AFFA Fizuli Dəmirovu 2 oyunluq cəzalandırdı
Bu gün AFFA İntizam Komitəsinin növbəti iclası keçirilib, İkinci Liqanın 18-ci turunun oyunları ilə bağlı bəzi qərarlar qəbul edilib.
Arena.az AFFA-nın rəsmi saytına istinadən həmin qərarların siyahısını təqdim edir:
İkinci Liqa, 18-ci tur
“Şəki” – “Kür-Araz” oyununun 42-ci dəqiqəsində “Kür-Araz”ın futbolçusu Müseyib Abdullazadə təcavüzkar davranışa görə birbaşa qırmızı vərəqə aldığı üçün 3 oyunluq cəza alıb. “Kür-Araz” buna görə 300 manat cərimə edilib.
“Şəmkir” – “Araz Saatlı” oyununda “Şəmkir”də 4 nəfər sarı vərəqə aldığı üçün sözügedən komanda 70 manat cərimə edilib. Oyun bitdikdən sonra “Şəmkir”in azarkeşləri tərəfindən pirotexniki vasitədən istifadə edildiyinə görə sözügedən klub daha 300 manat cərimə ödəyəcək.
“Xankəndi” – “Ağdaş” oyunu “Ağdaş”ın meydançaya gec çıxması səbəbindən gec başladığına görə sözügedən komanda 300 manat cərimə edilib.
“Qaradağ Lökbatan” – “Göygöl” oyununda “Qaradağ Lökbatan” təşkilati-texniki öhdəlikləri pozduğuna görə Lökbatan komandası 100 manat cərimə edilib.
“Quba” – “Dinamo” oyununda “Quba”nın 4 futbolçusu sarı vərəqə aldığı üçün sözügedən komanda 70 manat cərimə edilib. “Dinamo”da da 5 nəfər sarı vərəqə aldığı üçün bu komanda 70 manat cərimə edilib. Oyunun 53-cü dəqiqəsində “Dinamo”nun futbolçusu Fizuli Dəmirov ciddi qayda pozuntusuna görə birbaşa qırmızı vərəqə aldığı üçün 2 oyunluq cəza alıb. “Dinamo” buna görə 100 manat cərimə edilib.
