İngiltərə Premyer Liqasında XXVII tura yekun vurulub.

Futbolpress.az xəbər verir ki, “Çelsi” azarkeşləri önündə “Bernli” ilə heç-heçə edib. “Qarabağ”ın Çempionlar Liqasındakı rəqibi “Nyukasl” səfərdə “Mançester Siti”yə uduzub.

Lider “Arsenal” Londonda “Tottenhem”ə qalib gəlib.

Turun son matçıdna “Mançester Yunayted” səfərdə “Everton”u məğlub edib.

İngiltərə Premyer Liqası
XXVII tur

21 fevral

Aston Villa – Lids 1:1
Qollar: T.Abraham, 88 – Stax, 31.

Çelsi – Bernli 1:1
Qollar: J.Pedro, 4 – Flemminq, 90+3.

Vest Hem – Bornmut 0:0

Brentford – Brayton 0:2
Qollar: D.Qomes, 30. Uelbek, 45+1.

Mançester Siti – Nyukasl 2:1
Qollar: O’Rayli, 14; 27 – Holl, 22.

22 fevral

Kristal Pelas – Vulverhempton 1:0
Qol: Gessand, 90.

Nottingem Forest – Liverpul 0:1
Qol: Makallister, 90+7.

Sanderlend – Fulhem 1:3
Qollar: Le Fi, 76 – R.Ximenes, 54; 61-pen. İvobi, 85.

Tottenhem – Arsenal 1:4
Qollar: Kolo Muani, 34 – Eze, 32; 61. Dyökereş, 47; 90+4.

23 fevral

Everton – Mançester Yunayted 0:1
Qol: Sesko, 72

“Nyukasl”ın baş məşqçisi Eddi Hau Çempionlar Liqasında “Qarabağ”a qarşı keçirəcəkləri oyundan əvvəl fikirlərini bölüşüb.

Futbolpress.az xəbər verir ki, mütəxəssis matçla bağlı bunları deyib:

“Heyətdə rotasiyalar olacaq, amma məqsədimiz qələbə qazanmaq, ritmi itirməməkdir. İlk oyundakı nəticə önəmlidir, lakin mənimçün daha vacib olan sərgilədiyimiz futbol, oyunçuların davranışıdır”.

“Nyukasl” – “Qarabağ” oyunu sabah, saat 00:00-da start götürəcək. Komandalar arasındakı ilk matçda ingilislər qələbə qazanıb – 6:1.

“Qarabağ” Çempionlar Liqasının pley-off mərhələsində sabah “Nyukasl”ın qonağı olacaq.

Futbolpress.az xəbər verir ki, “atlılar” matç üçün İngiltərəyə yola düşüb.

Sabah keçiriləcək görüşə saat 00:00-da start veriləcək. Komandalar arasındakı ilk oyunda “Nyukasl” qələbə qazanıb – 6:1.

AFFA Hakimlər Komitəsinin sədri Rəhim Həsənov Misli Premyer Liqasının XXI turunun oyunlarında qeydə alınan mübahisəli epizodlarla bağlı fikirlərini bildirib.

Futbolpress.az xəbər verir ki, funksioner turdakı mübahisəli epizodlarda hakimlərin doğru qərar verdiyini deyib:

Azərbaycan II Liqasında XV tura start verilib.

Futbolpress.az xəbər verir ki, ilk gündə 4 oyun baş tutub.

“Şirvan” səfərdə “Araz Saatlı”ya, “Dinamo” isə “Kür-Araz”a qalib gəlib.

Azərbaycan II Liqası
XV tur

23 fevral

“Araz Saatlı” – “Şirvan” 1:2
Qollar: X.Bədirov, 29 – X.Bədirov, 42-avtoqol, Ü.Quliyev, 89-pen.

“Kür-Araz” – “Dinamo” – 2:4
Qollar: E.Məmmədov, 22-pen; 90+1 – V.Seyidov, 7, V.Seyidov, 37-pen; 80-pen; Ə.Abbasov, 77

“Göygöl” – “Quba” – 0:2
Qollar: V.Cəfərov, 57, İ.Azaxov, 90+3

“Ağdaş” – “Ağstafa Gəncləri” – 0:1
Qol: Ə.Bağırov, 27

“Neftçi TV” Azərbaycanın əfsanəvi futbolçusu, mərhum Anatoli Banişevskinin 80 illik yubileyi ilə əlaqədar sənədli film hazırlayıb.

Futbolpress.az xəbər verir ki, filmdə unudulmaz “9 nömrə”nin həyat yoldaşı İnna Banişevskaya, veteran futbolçular – Kazbek Tuayev, İsgəndər Cavadov, Səməd Qurbanov, Rüstəm Rəhimov, Böyükağa Ağayev və “След кометы. Страницы жизни Анатолия Банишевского” kitabının müəllifi, jurnalist Azər Cahangirov əfsanə ilə bağlı xatirələrini bölüşüblər.

Çempionlar Liqasının pley-off mərhələsində İtaliyada “Yuventus” və “Qalatasaray” arasında keçiriləcək cavab görüşünə təyinatlar açıqlanıb.

Futbolpress.az xəbər verir ki, matçı Portuqaliyadan olan hakimlər briqadası idarə edəcək.

Baş hakim Joau Pinheyru olacaq. Ona yan xətt hakimləri Brunu Xesus və Lusianu Maya kömək edəcəklər. Dördüncü hakim funksiyasını Joau Qonçalveş yerinə yetirəcək.

Matç fevralın 25-də, saat 00:00-da keçiriləcək. “Qalatasaray” ilk oyunda 5:2 hesabıyla qələbə qazanıb.

“Sabah” Premyer Liqada 21 turdan sonra 52 xalla birinci sıradadır. “Bayquşlar” ehtiyatda bir oyunu olan “Qarabağ”ı 7 xal qabaqlayır.

“Sabah”ın sabiq futbolçusu Filip İvanoviç “Futbolpress.az“a açıqlamasında “futuristlər”in çıxışını dəyərləndirdi:

“Sabah”ın oyunlarını izləyirəm. Komanda yaxşı təsir bağışlayır. Liderlik onları eyforiyaya salmamalıdır. Oyundan-oyuna irəliləməlidirər. “Qarabağ”la arada xal fərqi olmasına baxmayaraq, diqqəti əldən vermək olmaz. Qarşıda hələ çox oyun var və düşünürəm ki, bu tempi qorumalıdırlar.

“Sabah”ın yaxşı baş məşqçisi, keyfiyyətli heyəti var. Ümid edirəm ki, çempionluq yolunda büdrəməzlər və mövsümün sonunda klubda yeni tarix yazmağı bacararlar”.

İvanoviç 2018-2021-ci illərdə “Sabah”ın formasını geyinib. O, “futuristlər”lə 59 oyunda meydana çıxıb və 2 qol vurub.

Şahin Cəfərov

“Beşiktaş”ın zədəli hücumçusu El Bilal Turenin son duurmu məlum olub.

Futbolpress.az xəbər verir ki, bu barədə komandanın baş məşqçisi Sergen Yalçın yerli mətbuata açıqlamasında deyib. O, forvardın 6-8 həftə yaşıl meydanlardan uzaq qalacağını bildirib.

Ture Super Liqada “Başakşəhər”lə matçda zədə alıb.

Forvard bu mövsüm Super Liqada 16 oyunda 5 qol vurub, 5 məhsuldar ötürmə edib.

Kurasao yığmasının baş məşqçisi Dik Advokat vəzifəsindən ayrılıb.

Futbolpress.az xəbər verir ki, mütəxəssis qızının səhhəti ilə bağlı işindən ayrılmağa qərar verib.

Kurasao millisi Advokatın rəhbərliyi altında tarixində ilk dəfə dünya çempionatına vəsiqə qazanıb.

Misli Premyer Liqasının XXI turunun “Turan Tovuz”la oyunu Davit Volkov üçün yubiley xarakteri daşıyıb.

Futbolpress.az xəbər verir ki, o, “Zirə”nin heyətində 100-cü çempionat matçını keçirib.

Gürcüstanlı hücumçu bu qarşılaşmalarda 36 qol vurub. Davit Premyer Liqada “Zirə” forması ilə ilk oyununu 2020-ci il fevralın 1-də “Sabah”a qarşı (2:0) keçirib.

Qeyd edək ki, Volkov turnirdə “Qəbələ” və “Sabah”da da çıxış edib.

Azərbaycan futbol tarixinin parlaq simalarından olmuş, uzun illər “Neftçi” klubunun şərəfini qorumuş, SSRİ millisinin heyətində çıxış etmiş və öz dövrünün ən güclü, ən istedadlı hücumçularından biri kimi yaddaşlara həkk olunmuş Anatoli Banişevskinin doğum günüdür.

Futbolpress.az xəbər verir ki, anadan olmasının 80-ci ildönümündə AFFA rəhbərliyi, Gənclər və İdman Nazirliyinin nümayəndələri və futbol veteranları mərhum futbolçunun məzarını ziyarət edib, gül dəstələri qoyub, onun əziz xatirəsi dərin hörmət və ehtiramla yad edilib.

18 yaşadək futbolçulardan ibarət Azərbaycan millisi Beynəlxalq İnkişaf Turnirində sonuncu oyuna çıxıb.

Futbolpress.az xəbər verir ki, yığma 5-ci yer uğrunda görüşdə Tacikistanın müvafiq yaş qrupundan ibarət komandası ilə qarşılaşıb. Oyun rəqibin qələbəsi ilə bitib – 1:0.

U-18 daha əvvəl keçirdiyi matçlarda Rusiya (1:7) və Özbəkistana (1:3) məğlub olub, Belarusa qalib gəlib – 1:0.

“Kayzerslautern”in hücumçusu Mahir Emreli Almaniya mətbuatına açıqlama verib.

Futbolpress.az xəbər verir ki, uzun müddət sonra II Bundesliqada “Proyssen”lə matçda (3:2) meydana çıxan forvard bunları deyib:

“Çətin dövr idi. Əvvəlcə, son bir neçə ayda bərpa keçdiyim müddətdə mənə kömək olan, dəstək göstərən hər kəsə təşəkkür edirəm. Özümü 85-90 faiz hazır hiss edirəm və motivasiyalıyam. Bu mövsüm çox oynamaq, çox qol vurmaq istəyirəm”.

Mahir ötən ilin noyabrından zədəli idi.

Çempionlar Liqasının pley-off mərhələsində fevralın 25-də keçiriləcək “Nyukasl” – “Qarabağ” oyunundan əvvəl “Qarabağ”ın baş məşqçisi Qurban Qurbanov jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– Cavab oyununa gedirik. Əlbəttə ki, qarşılaşma haqda danışmaq asan deyil. İlk matçdakı nəticəyə görə belədir. Hər halda, üzərimizə düşən vəzifədir, oyun haqda fikirlərimizi bölüşməliyik. Bir neçə gün vaxtımız oldu ki, oyunu təhlil edək. Deyiləcək çox fikir yoxdur. Bəli, rəqib bizi üstələdi. Cavab oyununda daha diqqətli, daha mübariz, daha məsuliyyətli olmalıyıq. Çünki gedəcəyimiz yol uzundur, rəqib doğma meydanda oynayır. Ümumən pis hazırlaşmadıqBaxmayaraq, psixoloji zərbə aldıq, hazırlığımız pis deyil. Çalışırıq ki, cavab oyununda özümüzü yaxşı tərəfdən göstərək.

– Birinci oyunun ikinci hissəsində beşli müdafiəçiyə keçdiniz və yaxşı oynadınız. Gələcək matçlarda bu sistemi yoxlamağı düşünmürsünüz?
– Xeyr. Biz öz oyunumuzu daha yaxşılaşdırmalıyıq.

– Açıq məşq burda oldu. “Nyukasl”la səfər oyunu öncəsi bu qərarı verməyinizə səbəb nə idi?
– Belə hallar olub. Sadəcə Bakıdakı maçtdan sonra bərpaya vaxt lazım idi. İki gün öncə getsəydik, hazırlıq planımız pozulardı. Ona görə belə addım atdıq ki, istədiyimiz kimi hazırlaşa bilək.

– Müdafiənin mərkəzi ilə bağlı problem var. Qarşıdakı üç ayda bunu necə çözməyi düşünürsünüz?
– Samidən düşündüyümüzü ala bilmədik. Hər bir halda, başqa variantlar üzərində çalışacağıq.

– Saminin əvəzedici komandaya göndərilməsinin səbəbi sırf nədir?
– İntizam qaydalarını pozmuşdu. Kodekslərimiz var. Məncə, çox danışmağa ehtiyac yoxdur.

– Toral Bayramovun ötən oyunda penalti zamanı güldüyü görüntüləri yayıldı. Onunla bağlı hansısa tədbir görüldü?
– Bəlkə, epizoda qədər nəsə söhbət edirdilər. Düzdür, fikirlərimi bildirdim, amma xırdalıqlara getmək lazım deyil.

– “Neftçi” ilə matç “Nyukasl”la oyunun fonunda yenidən gündəmə gəlib…
– İndi müzakirə olunası məsələ deyil. Bizim rəhbərlik adından “Neftçi”yə təşəkkür edildi. İkinci xahişimizdən sonra qərar verildi. “Nefçti”yə bir daha təşəkkür edirəm. Bizim qrafikimiz çox sıx idi. İstəyirdik ki, “Nyukasl”la oyuna yaxşı hazırlaşaq. Əsasən də, iki oyun arasında cəmi 2 gün vaxtımız var. Səfərdəki görüşü, yolu düşünərək bu addımı atdıq ki, futbolçular hamısı hazır olsunlar. Bizi başa düşmək lazımdır. Tək “Qarabağ” yox, başqası olsun, illərcə baş verib. Bu gün də bunun tərəfdarıyıq. Bizim hazırkı hazırlığımız onlarla yan-yana qoyulası deyil. “Nyukasl” illərdir bu rejimdə oynayır, uyğunlaşıb. Çox xırdalığa getsək, çox danışmaq olar. Müqayisəolunmazdır. İlin əvvəlindən deyirlər ki, pley-off matçlarında qarşı tərəf razı olarsa, oyun təxirə salınacaq. “Neftçi” yox desəydi, yenə işimizi görəcəkdik, sağ ol deyəcəkdik. O qədər problemlərimiz var ki, bu, müzakirə olunası problem deyil. Biz bir-birimizə meydanda rəqibik. Amma “Neftçi” rəhbərliyi və ya digərləri ilə münasibət yaxşıdır, bir-birimizi daha tez və yaxşı anlamışıq. Çox da müzakirə olunası mövzu deyil. Təşəkkür edirəm ki, “Neftçi” buna razılıq verdi.

– Ayxan Abbasov mətbuat konfransında bildirdi ki, Qubadakı qapıların birinin ölçüsü digərindən 11 sm yüksəkdir. Bu haqda nə deyəcəksiz?
– Ayxan maraqlı açıqlama verib. Mən meydançanı demişdim, Ayxan qapıları deyib(gülür). “No comment”, fikir bildirməyəcəm.

– Bəhlulun Çinə transferi alınmadı. Daha sonra isə zədələndi. İndi psixoloji durumu necədir?
– Yaxşı deyil, çox üzgündür. Tək Bəhlul yox, hamımız üzgünük. Amma zədə qaçılmazdır. O, yaxşı mövsüm keçirib, gözlənilən idi ki, hansısa məqamda futbolçu yorulur. Belə hallar olur.

– Növbəti mövsüm bu uğuru təkrarlamaq üçün hansı mövqelərə transferlər lazımdır? Çatışmazlıqlar hansı mövqelərdir?
– Hər mövqeyə baxış keçiririk. Transfer etmək istəyirik. Həm komandada oyunçunu sayını artırmaq, həm də keyfiyyəti yaxşılaşdırmaq istəyirik. Ən azından əldə etdiyimizi saxlamaq istəyiriksə, Premyer Liqada liderlər sırasında olmalıyıq.

– Düşünmək olar ki, “Nyukasl”ı keçmək real görünmədiyi üçün dərinlikdə daha çox “Sabah”la oyunu düşünürsüz?
– İnanın ki, fikrimdə “Nyukasl”la görüşdür. “Sabah”la oyun barədə düşünmürük. Böyük turnirdir. Reallığa baxsaq, oradakı matçda yaxşı nəticə əldə etməyimiz real görünmür. Amma biz bu turnirdən həzz almalıyıq, futbolçular bu turnirdə böyüyürlər, böyük məğlubiyyətlər həmişə idmançını möhkəm edir. Bu cür böyük komandalara qarşı, belə tribunlarda oynamaq özü ayrıca məsuliyyətdir. Bu gün var İgitlərə Premyer Liqası və Avropa futbolu. Bu liqa digələrindən fərqlənir. İngiltərə klubları digərlərindən bir baş yuxarıdır. Onların hazırda futbola yönəldiyi məbləğlər, infrasturktur digərlərini üstələyir. Bilirik, hara gedirik. Həmişə futbolçularımdan cəsarətli olmaqlarını istəyirəm. Bugünkü uğura məğlub ola-ola, yıxıla-yıxıla gəlmişik, çəkinməmişik, qorxmamışıq. Bu da bəzən uğurlar əldə etməyə şərait yaradır. Hazırda fikrimiz “Nyukasl”la səfər matçıdır. Optimal formada olmaq istəyirik. Nə qərarlar versək, sırf bu oyuna görə veriləcək.

– “Qarabağ” bu mövsüm çox uğurlu çıxış etdi və tələblər artacaq. Bu haqda fikriniz necədir?
– Tamamilə doğrudur. Əgər bir insan, kollektiv müəyyən səviyyəyə qalxıbsa, ən asanıdır. Orada qalmaq çətindir. Məsuliyyətimiz, tələblər artır, gözləntilər çoxalır. Bu oyunlarda hiss edirik. Yaxşı qələbələrimiz oldu. Nəticələr baxsaq, 10 xal əldə etdik. ÇL kimi böyük turnirdə 10 xal əldə etmək, böyük uğurdur. Hansısa oyunda uduzurduq, həmən neqativ fikirlər dolaşırdı. Biz gözləntiləri hiss edirdik. Qaçılmazdır. Buna görə futbol çox sevilir, dünyada yəqin ki, 1 nömrəli müzakirə mövzusudu futboldur. Buna görə bizə dayanmaq, durmaq olmaz. həmişə işimizə pozitiv yanaşmalıyıq ki, uğurlarımızı qoruyub-saxlaya bilək.

– Sabah az oynayan futbolçuları meydanda görə biləcəyik?
– Xeyr, optimal heyətlə çıxacağıq.

Şahin Cəfərov

“Qarabağ”ın futbolçusu Joni Montiel Çempionlar Liqasında “Nyukasl”a qarşı keçirəcəkləri cavab oyunundan öncə fikirlərini bölüşüb.

Futbolpress.az xəbər verir ki, yarımmüdafiəçi matçdan əvvəl təşkil olunan mətbuat konfransında bunları deyib:

– Düşünürəm ki, ilk oyunun birinci hissəsində bizə yaraşmayan şəkildə oynadıq. Fasilədən sonra daha yaxşı mübarizə apardıq. Birinci yarıda da belə oynamalıydıq. Bu yarışın səviyyəsi bəllidir. Düşünürəm ki, ilk oyununun ikinci hissəsindəki kimi oynasaq, yaxşı nəticə əldə edə bilərik.

– Bu mərhələdə, komandadan, özünüzüdən gözləntiləriniz nə idi?
– Çempionlar Liqasının səviyyəsi məni təəccübləndirmədi. Hansısa oyunun asan keçdiyini xatırlamıram. Azərbaycanın ən böyük klubu olaraq bilirəm ki, bizdən gözləntilər yüksəkdi. Çalışdığımız qədər bunların qarşılığını verməyə çalışdıq.

– Hansı mövqedə daha məhsuldar olacağınızı düşünürsünüz? Bəzən “10 nömrə”, bəzən vinger kimi oynayırsınız…
– Tez adaptasiya olmaq kimi xüsusiyyətim var. Lakin özümü “10 nömrə” kimi daha yaxşı hiss edirəm. Bu mövqedə oynayanda daha faydalı oluram. Ancaq digər mövqelərə də ehtiyac olarsa, oynamağa hazıram.

Şahin Cəfərov

“Arsenal”ın hücumçusu Viktor Qyökereş bu mövsüm komandanın ən məhsuldar oyunçusudur.

Futbolpress.az xəbər verir ki, isveçli forvard 25 qol vurub, 2 məhsuldar ötürmə edib. Onun “qol+ötürmə” sistemində 17 xalı var.

Komandanın bu göstəricidə ikinci ən yaxşı oyunçusu Leandro Trossarddır. Belçikalı yarımmüdafiəçi 7 qol vurub, 8 məhsuldar ötürmə edib. Onun xalı 15-dir.

“Arsenal” Premyer Liqada 28 turdan sonra 61 xalla birinci sıradadır.

“Milan”ın məşqçisi Marko Landuççi A Seriyasında “Parma”ya uduzduqları görüşü şərh edib.

Futbolpress.az xəbər verir ki, mütəxəssis 0:1 hesabıyla bitən matçla bağlı bunları deyib:

“Parma” çox yaxşı oynadı. Biz də hücumlar etsək də, top qapıya girmədi. Üç xal qazanmaq istəyirdik və məyusuq.

Düşünürəm ki, A Seriyası dünyanın ən çətin liqasıdır. Çox balanslıdır və hər oyunun öz təhlükəsi var”.

“Milan” çempionatda 54 xalla ikinci sıradadır və lider “İnter”dən 10 xal geridədir.

18 yaşadək futbolçulardan ibarət Azərbaycan milli komandası Beynəlxalq İnkişaf Turnirində bu gün sonuncu oyuna çıxacaq.

Futbolpress.az xəbər verir ki, millimiz 5-ci yer uğrunda görüşdə Tacikistanın müvafiq yaş qrupundan ibarət komandası ilə qarşılaşacaq. Belarusun paytaxtı Minskdə yerləşən yerli futbol federasiyasının məşq meydançasında keçiriləcək matç Bakı vaxtı ilə saat 13:20-də başlanacaq.

“Sabah” – “Kəpəz” (1:0) oyunundan sonra mətbuat konfransında Valdas Dambrauskas belə bir məsələyə toxunub:

“İstərdik ki, önümüzdə həftə tribunada daha çox azarkeşimizi görək. Əvvəlki konfranslarda da demişəm, ardıcıl qələbələr, çoxlu qollar olduqda sanki azarkeş sayımız artmaq əvəzinə azalır. Bilmirəm nə ilə bağlıdır. Bəlkə də, havalara görədir. “Qarabağ”la oyunda stadiona çox azarkeşin gəlməsini istərdim. Komandalarınızı Çempionlar Liqasında, Avropa Liqasında görmək istəyirsiniz, amma daxili çempionat da önəmlidir. Çox istərdim ki, növbəti matçda azarkeşlər tribunada yerini alsınlar”.

Elə mövzular var ki, “passiv aktual” adlandırmaq olar. Yəni həmişə aktualdır, lakin həll edilmir.

Doğrudan, Azərbaycan Premyer Liqası oyunlarında azarkeş niyə olmur?

Bəli, bunu elə “olmur” kimi ifadə edə bilərik, çünki tribunalarda əksərən kluba hər hansı formada yaxın olanlar olur. Orijinal azarkeş ya çox azdır, ya da heç yoxdur.

Valdas, “…ardıcıl qələbələr, çoxlu qollar olduqda sanki azarkeş sayımız artmaq əvəzinə azalır” ifadəsi ilə problemi obrazlı şəkildə mükəmməl ifadə edib. Ümumiyyətlə, “futuristlər”in litvalı baş məşqçisinin özünüifadə məzmunu digərlərindən fərqlidir. O, məsələlərin fəlsəfi qatını da aça/yarada bilir. Yuxarıdakı cümlə də bu sıradandır.

Azərbaycanda azarkeş anlayışındakı absurd reallığı bu qədər sərrast ifadə etmək asan məsələ deyil.

12 il sərasər avrokubokların qrup mərhələsinə yüksələn “Qarabağ”ın APL oyunlarına bəzən heç 200-300 nəfər gəlmir.

Niyə?

Cavab tapmaq çətindir. Əksərən bu mövzuda müxtəlif uduşlar, əyləncəli proqramlar təklif edilir. Bunun ən yaxşısını vaxtilə “Qəbələ” etdi, ancaq tribuna dolmadı ki dolmadı…

Bir zamanlar böyük futbolun regionlara açılması ilə azarkeş amilində canlanmanın yaranacağı ən populyar iddia idi. Lakin indi APL-dəki iştirakçıların təxminən yarısı region təmsilçisi olsa da, yenə ürəkaçan, diqqətçəkən məqam yoxdur.

Əvvəla, region təmsilçilərinin vəziyyəti elədir ki, azarkeş kultu formalaşmır. Daha çox həmin klublar ətrafında dedi-qodu mühiti yaranıb.

Ümumiyyətlə, bir əlin barmaqlarının sayı qədər olmayacaq ənənəyə sahib regionların elə yarısı böyük futboldan uzaq qalıb/saxlanılıb. Olanlar da, məsələn, Gəncə, Tovuz – daha çox deyingənlik, narazılıq, istefa tələblərində qabarırlar, üzə çıxırlar.

Fərqlilik yoxdur. Bir az “Sabah” tərəfdarları cəhd etdi, kult yaratmaq istiqamətində maraqlı addımlar atdı, lakin orda da səngimə müşahidə olunur. Elə Valdas dediyi kimi, oyuna gəlmirlər…

Nəticələri pisləşsə də, son illər adına layiq yerlərdə olmasa da, nisbətən “Neftçi” tribunaları canfəşanlığıyla gözə dəyir. O da böyük ölçüdə ənənədən doğur…

Vəziyyət ürəkaçan deyil, ancaq bunda azarkeşi günahlandırmaqla çıxış yolu tapa bilmərik. Bizim futbol öz təbiiliyini itirib. Bəlkə də problem bundan qaynaqlanır.

Azarkeş görür ki, bütün klublara eyni məbləğdə dövlət dotasiyası ayrılır. Və bu pullar klubun böyüməyinə yox, legioner gəl-getinə xərclənir. Klubları mənfəətbazlar basıb. Əksər klublarda bir-biri ilə əlaqəsi olan şəxslər çalışır və onların əsas məqsədi ölkə futbolunda dövr edən maliyyədən özünə “qatlamaqdır”.

Bu və bu kimi reallıqları görən, bilən, eşidən azarkeş, əlbəttə tribunaya gəlməz, deyinər, dedi-qodu edər, neqativ saçar. Bu aura, mühit ümumi ölkə futbolunun başına çöküb. Yaxşı cəhdlər edən azsayda klub da bu auranən yaratdığı “qısırlaşma” modundan əziyyət çəkir.

Təşəkkürlər, Valdas! Sosioloji, iqtisasi məzmunlu problemi qabartdığınız, hətta fəlsəfi çalarlarla ifadə etdiyiniz üçün.

Bizə belə futbol simaları lazımdır – indiki məqamın səbəblərini tapmaq və həll etmək üçün.

Çox azdır sizin kimisi, lap az.

Kamil Əhməd

“Şeffild Uenzdey” klubu Çempionşipi tərk edəcək.

Futbolpress.az xəbər verir ki, XXXIII turda “Şeffild Yunayted”ə uduzan komandanın liqada qalmayacağı dəqiqləşib.

“Şeffild Uenzdey” İngiltərə çempionatları tarixində fevraldan elitanı tərk etməyi bilinən ilk komanda olub.

Klubun aktivində -7 xal var. “Şeffild Uenzdey” maliyyə problemlərinə görə, mövsümün əvvəlində xal silmə cəzasına məruz qalıb.

“Tottenhem”in baş məşqçisi İqor Tudor Premyer Liqada “Arsenal”a uduzduqları oyundan sonra fikirlərini bölüşüb.

Futbolpress.az BBC-yə istinadən xəbər verir ki, mütəxəssis 1:4 hesabıyla bitən matçla bağlı bunları deyib:

“İlk hissədə yaxşı mübarizə apardıq. Rəqibin qoluna reaksiya verə bildik və oyunda balans yaratdıq. Fasilədən sonra “Arsenal”ın erkən qolu planlarımızı pozdu.

Komandanın liqada qalacağına əminəm. Nəticələrimiz pis olsa da, keyfiyyətli oyunçularımız var və geridönüş edə bilərik”.

“Tottenhem” Premyer Liqada 27 turdan sonar 29 xalla 16-cı sıradadır.

Misli Premyer Liqasının XXI turu Filip Ozobiç üçün əlamətdar olub.

Futbolpress.az xəbər verir ki, “Turan Tovuz”un yarımmüdafiəçisi turnirdə 70-ci qolunu vurub.

O, “Zirə” ilə ev oyununda (2:0) fərqlənib. Filip “70”ə 218-ci oyununda çatıb. Onun orta məhsuldarlığı 0,32-yə bərabərdir.

Premyer Liqada 2016/17 mövsümündə debüt edən Ozobiç “Qəbələ”də 16, “Qarabağ”da 35, “Neftçi”də 15 qol vurub. İndiki klubunda 4-cü dəfə fərqlənən yarımmüdafiəçi turnirdə 70 və daha çox qola sevinən 23-cü futbolçu olub. Ozobiç bu göstəricidə Zaur Ramazanova şərik olub.

1. Nazim Əliyev – 183

2. Müşfiq Hüseynov – 125

3. Rövşən Əhmədov – 116

4-5. Qurban Qurbanov – 115

Samir Ələkbərov – 115

6. Alay Bəhramov – 108

7. Nadir Nəbiyev – 103

8-9. Xaqani Məmmədov – 102

Vadim Vasilyev – 102

10. Kənan Kərimov – 101

11. Musa Qurbanov – 94

12. Fazil Pərvərov – 89

13. Samir Musayev – 88

14-15. Fərrux İsmayılov – 85

İmamyar Süleymanov – 85

16. Samir Əliyev – 84

17. İsmayıl Məmmədov – 76

18. İlham Məmmədov – 74

19. Azər İsayev – 73

20. Paşa Əliyev – 72

21. Badri Kvaratsxeliya – 71

22-23. Zaur Ramazanov – 70

Filip Ozobiç – 70

Qeyd edək ki, Ozobiç “23-lük”də karyerasını davam etdirən yeganə futbolçudur.

“Neftçi” sabiq futbolçusu Anatoli Banişevskinin adını əbədiləşdirməyə davam edir.

Futbolpress.az xəbər verir ki, bu gündən etibarən “Neftçi”nin ev oyunlarını keçirdiyi “Palms Sports Arena”nın ən böyük tribunalarından biri – “Cənub” tribunası Azərbaycan futbolunun əfsanəsi, anadan olmasından 80 il ötən Anatoli Banişevskinin adını daşıyacaq.

Bununla “Neftçi”  əfsanəvi “9 nömrə”nin adının əbədiləşdirilməsi yolunda növbəti addımı atıb.

“Sabah” Misli Premyer Liqasında ardıcıl 10-cu qələbəsini qazanıb.

Futbolpress.az xəbər verir ki, Bakı klubu seriyasını yubiley həddinə XXI turda çatdırıb.

Paytaxt təmsilçisi evdə “Kəpəz”i 1:0 hesabı ilə məğlub edib. “Sabah” bunadək “İmişli”ni 3:0, “Neftçi”ni 2:0, “Turan Tovuz”u 3:1, “Qarabağ”ı 2:1, “Sumqayıt”ı 3:1, “Karvan-Yevlax”ı 4:1, “Zirə”ni 3:1, “Araz-Naxçıvan”ı 4:1, “Qəbələ”ni 1:0 hesabı ilə üstələyib.

Klub tarixində ilk dəfə belə seriyaya imza atan “Sabah” turnirin tarixində ən azı 10 qələbəni sıralayan 9-cu komandadır. Bunadək 8 klub 17 seriyaya imza atıb. Cari mövsüm qeydə alınan bu seriya isə 18-cidir.

“Neftçi” hamıdan çox – 6 dəfə ən azı 10 ardıcıl görüşdə qalib gəlib. “Qarabağ”ın 4, “Şəmkir”in 2 belə seriyası var. “Bakı”, “Kəpəz”, “Turan”, “Xəzər” (Sumqayıt) və “Xəzər Lənkəran” isə “Sabah” kimi bir dəfə ardıcıl qələbə seriyasını ikirəqəmli ədədə çatdırıb.

Qeyd edək ki, “Sabah” növbəti turda “Qarabağ”la qarşılaşacaq.

Misli Premyer Liqasının XXI turunun 5 oyununda 5 qol vurulub.

Futbolpress.az xəbər verir ki, “Turan Tovuz” “Zirə”ni evdə, “Araz-Naxçıvan” “Karvan-Yevlax”ı səfərdə 2, “Sabah” öz meydanında “Kəpəz”i 1 qolla məğlub edib. “Neftçi” – “Qarabağ” qarşılaşması isə təxirə salınıb.

Baş tutan 5 görüşdə orta məhsuldarlıq 1,00-a bərabər olub. Bu, mövsümün yeni antirekordudur.

Ardıcıl ikinci turda məhsuldarlıq antirekordu qeydə alınır. Ötən turun 6 matçında 8 qol vurulmuşdu. Orta məhsuldarlıq 1,33-ə bərabər idi.

Orta məhsuldarlığın 1,00 olması son 9 mövsümün antirekordunun təkrarıdır. Belə göstərici sonuncu dəfə ötən mövsümün XII turunda qeydə alınıb. 2024-cü il noyabrın 1-3-də keçirilən 5 matçda 5 qol vurulub.

Qeyd edək ki, daha aşağı məhsuldarlıq sonuncu dəfə 2016/17 mövsümünə təsadüf edib. II turun 4 oyununda 3 qol vurulub və məhsuldarlıq 0,75 olub.

“Sabah”ın futbolçusu Coy-Lens Mikels Misli Premyer Liqasında 100-cü oyununu keçirib.

Futbolpress.az xəbər verir ki, almaniyalı hücumçunun yubileyi XXI tura təsadüf edib.

O, “Kəpəz”lə ev qarşılaşmasında (1:0) meydana sonradan çıxıb. Azərbaycanda yalnız bir klubda – “Sabah”da forma geyinən 32 yaşlı forvard 100 oyunda 47 qol vurub. Onun orta məhsuldarlığı 0,47-yə bərabərdir.

Coy-Lens çempionatın tarixində ən azı 100 oyun keçirən legioner statuslu futbolçular arasında ən yüksək orta məhsuldarlığa malikdir. Ümumilikdə isə Mikels minimum 100 matça çıxanların siyahısında orta göstəricidə 7-ci nəticəyə malikdir.

Premyer Liqada 2021-ci ildə debüt edən Mikels ölkəmizdə yalnız “Sabah”ın formasını geyinib. O, 2021-23-cü illərdə şərəfini qoruduğu kluba 2024-cü ildə qayıdıb.

Qeyd edək ki, Coy-Lens turnirin tarixində 100 və daha çox oyun keçirən 452-ci futbolçu olub. O, eyni klubda buna nail olan 210-cu oyunçudur.

Fransanın “Paris” klubunun baş məşqçisi açıqlanıb.

Futbolpress.az xəbər verir ki, komandanın “sükanı” Antuan Kombuareyə tapşırılıb. Bu barədə klubun mətbuat xidməti məlumat yayıb. 62 yaşlı mütəxəssis bu postda Stefan Jiyini əvəzləyib.

Kombuare məşqçi karyerası ərzində “Strasburq”, “Valensyen”, PSJ, “Lans”, “Genqam”, “Dijon” kimi klublarda işləyib.

“Paris” Liqa 1-də 23 turdan sonra 15 xalla 23-cü sıradadır.

PSJ futbolçusu Joau Neveş ilə müqaviləni uzadıb.

Futbolpress.az xəbər verir ki, bu barədə “Le Parisien” nəşri məlumat yayıb. Paris klubu portuqaliyalı yarımmüdafiəçinin müqaviləsini 2030-cu ilin yayına kimi artırıb.

Neveş 2024-cü ilin yayında “Benfika”dan PSJ-yə keçib. O, komandada Çempionlar Liqasını, Fransa Liqasını və Fransa Kubokunu qazanıb.

Premyer Liqada XXI tur başa çatıb.

Son oyun günündə Qubada “İmişli” “Şamaxı” ilə qolsuz heç-heçə edib, lider “Sabah” isə autsayderlərdən “Kəpəz” üzərində minimal qələbəyə sevinib.

Məhsuldarlığın aşağı olduğu turda “Turan Tovuz” və “Araz-Naxçıvan” 2:0-la 3 xal qazanıb, “Qəbələ” isə səfərdə “Sumqayıt”la dueldən bir xalla ayrılıb.

Turan Tovuz – Zirə 2:0
Turun açılış matçı tovuzluların inamlı qələbəsiylə başa çatdı. Kurban Berdıyevin yetirmələri ilk hissədəki təzyiqi ilə iki qol vurmaqla oyunun taleyini həll etdi. Fasilədən sonra “Zirə” geridönüş cəhdləri etməsinə baxmayaraq, tablodakı hesab dəyişmədi.

“Turan Tovuz” qələbə sayəsində avrokubok mübarizəsində rəqibini üstələdi. Ehtiyatda da bir oyunu olan tovuzlular “Qəbələ” ilə təxirə salınan matçda da üç xal qazansa, “üçlük”dəki yerini möhkəmləndirəcək.

Sumqayıt – Qəbələ 0:0
Turun qol vurulmayan birinci oyunu Sumqayıtda oldu. Hər iki hissədə tərəflər qol vurmağa çalışsa da, hesab açılmadı. Birinci hissədə “Qəbələ” qazandığı penalti hüququndan yararlana bilmədi. Ba Lua dəqiq olsaydı, bəlkə də, oyunun seyri fərqli olardı.

Fərdi mübarizələrin bol olduğ oyun maraqlı alındı. Tək çatışmayan qol idi. “Sumqayıt” hər iki hissənin əvvəlində ciddi təzyiq göstərir, daha sonra “Qəbələ” oyunu tarazlaşdırırdı. Mübarizələrin, epizodların olduğu oyunda bərabərlik iki tərəf üçün də ədalətli nəticə sayıla bilər.

Karvan-Yevlax – Araz-Naxçıvan 0:2
Autsayder xal itkilərinə davam edir. Aylardır, qələbəyə həsrət qalan yevlaxlılar elitanı tərk etmək yolunda irəliləyir. Füzuli Məmmədovun komandası “Araz-Naxçıvan”la oyuna yaxşı başlasa da, son nöqtəni qoymaq alınmadı. Yevlax klubunda bu mövsüm əsas məsələ məhz qol vurmaqdır. “Karvan-Yevlax” sonuncu dəfə yanvarın 25-də “Sabah”la səfər matçında fərqlənib. Ondan sonra qol vura bilməyən yevlaxlılar uğursuz gedişatı dayandıra bilməzsə, elita mübarizəsi bir mövsümlük olacaq.

“Araz-Naxçıvan” isə Andrey Demçenkonun rəhbərliyi altında ardıcıl ikinci qələbəsini qazandı. Sürətli əks-hücumla hesabı açan naxçıvanlılar ikinci hissəyə də təzyiqlə başladı və ikinci qolu vurdu. Bununla da rəqibinin müqavimətini qıran naxçıvanlılar ciddi təzyiqlə üzləşmədi. Ardıcıl qələbələr komandanı yenidən avrokubok yarışına qoşdu.

İmişli – Şamaxı 0:0
Qubada keçirilən daha bir oyun qolsuz başa çatdı.”İmişli” nisbətdə daha yaxşı görünsə də, müdafidə sıx oynayan “şirlər”i məyus etmək alınmadı. Meydançanın durumunun yaxşı olmaması üzündən daha çox uzaqdan zərbələrlə qol vurmağa çalışan komandaların cəhdləri boşa getdi. Hər iki kollektiv liqada qalmaq yolunda vacib xallar toplayıb və indiki məqamda iki tərəf üçün də bir xal pis nəticə sayılmır.

Sabah – Kəpəz 1:0
“Qarabağ”la mövsümün kritik oyunu öncəsi mühüm qələbə qazanan “Sabah” gəncəliləri ciddi pressinq hesabına məğlub etməyi bacardı. Hər iki hissədə üstün oynayan “Bayquşlar” sona yaxın təzyiqini artırmaqla rəqibi boşluq verməyə məcbur etdi. “Kəpəz” müdafiəsinin son dəqiqələrdəki ani diqqətsizliyi məğlubiyyətə səbəb oldu. Hər bir halda, oyun baxımından üstün olan “Sabah” layiqli qələbə qazandı.

Şahin Cəfərov

P.S. Turun “Neftçi” – “Qarabağ” oyunu ikincilərin Çempionlar Liqasında “Nyukasl”la oyununun olması səbəbindən təxirə salınıb.

“Milan” itki ilə üzləşib.

Futbolpress.az xəbər verir ki, komandanın yarımmüdafiəçisi Ruben Loftus-Çik zədələnib.

İngiltərəli futbolçu A Seriyasında “Parma” ilə matçda (0:1) rəqib qapıçı Eduardo Korvi iə toqquşub. Xərəkdə meydanı tərk edən və xəstəxanaya aparılan yarımmüdafiəçi boynundan zədə alıb.

İtaliya mətbuatının xəbərinə görə, Loftus-Çik əməliyyat edilməlidir və bir neçə ay yaşıl meydanlardan uzaq qalacaq.

Ruben bu mövsüm 23 oyunda 3 qol vurub.

“Sabah” basketbol klubu Azərbaycan Kubokunun finalında “Gəncə”yə uduzub.

Futbolpress.az xəbər verir ki, “bayquşlar”ın məşqçisi Rimas Kurtinaytis 82:89 bitən matçla bağlı klubun mətbuat xidmətinə fikirlərini bölüşüb:

“Üstünlüyümüzü əldən verdik. Bəzi epizodlarda konsentrasiyanı itirdik. 30 dəqiqə oyuna nəzarət bizdə idi. 4-cü period isə ağır alındı. Qələbəmizə tez inandığımızdan məğlub olduq. “Gəncə”ni təbrik edirəm. Bizimlə oyuna yaxşı hazırlaşmışdılar”.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

23 fevral

Türkiyə, I Liqa
14:30 Sivasspor – Sakaryaspor (TRT Spor)
17:00 Pendikspor – Keçiörengücü (TRT Spor)
21:00 Amedspor – Vanspor (TRT Spor)

Türkiyə, Super Liqa
21:00 Fənərbağça – Kasımpaşa (beİN Sports 1, Futbol 3)

İtaliya, A Seriyası
21:30 Fiorentina – Piza (Matç TV)
23:45 Bolonya – Udineze (Matç TV)

İngiltərə, Premyer Liqa
00:00 Everton – Mançester Yunayted (beİN Sports 3)

İspaniya, La Liqa
00:00 Alaves – Jirona (İdman TV, Futbol 1)

“Sabah” Premyer Liqanın XXI turunda “Kəpəz”i məğlub edib – 1:0.

Komandanın yeganə qolunu vuran Kahim Parris matçdan sonra klubun mətbuat xidmətinə fikirlərini bölüşüb:

“Hər oyunda qol vurmaq istəyirəm. “Kəpəz”ə qarşı bir neçə dəfə fərqlənmişəm. Buna görə özümə inamım var. Bu dəfə də qol vuracağıma inanırdım. Bizim üçün xüsusi qələbə idi. Üç xal üçün Allaha şükür edirəm.

Vacib oyunlarda qol vurmaq çox gözəldir. Hər dəfə meydana çıxanda istedadımı göstərməyim üçün verilən fürsətə və imkana görə minnətdaram”.

Premyer Liqada XXI turun oyunlarını izləyən azarkeş sayı məlum olub.

Futbolpress.az xəbər verir ki, ən yüksək göstərici Yevlaxda və Sumqayıtda olub. “Karvan-Yevlax”ın “Araz-Naxçıvan” və “Sumqayıt”ın “Qəbələ” ilə matçında tribunada 1000 tamaşaçı yer alıb.

Ən aşağı göstərici isə Qubada olub. “İmişli”nin “Şamaxı” ilə görüşünə 100 tamaşaçı baxıb.

Turun oyunlarını izləyən azarkeş sayı:

Turan Tovuz – Zirə 2:0 (250 tamaşaçı)
Sumqayıt – Qəbələ 0:0 (1000 tamaşaçı)
Karvan-Yevlax – Araz-Naxçıvan 0:2 (1000 tamaşaçı)
İmişli – Şamaxı 0:0 (100 tamaşaçı)
Sabah – Kəpəz 1:0 (971 tamaşaçı).

“Qarabağ”ın Çempionlar Liqasının pley-off mərhələsində “Nyukasl”a qarşı keçirəcəyi cavab oyununu italiyalı Davide Massa idarə edəcək.

Futbolpress.az-ın məlumatına görə, italiyalı referi daha öncə də Azərbaycan təmsilçisinin matçını idarə edib. O, 2018-ci ildə Avropa Liqasının qrup mərhələsində Bakıda baş tutan “Qarabağ” – “Arsenal” oyununun baş hakimi olub.

“Atlılar” bu görüşdə 0:3 hesabıyla uduzub.

“Qarabağ” “Nyukasl”la fevralın 25-də səfərdə qarşılaşacaq. Komandalar arasındakı ilk görüş ingilislərin qələbəsiylə başa çatıb – 6:1.

“Sabah” Azərbaycan Premyer Liqasında növbəti qələbəsini qazanıb. Valdas Dambrauskasın yetirmələri liqada qalmaq mübarizəsi aparan “Kəpəz”ə qalib gəlib – 1:0.

Oyunun startından sona qədər üstün oynayan, xüsusilə ikinci hissənin sonlarında ciddi pressinq edən “Sabah” qələbə qolunu da son dəqiqələrdə vurdu. Qoldan sonra da təzyiqini davam etdirən “bayquşlar” fərqi artırmaqçün şans yaxalasa da, alınmadı. Minimal hesablı qələbə “Qarabağ”la mövsümün vacib oyunu öncəsi “Kəpəz”lə matçdakı kritik qələbə komandaya əlavə motivasiya verəcək.

Gəncə təmsilçisi isə yaxşı mübarizəsi ilə fərqlənməyi bacardı. “Kəpəz” liderə qarşı autsayder yox, avrokubok mübarizəsi aparan komanda təsiri bağışladı. İkili mübarizələrə girən, sürətli hücuma çıxmağa çalışan, müdafiədə sıx oynayan “sarı-göylər” ani diqqətsizlikdən qol buraxaraq, məğlub oldu. Autsayder “Karvan-Yevlax”ın uduzduğu turda xal itkisi gəncəlilər üçün ciddi narahatlıq yaratmaz.

Şahin Cəfərov

Azərbaycan Premyer Liqasının XXI turunun “İmişli” – “Şamaxı” oyunundan (0:0) sonra qonaq komandanın baş məşqçisi Ayxan Abbasov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Çətin oyun olacağını bilirdik. Futbolçular çox əziyyət çəkdi. Oyunun gedişatına baxanda tərəflər üçün bir xal yaxşı oldu. Sevindirici haldır ki, iki oyundur, qol buraxmırıq. Bundan öncə ucuz qollar buraxmışıq. Bu dəfə yaxşı alındı. Dövrənin bitməsinə bir oyun qalıb və sonrasında kritik dönəm başlayır. Çalışacağıq ki, hazır olaq.

– “Şamaxı” demək olar, liqada yerini qoruyub. Futbolçuları son dövrədə nə ilə motivasiya edəcəksiniz?
– Önəm verdiyimiz məsələ bu olacaq. İlin əvvəlində futbolçulardan istəyim olmuşdu ki, hamı karyerasını göz önünə gətirsin və bu dəfə pikə çatmağa çalışsın. Məsələn, ötən mövsüm 7 qol vurubsa, bu il 9 olsun. Oyun sayları artsın. Futbolçular karyeralarının yaxşı dönəmlərindədi. Kubokda iddialıyıq. Yolumuza davam etməliyik. Bilirik, çətin olacaq, amma ilk oyun ümid verir. Yuxarı pillələrlə xal fərqimiz var, amma hər şey mümkündür. Futbolçularım istəklidir.

– Motivasiyanı kuboka yönəltmək olar?
– Məncə, şansımız var. İnanmasaq, deməli, bu işi etməyək. Bu gün Azərbaycan çempionatı çox maraqlı keçir. Kubokda ilk “altılıq”da olmayan komandaların şansları var. Bizim də, “Qəbələ”nin də… Məncə, maraqlı olacaq. İstərdim ki, “beşlik”də olmayan komandalardan kubokda irəliləyən olsun.

– Bütün ölkənin narazı olduğu arenadan sizin də narazılığınız var?
– Nəsə danışmağın yeri yoxdur, hər şey deyilib. Sevindirici oldu ki, bir məsələni biz həll etdik. Sən demə, qapılar 11 sm hündür imiş, bu gün bizim vəsilə ilə bu da standartlarla uyğun oldu.

Şahin Cəfərov

Bakı İdman Sarayında basketbol üzrə Azərbaycan Kubokunun (2026) “Gəncə” – “Sabah” final oyunu baş tutub.

Futbolpress.az xəbər verir ki, final görüşünə üstün başlayan “Sabah” klubu oyunun sonlarına doğru bu üstünlüyü əldən verib və “Gəncə” rəqibi üzərində 89:82 hesabı ilə qələbə qazanaraq, klub tarixində ikinci dəfə kubokun sahibi olub.

Azərbaycan Kubokunun (2026) ən dəyərli oyunçusu (MVP) “Gəncə” klubundan Cervis Qarret seçilib.

Azərbaycan Premyer Liqasının XXI turunun “İmişli” – “Şamaxı” oyunundan (0:0) sonra meydan sahibi komandanın baş məşqçisi Jorj Kaşkilya jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Oyun gözlədiyimiz kimi çətin keçdi. “Şamaxı” yaxşı futbol oynayır, uzun ötürmələrə üstünlük verir. Qayda pozuntuları çox oldu və temp aşağı düşdü. Bugünkü oyunda qələbə bizim olmalı idi, amma xal itirdik. Dirəyə dəyən toplarımız oldu. Qələbəyə layiq idik. İstədiyimiz nəticəni əldə edə bilmədik.

– Ayxan Abbasov dedi ki, qapının birinin hündürlüyü çox idi, biz bildirdik və problem həll olundu…
– Bundan öncə də eyni qapılar idi. Bilmirəm, nə cavab verim. Bizdən asılı olan şey deyil.

– Komanda qol vura bilmir. Bu, sizi narahat etmir?
– Qol vurmayanda qələbə qazanmaq da olmur. Komanda əlindən gələni edir ki, qol vursun. “Kəpəz” və “Şamaxı” sıx müdafiə oynayır, yara bilmədik. “Qarabağ”la matçda da imkanlar yaratmağımıza baxmayaraq, qol vurmaq olmadı. Bu gün əsas hücumçumuz Almeyda da oyunu buraxırdı. Əlimizdən gələni edirik ki, rotasiyalar olsun.

– 9 oyundur da, qələbə qazana bilmirsiniz… 
– Düzdür, amma nəzərə alaq ki, 9 oyunun 7-də də uduzmamışıq. Qol vura bilməsək də, nəzərə alaq ki, güclü müdafiəsi olan komandalara qarşı oynamışıq. Qol vura bilmirik və qol da buraxmırıq. Bu faktin neqativ tərəfini yox, pozitiv tərəfini görmək olar. Bizdən aşağıda olanlar 30-40 qol buraxıb, amma bizdə elə deyil. Bunlara da nəzər salmaq lazımdır. Hücumda problemlərimiz var, son nöqtəni qoymaqda çətinlik yaşayırıq.

Şahin Cəfərov

Azərbaycan Premyer Liqasının XXI turunun “Sabah” – “Kəpəz” oyunundan (1:0) sonra meydan sahibi komandanın baş məşqçisi Valdas Dambrauskas jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– Çox yaxşı oyun alındı. Ümumiyyətlə, son dəqiqələrdə fərqlənsək belə, komandanın performansından çox xoşum gəldi. Rəqibə irəlidə təzyiq edirdik, çoxlu qol fürsətləri yaratdıq. Məmnunam ki, bu gün qapımızı toxunulmaz saxladıq. Daha bir neçə də qol vura bilərdik. Rəqibin də yaxşı oyun planı var idi. Sona qədər bizi təzyiq altında saxladılar.

– Son iki oyunda çətin qələbələr qazanırsınız. Bunu “Qarabağ”la oyunöncəsi həyəcan siqnalı kimi qəbul edirsiniz? 
– Ola bilər. Belə halda, çox işləmək və oyanmaq lazımdır.

– Mikels və yeni transfer Mbina Orfenin fiziki durumu necədir?
– Mikelsin qayıdışı hər birimizi sevindirdi. Son 20 dəqiqədə meydanda oldu. O, özünü sübut etmiş futbolçudur. Orfe xəstələnib. Meydana qayıtması üçün 2-3 həftə vaxt lazımdır.

– “Qarabağ”la oyun rəqib meydanında keçirəcək. “Sabah” azarkeşlərinə hansı çağırışı edə bilərsiniz?
– İstərdik ki, önümüzdə həftə tribunada daha çox azarkeşimizi görək. Əvvəlki konfranslarda da demişəm, ardıcıl qələbələr, çoxlu qollar olduqda sanki azarkeş sayımız artmaq əvəzinə azalır. Bilmirəm nə ilə bağlıdır. Bəlkə də, havalara görədir. “Qarabağ”la oyunda stadiona çox azarkeşin gəlməsini istərdim. Komandalarınızı Çempionlar Liqasında, Avropa Liqasında görmək istəyirsiniz, amma daxili çempionat da önəmlidir. Çox istərdim ki, növbəti matçda azarkeşlər tribunada yerini alsınlar.

Şahin Cəfərov

 

Azərbaycan Premyer Liqasının XXI turunun “Sabah” – “Kəpəz” oyunundan (1:0) sonra qonaq komandanın baş məşqçisi Azər Bağırov jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– Futbolçularım yaxşı mübarizə apardılar. Qələbə qazana bilməsək də, onlara təşəkkür etdim.

– Bu gün hazır komanda görünürdü meydanda. Bir xal üçün nə çatmadı?
– Ani diqqətsizlik qola səbəb oldu. Oyunun sonlarında belə qol buraxmaq istəməzdik. Zonaları bağlamışdıq, sadəcə həmin diqqətsizlik məğlubiyyətə səbəb oldu.

– Əvəzetmələr oyuna yaxşı qoşula bilmədi…
– Ən yaxşıları meydana buraxdıq. Ehtiyatda vinger yox idi. Müdafiəçini o mövqe üçün buraxdıq. Uşaqlar təcrübə qazandılar. Bu gün onlar əsl futbol oynadılar. Fürsətdən istifadə edib, bizi bu gün dəstəkləyən azarkeşlərə təşəkkür edirəm.

– Ötən illə müqayisədə bu il komandanı liqada saxlamaq nə dərəcə çətindir?
– Keçən mövsüm daha çox legionerimiz var idi. Bu il ən az əcnəbi futbolçu bizdədir. Bacardığımız qədər rotasiya edirik, amma istədiklərimiz tam alınmır. “Turan Tovuz”la oyunda rəqibdə 2 azərbaycanlı var idi, biz də 9. Bu gün də eyni qaydada. Bu gün bir epizod oldu ki, “Sabah”ın irəli çıxan bütün oyunçuları legioner idi.

– Sizin komandada qalacağınız dəqiqdir?
– Hələ qərar verilməyib.

– “Kəpəz” azarkeşləri ötən oyunda “Neftçi” azarkeşləri ilə birlikdə “Qarabağ” aleyhinə şüarlar səsləndirirdi…
– Eşitməmişəm. “Qarabağ”la ədavətimiz yoxdur. Bu gün Azərbaycanın Avropada ən hörmətolunası komandası “Qarabağ”dır. Azarkeşlərin nə üçün belə dediyini bilmirəm. Mən eşitməmişəm.

Şahin Cəfərov

Çempionlar Liqasının pley-off mərhələsində İngiltərədə keçiriləcək “Nyukasl” – “Qarabağ” oyununun hakimləri açıqlanıb.

Futbolpress.az xəbər verir ki, fevralın 25-də baş tutacaq görüşü İtaliyalı hakimlər briqadası idarə edəcək.

Baş hakim Davide Massa olacaq. Ona yan xətt hakimləri Filippo Meli və Stefano Alassio kömək edəcəklər. Dördüncü hakim funksiyasını Luka Payretto yerinə yetirəcək. VAR-da Daniele Şiffi və Kristian Dingert olacaq.

“Qarabağ” ilk oyunda 1:6 hesabıyla uduzub.

Azərbaycanlı hücumçu Mahir Emrelinin formasını geyindiyi “Kayzerslautern” II Bundeslqiada bu gün “Proyssen”lə qarşılaşacaq.

Futbolpress.az xəbər verir ki, Mahir uzun müddət sonra komandanın iştirak ərizəsində yer alıb. O, oyuna ehtiyatda başlayacaq.

Mahir ötən ilin noyabrından zədəlidir.

“Proyysen” – “Kayzerslautern” matçı saat 16:30-da başlayacaq.

“Sabah” bu gün Premyer Liqanın XXI turunda “Kəpəz”i qəbul edəcək.

Futbolpress.az xəbər verir ki, saat 17:00-da start götürəcək oyuna komandalar aşağıdakı heyətlə çıxacaqlar.

“Sabah”: 92. Stas Pokatilov (k) 10. Aleksey İsayev 5. Rəhman Daşdəmirov 9. Xəyal Əliyev 21. Velko Simiç 40. İqor Noqeyra 80. Akim Zedadka 70. Cesse Sekidika 27. Timoteuş Puxaç 13. İvan Lepiniça 19. Aron Maluda
Ehtiyat oyunçular: 55. Nicat Mehbalıyev94. Rəvan Mirzəmmədov17. Tellur Mütəllimov 2. Amin Seydiyev 6. Abdulax Xaybulaev 89. Cəfər Muxtarov 20. Coy Lens Mikels 11. Kahim Parris 7. Umarali Raxmonaliyev 83. Stefen Ende
Baş məşqçi: Valdas Dambrauskas

“Kəpəz”: 33. Yusif İmanov7. Ehtiram Şahverdiyev 5. Rauf Hüseynli 88. Şakir Seyidov 9. Luis Paçu 29. Dioqo Verdaska (k) 24. Olavale Onanuqa 12. Mahamadu Ba 14. Adama Fofana 4. Mate Abuladze 10. Ryonosuke Ohori
Ehtiyat oyunçular: 22. Məmməd Hüseynov 81. Elgün Bayramov 99. Əli Səmədov 77. Fərid Nəbiyev 17. Ümid Səmədov 20. Elcan Əbilov 23. Fərid Kələntərov 66. Arzu Atakişiyev 21. Sadiq Şəfiyev 30. Ruslan Quliyev
Baş məşqçi: Azər Bağırov

“Real” İspaniya La Liqasında “Osasuna”ya uduzub – 1:2.

Futbolpress.az xəbər verir ki, Madrid təmsilçisi 15 ildən sonra bu rəqiblə dueldən məğlub ayrılıb. “Real” sonuncu dəfə 2011-ci ilin yanvarında “Osasuna”ya uduzub.

“Kral klubu” La Liqada 60 xalla liderdir. “Osasuna” isə 33 xalla 9-cu pillədə qərarlaşıb.

Azərbaycan millisinin futbolçusu Ozan Can Kökçü “Volendam”da növbəti oyuna çıxıb.

Futbolpress.az xəbər verir ki, yarımmüdafiəçi səfərdə “Breda” ilə matçda iştirak edib. Ozan komandasının 0:1 hesabıyla uduzduğu oyunda start heyətdə yer alıb və ikinci hissədə – 56-cı dəqiqədə əvəzlənib.

“Volendam” çempionatda 24 xalla 14-cü sıradadır.

Almaniyalı futbolçu Camal Musiala “Bavariya”da 100-cü oyununa çıxıb.

Futbolpress.az xəbər verir ki, Bundesliqada XXIII turun “Ayntraxt”la matçı onun yubileyi olub.

Musiala “Bavariya” formasıyla 100 oyun sayına çatan ən gənc futbolçu adını qazanıb. Camal rekorda 22 yaş 360 günündə nail olub.

“Şamaxı”nın futbolçusu Oruc Məmmədovun “Futbolpress.az“a müsahibəsi:

– Komandanın son nəticələrini necə şərh edərdin?
– Çalışırıq ki, hər oyun rəqibə baxmadan bütün gücümüzlə mübarizə aparaq. Bunun nəticəsində xallar toplaya bilirik. Düşünürəm ki, bundan artığını da etmək gücündəyik.

– Ötən turda “Turan Tovuz”la matçda qələbəyə daha yaxın idiniz. Qələbə üçün nə çatmadı?
– “Turan Tovuz”un oyun üslubunu bilirdik. Onları yaxşı təhlil etmişdik və harda boşluqlar verə biləcəklərini anlayırdıq. Şanslarımız oldu, amma istifadə edə bilmədik. Belə matçlar bizim üçün təcrübədir. Daha yaxşı olacağıq.

– Kubokda ilk oyunda “Qarabağ”ı məğlub etmisiniz. Cavab görüşündə üstünlüyünüzü qoruya biləcəksiniz?
– İlk oyundakı qələbəyə görə sevindik. Lakin onların gücünü bilirik. Cavab oyunu çox çətin olacaq. Diqqətli oynayıb, mərhələni keçməyə çalışacağıq.

– Heyətinə görə sizdən daha güclü rəqiblərə qarşı yaxşı mübarizə aparırsınız. Gənc heyətlə təcrübəli komandalardan xal almağı nəyə borclusunuz?
– Gənc oyunçular olaraq hamımız çox çalışırıq. Hər kəs Premyer Liqada şans qazanmaq istəyir, həvəsli və arzuludur. Məncə, belə istək davam etdiyi halda, yaxşı nəticələrimizin davamı gələcək.

– Ayxan Abbasovun ölkə futboluna qazandırdığı adlardansınız. Lakin daha əvvəl neçə futbolçu olub ki, tez parlayıb tez də sönüb. Özünüzü 5 il sonra harda görürsünüz?
– Ayxan müəllimə təşəkkür edirəm ki, mənə güvəndi, şans verdi. Hədəflərimə çatmaq üçün çox çalışacağam. 5 il sonra harda olacağımı indi deyə bilmirəm. Klubla müqaviləm var və komandanın uğurları üçün əlimdən gələni edəcəyəm.

– Arzusunda olduğun xüsusi klub var?
– Açığı, bu haqda heç düşünməmişəm, amma hər gənc kimi, mən də Avropada oynamağı arzulayıram.

– Kumirin kimdir?
– Lionel Messi. Uşaqlıqdan onun oyunlarına heyranlıqla baxıram.

Şahin Cəfərov

MLS-də yeni mövsümə start verilib.

Futbolpress.az xəbər verir ki, Lionel Messinin çıxış etdiyi “İnter Mayami” ilk oyunda “Los Anceles”in qonağı olub. Matç rəqibin qələbəsiylə başa çatıb – 3:0.

“Los Anceles”in qollarını David Martines, Deni Buanqa və Natan Ordas vurub.

Messi görüşdə start heyətdə yer alıb və sona qədər oynayıb.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

22 fevral

Azərbaycan, Premyer Liqa
14:30 İmişli – Şamaxı (CBC Sport)
17:00 Sabah – Kəpəz (CBC Sport)

Türkiyə, Super Liqa
14:30 Kayserispor – Antalyaspor (beİN Sports 2)
17:00 Qaziantep – Trabzonspor (Futbol 3, beİN Sports 1)
21:00 Beşiktaş – Göztəpə (Futbol 3, beİN Sports 1)
21:00 Fatih Karagümrük – Samsunspor (beİN Sports 2)

İtaliya, A Seriyası
15:30 Cenoa – Torino (Futbol 1)
18:00 Atalanta – Napoli (Futbol 1, Matç TV)
21:00 Milan – Parma (Futbol 1)
23:45 Roma – Kremoneze (Futbol 1)

İspaniya, La Liqa
17:00 Xetafe – Sevilya (Futbol 2)
19:15 Barselona – Levante (Futbol 2)
00:00 Vilyarreal – Valensiya (İdman TV)

İngiltərə, Premyer Liqa
18:00 Nottingem Forest – Liverpul (beİN Sports 3)
20:30 Tottenhem – Arsenal (İdman TV)

Bu gün Basketbol üzrə Azərbaycan Kubokunun qalibi məlum olacaq.

Futbolpress.az xəbər verir ki, həlledici görüşdə “Sabah” və “Gəncə” komandaları üz-üzə gələcək. Bakı İdman Sarayında baş tutacaq qarşılaşmaya saat 17:00-da start veriləcək.

Turnirin son qalibi “NTD Baku” olub.

“Bavariya” itki ilə üzləşib.

Futbolpress.az xəbər verir ki, komandanın müdafiəçisi Alfonso Deyvis sıradan çıxıb. Bu barədə klubun mətbuat xidməti məlumat yayıb.

Bundesliqada “Ayntraxt”la matçda (3:2) zədələnən müdafiəçinin son durumuna tibbi müayinədən sonra aydınlıq gələcək.

Bu gün Azərbaycan Premyer Liqasında XXI tura yekun vurulub.

Futbolpress.az xəbər verir ki, sonuncu gündə iki qarşılaşma keçirilib.

Günün ilk matçında “İmişli” Qubada “Şamaxı” ilə heç-heçə edib.

Digər görüşdə “Sabah” “Kəpəz”ə qalib gəlib.

Azərbaycan Premyer Liqası
XXI tur

22 fevral

14:30 İmişli – Şamaxı 0:0
Baş hakim: Rəşad Əhmədov
Quba şəhər stadionu

17:00 Sabah – Kəpəz 1:0
Qol: QKahim Parris, 87
Baş hakim: Əliyar Ağayev
“Bank Respublika Arena”

18 yaşadək futbolçulardan ibarət Azərbaycan milli komandası Beynəlxalq İnkişaf Turnirində bu gün üçüncü oyununa çıxıb.

Futbolpress.az xəbər verir ki, B qrupunda yer alan millimiz Belarusun müvafiq yaş qrupundan ibarət komandası ilə qarşılaşıb.

Belarusun paytaxtı Minskdə yerləşən yerli futbol federasiyasının məşq meydançasında keçirilən qrupun son görüşündə komandamız 1:0 hesablı qələbə qazanıb. U-18-in heyətində qalibiyyət qolunu 42-ci dəqiqədə Əli Bəşirov vurub.

Şahmat üzrə Azərbaycan çempionatında final mərhələsinin cavab görüşləri keçirilib.

Futbolpress.az xəbər verir ki, cavab oyunlarında rəmzi ilk gedişi Gənclər və İdman Naziri Fərid Qayıbov edib.
Şəhriyar Məmmədyarov-Məhəmməd Muradlı mübarizəsində cavab oyunu həlledici olub. Ağ fiqurlarla çıxış edən Məhəmməd Muradlı gərgin görüşdə qalib gəlib. İki görüşün yekun nəticəsinə əsasən 1,5-0,5 hesabıyla qələbə qazanan Məhəmməd Muradlı Azərbaycan çempionu tituluna sahib çıxıb.

Yarışın reytinq favoriti Şəhriyar Məmmədyarov ardıcıl ikinci il finalda uduzaraq gümüş medalla kifayətlənib.

Azərbaycan Premyer Liqasının XXI turunun “Karvan-Yevlax” – “Araz-Naxçıvan” oyunundan (0:2) sonra meydan sahibi komandanın baş məşqçisi Füzuli Məmmədov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Ağır məğlubiyyət oldu. Matça yaxşı başladıq, qol epizodları yaratdıq. Qələbə üçün imkanları dəyərləndirmək lazımdır. Rəqib keyfiyyətdə bizi üstələdi. Fasilədən sonra oyunu dəyişmək istədik, amma alınmadı.

– Keyfiyyət amilini əzmkarlıqla sığortalamaq olardı?
– İkinci hissədə daha gümrah futbolçuları meydana buraxdıq, sistemdə dəyişiklik etdik. Bununla hücum xəttində say artdı. Qalib gəlmək üçün qol vurmaq lazımdır. Epizodları yaradırıq. Amma son vuruşlarda keyfiyyət önəmlidir. Futbolçular əzmkarlıq göstərdilər. Amma bu, hələ kifayət etmir.

– Komanda sizin dönəminizdə hələ qələbə qazana bilməyib. Qələbə üçün nə çatmır?
– Çox çalışırıq. Bu oyuna da qələbə üçün çıxmışdıq. Rəqibə pressinq tətbiq edirdik. Bunun üçün güc lazımdır. Pressinqlə yaxşı qol epizodları yaratdıq.

– Komandada fiziki durum yerindədir? Sanki ilk hissənin sonlarından komandada eniş yaşandı…
– Sizinlə razı deyiləm. Komanda birinci hissədə pressinq tətbiq elədi. Ola bilər ki, futbolçular situasiyaya uyğun olaraq arxadan əks-hücuma çıxıblar. Fiziki və taktiki cəhətdən məğlub olmadıq. Biz bu gün rəqibə keyfiyyət baxımından uduzduq.

– Komandanı Premyer Liqada saxlamağa gücünüz çatacaq?
– Çox çalışıram. Sona qədər də çalışacam. İlk gündə neçə başlamışdımsa, elə də davam etdirəm.

Azərbaycan Premyer Liqasının XXI turunun “Karvan-Yevlax” – “Araz-Naxçıvan” oyunundan (0:2) sonra qonaq komandanın baş məşqçisi Andrey Demçenko jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Çətin oyun olacağını bilirdik. “Karvan-Yevlax” elə vəziyyətdədir ki, onların itirəsi heç nəyi yoxdur, sona qədər döyüşəcəkdilər. Komandama dedim ki, rəqibi qiymətləndirmək lazımdır. Birinci hissədə istədiklərimizi tam olaraq edə bilmirdik. Belə vəziyyətdə səbirli olub şansını gözləmək lazımdır. Səbirli olub əks-hücumda qol vurduq. İkinci hissədə bir az fərqli oynadıq. Rəqibə oynamaq üçün məsafə verməməyə çalışdıq. Futbolçularıma təşəkkürümü bildirdim. Qələbə qazanmaq üçün hər şey etdilər. Hələ rahat ola bilmərik. Qarşıda oyunlarımız var.

– Felipe Santos daimi olaraq əsas heyətdə oynayacaq?

– Biz Santosa izah etdik ki, o, yaxşı futbolçudur. Onun yaxşı keyfiyyətləri var. Hər şey çox sadədir. O, öz üzərində daha çox işlədi və əsas heyətə qayıtdı.

– Klub prezidenti Ramin Axundovun axtarışa verilməsi komandaya necə təsir edir?

– Bu barədə elə də məlumatım yoxdur. Biz işimizi görürük. Bizim standart rejimimiz var. Komanda öz işini görməyə davam edir.

Azərbaycan Badminton Federasiyasında baş katib vəzifəsinə yeni təyinat olub.

Futbolpress.az xəbər verir ki, federasiyanın yeni baş katibi Əjdər Cəfərov təyin edilib.

Daha öncə Azərbaycan Badminton Federasiyasının prezidenti Taleh Ziyadovun idman məsələləri üzrə müşaviri vəzifəsini icra edən Cəfərov Əjdər Xosrov oğlu idman funksioneri kimi zəngin karyeraya malikdir.

Əjdər Cəfərov 2011–2016-cı illərdə Azərbaycan Güləş Federasiyasının baş katibi vəzifəsində çalışmışdır. O, idman ustası, əməkdar məşqçi və olimpiya kateqoriyalı beynəlxalq hakimdir.

Qadın futbolçulardan ibarət Azərbaycan milli komandası fevralın 24-də təlim-məşq toplanışına başlayacaq.

Futbolpress.az xəbər verir ki, millimiz dünya çempionatının seçmə mərhələsi çərçivəsində martın 3-də Bakıda Şimali Makedoniya, 7-də isə Felksutda Macarıstan yığması ilə qarşılaşacaq.

“Liverpul” “Yuventus”un futbolçusu Kefren Türamla maraqlanır.

Futbolpress.az xəbər verir ki, Mersisayd təmsilçisi yayda fransalı yarımmüdafiəçi üçün təklif göndərməyi planlaşdırır. Bu barədə İngiltərə mətbuatı məlumat yayıb.

“Yuventus” isə Türamı buraxmaq niyyətində deyil. Klub oyunçu ilə müqaviləni yeniləmək istəyir. Fransalı yarımmüdafiəçi hələ qərarını verməyib.

Türam bu mövsüm A Seriyasında 23 oyunda 1 qol vurub, 2 məhsuldar ptürmə edib.

PSJ Fransa çempionatında bu gün “Mets”lə qarşılaşacaq.

Futbolpress.az xəbər verir ki, Paris təmsilçisinin hücumçusu Osman Dembele görüşü buraxacaq. Bu barədə klubun mətbuat xidməti məlumat yayıb.

“Monako” ilə Çempionlar Liqası matçında (3:2) zədələnən Dembele fərdi məşq edir.

PSJ – “Mets” oyunu bu gün saat 23:05-də keçiriləcək.

“Real”ın futbolçusu Deyan Huysen zədələnib.

Futbolpress.az xəbər verir ki, bu barədə klubun mətbuat xidməti məlumat yayıb. Məşqdə zədə alan müdafiəçi bir həftə bərpa müddəti keçəcək.

Huysen bu gün La Liqada “Osasuna”ya qarşı keçiriləcək matçı buraxacaq. Görüşə saat 21:30-da start veriləcək.

“Sabah” İngiltərənin “Birmingem” klubundan müdafiəçi Qodfred Boakini icarəyə götürüb. 20 yaşlı mərkəz müdafiəçisi mövsümün sonuna kimi “bayquşlar”ın uğurları üçün çalışacaq.

Futbolpress.az-ın əldə etdiyi məlumata görə, “Sabah” yayda oyunçunu almaq hüququna da malikdir. Bir müddət əvəzedici komandada çıxış edəcək Qodfred məşqçilər korpusu tərəfindən bəyənilsə, əsas komanda üçün transfer hüquqları alınacaq.

“Birmingem”in yetirməsi olan Boaki, karyerası ərzində bu klubun gənclərdən ibarət komandası ilə yanaşı, Finlandiyanın “İnter” (Turku) komandasında da çıxış edib.

Şahin Cəfərov

“İnter Mayami”nin futbolçusu Lionel Messi zədəsini sağaldıb.

Futbolpress.az xəbər verir ki, argentinalı hücumçu komandanın son məşqinə qatılıb. Bu barədə ESPN məlumat yayıb.

Messi bir neçə gün əvvəl əzələsindəki ağrılar səbəbindən məşqdə iştirak etməmişdi.

Argentinalı hücumçu MLS-də mövsümün I turunda “Los Anceles”lə matçda oynaya biləcək. Görüş fevralın 22-də olacaq.

“Qalatasaray” Türkiyə Super Liqasının XXIII turunda “Konyaspor”la qarşılaşacaq.

Futbolpress.az xəbər verir ki, İstanbul təmsilçisinin hücumçusu Viktor Osimhen görüşdə iştirak edə bilməyəcək. Bu barədə klubun mətbuat xidməti məlumat yayıb.

Nigeriyalı futbolçu sağ dizindəki ağrılar səbəbiylə matçın heyətinə daxil edilməyib.

Bu gün keçiriləcək “Konyaspor” – “Qalatasaray” matçına saat 21:00-da start veriləcək.

18 yaşadək futbolçulardan ibarət Azərbaycan milli komandası Beynəlxalq İnkişaf Turnirində bu gün üçüncü oyuna çıxacaq.

Futbolpress.az xəbər verir ki, B qrupunda yer alan millimiz Belarusun müvafiq yaş qrupundan ibarət komandası ilə qarşılaşacaq.

Belarusun paytaxtı Minskdə yerləşən yerli futbol federasiyasının məşq meydançasında keçiriləcək qrupun son görüşü Bakı vaxtı ilə saat 16:40-da başlanacaq.

Milli daha əvvəl Rusiyaya 1:7, Özbəkistana isə 1:3 hesabıyla uduzub.

UEFA İspaniyanın “Barselona” klubunu cərimələyib.

Futbolpress.az xəbər verir ki, bu barədə qurumun mətbuat xidməti məlumat yayıb. Klub Liqa mərhələsində “Slaviya” ilə səfər matçında (4:2) yaşananlara görə cəzalanıb.

“Barselona” azarkeşlərinin priotexniki vasitələrdən istifadə etməsinə görə 15, komandanın ikinci hissədə meydana gec daxil olması səbəbindən də 15 min avro cərimələnib.

İngiltərəli hücumçu Liam Delap yayda “Çelsi”dən ayrılmaq istəyir.

Futbolpress.az xəbər verir ki, forvard oyun praktikasının azlığından narazıdır. Bu barədə İngiltərə mətbuatı məlumat yayıb.

“Sanderlend”, “Brayton”, “Nyukasl” klubları Liamın xidmətində maraqlıdır.

Hücumçu bu mövsüm Premyer Liqada 17 oyunda 1 qol vurub.

Bu gün Azərbaycan Premyer Liqasında XXI turun daha bir oyunu keçirilib.

Futbolpress.az xəbər verir ki, autsayder “Karvan-Yevlax” azarkeşləri önündə “Araz-Naxçıvan”la üz-üzə gəlib. Görüş qonaqların qələbəsiylə başa çatıb.

Azərbaycan Premyer Liqası
XXI tur

21 fevral

14:30 Karvan-Yevlax – Araz-Naxçıvan 0:2
Qollar: Felipe Santos, 32, 51 (pen.)
Baş hakim: İnqilab Məmmədov
Yevlax şəhər stadionu

“Turan Tovuz” Premyer Liqanın XXI turunda “Zirə”ni məğlub edib – 2:0. Birinci hissəsini üstün oynayan tovuzlular 20 dəqiqəyə vurduğu iki qolla aktivinə üç xal yazdırdı. Tovuzlular fasiləyə qədər yenə qol vurmaq şansı yaxalamasına baxmayaraq, fürsətlər boşa verildi.

İkinci hissədə isə geridə olan “Zirə” daha aktiv oynadı. “Turan Tovuz”un sıx müdafiəsini yarmaqda çətinlik çəkən “qartallar” uzun ötürmələrə və uzaqdan zərbələrə üstünlük verdi. Lakin bu cəhdlər də boşa getdi.

Yekunda qələbə qazanan “Turan Tovuz” turnir cədvəlində rəqibini qabaqladı və üçüncü sıraya yüksəldi. Ehtiyatda daha bir oyunu olan qərblilərin fərqi daha da artırmaq imkanı var.

Günün digər matçında isə “Sumqayıt” “Qəbələ” ilə qolsuz heç-heçəyə razılaşdı. Hər iki hissənin əvvəlində daha yaxşı təsir bağışlayan “kimyaçılar” qol imkanlarından yararlana bilmədi. “Qəbələ” birinci yarıda penalti hüququ qazansa da, meydan sahiblərinin qapıçısı Mehdi Cənnətov qurtarışıyla komandasının xal qazanmasında mühüm rol oynadı.

Hər iki tərəf ümumi planda pis təsir bağışlamadı. İkili mübarizələrin daha çox olduğu görüşdə ədalətli nəticə məhz bərabərlik idi.

Şahin Cəfərov

Bu gün İspaniya La Liqasında XXV tura start verilib.

Futbolpress.az xəbər verir ki, ilk oyun günündə bir qarşılaşma keçirilib. “Atletik” azarkeşləri önündə “Elçe” ilə qarşılaşıb. Matç Baskoniya təmsilçisinin qələbəsiylə başa çatıb.

İspaniya La Liqası
XXV tur

20 fevral

Atletik – Elçe 2:1
Qollar: Q.Suruseta, 64, 89 (pen.) – A.Silva, 68 (pen.)

Bu gün Almaniya Bundesliqasında XXIII turun növbəti oyunları keçirilib.

Futbolpress.az xəbər verir ki, ilk oyun günündə bir qarşılaşma baş tutub.

“Maynts” azarkeşləri önündə “Hamburq”la heç-heçəyə razılaşıb.

“Bavariya” bu turda “Ayntraxt”ı məğlub edib. Dortmund “Borussiya”sı “Leypsiq” səfərindən son dəqiqə qolu ilə bir xalla dönüb.

Almaniya Bundesliqası
XXIII tur

20 fevral

Maynts – Hamburq 1:1
Qollar: N.Amiri, 42 – F.Vieyra, 64

21 fevral

Leypsiq – Borussiya Dortmund 2:2
Qollar: K.Baumqartner, 20, 39 – R.Kardoso, 50 (avtoqol), F.Silva, 90+5

Bavariya – Ayntraxt Frankfurt 3:2
Qollar: A.Pavloviç, 16, H.Keyn, 20, 68 – Y.Burxardt, 77 (pen.), A.Kalimuendo, 86

Köln – Hoffenhaym 2:2
Qollar: R.Arçe, 15, S.El Mala, 63 – O.Kabak, 45, A.Kramariç, 60

Yunion – Bayer 1:0
Qol: R.Xedira, 28

Volfsburq – Auqsburq 2:3
Qollar: Y.Qerhardt, 41, K.Şoqai, 71 – R.Ribeyro, 59, M.Qreqoriç, 87 (pen.), E.Rexbesay, 90+4

22 fevral

Frayburq – Borussiya Münhenqladbax 2:1
Qollar: M.Ginter, 38, İ.Matanoviç, 74 – H.Tabakoviç, 85

Sankt-Pauli – Verder 2:1
Qollar: H.Vahl, 55, Fujita, 70 – Y.Miloşeviç, 62

Haydenhaym – Ştutqart 3:3
Qollar: E.Dinkçi, 20, A.İbrahimoviç, 34 (pen.), S.Konte, 82 – K.Fuxrix, 5, M.Mittelştadt, 44 (pen.), D.Undav, 88

Türkiyə Super Liqasında XXIII turun oyunları keçirilib.

Futbolpress.az xəbər verir ki, ilk oyun günündə bir matç baş tutub. “Rizespor” azarkeşləri önündə “Kocaelispor”u məğlub edib.

Lider “Qalatasaray” bu turda “Konyaspor”a uduzub.

“Beşiktaş” azarkeşləri önündə “Göztepe”ni darmadağın edib.

Türkiyə Super Liqası
XXIII

20 fevral

Rizespor – Kocaelispor 2:0
Qollar: V.Mihayla, 13, S.Akaydın, 57

21 fevral

Eyüpspor – Gənclərbirliyi 1:0
Qol: M.Altunbaş, 90+1

Alanyaspor – Başakşəhər 1:2
Qollar: F.Haderyonay, 67 – D.Selke, 14, E.Şomurodov, 44 (pen.)

Konyaspor – Qalatasaray 2:0
Qollar: A.Dermibağ, 75, B.Kramer, 81

22 fevral

Kayserispor – Antalyaspor 1:0
Qol: T.Sarıarslan, 89.

Qaziantep – Trabzonspor 1:2
Qollar: Bayo, 22 – F.Auqusto, 24. Onuaçu, 27.

Beşiktaş – Göztəpə 4:0
Qollar: Ndidi, 9. Murilyo, 36. Olaytan, 59. Hyon-Qyu, 74.

Karagümrük – Samsunspor 0:0

24 fevral

Azərbaycan Premyer Liqasının XXI turunun “Turan Tovuz” – “Zirə” oyunundan (2:0) sonra meydan sahibi komandanın baş məşqçisi Kurban Berdıyev jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib…

– Birinci hissədə oyunumuz pis alınmadı. Əvəzetmələrdən sonra təşəbbüsü bir qədər əldən verdik. Şükürlər olsun ki, qələbə qazandıq.

– Avrokuboklar mübarizəsində əsas rəqiblərinizdən birini məğlub etdiniz. Mövsümün qalan hissəsində şanslarınızı necə dəyərləndirirsiz?
– Turnir cədvəlinə fikir vermirik. Oyundan-oyuna növbəti matçı düşünürük. Buna köklənirik.

Azərbaycan Premyer Liqasının XXI turunun “Sumqayıt” – “Qəbələ” oyunundan (0:0) sonra meydan sahibi komandanın baş məşqçisi Saşa İliç jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– Oyunun ilk 20 dəqiqəsində yaxşı oyun göstərdik. Lakin fasiləyə yaxın katastrofik vəziyyət yarandı. İkinci hissədə bir az oyunu düzəltdik, amma qələbə qazana bilmədik.

– Futbolçular sanki şanslara məsuliyyətsiz yanaşırlar… Belə şey var, ya bizə elə gəlir?
– Belə deməzdim. Sadəcə ötürmələrdə, qərarlarda səhvlik olur. Bu, məsuliyyət məsələsi deyil.

– Roy Kehatın durumu necədir?
– Hələ dəqiq nəsə deyə bilmərəm. Birinci gün dəqiq bilinəcək.

– Ardıcıl üç oyundur, qələbə qazana bilmirsiniz. Bu, avrokubok mübarizənizə necə təsir edəcək?
– Qarşıda oyunlar var. Ciddi, çətin matçlar olacaq. Çalışacağıq ki, yaxşı nəticələr əldə edək.

Şahin Cəfərov

Azərbaycan Premyer Liqasının XXI turunun “Sumqayıt” – “Qəbələ” oyunundan (0:0) sonra qonaq komandanın baş məşqçisi Kaxaber Sxadadze jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– Çox danışmayacağam. Hər iki komanda yüksək səviyyədə oyun sərgilədi. Bu mövsüm üçüncü dəfə penaltini vura bilmirik. Məşq prosesində bunun üzərində işləyirik, amma oyunda alınmır. Futbolçuların mübarizəsindən razı qaldım. Belə işləsək, mövsümün sonuna kimi daha çox xal toplayacağıq.

– Penalti məsələsini həll etməyin nəsə yolu var?
– Bu, psixologiya məsələsidir. Ba Lua yüksək səviyyəli, təcrübəli oyunçudur. Futbolda belə hallar olur. Belə anlarda psixologiya mühümdür. İndi elə vəziyyətdəyik ki, hər oyun xal qazanmalıyıq, bu da futbolçulara təsir göstərir. Futbolçularıma təşəkkür edirəm. “Sumqayıt” yaxşı komandadır. Baxımlı oyun oldu. Belə komandalara qarşı oynamaq xoşdur. Biz də meydanda oyun göstərməyə çalışdıq. Qol olmasa da, zövq alınası oyun oldu. Penalti vurmağı da öyrənsək, daha yaxşı olacaq.

– Qış fasiləsində komandanı istədiyiniz kimi formalaşdıra bildiniz? 
– Heyəti gücləndirdik. Bəzi oyunçular komandaya gec qoşulsa da, uyğunlaşa bildilər. İndi müdafiədə də yaxşı oynamağa başlamışıq. Qışdan əvvəl arxa xətdə problemlər var idi. Hazırda həm hücumda, həm müdafiədə yaxşı çıxış edirik. Hər oyun döyüşməliyik ki, xallar qazanaq, mövsümü istədiyimiz yerdə bitirək.

– AFFA Hakimlər Komitəsi “Sabah”la oyunda sayılmayan qolun izahını verib. Bundan razı qaldınız?
– Oyun artıq bitib. Qərara hörmətlə yanaşıram. Amma mənə elə gəlir, qol var idi.

Şahin Cəfərov

Azərbaycan Premyer Liqasının XXI turunun “Turan Tovuz” – “Zirə” oyunundan (2:0) sonra qonaq komandanın baş məşqçisi Rəşad Sadıqov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib…

– Oyuna çox pis başladıq və qapımızda iki qol gördük. Oyunun əvvəlində sanki komandada çaşqınlıq var idi. Birinci hissəni çox pis keçirdik. İkinci yarıda isə tam əksi oldu. Rəqibin sıx müdafiəsini yara bilmədik. Fasilədən sonra futbolçular çalışdılar. Amma matçın əvvəlində buraxılan səhvləri sonradan düzəltək alınmadı.

– Birinci hissədə dəyişiklik etdiz. Səbəb nə idi?

– Oyunun əvvəlində İsmayıl İbrahimlidə müəyyən narahatlıq var idi. Onu meydana buraxıb-buraxmamaq barədə fikiləşirdik. Hiss olunurdu ki, oyununa təsir etdi. Hesabda geriyə düşdük və dəyişikliyə getdik.

– “Zirə”nin əvəzedici komandasını izləyirsiz? Bu mövsüm əsas komandaya əvəzedici heyətdən oyunçu dəvət etmirsiz deyəsən… 

– Mütəmadi olaraq uşaqları dəvət edirik. Əvəzedicilər Liqasını izləyə bilmirəm. Amma oradan komandaya oyunçular dəvət edirik. Kimi hazır görsək, şans verəcəyik.

– “Turan Tovuz” azarkeşləri sizi qarşı şüarlar səsləndirdi, atmacalar atdılar. Bunu nə ilə əlaqələndirirsiz?

– Açığı, mən də başa düşmədim. “Turan Tovuz” mənə doğma komandadır. Fikir bildirməyəcəm. Çünki səbəbini bilmədim.

Şahin Cəfərov

“Sumqayıt” Premyer Liqanın XXI turunda bu gün “Qəbələ”ni qəbul edəcək.

Futbolpress.az xəbər verir ki, saat 19:30-da start götürəcək oyuna komandalar aşağıdakı heyətlə çıxacaqlar…

“Sumqayıt”: 1. Mehdi Cənnətov (k) 7. Rüstəm Əhmədzadə 19. Roi Kehat 72. Rayan Senhadjic 6. Sedrik Badolo 33. Danilo Beskorovaynıy 23. Ronaldo Vaskez 71. Masaki Murata 80. Keffel Resende 11. Aleksa Yankoviç 25. Abdul Raşid Mumini
Ehtiyat oyunçular: 22. Xəyal Fərzullayev 12. Murad Ağamalıyev 3. Höccət Haqverdi 29. Emil Mustafayev 8. Səbuhi Abdullazadə 24. Sənan Muradlı 75. Nadir Orucov 37. Nihad Orucəli 97. Vüsal Paşayev 10. Nikola Ninkoviç 95. Nsana Simon
Baş məşqçi: Saşa İliç

“Qəbələ”: 93. Rza Cəfərov 7. Turan Manafov 13. Nicat Əliyev (k) 24. İsmael Akinade 33. Seydina Keyta 50. Adriel Ba Loua 3. Eduardo Kunde 6. Xayme Syerra 8. Sambu Sissoko 16. İsaak Amoah 30. Prins Ovusu
Ehtiyat oyunçular: 1. Səlahət Ağayev 11. Asif Məmmədov 28. Murad Musayev 22. Fərid İsgəndərov 74. Süleyman Damadayev 66. Nuğay Rəşidov 10. Şahin Şahniyarov 27. Eşqin Əhmədov 21. Ziya Şəkərxanov 12. İbrahim Sanqare 14. Domi Massumo 70. Paulo Quimbila
Baş məşqçi: Kaxaber Sxadadze

Azərbaycan Kubokunda 1/4 final mərhələsinin cavab oyunlarının vaxtı açıqlanıb.

Futbolpress.az xəbər verir ki, “Qarabağ” – “Şamaxı” oyunu martın 3-də keçiriləcək.

Azərbaycan Kuboklu
1/4 final, cavab oyunları

3 mart (çərşənbə axşamı)

“Zirə” – “Sumqayıt”
Zirə İdman Kompleksinin stadionu, 19:00

4 mart (çərşənbə)

“Qarabağ” – “Şamaxı”
Tofiq Bəhramov adına Respublika Stadionu, 19:00

5 mart (cümə axşamı)

“Kəpəz” – “Turan Tovuz”
Yevlax şəhər stadionu, 14:30

“Qəbələ” – “Sabah”
Qəbələ şəhər stadionu, 18:00

“Mançester Siti”nin futbolçusu Bernardo Silva yayda klubu tərk edə bilər.

Futbolpress.az xəbər verir ki, “şəhərlilər” mövsümün sonunda müqaviləsi bitən yarımmüdafiəçi ilə yollarını ayırmağı düşünür.

İspaniyanın “Barselona” və “Atletiko” klubları Silva ilə yaxından maraqlanır. Klublar 31 yaşlı futbolçu ilə yaxın zamanda danışıqlara başlamağı planlaşdırır.

Bernardo bu mövsüm Premyer Liqada 26 oyunda 1 qol vurub, 4 məhsuldar ötürmə edib.

“Şəki” klubunun baş məşqçisi açıqlanıb.

Futbolpress.az xəbər verir ki, komandanın “sükanı” Firuddin Mövsümova tapşırılıb. Bu barədə klubun mətbuat xidməti məlumat yayıb. Mütəxəssislə müqavilə mövsümün sonuna kimi nəzərdə tutulub.

“Şəki” II Liqada 14 turdan sonra 25 xalla 4-cü sıradadır.

“Turan Tovuz” Premyer Liqanın XXI turunda bu gün “Zirə”ni qəbul edəcək.

Futbolpress.az xəbər verir ki, saat 17:00-da start götürəcək oyuna komandalar aşağıdakı heyətlə çıxacaqlar:

“Turan Tovuz”: 41. Sergey Samok 29. Filip Ozobiç 17. Rəhim Sadıxov 11. Ayxan Hüseynov 5. Roderik Miller 3. Enrike Silva 23. Alexandro Serrano 90. Joarlem Santos 15. Emmanuel Hakman (k) 32. Hayderson Hurtado 7. Xorxe Silva
Ehtiyat oyunçular:1. Oleq Baklov 13. Mehman Hacıyev 4. Şəhriyar Əliyev 10. Xəyal Nəcəfov 88. Faiq Hacıyev 6. Fərid Yusifli 19. Roberto Olabe 9. Coş Cinnelli 8. David Tavareş 2. Mark Rene Mampassi
Baş məşqçi: Kurban Berdiyev

“Zirə” 97. Tiaqo Silva 32. Qismət Alıyev (k) 8. İsmayıl İbrahimli 4. Ruan Renato 25. Enrike Kustodio 9. Davit Volkov 10. Giorgi Papunaşvili 30. Rikardo Martins 5. Ange Mutsinzi 17. Ayron Qomis 22. Eren Aydın
Ehtiyat oyunçular: 13. Aydın Bayramov 70. Namik Ələskərov 73. Anatoli Nuriyev 21. Hacıağa Hacılı 7. Rövlan Muradov 14. Elçin Əlicanov 19. Rüfət Abdullazadə 29. Ceyhun Nuriyev 26. Stefan Aka 28. Leroy Mikels 11. Junior Martins 6. Eldar Quliyev
Baş məşqçi: Rəşad Sadıqov

“Sabah” FK heyətini yeni futbolçu ilə gücləndirib.

Futbolpress.az xəbər verir ki, belçikalı futbolçu Qodfred Boaki İngiltərənin “Birmingem” klubundan icarəyə götürülüb. Anlaşmanın müddəti 2025/26 mövsümünün sonuna kimi nəzərdə tutulub. 20 yaşlı mərkəz müdafiəçisi “Sabah”ın əvəzedicilərdən ibarət komandasında çıxış edəcək.

“Birmingem”in yetirməsi olan Boaki, karyerası ərzində bu klubun gənclərdən ibarət komandası ilə yanaşı, Finlandiyanın “İnter” (Turku) komandasında da çıxış edib.

Azərbaycan Premyer Liqasının oyunlarını yayımlayacaq daha bir telekanal məlum olub.

Futbolpress.az xəbər verir ki, bu barədə AFFA-nın mətbuat xidməti məlumat yayıb. Çempionatda hər turun bir görüşü “İdman TV”dən də yayımlanacaq. İlk yayımın “Qarabağ” – “Sabah” oyunu olacağı bildirilir.

Premyer Liqanın yayım hüququ “CBC Sport”dadır.

Azərbaycan Kanoe və Avarçəkmə Federasiyası fəaliyyət istiqamətlərini genişləndirir.

Futbolpress.az xəbər verir ki, bununla bağlı federasiyanın Ümumi Yığıncağında müvafiq qərar qəbul olunub.

Bu addım ölkəmizdə su idman növlərinin vahid platformada inkişafını təmin etmək, idarəetmədə çevikliyi artırmaq və beynəlxalq arenada daha effektiv təmsilçiliyə nail olmaq məqsədi daşıyır. Eyni zamanda populyarlığı artırmaq, kütləviliyi təmin etmək, yeniyetmə və gəncləri cəlb etmək əsas prioritetdir.

Müvafiq olaraq federasiyanın adı dəyişdirilərək Azərbaycan Su İdmanı növləri Federasiyası (Azerbaijan Water Sports Federation) adlandırılacaq.

“Atletiko”nun futbolçusu Yulian Alvares mövsümün sonunda klubu tərk edə bilər.

Futbolpress.az xəbər verir ki, argentinalı hücumçu “Barselona”nın təklifini qəbul etmək niyyətindədir. Bu barədə İspaniya mətbuatı məlumat yayıb.

Alvares DÇ-2026-dan sonra Kataloniya klubu ilə yeni müqavilə imzalamaq niyyətindədir. Keçidin təxminən 70 milyon avro məbləğində tamamlanacağı gözlənilir.

Alvares bu mövsüm La Liqada 24 oyunda 7 qol vurub, 3 məhsuldar ötürmə edib.

AFFA İntizam Komitəsinin iclası keçirilib.

Futbolpress.az xəbər verir ki, toplantıda I Liqanın XV turunun oyunları ilə bağlı aşağıdakı qərarlar qəbul edilib:

18 fevral 2026-cı il tarixində I Liqada XV turun “Cəbrayıl” – “Baku Sportinq” oyununda “Cəbrayıl” komandasında 5 nəfər sarı vərəqə aldığı üçün “Cəbrayıl” komandası 210 manat cərimə edilsin (maddə 43.1);

18 fevral 2026-cı il tarixində I Liqada XV turun MOİK – “Səbail” oyununda MOİK komandasının 6 futbolçusu sarı vərəqə aldığı üçün MOİK komandası 210 manat cərimə edilsin (maddə 43.1);

19 fevral 2026-cı il tarixində I Liqada XV turun “Şəfa” – “Mingəçevir” oyununun 82-ci dəqiqəsində “Şəfa” komandasının 14 nömrəli futbolçusu Vüqar Həsənov ikinci sarıdan qırmızı vərəqə aldığı üçün 1 oyun oyuna buraxılmasın, “Şəfa” komandası 150 manat cərimə edilsin (maddə 17.5, 17.7);

19 fevral 2026-cı il tarixində I Liqada XV turun “Şəfa” – “Mingəçevir” oyununun 45-ci dəqiqəsində “Mingəçevir” komandasının baş məşqçisi Ramiz Məmmədov hakimi təhqir etdiyi üçün birbaşa qırmızı vərəqə aldığına görə 4 oyun oyuna buraxılmasın, “Mingəçevir” komandası 3000 manat cərimə edilsin (maddə 52.4);

19 fevral 2026-cı il tarixində I Liqada XV turun “Şəfa” – “Mingəçevir” oyununda “Mingəçevir” komandasının paltardəyişmə otağında stadiona dəymiş zərər “Mingəçevir” komandası tərəfindən qarşılansın (maddə 86);

19 fevral 2026-cı il tarixində I Liqada XV turun “Şimal” – “Şahdağ Qusar” oyununda “Şimal” komandasının 4 futbolçusu sarı vərəqə aldığı üçün “Şimal” komandası 210 manat cərimə edilsin (maddə 43.1);

19 fevral 2026-cı il tarixində I Liqada XV turun “Şimal” – “Şahdağ Qusar” oyununun 66-cı dəqiqəsində “Şahdağ Qusar” komandasının 10 nömrəli futbolçusu Vüsal Əliyev təcavüzkar davranışa görə birbaşa qırmızı vərəqə aldığı üçün 3 oyun oyuna buraxılmasın, “Şahdağ Qusar” komandası 900 manat cərimə edilsin (maddə 45.1).

“Qarabağ” – Azərbaycan futboluna adını qızıl hərflərlə yazdıran, qırılması çətin olan rekordların sahibi.

İlk dəfə Çempionlar Liqasının, qrupunda, liqa mərhələsində, pley-offunda oynamış komanda. Azərbaycanlı futbolçuların bu turnirlərdə tarixə düşən qolları vurduğu komanda. Əla. Mübaliğəsiz, böyük nəticələrdir, bundan sonra kiminsə azı 5-10 ildə bunu bacarması sual altındadır, elə özlərinin də.

Bura qədər hər şey gözəl, ancaq təşəkkürlər alan “Qarabağ”ın narahatlıq yaradan işləri (olmayan işləri) bəs nədir?

Azərbaycanın indiki məqamda bir nömrəli klubu olan “Qarabağ” tək futbol komandasıdır. Niyə? Avrokuboklarda ardıcıl iştiraka, qazanılan qələbələrə görə gələn milyonlar hardadır, hara gedir?

Ən çox gəlir əldə edən klubun niyə rekord məbləğli transferi illər əvvələ aiddir? (red – 2012-ci ildə Riçard Almeyda 1.2 milyon avro qarşılığında “Santo Andre” klubundan “Qarabağ”a keçib)

Avropada adından söz etdirən klubun nə üçün qadın futbol komandası fəaliyyət göstərmir? Saxlamağa pul yoxdur?

Əsas komandası Avropada “at oynadan” klubun nə üçün aşağı yaş qruplarında nəticələri ürəkaçan deyil?

Əvəzedici komandası nə üçün çempion ola bilmir?

Son 10 ildə 2-3 addan başqa, klubun hansı yetirməsi əsas komandaya yüksələ bilib?

Azərbaycan futbolunun inkişafı uşaq futbolundan başlayır. “Qarabağ” uşaq futbolunda hansı işləri görür?

Suallar, narahatlıq yaradan məqamlar… Məsələ, klubun uğurlarına kölgə salmaq deyil, məlumdur, “Qarabağ”ın bacardığını bundan sonra kiminsə bacarması çətindir, futbol üçün müsbət məqamdır. Bəs çatışmazlıqlar? Onlar necə olacaq?

Yuxarıda verilən “niyə”ləri “nə zaman”lar əvəz edir. Nə zaman bunlar da qaydasına düşəcək? Danışılmır, qeyd edilmir, uğurlara hamı sevinir, bəs çatışmazlıqlar necə olacaq?

Şahin Cəfərov

“Real”ın qapıçısı Tibo Kurtua klub sahibi olub.

Futbolpress.az xəbər verir ki, belçikalı qolkiper Fransanın “Le Man” klubunun səhmlərinin bir hissəsini alıb.

Fransa Liqa 2-də yarışan “Le Man”ın səhmdarları arasında Novak Cokoviç, Felipe Massa, Kevin Maqnussen kimi adlar var. Komanda çempionatda 23 turdan sonra 39 xalla 5-ci sıradadır.

Bu gün Premyer Liqada XXI tura start veriləcək.

Günün ilk matçında avrokuboklara vəsiqə mübarizəsi aparan “Turan Tovuz” və “Zirə” komandaları üz-üzə gələcək. Tovuz şəhər stadionunun ot örtüyünün yararsız olması səbəbindən görüş Suraxanıda, “Azersun Arena”da olacaq. Matça saat 17:00-da start veriləcək.

“Turan Tovuz” 19 yundan sonra 34 xalla 4-cü sıradadır. Bölgə təmsilçisinin “Qəbələ” ilə ehtiyatda bir matçı var və bu görüş fevralın 24-də keçiriləcək.

“Zirə” isə 20 turdan sonra 35 xalla üçüncü sırada qərarlaşıb. “Turan Tovuz” qələbə qazanacağı halda, rəqibini keçəcək, eyni zamanda dörd gün sonra baş tutacaq “Qəbələ” matçını da üç xalla bitirsə, fərqi artıracaq. Bu baxımdan tovuzlular üçün qələbə xüsusi önəm daşıyır.

“Turan Tovuz” son 5 oyunda 3 qələbə qazanıb, 1 heç-heçə edib, 1 dəfə də uduzub. Komanda son turda “Şamaxı” səfərindən bir xalla dönüb.

“Zirə” isə son 5 oyunda 2 qələbə qazanıb, 2 dəfə heç-heçə edib. Bir görüş isə bərabərliklə başa çatıb. “Turan Tovuz”la matçda heç-heçə belə “Zirə” cəbhəsinə sərf edir.

Komandalar arasında I dövrədə baş tutan görüşdə qolsuz bərabərlik qeydə alınıb. Tərəflərinson 5 duelində “Zirə” 2, “Turan Tovuz” 1 qələbə qazanıb. Bərabərliklə başa çatan iki görüşdə də qapılara qol vurulmayıb.

“Arsenal”la yeni müqavilə imzalayan Bukayo Saka açıqlama verib.

Futbolpress.az xəbər verir ki, 24 yaşlı futbolçu London klubunda xoşbəxt olduğunu deyib:

“Burda xoşbəxtəm. Bacardığım qədər komanaya kömək etmək istəyirəm. Hədəflərim, iddialarım var. “Arsenal”la titul qazanmaq istəyirəm. İnanıram ki, yaxın zamanda məqsədlərimizə çatacağıq. Uzun illər bu komandada olmağı arzulayıram”.

Saka bu mövsüm Premyer Liqada 23 oyunda 5 qol vurub, 4 məhsuldar ötürmə edib.

“Fənərbağça”nın baş məşqçisi Domeniko Tedesko Avropa Liqasında “Nottingem Forest”ə məlubiyyəti şərh edib.

Futbolpress.az xəbər verir ki, mütəxəssis 0:3 hesabıyla bitən görüşdən sonra bunarı deyib:

“Məğubiyyətə layiq idik. Bir komanda pis , bir komanda yaxşı oynadı. Onlar bizdən güclü idilər. İlk 30 dəqiqədə göstərdikləri təziqdən çıxa bilmədik. Hər şey bu qədər sadədir”.

Komandalar arasındakı cavab oyunu fevralın 7-də İngiltərədə olacaq.

“Santos”da çıxış edən Neymar ilin sonunda karyerasını bitirə bilər.

Futbolpress.az xəbər verir ki, bu barədə hücumçu “Caze TV”yə açıqlamasında deyib:

“Gələcəyimlə bağlı bilmirəm. Ola bilər, dekabrda karyeramı bitirim. İndi bu günü yaşayıram. Ancaq bu il mənim üçün həlledici olacaq”.

Daha əvvəl Neymarın DÇ-2026 üçün Braziliya yığmasına çağırılmayacağı halda, karyerasını bitirəcəyi iddia edilib.

18 yaşadək futbolçulardan ibarət Azərbaycan milli komandası Beynəlxalq İnkişaf Turnirində bu gün ikinci oyuna çıxacaq.

Futbolpress.az xəbər verir ki, B qrupunda yer alan millimiz Özbəkistanın müvafiq yaş qrupundan ibarət komandası ilə qarşılaşacaq.

Belarusun paytaxtı Minskdə yerləşən yerli futbol federasiyasının məşq meydançasında keçiriləcək görüş Bakı vaxtı ilə saat 14:20-də başlanacaq.

Azərbaycan yığması dünən ilk matçda Rusiyaya 1:7 hesabıyla uduzub.

Serbiyalı hücumçu Duşan Vlahoviç mövsümün sonunda “Yuventus”dan ayrıla bilər.

Futbolpress.az xəbər verir ki, bu barədə “Tuttosport” nəşri məlumat yayıb. Vlahoviç “Barselona” klubundan təklif alacağı halda, “qoca sinyora” ilə vidalaşacaq.

26 yaşlı hücumçu daha əvvəl “Yuventus”la yeni müqavilə danışıqlarında razılaşa bilməyib.

Vlahoviç bu mövsüm A Seriyasında 13 oyunda 3 qol vurub.

Qurbanov Qurbanovun AFFA İcraiyyə Komitəsinin dünən keçirilən iclasına qatılması xüsusi xəbər kimi təqdim olundu. Səbəb onun bu iclaslara əksər vaxt qatılmamasıdır.

Bu məsələnin özü də xüsusi xəbər kimi ayrıca təqdim olunmalıdır.

Qurbanov niyə əksərən İK iclaslarına qatılmır?

Qrafik sıxlığı?

Bəlkə də ən sıx qrafik bu ərəfələrdədir, amma dünən iclasda idi.

Aydın deyil, niyə qatılmırdı, niyə dünən qatıldı…

Ritorikanı dincə qoyub, başqa suala baxaq.

Qurbanov son vaxtlar heç vaxt olmadığı qədər emosional çıxışlar etdi. Yararsız meydança məsələsindən tutmuş legioner limitinədək… Əsasən haqlı olan iradları ictimai formada, bəzən də emosional açıqlamaq sakit təbiətli imicini yaddaşlarda möhkəmləndirən Qurbanovu bu mənada daha çox diqqət mərkəzinə çəkir.

Görəsən onun İK-dakı təklifləri, fikirləri “işləmir”?

Ümumiyyətlə, çoxsaylı suallar və onların ritorik halı… Buna səbəb Qurbanovun analoji mövzulara dair suallara cavab vermək istəməməsidir.

Özəl müsahibələrə toxunmur, yaxud yan keçir. Oyunsonrası mətbuat konfranslarında bu mövzuda sual verilərkən isə o, “milli komanda”, “AFFA İcraiyyə Komitəsi” tematikalı suallara bəzən, “bu haqda danışmaq istəmirəm” kimi reaksiyalar verir.

Qurbanov İK iclaslarına niyə qatılmırdı?

Necə oldu ki, dünən qatıldı?

Nədən razı, nədən narazıdır?

Son iclasda nələr danışdı, nələr eşitdi?

Ölkə futbolunun ənənəvi problemlərini son dönəmlər daha intensiv və emosional ifadə etməsinə səbəb nədir?

Bu və başqa çox sayda açıq qalan suallar var. Bu suallarla ona müraciət edə də bilərik, lakin əksərinə əvvəllər də cavab vermədiyi bilinən faktdır.

Qurbanovun ictimaililiyi yetəri qədər deyil. Sanki ictimai mövzularda qəti, korrekt, açıq mövqelər bildirmir və ümumiyyətlə bu profildə daha çox qapalı mövqeyi diqqət çəkir.

Halbuki faktiki durumda ölkə futbolunun problemlərinin həllinə ən təsirli çıxışları məhz o edə bilər.

Qurbanov obrazının yükünü və təsir potensialını bilməmiş deyil. O obrazın yükünə layiq dərəcədə mövqe qoymalı, ictimaililiyini artırmalıdır.

Kamil Əhməd

19 yaşadək futbolçulardan ibarət Azərbaycan milli komandası bu gündən fevralın 22-dək Bakıda, ayın 23-dən 28-dək isə Moldovanın paytaxtı Kişineuda təlim-məşq toplanışında olacaq.

Futbolpress.az xəbər verir ki, U-19 Kişineudakı hazırlıq dönəmində fevralın 25-də və 27-də Moldovanın müvafiq yaş qrupundan ibarət komandası ilə iki yoxlama oyunu keçirəcək. Hər iki matçın Bakı vaxtı ilə saat 15:00-da başlanması planlaşdırılır.

N.	Ad / Soyad	Klub
1	Məhdi Həsənov	Neftçi
2	Rauf Əyyubov	Sabah
3	Həzrət Səmədov	Sabah
4	Murad Qurbanov	Zirə
5	Məhəmmədəli Məmmədov	Turan Tovuz
6	Tuncay Əhmədov	Sabah
7	Tunar Muradov	Turan Tovuz
8	Fərid Abdinov	Stroqino (Rusiya)
9	Nadir Nəsibli	MOİK
10	İlkin Həzizadə	Sumqayıt
11	Əli Qazibəyov	Qarabağ
12	Abdulaziz Cabbarlı	Qarabağ
13	İbrahim Babayev	Barselona
14	Nurlan Zeynallı	Sumqayıt
15	Vüsal Kərimov	Neftçi
16	Əhliman Süleymanzadə	Zirə
17	Sabutay Hacı	Alboraya (İspaniya)
18	İslam Həsənov	Qrafiçar (Serbiya)
19	Əli İbrahim	Qarabağ
20	Nicat Nərimanov	Brommapoykarna (İsveç)
21	Əhməd Vəliyev	Qarabağ

Azərbaycanlı futbolçu Nəriman Axundzadənin yeni yeni klubu “Kolumbus Kryu” heyətini yeni futbolçu ilə gücləndirib.

Futbolpress.az xəbər verir ki, MLS təmsilçisi portuqaliyalı Andre Qomeşi transfer edib. Bu barədə klubun mətbuat xidməti məlumat yayıb.

Qomeş karyerası ərzində “Benfika”, “Valensiya”, “Barselona”, “Everton” kimi klublarda oynayıb.

“İmişli” PFK heyətinə yeni oyunçu cəlb edib.

Futbolpress.az xəbər verir ki, Azərbaycanlı futbolçu Orxan Fərəcov ilə kontrakt imzalanıb.

25 yaşlı yarımmüdafiəçi karyerası ərzində müxtəlif illərdə “Şamaxı-2”, “Keşlə”, “Səbail”, Polşanın “KS CK Troszyn” və “Narew Ostrołęka” klublarında çıxış edib.

Son mövsümlərdə isə “Baku Sporting” və “Şahdağ” FK-nın formasını geyinib.

İtaliyalı mütəxəssis Karlo Ançelotti Braziliya millisi ilə müqaviləsini uzadacaq.

Futbolpress.az xəbər verir ki, bu barədə məşqçi “Movistar” telekanalına danışan zaman deyib. O, yığma ilə sözləşməsinin 2030-cu ilin sonuna qədər artırılacağını bildirib.

Ançelotti ötən ilin mayından yığmaya rəhbərlik edir. Onun Braziliya millisində illik 10 milyon avro qazandığı bildirilir.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

20 fevral

Azərbaycan, Premyer Liqa
17:00 Turan Tovuz – Zirə (CBC Sport)
19:30 Sumqayıt – Qəbələ (CBC Sport)

Türkiyə, Super Liqa
21:00 Rizespor – Kocaelispor (beİN Sports 1)

İtaliya, A Seriyası
23:45 Sassuolo – Verona (Futbol 2)

Fransa, Liqa 1
23:45 Brest – Marsel (beİN Sports 4)

İspaniya, La Liqa
00:00 Atletik – Elçe (İdman TV, Matç TV)

Dünən SOCAR-ın inzibati binasında AFFA İcraiyyə Komitəsinin növbəti iclası keçirilib.

Əvvəla, İK-nın iclaslarının AFFA-nın binasından kənarda keçirilməsi anlaşılmazdır. Bu, Rövşən Nəcəfin dövründə dəbə minib.

AFFA-nın üzv olduğu UEFA-nın digər üzv assosiasiyalarının heç biri toplantılarını inzibati binadan kənarda keçirmir.

Bu məsələdə hüquqi aspektdən prinsipiallıq olmaya bilər, lakin nəzərə alınmalıdır ki, yerli futbol təşkilatlarının assosiasiyası UEFA-nın mötəbər üzvüdür və bu onların müstəqil qurum olmasına dəlalət edir. Azərbaycanda SOCAR qismində olmaqla, digər yerli ali qurumlarda da himayəçi/sponsor təşkilatlar var, ancaq heç birində qurum himayəçiyə yönəlik bu həddə imic assimlyasiyasına yol vermir. Gələcəkdə bu məsələlərə diqqət yetirmək lazımdır. AFFA-nın iclas və daha mühüm tədbirlərin təşkilatçılığına uyğun olan inzibati binası var. Rövşən bəy isə SOCAR-ın prezidenti olmaqla yanaşı, həm də AFFA-nın prezidentidir və bu iki məsələnin bir-birinə qarışması korporativ etikadan tutmuş, hüquqi kriteriyalaradək uyğun sayılmır.

***

İclasın gündəliyinə nəzər yetirdikdə aydın olur ki, aprelin 3-nə təyin olunan İllik Hesabat Konfransı öncəsi hazırlıq/məşğələ xarakterli iclas keçib. Bir neçə toplantıya qatılmayan Qurban Qurbanovun yenidən sıralara qayıtmasından başqa diqqətçəkan məqam yoxdur.

Haşiyə çıxaq ki, Qurbanovun İK iclaslarından sonra ictimaiyyətə açıqlamalar verməsi digər üzvlərə nəzərən daha çox əhəmiyyətlidir. Lakin biz digər üzvlər kimi, onun da brifinq keçirməməsini görürük.

Ümumiyyətlə, keçmiş AFFA rəhbərliyinin son dönəmindən miras qalan bu hal sonlandırılsa yaxşı olar. AFFA İK-nın iclasları ən mühüm proseslərdən biridir və onun anonsundan tutmuş iclasın icmalınadək – hər detal ictimaiyyətə açıq olmalıdır. Lakin qapalılıq müşahidə olunur və bu anlaşılmaz, hətta qəbulolunmazdır. Məhz bu səbəbdən iclasın gündəliyindəki məsələlər ətrafında müzakirələr zəif gedir, yaxud heç olmur…

İndi isə gündəlikdə müzakirə olunan məsələlərin mahiyyətinə yüngülvari toxunaq.

Niyə yüngülvari?

Çünki predmetlər afişa şəklində açıqlanıb, ondan sonra heç bir təfsilat, geniş açıqlamalar olmayıb.

Məsələn, predmetlərdən birinə nəzər yetirək:

“AFFA-nın baş katibinin müavini Elçin Məmmədov Misli Premyer Liqası klublarının akademiyalarında aparılmış yerində təhlillər üzrə hesabatı təqdim edib”.

Bunu iclasdakı ən vacib mövzulardan biri saymaq olar, lakin bizə məlum deyil;

– Akademiyalarda aparılmış yerində təhlillər hansı məsələləri əhatə edib
– ⁠Təhlillərin nəticələri nədir?
– ⁠AFFA-nın nəticələrlə bağlı qərarları/mövqeyi nədən ibarətdir.

Gördüyümüz kimi, bu, mətbuat üçün təhlillərə maneə yaradan vəziyyətdir. İctimaiyyətə açıqlılığın pozulması…

“AFFA-nın 2026-cı il üçün büdcəsi müzakirə olunaraq təsdiqlənib”.

Güman ki, büdcə haqqında detallı məlumatlar Hesabat Konfransında açıqlanacaq. Lakin ona hələ iki aya yaxın müddət var. Cari ilin büdcəsində prioritetlərin nədən ibarət olması indidən bildirilməli idi. Futbolun İnkişafına dair yeni proqramın icrası kimi həssas məsələdən tutmuş, Premyer Liqa klublarına verilən dotasiyalara qədər – əksər mövzular açıq qalıb. Qeyd olunanların AFFA-nın büdcəsinə aid olmadığını bildirə bilərlər, lakin prosesin mühümlüyü, əhəmiyyətliliyi nəzərə alınaraq müzakirə və təhlillərə maneə yaradacaq bu qapalılığın anormal hal olduğu aşkara çıxır.

“AFFA-nın baş katibi Cahangir Fərəcullayev Əvəzedicilər Liqasının 2026/2027-ci illər mövsümü üçün statusu barədə geniş məlumat verib. Məsələ ətrafında İcraiyyə Komitəsi üzvləri tərəfindən təkliflər səsləndirilib, yekun qərarın verilməsi üçün Klublar Komitəsinin rəyinin alınmasının məqsədəuyğun olduğu bildirilib”.

Əvəzedicilər Liqasının ləğvi haqda xəbərlərin dolaşmasına rəvac verən durum burdan qaynaqlanır. Çünki məsələ naməlum qalır – “2026/2027-ci illər mövsümü üçün status” deyərkən nəzərdə tutulan nədir? Və bu məsələ İK kimi ali orqanda həll olunmalıykən, əhəmiyyətlilik dərəcəsi məlum olmayan Klublar Komitəsinə niyə həvalə edilməlidir? OK, demokratik yanaşma, plüralizm və s. Ancaq bu nəsnələr kritik məsələlərdə yada düşəndə şübhə oyada bilir.

AFFA yəqin bilir, ictimaiyyət Əvəzedicilər Liqasının ləğvini birmənalı qarşılamır. Ötən il də bu formada gündəmə gələn mövzu ətrafında mətbuatda geniş təhlillər dərc olundu. Liqanın ləğvi ertələndi.

Görünür, AFFA bu məsələdə maraqlıdır. Yenidən gündəmə gələn ləğv məsələsinin əhəmiyyətləri hesablanmadan fəsadları haqda kifayət qədər qeydlər varkən…

Əvəzedicilər Liqasının ləğvi legioner limitinin ləğvindən doğan “yerli futbolçu defisiti” problemini bir az da tətikləyə bilər. Gənc futbolçuların legionerləşmiş Premyer Liqa klublarında özünə maraq yaratmasına çətinliklər var idi, Əvəzedicilər Liqası ləğv olunarsa, yalnız bir alternativ qalır – I Liqa. Onun da səviyyəsi çox aşağıdır.

Əvəzedicilər Liqasından APL klublarına futbolçu inteqrasiyası da ürəkaçan vəziyyətdə deyildi, lakin bu ona əsas vermir ki, liqa ləğv olunmalıdır. Belədə büdcəyə qənaət niyyətindən başqa hansısa əhəmiyyətli arqument qabarmır. O da şübhəli…

Məsələ ətrafında data bilgilər əsasında təhlillər aparılmalı, problemdən çıxış yolları tapılmalıykən ən asan yola əl atmaq yumşaq ifadə edilsə, təqdirəlayiq hal deyil.

Qeyd olunan istiqamətlər üzrə pərakəndə yanaşmalar uğurlu gələcək vəd etmir (Qərarların heç biri data bilgilərə əsaslanmır, geniş müzakirələrə açıq olmayıb – red.) və yaxşı işlər görməyə canfəşanlıq edən AFFA-nı yaxın gələcəkdə sərt tənqidlərin hədəfinə gətirə bilər.

“Misli Premyer Liqası hakimləri üçün nəzərdə tutulan yeni bonus sistemi baş katib Cahangir Fərəcullayev tərəfindən təqdim olunub. Bu sistemin hakimlərin fəaliyyətinin stimullaşdırılmasına və oyunlarda idarəçiliyin keyfiyyətinin artırılmasına xidmət edəcəyi bildirilib. Təklif olunan sistem İcraiyyə Komitəsinin üzvlərinin səsverməsi ilə təsdiq edilib”.

Yeni bonus sistemi nədən ibarətdir? Bu sistemə keçid qərarı hansı ehtiyacdan yarandı? Faydaları nədən ibarət olacaq?

Yenə açıq suallar. Ümumiyyətlə, AFFA-nın katibliyi bu məsələləri ictimaiyyətə ətraflı açıqlaya, təhlil edə biləcək şəxs(lər) müəyyənləşdirməlidir. Mediada intensiv çıxışlarla geniş müzakirələrə nail olunmalıdır. Tarix göstərib, bu halda verilən qərarlar nisbətən daha faydalı olub.

“CBC Sport”, İctimai TV, İdman TV, müstəqil idman mediası… bu məsələlər geniş müzakirə edilməli, yeri gələrsə, akademik təhlillər edilməlidir.

İclasın AFFA-nın saytında açıqlanan gündəliyi “2027-ci ildə Azərbaycan və Özbəkistanda təşkil olunacaq FIFA U-20 Dünya çempionatı ilə əlaqədar ev sahibliyi müqaviləsi təsdiqlənib” bəndi ilə bitir. Əvvəlində “sonda” yazılaraq…

Niyə ki?!

İclasın gündəliyi rəsmi-işgüzar üslubdur, publisistik elementlərə nə gərək?

Diqqətli, dəqiq olmağa ciddi ehtiyac var, cənablar. Kiçik nüanslardakı nöqsanlar böyük işlərdə etimadsızlığa əsas verər.

Sonda qeyd edək ki, U-20 Dünya çempionatı ilə bağlı müqavilənin təsdiqlənməsi mübarək olsun, ancaq həmtəşkilatçı Özbəkistanda işlər başlayıb və bir neçə addım atılıb.

Elçin Cəlilov

“Fənərbağça” itki ilə üzləşib.

Futbolpress.az xəbər verir ki, komandanın müdafiəçisi Milan Şkrinyar zədələnib. Bu barədə klubun mətbuat xidməti məlumat yayıb.

Avropa Liqasında “Nottingem Forest”lə matçda əzələsini dartan slovakiyalı müdafiəçinin son durumu tibbi müayinədən sonra bilinəcək.

“Fənərbağça” İngiltərə təmsilçisinə 0:3 hesabıyla uduzub.

Bu gün Azərbaycan Premyer Liqasında XXI tura start verilib.

Futbolpress.az xəbər verir ki, ilk oyun günündə iki qarşılaşma keçirilib.

Günün birinci matçında “Turan Tovuz” “Zirə”ni qəbul edib. “Azersun Arena”da keçirilən görüş tovuzluların qələbəsiylə başa çatıb.

Digər görüş Sumqayıtda keçirilib. Görüş qolsuz başa çatıb.

Azərbaycan Premyer Liqası
XXI tur

20 fevral

17:00 Turan Tovuz – Zirə 2:0
Qollar: F.Ozobiç, 11, X.Silva, 19
Baş hakim: Rəvan Həmzəzadə
“Azersun Arena”

19:30 Sumqayıt – Qəbələ 0:0
Baş hakim: Fərid Hacıyev
Mehdi Hüseynzadə adına Sumqayıt şəhər stadionu

Basketbol üzrə Azərbaycan Kubokunda bütün yarımfinalçılar məlum olub.

Futbolpress.az xəbər verir ki, “Şəki” “Abşeron Lions”a qalib gəlib və adını yarımfinala yazdırıb.

Bölgə təmsilçisi final yolunda “Gəncə” ilə qarşılaşacaq.

Yarımfinalın digər görüşü isə “Ordu” ilə “Sabah” arasında olacaq.

“Arsenal”ın baş məşqçisi Mikel Arteta Premyer Liqada “Vulverhempton”la heç-heçə etdikləri oyundan sonra fikirlərini bölüşüb.

Futbolpress.az xəbər verir ki, mütəxəssis 2:2 hesabıyla bitən matçdan sonra bunları deyib:

“Ayağa qalxmalıyıq. Səfərdə “Tottenhem”ə qarşı oyunumuz var və çempionluğu necə çox istədiyimizi, gücümüzü göstərməliyik. Əsas məsələ budur”.

“Arsenal” 27 turdan sonra 58 xalla birinci sıradadır. İkinci sırada isə ehtiyatda bir oyunu olan “Mançester Siti”dir. “Şəhərlilər”in aktivində 53 xal var.

“Arsenal” futbolçusu Bukayo Saka ilə müqaviləni uzadıb.

Futbolpress.az xəbər verir ki, bu barədə klubun mətbuat xidməti məlumat yayıb. Vingerlə sözləşmənin müddəti açıqlanmayıb.

Bukayo Saka 2018-ci ildə “Arsenal”da debüt edib.

24 yaşlı futbolçu bu mövsüm 23 oyunda 5 qol vurub, 4 məhsuldar ötürmə edib.

Bu gün UEFA Avropa Liqasında pley-off mərhələsinin ilk oyunları keçirilir.

Futbolpress.az xəbər verir ki, Türkiyə təmsilçisi “Fənərbağça” azarkeşləri önündə İngiltərənin “Nottingem Forest” komandası ilə qarşılaşıb. Matç rəqibin qələbəsiylə başa çatıb – 3:0.

İtaliya “Bolonya”sı Norveçdə “Brann”ı məğlub edib.

Avropa Liqası
Pley-off mərhələsi, ilk oyunlar

19 fevral

21:45 Brann – Bolonya 0:1
21:45 Dinamo Zaqreb – Genk 1:3
21:45 Fənərbağça – Nottingem Forest 0:3
21:45 PAOK – Selta 1:2

00:00 Seltik – Şutqart 1:3
00:00 Lill – Srvena Zvezda 0:1
00:00 Ludoqorets – Ferentsvaroş 2:1
00:00 Panatinaikos – Viktoriya Plzen 2:2