“Qarabağ”ın baş məşqçisi Qurban Qurbanov Premyer Liqanın 21-ci turundan təxirə salınmış “Neftçi” ilə oyundan sonra fikirlərini bölüşüb.
Arena.az xəbər verir ki, sözügedən komandaların bu gün “Neftçi Arena”da baş tutmuş görüşü Ağdam təmsilçisinin 1:2 hesablı məğlubiyyəti ilə yekunlaşıb.
Qurban Qurbanov qarşılaşmadan sonra təşkil edilmiş mətbuat konfransında bunları söyləyib:
“İlk növbədə “Neftçi”ni təbrik edirəm. Bu gün qələbəyə çox istəkli idilər, sonadək vuruşdular və yaxşı müdafiə olundular. Eyni zamanda öz futbolçularımdan da razı qaldım. Çünki yaxşı xarakter göstərdilər və məğlub durumda olmağımıza baxmayaraq, daim rəqibin üzərinə getdilər.
Oyundan əvvəl futbolçularıma da bildirmişdim ki, bu matçda rəqib daha hazırlıqlı və aktiv olacaq. Ümumilikdə, meydanda çox yaxşı futbol ab-havası var idi. Hazırda bizə xeyli istirahət lazımdır, lakin cəmi 4 gündən sonra növbəti oyunumuz var. Çempionlar Liqasından uzaqlaşsaq da, hələ də sıx qrafiklə mübarizə aparırıq. Bu mövsüm həm futbolçularımız, həm də biz məşqçilər üçün böyük təcrübə oldu. Oyunçularımızın ümumi fiziki potensialını daha yaxından tanımaq imkanı əldə etdik. Onlar çox ağır mövsüm keçirərək həddindən artıq yoruldular. Ona görə də bu məğlubiyyətə rəğmən, bütün futbolçularıma təşəkkür edirəm”.
Təcrübəli mütəxəssis əvvəlki turda qazandıqları 5:1 hesablı qələbənin “Neftçi”yə əlavə motivasiya verdiyini təsdiqləyib:
“Yüz faiz belədir. Onlar bu matç üçün yaxşı hazırlıq proqramı keçmişdilər. Gözləyirdim ki, bu gün “Neftçi”nin futbolçuları daha hazırlıqlı və əzmli olacaqlar. Əvvəlki matçdakı böyükhesablı qələbəmiz böyük ehtimalla rəqibə əlavə ciddiyyət və motivasiya vermişdi. Onlar bu gün qələbəyə tam layiq idilər.
Qurban Qurbanov həmin böyükhesablı qələbənin öz futbolçularında yaratdığı ehtimal olunan arxayınlıq hissindən də bəhs edib:
“İstər-istəməz müəyyən rahatlıq yaranır. Maksimum çalışdıq ki, futbolçular o nəticə barədə düşünməsinlər. Oyunçularımız kifayət qədər təcrübəlidirlər, “Neftçi”nin gücünü və fərdi ustalıq səviyyəsi yüksək olan futbolçulara sahib olduğunu yaxşı bilirlər. Buna rəğmən, nə qədər konsentrasiya olsalar da, daxilən rahatlıq hissi var idi. Bu, təbiidir, çünki hamısı insandır”.
“Bu vəziyyət bizi narahat edir”
Baş məşqçi Xoni Montielin zədələnməsinin matçın gedişatına və taktiki planlara necə təsir etdiyini belə izah edib:
“Bəli, bu, bizim üçün gözlənilməz bir hal oldu. Matçdan öncə əvəzetmələrlə bağlı tamamilə fərqli planlarımız var idi. Məsələn, Pedro Bikalyo 9 oyun idi ki, fasiləsiz çıxış edirdi və onu meydana buraxmaqda ehtiyatlı davranırdıq. Montiel isə əvvəlki görüşdə oynamamışdı deyə, ona şans vermişdik. Zədə səbəbindən məcburi dəyişikliklər etməli olduq və bu da düşünülmüş addımlarımızın pozulmasına gətirib çıxardı”.
Qurban Qurbanov tarixində ilk dəfə çempionluq sevinci yaşayan “Sabah”ı təbrik edərək çempionatdakı rəqabətin artmasını müsbət qiymətləndirib:
“Mən onları bu münasibətlə təbrik edirəm. İstənilən komandamızın uğurunu təqdir etməli və onları təbrik etməyi bacarmalıyıq. Bu, futbolun yazılmamış qanunlarından biridir. Son bir-iki ay ərzində çempionatda çox gərgin oyunlar keçirdik. Qısa müddətdə “Sabah”la üç, “Neftçi” ilə iki dəfə üz-üzə gəldik. Həm azarkeş marağı, həm də oyunun tempi baxımından sanki tamamilə fərqli bir Azərbaycan çempionatının şahidi olduq. İlboyu davam edən psixoloji və fiziki yorğunluğa baxmayaraq, futbolçularımız əsl xarakter göstərdilər. Düzdür, ümumi nəticələr bizim üçün o qədər də ürəkaçan olmaya bilər, lakin meydanda göstərilən dözümlülük təqdirəlayiqdir. Nəticələrin belə dəyişməsi və rəqabətin artması futbola olan marağı daha da çoxaldır. Azarkeş kütləsi artdıqca intriqa böyüyür, bu isə hər kəsin məsuliyyətini daha da artırır”.
Məşqçi ikincilik şanslarının təhlükə altında olmasına toxunaraq qarşıdakı oyunlarda maksimum mübarizə aparacaqlarını bildirib:
“Sözsüz ki, bu vəziyyət bizi narahat edir. Qarşıda bizi çox yaxşı və hazırlıqlı “Turan Tovuz”la matç gözləyir. Onların özünəməxsus oyun üslubu var və rəqiblər üçün həmişə ciddi çətinliklər yaradırlar. Biz buna tam hazır olmalıyıq. Son oyunlara qədər mübarizəmizi davam etdirəcəyik. Bayaq da qeyd etdiyim kimi, futbolçularım bu il əlavə xarakter nümayiş etdirdilər. Sıx qrafikə baxmayaraq, məqsədimizə çatmağa çalışacağıq. Öz komandama arxayınam və inanıram ki, qalan matçlarda meydanda maksimum güclərini qoyacaqlar”.
“Daim çempion olmalıyıq deyə qayda yoxdur”
Qurban Qurbanov “Qarabağ”ın bu mövsüm çempionluqdan uzaq düşməsinin əsas səbəblərini həm daxili amillər, həm də rəqiblərin gücü ilə izah edib:
“Bunun bir neçə səbəbi var. Bəlkə də, bu çempionata tam şəkildə hazırlaşa bilməmişdik. Əvvəlcədən daxili birinciliyin bu qədər gərgin keçəcəyini və rəqabətin gücünü tam proqnozlaşdırmamışdıq. Eyni zamanda Çempionlar Liqasındakı uzun marafon bizi çox yordu. Bundan əlavə, mövsüm ərzində futbolçularımıza gələn təkliflər və digər xırda detallar da ölkə çempionatına olan motivasiyaya müəyyən qədər təsir göstərdi. Digər tərəfdən, qarşımızda çox yaxşı formalaşmış “Sabah” komandası var idi. Onlar bütün diqqətlərini yalnız çempionata yönəltmişdilər və heç bir oyunda rəqiblərə boşluq vermədilər. Biz isə gücümüzü cəbhələr arasında düzgün bölüşdürə bilmədik. Həm də daim çempion olmalıyıq deyə qayda yoxdur. İstənilən ölkənin futbolunda belə hallara rast gəlinir. Güclü olsan belə, bəzən çempion ola bilmirsən. Burada müəyyən incə nüanslar var ki, onları normal analiz edib düzgün qəbul etməliyik. Daxilimizdə hansı çatışmazlıqların olduğunu da yaxşı bilirəm. Çempionatda “Sabah”, “Neftçi”, “Zirə” kimi çox istəkli komandalar var və onlar titul üçün böyük işlər görürlər. Sonda nəticə də belə oldu. Bütün bunlardan düzgün nəticə çıxararaq qarşıdakı illərə daha yaxşı hazırlaşacağıq. Bununla belə, komandamın ümumi gedişatından və futbolçularımın performansından tamamilə razıyam”.
Təcrübəli mütəxəssis yay transfer pəncərəsində komandada gözlənilən dəyişikliklərə və yeni transferlərə də aydınlıq gətirib:
“Bəli, hazırda yeni oyunçularla bağlı danışıqlar gedir və belə görüşlər çoxdur. Bəlkə də, gündəlik işimizin 60-70 faizini məhz transfer məsələlərinə yönəltmişik. Bu, o demək deyil ki, hazırkı futbolçulardan narazıyam və kimlərisə mütləq göndərəcəyik. Sadəcə olaraq, gələcək üçün daha geniş bir heyətə ehtiyacımız var. Çalışacağıq ki, yeni transferlər edək. Bəlkə 5-6 nəfər olacaq, dəqiq sayını hələ bilmirəm. Hər şey istədiyimiz kimi rəvan getsəydi, işləmək daha asan olardı, lakin bəzən son anda hansısa transfer baş tutmur. Komandada mütləq dəyişikliklər olacaq, lakin əsas məqsəd heyəti genişləndirmək və növbəti mövsümdəki gərgin qrafikə tam hazır olmaqdır”.
“Ayrılıqlar yeni transferlərin reallaşmasından asılı olacaq”
Baş məşqçi mövsümün sonunda kimlərlə yolların ayrılacağı barədə verilən sualı cavablandırarkən komandadakı yorğunluq amilini ön plana çəkib:
“Hazırda heç bir futbolçunu qəti şəkildə göndərmək barədə düşünməmişəm. Çünki hələ rəsmən komandaya qatılan yeni oyunçu yoxdur. Qərarlar mövsümün sonunda veriləcək. Marko Yankoviçə gəldikdə, o, həddindən artıq yorulmuşdu. Ümumiyyətlə, həm klubda, həm də milli komandada mütəmadi oynayan futbolçularımızda ciddi yorğunluq yaranır. Milliyə getməyənlər isə nisbətən dincəlmək fürsəti tapırlar. Biz Yankoviçə xüsusi istirahət verdik ki, fiziki formasını bərpa edə bilsin. Gələcəkdə bəlkə də bir neçə futbolçu ilə yollarımızı ayırmaq istədiyimizi bildirəcəyik, lakin bu da birbaşa yeni transferlərin reallaşmasından asılı olacaq. Bütün futbolçuların klubla qüvvədə olan müqavilələri var və istənilən ayrılıq qarşılıqlı razılaşma əsasında baş tutmalıdır. Böyük ehtimalla, gedənlər də olacaq, amma eyni zamanda yeni gələnlər də olmalıdır”.
Qurban Qurbanov əsas komandadan uzaqlaşdırılmış Elvin Cəfərquliyevin taleyi və əvəzedici heyətə göndərilən futbolçuların durumu ilə bağlı məsələlərə də münasibət bildirib:
“Elvinlə bağlı vəziyyət hələ ki, necə var, elə də qalır. Özü də mənimlə görüşmək üçün hər hansı bir cəhd etməyib. Gələn mövsüm üçün hazırlıq planını hələ tam dəqiqləşdirməmişəm, çünki qarşıda hələ bir neçə oyunumuz var. Əvəzedici heyətə göndərilən futbolçuların orada oynamamasına gəldikdə, mən onların meydana çıxmaması ilə bağlı heç bir xüsusi tapşırıq verməmişəm. Əgər istəsələr, çıxıb oynaya bilərlər”.
“Neftçi”nin baş məşqçisi Yuri Vernidub Premyer Liqanın 21-ci turundan təxirə salınmış “Qarabağ”la matçdan sonra fikirlərini bölüşüb.
Arena.az xəbər verir ki, sözügedən komandaların bu gün “Neftçi Arena”da baş tutmuş görüşü meydan sahiblərinin 2:1 hesablı qələbəsi ilə yekunlaşıb.
Yuri Vernidub matçdan sonra təşkil edilmiş mətbuat konfransında bunları söyləyib:
“Neftçi” azarkeşlərini təbrik edirəm. Bu, bizim üçün çox önəmli bir qələbə idi. Eyni zamanda bundan əvvəlki ağır məğlubiyyətə görə onlardan bir daha üzr istəyirəm. “Neftçi” elə bir komandadır ki, daim eyni yüksək səviyyədə oynamalı və rəqibə pressinq tətbiq etməlidir. Ötən matçda necə oynadığımızı gördünüz və 1:5 hesabı ilə uduzduq. Biz həmin məğlubiyyətdən lazımi nəticələr çıxardıq və məhz buna görə də bu gün meydanda yaxşı oyun nümayiş etdirdik”.
Yuri Vernidub gərgin matçın onu emosional baxımdan çox yorduğunu vurğulayaraq jurnalistlərdən anlayış göstərmələrini və bu dəfə sual verməmələrini xahiş edib:
“Sizdən bir xahişim var. Hazırda o qədər fərqli hisslər keçirirəm ki, mümkünsə, bu gün mənə sual verməyəsiniz. Qarşıda hələ 4 oyunumuz var, o zaman nə qədər istəsəniz, suallarınızı məmnuniyyətlə cavablandırmağa hazıram. Hazırda sadəcə oyundan uzaqlaşmaq istəyirəm. Ümid edirəm ki, bu istəyimi anlayışla qarşılayacaqsınız. Bu, qətiyyən sizə qarşı hörmətsizlik deyil, hər birinizə böyük hörmətlə yanaşıram. Çox sevinirəm ki, siz həmişə maraqlı suallar verirsiniz və mən də onları səmimi şəkildə cavablandırıram. Lakin bu gərgin matç məni emosional baxımdan o qədər yordu və bütün enerjimi aldı ki, bu dəfəlik sual-cavab hissəsi olmasa, daha yaxşı olar. İnanın ki, hamınıza dərin hörmətim var”.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün qalibi müəyyənləşib.
Arena.az xəbər verir ki, Azərbaycan çempionunun adına sona 4 tur qalmış aydınlıq gəlib.
21-ci turdan təxirə salınmış “Neftçi” – “Qarabağ” matçında 1:2 hesabı ilə uduzan Ağdam təmsilçisinin aktivində 59 xal qalıb. Bununla da 72 xala malik “Sabah” ən yaxın izləyicisi üçün əlçatmaz olub.
Valdas Dambrauskasın baş məşqçisi olduğu komanda bununla da tarixində ilk dəfə Azərbaycan çempionu adını qazanıb. “Sabah” 1992-ci ildən keçirilən turnirin tarixinə 9-cu çempion kimi düşüb.
Cari mövsümə qədər 8 komanda bu titula sahib çıxıb. “Qarabağ” 12, “Neftçi” 9, “Kəpəz” 3, “Şəmkir”, “Bakı”, “İnter” (indiki “Şamaxı”) hərəyə 2, “Turan” və “Xəzər Lənkəran” hərəyə 1 dəfə ölkənin ən güclüsü olub.
“Sabah” son 18 mövsümdə bu siyahıya düşən ilk komandadır. Premyer Liqanın PFL bayrağı altında keçirildiyi illərdə heç bir klub ilk çempionluğunu bayram etməmişdi. “Sabah”a qədər sonuncu yeni çempion 2007/2008 mövsümündə ilk titulunu əldə edən “İnter” olub.
Bu gün futbol üzrə Azərbaycan çempionatında (Premyer Liqa) 21-ci turdan təxirə salınmış “Neftçi” – “Qarabağ” oyunu keçirilib.
Arena.az xəbər verir ki, qarşılaşmanı Kamranbəy Rəhimov idarə edib.
Ona yan xətt hakimləri Rəhman İmami ilə Müslüm Əliyev kömək ediblər. Dördüncü hakim funksiyasını Rəşad Əhmədov yerinə yetirib.
Tərəflər “Neftçi Arena”da üz-üzə gəliblər. Sözügedən komandalar bir neçə gün öncə də oxşar məkanda üz-üzə gəlmişdilər. Həmin qarşılaşma Ağdam təmsilçisinin 5:1 hesablı qələbəsi ilə başa çatmışdı. Bu dəfə isə “Neftçi” əzəli rəqibi üzərində 2:1 hesablı qələbəyə sevinib. Nəticədə həm paytaxt klubu yarış cədvəlində 4-cü pilləyə yüksəlib, həm də “Sabah” cari mövsümün sonuna 4 tur qalmış Azərbaycan çempionu olub.
“Mançester Yunayted”in 21 yaşlı mərkəz yarımmüdafiəçisi Kobbi Meynu İngiltərə klubu ilə yeni müqaviləyə imza atıb.
Arena.az xəbər verir ki, bu barədə “qırmızı şeytanlar”ın mətbuat xidməti məlumat yayıb.
Gəncə futbolçunun klubla yeni anlaşmasının müddəti 2031-ci ilin yayına qədər nəzərdə tutulub. Yeni müqaviləyə əsasən ingiltərəli futbolçunun qazancı da artırılıb.
Xatırladaq ki, Kobbi Meynu “Mançester Yunayted”in yetirməsidir. O, əsas komandada keçirdiyi 98 oyunda 7 qol vurub və 5 məhsuldar ötürmə verib.
Meynu İngiltərənin U-17, U-18 və U-19 yığmalarında oynadıqdan sonra 2024-cü ilin martında əsas millidə debüt edib. Gənc yarımmüdafiəçi İngiltərə millisinin heyətində meydana çıxdığı 12 oyunda məhsuldar fəaliyyəti ilə diqqət çəkməyib.
“Transfermarkt” internet-portalı 21 yaşlı yarımmüdafiəçinin transfer dəyərini 50 milyon avro məbləğində qiymətləndirir.
Futbol üzrə İngiltərə milli komandasının sabiq cinah müdafiəçisi Eşliq Yanq cari mövsümün sonunda karyerasını başa vuracaq.
Arena.az xəbər verir ki, hazırda “İpsviç Taun”da çıxış edən 40 yaşlı futbolçu bu barədə sosial şəbəkə hesabında yazıb.
O, mayın 2-də karyerasının sonuncu oyununa çıxacağını açıqlayıb. Həmin gün “İpsviç Taun” Çempionşipin 46-cı turu çərçivəsində KPR ilə üz-üzə gələcək.
Xatırladaq ki, Eşli Yanq ötən ilin yayında “Everton”dan ayrılaraq “İpsviç Taun”la 1 illik müqavilə imzalamışdı. Cari mövsümdə o, bu komandanın heyətində 15 oyuna çıxıb, 2 məhsuldar ötürmə müəllifi olub.
Azərbaycan Futbol Federasiyaları Assosiasiyasının (AFFA) rəhbərliyi FIFA-nın 76-cı Konqresində iştirak etmək üçün Kanadaya yollanıb.
Arena.az xəbər verir ki, bu gün Kanadanın Vankuver şəhərində FIFA-nın 76-cı Konqresi keçiriləcək.
Tədbirə Azərbaycan Futbol Federasiyaları Assosiasiyasının rəsmiləri də qatılacaqlar. Bu barədə qurumun rəsmi saytı məlumat yayıb. Bildirilir ki, AFFA-nın prezidenti Rövşən Nəcəf, icraçı vitse-prezidenti Sərxan Hacıyev, baş katibi Cahangir Fərəcullayev və icraçı vitse-prezidentin müşaviri Orxan Əhmədov Konqresdə iştirak edəcəklər.
Bu gün futzal üzrə Azərbaycan çempionatında (Yüksək Liqa) 2025/2026-cı illər mövsümünün 18-ci turunun oyunları keçirilib.
Arena.az xəbər verir ki, turun hər iki görüşü “Olimpik Star”da baş tutub.
Əvvəlcə “Şuşa” “Neftçi” İK ilə üz-üzə gəlib. Lider “Neftçi” “Şuşa”nın qapısından 28 cavabsız top keçirib. Bu, cari mövsümdə qeydə alınan ən böyükhesablı qələbədir. Çempionatın bombardiri Allef Mayolli və komanda yoldaşı Leonildo Rodriqes hərəyə 6 dəfə rəqib qapısına yol tapıblar.
Günün digər oyunu U-19 millimizlə “Baku Fire” arasında baş tutub. “Baku Fire” gənclər yığmamızdan güclü olub.
Son çempion “Araz-Naxçıvan” isə meydana çıxmadan 3 xal qazanıb. Belə ki, “Lənkəran” komandası çempionatdakı çıxışını dayandırdığına görə, rəqibinə avtomatik qələbə yazılıb.
Yüksək Liqa 18-ci tur 30 aprel
Şuşa – Neftçi İK 0:28 Hakimlər: Hidayət Feyzullayev, Ramil Namazov, Hikmət Qafarlı. Hakim-inspektor: Füzuli Nəcəfov. Bakı. “Olimpik Star”. Saat 14:30.
U-19 – Baku Fire 3:10 Hakimlər: Rza Məmmədov, Hacıəli Ağayev, Knyaz Əmiraslanov. Hakim-inspektor: Elçin Səmədli. Bakı. “Olimpik Star”. Saat 16:30.
Xallar: Neftçi İK – 49. Araz-Naxçıvan – 46. Baku Fire – 35. Şuşa – 18. U-19 – 12. Lənkəran – 0.
Bu gün Premyer Liqa klublarının ikinci komandaları arasında təşkil edilmiş Əvəzedicilər Liqasında 24-cü tura start verilib.
Arena.az xəbər verir ki, ilk oyun günündə iki qarşılaşma baş tutub.
“Sumqayıt”la “Neftçi”nin ikinci komandaları arasındakı görüşdə meydan sahibləri qalib gəliblər. “Şamaxı-2” isə “Turan Tovuz”un ikinci komandası ilə ev oyunundan məğlubiyyətlə ayrılıb.
24-cü turun qalan görüşləri mayın 1-də keçiriləcək.
Futbol üzrə İngiltərə Premyer Liqasını tərk edəcəyi dəqiqləşmiş “Börnli” klubu baş məşqçisi Skott Parker ilə yollarını ayırıb.
Arena.az xəbər verir ki, 45 yaşlı mütəxəssisin müqaviləsi qarşılıqlı razılıq əsasında ləğv edilib.
Klub rəhbərliyi ötən həftə çempionatı tərk edəcəkləri dəqiqləşəndən sonra onun taleyi ilə bağlı müzakirələr aparıb. Yekunda tərəflər yollarını ayırmaq barədə qərar qəbul ediblər.
Xatırladaq ki, “Börnli” 2024/2025-ci illər mövsümündə məhz Skott Parkerin rəhbərliyi altında Premyer Liqaya vəsiqə qazanmışdı. Amma komanda cari mövsümün geridə qalmış 34 turunda cəmi 20 xal qazanıb. Komandanın sona 4 tur qalmış Premyer Liqanı tərk etməsi dəqiqləşib.
Artıq “Börnli”nin yeni baş məşqçisi də məlumdur. Komanda Maykl Ceksona tapşırılıb. O, son bir neçə ildir ki, komandanın məşqçilər heyətinin üzvüdür. Bu üzdən də rəhbərlik komandanı məhz tanış mütəxəssisə tapşırmaq qərarına gəlib. Maykl Cekson cari mövsümün sonuna qədər baş məşqçi funksiyasını yerinə yetirəcək.
Xatırladaq ki, 45 yaşlı Skott Parker 2024-cü ilin yayından bəri komandaya rəhbərlik edirdi.
İspaniyanın “Atletiko” klubunun futbolçusu Xulian Alvares UEFA Çempionlar Liqasında Lionel Messinin nailiyyətini geridə qoyub.
Arena.az xəbər verir ki, argentinalı hücumçu buna doğma meydanda İngiltərə təmsilçisi “Arsenal”la heç-heçə (1:1) etdikləri yarımfinal mərhələsinin ilk oyununda fərqlənməklə nail olub.
Bu, argentinalı forvardın qitənin bir nömrəli klub turnirində 25-ci qoludur. O, bu rəqəmə bütün cənubi amarikalılardan daha tez çatıb. Alvares bu turnirdəki 41-ci görüşdə 25 qol vurubsa, Messi 42-ci oyunda bunu bacarıb.
Bundan əlavə, o, UEFA Çempionlar Liqasında bir mövsümdə 10 qol vurmuş ilk “Atletiko”lu oyunçu ünvanına da sahib çıxıb.
Xatırladaq ki, “Arsenal” və “Atletiko” arasında cavab görüşü mayın 5-də Londonda reallaşacaq.
Xulian Alvares Argentinanın “River Pleyt” klubunun yetirməsidir. Argentinalı futbolçunun Avropa səfəri “Mançester Siti” ilə başlayıb. “Atletiko” Xulian Alvaresi 2024-cü ilin avqustunda 75 milyon avro məbləğ müqabilində “Mançester Siti”dən öz heyətinə qatıb. Alvaresin “döşəkçilər”lə müddəti 2030-cu ilə qədər qüvvədə olacaq müqaviləsi mövcuddur.
Alvares “Atletiko”nun heyətində meydana çıxdığı 105 oyunda 49 qol vurub, 17 məhsuldar ötürmə müəllifi olub.
Xulian Alvares 2021-ci ilin iyununda debüt etdiyi Argentina yığmasının heyətində 51 oyuna çıxıb, 14 qol vurub, 4 məhsuldar ötürmə verib. Alvares “albiseleste” ilə 2022-ci ildə dünya çempionatının qalibi olub. O, yığmanın heyətində 2 dəfə Amerika Kubokunu (2020/2021, 2023/2024) də qazanıb. 2021/2022 mövsümündə isə o, yığma ilə Finalissimanın qalibi olub. Argentinalı hücumçu klub futbolundakı titullarının əksərini isə “Mançester Siti” ilə qazanıb.
“Transfermarkt” internet-portalı 26 yaşlı argentinalı mərkəz hücumçusunun transfer dəyərini 90 milyon avro məbləğin qiymətləndirir.
Futbol üzrə Azərbaycan millisinin hücumçusu Nəriman Axundzadə ABŞ klubu “Kolumbus Kru”nun heyətində növbəti matçına çıxıb.
Arena.az xəbər verir ki, 22 yaşlı futbolçu ABŞ kubokunun 1/8 final mərhələsi çərçivəsində keçirilmiş “Noksvil”lə matçın iştirakçısı olub.
Qarşılaşmaya start heyətində başlamış forvard sonadək əvəzlənməyib. Görüş “Kolumbus Kru”nun 4:1 hesablı qələbəsi ilə yekunlaşıb. Bununla da futbolçumuzun komandası 1/4 finala vəsiqə qazanıb.
Xatırladaq ki, Nəriman Axundzadə bu ilin fevral ayında “Qarabağ”dan 2,5 milyon avro müqabilində “Kolumbus Kru”ya keçib. O, Ohayo ştatını təmsil edən klubla 3,5 illik müqaviləyə imza atıb. Azərbaycanlı futbolçu MLS klubunun heyətində 5 oyun keçirsə də, fərqlənə bilməyib.
“Qarabağ”ın yetirməsi hesab olan Nəriman Axundzadə 2023-cü ildən Ağdam klubunun əsas komandasında çıxış edirdi. Sağ cinah vingeri “Qarabağ”ın əsas komandasında 127 oyuna çıxıb. O, bu oyunlarda 35 qola imza atıb, 17 məhsuldar ötürmə müəllifi olub.
Azərbaycanın U-19 və U-21 yığmalarında da forma geyinmiş hücumçu 2023-cü ildə əsas millimizdə debüt edib. O, Azərbaycan yığmasının heyətində keçirdiyi 13 oyunda məhsuldar fəaliyyəti ilə diqqət çəkməyib.
Bu gün – aprelin 30-da Azərbaycan Respublikasının Prezidenti İlham Əliyev güləş üzrə yığma komandalarımızın üzvləri ilə görüşüb.
Arena.az bu barədə president.az saytına istinadən xəbər verir.
Xəbərdə bildirilir ki, İlham Əliyev Albaniyanın paytaxtı Tiranada keçirilmiş Avropa çempionatında komanda hesabında Avropa çempionu olmuş yunan-Roma güləşi və sərbəst güləş, həmçinin qadın güləşi üzrə medal qazanmış idmançıları və onların məşqçilərini qəbul edib.
Dövlətimizin başçısı görüşdə çıxış edib. Prezident İlham Əliyevin çıxışı:
“Salaməleyküm, əyləşin.
İlk növbədə, milli komandamızı Tiranada keçirilmiş Avropa çempionatında qazandığı böyük qələbə münasibətilə təbrik edirəm. Bu qələbə bizim hamımızı sevindirdi. Azərbaycan güləşçiləri bir daha göstərdilər ki, onlar Avropada birincidirlər. Avropa çempionatında komanda hesabında birinci olmaq, əlbəttə ki, böyük nailiyyətdir. Xüsusilə nəzərə alsaq ki, bu gün həm dünyada, həm Avropada güləş üzrə mübarizə daha gərgin keçir, bir çox ölkələrdən olan tanınmış güləşçilər böyük nəticələr göstərirlər və mübarizə də çox gərgin idi. Bəzi yarışları mən də izləmişəm və görmüşəm ki, bizim idmançılarımız öz peşəkarlığını göstərərək rəqibləri ədalətli mübarizədə məğlub etmişlər. Bu, əlbəttə, bütün xalqımızı sevindirir və bir daha göstərir ki, güləşimiz uğurla inkişaf edir. Güləşimizin böyük ənənələri var və biz bu ənənələri yaşadırıq. Şadam ki, tanınmış güləşçilərlə bərabər gənc güləşçilərimiz də böyük nəticələr əldə edirlər. Bu onu göstərir ki, məşq prosesi, seleksiya prosesi düzgün qurulubdur. Bu münasibətlə federasiyanı təbrik edirəm, məşqçiləri təbrik edirəm və əlbəttə ki, ilk növbədə, idmançıları.
Hər dəfə beynəlxalq yarışlarda bizim bayrağımız qaldırılanda bütün Azərbaycan xalqı qürur hissi keçirir, sevinir. Bu qələbə sevincini idmançılarımız xalqımıza bəxş edir və bu da öz növbəsində gənc nəsli vətənpərvərlik ruhunda tərbiyə etmək üçün çox önəmli amildir. İdman, ümumiyyətlə, cəmiyyətimizin ayrılmaz hissəsidir və xüsusilə son illər ərzində idmanda gedən müsbət proseslər, əlbəttə ki, hamımızı sevindirir”.
“Nəsillər dəyişir, amma bir şey dəyişmir, o da Azərbaycan idmanının uğurları”
“Federasiyaya gəldikdə onu da qeyd etməliyəm ki, bizim tanınmış idmançılarımız, Olimpiya çempionları federasiya rəhbərliyində təmsil olunurlar. Məşqçilər arasında da tanınmış idmançılar təmsil olunur. Bu gün məşqçi kimi fəaliyyət göstərən idmançıların yarışlarını vaxtilə mən özüm izləmişəm, həm Bakıda, həm Olimpiya Oyunlarında onlara azarkeşlik etmişəm. İndi isə onların yetirmələri bizi sevindirir. Bax belə, nəsillər dəyişdikcə güləş və bütövlükdə idman Azərbaycanda nəinki yaşayır, hətta inkişaf edir və yeni zirvələrə çatır. Nəsillər dəyişir, amma bir şey dəyişmir, o da Azərbaycan idmanının uğurları.
Əlbəttə, indi federasiya, xüsusilə bölgələrdə olan gənc idmançıları məşq, təlim toplanışlarına cəlb etmək üçün işini bundan sonra da təkmilləşdirəcək. Çünki bu gün hər bir bölgədə həm Olimpiya İdman kompleksləri var, eyni zamanda, güləş zalları. Ona görə bu seleksiya işi, əlbəttə ki, gələcək uğurlarımızın əsasını təşkil edəcək.
Azərbaycan idmanının ümumi inkişafına gəldikdə hər şey göz qabağındadır. Həm Olimpiya Oyunlarında, həm də dünya, Avropa çempionatlarında bizim idmançılarımız ölkəmizi ləyaqətlə təmsil edirlər. Əlbəttə ki, uğurlarla bərabər məğlubiyyətlər də olur. Amma idmanda hər şey mümkündür. Əsas odur ki, idmançılarımızda qələbə əzmi çox güclüdür və bir daha ölkəmizin ümumi inkişafını əks etdirir. Bu gün qalib dövlət və qalib xalq kimi yaşayan dövlətimiz, xalqımız, o cümlədən idman uğurları ilə fəxr edir”.
“Hər şey mənim gözümün önündə keçib”
“Mən sizi bu münasibətlə bir daha təbrik edirəm. Mənim idmançılarla görüşlərim müntəzəm xarakter daşıyır. 30 ilə yaxın müddət ərzində Azərbaycan Olimpiya Komitəsinə rəhbərlik edirəm. Bu 30 ilə yaxın müddət ərzində, əlbəttə ki, bir çox müsbət məqamlar olub. Əsas odur ki, idmanın dayanıqlı inkişafı, uğurlarımızın ardıcıl şəkildə davam etməsi və gənc nəslin yetişməsi – hər şey mənim gözümün önündə keçib. Görün, neçə nəsil dəyişib, amma bu gün biz yenə də uğurlarla fəxr edirik. Əsas budur və əminəm, həm Güləş Federasiyası, həm bizim digər federasiyalarımız gələcəkdə öz işlərini elə quracaqlar ki, Azərbaycan xalqı idman yarışlarına baxanda daim sevinc hissləri keçirsin.
Əlbəttə, ölkəmizdə keçirilən idman yarışları idman növlərini populyarlaşdırır. Bizim təcrübəmiz də böyükdür, çox böyük beynəlxalq yarışlar keçirmişik, həm Avropa Oyunlarını, həm İslam Həmrəyliyi Oyunlarını. Bunlar demək olar ki, Yay Olimpiya Oyunlarının səviyyəsinə çox yaxındır. Keçən il MDB Oyunlarını özü də paytaxtda yox, bölgələrdə keçirmişik. Yəni bu onu göstərir ki, çox güclü potensial var və idmana, idmançılara qayğı dövlət siyasətidir. Əminəm ki, idmançılar da bunu görür və hiss edirlər. Bir daha sizi təbrik edirəm, sizə yeni uğurlar arzulayıram”.
Güləşçilərimizdən Prezidentə təşəkkür
Sonra idmançılar çıxış ediblər.
Sərbəst güləşçi Turan Bayramov deyib: “Cənab Prezident, ilk növbədə, dəyərli vaxtınızı ayırıb bizi qəbul etdiyiniz üçün sərbəst güləş milli komandası adından Sizə təşəkkürlərimizi bildiririk. Ölkəmizi Avropa çempionatında layiqincə təmsil etdik. Komandamız ardıcıl surətdə ikinci dəfədir Avropa çempionu olur. Sizin bizi qəbul etməyiniz məsuliyyətimizi daha da artırır, bizə böyük bir stimul verir. Mən də inanıram və əlimdən gələni edəcəyəm ki, gələcəkdə qarşınıza qızıl medalla çıxım”.
Yunan-Roma güləşçisi Həsrət Cəfərov deyib: “Cənab Prezident, ilk növbədə, Sizi salamlayıram. Bizi qəbul etdiyiniz üçün çox sağ olun. Bildiyiniz kimi, Albaniyanın paytaxtı Tiranada keçirilən Avropa çempionatında qızıl medal qazandım. Bu, mənim ümumilikdə dördüncü qızılımdır və yarış həqiqətən də çox çətin keçdi. Dördqat Avropa çempionu kimi Azərbaycan yunan-Roma güləşi tarixində bir rekorda imza atdım. Bizi belə dəstəklədiyiniz, bizə göstərdiyiniz diqqət və qayğı üçün Sizə öz təşəkkürümüzü bildiririk. Sizin diqqət və qayğınız bizim üçün ən böyük məsuliyyətdir. Çox sağ olun”.
Qadın güləşçi Jalə Əliyeva deyib: “Cənab Prezident, bu gün burada çıxış etmək mənim üçün böyük şərəfdir. Mən dörd il bundan qabaq da Sizinlə görüşdə iştirak etmişdim. 23 yaşadək güləşçilər arasında Avropa çempionu olmuşdum. Bu dəfə isə böyüklərdən ibarət yarışda Avropa mükafatçısı oldum. Biz Sizin diqqət və qayğınızı hər zaman hiss edirik. Bizi dəvət etdiyiniz üçün təşəkkür edirəm. Çox sağ olun”.
“Qızların da medalçılar arasında olmalarına çox şadam”
Prezident İlham Əliyev deyib: Çox sağ olun. Komandamız çoxmillətlidir, hələ hamı Azərbaycan dilini kifayət qədər bilmir, ona görə də rus dilində bir neçə söz demək istərdim. Hamını bir daha təbrik etmək və Azərbaycanı beynəlxalq arenada belə layiqincə təmsil etdiyinizə görə təşəkkürümü bildirmək istərdim. Əlbəttə, Avropa çempionatında belə bir mühüm, deyərdim ki, tarixi qələbədən danışarkən xüsusi qeyd etmək istərdim, həm yunan-Roma güləş növündə, həm də sərbəst növdə güləşçilər birinci yeri qazanıblar. Yəni bu, çox əhəmiyyətlidir.
Qızlara gəldikdə onların da medalçılar arasında olmalarına çox şadam. Bu, qızlar arasında da gənc nəslin güləşə böyük maraq göstərdiyindən xəbər verir. Əminəm ki, gələcəkdə də qızlar qızıl medal qazanacaqlar, mən buna şübhə etmirəm. Qızlar arasında medalçılar daha çox ola bilərdi, amma kiminsə bəxti gətirmədi. Ola bilər ki, hər hansı səhvlər də oldu, lakin bu mühümdür, çünki həm sərbəst, həm yunan-Roma, həm də qadın güləşi üzrə bütün istiqamətlər Azərbaycanda inkişaf edir.
Milli komandada belə yaxşı ab-havanın, ruh yüksəkliyinin olmasına çox şadam, hamı vahid ailə kimi bir-birinin uğuruna, qələbəsinə sevinir və bu, çox qiymətlidir.
Əlbəttə, qeyd etməli olduğum daha bir vacib məqam ondan ibarətdir ki, tanınmış idmançılar daim cəmiyyətin diqqət mərkəzindədirlər. İdmançılarımızın həm cəmiyyətdə, həm də məişətdə özlərini layiqincə aparmaları məni eyni dərəcədə çox sevindirir. Məşhur idmançıların, çempionların adi həyatda məhz bu səviyyəni saxlaya bilmədiklərinə dair tarixdə çoxlu nümunələr var və bir müddət sonra onlara idmançı kimi münasibət həmin səhvlər və ya yanlış hərəkətlər ucbatından pis istiqamətdə dəyişir. Bizdə isə artıq dediyim kimi, ən azı mənim təqribən 30 ildir Milli Olimpiya Komitəsinə rəhbərlik etdiyim dövrdə xatırladığıma görə, belə hallar olmayıb. Bu, çox vacibdir”.
“Avropada heç də hamı Azərbaycanın qələbələrinə sevinmir”
Medallardan heç də az əhəmiyyətli olmayan odur ki, çempionlar və mükafatçılar, həmçinin cəmiyyətdə və çalışdıqları kollektivlərdə yüksək mənəvi keyfiyyətlər nümayiş etdirsinlər. Bu belə də olmalıdır. Əlbəttə ki, burada çempionlarımızın — Olimpiya çempionlarının, Avropa çempionlarının və dünya çempionlarının nümunəsi var. Dediyim kimi, vaxtilə federasiyaya rəhbərlik edənlərə və məşqçilərə azarkeşlik etmişəm, bu gün isə onlar öz tələbələrinə azarkeşlik edirlər. Bu, bizim regionumuzda ənənələrin davamlılığıdır. Tarixdə ənənələr həmişə mühüm rol oynayıb və bu, Azərbaycan cəmiyyətində və bütövlükdə Qafqaz regionunda davam edir. Bu, bizi daha da yaxınlaşdırır.
Buna görə də idmançılarımızın həm mübarizə meydanında, həm də ondan kənarda özlərini necə ləyaqətli apardıqlarını xüsusi vurğulamaq istərdim. Hakim səhvləri və ya ədalətsizliklər baş verdikdə belə, ləyaqətli davranışı qorumaq həmişə vacibdir. Çünki bəzən qərəzlilik olur – biz bunu Azərbaycan idmançılarına qarşı təkcə güləşdə deyil, xüsusən də Avropa yarışlarında dəfələrlə görmüşük. Maraqlıdır, bir qayda olaraq Avropa yarışlarında Azərbaycan idmançılarına qarşı ədalətsizlik dünya çempionatlarına nisbətən daha çox olur. Yəqin ki, Avropada heç də hamı Azərbaycanın Avropa çempionatlarında iştirak etməsinə və təkcə iştirakına deyil, həm də bütün Avropa ölkələrinə qalib gəlməsinə sevinmir.
Məhz bu səbəbdən bir daha məmnunluqla qeyd etmək və arzulamaq istərdim ki, harada olmağınızdan asılı olmayaraq, – xalça üzərində və xalçadan kənarda, – layiqli davranış prinsiplərinə daim sadiq qalmağa davam edəcəksiniz. Bu, ölkəmizi təmsil edən bütün idmançılara aiddir.
Beləliklə, bir daha təbrik edirəm və yeni qələbələr arzulayıram. Sağ olun”.
17 yaşadək futbolçulardan ibarət Azərbaycan millisinin baş məşqçisi Aqil Nəbiyev AFFA-nın rəsmi saytına açıqlama verib.
Arena.az xəbər verir ki, o, Qazaxıstanın Çimkənd şəhərində təşkil olunmuş UEFA İnkişaf Turniri ilə bağlı fikirlərini bölüşüb.
Baş məşqçi səfərə tam heyətlə yollana bilmədiklərini və qısa müddətdə ardıcıl 3 oyun keçirdiklərini bildirib:
“Hazırkı yaş qrupu sonuncu dəfə ötən ilin oktyabrında Qəbələdə təşkil olunan MDB Oyunları zamanı bir araya gəlmişdi. Düzdür, toplanışlar tez-tez olsa, çatışmazlıqları daha erkən aradan qaldıra bilərik. Budəfəki toplanışa aprelin 20-də başladıq və qısa müddət ərzində ardıcıl üç oyun keçirdik. Bir neçə əsas futbolçumuz heyətdə deyildi. U-20 millinin toplanışına qatılanlar və zədəlilər var idi. Əli Bəşirov, Bilal Hacıyev, Uğur Qurbanlı və Mehdi Mütəllimlini qeyd edə bilərəm. Əlbəttə ki, onların yoxluğu bizə müəyyən çətinliklər yaratdı. Buna baxmayaraq, keçirdiyimiz üç oyundan ikisində qələbə qazandıq”.
Aqil Nəbiyev Rusiya, Qazaxıstan və Pakistan yığmalarına qarşı baş tutan matçları dəyərləndirib:
“Rusiya yığmasına qarşı keçirdiyimiz ilk görüşün birinci hissəsi 0:0 hesabı ilə yekunlaşdı. Fasilədən sonra heyətdə ardıcıl əvəzetmələrə əl atdıq. Dəyişikliklərdən sonra oyunumuzda, futbolçuların fiziki durumunda eniş yaşandı. Ancaq yenə də komanda toparlanaraq ardıcıl iki qələbə qazandı. 6 aylıq fasilədən sonra toplanaraq turnirə hazırlaşmaq həm bizim, həm də futbolçular üçün çətin oldu. Bu yaş qrupu ilə səfərdə ilk beynəlxalq turnirə qatılmışdıq. Buna görə də futbolçularda həyəcan, stress var idi. Həm texniki, həm də fiziki çatışmazlıqları barədə onları məlumatlandırmışıq, həmçinin klubları ilə də görüşəcəyik”.
U-17-nin baş məşqçisi noyabrda Almaniya, Şimali İrlandiya və Litva yığmalarına qarşı keçiriləcək Avropa çempionatının seçmə mərhələ matçlarına qədər komandanın hazır olacağına inandığını vurğulayıb:
“İlin sonlarında Avropa çempionatının seçmə mərhələsində çıxış edəcəyik. Çətin qrupa düşmüşük. Rəsmi oyunlara qədər baş tutacaq toplanışlarda problemləri aradan qaldırmağa çalışacağıq. Perpektivli komandamız var, daha güclü potensiala malikik”.
U-17 UEFA İnkişaf Turnirində Rusiya (0:5) yığmasına məğlub olub, Qazaxıstan (1:1, Penaltilərlə 4:2) və Pakistan (1:0) seçmələrinə isə qalib gəlib.
17 yaşadək futbolçulardan ibarət Azərbaycan milli komandası (U-17) bu gün UEFA İnkişaf Turnirində üçüncü oyuna çıxıb.
Arena.az xəbər verir ki, millimiz Pakistanın müvafiq yaş qrupundan ibarət komandası ilə qarşılaşıb.
Qazaxıstanın Çimkənd şəhərində yerləşən “Namys” stadionunda keçirilmiş görüş millimizin 1:0 hesablı qələbəsi ilə yekunlaşıb. Komandamızın heyətində qalibiyyət qolunu 77-ci dəqiqədə Nazim Əliyev vurub.
Bununla da Aqil Nəbiyevin yetirmələri 4 komandanın iştirakı ilə baş tutmuş turniri 5 xalla tamamlayıb. U-17 daha əvvəl Rusiya (0:5) və Qazaxıstan (1:1. penaltilərlə 4:2) seçmələri ilə qarşılaşmışdı.
Qeyd edək ki, millimiz UEFA İnkişaf Turnirinə bu heyətlə qatılmışdı:
Ülvi Abbaslı – Sumqayıt Oqtay Mehrəliyev – Qarabağ Ruslan Quliyev – Neftçi Vaqif Nəbiyev – Qarabağ Roman Fərzəli – Qarabağ Arda Əzizli – Qarabağ Vaqif Məmmədli – Sabah Tunar Bayramov – Qarabağ Nazim Əliyev – Srvena Zvezda (Serbiya) Əhəd Hacızadə – Qarabağ Yusif Orucəliyev – Qarabağ Nihad Hüseynzadə – Sabah Şikar Şikar – Neftçi Firdovsi Şeydayev – Sabah Nicat Əhmədzadə – Marset (İspaniya) Rəsul Balakişiyev – Marset (İspaniya) Ümid Əliyev – Hueska (İspaniya) Tunar Əsgərzadə – Qarabağ Ruslan Əbilov – Sabah Hikmət Mirzə – Nastik İdman Akademiyası (İspaniya)
Bu gün futzal üzrə Azərbaycan çempionatında (Yüksək Liqa) 2025/2026-cı illər mövsümünün 18-ci turunun oyunları keçiriləcək.
Arena.az xəbər verir ki, turun hər iki görüşü “Olimpik Star”da baş tutacaq.
Əvvəlcə “Şuşa” “Neftçi” İK ilə üz-üzə gələcək. Günün digər oyunu U-19 millimizlə “Baku Fire” arasında baş tutacaq.
Son çempion “Araz-Naxçıvan” isə meydana çıxmadan 3 xal qazanacaq. Belə ki, “Lənkəran” komandası çempionatdakı çıxışını dayandırdığına görə, rəqibinə avtomatik qələbə yazılacaq.
Yüksək Liqa 18-ci tur 30 aprel
Şuşa – Neftçi İK Hakimlər: Hidayət Feyzullayev, Ramil Namazov, Hikmət Qafarlı. Hakim-inspektor: Füzuli Nəcəfov. Bakı. “Olimpik Star”. Saat 14:30.
U-19 – Baku Fire Hakimlər: Rza Məmmədov, Hacıəli Ağayev, Knyaz Əmiraslanov. Hakim-inspektor: Elçin Səmədli. Bakı. “Olimpik Star”. Saat 16:30.
Xallar: Neftçi İK – 46. Araz-Naxçıvan – 43. Baku Fire – 32. Şuşa – 18. U-19 – 12. Lənkəran – 0.
Bu gün futbol üzrə Avropa Konfrans Liqasında 2025/2026-cı illər mövsümünün yarımfinal mərhələsinin ilk oyunları keçiriləcək.
Arena.az xəbər verir ki, hər iki qarşılaşma eyni gündə baş tutacaq.
“Rayo Valyekano” İspaniyada Fransanın “Strasburq” komandasını sınağa çəkəcək. Bu komandaların ilk görüşünü Litvadan olan Donatas Rumşas idarə edəcək.
Günün digər oyununda Ukraynanın “Şaxtyor” (Donetsk) komandası Polşada İngiltərə təmsilçisi – “Kristal Pelas”la qarşılaşacaq. Oyunun baş hakimi almaniyalı Feliks Svayer olacaq.
Xatırladaq ki, Avropa Konfrans Liqasında yarımfinal mərhələsinin cavab qarşılaşmaları bir həftə sonra – mayın 7-də keçiriləcək.
Avropa Konfrans Liqası Yarımfinalın ilk oyunları 30 aprel
23:00. Rayo Valyekano (İspaniya) – Strasburq (Fransa) Baş hakim: Donatas Rumşas (Litva). Madrid. “Kampo de Valyekas” stadionu.
23:00. Şaxtyor (Donetsk, Ukrayna) – Kristal Pelas (İngiltərə) Baş hakim: Feliks Svayer (Almaniya). Krakov. “Sinerji Arena”.
Bu gün futbol üzrə Azərbaycan çempionatında (Premyer Liqa) 21-ci turdan təxirə salınmış “Neftçi” – “Qarabağ” oyunu keçiriləcək.
Arena.az xəbər verir ki, qarşılaşmanı Kamranbəy Rəhimov idarə edəcək.
Ona yan xətt hakimləri Rəhman İmami ilə Müslüm Əliyev kömək edəcəklər. Dördüncü hakim funksiyasını Rəşad Əhmədov yerinə yetirəcək.
“Neftçi Arena”da baş tutacaq oyuna saat 20:00-da start veriləcək.
Xatırladaq ki, sözügedən komandalar bir neçə gün öncə də oxşar məkanda üz-üzə gəlmişdilər. Həmin qarşılaşma Ağdam təmsilçisinin 5:1 hesablı qələbəsi ilə başa çatmışdı.
“Qarabağ” hazırda Premyer Liqanın yarış cədvəlində 59 xalla ikinci pillədə qərarlaşıb. “Neftçi” isə 44 xalla beşincidir.
Bu gün futbol üzrə UEFA Çempionlar Liqasında (ÇL) 2025/2026 mövsümünün yarımfinal mərhələsinin növbəti oyunu keçirilib.
Arena.az xəbər verir ki, ikinci oyun günündə də bir qarşılaşma baş tutub.
Mərhələnin ikinci oyununda Madrid “Atletiko”su İspaniyada İngiltərə Premyer Liqasının lideri “Arsenal”ı sınağa çəkib. Tərəflər hərəyə 1 qolla kifayətləniblər. Bu üzdən də bütün suallara cavab görüşündə aydınlıq gələcək.
Xatırladaq ki, mərhələnin ilk oyununda ÇL-in sonuncu qalibi PSJ Fransada Almaniya nəhəngi “Bayern”ə 5:4 hesabı ilə qalib gəlib.
Yarımfinalın cavab görüşləri mayın 5-də və 6-da baş tutacaq.
UEFA Çempionlar Liqası Yarımfinalın ilk oyunları 28 aprel
PSJ (Fransa) – Bayern (Almaniya) 5:4 Qollar: Xviça Kvaratsxeliya, 24; 56. Joao Neves, 33. Usman Dembele, 45+5-pen; 58 – Harri Keyn, 17-pen. Maykl Olise, 41. Dayo Upamekano, 65. Luis Dias, 68. Baş hakim: Sandro Şerer (İsveçrə). Paris. “Park de Prens” stadionu.
29 aprel
Atletiko (Madrid, İspaniya) – Arsenal (İngiltərə) 1:1 Qollar: Xulian Alvares, 56-pen – Viktor Dyökereş, 44-pen. Baş hakim: Danni Makkeli (Niderland). Atletiko. “Metropolitano” stadionu.
Fransa çempionatında mübarizə aparan “Tuluza” klubu cari mövsümün sonunda baş məşqçi Karles Martines ilə yollarını ayıracaq.
Arena.az xəbər verir ki, bu barədə Fransa klubu rəsmi saytı vasitəsilə məlumat yayıb.
Liqa 1 təmsilçisi bu ilin 30 iyununa qədər qüvvədə olan müqavilənin müddətini uzatmayacaqlarını təsdiqləyib. Beləliklə, 41 yaşlı ispaniyalı mütəxəssis yayda vəzifəsindən ayrılacaq.
Xatırladaq ki, Karles Martines 2023-cü ildən sözügedən komandanı çalışdırırdı. Bu, onun klub səviyyəsində müstəqil şəkildə ilk iş təcrübəsidir. İspan mütəxəssis “Tuluza”nı indiyə qədər bütövlükdə 118 oyuna çıxarıb. Liqa 1 təmsilçisi bu görüşlərdə 42 qələbə qazanıb, 30 heç-heçə edib, 46 məğlubiyyətə üzülüb.
“Tuluza” hazırda Fransa Liqa 1-in 2025/2026-cı illər mövsümünün turnir cədvəlində 31 oyuna topladığı 38 xalla 10-cu yerdə qərarlaşıb. Komanda 10 qələbə qazanıb, 8 heç-heçə edib, 13 məğlubiyyət görüb.
FİFA bu il təşkil ediləcək futbol üzrə dünya çempionatı (DÇ-2026) üçün ayıracağı mükafat fondunun artırıldığını açıqlayıb.
Arena.az xəbər verir ki, bu barədə qurumun mətbuat xidməti məlumat yayıb.
Vurğulanır ki, yeni qərara əsasən mundialın ümumi mükafatının məbləği 15 faiz artırılaraq 871 milyon dollara çatdırılıb.
Turnirdə iştirak edəcək hər komanda minimum 12,5 milyon dollar qazanacaq. Əlavə olaraq, hazırlıq və təsnifat ödənişləri də yüksəldilib.
Qeyd edilir ki, FİFA-nın bu addımı yüksək xərclərlə bağlı federasiyaların narahatlıqlarını azaltmaq məqsədi daşıyır.
DÇ-2026 bu il ABŞ, Meksika və Kanadanın birgə təşkilatçılığı ilə keçiriləcək. İyunun 11-dən iyulun 19-na qədər davam edəcək bu dünya çempionatına ümumilikdə 48 komanda qatılacaq ki, bu da rekord göstəricidir.
Azərbaycan Basketbol Liqasında (ABL) 2025/2026-cı illər mövsümünün qalibini müəyyənləşdirəcək final seriyasına start verilib.
Arena.az xəbər verir ki, bu gün “Sabah” və “Abşeron Lions” komandaları arasındakı final seriyasının ilk oyunu keçirilib.
Bakı İdman Sarayında baş tutmuş oyuna “Abşeron Lions” üstün başlayıb və 12 xallıq fərqlə önə keçib. Oyunun 3-cü periodundan etibarən geridönüş etməyi bacaran “Sabah” basketbolçuları yekunda 98:93 hesablı qələbə qazanaraq, super seriyada ümumi hesabı 1:0 ediblər.
Final seriyasının ikinci oyunu mayın 2-də baş tutacaq. Qarşılaşmaya saat 14:00-da start veriləcək.
Qeyd edək ki, ABL-in 2025/2026-cı illər mövsümünün reqlamentinə əsasən, final seriyasında ən tez üç qələbə qazanmış komanda Azərbaycan çempionu olacaq.
Azərbaycan Basketbol Liqasının sonuncu qalibi məhz “Sabah” komandasıdır.
Futbol üzrə Burkina Faso millisinin mərkəz müdafiəçisi Edmond Tapsoba Almaniyanın “Bayer” klubu ilə yeni müqaviləyə imza atıb.
Arena.az xəbər verir ki, bu barədə Leverkuzen klubunun mətbuat xidməti məlumat yayıb.
Tərəflər arasındakı yeni müqavilənin müddəti 2031-ci ilin yayına kimi nəzərdə tutulub. Əvvəlki sözləşmənin müddəti 2028-ci ilin 30 iyununda bitəcəkdi.
Xatırladaq ki, Edmond Tapsoba 2020-ci ilin yanvar ayından Leverkuzen təmsilçisinin uğurları üçün çalışır. “Bayer” onu həmin vaxt Portuqaliyanın “Vitoriya” (Gimaraynş) klubundan 20,2 milyon avroya transfer etmişdi. Tapsoba indiyə qədər “Bayer”də 267 oyuna çıxıb, 13 qol və 8 məhsuldar ötürmə müəllifi olub.
Tapsoba daha öncə “Salitas”, “Uaqaduqu”, “Leyksoeş”, “Vitoriya” kimi klubların da şərəfini qoruyub.
Edmond 2016-cı ilin avqustunda debüt etdiyi Burkina Faso yığmasının heyətində 60 oyuna çıxıb, 4 qola imza atıb, 2 məhsuldar ötürmə verib.
“Transfermarkt” internet-portalı 27 yaşlı müdafiəçinin transfer dəyərini 35 milyon avro məbləğində qiymətləndirir.
PSJ-nin müdafiəçisi Əşrəf Hakimi UEFA Çempionlar Liqasının yarımfinalında “Bayern”ə qarşı keçirəcəkləri cavab oyununu buraxa bilər.
Arena.az xəbər verir ki, Almaniya nəhəngi ilə doğma meydanda baş tutmuş ilk oyunda (5:4) zədə almış futbolçu ilkin tibbi müayinədən keçib.
Müayinənin nəticələri oyunçudakı problemin sadəcə əzələ qıcolmaları olması ilə bağlı ilkin versiyanı təkzib edir. Bu səbəbdən mərakeşli futbolçu tezliklə daha ətraflı tibbi testlərə cəlb olunacaq. Əgər futbolçuda ciddi problem aşkarlanarsa, onun mövqeyində müvəqqəti olaraq yarımmüdafiəçi Uorren Zair-Emeri çıxış edəcək.
Xatırladaq ki, PSJ və “Bayern” arasında Çempionlar Liqasının yarımfinal mərhələsinin cavab qarşılaşması mayın 6-da Münhendə baş tutacaq. Bu cütün qalibi finalda “Atletiko” – “Arsenal” cütünün qalibi ilə üz-üzə gələcək.
Xatırladaq ki, Əşrəf Hakimi Madrid “Real”ının yetirməsidir. İspaniya nəhəngi bir müddət Dortmund “Borussiya”sında (Almaniya) icarədə də olmuş müdafiəçini 2020-ci ildə 43 milyon avroya Milan “İnter”inə satıb. PSJ isə Əşrəfi 2021-ci ilin yayında 68 milyon avro müqabilində heyətinə qatıb. 27 yaşlı futbolçunun Paris klubu ilə 2029-cu ilin 30 iyununadək müqaviləsi mövcuddur.
Hakimi indiyə qədər Fransa nəhənginin heyətində 206 oyuna çıxıb, 28 qol və 44 məhsuldar ötürmə müəllifi olub.
2016-cı ildə Mərakeş yığmasında debüt etmiş Hakimi millinin heyətində 95 oyun keçirib, 11 qol və 19 məhsuldar ötürmə ilə yadda qalıb.
“Transfermarkt” internet-portalı 27 yaşlı müdafiəçinin transfer dəyərini 80 milyon avro məbləğində qiymətləndirir.
İspaniyanın “Qranada” komandasının əlcəzairli qapıçısı, ötənlərin məşhur futbolçusu Zinədin Zidanın oğlu Luka Zidan ağır zədə alıb.
Arena.az xəbər verir ki, “Almeriya” ilə oyunda toqquşma nəticəsində zədələnmiş qolkiperin çənə sümüyündə sınıq aşkarlanıb.
Bu səbəbdən o, mövsümün qalan hissəsini buraxacaq. Lukanın qarşıdakı dünya çempionatında iştirakı da sual altına düşüb. Əməliyyat olunacağı halda Zidanın mundialı qaçırması ehtimalı yüksəkdir.
Xatırladaq ki, əfsanəvi futbolçu Zinədin Zidanın oğlu əvvəllər Fransanın gənclər komandalarında çıxış edib. O, ötən il ata tərəfdən nənə-babasının vətəni olan Əlcəzairin şərəfini qorumaq qərarına gələrək vətəndaşlığını dəyişib.
Luka Zidan 2024-cü ilin yayından “Qranada”da çıxış edir. 27 yaşlı qolkiper bu komandanın heyətində meydana çıxdığı 45 oyunda 57 top buraxıb, 15 matçda qapısını toxunulmaz saxlayıb.
Luka “Eybar”, “Real”, “Kastilya”, “Rasinq”, “Rayo Valyekano” kimi komandalarda da çıxış edib.
Almaniya çempionu “Bayern”in təcrübəli qapıçısı Manuel Noyer UEFA Çempionlar Liqasının (ÇL) antirekordunu təkrarlayıb.
Arena.az xəbər verir ki, bu, ÇL-in 2025/2026-cı illər mövsümünün yarımfinal mərhələsinin PSJ (Fransa) ilə ilk oyununda qeydə alınıb.
Almaniyalı qolkiper 4:5 hesabıyla uduzduqları matçda qapıya vurulan 5 zərbədən heç birini dəf edə bilməyib. PSJ futbolçularının çərçivəyə endirdiyi zərbələrin hamısı qollarla nəticələnib. Beləliklə, Noyer turniridə nadir antirekordu təkrarlayıb.
Oxşar hadisə sonuncu dəfə 2000-ci ildə baş verib. O zaman “Çelsi”nin qapıçısı Ed de Qeye də “Barselona”ya qarşı 1/4 finalda bir dənə də olsun seyv etmədən 5 qol buraxmışdı.
Xatırladaq ki, Manuel Noyer “Şalke”nin yetirməsidir. Alman qapıçı 2011-ci ilin iyulundan “Bayern”də çıxış edir. Noyer Münhen klubuna 30 milyon avro məbləğ müqabilində elə, “Şalke”dən transfer edilib.
Qapıçının Münhen klubu ilə cari müqaviləsi 2026-cı ilin iyun ayının sonuna qədər qüvvədədir.
Noyer cari mövsümdə “Bayern”in heyətində 35 oyuna çıxıb, 38 qol buraxıb, 11 oyunda qapısının toxunulmazlığını təmin edib.
Təcrübəli qapıçının “Bayern” karyerası ümumilikdə 596 oyun, 497 buraxılmış qol və 269 “quru” oyundan ibarətdir. Noyer bu komanda ilə birlikdə 13 dəfə Almaniya çempionu, 5 dəfə Almaniya kubokunun və 2 dəfə UEFA Çempionlar Liqasının qalibi olub.
Noyer 2009-cu ilin iyununda debüt etdiyi və 2024-cü ildə iştirakına xitam verdiyi Almaniya yığmasının heyətində ümumilikdə 124 oyun keçirib, 118 qol buraxıb, 51 oyunda qapısını toxunulmaz saxlayıb.
Alman qapıçı “bundestim”lə DÇ-2014-ün qalibi olub. Noyer həmçinin Almaniyanın U-21 yığması ilə Avropa çempionatını (2009) qazanıb.
“Transfermarkt” internet-portalı 40 yaşlı alman qapıçının transfer dəyərini 4 milyon avro məbləğində qiymətləndirir.
Bu gün futbol üzrə Azərbaycan Birinci Liqasında 2025/2026-cı illər mövsümünün 24-cü turunun oyunlarına start verilib.
Arena.az xəbər verir ki, ilk oyun günündə üç qarşılaşma baş tutub.
“Şəfa” – “Şimal” matçında qapılara qol vurulmayıb. MOİK “Şahdağ Qusar”la ev oyununda tək qolla uduzub. Səkkiz qolun qeydə alındığı “Mingəçevir” – “Zaqatala” oyununda isə meydan sahibləri darmadağına seviniblər.
24-cü turun qalan görüşləri aprelin 30-da keçiriləcək.
İngiltərə millisinin keçmiş yarımmüdafiəçisi Co Koul polşalı hücumçu Robert Levandovskinin “Liverpul”da oynamasını arzu edir.
Arena.az xəbər verir ki, “Barselona”nın 37 yaşlı polyak ulduzunun cari mövsümün sonunda Kataloniya klubunu böyük ehtimalla azad agent qismində tərk edəcək.
Bu arada Co Koul “Liverpul”a “Lyova” ilə müqavilə imzalamğı tövsiyə edib:
“Fikrimcə, “Liverpul”a öndə təcrübəli hücumçu mane olmaz. Robert Levandovski ilə müqavilə imzalamaq olar”, deyə Koul bildirib.
Xatırladaq ki, Robert Levandovski “Barselona”ya 2022-ci ilin iyul ayında 45 milyon avro məbləğ müqabilində “Bayern”dən keçib. Tərəflər arasındakı müqavilə daha 1 il müddətinə uzadılması imkanı ilə 2026-cı il iyun ayının sonuna qədər qüvvədədir. Amma tərəflərin bu ilin yayında yollarını ayırması gözlənilir.
Polyak hücumçu cari mövsümdə “Barselona”nın heyətində 41 oyuna çıxıb, 17 qol vurub, 4 məhsuldar ötürmə verib.
Levandovskinin Kataloniya klubu üçün çıxışı ümumilikdə 188 oyun, 118 qol və 24 məhsuldar ötürmədən ibarətdir.
Təcrübəli hücumçu karyerası ərzində “Borussiya” (Dortmund), “Lex” (Poznan), “Zniç”, “Legiya” (Varşava) və “Delta” komandalarında da çıxış edib.
Robert Levandovski hazırda kapitanı olduğu və 2008-ci ilin sentyabr ayında debüt etdiyi Polşa yığmasının heyətində 165 oyun keçirib, 89 qol vurub, 38 məhsuldar ötürmə verib. Robert hər iki göstərici üzrə Polşa yığma komandasının mütləq rekordçusudur.
“Transfermarkt” internet-portalı 37 yaşlı polyak hücumçunun transfer dəyərini 8 milyon avro məbləğində qiymətləndirir.
“Liverpul”un mərkəz müafiəçisi İbrahima Konate “qırmızılar”la cari mövsümün sonunda başa çatacaq müqaviləsindən danışıb.
Arena.az xəbər verir ki, fransalı futbolçu Premyer Liqa nəhəngi ilə yeni müqavilə bağlamaq niyyətində olduğunu gizlətməyib:
“Böyük ehtimal var ki, mən növbəti mövsümdə də burada qalacağam. Bu, elə, həmişə istəyində olduğumdur”, deyə Konate vurğulayıb.
Yeri gəlmişkən, “Liverpul”un macar yarımmüdafiəçisi Dominik Soboslai də “qırmızılar”a münasibətini açıqlayıb:
“Burada olmaq çox xoşuma gəlir. Ailəm xoşbəxtdir. Həm klubu, həm də azarkeşləri sevirəm”, deyə Soboslai vurğulayıb.
Xatırladaq ki, Dominik Soboslai 2023-cü ildən “Liverpul”un formasını geyinir. 25 yaşlı hücumameyilli yarımmüdafiəçinin İngiltərə klubu ilə 2028-ci ilin 30 iyununadək müqaviləsi mövcuddur. Macar futbolçu “qırmızılar”ın heyətində 143 oyuna çıxıb, 27 qol vurub, 23 məhsuldar ötürmə müəllifi olub.
İbrahima Konate isə 2021-ci ildən “Liverpul”un uğurları üçün çalışır. 26 yaşlı müdafiəçi “qırmızılar”ın heyətində 179 oyuna çıxıb, 7 qol və 4 məhsuldar ötürmə müəllifi olub.
Türkiyə Futbol Federasiyası (TFF) Türkiyə Kubokunun 2025/2026-cı illər mövsümünün final oyununun keçiriləcəyi stadionu açıqlayıb.
Arena.az xəbər verir ki, bu barədə Türkiyə Futbol Federasiyasının (TFF) mətbuat xidməti məlumat yayıb.
Xəbərdə bildirilir ki, həlledici qarşılaşma Antalya Stadionunda baş tutacaq.
Final matçının tarixi mayın 24-dən 22-nə dəyişdirilib. Həlledici görüşə Bakı vaxtı ilə saat 21:45-də start veriləcək.
Xatırladaq ki, turnirin yarımfinalında “Beşiktaş” “Konyaspor”la, “Trabzonspor” “Gənclərbirliyi” ilə üz-üzə gələcək. “Beşiktaş”ın “Konyaspor”la görüşü mayın 5-də baş tutacaq. Digər finalçının adına isə mayın 13-də aydınlıq gələcək. Hər iki qarşılaşmaya saat 21:30-da start veriləcək.
Türkiyə Kubokunun sonuncu qalibi “Qalatasaray”dır. İstanbul təmsilçisi həm də bu turnirin rekordçusudur – 19 titul. “Beşiktaş” 11, “Trabzonspor” 9 dəfə ölkə kubokunu başı üzərinə qaldırıb.
AFFA-nın vitse-prezidenti və İcraiyyə Komitəsinin üzvü Könül Mehdiyeva qadınlar arasında UEFA Çempionlar Liqasına təyinat alıb.
Arena.az bu barədə AFFA-nın rəsmi saytına istinadən xəbər verir.
Bildirilir ki, Könül Mehdiyeva qadınlar arasında UEFA Çempionlar Liqasının (ÇL) 2025/2026-cı illər mövsümünün yarımfinal mərhələsi çərçivəsində keçiriləcək “Barselona” (İspaniya) – “Bayern” (Almaniya) oyununun UEFA nümayəndəsi olacaq.
Sözügedən komandalar arasındakı görüş mayın 3-də Barselona şəhərində yerləşən “Nou Kamp” stadionunda keçiriləcək. Oyuna Bakı vaxtı ilə saat 18:30-da start veriləcək.
Xatırladaq ki, İspaniya və Almaniya nəhəngləri arasında aprelin 25-də Münhen şəhərində keçirilmiş ilk oyunda qalib müəyyənləşməyib – 1:1.
Qadınlar arasında UEFA Çempionlar Liqasının digər finalçısının adına mayın 2-də keçiriləcək “Olimpik” (Lion, Fransa) – “Arsenal” (İngiltərə) matçında aydınlıq gələcək. Bu komandaların ilk görüşündə ingilislər 2:1 hesablı qələbəyə seviniblər.
Futbol üzrə Azərbaycan Premyer Liqasında 21-ci turdan təxirə salınmış “Neftçi” – “Qarabağ” matçının təyinatları açıqlanıb.
Arena.az xəbər verir ki, bu barədə Peşəkar Futbol Liqasının (PFL) rəsmi saytı məlumat yayıb.
Qarşılaşmanı Kamranbəy Rəhimov idarə edəcək. Ona yan xətt hakimləri Rəhman İmami ilə Müslüm Əliyev kömək edəcəklər. Dördüncü hakim funksiyasını Rəşad Əhmədov yerinə yetirəcək.
Qeyd edək ki, qarşılaşma sabah – aprelin 30-da “Neftçi Arena”da baş tutacaq.
Xatırladaq ki, sözügedən komandalar bir neçə gün öncə də oxşar məkanda üz-üzə gəlmişdilər. Həmin qarşılaşma Ağdam təmsilçisinin 5:1 hesablı qələbəsi ilə başa çatmışdı.
Almaniya çempionu “Bayern”in ingilis hücumçusu Harri Keyn futbol üzrə UEFA Çempionlar Liqasında (ÇL) unikal nailiyyətə imza atıb.
Arena.az xəbər verir ki, 32 yaşlı forvard ötən gecə ÇL-in yarımfinal mərhələsinin PSJ (Fransa) ilə ilk oyununda bir qol vurub.
Bununla da Keyn ÇL-də çıxdığı ardıcıl 6-cı matçda qol müəllifi olub. O, əvvəlki beş Çempionlar Liqası matçında – “Union”, PSV, “Atalanta” və “Real”la (həm ilk, həm də cavab oyununda) görüşlərdə də fərqlənmişdi. Nəticədə Keyn sözügedən turnirdə ingiltərəli futbolçular arasında yeni rekord müəyyənləşdirib.
Keyn son 6 matçda 8 qol vurmaqla 2008-ci ildə ardıcıl beş oyunda fərqlənmiş həmyerlisi Stiven Cerrardın da rekordunu qırıb.
Harri Keyn “Tottenhem”in yetirməsidir. İngilis hücumçu 2023-cü ilin avqust ayında 100 milyon avro məbləğ müqabilində elə, London klubundan “Bayern”ə keçib. Harrinin Münhen klubu ilə müqaviləsinin müddəti 2027-ci ilin iyun ayının sonuna qədər qüvvədədir.
Cari mövsümdə Keyn “Bayern” üçün bütün yarışlarda 46 oyuna çıxıb, 54 qol və 7 məhsuldar ötürmə ilə fərqlənib.
Harri Keynin Almaniya nəhənginin heyətində çıxışının ümumi mənzərəsi 142 oyun, 139 qol və 33 məhsuldar ötürmədən ibarətdir.
Keyn 2015-ci ilin mart ayında debüt etdiyi İngiltərə yığma komandasının heyətində 112 oyuna 78 qol və 19 məhsuldar ötürmə ilə fərqlənib. Keyn İngiltərə yığmasının ən sərrast qolçusudur.
“Transfermarkt” internet-portalı 32 yaşlı ingilis hücumçunun transfer dəyərini 65 milyon avro məbləğində qiymətləndirir.
Bu gün AFFA İntizam Komitəsinin növbəti iclası keçirilib, İkinci Liqanın 24-cü turunun oyunları ilə bağlı aşağıdakı bəzi qəbul edilib.
Arena.az AFFA-nın rəsmi saytına istinadən həmin qərarların siyahısını təqdim edir:
“Araz Saatlı” – “Göygöl” oyununda “Göygöl”ün 4 futbolçusu sarı vərəqə aldığı üçün sözügedən komanda 70 manat cərimə edilib.
“Xankəndi” – “Qaradağ Lökbatan” oyununda “Xankəndi”nin 4 futbolçusu sarı vərəqə aldığı üçün sözügedən komanda 70 manat cərimə edilib. Oyunun 90+4-cü dəqiqəsində “Xankəndi”nin futbolçusu Elvin Nəsibov ikinci sarıdan qırmızı vərəqə aldığı üçün 1 oyunluq cəza alıb. “Xankəndi” buna görə 50 manat cərimə ödəyəcək. Oyunun 90+10-cu dəqiqəsində “Xankəndi”nin futbolçusu Müşfiq Teymurov hakimin qərarına etiraza görə ikinci sarıdan qırmızı vərəqə aldığı üçün 1 oyunluq cəza alıb. “Xankəndi” buna görə 250 manat cərimə edilib. Meydançaya kənar əşya atıldığına görə “Xankəndi” 200 manat cərimə edilib. Oyunun 90+8-ci dəqiqəsində “Qaradağ Lökbatan”ın futbolçusu Ülvi Sarıyev qeyri-etik ifadə və ya hərəkətə görə birbaşa qırmızı vərəqə aldığı üçün 3 oyunluq cəza alıb. “Qaradağ Lökbatan” buna görə 800 manat cərimə edilib. Oyun bitdikdən sonra “Qaradağ Lökbatan”ın futbolçusu Hakan Həsənov ikinci sarıdan qırmızı vərəqə aldığı üçün 1 oyunluq cəza alıb. Lökbatan komandası buna görə 50 manat cərimə edilib.
Bu gün AFFA İntizam Komitəsinin növbəti iclası keçirilib, Premyer Liqanın 29-cu turunun oyunları ilə bağlı bəzi qərarlar qəbul edilib.
Arena.az AFFA-nın rəsmi saytına istinadən həmin qərarların siyahısını təqdim edir:
Premyer Liqa, 29-cu tur
“İmişli” – “Sumqayıt” oyununda “İmişli”də 5 nəfər sarı vərəqə aldığı üçün sözügedən komanda 700 manat cərimə edilib. Oyun “Sumqayıt”ın formasında qüsurlar olması səbəbindən gec başladığına görə sözügedən klub 1500 manat cərimə edilib. “Sumqayıtın azarkeşləri tərəfindən futbolçularının ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə sözügedən klub 8000 manat cərimə ödəyəcək. Oyun bitdikdən sonra “Sumqayıt”ın azarkeşləri tərəfindən pirotexniki vasitədən istifadə edildiyinə görə bu komanda daha 3000 manat cərimə edilib.
“Şamaxı” – “Kəpəz” oyununda “Kəpəz”də 5 nəfər sarı vərəqə aldığı üçün sözügedən komanda 700 manat cərimə edilib.
“Neftçi” – “Qarabağ” oyununun 90+3-cü dəqiqəsində “Neftçi”nin azarkeşləri tərəfindən meydanaçaya kənar əşyalar atıldığına və bu hal cari mövsümdə 6-cı dəfə təkrarlandığına görə paytaxt komandası 5000 manat cərimə edilib. “Neftçi” azarkeşləri tərəfindən kütləvi şəkildə təhqiramiz ifadələr səsləndirildiyinə və bu hal cari mövsümdə 8-ci dəfə təkrarlandığına görə paytaxt klubu 8000 manat cərimə edilib. “Neftçi” – “Qarabağ” oyununda “Qarabağ”ın azarkeşləri tərəfindən pirotexniki vasitədən istifadə edildiyinə və bu hal cari mövsümdə 4-cü dəfə təkrarlandığına görə Ağdam komandası 7000 manat cərimə edilib.
“Sabah” – “Karvan” oyununun 64-cü dəqiqəsində “Sabah”ın futbolçusu Aleksey İsayev ciddi qayda pozuntusuna görə birbaşa qırmızı vərəqə aldığı üçün 2 oyunluq cəza alıb. “Sabah” buna görə 1000 manat cərimə edilib. Oyun bitdikdən sonra meydançaya kənar şəxs daxil olduğuna və bu hal cari mövsümdə 3-cü dəfə təkrarlandığına görə paytaxt komandası 6500 manat cərimə edilib. Oyunun 36-cı dəqiqəsində “Karvan”ın futbolçusu Qavi Tompson ikinci sarıdan qırmızı vərəqə aldığı üçün 1 oyunluq cəza alıb. Yevlax komandası buna görə 500 manat cərimə edilib.
16 yaşadək qızlardan ibarət Azərbaycan milli komandası (U-16) aprelin 30-da Bakıda təlim-məşq toplanışına başlayacaq.
Arena.az xəbər verir ki, Milli Komandaların Təlim-Məşq Mərkəzində hazırlıq keçəcək U-16 ardından Bakıda təşkil olunacaq UEFA İnkişaf Turnirinə qatılacaq.
Komandamız Litva, Rumıniya və Gürcüstan yığmaları ilə mübarizə aparacaq. Oyunlar Binə stadionunda keçiriləcək.
Azərbaycan yığmasına dəvət edilmiş futbolçuların adlarını və keçirəcəyi oyunların təqvimini nəzərinizə çatdırırıq:
“Bayern”in baş məşqçisi Vensan Kompani UEFA Çempionlar Liqasının yarımfinalında PSJ-yə qarşı keçirdikləri ilk oyunu şərh edib.
Arena.az xəbər verir ki, sözügedən komandaların ilk oyunu ötən gecə Paris şəhərində keçirilib və Almaniya nəhənginin 4:5 hesablı məğlubiyyəti ilə yekunlaşıb.
Kompani bu oyunu tribunadan izləmək məcburiyyətində qalıb. Belçikalı mütəxəssis sarı vərəqə limitini doldurduğu üçün yarımfinalın ilk matçında diskvalifikasiya olunmuşdu. Bu üzdən də o, texniki zonada yer ala bilməyib.
Kompani oyundan sonra matçı tribunadan izləməyin xoşuna gəlmədiyini gizlətməyib və həmkarı Luis Enrikeyə də maraqlı mesaj ünvanlayıb. O, komandasının oyuna yüksək enerji ilə başladığını və hücumda təhlükəli anlar yaratdığını deyib:
“Meydanda əsl enerji var idi. Biz həm oyuna nəzarət edirdik, həm də təhlükə yaradırdıq. Beş qol buraxmaq yarımfinal səviyyəsində məğlubiyyət deməkdir, amma yaratdığımız imkanlara baxanda daha çox qol vura bilərdik”.
Vensan Kompani əlavə edib ki, nəticə xırda detallardan asılı olub:
“Bu cür matçlarda hər şey incə detallarla həll olunur. Növbəti oyunda da bu detallar həlledici olacaq. Evdə azarkeşlərimizlə birlikdə maksimum gücümüzü ortaya qoymalıyıq.
Oyuna tribunadan baxmaq xoşuma gəlmədi. Luis Enrikeyə dedim ki, bunu öz istəyi ilə niyə etdiyini anlamıram. Amma komandamın xarakter göstərməsi xoşuma gəldi. Bu, futbolsevərlər üçün əsl matç idi”.
Xatırladaq ki, bu komandalar arasında cavab qarşılaşması mayın 6-da, Münhendəki “Alyans Arena”da baş tutacaq.
PSJ-nin baş məşqçisi Luis Enrike UEFA Çempionlar Liqasının yarımfinalında “Bayern”ə qarşı keçirdikləri ilk oyunu şərh edib.
Arena.az xəbər verir ki, sözügedən komandaların ötən gün Parisdə baş tutmuş ilk oyunu Fransa təmsilçisinin 5:4 hesablı qələbəsi ilə yekunlaşıb.
Luis Enrike matçdan sonra jurnalistlərə açıqlamasında bunları söyləyib:
“Bu, çox gərgin oyun idi. Şübhəsiz ki, məşqçi kimi mənim ən yaxşı matçım idi. Özüm çox yoruldum, halbuki bir kilometr belə qaçmamışam. Futbolçuların necə hiss etdiyini təsəvvür etmirəm”.
İspaniyalı mütəxəssis deyib ki, yaxşılaşdırmalı olduqları məqamlar var:
“Heyətində bu qədər yüksək səviyyəli futbolçu olan komandaya qarşı bu, çox da asan deyil. Dörd qol buraxdıq, üzərində işləməli olduğumuz məqamlar var. Bərpa olunacağıq, çempionat barədə düşünəcəyik, daha sonra isə diqqətimizi gələn həftəyə yönəldəcəyik. Fikrimcə, bizi oxşar oyun gözləyir”, deyə Luis Enrike vurğulayıb.
Qeyd edək ki, komandalar arasında cavab görüşü mayın 6-da Münhendə keçiriləcək.
Futbol üzrə UEFA Çempionlar Liqasının (ÇL) yarımfinal mərhələsinin PSJ – “Bayern” oyunu bu turnirin tarixinə düşüb.
Arena.az xəbər verir ki, yarımfinal mərhələsinin ilk oyunu çərçivəsində keçirilən görüşdə Paris klubu 5:4 hesabı ilə qalib gəlib.
Yəni qapılara ümumilikdə 9 qol vurulub. Bu, turnirin tarixində yarımfinal mərhələsində bir oyunda qeydə alınmış ilk belə nəticədir.
1959/1960-cı illər mövsümündə Çempionlar Kubokunun yarımfinalında “Ayntraxt” “Reyncers”i 6:3 hesabı ilə məğlub edib. Lakin həmin vaxt turnir fərqli formatda keçirilirdi.
Xatırladaq ki, Almaniya və Fransa çempionları arasında cavab oyunu mayın 6-da Münhen şəhərində keçiriləcək. “Bayern” ilk oyunda uduzsa da, mərhələ adlamaq şansları hələ də yüksək qiymətləndirilir. PSJ isə ÇL-in sonuncu qalibidir və titulunu qorumaq üçün çalışır.
Bu matçın qalibi finalda “Atletiko” (Madrid, İspaniya) – “Arsenal” (İngiltərə) cütünün qalibi ilə üz-üzə gələcək. Sözügedən komandaların ilk oyunu bu gün Madrid şəhərində təşkil ediləcək. Cavab görüşü isə bir həftə sonra baş tutacaq.
Almaniya futbolunun ən nəhəng klubu hesab edilən “Bayern” 1995-ci ilin aprelindən bəri avrokuboklarda ilk dəfə 5 qol buraxıb.
Arena.az xəbər verir ki, Münhen təmsilçisi son olaraq UEFA Çempionlar Liqasının yarımfinal mərhələsinin ilk oyununda PSJ-yə Parisdə 4:5 hesabı ilə məğlub olub.
Sözügedən komanda bundan öncə 1994/1995-ci illər mövsümündə UEFA Çempionlar Liqasının yarımfinalında “Ayaks”a (Niderland) 2:5 hesabı ilə uduzmuşdu.
Xatırladaq ki, Almaniya və Fransa çempionları arasında cavab oyunu mayın 6-da Münhen şəhərində keçiriləcək. “Bayern” ilk oyunda uduzsa da, mərhələ adlamaq şansları hələ də yüksək qiymətləndirilir. PSJ isə ÇL-in sonuncu qalibidir və titulunu qorumaq üçün çalışır.
Bu matçın qalibi finalda “Atletiko” (Madrid, İspaniya) – “Arsenal” (İngiltərə) cütünün qalibi ilə üz-üzə gələcək. Sözügedən komandaların ilk oyunu bu gün Madrid şəhərində təşkil ediləcək. Cavab görüşü isə bir həftə sonra baş tutacaq.
UEFA Çempionlar Liqasının “Bayern”lə yarımfinal oyunu PSJ-nin gürcüstanlı hücumçusu Xviça Kvaratsxeliya üçün əlamətdar olub.
Arena.az xəbər verir ki, o, Paris klubunun tarixində yeni rekordçuya çevrilib.
Belə ki, gürcüstanlı futbolçu UEFA Çempionlar Liqasında klub rekordunu yeniləyib. Xviça yarımfinal mərhələsinin “Bayern”lə ilk oyununda dubla imza atıb. Bununla da o, cari mövsümdə turnirdə 15 məhsuldar göstəriciyə (10 qol, 5 assist) imza ataraq PSJ tarixində bir mövsümdə ən yaxşı göstəriciyə sahib olub.
Kvaratsxeliya əvvəlki rekordçu Usman Dembeleni geridə qoyub. Fransalı hücumçu 2024/2025-ci illər mövsümündə 8 qol və 6 assist müəllifi olmuşdu.
Xatırladaq ki, PSJ Kvaratsxeliyanı 2025-ci il yanvarın 17-də heyətinə qatıb. Tərəflər arasında müqavilənin müddəti 2029-cu ilin 30 iyununa qədərdir. Gürcü futbolçu Paris klubuna 2022-ci ildən çıxış etdiyi “Napoli”dən 70 milyon avro məbləğ müqabilində keçib.
Xviça indiyə qədər PSJ-nin heyətində 75 oyuna çıxıb, 26 qol vurub, 17 məhsuldar ötürmə müəllifi olub.
Gürcü futbolçu klub karyerası ərzində “Dinamo” (Batumi), “Rubin” (Kazan), “Lokomotiv” (Moskva), “Rustavi”, “Dinamo” (Tiflis) və “Napoli” komandalarında oynayıb. O, Neapol klubu ilə İtaliya çempionu olub.
Xviça Kvaratsxeliya 2019-cu ilin iyununda debüt etdiyi Gürcüstan yığmasının heyətində 49 oyuna 22 qol vurub, 10 məhsuldar ötürmə verib.
“Transfermarkt” internet-portalı 25 yaşlı gürcü sol cinah hücumçusunun transfer dəyərini 90 milyon avro məbləğində qiymətləndirir.
Xatırladaq ki, Xviçanın atası Badri Kvaratsxeliya vaxtilə Azərbaycanın “Kəpəz” və “Şəmkir” komandalarında çıxış edib. Badri Kvaratsxeliya həm də Azərbaycan milli komandasının uğurları üçün çalışıb.
Bu gün futbol üzrə UEFA Çempionlar Liqasında (ÇL) 2025/2026-cı illər mövsümünün yarımfinal mərhələsinə start verilib.
Arena.az xəbər verir ki, ilk oyun günündə bir qarşılaşma baş tutub.
Mərhələnin ilk oyununda ÇL-in sonuncu qalibi PSJ Almaniya nəhəngi “Bayern”lə üz-üzə gəlib. Sözügedən komandalar arasındakı ilk oyun Fransanın paytaxtı Paris şəhərindəki “Park de Prens” stadionunda baş tutub. Oyunu İsveçrədən olan Sandro Şerer idarə edib. 9 qolun qeydə alındığı qarşılaşma meydan sahiblərinin qələbəsi ilə yekunlaşıb.
Qeyd edək ki, yarımfinalın digər görüşü sabah “Atletiko” (Madrid, İspaniya) ilə “Arsenal” arasında keçiriləcək.
Yarımfinalın cavab görüşləri mayın 5-də və 6-da baş tutacaq.
UEFA Çempionlar Liqası Yarımfinalın ilk oyunları 28 aprel
PSJ (Fransa) – Bayern (Almaniya) 5:4 Qollar: Xviça Kvaratsxeliya, 24; 56. Joao Neves, 33. Usman Dembele, 45+5-pen; 58 – Harri Keyn, 17-pen. Maykl Olise, 41. Dayo Upamekano, 65. Luis Dias, 68. Baş hakim: Sandro Şerer (İsveçrə). Paris. “Park de Prens” stadionu.
29 aprel
23:00. Atletiko (Madrid, İspaniya) – Arsenal (İngiltərə) Baş hakim: Danni Makkeli (Niderland). Atletiko. “Metropolitano” stadionu.
“Mançester Yunayted”in keçmiş mərkəz yarımmüdafiəçisi Roy Kin İngiltərə çempionluğu uğrunda mübarizədən danışıb.
Arena.az xəbər verir ki, o, “Arsenal” və “Mançester Siti” arasında gedən qızğın mübarizədə hansı komandanı dəstəklədiyi ilə bağlı sualı cavablayıb.
İrlandiyalı keçmiş futbolçunun müvafiq cavabını təqdim edirik:
“Mənim üçün fərq etməz. Amma “Arsenal”ı dəstəkləmək gərək olacaq”, deyə Roy Kin vurğulayıb.
“Mançester Yunayted”in ingilis keçmiş mərkəz hücumçusu Ueyn Runi isə İngiltərə Premyer Liqasının cari mövsümündə çempionluq uğrunda mübarizə aparan “Arsenal”ın azarkeşlərinə tövsiyə edib. Runi azarkeşlərə, “topçular”ı daha fəal dəstəkləməyi məsləhət görüb:
“Düşünürəm, “Arsenal”ın azarkeşləri öz komandalarını daha fəal surətdə dəstəkləməlidirlər”, deyə keçmiş futbolçu vurğulayıb.
Xatırladaq ki, İngiltərə Premyer Liqasının 2025/2026-cı illər mövsümündə 34 oyuna 73 xal toplamış “Arsenal” vahid liderdir. “Mançester Siti” isə 33 oyunda 70 xal toplayıb və ikinci sırada qərarlaşıb.
“Real”ın keçmiş müdafiəçisi Fernande Yerro “Liverpul”un misirli ulduzu Məhəmməd Salahı Madrid klubunun heyətində görmək istəyir.
Arena.az ispaniyalı keçmiş futbolçunun müvafiq fikrini təqdim edir:
“Salahı “Real”da görmək istərdim. Salah bütün cəhətlərdən inanılmazdır”, deyə Yerro vurğulayıb.
Xatırladaq ki, Salah cari mövsümün sonunda “Liverpul”dan ayrılacaq.
Məhəmməd Salah 2017-ci ilin iyul ayından “Liverpul”da çıxış edir. İngiltərə nəhəngi həmin dövrdə futbolçunun “Roma”dan keçidi müqabilində 42 milyon avro məbləğində xərc çəkmişdi. Hücumçunun “Liverpul”la müqaviləsinin müddəti 2027-ci ilin iyun ayının sonuna qədər qüvvədə idi. Amma futbolçu cari mövsümün sonunda ayrılmaq istədiyi üçün klub onun gedişinə razılıq verib.
Salah cari mövsümdə “qırmızılar”ın heyətində 39 oyuna çıxıb, 12 qol vurub, 9 məhsuldar ötürmə müəllifi olub. Misirli hücumçunun “Liverpul”un heyətində çıxışının ümumi mənzərəsi 440 oyun, 257 qol, 122 məhsuldar ötürmədən ibarətdir.
Salah “Liverpul”la bütün mümkün ali klub yarışlarının qalibi olub.
Misirli ulduz həmçinin “Fiorentina”, “Çelsi”, “Bazel” və “Əl-Mukavilun” klublarında çıxış edib.
Məhəmməd Salah hazırda kapitanı olduğu, 2011-ci ilin sentyabr ayında debüt etdiyi Misir yığmasının heyətində 113 oyun keçirib, 65 qol vurub və 35 məhsuldar ötürmə verib.
“Transfermarkt” internet-portalı 33 yaşlı misirli hücumçunun transfer dəyərini 30 milyon avro məbləğində qiymətləndirir.
“Reyncers”in kapitanı, ingilis müdafiəçi Ceyms Tavernye cari mövsümün sonunda Şotlandiya komandasından ayrılacaq.
Arena.az xəbər verir ki, ingiltərəli müdafiəçi bununla bağlı sosial şəbəkə hesabında paylaşım edib.
34 yaşlı futbolçu 11 illik “Reyncers” karyerasını sona çatdırmağın asan olmadığını bildirib. Amma sağ cinah müdafiəçisi müqaviləsinin müddəti bu yay başa çatacaq klubdan ayrılacağını vurğulayıb.
Xatırladaq ki, Ceyms Tavernye 2015-ci ildən Qlazqo təmsilçisində çıxış edir. O, bu mövsüm 50 oyunda 14 qol vurub, 6 məhsuldar ötürmə edib. Müdafiəçinin “Reyncers” karyerası bütövlükdə 563 oyun, 144 qol və 148 məhsuldar ötürmədən ibarətdir.
Tavernye daha öncə “Roterem Yunayted”, “Karlayl Yunayted”, “Bristol Siti”, “Uiqan”, “Geytshed”, “Nyukasl”, “Şeffild Uensdey”, “Milton Kins Dons” və “Şrusberi Taun” kimi klubların da şərəfini qoruyub.
AFFA Hakimlər Komitəsinin sədri Rəhim Həsənov Azərbaycan Premyer Liqasının 29-cu turundakı mübahisəli epizodlara şərh verib.
Arena.az xəbər verir ki, komitə sədri ənənəyə uyğun olaraq, 29-cu turun oyunlarında qeydə alınmış mübahisəli epizodlarla da bağlı fikirlərini bildirib.
Rəhim Həsənov bütövlükdə 4 oyunda qeydə alınmış 6 mübahisəli epizoda şərh verib. “İmişli” – “Sumqayıt”, “Şamaxı” – “Kəpəz” və “Sabah” – “Karvan” matçlarında bir mübahisəli epizod qeydə alınıb. “Turan Tovuz” – “Zirə” görüşündə isə 3 mübahisəli epizod var. Komitə sədri bütün epizodlarda hakimlərin qərarının düzgün olduğunu vurğulayıb. Qalan iki oyunda isə hakimlərin mübahisəli qərarları olmayıb.
AFFA Hakimlər Komitəsinin sədrinin Premyer Liqanın son oyunlarındakı mübahisəli epizodları təhlil etdiyi həmin videonu təqdim edirik:
Bu gün futbol üzrə Azərbaycan İkinci Liqasında 2025/2026-cı illər mövsümünün 24-cü turunun oyunlarına yekun vurulub.
Arena.az xəbər verir ki, sonuncu oyun günündə də iki qarşılaşma baş tutub.
İki qolun qeydə alındığı “Xankəndi” – “Qaradağ Lökbatan” matçında qalib müəyyənləşməyib. Yeddi qolluq “Şəmkir” – “Quba” görüşündə isə qonaqlar darmadağına imza atıblar.
İkinci Liqa 24-cü tur 26 aprel
“Ağstafa Gəncləri” – “Kür-Araz” 0:1 Qol: Ümid Nağdalıyev, 28. Hakimlər: Nahid Xasıyev, Tural Bayramov, Rizvan Süleymanov, Samir Hüseynov. Hakim-inspektor: Zöhrab Qədiyev. AFFA nümayəndəsi: Seymur Səlimli. Ağstafa şəhər stadionu, 16:30.
Futbol üzrə Braziliya milli komandasının və Madrid “Real”ının mərkəz müdafiəçisi Eder Militao bu gün cərrahi əməliyyat edilib.
Arena.az bu barədə İspaniya nəhənginin rəsmi saytına istinadən məlumat verir.
Braziliyalı müdafiəçi sol ayağından cərrahi müdaxiləyə ehtiyac duyub. Əməliyyat Finlandiyada həyata keçirilib. Futbolçu yaxın günlərdə reabilitasiyaya başlayacaq. Müdafiəçinin bərpa müddətinin təxminən 5 ay çəkəcəyi gözlənilir. Bu üzdən də o, qarşıdakı dünya çempionatını buraxacaq.
Eder Militao “San Paulo”nun yetirməsidir. Braziliyalı futbolçu “Real”a 2019-cu ilin iyulunda 50 milyon avro məbləğ müqabilində “Portu”dan keçib. Militaonun İspaniya nəhəngi ilə müqaviləsi 2028-ci ilin iyun ayının sonuna qədər qüvvədədir. Vurğulayaq ki, “Real” Militao ilə müqaviləsinin müddətini 2024-cü ilin yanvarında, futbolçu zədəli ikən uzadıb.
Cari mövsümdə Militao “Real” üçün 21 oyuna çıxıb, 2 qol vurub və 1 məhsuldar ötürmə verib.
Militaonun “Real”ın heyətində çıxışının ümumi mənzərəsi isə belədir: 194 oyun, 14 qol, 7 məhsuldar ötürmə.
Eder Militao “Kral klubu” ilə 3 dəfə İspaniya La Liqasının, İspaniya Kral Kubokunun, 3 dəfə İspaniya Super Kubokunun, 2 dəfə Çempionlar Liqasının, 2 dəfə UEFA Super Kubokunun, FIFA Klub Dünya Kubokunun qalibi olub.
Eder Militao 2018-ci ilin sentyabrında debüt etdiyi Braziliya millisinin heyətində 38 oyun keçirib, 2 qol vurub. Müdafiəçi Brazilya millisi ilə Amerika Kubokunu (2019) qazanıb.
“Transfermarkt” internet-portalı 28 yaşlı mərkəz müdafiəçisinin transfer dəyərini 25 milyon avro məbləğində qiymətləndirir.
Futbol üzrə İngiltərə milli komandasının və “Mançester Siti”nin mərkəz müdafiəçisi Con Stounz yayda bu klubu tərk edəcək.
Arena.az xəbər verir ki, bu barədə “şəhərlilər”in mətbuat xidməti məlumat yayıb.
Stounzun bu ilin yayında başa çatacaq müqaviləsinin müddəti uzadılmayacaq. 31 yaşlı mərkəz müdafiəçisi azad agent statusu ilə klubu tərk edəcək.
Con Stounz peşəkar karyerasına yetirməsi olduğu “Barnsli”də bşalayıb. O, 2013-2016-cı illər aralığında “Everton”un uğurları üçün çalışıb. İngilis futbolçu 2016-cı ilin avqustundan “Mançester Siti”də çıxış edir. Mərkəz müdafiəçisi indiyə qədər “şəhərlilər”in heyətində 293 matça çıxıb, 19 qola imza atıb, 9 məhsuldar ötürmə müəllifi olub.
Stounz həm də İngiltərə milli komandasının formasını geyinir. Təcrübəli müdafiəçi yığmada 87 oyun keçirib, 3 qola imza atıb, 4 assist edib.
Azərbaycanın sərbəst güləş üzrə millisinin baş məşqçisi Xetaq Qazyumov Avropa çempionatındakı uğuru şərh edib.
Arena.az xəbər verir ki, Albaniyanın paytaxtı Tiranada komanda hesabında Avropa çempionu olmuş sərbəst güləş üzrə milli vətənə qayıdıb.
3 qızıl, 2 gümüş və 1 bürünc medal qazanan yığmamız üçün Heydər Əliyev Beynəlxalq Aeroportunda təntənəli qarşılanma mərasimi keçirilib.
Xetaq Qazyumov qarşılanma mərasimində bunları söyləyib:
“Komandamızın hesabında Avropa çempionu olduğumuz üçün çox xoşbəxt və qürurluyuq. Çempionluğumuz komanda olaraq birgə işləməyimizin nəticəsidir. Bizə daim və qayğı göstərən Azərbaycan Güləş Federasiyasına, Gənclər və İdman nazirliyinə, Milli Olimpiya Komitəsinə, eləcə də bizi dəstəkləyən, bizim üçün dua edən və bizim üçün həyəcan keçirən hər kəsə öz minnətdarlığımı bildirirəm. Bu qələbə münasibətilə məşqçiləri, idmançıları və həkim heyətini təbrik edirəm. Təbii ki, bu uğurla kifayətlənməyəcəyik. Hər birinin əməyi və zəhməti böyükdür. İndi bir az istirahət edəcəyik. Ondan sonra isə dünya çempionatının hazırlığına start verəcəyik. Növbəti qələbələrlə azarkeşlərin etimadını doğrultmağa çalışacağıq”.
Elçin Zeynalov, Əməkdar Bədən Tərbiyəsi və İdman Xadimi:
“İdmançılarımız Azərbaycan xalqını sevindirdi. Komandamız Avropa çempionu oldu. Buna görə məşqçilərimizi, idmançılarımızı və xalqımızı təbrik edirəm. Allah onlara uzun ömür versin. Arzu edirəm ki, Olimpiya Oyunlarında da qızıl medal qazanarlar”.
Avropa çempionları danışır
İslam Bazarqanov, Avropa çempionu:
“Avropa çempionatı olduğum üçün çox xoşbəxtəm. İki dəfə bürünc medal qazanmışdım. Allah şükür ki, bu dəfə medalın əyarını qızıla çevirə bildim. Rəqibim güclü idi. Sevinirəm ki, dünya çempionatındakı məğlubiyyətin revanşını ondan ala bildim. Ən çətin görüşüm finalda oldu. 8:0 öndə idim. Rəqib tempi artıraraq fərqi azaltdı. Arxayınlaşmaq olmazdı”.
Ali Tsokayev, Avropa çempionu:
“Bu, böyüklərin Avropa çempionatında ilk çıxışım idi. Çox sevinirəm ki, debütümdə qızıl medal qazandım. Bu uğurumd Azərbaycan Güləş Federasiyasının rolu böyükdür. Ona görə də qələbəmi federasiyamıza və qələbəmə sevinən azarkeşlərə həsr edirəm. Dünya çempionatından da qızıl medal gözləyirəm. Bunun üçün məşqçilərimizin dəstəyilə öz üzərimdə çox çalışacağam”.
Georgi Meşvildişvili, Avropa çempionu:
“Titulumu qorudum. Bu qələbə münasibətiylə Azərbaycana, Azərbaycan Güləş Federasiyasına və məşqçi heyətinə öz minnətdarlığımı bildirirəm. Nə qədər ki, karyeramı davam etdirəcəyəm, hər zaman Azərbayacan güləşinə fayda verməyə çalışacağam”.
“Gümüş medalın əyarını qızıla çevirəcəyəm”
Turan Bayramov, Avropa ikincisi:
“Beş ildən sonra yenidən Avropa çempionatının finalına yüksəldim. Təbii ki, hədəfim qızıl medal idi. Minimal fərqlə məğlub oldum. Şükür, yenə medalsız qalmadım. 74 kq-da güclü rəqabət var. İnanıram ki, məşqlərimi daha da gücləndirərək dünya çempionatında bu gümüşü qızıla çevirəcəyəm. Millimiz həqiqətən çox güclüdür. Bütün çəkilər üzrə təmsilçilərimiz reytinq cədvəlində ilk dördlükdə yer alır. Bu da yığmamızın nə qədər güclü olduğu göstərir”.
Arseniy Djioyev, Avropa ikincisi:
“Çox sağ ol, Azərbaycan. Dəstəyinizə görə minnətdaram. Allaha şükür edirəm ki, məni gümüş medalla mükafatlandırdı. Azərbaycan Güləş Federasiyasına minnətdarlığımı bildirirəm. Bu müddət ərzində federasiya bizim üçün hər cür şərait yaratmışdı. Çəkdiyimiz zəhmət onu göstərdi ki, biz doğru yoldadıq. Allahın köməyi ilə, tezliklə, gümüş medalın əyarını qızıla çevirəcəyəm. Bu qələbədə zəhməti olan bütün məşqçi heyətinə təşəkkür edirəm”.
Cəbrayıl Hacıyev, Avropa üçüncüsü:
“Azərbaycan xalqına bizə göstərdikləri dəstək üçün təşəkkür edirəm. Komanda hesabında birinci olduq. Federasiyaya, məşqçi heyətinə və həkimlərə öz minnətdarlığımı bildirirəm. Yarımfinalda müəyyən səhvlər etdim. Hazırlıqlarda bu səhvlər üzərində çalışacağam. Qarşıdan dünya çempionatı gəlir. Orada qızıl medal qazanmaq istəyirəm. Bu, mənim Avropa çempionatında ikinci çıxışım idi. 2022-ci ildə məğlub olmuşdum. İndi isə ilk medalımı qazandım”.
Osman Nurmaqomedov:
“Bu, 97 kq-da çıxış etdiyim ilk Avropa çempionatı idi. Rəqibim olimpiya, dünya mükafatçısı və 3 qat Avropa çempionu idi. Görüş mənim üçün çətin keçdi. Fiziki baxımdan gücüm çatmadı. İlin sonuna qədər fiziki gücümü möhkəmləndirəcəyəm. Dünya çempionatından əvvəl reytinq turnirində iştirak edəcəyik. Həmin yarışda bu çəkidə özümü sübut etsəm, o zaman dünya çempionatında iştirak etməyimi uyğun görəcəklər. Sərbəst güləşdə ən rəqabətli çəkilərdən biri 97 kq-dır. Fürsətdən istifadə edib, 2025-ci ilin nəticələrinə görə Avropanın ən yaxşı sərbəst güləş məşqçisi seçilmiş Xetaq Qazyumova təşəkkürümü bildirirəm”.
Futzal üzrə Azərbaycan çempionatında (Yüksək Liqa) 2025/2026-cı illər mövsümünün 18-ci turunun təyinatları açıqlanıb.
Arena.az xəbər verir ki, bu barədə Azərbaycan Futzal Federasiyasının rəsmi saytı məlumat yayıb.
18-ci turun görüşləri aprelin 30-da “Olimpik Star”da keçiriləcək. Əvvəlcə “Şuşa” “Neftçi” İK ilə üz-üzə gələcək. Günün digər oyunu U-19 millimizlə “Baku Fire” arasında baş tutacaq.
Son çempion “Araz-Naxçıvan” isə meydana çıxmadan 3 xal qazanacaq. Belə ki, “Lənkəran” komandası çempionatdakı çıxışını dayandırdığına görə, rəqibinə avtomatik qələbə yazılacaq.
Yüksək Liqa 18-ci tur 30 aprel
Şuşa – Neftçi İK Hakimlər: Hidayət Feyzullayev, Ramil Namazov, Hikmət Qafarlı. Hakim-inspektor: Füzuli Nəcəfov. Bakı. “Olimpik Star”. Saat 14:30.
U-19 – Baku Fire Hakimlər: Rza Məmmədov, Hacıəli Ağayev, Knyaz Əmiraslanov. Hakim-inspektor: Elçin Səmədli. Bakı. “Olimpik Star”. Saat 16:30.
Xallar: Neftçi İK – 46. Araz-Naxçıvan – 43. Baku Fire – 32. Şuşa – 18. U-19 – 12. Lənkəran – 0.
Arena.az xəbər verir ki, 31 yaşlı yarımmüdafiəçi buna Premyer Liqanın 34-cü turunda “Brenford”u məğlub etdikləri oyunda (2:1) nail olub.
Görüşdə məhsuldar ötürmə ilə yadda qalan oyunçu çempionatda 140 qolun vurulmasında (70 qol, 70 assist) yaxından iştirak edib.
Ronaldo “qırmızı şeytanlar”ın heyətində 103 qol və 37 assist müəllifi olub.
Xatırladaq ki, 2020-ci ildən “Mançester Yunayted”də çıxış edən Bruno Fernandes cari mövsümdə 33 matçda 8 qol və 20 məhsuldar ötürmə ilə yadda qalıb.
Yeri gəlmişkən, Fernandes həmvətəni, Səudiyyə Ərəbistanı “Əl-Nəsr”ində çıxış edən 41 yaşlı portuqal hücumçu Kristiano Ronaldodan söhbət açıb: “Kristiano mənim üçün nümunədir”, deyə Fernandes vurğulayıb.
Yarımmüdafiəçi “qırmızı şeytanlar”ın cari mövsümə məqsədini də açıqlayıb:
“Məqsədimiz, İngiltərə Premyer Liqasının ən yaxşılarının dördlüyünə düşməkdir”, deyə Fernandes vurğulayıb.
“Mançester Yunayted”ın çalışdırıcısı Maykl Karrik isə Fernandes haqda fikrini açıqlayıb:
“Bruno parlaq simadır və əbəs yerə kapitan olmayıb”, deyə Karrik vurğulayıb.
Sonuncu ölkə çempionu olan “Qarabağ” futbol üzrə Azərbaycan çempionatları tarixində 700-cü səfər qoluna imza atıb.
Arena.az xəbər verir ki, Ağdam kluunun yubiley topuna Musa Qurbanlı imza atıb.
O, Azərbaycan Premyer Liqasının 2025/2026-cı illər mövsümünün 29-cu turunun “Neftçi” ilə səfər oyununda (5:1) hesabı açıb. Rəqib meydanlarında 488-ci görüşünə çıxmış Ağdam klubu qol sayını 704-ə çatdırıb. Bu göstəricidə mütləq rekordçu olan “Qarabağ”ın orta məhsuldarlığı 1,44-ə bərabərdir.
Xatırladaq ki, ağdamlıların ilk qolu 1992-ci il mövsümünə təsadüf edib. 1992-ci il mayın 9-da “Plastik”lə matçın (2:0) 55-ci dəqiqəsində Cavanşir Novruzov meydan sahiblərinin qapısına yol tapıb.
Qurban Qurbanovun rəhbərlik etdiyi komanda Azərbaycan Premyer Liqasının cari mövsümündə 28 oyuna topladığı 59 xalla yarış cədvəlinin 2-ci pilləsində qərarlaşıb. Ağdam təmsilçisi 28 oyunda 18 qələbə qazanıb, 5 heç-heçə edib, 5 məğlubiyyətə üzülüb.
“Sumqayıt” futbol üzrə Azərbaycan Premyer Liqasının 2025/2026-cı illər mövsümündə 5-ci dəfə penaltidən yararlana bilməyib.
Arena.az xəbər verir ki, Premyer Liqanın 2025/2026-cı illər mövsümünün 29-cu turunun “İmişli” ilə səfər görüşündə (2:0) Nikola Ninkoviç 11 metrlik cərimə zərbəsindən istifadə edə bilməyib.
“Gənclik şəhəri” təmsilçisi mövsümdəki 8 belə imkanın yalnız üçünü qola çevirib.
Bir komandanın mövsümdə 5 penaltidən yararlanmaması turnirdə XXI əsrin antirekordudur. 2001-2026-cı illərdə üç dəfə bir komanda mövsüm ərzində 4 imkanı qaçırıb. “Şəfa” 2001/2002 mövsümündə 5, “Qarabağ” 2020/2021, “Sabah” isə 2022/2023 mövsümündə eyni sayda – 9 imkandan dördündən istifadə edə bilməyib. “İmişli” ilə görüşədək bu antirekordun şəriki olan “Sumqayıt” artıq həmin üç komandanı da “geridə qoyub”.
Qeyd edək ki, ümumilikdə cari mövsümdə təyin olunan 60 penaltidən 48-i qolla nəticələnib. Bu zərbələrdən istifadə faizi 80-ə bərabərdir.
Futbol üzrə Azərbaycan çempionatında mübarizə aparan “Zirə” komandası Premyer Liqada 50-ci səfər heç-heçəsinə imza atıb.
Arena.az xəbər verir ki, bu yubiley “Turan Tovuz”la görüşə təsadüf edib.
Azərbaycan Premyer Liqasının 2025/2026-cı illər mövsümünün 29-cu turunun qarşılaşmasında 1:1 hesabı qeydə alınıb. 50-ci sülh rəqib meydanlarındakı 166-cı qarşılaşmada gerçəkləşib. “Zirə” turnirin tarixində səfərdə ən azı 50 heç-heçə edən 11-ci komanda olub.
Qeyd edək ki, qəsəbə təmsilçisinin ilk səfər heç-heçəsi 2015-ci il avqustun 16-da “Kəpəz”lə matçda qeydə alınıb – 1:1.
Rəşad Sadıqovun rəhbərlik etdiyi komanda Premyer Liqanın cari mövsümündə keçirdiyi 29 oyunda 11 qələbə qazanıb, 13 heç-heçə edib, 5 məğlubiyyətə üzülüb. Qəsəbə təmsilçisi topladığı 46 xalla yarış cədvəlinin 4-cü pilləsində qərarlaşıb.
“Qarabağ” komandası futbol üzrə Azərbaycan çempionatları tarixində 60-cı dəfə səfərdə böyükhesablı qələbəyə imza atıb.
Arena.az xəbər verir ki, Ağdam klubu Azərbaycan Premyer Liqasının 2025/2026-cı illər mövsümünün 29-cu turunda yubileyi gerçəkləşdirib.
“Neftçi”nin qonağı olan ağdamlılar üç xalı 5 qolla qazanıblar – 5:1.
“Qarabağ” turnirdə qazanılan böyükhesablı qələbələrin həm ümumi sayında, həm də səfərdəki göstəricidə rekordçudur. Klub çempionatda rəqib meydanında ilk belə qələbəsini 1992-ci il iyunun 29-da qazanıb. Kürdəmir “Şirvan”ı ilə görüşdə qonaqlar üç cavabsız qolla qalib gəliblər.
Xatırladaq ki, Qurban Qurbanovun rəhbərlik etdiyi komanda Azərbaycan Premyer Liqasının cari mövsümündə 28 oyuna topladığı 59 xalla yarış cədvəlinin 2-ci pilləsində qərarlaşıb. Ağdam təmsilçisi 28 oyunda 18 qələbə qazanıb, 5 heç-heçə edib, 5 məğlubiyyətə üzülüb.
“Qarabağ”ın Kolumbiyadan olan mərkəz müdafiəçisi Kevin Medina Ağdam klubunun heyətində 200-cü oyununu keçirib.
Arena.az xəbər verir ki, kolumbiyalı müdafiəçinin yubileyi Azərbaycan Premyer Liqasının 2025/2026-cı illər mövsümünün 29-cu turunun “Neftçi” ilə səfər görüşünə (5:1) təsadüf edib.
O, 200 matçda 6 qola imza atıb.
Bu görüş Kevinin çempionatda 117-ci (3 qol) oyunu olub. O, avrokuboklarda 69 (3 qol), ölkə kubokunda 14 dəfə meydana çıxıb.
Kevin Medina 2020-ci ilin iyul ayından “Qarabağ”ın şərəfini qoruyur. 30 yaşlı futbolçu indiyə qədər Ağdam təmsilçisinin heyətində keçirdiyi 200 oyunda 6 qol vurub, 6 məhsuldar ötürmə müəllifi olub.
Mərkəz müdafiəçisi daha öncə Portuqaliyada “Naval”, “Moura”, “Sintrense”, “Pinhalnovense”, “Akademiko Vizeu” və “Çaves” kimi klublarda forma geyinib.
Medinanın Ağdam klubu ilə ilə müqaviləsinin müddəti 2027-ci ilin 30 iyununa qədərdir.
Futbol üzrə Azərbaycan Premyer Liqasının 29-cu turu çərçivəsində keçirilmiş “Neftçi” – “Qarabağ” oyununu 9500 tamaşaçı izləyib.
Arena.az xəbər verir ki, bu, Bakı klubunun Premyer Liqadakı ev matçlarında son 15 mövsümün ən yüksək göstəricisidir.
“Ağ-qaralar”ın meydanında daha çox izləyici sonuncu dəfə 2010/2011-ci illər mövsümündə qeyd alınıb. 2011-ci il fevralın 13-də “Xəzər Lənkəran”la Tofiq Bəhramov adına Respublika Stadionunda keçirilmiş qarşılaşmanı (0:0) 10 min seyrçi izləyib.
Xatırladaq ki, paytaxt təmsilçisi Ağdam klubu ilə ev oyunundan 1:5 hesablı məğlubiyyətlə ayrılıb.
“Neftçi” Premyer Liqanın 2025/2026-cı illər mövsümündə keçirdiyi 28 oyunda 11 qələbə qazanıb, 11 heç-heçə edib, 6 məğlubiyyətə üzülüb. “Ağ-qaralar” hazırda 44 xalla yarış cədvəlinin 5-ci pilləsində qərarlaşıblar.
Azərbaycan Premyer Liqasının 29-cu turunun “Turan Tovuz”la səfər oyununda (1:1) vurduğu qol Davit Volkov üçün əlamətdar olub.
Arena.az xəbər verir ki, gürcüstanlı legioner bu turnirdə 60-cı dəfə fərqlənib.
O, buna 198-ci oyununda nail olub. Davit bu qolları üç komandanın heyətində vurub.
Azərbaycan çempionatında 2018/2019-cu illər mövsümündə debüt etmiş Davit ölkəmizdəki ilk klubu “Qəbələ”də 7 (27 oyunda) qol vurub. O, “Sabah”da 16 (63 oyunda) qola sevinib. Gürcü futbolçu “Zirə”də də 37 dəfə (108 oyunda) fərqlənib.
Qeyd edək ki, Volkov turnirin tarixində 60 və ya daha çox qol vurmuş 31-ci futbolçudur.
Xatırladaq ki, 2022-ci ilin yayında məhz “Zirə”dən “Sabah”a keçmiş Davit Volkov 2024-cü ildə yenidən qəsəbə təmsilçisinin düşərgəsinə qayıdıb. 30 yaşlı futbolçunun “Zirə” ilə 2026-cı ilin 30 iyununadək müqaviləsi mövcuddur.
“Zirə” tarixinin ən çox qol vuran futbolçusu olan Volkov 2020-2022-ci illər aralığında da bu komandanın şərəfini qoruyub. O, “qartallar”ın heyətində bütövlükdə 135 oyun keçirib, 45 qol və 22 məhsuldar ötürmə müəllifi olub.
Gürcü oyunçu daha öncə Azərbaycanda “Qəbələ”də (34 oyun, 10 qol, 1 məhsuldar ötürmə) və “Sabah”da (71 oyun, 19 qol, 7 assist) forma geyinib. O, ölkəsində “Saburtalo”, “Sioni”, “Çixura”, “Dinamo” (Tiflis), “Zemun” və “Qaqra”da oynayıb.
Volkov 2021-ci ildən formasını geyinməyə başladığı Gürcüstan yığmasında 7 oyun keçirib. O, bu görüşlərdə 2 qola imza atıb.
Futbol üzrə Azərbaycan çempionatında mübarizə aparan “Sumqayıt” Premyer Liqa çərçivəsində 50-ci səfər qələbəsini qazanıb.
Arena.az xəbər verir ki, bu barədə Peşəkar Futbol Liqasının (PFL) rəsmi saytı məlumat yayıb.
Bu, Azərbaycan Premyer Liqasının 2025/2026-cı illər mövsümünün 29-cu turuna təsadüf edib. “Gənclik şəhəri” təmsilçisi “İmişli” ilə görüşdə 2:0 hesabı ilə qalib gəlib.
Yubiley qələbəsi 233-cü səfər matçına təsadüf edib. “Sumqayıt” turnirin tarixində rəqib meydanında ən azı 50 və daha çox qələbə qazanmış 12-ci komanda olub və bu göstəricidə “Şəmkir”ə çatıb.
Xatırladaq ki, Sumqayıtın eyniadlı təmsilçisinin ilk səfər qələbəsi 2011/2012-ci illər mövsümünə təsadüf edib. Sözügedən komanda 2011-ci il noyabrın 5-də “Qarabağ”a qalib gəlib – 2:1.
“Milan”ın xorvatiyalı yarımmüdafiəçisi Luka Modriç yanaq sümüyünün sınığı səbəbindən cari mövsümün qalan hissəsini buraxacaq.
Arena.az xəbər verir ki, xorvatiyalı futbolçu İtaliya A Seriyasının 34-cü turu çərçivəsində “Yuventus”a qarşı keçirdikləri oyunda zədələnib.
Təcrübəli yarımmüdafiəçi qolsuz (0:0) başa çatmış bu qarşılaşmanın sonlarında hava mübarizəsi zamanı Manuel Lokatelli ilə baş-başa toqquşaraq xəsarət alıb. Bu üzdən də o, 80-ci dəqiqəsində əvəzlənmək məcburiyyətində qalıb.
Müayinələrdən sonra Modriçin mövsümün qalan oyunlarında “Milan”a kömək edə bilməyəcəyi müəyyənləşib. Buna baxmayaraq, onun 2026-cı ildə keçiriləcək dünya çempionatında (DÇ-2026) Xorvatiya millisinin heyətində yer alması gözlənilir. Futbolçu mundiala kimi tam bərpa ola bilsə, o zaman forma şansı da qazanacaq.
Xatırladaq ki, Modriç 2025-ci ilin yayında “Real”dan azad agent qismində “Milan”a qoşulub. Tərəflər 1 illik – müddəti 2026-cı ilin iyun ayının sonuna qədər qüvvədə olacaq müqavilə imzalayıblar.
Modriç “Milan”da “14” nömrə altında çıxış edir. O, İtaliya klubunun heyətində 36 oyuna çıxıb, 2 qol və 3 məhsuldar ötürmə müəllifi olub.
Luka Modriç Zaqreb “Dinamo”sunun məzunudur. Yarımmüdafiəçi karyerası ərzində həmçinin “Zrinski” (Mostar), “İnter” (Zapreşiç), “Tottenem” və “Real”da oynayıb.
Modriç 2012-ci ildən “Milan”a keçənə qədər “Real”da çıxış edib. Lukanın “qaymaqlılar”ın heyətində ümumi oyun statistikası isə göz oxşayır: 597 oyun, 43 qol, 95 məhsuldar ötürmə.
Luka Modriç “Real”la dəfələrlə bütün mümkün əsas klub yarışlarında qalib olub. Lukanın “Real”la qazandığı qənimətlərə 6 UEFA Çempionlar Liqası, 5 FIFA Klub Dünya Kuboku, 5 UEFA Super Kuboku, 4 İspaniya La Liqası, 2 İspaniya Kral Kuboku, 5 İspaniya Super Kuboku və 1 FIFA Qitələrarası Kubok daxildir. Həmçinin Modriç çoxsaylı fərdi mükafatların təltifçisidir. 28 qənimətlə Modriç “Real” tarixində ən zəngin futbolçudur.
Luka Modriç hazırda kapitanı olduğu, 2006-cı ilin martında debüt etdiyi Xorvartiya yığmasının heyətində 196 oyuna çıxıb, 28 qol vurub, 31 məhsuldar ötürmə verib.
“Transfermarkt” internet-portalı 40 yaşlı xorvat veteran yarımmüdafiəçinin transfer dəyərini 4 milyon avro məbləğində qiymətləndirir.
Türkiyə Super Liqasında mübarizə aparan “Fənərbağça”nın italyan-alman baş məşqçisi Domeniko Tedesko istefaya göndərilib.
Arena.az xəbər verir ki, İstanbul klubunun rəhbərliyi ötən gecə azarkeşləri təəccübləndirən radikal addım atıb.
Klubun idarə heyətinin iclasından sonra baş məşqçi Tedesko və onun texniki heyəti ilə yolların ayrıldığı rəsmən açıqlanıb. Təkcə baş məşqçi deyil, eyni zamanda idman direktoru Devin Özek və futbol koordinatoru Berke Çələbi də vəzifələrindən kənarlaşdırılıblar.
Klubun yaydığı rəsmi bəyanatda bildirilir ki, mövsümün sonuna qədər komandaya köməkçi məşqçi Zeki Murat Göle rəhbərlik edəcək.
Xatırladaq ki, Domeniko Tedesko 2025-ci ilin sentyabr ayında “Fənərbağça”nın baş məşqçisi təyin edilmişdi. 40 yaşlı mütəxəssis bu komandanı bütövlükdə 45 oyuna çıxarıb, 26 qələbə, 12 heç-heçə, 7 məğlubiyyət görüb.
“Fənərbağça” cari mövsümdə Türkiyə Super Liqasında keçirdiyi 31 oyunda 19 qələbə qazanıb, 10 heç-heçə edib, 2 məğlubiyyətə üzülüb. Komanda 67 xalla ikinci pillədə qərarlaşıb və lider “Qalatasaray”dan 7 xal geri qalır. Təsadüfi deyil ki, “Fənərbağça” Tedeskonu məhz iki gün öncə “Qalatasaray”a 0:3 hesabıyla uduzduğu oyundan sonra qovub.
Tedesko daha öncə Rusiyada Moskva “Spartak”ını (Rusiya), Almaniyada “Leypsiq”, “Şalke” və “Ersgebirge”ni, həmçinin Belçika yığmasını çalışdırıb.
Bu gün futbol üzrə UEFA Çempionlar Liqasında (ÇL) 2025/2026-cı illər mövsümünün yarımfinal mərhələsinə start veriləcək.
Arena.az xəbər verir ki, ilk oyun günündə bir qarşılaşma baş tutacaq.
Mərhələnin ilk oyununda ÇL-in sonuncu qalibi PSJ Almaniya nəhəngi “Bayern”lə üz-üzə gələcək. Sözügedən komandalar arasındakı ilk oyun Fransanın paytaxtı Paris şəhərindəki “Park de Prens” stadionunda baş tutacaq. Oyunu İsveçrədən olan Sandro Şerer idarə edəcək.
Qeyd edək ki, yarımfinalın digər görüşü sabah “Atletiko” (Madrid, İspaniya) ilə “Arsenal” arasında keçiriləcək.
Yarımfinalın cavab görüşləri mayın 5-də və 6-da baş tutacaq.
UEFA Çempionlar Liqası Yarımfinalın ilk oyunları 28 aprel
23:00. PSJ (Fransa) – Bayern (Almaniya) Baş hakim: Sandro Şerer (İsveçrə). Paris. “Park de Prens” stadionu.
29 aprel
23:00. Atletiko (Madrid, İspaniya) – Arsenal (İngiltərə) Baş hakim: Danni Makkeli (Niderland). Atletiko. “Metropolitano” stadionu.
Bu gün futbol üzrə İspaniya çempionatında (La Liqa) 2025/2026-cı illər mövsümünün 32-ci turunun oyunlarına yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Espanyol” doğma meydanda “Levante” ilə üz-üzə gəlib. Qarşılaşma qolsuz yekunlaşıb.
Beləliklə, hazırda 85 xala malik “Barselona” vahid liderdir. Madrid “Real”ı 74 xalla ikinci, “Vilyarreal” 65 xalla üçüncü pillədə qərarlaşıb. “Atletiko”nun 60, “Betis”in 50, “Xetafe” və “Selta”nın 44 xalı var.
İspaniya, La Liqa 32-ci tur 24 aprel
Betis – Real 1:1 Qollar: Belyerin, 90+4 – Vinisius, 17.
Bu gün futbol üzrə İngiltərə çempionatında (Premyer Liqa) 2025/2026-cı illər mövsümünün 34-cü turuna yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Mançester Yunayted” doğma meydanda “Brentford”la üz-üzə gəlib. Üç qolun qeydə alındığı görüş “qırmızı şeytanlar”ın qələbəsi ilə yekunlaşıb.
Beləliklə, cari mövsümün geridə qalmış 34 turundan sonra 73 xala malik “Arsenal” vahid liderdir. “Mançester Siti” 70 xalla ikinci, “Mançester Yunayted” 61 xalla üçüncü pillədə qərarlaşıb. “Liverpul”la “Aston Villa” 58, “Brayton” 50, “Bornmut” 49 xal toplayıblar.
Bu gün futbol üzrə İtaliya çempionatında (A Seriyası) 2025/2026-cı illər mövsümünün 34-cü turunun oyunlarına yekun vurulub.
Arena.az xəbər verir ki, sonuncu oyun günündə 2 qarşılaşma baş tutub.
“Kalyari” doğma meydanda “Atalanta” ilə qarşılaşıb. Beş qolun qeydə alındığı görüş meydan sahiblərinin qələbəsi ilə yekunlaşıb. “Latsio” isə “Udineze” ilə üz-üzə gəlib. Altı qolluq bu oyunda qalib müəyyənləşməyib.
Beləliklə, cari mövsümün geridə qalmış 34 turundan sonra 79 xala malik “İnter” vahid liderdir. “Napoli” 69 xalla ikinci, “Milan” 67 xalla üçüncü pillədə qərarlaşıb. “Yuventus”un 64, “Komo” və “Roma”nın 61, “Atalanta”nın 54 xalı var.
İtaliya, A Seriyası 34-cü tur 24 aprel
Napoli – Kremoneze 4:0 Qollar: Maktominey, 3. Höylund, 45. De Bröyne, 45+3. A.Santos, 52.
25 aprel
Parma – Piza 1:0 Qol: Elfeqe, 82.
Bolonya – Roma 0:2 Qollar: Malen, 7. El-Aynaui, 45+1.
Bu gün futbol üzrə Türkiyə çempionatında (Super Liqa) 2025/2026-cı illər mövsümünün 31-ci turunun oyunlarına yekun vurulub.
Arena.az xəbər verir ki, sonuncu oyun günündə üç qarşılaşma baş tutub.
Beş qolun qeydə alındığı “Alanyaspor” – “Samsunspor” matçında qonaqlar qalib gəliblər. Səfərdə “Konyaspor”la qarşılaşmış “Trabzonspor” turu məğlubiyyətlə başa vurub. “Beşiktaş” isə “Karagümrük”lə ev oyununda xal itkisi ilə üzləşib.
Beləliklə, cari mövsümün geridə qalmış 31 turundan sonra 74 xalı olan “Qalatasaray” vahid liderdir. “Fənərbağça” 67 xalla ikinci, “Trabzonspor” 65 xalla üçüncü pillədə qərarlaşıb. “Beşiktaş” 56, “Başakşəhər”lə “Göztəpə” 51 xal toplayıblar.
“Sabah”ın baş məşqçisi Valdas Dambrauskas Premyer Liqanın 29-cu turunda “Karvan”a qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Masazırda baş tutmuş görüşü meydan sahiblərinin 2:0 hesablı qələbəsi ilə yekunlaşıb.
Dambrauskas matçdan sonra təşkil edilmiş mətbuat konfransında bunları söyləyib:
“Bizim üçün çox çətin, ağır oyun alındı. Bu da gözlənilən idi. Çünki “Qarabağ”a qarşı iki vacib oyun keçirmişdik. Həmin matçlarda çox enerji itirmişdik. Öz səviyyəmizdən aşağı çıxış etdik. Birinci hissədə istədiyimizdən zəif oynadıq. İkinci yarıda daha çox qol fürsətimiz oldu. Fasilədən sonra oyuna enerji ilə daxil olduq. Qələbəni daha çox istəyən tərəf biz idik. Hər iki komanda 10 nəfərlə qalanda daha çox top saxlamağa çalışdı. Rəqibin risk edəcəyini gözləyirdim. Amma riskə getmədilər. Yenə 5-4 sisteminə sadiq qaldılar, hücumçusuz çıxış etdilər. Azarkeşlər üçün o qədər də baxımlı oyun alınmadı. Hər oyunu eyni şəkildə keçirə bilmərik. Ən önəmlisi odur ki, 3 xal qazandıq. Yolumuza davam edirik. Qısa müddətdə bərpa olub “Şamaxı” ilə oyuna köklənməliyik.
Komandada rəqabət var. Çox yaxşı komandayıq. Hücumda güclü oyunçulara sahibik. Qələbə qazanırsansa, hücumçunu dəyişmək çətindir. Amma onu deyə bilərəm ki, Xəyal Əliyev bu mövsüm bizə çox fayda verib. Mikelsin yoxluğunda o çox yaxşı çıxış etdi. Çalışmağa davam etməlidir. öz üzərində daha çox işləməlidir ki, komandada əsas hücumçuya çevrilsin. Amma bu da asan deyil. Komandada çox yaxşı hücumçular var. Xəyalı başa düşürəm. Onun davranışı, yanaşması, döyüşkənlik ruhu çox xoşuma gəlir. Bəzən bizə başla yaxşı oynayan hücumçu lazım olur. O zaman lazım olan oyunçudan istifadə edirik. Bu, mənim qərarımdır və qərarımın arxasındayam. İnanıram ki, öz üzərində çalışmağa davam etsə, həmişə oynamaq imkanı əldə edəcək”.
“Karvan”ın baş məşqçisi Füzuli Məmmədov Azərbaycan Premyer Liqasının 29-cu turunda “Sabah”a qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Masazırda baş tutmuş görüşü Yevlax təmsilçisinin 0:2 hesablı məğlubiyyəti ilə yekunlaşıb.
Füzuli Məmmədov matçdan sonra təşkil edilmiş mətbuat konfransında bunları söyləyib:
“Çətin oyun olacağını bilirdik. “Sabah” çox güclü komandadır. Turnir cədvəli bunu göstərir. Oyuna çox diqqətli hazırlaşmışdıq. Çalışırdıq ki, ən azı məğlub olmayaq. Qırmızı vərəqə oyuna çox təsir etdi. “Sabah” kimi komandaya qarşı 11 nəfərlə də oynamaq çətindir. 10 nəfər qaldıqdan sonra boşluqlar verməyə başladıq. Həm müdafiə xəttinin, həm də qapıçımızın yaxşı oyunu sayəsində birinci hissə bərabərliklə yekunlaşdı. İkinci yarıda artıq səhvlər özünü göstərdi. Nəticədə qol buraxdıq. Futbolçularım meydanda vuruşdular. Onlara təşəkkür edirəm. Qarşıdakı oyunlara hazırlaşacağıq. Çempionat hələ davam edir. Sona qədər mübarizə aparacağıq”.
Azərbaycan Premyer Liqasının 29-cu turunun “Sabah” – “Karvan” matçı meydan sahiblərinin 2:0 hesablı qələbəsi ilə başa çatdı.
Arena.az Masazırda baş tutmuş bu matçın yekun protokolunu və icmalını təqdim edir.
Azərbaycan Premyer Liqası 29-cu tur 27 aprel
“Sabah” – “Karvan” 2:0 Qollar: Patrik Mbina, 49. Aaron Maluda, 55. Sarı vərəqələr: Akim Zedadka, 75 (qeyri-idman hərəkəti) – Tompson Qavi, 15, 36 (qeyri-idman hərəkəti). Qırmızı vərəqələr: Aleksey İsayev, 64 (ciddi qayda pozuntusu) – Tompson Qavi, 36. Artırılan vaxt: Birinci hissədə 1 dəqiqə, ikinci hissədə 2 dəqiqə. Saat 20:00. “Masazır Arena”, 1000 tamaşaçı.
Baş hakim: Kamranbəy Rəhimov. Baş hakimin köməkçiləri: Rəhman İmami, Kərim Zeynalov. Dördüncü hakim: İslam Məmmədov. VAR: Əli Əliyev. AVAR: Zöhrab Abbasov. Hakim-inspektor: Əmrah İbrahimov. AFFA nümayəndəsi: Elman Musayev.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 29-сu turuna yekun vurulub.
Arena.az xəbər verir ki, sonuncu oyun günündə də iki qarşılaşma baş tutub.
Turun qapanış oyununda lider “Sabah” çempionatın aşkar autsayderi “Karvan”la üz-üzə gəlib. “Masazır Arena”da baş tutmuş görüşü Kamranbəy Rəhimov idarə edib. Qarşılaşma meydan sahiblərinin inamlı qələbəsi ilə yekunlaşıb.
Xatırladaq ki, daha öncə keçirilmiş “Qəbələ” – “Araz-Naxçıvan” və “Turan Tovuz” – “Zirə” matçlarında qalib müəyyənləşməyib – 1:1. “Şamaxı” “Kəpəz”ə (2:0) qalib gəlib, “İmişli” “Sumqayıt”a (0:2), “Neftçi” “Qarabağ”a (1:5) məğlub olub.
Futbol üzrə Azərbaycan Premyer Liqasının 29-cu turunun bu gün keçirilmiş “Turan Tovuz” – “Zirə” matçı bərabərliklə (1:1) başa çatdı.
Arena.az Tovuzda baş tutmuş bu matçın yekun protokolunu və icmalını təqdim edir.
Azərbaycan Premyer Liqası 29-cu tur 27 aprel
“Turan Tovuz” – “Zirə” 1:1 Qollar: Rəhim Sadıxov, 22 – Davit Volkov, 63. Sarı vərəqələr: Hayderson Hurtado, 83 (hakimin qərarına etiraz) – Leroy Mikels, 87 (qeyri-idman hərəkəti). Artırılan vaxt: Birinci hissədə 2 dəqiqə, ikinci hissədə 3 dəqiqə. Saat 18:00. Tovuz şəhər stadionu, 4000 tamaşaçı.
Baş hakim: Rəvan Həmzəzadə. Baş hakimin köməkçiləri: Akif Əmirəli, Şirmamed Mamedov. Dördüncü hakim: Elvin Bayramov. VAR: Fərid Hacıyev. AVAR: Teymur Teymurov. Hakim-inspektor: Zöhrab Qədiyev. AFFA nümayəndəsi: Mübariz Hüseynov.
Turan Tovuz: 1. Oleq Baklov, 17. Rəhim Sadıxov, 10. Xəyal Nəcəfov (8. David Tavares, 82), 88. Faiq Hacıyev (k), 11. Ayxan Hüseynov (6. Fərid Yusifli, 82), 3. Enrike Silva, 23. Alexandro Serrano, 99. İbrahima Vadji, 32. Hayderson Hurtado, 19. Roberto Olabe (7. Xorxe Silva, 90), 2. Mark Rene Mampassi. Ehtiyat oyunçular: 41. Sergey Samok, 13. Mehman Hacıyev, 73. Ülvi Mədətov, 60. Vüqar Bağırov. Baş məşqçi: Kurban Berdıyev.
Zirə: 97. Tyaqo Silva, 73. Anatoli Nuriyev (8. İsmayıl İbrahimli, 57), 32. Qismət Alıyev (k), 26. Stefan Akka, 4. Ruan Renato, 9. Davit Volkov, 30. Rikardo Martins, 20. İssa Cibrilla, 93. Brahim Konate, 5. Ange Mutsinzi, 22. Eren Aydın (28. Leroy Mikels, 77). Ehtiyat oyunçular: 13. Aydın Bayramov, 41. Anar Nəzirov, 70. Namiq Ələsgərov, 21. Hacıağa Hacılı, 7. Rövlan Muradov, 14. Elçin Əlicanov, 29. Ceyhun Nuriyev, 10. Georgi Papunaşvili, 11. Junior Martins, 6. Eldar Quliyev. Baş məşqçi: Rəşad Sadıqov.
“Turan Tovuz”un baş məşqçisi Kurban Berdıyev Premyer Liqanın 29-cu turu çərçivəsində “Zirə”yə qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Tovuzda baş tutmuş görüşündə qalib müəyyənləşməyib – 1:1.
Kurban Berdıyev matçdan sonra təşkil edilmiş mətbuat konfransında bunları söyləyib:
“Ümumilikdə pis oyun olmadı. İlk hissədə çox güc sərf etdik. Fasilədən sonra futbolçularda yorğunluq hiss olunurdu. Bəzi əsas heyət üzvlərinin olmaması ikinci hissədə özünü göstərdi. İstənilən halda, uşaqlara təşəkkür edirəm. Mövsümün son oyunlarında gənclərə şans verməyə gəlincə, gənc oyunçular özləri bu şanzı qazanmalıdırlar”.
Xatırladaq ki, “Turan Tovuz” cari mövsümdə keçirdiyi 29 oyunda 16 qələbə qazanıb, 8 heç-heçə edib, 5 məğlubiyyətə üzülüb. Tovuz təmsilçisi 56 xalla yarış cədvəlinin 3-cü pilləsində qərarlaşıb.
“Zirə”nin baş məşqçisi Rəşad Sadıqov Azərbaycan Premyer Liqasının 29-cu turunda “Turan Tovuz”a qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Tovuzda baş tutmuş görüşündə qalib müəyyənləşməyib – 1:1.
Rəşad Sadıqov matçdan sonra təşkil edilmiş mətbuat konfransında bunları söyləyib:
“Oyun bizim üçün yaxşı başladı. Yaxşı qol şansı yaratdıq, lakin Eren Aydın epizoddan yararlana bilmədi. Daha sonra rəqib standart vəziyyətdən fərqləndi. 35-ci dəqiqədən sonra oyunu bərabərləşdirə bildik. Fasilədən sonra isə sürəti artırıb, hücumda fəallıq göstərdik. Hesabı bərabərləşdirəndən sonra da imkanımız oldu. Amma ümumi baxanda, Tovuz səfərində 0:1-dən sonra 1 xal qazanmaq yaxşı nəticədir.
Bu gün meydanda yaxşı iş görən iki komanda var idi. Baxımlı futbol oynadıq. Çempionatda gərgin mübarizə gedir. Hələ heç nə həll olunmayıb. Liqanı dördüncü yerdə bitirmək istəyirik. Digər tərəfdən, finalda da rəqib “Sabah”dır və bilmirsən, kuboku qazana biləcəksən, ya yox. Əlimizdən gələnin ən yaxşısını etməyə çalışacağıq. Kuboka görə çempionatı “qurban vermək kimi fikrimiz yoxdur. Bir plan tutub, davam edirik. Çalışacağıq ki, həm liqada, həm kubokda yaxşı nəticə qazanaq”.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 29-сu turuna yekun vurulacaq.
Arena.az xəbər verir ki, sonuncu oyun gününün ilk qarşılaşması Tovuzda baş tutub.
“Turan Tovuz” doğma meydanda “Zirə”ni sınağa çəkib. Rəvan Həmzəzadənin idarə etdiyi oyunda hesabı meydan sahibləri açıblar. Amma qonaqlar ikinci hissədə bərabərlik qolunu vurmağı bacarıblar.
Turun qapanış oyununda “Sabah” “Karvan”la üz-üzə gələcək.
Daha öncə keçirilmiş “Qəbələ” – “Araz-Naxçıvan” matçında qalib müəyyənləşməyib – 1:1. “Şamaxı” “Kəpəz”ə (2:0) qalib gəlib, “İmişli” “Sumqayıt”a (0:2), “Neftçi” “Qarabağ”a (1:5) məğlub olub.
Premyer Liqa 29-cu tur 27 aprel
“Turan Tovuz” – “Zirə” 1:1 Qollar: Rəhim Sadıxov, 22 – Davit Volkov, 63. Hakimlər: Rəvan Həmzəzadə, Akif Əmirəli, Şirmamed Mamedov, Elvin Bayramov. VAR: Fərid Hacıyev. AVAR: Teymur Teymurov. Hakim-inspektor: Zöhrab Qədiyev. AFFA nümayəndəsi: Mübariz Hüseynov. Tovuz şəhər stadionu, 18:00.
Turan Tovuz: 1. Oleq Baklov, 17. Rəhim Sadıxov, 10. Xəyal Nəcəfov, 88. Faiq Hacıyev (k), 11. Ayxan Hüseynov, 3. Enrike Silva, 23. Alexandro Serrano, 99. İbrahima Vadji, 32. Hayderson Hurtado, 19. Roberto Olabe, 2. Mark Rene Mampassi. Ehtiyat oyunçular: 41. Sergey Samok, 13. Mehman Hacıyev, 6. Fərid Yusifli, 73. Ülvi Mədətov, 60. Vüqar Bağırov, 7. Xorxe Silva, 8. David Tavares. Baş məşqçi: Kurban Berdıyev.
Zirə: 97. Tyaqo Silva, 73. Anatoli Nuriyev, 32. Qismət Alıyev (k), 26. Stefan Akka, 4. Ruan Renato, 9. Davit Volkov, 30. Rikardo Martins, 20. İssa Cibrilla, 93. Brahim Konate, 5. Ange Mutsinzi, 22. Eren Aydın. Ehtiyat oyunçular: 13. Aydın Bayramov, 41. Anar Nəzirov, 70. Namik Ələskərov, 21. Hacıağa Hacılı, 8. İsmayıl İbrahimli, 7. Rövlan Muradov, 14. Elçin Əlicanov, 29. Ceyhun Nuriyev, 28. Leroy Mikels, 10. Georgi Papunaşvili, 11. Junior Martins, 6. Eldar Quliyev. Baş məşqçi: Rəşad Sadıqov.
Futbol üzrə Braziliya millisinin və Madrid “Real”ının mərkəz müdafiəçisi Eder Militao bu həftə cərrahi əməliyyat ediləcək.
Arena.az bu barədə İspaniya mətbuatına istinadən məlumat verir.
Braziliyalı futbolçunun 2025-ci ilin dekabrında aldığı bud zədəsi yenidən təkrarlanıb. Bu səbəbdən, onun cərrahi müdaxiləyə ehtiyacı yaranıb. Əməliyyat Finlandiyada həyata keçiriləcək. Müdafiəçinin bərpa müddətinin təxminən 5 ay çəkəcəyi gözlənilir. Futbolçu qarşıdakı dünya çempionatını buraxacaq.
Eder Militao “San Paulo”nun yetirməsidir. Braziliyalı futbolçu “Real”a 2019-cu ilin iyulunda 50 milyon avro məbləğ müqabilində “Portu”dan keçib. Militaonun İspaniya nəhəngi ilə müqaviləsi 2028-ci ilin iyun ayının sonuna qədər qüvvədədir. Vurğulayaq ki, “Real” Militao ilə müqaviləsinin müddətini 2024-cü ilin yanvarında, futbolçu zədəli ikən uzadıb.
Cari mövsümdə Militao “Real” üçün 21 oyuna çıxıb, 2 qol vurub və 1 məhsuldar ötürmə verib.
Militaonun “Real”ın heyətində çıxışının ümumi mənzərəsi isə belədir: 194 oyun, 14 qol, 7 məhsuldar ötürmə.
Eder Militao “Kral klubu” ilə 3 dəfə İspaniya La Liqasının, İspaniya Kral Kubokunun, 3 dəfə İspaniya Super Kubokunun, 2 dəfə Çempionlar Liqasının, 2 dəfə UEFA Super Kubokunun, FIFA Klub Dünya Kubokunun qalibi olub.
Eder Militao 2018-ci ilin sentyabrında debüt etdiyi Braziliya millisinin heyətində 38 oyun keçirib, 2 qol vurub. Müdafiəçi Brazilya millisi ilə Amerika Kubokunu (2019) qazanıb.
“Transfermarkt” internet-portalı 28 yaşlı mərkəz müdafiəçisinin transfer dəyərini 25 milyon avro məbləğində qiymətləndirir.
“Araz Saatlı” – “Göygöl” 2:1 Qollar: Mehman Məsimov, 48; 56 – Araz Quliyev, 82. Hakimlər: Rəsul Babayev, Rəşad Quliyev, Sadiq Əliyev, Samir Musayev. Hakim-inspektor: İmanxan Sultani. AFFA nümayəndəsi: Namiq Əliyev. Saatlı Olimpiya İdman Kompleksinin stadionu, 16:00.
“Şəki” – “Ağdaş” 1:5 Qollar: Saleh Süleymanov, 56 – Yusif Dilanov, 25; 45. Eşqin Vəliyev, 42. Elçin Süleymanov, 58. Samir Ağayev, 90. Hakimlər: Maqsud Şamıyev, Ruslan Babayev, Hüseyn Vəliyev, Sərxan İsmayılov. Hakim-inspektor: Rövşən Əhmədov. AFFA nümayəndəsi: Erkin Hüseynov. Zaqatala Olimpiya İdman Kompleksinin stadionu, 16:30.
28 aprel
“Xankəndi” – “Qaradağ Lökbatan” Hakimlər: İnqilab Məmmədov, Orxan İbişov, Mirnihad Seyidov, Kamil Aydınov. Hakim-inspektor: Asim Xudiyev. AFFA nümayəndəsi: Törə Əhmədova. Şamaxı Olimpiya İdman Kompleksinin stadionu, 16:00.
“Şəmkir” – “Quba” Hakimlər: Murad Səlimov, Sevda Nuriyeva, Əhməd Əhmədsoy, Vüqar Alıyev. Hakim-inspektor: Babək Quliyev. AFFA nümayəndəsi: Azər Əsgərov. Şəmkir Olimpiya İdman Kompleksinin stadionu, 16:30.
17 yaşadək futbolçulardan ibarət Azərbaycan milli komandası (U-17) bu gün UEFA İnkişaf Turnirində ikinci oyuna çıxıb.
Arena.az xəbər verir ki, millimiz Qazaxıstanın müvafiq yaş qrupundan ibarət komandası ilə qarşılaşıb.
Qazaxıstanın Çimkənd şəhərində yerləşən “Namys” stadionunda keçirilmiş görüşün əsas vaxtı 1:1 hesabı ilə yekunlaşıb. Millimizin heyətində qolu 18-ci dəqiqədə Ruslan Quliyev vurub. Oyunsonrası penaltilər seriyasında daha dəqiq oynayan Aqil Nəbiyevin yetirmələri 4:2 hesablı qələbə qazanıblar.
Xatırladaq ki, U-17 millimiz turnir çərçivəsində sonuncu oyununu aprelin 30-da Pakistan yığmasına qarşı keçirəcək.
Komandamız turnirdəki ilk matçında Rusiya yığmasına 0:5 hesabı ilə məğlub olmuşdu.
Qeyd edək ki, millimiz UEFA İnkişaf Turnirinə bu heyətlə qatılıb:
Ülvi Abbaslı – Sumqayıt
Oqtay Mehrəliyev – Qarabağ
Ruslan Quliyev – Neftçi
Vaqif Nəbiyev – Qarabağ
Roman Fərzəli – Qarabağ
Arda Əzizli – Qarabağ
Vaqif Məmmədli – Sabah
Tunar Bayramov – Qarabağ
Nazim Əliyev – Srvena Zvezda (Serbiya)
Əhəd Hacızadə – Qarabağ
Yusif Orucəliyev – Qarabağ
Nihad Hüseynzadə – Sabah
Şikar Şikar – Neftçi
Firdovsi Şeydayev – Sabah
Nicat Əhmədzadə – Marset (İspaniya)
Rəsul Balakişiyev – Marset (İspaniya)
Ümid Əliyev – Hueska (İspaniya)
Tunar Əsgərzadə – Qarabağ
Ruslan Əbilov – Sabah
Hikmət Mirzə – Nastik İdman Akademiyası (İspaniya)
17 yaşadək futbolçulardan ibarət Azərbaycan milli komandası (U-17) bu gün UEFA İnkişaf Turnirində ilk oyununu keçirib.
Arena.az xəbər verir ki, millimiz Rusiyanın müvafiq yaş qrupundan ibarət komandası ilə qarşılaşıb.
Qazaxıstanın Çimkənd şəhərində yerləşən “Namıs” stadionunda keçirilmiş görüş komandamız üçün uğursuz alınıb. Aqil Nəbiyevin yetirmələri 0:5 hesablı məğlubiyyətə üzülüblər.
Xatırladaq ki, U-17 millimiz turnir çərçivəsində növbəti oyununu aprelin 27-da meydan sahibi Qazaxıstan yığmasına qarşı keçirəcək. Sonuncu görüş isə aprelin 30-da Pakistan yığması ilə olacaq.
Azərbaycan millisi UEFA İnkişaf Turnirinə bu heyətlə qatılıb:
Ülvi Abbaslı – Sumqayıt
Oqtay Mehrəliyev – Qarabağ
Ruslan Quliyev – Neftçi
Vaqif Nəbiyev – Qarabağ
Roman Fərzəli – Qarabağ
Arda Əzizli – Qarabağ
Vaqif Məmmədli – Sabah
Tunar Bayramov – Qarabağ
Nazim Əliyev – Srvena Zvezda (Serbiya)
Əhəd Hacızadə – Qarabağ
Yusif Orucəliyev – Qarabağ
Nihad Hüseynzadə – Sabah
Şikar Şikar – Neftçi
Firdovsi Şeydayev – Sabah
Nicat Əhmədzadə – Marset (İspaniya)
Rəsul Balakişiyev – Marset (İspaniya)
Ümid Əliyev – Hueska (İspaniya)
Tunar Əsgərzadə – Qarabağ
Ruslan Əbilov – Sabah
Hikmət Mirzə – Nastik İdman Akademiyası (İspaniya)
17 yaşadək futbolçulardan ibarət Azərbaycan milli komandasının (U-17) UEFA İnkişaf Turnirində iştirak edəcək yekun heyəti açıqlanıb.
Arena.az xəbər verir ki, bu barədə AFFA-nın rəsmi saytı məlumat yayıb.
UEFA İnkişaf Turniri aprelin 24-dən mayın 1-nə qədər Qazaxıstanın Çimkənd şəhərində keçiriləcək. Azərbaycan millisi turnir çərçivəsində Rusiya, Qazaxıstan və Pakistanın müvafiq yaş qrupundan ibarət komandaları ilə qarşılaşacaq.
Milliyə dəvət edilmiş futbolçuların adlarını və oyunların təqvimini nəzərinizə çatdırırıq:
Ülvi Abbaslı – Sumqayıt
Oqtay Mehrəliyev – Qarabağ
Ruslan Quliyev – Neftçi
Vaqif Nəbiyev – Qarabağ
Roman Fərzəli – Qarabağ
Arda Əzizli – Qarabağ
Vaqif Məmmədli – Sabah
Tunar Bayramov – Qarabağ
Nazim Əliyev – Srvena Zvezda (Serbiya)
Əhəd Hacızadə – Qarabağ
Yusif Orucəliyev – Qarabağ
Nihad Hüseynzadə – Sabah
Şikar Şikar – Neftçi
Firdovsi Şeydayev – Sabah
Nicat Əhmədzadə – Marset (İspaniya)
Rəsul Balakişiyev – Marset (İspaniya)
Ümid Əliyev – Hueska (İspaniya)
Tunar Əsgərzadə – Qarabağ
Ruslan Əbilov – Sabah
Hikmət Mirzə – Nastik İdman Akademiyası (İspaniya)
25 aprel 14:30. Rusiya – Azərbaycan “Namıs” stadionu, BIIK İdman Kompleksi
27 aprel 14:30. Azərbaycan – Qazaxıstan “Namıs” stadionu, BIIK İdman Kompleksi
30 aprel 09:30. Pakistan – Azərbaycan “Namıs” stadionu, BIIK İdman Kompleksi
Qeyd: Oyunların başlanma saatı Bakı vaxtı ilə göstərilib.
İngiltərə millisinin və “Everton”un sol cinah hücumçusu Cek Qriliş bərpa prosesində olduğu vaxt Mançesterdə barda görüntülənib.
Arena.az xəbər verir ki, fevralda ayağından əməliyyat edilmiş futbolçu dostları ilə birlikdə şəhərdəki məkanlardan birinin balkonunda vaxt keçirib.
Qriliş içkidən sonra qısa müddət oyaq qalıb və daha sonra səs-küylü mühitə baxmayaraq, dərin yuxuya gedib.
Müqavilə ilə “Mançester Siti”yə məxsus olan və icarə əsasında “Everton”da çıxış edən yarımmüdafiəçi ağır zədə səbəbindən mövsümün qalan hissəsini buraxacaq. Onun qarşıdakı dünya çempionatında İngiltərə millisinin heyətində yer alması da sual altındadır.
Qriliş cari mövsümdə “Everton”un heyətində meydana çıxdığı 22 oyunda 2 qol vurub, 6 məhsuldar ötürmə müəllifi olub.
Cek Qriliş “Aston Villa”nın məzunudur. Futbolçu həmçinin “Notts Kaunti” (icarə) və “Mançester Siti”də çıxış edib. “Mançester Siti” Qrilişi 2021-ci ilin avqust ayında “Aston Villa”dan 117,5 milyon avro məbləğ müqabilində “şəhərlilər”in heyətinə qatıb.
Ümumilikdə Qriliş “Mançester Siti” üçün 157 oyuna çıxıb, 17 qol və 23 məhsuldar ötürmə ilə fərqlənib.
Cek Qriliş 2020-ci ilin sentyabr ayında debüt etdiyi İngiltərə yığmasının heyətində 39 oyuna 4 qol və 8 məhsuldar ötürmə ilə fərqlənib.
“Transfermarkt” internet-portalı 30 yaşlı ingiltərəli sol cinah hücumçusunun transfer dəyərini 25 milyon avro məbləğində qiymətləndirir.
Mərdəkandakı “Dalğa Arena”da təbii ot örtüyünün yenilənməsi məqsədilə genişmiqyaslı renovasiya işlərinə start verilib.
Arena.az xəbər verir ki, bu barədə AFFA-nın rəsmi saytı məlumat yayıb.
Xəbərdə bildirilir ki, aparılan işlər UEFA-nın “Hat-Trick” layihəsi çərçivəsində həyata keçirilir. Yenidənqurma stadionun infrastrukturunun daha da təkmilləşdirilməsinə xidmət edir.
Layihə çərçivəsində meydanın keyfiyyətinin artırılması, beynəlxalq standartlara uyğunlaşdırılması və oyun şəraitinin yaxşılaşdırılması nəzərdə tutulur.
Xatırladaq ki, “Dalğa Arena” 2025/2026-cı illər mövsümündə Premyer Liqa təmsilçisi “Araz-Naxçıvan”ın ev oyunlarına ev sahibliyi edirdi. Amma məhz ot örtüyününün yenilənməsi ilə əlaqədar Naxçıvan təmsilçisi çempionatdakı ev oyunlarını Sumqayıtda keçirmək məcburiyyətində qalıb.
Qeyd edək ki, Mərdəkandakı arenanın dəqiq nə vaxta tam hazır olacağı barədə məlumat verilmir.
Niderland millisinin və “Tottenhem”in yarımmüdafiəçisi Xavi Simons qarşıdakı dünya çempionatında (DÇ-2026) iştirak etməyəcək.
Arena.az xəbər verir ki, 23 yaşlı futbolçu İngiltərə Premyer Liqasının 34-cü turunda “Vulverhempton”a qarşı keçirdikləri oyunda zədələnib.
Ön çarpaz bağları qopmuş futbolçu ən azı bu ilin sonuna qədər meydana çıxa bilməyəcək. Futbolçu bu barədə sosial şəbəkə hesabındakı paylaşımında yazıb:
“Deyirlər ki, həyat bəzən qəddar olur və bu gün bunu xüsusilə dərindən hiss edirəm. Mövsüm mənim üçün qəfil başa çatdı və mən hələ də bunu anlamağa çalışıram. Açığını desəm, ürəyim qırılıb. Bütün bunların heç bir məntiqi yoxdur”.
Qeyd edək ki, Niderland millisi bu yay ABŞ, Kanada və Meksikada keçiriləcək mundialda Yaponiya, İsveç və Tunis ilə F qrupunda mübarizə aparacaq.
Xavi Simons “Tottenhem”ə 2025-ci ilin avqustunda Almaniyanın “Leypsiq” klubundan 65 milyon avro müqabilində keçib. Onun İngiltərə klubu ilə 2030-cu ilin 30 iyununadək müqaviləsi mövcuddur.
Hücumameylli yarımmüdafiəçi cari mövsümdə meydana çıxdığı 41 oyunda 5 qol vurub, 6 məhsuldar ötürmə verib.
Xavi futbola “Tader” klubunda qədəm qoyub, ardınca “Barselona”nın futbol akademiyasına yol tapıb, daha sonra PSJ-nin futbol akademiyasına keçib və Fransa nəhənginin heyətində böyük futbolda debüt edib. O, karyerası ərzində “Leypsiq”, PSV kimi klubların da şərəfini qoruyub.
Xavi Simons 2022-ci ilin dekabrında debüt etdiyi Niderland yığmasının heyətində 34 oyun keçirib, 6 qol vurub, 5 məhsuldar ötürmə verib.
Xavi Simonsun qənimətlər muzeyində PSJ ilə qazandığı Fransa çempionluğu və Fransa Kuboku, PSV ilə qazandığı Niderland Kuboku və Niderland Super Kuboku, “Leypsiq”lə qazandığı Almaniya Super Kuboku var.
Fərdi uğurlara gəlincə, Xavi Simons 2022/2023-cü illər mövsümündə Niderland çempionatında 19 qolla ən sərrast futbolçu olub və 2023-cü il üçün Niderlandda mövsümün oyunçusu seçilib.
“Transfermarkt” internet-portalı 23 yaşlı yarımmüdafiəçinin transfer dəyərini 50 milyon avro məbləğində qiymətləndirir.
Misir yığmasının və İngiltərənin “Liverpul” klubunun cinah hücumçusu Məhəmməd Salah üçün cari mövsüm erkən başa çatıb.
Arena.az xəbər verir ki, bu barədə Britaniya mətbuatı məlumat yayıb.
Misirli hücumçu Premyer Liqanın 34-cü turunda qarşılaşdıqları “Kristal Pelas”la oyunda bud əzələsindən zədə alıb. Onun təxminən 4 həftə sonra meydana qayıdacağı bildirilir. “Liverpul”un isə Premyer Liqada 4 oyunu qalıb. Bu isə o deməkdir ki, mövsümün sonunda “Liverpul”dan ayrılacaq 33 yaşlı oyunçunun İngiltərə klubundakı karyerası sona çatıb.
Məhəmməd Salah 2017-ci ilin iyul ayından “Liverpul”da çıxış edir. İngiltərə nəhəngi həmin dövrdə futbolçunun “Roma”dan keçidi müqabilində 42 milyon avro məbləğində xərc çəkmişdi. Hücumçunun “Liverpul”la müqaviləsinin müddəti 2027-ci ilin iyun ayının sonuna qədər qüvvədə idi. Amma futbolçu cari mövsümün sonunda ayrılmaq istədiyi üçün klub onun gedişinə razılıq verib.
Salah cari mövsümdə “qırmızılar”ın heyətində 39 oyuna çıxıb, 12 qol vurub, 9 məhsuldar ötürmə müəllifi olub. Misirli hücumçunun “Liverpul”un heyətində çıxışının ümumi mənzərəsi 440 oyun, 257 qol, 122 məhsuldar ötürmədən ibarətdir.
Salah “Liverpul”la bütün mümkün ali klub yarışlarının qalibi olub.
Misirli ulduz həmçinin “Fiorentina”, “Çelsi”, “Bazel” və “Əl-Mukavilun” klublarında çıxış edib.
Məhəmməd Salah hazırda kapitanı olduğu, 2011-ci ilin sentyabr ayında debüt etdiyi Misir yığmasının heyətində 113 oyun keçirib, 65 qol vurub və 35 məhsuldar ötürmə verib.
“Transfermarkt” internet-portalı 33 yaşlı misirli hücumçunun transfer dəyərini 30 milyon avro məbləğində qiymətləndirir.
Sərbəst güləş üzrə Avropa çempionu olmuş Ali Tsokayev (92 kq) Albaniyada keçirilmiş yarışla bağlı təəssüratlarını bölüşüb.
Arena.az xəbər verir ki, o, Azərbaycan Güləş Federasiyasının mətbuat xidmətinə açıqlamasında bunları söyləyib:
“Bu, böyüklərin Avropa çempionatında debütüm idi. Keçən ay U-23 Avropa çempionatında qalib olmuşdum. Üzərimdə əməyi olan bütün məşqçi heyətinə, məni dəstəkləkləyənlərə öz minnətdarlığımı bildirirəm. Final görüşü istədiyim kimi başlamadı. Görüş bir az gərgin keçdi və bir qədər təzyiq var idi. Amma şükür, nəticə istədiyim kimi oldu. Gələn il, inşallah, 97 kq-da çıxış etməyi planlaşdırıram”.
Xatırladaq ki, Albaniyanın paytaxtı Tiranada keçirilmiş Avropa çempionatına 92 kq çəki dərəcəsində qatılmış Ali Tsokayev belaruslu Yaraslav Yadkovskiyə tam üstünlüklə (10:0) qalib gəldikdən sonra gürcüstanlı dünya və Avropa mükafatçısı Miriani Maysuradzeyə gücünü göstərib – 5:0. Tsokayev yarımfinalda isveçrəli Samuel Şerrerə də şans tanımayıb – 6:0. Ali finalda bolqarıstanlı Ahmed Batayevlə güləşib. Rəqibinə 5:3 hesabıyla qalib gələn güləşçimiz ilk dəfə qatıldığı Avropa çempionatında fəxri kürsünün ən yüksək pilləsinə qalxıb.
Futbol üzrə Azərbaycan milli komandasının yarımmüdafiəçisi Ozan Can Kökçü “Volendam”ın ötən gecə keçirdiyi oyunda iştirak etməyib.
Arena.az xəbər verir ki, sözügedən komanda Niderland çempionatının (Erediviziya) 2025/2026-cı illər mövsümünün 31-ci turunda “Herakles”lə qarşılaşıb.
“Volendam” səfərdə baş tutmuş bu oyundan qələbə ilə ayrılıb – 2:0.
Ozan bu görüşün sonunadək ehtiyatda qalıb.
“Volendam” 31 turdan sonra 31 xalla 18 iştirakçı arasında 15-ci pillədə qərarlaşıb. Ozan bu oyunların 27-də iştirak edib, 1 qol vurub, 2 məhsuldar ötürmə müəllifi olub.
Xatırladaq ki, Özan Can Kökçü 2025-ci ilin may ayında “Volendam”la 1+1 illik müqavilə imzalayıb. O, Niderland klubuna Finlandiya təmsilçisi HJK-dan azad agent kimi keçib. Millimizin üzvü Niderland klubunun heyətində bütövlükdə 30 oyuna çıxıb, 1 qol vurub, 2 məhsuldar ötürmə verib.
Ozan daha öncə Niderlandda “Eyndhoven”, “Valveyk” və “Telstar”ın, Türkiyədə “Bursaspor” və “Girəsunspor”un, Azərbaycanda “Sabah”ın da uğurları üçün çalışıb. Azərbaycanın U-20 və U-21 yığmalarının formasını geyinmiş futbolçu 2022-ci ildən əsas millimizə dəvət alır. O, Azərbaycan milli komandasının heyətində 14 oyuna çıxıb, 2 məhsuldar ötürmə müəllifi olub.
Sərbəst güləş üzrə Avropa ikincisi olmuş Azərbaycan təmsilçisi Arseniy Djioyev (86 kq) çıxışı ilə bağlı təəssüratlarını bölüşüb.
Arena.az xəbər verir ki, o, Azərbaycan Güləş Federasiyasının mətbuat xidmətinə açıqlamasında bunları söyləyib:
“Allaha şükür olsun ki, bu nəticəni əldə etdim. Fürsətdən istifadə edib, Azərbaycan Güləş Federasiyasına, məni dəstəkləyən hər kəsə öz minnətdarlığımı bildirmək istəyirəm. Bizə bu cür şərait yaradan federasiyamıza təşəkkür edirəm. Çəkdiyimiz əziyyət onu göstərir ki, gələcəkdə qızıl medal da əldə bilərik. Çalışacağam ki, bu medalın əyarını qızıla çevirim”.
Xatırladaq ki, Albaniyanın paytaxtı Tiranada təşkil edilmiş yarışa 86 kq çəki dərəcəsində qatılmış Arseniy Djioyev (86 kq) əvvəlcə ukraynalı Denis Bikova (10:0), daha sonra moldovalı Yevgeni Mihaelkana (11:0) tam üstünlüklə qalib gələrək yarımfinala vəsiqə qazanıb. Bu mərhələdə isə latviyalı İvars Samusonok vaxtından əvvəl xalçanı məyus tərk edib – 12:2. Arseniy finalda rusiyalı İbrahim Kadiyevlə üz-üzə gəlib. O, minimal fərqlə məğlub olub (1:2) və gümüş medala sahib çıxıb.
Futbol üzrə Azərbaycan millisinin hücumçusu Renat Dadaşov Polşanın “Motor” komandasının “Vidzev”ə qarşı keçirdiyi oyunu buraxıb.
Arena.az xəbər verir ki, 26 yaşlı hücumçunun komandası Polşa çempionatının 2025/2026-cı illər mövsümünün 30-cu turu çərçivəsində “Vidzev”lə qarşılaşıb.
Lyublin təmsilçisi bu rəqiblə səfərdə üz-üzə gəlib və 0:2 hesablı məğlubiyyətə üzülüb. Renat bu görüşün iştirakçısı olmayıb. O, sonadək ehtiyatda qalıb.
30 turdan sonra 39 xalı olan “Motor” hazırda Polşa çempionatının turnir cədvəlində 18 iştirakçı arasında 9-cu pillədə qərarlaşıb. Renatın komandası keçirdiyi 30 oyunda 9 qələbə qazanıb, 12 heç-heçə edib, 9 məğlubiyyətə üzülüb.
Xatırladaq ki, Dadaşov “Motor”la 2025-ci ilin yayında 1+1 illik müqaviləyə imza atıb. O, Lyublin klubunun heyətində meydana çıxdığı 20 oyunda fərqlənə bilməyib.
Renat Dadaşov ötən mövsümü Polşanın digər klubu “Radomyak”da keçirib. Amma o, mövsüm bitən kimi sözügedən klubu tərk edib və “Motor”la razılaşıb. Renat karyerası ərzində “Qrasshopper”, “Tondela”, “Eştoril”, “Pasuş de Ferreyra”, “Hatayspor”, “Ankaragücü” kimi klublarda da forma geyinib. O, Azərbaycan milli komandasının heyətində meydana çıxdığı 43 oyunda 6 qol, 2 məhsuldar ötürmə müəllifi olub.
Sərbəst güləş üzrə Avropa ikincisi Turan Bayramov (74 kq) Albaniyada keçirilmiş yarışla bağlı təəssüratlarını bölüşüb.
Arena.az xəbər verir ki, o, Azərbaycan Güləş Federasiyasının rəsmi saytına açıqlamasında bunları söyləyib:
“Hədəfim Avropa çempionu olmaq idi. Artıq ikinci dəfədir ki, bu şansı əldən verirəm. Çox təəssüflənirəm. Final görüşündə taktiki səhv etdim. Bütün hesablarım 3:0-dan sonra puça düşdü. Bu medalı qızıla çevirmək üçün əlimdən gələni edəcəyəm. Rəqiblə güləş üslubumuz tamam fərqlidir. O, rəqibi tutub saxlamaqla fəndi edir. Mənə açıq güləşən rəqiblər daha rahat olur. Bu idmançı isə ancaq fiziki gücün hesabına, döşəkdən kənarlaşdıraraq üstünlük əldən edir. Bu, mənim güləş üslubuma əks olduğu üçün çətinlik çəkirəm. Yunan-Roma güləşində 77 kq, sərbəst güləşdə isə 74 kq ən çox rəqabətin olduğu çəkidir. Hər bir medal idmançı üçün dəyərlidir”.
Xatırladaq ki, Albaniyanın paytaxtı Tiranada təşkil edilmiş Avropa çempionatında 74 kq çəki dərəcəsində yarışan Turan Bayramov startda çətinliklə də olsa, neytral atlet statusuyla Avropa çempionatına qatılmış Fərhad Nurixorjestana minimal fərqlə (3:2) qalib gəlib. Güləşçimiz 1/4 finalda belaruslu Nikita Mayevskiyə heç bir şans tanımayıb – 8:0. Yarımfinalda gürcüstanlı Georgi Elbakidzeni (2:1) üstələmiş Bayramov finala yüksəlib. Turan həlledici görüşdə slovakiyalı Taymuraz Salkazanovla qarşılaşıb. Güləşçimiz rəqibinə 2:4 fərqlə uduzub və gümüş medalı boynundan asıb.
Futbol üzrə Azərbaycan millisinin mərkəz müdafiəçisi Cəlal Hüseynov Bolqarıstanın “Arda” komandasının heyətində növbəti matçına çıxıb.
Arena.az xəbər verir ki, Cəlalın komandası Bolqarıstan çempionatının 2025/2026-cı illər mövsümünün 31-ci turu çərçivəsində Plovdiv “Botev”i ilə qarşılaşıb.
“Arda” doğma meydanda baş tutmuş bu oyundan məğlubiyyətlə ayrılıb – 0:2. Hüseynov fasilədən dərhal sonra – 46-cı dəqiqədə meydana buraxılıb.
“Arda” 31 turdan sonra 44 xalla 16 iştirakçı arasında 7-ci pillədə qərarlaşıb. Komanda cari mövsümdə 12 qələbə qazanıb, 8 heç-heçə edib, 11 məğlubiyyətə üzülüb.
Xatırladaq ki, “Zirə”nin yetirməsi olan Cəlal Hüseynov Bolqarıstan təmsilçisi ilə 2023-cü ilin iyun ayında 3 illik müqavilə imzalayıb. Azərbaycanlı futbolçu bu komandada 80 rəsmi oyuna çıxıb, 2 qol vurub. Cəlal 2024/2025-ci illər mövsümünü icarə əsasında “Şamaxı”da keçirsə də, ötən ilin yayında yenidən Bolqarıstan klubuna qayıdıb.
Hüseynov 2021-ci ilin noyabrında debüt etdiyi Azərbaycan milli komandasının heyətində 9 oyuna çıxsa da, məhsuldar fəaliyyəti ilə yadda qalmayıb.
Sərbəst güləş üzrə Avropa üçüncüsü Cəbrayıl Hacıyev (79 kq) Albaniyada keçirilmiş turnirlə bağlı təəssüratlarını bölüşüb.
Arena.az xəbər verir ki, o, Azərbaycan Güləş Federasiyasının rəsmi saytına açıqlamasında bunları söyləyib:
“Şükürlər olsun, komanda olaraq yaxşı çıxış etdik. Kislovodskidə yaxşı təlim-məşq toplanışı keçdik. Axırıncı hazırlığımız Bakıda oldu. Müəllimlərimin hamısı yanımda idi. Bu mənim böyüklərin Avropa çempionatında ikinci çıxışım idi. Əlbəttə, çempion olmaq istəyirdim. Bu dəfə üçüncü yerə çıxdım. İnşallah, gələn il daha da yaxşı hazırlaşıb, bu medalın əyarını qızıl edərəm. Qarşıdan dünya çempionatı gəlir. Ona da yaxşı hazırlaşacağam”.
Xatırladaq ki, Cəbrayıl Hacıyev (79 kq) Albaniyanın paytaxtı Tiranada təşkil edilmiş Avropa çempionatının 1/4 finalında slovakiyalı Avropa çempionu və dünya mükafatçısı Axsarbek Qulayevdən güclü olub – 7:2. Ancaq yarımfinalda belaruslu olimpiya və Avropa mükafatçısı Maqamedxabib Kadimaqamedova 1:5 hesabıyla məğlub olub. Güləşçimiz üçüncü yer uğrunda görüşdə Şimali Makedoniyanı təmsil edən Rasul Şapiyevə şans tanımayıb – 8:0. Bununla da Cəbrayıl Avropa çempionatının bürünc medalını boynundan asıb və karyerasının ən böyük uğuruna imza atıb.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 29-сu turuna yekun vurulacaq.
Arena.az xəbər verir ki, sonuncu oyun günündə də iki qarşılaşma baş tutacaq.
Günün ilk oyunu “Turan Tovuz” ilə “Zirə” arasında keçiriləcək. Tovuz şəhər stadionunda təşkil ediləcək görüşə saat 18:00-da start veriləcək. Oyunun baş hakimi Rəvan Həmzəzadə olacaq.
Turun qapanış oyununda isə “Sabah” “Karvan”la üz-üzə gələcək. “Masazır Arena”da baş tutacaq görüşün start fiti saat 20:00-da səslənəcək. Oyunu Kamranbəy Rəhimov idarə edəcək.
Premyer Liqa 29-cu tur 25 aprel
“İmişli” – “Sumqayıt” 0:2 Qollar: Aleksandr Ramalinqom, 35; 85. Hakimlər: Elçin Məsiyev, Elşad Abdullayev, Pərvin Talıbov, Alik Yunusov. VAR: Elvin Bayramov. AVAR: Müslüm Əliyev. Hakim-inspektor: Anar Salmanov. AFFA nümayəndəsi: Eldar Məmmədov. Quba Olimpiya İdman Kompleksinin stadionu, 16:00.
“Qəbələ” – “Araz-Naxçıvan” 1:1 Qollar: Ömər Buludov, 75-öz qapısına – İssuf Paro, 82. Hakimlər: Kamal Umudlu, Namiq Hüseynov, Vüsal Məmmədov, Ruslan Quliyev. VAR: Vüqar Həsənli. AVAR: Əkbər Əhmədov. Hakim-inspektor: Orxan Məmmədov. AFFA nümayəndəsi: Elçin Məmmədov. Qəbələ şəhər stadionu, 18:30.
Bu gün futbol üzrə İspaniya çempionatında (La Liqa) 2025/2026-cı illər mövsümünün 32-ci turunun növbəti oyunları keçirilib.
Arena.az xəbər verir ki, ikinci oyun günündə 4 qarşılaşma baş tutub.
Altı qolun qeydə alındığı “Rayo Valyekano” – “Real Sosyedad” matçında qalib müəyyənləşməyib. “Real Ovyedo”nun qonağı olan “Elçe” səfərdə qalib gəlib. “Osasuna” “Sevilya”nı, “Vilyarreal” da “Selta”nı məğlub yola salıb.
32-ci tura aprelin 27-də keçiriləcək “Espanyol” – “Levante” matçı ilə yekun vurulacaq.
İspaniya, La Liqa 32-ci tur 24 aprel
Betis – Real 1:1 Qollar: Belyerin, 90+4 – Vinisius, 17.
Bu gün futbol üzrə İtaliya çempionatında (A Seriyası) 2025/2026-cı illər mövsümünün 34-cü turunun növbəti oyunları keçirilib.
Arena.az xəbər verir ki, üçüncü oyun günündə 4 qarşılaşma baş tutub.
“Fiorentina” – “Sassuolo” və “Milan” – “Yuventus” matçlarında qapılara qol vurulmayıb. Dörd qolun qeydə alındığı “Torino” – “İnter” matçında da qalib müəyyənləşməyib. “Cenoa”nın qonağı olmuş “Komo” isə turu inamlı qələbə ilə başa vurub.
34-cü turun qalan görüşləri aprelin 27-də keçiriləcək.
İtaliya, A Seriyası 34-cü tur 24 aprel
Napoli – Kremoneze 4:0 Qollar: Maktominey, 3. Höylund, 45. De Bröyne, 45+3. A.Santos, 52.
25 aprel
Parma – Piza 1:0 Qol: Elfeqe, 82.
Bolonya – Roma 0:2 Qollar: Malen, 7. El-Aynaui, 45+1.
Bu gün futbol üzrə Fransa çempionatında (Liqa 1) 2025/2026-cı illər mövsümünün 31-ci turunun oyunlarına yekun vurulub.
Arena.az xəbər verir ki, sonuncu oyun günündə beş qarşılaşma baş tutub.
Səkkiz qolun qeydə alındığı “Havr” – “Mets” matçında qalib müəyyənləşməyib. “Olimpik” (Marsel) – “Nitsa” görüşündə də tərəflər hərəyə 1 qol və 1 xalla kifayətləniblər. “Loryan” doğma meydanda “Strasburq”a, “Paris” isə “Lill”ə məğlub olub. “Renn” də “Nant”la ev oyunundan çətin qələbə ilə ayrılıb.
Beləliklə, cari mövsümün geridə qalmış 31 turundan sonra 69 xal toplamış PSJ vahid liderdir. “Lans” 63 xalla ikinci pillədə qərarlaşıb. Lion “Olimpik”i ilə “Lill” 57, “Renn” 56, Marsel “Olimpik”i 53, “Monako” 51 xal toplayıb.
Albaniyanın paytaxtı Tiranada təşkil edilmiş Avropa çempionatı sərbəst güləş üzrə Azərbaycan millisi üçün əlamətdar olub.
Arena.az xəbər verir ki, Albaniyanın paytaxtı Tiranada keçirilmiş Avropa çempionatına bu gün yekun vurulub.
Yunan-Roma güləşi üzrə millinin ardınca sərbəst güləş üzrə Azərbaycan millisi də Avropanın zirvəsini fəth edib. 3 qızıl, 2 gümüş və 1 bürünc medal qazanmış komandamız 152 xal toplayaraq 6-cı dəfə Avropa çempionu olub. Millimiz 2-ci yeri tutmuş Gürcüstanı 58 xal qabaqlayıb. Ermənistan isə 73 xalla üçüncü olub.
Buna qədər Azərbaycan güləşin bu növündə 2009, 2017, 2022, 2023 və 2025-ci illərdə qitənin ən güclü ölkəsi olmuşdu.
Millimiz Albaniyada medalların əyarına görə, son 17 ilin ən yaxşı nəticəsinə imza atıb. 3 qızıl, 2 gümüş və 1 bürünc medal 2009-cu ildən bu yana Avropa çempionatında sərbəst güləşdə ən yaxşı göstəricimizdir.
Xatırladaq ki, Tiranada İslam Bazarqanov (57 kq), Ali Tsokayev (92 kq) və Georgi Meşvildişvili (125 kq) Avropa çempionu olublar. Turan Bayramov (74 kq) və Arseniy Djioyev (86 kq) gümüş medalla kifayətləniblər. Cəbrayıl Hacıyev (79 kq) isə bürünc medal qazanıb.
Beləliklə, Azərbaycan 2022 və 2025-ci illərdə olduğu kimi, həm yunan-Roma, həm də sərbəst güləş üzrə komanda hesabında Avropa çempionu olaraq qızıl dubla imza atıb.
Futbol üzrə Azərbaycan millisinin müdafiəçisi Zamiq Əliyev Albaniyanın “Eqnatiya” komandasının heyətində növbəti matçına çıxıb.
Arena.az xəbər verir ki, sözügedən komanda Albaniya çempionatının 2025/2026-cı illər mövsümünün 33-cü turu çərçivəsində “Vora” ilə qarşılaşıb.
“Eqnatiya” doğma meydanda baş tutmuş bu oyundan məğlubiyyətlə ayrılıb – 0:2. Əliyev görüşə start heyətdə başlayıb və sonadək mübarizə aparıb. O, 29-cu dəqiqədə sarı vərəqə də alıb.
“Eqnatiya” 33 turdan sonra 54 xalla 10 komandanın mübarizə apardığı Albaniya çempionatının yarış cədvəlində 3-cü pillədə qərarlaşıb. Sözügedən komanda 33 oyunda 15 qələbə qazanıb, 9 heç-heçə edib, 9 məğlubiyyətə üzülüb.
Xatırladaq ki, Zamiq Əliyev Albaniya klubuna 2024-cü ilin yayında “Araz-Naxçıvan”dan azad agent kimi keçib. Müdafiəçi “Eqnatiya” ilə 3 illik müqaviləyə imza atıb. 25 yaşlı futbolçu indiyə qədər bu komandanın heyətində 69 oyuna çıxıb, 1 qola imza atıb. Əliyev “Eqnatiya” ilə ötən mövsüm Albaniya çempionu olub.
Əliyev daha öncə “Qarabağ”da və “Kəpəz”də də oynayıb. Azərbaycanın U-17, U-19 və U-21 yığmalarında forma geyinmiş müdafiəçi 2024-cü ilin noyabr ayında əsas millimizdə də debüt edib və hələlik 2 oyun keçirib.
Albaniyanın paytaxtı Tirana şəhərində böyüklər arasında təşkil edilmiş güləş üzrə Avropa çempionatı bu gün başa çatıb.
Arena.az xəbər verir ki, yarışın sonuncu günündə sərbəst güləş üzrə 61, 74, 86, 92 və 125 kq-da medalçılar müəyyənləşib.
Azərbaycan millisinin üzvləri də son gündə növbəti medallarını qazanıblar.
Nürəddin Novruzov (61 kq) üçüncülük mübarizəsində italiyalı Simyone Pirodduya “tuş”la məğlub olub və yarışı 5-ci pillədə tamamlayıb.
Turan Bayramov (74 kq) həlledici görüşdə slovakiyalı Taymuraz Salkazanova 2:4 fərqlə uduzub və gümüş medalı boynundan asıb.
Arseniy Djioyev (86 kq) isə finalda rusiyalı İbrahim Kadiyevə minimal fərqlə məğlub olub (1:2) və gümüş medala sahib çıxıb.
Ali Tsokayev (92 kq) finalda bolqarıstanlı Ahmed Batayevə 5:3 hesabıyla qalib gələrək ilk dəfə qatıldığı Avropa çempionatında fəxri kürsünün ən yüksək pilləsinə qalxıb.
Çempionatın son görüşü Georgi Meşvildişvili (125 kq) və Vladislav Baytsayev arasında baş tutub. Macarıstan güləşçisinə heç bir şans tanımayan (8:0) təmsilçimiz titulunu qoruyaraq, 2-ci dəfə Avropanın ən güclüsü olub.
Beləliklə, sərbəst güləş üzrə yığmamız Avropa çempionatını 3 qızıl, 2 gümüş və 1 bürünc medalla başa vurub.
Bu gün futbol üzrə Türkiyə çempionatında (Super Liqa) 2025/2026-cı illər mövsümünün 31-ci turunun növbəti oyunları keçirilib.
Arena.az xəbər verir ki, üçüncü oyun günündə iki qarşılaşma baş tutub.
“Gənclərbirliyi” doğma meydanda “Kocaelispor”u tək qolla üstələyib. Turun mərkəzi oyununda isə lider “Qalatasaray” əzəli rəqibi və əsas izləyicisi “Fənərbağça” ilə üz-üzə gəlib. İstanbul derbisində meydan sahibləri 3 cavabsız qolla qalib gəliblər.
31-ci turun qalan görüşləri aprelin 27-də keçiriləcək.
Bu gün futbol üzrə Almaniya çempionatında (Bundesliqa) 2025/2026-cı illər mövsümünün 31-ci turunun oyunlarına yekun vurulub.
Arena.az xəbər verir ki, sonuncu oyun günündə 2 qarşılaşma baş tutub.
İki qolun qeydə alındığı “Ştutqart” – “Verder” matçında qalib müəyyənləşməyib. Dortmund “Borussiya”sı isə doğma meydanda “Frayburq”la üz-üzə gəlib və 4 cavabsız qola sevinib.
Beləliklə, cari mövsümün geridə qalmış 31 turundan sonra 82 xalı olan “Bayern” vahid liderdir. Dortmund “Borussiya”sı 67 xalla ikinci, “Leypsiq” 62 xalla üçüncü pillədə qərarlaşıb. “Ştutqart”la “Hoffenhaym” 57, “Bayer” 55, “Ayntraxt”la “Frayburq” 43 xal toplayıblar.
Almaniya, Bundesliqa 31-ci tur 24 aprel
Leypsiq – Union Berlin 3:1 Qollar: Finkarqafe, 22. R.Kardozo, 25. Baku, 63 – Doexi, 78.
“Neftçi”nin məşqçisi Vitali Vernidub Premyer Liqanın 29-cu turu çərçivəsində “Qarabağ”a qarşı keçirdikləri oyunu şərh edib.
Arena.az xəbər verir ki, sözügedən komandaların bu gün “Neftçi Arena”da baş tutmuş görüşü meydan sahiblərinin 1:5 hesablı məğlubiyyəti ilə yekunlaşıb.
Cəzalı durumda olan baş məşqçi Yuri Vernidubun yoxluğunda mətbuat konfransına qatılmış köməkçisi və oğlu Vitali Vernidub bunları söyləyib:
“Qarabağ”la fərqli səviyyələrdəyik. Bu səviyyəyə çatmaq asan məsələ deyil. Hər gün məqş etmək lazımdır. Başa dümək lazımdır ki, bu cür komandaya qarşı oynamaq üçün sadəcə motivasiya bəs deyil. 1:5 hesabıyla uduzduq. Hər birimiz bunu anlayırıq. Bu hesaba görə azarkeşlərdən üzr istəyirəm.
“Qarabağ”la oyuna yaxşı hazırlaşmışdıq. Sizcə, biz onları təhlil etməmişdik? Bu oyunu da araşdırıb, təhlil edib, nəticə çıxarmalıyıq. Növbəti oyun üçün bəzi şeyləri dəyişəcəyik. Heyətdə dəyişikliklər olacaq. Buna əminəm.
Əlbəttə, bu məğlubiyyətin psixoloji təsiri olacaq. Bunu danmaq olmaz. Amma peşəkar futbolçu belə məğlubiyyətlərdən sonra dirçəlməyi bacarmalıdır. Oyuna baxmalı, yaxşı məqamları saxlamalı, neqativləri aradan qaldırmalısan. Düzdür, yaxşı məqamlar çox deyildi, amma var idi”.
“Qarabağ”ın baş məşqçisi Qurban Qurbanov Premyer Liqanın 29-cu turu çərçivəsində “Neftçi”yə qarşı keçirdikləri oyunu şərh edib.
Arena.az xəbər verir ki, sözügedən komandaların bu gün “Neftçi Arena”da baş tutmuş görüşü “Qarabağ”ın 5:1 hesablı qələbəsi ilə yekunlaşıb.
Qurban Qurbanov matçdan sonra təşkil edilmiş mətbuat konfransında bunları söyləyib:
“Futbolçularımı təbrik edirəm. Yaxşı oyun göstərdilər və vacib 3 xal qazandıq. Hər iki komandanın azarkeşlərinə təşəkkür edirəm.
Bu oyunda bəzi rotasiyalara etmişdik. Futbolçuların hazırlığına görə bu addımı atdıq. Sıx qrafikdə oynayırdıq. Bəzi oyunçuların yorğunluğu var idi. Ona görə rotasiyalar etdik. Futbolçular yaxşı məşq edirdilər, hazırlaşırdılar. Özlərini yaxşı tərəfdən göstərmək istəyirdilər.
“Neftçi” ilə oyuna hazırlaşmağa bir o qədər vaxtımız da olmadı. Komanda şəklində bir məşqimiz oldu. “Neftçi”yə qarşı oynayırıqsa, futbolçulara çox motivasiya vermək lazım olmur. Onlara qarşı oynamaq xoşdur. Azarkeşlər üçün də yaxşı oyun alınır. Vacib olan bundan sonrakı oyundur. Komandanı ona düzgün hazırlaşdırmağa çalışacağıq. Böyükhesablı qələbə futbolçulara rahatlıq verə bilər. Növbəti oyuna hazırlaşmaq daha çətin olacaq”.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 29-сu turunun növbəti oyunları keçirilib.
Arena.az xəbər verir ki, ikinci oyun gününün sonuncu görüşündə, həmçinin turun mərkəzi oyununda “Neftçi” əzəli rəqibi “Qarabağ”la üz-üzə gəlib.
“Neftçi Arena”da baş tutmuş görüşü Tural Qurbanov idarə edib. Altı qolun qeydə alındığı oyunda Ağdam təmsilçisi darmadağına sevinib.
Xatırladaq ki, turun əvvəlki oyunlarında “İmişli” “Sumqayıt”a 0:2 hesabıyla uduzub, “Qəbələ” – “Araz-Naxçıvan” matçında qalib müəyyənləşməyib (1:1), “Şamaxı” isə “Kəpəz”ə qalib gəlib – 2:0. “Turan Tovuz” – “Zirə” və “Sabah” – “Karvan” matçları sabah keçiriləcək.
Bu gün futbol üzrə İngiltərə Federasiya Kubokunda 2025/2026-cı illər mövsümünün yarımfinal mərhələsinə yekun vurulub.
Arena.az xəbər verir ki, sonuncu oyun günündə də bir qarşılaşma baş tutub.
Mərhələnin sonuncu oyununda “Çelsi” “Lids”lə üz-üzə gəlib. Londondakı “Uembli” stadionunda baş tutmuş görüşün taleyini bir qol həll edib. “Çelsi” minimal hesabla qalib gələrək finala yüksələn tərəf olub.
Beləliklə, İngiltərə Federasiya Kubokunda “Çelsi” – “Mançester Siti” finalı olacaq. 2025/2026-cı illər mövsümünün final qarşılaşması may ayının 16-da məhz “Uembli” stadionunda baş tutacaq.
“Kəpəz”in baş məşqçisi Azər Bağırov Premyer Liqanın 29-cu turu çərçivəsində “Şamaxı”ya qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Şamaxıda baş tutmuş görüşü “Kəpəz”in 0:2 hesablı məğlubiyyəti ilə yekunlaşıb.
Azər Bağırov matçdan sonra təşkil edilmiş mətbuat konfransında bunları söyləyib:
“Ardıcıl dörd oyunda məğlub olmaq komandanı pis duruma salıb. Bu gün qələbə qazanmaq istəyirdik. Sadəcə, diqqətsizlik qolla nəticələnir. “Şamaxı”nı təbrik edirəm. İkinci hissədə biz daha üstün idik. Qol da vurduq. Şakir Seyidovun top itkisi qapımıza qolla nəticələndi. Orta xətdə səhv etməməli olduğumuzu demişdik. Təəssüf ki, səhvlər təkrarlanır və üzücü məğlubiyyətlər alırıq.
İşimi vicdanla görməyə çalışıram. Kiminsə arxada nəsə iş görməsi barədə mənim zərrə qədər şübhəm yoxdur. Kim nə iş görür, bilmirəm. Hər kəs cavabını gec-tez alacaq. Mənim üçün Allah yetərlidir. Rəhbərliyin dəstəyini hiss edirəm. Komandanın içində olublar, komandaya motivsiya da verirlər”.
“Şamaxı”nın baş məşqçisi Ayxan Abbasov Premyer Liqanın 29-cu turunda “Kəpəz”ə qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Şamaxıda baş tutmuş görüşü meydan sahiblərinin 2:0 hesablı qələbəsi ilə yekunlaşıb.
Ayxan Abbasov matçdan sonra təşkil edilmiş mətbuat konfransında bunları söyləyib:
“Bizim üçün xoş qalibiyyət oldu. Azarkeşlərimizin qarşısında çoxdandır ki, qələbə qazana bilmirdik. Bilirdik ki, onlar o qələbəni bizdən gözləyirdilər. Maraqlı və dinamik oyun oldu. Hər iki komanda uduzmaq istəmirdi. Oyun sürətli başladı. Birinci hissədə qol epizodları oldu. İkinci hissəyə yaxşı başlamadıq. Sonradan oyuna nəzarət bizə keçdi. Layiqli qələbə qazandıq. Komandamızı təbrik edirəm. Gələcək oyunlara baxacağıq. Bu gün çempionatda ən maraqlı komandalardan birinə çevrilə bilmişik. “Kəpəz”in aqressiv gələcəyini bilirdik. Son pillələrdə gərgin mübarizə gedir. “Karvan” da bizimlə oyuna final kimi yanaşırdı. Bu da çempionatımıza rəng qatır”.
“Araz Saatlı” – “Göygöl” Hakimlər: Rəsul Babayev, Rəşad Quliyev, Sadiq Əliyev, Samir Musayev. Hakim-inspektor: İmanxan Sultani. AFFA nümayəndəsi: Namiq Əliyev. Saatlı Olimpiya İdman Kompleksinin stadionu, 16:00.
“Şəki” – “Ağdaş” Hakimlər: Maqsud Şamıyev, Ruslan Babayev, Hüseyn Vəliyev, Sərxan İsmayılov. Hakim-inspektor: Rövşən Əhmədov. AFFA nümayəndəsi: Erkin Hüseynov. Zaqatala Olimpiya İdman Kompleksinin stadionu, 16:30.
28 aprel
“Xankəndi” – “Qaradağ Lökbatan” Hakimlər: İnqilab Məmmədov, Orxan İbişov, Mirnihad Seyidov, Kamil Aydınov. Hakim-inspektor: Asim Xudiyev. AFFA nümayəndəsi: Törə Əhmədova. Şamaxı Olimpiya İdman Kompleksinin stadionu, 16:00.
“Şəmkir” – “Quba” Hakimlər: Murad Səlimov, Sevda Nuriyeva, Əhməd Əhmədsoy, Vüqar Alıyev. Hakim-inspektor: Babək Quliyev. AFFA nümayəndəsi: Azər Əsgərov. Şəmkir Olimpiya İdman Kompleksinin Stadionu, 16:30.
Azərbaycan Premyer Liqasının 29-cu turunun “Şamaxı” – “Kəpəz” matçı meydan sahiblərinin 2:0 hesablı qələbəsi ilə başa çatdı.
Arena.az Şamaxıda baş tutmuş bu matçın yekun protokolunu və icmalını təqdim edir.
Azərbaycan Premyer Liqası 29-cu tur 26 aprel
“Şamaxı” – “Kəpəz” 2:0 Qollar: Rikardo Apolinario, 68. Andrey Tırkovyanu, 75. Sarı vərəqələr: Oruc Məmmədov, 37 (qeyri-idman hərəkəti). Rikardo Apolinario, 71 (qeyri-idman hərəkəti). Sezar Enrike, 90 (qeyri-idman hərəkəti) – Rauf Hüseynli, 4 (qeyri-idman hərəkəti). Luis Paçu, 21 (qeyri-idman hərəkəti). Şakir Seyidov, 28 (qeyri-idman hərəkəti). Fərid Nəbiyev, 90+2 (qeyri-idman hərəkəti). Rəsmi şəxsə göstərilən sarı vərəqə: Araz Bağırov (“Kəpəz”), 16 (hakimin qərarına etiraz). Artırılan vaxt: Birinci hissədə – 1 dəqiqə, ikinci hissədə – 3 dəqiqə. Saat 16:00. Şamaxı şəhər stadionu, 1200 tamaşaçı.
Baş hakim: Rəşad Əhmədov. Baş hakimin köməkçiləri: Zeynal Zeynalov, Gülnurə Əkbərzadə. Dördüncü hakim: Kamran Əliyev. VAR: Emin Əliyev. AVAR: İnqilab Məmmədov. Hakim-inspektor: Ramil Diniyev. AFFA nümayəndəsi: Rüfət Əmirov.
Şamaxı: 1. Rikardo Fernandes, 5. Arsen Ağcabəyov (k), 2. Abdulla Rzayev (17. Rafael Məhərrəmli, 67), 97. Oruc Məmmədov (27. Emil Süleymanov, 87), 82. Rüfət Abbasov (14. Ravil Qafarov, 87), 9. Karim Rossi (88. Rodriqo Fernandes, 81), 10. Andrey Tırkovyanu (8. Alfons Msanqa, 81), 13. Rikardo Apolinario, 11. Dioqo Balau, 4. Sezar Enrike, 44. David Santos. Ehtiyat oyunçular: 62. Abdulla Seydəhmədov, 99. Səlim Həşimov, 80. Həbib İsmayılov, 21. Bilal İsmayılov, 7. Edqar Adilxanov, 77. Nihat Mehralıyev, 19. Abdullahi Şuaybu. Baş məşqçi: Ayxan Abbasov.
Kəpəz: 33. Yusif İmanov, 77. Fərid Nəbiyev, 5. Rauf Hüseynli (17. Ümid Səmədov, 81), 88. Şakir Seyidov (99. Əli Səmədov, 87), 11. Rəhman Hacıyev, 9. Luis Paçu (21. Sadiq Şəfiyev, 87), 29. Dioqo Verdaska (k), 24. Olavale Onanuqa, 14. Adama Fofana (6. Camal Cəfərov, 81), 4. Mate Abuladze, 10. Ryonosuke Ohori (7. Ehtiram Şahverdiyev, 81). Ehtiyat oyunçular: 22. Məmməd Hüseynov, 81. Elgün Bayramov, 20. Elcan Əbilov, 66. Arzu Atakişiyev, 80. Şahnur İsmayılov, 57. Amur Yusifov, 83. Raul İsaqov. Baş məşqçi: Azər Bağırov.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 29-сu turunun növbəti oyunları keçirilib.
Arena.az xəbər verir ki, ikinci oyun gününün ilk qarşılaşması Şamaxıda baş tutub.
“Şamaxı” doğma meydanda “Kəpəz”lə üz-üzə gəlib. Şamaxı şəhər stadionunda təşkil edilmiş oyunun baş hakimi Rəşad Əhmədov olub. Qarşılaşma meydan sahiblərinin inamlı qələbəsi ilə yekunlaşıb.
Fransanın 2-ci liqasında çıxış edən “Trua” 2026/2027-ci illər mövsümündə Liqa 1-də mübarizə aparmaq hüququ qazanıb.
Arena.az xəbər verir ki, eyniadlı şəhəri təmsil edən bu komanda Liqa 2-nin 32-ci turunda “Sent Etyen”lə üz-üzə gəlib.
Rəqibini 2:0 hesabıyla məğlub edən komanda sona iki tur qalmış elitaya vəsiqəni rəsmiləşdirib.
64 xalla turnir cədvəlinin birinci sırasında yer almış “Trua” ən yaxın izləyicisi “Le Man”ı 6 xal qabaqlayır. Trualılar 32 oyunda 19 qələbə qazanıblar, 7 heç-heçə ediblər, 6 məğlubiyyətə üzülüblər. “Le Man” 58 xalla ikinci, “Sent Etyen” 57 xalla üçüncü, “Red Star” 54 xalla dördüncü, “Reyms” 52 xalla beşinci pillədə qərarlaşıb.
Xatırladaq ki, “Trua” sonuncu dəfə 2022/2023-cü illər mövsümündə Fransa Liqa 1-də oynayıb.
Bu gün Azərbaycan Basketbol Liqasında (ABL) 2025/2026-cı illər mövsümünün sonuncu finalçısının adına aydınlıq gəlib.
Arena.az xəbər verir ki, “Abşeron Lions” komandası Azərbaycan Basketbol Liqasında finala vəsiqə qazanıb.
Sözügedən komanda buna yarımfinal mərhələsinin ikinci oyununda “Neftçi”ni məğlub etməklə nail olub. Bakı İdman Sarayında təşkil edilmiş qarşılaşma 90:81 hesabı ilə Abşeron təmsilçisinin xeyrinə bitib.
Xatırladaq ki, bu komandaların ilk görüşündə də “Abşeron Lions” qalib gəlmişdi – 95:89.
Beləliklə, bu komanda finalda “Sabah”a rəqib olub. Son çempion da ötən gün “Gəncə” ilə ikinci görüşdə növbəti qələbəsini qazanmaqla həlledici oyuna vəsiq qazanmışdı.
Qeyd edək ki, final seriyasında ən tez üç qələbə qazanmış komanda Azərbaycan Basketbol Liqasında (ABL) 2025/2026-cı illər mövsümünün çempionu olacaq. Finalların tarixi daha sonra müəyyənləşəcək.
Sərbəst güləş üzrə Avropa çempionu olmuş İslam Bazarqanov (57 kq) Albaniyadakı yarışla bağlı təəssüratlarını bölüşüb.
Arena.az xəbər verir ki, o, Azərbaycan Güləş Federasiyasının rəsmi saytına açıqlamasında bunları söyləyib:
“Hələ də inana bilmirəm ki, çempion olmuşam. Hisslərimi sözlə ifadə edə bilmirəm. Bu, mənim üçün çox prinsipial görüş idi. Dünya çempionatında Musa Mextixanova məğlub olmuşdum. Onun güləş üslubu mənə uyğun gəlmirdi. Köklənmək çətin idi. Allaha şükürlər olsun ki, qalib gələ bildim.
Məşqçilər heyətinə, Azərbaycan Güləş Federasiyasının rəhbərliyinə təşəkkür edirəm. Bu yarışa yüksək səviyyədə hazırlaşmaq üçün hər bir şərait yaradılmışdı. Kislovodsk və Bakıda ağır təlim-məşq toplanışları keçdik. Bütün bunların faydasını da yarışda gördük”.
Xatırladaq ki, İslam Bazarqanov (57 kq) Albaniyanın paytaxtı Tiranadakı qitə birinciliyində mübarizəyə 1/4 finaldan qoşulub. Təmsilçimiz belaruslu Aryan Tiutrin üzərində inamlı qələbə (9:4) qazanaraq yarımfinala yüksəlib. Yarımfinalda gürcüstanlı Roberti Dinqaşviliyə heç bir şans tanımayan (11:1) İslam karyerasında ilk dəfə böyüklər arasında Avropa çempionatının finalına vəsiqə qazanıb. O, finalda rusiyalı Musa Mextixanovla qarşılaşıb. Təmsilçimiz ötən il dünya çempionatındakı məğlubiyyətin revanşını alıb. Görüşə yaxşı başlayan Bazarqanov ilk hissəni 8:0 hesablı üstünlüklə başa vurub. İkinci hissədə rəqib fərqi azaltsa da, yekunda qələbə qazanan İslam olub – 8:6. Beləliklə, Tiranada himnimizi səsləndirən İslam ilk dəfə böyüklər arasında Avropa çempionu olub.
Azərbaycanlı hücumçu Nəriman Axundzadə ABŞ klubu “Kolumbus Kru”nun “Filadelfiya Yunion”a qarşı oyununda iştirak etməyib.
Arena.az xəbər verir ki, sözügedən komanda bu gün MLS-in növbəti turu çərçivəsində “Filadelfiya Yunion”un qonağı olub.
Oyun Ohayo təmsilçisinin qələbəsi ilə yekunlaşıb – 2:0. ABŞ klubunda 90 nömrəli formanı seçmiş Nəriman bu görüşü sonadək ehtiyat oyunçular skamyasından izləyib.
“Kolumbus Kru” MLS-in cari mövsümündə keçirdiyi 10 oyundan sonra 12 xalla Şərq Konfransının yarış cədvəlində 15 iştirakçı arasında 8-ci pillədə qərarlaşıb. Nərimanın komandası 10 oyunda 3 qələbə qazanıb, 3 heç-heçə edib, 4 məğlubiyyətə üzülüb.
Xatırladaq ki, Nəriman Axundzadə bu ilin fevral ayında “Qarabağ”dan 2,5 milyon avro müqabilində “Kolumbus Kru”ya keçib. O, Ohayo ştatını təmsil edən klubla 3,5 illik müqaviləyə imza atıb. Azərbaycanlı futbolçu MLS klubunun heyətində 4 oyun keçirsə də, fərqlənə bilməyib.
“Qarabağ”ın yetirməsi hesab olan Nəriman Axundzadə 2023-cü ildən Ağdam klubunun əsas komandasında çıxış edirdi. Sağ cinah vingeri “Qarabağ”ın əsas komandasında 127 oyuna çıxıb. O, bu oyunlarda 35 qola imza atıb, 17 məhsuldar ötürmə müəllifi olub.
Azərbaycanın U-19 və U-21 yığmalarında da forma geyinmiş hücumçu 2023-cü ildə əsas millimizdə debüt edib. O, Azərbaycan yığmasının heyətində keçirdiyi 13 oyunda məhsuldar fəaliyyəti ilə diqqət çəkməyib.
Ötən gecə keçirilmiş final oyunu ilə futbol üzrə Asiya Çempionlar Liqasında 2025/2026-cı illər mövsümünün qalibi müəyyənləşib.
Arena.az xəbər verir ki, həlledici oyunda Səudiyyə Ərəbistanı təmsilçisi “Əl-Əhli” ilə Yaponiyanın “Maçida” komandaları üz-üzə gəliblər.
Oyunun əsas vaxtında qapılara qol vurulmayıb. Bu üzdən əlavə vaxta ehtiyac duyulub. Beləcə, 120 dəqiqə davam edən görüş ərəblərin qələbəsi ilə başa çatıb – 1:0. “Əl-Əhli”nin yeganə qolunu 96-cı dəqiqədə Feras Albrikan vurub.
Qeyd edək ki, “Əl-Əhli” ardıcıl ikinci dəfə Asiya Çempionlar Liqasında çempionluq sevinci yaşayır.
2025/2026-cı illər mövsümündə uğurlu çıxışı ilə diqqət çəkən “Arsenal” İngiltərə Premyer Liqasında yeni rekorda imza atıb.
Arena.az xəbər verir ki, “topçular” buna Premyer Liqanın 34-cü turunda “Nyukasl”ı məğlub etdikləri (1:0) matçda nail olublar.
London təmsilçisi çempionatda künc zərbələrindən vurduğu qolların sayına görə rekord müəyyənləşdirib. Komandanın cari mövsümdə 17 belə qolu var.
Daha əvvəl “Oldhem” (1992/1993), “Vest Bromviç” (2016/2017) və “Arsenal” (2023/2024) bir mövsümdə künc zərbələrindən 16 dəfə fərqlənmişdilər. Amma London təmsilçisi özünün də şərik olduğu bu rekordu yeniləyib.
Xatırladaq ki, “topçular” hazırda İngiltərə Premyer Liqada 73 xalla vahid liderdir. Mikel Artetanın rəhbərlik etdiyi komanda 34 oyunda 22 qələbə qazanıb, 7 heç-heçə edib, 5 məğlubiyyətə üzülüb.
Futbol üzrə Azərbaycan millisinin yarımmüdafiəçisi Vüsal İsgəndərli Albaniyanın “Partizani” komandasının heyətində növbəti matçına çıxıb.
Arena.az xəbər verir ki, sözügedən komanda Albaniya çempionatının 2025/2026-cı illər mövsümünün 33-cü turu çərçivəsində “Tirana” ilə qarşılaşıb.
“Partizani” səfərdə baş tutmuş bu oyundan məğlubiyyətlə ayrılıb – 1:2. İsgəndərli start heyətdə meydana çıxdığı bu görüşün 71-ci dəqiqəsində əvəzlənib.
“Partizani” 33 turdan sonra 45 xalla 10 komandanın mübarizə apardığı Albaniya çempionatının yarış cədvəlində 5-ci pillədə qərarlaşıb. Sözügedən komanda 33 oyunda 12 qələbə qazanıb, 9 heç-heçə edib, 12 məğlubiyyətə üzülüb.
Xatırladaq ki, Vüsal İsgəndərli Albaniya klubuna 2025-ci ilin yayında Türkiyənin “Boluspor” komandasından azad agent kimi keçib. Hücumçu “Partizani” ilə 1+1 illik müqaviləyə imza atıb. O, indiyə qədər bu komandanın heyətində 33 oyuna çıxıb, 6 qola imza atıb, 3 məhsuldar ötürmə verib.
Vüsal daha öncə “Şamaxı”, “Zirə”, “Sumqayıt”, “Ankara Keçiörengücü”, “Eqnatiya”, “Boluspor” və “Simurq”da da forma geyinib. 2019-cu ilin noyabrında Azərbaycan millisində debüt etmiş 29 yaşlı hücumçu meydana çıxdığı 7 oyunda 1 qola imza atıb, 1 məhsuldar ötürmə verib.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 29-сu turunun növbəti oyunları keçiriləcək.
Arena.az xəbər verir ki, ikinci oyun günündə də iki qarşılaşma baş tutacaq.
Günün ilk oyunu “Şamaxı” ilə “Kəpəz” arasında keçiriləcək. Şamaxı şəhər stadionunda təşkil ediləcək görüşə saat 16:00-da start veriləcək. Oyunun baş hakimi Rəşad Əhmədov olacaq.
Turun mərkəzi oyununda isə “Neftçi” əzəli rəqibi “Qarabağ”la üz-üzə gələcək. “Neftçi Arena”da baş tutacaq görüşün start fiti saat 19:00-da səslənəcək. Oyunu Tural Qurbanov idarə edəcək.
Premyer Liqa 29-cu tur 25 aprel
“İmişli” – “Sumqayıt” 0:2 Qollar: Aleksandr Ramalinqom, 35; 85. Hakimlər: Elçin Məsiyev, Elşad Abdullayev, Pərvin Talıbov, Alik Yunusov. VAR: Elvin Bayramov. AVAR: Müslüm Əliyev. Hakim-inspektor: Anar Salmanov. AFFA nümayəndəsi: Eldar Məmmədov. Quba Olimpiya İdman Kompleksinin stadionu, 16:00.
“Qəbələ” – “Araz-Naxçıvan” 1:1 Qollar: Ömər Buludov, 75-öz qapısına – İssuf Paro, 82. Hakimlər: Kamal Umudlu, Namiq Hüseynov, Vüsal Məmmədov, Ruslan Quliyev. VAR: Vüqar Həsənli. AVAR: Əkbər Əhmədov. Hakim-inspektor: Orxan Məmmədov. AFFA nümayəndəsi: Elçin Məmmədov. Qəbələ şəhər stadionu, 18:30.
Bu gün futbol üzrə Fransa çempionatında (Liqa 1) 2025/2026-cı illər mövsümünün 31-ci turunun növbəti oyunları keçirilib.
Arena.az xəbər verir ki, ikinci oyun günündə üç qarşılaşma baş tutub.
Dörd qolun qeydə alındığı “Tuluza” – “Monako” matçında qalib müəyyənləşməyib. Lion “Olimpik”i doğma meydanda “Oser” üzərində çətin qələbəyə sevinib. “Anje”nin qonağı olmuş lider PSJ isə 3 xalı 3 cavabsız qolla qazanıb.
31-ci turun qalan görüşləri bazar gününə təsadüf edəcək.
Bu gün futbol üzrə İspaniya çempionatında (La Liqa) 2025/2026-cı illər mövsümünün 32-ci turunun növbəti oyunları keçirilib.
Arena.az xəbər verir ki, ikinci oyun günündə 4 qarşılaşma baş tutub.
“Alaves” doğma meydanda “Malyorka”ya, “Valensiya” “Jirona”ya, “Atletiko” isə “Atletik”ə qalib gəlib. Səfərdə “Xetafe” ilə üz-üzə gəlmiş “Barselona” da turu inamlı qələbə ilə bitirib və çempionluğa bir addım da yaxınlaşıb.
32-ci turun qalan görüşləri aprelin 26-da və 27-də keçiriləcək.
İspaniya, La Liqa 32-ci tur 24 aprel
Betis – Real 1:1 Qollar: Belyerin, 90+4 – Vinisius, 17.
Bu gün futbol üzrə İtaliya çempionatında (A Seriyası) 2025/2026-cı illər mövsümünün 34-cü turunun növbəti oyunları keçirilib.
Arena.az xəbər verir ki, ikinci oyun günündə 3 qarşılaşma baş tutub.
“Verona” – “Leççe” matçında qapılara qol vurulmayıb. “Parma” doğma meydanda “Piza”nı tək qolla üstələyib. “Bolonya”nın qonağı olmuş “Roma” isə turu inamlı qələbə ilə başa vurub.
34-cü turun qalan görüşləri aprelin 26-da və 27-də keçiriləcək.
İtaliya, A Seriyası 34-cü tur 24 aprel
Napoli – Kremoneze 4:0 Qollar: Maktominey, 3. Höylund, 45. De Bröyne, 45+3. A.Santos, 52.
25 aprel
Parma – Piza 1:0 Qol: Elfeqe, 82.
Bolonya – Roma 0:2 Qollar: Malen, 7. El-Aynaui, 45+1.
Verona – Leççe 0:0
26 aprel
14:30. Fiorentina – Sassuolo 17:00. Cenoa – Komo 20:00. Torino – İnter 22:45. Milan – Yuventus
Bu gün futbol üzrə İngiltərə çempionatında (Premyer Liqa) 2025/2026-cı illər mövsümünün 34-cü turunun növbəti oyunları keçirilib.
Arena.az xəbər verir ki, dördüncü oyun günündə 5 qarşılaşma baş tutub.
“Liverpul” doğma meydanda “Kristal Pelas”a, “Fulhem” “Aston Villa”ya, “Vest Hem” “Everton”a qalib gəlib. “Vulverhempton”un qonağı olmuş “Tottenhem” uzun müddətdən sonra qələbə sevinci yaşayıb. Bu, London təmsilçisinin 2026-cı ildəki ilk qələbəsi olub. Çempionluq uğrunda mübarizə aparan “Arsenal” da “Nyukasl”la ev oyununda tək qolla 3 xal qazanıb.
34-cü tura aprelin 27-də keçiriləcək “Mançester Yunayted” – “Brentford” görüşü ilə yekun vurulacaq.
Bu gün futbol üzrə Almaniya çempionatında (Bundesliqa) 2025/2026-cı illər mövsümünün 31-ci turunun növbəti oyunları keçirilib.
Arena.az xəbər verir ki, ikinci oyun günündə 6 qarşılaşma baş tutub.
“Volfsburq” – “Borussiya” (Mönhenqladbax) matçında qapılara qol vurulmayıb. “Auqsburq” – “Ayntraxt” görüşündə də tərəflər hərəyə 1 qol və 1 xalla kifayətləniblər.
“Hamburq” doğma meydanda “Hoffenhaym”a, “Köln” isə “Bayer”ə uduzub. “Haydenhaym” “Sankt Pauli”ni 2 cavabsız qolla üstələyib.
Artıq çempionluğu təmin etmiş “Bayern” isə bu turda “Maynts”ın qonağı olub. İlk hissədə qapısından 3 top buraxmış Münhen təmsilçisi fasilədən sonra 4 qol vurmaqla əzmkar qələbə qazanıb.
31-ci turun qalan görüşləri bazar gününə təsadüf edəcək.
Almaniya, Bundesliqa 31-ci tur 24 aprel
Leypsiq – Union Berlin 3:1 Qollar: Finkarqafe, 22. R.Kardozo, 25. Baku, 63 – Doexi, 78.
Albaniyanın paytaxtı Tirana şəhərində böyüklər arasında təşkil edilmiş güləş üzrə Avropa çempionatı sona yaxınlaşır.
Arena.az xəbər verir ki, beşinci yarış günündə sərbəst güləş üzrə 61, 74, 86, 92 və 125 kq-da mübarizəyə start verilib.
Nürəddin Novruzov (61 kq) ilk görüşdə moldovalı Leomid Kolesniklə üz-üzə gəlib. İlk dəqiqədə 0:6 hesabıyla geri düşən həmyerlimiz möhtəşəm geridönüş edərək vaxtından əvvəl qələbəni təmin edib – 17:6. Novruzov yarımfinalda albaniyalı dünya çempionu Zəlimxan Abakarovla bacarmayıb – 3:14. Nürəddin sabah bürünc medal görüşünə çıxacaq. Rəqib Simyone Piroddu (İtaliya) – Niklas Steşele (Almaniya) qarşılaşmasının qalibi olacaq.
Turan Bayramov (74 kq) startda çətinliklə də olsa, neytral atlet statusuyla Avropa çempionatına qatılan Fərhad Nurixorjestana minimal fərqlə (3:2) qalib gəlib. Güləşçimiz 1/4 finalda belaruslu Nikita Mayevskiyə heç bir şans tanımayıb – 8:0. Yarımfinalda gürcüstanlı Giorgi Elbakidzeni (2:1) üstələyən Bayramov finala yüksəlib. Turan sabah həlledici görüşdə slovakiyalı Taymuraz Salkazanov qarşılaşacaq.
Arseniy Djioyev (86 kq) əvvəlcə ukraynalı Denis Bikova (10:0), daha sonra moldovalı Yevgeni Mihaelkana (11:0) tam üstünlüklə qalib gələrək yarımfinala vəsiqə qazanıb. Bu mərhələdə isə latviyalı İvars Samusonok vaxtından əvvəl xalçanı məyus tərk edib – 12:2. Arseniy sabah finalda rusiyalı İbrahim Kadiyevlə üz-üzə gələcək.
Ali Tsokayev (92 kq) belaruslu Yaraslav Yadkovskiyə tam üstünlüklə (10:0) qalib gəldikdən sonra gürcüstanlı dünya və Avropa mükafatçısı Miriani Maysuradzeyə gücünü göstərib – 5:0. Tsokayev yarımfinalda isə isveçrəli Samuel Şerrerə gücünü göstərib – 6:0. Ali finalda bolqarıstanlı Ahmed Batayevlə güləşəcək.
Georgi Meşvildişvili (125 kq) yarışa 1/4 finaldan qoşulub. Təmsilçimiz ermənistanlı Xaçatur Xaçatryanla görüşdə son saniyələrdə uğurlu fənd işlədib və sonuncu xal prinsipinə əsasən (5:5) adını yarımfinala yazdırıb. Türkiyəli Hakan Büyükçınqılı 3:1 hesabıyla üstələyən millinin ən təcrübəli üzvü finalda macarıstanlı Vladislav Baytsayevlə güləşəcək.
Qeyd edək ki, Avropa çempionatı sabah – aprelin 26-da başa çatacaq.
Bu gün futbol üzrə İngiltərə Federasiya Kubokunda 2025/2026-cı illər mövsümünün yarımfinal mərhələsinə start verilib.
Arena.az xəbər verir ki, ilk oyun günündə bir qarşılaşma baş tutub.
Mərhələnin açılış oyununda “Mançester Siti” doğma meydanda “Sauthempton”la üz-üzə gəlib. Üç qolun qeydə alındığı oyunda “şəhərlilər” əzmkar qələbə qazanmaqla finala yüksəliblər.
İngiltərə Federasiya Kubokunda digər finalçının sabah keçiriləcək “Çelsi” – “Lids” matçında müəyyənləşəcək.
Qeyd edək ki, 2025/2026-cı illər mövsümünün final qarşılaşması may ayının 16-da baş tutacaq.
Sərbəst güləş üzrə Azərbaycan milli komandasının üzvü İslam Bazarqanov Albaniyanın paytaxtı Tiranada Avropa çempionu olub.
Arena.az xəbər verir ki, Avropa çempionatının altıncı günündə Azərbaycan millisinin 2 sərbəst güləşçisi fəxri kürsüyə qalxıb.
İslam Bazarqanov (57 kq) finalda rusiyalı Musa Mextixanovla qarşılaşıb. Təmsilçimiz ötən il dünya çempionatındakı məğlubiyyətin revanşını alıb. Görüşə yaxşı başlayan Bazarqanov ilk hissəni 8:0 hesablı üstünlüklə başa vurub. İkinci hissədə rəqib fərqi azaltsa da, yekunda qələbə qazanan İslam olub – 8:6. Beləliklə, Tiranada himnimizi səsləndirən İslam ilk dəfə böyüklər arasında Avropa çempionu olub.
Cəbrayıl Hacıyev (79 kq) də karyerasının ən böyük uğuruna imza atıb. Şimali Makedoniyanı təmsil edən Rasul Şapiyevə şans tanımayan (8:0) Cəbrayıl Avropa çempionatının bürünc medalını boynundan asıb.
Rəşid Babazadə təsəlliverici görüşdə belçikalı Ayub Musayevi 4:2 hesabıyla üstələsə də, bürünc medal görüşündə ermənistanlı Avropa çempionu Vazgen Tevanyana 0:7 hesabıyla məğlub olub və debüt etdiyi yarışı 5-ci pillədə başa vurub.
“Qəbələ”nin baş məşqçisi Kaxaber Sxadadze Premyer Liqanın 29-cu turunda “Araz-Naxçıvan”a qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Qəbələdə baş tutmuş görüşündə qalib müəyyənləşməyib – 1:1.
Kaxaber Sxadadze matçdan sonra təşkil edilmiş mətbuat konfransında bunları söyləyib:
“İkinci hissədəki oyunumuza baxanda deyə bilərəm ki, bu gün 2 xal itirdik. Birinci hissə bir qədər əsəbi keçdi. Bizim oyunlarda həmişə belə olur. Turnir cədvəlindəki yerimizə baxanda bizim üçün normaldır. Futbolçularda gərginlik var. İkinci hissədə biz yaxşı oynadıq, qol vəziyyətləri yaratdıq. Son nöqtəni qoymaqda çətinlik çəkirik. Bu da stress və ustalıqla bağlıdır. Futbolçularıma təşəkkür edirəm. Xarakter göstərdilər. Bundan sonra bizim üçün bütün oyunlar final kimi olacaq. Azarkeşlərimizə təşəkkür edirəm. Onlardan xahiş edirəm ki, sona qədər komandanın yanında olsunlar.
Hər oyunda mübarizə aparmaq lazımdır. Hər matç çətin keçəcək. Sona qədər mübarizə aparmalıyıq. Bu gün çoxları “Araz-Naxçıvan”ın rahat qələbə qazanacağını düşünürdü. Amma biz göstərdik ki, turnir cədvəlində olduğumuz yerə layiq deyilik”.
“Araz-Naxçıvan”ın baş məşqçisi Andrey Demçenko Premyer Liqanın 29-cu turunda “Qəbələ”yə qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Qəbələdə baş tutmuş görüşündə qalib müəyyənləşməyib – 1:1.
Andrey Demçenko matçdan sonra təşkil edilmiş mətbuat konfransında bunları söyləyib:
“Bu gün oyunumuz alındı. Birildik ki, rəqibimiz sürətli əks-hücumlara çıxır. Futbolda qayda var ki, qol vurmasan, sənə qol vuracaqlar. Bu da başımıza gəldi. Rəqib əks-hücumda fərqləndi. Böyük futbol xırda detallardan ibarətdir. Oyunun sonunda qələbə qolunu vurmağa imkanımız oldu, amma alınmadı. Son dəqiqələrdə həm qalib gələ, həm də məğlub ola bilərdik.
Biz bura gələndə əvvəlcə müasir futbolu tətbiq etmək istədik. Topla daha yaxşı davranan komanda qurmağa çalışırıq. Bəzən texniki olaraq zəifsənsə, nələrisə yaxşı edə bilmirsən. Bəzi üstünlüklərimiz ola bilər. Amma texniki cəhətdən çatışmazlıqlar var.
Avrokublara getmək şansımız azdır. Turnir cədvəli göstərir ki, o qədər də yaxşı yerdə deyilik. Amma hər oyun bizə müəyyən şans verir. Komanda futbol oynayanda xallar özü gəlir. Hələlik, bu, bizdə alınmır. Qarşıma avrokuboklara vəsiqə qazanmaq hədəfi qoyulub. Bunun üçün mübarizə aparırıq”.
Futbol üzrə Azərbaycan Premyer Liqasının 29-cu turunun bu gün keçirilmiş “Qəbələ” – “Araz-Naxçıvan” matçı bərabərliklə (1:1) başa çatdı.
Arena.az Qəbələdə baş tutmuş bu matçın yekun protokolunu və icmalını təqdim edir.
Azərbaycan Premyer Liqası 29-cu tur 25 aprel
“Qəbələ” – “Araz-Naxçıvan” 1:1 Qollar: Ömər Buludov, 75-öz qapısına – İssuf Paro, 82. Sarı vərəqələr: Xayme Syerra, 28 (qeyri-idman hərəkəti). Murad Musayev, 45 (qeyri-idman hərəkəti) – Kristian Avram, 63 (qeyri-idman hərəkəti). Artırılan vaxt: Birinci hissədə 1 dəqiqə, ikinci hissədə 4 dəqiqə. Saat 18:30. Qəbələ şəhər stadionu, 250 tamaşaçı.
Baş hakim: Kamal Umudlu. Baş hakimin köməkçiləri: Namiq Hüseynov, Vüsal Məmmədov. Dördüncü hakim: Ruslan Quliyev. VAR: Vüqar Həsənli. AVAR: Əkbər Əhmədov. Hakim-inspektor: Orxan Məmmədov. AFFA nümayəndəsi: Elçin Məmmədov.
Qəbələ: 93. Rza Cəfərov, 28. Murad Musayev (k), 13. Nicat Əliyev (66. Nuğay Rəşidov, 87), 10. Şahin Şahniyarov, 27. Eşqin Əhmədov, 24. İsmael Akinade, 33. Seydina Keyta, 6. Xayme Syerra, 16. İsaak Amoa, 14. Domi Massumu, 30. Prins Ovusu (22. Fərid İsgəndərov, 90+3). Ehtiyat oyunçular: 1. Səlahət Ağayev, 11. Asif Məmmədov, 74. Süleyman Damadayev, 12. İbrahim Sanqare, 3. Eduardo Kunde. Baş məşqçi: Kaxaber Sxadadze.
Araz-Naxçıvan: 12. Kristian Avram, 34. Ürfan Abbasov (k), 8. Coşqun Diniyev (6. Patrik Andrade, 46), 4. Rahil Məmmədov, 26. Ömər Buludov, 24. Mustafa Əhmədzadə, 16. Ramon Maçado (11. Ba-Muaka Simakala, 61), 17. İssuf Paro, 23. Nuno Rodriqes (3. Bəxtiyar Həsənalızadə, 77), 10. Felipe Santos (14. Ülvi İsgəndərov, 61), 70. Çarlz Boli (7. Hamidu Keyta, 61). Ehtiyat oyunçular: 94. Tərlan Əhmədli, 86. İbrahim Piriyev, 77. Bruno Franko. Baş məşqçi: Andrey Demçenko.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 29-сu turuna start verilib.
Arena.az xəbər verir ki, ilk oyun gününün sonuncu qarşılaşması Qəbələdə baş tutub.
“Qəbələ” doğma meydanda “Araz-Naxçıvan”la üz-üzə gəlib. Oyunun baş hakimi FİFA referisi Kamal Umudlu olub. Tərəflər yekunda hərəyə 1 qol və 1 xalla kifayətləniblər.
Xatırladaq ki, turun ilk oyununda “İmişli” “Sumqayıt”a 0:2 hesabıyla uduzmuşdu. 29-cu turun qalan görüşləri aprelin 26-da (“Şamaxı” – “Kəpəz”, “Neftçi” – “Qarabağ”) və 27-də (“Turan Tovuz” – “Zirə”, “Sabah” – “Karvan”) keçiriləcək.
Premyer Liqa 29-cu tur 25 aprel
“Qəbələ” – “Araz-Naxçıvan” 1:1 Qollar: Ömər Buludov, 76-öz qapısına – İssuf Paro, 83. Hakimlər: Kamal Umudlu, Namiq Hüseynov, Vüsal Məmmədov, Ruslan Quliyev. VAR: Vüqar Həsənli. AVAR: Əkbər Əhmədov. Hakim-inspektor: Orxan Məmmədov. AFFA nümayəndəsi: Elçin Məmmədov. Qəbələ şəhər stadionu, 18:30.
“İmişli”nin baş məşqçisi Xorxe Kaskilya Azərbaycan Premyer Liqasının 29-cu turunda “Sumqayıt”a qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Qubada baş tutmuş görüşündə “İmişli” 0:2 hesabıyla məğlub olub.
Xorxe Kaskilya matçdan sonra təşkil edilmiş mətbuat konfransında bunları söyləyib:
“Hakimlər barədə çox təəccüblü və narazıyam. Birinci qolda oyunçumuza qarşı qayda pozuntusu var idi. Qapımıza təyin olunan penaltiyə gəldikdə, belə epizodlar çempionatda yüz dəf olub. Amma heç birində penalti verilməyib. Çempionatın səviyyəsinin qalxmasını istəyiriksə, hakimlik də inkişaf etməlidir.
Komandamın çıxışından razıyam. Futbolçular nəticəni dəyişmək üçün sona qədər mübarizə apardılar. Heç-heçə ədalətli nəticə olardı. Artıq mövsümün sonuna 4 oyun qalıb. Mübarizəni sona qədər davam etdirəcəyik. Komanda başını aşağı salmayacaq, daha da əzmkar mübarizə göstərəcək. Komandam hələ hədəfinə çatmayıb. Bütün diqqətimiz burdadır”.
“Sumqayıt”ın baş məşqçisi Saşa İliç Azərbaycan Premyer Liqasının 29-cu turunda “İmişli”yə qarşı keçirdikləri oyunu şərh edib.
Arena.az xəbər verir ki, sözügedən komandaların bu gün Qubada baş tutmuş görüşündə “Sumqayıt” 2:0 hesablı qələbəyə sevinib.
Saşa İliç matçdan sonra təşkil edilmiş mətbuat konfransında bunları söyləyib:
“Çətin oyun oldu. Çalışdıq və 3 xal qazandıq. Ən vacibi də budur. İkinci hissədə daha fəal idik. Fasilədə qeyri-adi heç nə etmədik. İlk hissədə qol vurmuşduq. İkinci yarıda rəqib irəli çıxırdı və boşluqlar verirdi. Biz də bundan yararlanmağa çalışdıq.
Nikolo Ninkoviç penaltidən yararlana bilmədi. Futbolda belə hallar olur. Daha əvvəl Rüstəm Əhmədzadə də penaltini vura bilməmişdi. Ninkoviç bizim üçün vacib oyunçudur. Görək, növbəti penaltini kim vuracaq.
Səbuhi Abdullazadəyə böyük hörmətim var. Onu bəyənmədiyimi deməzdim. Sadəcə, oyununu dəyişməlidir. Əvəzlənməyi normaldır. Səbuhinin böyük potensialı var, millinin vacib oyunçularındandır”.
Saşa İliç mətbuatda onun haqqında getmiş bəzi xəbərlərə də münasibət bildirib:
“Mətbuatda bir neçə yazı gedib. Bu, həm mənə, həm də “Sumqayıt”a qarşı haqsızlıqdır. Mənimlə komanda arasında heç bir münaqişə yoxdur. Belə davam edərsə, növbəti dəfə mətbuat konfransında iştirak etməyəcəyəm.
Problemi izah etmək istəyirəm. Mənim, komandam barədə reallıqlar yazılsın. Daniel Beskorovoynı ilə mübahisəmi yazan jurnalistə də deyin ki, həqiqətləri yazsın. Mənim işim, taktiki gedişlərim pis ola və bu haqda yazıla bilər. Amma olmayan şeyləri demək doğru deyil”.
Azərbaycan Premyer Liqasının 29-cu turunun “İmişli” – “Sumqayıt” matçı meydan sahiblərinin 0:2 hesablı məğlubiyyəti ilə başa çatdı.
Arena.az Qubada baş tutmuş bu matçın yekun protokolunu və icmalını təqdim edir.
Azərbaycan Premyer Liqası 29-cu tur 25 aprel
“İmişli” – “Sumqayıt” 0:2 Qollar: Aleksandr Ramalinqom, 35; 85. Qolla nəticələnməyən penalti: Nikola Ninkoviç, 66. Sarı vərəqələr: Nikola Karaklaiç, 39 (qeyri-idman hərəkəti). Luis Silvestr, 39 (qeyri-idman hərəkəti). Rafael Vyeqas, 62 (qeyri-idman hərəkəti) – Danilo Beskorovaynı, 5 (qeyri-idman hərəkəti). Masaki Murata, 39 (qeyri-idman hərəkəti). Rəsmi şəxslərə göstərilən sarı vərəqələr: Kristiano de Souza, 36 (hakimin qərarına etiraz). Xorxe Kaskilya, 39 (hakimin qərarına etiraz). Artırılan vaxt: Birinci hissədə 4 dəqiqə, ikinci hissədə 5 dəqiqə. Saat 16:00. Quba Olimpiya İdman Kompleksinin stadionu, 60 tamaşaçı.
Baş hakim: Elçin Məsiyev Baş hakimin köməkçiləri: Elşad Abdullayev, Pərvin Talıbov Dördüncü hakim: Alik Yunusov VAR: Elvin Bayramov AVAR: Müslüm Əliyev Hakim-inspektor: Anar Salmanov AFFA nümayəndəsi: Eldar Məmmədov
İmişli: 1. Hüseynəli Quliyev, 19. Azər Salahlı (k), 5. İdris İnqilablı (17. Ezekiel Morqan, 73), 70. Mehdi Tahirov (11. Vüsal Qənbərov, 86), 10. Nikola Karaklaiç (97. Xəzər Mahmudov, 73), 29. Edvin Banqera, 14. Ronaldo de Souza (94. Rafael Vyeqas, 46), 6. Yav Mozes (21. Abbas Ağazadə, 86), 23. Dioqo Rollo, 79. Dioqo Kardozo, 7. Luis Silvestr. Ehtiyat oyunçular: 99. İmam Əli, 77. Elmir Rəhimzadə, 44. Həzrət İsayev, 30. Xəlil Mürsəlli. Baş məşqçi: Xorxe Kaskilya.
Sumqayıt: 22. Xəyal Fərzullayev, 3. Höccət Haqverdi (80. Keffel Resende, 60), 7. Rüstəm Əhmədzadə (23. Ronaldo Vaskez, 75), 29. Emil Mustafayev (6. Sedrik Badolo, 75), 8. Səbuhi Abdullazadə (k) (10. Nikola Ninkoviç, 60), 21. Nihad Əhmədzadə, 9. Aleksandr Ramalinqom, 72. Rayan Senhadji, 33. Danilo Beskorovaynı, 71. Masaki Murata, 11. Aleksa Yankoviç (24. Sənan Muradlı, 90+1). Ehtiyat oyunçular: 1. Mehdi Cənnətov, 12. Murad Ağamalıyev, 64. Kənan Feyziyev, 75. Nadir Orucov, 97. Vüsal Paşayev. Baş məşqçi: Saşa İliç.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 29-сu turuna start verilib.
Arena.az xəbər verir ki, turun açılış oyununda “İmişli” “Sumqayıt”la üz-üzə gəlib.
Quba Olimpiya İdman Kompleksinin stadionunda təşkil edilmiş oyuna saat 16:00-da start verilib. Qarşılaşmanı FİFA referisi Elçin Məsiyev idarə edib. Oyun qonaqların inamlı qələbəsi ilə yekunlaşıb.
Günün digər oyunu “Qəbələ” ilə “Araz-Naxçıvan” arasında keçiriləcək. 29-cu turun qalan görüşləri aprelin 26-da (“Şamaxı” – “Kəpəz”, “Neftçi” – “Qarabağ”) və 27-də (“Turan Tovuz” – “Zirə”, “Sabah” – “Karvan”) baş tutacaq.
Premyer Liqa 29-cu tur 25 aprel
“İmişli” – “Sumqayıt” 0:2 Qollar: Aleksandr Ramalinqom, 34; 85. Hakimlər: Elçin Məsiyev, Elşad Abdullayev, Pərvin Talıbov, Alik Yunusov. VAR: Elvin Bayramov. AVAR: Müslüm Əliyev. Hakim-inspektor: Anar Salmanov. AFFA nümayəndəsi: Eldar Məmmədov. Quba Olimpiya İdman Kompleksinin stadionu, 16:00.
İmişli: 1. Hüseynəli Quliyev, 19. Azər Salahlı (k), 5. İdris İnqilablı, 70. Mehdi Tahirov, 10. Nikola Karaklaiç, 29. Edvin Banqera, 14. Ronaldo de Souza, 6. Yav Mozes, 23. Dioqo Rollo, 79. Dioqo Kardozo, 7. Luis Silvestr. Ehtiyat oyunçular: 99. İmam Əli, 77. Elmir Rəhimzadə, 21. Abbas Ağazadə, 97. Xəzər Mahmudov, 44. Həzrət İsayev, 11. Vüsal Qənbərov, 30. Xəlil Mürsəlli, 94. Rafael Vyeqas, 17. Ezekiel Morqan. Baş məşqçi: Xorxe Kaskilya.
Sumqayıt: 22. Xəyal Fərzullayev, 3. Höccət Haqverdi, 7. Rüstəm Əhmədzadə, 29. Emil Mustafayev, 8. Səbuhi Abdullazadə (k), 21. Nihad Əhmədzadə, 9. Aleksandr Ramalinqom, 72. Rayan Senhadji, 33. Danilo Beskorovaynı, 71. Masaki Murata, 11. Aleksa Yankoviç. Ehtiyat oyunçular: 1. Mehdi Cənnətov, 12. Murad Ağamalıyev, 24. Sənan Muradlı, 64. Kənan Feyziyev, 75. Nadir Orucov, 97. Vüsal Paşayev, 10. Nikola Ninkoviç, 6. Sedrik Badolo, 23. Ronaldo Vaskes, 80. Keffel Resende. Baş məşqçi: Saşa İliç.
“Neftçi” və “Qarabağ” klubları Premyer Liqanın 29-cu turunda sabah baş tutacaq qarşılaşmadan öncə birgə bəyanat yayıblar.
Arena.az xəbər verir ki, sözügedən klublar azarkeşlərə səslənərək, onları qaydalara riayət etməyə çağırıblar.
Hər iki klubun yaydığı birgə bəyanatda qeyd olunub ki, 26 və 30 aprel tarixlərində Azərbaycan futbol ictimaiyyətinin diqqəti “Neftçi Arena”ya yönələcək:
“Dörd gün aralıqla Azərbaycan Premyer Liqasının oyunları çərçivəsində “Neftçi” və “Qarabağ” komandaları iki dəfə üz-üzə gələcəklər. Futbol azarkeşlərinin səbrsizliklə gözlədiyi bu oyunlara bilet satışı davam edir. Azarkeşlər qarşılaşmalara böyük maraq göstərirlər və hər iki görüşdə tribunaların tam dolacağı ehtimal edilir. Həmişə olduğu kimi, komandalar yenə qələbə qazanmaq üçün sona qədər mübarizə aparacaqlar. “Neftçi” və “Qarabağ” olaraq, azarkeşlərimizi təmkinli olmağa, rəqib komandaya və azarkeşlərə, oyunun iştirakçılarına hörmət nümayiş etdirərək, sevimli komandalarını yüksək mədəniyyət və ədalətli oyun prinsipləri çərçivəsində sonadək dəstəkləməyə çağırırıq”.
Birgə bəyanatda xatırladılıb ki, futbol milyonlarla insanın mənəvi qidası olmaqla yanaşı, sadəcə bir oyundur:
“Meydana çıxan iki komandadan birinin o meydanı sevinc, digərinin isə kədərlə tərk etdiyi bir oyunda meydanda baş verənlər elə meydanda da qalmalıdır. Hər birimizə yaraşan isə Azərbaycanın ən maraqla gözlənilən qarşılaşmasında etik çərçivələri aşmamaq, yüksək peşəkarlıq və rəqiblərə ehtiram göstərməkdir. Hər iki klub oyunun dostluq əhval-ruhiyyəsində, gərgin idman mübarizəsi şəraitində keçəcəyinə əminliyini ifadə edir və azarkeşləri stadiona dəvət edir”.
Qeyd edək ki, bu komandalar arasında görüş sabah “Neftçi Arena”da baş tutacaq. Oyuna saat 19:00-da start veriləcək.
Hazırda Ağdam klubu 56 xalla ikinci, paytaxt təmsilçisi isə 44 xalla 5-ci yerdə qərarlaşıblar.
“Sabah” Azərbaycan Basketbol Liqasında (ABL) 2025/2026-cı illər mövsümünün final oyununa vəsiqəni rəsmiləşdirib.
Arena.az xəbər verir ki, Bakı klubu bu gün baş tutmuş yarımfinalın ikinci görüşündə “Gəncə”ni səfərdə məğlub edib.
Gəncə İdman Sarayında keçirilmiş görüş qonaqların 78:73 hesablı qələbəsi ilə başa çatıb. Beləliklə, “bayquşlar” ilk oyunda da (96:67) qalib gəldiyi üçün finala adlayan tərəf olub.
Xatırladaq ki, yarımfinalın ikinci görüşləri çərivəsində növbəti qarşılaşma sabah “Neftçi” və “Abşeron Lions” komandaları arasında baş tutacaq. Bakı İdman Sarayında baş tutmuş ilk matç Abşeron təmsilçisinin qələbəsi ilə yekunlaşıb. “Neftçi” 89:95 hesablı məğlubiyyətə üzülüb.
ABL-in 2025/2026-cı illər mövsümünün reqlamentinə əsasən, yarımfinal mərhələsində iki qələbəyə daha tez çatan tərəf finala yüksəlir.
Futbol üzrə Almaniya milli komandasının və “Bayern”in yarımmüdafiəçisi Serj Qnabri dünya çempionatını (DÇ-2027) buraxacaq.
Arena.az xəbər verir ki, 30 yaşlı futbolçu bir müddət öncə məşq zamanı bud nahiyəsindən ciddi zədə almışdı.
Qnabri sosial şəbəkə hesabında etdiyi paylaşımda mundial arzusunun başa çatdığını və komandanı evdən dəstəkləyəcəyini bildirib. Yarımmüdafiəçi cari mövsümün qalan oyunlarında “Bayern”ə də kömək edə bilməyəcək. Münhen təmsilçisi Bundesliqada növbəti çempionluğunu rəsmiləşdirsə də, hazırda Almaniya Kuboku və UEFA Çempionlar Liqasında mübarizəni davam etdirir.
Xatırladaq ki, Almaniya yığması dünya çempionatının E qrupunda Kurasao, Fil Dişi Sahili və Ekvador komandaları ilə mübarizə aparacaq.
Xatırladaq ki, Serj Qnabri “Bayern”ə 2017-ci ilin iyulunda 8 milyon avro müqabilində “Verder”dən keçib. O, cari mövsümdə Münhen təmsilçisinin heyətində bütün yarışlarda 37 oyuna çıxıb, 10 qol vurub, 11 məhsuldar ötürmə verib.
Qnabrinin “Bayern” karyerası bütövlükdə 322 oyun, 103 qol və 72 məhsuldar ötürmədən ibarətdir.
Almaniyalı futbolçu karyerası ərzində “Arsenal”, “Vest Bromviç”, “Verder”, “Hoffenhaym” kimi klubların da formasını geyinib.
Qnabri 2016-cı ilin noyabr ayında debüt etdiyi Almaniya yığmasının heyətində 59 oyuna çıxıb, 26 qol, 11 məhsuldar ötürmə ilə fərqlənib.
“Transfermarkt” internet-portalı 30 yaşlı almaniyalı vingerin transfer dəyərini 20 milyon avro məbləğində qiymətləndirir.
İspaniya La Liqasının 32-ci turunun “Betis”lə səfər oyunu “Real”ın hücumçusu Kilian Mbappe üçün uğursuz alınıb.
Arena.az xəbər verir ki, o, 1:1 hesabıyla başa çatmış bu qarşılaşmanı sona qədər davam etdirə bilməyib.
Fransalı forvard matçın sonlarına yaxın zədələnərək meydanı tərk edib.
“Kral klubu”nun yaydığı məlumata görə, 27 yaşlı futbolçuda sol budun arxa əzələsində yüklənmə (əzələ gərginliyi) aşkarlanıb. Onun bərpa müddəti barədə məlumat verilmir.
Xatırladaq ki, “Real”da Tibo Kurtua, Eder Militao, Arda Gülər, Orelyen Tçuameni və Rodriqo da zədə səbəbindən komandaya kömək edə bilmir.
Kilian Mbappe futbola Fransanın “Bondi” klubunda qədəm qoyub. Ardınca “Klerfonten”ə keçib, oradan isə “Monako”ya yol tapıb və böyük futbolda məhz “Monako” ilə debüt edib. 2015-2018-ci illərdə Knyazlıq klubunun əsas komandasında çıxış etmiş Mbappe, 2018-ci ilin iyul ayında 180 milyon avro məbləğ müqabilində PSJ-yə keçib. Kilian 2018-2024-cü illər aralığında Paris klubunun heyətində 307 oyuna çıxıb, 256 qol, 108 məhsuldar ötürmə ilə fərqlənib. Vurduğu 256 qolla Kilian PSJ tarixinin ən sərrast futbolçusudur.
Kilian Mbappe 2024-cü ilin iyul ayında PSJ-dən azad agent qismində ayrılaraq “Real”a keçib. “Kral klubu” fransalı hücumçu ilə müddəti 2029-cu ilin iyun ayının sonuna qədər qüvvədə olacaq müqavilə imzalayıb.
Mbappe cari mövsümdə “Real”ın heyətində 41 oyuna çıxıb, 41 qol vurub, 6 məhsuldar ötürmə verib. Fransalı futbolçunun Madrid klubunun heyətində ümumi statistikası isə belədir: 100 oyun, 85 qol, 11 məhsuldar ötürmə.
Kilian Mbappe hazırda kapitanı olduğu, 2017-ci ilin mart ayında debüt etdiyi Fransa yığmasının heyətində 96 oyun keçirib, 56 qol vurub və 40 məhsuldar ötürmə verib. Kilian “xoruzlar”la 2018-ci ildə Rusiyada keçirilmiş dünya çempionatının (DÇ-2018) və UEFA Millətlər Liqasının (2021) qalibi olub.
“Transfermarkt” internet-portalı 27 yaşlı fransalı hücumçunun transfer dəyərini 200 milyon avro məbləğində qiymətləndirir.
“Qarabağ”ın futbolçusu Marko Yankoviç Azərbaycan Kubokunun yarımfinalında “Sabah”la oyundan sonra baş verənlərə münasibət bildirib.
Arena.az xəbər verir ki, monteneqrolu yarımmüdafiəçi sosial şəbəkədə yayılan videonun şərh bölməsinə bunları yazıb:
“Özünü ciddi jurnalist və ağıllı insan kimi təqdim edirsənsə, mən səndən aşağıdakı suallara cavab verməyini istəyirəm:
Mən onu vurmaq istəsəydim, bunu etmək üçün kifayət qədər imkanım olmazdımı? 20 nəfərin reaksiyası eynidirsə, mümkündürmü ki, onların hamısı dəli olsun və yalnız bir nəfər haqlı olsun?
Sizlərdən kimsə özünə sual veribmi ki, hakim nə dedi və ya nə etdi ki, mən belə reaksiya verdim?
Və xeyr, bu penalti olduğunu düşündüyüm üçün deyil. Məsələ ondadır ki, mən meydanda ilk dəfə ondan VAR-a baxmağı xahiş edəndə o, mənə qırmızı vərəqə verdi və “rədd ol” dedi! Təkcə bir dəfə yox, dəfələrlə və təkcə mənə yox!
Üstəlik, meydanda ən sakit insan olmalı olan hakim məni paltardəyişmə otağına dəvət edir?! Niyə? Mənimlə dava etmək üçün? Bu, absurddur və onun peşəsinə qarşı tam qeyri-peşəkar və hörmətsiz davranışdır.
Mən onun qərarı ilə razılaşmaya bilərəm, amma ona söyüş deməmişəm. Unutmayın ki, bu, “Qarabağ”da 4 il ərzində mənim ilk qırmızı vərəqəmdir və karyeramda ikinci dəfədir.
Fikirləşin”.
Xatırladaq ki, Marko Yankoviç “Sabah”la cavab oyununun ardından matçın baş hakimi Rəvan Həmzəzadənin üzərinə hücum çəkib. Buna dair video da yayılıb. “Qarabağ”ın futbolçunun insidentə görə cəzalanması gözlənilir.
Azərbaycan millisinin hücumçusu Mahir Emreli Almaniyanın “Kayzerslautern” klubunun “Braunşveyq”ə qarşı oyununda iştirak etməyib.
Arena.az xəbər verir ki, 28 yaşlı futbolçu 2-ci Bundesliqanın 2025/2026-cı illər mövsümünün 31-cu turu çərçivəsində qarşılaşdıqları “Braunşveyq”lə matçın iştirak ərizəsinə də daxil edilməyib.
Doğma meydanda baş tutmuş bu görüş “Kayzerslautern”in 0:2 hesablı məğlubiyyəti ilə yekunlaşıb.
31 turdan sonra 46 xalı olan “Kayzerslautern” 18 iştirakçı arasında 7-ci pillədə qərarlaşıb. Komanda keçirdiyi 31 oyunda 14 qələbə qazanıb, 4 heç-heçə edib, 13 məğlubiyyətə üzülüb.
Xatırladaq ki, Mahir Emreli “Kayzerslautern”lə 2025-ci ilin yayında 3 illik müqavilə bağlayıb. Azərbaycanlı futbolçu bu komandanın heyətində 11 oyuna çıxıb, 2 qola imza atıb.
Mahir ötən mövsümü Almaniyanın digər klubu “Nürnberq”də keçirib. Azərbaycanlı futbolçu sözügedən komandanın heyətində 25 rəsmi matça çıxıb, 11 qol vurub, 1 assistlə yadda qalıb.
“Bakı”nın yetirməsi olan Emreli karyerası ərzində “Qarabağ”, “Legiya” (Polşa), “Konyaspor” (Türkiyə) və “Dinamo” (Zaqreb, Xorvatiya) klublarında da forma geyinib. Hücumçu Azərbaycan milli komandasının heyətində meydana çıxdığı 59 oyunda 6 qol vurub, 3 məhsuldar ötürmə müəllifi olub.
İspaniya millisinin və “Barselona”nın cinah hücumçusu Lamin Yamal La Liqada 2026-cı ilin aprel ayının ən yaxşı oyunçusu seçilib.
Arena.az xəbər verir ki, bu barədə La Liqanın rəsmi saytı məlumat yayıb.
18 yaşlı futbolçu aprel ayında keçirdiyi 3 oyunda 2 qol vurub və 2 məhsuldar ötürmə ilə yadda qalıb. O, bu mükafat uğrunda mübarizədə Lukas Boye (“Alaves”), Vedat Muriqi (“Malyorka”), Karlos Soler (“Real Sosyedad”) və Federiko Vinası (“Real Ovyedo”) geridə qoyub.
Yamal bu mövsüm üçüncü dəfə ayın oyunçusu adını qazanıb. O, daha əvvəl noyabr və dekabr aylarında da bu mükafata sahib çıxmışdı.
Cari mövsümün ilk belə mükafatını “Vilyarreal”da çıxış edən Nikolas Pepe qazanmışdı. Sentyabr və okyabr aylarında “Real”ın fransalı hücumçusu Kilian Mbappe fərqlənmişdi. Yanvarda Vedat Muriqi (“Malyorka”), fevralda Georges Mikautadze (“Vilyarreal”), martda Karlos Espi (“Levante”) ayın ən yaxşı oyunçusu adına layiq görülmüşdü.
Xatırladaq ki, Lamin Yamal “Barselona”nın məzunudur. İstedadlı gənc 2022/2023-cü illər mövsümündən Kataloniya təmsilçisinin əsas komandasında çıxış edir. Yamalın “Barselona” ilə müqaviləsinin müddəti 2031-ci ilin iyun ayının sonuna qədər qüvvədədir.
Yamal cari mövsümdə “blauqrana”nın heyətində 45 oyuna çıxıb. O, bu oyunlarda 24 qol və 18 məhsuldar ötürmə ilə fərqlənib.
Lamin Yamalın “Barselona”da çıxışının ümumi mənzərəsi 151 oyun, 49 qol və 52 məhsuldar ötürmədən ibarətdir.
Onu da qeyd edək ki, vinger sol bud əzələsindən zədə aldığına görə 2025/2026-cı illər mövsümünün qalan hissəsini buraxacaq.
Yamal 2023-cü ilin sentyabr ayında debüt etdiyi İspaniya yığma komandasının heyətində 25 oyun keçirib, 6 qol vurub, 12 məhsuldar ötürmə verib.
Yamalın qənimətlər muzeyində “Barselona” ilə qazandığı İspaniya La Liqası (2022/2023, 2024/2025), İspaniya Kral Kuboku (2024/2025) və İspaniya Super Kuboku (2024/2025) var. Həmçinin Yamal İspaniya yığması ilə AÇ-2024-ün qalibi olub.
“Transfermarkt” internet-portalı 18 yaşlı ispaniyalı sağ cinah hücumçusunun transfer dəyərini 200 milyon avro məbləğində qiymətləndirir.
Qadın güləşi üzrə Avropa üçüncüsü olmuş Jalə Əliyeva (57 kq) Albaniyadakı qitə birinciliyi ilə bağlı təəssüratlarını bölüşüb.
Arena.az xəbər verir ki, o, Azərbaycan Güləş Federasiyasının rəsmi saytına açıqlamasında bunları söyləyib:
“Bu yarışa çox güclü hazırlaşmışdıq. Məqsədim çempion olmaq idi. Ötən il də yarimfinalda zədələndiyim üçün görüşü davam etdirə bilməmişdim. Bu dəfə çempion olmaq istəyirdim. Təəssüf ki, alınmadı. Müəyyən səhvlərə yol verdim. Bu səhvlərin üzərində çalışıb, əlimdən gələnin ən yaxşısını edəcəyəm”.
Xatırladaq ki, Albaniyanın paytaxtı Tiranada keçirilən Avropa çempionatında 57 kq çəki dərəcəsində mübarizə aparan Jalə Əliyeva almaniyalı Amori Andrixə və inlandiyalı Yenna Hemiaeyə “tuş”la qalib gələrək yarımfinala yüksəlib. Finalın bir addımlığında türkiyəli Elvira Kamaloğluna 2:6 hesabıyla məğlub olan Əliyeva bürünc medal uğrunda görüşdə belaruslu Arina Demçankayla üz-üzə gəlib. Rəqibinə “tuş”la qalib gələn həmyerlimiz fəxri kürsünün üçüncü pilləsinə yüksəlib. Bu, Jalənin böyüklər arasında analoji yarışda üçüncü (1 gümüş, 2 bürünc) medalı olub.
Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 29-сu turuna start veriləcək.
Arena.az xəbər verir ki, ilk oyun günündə iki qarşılaşma baş tutacaq.
Turun açılış oyununda “İmişli” “Sumqayıt”la üz-üzə gələcək. Quba Olimpiya İdman Kompleksinin stadionunda təşkil ediləcək oyuna saat 16:00-da start veriləcək. Qarşılaşmanı FİFA referisi Elçin Məsiyev idarə edəcək.
Günün digər oyunu “Qəbələ” ilə “Araz-Naxçıvan” arasında keçiriləcək. Qəbələ şəhər stadionunda baş tutacaq matçın start fiti saat 18:30-da səslənəcək. Oyunun baş hakimi FİFA referisi Kamal Umudlu olacaq.
29-cu turun qalan görüşləri aprelin 26-da (“Şamaxı” – “Kəpəz”, “Neftçi” – “Qarabağ”) və 27-də (“Turan Tovuz” – “Zirə”, “Sabah” – “Karvan”) keçiriləcək.
Premyer Liqa 29-cu tur 25 aprel
“İmişli” – “Sumqayıt” Hakimlər: Elçin Məsiyev, Elşad Abdullayev, Pərvin Talıbov, Alik Yunusov. VAR: Elvin Bayramov. AVAR: Müslüm Əliyev. Hakim-inspektor: Anar Salmanov. AFFA nümayəndəsi: Eldar Məmmədov. Quba Olimpiya İdman Kompleksinin stadionu, 16:00.
“Qəbələ” – “Araz-Naxçıvan” Hakimlər: Kamal Umudlu, Namiq Hüseynov, Vüsal Məmmədov, Ruslan Quliyev. VAR: Vüqar Həsənli. AVAR: Əkbər Əhmədov. Hakim-inspektor: Orxan Məmmədov. AFFA nümayəndəsi: Elçin Məmmədov. Qəbələ şəhər stadionu, 18:30.
Bu gün futbol üzrə İtaliya çempionatında (A Seriyası) 2025/2026-cı illər mövsümünün 34-cü turunun oyunlarına start verilib.
Arena.az xəbər verir ki, ilk oyun günündə bir qarşılaşma baş tutub.
Turun açılış oyununda “Napoli” doğma meydanda “Kremoneze” ilə üz-üzə gəlib. Dörd qolun qeydə alındığı görüş meydan sahiblərinin inamlı qələbəsi başa çatıb.
34-cü turun qalan görüşləri aprelin 25-də, 26-da və 27-də keçiriləcək.
İtaliya, A Seriyası 34-cü tur 24 aprel
Napoli – Kremoneze 4:0 Qollar: Maktominey, 3. Höylund, 45. De Bröyne, 45+3. A.Santos, 52.
Bu gün futbol üzrə Almaniya çempionatında (Bundesliqa) 2025/2026-cı illər mövsümünün 31-ci turunun oyunlarına start verilib.
Arena.az xəbər verir ki, ilk oyun günündə bir qarşılaşma baş tutub.
Turun açılış oyununda “Leypsiq” doğma meydanda “Union Berlin”lə üz-üzə gəlib. Dörd qolun qeydə alındığı görüş meydan sahiblərinin inamlı qələbəsi ilə başa çatıb.
31-ci turun qalan görüşləri şənbə və bazar günlərinə təsadüf edəcək.
Almaniya, Bundesliqa 31-ci tur 24 aprel
Leypsiq – Union Berlin 3:1 Qollar: Finkarqafe, 22. R.Kardozo, 25. Baku, 63 – Doexi, 78.
Qadın güləşi üzrə Azərbaycan millisinin üzvü Jalə Əliyeva Albaniyada bürünc medal qazanmaqla yenidən Avropa üçüncüsü olub.
Arena.az xəbər verir ki, Albaniyanın paytaxtı Tiranada təşkil edilmiş güləş üzrə Avropa çempionatı davam edir.
Yarışın beşinci günündə qadın güləşi üzrə mübarizəyə yekun vurulub.
Jalə Əliyeva bürünc medal uğrunda görüşdə belaruslu Arina Demçankayla üz-üzə gəlib. Rəqibinə “tuş”la qalib gələn həmyerlimiz fəxri kürsünün üçüncü pilləsinə yüksəlib. Bu, Jalənin böyüklər arasında analoji yarışda üçüncü (1 gümüş, 2 bürünc) medalı olub.
Digər iki güləşçimiz isə 5-ci yerlə kifayətlənib. Ruzanna Məmmədova (62 kq) həlledici qarşılaşmada almaniyalı Naemi Laystnerə (2:5), Birgül Soltanova (65 kq) isə türkiyəli Beyza Akkuşa (2:4) məğlub olub.
Beləliklə, qitə birinciliyinə 5 idmançıyla qatılan qadınlardan ibarət millimiz yarışı 2 bürünc medalla başa vurub. Xatırladaq ki, ötən gün Günay Qurbanova (59 kq) da Avropa üçüncüsü olmuşdu.
Fransa milli komandasının və “Lans” klubunun cinah hücumçusu Florian Toven Liqa 1-də mart ayının ən yaxşı oyunçusu elan edilib.
Arena.az xəbər verir ki, bu barədə Liqa 1-in mətbuat xidməti məlumat yayıb.
32 yaşlı vinger martda Fransa çempionatında 3 oyunda iştirak edib, 2 qol vurub, 2 məhsuldar ötürmə müəllifi olub. Onun sabit çıxışı “Lans”ın mövsümə inamlı davam etməsində mühüm rol oynayıb.
Toven cari mövsümdə ümumilikdə 32 qarşılaşmada meydana çıxıb, 11 qol vurub, 8 məhsuldar ötürmə müəllifi olub.
Xatırladaq ki, Toven cari mövsümdə 3-cü, karyerası ərzində 6-cı dəfə Liqa 1-də ayın ən yaxşı oyunçusu seçilir. O, ötən ilin sentyabrında və noyabrında, 2017-ci ilin martında, noyabrında və 2018-ci ilin yanvarında da oxşar mükafata layiq görülmüşdü.
Liqa 1-də cari mövsümün ilk mükafatçısı “Paris”in futbolçusu İlan Kebbal olub. O, avqust ayının ən yaxşı oyunçusu elan edilmişdi. Oktyabrda Marsel “Olimpik”inin futbolçusu Meyson Qrinvud fərqlənmişdi. Dekabr və yanvarda Lion “Olimpik”inin braziliyalı futbolçusu Endrik, fevralda isə “Brest”in futbolçusu Lüdovik Ayroke ən yaxşı seçilmişdi.
Florian Toven “Lans”a ötən ilin yayında “Udineze”dən tamhüquqlu əsasda keçib. Onun Fransa klubu ilə 2028-ci ilin iyun ayının sonuna qədər qüvvədə olacaq müqaviləsi var. Bu keçid “Lans”a 6 milyon avro məbləğ müqabilində başa gəlib.
Toven “Qrenobl”ın məzunudur. Hücumçu, karyerası ərzində “Bastiya”, Marsel “Olimpik”i, “Nyukasl”, “UANL Tiqres” və “Udineze”də çıxış edib.
Toven 2017-ci ilin iyun ayında debüt etdiyi Fransa yığmasının heyətində 13 oyuna 2 qol və 1 məhsuldar ötürmə ilə fərqlənib.
“Transfermarkt” internet-portalı 33 yaşlı fransız hücumçunun transfer dəyərini 5 milyon avro məbləğində qiymətləndirir.
“Ştutqart”ın 29 yaşlı alman hücumçusu Deniz Undav futbol üzrə Almaniya Bundesliqasında mart ayının ən yaxşı oyunçusu seçilib.
Arena.az bu barədə Almaniya Bundesliqasının mətbuat xidmətinə istinadən məlimat verir.
Undav mart ayında Bundesliqa çərçivəsində meydana çıxdığı 4 oyunda 5 qol vurub, 2 məhsuldar ötürmə müəllifi olub.
Undav cari mövsümdə ilk, karyerası ərzində isə 3-cü dəfə oxşar mükafata layiq görülür. Alman forvard 2023-cü ilin noyabr və 2024-cü ilin yanvar aylarında da ən yaxşı seçilmşdi. Cari mövsümdə “Bayern”in hücumçusu Harri Keyn (sentyabr, dekabr və fevral) və sağ vingeri Makyl Olise hərəyə 3 dəfə (avqust, noyabr və yanvarda) ayın ən yaxşı oyunçusu elan edilib. Oktyabrda isə “Ayntraxt”ın mərkəz hücumçusu Yonatan Burkardt fərqlənib.
Deniz Undav “Verder”in yetirməsidir. O, “Meppen”, “Havelse”, “Yunion”, “Brayton”, “Ayntraxt” (Braunşveyq) kimi klubların da formasını geyinib. Hücumçu 2024-cü ilin avqustundan formasını geyindiyi “Ştutqart”ın heyətində 112 oyuna çıxıb, 56 qol və 29 məhsuldar ötürmə ilə yadda qalıb.
Undav 2024-cü ilin mart ayında Almaniya millisində debüt edib. O, yığmanın heyətində 7 oyuna çıxıb, 4 qol və 1 assist müəllifi olub.
“Transfermarkt” internet-portalı 29 yaşlı hücumçunun transfer dəyərini 22 milyon avro məbləğində qiymətləndirir.
Azərbaycanın sərbəst güləşçisi İslam Bazarqanov Albaniyada keçirilən Avropa çempionatının finalına vəsiqə qazanıb.
Arena.az xəbər verir ki, Albaniyanın paytaxtı Tiranada təşkil edilmiş güləş üzrə Avropa çempionatı davam edir.
Arena.az xəbər verir ki, beşinci gündə 57, 65, 70, 79 və 97 kq-da yer almış sərbəst güləşçilər çıxış ediblər.
İslam Bazarqanov (57 kq) mübarizəyə 1/4 finaldan qoşulub. Təmsilçimiz belaruslu Aryan Tiutrin üzərində inamlı qələbə (9:4) qazanaraq yarımfinala yüksəlib. Yarımfinalda gürcüstanlı Roberti Dinqaşviliyə heç bir şans tanımayan (11:1) İslam karyerasında ilk dəfə böyüklər arasında Avropa çempionatının finalına vəsiqə qazanıb. Bazarqanov sabah həlledici görüşdə rusiyalı Musa Mextixanovla güləşəcək.
Rəşid Babazadə (65 kq) debütdə almaniyalı Niko Megerleni (3:1) mübarizədən kənarlaşdırsa da, 1/4 finalda rusiyalı Bəşir Maqomedova məğlub olub – 2:7. Babazadə sabah təsəlliverici görüşdə belçikalı Ayub Musayevlə güləşəcək.
Cəbrayıl Hacıyev (79 kq) 1/4 finalda slovakiyalı Avropa çempionu və dünya mükafatçısı Axsarbek Qulayevdən güclü olub – 7:2. Ancaq yarımfinalda belaruslu olimpiya və Avropa mükafatçısı Maqamedxabib Kadimaqamedova 1:5 hesabıyla məğlub olub. Güləşçimiz sabah üçüncü yer uğrunda güləşəcək. Rəqib Rasul Şapiyev (Şimali Makedoniya) – Tariel Qaprindaşvili (Gürcüstan) qarşılaşmasının qalibi olacaq.
Osman Nurmaqomedov (97 kq) ilk mərhələdə gürcüstanlı olimpiya və dünya mükafatçısı, 3 qat Avropa çempionu Givi Matçaraşviliyə minimal fərqlə (2:3) məğlub olub.
Bu gün “Şəmkir” Futbol Klubunun rəhbəri Adil Əliyev ilə Futbolun İnkişaf Fondunun (FİF) kollektivi arasında görüş baş tutub.
Arena.az xəbər verir ki, bu barədə klubun mətbuat xidməti məlumat yayıb.
Görüş zamanı fondun bu günə qədər “Şəmkir” FK ilə bağlı gördüyü işlər barədə məlumat verilib, klubun növbəti ev oyununun birgə təşkili ilə bağlı planlar müzakirə olunub.
Eyni zamanda oyunların təşkili istiqamətində dəstək mexanizmləri, dayanıqlı maliyyə kanallarının formalaşdırılması və klubun inkişafına töhfə verəcək növbəti addımlar ətrafında fikir mübadiləsi aparılıb.
Tərəflər gələcək əməkdaşlıq çərçivəsində klubun inkişaf perspektivləri, azarkeşlərlə işin gücləndirilməsi və s. planları nəzərdən keçiriblər. Görüşün yekununda qarşıdakı dövrdə birgə fəaliyyətin genişləndirilməsi, uzunmüddətli və dayanıqlı əməkdaşlığın qurulması istiqamətində razılıq əldə olunub.
“Barselona”nın yarımmüdafiəçisi Frenki de Yonq klubun bütün zamanların ən çox oyun keçirən niderlandlı oyunçusu olub.
Arena.az xəbər verir ki, Kataloniya klubunda çoxlu niderlandlı oyunçu çıxış edib, lakin De Yonq indi bütün həmvətənləri arasında rekorda sahib olub.
“Selta”ya qarşı La Liqa matçı (1:0) yarımmüdafiəçinin “Barselona”da bütün yarışlarda keçirdiyi 293-cü oyunu olub. Bu, əvvəlki rekordçu, matçı izləyən, De Yonqu şəxsən təbrik edən və ona 293 nömrəli formanı təqdim edən Filipp Kokudan daha çoxdur.
Xatırladaq ki, Frenki de Yonq futbola Tilburq təmsilçisi “Villem II” klubunda qədəm qoyub, buadan “Ayaks”ın futbol akademiyasına yol taparaq, Niderland nəhənginin düşərgəsində püxtələşib. 2019-cü ilin iyul ayında “Barselona” 86 milyon avro məbləğ müqabilində De Yonqu “blauqrana”nın düşərgəsinə qatıb. Niderlandlı futbolçunun Kataloniya klubu ilə müqaviləsinin müddəti 2029-cu ilin iyun ayının sonuna qədər qüvvədədir.
De Yonq cari mövsümdə “Barselona”nın heyətində bütün yarışlarda 34 oyuna çıxıb, 1 qol vurub, 8 məhsuldar ötürmə verib.
De Yonqun “blauqrana”nın heyətində ümumi çıxışı rəqəmlərin gözü ilə belə mənzərə yaradır: 293 oyun, 20 qol, 31 məhsuldar ötürmə.
Frenki de Yonq 2018-ci ilin sentyabr ayında debüt etdiyi Niderland yığmasının heyətində 64 oyuna çıxıb, 2 qol vurub, 9 məhsuldar ötürmə verib.
“Transfermarkt” internet-portalı 28 yaşlı yarımmüdafiəçinin transfer dəyərini 45 milyon avro məbləğində qiymətləndirir.
İspaniyanın “Real” (Madrid) klubunun mərkəz yarımmüdafiəçisi Daniel Sebalyos cari mövsümün qalan hissəsini buraxa bilər.
Arena.az xəbər verir ki, 29 yaşlı futbolçu bu həftə komandanın baş məşqçisi Alvaro Arbeloa ilə münaqişə yaşayıb.
Nəticədə oyunçu bu gün La Liqanın 32-ci turunda “Betis”ə qarşı keçiriləcək oyun üçün heyətdən kənarda qalıb.
Mərkəz yarımmüdafiəçisi olan Daniel Sebalyos futbola “Betis”də qədəm qoyub, həmçinin “Utrera” və “Sevilya”da çıxış edib və məhz “Betis”lə böyük futbolda debüt edib. Sebalyos futbolçu karyerası ərzində “Arsenal”da da icarə əsasında çıxış edib.
“Real” Sebalyosu 2017-ci ilin iyul ayında 16,5 milyon avro məbləğ müqabilində “Betis”dən tamhüquqlu əsasda “qaymaqlılar”ın düşərgəsinə qatıb. İspan futbolçunun Madrid klubu ilə müqaviləsinin müddəti 2027-ci ilin iyun ayının sonuna qədər qüvvədədir.
Dani Sebalyos cari mövsümdə “Real” üçün bütün yarışlarda 22 oyun keçirib, məhsuldar fəaliyyəti ilə diqqət çəkməyib. Onun “Real” karyerası bütövlükdə 214 oyun, 7 qol və 16 assistdən ibarətdir.
Sebalyos 2018-ci ildə debüt etdiyi İspaniya yığmasının heyətində 13 oyuna çıxıb, 1 qol və 2 assist müəllifi olub.
“Transfermarkt” internet-portalı 29 yaşlı mərkəz yarımmüdafiəçisinin transfer dəyərini 8 milyon avro məbləğində qiymətləndirir.
Argentina millisinin və Portuqaliyanın “Benfika” klubunun sağ vingeri Canluka Prestianni UEFA tərəfindən 6 oyunluq cəzalandırılıb.
Arena.az xəbər verir ki, bu barədə UEFA-nın mətbuat xidməti məlumat yayıb.
O, UEFA Çempionlar Liqasının pley-off mərhələsinin ilk oyununda “Real”ın (İspaniya) hücumçusu Vinisius Juniora qarşı homofob xarakterli təhqirə yol verdiyi üçün cəzalandırılıb. UEFA-nın Etika və İntizam Müfəttişinin araşdırmasından sonra oyunçuya qarşı intizam işi açılıb.
Nəticədə UEFA-nın Nəzarət, Etika və İntizam Orqanı Prestianniyə klub və ya milli komanda səviyyəsində keçirilən 6 rəsmi matçda iştirak qadağası qoyub. Cəzanın 3 oyunu qərar qəbul edildiyi tarixdən etibarən iki il müddətinə sınaq müddəti kimi müəyyənləşdirilib. Diskvalifikasiya müddətinə fevralın 25-də keçirilmiş cavab qarşılaşmasında çəkilən bir oyunluq cəza da daxil edilib.
Bundan əlavə, UEFA qeyd olunmuş cəzanın dünya miqyasında tətbiq edilməsi üçün FIFA-ya müraciət edib.
Argentinanın “Veles Sarsfild” klubunun yetirməsi olan Canluka Prestianni 2024-cü ildən “Benfika”da çıxış edir. O, Argentina millisinin heyətində də 1 oyun keçirib.
Yunan-Roma güləşi üzrə Azərbaycan millisinin böyük məşqçisi Nurəddin Rəcəbov Avropa çempionatındakı çıxışı dəyərləndirib.
Arena.az xəbər verir ki, Albaniyanın paytaxtı Tiranada keçirilən Avropa çempionatında 2 qızıl, 3 bürünc medalla komanda hesabında Avropa çempionu olmuş yunan-Roma güləşi üzrə millimiz vətənə qayıdıb.
Heydər Əliyev Aeroportunda yığmamızın qarşılanma mərasimi keçirilib.
Mərasimdə komandamızın böyük məşqçisi Nurəddin Rəcəbov jurnalistlərə açıqlamasında bunları söyləyib:
“Avropa çempionatına komanda olaraq çox yüksək səviyyədə hazırlaşmışdıq. Ardıcıl bir neçə təlim-məşq toplanışında iştirak etdik. İdmançılarımızın arasında zədəli olanlar da var idi. Böyük zəhmət bahasına bu qələbəni əldə etdik. Fürsətdən istifadə edərək, hər bir idmançımıza təşəkkürümü bildirirəm. Qazanılan 5 medaldan əlavə olaraq, komanda hesabında Avropanın ən güclüsü olduq. Ən güclü olmaq üçün komandada olan hər bira idmançı öz üzərinə düşən xalı hesaba yazdırdı. Təbii ki, xırda səhvlər var. Bunlar olmalıdır. Biz bundan sonrakı təlim-məşq toplanışlarında da, dünya çempionatı qabağı hazırlıqda da səhvlərin üzərində işləyəcəyik.
Həsrət tarix yazdı. Gənclərdə böyük məşqçi olduğum vaxtdan tanıyıram. O qədər perspektivli idmançıdır ki, bilirdim ki, bu uğuru qazanacaq. Yəqin ki, finalı izlədiniz. Türkiyəli güləşçi hesabda öndə olanda belə içimdə güvən hissi var idi. Əmin idim ki, Həsrət hesabı dəyişdirəcək. Hər birimizi bu rekord nəticə ilə sevindirdi. Nəinki finaldan əvvəl, bütün görüşlərin öncəsində, təlim-məşq toplanışları zamanı, həmişə analiz edirdik. Bütün güləşçilərimizin üzərində təhlillər aparırdıq.
Komandamızın bütün məşqçi heyətini də təbrik edirəm. Azərbaycan Güləş Federasiyanı, Gənclər və İdman nazirliyini və Milli Olimpiya Komitəsini ürəkdən təbrik edirəm. Ona görə ki, bütün təlim-məşq toplanışlarını, idmançılar üçün lazımlı olan vitaminlər və digər ehtiyacların hər birini gecikmədən, ardıcıl olaraq təmin edib, şərait yaradıblar”.
Çempionlar danışır
Qarşılanma mərasimində Avropa çempionu olmuş Həsrət Cəfərovla Qurban Qurbanov da açıqlama veriblər.
Həsrət Cəfərov: “Üzərimdə böyük məsuliyyət var idi. Bilirdim ki, 4 qat Avropa çempionu kimi tarixə düşə bilərəm. Bunun üçün də çox yaxşı hazırlaşırdım. Çox ağır görüşlər keçirdim. Hazırlığımız yaxşı olmasaydı, bu görüşlərdə qalib gələ bilməzdim. Yarımfinal və finalda hesabda geri düşdüm. Buna baxmayaraq, geridönüş edib qələbə qazandım”.
Qurban Qurbanov: “Təəssüratlarım çox yaxşıdır. Komandamız Avropa çempionu oldu. Mən də fərdi şəkildə Avropa çempionu oldum. Bu mənim ikincə Avropa çempionluğumdur. Bizdə bir neçə gün istirahət olacaq. Hansı tapşırıq verilsə, biz də ona əməl edəcəyik. Hər çempionluğun özünəməxsus çətinliyi vardı. Bu, məncə digərinə nisbətən daha çətin oldu. Çünki yarışdan əvvəl bir neçə zədəm olmuşdu. Ona görə bərpa olmaq, yenidən heyətə düşmək çox çətin oldu”.
“Olimpiya Oyunlarında medal qazanmağı qarşıma əsas hədəf qoymuşam”
Qitə birinciliyində bürünc medalla kifayətlənmiş idmançılarımız da fikirlərini bölüşüblər:
İslam Abbasov: “Yunan-Roma güləşi üzrə Avropa çempionatı həmişə gərgin mübarizə şəraitində keçir. Rəqabət güclü olduğundan bu yarışlarda təcrübə lazımdır. Bu yarışda bürünc medal qazandım. Gələn yarışlarda bu medalın əyarını qızıl etməyə çalışacağam”.
Nihat Məmmədli: “Bu il eyni şəhərdə reytinq turnirinin qalibi olmuşdum. Tiranaya yenidən çempion olmaq üçün yollanmışdım. Amma təəssüf ki, bəzi səhvlərə görə qızıl medalı əldən verdim və yarışı bürünc medalla başa vurdum. Bu, artıq mənim 4-cü Avropa çempionatı medalıdır. Buna görə sevinirəm. Ümid edirəm ki, növbəti yarışlarda daha yaxşı nəticələrlə xalqımızı sevindirərəm. Bu yarışa çox yaxşı hazırlaşmışdıq. Təlim-məşq toplanışlarımız da yaxşı keçmişdi. Komanda olaraq yaxşı nəticə göstərə biləcəyimizə inanırdıq və komanda hesabında çempion olduq”.
Rəşad Məmmədov: “İki il əvvəl Avropa çempionatında gümüş medal qazanmışdım. Bura gümüş medalı qızıl etmək üçün gəlmişdim. Təəssüf ki, bəzi səbəblərə görə alınmadı. Çox şükür ki, vətənə medalsız qayıtmadım. Səhvlərimizin üzərində işləyib, qarşıdakı yarışlara daha yaxşı hazırlaşacağıq”.
Sənan Süleymanov: “Öncə komandamızı təbrik edirəm. Avropa çempionu olduq. Nəticəm istədiyim kimi olmadı. Ümumi olaraq həm mən, həm də komanda yoldaşlarım yarışa yaxşı hazırlaşmışdıq. Bu dəfə mənim üçün uğursuz oldu. Növbəti yarışlara qədər səhvlərimin üzərində işləyəcəyəm. Qarşıda bizi dünya çempionatı gözləyir. İnanıram ki, dünya çempionatında medal qazanacağam. Olimpiya Oyunlarında medal qazanmağı qarşıma əsas hədəf qoymuşam”.
Xatırladaq ki, Avropa çempionatında Həsrət Cəfərovla (67 kq) Qurban Qurbanov (82 kq) qızıl, Rəşad Məmmədov (55 kq), Nihat Məmmədli (60 kq) və İslam Abbasov (87 kq) isə bürünc medal qazanıb.
Futbol üzrə Azərbaycan çempionatında (Premyer Liqa) 2025/2026-cı illər mövsümünün 31-ci turunun oyun cədvəli müəyyənləşib.
Arena.az xəbər verir ki, bu barədə Peşəkar Futbol Liqasının (PFL) rəsmi saytı məlumat yayıb.
31-ci turun görüşləri mayın 8-də, 9-da və 10-da keçiriləcək. Ənənəyə uyğun olaraq, hər oyun günündə iki qarşılaşma baş tutacaq. Tura Qubada start veriləcəksə, sonuncu görüş Bakıda təşkil ediləcək.
Premyer Liqa 31-ci tur 8 may
“İmişli” – “Zirə” Quba Olimpiya İdman Kompleksinin stadionu, 16:30.
“Sabah” – “Kəpəz” “Masazır Arena”, 19:30.
9 may
“Qəbələ” – “Qarabağ” Qəbələ şəhər stadionu, 17:00.
“Sumqayıt” – “Araz-Naxçıvan” Mehdi Hüseynzadə adına Sumqayıt şəhər stadionu, 19:30.
10 may
“Turan Tovuz” – “Karvan” Tovuz şəhər stadionu, 17:00.
Futbol üzrə Azərbaycan Kubokunun final görüşünün nominal meydan sahibinin müəyyənləşdirilməsi məqsədilə püşkatma mərasimi keçirilib.
Arena.az xəbər verir ki, bu barədə Peşəkar Futbol Liqasının rəsmi saytı məlumat yayıb.
Mərasimdə Peşəkar Futbol Liqasının, “Zirə” və “Sabah” klublarının nümayəndələri iştirak ediblər. PFL Yarışların təşkili və qeydiyyatı şöbəsinin rəisi Elçin Mehtiyev, “Zirə” mətbuat katibi Elmar Abdullazadə, “Sabah” isə klubun meneceri İlahə Vəlizadə ilə təmsil olunub. Püşkatmaya əsasən “Sabah” nominal meydan sahibi olub.
Püşkatmadan sonra klub nümayəndələri ilə Peşəkar Futbol Liqası arasında geniştərkibli görüş keçirilib. İclasda Peşəkar Futbol Liqasının Texniki-idman direktoru Elgiz Abbasov, Media və marketinq direktoru Sənan Abdullayev, icraçı direktor Zaur Hacı-Məhərrəmov da iştirak ediblər. Görüşdə finalla bağlı ilkin təşkilati məsələlər, nəzərə alınacaq nüanslarla bağlı müzakirə aparılıb.
Xatırladaq ki, Azərbaycan Kubokunun final oyunu mayın 13-də “Neftçi Arena”da keçiriləcək. Həlledici matça saat 20:00-da start veriləcək.
İtaliyanın “Roma” klubunun idarə heyətinin müşaviri, bu komandanın sabiq baş məşqçisi Klaudio Ranyeri vəzifəsindən ayrılıb.
Arena.az xəbər verir ki, bu barədə paytaxt təmsilçisi rəsmi saytı vasitəsilə məlumat yayıb.
Klub Ranyeriyə xidmətləri üçün təşəkkür edib, gələcək həyatında uğurlar arzulayıb.
İtaliya mətbuatının yazdığına görə, ayrılığın əsas səbəbi təcrübəli mütəxəssislə komandanın baş məşqçi Can Pyero Qasperini arasında yaranmış fikir ayrılığıdır. Tərəflər transfer siyasəti ilə bağlı ortaq məxrəcə gələ bilməyiblər. Qasperini komandanın heyətindən narazılığını bildirib, Ranyeri isə transferlərin birgə razılaşdırıldığını vurğulayıb. Məlumata əsasən, mövsümün sonuna yaxın qeydə alınmış qeyri-sabit nəticələr tərəflər arasında gərginliyi daha da artırıb.
Xatırladaq ki, “Roma” hazırda A Seriyasında 33 turdan sonra 58 xalla 6-cı pillədə qərarlaşıb.
Qeyd edək ki, 73 yaşlı Klaudio Ranyeri 2024-cü ilin noyabrında “Roma”nın baş məşqçisi təyin olunmuş və mövsümün sonuna qədər komandaya rəhbərlik etmişdi. O, daha əvvəl də 2009–2011 və 2019-cu illərdə paytaxt klubunda çalışıb.
Yunanıstandan olan 56 yaşlı mütəxəssis Georgios Donis futbol üzrə Səudiyyə Ərəbistanı milli komandasının baş məşqçisi təyin olunub.
Arena.az xəbər verir ki, bu barədə Səudiyyə Ərəbistanı Futbol Federasiyasının mətbuat xidməti məlumat yayıb.
56 yaşlı mütəxəssisin müqaviləsinin müddəti 2027-ci ilin yayınadək nəzərdə tutulub. O, baş məşqçi bu postda Herve Renarı əvəzləyib.
Herve Renar 2024-cü ilin oktyabr ayından Səudiyyə Ərəbistanı yığmasına rəhbərlik edirdi. Sözügedən komandanı 28 oyuna çıxarmış fransalı mütəxəssis 11 qələbə, 6 heç-heçə, 11 məğlubiyyət görüb. Ərəblər məhz Renarın rəhbərliyi atlında DÇ-2026-ya vəsiqə qazanıblar. Amma bir neçə gün öncə Herve Renar millidən ayrılmağa qərar verib.
Xatırladaq ki, Səudiyyə Ərəbistanı seçməsi bu il ABŞ, Kanada və Meksikada keçiriləcək dünya çempionatının H qrupunda İspaniya, Kabo Verde və Uruqvay yığmaları ilə üz-üzə gələcək.
Georgios Donis isə son olaraq Səudiyyə Ərəbistanının “Əl-Xalec” komandasına rəhbərlik edib. O, məşqçilik karyerası ərzində “İlisiakos”, AEL, AEK, “Atromitos”, PAOK, APOEL, “Əl-Hilal”, “Əl-Şarca”, “Panathinaikos”, “Makkabi” (Təl-Əviv), “Əl-Wehda”, “Əl-Fateh” kimi komandalara da rəhbərlik edib.
Futzal üzrə Azərbaycan çempionatında (Yüksək Liqa) 2025/2026-cı illər mövsümünün 18-ci turunun oyun cədvəli açıqlanıb.
Arena.az xəbər verir ki, bu barədə Azərbaycan Futzal Federasiyasının rəsmi saytı məlumat yayıb.
18-ci turun görüşləri aprelin 30-da “Olimpik Star”da keçiriləcək. Əvvəlcə “Şuşa” “Neftçi” İK ilə üz-üzə gələcək. Günün digər oyunu U-19 millimizlə “Baku Fire” arasında baş tutacaq.
Son çempion “Araz-Naxçıvan” isə meydana çıxmadan 3 xal qazanacaq. Belə ki, “Lənkəran” komandası çempionatdakı çıxışını dayandırdığına görə, rəqibinə avtomatik qələbə yazılacaq.
Yüksək Liqa 18-ci tur 30 aprel
Şuşa – Neftçi İK Bakı. “Olimpik Star”. Saat 14:30.
U-19 – Baku Fire Bakı. “Olimpik Star”. Saat 16:30.
Xallar: Neftçi İK – 46. Araz-Naxçıvan – 43. Baku Fire – 32. Şuşa – 18. U-19 – 12. Lənkəran – 0.
“Araz Saatlı” – “Göygöl” Hakimlər: Rəsul Babayev, Rəşad Quliyev, Sadiq Əliyev, Samir Musayev. Hakim-inspektor: İmanxan Sultani. AFFA nümayəndəsi: Namiq Əliyev. Saatlı Olimpiya İdman Kompleksinin stadionu, 16:00.
“Şəki” – “Ağdaş” Hakimlər: Maqsud Şamıyev, Ruslan Babayev, Hüseyn Vəliyev, Sərxan İsmayılov. Hakim-inspektor: Rövşən Əhmədov. AFFA nümayəndəsi: Erkin Hüseynov. Zaqatala Olimpiya İdman Kompleksinin stadionu, 16:30.
28 aprel
“Xankəndi” – “Qaradağ Lökbatan” Hakimlər: İnqilab Məmmədov, Orxan İbişov, Mirnihad Seyidov, Kamil Aydınov. Hakim-inspektor: Asim Xudiyev. AFFA nümayəndəsi: Törə Əhmədova. Şamaxı Olimpiya İdman Kompleksinin stadionu, 16:00.
“Şəmkir” – “Quba” Hakimlər: Murad Səlimov, Sevda Nuriyeva, Əhməd Əhmədsoy, Vüqar Alıyev. Hakim-inspektor: Babək Quliyev. AFFA nümayəndəsi: Azər Əsgərov. Şəmkir Olimpiya İdman Kompleksinin Stadionu, 16:30.
Qadın güləşi üzrə Avropa üçüncüsü olmuş Günay Qurbanova (59 kq) Albaniyadakı yarışla bağlı təəssüratlarını bölüşüb.
Arena.az xəbər verir ki, o, Azərbaycan Güləş Federasiyasının mətbuat xidmətinə açıqlamasında bunları söyləyib:
“Çox sevinirəm. Bu, mənim böyüklər arasında Avropa çempionatında ilk iştirakım idi. Özümdən qızıl medal gözləyirdim. Heyif ki, alınmadı. İnşallah, gələn il daha yaxşı olacaq. 15 saniyə qalmış qələbəni əldən verdim. Yəqin ki, təcrübəm çatmadı.
Olimpiya Oyunlarında iştirak etmək üçün 57, yoxsa 62 kq-a keçmək məsələsinə mən yox, Toğrul Əsgərov qərar verəcək. Hansı çəkini məsləhət bilsə, həmin çəkidə də güləşəcəyəm”.
Xatırladaq ki, Günay Qurbanova (59 kq) debüt etdiyi qitə birinciliyinə 1/4 finaldan qoşulub və almaniyalı Elena Brügger üzərində inamlı qələbə qazanıb – 7:0. Həmyerlimiz yarımfinalda ukraynalı dünya ikincisi Mariya Vinniklə qarşılaşıb. Görüşün sonuncu dəqiqəsinədək hesabda 2:0 öndə olan güləşçimiz son saniyələrdə rəqibin fəndlərinin qarşısını ala bilməyib – 2:6. Günay bürünc medal uğrunda belaruslu Marta Hetmanava ilə qarşılaşıb. Gərgin keçən qarşılaşmada 7:5 hesablı qələbəyə sevinən 18 yaşlı güləşçimiz fəxri kürsünün üçüncü pilləsinə yüksəlib və böyüklər arasında Avropa çempionatında debütünü medalla qeyd edib.
Bu gün futbol üzrə Almaniya Kubokunda 2025/2026-cı illər mövsümünün yarımfinal mərhələsinin oyunlarına yekun vurulub.
Arena.az xəbər verir ki, sonuncu oyun günündə də bir qarşılaşma baş tutub.
Mərhələnin sonuncu oyununda “Ştutqart” “Frayburq”la qarşılaşıb. Qarşılaşmanın əsas vaxtı 1:1 hesabıyla yekunlaşıb. Əlavə vaxtın sonlarında daha bir qol vurmuş “Ştutqart” finala yüksəlib.
Daha öncə “Bayern” də “Bayer” üzərində inamlı qələbə ilə finala yüksəlmişdi.
Beləliklə, Alamaniya Kubokunda 2025/2026-cı illər mövsümünün qalibi mayın 23-də “Bayern”lə “Ştutqart” arasında keçiriləcək final qarşılaşmasında bəlli olacaq.
Almaniya Kuboku Yarımfinal 22 aprel
Bayer – Bayern 0:2 Qollar: Harri Keyn, 22. Luis Dias, 90+3.
Bu gün futbol üzrə İspaniya çempionatında (La Liqa) 2025/2026-cı illər mövsümünün 33-cü turunun oyunlarına yekun vurulub.
Arena.az xəbər verir ki, sonuncu oyun günündə də üç qarşılaşma baş tutub.
“Levante” doğma meydanda “Sevilya”ya, “Rayo Valyekano” isə “Espanyol”a qalib gəlib. “Real Ovyedo” – “Vilyarreal” görüşündə qalib müəyyənləşməyib.
Beləliklə, cari mövsümdə 82 xal toplamış “Barselona” vahid liderdir. “Real” 73 xalla ikinci, “Vilyarreal” 62 xalla üçüncü pillədə qərarlaşıb. “Atletiko” 57, “Betis” 49, “Xetafe” və “Selta” 44, “Real Sosyedad” 42 xal toplayıb.
Bu gün futbol üzrə Türkiyə Kubokunda 2025/2026-cı illər mövsümünün 1/4 final mərhələsinin oyunlarına yekun vurulub.
Arena.az xəbər verir ki, sonuncu oyun günündə iki qarşılaşma baş tutub.
“Samsunspor” – “Trabzonspor” matçının əsas və əlavə vaxtında qapılara qol vurulmayıb. Qalib isə penaltilər seriyasında müəyyənləşib. 11 metrlik zərbələri daha dəqiq yerinə yetirmiş Trabzon təmsilçisi yarımfinala yüksəlib.
“Beşiktaş” isə “Alanyaspor”la oyunda darmadağına imza ataraq növbəti mərhələyə vəsiqə qazanıb.
Xatırladaq ki, daha öncə “Gənclərbirliyi” “Qalatasaray”, “Konyaspor” da “Fənərbağça”nı mübarizədən kənarlaşdıraraq yarımfinala yüksəlmişdilər.
Beləliklə, Türkiyə Kubokunda finala vəsiqə uğrunda “Beşiktaş” “Konyaspor”la, “Gənclərbirliyi” isə “Trabzonspor”la mübarizə aparacaq. Yarımfinal mərhələsinin oyunları mayın 13-də keçiriləcək. Final qarşılaşması isə mayın 24-də baş tutacaq.
Azərbaycan Respublikasının maliyyə naziri Sahil Babayev yenidən Azərbaycan Boks Federasiyasının prezidenti seçilib.
Arena.az xəbər erir ki, bu gün gənclər və idman naziri Fərid Qayıbovun iştirakı ilə Azərbaycan Boks Federasiyasının ümumi yığıncağı keçirilib.
Azərbaycan Boks Federasiyasının baş katibi Nağı Səfərov 2022-2026-cı illər ərzində federasiyada görülən işlərə dair hesabatı təqdim edib.
Bildirilib ki, Prezident İlham Əliyevin Azərbaycan idmanının inkişafına xüsusi qayğısı ölkə boksunun da yeni nailiyyətlər əldə etməsinə imkan verib. Boksçularımız son 4 ildə beynəlxalq yarışlarda 178-i qızıl, 165-i gümüş və 307-si bürünc olmaqla, ümumilikdə 650 medal qazanıb. Habelə bir neçə rəsmi yarışlarda yeni rekordlar müəyyənləşdiriblər. Gənc məşqçi və hakimlərin təcrübələrinin artırılması istiqamətində də mühüm addımlar atılıb, Bakı ilə yanaşı, bölgələrdə də boks idman növü üzrə maddi-texniki baza gücləndirilib.
Ardınca növbəti 4 il üçün federasiya rəhbərliyinə seçkilər keçirilib.
Səsvermənin nəticələrinə əsasən, Sahil Babayev yenidən Azərbaycan Boks Federasiyasının prezidenti, Natiq Həsənov və Vaqif Kazımov vitse-prezidentləri, Fuad Hacıyev və Rövşən Hüseynov İdarə Heyətinin üzvləri seçiliblər.
Sonda Sahil Babayev göstərilən etimada görə təşəkkürünü bildirib və federasiyanın qarşıdakı fəaliyyət planları barədə məlumat verib.
La Liqanın 33-cü turunun “Alaves”lə ev oyunu “Real”ın iki futbolçusu – Eder Militao və Arda Gülər üçün uğursuz yekunlaşıb.
Arena.az xəbər verir ki, Madrid təmsilçisi 2:1 hesablı qələbə qazandığı oyunda iki əsas futbolçusunu itirib.
Matçın ilk hissəsinin sonlarında zədə alan Militaoda sağ ayağın arxa bud əzələsinin zədəsi aşkarlanıb. Braziliyalı müdafiəçi cari mövsümdə artıq üçüncü dəfədir ki, zədə ilə üzləşir.
Arda Gülər də oxşar zədə səbəbindən qarşılaşmanın 58-ci dəqiqəsində meydanı tərk edib.
Klub artıq bu iki futbolçunun zədələndiyini rəsmən açıqlayıb. Onların mövsümün sonuna qədər “Real”a kömək edə bilməyəcəyi vurğulanır.
Xatırladaq ki, Arda cari mövsümdə meydana çıxdığı 50 oyunda 6 qol vurub, 14 məhsuldar ötürmə verib. Militao isə 21 oyunda 2 qol və 1 məhsuldar ötürmə ilə yadda qalıb.
Azərbaycanın qadın güləşi üzrə yığma komandasının üzvü Günay Qurbanova Avropa çempionatında bürünc medal qazanıb.
Arena.az xəbər verir ki, Albaniyanın paytaxtı Tiranada təşkil edilmiş güləş üzrə Avropa çempionatı davam edir.
Yarışın dördüncü günündə qadın güləşi üzrə Azərbaycan millisi ilk medalını qazanıb.
Günay Qurbanova (59 kq) bürünc medal uğrunda görüşdə belaruslu Marta Hetmanava ilə qarşılaşıb. Gərgin keçən qarşılaşmada 7:5 hesablı qələbəyə sevinmiş 18 yaşlı güləşçimiz fəxri kürsünün üçüncü pilləsinə yüksəlib. Bununla da o, böyüklər arasında Avropa çempionatında debütünü medalla qeyd edib.
Xatırladaq ki, Günay ötən gün debüt etdiyi qitə birinciliyinə 1/4 finaldan qoşulmuş və almaniyalı Elena Brügger üzərində inamlı qələbə qazanmışdı – 7:0. Həmyerlimiz yarımfinalda ukraynalı dünya ikincisi Mariya Vinniklə qarşılaşmışdı. Görüşün sonuncu dəqiqəsinədək hesabda 2:0 öndə olan güləşçimiz son saniyələrdə rəqibin fəndlərinin qarşısını ala bilməmişdi – 2:6.
Bu gün Azərbaycan Basketbol Liqasında (ABL) 2025/2026 mövsümünün yarımfinal mərhələsinin növbəti oyunu keçirilib.
Arena.az xəbər verir ki, ikinci oyun günündə də bir qarşılaşma baş tutub.
“Abşeron Lions” “Neftçi” ilə qarşılaşıb. Bakı İdman Sarayında baş tutmuş matç Abşeron təmsilçisinin qələbəsi ilə yekunlaşıb. “Neftçi” 89:95 hesablı məğlubiyyətə üzülüb.
Yarımfinal mərhələsinin ötən gün baş tutmuş ilk görüşündə “Sabah” “Gəncə”yə 96:67 hesablı qalib gəlmişdi.
Xatırladaq ki, ABL-in 2025/2026-cı illər mövsümünün reqlamentinə əsasən, yarımfinal mərhələsində iki qələbəyə daha tez çatan tərəf finala yüksələcək.
Azərbaycanın qadın güləşçiləri Jalə Əliyeva, Ruzanna Məmmədova və Birgül Soltanova Avropa çempionatında bürünc medal qazana bilərlər.
Arena.az xəbər verir ki, Albaniyanın paytaxtı Tiranada təşkil edilmiş güləş üzrə Avropa çempionatı davam edir.
Dördüncü yarış günündə qadın güləşi üzrə Azərbaycan millisinin son 3 üzvü mübarizəyə qoşulub.
Jalə Əliyeva (57 kq) almaniyalı Amori Andrixə və inlandiyalı Yenna Hemiaeyə “tuş”la qalib gələrək yarımfinala yüksəlib. Finalın bir addımlığında türkiyəli Elvira Kamaloğluna 2:6 hesabıyla məğlub olan Əliyeva sabah bürünc medal uğrunda Tamara Dollak (Macarıstan) – Arina Demçanka (Belarus) qarşılaşmasının qalibiylə güləşəcək.
Ruzanna Məmmədova (62 kq) ukraynalı İlona Prokopevniuka tam üstünlüklə (10:0) qalib gəlsə də, 1/4 finalda rusiyalı Amina Tandelovaya məğlub olub – 0:5. Ruzanna sabah bürünc medal görüşündə almaniyalı Naemi Laystnerlə üz-üzə gələcək.
Birgül Soltanova (65 kq) rumıniyalı 4 qat Avropa mükafatçısı Krista İntseyə 3:1 hesabıyla qalib gələrək adını yarımfinala yazdırıb. Həmyerlimiz finala yüksəlməyə də çox yaxın olub. Rusiyalı dünya ikincisi Alina Kasabiyeva ilə görüşdə 8:0 hesablı üstünlük əldə edən Soltanova tədricən təşəbbüsü əldən verib və minimal fərqlə (10:11) məğlub olub. Birgül sabah bürünc medal uğrunda türkiyəli Beyza Akkuşla güləşəcək.
Bu gün futzal üzrə Azərbaycan çempionatında (Yüksək Liqa) 2025/2026-cı illər mövsümünün 17-ci turunun oyunları keçirilib.
Arena.az xəbər verir ki, turun hər iki oyunu eyni gündə “Olimpik Star”da keçirilib.
“Araz-Naxçıvan” “Şuşa”nı sınağa çəkib. “Neftçi” İK isə U-19 millimizlə üz-üzə gəlib. Hər iki görüşdə favoritlər darmadağına seviniblər.
“Baku Fire” isə 3 xalı meydana çıxmadan qazanıb. Belə ki, “Lənkəran” komandası çempionatdakı çıxışını dayandırdığına görə, rəqibinə avtomatik qələbə yazılıb.
Yüksək Liqa 17-ci tur 23 aprel
Araz-Naxçıvan – Şuşa 18:1 Qollar: Ədalət Ələkbərov, 1:29; 7:42; 36:48; 37:10. Felipe De Lima, 4:05. Ülvi Əliyev, 6:46; 19:50; 28:18. Covanni, 17:49. Peruzzo, 19:28; 21:58. Aleks, 24:47; 25:11. Əmirhüsseyn Rasuli, 25:23; 26:45. Mirzə Əmirov, 29:33. Teyşeyra Barbosa, 29:58; 38:18 – Elmin Qaçaylı, 35:36. Hakimlər: Knyaz Əmiraslanov, Kənan Məlikov, Nihad Bağırov. Hakim-inspektor: Ramiz Əsədov. Bakı. “Olimpik Star”. Saat 15:30.
Futbol üzrə Azərbaycan Kubokunun 2025/2026-cı illər mövsümünün finalında “Zirə” və “Sabah” komandaları üz-üzə gələcəklər.
Arena.az xəbər verir ki, “Zirə” yarımfinalda “Turan Tovuz”u (2:0, 0:0), “Sabah” “Qarabağ”ı (2:2, 2:1) mübarizədən kənarlaşdırıb.
Qəsəbə klubu tarixində 3-cü dəfə finala yüksəlib. Zirənin eyniadlı təmsilçisi 2021/2022 və 2023/2024 mövsümlərində həlledici matçın iştirakçısı olub.
“Sabah” isə həm tarixində, həm ardıcıl ikinci dəfə finalda oynayacaq. Ötən mövsümün qalibi titulunu qorumağa çalışacaq. Mayın 13-də qarşılaşacaq rəqiblərin əvvəlki final oyunlarında eyni komanda ilə – “Qarabağ”la qarşılaşıblar.
Ümumilikdə isə 1992-ci ildən keçirilən yarışda 19 komanda final oynayıb: “Qarabağ” – 12, “Neftçi” – 11, “Şamaxı” – 6, “Xəzər Lənkəran”, “Qəbələ” – 5, “Kəpəz” – 4, “Bakı”, “Zirə” – 3, “Kür Nur”, “Şəmkir”, “Sumqayıt”, “Sabah” – 2, “İnşaatçı”, “Şəfa”, Xəzri”, “MKT-Araz”, “Karvan”, “Xəzər” L, “İnşaatçı” Sb – 1.
AFFA Hakimlər Komitəsinin sədri Rəhim Həsənov Azərbaycan Kubokunun yarımfinal mərhələsindəki mübahisəli epizodlara şərh verib.
Arena.az xəbər verir ki, komitə sədri ənənəyə uyğun olaraq, yarımfinalın cavab oyunlarında qeydə alınmış mübahisəli epizodlarla da bağlı fikirlərini bildirib.
Rəhim Həsənov “Sabah” – “Qarabağ” oyununda baş hakimin epizodlarda doğru qərar verdiyini təsdiqləyib. O, “Qarabağ”ın qapıçısı Mateus Koxalskiyə haqlı olaraq qırmızı vərəqə verildiyini bildirib. Hakimlər Komitəsinin sədri görüşün sonundakı epizodda penalti olmadığını da vurğulayıb.
Xatırladaq ki, “Sabah” – “Qarabağ” oyununun baş hakimi Rəvan Həmzəzadə olub. Qarşılaşma “bayquşlar”ın 2:1 hesablı əzmkar qələbəsi ilə yekunlaşıb. İlk oyunda 2:2 hesablı heç-heçə qeydə alındığı üçün, “Sabah” finala çıxan tərəf olub.
Digər yarımfinal cütündə isə “Zirə” “Turan Tovuz”u iki oyunun cəmində üstələyib – 2:0, 0:0.
Azərbaycan Kubokunun final görüşü mayın 13-də “Sabah”la “Zirə” arasında keçiriləcək.
Azərbaycanın voleybol üzrə qadınlardan və kişilərdən ibarət milli komandalarının Avropa Liqasındakı oyun təqvimi açıqlanıb.
Arena.az xəbər verir ki, bu barədə Azərbaycan Voleybol Federasiyasının mətbuat xidməti məlumat yayıb.
Yığmalarımız iyunda müxtəlif ölkələrdə keçiriləcək mərhələlərdə qüvvələrini sınayacaqlar.
Komandalar turnirə səfər oyunları ilə start verəcəklər.
Qadınlar
5–7 iyun 2026 (Azərbaycan) 05.06.2026. Saat 18:00. İsveç – Azərbaycan 06.06.2026. Saat 18:00. Estoniya – İsveç 07.06.2026. Saat 18:00. Azərbaycan – Estoniya
12–14 iyun 2026 (İspaniya) 12.06.2026. Saat 19:30. Şimali Makedoniya – İspaniya 13.06.2026. Saat 18:30. Azərbaycan – Şimali Makedoniya 14.06.2026. Saat 18:00. İspaniya – Azərbaycan
19–21 iyun 2026 (Şimali Makedoniya) 19.06.2026. Saat 18:00. Azərbaycan – İsrail 20.06.2026. Saat 18:00. İsveçrə – Azərbaycan 21.06.2026. Saat 18:00. İsrail – İsveçrə
Kişilər
5–7 iyun 2026 (İsveç) 05.06.2026. Saat 18:00. Yunanıstan – İsveç 06.06.2026. Saat 16:00. Azərbaycan – Yunanıstan 07.06.2026. Saat 16:00. İsveç – Azərbaycan
12–14 iyun 2026 (Rumıniya) 12.06.2026. Saat 19:00. Azərbaycan – Rumıniya 13.06.2026. Saat 19:00. İspaniya – Azərbaycan 14.06.2026. Saat 19:00. Rumıniya – İspaniya
19–21 iyun 2026 (Azərbaycan) 19.06.2026. Saat 18:00. Macarıstan – Azərbaycan 20.06.2026. Saat 18:00. Portuqaliya – Macarıstan 21.06.2026. Saat 18:00. Azərbaycan – Portuqaliya
“Barselona”nın 18 yaşlı ispaniyalı sağ cinah hücumçusu Lamin Yamal zədə səbəbindən 2025/26 mövsümünü erkən başa vurub.
Arena.az xəbər verir ki, yeniyetmə futbolçu ötən gecə La Liqa çərçivəsində “Selta”ya qarşı keçirdikləri oyunda zədələnib.
18 yaşlı futbolçu matçın 40-cı dəqiqəsində penaltidən fərqlənsə də, ilk hissənin sonuna qədər oynaya bilməyib və baş məşqçi Hansi Flik onu əvəzləmək məcburiyyətində qalıb. İlkin müayinələr Yamalda arxa bud əzələsinin qopduğunu göstərib.
Matçdan sonra Hansi Flik ispan futbolçunun zədəsi barədə bunları söyləyib:
“Sabah dəqiq diaqnozu biləcəyik, ona görə, gözləməliyik. Yamal bizim üçün çox vacib oyunçudur. Eyni sözləri Joao Kanselo haqqında da deyə bilərəm. Təəssüf ki, belə hallar olur. Yamal zədəlidir, Kanselo da həmçinin. Rafinya, Mark Bernal və Andreas Kristensen isə daha əvvəl sıradan çıxıb. Zədə alan futbolçulara həmişə üzülürəm. Onların nələr yaşadığını bilirəm”.
Artıq “Barselona” ispan vingerin zədəsi barədə rəsmi açıqlama da yayıb. Xəbərdə bildirilir ki, ətraflı müayinələr nəticəsində futbolçunun dizaltı vətərinin zədələndiyi təsdiqlənib. İspaniyalı hücumçu cari mövsümün qalan hissəsində komandasına kömək edə bilməyəcək. Klubun tibbi heyəti tərəfindən Yamalın konservativ müalicə alacağı vurğulanır.
Yamalın bu zədə səbəbindən DÇ-2026-nı buraxması ehtimalı da var. Amma gənc vingerin dünya çempionatına qədər tam bərpa olunacağı gözlənilir.
Xatırladaq ki, “Selta” ilə qarşılaşma “Barselona”nın 1:0 hesablı qələbəsi ilə yekunlaşıb.
Toni Kroosa görə dünyanın ən böyük istedadı
Bu arada “Real”ın almaniyalı keçmiş yarımmüdafiəçisi Toni Kroos Lamin Yamaldan söhbət açıb. Keçmiş futbolçunun müvafiq fikrini təqdim edirik:
“Lamin Yamal hal-hazırda dünya futbolunda ən böyük istedaddır”, deyə Kroos vurğulayıb.
Qeyd edək ki, Lamin Yamal “Barselona”nın məzunudur. İstedadlı gənc 2022/2023-cü illər mövsümündən Kataloniya təmsilçisinin əsas komandasında çıxış edir. Yamalın “Barselona” ilə müqaviləsinin müddəti 2031-ci ilin iyun ayının sonuna qədər qüvvədədir.
Yamal cari mövsümdə “blauqrana”nın heyətində 45 oyuna çıxıb. O, bu oyunlarda 24 qol və 18 məhsuldar ötürmə ilə fərqlənib.
Lamin Yamalın “Barselona”da çıxışının ümumi mənzərəsi 151 oyun, 49 qol və 52 məhsuldar ötürmədən ibarətdir.
Yamal 2023-cü ilin sentyabr ayında debüt etdiyi İspaniya yığma komandasının heyətində 25 oyun keçirib, 6 qol vurub, 12 məhsuldar ötürmə verib.
Yamalın qənimətlər muzeyində “Barselona” ilə qazandığı İspaniya La Liqası (2022/2023, 2024/2025), İspaniya Kral Kuboku (2024/2025) və İspaniya Super Kuboku (2024/2025) var. Həmçinin Yamal İspaniya yığması ilə AÇ-2024-ün qalibi olub.
“Transfermarkt” internet-portalı 18 yaşlı ispaniyalı sağ cinah hücumçusunun transfer dəyərini 200 milyon avro məbləğində qiymətləndirir.
“Börnli” komandası 2025/2026-cı illər mövsümünün nəticələrinə əsasən futbol üzrə İngiltərə Premyer Liqasını tərk edəcək.
Arena.az xəbər verir ki, ötən gecə İngiltərə Premyer Liqasını tərk edəcəyi dəqiqləşən ikinci komanda məlum olub.
Belə ki, Premyer Liqanın 34-cü turunda doğma meydanda “Mançester Siti”yə 0:1 hesabıyla məğlub olmuş “Börnli”nin elitadan düşəcəyi dəqiqləşib.
Bu komanda 34 turdan sonra 20 xalla 17-ci sırada qərarlaşıb. Keçirdiyi 34 oyunda cəmi 4 qələbə qazanmış kollektivin 8 heç-heçəsi də var. Qalan 22 oyunda isə məğlubiyyət qeydə alınıb.
Xatırladaq ki, daha əvvəl “Vulverhempton”un da Premyer Liqanı tərk edəcəyi dəqiqləşmişdi. “Canavarlar” 33 oyunda 3 qələbə qazanıb, 8 heç-heçə edib, 22 məğlubiyyətə üzülüblər. Hazırda bu komandanın hesabında 17 xal var və sonuncu pillədə qərarlaşıb.
Premyer Liqanı tərk etməyə digər əsas namizəd isə “Tottenhem”dir. London təmsilçisi hazırda 31 xalla 18-ci sırada qərarlaşıb. “Vest Hem”in 33, “Nottingem Forest”in 36, “Lids”in 40 xalı var.
Azərbaycanlı hücumçu Nəriman Axundzadə ABŞ klubu “Kolumbus Kru”nun “Los Anceles Qalaksi”yə qarşı oyununda iştirak etməyib.
Arena.az xəbər verir ki, sözügedən komanda bu gün MLS-in növbəti turu çərçivəsində “Los Anceles Qalaksi”ni qəbul edib.
Üç qolun qeydə alındığı oyun Ohayo təmsilçisinin qələbəsi ilə yekunlaşıb – 2:1. ABŞ klubunda 90 nömrəli formanı seçmiş Nəriman bu görüşü sonadək ehtiyat oyunçular skamyasından izləyib.
“Kolumbus Kru” MLS-in cari mövsümündə keçirdiyi 9 oyundan sonra 9 xalla Şərq Konfransının yarış cədvəlində 15 iştirakçı arasında 9-cu pillədə qərarlaşıb. Nərimanın komandası 9 oyunda cəmi 2 qələbə qazanıb, 3 heç-heçə edib, 4 məğlubiyyətə üzülüb.
Xatırladaq ki, Nəriman Axundzadə bu ilin fevral ayında “Qarabağ”dan 2,5 milyon avro müqabilində “Kolumbus Kru”ya keçib. O, Ohayo ştatını təmsil edən klubla 3,5 illik müqaviləyə imza atıb. Azərbaycanlı futbolçu MLS klubunun heyətində 4 oyun keçirsə də, fərqlənə bilməyib.
“Qarabağ”ın yetirməsi hesab olan Nəriman Axundzadə 2023-cü ildən Ağdam klubunun əsas komandasında çıxış edirdi. Sağ cinah vingeri “Qarabağ”ın əsas komandasında 127 oyuna çıxıb. O, bu oyunlarda 35 qola imza atıb, 17 məhsuldar ötürmə müəllifi olub.
Azərbaycanın U-19 və U-21 yığmalarında da forma geyinmiş hücumçu 2023-cü ildə əsas millimizdə debüt edib. O, Azərbaycan yığmasının heyətində keçirdiyi 13 oyunda məhsuldar fəaliyyəti ilə diqqət çəkməyib.
Yunan-Roma güləşi üzrə 2 qat Avropa çempionu olmuş Qurban Qurbanov (82 kq) Tiranadakı yarışla bağlı təəssüratlarını bölüşüb.
Arena.az xəbər verir ki, o, Azərbaycan Güləş Federasiyasının rəsmi saytına açıqlamasında bunları söyləyib:
“İndiki keçid dövrümdə titulu qorumaq daha çətin oldu. Ötən il Avropa çempionu olduqdan sonra ardıcıl ağır zədələr aldım. Hər iki çempionluğum mənə əzizdir. Sözsüz, çempion kimi çıxış edəndə məsuliyyət daha çox olur. Həsrət Cəfərov bu yarışda 4-cü dəfə Avropa çempionu oldu. Əlbəttə, aramızda xoş bir rəqabət var. Biz də istəyirik ki, bundan da böyük uğurlar qazanaq. Özümü, Həsrəti, bütün komandanı təbrik edirəm”.
Xatırladaq ki, 82 kq çəki dərəcəsində yarışan Qurban Qurbanov Albaniyanın paytaxtı Tiranada təşkil edilmiş Avropa çempionatında bolqarıstanlı Svetoslav Nikolov (7:3) və moldovalı Mihail Braduya (5:4) qalib gələrək yarımfinala yüksəlib. Qurbanov finalın bir addımlığında gürcüstanlı dünya və Avropa mükafatçısı Gela Bolkvadzeni üstələyib – 2:1. Qurbanov həlledici görüşdə rusiyalı Adlet Tyulbayevlə üz-üzə gəlib. Güləşçimiz 4:2 hesablı qələbəylə titulunu qoruyub.
2025/2026-cı illər mövsümündəki uğurlu çıxışı ilə diqqət mərkəzində olan “Sabah” Azərbaycan kubokunda 20-ci ev qoluna imza atıb.
Arena.az Peşəkar Futbol Liqasının (PFL) rəsmi saytına istinadən xəbər verir ki, bu topu Velko Simiç vurub.
O, yarımfinalın “Qarabağ”la cavab görüşündə (2:1) hesabı bərabərləşdirib.
Bakı klubu ölkə kuboku tarixinə evdə 20 və daha çox qol vurmuş 30-cu komanda kimi düşüb. 13-cü ev görüşünə çıxan “Sabah” qol sayını 21-ə çatdırıb. Orta məhsuldarlıq 1,62-yə bərabərdir.
Qeyd edək ki, Azərbaycan Kuboku çərçivəsində evdə ən çox qola imza atmış komanda “Qarabağ”dır. Ağdam təmsilçisi 193 dəfə fərqlənib.
“Qarabağ” üzərindəki qələbə ilə (2:1, ilk oyun 2:2) finala yüksəlmiş “bayquşlar” finalda “Zirə” ilə üz-üzə gələcəklər. Həlledici oyun mayın 13-də keçiriləcək.
Login
