvardioladan kubokda qarşılaşacaqları komanda haqda açıqlama appeared first on Komanda.az.

PSJ gənc oyunçusu İbrahim Mbaye ilə bağlı vacib qərar verib.

Paris təmsilçisi futbolçunun müqaviləsində nəzərdə tutulan uzatma şərtini aktivləşdirərək, anlaşmanı daha bir il müddətinə artırıb. 17 yaşlı vingerin əvvəlki müqaviləsinin müddəti 2027-ci ilin yayına qədər idi.

Komanda.az xarici KİV-ə istinadən xəbər verir ki, PSJ rəhbərliyi Mbayeyə olan etimadı nəzərə alaraq, sözləşmənin müddətini 2028-ci ilə qədər uzadıb.

Seneqallı futbolçu artıq Paris klubunun əsas komandasında 30 oyuna çıxıb. Cari mövsümdə baş məşqçi Luis Enrike onu 8 dəfə start heyətində meydana buraxıb, 10 qarşılaşmada isə sonradan oyuna daxil olub. O, PSJ forması ilə 2 qol vurub və 4 məhsuldar ötürmə verib.

Mbaye Seneqal millisində də özünü göstərib – iki oyunda 1 qol və 2 məhsuldar ötürmə ilə fərqlənib.

The post PSJ seneqallı futbolçu ilə yeni müqavilə bağlayıb appeared first on Komanda.az.

“Karvan-Yevlax”ın sabiq baş məşqçisi Azər Həşimovla problemləri bitmir ki, bitmir.

Yevlax klubunun rəhbərliyi bir müddət öncə Həşimovu istefaya göndərsə də, onunla qarşılıqlı razılıq əldə edə bilməmişdi. Həşimov müqaviləyə əsasən bütün alacağı məvacibi (20 000 manat) tələb edir, klub isə bunu ödəmək istəmir.

Tərəflər arasındakı müqavilənin müddəti 2026-cı ilin may ayına qədər idi. “Karvan-Yevlax” Həşimovla müqaviləyə rəsmi olaraq xitam verə bilmədiyi üçün yeni baş məşqçisi Füzuli Məmmədovun da təyinatını rəsmən açıqlamayıb. Hətta PFL-in rəsmi saytında belə, komandanın baş məşqçisi kimi Həşimov göstərilib.

Komanda.az-ın əldə etdiyi məlumata görə, müqaviləsinə birtərəfli xitam verildiyinə görə, keçmiş baş məşqçisi “Karvan-Yevlax”dan Dövlət Əmək Müfəttişliyi Xidmətinə şikayət edib. Məsələ təkcə bu da deyil.

Yevlax klubunun Həşimovu müqavilənin müddəti ilə bağlı aldatdığı da deyilir. Komanda bu il Premyer Liqaya yüksəldikdən sonra Həşimov klubda əmək fəaliyyətinə iyun ayından başladığı halda, müqavilənin bağlanması sentyabr ayından göstərilib. Klubun belə addım atdığı sübut olunsa, Yevlax təmsilçisi cərimə olunacaq.

“Karvan-Yevlax” Azərbaycan Premyer Liqasında keçirdiyi 15 oyundan sonra 6 xalla sonuncu – 12-ci pillədə qərarlaşıb.

The post Azər Həşimov “Karvan-Yevlax”dan Əmək Müfəttişliyinə şikayət edib – Müqavilə bağlarkən aldadılıb appeared first on Komanda.az.

“Liverpul”un yarımmüdafiəçisi Dominik Soboslai uzun müddətə sıradan çıxıb.

Komanda.az xarici KİV-ə istinadən xəbər verir ki, macar futbolçuda dizin arxa hissəsində əzələ zədəsi aşkarlanıb və onun meydana qayıtması ən tezi 2026-cı ilin fevralında gözlənilir.

Soboslai zədəsini İngiltərə Premyer Liqasının 16-cı tur matçında, “Brayton”la qarşılaşmada (2:0) alıb. O, başlanğıcda oyuna qayıtmağa çalışsa da, bir müddət sonra əvəzlənməli olub.

25 yaşlı futbolçu cari mövsümdə bütün turnirlərdə 23 oyunda iştirak edib, 5 qol vurub və eyni sayda məhsuldar ötürmə verib.

“Liverpul” “Qarabağ”ın UEFA Çempionlar Liqasındakı rəqiblərindən biridir.

The post “Liverpul”un aparıcı oyunçusu “Qarabağ”la matçı buraxacaq appeared first on Komanda.az.

Azərbaycanda 2025/2026 mövsümündə lisenziya almış futbol klublarının sayı müəyyənləşib.

Komanda.az xəbər verir ki, bu barədə AFFA-nın klubların lisenziyalaşdırılması üzrə hesabatında qeyd olunub.

2025/2026 mövsümündə lisenziyalaşdırma prosesində ümumilikdə 41 klub iştirak edib. Onlardan 38-nə lisenziya verilib.

Mümkün olan 24 UEFA lisenziyası almış yeganə klub isə “Neftçi”dir.

The post Azərbaycanda 2025/2026 mövsümündə lisenziya almış klubların sayı müəyyənləşib appeared first on Komanda.az.

Azərbaycan Premyer Liqasında iştirak edən klubların 2024-cü ildə əldə etdiyi gəlirlər müəyyənləşib.

Komanda.az xəbər verir ki, bu barədə AFFA-nın klubların lisenziyalaşdırılması üzrə hesabatında qeyd olunub.

2024-cü ildə ən çox gəlir əldə edən klub “Qarabağ”dır. Ağdam təmsilçisi büdcəsinə 34 milyon 753 min 800 manat əlavə edib.

Ən çox qazanc əldə edən ikinci klub “Neftçi” olub – 28 milyon 617 min 506 manat. “Sabah” 26 milyon 953 min 800 manat gəlirlə üçüncüdür.

2024-cü ildə digər klubların gəlirləri aşağıdakı kimi olub:

“Zirə” – 10 milyon 968 min 897 manat

“Sumqayıt” – 9 milyon 178 min, 60 manat

“Səbail” – 7 milyon 799 min 500 manat

“Araz-Naxçıvan” – 6 milyon 208 min 100 manat

“Turan Tovuz” – 6 milyon 145 min 200 manat

“Kəpəz” – 3 milyon 711 min 300 manat

“Şamaxı” – 3 milyon 51 min 300 manat

The post Azərbaycan Premyer Liqası klublarının 2024-cü ildəki gəlirləri açıqlandı appeared first on Komanda.az.

Son günlər mətbuatda “Çelsi”nin baş məşqçisi Enzo Mareskanın yaxın zamanda vəzifəsindən uzaqlaşdırıla biləcəyi ilə bağlı iddialar geniş müzakirə olunur.

İtaliyalı mütəxəssisin klub rəhbərliyi ilə fikir ayrılıqları səbəbindən postunu itirə biləcəyi bildirilir. Mareska da son açıqlamalarında bu məsələyə üstüörtülü şəkildə toxunmuşdu.

Londonlular dünən Liqa kubokunda “Kardiff Siti”ni 3:1 hesabı ilə məğlub edərək, yarımfinala yüksəlib. Oyundan sonra jurnalistlər Mareskadan mümkün gedişi ilə bağlı sualı cavablandırmasını istəyiblər.

Komanda.az “The Touchline”-a istinadən xəbər verir ki, Mareska klubun sahibləri ilə danışmadığını bildirib:

“Klubun sahibləri ilə danışmamışam. Dünən də deyildiyi kimi, “Everton”la oyundan bir gün sonra “Kardiff Siti” ilə görüşə hazırlaşmağa başlamışam və gələcəyimlə bağlı heç kimlə müzakirə aparmamışam”.

“Çelsi” həftəsonu İngiltərə Premyer Liqası çərçivəsində səfərdə “Nyukasl”la görüşəcək. Komanda UEFA Çempionlar Liqasının 4-cü turunda Bakıda “Qarabağ”la qarşılaşıb – 2:2.

The post “Gələcəyimlə bağlı heç kimlə müzakirə aparmamışam” – “Çelsi”nin baş məşqçisi appeared first on Komanda.az.

“Barselona”nın mərkəz müdafiəçisi Pau Kubarsi Kataloniya klubunda 100-cü oyununa çıxıb.

Komanda.az xarici KİV-ə istinadən xəbər verir ki, o, daha çox oyun keçirəcəyinə ümid edir:

“Həyatımın klubu üçün 100-cü oyunum! Ümid edirəm ki, burada daha çox oyun keçirəcəm. Bu, möhtəşəmdir. Bunu səbirsizliklə gözləyirəm”.

18 yaşlı futbolçu Kral kubokunun 1/32 final mərhələsinin “Qvadalahara” ilə oyununda ikinci hissədən əvvəl meydana çıxıb. Matç Kataloniya klubunun 2:0 hesablı qələbəsi ilə başa çatıb.

The post Kubarsi 100-cü oyununu keçirdi: “Bu, möhtəşəmdir” appeared first on Komanda.az.

AFFA prezidenti Rövşən Nəcəf klubların lisenziyalaşdırılması ilə bağlı qurumun açıqladığı hesabat barədə danışıb.

Komanda.az xəbər verir ki, o, lisenziyalaşdırma sisteminin düzgün tətbiqinin Azərbaycan futbolunun inkişafına müsbət təsir göstərəcəyini deyib:

“UEFA-nın hər bir üzv assosiasiyası 2004-2005-ci il mövsümündən etibarən UEFA-nın klub yarışlarında iştirak etmək üçün lisenziyalaşdırma sisteminin tətbiq olunmasına başlayıb və bu proses klubların fəaliyyətində mühüm rol oynayır. Lisenziyalaşdırma sistemi UEFA yarışlarında iştirak edən klublar qarşısında eyni tələbləri qoyur, tətbiqdə bərabərlik və bitərəfliyi təmin edir. Digər assosiasiyalarda olduğu kimi, lisenziyalaşdırma prosesi Azərbaycan klub futbolunun inkişafında da xüsusi rola malikdir. Lisenziyalaşdırma prosesi lisenziya əldə etmək üçün müraciət edən klubların nəzdində uşaq-gənclər komandasının sayının artırılmasında, infrastruktur səviyyəsinin, əməkdaşların və məşqçilərin ixtisaslarının yüksəldilməsində, həmçinin maliyyə məsələlərində müəyyən stabillik və davamlılığın təmin olunmasına dəstək olur. Klublar üçün lisenziyalaşdırma prosesi ən vacib amillərdəndir.

Klublar bu məsələ ilə bağlı öz üzərinə düşən vəzifələrə məsuliyyətlə yanaşmalı və nəzərə alınmalıdır ki, lisenziyalaşdırma prosesi klubların inkişafında və stabil fəaliyyətində xüsusi rola malikdir. Görülən işləri yüksək qiymətləndirməklə bildirmək istərdim ki, lisenziyalaşdırma sisteminin düzgün tətbiq olunması futbolumuzun inkişafına müsbət təsir göstərəcək”.

The post AFFA prezidenti: “Lisenziyalaşdırma prosesi Azərbaycan klub futbolunun inkişafında xüsusi rola malikdir” appeared first on Komanda.az.

2024/2025 mövsümündə Azərbaycan Premyer Liqasında iştirak edən klubların uşaq-gənclər sektoruna ayrılan maliyyə vəsaiti açıqlanıb.

Komanda.az xəbər verir ki, bu barədə AFFA-nın klubların lisenziyalaşdırılması üzrə hesabatında qeyd olunub.

Sözügedən mövsümdə klubların uşaq-gənclər sektoruna 6 milyon 622 min 262 manat vəsait ayrılıb.

2023/2024 mövsümündə bu rəqəm 5 milyon 811 min 726 manat olub.

The post Azərbaycan Premyer Liqası klublarının uşaq-gənclər sektoruna ayrılan maliyyə vəsaiti açıqlandı appeared first on Komanda.az.

AFFA-nın vitse-prezidenti və İcraiyyə Komitəsinin üzvü Könül Mehdiyeva FİFA-nın Qadın Futbolunun İnkişafı Komitəsinin üzvü qismində Qətərin paytaxtı Dohada keçirilən plenar iclasa qatılıb.

Bu barədə Komanda.az-a AFFA-nın mətbuat xidmətindən bildirilib.

İlk iclas tanışlıq xarakterli olub, məqsədlərin müəyyənləşdirilməsinə, iş prosedurlarının və digər təşkilati məsələlərin razılaşdırılmasına həsr edilib.

Toplantıda qadın futbolunun inkişafı, müxtəlif regionlarda bu sahə üzrə FIFA layihə və proqramlarının tətbiqi, daha da irəli aparılması məsələləri ilə bağlı müxtəlif tövsiyələr verilir və müzakirələr aparılır.

The post AFFA rəsmisi FİFA-nın plenar iclasına qatılıb appeared first on Komanda.az.

Azərbaycan stolüstü tennisçisi Xədicə Babazadə Avropa Stolüstü Tennis Birliyinin təşkil etdiyi “ETTU Eurotalents Selection camp” toplanışında iştirak edəcək.

Bu barədə Komanda.az-a Azərbaycan Stolüstü Tennis Federasiyasından məlumat verilib.

İdmançı milli komandanın məşqçisi Səbinə Əzizlinin müşayiəti ilə Xorvatiyaya yola düşüb. Vrsar şəhərində təşkil olunacaq təlim-məşq toplanışında qitənin ən istedadlı stolüstü tennisçiləri təcrübəli mütəxəssislərin rəhbərliyi altında fiziki, texniki və taktiki hazırlıq keçəcəklər.

Beynəlxalq təlim-məşq toplanışına dekabrın 23-də yekun vurulacaq.

“ETTU Eurotalents Development Camp” layihəyəsi xüsusi istedadı və davamlı nəticələri ilə seçilən yeniyetmə stolüstü tennisçilərin hazırlığını təkmilləşdirmək məqsədi daşıyır.

The post Azərbaycanlı stolüstü tennisçi beynəlxalq toplanışda iştirak edəcək appeared first on Komanda.az.

“Barselona”nın baş məşqçisi Hans-Diter Flik komandadakı daxili məlumatları sızdıran şəxsi müəyyən edib.

Komanda.az xarici KİV-ə istinadən xəbər verir ki, bu hadisə dünən axşam, birbaşa “Barselona”nın paltardəyişmə otağında baş verib.

Məlumatları açıqlayan şəxs tutulub və çox güman ki, klubda işinə davam etməyəcək.

“Barselona” hazırda 17 oyundan sonra 43 xalla İspaniya La Liqasında lider mövqedədir. Turnir cədvəlinin 2-ci pilləsində olan “Real” isə onlardan 4 xal geri qalır.

Kataloniyalılar dekabrın 21-də “Vilyarreal”la səfər matçına çıxacaq.

The post “Barselona”da “casus” aşkar edildi appeared first on Komanda.az.

Ukraynanın “Dinamo” (Kiyev) klubunun yeni baş məşqçisi məlum olub.

Komanda.az xəbər verir ki, bu barədə klubun mətbuat xidməti məlumat yayıb.

Komandanın “sükanı arxasına” İqor Kostyuk dəvət olunub. 50 yaşlı mütəxəssis Aleksandr Şovkovskinin noyabrda gedişindən sonra baş məşqçi vəzifəsini müvəqqəti icra edirdi.

“Dinamo” Ukrayna Premyer Liqasında 16 turdan sonra 26 xalla 4-cü pillədə qərarlaşıb.

The post “Dinamo”nun yeni baş məşqçisi bilindi appeared first on Komanda.az.

“İnter Mayami”nin 38 yaşlı hücumçusu Luis Suares klubla yeni müqavilə imzalamağa hazırdır.

Komanda.az xəbər verir ki, bu barədə “The Athletic” və “Miami Herald” nəşrləri məlumat yayıb.

Uruqvaylı futbolçu ilə bağlanacaq yeni müqavilənin müddəti 2026/27 mövsümünün sonuna qədər qüvvədə olacaq.

“İnter Mayami” cari ildə MLS kubokunu qazanıb, ancaq Suares pley-off mərhələsində keçirilən son dörd oyunda start heyətində yer almayıb.

Suaresin Mayami klubu ilə müqaviləsinin müddəti bu ilin 31 dekabr tarixində başa çatacaq. Daha əvvəl komandanın digər oyunçusu Lionel Messinin “İnter Mayami” ilə üç illik müqavilə imzaladığı və 2028-ci ilin sonuna qədər klubda qalacağı açıqlanmışdı.

The post Luis Suareslə yeni müqavilə imzalanacaq appeared first on Komanda.az.

“İnter”in müdafiəçisi Stefan de Vreyin klubdakı gələcəyi hələ də sual altındadır. Niderlandlı futbolçunun klubla müqaviləsinin müddəti cari mövsümün sonunda başa çatacaq.

Komanda.az xarici KİV-ə istinadən xəbər verir ki, tərəflər arasında aparılan danışıqlar müsbət nəticə verməyib və hazırda müzakirələr dayandırılıb. Bu səbəbdən, De Vreyin növbəti yay “İnter”i tərk etmə ehtimalı kifayət qədər yüksək qiymətləndirilir.

Fevralda 34 yaşını qeyd edəcək müdafiəçi bu mövsüm “İnter”in heyətində 7 oyunda iştirak edib. Həmin qarşılaşmaların 6-da baş məşqçi Kristian Kivu ona start heyətində yer verib.

“İnter” fevralın 19-da, İtaliya superkubokunun yarımfinalında “Bolonya” ilə üz-üzə gələcək.

The post “İnter” futbolçusu ilə anlaşa bilməyib appeared first on Komanda.az.

Fransa millisinin baş məşqçisi Didye Deşam “İlin oyunçusu” nominasiyası üzrə komandasının üzvləri arasında seçim etməli olub.

Komanda.az xarici KİV-ə istinadən xəbər verir ki, dünən ən yaxşıların mükafatlandırma mərasimi keçirilib və mükafatı PSJ-nin fransalı oyunçusu Osman Dembele qazanıb. Futbolçu, Deşamın səs verdiyi siyahıda birinci yerdədir. “Real”ın fransalı hücumçusu Kilian Mbappe ikinci, PSJ-nin oyunçusu Əşrəf Hakimi isə ilk üçlüyü tamamlayır.

Deşam 2012-ci ildən bəri Fransa millisinə rəhbərlik edir. O, 2026-cı il dünya çempionatından sonra vəzifəsindən ayrılmağı planlaşdırır.

The post Deşam millinin iki üzvü arasında seçim etməli olub appeared first on Komanda.az.

“Çelsi”nin sabiq qapıçısı Eduard Mendi hazırda çıxış etdiyi Səudiyyə Ərəbistanının “Əl-Əhli” klubi ilə yeni müqavilə imzalayıb.

Komanda.az klubun rəsmi saytına istinadən xəbər verir ki, yeni müqavilənin müddəti 2028-ci ilin ortalarına qədər qüvvədə olacaq.

Mendi “Əl-Əhli”yə iki il əvvəl transfer olunub. Səudiyyə Ərəbistanı klubunda keçirdiyi 92 oyunda qapısında 94 qol görən seneqallı qolkiper 39 matçda qapını toxunulmaz saxlayıb.

The post Tanınmış futbolçu Səudiyyə Ərəbistanı klubu ilə yeni müqavilə bağlayıb appeared first on Komanda.az.

“Yuventus”un yarımmüdafiəçisi Ueston Makkenninin klubdakı gələcəyi ilə bağlı yeni qərar verilib.

27 yaşlı futbolçunun mövcud müqaviləsinin müddəti mövsümün sonunda başa çatacaqdı və bir neçə ay əvvəl onun komandadan ayrılması demək olar ki, qaçılmaz görünürdü.

Ancaq Komanda.az “La Stampa”-ya istinadən xəbər verir ki, Turin klubunun planları kəskin şəkildə dəyişib. Hazırda həm “Yuventus”, həm də futbolçunun tərəfi yeni müqavilə imzalamaqda maraqlıdır.

Amerikalı futbolçu cari mövsümdə “Yuventus”un heyətində 21 oyuna çıxıb, 2 qol vurub və eyni sayda məhsuldar ötürmə verib.

The post “Yuventus” yarımmüdafiəçisi ilə bağlı qərar verib appeared first on Komanda.az.

“Barselona”nın hücumçusu Robert Levandovski 2026-cı ildə klubunu dəyişə bilər.

37 yaşlı futbolçunu heyətinə qatmaq istəyən MLS təmsilçisi “Çikaqo Fayr” onunla danışıqlarda ciddi irəliləyiş əldə edib.

Komanda.az xarici KİV-ə istinadən xəbər verir ki, tərəflər arasında aparılan danışıqlar müsbət məcrada keçib. Polşalı forvard mümkün transferə açıqdır. Bildirilir ki, “Çikaqo Fayr” Levandovskinin maaşla bağlı tələblərini problemsiz şəkildə qarşılamağa hazırdır.

Daha əvvəl hücumçuya Səudiyyə Ərəbistanı çempionatından olan klubların da maraq göstərdiyi iddia olunurdu. O, cari mövsümdə “Barselona”nın heyətində 17 oyuna çıxaraq, 8 qol vurub və 2 məhsuldar ötürmə verib.

Levandovskinin Kataloniya təmsilçisi ilə müqaviləsinin müddəti mövsümün sonunda başa çatacaq.

The post Levandovski ABŞ klubu ilə danışıqlar aparıb appeared first on Komanda.az.

İspaniya kubokunda qazanılan qələbədən sonra “Barselona”nın baş məşqçisi Hans-Diter Flikin mətbuat konfransı gözlənildiyindən xeyli qısa alınıb. Kataloniyalılar səfərdə “Deportivo Qvadalahara”nı 2:0 hesabı ilə məğlub ediblər.

Görüşün taleyini 76-cı dəqiqədə Andreas Kristensenin, 90-cı dəqiqədə isə Markus Reşfordun vurduğu qollar həll edib. Qarşılaşmanın startı təxminən 30 dəqiqə gecikdiyi üçün oyundan sonrakı mətbuat konfransını da ixtisar etmək lazım gəlib.

Komanda.az “Barca Universal”-a istinadən xəbər verir ki, almaniyalı baş məşqçi jurnalistlərin cəmi üç sualını cavablandırıb. Həmin vaxt “Barsa”nın futbolçuları artıq baş məşqçini klub avtobusunda gözləyirmiş.

“Barselona” növbəti oyununu dekabrın 21-də, La Liqa çərçivəsində səfərdə “Vilyarreal”a qarşı keçirəcək.

The post Flikin üç suallıq mətbuat konfransı appeared first on Komanda.az.

FİFA dünən Qətərin paytaxtı Dohada 2024/2025-ci illər mövsümü üzrə dünya futbolunun ən yaxşılarının adlarını açıqlayıb.

Komanda.az xəbər verir ki, ilin ən yaxşı kişi baş məşqçisi Luis Enrike, futbolçusu Osman Dembele, qapıçısı isə Canluici Donnarumma seçilib.

Ölkələrin milli komandalarının baş məşqçiləri və kapitanlarının iştirak etdiyi etdiyi səsvermədə Azərbaycan Ayxan Abbasov və Emin Mahmudovla təmsil olunub.

Ayxan Abbasov ən yaxşı futbolçu üçün səsvermədə Əşrəf Hakimi (1-ci yer), Kilian Mbappe (2-ci yer) və Məhəmməd Salaha (3-cü yer) səs verib.

Emin Mahmudovun seçimi isə belə olub: Kilian Mbappe (1-ci yer), Osman Dembele (2-ci yer), Lamin Yamal (3-cü yer).

Ayxan Abbasov ilin məşqçisi kimi ilk yerə PSJ-nin baş məşqçisini layiq görüb: Luis Enrike (1-ci yer), Arne Slot (2-ci yer), Mikel Arteta (3-cü yer).

Emin Mahmudovun seçimi isə belədir: Luis Enrike (1-ci yer), Enzo Mareska (2-ci yer), Arne Slot (3-cü yer).

Qapıçı seçiminə gəlincə, Ayxan Abbasovun ilk üçlüyü belədir: Canluici Donnarumma (1-ci yer), Manuel Noyer (2-ci yer), Yann Zommer (3-cü yer).

Emin Mahmudov da Ayxan Abbasov kimi Donnarummanı ilk yerə layiq görüb: Canluici Donnarumma (1-ci yer), Tibo Kurtua (2-ci yer), Alisson Bekker (3-cü yer).

The post Abbasovla Mahmudovun FİFA-nın səsverməsində kimlərə səs verdikləri bilindi appeared first on Komanda.az.

Argentina millisinin baş məşqçisi Lionel Skaloni FİFA-nın “ilin ən yaxşı futbolçusu” nominasiyası üzrə səs verdiyi oyunçuların adlarını açıqlayıb.

Komanda.az xarici KİV-ə istinadən xəbər verir ki, mükafat PSJ-nin vingeri Osman Dembeleyə təqdim olunsa da, Argentina millisinin “sükanı arxasında” olan mütəxəssis onu ilk üçlüyə daxil etməyib.

Skaloninin siyahısında birinci pilləni hazırda “Real”da çıxış edən Kilian Mbappe tutub. Onun ardınca “Barselona”nın iki futbolçusu – Pedri və Lamin Yamal qərarlaşıb.

Mbappe 2022-ci ilin dekabrında Fransa və Argentina milliləri arasında keçirilən dünya çempionatının finalında het-trikə imza atmışdı. Buna baxmayaraq, Lionel Skaloninin rəhbərlik etdiyi Argentina yığması penaltilər seriyasında qalib gələrək mundialın qalibi olmuşdu.

The post Skaloni “ilin ən yaxşı futbolçusu” seçimində kimə səs verib? appeared first on Komanda.az.

“Mançester Yunayted”in yarımmüdafiəçisi Bruno Fernandes yayda klubdan ayrılmağa çox yaxın olduğunu açıqlayıb.

2025-ci ilin yay transfer pəncərəsində portuqaliyalı futbolçunun Səudiyyə Ərəbistanı klublarından birinə keçə biləcəyi ilə bağlı söz-söhbətlər yayılsa da, o, sonda İngiltərədə qalıb.

Komanda.az xarici KİV-ə istinadən xəbər verir ki, Fernandes klub rəhbərliyinin onun mümkün gedişinə müsbət yanaşdığını bildirib:

“Klub yayda getməyimi istəyirdi və bu fikir beynimdə dərin iz buraxdı. Bu mövzunu direktorlarla müzakirə etdim, amma düşünürəm ki, onlar sadəcə belə bir qərarı verməyə cəsarət etmədilər. Mən qalmağı seçdim – qismən ailə səbəblərinə görə, amma əsasən bu klubu səmimi şəkildə sevdiyim üçün. Baş məşqçi ilə söhbətim də qərarıma təsir etdi. Bununla belə, rəhbərlikdə sanki belə bir hiss vardı: “Getsən, biz çox da məyus olmayacağıq”.

31 yaşlı yarımmüdafiəçi bu münasibətin onu sarsıtdığını gizlətməyib:

“Bu, mənə çox ağır təsir etdi. Hətta ağırdan da çox, kədərli idi. Çünki məni qınamağa əsas yoxdur. Mən həmişə meydandayam, həmişə oynayıram və bütün gücümü ortaya qoyuram. Sonra ətrafa baxırsan və klubu mənim qədər dəyərləndirməyən, onun üçün mübarizə aparmayan futbolçular görürsən. Əsl məyusluq da məhz bundan yaranır”.

The post “Mançester Yunayted” rəhbərliyi Fernandesi məyus edib appeared first on Komanda.az.

İngiltərə millisinin sabiq futbolçusu Ueyn Runi Premyer Liqada çempionluq üçün əsas favoriti açıqlayıb.

Komanda.az “BBC Podcast”-a istinadən xəbər verir ki, ingiltərəli keçmiş futbolçu titul uğrunda əsas namizədin “Arsenal” olduğunu bildirib:

“Arsenal”ı yalnız “Mançester Siti” izləyir və maraqlıdır ki, “şəhərlilər” “topçular”la rəqabət apara biləcəkmi? Ancaq burada hər şey “Arsenal”ın oyunundan asılıdır. Çünki əvvəlki mövsümlərdə də onlar lider idilər, sonradan üstünlüyü əldən verdilər”.

“Arsenal” 16 turdan sonra 36 xalla turnir cədvəlinin zirvəsindədir. İkinci pillədə qərarlaşan “Mançester Siti” ilə aradakı fərq 2 xaldır. Üçlüyü “Aston Villa” 33 xalla tamamlayır.

Runi daha əvvəl bildirib ki, o, “Aston Villa”nın çempion olacağına inanmır.

The post Runi Premyer Liqadakı favoritini açıqladı appeared first on Komanda.az.

“Qarabağ”ın UEFA Çempionlar Liqasında rəqiblərindən olan “Liverpul”un sabiq futbolçusu Ceymi Karrager komandanın hücumçusu Məhəmməd Salahın gələcəyi ilə bağlı fikirlərini bildirib.

Komanda.az “Sky Sports”-a istinadən xəbər verir ki, o, misirli futbolçunu növbəti mövsümdə “qırmızılar”ın heyətində görmədiyini söyləyib:

“Onu gələn mövsüm “Liverpul”da görmürəm. Maraqlıdır, hazırkı mövsümün sonuna qədər komandada qalacaqmı? Düşünürəm ki, Salah getmək qərarına gələrsə, peşman olacaq. “Real” və ya “Barselona”nın onu transfer etməsi ehtimalı azdır. Ən çox ehtimal olunan seçim Səudiyyə Ərəbistanıdır”.

33 yaşlı hücumçu bu mövsüm İngiltərə Premyer Liqasında 14 oyun keçirib, 4 qol vurub və 3 məhsuldar ötürmə edib. Onun “Liverpul”la hazırkı müqaviləsi 2027-ci ilin yayına qədərdir.

The post “Salah “Liverpul”dan getmək qərarına gələrsə, peşman olacaq” appeared first on Komanda.az.

“Sabah” basketbol komandası FIBA Çempionlar Liqasının qrup mərhələsində sonuncu matçını keçirib.

Komanda.az xəbər verir ki, Almaniyanın paytaxtı Berlində “Alba” klubu ilə üz-üzə gələn Rimas Kurtinaytisin baş məşqçisi olduğu kollektiv 82:106 hesabı ilə uduzaraq turnirdə mübarizəni dayandırıb.

“Sabah” B qrupunu 7 xalla sonuncu – dördüncü pillədə bitirib. “Alba” və Fransanın “Elan Şalon” kollektivləri hərəyə 11 xalla müvafiq olaraq birinci və ikinci pillədə yer alıblar. “Sabah”la eyni xala malik Çexiyanın “Nimburk” komandası üçüncü olub.

The post “Sabah” FIBA Çempionlar Liqasında mübarizəni dayandırdı appeared first on Komanda.az.

“Arsenal” “Milan”ın 20 yaşlı qapıçısı Lorenzo Torrianini transfer siyahısına daxil edib.

Komanda.az xəbər verir ki, bu barədə “La Gazzetta dello Sport” nəşri məlumat yayıb.

London təmsilçisi italiyalı qolkiperin “Milan”dakı inkişafını yaxından izləyir və onun gələcək karyerası ilə maraqlanır. Torrianinin hazırkı bazar dəyəri 500 min avro olaraq qiymətləndirilir.

20 yaşlı futbolçunun “qırmızı-qaralar”la müqaviləsinin müddəti 2030-cu ilin iyununa qədərdir. O, cari mövsümdə “Milan”ın ikinci komandasında – D Seriyasında 10 oyunda iştirak edib və 12 top buraxıb.

The post “Arsenal” 500 min avroluq qapıçı ilə maraqlanır appeared first on Komanda.az.

İspaniyanın qadınlardan ibarət “Barselona” klubunun yarımmüdafiəçisi Aytana Bonmati FIFA tərəfindən 2025-ci ilin ən yaxşı qadın oyunçusu seçilib.

Komanda.az xəbər verir ki, İspaniya millisinin üzvü ardıcıl üçüncü dəfə bu mükafatı qazanıb.

O, ötən mövsüm “Barselona” ilə İspaniya La Liqasını, ölkə kubokunu və superkuboku qazanıb.

The post İspan yarımmüdafiəçi 2025-ci ilin ən yaxşı qadın oyunçusu seçildi appeared first on Komanda.az.

“Kristal Pelas”ın müdafiəçisi Mark Quehi karyerasını “Mançester Siti”də davam etdirə bilər.

Komanda.az xəbər verir ki, bu barədə “The Times” məlumat yayıb.

“Şəhərlilər” İngiltərə millisinin 25 yaşlı oyunçusunu müdafiə xəttini gücləndirmək üçün əsas namizədlərdən biri kimi nəzərdən keçirir.

Yayda “Liverpul”a keçidi baş tutmayan Quehi “Kristal Pelas”la 2026-cı ilin 30 iyununa qədər olan müqaviləsini uzatmaq istəmir və komandadan ayrılmağa hazırdır. “Mançester Siti” isə uzun müddətdir onun inkişafını izləyir.

Klub müdafiədə ciddi yeniləmələrə hazırlaşır və Quehi uzunmüddətli perspektiv üçün ideal variant sayılır. “Kristal Pelas” isə onun pulsuz getməsinin qarşısını almaq üçün qışda satmağı da nəzərdən keçirir, çünki bir neçə top-klub maraq göstərir.

İngiltərəli futbolçu cari mövsümdə 25 oyunda iştirak edib, 2 qol vurub və 3 məhsuldar ötürmə verib.

The post “Mançester Siti” milli üzvünün transferini planlaşdırır appeared first on Komanda.az.

Gənclər və İdman Nazirliyi və Milli Olimpiya Komitəsinin dəstəyi ilə təşkil edilən “Güləş Qarabağda” kampaniyasının ikinci günündə Laçın şəhər 2 saylı orta məktəbə baş çəkilib.

Komanda.az xəbər verir ki, tədbirdə tanınmış güləşçilər çıxış edərək gənc nəslə öz tövsiyələrini veriblər.

Daha sonra güləşlə bağlı maarifləndirici viktorina keçirilib və sualları dəqiq cavablandıran şagirdlər AGF tərəfindən mükafatlandırılıb.

Daha sonra Rafiq Hüseynov, Eldəniz Əzizli, Mariya Stadnik, Rəsul Çunayev və Oyan Nəzəriani şagirdlərin suallarını cavablandırıb və avtoqraf veriblər.

Güləşin ulduzları Şuşaya da baş çəkiblər. Şuşa qalasında yerli sakinlərlə görüşən nümayəndə heyəti onlarla xatirə şəkli çəkdirib.

Qeyd edək ki, Qarabağa Böyük Qayıdış layihəsinin tərkib hissəsi olan kampaniyanın məqsədi işğaldan azad olunmuş torpaqlarda yaşayan sakinlərdə motivasiyanı yüksəltmək, milli ruhda inkişafa töhfə vermək, güləşin ölkədə daha da populyarlaşmasını və bu sahədə maariflənməni təmin etməkdir.

The post Azərbaycanın tanınmış güləşçiləri Laçında məktəbdə olublar appeared first on Komanda.az.

“Mançester Siti”nin futbolçusu Jeremi Doku zədələndiyi üçün 2025-ci ildə meydana çıxa bilməyəcək.

Komanda.az xəbər verir ki, bu barədə klubun mətbuat xidməti məlumat yayıb.

Belçikalı vinger təqribən 2-3 həftəlik yaşıl meydanlardan kənar qalacaq. Onun 2026-cı il yanvarın 1-də Premyer Liqada “Sanderlend”lə matça qədər hazır olması istisna edilmir.

Doku cari mövsüm “Mançester Siti”nin heyətində bütün turnirlərdə 22 oyunda 3 qol vurub və 6 məhsuldar ötürmə edib.

The post “Mançester Siti”də ciddi itki appeared first on Komanda.az.

Fransanın PSJ klubunun futbolçusu Osman Dembele FIFA tərəfindən 2025-ci ilin ən yaxşı futbolçusu, çalışdırıcı Luis Enrike isə ən yaxşı məşqçisi seçilib.

Komanda.az xəbər verir ki, onların mükafatlandırılma mərasimi Qətərin paytaxtı Dohada keçirilib.

Paris təmsilçisi ötən mövsüm Fransa Liqa 1, Fransa kuboku və superubokunun çempionu, həmçinin Çempionlar Liqasının və UEFA superkubokunun qalibi olub. Dembele Liqa 1-də 25 qolla 2024/2025 mövsümünün bombardiri olub. Ümumilikdə isə Dembele ötən mövsüm PSJ-də 53 oyun keçirib, 35 qol vurub və 16 məhsuldar ötürmə edib.

The post 2025-ci ilin ən yaxşı futbolçusu və məşqçisi açıqlandı appeared first on Komanda.az.

Argentinanın “İndependiente” klubunun futbolçusu Santyaqo Montielin qolu 2025-ci il üçün “Ferents Puşkaş” mükafatına layiq görülüb.

Komanda.az xəbər verir ki, FIFA-nın mətbuat xidməti məlumat yayıb.

O, Argentina çempionatının 16-cı turunda “İndependiente Rivadavia” ilə matçda vurduğu qola görə təltif edilib.

Namizədlər arasında daha 10 futbolçunun adı yer alıb. Santyaqo Montiel cari mövsüm komandasının heyətində 36 oyunda yeddi qol vurub və dörd məhsuldar ötürmə edib.

The post “Ferents Puşkaş” mükafatına layiq görülən qol açıqlandı appeared first on Komanda.az.

İtaliya millisinin sabiq futbolçusu Fabio Kannavaro A Seriyasında ən güclü klubun “İnter” olduğunu bildirib.

Komanda.az xarici KİV-ə istinadən xəbər verir ki, o, Milan klubunun çempionatdakı liderliyinin heç də təsadüfi olmadığını deyib:

“Kristian Kivu (“İnter”in baş məşqçisi)? O, qəssab deyil. Uzun illərdir futboldadır və komandanın turnir cədvəlinin zirvəsində yer almasına təəccüblənməyə dəyməz. “İnter” hazırda İtaliya çempionatının ən güclü klubudur”.

Kristian Kivu cari ilin yayında “İnter”in baş məşqçisi təyin olunub. Komanda onun rəhbərliyi altında 15 turdan sonra 33 xal toplayaraq, A Seriyasında turnir cədvəlinin lideridir.

“İnter” növbəti turda səfərdə “Atalanta” ilə üz-üzə gələcək. Qarşılaşma dekabrın 28-də keçiriləcək.

The post “Kivu qəssab deyil” appeared first on Komanda.az.