Bu gün futbol üzrə dünya çempionatının (DÇ-2026) Avropa zonası üzrə pley-off mərhələsində 4 final qarşılşaması keçirilib.

Arena.az xəbər verir ki, bununla da Avropadan mundiala son vəsiqələrin sahibləri müəyyənləşib.

Türkiyə millisi səfərdə Kosovo yığması ilə görüşüb və minimal hesabla qalib gəlməklə 24 illik fasilədən sonra dünya çempionatının final mərhələsində iştirak hüququ qazanıb.

İsveç millisi evdə Polşa yığmasıyla qarşılaşıb. Beş qolluq görüşün yekununda sevinən tərəf isveçlilər olublar.

İtaliya yığması səfərdə Bosniya və Herseqovina millisi ilə üz-üzə gəlib. Əsas vaxtı 1:1 hesabıyla yekunlaşmış bu görüşün yekununda qalib penaltilər seriyasında müəyyənləşib. Bosniyalılar tarixi uğura imza ataraq İtaliyanı DÇ-2026-dan kənarda qoyublar.

Çexiya və Danimarka yığmalarının görüşündə də əsas vaxtda qalib müəyyənləşməyib. Əlavə vaxtda da bərabərlik qeydə alınınca penaltilər seriyasına ehtiyac duyulub. 11 metrlik zərbələri daha dəqiq yerinə yetirmiş çexlər dünya çempionatına vəsiqə qazanıblar.

Xatırladaq ki, bu il iyunun 11-dən iyulun 19-na qədər ABŞ, Kanada və Meksikada təşkil ediləcək DÇ-2026-ya ümumilikdə 48 komanda qatılacaq. Meydan sahibləri ilə yanaşı, Kurasao, Panama, Haiti, Yaponiya, Yeni Zelandiya, İran, Argentina, Özbəkistan, Cənubi Koreya, İordaniya, Avstraliya, Braziliya, Ekvador, Uruqvay, Kolumbiya, Paraqvay, Mərakeş, Tunis, Misir, Əlcəzair, Qana, Kabo-Verde, Cənubi Afrika, Seneqal, Fildişi Sahili, Qətər, Səudiyyə Ərəbistanı, İngiltərə, Fransa, Xorvatiya, Norveç, Portuqaliya, Niderland, Almaniya, İsveçrə, Şotlandiya, İspaniya, Avstriya və Belçika da mundialın final mərhələsində iştirak hüququ qazanıb.

DÇ-2026-nın Avropa zonası üzrə pley-off oyunları
Finallar
31 mart

Bosniya Herseqovina – İtaliya 1:1 (penaltilər 4:1)
Qollar: Tabakoviç, 79 – M.Kin, 15.

İsveç – Polşa 3:2
Qollar: Elanqa, 19. Laqerbielke, 44. Dyökereş, 88 – Zalevski, 33. Sviderski, 55.

Kosovo – Türkiyə 0:1
Qol: K.Aktürkoğlu, 53.

Çexiya – Danimarka 2:2 (penaltilər 3:1)
Qollar: Şults, 3. Kreyçi, 100 – Andersen, 72. Hoq, 111.

Türkiyə millisi dünya çempionatına vəsiqə qazanıb.

Futbolpress.az xəbər verir ki, “ay-ulduzlular” həlledici görüşdə Kosovonu məğlub edib – 1:0.

Görüşdə yeganə qolu ikinci hissədə Kerem Aktürkoğlu vurub.

21 yaşadək futbolçulardan ibarət Azərbaycan milli komandasının baş məşqçisi Rəşad Eyyubov Avropa çempionatının seçmə mərhələsində Plovdivdə Bolqarıstan yığması ilə keçirilən oyundan (0:0) sonra fikirlərini bildirib.

Futbolpress.az xəbər verir ki, mütəxəssis matçı belə şərh edib:

“Komandamız bu matçda daha fəal çıxış etdi. Futbolçular bu gün nəyə qadir olduqlarını meydanda aydın şəkildə nümayiş etdirdilər. Onlar nə rəqibdən, nə də stadiondakı atmosferdən çəkindilər. Birinci hissədə çox yaxşı çıxış etdik və topa nəzarət əsasən bizdə idi. Fasilədən sonra rəqibin təzyiqi artdı ki, bu da təbii haldır. Hesab edirəm ki, heç-heçə ədalətli nəticədir. Hər iki komandanın təhlükəli epizodları oldu. Ümumilikdə komandamın çıxışında müsbət məqamlar gördüm. Belə təməllə gələcəyə pozitiv baxa bilərik”.

Qeyd edək ki, U-21 qrupda növbəti oyununu sentyabrın 25-də evdə Çexiya yığmasına qarşı keçirəcək.

21 yaşadək futbolçulardan ibarət Azərbaycan millisinin baş məşqçisi Rəşad Eyyubov AFFA-nın rəsmi saytına açıqlama verib.

Arena.az xəbər verir ki, o, Avropa çempionatının seçmə mərhələsində Plovdivdə Bolqarıstan yığmasına qarşı keçirdikləri oyunu şərh edib.

Rəşad Eyyubov qolsuz (0:0) başa çatmış oyunla bağlı bunları söyləyib:

“Komandamız bu matçda daha fəal çıxış etdi. Futbolçular bu gün nəyə qadir olduqlarını meydanda aydın şəkildə nümayiş etdirdilər. Onlar nə rəqibdən, nə də stadiondakı atmosferdən çəkindilər. Birinci hissədə çox yaxşı çıxış etdik və topa nəzarət əsasən bizdə idi. Fasilədən sonra rəqibin təzyiqi artdı ki, bu da təbii haldır. Hesab edirəm ki, heç-heçə ədalətli nəticədir. Hər iki komandanın təhlükəli epizodları oldu. Ümumilikdə, komandamın çıxışında müsbət məqamlar gördüm. Belə təməllə gələcəyə pozitiv baxa bilərik”.

Xatırladaq ki, U-21 millimiz qrupda növbəti oyununu sentyabrın 25-də evdə Çexiya yığmasına qarşı keçirəcək.

21 yaşadək futbolçulardan ibarət Azərbaycan millisi (U-21) bu gün Avropa çempionatının seçmə mərhələsində növbəti sınağına çıxıb.

Arena.az xəbər verir ki, AÇ-2027-nin seçmə mərhələsinin B qrupunda yer almış millimiz 7-ci oyununda Bolqarıstanın müvafiq yaş qrupundan ibarət komandası ilə qarşılaşıb.

Rəşad Eyyubovun baş məşqçisi olduğu kollektiv bu rəqiblə səfərdə üz-üzə gəlib. Plovdiv şəhərində təşkil edilmiş oyunu Ukraynadan olan hakimlər briqadası idarə edib. Oyun qolsuz yekunlaşıb.

Xatırladaq ki, U-21 millimiz altı komandanın yer aldığı B qrupunda 6 xalla beşinci pillədə qərarlaşıb. Bolqarlar isə 11 xalla dördüncüdürlər.

AÇ-2027-nin seçmə mərhələsi
B qrupu
31 mart

Bolqarıstan – Azərbaycan 0:0
Qırmızı vərəqə: Georgi Çorbadjiyski, 82.
Baş hakim: Denis Şurman.
Baş hakimin köməkçiləri: Dmitro Zaporojenko, Viktor Nijnik.
Dördüncü hakim: Dmitro Pançişin (Hakimlər briqadası Ukraynadandır).
Plovdiv, “Xristo Botev”. Saat 20:00.

Bolqarıstan: 23. Aleks Bojev, 2. İvaylo Videv, 4. Todor Pavlov, 3. Martin Georgiyev (17. Boris Dimitrov, 88), 15. Dimitar Papazov, 22. Asen Mitkov (k) (14. Vasil Kazaldjiyev, 78), 21. Petko Panayotov, 16. Svetoslav Marinov, 19. Nikolay Zlatev (9. Borislav Rupanov, 46), 10. Georgi Çorbadjiyski, 7. Georgi Lazarov.
Ehtiyat oyunçular: 1. Plamen Andreyev, 5. Mixail Polendakov, 13. Kubrat Onaşi, 18. Nikola Neyçev, 20. Anton İvanov.
Baş məşqçi: Todor Yançev.

Azərbaycan: 12. Sadiq Məmmədzadə, 5. Emin Rüstəmov (k) (19. Əkbər Eyubov, 90+2), 3. Rüfət Abbasov, 2. Eşqin Əhmədov, 4. Elgün Dünyamalıyev, 18. Oruc Məmmədov (10. Edqar Adilxanov, 58), 15. Raul Məmmədov, 17. Hikmət Cəbrayılzadə, 23. Nihad Əhmədzadə (7. Murad Məmmədov, 75), 20. Şahin Şahniyarov (8. Emil Süleymanov, 90+2), 11. Nahid Əliyev (9. Şahin İbrahimov, 75).
Ehtiyat oyunçular: 22. Xəyal Fərzullayev, 6. Bilal İsmayılov, 13. Nuğay Rəşidov, 14. Nadir Orucov.
Baş məşqi: Rəşad Eyyubov.

Xallar: Portuqaliya – 16. Çexiya – 14. Şotlandiya – 11. Bolqarıstan – 11. Azərbaycan – 6. Cəbəllüttariq – 0.

Bu gün keçirilmiş son bir oyunla Azərbaycan Basketbol Liqasında (ABL) müntəzəm mövsümə (2025/2026) yekun vurulub.

Arena.az xəbər verir ki, 20-ci turun və müntəzəm mövsümün qapanış matçında A qrupunun lider “Sabah”la əsas izləyicisi “Abşeron Lions” üz-üzə gəliblər.

Bakı İdman Sarayında baş tutmuş qarşılaşma “bayquşlar”ın 105:72 hesablı qələbəsi ilə bitib. Mövsümün sonuncu oyunu xoşagəlməz hadisə ilə də yadda qalıb. Görüşün dördüncü periodunda “Abşeron Lions”un oyunçusu Ceylon Şou ciddi zədə alaraq meydanı xərəkdə tərk edib.

Xatırladaq ki, turun əvvəlki qarşılaşmalarında “Sərhədçi” “Sumqayıt”ı (93:89), “Ordu” “Lənkəran”ı (107:65), “Naxçıvan” “Quba”nı (103:96), “Gəncə” “Şəki”ni (84:73), “Neftçi” NTD-ni (93:83) məğlub etmişdi.

Beləliklə, reqlamentə əsasən müntəzəm çempionatı A qrupunda ilk üç sırada bitirmiş “Sabah”, “Abşeron Lions”, “Neftçi” və B qrupunun birincisi “Ordu” birbaşa pley-offa (1/4 final) vəsiqə qazanıblar.

1/8 final mərhələsində isə, “Naxçıvan” – “Sərhədçi”, “Gəncə” – “Lənkəran”, “Quba” – “Şəki”, “Sumqayıt” – NTD oyunları baş tutacaq. 1/8 final seriyalarında ən tez iki qələbə qazanmış komandalar 1/4 finala vəsiqə qazanacaqlar. Oyunlar aprel ayında start götürəcək.

Həm 1/4 final, həm də yarımfinal seriyaları 2 qələbəyə qədər davam edəcək. Final seriyasında isə ən tez 3 qələbə qazanacaq klub Azərbaycan Basketbol Liqasının çempionu olacaq.

ABL-də müntəzəm mövsümün yekununda komandaların xal durumu belədir:

A qrupu: Sabah – 39. Abşeron Lions – 37. Neftçi – 30. Gəncə – 29. NTD – 23. Şəki – 22.

B qrupu: Ordu – 38. Naxçıvan – 36. Sərhədçi – 28. Sumqayıt – 27. Quba – 27. Lənkəran – 24.

“Bayern”in sağ cinah müdafiəçisi Yosip Stanişiç müdafiənin cinahında və mərkəzində çıxış etməsi ilə bağlı təəssüratını paylaşıb.

Arena.az 25 yaşlı xorvat futbolçunu müvafiq açıqlamaısını təqdim edir:

“Çox qaçmağım və məndən daha sürətli rəqiblərlə tez-tez qarşılaşmağım gərək olur. Ona görə də mövqeləri düzgün seçməyimiz gərəkdir. Həm mərkəzdə və həm də cinahda oynamağı xoşlayıram, amma yəqin ki, cinahda oynamaq azacıq maraqlıdır. Çünki belə olanda hücumlarda daha çox iştirak etmək olar”, deyə Stanişiç vurğulayıb.

Yosip Stanişiç “Bayern”in öz yetirməsidir. Onun Münhen klubu ilə 2029-cu ilin 30 iyununadək müqaviləsi var. Xorvat futbolçu indiyə qədər əsas komandada 97 oyuna çıxıb, 4 qol və 10 məhsuldar ötürmə müəllifi olub.

Stanişiç bir mövsümü icarə əsasında Leverkuzen “Bayer”ində keçirib. O, bu komandanın heyətində 38 oyuna 4 qol vurub, 6 məhsuldar ötürmə verib.

Xorvatiyalı futbolçu həm də ölkəsinin əsas milli komandasının üzvüdür. O, yığmada 28 oyuna çıxıb, 2 məhsuldar ötürmə ilə yadda qalıb.

“Transfermarkt” internet-portalı 25 yaşlı müdafiəçinin transfer dəyərini 35 milyon avro məbləğində qiymətləndirir.

“Barselona”nın mərkəz hücumçusu Robert Levandovski 2022-ci ilin iyul ayında “Bayern”dən “Barselona”ya keçidini xatırlayıb.

Arena.az 37 yaşlı polyak ulduzun müvafiq xatirəsini təqdim edir:

“Barselona”ya keçidimlə bağlı qərar karyeramda ən çətinlərdən idi. “Bayern”də hər şeyi qazanmışdım, amma o məqamda hiss etdim ki, yeni nəyəsə ehtiyac duyuram”, deyə “Lyova” xatırlayıb.

Robert Levandovski “Barselona”ya 2022-ci ilin iyul ayında 45 milyon avro məbləğ müqabilində “Bayern”dən keçib. Tərəflər arasındakı müqavilə daha 1 il müddətinə uzadılması imkanı ilə 2026-cı il iyun ayının sonuna qədər qüvvədədir.

Polyak hücumçu cari mövsümdə “Barselona”nın heyətində 37 oyuna çıxıb, 16 qol vurub, 3 məhsuldar ötürmə verib.

Levandovskinin Kataloniya klubu üçün çıxışı ümumilikdə 184 oyun, 117 qol və 23 məhsuldar ötürmədən ibarətdir.

Təcrübəli hücumçu karyerası ərzində “Borussiya” (Dortmund), “Lex” (Poznan), “Zniç”, “Legiya” (Varşava) və “Delta” komandalarında da çıxış edib.

Robert Levandovski hazırda kapitanı olduğu və 2008-ci ilin sentyabr ayında debüt etdiyi Polşa yığmasının heyətində 164 oyun keçirib, 89 qol vurub, 38 məhsuldar ötürmə verib. Robert hər iki göstərici üzrə Polşa yığma komandasının mütləq rekordçusudur.

“Transfermarkt” internet-portalı 37 yaşlı polyak hücumçunun transfer dəyərini 8 milyon avro məbləğində qiymətləndirir.

21 yaşadək futbolçular arasında Avropa çempionatının seçmə mərhələsi çərçivəsində keçirilən Xorvatiya – Türkiyə oyununda xoşagəlməz hadisə baş verib.

Futbolpress.az xəbər verir ki, türklərin baş məşqçisi Egemen Korkmaz meydanın kənarında huşunu itirib və yerə yıxılıb. Hadisə matçın 35-ci dəqiqəsində baş verib.

Hakim bu səbəbdən oyunu dayandırıb. Korkmaz ilkin müdaxilə ilə ayılsa da, xəstəxanaya aparılıb.

Matçın baş tutub-tutmayacağı məlum deyil. Görüş ilk hissədə 0:0 olarkən dayandırılıb.

“Tottenhem”in yeni baş məşqçisi açıqlanıb.

Futbolpress.az xəbər verir ki, London təmsilçisinin “sükanı” Roberto De Zerbiyə tapşırılıb. Bu barədə klubun mətbuat xidməti məlumat yayıb. Mütəxəssislə razılaşmanın detalları açıqlanmayıb.

İtaliyalı mütəxəssis bu postda bir neçə gün əvvəl istefaya göndərilən İqor Tudoru əvəzləyib.

De Zerbi son olaraq “Marsel”i çalışdırıb.

21 yaşadək futbolçulardan ibarət Azərbaycan millisinin baş məşqçisi Rəşad Eyyubov Avropa çempionatının seçmə mərhələsində Plovdivdə Bolqarıstan yığması ilə keçirilən oyundan […]

Source

21 yaşadək futbolçulardan ibarət Azərbaycan milli komandası Avropa çempionatının seçmə mərhələsində növbəti oyununa çıxıb. Msport.az xəbər verir ki, B qrupunda yer […]

Source

İtaliyalı futbol mütəxəssisi Roberto De Zerbi İngiltərənin “Tottenhem” komandasının baş məşqçisi təyin edilib.

Arena.az bu barədə İngiltərə klubunun rəsmi saytına istinadən məlumat verir.

46 yaşlı mütəxəssislə müqavilənin müddəti və digər detalları açıqlanmır. Amma tərəflərin ən azından cari mövsümün sonunadək – 2026-cı ilin 30 iyununadək anlaşdığı ehtimal edilir.

De Zerbi “Tottenhem”də bir neçə gün öncə istefaya göndərilmiş İqor Tudoru əvəz edib. Xorvatiyalı mütəxəssis fevralın 14-də bu komandaya baş məşqçi təyin edilmişdi. Premyer Liqa təmsilçisi İqor Tudorun rəhbərliyi altında cəmi 7 oyun keçirib, bunların yalnız 1-də qələbə qazanıb, 1-də heç-heçə edib, 5-də isə məğlub olub.

“Tottenhem” hazırda Premyer Liqada 31 oyuna topladığı 30 xalla 17-ci pillədə qərarlaşıb. Londonlular 31 oyunda 7 qələbə qazanıblar, 9 heç-heçə ediblər, 15 məğlubiyyətə üzülüblər.

Roberto De Zerbi isə son olaraq 2024/2025-ci illər mövsümünün əvvəlindən rəhbərlik etdiyi Marsel “Olimpik”ində (Fransa) baş məşqçi olub. İtalyan mütəxəssis daha öncə “Darfo Boario”, “Focca”, “Palermo”, “Benevento”, “Sassuolo”, “Şaxtyor” (Donetsk) və “Brayton” kimi komandalara da rəhbərlik edib.

Türkiyənin “Fənərbağça” futbol klubunun prezidenti Sadettin Saran bu gün İstanbulda yol-nəqliyyat hadisəsinə məruz qalıb.

Arena.az bu barədə Türkiyə mətbuatına istinadən xəbər verir.

İstanbul təmsilçisinin rəhbəri “Chobani” stadionuna yollanarkən Ataşəhər rayonunda avtomobil qəzasına düşüb. Hadisədən sonra Saranın səhhətinin qaydasında olduğu açıqlanıb. Baş verən yol qəzasında klub prezidentinin sürücüsünün yüngül xəsarət aldığı bildirilir.

Xatırladaq ki, Sadettin Saran 2025-ci ilin sentyabr ayından “Fənərbağça” klubunda prezident vəzifəsini icra edir. O, bir müddət öncə narkotik istifadəsi ilə bağlı istintaqa da cəlb edilmişdi. Verdiyi analizlərin nəticəsi pozitiv çıxmış Saran hüquq-mühafizə orqanları tərəfindən saxlanılmış, lakin daha sonra bəraət alaraq azadlığa buraxılmışdı.

İtaliyanın “Napoli” klubu Belçika millisinin də üzvü olan hücumçusu Romelu Lukaku ilə bağlı rəsmi açıqlama yayıb.

Arena.az klubun mətbuat xidmətinə istinadən xəbər verir ki, Lukaku məşqlərə qayıdışı ilə bağlı komanda tərəfindən edilən bugünkü zəngə cavab verməyib.

Bildirilib ki, klub futbolçuya qarşı intizam tədbirləri görməyi nəzərdən keçirir və onun kollektivlə məşq edib-etməyəcəyi barədə qərar sonra veriləcək.

Qeyd edək ki, Lukaku daha əvvəl ABŞ və Meksika ilə keçiriləcək yoxlama oyunları öncəsi Belçika millisinin düşərgəsini tərk edərək fiziki formasını yaxşılaşdırmağa çalışıb. O, ölkəsi Belçikada məşqlər etsə də, bu addım klubla razılaşdırılmayıb.

Neapol təmsilçisi futbolçunun sabaha qədər komandaya qoşulmaması halında onu heyətdən kənarlaşdırmaq ehtimalını da istisna etmir.

Xatırladaq ki, Romelu Lukaku futbola “Lyers”də qədəm qoyub. Romelu karyerası ərzində “Anderlext”, “Çelsi”, “Vest Bromviç”, “Everton”, “Mançester Yunayted”, “İnter” və “Roma”da çıxış edib.

Lukaku “Napoli”yə 2024-cü ilin avqust ayında “Çelsi”dən keçib. Neapol klubu Lukakunun tamhüquqlu əsasda keçidi müqabilində “Çelsi”yə 30 milyon avro məbləğində ödəniş edib və belçlikalı futbolçu ilə müddəti 2027-ci ilin iyun ayının sonuna qədər qüvvədə olacaq müqavilə imzalayıb.

Lukaku cari mövsümdə “Napoli” üçün keçirdiyi 7 oyunda 1 qol vurub və 1 məhsular ötürmə verib. Onun Neapol təmsilçisinin heyətindəki ümumi göstəricisi 45 oyun, 15 qol və 11 assistdən ibarətdir.

Romelu Lukaku 2010-cu ilin mart ayında debüt etdiyi Belçika yığmasının heyətində 124 oyun keçirib, 89 qol vurub, 18 məhsuldar ötürmə verib.

“Transfermarkt” internet-portalı 32 yaşlı belçikalı hücumçunun transfer dəyərini 12 milyon avro məbləğində qiymətləndirir.

Qadınlardan ibarət basketbol üzrə Azərbaycan milli komandasının Avropa çempionatının ilkin seçmə mərhələsindəki rəqibləri bəlli olub.

Arena.az xəbər verir ki, yığmamız püşkatma nəticəsində seçmə mərhələnin A qrupunda yer alıb.

Komandamız İsveçrə, İslandiya və İrlandiya yığmaları ilə üz-üzə gələcək.

Xatırladaq ki, AÇ-2029-un ilkin seçmə mərhələsinin qarşılaşmaları 2026-cı ilin noyabr ayının 8-18-i aralığında, həmçinin 2027-ci ilin fevral ayının 7-17 aralığında baş tutacaq.

Qadınlar arasında basketbol üzrə Avropa çempionatının final mərhələsi isə 2029-cu ildə keçiriləcək.

Futbol üzrə Monteneqro millisinin və Serbiyanın “Partizan” klubunun hücumçusu bundan sonra “Milan”ın uğurları üçün çalışacaq.

Arena.az bu barədə İtaliya klubun mətbuat xidmətinə istinadən xəbər verir.

19 yaşlı forvardla müqavilənin müddəti və digər detalları açıqlanmayıb. O, iyulun 1-də “rossoneri”nin gənclərdən ibarət komandasına qoşulacaq. “Milan” bu transfer üçün “Partizan”a 3,5 milyon avro ödəyəcək.

Qeyd edək ki, Andrey Kostiç Monteneqronun “Podqoritsa” klubunun yetirməsidir. “Partizan” gənc hücumçunu 2025-ci ilin yayında 900 min avro qarşılığında məhz “Podqoritsa”dan transfer edib. O, Serbiya klubunun əsas komandasının heyətində 34 oyuna çıxıb, 11 qol və 1 məhsuldar ötürmə müəllifi olub.

Monteneqronun U-15, U-19 və U-21 yığmalarında da oynamış Kostiç 2025-ci ildə debüt etdiyi əsas millinin heyətində 2 oyuna çıxıb.

“Transfermarkt” internet-portalı 19 yaşlı hücumçunun transfer dəyərini 5 milyon avro məbləğində qiymətləndirir.

Son günlərdə dünyanın yaşıl meydanlarında futbol üzrə milli komandalar səviyyəsində bir neçə yoxlama oyunu keçirilib.

Arena.az xəbər verir ki, maraqlı görüşlərdən biri ABŞ və Belçika yığmaları arasında baş tutub.

Yeddi qolluq oyunda Avropa təmsilçisi darmadağına sevinib.

Meksika – Portuqaliya matçı qolsuz yekunlaşıb. Fransa yığması Kolumbiyaya, Almaniya millisi isə Qanaya qalib gəlib.

UEFA Millətlər Liqasında Azərbaycan millisinin rəqiblərindən olan Litva yığması Gürcüstana 2 cavabsız qolla uduzub. Lixtenşteyn yığması isə “FİFA Series-2026” çərçivəsində Arubaya böyük hesabla məğlub olub.

FİFA Series-2026 turniri çərçivəsində də bir sıra oyunlar baş tutub. Bolqarıstan İndoneziyaya qalib gəlibsə, Estoniya Ruandaya uduzub. Çili yığması Yeni Zelandiyaya böyük hesabla məğlub olub. Özbəkistan yığması da qolsuz bitmiş Venesuela ilə oyunda penaltilərlə qalib gəlib.

Yeri gəlmişkən, Azərbaycan Premyer Liqasında mübarizə aparan bəzi legionerlər də ölkələrinin yığmalarının heyətində növbəti matçlarını keçiriblər. Belə ki, “Zirə”nin legionerləri “FIFA Series”in qalibi olublar. Anje Mutsinzi və Leroy Mikels Ruanda millisi ilə bu uğura imza atıblar. Afrikalılar həlledici görüşdə Estoniyanı 2:0 hesabı ilə məğlub ediblər. Ruandalıların ilk qoluna Leroy Mikels imza atıb. O, həmçinin turnirin ən yaxşı futbolçusu seçilib.

“Şamaxı”nın müdafiəçisi Alfons Msanqa da “FIFA Series-2026” turnirində Tanzaniya yığması ilə növbəti matçına çıxıb. Sözügedən komanda səfərdə Makau millisi ilə qarşılaşıb. Matç Msanqanın komandasının 6:0 hesablı darmadağını ilə yekunlaşıb. 23 yaşlı yarımmüdafiəçi bu matçda 46-cı dəqiqədə meydana daxil olub.

“Sabah”ın futbolçusu Umarali Rahmonaliyevin çıxış etdiyi Özbəkistan millisi “FIFA Series” çərçivəsində Venesuela millisi ilə üz-üzə gəlib. Özbəklər əsas vaxtı qolsuz bərabərliklə yekunlaşan matçda penaltilər seriyasında 5:4 hesablı qələbə qazanıblar. Rahmonaliyev matçı ehtiyat oyunçular skamyasından izləyib.

“Araz-Naxçıvan”ın qapıçısı Kristian Avramın şərəfini qoruduğu Moldova millisi də növbəti yoxlama oyununa çıxıb. Sözügedən komanda Kiprlə qarşılaşıb və 2:3 hesabıyla uduzub. Naxçıvan təmsilçisinin qolkiperi bu matçda sona qədər ehtiyatda qalıb.

Yoxlama oyunu
30 mart

Qırğızıstan – Madaqaskar 2:5
San Marino – Farer adaları 1:2
Cənubi Koreya – Kot-d’İvuar 0:4
Botsvana – Zimbabve 0:3
Seneqal – Peru 2:0
Kanada – İslandiya 2:2
Macarıstan – Sloveniya 1:0
Şotlandiya – Yaponiya 0:1
Burkina Faso – Qvineya Bisau 5:0
ABŞ – Belçika 2:5
Haiti – Tunis 0:1
Meksika – Portuqaliya 0:0
Litva – Gürcüstan 0:2
Ermənistan – Belarus 1:2
Kolumbiya – Fransa 1:3
Kipr – Moldova 3:2
Almaniya – Qana 2:1

FİFA Series-2026

Puerto Riko – Vircin adaları 4:1
Aruba – Lixtenşteyn 4:1
Amerikan Samoası – Quam 0:6
Makau – Tanzaniya 0:6
İndoneziya – Bolqarıstan 0:1
Ruanda – Estoniya 2:0
Kabo Verde – Finlandiya 1:1 (penaltilər 4:2)
Yeni Zelandiya – Çili 4:1
Trinidad və Tobaqo – Qabon 2:2 (penaltilər 2:3)
Özbəkistan – Venesuela 0:0 (penaltilər 5:4)
Sent – Kitts – Solomon adaları 4:2
Qrenada – Keniya 0:2
Çin – Kamerun 0:2
Avstraliya – Kurasao 5:1
Qazaxıstan – Komor adaları 1:0

“Milan” heyətini yeni futbolçu ilə gücləndirib.

Futbolpress.az xəbər verir ki, “qırmızı-qaralar” Serbiyanın “Partizan” klubundan Andrey Kostiçi transfer edib. Bu barədə klubun mətbuat xidməti məlumat yayıb. 19 yaşlı hücumçu ilə razılaşmanın detalları açıqlanmayıb.

Kostiç yayda “Milan”a qoşulacaq.

Forvard bu mövsüm 27 oyunda 10 qol vurub.

“Fənərbağça” klubunun prezidenti Sadettin Saran avtomobil qəzası keçirib.

Futbolpress.az xəbər verir ki, bu barədə “Anadolu Ajansı” məlumat yayıb. Hadisə İstanbulda, Saran evə gedən zaman baş verib. Qəzada Saran xəsarət almayıb.

Qeyd edək ki, Sadettin Saran ötən ilin sentyabrından “Fənərbağça”nın prezidentidir.

 

“Çelsi”nin futbolçusu Mark Kukurela açıqlama verib.

Futbolpress.az xarici KİV-ə istinadən xəbər verir ki, ispan müdafiəçi komandanın sabiq baş məşqçisi Enzo Mareska haqda danışıb:

“Mareska ilə 18 ay işlədik və bir-birimizi yaxşı bilirdik. “Arsenal”a baxın, Arteta yeddi ildir, komandadadır. Hələ çox böyük kubok qazanmasalar da, ona inanmaqda davam edirlər. Mareskanın gedişi bizə çox təsir göstərdi. Mən olsaydım, mövsümün sonuna qədər onunla yola davam edərdim”.

“Çelsi” ilin əvvəlində Mareska ilə vidalaşıb və komandanı hazırda Liam Rosenyor çalışdırır.

London klubu Premyer Liqada 31 turdan sonra 48 xalla 6-cı sıradadır.

“Atletiko” mövsümün sonunda Tiaqo Almadanı satmağı planlaşdırır. Msport.az xəbər verir ki, La Liqa nəhəngi argentinalı vinger üçün gələn təklifləri dəyərləndirəcək. […]

Source

“Qalatasaray”ın futbolçusu Qabriel Sara açıqlama verib.

Futbolpress.az xəbər verir ki, Braziliya millisinin düşərgəsində “Canal Wamo Youtube”yə danışan yarımmüdafiəçi İstanbul klubunun həyatına təsirindən söz açıb:

“Qalatasaray”da milliyə yüksələ bilməyim üçün hər şeyi etdilər. Çempionlar Liqasında mübarizəmiz bu yolda mənə çox kömək oldu. Kim olduğumu göstərmək istəyirəm. Klubuma qayıdanda da yüksək formamı qorumalıyam. “Qalatasaray” həyatımı dəyişdi”.

Sara 2024-cü ildən “Qalatasaray”da çıxış edir.

Kosovo və Türkiyə yığması bu gün dünya çempionatına vəsiqə uğrunda pley-off mərhələsinin finalında üz-üzə gələcək.

Futbolpress.az xəbər verir ki, görüşə saat 22:45-də start veriləcək.

Türkiyə yığmasında beş futbolçu oyunun heyətinə daxil edilməyib. Baş məşqçi Vinçenso Montella Merih Demiral, Məhəmməd Şengezer, Oğuz Aydın, Ahmetcan Kaplan və Mustafa Eskihellaça ehtiyac duymayıb.

“Sabah”ın futbolçuları milli komandalarda oyunlara çıxıb.

Futbolpress.az xəbər verir ki, Rəhman Daşdəmirov, Aleksey İsayev, Xəyal Əliyev və Abdulla Xaybulayev Azərbaycan millisinin heyətində “FIFA Series-2026” beynəlxalq turnirinin qalibi olub. Rəhman Sent Lüsiya, Aleksey Syerra Leone, Xəyal və Abdulla isə milli komandamızın turnir çərçivəsində keçirdiyi hər iki matçda şans qazanıb.

Coy-Lens Mikels Ruanda millisində debüt edib və “FIFA Series-2026” beynəlxalq turnirinin qalibi olub. O, Estoniya ilə matçda komandasının qələbəsinə məhsuldar ötürmə ilə töhfə verib.

Umarali Raxmonaliyev isə Qabon yığma komandası ilə oyunda Özbəkistanın əsas millisinin heyətində debüt edib.

Kosovo və Türkiyə yığması bu gün dünya çempionatına vəsiqə uğrunda pley-off mərhələsinin finalında üz-üzə gələcək.

Futbolpress.az xəbər verir ki, görüşə saat 22:45-də start veriləcək.

Oyunun keçiriləcəyi Priştinada yerli əhali türkiyəli fanatlara jest edib. Kafelərin birində qonaq fanatlara çay və qəhvə pulsuz verilir:

“Bütün türk azarkeşlərə qəhvə və çay pulsuzdur. Siz bunları 1999-cu ildə ödəmisiniz, indi borcunuz yoxdur”.

“Yuventus” “Mançester Yunayted”in yarımmüdafiəçisi Manuel Uqarte ilə maraqlanır. Msport.az xəbər verir ki, Turin klubu futbolçunu yaxından izləmək qərarına gəlib. Uruqvay millisinin Əlcəzairlə […]

Source

Rumıniya millisinin sükanı arxasında ciddi dəyişiklik gözlənilir. Msport.az xəbər verir ki, Mirça Luçeskunun millidən ayrılacağı təqdirdə baş məşqçi postuna ən […]

Source

“Nyukasl”ın baş məşqçisi Eddi Haunun komandadakı gələcəyi şübhə altındadır. Msport.az xəbər verir ki, klub rəhbərliyi ilə 48 yaşlı məşqçi arasında bu yaxınlarda […]

Source

“Milan” heyətinə yeni oyunçu cəlb edib. Msport.az klubun mətbuat xidmətinə istinadən xəbər verir ki, 19 yaşlı monteneqrolu hücumçu Andrey Kostiç ilə […]

Source

Fransa millisinin və “Real”ın futbolçusu Kilian Mbappe zarafatla NBA-ya (ABŞ Milli Basketbol Assosiasiyası) bir neçə günlük müqavilə imzalamağı təklif edib. Msport.az xəbər […]

Source

“Şəfa” Azərbaycan I Liqasında 19 turdan sonra 45 xalla birinci sıradadır. Bu mövsüm məğlub olmayan bakılılar ən yaxın izləyicisi “Baku Sportinq”i 8 xal qabaqlayır.

“Şəfa”nın baş məşqçisi Elgiz Kərəmli “Futbolpress.az“a açıqlamasında nəticələri dəyərləndirdi:

“Mövsüm başlayandan tam istədiyimiz səviyyədə oyun göstəririk. Nəticələr də istədiyimiz kimidir. Çox qol vurur, az qol buraxırıq. İşimizin öhdəsindən gəlməyi bacarırıq. Amma bu, o demək deyil ki, çempionluğun taleyini həll etmişik. Qarşıda turlar var və hər şey dəyişə bilər. Stabilliyi, ciddiyyəti qorumalıyıq”.

“Şəfa” çempionatda növbəti üç turda “Mingəçevir”, “Səbail” və “Baku Sportinq”lə qarşılaşacaq. Mütəxəssis liqada ən kritik dönəmin başladığını qeyd etdi:

“İndi çempionluq haqda danışmırıq. Önümüzdə üç vacib oyun var. Çempionatda ən çətin dönəm bundan sonra başlayır. Düşünürəm ki, çempionluq yolunda növbəti üç tur həlledici olacaq”.

Kərəmli klubdan ayrılacağı ilə bağlı çıxan xəbərlərə münasibət bildirdi:

“Belə xəbərlər hər klubda olur. Mövsümün sonuna kimi işimizdəyik. İndi çıxan şayiələrə fikir vermirik. Bunu düşünsək, işimizə istədiyimiz kimi diqqət edə bilmərik”.

Şahin Cəfərov

“Çelsi”nin futbolçusu Mark Kukureyla Çempionlar Liqasında PSJ-yə məğlub olmalarını şərh edib.

Futbolpress.az xəbər verir ki, müdafiəçi turnirdə mübarizəni 1/8 finalda dayandırmalarına belə izah verib:

“PSJ ilə oyunlarda təcrübəmiz çatmadı. Bir çox oyunçu üçün belə səviyyədə oyun ilk idi və bunun cəzasını çəkdik. Belə nəticələrlə barışmaq çətindir. Hər gün mübarizə aparırsan, çalışırsan, amma başa düşürsən ki, hələ də yüksək səviyyəndən uzaqsan”.

“Çelsi” PSJ-yə səfərdə 2:5, evdə isə 0:3 hesabıyla uduzub.

Aprelin 4-də Gəncədə start götürəcək yeniyetmə cüdoçular arasında Avropa Kubokunda iştirak edəcək ölkələr müəyyənləşib.

Futbolpress.az xəbər verir ki, Gəncə İdman Sarayında iki gün davam edəcək yarışda 11 ölkə təmsilçiləri mübarizə aparacaqlar.

Azərbaycan cüdoçuları ilə yanaşı, Belarus, Bolqarıstan, Gürcüstan, Qazaxıstan, Qırğızıstan, Polşa, Portuqaliya, Tacikistan, Türkiyə və ABŞ idmançıları gücünü sınayacaq.

Ölkəmiz turnirdə 100-dən çox cüdoçu ilə təmsil olunacaq.

 

“Beşiktaş” heyətini yeni futbolçu ilə gücləndirib.

Futbolpress.az xəbər verir ki, İstanbul klubu “Bandırmaspor”dan 14 yaşlı Görkem Dağıstanlını transfer edib. Bu barədə I Liqa təmsilçisinin mətbuat xidməti məlumat yayıb.

Dağıstanlı “Bandırmaspor”un U-14 komandasında bu mövsüm 10 oyunda 15 qol vurub, 11 məhsuldar ötürmə edib.

Bolqarıstan millisinin sabiq qapıçısı Borislav Mixaylov vəfat edib.

Futbolpress.az xəbər verir ki, bu barədə Bolqarıstan Futbol İttifaqının mətbuat xidməti məlumat yayıb.

Keçmiş qolkiper 2025-ci ilin noyabrında insult keçirmişdi.

Mixaylov 1983-1996-cı illərdə Bolqarıstan millisində çıxış edib.

“Oyun çətin keçdi. Rəqibin futbolçuları fiziki baxımdan çox güclüdür. İlk dəfə milliyə dəvət almağım karyeram üçün yeni bir addımdır”. Msport.az […]

Source

Bu yay “Real”a qoşulmaq ehtimalı olan futbolçular müəyyənləşib. Msport.az xəbər verir ki, onlardan biri qışda “Lion”a icarəyə göndərilən 19 yaşlı […]

Source

“Bavariya”nın qapıçısı və kapitanı Manuel Noyer komanda ilə məşqlərə başlayıb. Msport.az xəbər verir ki, təcrübəli qolkiperlə yanaşı, müdafiəçi Rafael Gerreyru […]

Source

Bolqarıstanın ÇSKA klubunun futbolçusu İlian İliyev karyerasını Azərbaycanda davam etdirə bilər.

Futbolpress.az xəbər verir ki, “Sumqayıt” yarımmüdafiəçinin xidmətində maraqlıdır. Bu barədə “Blits” nəşri məlumat yayıb. “Kimyaçılar”ın baş məşqçisi Saşa İliç Sofiya təmsilçisi ilə müqaviləsi mövsümün sonuna qədər olan futbolçunun transferini istəyir.

İliyev Bolqarıstan yığmasının da üzvüdür. O, bu mövsüm 23 oyunda 1 qol vurub, 3 məhsuldar ötürmə edib.

“Mançester Yunayted” futbolçusu Harri Maquayrla müqaviləni uzatmağa hazırlaşır.

Futbolpress.az xəbər verir ki, “qırmızı şeytanlar” müdafiəçiyə 1+1 illik sözləşmə təklif edib. Bu barədə ESPN məlumat yayıb. Tərəflər arasında danışıqların son mərhələdə olduğu bildirilib.

Maquayr 2019-cu ildən “Mançester Yunayted”də çıxış edir. O, 266 oyunda 17 qol vurub, 9 məhsuldar ötürmə edib.

Özbəkistanın paytaxtı Daşkənddə nərd üzrə “Asiya Qran Pri 2026” beynəlxalq turniri keçirilib.

Futbolpress.az xəbər verir ki, 55-dən çox ölkədən 700-ə yaxın idmançının qatıldığı yarışda Azərbaycan yığmasının üzvü Kənan Həsənzadə uğurla çıxış edib.

O, “Backgammon” (Blitz) kateqoriyasında 256 iştirakçı arasında hamını qabaqlayaraq qızıl medal qazanıb.

 

FIFA prezidenti Canni İnfantino İran yığmasının dünya çempionatında mümkün iştirakı ilə bağlı fikirlərini bildirib.

Futbolpress.az xəbər verir ki, ali futbol qurumunun rəhbəri “El Financiero”ya açıqlamasında bunları deyib:

“İran yığmasının düşdüyü çətin vəziyyətdən xəbərdarıq. Çalışırıq. Dünya çempionatının ən yaxşı halda keçirilməsini təmin etmək üçün əlimizdən gələni edəcəyik. Lakin indi İranla bağlı ancaq A planımız var, alternativ yoxdur”.

Dünya çempionatı ABŞ, Meksika və Kanadada keçiriləcək. İran yalnız oyunlarının Meksikaya salınacağı halda, turnirdə iştirak edə biləcəyini açıqlayıb.

Misir millisinin direktoru İbrahim Həsən Məhəmməd Salahın gələcəyi ilə bağlı danışıb. Msport.az xəbər verir ki, o, Salahın “Liverpul”dan ayrıldıqdan sonra […]

Source

“Oyun çox ağır keçdi. Yaxşı komandaya qarşı oynadıq. Uğursuz qol buraxdıq. Məncə, orda foul var idi. VAR-ın olmaması təsirini göstərdi. […]

Source

“Sportinq”in futbolçusu Luis Suares “Liverpul”a keçə bilər. Msport.az xəbər verir ki, Mersisayd təmsilçisi 28 yaşlı kolumbiyalı hücumçu ilə yaxından maraqlanır. […]

Source

“Zirə”nin legionerləri “FIFA Series”in qalibi olub. Msport.az xəbər verir ki, Anje Mutsinzi və Leroy Mikels Ruanda millisi ilə bu uğura […]

Source

“Barselona” baş məşqçi Hans-Diter Flikin müqaviləsini uzadıb. Msport.az xəbər verir ki, bu barədə məlumatı insayder Nikolo Şkira yayıb. Bildirilib ki, tərəflər […]

Source

Futbol üzrə Qana milli komandasının baş məşqçisi, yerli mütəxəssis Otto Addo tutduğu vəzifədən istefaya göndərilib.

Arena.az bu barədə Qana Futbol Assosiasiyasına istinadən məlumat verir.

50 yaşlı mütəxəssislə ayrılıq qərarına səbəb yığmanın mart ayındakı uğursuz çıxışı olub. Belə ki, qanalılar yoldaşlıq görüşlərində Avstriyaya 1:5, Almaniyaya isə 1:2 hesabı ilə məğlub olublar. Ümumilikdə isə komanda ardıcıl dörd oyundur məğlubiyyətlə üzləşir.

Otto Addo 2024-cü ilin mart ayından milli komandaya rəhbərlik edirdi. O, bu il keçiriləcək dünya çempionatına 10 həftə qalmış işini itirib. Qana millisi ABŞ, Kanada və Meksikanın birgə ev sahibliyi edəcəyi DÇ-2026-nın qrup mərhələsində Xorvatiya, İngiltərə və Panama ilə qarşılaşacaq.

Qana yığması Addonun rəhbərliyi altında bütövlükdə 22 oyuna çıxıb, 8 qələbə, 5 heç-heçə, 9 məğlubiyyət görüb. Qanalı mütəxəssis 2022-ci ildə bu komandaya rəhbərlik edib, millini 12 oyuna (5 qələbə, 3 heç-heçə, 4 məğlubiyyət) çıxarıb.

Minifutbol üzrə Azərbaycan millisinin Avropa çempionatının final mərhələsindəki oyunlarının proqramı müəyyənləşib.

Arena.az xəbər verir ki, Elşad Quliyevin baş məşqçisi olduğu yığmamız F qrupunda ilk matçını Avstriyaya qarşı keçirəcək.

Mayın 28-də baş tutacaq bu qarşılaşmaya yerli vaxtla saat 13:30-da start veriləcək.

Azərbaycan milli komandası mayın 29-da İtaliya yığması ilə qarşılaşacaq. Oyuna saat 15:45-də start veriləcək. Azəraycan millisinin qrupdakı sonuncu görüşü isə mayın 30-da Fransa yığması ilə olacaq. Bu görüşün də saat 13:15-də başlaması nəzərdə tutulub.

Xatırladaq ki, minifutbol üzrə Avropa çempionatının final mərhələsi mayın 27-dən iyunun 4-nə qədər Slovakiyanın paytaxtı Bratislavada təşkil olunacaq.

“FİFA Series-2026” beynəlxalq turnirinin Azərbaycan – Syerra Leone final matçı millimizin qələbəsi ilə başa çatdı.

Arena.az bu qarşılaşmanın yekun protokolunu və videoicmalını təqdim edir:

FİFA Series-2026
Final
30 mart

Azərbaycan – Syerra Leone 1:1 (penaltilər 9:8)
Qollar: Rahil Məmmədov, 72 – Daniel Kanu, 28.
Baş hakim: Asker Nacafaliyev
Baş hakimin köməkçiləri: İslom Azimov, Baxtiyorxuca Şavkatov
Dördüncü hakim: Axrol Ruskullayev (Hakimlər briqadası Özbəkistandandır).
Mehdi Hüseynzadə adına Sumqayıt şəhər stadionu.

Azərbaycan: 12. Aydın Bayramov, 3. Elvin Cəfərquliyev (24. Rüstəm Əhmədzadə, 89), 5. Anton Krivotsyuk, 8. Emin Mahmudov (k) (20. Rəhim Sadıxov, 46), 9. Renat Dadaşov (7. Toral Bayramov, 63), 10. Aleksey İsayev (26. Ayxan Hüseynov, 89), 13. Emil Səfərov (6. Abdulla Xaybullayev, 80), 14. Elvin Bədəlov (4. Rahil Məmmədov, 46), 15. Bədavi Hüseynov, 21. Qismət Alıyev (17. Vüsal İsgəndərli, 46), 22. Musa Qurbanlı (11. Xəyal Əliyev, 46).
Ehtiyat oyunçular: 1. Səlahət Ağayev, 23. Rza Cəfərov, 2. Rəhman Daşdəmirov, 16. Ceyhun Nuriyev, 18. Cəlal Hüseynov, 19. Mustafa Əhmədzadə, 25. Abdulla Rzayev.
Baş məşqçi: Ayxan Abbasov.

Syerra Leone: 25. Mamadu Jallo, 4. Alfa Kabia (7. Kvame Que, 83), 5. Alfa Turay, 9. Amadu Bakayoko (24. Cey Kamara, 86), 11. Sullay Kaikai (k), 13. Jarjue Kabia, 14. İdris Kanu (12. Nataniel Jallo, 71), 15. Daniel Kanu (17. Samuel Qandi, 71), 16. İssa Kallon, 21. Juma Bah, 22. Kamil Konte (8. Alhassan Koroma, 71).
Ehtiyat oyunçular: 1. Alhaci Sesay, 23. Fransis Koroma, 2. Santiqi Fornah, 18. Sallieu Taravelli, 19. Emmanuel Samadia.
Baş məşqçi: Məhəmməd Kallon.

Portuqaliyanın “Sportinq” klubunun futbolçusu Luis Suares karyerasını İngiltərədə davam etdirə bilər.

Futbolpress.az xəbər verir ki, “Liverpul” kolumbiyalı hücumçunun xidmətində maraqlıdır. Bu barədə “Corriere de Mah” nəşri məlumat yayıb.

“Sportinq” yayda keçiriləcək dünya çempionatının sonuna kimi futbolçunu buraxmayacaq. Klub oyunçunun yaxşı performansı ilə dəyərinin artması ehtimalına qarşı bu qərarı verib.

Suares bu mövsüm 42 oyunda 33 qol vurub.

Azərbaycan milli komandası “FIFA Series-2026” turnirinin qalibi olub. Yığma Sent Lüsiyaya (6:1) və Syerra Leoneyə (1:1, penaltilər 9:8) qalib gəlib.

“Qəbələ” və “Araz-Naxçıvan”ın sabiq baş məşqçisi Elmar Baxşıyev millinin turnirdəki çıxışı ilə bağlı “Futbolpress.az“ın suallarını cavablandırdı:

– Millinin oyunlarını necə dəyələndirirsiniz?
– Hər toplanış komanda üçün faydalıdır. Uyğunlaşma, xəttlərarası əlaqələri yaxşılaşdırmaq adına yaxşı fürsət idi. Baş məşqçi Ayxan Abbasov da yeni oyunçuları yoxlaya bildi.

– Sizcə, bu iki oyundan hansı faydanı götürmək olar?
– Futbolçuların özünəinamı artdı. Hər iki oyunda komanda çox istəkli görünürdü. Düşünürəm ki, millinin qarşısına turnirin qalibi olmaq hədəfi qoyulmuşdu.

– Rəqiblərin də gücünü nəzərə almaq lazımdır…
– Hər bir halda, rəqibdən asılı olmayaraq, qələbələr motivasiya artırır, futbolçularda özgüvən yaradır. Amma oyun planında bəzi şeyləri daha yaxşılaşdırmaq lazımdır.

– Bu oyunla Millətlər Liqasında şanslar necədir?
– Avropa komandaları fərqli oynayır. Oyun sistemini daha da yaxşılaşdırmaq lazımdır. Məncə, Millətlər Liqasında da yaxşı nəticələr əldə etmək olar. Nə qədər acı səslənsə də, indi D Liqasındayıq və bütün hədəf C Liqasına qaxlmaq olmalıdır. Buna köklənməliyik.

Şahmat üzrə 8,10,12,14,16 və 18 yaşadək oğlanlar və qızlar arasında ölkə çempionatına yekun vurulub.

Futbolpress.az xəbər verir ki, yarış ilk dəfə paytaxtdan kənarda – Gəncə şəhərindəki Gəncə İdman Sarayında təşkil olunub. Ölkə çempionatının bağlanış mərasimində iştirak edən Azərbaycan Şahmat Federasiyasının prezidenti, Beynəlxalq Şahmat Federasiyasının vitse-prezidenti Mahir Məmmədov qalibləri təbrik edərək onlara növbəti yarışlarda uğurlar arzulayıb.

Qaliblər və mükafatçılar:

8 yaşadək oğlanlar:
1. Ziya Qubatov (Quba)
2. Məhəmməd Mirzəyev (Bakı)
3. Kəmaləddin Hüseynov (Bakı)
3. Suad Rəhimli

8 yaşadək qızlar:
1. Əminə Əmənzadə (Bakı)
2. Selin Məmmədova (Gəncə)
3. Aylin Abbaslı (Şamaxı)

10 yaşadək oğlanlar:
1. Nurlan Qənizadə (Bakı)
2. Kənan Babasoy (Bakı)
3. Daniel Konovalov (Bakı)

10 yaşadək qızlar:
1.Nurcan Tahirova (Gəncə)
2. Banu Məmmədzadə (Bakı)
3. Şəms Carçılı (Qazax)

12 yaşadək oğlanlar:
1. Səfa Hümmətov (Bakı)
2. Kamran Babayev (Bakı)
3. Nurlan Əzizli (Sumqayıt)

12 yaşadək qızlar;
1. Mehriban Əhmədli (Gəncə)
2. Xanımzar Hümmətli (Sumqayıt)
3. Sadəgül Əfəndi (Bakı)

14 yaşadək oğlanlar;
1. Şəmsi Qaraxanov (Bakı)
2. Yaşar Şirinov (Bakı)
3. Suat İbrahimli (Bakı)

14 yaşadək qızlar;
1. Zəhra Allahverdi (Mingəçevir)
2. Leyla Mirzəliyeva (Sumqayıt)
3. Fatimə Mirzəliyeva (Sumqayıt)

16 yaşadək oğlanlar;
1. Paşam Əlizadə (Bakı)
2. Elçin Şəkərəliyev (Sumqayıt)
3. Hüseyn Qurbanov (Gəncə)

16 yaşadək qızlar;
1. Lalə Hüseynova (Bakı)
2. Əsnad Vəliyeva (Bakı)
3. Ayan Hüseynli (Bakı)

18yaşadək oğlanlar;
1. Tunar Davudov (Bakı)
2. Rüstəm Rüstəmov (Sumqayıt)
3. Fərid Orucov (Sumqayıt)

18yaşadək qızlar;
1. Nərmin Abdinova (Bakı)
2. Nurtən Nuriyeva (Sumqayıt)
3. Leyla Budaqova (Gəncə)

Qeyd edək ki, hər yaş qrupunda mükafatçı şahmatçılar müvafiq dərəcəli diplom və medalla təltif olunub. Azərbaycan çempionları müvafiq yaş qrupunda 2026-cı ilin dünya çempionatı və Avropa çempionatına, 2-ci yeri tutan şahmatçılar müvafiq yaş qrupunda 2026-cı ilin Avropa çempionatına ezam ediləcək. 3-cü yeri tutan şahmatçılara isə reytinqli beynəlxalq yarışda iştirak üçün 2.000 AZN-dək maddi dəstək göstəriləcək.

Qana millisinin baş məşqçisi Otto Addo istefaya göndərilib.

Futbolpress.az xəbər verir ki, bu barədə Qana Futbol Assosiasiyası məlumat yayıb. 50 yaşlı mütəxəssis yoldaşlıq oyununda Almaniyaya məğlubiyyətdən (1:2) sonra istefaya göndərilib.

Addo 2024-cü ilin martından komandaya rəhbərlik edirdi.

Qana yığması ABŞ, Kanada və Meksikanın birgə ev sahibliyi edəcəyi DÇ-2026-nın qrup mərhələsində Xorvatiya, İngiltərə və Panama ilə qarşılaşacaq.

“Roma” ilə müqaviləsi mövsümün sonuna qədər olan Paulo Dibala karyerasını Türkiyədə davam etdirə bilər.

Futbolpress.az xəbər verir ki, bu barədə İtaliyanın “Corriere dello Sport” nəşri məlumat yayıb.

“Fənərbağça” və “Qalatasaray” argentinalı hücumçunu heyətinə qatmaq istəyir. Dibala hələ qərar verməyə tələsmir və danışıqlara başlamayıb.

Dibala bu mövsüm A Seriyasında 17 oyunda 2 qol vurub, 3 məhsuldar ötürmə edib.

“FİFA Series” turnirinin ən yaxşısı seçilən Azərbaycan millisinin futbolçusu Elvin Cəfərquliyev Syerre Leone ilə görüşdən sonra jurnalistlərin suallarını cavablandırıb. Msport.az […]

Source

Braziliya millisinin baş məşqçisi Karlo Ançelotti qarşıdan gələn dünya çempionatı üçün yekun heyətə ilk müdafiəçisini seçib. Msport.az xəbər verir ki, […]

Source

Qana millisinin baş məşqçisi Otto Addo istefaya göndərilib. Msport.az xəbər verir ki, 50 yaşlı mütəxəssislə ayrılıq qərarına səbəb yığmanın mart […]

Source

Bu gün futbol üzrə dünya çempionatının (DÇ-2026) Avropa zonası üzrə pley-off mərhələsində 4 final qarşılşaması baş tutacaq.

Arena.az xəbər verir ki, bununla da mundiala son vəsiqələrin sahibləri müəyyənləşəcək.

Türkiyə millisi səfərdə Kosovo yığması ilə görüşəcək. İtaliya yığması səfərdə Bosniya və Herseqovinanın qonağı olacaq. İsveç millisi evdə Polşa yığmasıyla qarşılaşacaq. Çexiya yığması isə Danimarka millisi ilə üz-üzə gələcək.

Xatırladaq ki, bu il iyunun 11-dən iyulun 19-na qədər ABŞ, Kanada və Meksikada təşkil ediləcək DÇ-2026-ya ümumilikdə 48 komanda qatılacaq. Meydan sahibləri ilə yanaşı, Kurasao, Panama, Haiti, Yaponiya, Yeni Zelandiya, İran, Argentina, Özbəkistan, Cənubi Koreya, İordaniya, Avstraliya, Braziliya, Ekvador, Uruqvay, Kolumbiya, Paraqvay, Mərakeş, Tunis, Misir, Əlcəzair, Qana, Kabo-Verde, Cənubi Afrika, Seneqal, Fildişi Sahili, Qətər, Səudiyyə Ərəbistanı, İngiltərə, Fransa, Xorvatiya, Norveç, Portuqaliya, Niderland, Almaniya, İsveçrə, Şotlandiya, İspaniya, Avstriya və Belçika da mundialın final mərhələsində iştirak hüququ qazanıb.

DÇ-2026-nın Avropa zonası üzrə pley-off oyunları
Finallar
31 mart

22:45. Bosniya Herseqovina – İtaliya
22:45. İsveç – Polşa
22:45. Kosovo – Türkiyə
22:45. Çexiya – Danimarka

21 yaşadək futbolçulardan ibarət Azərbaycan millisi (U-21) bu gün Avropa çempionatının seçmə mərhələsində növbəti sınağına çıxır.

Arena.az xəbər verir ki, AÇ-2027-nin seçmə mərhələsinin B qrupunda yer almış millimiz 7-ci oyununda Bolqarıstanın müvafiq yaş qrupundan ibarət komandası ilə qarşılaşacaq.

Rəşad Eyyubovun baş məşqçisi olduğu kollektiv bu rəqiblə səfərdə üz-üzə gələcək. Plovdiv şəhərində təşkil ediləcək oyuna Bakı vaxtı ilə saat 20:00-da start veriləcək. Oyunu Ukraynadan olan hakimlər briqadası idarə edəcək.

Xatırladaq ki, U-21 millimiz altı komandanın yer aldığı B qrupunda 5 xalla beşinci pillədə qərarlaşıb. Meydan sahibləri isə 10 xalla dördüncüdürlər.

AÇ-2027-nin seçmə mərhələsi
B qrupu
31 mart

20:00. Bolqarıstan – Azərbaycan
Baş hakim: Denis Şurman
Baş hakimin köməkçiləri: Dmitro Zaporojenko, Viktor Nijnik
Dördüncü hakim: Dmitro Pançişin (Hakimlər briqadası Ukraynadandır)
Plovdiv, “Xristo Botev”.

Xallar: Portuqaliya – 16. Çexiya – 11. Şotlandiya – 11. Bolqarıstan – 10. Azərbaycan – 5. Cəbəllüttariq – 0.

“FIFA Series – 2026” beynəlxalq turnirinə yüksək səviyyəli ev sahibliyi etdiyinə görə FIFA AFFA-ya təşəkkürünü bildirib.

Arena.az bu barədə milli assosiasiyaya istinadən xəbər verir.

Belə ki, ali futbol qurumunun nümayəndəsi AFFA-nın baş katibi Cahangir Fərəcullayevə xatirə hədiyyəsi təqdim edib.

Cahanhir Fərəcullayev göstərilən diqqətə görə minnətdarlığını ifadə edib. O, gələcəkdə əməkdaşlığın uğurla davam etdiriləcəyinə inandığını bildirib.

Qeyd edək ki, Azərbaycan milli komandası Sumqayıtda təşkil edilmiş bu beynəlxalq turnirin qalibi olub. Millimiz ilk oyununda Sent Lüsiya yığma komandasına 6:1 hesabıyla qalib gəlib. Son olaraq Syerra Leone milli komandası ilə qarşılaşmış yığmamız əsas vaxtı 1:1 hesabıyla başa çatmış final görüşündə penaltilər seriyasından 9:8 hesabıyla qalib ayrılaraq çempion olub.

“Zirə”nin futbolçuları Leroy-Jak Mikels və Anje Mutsinzinin çıxış etdiyi Ruanda millisi “FIFA Series–2026” beynəlxalq turnirinin qalibi olub.

Futbolpress.az xəbər verir ki, yığma həlledici görüşdə Estoniyanı məğlub edib – 2:0.

“Zirə”nin futbolçusu Leroy Mikels görüşdə bir qolla yadda qalıb. Daha əvvəl Qrenade ilə matçda da fərqlənən Leroy turnirin ən yaxşı oyunçusu seçilib.

Ruandada “Zirə”nin digər futbolçusu Ange Mutsinzi, “Sabah”ın hücumçusu Joy-Lens Mikels və “Karvan-Yevlax”ın vingeri Coy-Slayd Mikels də çıxış edir. Hər üç futbolçu Estoniya ilə matçda şans qazanıb.

İngiltərə milli komandası bu gün yoxlama matçı keçirəcək.

Futbolpress.az xəbər verir ki, yığma Yaponiya ilə üz-üzə gələcək.

İngiltərə millisinin futbolçusu Cud Bellingem görüşü buraxacaq. Onun yüngül zədəsi var və baş məşqçi Tomas Tuxel yerli mətbuata açıqlamasında yarımmüdafiəçini risk etməyəcəyini bildirib.

İngiltərə – Yaponiya oyunu saat 22:45-də başlayacaq.

“Araz-Naxçıvan”ın qapıçısı Kristian Avramın formasını geyindiyi Moldova yığması yoldaşlıq oyunu keçirib.

Futbolpress.az xəbər verir ki, sözügedən komanda Kiprlə üz-üzə gəlib. 5 qolun vurulduğu matç Moldovanın məğlubiyyəti ilə başa çatıb – 2:3.

Avram oyunda iştirak etməyib. O, sona qədər ehtiyatda qalıb.

21 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində bu gün növbəti oyununa çıxıb.

Futbolpress.az xəbər verir ki, B qrupunda yer alan milli səfərdə Bolqarıstanın müvafiq yaş qrupundan ibarət komandası ilə qarşılaşıb. Görüş qolsuz bərabərliklə başa çatıb.

31 mart

20:00. Bolqarıstan (U-21) – Azərbaycan (U-21) 0:0
Plovdiv, “Xristo Botev”
Baş hakim: Denis Şurman
Baş hakimin köməkçiləri: Dmitro Zaporojenko, Viktor Nijnik
Dördüncü hakim: Dmitro Pançişin
(Hakimlər briqadası Ukraynadandır)

Azərbaycan millisi “FIFA Series-2026” turnirinin qalibi oldu. İlk görüşdə Sent-Lüsiya üzərində tarixə düşən (red-ən böyük hesablı qələbə) qalibiyyət (6:1) əldə edən yığma həlledici oyunda Syerra Leone yığmasını üstələdi.

Sumqayıtda, “Mehdi Hüseynzadə” stadionunda baş tutan görüşə milli daha yaxşı başlasa da, rəqib əks-hücumlardan şanslar əldə etdi. Milli birinci yarıda hücumda effektivlik göstərə bilmirdi. Bəzi anlarda tələskənlik, bəzi anlarda yanlış ötürmələr hücumların nəticəsiz yekunlaşmasına səbəb oldu. Yarımsaatın tamamına dəqiqələr qalmış yığmanı əks-hücumda yaxalayan afrikalılar istədikləri qolu vurmağı bacardı. Epizodda qayda pozuntusunun olub-olmaması da bir sual idi, hər bir halda, epizod bitməmiş diqqəti itirmək olmaz. Milli məhz bu diqqətsizlikdən qapısında qol gördü. Fasiləyə qədər hesabı bərabərləşdirməyə çalışan yığma iki şans yaxalasa da, rəqib qapıçını keçmək mümkün olmadı.

Milli ikinci hissədə daha üstün oynadı. Görünür, futbolçular fasilədə “ayılmışdı”. Ardıcıl hücumlardan sonra standart vəziyyət zamanı Rahil Məmmədovun akrobatik vuruşu və hesabın bərabərləşməsi komandaya əlavə təkan verdi. Lakin əsas vaxtda önə çıxmaq, oyunu tez bitirmək alınmadı.

Penaltilər seriyası isə daha gərgin alındı. Tərəflər hərəyə 10 penalti vurdu, milli 9-nu, rəqib 8-ni qola çevirdi. Turnirin böyük mahiyyəti olmasa da, həm Azərbaycan, həm Syerra Leone tərəfi qalib olmaq üçün çox arzulu idi. Matçboyu rəqib komandanın baş məşqçisi Məhəmməd Kallonun kənarda çılğınlığı, məğlubiyyət sonrası mətbuat konfransına gəlməməsi onun üçün görüşün necə önəmli olduğunu, məğlubiyyətin isə necə kədərləndirdiyini göstərdi.

“FIFA Series” turniri yoldaşlıq xarakteri daşıyır və beynəlxalq reytinq baxımından ciddi əhəmiyyət kəsb etmir. Hər bir halda, qazanılan iki qələbə və tarixin ilk kuboku yığma üçün motivasiyaverici olacaq.

Qazanc nə oldu?

FIFA reytinqinə cüzi təsir, uzunmüddətli qələbəsizlik seriyasının bitirilməsi və futbolçuların yoxlanılması.

Ayxan Abbasov, demək olar, dəvət etdiyi futbolçuların hamısına şans verdi. Mütəxəssis kimin hələ potensialını artırmalı, kiminsə milli üçün faydalı ola bilməyəcəyini gördü.

Lakin xüsusilə Syerra Leone ilə matçda nümayiş etdirilən oyun Millətlər Liqasında uğur qazanmaq üçün yetərli olmayacaq. Bu turnirdəki rəqiblərimiz  Lixtenşteyn və Litva olacaq. Birinciləri hər iki matçda məğlub etmək olar, amma Litva kifayət qədər ciddi rəqibdir. Son dövrlərdə inkişafda olan bu komanda müdafiədə kompakt oyunu ilə seçilir. Syerra Leone yığmasının müdafiəsini yarmaqda çətinlik çəkən, Sent Lüsiya ilə əldə etdiyi 10 şansın birində  dəqiq olan milli Litvaya qarşı daha ciddi hazırlaşmalıdır.

Şahin Cəfərov

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

Avropa çempionatı
19:30 Xorvatiya U21 – Türkiyə U21 (TRT Spor)

Yoxlama oyunu
20:00 Norveç – İsveçrə (CBC Sport)
21:00 Rusiya – Mali (Matç Premyer, Matç TV)

DÇ-2026
22:45 Kosovo – Türkiyə (TV8)
22:45 Bosniya və Herseqovina – İtaliya (CBC Sport)

“Bavariya”da ayrılıq reallaşıb. Msport.az xəbər verir ki, Almaniya nəhəngi rəsmi saytında oyunçusu Rafael Qerreyrunun gedişini açıqlayıb. 32 yaşlı portuqaliyalı 2025/26 […]

Source

Dortmund “Borussiya”sının futbolçusu Karni Çukvuemeka dünya futbol tarixində nadir rast gəlinən bir statistika ilə gündəmə gəlib. Msport.az xəbər verir ki, […]

Source

“Arsenal” baş məşqçi Mikel Arteta ilə yeni müqavilə üzrə danışıqların yekun mərhələsindədir. Msport.az xəbər verir ki, yeni saziş mütəxəssisin komandadakı […]

Source

Minifutbol üzrə Azərbaycan millisinin Avropa çempionatının final mərhələsindəki oyunlarının proqramı bəlli olub. Msport.az xəbər verir ki, Elşad Quliyevin baş məşqçisi […]

Source

FIFA prezidenti Canni İnfantino İran millisinin 2026-cı il dünya çempionatında iştirakı ilə bağlı açıqlama verib. Msport.az xəbər verir ki, o […]

Source

Dünya çempionatının Avropa zonası üzrə pley-off mərhələsində 4 final qarşılşaması baş tutacaq. Msport.az xəbər verir ki, İtaliya səfərdə Bosniya və […]

Source

21 yaşadək futbolçulardan ibarət Azərbaycan millisi Avropa çempionatının seçmə mərhələsi çərçivəsində bu gün növbəti oyununa çıxacaq. Msport.az xəbər verir ki, […]

Source

Bu gün dünya çempionatının pley-off mərhələsinin final oyunları keçiriləcək.

Futbolpress.az xəbər verir ki, Türkiyə yığması həlledici görüşdə Kosovo ilə qarşılaşacaq.

Çexiya Danimarkanı, İsveç isə Polşanı qəbul edəcək. İtaliya millisi isə Bosniya və Herseqovina ilə üz-üzə gələcək.

DÇ-2026
Pley-off mərhələsi, final

31 mart

22:45 Bosniya və Herseqovina – İtaliya
22:45 Çexiya – Danimarka
22:45 Kosovo – Türkiyə
22:45 İsveç – Polşa

Azərbaycan yığması “FIFA Series-2026” turnirinin qalibi olub. Milli həlledici görüşdə Syerra Leoneni məğlub edib – 1:1, penaltilər 9:8.

Futbolpress.az xəbər verir ki, görüşdən sonra millinin futbolçusu Vüsal İsgəndərli fikirlərini bölüşüb:

“Gülə-gülə danışırıqsa, nə xoş. Əlbəttə, istəyimiz budur ki, qələbələr davam etsin. Bu iki oyunda rəqibin adı önəmli deyil. Əsas odur, qələbələr bizə inam versin”.

 

Millimiz “FIFA Series-2026” turniri çərçivəsində cırtdan Sent Lüsiya ilə qarşılaşmada ən böyükhesablı qələbəsini qazandı (6:1)…

İkinci oyunda Afrikanın ortabablarından olan Syerra Leone ilə əsas vaxtda 1:1 hesabıyla bitən oyunu dramatik penaltilər seriyasında udub turnirin qalibi oldu – kubok götürdü…

Millinin baş məşqçisi Ayxan Abbasov mükafatlandırmaya övladı ilə qatılmışdı…

Millinin oyunçuları sanki böyük bir turnirin qalibi olubmuş kimi sevinirdi…

Futbolçular mətbuata açıqlamalarında o qədər sevincli görünürdülər ki…

***

Bütün bunlar ironik və ikonik detallarıyla fərqli hisslər yaradırdı.

Açığı, bəzən sentimental olmamaq mümkün deyildi.

Bəli, reallıq hissi hakimlik etsə, olanları qəribə qarşılamaq, təsvir etmək olar. Lakin bütün tərkibi ilə bu mənzərələr futbolumuzun tarixi səbəb-nəticə əlaqələrinin bariz mənzərəsi idi.

Bizə isə rasional olmaq, peşəkar yanaşma gərəkdir.

***

Peşəkarlıq mühitinin formalaşdırılmasına hələ çox var, lakin bir rasional detalı qeyd etmək olar. AFFA-nın baş katibi Cahangir Fərəcullayev “CBC Sport”a flaş açıqlamasında belə bir cümlə işlətdi: “Bu yeni yolun başlanğıcıdır”.

Tipik rasional yanaşmadır. Reallıq hissinə söykənmiş, mövcud vəziyyəti ironiyadan xilas edib gələcək barədə ümidverici iddia etmək.

Bəli, bugünkü nəticə ilə öyünəsi bir şey yoxdur. Lakin simvolik yanaşma sərgiləyib, bu kiçik müsbət məqama uğurlu gələcəyin başlanğıcı mahiyyətində yanaşmaq olar.

Bir şərtlə, iddianın məsuliyyəti dərk edilə və bunun üçün ümidverici zəmin ola/yaradıla.

Varmı?

Görürükmü?

İctimaiyyətin əksəri bu suallara müsbət, pozitiv reaksiya verməz.

Ehtimal ki, bunu AFFA da bilir, baş katibə də əyandır.

3 gün sonra assosiasiyanın hesabat konfransı olacaq. İnkişafa ümid verəcək, yeni yolun başlanğıcı şüarına lobbi yaradacaq arqumentlərin olub-olmayacağı həmin konfransda əyani bilinəcək.

Ötən bir ildə hansı addımlar atılıb və qarşıda hansı planlar/prioritetlər müəyyənləşdirilib? Məhz bu suala cavab həmin konfransda böyük ölçüdə məlum olacaq.

Yeni yolun başlanğıcıdırmı…

Elçin Cəlilov

Azərbaycan yığması “FIFA Series-2026” turnirinin qalibi olub. Milli həlledici görüşdə Syerra Leoneni məğlub edib – 1:1, penaltilər 9:8.

Futbolpress.az xəbər verir ki, görüşdən sonra millinin qapıçısı Aydın Bayramov fikirlərini bölüşüb:

“Bütün xalqımızı təbrik edirəm. Çoxdandı qələbə qazana bilmirdik. Bu iki qələbə vacib idi. İstərdik ki, elə əsas vaxtda qələbəni təmin edək. Futboldur. Hər cür situasiyaya hazır idik.

Final, penaltilər deyiləndə beynimdə müəyyən ssenarini düşünürdüm. Analiz etmişdim. Düzdür, penaltilər seriyası mənim üçün çox uğurlu alınmadı. İstiqaməti tapırdım, amma tuta bilmirdim”.

“FIFA Series – 2026” beynəlxalq turnirinə yüksək səviyyəli ev sahibliyi etdiyinə görə FIFA AFFA-ya təşəkkürünü bildirib.

Futbolpress.az xəbər verir ki, ali futbol qurumunun nümayəndəsi AFFA-nın baş katibi Cahangir Fərəcullayevə xatirə hədiyyəsi təqdim edib. Fərəcullayev göstərilən diqqətə görə minnətdarlığını ifadə edib və gələcəkdə əməkdaşlığın uğurla davam etdiriləcəyinə inandığını bildirib.

Qeyd edək ki, Azərbaycan milli komandası “FIFA Series – 2026” turnirinin qalibi olub.

Azərbaycan millisinin baş məşqçisi Ayxan Abbasov bu gün Syerra Leone yığma komandasına qarşı keçirdikləri oyunu şərh edib.

Arena.az xəbər verir ki, millimiz “FIFA Series – 2026” beynəlxalq turniri çərçivəsində bu gün Mehdi Hüseynzadə adına Sumqayıt şəhər stadionunda Syerra Leone yığması ilə keçirilmiş final oyunundan (1:1, penaltilərlə 9:8) qalib ayrılıb.

Ayxan Abbasov oyundan sonra təşkil edilmiş mətbuat konfransında bunları söyləyib:

“İlk növbədə azarkeşlərimizə təşəkkür edirəm. Stadionda gözəl atmosfer var idi. İkinci oyunun ilk matçdan fərqli olacağını bilirdik. Birinci hissədə hücumda istədiyimiz kimi aqressiv ola bilmədik. İkinci hissəyə əvəzləmələrlə başladıq. Fasilədən sonra futbolçuların istəyi daha da artdı. Fanatlar üçün penaltilər seriyası maraqlı alındı. Turnirin qalibi olduğumuz üçün sevinirik. Ancaq oyun göstərdi ki, rəqib güclü olduqca biz də artırmalıyıq. Yayda təşkil olunacaq təlim-məşq toplanışını da faydalı keçirərək UEFA Millətlər Liqasına hazır olmağa çalışacağıq.

Zəif komanda yoxdur. Toplanışdan maksimum istifadə etmək istədik. Bir çox yeni oyunçular gəldi, onları sınaqdan keçirdik. Allah qoysa, xeyrini görəcəyik. Oyundan-oyuna futbolçular özləri haqda fikir yaradırlar. Kimlərinsə zədəli olması işimizi çətinə sala bilər. İndi də zədəlilər var idi. UEFA Millətlər Liqasındakı rəqiblərimizi də təhlil edirik. Litva həqiqətən möhkəm komandadır. Onlar evdə çox yaxşı çıxış edirlər. Şanslar bərabərdir. Çalışacağıq ki, qrupun qalibi olaq”.

Bu gün Azərbaycan Basketbol Liqasında (ABL) müntəzəm mövsümün sonuncu – 20-ci turunun növbəti oyunu keçirilib.

Arena.az xəbər verir ki, üçüncü oyun günündə də bir qarşılaşma baş tutub.

Günün yeganə matçında A qrupunda yer alan komandalar – “Neftçi” ilə NTD üz-üzə gəliblər. Bakı İdman Sarayında baş tutmuş qarşılaşma “ağ-qaralar”ın 93:83 hesablı qələbəsi ilə bitib.

A qrupunda 20-ci tura martın 31-də yekun vurulacaq.

A qrupu: Sabah – 37. Abşeron Lions – 36. Neftçi – 30. Gəncə – 29. NTD – 23. Şəki – 22.

Xatırladaq ki, ABL oyunları dörd dövrədən və 20 turdan ibarət olacaq. Müntəzəm mövsümün oyunları A və B qruplarına bölünməklə keçirilir. Müntəzəm mövsümdə A qrupunu ilk 3 sırada tamamlamış klublarla yanaşı, B qrupunu lider bitirmiş komanda pley-offun 1/4 final mərhələsinə vəsiqə qazanacaq. A və B qruplarında digər yerləri tutmuş komandalar isə pley-offun 1/8 final mərhələsində üz-üzə gələcəklər. Bu mərhələdə ən tez iki qələbə qazanacaq klublar 1/4 finala yüksələcəklər. Həm 1/4 final, həm də yarımfinal seriyaları 2 qələbəyə qədər davam edəcək.

Final seriyasında isə ən tez 3 qələbə qazanacaq klub Azərbaycan Basketbol Liqasının çempionu olacaq.

Futbol üzrə Azərbaycan millisi bu gün ölkəmizdə keçirilən “FIFA Series-2026” beynəlxalq turniri çərçivəsində son oyununa çıxıb.

Arena.az xəbər verir ki, Ayxan Abbasovun rəhbərlik etdiyi millimiz turnirdəki ikinci matçında Syerra Leone yığması ilə qarşılaşıb.

Sumqayıtda keçirilmiş görüşü Özbəkistandan olan hakimlər briqadası idarə edib.

Xatırladaq ki, millimiz bu turnirdəki ilk oyununda Sent Lüsiya yığması ilə qarşılaşmışdı. Eyni məkanda baş tutmuş görüşdə komandamız 6:1 hesablı qələbəyə sevinmişdi.

Syerra Leone yığması isə bu turnirdə ilk görüşünü keçirib. Çünki Oman yığması Bakıya gəlməkdən imtina etdiyi üçün, Afrika təmsilçisinin martın 27-də keçirilməli olan ilk görüşü baş tutmamışdı.

Bu dəfəki görüşün əsas vaxtında qalib müəyyənləşməyib. Bu üzdən penaltilər seriyasına ehtiyac duyulub. 11 metrlik zərbələrini daha dəqiq yerinə yetirmiş Azərbaycan millisi beynəlxalq turnirin qalibi olub.

Oyundan sonra mükafatlandırma mərasimi təşkil edilib. Turnirdə 3-cü yeri tutan Sent Lüsiya bürünc, 2-ci pillənin sahibi Syerra Leone gümüş medallarla təltif olunub. “FIFA Series – 2026” beynəlxalq turnirinin qalibi Azərbaycan millisinə isə qızıl medallar və kubok təqdim edilib. Həmçinin millimizin müdafiəçisi Elvin Cəfərquliyev turnirin ən yaxşı futbolçusu mükafatına layiq görülüb.

Mükafatlandırma mərasimində AFFA-nın baş katibi Cahangir Fərəcullayev, icraçı vitse-prezidenti Sərxan Hacıyev, Syerra Leone Futbol Assosiasiyasının vitse-prezidenti Alie Badara Taravali və Sent Lüsiya Futbol Assosiasiyasının vitse-prezidenti Valdes Ceyms iştirak ediblər.

FİFA Series-2026

30 mart

Azərbaycan – Syerra Leone 1:1 (penaltilər 9:8)
Qollar: Rahil Məmmədov, 72 – Daniel Kanu, 28.
Baş hakim: Asker Nacafaliyev
Baş hakimin köməkçiləri: İslom Azimov, Baxtiyorxuca Şavkatov
Dördüncü hakim: Axrol Ruskullayev (Hakimlər briqadası Özbəkistandandır).
Mehdi Hüseynzadə adına Sumqayıt şəhər stadionu.

Azərbaycan: 12. Aydın Bayramov, 3. Elvin Cəfərquliyev (24. Rüstəm Əhmədzadə, 89), 5. Anton Krivotsyuk, 8. Emin Mahmudov (k) (20. Rəhim Sadıxov, 46), 9. Renat Dadaşov (7. Toral Bayramov, 63), 10. Aleksey İsayev (26. Ayxan Hüseynov, 89), 13. Emil Səfərov (6. Abdulla Xaybullayev, 80), 14. Elvin Bədəlov (4. Rahil Məmmədov, 46), 15. Bədavi Hüseynov, 21. Qismət Alıyev (17. Vüsal İsgəndərli, 46), 22. Musa Qurbanlı (11. Xəyal Əliyev, 46).
Ehtiyat oyunçular: 1. Səlahət Ağayev, 23. Rza Cəfərov, 2. Rəhman Daşdəmirov, 16. Ceyhun Nuriyev, 18. Cəlal Hüseynov, 19. Mustafa Əhmədzadə, 25. Abdulla Rzayev.
Baş məşqçi: Ayxan Abbasov.

Syerra Leone: 25. Mamadu Jallo, 4. Alfa Kabia (7. Kvame Que, 83), 5. Alfa Turay, 9. Amadu Bakayoko (24. Cey Kamara, 86), 11. Sullay Kaikai (k), 13. Jarjue Kabia, 14. İdris Kanu (12. Nataniel Jallo, 71), 15. Daniel Kanu (17. Samuel Qandi, 71), 16. İssa Kallon, 21. Juma Bah, 22. Kamil Konte (8. Alhassan Koroma, 71).
Ehtiyat oyunçular: 1. Alhaci Sesay, 23. Fransis Koroma, 2. Santiqi Fornah, 18. Sallieu Taravelli, 19. Emmanuel Samadia.
Baş məşqçi: Məhəmməd Kallon.

Kişi voleybolçular arasında təşkil edilmiş Azərbaycan çempionatında (Yüksək Liqa) bu gün ilkin mərhələyə yekun vurulub.

Arena.az xəbər verir ki, Fövqəladə Hallar Nazirliyinin idman zalında sonuncu – 20-ci tur çərçivəsində “Ordu” – “Gənclər”, “Neftçi” – “Azərreyl” və “Murov” – “Xilasedici” qarşılaşmaları baş tutub.

Gərgin və maraqlı keçən bu oyunlarda “Ordu” (3:2), “Azərreyl” (3:2) və “Xilasedici” (3:0) komandaları qələbə qazanıblar.

Beləliklə, 20 turun yekununda turnir cədvəlinin ilk dörd pilləsində qərarlaşmış “Xilasedici”, “Neftçi”, “Ordu” və “Murov” komandaları yarımfinala yüksəliblər.

Reqlamentə əsasən, yarımfinal iki oyundan (ev və səfər) ibarət olacaq. İki qarşılaşmadan sonra komandaların qələbələri bərabər olarsa, qalibi müəyyən etmək üçün qızıl set oynanılacaq. Bürünc və qızıl medal uğrunda isə bir oyun olacaq.

Qeyd edək ki, yarımfinal oyunları aprelin 7-də start götürəcək.

Yüksək Liqa
20-ci tur
30 mart

“Ordu” – “Gənclər” 3:2 (23:25, 22:25, 25:16, 25:19, 15:6)

“Neftçi” – “Azərreyl” 2:3 (25:22, 20:25, 25:17, 23:25, 12:15)

“Murov” – “Xilasedici” 0:3 (17:25, 23:25, 19:25)

Yarımfinal mərhələsinin cütləri:

“Xilasedici” (1) – “Murov” (4)

“Neftçi” (2) – “Ordu” (3)

“FIFA Series-2026” turnirinin finalında keçirilən Azərbaycan – Syerra-Leone oyunundan (1:1, penaltilər 9:8) sonra millinin baş məşqçisi Ayxan Abbasov jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü:

– Azarkeşlərə təşəkkür edirəm. Bizə dəstək oldular. Oyunların fərqli olacağını bilirdik. İlk hissədə səhvlər etdik, hücumda aqressivlik çatmadı. Rəqib bizi əks-hücumda yaxaladı və fərqləndi. İkinci hissədə yaxşı müdafiə olunub, hücumların effektivliyini artırmalıydıq. Sonda hesabı bərabərləşdirdik. Penaltilər seriyası maraqlı alındı. Turnirdə qalib olduğumuz üçün sevincliyik. Bu oyun bizə siqnallar verdi. Rəqiblər güclü olduqca biz də artırmalıyıq. Gələcək oyunlara baxacağıq. Qarşıda iki yoxlama oyunu olacaq. Bununla Millətlər Liqasına hazır olmağa çalışacağıq.

– İlk dəfə çempion olduq, ilk dəfə penaltilərdə qələbə qazandıq. İlk penalti təcrübəniz haqda fikirlərinizi bilmək istəyirdim…
– İlk deyil. Kubokda “Sumqayıt”da işlədiyim vaxt “Qarabağ”ı penaltilər seriyasında keçmişdik. Futbolçular məşqlərdə penaltiləri yoxlayırdılar. Bugünkü seriya da bir təcrübədir. Bu oyun milli üçün faydalı olacaq.

– Bu turnir milliyə hansı təcrübəni qazandırdı?
– FIFA-nın turniridir. Rəqiblərimizdən Lixtenşteyn də burda mübarizə aparırdı. Onların qrupunda daha zəif komandalar var idi və elə zəif olan qalib oldu. Bu toplanışda millidə yeni adlar oldu, sınaqdan keçdi. Bəlli sistem üzərində çalışırıq. İnşallah, xeyrini görəcəyik.

– İki oyundan sonra Millətlər Liqası üçün optimal heyəti təxminən formalaşdımı?  
– Müəyyən fikirlər yaranır. Turnirə hələ var. Zədələr həmin vaxt işimizi çətinə sala bilər.

– Litva və Lixtenşteyn yığmasını izləmisinizmi?
– İki komandanı da təhlil edirik. Litva möhkəm komandadır. Evlərində çox yaxşı çıxış edirlər. Məncə, onlarla şanslar bərabərdir. Çalışacağıq ki, maksimum nəticə əldə edək.

– Bu oyundan aldığınız siqnallar hansılardır?
– İki oyunda da sonradan meydana daxil olan futbolçu oyunu dəyişdi. Ruhdan düşmürlər, çox istəklidirlər. Millidə rəqabət olduğu hiss edildi. Bu, gələcək üçün təkan verəcək. Bir çox futbolçunu yaxından izlədik. İnanıram ki, bizi təəccübləndirən yeni oyunçular da olacaq.

– Sadiq Baqıyev var Rusiyada. “Torpedo”da ən yaxşı futbolçu seçildi bu yaxınlarda. Tək o deyil, digər oyunçulardan da izlədikləriniz varmı? Bəyəndiyiniz futbolçu olsa, dərhal pasport məsələsi həll oluna bilər?
– Bəyəndiyimiz olsa, problem olmaz. U-21 yığma komandamıza da namizəd futbolçular izlənilir. Sadiq Baqıyevi U-21 yığmasına çağırdıq. Lakin bəzi məsələlər oldu, legioner statusu ala bilərdi deyə, imtina etdi. Biz də istəyirik ki, burda oynamaq istəyənlərə kömək edək.

Şahin Cəfərov

 

Azərbaycan yığması “FIFA Series-2026” turnirinin qalibi olub. Milli həlledici görüşdə Syerra Leoneni məğlub edib – 1:1, penaltilər 9:8.

Futbolpress.az xəbər verir ki, görüşdən sonra AFFA-nın baş katibi Cahangir Fərəcullayev “CBC Sport”a fikirlərini bölüşüb:

“Hər kəsi təbrik edirəm. Qələbəni kiçiltmək lazım deyil. Uşaqlar iki oyunda yaxşı mübarizə apardı, layiqli qələbə qazandı. Hesabda geri düşməyimizə baxmayaraq, sona qədər mübarizə apardıq, penaltilərdə qələbə qazandıq. Bu, bizim üçün vacibdir.

Rəqiblər haqda deyilə bilər ki, tanınmır. Amma bu, bizim üçün yolun başlanğıcıdır. Davamı gəlsin”.

Fransalı keçmiş yarımmüdafiəçi Mişel Platini “Real”ın 27 yaşlı mərkəz hücumçusu Kilian Mbappe haqda fikrini bildirib.

Arena.az Platininin müvafiq fikrini təqdim edir:

“Mbappe ilə canlı görüşməmişəm. Onun oyunlarını ancaq televizorda izləmişəm. Onu ancaq futbolçu olaraq qiymətləndirə bilərəm. Kilian meydanda inanılmaz şeylər edir”, deyə Platini vurğulayıb.

Kilian Mbappe futbola Fransanın “Bondi” klubunda qədəm qoyub. Ardınca “Klerfonten”ə keçib, oradan isə “Monako”ya yol tapıb və böyük futbolda məhz “Monako” ilə debüt edib. 2015-2018-ci illərdə Knyazlıq klubunun əsas komandasında çıxış etmiş Mbappe, 2018-ci ilin iyul ayında 180 milyon avro məbləğ müqabilində PSJ-yə keçib. Kilian 2018-2024-cü illər aralığında Paris klubunun heyətində 307 oyuna çıxıb, 256 qol, 108 məhsuldar ötürmə ilə fərqlənib. Vurduğu 256 qolla Kilian PSJ tarixinin ən sərrast futbolçusudur.

Kilian Mbappe 2024-cü ilin iyul ayında PSJ-dən azad agent qismində ayrılaraq “Real”a keçib. “Kral klubu” fransalı hücumçu ilə müddəti 2029-cu ilin iyun ayının sonuna qədər qüvvədə olacaq müqavilə imzalayıb.

Mbappe cari mövsümdə “Real”ın heyətində 35 oyuna çıxıb, 38 qol vurub, 4 məhsuldar ötürmə verib. Fransalı futbolçunun Madrid klubunun heyətində ümumi statistikası isə belədir: 94 oyun, 82 qol, 11 məhsuldar ötürmə.

Kilian Mbappe hazırda kapitanı olduğu, 2017-ci ilin mart ayında debüt etdiyi Fransa yığmasının heyətində 96 oyun keçirib, 56 qol vurub və 40 məhsuldar ötürmə verib. Kilian “xoruzlar”la 2018-ci ildə Rusiyada keçirilmiş dünya çempionatının (DÇ-2018) və UEFA Millətlər Liqasının (2021) qalibi olub.

“Transfermarkt” internet-portalı 27 yaşlı fransalı hücumçunun transfer dəyərini 200 milyon avro məbləğində qiymətləndirir.

“Atalanta”nın hücumameyilli yarımmüdafiəçisi Daniel Maldini icarədə oynadığı “Latsio”dakı durumunu dəyərləndirib.

Arena.az xəbər verir ki, Maldini “Latsio”da məmnun olduğunu bildirib:

“Məşqçimiz (italyan mütəxəssis Mauritsio Sarri) mənə inanır. Mən bunu duyuram. Bu, yaxşı çıxış etməyim üçün çox vacibdir”, deyə Maldini vurğulayıb.

“Milan”ın məzunu olan Maldini bundan mövsümün sonunadək “Latsio”da çıxış edəcək. Sözügedən klub 25 yaşlı italyan futbolçunu satınalma şərti ilə icarəyə götürüb. “Latsio” Danielin yarım mövsümlük icarəsi üçün Berqamo təmsilçisinə 1 milyon avro ödəyib. Yarımmüdafiəçi paytaxt təmsilçisinin heyətində 9 oyuna çıxıb, 1 qol vurub, 2 məhsuldar ötürmə müəllifi olub.

Xatırladaq ki, Daniel Maldini “Milan”ın yetirməsidir. Hücumameyilli yarımmüdafiəçi “Montsa”, “Spetsiya” və “Empoli”də də çıxış edib. “Atalanta” Maldinini 2025-ci ilin əvvəlindən “Montsa”dan 13 milyon avro müqabilində heyətinə qatmışdı. Onun bu klubla müqaviləsi 2029-cu ilin iyun ayının sonuna qədər qüvədədir.

Maldini “Atalanta” üçün 22 oyun keçirib, 3 qol və 1 məhsuldar ötürmə ilə fərqlənib.

Daniel Maldini İtaliyanın U-18, U-19 və U-20 yığmalarında oynayıb, əsas yığmada isə 2024-cü il oktyabrın 14-də debüt edib. Maldini millidə 6 oyun keçirib, fərqlənə bilməyib.

Daniel Maldininin qənimətlər muzeyində “Milan”la İtaliya A Seriyası çempionluğu (2021/2022) var.

“Transfermarkt” internet-portalı 24 yaşlı italyan yarımmüdafiəçinin transfer dəyərini 10 milyon avro məbləğində qiymətləndirir.

Xatırladaq ki, Daniel “Milan”ın əfsanəvi futbolçusu Paulo Maldininin oğludur.

PSJ-nin gürcü hücumçusu Xviça Kvaratsxeliya 2025-ci ilin yanvar ayında “Napoli”dən Paris klubuna keçidini əsaslandırıb.

Arena.az gürcü futbolçunun müvaviq açıqlamasını təqdim edir:

“Həmin vaxt digər seçimlərim də vardı. Amma Luis Enrike və Luis Kamposun, PSJ layihəsini mənə necə təqdim etmələri, məndə böyük təəssürat oyatdı”, deyə Kvara vurğulayıb.

Xatırladaq ki, PSJ Kvaratsxeliyanı 2025-ci il yanvarın 17-də heyətinə qatıb. Tərəflər arasında müqavilənin müddəti 2029-cu ilin 30 iyununa qədərdir. Gürcü futbolçu Paris klubuna 2022-ci ildən çıxış etdiyi “Napoli”dən 70 milyon avro məbləğ müqabilində keçib.

Xviça indiyə qədər PSJ-nin heyətində 69 oyuna çıxıb, 20 qol vurub, 15 məhsuldar ötürmə müəllifi olub.

Gürcü futbolçu klub karyerası ərzində “Dinamo” (Batumi), “Rubin” (Kazan), “Lokomotiv” (Moskva), “Rustavi”, “Dinamo” (Tiflis) və “Napoli” komandalarında oynayıb. O, Neapol klubu ilə İtaliya çempionu olub.

Xviça Kvaratsxeliya 2019-cu ilin iyununda debüt etdiyi Gürcüstan yığmasının heyətində 49 oyuna 22 qol vurub, 10 məhsuldar ötürmə verib.

“Transfermarkt” internet-portalı 25 yaşlı gürcü sol cinah hücumçusunun transfer dəyərini 90 milyon avro məbləğində qiymətləndirir.

Xatırladaq ki, Xviçanın atası Badri Kvaratsxeliya vaxtilə Azərbaycanın “Kəpəz” və “Şəmkir” komandalarında çıxış edib. Badri Kvaratsxeliya həm də Azərbaycan milli komandasının uğurları üçün çalışıb.

“Mançester Yunayted”in futbolçusu Manuel Uqarte karyerasını İtaliyada davam etdirə bilər.

Futbolpress.az xəbər verir ki, “Yuventus” uruqvaylı yarımmüdafiəçinin xidmətində maraqlıdır. Bu barədə İtaliya mətbuatı məlumat yayıb.

Uqaret “Mançester Yunayted”dən ayrılmağa müsbət yanaşır. Onun klubla müqaviləsi 2029-cu ilin yayına kimidir.

“Bayern”in müdafiəçisi Rafael Qerreyru mövsümün sonunda komandanı tərk edəcək. Msport.az xəbər verir ki, bu barədə Münhen klubunun rəsmi saytı məlumat […]

Source

“FIFA Series-2026” beynəlxalq turniri çərçivəsində bu gün keçiriləcək Azərbaycan – Syerra Leone matçının heyətləri bəlli olub.

Arena.az xəbər verir ki, Mehdi Hüseynzadə adına Sumqayıt şəhər stadionunda keçiriləcək bu görüşə saat 19:00-da start veriləcək.

Qarşılaşmanı Özbəkistandan olan hakimlər briqadasının idarə edəcək. Oyunun baş hakimi Asker Nacafaliyev olacaq. Ona yan xətt hakimləri İslom Azimov və Baxtiyorxuca Şavkatov kömək edəcəklər. Dördüncü hakim funksiyasını Axrol Ruskullayev yerinə yetirəcək.

FİFA Series-2026
30 mart

19:00. Azərbaycan – Syerra Leone
Baş hakim: Asker Nacafaliyev
Baş hakimin köməkçiləri: İslom Azimov, Baxtiyorxuca Şavkatov
Dördüncü hakim: Axrol Ruskullayev (Hakimlər briqadası Özbəkistandandır).
Mehdi Hüseynzadə adına Sumqayıt şəhər stadionu.

Azərbaycan: 12. Aydın Bayramov, 3. Elvin Cəfərquliyev, 5. Anton Krivotsyuk, 8. Emin Mahmudov (k), 9. Renat Dadaşov, 10. Aleksey İsayev, 13. Emil Səfərov, 14. Elvin Bədəlov, 15. Bədavi Hüseynov, 21. Qismət Alıyev, 22. Musa Qurbanlı.
Ehtiyat oyunçular: 1. Səlahət Ağayev, 23. Rza Cəfərov, 2. Rəhman Daşdəmirov, 4. Rahil Məmmədov, 6. Abdulla Xaybullayev, 7. Toral Bayramov, 11. Xəyal Əliyev, 16. Ceyhun Nuriyev, 17. Vüsal İsgəndərli, 18. Cəlal Hüseynov, 19. Mustafa Əhmədzadə, 20. Rəhim Sadıxov, 24. Rüstəm Əhmədzadə, 25. Abdulla Rzayev, 26. Ayxan Hüseynov.
Baş məşqçi: Ayxan Abbasov.

Syerra Leone: 25. Mamadu Jallo, 4. Alfa Kabia, 5. Alfa Turay, 9. Amadu Bakayoko, 11. Sullay Kaikai (k), 13. Jarjue Kabia, 14. İdris Kanu, 15. Daniel Kanu, 16. İssa Kallon, 21. Juma Bah, 22. Kamil Konte.
Ehtiyat oyunçular: 1. Alhaci Sesay, 23. Fransis Koroma, 2. Santiqi Fornah, 7. Kvame Que, 8. Alhassan Koroma, 12. Nataniel Jallo, 17. Samuel Qandi, 18. Sallieu Taravelli, 19. Emmanuel Samadia, 24. Cey Kamara.
Baş məşqçi: Məhəmməd Kallon.

İtaliyalı mütəxəssis Roberto De Zerbi “Tottenhem”i çalışdıra bilər.

Futbolpress.az xəbər verir ki, bu barədə insayder Fabrizio Romano məlumat yayıb. London klubu son iş yeri “Marsel” olan mütəxəssislə bir müddətdir, danışıqlar aparır. Tərəflərin anlaşmağa yaxın olduğu bildirilib.

De Zerbi hazırda işsizdir. O, daha əvvəl İngiltərədə “Brayton”u çalışdırıb.

Azərbaycan millisinin “FİFA Series – 2026” çərçivəsində Syerra Leone ilə oyun üçün start heyəti açıqlanıb. Msport.az xəbər verir ki, Ayxan […]

Source

Bu gün futbol üzrə Azərbaycan İkinci Liqasında 2025/2026-cı illər mövsümünün 20-ci turunun oyunlarına yekun vurulub.

Arena.az xəbər verir ki, sonuncu oyun günündə bir qarşılaşma baş tutub.

Turun qapanış matçında “Xankəndi” “Kür-Araz”la üz-üzə gəlib. “Xankəndi” rəqibini 14 cavabsız qolla məğlub edərək zirvədəki mövqeyini qoruyub.

İkinci Liqa
20-ci tur
28 mart

“Şəki” – “Dinamo” 1:6
Qollar: Tahir Zeynalov, 5 – Valeh Seyidov, 13-pen; 61; 89-pen. Yadigar Qarayev, 39; 71. Əli Abbasov, 59.
Hakimlər: Xəlil Xəlilov, Rəhman Aslanov, Elman Kərimov, Elçin Abdullayev.
Hakim-inspektor: İmanxan Sultani.
AFFA nümayəndəsi: Yavər Rəhimov.
Zaqatala Olimpiya İdman Kompleksinin stadionu, 15:00.

29 mart

“Ağstafa Gəncləri” – “Quba” 0:1
Qol: Bəhram Köçərli, 32.
Hakimlər: Səbuhi Bayramov, Tural Bayramov, Rəşad Quliyev, İrşad Aydınov.
Hakim-inspektor: Anar Salmanov.
AFFA nümayəndəsi: Mübariz Hüseynov.
Göygöl Olimpiya İdman Kompleksinin stadionu, 15:00.

“Ağdaş” – “Araz Saatlı” 0:0
Hakimlər: Nahid Xasıyev, Vüqar Bayramov, Hüseyn Vəliyev, Vüqar Alıyev.
Hakim-inspektor: Feyzulla Feyzullayev.
AFFA nümayəndəsi: Elman Musayev.
Ağdaş şəhər stadionu, 15:00.

“Şəmkir” – “Göygöl” 0:0
Hakimlər: Murad Səlimov, Məmmədəli Kərimov, Elmin Süleymanov, Hacıağa Həsənov.
Hakim-inspektor: Orxan Məmmədov.
AFFA nümayəndəsi: İlham Əliyev.
Şəmkir Olimpiya İdman Kompleksinin stadionu, 15:00.

“Qaradağ Lökbatan” – “Şirvan” 7:3
Qollar: Rəhman Quliyev, 3. Ramil Orucov, 40; 73. Rövşən Şahmuradov, 53; 60-pen. Emil Quluzadə, 86. Sabir Allahquliyev, 87 – Elgün Xəlilov, 13. Elcan Rəsulov, 43. Ramiz Məmmədov, 79.
Hakimlər: Rövşən Rəcəbov, Sevda Nuriyeva, Ruslan Babayev, Fəridə Lütfəliyeva.
Hakim-inspektor: Ömər Paşayev.
AFFA nümayəndəsi: Namiq Əliyev.
Lökbatan Olimpiya İdman Kompleksinin stadionu, 15:00.

30 mart

“Xankəndi” – “Kür-Araz” 14:0
Qollar: Bəhruz Teymurov, 18; 42. Rauf Məhərrəmov, 21. Elvin Nəsibov, 35; 38; 43. Tural Qurbatov, 53; 58. Emin Quliyev, 60-pen; 66. Mirmövsüm Caniyev, 69; 85. İlyas Səfərzadə, 75. Əli Mürsəlov, 87.
Hakimlər: Rəsul Babayev, Sənan Atayev, Aydın Baxşıyev, Ləman Əmirli.
Hakim-inspektor: Əmrah İbrahimov.
AFFA nümayəndəsi: Rüfət Əmirov.
“Neftçi” Futbol Mərkəzi (4-cü meydança), 14:00.

17 yaşadək futbolçulardan ibarət Azərbaycan millisi (U-17) bu gün Maltanın müvafiq yaş qrupundan ibarət kollektivi ilə qarşılaşıb.

Arena.az xəbər verir ki, sözügedən komandalar Avropa çempionatının seçmə mərhələsinin 2-ci raundu çərçivəsində üz-üzə gəliblər.

B Liqasının 2-ci qrupunda yer almış millimiz bu rəqiblə Bolqarıstanın Plovdiv şəhərində qarşılaşıb. “Nikola Şterev – Starika İdman Kompleksi”ndə keçiriləcək görüşü Şimali Makedoniya və Bolqarıstandan olan hakimlər briqadası idarə edib. Dörd qolun qeydə alındığı oyunda qalib müəyyənləşməyib. Komandamızın heyətində ilk qolu 57-ci dəqiqədə Əli Bəşirov vurub, 72-ci dəqiqədə isə rəqibin oyunçusu avtoqola imza atıb.

Xatırladaq ki, millimiz bu turnirdəki ilk oyununda meydan sahibi Bolqarıstan yığması ilə qarşılaşmışdı. Həmin matçda qalib müəyyənləşməmişdi – 1:1. İkinci turda Litva ilə qarşılaşmış U-17 millimiz həmin oyundan da 1 xalla ayrılmışdı – 0:0.

Bununla millimiz qrupu 3 xalla üçüncü pillədə tamamlayıb.

Avropa çempionatının seçmə mərhələsi
B Liqası, 2-ci qrup
30 mart

Azərbaycan – Malta 2:2
Baş hakim: Trpçevski Stoyanço (Şimali Makedoniya).
Baş hakimin köməkçiləri: Darko Vidiniç (Şimali Makedoniya), Todor Vukov (Bolqarıstan).
Dördüncü hakim: Georgi Stoyanov (Bolqarıstan).
Plovdiv, Nikola Şterev – Starika İdman Kompleksi.

Xallar: Bolqarıstan- 7. Litva – 4. Azərbaycan – 3. Malta – 1.

“Arsenal”ın və İngiltərə millisinin futbolçusu Noni Madueke zədələnib.

Futbolpress.az xəbər verir ki, o, yığmanın düşərgəsində xəsarət alıb. Bu barədə millinin baş məşqçisi Tomas Tuxel yerli mətbuata açıqlamasında deyib. Madueke bir müddət yaşıl meydanlardan uzaq qalacaq.

Noni bu mövsüm “Arsenal”la Premyer Liqada 20 oyunda 2 qol vurub.

Azərbaycan II Liqasında XX tura yekun vurulub.

Futbolpress.az xəbər verir ki, sonuncu gündə bir qarşılaşma keçirilib.

“Xankəndi” “Kür-Araz”ı 14 cavabsız qolla məğlub edib.

Azərbaycan II Liqası
XX tur

30 mart

Xankəndi – Kür-Araz 14:0
Qollar: B.Teymurov, 18, 42, R.Məhərrəmov, 21, E.Nəsibov, 34, 38, 43, T.Qurbatov, 53, 57, E.Quliyev, 60, 66, M.Canıyev, 69, 85, İ.Səfərzadə, 75, Ə.Mürsəlov, 87

“Liverpul”dan ayrılacağını açıqlayan Məhəmməd Salah karyerasını PSJ-də davam etdirə bilər.

Futbolpress.az xəbər verir ki, bu barədə “Euro Football” portalı məlumat yayıb. Misirli futbolçunun agenti Məhəmməd Yamani parislilərin oyunçuya marağını təsdiqləyib:

“Salah möhtəşəm oyunçudur. PSJ-nin marağı onun hələ də hansı səviyyədə olduğunu göstərir”.

Salah yayda “Liverpul”dan ayrılacaq.

17 yaşadək futbolçulardan ibarət Azərbaycan milli komandası Avropa çempionatının seçmə mərhələsinin II raundunda son oyununa çıxıb.

Futbolpress.az xəbər verir ki, B liqasının 2-ci qrupunda yer alan milli Bolqarıstanın Plovdiv şəhərindəki üçüncü görüşündə Malta yığması ilə qarşılaşıb. “Nikola Şterev – Starika İdman Kompleksi”ndə keçirilən matç 2:2 hesablı heç-heçə başa çatıb. Azərbaycan yığmasının heyətində ilk qolu 57-ci dəqiqədə Əli Bəşirov vurub, 72-ci dəqiqədə isə rəqibin oyunçusu avtoqola imza atıb.

Bununla milli qrupu 3 xalla üçüncü pillədə tamamlayıb.

Qeyd edək ki, U-17 qrupdakı ilk iki oyununda Bolqarıstan (1:1) və Litva (0:0) yığmaları ilə heç-heçə edib.

17 yaşadək futbolçulardan ibarət Azərbaycan milli komandası Avropa çempionatının seçmə mərhələsinin II raundunda son oyununa çıxıb. Msport.az xəbər verir ki, B […]

Source

Azərbaycanlı FIFA referisi Tural Qurbanov karyerası ərzində ilk dəfə beynəlxalq oyuna baş hakim kimi təyinat alıb.

Arena.az bu barədə AFFA-nın rəsmi saytına istinadən xəbər verir.

Bildirilir ki, Qurbanov 17 yaşadək futbolçular (U-17) arasında Avropa çempionatının seçmə mərhələsinin 2-ci raundu çərçivəsində keçiriləcək Niderland – Belarus matçını idarə edəcək.

Tural Qurbanova digər həmyerlimiz Asiman Əzizli və şimali makedoniyalı Aleksandar Qyurkovski yan xətt hakimi kimi kömək edəcəklər. Dördüncü hakim funksiyasını İlioski Vlatko (Şimali Makedoniya) yerinə yetirəcək.

B Liqasının 7-ci qrupunun son görüşü martın 31-də Türkiyənin Antalya şəhərində yerləşən Mardan İdman Kompleksinin stadionunda keçiriləcək.

Xatırladaq ki, Tural Qurbanov qrupun martın 25-də baş tutmuş Kosovo – Niderland (0:1) qarşılaşmasının dördüncü hakimi olmuşdu.

18 yaşadək voleybolçu qızlardan ibarət Azərbaycan yığması Avropa çempionatının II təsnifat mərhələsində mübarizəsini başa vurub.

Futbolpress.az xəbər verir ki, martın 27-də İspaniyanın Kadis şəhərində start götürən yarışda C qrupunda yer alan komanda meydan sahibi ilə yanaşı, Estoniya və Niderland yığmaları ilə qarşılaşıb. Milli hər üç görüşdə məğlub olub.

Qeyd edək ki, AVRO-2026-nın ikinci təsnifat mərhələsində 20 komanda 5 qrupda mübarizə aparıb və qrup birinciləri qitə çempionatının final mərhələsinə vəsiqə qazanıb.

2026 Avropa Çempionatı (2-ci təsnifat mərhələsi)
C qrupu
Oyunların nəticəsi

27 mart
İspaniya – Azərbaycan 3:0 (25:10, 25:19, 25:17)

28 mart
Niderland – Azərbaycan 3:0 (25:11, 25:12, 25:16)

29 mart
Azərbaycan – Estoniya 0:3 (15:25, 20:25, 15:25)

“Qarabağ” Azərbaycan Kuboku çərçivəsində “Sabah” ilə keçiriləcək qarşılaşmada bəzi azarkeş kateqoriyaları üçün xüsusi güzəştlər tətbiq olunacaq.

Futbolpress.az xəbər verir ki, bu barədə klubun mətbuat xidməti məlumat yayıb.

Belə ki, qadın azarkeşlər üçün stadiona giriş ödənişsiz olacaq.

Eyni zamanda, 15 yaşınadək uşaqlar valideynləri ilə birlikdə stadiona gəldikləri halda biletsiz (ödənişsiz) daxil ola biləcəklər.

15 yaşınadək uşaqlar stadiona tək gəldikləri halda giriş ödənişli olacaq. Uşaqları ilə gələn valideynlər isə özləri üçün bilet əldə etməlidirlər. Yalnız uşaqlar üçün giriş ödənişsizdir (valideyn müşayiəti ilə).

Aprelin 3-də, Tofiq Bəhramov adına Respublika stadionunda keçiriləcək “Qarabağ” – “Sabah” oyunu saat 20:00-da start götürəcək.

“İnter”in hücumçusu Lautaro Martines zədəsini sağaldıb.

Futbolpress.az xəbər verir ki, bu barədə “La Gazetta dello Sport” nəşri məlumat yayıb. Argentinalı hücumçu komandanın son məşqinə qoşulub.

Martines A Seriyasının XXXI turunda “Roma”ya qarşı oyunda meydana çıxa bilər. Matç aprelin 5-də baş tutacaq.

Lautaro Çempionlar Liqasının 1/8 final mərhələsində ötən ay “Bodo-Qlimt”lə birinci matçda (1:3) zədə alıb.

FIFA referisi Tural Qurbanov ilk dəfə beynəlxalq oyuna baş hakim kimi təyinat alıb.

Futbolpress.az xəbər verir ki, o, U-17-lər arasında Avropa çempionatının seçmə mərhələsinin II raundu çərçivəsində keçiriləcək Niderland – Belarus matçını idarə edəcək. Qurbanova digər həmyerlimiz Asiman Əzizli və şimali makedoniyalı Aleksandar Qyurkovski köməklik göstərəcəklər. Dördüncü hakim funksiyasını İlioski Vlatko (Şimali Makedoniya) yerinə yetirəcək.

B Liqasının 7-ci qrupunun son görüşü martın 31-də Türkiyənin Antalya şəhərində yerləşən Mardan İdman Kompleksinin stadionunda keçiriləcək.

Qeyd edək ki, Tural Qurbanov qrupun martın 25-də baş tutan Kosovo – Niderland (0:1) qarşılaşmasının dördüncü hakimi olub.

“Barselona” Almaniyanın “Hoffenhaym” klubunun futbolçusu Fisnik Asslani ilə maraqlanır.

Futbolpress.az xəbər verir ki, bu barədə oyunçunun agenti Ayman Dahmani “Kicker” nəşrinə açıqlamasında deyib:

“Düzdür, “Barselona”dan oyunçuya maraq var. Artıq onların nümayəndələri ilə ilk əlaqələr qurulub”.

Asslani bu mövsüm “Hoffenhaym”la Bundesliqada 26 oyunda 8 qol vurub, 7 məhsuldar ötürmə edib. O, Kosovo yığmasının da üzvüdür.

FİFA referisi Tural Qurbanov ilk dəfə beynəlxalq oyuna baş hakim kimi təyinat alıb. Msport.az xəbər verir ki, o, U-17-lər arasında […]

Source

Futbol üzrə İngiltərə milli komandasının və “Tottenhem”in keçmiş hücumçusu Cermeyn Defo baş məşqçi təyin olunub.

Arena.az xəbər verir ki, o, bundan sonra “Uokinq”i çalışdıracaq.

Bu barədə sözügedən klubun rəsmi saytı məlumat yayıb. Defo İngiltərənin 5-ci divizionunda mübarizə aparan komandaya baş məşqçi təyin olunması haqda fikirlərini də bölüşüb:

“Uokinq” uzun tarixə və böyük potensiala malik bir klubdur. Bu layihənin bir hissəsi olduğum üçün sevincli və həyəcanlıyam. İşə başlamağı səbirsizliklə gözləyirəm”.

Xatırladaq ki, Cermeyn Defo futbolçu karyerası ərzində “Vest Hem Yunayted”, “Bornmut”, “Tottenhem”, “Toronto”, “Portsmut”, “Sanderlend”, “Reyncers” kimi klublarda forma geyinib. İngiltərənin UU-16, U-18 və U-21 yığmalarında da oynamış ötənlərin məşhur hücumçusu 2004-2017-ci illərdə əsas yığmanın da uğurları üçün çalışıb.

Defo buna qədər “Reyncers”də baş məşqçinin köməkçisi olub, “Tottenhem”də müxtəlif vəzifələrdə çalışıb. O, ilk dəfə baş məşqçi kimi məhz “Uokinq”i çalışdıracaq.

“Yuventus”un futbolçusu Duşan Vlahoviç karyerasını “Milan”da davam etdirə bilər.

Futbolpress.az xəbər verir ki, bu barədə “SportMediaset” portalı məlumat yayıb. “Rossonyerilər” Turin klubunda az şans qazanan forvardı yeni mövsüm üçün əsas transfer hədəflərindən biri hesab edir. “Milan” serbiyalı hücumçuya illik 7 milyon avro maaş verməyə hazırdır.

Vlahoviç 2022-ci ildən “Yuventus”da çıxış edir. O, bu mövsüm 18 oyunda 6 qol vurub.

Kosovo millisinin baş məşqçisi Frank Foda dünya çempionatının pley-off mərhələsində Türkiyəyə qarşı keçirəcəkləri oyundan əvvəl fikirlərini bölüşüb.

Futbolpress.az xəbər verir ki, mütəxəssis mundial üçün şansların bərabər olduğunu deyib:

“Türkiyə millisi çox güclüdür. Heyətlərində Arda, Kenan, Hakan kimi oyunçular var. Lakin biz də bura öz gücümüzlə gəlmişik. Şanslar bərabərdir. İnanıram ki, yaxşı oyun olacaq”.

Sabah keçiriləcək Kosovo – Türkiyə oyunu saat 23:45-də start götürəcək. Qalib yayda keçiriləcək dünya çempionatına vəsiqə qazanacaq.

İngiltərə millisinin sabiq futbolçusu Cermeyn Defo baş məşqçi təyin olunub.

Futbolpress.az xəbər verir ki, o, ölkəsində “Uokinq” klubunu çalışdıracaq. Bu barədə İngiltərə 5-ci divizion təmsilçisinin mətbuat xidməti məlumat yayıb.

Defo futbolçu kimi “Tottenhem”, “Sanderlend”, “Portsmut”da çıxış edib.

“Mançester Yunayted”in futbolçusu Kazemiro “İnter Mayami”nin diqqət mərkəzindədir.

Futbolpress.az insayder Fabrizio Romanoya istinadən xəbər verir ki, MLS klubu yarımmüdafiəçini heyətinə qatmaq üçün danışıqlara başlamağa hazırlaşır.

Kazemironun isə ilk seçimi MLS deyil. O, yeni mövsümdə Çempionlar Liqasında mübarizə aparacaq Avropa klubunda oynamaq arzusundadır.

Daha əvvəl İtaliya və Almaniya klublarının Kazemiro ilə maraqlandığı bildirilib.

34 yaşlı futbolçu bu mövsüm İngiltərə Premyer Liqasında 29 oyunda 7 qol vurub, 2 məhsuldar ötürmə edib.

“Zaqatala”nın baş məşqçisi Rüstəm Məmmədov Türkiyənin “Başakşəhər” klubunun düşərgəsində təcrübə keçir.

Mütəxəssis “PRO” kateqoriyalı məşqçi kursları çərçivəsində Türkiyəyə səfər edib.

Məmmədov “Futbolpress.az“a açıqlamasında səfər təəssüratlarını bölüşdü:

“Orada çox şeylər gördüm. Nuri Şahinin yanında 5-6 gün oldum, indi isə akademiyadayam. Müşahidə etdiklərim aradakı fərqi aydın göstərir; orada hər şey yüksək səviyyədədir. Ölkə futbolunun əsası uşaq futbolundan başlayır. Bizdə bu sarıdan çatışmazlıqlar az deyil. Bunun da təməlində maliyyə məsələləri durur.

Şahinlə söhbətimdə də bildirdim ki, maliyyə olmayandan sonra futbolçu yetişdirmək də, yaxşı oyunçu gətirmək də çətindir. Onların akademiyalarının komandaları il ərzində 5-6 turnirdə iştirak edirlər. Bizdə isə belə deyil. Düzdür, bəzi akademiyalarımız yaxşıdır, amma say azdır. Maliyyə baxımından bizdə çətinlik yaşanır. Əvvəlki “Qəbələ”miz, “Bakı”mız yoxdur. Düzdür, “Ulduz”, “Neftçi”, “Sabah” kimi akademiyalara diqqət var, onlar daha yaxşıdır. Lakin ümumi götürəndə, bu akademiyalarla iş bitməməlidir. Digər akademiyalar tam olaraq akademiya standartlarına cavab vermir. Valideyn də bilmir uşağı oxutsun, ya idmana göndərsin”.

Məşqçi uşaq futbolunda maliyyənin rolundan, oyun sayının çox olmasının faydalarından da söz açdı:

“Maliyyəsiz futbol mümkün deyil. Azərbaycanda uşaq komandası həftədə 2-3 dəfə məşq edirsə, Türkiyə akademiyalarında hər gün məşq və həftədə  2-3 oyun olur. Türkiyədə aşağı yaş komandaların oyun, məşq sayına diqqət edirlər. Nə qədər çox çalışsan, o qədər bilik qazanırsan. Bizdə isə elə deyil. Məşqlərin də, oyunların da sayı azdır. Ona görə inkişaf onlarla müqayisədə aşağıdır”.

Məmmədov bundan sonra da ölkə xaricində təcrübə keçmək planının olduğunu bildirdi:

“Bu mövzuda klub rəhbərliyi dəstəyini göstərir. Özüm də biliklərimi artırmaq üçün yeni səfərlər nəzərdə tutmuşam. Hələ hansı ölkəyə gedəcəyim məlum deyil. Bütün məşqçilər üçün belə səfərlər, təcrübələr lazımdır”.

Şahin Cəfərov

Futzal üzrə Azərbaycan çempionatında (Yüksək Liqa) 2025/2026-cı illər mövsümünün 16-cı turunun oyunlarına təyinatlar açıqlanıb.

Arena.az xəbər verir ki, bu barədə Azərbaycan Futzal Federasiyasının mətbuat xidməti məlumat yayıb.

Qeyd edək ki, 16-cı turun oyunları aprelin 2-də “Olimpik Star”da keçiriləcək.

Xatırladaq ki, “Lənkəran” maliyyə problemlərinə görə çempionatda iştirakını dayandırdığı üçün lider “Neftçi” 16-cı turda meydana çıxmadan 3 xal qazanacaq.

Yüksək Liqa
16-cı tur
2 aprel

Araz-Naxçıvan – Baku Fire
Hakimlər: Knyaz Əmiraslanov, Hidayət Feyzullayev, Ramil Namazov
Hakim-inspektor: Murad Məmmədov
Bakı. “Olimpik Star”. Saat 14:00.

Şuşa – U-19
Hakimlər: Əli Cəbrayılov, İmran Məhərrəmov, Hikmət Qafarlı.
Hakim-inspektor: Azad Hüseynov.
Bakı. “Olimpik Star”. Saat 16:00.

Xallar: Neftçi İK – 40. Araz-Naxçıvan – 37. Baku Fire – 29. Şuşa – 18. U-19 – 9. Lənkəran – 0.

Bombardirlər: Sadeq Caviditavar (“Şuşa”) – 23 qol. Luicci Lonqo (“Araz-Naxçıvan”), Rüstəm Bağırov (“Şuşa”), Allef Mayolli (“Neftçi” İK) – 21 qol.

“FIFA Series-2026” beynəlxalq turniri çərçivəsində bu gün keçiriləcək Azərbaycan – Syerra Leone matçının hakimləri bəlli olub.

Arena.az xəbər verir ki, bu barədə AFFA-nın rəsmi saytı məlumat yayıb.

Qarşılaşmanı Özbəkistandan olan hakimlər briqadasının idarə edəcək. Oyunun baş hakimi Asker Nacafaliyev olacaq. Ona yan xətt hakimləri İslom Azimov və Baxtiyorxuca Şavkatov kömək edəcəklər. Dördüncü hakim funksiyasını Axrol Ruskullayev yerinə yetirəcək.

Qeyd edək ki, Mehdi Hüseynzadə adına Sumqayıt şəhər stadionunda keçiriləcək bu görüşə saat 19:00-da start veriləcək.

FİFA Series-2026
30 mart

19:00. Azərbaycan – Syerra Leone
Baş hakim: Asker Nacafaliyev
Baş hakimin köməkçiləri: İslom Azimov, Baxtiyorxuca Şavkatov
Dördüncü hakim: Axrol Ruskullayev (Hakimlər briqadası Özbəkistandandır).
Mehdi Hüseynzadə adına Sumqayıt şəhər stadionu.

“Lion”un hücumçusu Endrik açıqlama verib.

Futbolpress.az “FourFourTwo” portalına istinadən xəbər verir ki, braziliyalı futbolçu yayda keçiriləcək dünya çempionatında mümkün iştirakı ilə bağlı danışıb:

“Açığı, bir neçə ay əvvəl dünya çempionatında oynaya biləcəyimə inanmırdım. Amma şükürlər olsun, indi hər şey qaydasındadır. Daha yaxşı olmalıyam və fiziki durumumu yüksək səviyyədə saxlamalıyam. İnanıram ki, yayda mundialda mən də olacağam”.

Endrik mövsümün əvvəlində “Real”da az şans qazandığı üçün Braziliya yığmasına dəvət almırdı. Yanvarda Fransanın “Lion” klubuna keçən və mütəmadi şans qazanan Endrik artıq özünü doğruldub və millinin son toplanışında yer alıb.

Portuqaliyalı mütəxəssis Joze Mourinyo braziliyalı futbolçu Neymarın milli komandaya çağırılmamasını tənqid edib.

Futbolpress.az xarici KİV-ə istinadən xəbər verir ki, “Benfika”ya rəhbərlik edən Mourinyo “Santos”da çıxış edən futbolçuya dəvət göndərməməyin yanlış olduğunu deyib:

“Neymara hörmətsizlik etdilər. Portuqaliyada Ronaldonun, Argentinada Messinin heyətə çağırılmadığını düşünün. Neymar da Braziliya millisi üçün bu səviyyədədir. Baş məşqçi Karlo Ançelotti onu çağırmamaqla böyük səhv etdi”.

Braziliya millisinin çalışdırıcısı Karlo Ançelotti Neymarın fiziki durumunun yaxşı olmaması səbəbindən onu yığmaya dəvət etmədiyini açıqlayıb.

“FIFA Series – 2026” çərçivəsində bu gün keçiriləcək Azərbaycan – Syerra Leone oyununun hakimləri açıqlanıb. Msport.az xəbər verir ki,  matç […]

Source

17 yaşadək futbolçulardan ibarət Azərbaycan millisi (U-17) bu gün Maltanın müvafiq yaş qrupundan ibarət kollektivi ilə qarşılaşacaq.

Arena.az xəbər verir ki, sözügedən komandalar Avropa çempionatının seçmə mərhələsinin 2-ci raundu çərçivəsində üz-üzə gələcəklər.

B Liqasının 2-ci qrupunda yer almış millimiz bu rəqiblə Bolqarıstanın Plovdiv şəhərində qarşılaşacaq. “Nikola Şterev – Starika İdman Kompleksi”ndə keçiriləcək görüşə Bakı vaxtı ilə saat 14:00-da start veriləcək. Oyunu Şimali Makedoniya və Bolqarıstandan olan hakimlər briqadası idarə edəcək.

Xatırladaq ki, millimiz bu turnirdəki ilk oyununda meydan sahibi Bolqarıstan yığması ilə qarşılaşmışdı. Həmin matçda qalib müəyyənləşməmişdi – 1:1. İkinci turda Litva ilə qarşılaşmış U-17 millimiz həmin oyundan da 1 xalla ayrılmışdı – 0:0.

Avropa çempionatının seçmə mərhələsi
B Liqası, 2-ci qrup
30 mart

14:00. Azərbaycan – Malta
Baş hakim: Trpçevski Stoyanço (Şimali Makedoniya).
Baş hakimin köməkçiləri: Darko Vidiniç (Şimali Makedoniya), Todor Vukov (Bolqarıstan).
Dördüncü hakim: Georgi Stoyanov (Bolqarıstan).
Plovdiv, Nikola Şterev – Starika İdman Kompleksi.

Xallar: Litva – 4. Bolqarıstan- 4. Azərbaycan – 2. Malta – 0.

Futbol üzrə Azərbaycan milli komandası bu gün “FIFA Series-2026” yoldaşlıq turnirində Syerra Leone ilə qarşılaşacaq.

Futbolpress.az-ın məlumatına görə, milli tarixində üçüncü dəfə Afrika təmsilçisi ilə üz-üzə gələcək.

Azərbaycanın əsas yığması buna qədər Kamerun və Mərakeşlə qarşılaşıb. Hər iki matç yoldaşlıq xarakterli olub. Milli 2004-cü ildə Kamerunla heç-heçə edib (0:0), 2018-ci ildə isə Mərakeşə uduzub (0:1).

Kamerunla görüş neytral meydanda – Tunisdə, Mərakeşlə duel isə Kasablankada olub.

Syerra Leone yığması isə sonuncu dəfə 1971-ci ildə Avropa komandası ilə üz-üzə gəlib. Milli həmin ilin yanvarında Qərbi Almaniyanın B komandası ilə yoldaşlıq oyunu keçirib və 0:1 hesabıyla uduzub.

Syerra Leone sonuncu dəfə 2018-ci ildə Afrikadan olmayan bir komandayla üz-üzə gəlib. Afrikalılar Asiyanı təmsil edən İranla yoxlama matçında 0:4 hesabıyla məğlub olub.

Şahin Cəfərov

İqor Tudorla yollarını ayıran “Tottenhem”in müvəqqəti baş məşqçisi məlum olub.

Futbolpress.az xəbər verir ki, komandanın “sükanı” mövsümün sonuna kimi Ben Deyvisə həvalə olunacaq. Bu barədə “The Telegraph” nəşri məlumat yayıb. Təyinatın yaxın zamanda açıqlanacağı gözlənilir.

Ben Deyvis hazırda komandanın oyunçusudur. O, bu mövsüm 3 oyunda meydana çıxıb.

“Tottenhem” Premyer Liqada 17-ci sıradadır. London klubu dünən baş məşqçisi İqor Tudoru istefaya göndərib.

Bu gün Azərbaycan II Liqasında XX tura yekun vurulacaq.

Futbolpress.az xəbər verir ki, sonuncu gündə bir qarşılaşma keçiriləcək.

Turnir cədvəlinin ikinci sırasında qərarlaşan “Xankəndi” “Kür-Araz”la qarşılaşacaq. Matça saat 14:00-da start veriləcək.

Azərbaycan II Liqası
XX tur

30 mart

19:00 Xankəndi – Kür-Araz
“Palms Sports” arena, IV meydança

“Zaqatala”nın baş məşqçisi Rüstəm Məmmədov Türkiyənin “Başakşəhər” klubunun düşərgəsində təcrübə keçir.

Futbolpress.az-ın məlumatına görə, mütəxəssis “PRO” kateqoriyalı məşqçilik kursları çərçivəsində Türkiyəyə səfər edib.

Məmmədov səfər zamanı həm əsas komandanın baş məşqçisi Nuri Şahin, həm də klubun digər rəsmiləri ilə görüşüb, onlarla bir sıra məsələlərdə fikir mübadiləsi aparıb.

Şahin Cəfərov

17 yaşadək futbolçulardan ibarət Azərbaycan milli komandası Avropa çempionatının seçmə mərhələsinin II raundunda bu gün son oyununa çıxacaq.

Futbolpress.az xəbər verir ki, B liqasının 2-ci qrupunda yer alan millimiz Bolqarıstanın Plovdiv şəhərindəki son görüşündə Malta yığması ilə qarşılaşacaq. “Nikola Şterev – Starika İdman Kompleksi”ndə keçiriləcək matç Bakı vaxtı ilə saat 14:00-da başlayacaq. Qarşılaşmanı Şimali Makedoniya və Bolqarıstandan olan hakimlər briqadası idarə edəcək.

Azərbaycan yığması qrupda Bolqarıstanla 1:1, Litva ilə isə 0:0 hesablı heç-heçə edib.

30 mart

14:00. Azərbaycan (U-17) – Malta (U-17)
Baş hakim: Trpçevski Stoyanço (Şimali Makedoniya)
Baş hakimin köməkçiləri: Darko Vidiniç (Şimali Makedoniya), Todor Vukov (Bolqarıstan)
Dördüncü hakim: Georgi Stoyanov (Bolqarıstan)
Plovdiv, Nikola Şterev – Starika İdman Kompleksi

UEFA Fransanın “Lill” klubunu cərimələyib.

Futbolpress.az xəbər verir ki, buna səbəb fanatların Avropa Liqasında “Aston Villa” ilə ev oyununda açdığı pankartlar olub.

Fransalı fanatlar “Fransızlar heç vaxt ölmür”, “Qürurlu. Güclü. Amansız” və “Janna qılıncını qaldırır və “Lill” mübarizəni davam etdirir” yazılan pankartlar açıb.

UEFA pankartlarla yanaşı, azarkeşlərin priotexniki vasitələrdən istifadəsinə görə klubu ümumilikdə 82 min 750 məbləğində cərimələyib.

17 yaşadək futbolçulardan ibarət Azərbaycan millisi bu gün Avropa çempionatının seçmə mərhələsinin 2-ci raundu çərçivəsində növbəti oyununa çıxacaq. Msport.az xəbər […]

Source

“Tottenhem”in baş məşqçi postuna əsas namizədin adı məlum olub. Msport.az xəbər verir ki. bu barədə insayder Fabritsio Romano məlumat yayıb. […]

Source

“Mançester Yunayted” “Nyukası”ın futbolçusu Sandro Tonali ilə danışıqlara başlayıb. Msport.az xəbər verir ki, bu barədə insayder Fabritsio Romano paylaşım edib. […]

Source

Azərbaycan millisi “FIFA Series – 2026” çərçivəsində bu gün ikinci oyununa keçirib Msport.az xəbər verir ki, Ayxan Abbasovun rəhbərlik etdiyi […]

Source

Futbol üzrə Azərbaycan millisi bu gün ölkəmizdə keçirilən “FIFA Series-2026” beynəlxalq turniri çərçivəsində son oyununa çıxacaq.

Arena.az xəbər verir ki, Ayxan Abbasovun rəhbərlik etdiyi millimiz turnirdəki ikinci matçında Syerra Leone yığması ilə qarşılaşacaq.

Sumqayıtda keçiriləcək görüşə saat 19:00-da start veriləcək.

Xatırladaq ki, millimiz bu turnirdəki ilk oyununda Sent Lüsiya yığması ilə qarşılaşmışdı. Eyni məkanda baş tutmuş görüşdə komandamız 6:1 hesablı qələbəyə sevinmişdi.

Syerra Leone yığması isə bu turnirdə ilk görüşünü keçirəcək. Çünki Oman yığması Bakıya gəlməkdən imtina etdiyi üçün, Afrika təmsilçisinin martın 27-də keçirilməli olan ilk görüşü baş tutmamışdı.

FIFA Series-2026
30 mart

19:00. Azərbaycan – Syerra Leone
Sumqayıt. Mehdi Hüseynzadə adına Sumqayıt şəhər stadionu.

Rusiyanın “Ural” klubu baş məşqçisi Vasili Berezutski ilə yollarını ayıra bilər.

Futbolpress.az xəbər verir ki, bu barədə “Sport24” nəşri məlumat yayıb. Yekaterinburq təmsilçisi komandanın uğursuz çıxışına görə mütəxəssislə yolları ayırmağı düşünür.

“Ural” Rusiya I Liqasında 3-cü sıradadır. Berezutskinin gəlişindən öncə isə komanda ikinci pillədə qərarlaşmışdı. Mütəxəssis ötən ilin dekabrından “Ural”ı çalışdırır.

Vasili 2024-2025 mövsümündə “Sabah”a rəhbərlik edib. Komanda onun başçılığı altında ötən il Azərbaycan Kubokunu qazanıb.

“Oyundan görüntülərə göz yaşları içində baxmışam” – Rusiyada yaşayan bir azərbaycanlının dünən mənə yazdığı mesajdan bir cümlə…

2012/13-cü illərdə mənimlə tez-tez ünsiyyət quran əslən Masallıdan olan ağsaqqal yaşda “Xəzər Lənkəran” azarkeşi sentimental hisslər oyatdı məndə.

Səhər dalaşıb, günorta barışıb, axşam yenidən dalaşırdı…

O vaxt mənimlə belə emosional natarazlıqla ünsiyyət quran “Xəzər Lənkəran” fanatları çox idi. Hər birini anlamağa çalışırdım.

Onlar elə bilirdi ki, XL-in “düşməni” mənəm. Bir az yönləndirmə də var idi, ancaq mən hər şeyin saf, təbii tərəfini düşünməyi üstün tutmağı xoşlayıram. O azarkeşlər o dərəcədə azarkeş idilər ki, sevdiyi kluba bircə kəlimə qınaq tərkibli söz də qondarmazdılar.

“Xəzər Lənkəran”a nə qədər bürokratik badalaqlar vurulsa da, öz yanlış idarəetməsindən dağılacağını yazdığım vaxtlar idi. Bu idi məni onlara “düşmən” cildində göstərən.

Xülasə, getsin o dövrlər…

Təəssüf ki, təhlillərim, proqnozlarım, xəbərlərim doğru çıxmışdı. 2014-də öləziyən “Cənubun mirvarisi” tədricən səhnədən çəkilməyə, qüruba enməyə başladı.

Elə həmin vaxt yazdıqlarıma görə gözünə “düşmən” qismində göründüyüm əksəri zaman-zaman geri döndü, münasibətlərini bərpa etdi. Olanlara görə heyfsləndilər, üzr istədilər.

Heç nə XL-i xilas edə bilmədi. Yalnız özü istəsə, yaşaya bilərdi, boş şeydir, “məhv etdilər” kimi iddilar…

***

Çoxunun xəyalında “Xəzər Lənkəran” yaşayır. Süquta uğramayıb. Reinkarnasiyasına sidq-ürəkdən inananlar, yenidən əzəmətli və sevimli halı ilə bərqərar olacağını böyük inamla gözləyənlər var. Bu halına görə o “Xəzər Lənkəran”ı obrazlı olaraq Latın dilinə bənzətmişdim – özü tarixin yaddaşına köçən, lakin dili yaşayan xalq…

***

Son illər fərqli addımlar atılıb, lakin bərpası mümkün olmayıb. Nisgili qəlbində közərən çox azarkeş bərpasını görmədən köçdü dünyadan, çoxununsa inamı korşalmaqdadır.

2-3 il idi ki, bu ad/mövzu səngiməkdə idi.

Dünən Region Liqasının 1/8 finalında “Bərdə”ni 2:0 hesabıyla məğlub edib 1/4-ə yüksələn “Lənkəran” rəqibi “Fırtınalar meydanı”nda qarşılamışdı.

7 minə yaxın azarkeş!

Region Liqasının 1/8 final oyunu və 7 min insan stadionda… görüntülərdə nisgilqarışıq sevinc, fəxarət hissi adamı öz ağuşuna alır…

Qərib diyarda yaşayan o azarkeşin görüntüləri göz yaşları içində izləməsini deməsi xəyalımda nə epizodlar canlandırdı. Və qəhər düyünü top şəklində uzaqdan vurulmuş möhkəm zərbə kimi üzümə dəymiş hissi yaratdı.

Söz tapmadım.

O azarkeşin gözləriylə baxdım o kadrlara. Dəfələrlə…

Futbol sevildiyi yerdə çiçək açar. Futbolumuzu “baharından məhrum edənlər” o boyda azarkeşin qəhərində, nisgilində boğulacaq!

Elçin Cəlilov

Azərbaycan milli komandası “FIFA Series-2026” turnirində bu gün final oyununa çıxıb.

Futbolpress.az xəbər verir ki, Ayxan Abbasovun rəhbərlik etdiyi kollektiv Syerra Leone yığması ilə qarşılaşıb. Mehdi Hüseynzadə adına Sumqayıt şəhər stadionunda baş tutan görüşün əsas vaxtı bərabərliklə başa çatıb. Penaltilər seriyasında daha dəqiq olan milli qalib adını qazanıb.

Azərbaycan yığması bundan əvvəl Sent Lüsiya millisinə qalib gəlib – 6:1.

“FIFA Series-2026”

30 mart

19:00 Azərbaycan – Syerra Leone 1:1 (penaltilər 9:8)

Qollar: Rahil Məmmədov, 72 – Kanu, 28
Mehdi Hüseynzadə adına Sumqayıt şəhər stadionu

“Bayern”in baş məşqçisi Vensan Kompani münhenlilərin fransalı cinah hücumçusu Maykl Olise haqda qənaətini açıqlayıb.

Arena.az belçikalı mütəxəssisin müvafiq açıqlamasını təqdim edir:

“İşinə müvafiq münasibətlə Olisenin, dünyada ən yaxşı oyunçulardan biri olmaq üçün bütün imkanları var. O, xüsuslara çox diqqətcildir”, deyə Kompani vurğulayıb.

Vensan Kompani Münhen komandasının bütün heyətinin, milli komandalar üçün mart ayında nəzərdə tutulmuş yaz fasiləsindən sonra tam əlçatan olacağına ümid bəslədiyini də vurğulayıb:

“Ümidvaram, yaz fasiləsindən sonra bütün heyət tamamilə ixtiyrımızda olacaq”, deyə Kompani vurğulayıb.

Xatırladaq ki, “Bayern” Maykl Oliseni 2024-cü ilin iyul ayında İngiltərənin “Kristal Pelas” klubundan 53 milyon avro müqabilində heyətinə qatıb. 23 yaşlı futbolçunun Münhen klubu ilə 2029-cu ilin 30 iyununadək müqaviləsi var.

Olise “Bayern”in heyətində 94 oyuna çıxıb, 36 qol və 50 məhsuldar ötürmə müəllifi olub.

Olise daha öncə “Kristal Pelas” və “Ridinq” klublarının uğurları üçün çalışıb.

Fransanın U-18, U-21 və U-23 yığmalarında da oynamış futbolçu 2024-cü ilin sentyabr ayında əsas millidə debüt edib. O, Fransa millisinin heyətində 14 oyun keçirib, 4 qol vurub, 3 məhsuldar ötürmə verib.

“Transfermarkt” internet-portalı 24 yaşlı hücumçunun transfer dəyərini 140 milyon avro məbləğində qiymətləndirir.

İspaniya nəhəngi “Real”ın müvəqqəti baş məşqçisi Alvaro Arbeloa “qaymaqlılar”ın sükanı arxasındakı işini şərh edib.

Arena.az ispan mütəxəssisin müvafiq fikrini təqdim edir:

“Təriflər içində üzmürəm və bilirəm ki, növbəti uğursuzluq halında mənə yenidən şübhə ilə baxacaqlar. Bu, mənim üçün yenilik və gözlənilməzlik deyil”, deyə Arbeloa vurğulayıb.

“Real”ın baş məşqçisi “qaymaqlılar”ın oyunçusu olmaq üçün gərəkli şərti də açıqlayıb:

“Real”ın oyunçusu olmaq çətindir – qalib zehniyyətə malik olmalısan. Mütləq güc-qüvvəni fəda etməlisən”, deyə Arbeloa vurğulayıb.

Xatırladaq ki, Alvaro Arbeloa bu ilin yanvar ayında “Real”a müvəqqəti baş məşqçi təyin edilib. Madrid təmsilçisi 43 yaşlı mütəxəssisin rəhbərliyi altında indiyə qədər 17 oyuna çıxıb. “Qaymaqlılar” bu görüşlərdə 13 qələbə qazanıblar, 4 məğlubiyyətə üzülüblər.

İngiltərə Premyer Liqasında mübarizə aparan “Tottenhem” baş məşqçisi İqor Tudorla yollarını ayırdığını açıqlayıb.

Arena.az bu barədə London klubunun rəsmi saytına istinadən xəbər verir.

Klubun bəyanatında bildirilir ki, tərəflər qarşılıqlı razılıq əsasında yollarını ayırmağa qərar veriblər. Klub rəhbərliyi Tudor və onun məşqçi heyətinə son həftələrdəki əməklərinə görə təşəkkür edib, həmçinin şəxsi itkisi ilə bağlı ona və ailəsinə dəstəklərini bildiriblər.

Xatırladaq ki, xorvatiyalı mütəxəssis fevralın 14-də bu komandaya baş məşqçi təyin edilmişdi. Premyer Liqa təmsilçisi İqor Tudorun rəhbərliyi altında cəmi 7 oyun keçirib, bunların yalnız 1-də qələbə qazanıb, 1-də heç-heçə edib, 5-də isə məğlub olub.

“Tottenhem” hazırda Premyer Liqada 31 oyuna topladığı 30 xalla 17-ci pillədə qərarlaşıb. Londonlular 31 oyunda 7 qələbə qazanıblar, 9 heç-heçə ediblər, 15 məğlubiyyətə üzülüblər.

Region Liqasında 1/8 final mərhələsinin oyunları keçirilir.

Futbolpress.az xəbər verir ki, “Lənkəran” bu turda “Bərdə” ilə qarşılaşıb. Matç “Lənkəran”ın qələbəsiylə başa çatıb – 2:0.

Komandanın növbəti rəqibi hələ məlum deyil.

“Bayern”in və Almaniya millisinin sabiq müdafiəçisi Jerom Boatenq haqqında Münhen prokurorluğu cinayət işi qaldırıb. Msport.az xəbər verir ki, veteran futbolçu […]

Source

Almaniya millisinin baş məşqçisi Yulian Naqelsman Mark Andre Ter Şteqen DÇ-2026-da oynaya bilməsə, onun əvəzləyicisini müəyyənləşdirib. Msport.az xəbər verir ki, […]

Source

“Tottenhem” istefaya göndərdiyi baş məşqçisi İqor Tudora təzminat ödəməyəcək. Msport.az xəbər verir ki, xorvatiyalı mütəxəssis müqavilənin vaxtından əvvəl pozulmasına görə […]

Source

“Nyukasl”ın futbolçusu Sandro Tonali yayda klubunu dəyişə bilər.

Futbolpress.az xəbər verir ki, “Mançester Siti” və “Mançester Yunayted” italiyalı yarımmüdafiəçinin xidmətində maraqlıdır. Bu barədə “Goal” nəşri məlumat yayıb.

Tonali yayda klubdan ayrılmağa müsbət yanaşır. O, hələ seçimini etməyib.

Yarımmüdafiəçi bu mövsüm Premyer Liqada 29 oyunda 2 məhsuldar ötürmə edib.

Azərbaycan II Liqasında XX turun növbəti oyunları keçirilib.

Futbolpress.az xəbər verir ki, “Qaradağ Lökbatan” – “Şirvan” matçında 10 qol vurulub.

“Quba” “Ağstafa Gəncləri”ni məğlub edib.

Azərbaycan II Liqası
XX tur

29 mart

“Ağstafa Gəncləri” – “Quba” 0:1
Qol: Bəhram Köçərli, 32.

“Ağdaş” – “Araz Saatlı” 0:0

“Şəmkir” – “Göygöl” 0:0

“Qaradağ Lökbatan” – “Şirvan” 7:3
Qollar: Rəhman Quliyev, 3. Ramil Orucov, 40; 73. Rövşən Şahmuradov, 53; 60-pen. Emil Quluzadə, 86. Sabir Allahquliyev, 87 – Elgün Xəlilov, 13. Elcan Rəsulov, 43. Ramiz Məmmədov, 79.

“Tottenhem” baş məşqçisi İqor Tudorla vidalaşıb.

Futbolpress.az xəbər verir ki, bu barədə klubun mətbuat xidməti məlumat yayıb. Mütəxəssislə müqaviləyə qarşılıqlı razılaşma əsasında xitam verilib.

Tudor ötən aydan komandaya rəhbərlik edirdi. “Tottenhem” onun başçılığı altında 7 oyunda 1 qələbə qazanıb, 5 dəfə uduzub.

“Tottenhem” baş məşqçisi Iqor Tudorla yollarını ayırdığını açıqlayıb. Msport.az xəbər verir ki, tərəflər qarşılıqlı razılıq əsasında müqaviləyə xitam veriblər. Xorvatiyalı […]

Source

Azərbaycan millisinin müdafiəçisi Qismət Alıyev “FIFA Series-2026” turnirində Syerra Leone ilə oyundan gözləntisini açıqlayıb.

Arena.az xəbər verir ki, sözügedən komandalar sabah Sumqayıtda üz-üzə gələcəklər.

Qismət Alıyev matçdan öncə təşkil edilmiş mətbuat konfransında bunları söyləyib:

“Sabah millimiz üçün daha bir önəmli matç olacaq. Bizim üçün belə oyunların olması UEFA Millətlər Liqası öncəsi çox vacibdir. Qələbəsizlik seriyası var idi. Son görüşdə inamlı oynayaraq, bu tilsimi qıra bildik. Sabahkı matçda da ən yaxşısını etməyə çalışacağıq ki, xalqımızı sevindirək.

“Zirə”də ən yaxşısını etməyə çalışıram ki, milliyə dəvət alım. Millinin seçimlərinə hörmət edirəm. Bu gün kimlər millidədirsə, demək ki, ona layiqdirlər”.

Xatırladaq ki, sabah Sumqayıtda keçiriləcək Azərbaycan – Syerra Leone oyununa saat 19:00-da start veriləcək.

Azərbaycan millisinin baş məşqçisi Ayxan Abbasov “FIFA Series-2026” turnirində Syerra Leone ilə oyundan gözləntisini açıqlayıb.

Arena.az xəbər verir ki, sözügedən komandalar sabah Sumqayıtda üz-üzə gələcəklər.

Ayxan Abbasov matçdan öncə təşkil edilmiş mətbuat konfransında bunları söyləyib:

“Turnirdə ikinci oyunumuza çıxırıq. Rəqib isə ilk matçını keçirəcək. Bu mənada üstünlükləri var. Buna baxmayaraq, evdə oynayırıq. Azarkeşlərimizin dəstəyi ilə qalib gəlmək istəyirik. Rəqib bu dəfə fərqlidir. İlk rəqiblə müqayisədə, reytinq baxımından bizdən öndədirlər. Son oyunlarını təhlil etmişik. Optimal heyət gəlib. Oyundan-oyuna bizdə yaxşı mənada fərq olmalıdır. Bir toplanışımız qalıb. İnanıram ki, birinci oyundakı ciddiyyət və istəkdən daha fərqli olacaq. Rəqib bunu tələb edir. Hazırıq.

Sent Lüsiya ilə oyunda hava və meydança ağır idi. Amma rəqib də eyni şəraitdə oynayırdı. Fiziki yüklənmə baxımından çətin oldu. Buna baxmayaraq, ilk hissədə Rəhman Daşdəmirovdan başqa bütün futbolçuları dəyişdik. İkinci hissədə meydana girənlər də tempi yüksək tutdular, çox fərq hiss olunmadı.

Səhv etmirəmsə, ilk dəfədir millimiz Afrika təmsiçisi ilə qarşılaşır. Tanımadığımız rəqiblərlə oynamaq yaxşıdır, futbolçular üçün dəyişiklik olar. Rəqib reytinqdə bizdən üstün ola bilər. Bu xalları elə-belə qazanmırlar. Fransa yüksək liqasında oynayan müdafiəçiləri var, topla yaxşı oynayırlar, texnikalıdırlar. Yaxşı oyun olacaq.

Heyətdə dəyişiklik olacaq. Buna ehtiyac var. Bəzi dəyişikliklər gözlənilir. Millidə 1-ci və 2-ci heyət aurasının olmamasını istəyirik. Çünki hamı hazır olmalıdır. Klubdan fərqli, ən yaxşılar buradadır. Rəqibə görə də nələrsə düşünəcəyik.

Bu turnirdə bərabərlik olandan sonra dərhal penaltilərə keçiləcək. Kimsə qalib gəlməlidir. Bu turniri təşkil edən FİFA-dır. Rəqibləri biz seçmirik. Hər bir rəqibə hörmət etməliyik. Bizdən də qat-qat güclü rəqiblərlə oynadıq. Onların bizə necə hörmət etdiyini gördük. Reytinqdə zəif olan komandalara da uduzmuşuq. Zəiflə də mübarizə aparmaq lazımdır. İlk görüşdə futbolçuların oyuna yanaşması düz idi”.

Ayxan Abbasov milli ilə müqaviləsinin müddətini açıqladı

Ayxan Abbasov həm “Şamaxı”, həm də milli komanda ilə müqaviləsinin müddətindən, eləcə də uğurlu nəticələri davam etdirmək imkanlarından da söhbət açıb:

“Klubla müqaviləmizin müddəti yayda bitir. Mili ilə də danışığımız olmuşdu ki, yay toplanışından sonra mövzuları müzkairə edəcəyik. İlin sonuna qədər müqaviləm var. Bu turnir önəmlidir. Oyunlarımıza, nəticələrimizə əsasən qərarlar veriləcək.

Millidə qalib gəlmək məşqçi üçün çox böyük sevincdir. Hər məşqçinin arzusudur ki, millidə qalib gəlsin. Ardıcıl ikinci qələbə futbolçular və məşqçilər üçün böyük motivasiya olar. İstəyirik ki, ilin sonuna qədər yaxşı statistika yaransın. Yoldaşlıq görüşləri və qrupdakı rəqiblər imkan verir ki, yaxşı mübarizə aparaq, yaxşı nəticələr qazanaq. 2026 ən yaxşı ilimiz ola bilər.

Biz ötən il ağır oyunlar keçmişik. Fransa ilə iki ağır oyun oynamaq elə iki illik stressə bəs edir. Kənardan asan gələ bilər. Futbolçular da çox əziyyət çəkdilər. Ukrayna və İslandiya görüşlərdə də həmçinin. Qarşıda isə San Marino və Malta ilə oyunlarımız olacaq. Zəif rəqiblər deyil. FİFA pəncərəsi açıq olanda yaxşı rəqiblər istəyirik. Bir çox rəqiblərlə danışırdıq. Amma rəqib də səni seçməlidir. Futbolçularımız avrokuboklarda, ÇL-də oynayacaqlar. Futbolçular boş dayanmırlar. Allah qoysa, problem olmaz”.

Bu gün Azərbaycan Basketbol Liqasında (ABL) müntəzəm mövsümün sonuncu – 20-ci turunun növbəti oyunu keçirilib.

Arena.az xəbər verir ki, ikinci oyun günündə bir qarşılaşma baş tutub.

A qrupunda yer alan komandaların dueli Şəki Olimpiya İdman Kompleksində təşkil edilib. “Şəki” doğma meydanda “Gəncə”yə 73:84 hesabı ilə uduzub.

A qrupunda 20-ci turun qalan oyunları martın 30-31-də baş tutacaq.

A qrupu: Sabah – 37. Abşeron Lions – 36. Gəncə – 29. Neftçi – 28. NTD – 22. Şəki – 22.

Xatırladaq ki, ABL oyunları dörd dövrədən və 20 turdan ibarət olacaq. Müntəzəm mövsümün oyunları A və B qruplarına bölünməklə keçirilir. Müntəzəm mövsümdə A qrupunu ilk 3 sırada tamamlamış klublarla yanaşı, B qrupunu lider bitirmiş komanda pley-offun 1/4 final mərhələsinə vəsiqə qazanacaq. A və B qruplarında digər yerləri tutmuş komandalar isə pley-offun 1/8 final mərhələsində üz-üzə gələcəklər. Bu mərhələdə ən tez iki qələbə qazanacaq klublar 1/4 finala yüksələcəklər. Həm 1/4 final, həm də yarımfinal seriyaları 2 qələbəyə qədər davam edəcək.

Final seriyasında isə ən tez 3 qələbə qazanacaq klub Azərbaycan Basketbol Liqasının çempionu olacaq.

“Qarabağ” Azərbaycan Kubokunun yarımfinal mərhələsinin ilk oyununda aprelin 3-də “Sabah”ı qəbul edəcək.

Futbolpress.az xəbər verir ki, “atlılar” oyuna gəlmək istəyən xanım fanatlar üçün jest edib. Belə ki, xanım azarkeşlər üçün giriş pulsuz olacaq.

Tofiq Bəhramov adına Respublika stadionunda baş tutacaq görüşə saat 20:00-da start veriləcək.

Azərbaycan milli komandası “FIFA Series-2026” yoldaşlıq turnirində sabah Syerra Leone millisi ilə qarşılaşacaq.

Futbolpress.az xəbər verir ki, millinin futbolçusu Qismət Alıyev matçdan əvvəl təşkil olunan mətbuat konfransında iştirak edib. O, əvvəlcə görüşlə bağlı fikirlərini bildirib:

– Milli üçün önəmli matç olacaq. Bizim üçün belə oyunların olması Millətlər Liqası görüşləri öncəsi daha vacibdir. Qələbəsizlik seriyası var idi. Son görüşdə inamlı oynayaraq, bu tilsimi qıra bildik. Sabahkı matçda da ən yaxşısını etməyə çalışacağıq ki, xalqımızı sevindirək.

– Milli komandada sizin mövqeyinizdə alternativ kimi yalnız Abdulla Rzayev var. Rəqabətin zəif olması durumunuza necə təsir edir?
– “Zirə”də ən yaxşısını etməyə çalışıram ki, milliyə dəvət alım. Millinin seçimlərinə hörmət edirəm. Bu gün kimlər millidədirsə, demək ki, ona layiqdir.

Şahin Cəfərov

Azərbaycan milli komandası “FIFA Series-2026” yoldaşlıq turnirində sabah Syerra Leone millisi ilə qarşılaşacaq.

Futbolpress.az xəbər verir ki, millinin baş məşqçisi Ayxan Abbasov matçdan əvvəl təşkil olunan mətbuat konfransında iştirak edib. O, əvvəlcə görüşlə bağlı fikirlərini bildirib:

– Turnirdə ikinci oyunumuza çıxırıq. Rəqibin isə birinci oyunudur. Bu baxımdan onların bir az üstünlükləri var. Amma oyun evimizdədir və azarkeşlərimizin dəstəyi ilə qələbə qazanmağa çalışacağıq. Syerra Leone yığması Sent Lüsiyadan daha güclüdür. Reytinqdə də bizdən üstündürlər. İnanıram ki, komandamız bu oyunda daha istəkli olacaq. Millətlər Liqasına qədər bir toplanışımız qalıb. Hazır olmağa çalışacağıq.

– İlk oyunda yağışın yağması meydançaya təsir göstərib. Bu sizi narahat edir?
– Həmin oyunda hava və meydança ağır idi. Lakin rəqib də eyni şəraitdə oynayırdı. Fiziki yüklənmə baxımından çətin oldu. Buna baxmayaraq, ilk hissədə Rəhman Daşdəmirovdan başqa bütün futbolçuları dəyişdik. İkinci hissədə meydana girənlər də tempi yüksək tutdu, çox fərq hiss olunmadı.

– Canni De Byazinin belə bir uğur gətirən inancı (totemi) var idi: qələbələrdən sonra mətbuat konfransına Emin Mahmudovla gəlirdi. Siz niyə belə etmədiniz?
– Millidə olandan bu yana, istəyirəm ki, bütün futbolçular bu məsuliyyəti dərk etsinlər. Onların sizin qarşınıza çıxması və danışması vacibdir. Bizim xüsusi inancımız yoxdur; istəyirik ki, hər kəs mətbuat önünə çıxsın.

– Syerre-Leona millisi haqda çox şey bilmirik. Bu komanda hansı üslubda oynayır, kimdən çəkinmək lazımdır, bilmirik. Onları təhlil edə bilmisiniz?
– Səhv etmirəmsə, ilk dəfədir millimiz Afrika təmsiçisi ilə qarşılaşır. Tanımadığımız rəqiblərlə oynamaq yaxşıdır, futbolçular üçün dəyişiklik olar. Rəqib reytinqdə bizdən üstün ola bilər. Onlar da xalları elə-belə qazanmayıb. Fransa yüksək liqasında oynayan müdafiəçiləri var, topla oynayırlar, texnikalıdırlar.

– Sent Lüsiya ilə matçda ehtiyatdan oyuna qoşulanlardan sabah kimlərə şans verəcəksiniz? Rotasiyalar çox olacaq?
– Bəzi dəyişikliklər gözlənilir. Millidə 1-ci və 2-ci heyət aurasının olmamasını istəyirik. Çünki hamı hazır olmalıdır. Bura ən yaxşılar gəlir. Rəqiblərə görə seçimlər edəcəyik.

– Köməkçilərinizi Millətlər Liqasındakı rəqiblərdən Litva və ya Lixtenşteynin görüşlərinə göndərmisiniz?
– Yay toplanışında rəqiblərimizi yaxından izləmək planımız var. Köməkçilərimiz də orada ola bilər, özümüz də. İndiki yoldaşlıq görüşlərini yaxından izləyirik. Lixtenxşteyn Tanzaniyaya qalib gəldi. Litva Gürcüstanla oynayırdı. Yaxşı, mübariz komandadır. Bizim onlardan böyük üstünlüyümüz yoxdur. Futbolçuların milliyə yaxşı formada gəlməsi vacibdir.

– Sabah bərabərlik qeydə alınarsa, bunu uğurlu hesab etmək olar?
– Bu turnirdə bərabərlik olandan sonra dərhal penaltilərə keçəcəklər. Kimsə qalib gəlməlidir. Bu turniri təşkil edən FIFA-dır. Rəqibləri biz seçmirik. Hər rəqibə hörmət etməliyik. Bizdən də qat-qat güclü rəqiblərlə oynadıq. Onların bizə necə hörmət etdiyini gördük. Reytinqdə zəif olan komandalara da uduzmuşuq. Zəiflə də mübarizə aparmaq lazımdır. İlk oyunda istədiyimiz o idi ki, futbolçular oyuna düzgün yanaşsınlar.

– Qələbə sizin özünüz üçün nə qədər vacibdir?
– Millidə qalib gəlmək məşqçi üçün çox böyük sevincdir. Hər məşqçinin arzusudur ki, millidə qalib gəlsin. Ardıcıl ikinci qələbə futbolçular və məşqçilər üçün böyük motivasiya olar. İstəyirik ki, ilin sonuna qədər yaxşı statistika yaransın. Yoldaşlıq görüşləri və qrupdakı rəqiblər imkan verir ki, yaxşı mübarizə aparaq. Bu il imkan var ki, ən yaxşı ilimiz olsun.

– Bir dəfə demişdiniz ki, müqaviləniz U-21-də fəaliyyətinizə əsasən davam edir. AFFA bu haqda ətraflı açıqlama verməyib. Millətlər Liqasındakı nəticələr millidəki fəaliyyətinizə təsir göstərəcək? Həm də “Şamaxı”nın baş məşqçi axtarışına çıxdığı xəbərlər dolaşır…
– Klubla müqaviləm yaya kimidir. Milli ilə də danışığımız olmuşdu ki, yay toplanışından sonra mövzuları müzkairə edəcəyik. İlin sonuna qədər müqaviləm var. Bu turnir önəmlidir. Qərarlar veriləcək.

– Milli komanda bir müddət özünə bərabər rəqiblərlə qüvvəsini sınayacaq. Daha sonra Avropa çempionatının seçmə mərhələsində güclü komandalarla oynayarkən çətinlik çəkməyəcəksiniz ki? 
– Yox. Məncə, problem olmaz. Ağır oyunlar keçmişik. Fransa ilə iki ağır oyun oynamaq iki illik stressə bəs edir (gülür). Kənardan asan görünə bilər. Futbolçular da çox əziyyət çəkdilər. Ukrayna və İslandiya görüşlərdə də həmçinin. San-Marino və Malta ilə oyunlarımız olacaq. Bunlar zəif rəqiblər deyil. Üstəlik, rəqib seçimi yalnız bizdən asılı deyil, qarşı tərəfin də razılığı mütləqdir.

Şahin Cəfərov

Azərbaycan millisinin UEFA Millətlər Liqasındakı rəqiblərindən Litva yığması bu gün yoldaşlıq oyunu keçirib. Msport.az xəbər verir ki, pribaltikalılar Kaunasda Gürcüstan […]

Source

Azərbaycan millisi sabah “FIFA series 2026” çərçivəsində ikinci oyununa çıxacaq. Komandamız Sumqayıtda Syerra-Leone yığması ilə qarşılaşacaq. Msport.az xəbər verir ki, […]

Source

Azərbaycan milli komandası “FIFA Series – 2026”  çərçivəsində martın 30-da Syerra Leone yığması ilə üz-üzə gələcək. Msport.az xəbər verir ki, […]

Source

Bu gün futbol üzrə Azərbaycan İkinci Liqasında 2025/2026-cı illər mövsümünün 20-ci turunun növbəti oyunları keçirilib.

Arena.az xəbər verir ki, ikinci oyun günündə dörd qarşılaşma baş tutub.

“Ağdaş” – “Araz Saatlı” və “Şəmkir” – “Göygöl” matçlarında qapılara qol vurulmayıb. “Ağstafa Gəncləri”nin qonağı olmuş “Quba” 3 xalı tək qolla qazanıb. 10 qolun qeydə alındığı “Qaradağ Lökbatan” – “Şirvan” matçında isə meydan sahibləri darmadağına seviniblər.

20-ci tura martın 30-da keçiriləcək “Xankəndi” – “Kür-Araz” oyunu ilə yekun vurulacaq.

İkinci Liqa
20-ci tur
28 mart

“Şəki” – “Dinamo” 1:6
Qollar: Tahir Zeynalov, 5 – Valeh Seyidov, 13-pen; 61; 89-pen. Yadigar Qarayev, 39; 71. Əli Abbasov, 59.
Hakimlər: Xəlil Xəlilov, Rəhman Aslanov, Elman Kərimov, Elçin Abdullayev.
Hakim-inspektor: İmanxan Sultani.
AFFA nümayəndəsi: Yavər Rəhimov.
Zaqatala Olimpiya İdman Kompleksinin stadionu, 15:00.

29 mart

“Ağstafa Gəncləri” – “Quba” 0:1
Qol: Bəhram Köçərli, 32.
Hakimlər: Səbuhi Bayramov, Tural Bayramov, Rəşad Quliyev, İrşad Aydınov.
Hakim-inspektor: Anar Salmanov.
AFFA nümayəndəsi: Mübariz Hüseynov.
Göygöl Olimpiya İdman Kompleksinin stadionu, 15:00.

“Ağdaş” – “Araz Saatlı” 0:0
Hakimlər: Nahid Xasıyev, Vüqar Bayramov, Hüseyn Vəliyev, Vüqar Alıyev.
Hakim-inspektor: Feyzulla Feyzullayev.
AFFA nümayəndəsi: Elman Musayev.
Ağdaş şəhər stadionu, 15:00.

“Şəmkir” – “Göygöl” 0:0
Hakimlər: Murad Səlimov, Məmmədəli Kərimov, Elmin Süleymanov, Hacıağa Həsənov.
Hakim-inspektor: Orxan Məmmədov.
AFFA nümayəndəsi: İlham Əliyev.
Şəmkir Olimpiya İdman Kompleksinin stadionu, 15:00.

“Qaradağ Lökbatan” – “Şirvan” 7:3
Qollar: Rəhman Quliyev, 3. Ramil Orucov, 40; 73. Rövşən Şahmuradov, 53; 60-pen. Emil Quluzadə, 86. Sabir Allahquliyev, 87 – Elgün Xəlilov, 13. Elcan Rəsulov, 43. Ramiz Məmmədov, 79.
Hakimlər: Rövşən Rəcəbov, Sevda Nuriyeva, Ruslan Babayev, Fəridə Lütfəliyeva.
Hakim-inspektor: Ömər Paşayev.
AFFA nümayəndəsi: Namiq Əliyev.
Lökbatan Olimpiya İdman Kompleksinin stadionu, 15:00.

30 mart

“Xankəndi” – “Kür-Araz”
Hakimlər: Rəsul Babayev, Sənan Atayev, Aydın Baxşıyev, Ləman Əmirli.
Hakim-inspektor: Əmrah İbrahimov.
AFFA nümayəndəsi: Rüfət Əmirov.
“Neftçi” Futbol Mərkəzi (4-cü meydança), 14:00.

Madrid “Atletiko”sunun argentinalı mərkəz hücumçusu Xulian Alvares “Barselona” və “Arsenal”ın maraq dairəsinə düşüb.

Arena.az xəbər verir ki, müvafiq mənzərədə “döşəkçilər”in idman direktoru, ispan mütəxəssis Mateu Alemani argentinalı ulduzun “döşəkçilər”in heyətində qalacağını bildirib:

“Xulian bizimlə qalacaq. Onun klubla müqaviləsi var. Alvareslə bağlı heç bir fəsad yaşamırıq”, deyə Alemani vurğulayıb.

Yayda Madrid “Atletiko”sunu digər aparıcı oyunçularının da tərk edəcəyi ilə bağlı müxtəlif səpgili şayiələr dolaşır. Antuan Qrizmanın MLS-ə üz tutacağı artıq dəqiqləşib. Onunla yanaşı, Yan Oblak və Xulian Alvaresin də “döşəkçilər”dən ayrılacaqları ilə bağlı şayiələr səngimir.

Müvafiq mənzədə “Atletiko”nun baş məşqçisi, argentinalı mütəxəssis Dieqo Simeno bildirib ki, müvafiq söz-söhbət əsassızdır və “döşəkçilər”in aparıcı oyunçularının Madrid klubundakı gələcəyi ilə bağlı heç bir narahatlıq duymur.

Bu arada “Barselona”nın idman direktoru Deku da Xulian Alvaresin Kataloniya klubuna mümkün keçidi ilə bağlı sualı cavablayıb. Dekunun müvafiq cavabını təqdim edirik:

“Xulian Alvaresin bizimlə müqavilə imzalamasını müzakirə etməmişik. Çünki indi bunun vaxtı deyil”, deyə Deku vurğulayıb.

“Naxçıvan” komandası U-14 Azərbaycan Çempionatının qalibi olub.

Futbolpress.az xəbər verir ki, final oyununda “Oğuz RVK” ilə qarşılaşan komanda 2:0 hesabı ilə qalib gələrək Azərbaycan Çempionatının qalibi adını qazanıb.

 

AFFA-nın Sosial və Ətraf Mühit Dayanıqlığı şöbəsinin aparıcı mütəxəssisi Şəbnəm Eyyubova və Futbolda Sosial Layihələr üzrə menecer Zəhra Vəlizadə Rusiya Futbol İttifaqı (RFİ) tərəfindən təşkil olunan Dayanıqlı İnkişaf və Futbolda Sosial Məsuliyyət mövzusuna həsr edilmiş seminarda iştirak ediblər.

Futbolpress.az xəbər verir ki, Moskvada təşkil edilən iki günlük tədbirdə Rusiya futbol klublarının nümayəndələri, həmçinin Qazaxıstan və Belarusdan olan həmkarlar iştirak ediblər. Seminarın əsas məqsədi futbolda dayanıqlı inkişaf və sosial məsuliyyət sahəsində təcrübə mübadiləsi aparmaq, mövcud təşəbbüsləri müzakirə etmək və əməkdaşlıq imkanlarını dəyərləndirmək olub.

Seminar çərçivəsində AFFA nümayəndələri tərəfindən assosiasiyanın həyata keçirdiyi sosial və inklüziv layihələrə dair təqdimat edilib.

Azərbaycanın stolüstü tennisçiləri Qazaxıstanın Aktobe şəhərində təşkil olunan Avrasiya Liqası yarışında inamla çıxış ediblər.

Futbolpress.az xəbər verir ki, gənclərdən ibarət seçmənin baş məşqçisi Ramil Cəfərovun rəhbərliyi ilə mübarizəyə qatılan Adil Əhmədzadə, Rüstəm Hacılı və Onur Quluzadədən ibarət komanda ilk turun 6 görüşündən 5-də qələbə qazanıb. Yalnız bir oyunda uduzan Azərbaycan komandası ümumi nəticələrə əsasən yarış cədvəlinin ikinci pilləsində qərarlaşıb. Avrasiya Liqasının növbəti turunun görüşləri 28-31 may tarixlərində keçiriləcək.

Xatırladaq ki, bundan əvvəl qadınlardan ibarət komanda anoloji yarışda debüt edib. 8 oyundan 7-də qələbə qazanan Aylin Əsgərova, Zemfira Mikayılova, Ləman Abdulhəmidova və Mərziyyə Nurmətovadan ibarət kollektiv də ilk turun nəticələrinə əsasən ikinci pillədə qərarlaşıb.

“Bayern”in qapıçısı Manuel Noyer Çempionlar Liqasının 1\4 final mərhələsinin “Real”la aprelin 7-də keçiriləcək oyununda iştirak edə biləcək. Msport.az xəbər verir […]

Source

Azərbaycanın MMA döyüşçüsü Tofiq Musayev ABŞ-nin Sietl şəhərində keçirilən UFC turnirində çilili İqnasio Bahamondesə qalib gəlib. Bu, 36 yaşlı idmançının […]

Source