2026/2027-ci illər mövsümündə Azərbaycan Premyer Liqasında çıxış edəcək “Şəfa” Nahid Əliyev ilə müqavilənin müddətini uzadıb.

Arena.az xəbər verir ki, bu barədə paytaxt klubunun mətbuat xidməti məlumat yayıb.

21 yaşlı futbolçu ilə 1 illik müqavilə imzalanıb. Əvvəlki müqavilənin müddəti bu yay bitirdi.

Azərbaycanın U-21 millisinin üzvü olan Nahid Əliyev 2025-ci ilin yayından “Şəfa”nın heyətində çıxış edir. O, karyerası ərzində Azərbaycanda “Mingəçevir” və “Turan Tovuz”un da formasını geyinib.

“Şəfa” daha öncə Tərlan Quliyev, Elnur Cəfərov və Ramin Nəsirli ilə də yeni müqavilə bağlamışdı. Rauf Hüseynli, Nicat Mehbalıyev, Arsen Ağcabəyov, Murad Musayev və Məmməd Hüseynovu heyətinə qatmış paytaxt klubu Əli Həsənli, Zahid Mərdanov, Emin Zamanov, Hüseyn Mürsəlov, Aqil Nəsibov, Amir Ebrahimzade, Seymur Rəhimov, Elvin İsmayılov, İbrahim Əliyev, Novruz Məmmədov, Aqşin Paşayev, Ürfan İsmayılov, Rəvan Kazımov, Vüqar Həsənov və Ruslan Hacıyevlə də yollarını ayırıb.

Azərbaycanlı qrossmeyster Aydın Süleymanlı şahmat üzrə 16-cı dünya çempionu Maqnus Karlsen üzərində möhtəşəm qələbə qazanıb.

Arena.az bu barədə Azərbaycan Şahmat Federasiyasına istinadən xəbər verir.

Belə ki, Honkonqda keçirilən partiya rapid və blits üzrə komandalararası dünya çempionatı çərçivəsində baş tutub.

Yekunda Azərbaycanın “Odlar Yurdu” komandası Maqnus Karlsenin çıxış etdiyi, turnirin əsas favoritlərindən biri olan “WR Chess” üzərində qələbə qazanıb – 3,5:2,5.

Qeyd edək ki, “WR Chess”in heyətində Maqnus Karlsen, Fabiano Karuana, Uesli So, Maksim Vaşye-Laqrav və bir sıra digər tanınmış qrossmeysterlər mübarizə aparır. Heyəti əsasən gənc şahmatçılardan formalaşmış “Odlar Yurdu” hazırda 15 xalla 8-ci pillədə qərarlaşıb.

Azərbaycanı turnirdə Rauf Məmmədov, Aydın Süleymanlı, Əhməd Əhmədzadə, Xəzər Babazadə, Vüqar Manafov, Günay Məmmədzadə və Murad Həşimov təmsil edirlər. Rauf Məmmədov eyni zamanda kapitan funksiyasını yerinə yetirir. AŞF-nin baş katibi İlahə Qədimova isə dünya çempionatında baş hakimin müavini kimi fəaliyyət göstərir.

Qeyd edək ki, 22 iyuna qədər davam edəcək yarışın qaydalarına əsasən heyətdə 5 kişi, 1 qadın və 1 həvəskar şahmatçı çıxış etməlidir.

Kanada millisinin yarımmüdafiəçisi İsmael Kone dünya çempionatının qrup mərhələsinin 2-ci turunda Qətərlə oyunda ciddi zədə alıb.

Arena.az xəbər verir ki, Vankuverdə keçirilmiş qarşılaşmanın 52-ci dəqiqəsində, hesab 3:0 Kanada komandasının xeyrinə olarkən, Qətər millisinin müdafiəçisi Asim Madibo Koneyə qarşı kobud qayda pozuntusuna yol verib.

Bundan sonra həkimlər dərhal meydana daxil olaraq futbolçuya ilkin yardım göstəriblər. Zədənin ağırlığı səbəbindən Kone meydanı xərəkdə tərk edib. Hadisədən sonra futbolçular arasında gərginlik yaşanıb və qısa müddətli qarşıdurma baş verib.

Kanada yığmasının bəzi üzvləri zədə alan komanda yoldaşına görə göz yaşlarını saxlaya bilməyiblər. Zədənin həddən artıq ciddi olması səbəbindən matçın yayımı zamanı epizodun təkrarının göstərilməməsi qərara alınıb. Çünki qayda pozuntusu zamanı Konenin ayağı qırılıb.

Baş hakim qayda pozuntusuna görə Madibonu birbaşa qırmızı vərəqə ilə meydandan kənarlaşdırıb. Qətər millisi oyunu doqquz nəfərlə davam etdirmək məcburiyyətində qalıb. Belə ki, bundan əvvəl komandanın digər üzvü Homam Əl-Əmin də qırmızı vərəqə alaraq meydandan qovulmuşdu.

İtaliyanın “Sassuolo” klubunun formasını geyinən İsmael Kone ağır zədə səbəbindən ən qısa zamanda əməliyyat olunacaq. Onun bərpa müddəti dəqiq bilinməsə də, bu dünya çempionatında bir daha oynamayacağı dəqiqdir.

Qeyd edək ki, ABŞ, Kanada və Meksikanın birgə ev sahibliyi etdiyi dünya çempionatı iyulun 19-da başa çatacaq.

Türkiyə milli komandasının sabiq futbolçusu Caner Erkin karyerasını bitirib.

Futbolpress.az xəbər verir ki, bu barədə 37 yaşlı müdafiəçi özü açıqlamasında bildirib.

Son klubu “Sakaryaspor” olan Caner Türkiyədə “Qalatasaray”, “Fənərbağça”, “Beşiktaş”, İtaliyada “İnter” kimi komandalarda forma geyinib.

Erkin Türkiyə yığmasında 63 oyunda 2 qol vurub.

“Qarabağ” akademiyasının daha bir neçə futbolçusu Avropa klubunun diqqət mərkəzinə düşüb.

Bu barədə akademiyanın meneceri Nail Kərimov “Futbolpress.az“a açıqlamasında bildirdi. O, artıq Əli Bəşirov və daha bir neçə oyunçu üçün rəsmi müraciət aldıqlarını qeyd etdi:

“Hazırda təcrübə proqramları ilə bağlı konkretləşmiş plan yoxdur, amma bu istiqamətdə işlər gedir. Biz tərəfdən açığı, xüsusi təşəbbüs yoxdur. Bu yaxınlarda Əli Bəşirov və daha bir neçə futbolçu üçün müraciət oldu. Onları görüb, bəyəniblər. Danışıqlar nəticə versə, klubun da adı açıqlanacaq. İndi bu haqda danışmaq tezdir”.

Kərimoz Fransanın “Strasburq” klubunda baxışda olan Bəşirovla bağlı fikirlərini bölüşdü:

“Əli Bəşirovun “Strasburq”a transferi aktual deyil. Gedişi təcrübə proqramına görə idi. Məqsəd təcrübə keçməsi, ordakı durumla tanış olması idi. “Strasburq” klubunun da təəssüratları müsbətdir. Əlinin 18 yaşının tamam olmasına hələ var. Bu kimi səfərlər tanışlıq məqsədi daşıyır. Keçid gündəmdə deyil. Ola bilsin, bu məsələyə yaxın gələcəkdə qayıdılsın”.

Şahin Cəfərov

“Real”ın yeni transferi Mark Kukurelya açıqlama verib.

Futbolpress.az insayder Fabrizio Romanoya istinadən xəbər verir ki, sabiq “Barselona”lı cinah oyunçusu bunları deyib:

“Barselona” azarkeşləri mənə qəzəblidir? Heç kim “Real”a yox deyə bilməz. Verdiyim qərardan çox xoşbəxtəm”.

Kukurelya “Barselona”nın yetirməsidir. O, müxtəlif vaxtlarda “Xetafe”, “Eybar”, “Brayton”da çıxış edib. İspan futbolçu ötən həftə “Çelsi”dən “Real”a keçib.

İngiltərə Premyer Liqasında 2026/27 mövsümünün təqvimi açıqlanıb.

Futbolpress.az xəbər verir ki, son çempion “Arsenal” birinci turda debütant “Koventri” ilə qarşılaşacaq.

Mövsümə 21 avqustda start veriləcək.

İngiltərə Premyer Liqası
I tur

21 avqust

Arsenal – Koventri

22 avqust

Hall Siti – Mançester Yunayted
Everton – Kristal Pelas
İpsviç – Sanderlend
Nottingem Forest – Lids
Brentford – Tottenhem

23 avqust

Brayton – Aston Villa
Mançester Siti – Bornmut
Nyukasl – Liverpul

24 avqust

Fulhem – Çelsi

“Şahdağ Qusar” yeni mövsüm üçün heyətini formalaşdırmağa davam edir.

Futbolpress.az xəbər verir ki. bölgə təmsilçisi futbolçusu Aqostinyo Çipesse ilə yeni müqavilə imzalayıb. Bu barədə klubun mətbuat xidməti məlumat yayıb. Anqolalı yarımmüdafiəçi növbəti mövsümü “Şahdağ Qusar”ın heyətində keçirəcək.

Qeyd edək ki, Çipesse yanvar ayından komandanın formasını geyinir.

“Şahdağ Qusar” yeni mövsümdə I Liqada mübarizə aparacaq.

“Liverpul” “Leypsiq”ə cinah oyunçusu Yann Diomande üçün təxminən 100 milyon avro ödəməyə hazır olduqlarını bildirib. Msport.az xəbər verir ki, “Liverpul” […]

Source

“Çelsi”dən “Real”a keçən Mark Kukurelya “Barselona” azarkeşlərinin narazılığına və tənqidlərinə münasibət bildirib. Msport.az xəbər verir ki, 27 aşlı müdafiəçi 2016-17-ci […]

Source

Xorvatiyalı müdafiəçi Luka Dumançiç bundan sonra Azərbaycan Premyer Liqasında çıxış edən “Araz-Naxçıvan”ın uğurları üçün çalışacaq.

Arena.az bu barədə Naxçıvan klubunun mətbuat xidmətinə istinadən xəbər verir.

Buldirilir ki, 27 yaşlı mərkəz müdafiəçisi yeni mövsümdə Naxçıvanın komandasının formasını geyinəcək. Onunla anlaşmanın müddəti 1 illikdir (2027-ci ilin 30 iyununa qədər).

Karyerası ərzində “Albalonqa”, “Leççe”, “Stabya”, “Qozanno”, “Lukkeze”, “İnter” (Zapreviç), “Rudeş”, “Solin”, “Nafta 1903”, “Jalgiris” klublarında çıxış etmiş mərkəz müdafiəçisi son 5 ayda İndoneziyanın “Persis” komandasının formasını geyinib.

Luka Dumançiç 2016-cı ildə Xorvatiyanın U-19 komandasında 1 oyun keçirib. Lakin ona əsas millidə debüt qismət olmayıb.

Qeyd edək ki, “Araz-Naxçıvan” buna qədər Tərlan Əhmədli, Ömər Buludov, Slavik Alxasov, İbrahim Piriyev və Ülvi İsgəndərovla yeni müqavilə imzalamışdı. Dumançiç isə yay fasiləsində komandanın ilk transferidir.

Ramon Maçado, Hamidu Keyta, Bar Kohen, Nuno Rodriqes, Rahil Məmmədov, Bəxtiyar Həsənalızadə, Coşqun Diniyev, Kristian Avram, Felipe Santos və Ba-Muaka Simakala da komandanı tərk ediblər.

Bu yay “Şahdağ Qusar”dan ayrılmış Elnur Abdullayev bundan sonra Birinci Liqada mübarizə aparan “Səbail”ə rəhbərlik edəcək.

Arena.az bu barədə paytaxt klubunun mətbuat xidmətinə istinadən xəbər verir.

Belə ki, 40 yaşlı mütəxəssis “dənizçilər”lə 3 illik müqaviləyə imza atıb. Onun qarşısına çempionluq və Premyer Liqaya vəsiqə hədəfi qoyulub.

Xatırladaq ki, Elnur Abdullayevin son iş yeri 2-ci Liqada çempion olduğu “Şahdağ Qusar” komandası olub. Lakin o, mövsüm bitən kimi gözlənilməz şəkildə istefaya göndərilmişdi. Qusar klubu onu bu postda Füzuli Məmmədovla əvəz edib.

Elnur Abdullayev isə “Səbail”də ötən gün istefası açıqlanmış Adil Şükürovu əvəzləyib. Şükürov ötən ilin noyabrından “Səbail”də işləyirdi. Onun rəhbərliyi altında komanda Birinci Liqanın 2025/2026-cı illər mövsümünü 3-cü pillədə başa vurub və əsas tapşırığın (Premyer Liqaya vəsiqə qazanmaq) öhdəsindən gələ bilməyib.

Bir neçə gün öncə “Səbail”in rəhbərliyində də dəyişiklik qeydə alınıb. Belə ki, İdarə Heyətinin qərarına əsasən, Mirzə Bayrampur klubun prezidenti vəzifəsinə təyin olunub.

“Şəfa” FK futbolçusu Nahid Əliyev ilə müqavilə müddətini uzadıb.

Futbolpress.az xəbər verir ki, bu barədə klubun mətbuat xidməti məlumat yayıb. 21 yaşlı yarımmüdafiəçi yeni 1 illik anlaşmaya imza atıb.

U-21 millimizin üzvü olan Nahid Əliyev 2025-ci ilin yayından “Şəfa”nın heyətində çıxış edir.

O, karyerası ərzində Azərbaycanda “Mingəçevir” və “Turan Tovuz”un da formasını geyinib.

Azərbaycan cüdoçuları Monqolustanın paytaxtı Ulan-Batorda keçirilən “Böyük Dəbilqə” turnirinin ilk gününü iki medalla başa vurub.

Futbolpress.az xəbər verir ki, 60 kq-da mübarizə aparan Balabəy Ağayev qızıl, 66 kq-da yarışan Nizami İmanov isə bürünc medal qazanıb.

“Böyük Dəbilqə” iyunun 21-də başa çatacaq. Azərbaycan yarışda 17 idmançı ilə təmsil olunur.

Azərbaycanlı qrossmeyster Aydın Süleymanlı şahmat üzrə 16-cı dünya çempionu Maqnus Karlsen üzərində möhtəşəm qələbə qazanıb.

Futbolpress.az xəbər verir ki, Honkonqda keçirilən partiya rapid və blits üzrə komandalararası dünya çempionatı çərçivəsində baş tutub.

Aydın Süleymanlı dünya reytinqinin liderinə qalib gəlməklə şahmat mediasının diqqətini cəlb edib. Yekunda Azərbaycanın “Odlar Yurdu” komandası Maqnus Karlsenin çıxış etdiyi turnirin əsas favoritlərindən biri olan “WR Chess” üzərində qələbə qazanıb 3,5:2,5.

Qeyd edək ki, “WR Chess”in heyətində Maqnus Karlsen, Fabiano Karuana, Uesli So, Maksim Vaşye-Laqrav və bir sıra digər tanınmış qrossmeysterlər mübarizə aparır.

Hazırda daha çox gənc şahmatçılardan formalaşan “Odlar Yurdu” komandasının 15 xalı var və 8-ci pillədə qərarlaşıb.

“Qarabağ”ın futbolçusu Kamilo Durana təkliflər var.

Futbolpress.az xəbər verir ki, Meksikadan “Krus Asul” və Braziliya ilə Portuqaliyadan bir neçə klub 24 yaşlı hücumçunun transferində maraqlıdır. Bu barədə Kolumbiya mətbuatı məlumat yayıb.

Duran ötən mövsüm “Qarabağ”da 48 oyunda 15 qol vurub, 10 məhsuldar ötürmə edib.

“Araz-Naxçıvan” xorvatiyalı müdafiəçi ilə anlaşıb.

Futbolpress.az xəbər verir ki, 27 yaşlı Luka Dumançiç yeni mövsümdə “qırmızılar”ın formasını geyinəcək. Onunla anlaşma 1 illikdir.

Karyerası ərzində “Albalonqa”, “Leççe”, “Stabya”, “Qozanno”, “Lukkeze”, “İnter” (Zapreviç), “Rudeş”, “Solin”, “Nafta 1903”, “Jalqiris” klublarında çıxış edən mərkəz müdafiəçisi son 5 ayda İndoneziyanın “Persis” komandasının formasını geyinib. O, 2016-cı ildə Xorvatiyanın U-19 komandasında 1 oyun keçirib.

Qeyd edək ki, “Araz-Naxçıvan” buna qədər Tərlan Əhmədli, Ömər Buludov, Slavik Alxasov, İbrahim Piriyev və Ülvi İsgəndərovla yeni müqavilə imzalayıb.

Bu gün 2028-ci ildə keçiriləcək futzal üzrə dünya çempionatının Avropa zonası üzrə əsas mərhələsinin püşkü atılıb.

Futbolpress.az xəbər verir ki, 12-ci qrupda yer alan millimiz Çexiya və Latviya ilə qarşılaşacaq. Kapitan Emin Kürdov komandanın şanslarını dəyərləndirib:

“Çexiya ilə 2 il əvvəl yoldaşlıq oyunlarında qarşılaşmışıq. Düzdür, həmin matçlarda uduzmuşuq, ancaq rəsmi oyunların tapşırığı fərqli olur. Həmin görüşlər də göstərdi ki, Bakıdakı matçda qrupun favoriti hesab edilən çexlərlə başabaş mübarizə aparmaq olar. Bəlkə səfərdə də bunu etmək mümkündür. Onlarda da nəsildəyimə prosesi gedir, gənc futzalçılar komandaya cəlb olunur. Hər şey hazırlıqdan, həmin oyunlar ərəfəsindəki futzalçıların durumundan asılı olacaq. Latviya ilə son illərdə klub səviyyəsində qarşılaşmışıq. Təbii ki, Çexiya millisi onlardan çox güclü rəqibdir. Belə deyim də, normal qrupa düşmüşük. Hər biri ilə oynamaq və meydandan xalla ayrılmaq olar. Çalışacağıq ki, minimum tapşırığı – pley-offa vəsiqəni qazanaq.

Yenə deyirəm, yaxşı hazırlıq prosesi keçməli, yoldaşlıq oyunlarında gücümüzü sınamalıyıq. Sonuncu dəfə apreldə Qazaxıstan millisi ilə qarşılaşmışıq. Rəsmi görüşlərə qədər azı 2 oyun da keçirmək lazımdır. Hazırlıq, yanaşma necə olacaqsa, nəticə də ona uyğun olacaq. Komanda yoldaşlarıma inanıram. Mübariz kollektivimiz var. Qalır yaxşı hazırlaşmaq, tapşırıqları meydanda düzgün yerinə yetirmək. İnanıram ki, Azərbaycan millisi yenidən elit-raunda vəsiqə qazanacaq. Təbii ki, bu yolda azarkeşlərimiz də bizə dəstək olmalı, hər zamankı kimi zalda varlıqlarını hiss etdirməlidirlər”.

“Sabah” Basketbol Klubu Ceyms İds ilə yollarını ayırıb.

Futbolpress.az xəbər verir ki, oyunçunun müddəti başa çatan müqaviləsi uzadılmayıb. Bu barədə klubun mətbuat xidməti məlumat yayıb.

Ceyms ötən ildən “Sabah”da çıxış edirdi.

 

Mərakeş millisinin və PSJ-nin müdafiəçisi Əşrəf Hakimi bir qadına təcavüz ittihamı ilə bağlı məhkəmə qarşısına çıxacaq. Msport.az xəbər verir ki, futbolçunun […]

Source

FİFA DÇ-2026-nın qrup mərhələsinin ilk turunun ən yaxşı futbolçularını FIFA Power Rankings sisteminə əsasən müəyyənləşdirib. Msport.az xəbər verir ki, hücum […]

Source

“Real” “Bavariya”nın hücumçusu Maykl Olise ilə maraqlanır. Msport.az xəbər verir ki, İspaniya klubu fransız hücumçunun potensial transferinin 150 milyon avrodan […]

Source

“Araz-Naxçıvan” xorvatiyalı müdafiəçi ilə anlaşıb. Msport.az xəbər verir ki, 27 yaşlı Luka Dumançiç yeni mövsümdə naxçıvanlıların formasını geyinəcək. Onunla anlaşma […]

Source

“Boka Xuniors”un 39 yaşlı hücumçusu Edinson Kavani Argentina klubundan ayrılır. Msport.az xəbər verir ki, onun Argentina klubu ilə müqaviləsi qarşılıqlı […]

Source

Bu gün 2028-ci ildə keçiriləcək futzal üzrə dünya çempionatının (DÇ-2028) Avropa zonası üzrə əsas mərhələsinin püşkü atılıb.

Arena.az xəbər verir ki, İsveçrənin Nyon şəhərində baş tutmuş mərasimdə 36 komanda hər birində 3 iştirakçı olmaqla 3 qrupa bölünüb.

İkinci səbətdə yer almış futzal millimizin Macarıstan, Belarus, Gürcüstan, Belçika, Slovakiya, Finlandiya, Serbiya, Rumıniya, Bosniya və Herseqovina, Moldova, Almaniya ilə qarşılaşmayacağı məlum idi.

Püşkün nəticəsinə əsasən, komandamız 12-ci qrupda Çexiya və Latviya yığmaları ilə qarşılaşacaq. Oyunlar ev-səfər prinsipi ilə keçiriləcək. 12 qrup qalibi və ən yaxşı göstəriciyə malik 4 “ikinci” elit raunda birbaşa vəsiqə əldə edəcək. Qalan 8 qrup ikincisi pley-off oyununda iştirak edəcək və qalib gələn 4 milli elit raunda vəsiqə qazanacaq.

1-ci qrup: Ermənistan, Macarıstan, İsveç

2-ci qrup: Fransa, Moldova, Monteneqro

3-cü qrup: Xorvatiya, Almaniya, Litva

4-cü qrup: İspaniya, Finlandiya, Şimali Makedoniya

5-ci qrup: Polşa, Bosniya və Herseqovina, Şimali İrlandiya

6-cı qrup: Qazaxıstan, Belarus, Albaniya

7-ci qrup: Portuqaliya, Rumıniya, Danimarka

8-ci qrup: Niderland, Serbiya, Andorra

9-cu qrup: Ukrayna, Slovakiya, Estoniya

10-cu qrup: İtaliya, Gürcüstan, Kosovo

11-ci qrup: Sloveniya, Belçika, Norveç

12-ci qrup: Çexiya, Azərbaycan, Latviya.

Qeyd edək ki, DÇ-2028-in əsas seçmə mərhələsinin qrup oyunları aşağıdakı tarixlərdə keçiriləcək:

12-21 oktyabr 2026
2-11 noyabr 2026
6-9 dekabr 2026
22 fevral – 3 mart 2027

Azərbaycan Premyer Liqasının qalibi “Sabah”ın baş məşqçisi Valdas Dambrauskas klubun mətbuat xidmətinə açıqlama verib.

Arena.az xəbər verir ki, litvalı mütəxəssis “Sabah”ın UEFA Çempionlar Liqasının 1-ci təsnifat mərhələsində TNS-ə (Uels) rəqib olmasına münasibət bildirib.

Valdas Dambrauskas hər rəqibə hörmətlə yanaşmağın vacibliyini qeyd edib:

“İlk növbədə hər bir rəqibə hörmətlə yanaşmaq lazımdır. TNS dəfələrlə Uels çempionatının qalibi olub. Avropada yaxşı tanınan komandadır. Onlar daxili çempionatda son 10 ildən çox müddətdə dominantlıq edirlər. Hansı futbolu oynamağınızdan asılı olmayaraq, hər matçda qələbə qazanmaq düşüncəsini inkişaf etdirməlisiniz. Bu, hər bir rəqibə hörmət etməyin və özünüzü ən yaxşı şəkildə hazırlamağın vacibliyini göstərir”.

Baş məşqçi püşkatmanın nəticəsini dəyərləndirib:

“Hansı rəqiblə düşməyimizin tamamilə əhəmiyyətsiz olduğunu düşünürəm. Ən vacib məqam necə hazırlaşacağımız, hansı formada olacağımız, nə qədər istəkli və intizamlı davranacağımızdır. Kağız üzərində zəif görünən rəqiblə də qarşılaşa bilərsiniz, lakin hazır deyilsinizsə, problem yaşayacaqsınız. Çünki artıq hamı futbol oynamağı bacarır. Evdə və səfərdə keçiriləcək 2 oyunda hər şey baş verə bilər”.

Valdas Dambrauskas qarşıdakı 2 həftəlik təlim-məşq toplanışına da toxunub:

“İndi etməli olduğumuz yeganə şey bu toplanışa böyük istək və mükəmməl motivasiya ilə başlamaqdır. İki həftəlik yüksək səviyyəli hazırlıq keçməli, yoldaşlıq görüşlərində oyun üslubumuzu yeniləməliyik. Mövcud oyunumuzu təkmilləşdirmək üçün bəzi yeni komponentlər əlavə etməli və futbolçulara necə bir sistem istədiyimizi xatırlatmalıyıq. Düzgün hazırlaşdığımız təqdirdə, nəticə özü gələcək”.

Xatırladaq ki, UEFA Çempionlar Liqasının 1-ci təsnifat mərhələsinin oyunları iyulun 7-8-də və 14-15-də baş tutacaq. Azərbaycan çempionu ilk matçı evdə keçirəcək.

Meksika yığmasının baş məşqçisi Xavyer Aqirre dünya çempionatının qrup mərhələsində Cənubi Koreyaya qarşı keçirdikləri oyunu şərh edib.

Arena.az xəbər verir ki, DÇ-2026-nın qrup mərhələsinin 2-ci turu çərçivəsində Cənubi Koreya üzərində 1:0 hesablı qələbəyə sevinmiş meksikalılar dünya çempionatının pley-off mərhələsinə yüksəliblər.

Xavyer Aqirre matçdan sonra təşkil edilmiş mətbuat konfransında bunları söyləyib:

“Çox çətin oyun oldu. Biz rəqibi çox yaxşı tanıyırıq. Onlar bizə güclü təzyiq göstərirdilər. Onlar bizə boşluq vermədiyi kimi, biz də onlara imkan yaratmırdıq.

Sonda elə görünürdü ki, bir səhv oyunun taleyini həll edə bilər. Bu, ən yaxşı oyunumuz deyildi. Çünki rəqib bizə öz futbolumuzu tam göstərməyə imkan vermirdi”.

Cənubi Koreya yığmasının baş məşqçisi Hon Myon Bo isə Meksikaya 0:1 hesablı məğlubiyyətdən sonra komandasının çıxışını belə dəyərləndirib:

“Biz planlaşdırdığımız kimi oynadıq. Məğlubiyyətin bu şəkildə gəlməsi məyusedicidir.

Qrup mərhələsinin son oyununda bütün gücümüzü ortaya qoyacağıq. Futbolçulardan sakit qalmağı və öz oyunumuzu oynamağı xahiş etmişdim. Düşünürəm ki, bunu kifayət qədər yaxşı bacardıq.

Oyun boyu soyuqqanlılığımızı qoruduq. İndi isə bütün diqqətimizi növbəti qarşılaşmaya hazırlığa yönəldəcəyik”.

“Sabah” Çempionlar Liqasının I təsnifat mərhələsində Uelsin TNS komandası ilə qarşılaşacaq.

Futbolpress.az xəbər verir ki, “Bayquşlar”ın baş məşqçisi Valdas Dambrauskas klubun mətbuat xidmətinə püşkü dəyərləndirib:

“Hər rəqibə hörmətlə yanaşırıq. TNS ölkəsində dəfələrlə çempion olmuş, uzun illərdir dominantlıq edən komandadır. Düşünürəm ki, necə oynamağından asılı olmayaraq, onlar hər matça qalib gəlmək düşüncəsi ilə çıxırlar. Belə oyunlara maksimum hazırlıqlı olmaq lazımdır. 

Püşkatmada bizə hansı komandanın düşməsi o qədər də vacib deyil. Əsas məsələ bizim hazırlıq səviyyəmiz, hansı formada olmağımız, nə qədər istəkli və intizamlı çıxış etməyimizdir. 

Rəqibin kim olmasından asılı olmayaraq, oyuna yaxşı hazırlaşmalısan. Bu gün hamı futbol oynamağı bacarır. Sadə səslənə bilər, amma reallıq budur. Evdə və səfərdə hər şey baş verə bilər. Toplanış dövrünə düzgün yanaşmaq, peşəkar münasibət və mövsümə uğurlu başlamaq lazımdır. Yoldaşlıq oyunlarında üslubumuzu yeniləməliyik. Oyunumuza yeni komponentlər əlavə etməliyik. Əvvəlcə sahib olduğumuz keyfiyyətləri daha da inkişaf etdirməliyik. Bunlar yerində olanda, nəticə də öz-özünə gəlir”.

“Sabah” ilk oyunu 7-8 iyulda Bakıda, cavab görüşünü isə 14-15 iyulda səfərdə keçirəcək.

Bu gün İsveçrənin Nyon şəhərində 2028-ci ildə keçiriləcək futzal üzrə dünya çempionatının Avropa zonası üzrə əsas mərhələsinin püşkü atılıb.

Futbolpress.az xəbər verir ki, 36 komanda hər birində 3 iştirakçı olmaqla 3 qrupa bölünüb. İkinci səbətdə yer alan millimizin Macarıstan, Belarus, Gürcüstan, Belçika, Slovakiya, Finlandiya, Serbiya, Rumıniya, Bosniya və Herseqovina, Moldova, Almaniya ilə qarşılaşmayacağı məlum idi.

Püşkün nəticəsinə əsasən, komandamız 12-ci qrupda Çexiya və Latviya yığmaları ilə qarşılaşacaq. Onlar ev-səfər prinsipi ilə keçiriləcək. 12 qrup qalibi və ən yaxşı göstəriciyə malik 4 “ikinci” elit raunda birbaşa vəsiqə əldə edəcək. Qalan 8 qrup ikincisi pley-off oyununda iştirak edəcək və qalib gələn 4 milli elit raunda vəsiqə qazanacaq.

Almaniya millisinin qapıçısı Manuel Noyer açıqlama verib.

Futbolpress.az xəbər verir ki, insayder Fabrizio Romanonun sorğusunu cavablandıran qolkiper hazırda davam edən dünya çempionatının onun üçün sonuncu rəsmi turnir olduğunu deyib:

“Sonuncu turnirimdir. İki il sonra baş tutacaq Avropa çempionatında oynamağı planlaşdırmıram. Gələcəklə bağlı çox düşünmürəm. Hər oyun mənim üçün potensial son matçdır”.

41 yaşlı qapıçı Almaniya millisi ilə dünya çempionatında iştirak edir.

PSJ-nin futbolçusu Randal Kolo-Muani karyerasını İtaliyada davam etdirə bilər.

Futbolpress.az xəbər verir ki, “Yuventus” 27 yaşlı hücumçunun xidmətində maraqlıdır. Bu barədə insayder Nikolo Skira məlumat yayıb. Turin klubu yaxın zamanda PSJ ilə danışıqlara başlayacaq.

Paris təmsilçisi Randal üçün 40-45 milyon avro transfer haqqı tələb edir.

Kolo-Muani 2024/25 mövsümündə icarə əsasında “Yuventus”da çıxış edib. O, ötən “futbol ili”ni “Tottenhem”də keçirib.

Azərbaycan Respublikasının Gənclər və İdman Nazirliyi ilə Azərbaycan Üzgüçülük Federasiyasının birgə təşkilatçılığıyla 10 oktyabr 2026-cı il tarixində Bakı şəhərində “European Aquatics” (Avropa Su İdmanı Federasiyası) konfransı keçiriləcək.

Futbolpress.az xəbər verir ki, Qitənin müxtəlif ölkələrindən olan federasiya rəhbərləri 2026-cı ilin “Dünya İdman Paytaxtı” olan Bakıda bir araya gələcək, su idman növlərinin inkişafı ətrafında fikir mübadiləsi aparacaq, baş tutmuş və gələcək layihələri müzakirə edəcəklər.

Bu tədbir Azərbaycan üçün həm beynəlxalq idman əməkdaşlığının gücləndirilməsi, həm də ölkəmizin üzgüçülük və digər su idman növləri aləmində nüfuzunun artması baxımından böyük əhəmiyyət kəsb edir.

İspan futbolçu Serxio Roberto “Komo”dan ayrılıb.

Futbolpress.az xəbər verir ki, bu barədə 34 yaşlı müdafiəçi özü açıqlamasında bildirib. Roberto klubla müddəti başa çatan müqavilənin uzadılmadığını bildirib.

İspaniyalı müdafiəçi 2024-cü ildən “Komo”da çıxış edirdi.

Roberto “Barselona”nın yetirməsidir. O, 2013-2024-cü illərdə kataloniyalıların şərəfini qoruyub.

Azərbaycanın futzal millisinin 2028-ci ildə keçiriləcək dünya çempionatının Avropa zonası üzrə əsas mərhələsindəki rəqibləri bəlli olub. Msport.az xəbər verir ki, […]

Source

“Sabah”ın UEFA Çempionlar Liqasının I təsnifat mərhələsindəki rəqibi TNS (Uels) Avropada yaxşı tanınan komandadır”. Msport.az xəbər verir ki, bunu komandanın […]

Source

“İnter” rəsmi saytında baş məşqçi Kristian Kivunun müqaviləsini 2028-ci ilə qədər uzatdığını açıqlayıb. Msport.az xəbər verir ki, 45 yaşlı mütəxəssisin […]

Source

Almaniya millisinin qapıçısı Manuel Noyer 2026-cı il dünya çempionatından sonra beynəlxalq karyerasını bitirəcəyini təsdiqləyib. Msport.az xəbər verir ki, ikinci turda […]

Source

25 yaşlı “Tottenhem”in və Niderland millisinin müdafiəçisi Mikki van de Ven “Barselona” və “Liverpul”un maraq dairəsinə düşüb. Msport.az xəbər verir […]

Source

Kanada millisinin baş məşqçisi Cessi Marş dünya çempionatının qrup mərhələsi çərçivəsində Qətərə qarşı keçirdikləri oyunu şərh edib.

Arena.az xəbər verir ki, Kanada millisi DÇ-2026-nın qrup mərhələsinin 2-ci turu çərçivəsində qarşılaşdığı bu rəqibini 6:0 hesabıyla məğlub edib.

Cessi Marş matçdan sonra təşkil edilmiş mətbuat konfransında bunları söyləyib:

“Bu, bizim üçün tarixi qələbədir. Lakin hazırda ən çox düşündüyümüz məsələ İsmayıl Konedir. Onun zədəsi bizi çox narahat edir. Komanda olaraq onun ətrafında birləşmişik və ən qısa zamanda sağalmasını arzulayırıq. İsmayıl əla insandır. O, ideal deyil, amma məhz buna görə onu sevirik. O, digər futbolçuların bacarmadığı şeyləri edə bilir. O, bir çox cəhətdən komandamızın simvoludur. Bosniya və Herseqovina ilə oyunda ən yaxşı futbolçumuz idi. Bu, bizim üçün çox böyük itkidir. Biz bütün qəlbimizlə onun yanındayıq və ona dəstək oluruq. Amma əminəm ki, bu oğlanın qarşıda çox böyük gələcəyi var”.

Qətər yığmasının baş məşqçisi Xulen Lopeteqi isə ağır məğlubiyyəti belə şərh edib:

“Bu, bir neçə səbəbə görə çox çətin matç idi. Biz çox güclü rəqibə qarşı oynayırdıq. Oyunun əvvəlində qol buraxdıq, daha sonra isə qırmızı vərəqə aldıq. Bu, dönüş nöqtəsi oldu.

İlk qırmızı vərəqə və üçüncü qol oyunun taleyini həll etdi. Amma futbol belədir. İndi futbolçularımızı fiziki, mənəvi və psixoloji baxımdan bərpa etməliyik.

Dünya çempionatında hər növbəti oyun əvvəlkindən daha çətin olur. Lakin biz bu turnirdə iştirak etmək haqqını qazanmışıq.

Bosniya və Herseqovina ilə oyun? Həmin qarşılaşmada səhv etmək hüququmuz yoxdur. Bu, həm bizim, həm də onların son oyunu olacaq. İndi əsas məqsəd bərpa olunmaqdır. Dediyim kimi, bu matç bir neçə səbəbə görə çox ağır keçdi. Futbolçuların sağlamlığının qayğısına qalmalıyıq, sonra isə nə olacağını görəcəyik”.

“Tottenhem” heyətini yeni futbolçu ilə gücləndirib.

Futbolpress.az xəbər verir ki, London təmsilçisi “Brayton”dan Jan Pol Van Hekeni transfer edib. Bu barədə klubun mətbuat xidməti məlumat yayıb. Niderlandlı müdafiəçi ilə anlaşmanın detalları açıqlanmayıb.

İngiltərə mətbuatının xəbərinə görə, “Tottenhem” Heke üçün “Brayton”a 52 milyon funt-sterlinq ödəyəcək.

Niderland yığmasının da üzvü olan 26 yaşlı futbolçu hazırda ABŞ-də milli komandanın dünya çempionatı üçün düşərgəsindədir.

Bolqarıstanın ÇSKA klubunun “Qarabağ”la planlaşdırılan yoxlama oyunu ləğv edilib.

Futbolpress.az xəbər verir ki, buna səbəb Sofiya təmsilçisinin Avropa Liqasının II təsnifat mərhələsində Azərbaycan təmsilçisinin potensial rəqiblərdən olmasıdır. Klub bu səbəbdən Avstriya toplanışında iyunun 27-nə keçirilməsi nəzərdə tutulan matçı ləğv edib.

“Qarabağ” Avropa Liqasında I mərhələdə İslandiyanın “Vestri” komandası ilə qarşılaşacaq. Azərbaycan təmsilçisi mərhələ adlasa, növbəti raundda ÇSKA – “Derri Siti” (İrlandiya) cütünün qalibi ilə üz-üzə gələcək.

Bu gün Bakı vaxtı ilə saat 14:00-da 2028-ci ildə keçiriləcək futzal üzrə dünya çempionatının Avropa zonası üzrə əsas mərhələnin püşkü atılacaq.

Futbolpress.az xəbər verir ki, 36 komanda hər birində 12 milli olmaqla 3 səbətə bölünüb. Püşkdən sonra hər qrupda 3 komanda yer alacaq və onlar ev-səfər prinsipi ilə qarşılaşacaqlar. 12 qrup qalibi və ən yaxşı göstəriciyə malik 4 “ikinci” elit raunda birbaşa vəsiqə əldə edəcək. Qalan 8 qrup ikincisi pley-off oyununda iştirak edəcək və qalib gələn 4 milli elit raunda vəsiqə qazanacaq. Millimiz 2-ci səbətdə yer alıb.

Bu mərhələdə komandamızın rəqibləri arasında Macarıstan, Belarus, Gürcüstan, Belçika, Slovakiya, Finlandiya, Serbiya, Rumıniya, Bosniya və Herseqovina, Moldova, Almaniya yığmaları olmayacaq. UEFA İcraiyyə Komitəsinin qərarı ilə 1-ci səbətdə yer alan komandalardan isə Ermənistan yığması komandamızla rəqib ola bilməz. Rusiya yığması ilə bağlı cəza saksiyası isə davam edir.

1-ci səbət
Portuqaliya, İspaniya, Qazaxıstan, Ukrayna, Fransa, Xorvatiya, İtaliya, Ermənistan, Sloveniya, Çexiya, Polşa, Niderland

2-ci səbət
Macarıstan, Belarus, Gürcüstan, Belçika, Slovakiya, Finlandiya, Serbiya, Rumıniya, Bosniya və Herseqovina, Moldova, Almaniya, AZƏRBAYCAN

3-cü səbət
Latviya, İsveç, Şimali Makedoniya, Kosova, Andorra, Monteneqro, Norveç, Litva, Danimarka, Albaniya, Estoniya, Şimali İrlandiya

Püşkatma və oyunların keçirilmə tarixləri
Əsas mərhələnin qrup oyunlarının tarixləri: 12-21 oktyabr 2026, 2-11 noyabr 2026, 6-9 dekabr 2026, 22 fevral – 3 mart 2027
Əsas mərhələnin pley-off oyunlarının püşkatması: 3 mart 2027
Əsas mərhələnin pley-off oyunlarının keçirlmə tarixi: 12-21 aprel 2027
Elit-raundun qrup mərhələsinin püşkü: 20 may 2027
Elit-raund qrup mərhələsinin oyunlarının təqvimi: 6-15 sentyabr 2027, 11-20 oktyabr 2027, 13-22 dekabr 2027
Elit-raund pley-off oyunlarının püşkatması: 20 yanvar 2028
Elit-raund pley-off oyunlarının keçirilmə tarixi: 10-19 aprel 2028

Azərbaycan milli komandasının sabiq üzvü, son klubu “Səbail” olan Yusif Nəbiyevin “Futbolpress.az“a müsahibəsi:

– Karyeranızla bağlı planlarınız nələrdir?
– Təkliflər var, ancaq hələ qərarımı verməmişəm. Həm I Liqadan, həm Premyer Liqadan maraq olur. Yəqin, yaxın zamanda yeni klubum bilinər.

– Sabiq klubunuz “Kəpəz”dən maraq var. Keçidiniz nə dərəcə realdır?
– Dəqiqləşən nəsə yoxdur deyə, bir şey deyə bilmərəm. Zaman göstərəcək.

– Premyer Liqa klubu ilə anlaşa bilməsəniz, I Liqada oynamağa razı olacaqsınız?
– Açığı, özüm də dəqiq bilmirəm. Fikrim Premyer Liqada oynamaqdır. Alınmazsa, vəziyyətə görə qərar verəcəyəm.

– Demək olar, altı aydır klubsuzsunuz. Bu, formanızı yığmaqda çətinlik yaratmayacaq?
– “Səbail”dən ayrılan gündən məşqlərə davam etmişəm, özümü tonusda saxlamışam. Qidadan tutmuş məşqlərə qədər diqqət etmişəm. İstirahət etməmişəm, inanıram ki, daha yaxşı olacağam.

– Legioner limitinin ləğvindən sonra klublar əcnəbilərə daha çox üstünlük verir. Bunu nəzərə alsaq, elitada oynamaq şansınız az deyil?
– Şans həmişə var, gözləyirəm. Mən özümü maksimum hazır hiss edirəm. Şans olarsa, bundan yararlanacağam.

– Limitin ləğvi barədə nə düşünürsünüz?
– Premyer Liqada rəqabət artıb, ancaq yerli futbolçular oynamaqda çətinlik çəkir. Bu, yaxşı hal deyil. Limitin ləğvi milli komandaya da təsirini göstərir.

– Bunlar fonunda kənardan Azərbaycan futbolunun mənzərəsi necə görünür?
– Limitin ləğvi haqqında çox danışmaq olar, amma qısası deyim ki, yerli oyunçularımızın kənarda qalması yaxşı deyil. Düzdür, liqada rəqabət artdı, maraqlı mövsüm keçdi. “Sabah” çempion oldu, “Qarabağ” Çempionlar Liqasında pley-off oynadı. Bunlara limitin də təsiri var. Amma azərbaycanlı futbolçuların kənarda qalması, az oynaması yaxşı hal deyil.

Şahin Cəfərov

Kanada millisinin futbolçusu Conatan Devid dünya çempionatları tarixinə düşüb.

Futbolpress.az xəbər verir ki, hücumçu II turda Qətərlə matçda (6:0) het-trik etməklə buna nail olub.

Devid mundiallar tarixində 1966-cı ildən sonra ev sahibi ölkənin heyətində üç qol vuran birinci futbolçu olub.

Conatan eyni zamanda 1930 dünya çempionatından sonra bir matçda het-trik edən ilk KONKAKAF (Şimali Amerika, Mərkəzi Amerika və Karib Futbol Assosiasiyaları Konfederasiyası) futbolçusudur.

Almaniyanın “Kayzerslautern” klubunda çıxış edən Azərbaycan millisinin futbolçusu Mahir Emrelinin kayrerasını Kiprin APOEL komandasında davam etdirmək variantı olub. Msport.az xəbər […]

Source

“Lion” cinah oyunçusu Afonso Moreyranı “Bayer”ə satıb. Msport.az xəbər verir ki, Fransa klubu 21 yaşlı portuqaliyalı futbolçunun transfer haqqının 33,6 […]

Source

“Real” ispaniyalı cinah oyunçusu Viktor Munyosun “Osasuna”dan “Liverpul”a transferi üçün 20 milyon avro alacaq. Msport.az xəbər verir ki, ingilis klubu […]

Source

Azərbaycan Birinci Liqasında çıxış edən “Şahdağ Qusar” yeni mövsüm heyətini formalaşdırmaq üçün çalışmalarını davam etdirir. Msport.az xəbər verir ki, bu […]

Source

“Şamaxı”nın qapıçısı Rikardo Fernandesin “Zirə”yə transferi baş tutmayıb. Msport.az xəbər verir ki, bölgə təmsilçisinin rəhbərliyi 31 yaşlı qolkiperlə əməkdaşlığı davam […]

Source

Bu gün 2028-ci ildə keçiriləcək futzal üzrə dünya çempionatının (DÇ-2028) Avropa zonası üzrə əsas mərhələsinin püşkü atılacaq.

Arena.az xəbər verir ki, Bakı vaxtı ilə saat 14:00-da start götürəcək tədbirdə Azərbaycan millisinin də rəqibləri müəyyənləşəcək.

Püşk ərəfəsində 36 komanda hər birində 12 milli olmaqla 3 səbətə bölünüb. Püşkdən sonra hər qrupda 3 komanda yer alacaq və onlar ev-səfər prinsipi ilə qarşılaşacaqlar. 12 qrup qalibi və ən yaxşı göstəriciyə malik 4 “ikinci” elit raunda birbaşa vəsiqə əldə edəcək. Qalan 8 qrup ikincisi pley-off oyununda iştirak edəcək və qalib gələn 4 milli elit raunda vəsiqə qazanacaq. Millimiz 2-ci səbətdə yer alıb. Bu mərhələdə komandamızın rəqibləri arasında Macarıstan, Belarus, Gürcüstan, Belçika, Slovakiya, Finlandiya, Serbiya, Rumıniya, Bosniya və Herseqovina, Moldova, Almaniya yığmaları olmayacaq. UEFA İcraiyyə Komitəsinin qərarı ilə 1-ci səbətdə yer alan komandalardan isə Ermənistan yığması komandamızla rəqib ola bilməz. Rusiya yığması ilə bağlı cəza saksiyası isə davam edir.

1-ci səbət: Portuqaliya, İspaniya, Qazaxıstan, Ukrayna, Fransa, Xorvatiya, İtaliya, Ermənistan, Sloveniya, Çexiya, Polşa, Niderland

2-ci səbət: Macarıstan, Belarus, Gürcüstan, Belçika, Slovakiya, Finlandiya, Serbiya, Rumıniya, Bosniya və Herseqovina, Moldova, Almaniya, Azərbaycan

3-cü səbət: Latviya, İsveç, Şimali Makedoniya, Kosova, Andorra, Monteneqro, Norveç, Litva, Danimarka, Albaniya, Estoniya, Şimali İrlandiya.

Qeyd edək ki, futzal üzrə dünya çempionatının (DÇ-2028) əsas seçmə mərhələsinin qrup oyunları aşağıdakı tarixlərdə keçiriləcək:

12-21 oktyabr 2026
2-11 noyabr 2026
6-9 dekabr 2026
22 fevral – 3 mart 2027

Amerika Birləşmiş Ştatları (ABŞ), Kanada və Meksikada təşkil edilmiş futbol üzrə sayca 23-cü dünya çempionatı (DÇ-2026) davam edir.

Arena.az xəbər verir ki, bu gün daha bir oyun baş tutub.

Qrup mərhələsinin 2-ci turu çərçivəsində Meksika və Cənubi Koreya yığmaları üz-üzə gəliblər. Zapopanda keçirilmiş A qrupunun matçında meydan sahibləri tək qolla qalib gəliblər. Meksikaya növbəti qələbəni Luis Romo qazandırıb.

Qeyd edək ki, bu qrupun digər oyununda Çexiya millisi Cənubi Afrika Respublikası yığması ilə heç-heçəyə razılaşmışdı – 1:1.

Beləliklə, 2 turdan sonra 6 xala malik Meksika yığması qrup qalibi kimi növbəti mərhələyə vəsiqəni rəsmiləşdirib. Cənubi Koreyanın 3, Çexiya və Cənubi Afrika Respublikasının 1 xalı var.

DÇ-2026
A qrupu
19 iyun

Meksika – Cənubi Koreya 1:0
Qol: Luis Romo, 50.

Amerika Birləşmiş Ştatları (ABŞ), Kanada və Meksikada təşkil edilmiş futbol üzrə sayca 23-cü dünya çempionatı (DÇ-2026) davam edir.

Arena.az xəbər verir ki, bu gün daha bir oyun baş tutub.

Qrup mərhələsinin 2-ci turu çərçivəsində Kanada və Qətər yığmaları üz-üzə gəliblər. Vankuverdə keçirilmiş B qrupunun matçında meydan sahibləri darmadağınla qələbə qazanıblar. Meydan sahiblərinin heyətində Conatan Devid het-trikə imza atıb. Kayl Larin və Neytan Saliba hərəyə bir qol vurublar. Manay Mohamed isə avtoqol müəllifi olub.

Qeyd edək ki, bu qrupun digər oyununda İsveçrə Bosniya və Herseqovina yığmasını 4:1 hesabı ilə üstələmişdi.

Beləliklə, 2 turdan sonra Kanada və İsveçrənin hərəyə 4 xalı var. Bosniya və Herseqovina ilə Qətər yığmaları da hərəyə 1 xal toplayıblar.

DÇ-2026
B qrupu
19 iyun

Kanada – Qətər 6:0
Qollar: Conatan Devid, 29; 45+4; 90+2. Kayl Larin, 16. Neytan Saliba, 66. Manay Mohamed, 75-öz qapısına.

İsveçrə yığmasının baş məşqçisi Murat Yakin dünya çempionatının qrup mərhələsində Bosniya və Herseqovinaya qarşı keçirdikləri oyunu şərh edib.

Arena.az xəbər verir ki, DÇ-2026-nın qrup mərhələsinin 2-ci turu çərçivəsində keçirilmiş oyunda İsveçrə millisi rəqibi üzərində 4:1 hesablı qələbəyə sevinib.

Murat Yakın matçdan sonra təşkil edilmiş mətbuat konfransında bunları söyləyib:

“Bu gün vacib olan bütün enerjimizi meydanda qoymaq və həll yolları tapmaq idi. Bizə səbir göstərmək lazım idi. Taktiki dəyişiklikləri etmək üçün su fasiləsini gözləməyə qərar verdik ki, rəqibin buna reaksiya vermək imkanı olmasın.

Daha sürətli futbolçuları meydana buraxdıq və rəqib yorulduqdan sonra boş zonalar yaranmağa başladı. Biz də həmin boşluqlardan istifadə edərək matçın taleyini inamlı şəkildə həll etdik”.

Bosniya və Herseqovina yığmasının baş məşqçisi Sergey Barbarez də məğlubiyyətdən sonra fikirlərini bölüşüb:

“Su fasiləsinə qədər meydanda daha yaxşı oynayan komanda biz idik. Yaxşı çıxış edir, rəqibə təzyiq göstərirdik.

İsveçrə çox güclü futbolçulara malik yaxşı komandadır və onlar boş zonalardan istifadə etməyi bacarırlar. Nəticədə bizi cəzalandırdılar. Amma həyat belədir.

Bu, son 10 oyunda ilk məğlubiyyətimizdir, lakin həyat bununla bitmir. Qarşıda daha bir oyunumuz var və biz həmin matçda qalib gəlmək üçün əlimizdən gələni edəcəyik”.

Mingəçevir futbolunun tanınmış simalarından olan Elbrus İsmayılov vəfat edib.

Futbolpress.az xəbər verir ki, veteran futbolçu 66 yaşında ürək tutmasından dünyasını dəyişib.

İsmayılov vaxtilə Mingəçevirin “Kür-Nur” komandasında çıxış edib. Veteran futbolçu daha sonra bu şəhəri təmsil edən “Energetik”in vitse-prezidenti olub.

Bu gün dünya çempionatında qrup mərhələsinin növbəti oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir:

DÇ-2026

19 iyun
23:00 ABŞ – Avstraliya (İctimai TV, TRT 1)

20 iyun
02:00 Şotlandiya – Mərakeş (İctimai TV, TRT 1)
04:30 Braziliya – Haiti (İctimai TV, TRT 1)
07:00 Türkiyə – Paraqvay (İctimai TV, TRT 1, TRT Spor)

“Şamaxı” heyətini yeni futbolçu ilə gücləndirməyə hazırlaşır.

Futbolpress.az xəbər verir ki, “şirlər” Portuqaliyanın “San Xoa Ver” klubundan Jota ilə anlaşıb. Bu barədə “Record” nəşri məlumat yayıb.

25 yaşlı müdafiəçinin tezliklə “Şamaxı” ilə müqavilə imzalayacağı bildirilib.

“San Xoa Ver” Portuqaliyanın 3-cü liqasında mübarizə aparır.

“Zirə” Konfrans Liqasının I təsnifat mərhələsində Gürcüstanın “Torpedo” klubu ilə qarşılaşacaq. Qəsəbə təmsilçisinin kapitanı Qismət Alıyev “Futbolpress.az“a açıqlamasında püşkü dəyərləndirdi:

“Torpedo” avrokuboklarda təcrübəli komandadır. Oyuna yaxşı hazırlaşıb, mərhələ keçmək istəyirik. Avropada asan oyun, rəqib yoxdur. Onları təhlil edəcəyik.

Bizim də avrokubok təcrübəmiz var. Bu yarışlarda ölkəsinin ən yaxşı komandaları iştirak edir. “Torpedo” vəsiqə qazanıbsa, deməli zəif komanda deyil. Məqsəd yaxşı hazırlıq keçmək və istədiyimiz nəticəni əldə edərək, mərhələ adlamaqdır”.

Qismət “Zirə” ilə müqaviləsini 2028-ci ilin yayına kimi artırıb. Kapitan yeni anlaşma ilə bağlı fikirlərini bölüşdü:

“Altı ildir, “Zirə”dəyəm. Bu klub mənə çox doğmadır və burda özümü xoşbəxt hiss edirəm. Məqsəd komanda ilə titul qazanmaq, böyük hədəflərə çatmaqdır”.

“Zirə” “Torpedo” ilə ilk oyunu iyulun 9-da Bakıda keçirəcək. Cavab görüşü 16-da Kutaisidə olacaq.

Şahin Cəfərov

Avstriya millisinin müdafiəçisi Ştefan Poş 2026-cı il dünya çempionatının ilk turunda İordaniya yığmasına qarşı oyunda çənə sümüyünü sındırıb. Msport.az xəbər […]

Source

Kanada millisinin yarımmüdafiəçisi İsmayıl Kone futbol üzrə dünya çempionatının qrup mərhələsinin II turunda Qətər yığmasına qarşı keçirilən oyunda ciddi zədə […]

Source

Meksika millisi dünya çempionatlarında tarixinin ən yaxşı göstəricisinə imza atıb. Msport.az xəbər verir ki, komanda buna DÇ-2026-nın A qrupunun II […]

Source

İsveçrə millisinin futbolçusu Joan Manzambi dünya çempionatlarının tarixinə düşüb. Msport.az xəbər verir ki, yarımmüdafiəçi buna DÇ-2026-nın B qrupunun II turunda […]

Source

“Səbail”in yeni baş məqşçisi açıqlanıb. Msport.az xəbər verir ki, bu barədə I Liqa təmsilçisinin mətbuat xidməti məlumat yayıb. Elnur Abdullayevlə […]

Source

Kanada yığmasının hücumçusu Conatan Devid DÇ-2026-nın qrup mərhələsinin Qətərlə matçında (6:0) het-trik edərək dünya çempionatları tarixinə düşüb. Msport.az xəbər verir […]

Source

Dünya çempionatında Meksika Cənubi Koreyanı məğlub edib. Msport.az xəbər verir ki, Qvadalxara stadionunda keçirilən A qrupunun II turunun matçı ev […]

Source

Dünya çempionatında Kanada Qətər millisini böyük hesabla məğlub edib. Msport.az xəbər verir ki, “BC Place” stadionunda keçirilən B qrupunun II […]

Source

Dünya çempionatında İsveçrə Bosniya və Herseqovina ilə qarşılaşıb. Msport.az xəbər verir ki, Los-Anceles stadionunda keçirilən B qrupunun II turunun matçında […]

Source

İngiltərənin “Liverpul” klubu heyətini İspaniya milli komandasının və “Osasuna”nın cinah hücumçusu Viktor Munyos ilə gücləndirib.

Arena.az bu barədə Premyer Liqa nəhənginin rəsmi saytına istinadən xəbər verir.

22 yaşlı futbolçu hazırda dünya çempionatında (DÇ-2026) İspaniya millisinin düşərgəsində olsa da, ABŞ-ın Tennessi ştatında yerləşən məşq bazasında tibbi müayinədən uğurla keçib və mersisaydlılarla uzunmüddətli müqaviləyə imza atıb. Klub müqavilənin müddətini açıqlamayıb.

İnsayderlərin məlumatına görə, transferin dəyəri 40 milyon avro təşkil edib. Maraqlıdır ki, bu məbləğin yarısı – 20 milyon avro – futbolçunun yetirməsi olduğu “Real” (Madrid) klubuna çatacaq. Bu bənd Munyosun 2025-ci ilin iyulunda “Osasuna”ya keçidi zamanı müqaviləyə daxil edilmişdi.

Munyos 2025/2026-cı illər mövsümündə Pamplona təmsilçisinin heyətində bütün turnirlərdə 36 oyuna çıxıb, 7 qol vurub və 5 məhsuldar ötürmə verib.

Qeyd edək ki, perspektivli ispan vingerin keçidi Andoni İraolanın “Liverpul”un baş məşqçisi təyin olunmasından sonra klubun ilk yay transferi olub.

Viktor Munyos 2026-cı ildə debüt etdiyi İspaniya millisinin heyətində 2 oyuna çıxıb, 1 qol vurub.

Kurasao milli komandası “Ginnesin Rekordlar Kitabı”na düşüb.

Futbolpress.az xəbər verir ki, yığma dünya çempionatları tarixində əsas mərhələdə iştirak edən ən az əhalili ölkə kimi rekord qırıb.

Rekordu təsdiqləyən sertifikar Kürasao Futbol Federasiyasının rəhbəri Gilbert Martinaya təqdim edilib.

Kürasao yığması mundialda Almaniya, Ekvador və Fil Dişi Sahili ilə bir qrupda mübarizə aparır. Dik Advokatın rəhbərlik etdiyi kollektiv ilk oyunda Almaniyaya böyük hesabla uduzub – 1:7.

“Səbail” PFK-nın baş məşqçisi vəzifəsinə Elnur Abdullayev təyin edilib.

Futbolpress.az xəbər verir ki, bu barədə klubun mətbuat xidməti məlumat yayıb. 40 yaşlı mütəxəssislə 3 illik müqavilə imzalanıb.

Elnur Abdullayevin son iş yeri II Liqada çempion olduğu “Şahdağ Qusar” komandası olub.

“Səbail” yeni mövsümdə I Liqada mübarizə aparacaq.

UEFA Avropa Liqasının 1-ci təsnifat mərhələsində “Qarabağ”ın rəqibi “Vestri” azarkeşlərinə müraciət edib.

Futbolpress.az xəbər verir ki, İslandiya klubu sosial media hesabında fanatlarının Bakıya mümkün səfəri ilə bunları yazıb:

“Bakıya getməyə hazırsınız?

“Vestri” klubu Azərbaycandakı Avropa kuboku oyunu üçün ən yaxşı səfər variantlarını araşdırır.

Əgər Bakıya futbol səfərinə marağınız varsa, bunu bizə bildirin. Uçuş xərclərinin təxminən 200-250 min İslandiya kronu (2800 – 3500 manat – red.) olacağı gözlənilir.

Şərhlərdə fikrinizi yazın, sonra bunun mümkün olub-olmadığını birlikdə qiymətləndirərik”.

“Qarabağ”la “Vestri” arasında ilk oyun iyulun 9-da Bakıda, cavab görüşü iyulun 16-da İslandiyada keçiriləcək.

“Bayer” heyətini yeni futbolçu ilə gücləndirib.

Futbolpress.az xəbər verir ki, Bundesliqa təmsilçisi “Lion”dan Alfonso Moreyranı transfer edib. Bu barədə klubun mətbuat xidməti məlumat yayıb. 21 yaşlı vingerlə 5 illik müqavilə imzalanıb.

Moreyra ötən mövsüm “Lion”da 27 oyunda 4 qol vurub, 8 məhsuldar ötürmə edib.

Braziliya millisi DÇ-2026-nın qrup mərhələsinin ikinci turunda Haiti ilə qarşılaşacaq.

Futbolpress.az xəbər verir ki, “sambaçılar”ın hücumçusu Neymar bu görüşü də buraxacaq. O, hələ zədəsini tam sağalatmayıb və matçın heyətinə daxil edilməyib.

Neymar zədə səbəbindən ilk turun Mərakeşlə oyununda da iştirak etməyib.

İyunun 20-də keçiriləcək Braziliya – Haiti oyunu saat 04:30-da start götürəcək.

Kanada millisi ciddi itki ilə üzləşib.

Futbolpress.az xəbər verir ki, yığmanın futbolçusu İsmael Kone zədələnib.

Dünya çempionatının qrup mərhələsinin II turunda Qətərlə matçda xəsarət alan yarımmüdafiəçi 4-5 ay yaşıl meydanlardan uzaq qalacaq.

Kanada – Qətər oyunu birincilərin 6:0 hesablı qələbəsiylə başa çatıb.

“Transfermarkt” portalı Misli Premyer Liqasında çıxış edən futbolçuların dəyərlərini yeniləyib.

Futbolpress.az-ın məlumatına görə, “Qarabağ”ın vingeri Leandro Andrade ən bahalı futbolçu olub. Onun “bazar dəyəri” 3.5 milyon avro göstərilib.

Andradenin komanda yoldaşı Mateuş Koxalskinin qiyməti isə 2.5 milyon avroya yüksəlib. Çempionatda bu dəyərdə daha bir futbolçu qeyd edilib. “Sabah”ın sol cinah müdafiəçisi Timoteuş Puxaçın da dəyəri 2.5 milyon avrodur.

Azərbaycan milli komandasının və “Qarabağ”ın futbolçusu Elvin Cəfərquliyev və “Bursaspor”da çıxış edən Toral Bayramov 2 milyon avro ilə ən dəyərli yerli oyunçu olub.

Misli Premyer Liqasının ən bahalı futbolçuları, “onluq”

1. Leandro Andrade – 3.5 milyon avro
2. Mateuş Koxalski – 2.5 milyon avro
3. Timoteuş Puxaç – 2.5 milyon avro
4. İvan Lepinitsa – 2 milyon avro
5. Kamilo Duran – 2 milyon avro
6. Pedro Bikalyo – 2 milyon avro
7. Elvin Cəfərquliyev – 2 milyon avro
8. Toral Bayramov – 2 milyon avro
9. Kadi Borges – 2 milyon avro
10. Səbuhi Abdullazadə – 1.5 milyon avro.

Şahin Cəfərov

DÇ-2026-nın qrup mərhələsinin Meksika – Cənubi Koreya matçının ən yaxşı futbolçusu açıqlanıb.

Futbolpress.az FIFA-nın saytına istinadən xəbər verir ki, mükafatı amerikalıların oyunçusu Luis Romo qazanıb. Futbolçu görüşdə yeganə qolun müəllifi olub.

Meksika Cənubi Koreyaya minimal fərqlə qalib gəlib – 1:0.

Amerika Birləşmiş Ştatları (ABŞ), Kanada və Meksikada təşkil edilmiş futbol üzrə sayca 23-cü dünya çempionatı (DÇ-2026) davam edir.

Arena.az xəbər verir ki, bu gün daha bir oyun baş tutub.

Qrup mərhələsinin 2-ci turu çərçivəsində İsveçrə və Bosniya və Herseqovina yığmaları üz-üzə gəliblər.

Los Ancelesdə (Kaliforniya, ABŞ) keçirilmiş B qrupunun matçında isveçrəlilər 4:1 hesablı qələbə qazanıblar. Qalib komandanın heyətində Joan Manzambi (74, 90) dubla imza atıb. Digər qolları isə Ruben Varqas (84) və Qranit Caka (90+7, penaltidən) öz adına yazdırıblar. Bosniyalıların təsəlli qolunu isə Ermin Mahmiç (90+3) vurub.

Bu qrupun digər oyununda, saat 02:00-da Kanada Qətərlə qarşılaşacaq.

DÇ-2026
B qrupu
18 iyun

İsveçrə – Bosniya və Herseqovina 4:1
Qollar: Joan Manzambi, 74; 90. Ruben Varqas, 84. Qranit Caka, 90+7-pen – Ermin Mahmiç, 90+3.

Növbəti oyunların proqramı:

19 iyun

B qrupu
02:00. Kanada – Qətər

A qrupu
05:00. Meksika – Cənubi Koreya

D qrupu
23:00. ABŞ – Avstraliya

Milan “İnter”inin baş məşqçisi, rumıniyalı futbol mütəxəssisi Kristian Kivu İtaliya klubu ilə yeni müqaviləyə imza atıb.

Arena.az xəbər verir ki, bu barədə Milan klubu rəsmi saytı vasitəsilə məlumat yayıb.

Yeni müqavilə 2028-ci ilin yayına qədər nəzərdə tutulub. Tərəflər arasındakı əvvəlki müqavilənin müddəti gələn ilin yayında bitəcəkdi.

45 yaşlı rumıniyalı mütəxəssis 2025-ci ilin yayında “İnter”in baş məşqçisi təyin olunub. Onun rəhbərliyi altında komanda ilk mövsümdəcə həm İtaliya çempionluğunu, həm də ölkə kubokunu qazanıb.

“İnter” Kivunun rəhbərliyi altında 57 oyun keçirib, 38 qələbəyə sevinib, 7 heç-heçə edib, 12 məğlubiyyətə üzülüb.

Kivu daha öncə İtaliyada “Parma”ya da rəhbərlik edib. Rumıniyalı məşqçi buna qədər “İnter”in müxtəlif yaş qruplarından ibarət komandalarında çalışıb.

Kivu futbolçu karyerası ərzində 2007–2014-cü illərdə “İnter”in formasını geyinib. O, Milan təmsilçisi ilə 3 dəfə İtaliya çempionu olub, 2 dəfə ölkə kubokunu və super kubokunu qazanıb. Bundan əlavə, bir dəfə UEFA Çempionlar Liqasının, bir dəfə isə Klublararası Dünya Çempionatının qalibi adını qazanıb.

Rumıniyalı sabiq müdafiəçi İtaliyada həmçinin “Roma” klubunda çıxış edib və paytaxt təmsilçisi ilə İtaliya Kubokunu qazanıb.

Çexiya yığmasının baş məşqçisi Miroslav Kubek dünya çempionatının qrup mərhələsində CAR millisinə qarşı keçirdikləri oyunu şərh edib.

Arena.az xəbər verir ki, DÇ-2026-nın qrup mərhələsinin ikinci turu çərçivəsində baş tutmuş Çexiya – Cənubi Afrika Respublikası matçında qalib müəyyənləşməyib – 1:1.

Miroslav Kubek matçdan sonra təşkil edilmiş mətbuat konfransında bunları söyləyib:

“Bu nəticədən məyusuq. Çünki yaratdığımız qol imkanlarına baxsaq, qələbəyə daha yaxın olan tərəf biz idik. Lakin bir səhvə yol verdik və bu səhv bizə qələbə bahasına başa gəldi. Buna baxmayaraq, ikinci hissədə daha yaxşı oynadığımızı düşünürəm”.

Cənubi Afrika Respublikası yığmasının baş məşqçisi Huqo Bros da oyundan sonra komandasının çıxışından razı qaldığını bildirib.

“Komandamla çox fəxr edirəm. Bu, Cənubi Afrikadır – biz gözəl futbolu sevirik, aqressiv oynayırıq və qol imkanları yaradırıq. Bəli, səhvlər etdik, amma bugünkü çıxışımızla fəxr edirəm. Çexiya güclü komandadır və heyətində çox hündürboylu futbolçular var. Buna baxmayaraq, biz çox yaxşı oynadıq.

Hesabın 1:1 olması bir qədər təəssüf doğurur. İndi isə Cənubi Koreyaya qarşı oyunda qalib gəlməliyik. Həmin matç da çox çətin olacaq. Əgər bugünkü əzmkarlıq və yanaşma ilə oynasaq, buna nail olmaq mümkündür”.

Amerika Birləşmiş Ştatları (ABŞ), Kanada və Meksikada təşkil edilmiş futbol üzrə sayca 23-cü dünya çempionatı (DÇ-2026) davam edir.

Arena.az xəbər verir ki, bu gün daha bir oyun baş tutub.

Qrup mərhələsinin 2-ci turunun ilk oyununda Çexiya və Cənubi Afrika Respublikası (CAR) yığmaları qarşılaşıblar.

Atlanta (Corciya, ABŞ) stadionunda keçirimiş A qrupunun matçında qalib müəyyənləşməyib – 1:1. Avropalıların heyətində Mixal Sadilek 6-cı dəqiqədə çexiyalı azarkeşləri ayağa qaldırıb. 83-cü dəqiqədə isə Teboho Mokoena penalti zərbəsini dəqiq yerinə yetirərək CAR yığmasına 1 xal qazandırıb.

Bu qrupun digər oyununda saat 05:00-da Meksika Cənubi Koreya ilə üz-üzə gələcək.

DÇ-2026
A qrupu
18 iyun

Çexiya – CAR 1:1
Qollar: Mixal Sadilek, 6 – Teboho Mokoena, 83-pen.

Fil Dişi Sahili milli komandası DÇ-2026-nın E qrupunun 2-ci turu çərçivəsində Almaniya yığması ilə üz-üzə gələcək.

Futbolpress.az xəbər verir ki, Afrika təmsilçisinin futbolçusu Elye Vahi Kanadaya viza ala bilməyib. O, bu səbəbdən görüşü buraxacaq.

İyunun 21-də keçiriləcək oyuna saat 00:00-da start veriləcək.

İlk turdan sonra hər iki komandanın aktivində üç xal var.

Özbəkistan millisinin üzvü Abbosbek Fayzullayev XXI əsrdə dünya çempionatında başla qol vurmuş ən bəstəboy futbolçu olub.

Arena.az xəbər verir ki, 22 yaşlı yarımmüdafiəçi bunu DÇ-2026-nın K qrupunun 1-ci turunda baş tutmuş Kolumbiya ilə oyunda bacarıb.

Türkiyənin “Başakşəhər” klubuna məxsus olan oyunçunun boyu 167 sm-dir.

Əvvəlki rekord 2022-ci ildə baş tutan mundialda Qanaya qol vurmuş uruqvaylı Corcian de Arraskaetaya (173 sm) məxsus olub.

Bundan başqa, Abbosbek Fayzullayev Özbəkistan millisinin mundiallar tarixində ilk qolunun müəllifi olub.

Qarşılaşmada komandasının yeganə qolunun müəllifi olan Fayzullayev nəticədən narazı qaldıqlarını bildirib:

“Nəticəyə görə məyusuq. Heç olmasa bir xal qazana bilərdik. Uşaqlar meydanda sonadək mübarizə apardılar və bütün güclərini ortaya qoydular. İlk dəqiqələrdə həyəcan hiss olunurdu, amma ikinci hissədə yaxşı oynadıq. Rəqibin ikinci qolu bizim öz səhvimizdən sonra vuruldu. Bu, çox üzücü oldu.

Həm stadiona gəlib bizi dəstəkləyən azarkeşlərə, həm də səhər saatlarında ekran qarşısında oyunu izləyən hər kəsə təşəkkür edirəm. İndi bütün diqqətimizi qarşıda qalan iki oyuna yönəltmişik”.

Xatırladaq ki, Özbəkistan millisi Kolumbiyaya 1:3 hesabı ilə uduzub.

Yeri gəlmişkən, eyni gündə Portuqaliya millisinin yarımmüdafiəçisi Joao Neves də XXI əsrdə dünya çempionatlarında başla qol vurmuş ən qısaboylu üçüncü futbolçu kimi adını tarixə yazdırıb. O, DÇ-2026-nın qrup mərhələsinin ilk turunda Konqo Demokratik Respublikası yığmasına qarşı keçirilən oyunda dünya çempionatlarının tarixinə düşüb. Portuqaliyalı yarımmüdafiəçinin boyu 174 santimetrdir.

Portuqaliya – Konqo DR matçı 1:1 hesabıyla başa çatıb.

İspaniyalı futbol mütəxəssisi Benyat San Xose La Liqada mübarizə aparan “Rayo Valyekano”nun baş məşqçisi təyin edilib.

Arena.az xəbər verir ki, bu barədə Madrid təmsilçisi rəsmi saytı vasitəsilə məlumat yayıb.

46 yaşlı mütəxəssislə müqavilənin müddəti və digər detalları açıqlanmayıb. O, bu postda 2025/2026-cı illər mövsümü bitən kimi komandadan ayrılmış İnyiqo Peresi əvəz edib. Hansı ki, o, “Rayo Valyekano”dan ayrılandan sonra “Vilyarreal”a baş məşqçi təyin edilib.

İnyiqo Peres 2024-cü ilin fevral ayından “Rayo Valyekano”ya rəhbərlik edirdi. Sözügedən komanda bu mütəxəssisin rəhbərliyi altında 113 oyuna çıxıb, 44 qələbə, 33 heç-heçə, 36 məğlubiyyət görüb.

La Liqa təmsilçisi geridə qalmış 2025/2026-cı illər mövsümündə 50 xalla 8-ci yeri tutub və avrokuboklardan kənarda qalıb. Əvəzində, İnyiqo Peres komandanı Avropa Konfrans Liqasının finalına çıxarıb. Lakin İspaniya təmsilçisi həlledici oyunda İngiltərənin “Kristal Pelas” komandasına uduzub.

Benyat San Xose isə son olaraq “Eybar”ı çalışdırıb. O, “Atlas”, “Bolivar”, “Mazatlan”, “Eupen”, “Əl-Nəsr”, “Universidad Katolika”, “Əl-İttihad”, “Əl-İttifaq”, “Deportes Antofaqasta” kimi komandalara da rəhbərlik edib.

DÇ-2026-nın qrup mərhələsinin II turuna start verilib.

Futbolpress.az xəbər verir ki, A qrupunda Çexiya CAR ilə üz-üzə gəlib. Matç bərabərliklə başa çatıb.

Qrupun digər matçında Meksika Cənubi Koreyaya qalib gəlib.

B qrupunda İsveçrə Bosniya və Herseqovinanı, Kanada isə Qətəri darmadağın edib.

DÇ-2026
Qrup mərhələsi

18 iyun

A qrupu

20:00 Çexiya – CAR 1:1
Qollar: Sadilek, 6 – Mokoena, 83-pen.

Meksika – Cənubi Koreya 1:0
Qol: L.Romo, 50

Xal durumu: Meksika –  6, Cənubi Koreya – 3, Çexiya – 1, CAR – 1

B qrupu

23:00 İsveçrə – Bosniya və Herseqovina 4:1
Qollar: Manzambi, 74, 90+1, Varqas, 85, Caka, 90+6-pen – Mahmiç, 90+3

Kanada – Qətər 6:0
Qollar: K.Larin, 16, C.Devid, 29, 45+3, 90+2, N.Saliba, 64, M.Manai, 75-avtoqol

Xal durumu: Kanada – 4, İsveçrə – 4, Bosniya və Herseqovina – 1, Qətər – 1

“Neftçi”nin akademiyasının koordinatoru Sənan Qurbanovun “Dordoy”dan təklif aldığını xəbər vermişdik.

Mütəxəssis klubla anlaşma əldə etməyib. Bu barədə Qurbanov “Futbolpress.az“a açıqlamasında bildirib:

“Dordoy”la danışıqlar apardıq, ancaq anlaşma əldə etmədik. Həm “Kəpəz”, həm də qırğızlardan təklif gəldi, lakin maliyyə məsələsində razılaşa bilmədik”. 

Qurbanov məşqçi kimi “Keşlə” (indiki “Şamaxı”) və “Qəbələ”də çalışıb.

Şahin Cəfərov

İspaniyanın “Valyekano” klubunun yeni baş məşqçisi açıqlanıb.

Futbolpress.az xəbər verir ki, komandanın “sükanı” Benyat San-Xose Xiliə tapşırılıb. Bu barədə klubun mətbuat xidməti məlumat yayıb. 

“Valyekano” ötən mövsüm La Liqanı 8-ci sırada başa vurub. Komanda Konfrans Liqasında gümüş medal qazanıb.

Futbol üzrə İngiltərə yığmasının hücumçusu Harri Keyn DÇ-2026-da keçirdikləri ilk oyunda dubla imza atmaqla bir neçə ilki gerçələşdirib.

Arena.az xəbər verir ki, ABŞ, Kanada və Meksikanın birgə ev sahibliyi etdiyi dünya çempionatının qrup mərhələsinin ilk turunda İngiltərə yığması Xorvatiya millisinə 4:2 hesabıyla qalib gəlib.

Keyn bu görüşdə iki qol vurmaqla tarixi nailiyyətə imza atıb. 32 yaşlı futbolçu əvvəlcə matçın 12-ci dəqiqəsində penaltidən fərqlənərək dünya çempionatları tarixində ən çox penalti qolu vuran oyunçu olub. Keyn mundiallarda vurduğu penalti qollarının sayını 5-ə çatdıraraq bu göstəricidə indiyədək liderliyi bölüşdüyü Eysebio, Rob Rensenbrink, Qabriel Batistuta və Lionel Messini geridə qoyub.

Bu qol Keyn üçün dünya çempionatlarındakı 9-cu qol olub. Bununla da İngiltərə millisinin kapitanı mundial qollarının sayına görə Kristiano Ronaldonu (8 qol) arxada qoyub. O, eyni zamanda dünya çempionatlarında ən azı 9 qol vurmuş 26-cı futbolçu kimi tarixə düşüb.

Keyn ikinci qolunu da vuraraq dünya çempionatlarındakı qollarının sayını 10-a yüksəldib. Beləliklə, o, İngiltərə millisinin mundiallar tarixində ən məhsuldar futbolçusu olan Qari Linekerin rekorduna şərik çıxıb. Hər iki futbolçunun hesabında 10 qol var və onlar bu göstəriciyə 12 oyunda nail olublar.

Keyn bu mundialda növbəti qolunu vuracağı təqdirdə bu göstəricidə Linekeri geridə qoyaraq təkbaşına lider olacaq.

İngiltərə yığmasının lideri həmçinin dünya çempionatlarında 10 qol həddinə çatmış 16-cı futbolçu olub. Bundan başqa, o, Devid Bekhemdən sonra üç müxtəlif dünya çempionatında qol vurmağı bacaran ikinci ingilis futbolçu kimi tarixə düşüb.

Qeyd edək ki, Harri Keyn hazırda Almaniyanın “Bayern” klubunda çıxış edir. O, 81 qolla İngiltərə millisinin tarixində ən yaxşı bombardirdir. Hücumçu 2018-ci ildə Rusiyada keçirilmiş dünya çempionatında 6 qol vuraraq turnirin bombardiri olmuşdu.

Beləliklə, Xorvatiya ilə qarşılaşma Harri Keyn üçün təkcə uğurlu start deyil, həm də dünya çempionatları tarixində bir neçə mühüm rekordu yenilədiyi unudulmaz oyun kimi yadda qalıb.

“Neftçi”nin qadın futbolçulardan ibarət komandasının UEFA Çempionlar Liqasının (ÇL) 1-ci təsnifat mərhələsindəki rəqibi müəyyənləşib.

Arena.az bu barədə UEFA-nın rəsmi saytına istinadən xəbər verir.

Belə ki, bu gün keçirilmiş püşkatmanın nəticəsinə əsasən, Bakı təmsilçisi bu mərhələnin 1-ci qrupunun yarımfinalında Monteneqronun “Buduçnost” komandası ilə qarşılaşacaq.

Cütün qalibi finalda PAOK (Yunanıstan) – “Hapoel” (Yerusəlim, İsrail) cütünün qalibi ilə üz-üzə gələcək. Qalib komanda 2-ci təsnifat mərhələsinə yüksələcək.

“Neftçi”nin yer aldığı bu qrupun oyunlarının hansı ölkədə təşkil ediləcəyi hələlik məlum deyil. Bir oyundan ibarət olacaq bütün görüşlər eyni məkanda təşkil ediləcək.

Xatırladaq ki, ÇL-in 1-ci təsnifat mərhələsinin yarımfinal oyunları iyulun 22-də, final görüşüi isə eyni ayın 25-də keçiriləcək.

“Qəbələ”nin futbolçusu Mehrac Baxşalı və “Şamaxı”dan ayrılmış Ravil Qafarov bundan sonra “Şahdağ Qusar”ın uğurları üçün çalışacaqlar.

Arena.az xəbər verir ki, bu barədə Qusar klubunun mətbuat xidməti məlumat yayıb.

Xəbərdə bildirilir ki, klub Premyer Liqa təmsilçisi “Qəbələ”dən Mehrac Baxşalını icarə əsasında heyətinə cəlb edib. 23 yaşlı hücumçu cari mövsümün sonuna qədər yeni komandasında çıxış edəcək.

Əyalət klubu azad agent statusuna malik Ravil Qafarov ilə də müqavilə imzalayıb. 20 yaşlı futbolçunun müqaviləsinin müddəti 2026/2027-ci illər mövsümünün sonuna qədər nəzərdə tutulub.

Ravilin son klubu “Şamaxı” olub. O, həmçinin 21 yaşadək futbolçulardan ibarət milli komandamızın da üzvüdür.

“Şahdağ Qusar” Gülağa Əsədovu da heyətinə cəlb edib. 23 yaşlı yarımmüdafiəçi ilə 1+1 illik sözləşmə imzalanıb. Əsədovun son klubu “Ordu” olub.

Ötən mövsümü “Səbail”in heyətində keçirmiş Fəxri Məmmədli də “Şahdağ Qusar”a keçib. 21 yaşadək futbolçulardan ibarət milli komandamızın da üzvü olan futbolçunun müqaviləsinin müddəti mövsümün sonuna qədər nəzərdə tutulub.

Daha bir yeni transferi Ürfan İsmayılovdur. 30 yaşlı futbolçu ilə 1+1 illik sözləşmə imzalanıb. Təcrübəli yarımmüdafiəçi ötən mövsümü “Şəfa”da keçirib.

Qusar təmsilçisi qapıçı Elməddin Sultanovu da heyətinə qatıb. Qolkiper növbəti mövsümü bu komandanın heyətində keçirəcək. 25 yaşlı qapıçı “Qəbələ”nin yetirməsidir. Onun son klubu “Baku Sportinq” olub.

“Şahdağ Qusar” iki futbolçusu ilə də yeni müqavilə bağlayıb. Qapıçı Müşviq Nadirov və hücumçu Famil Camalovla müqavilənin müddəti artırılıb. Hər iki futbolçu növbəti mövsümün sonuna qədər bu komandanın uğurları üçün çalışacaq.

Birinci Liqanı tərk edərək növbəti mövsümdən İkinci Liqada mübarizə aparacaq “Difai” komandasının yeni baş məşqçisi müəyyənləşib.

Arena.az xəbər verir ki, sözügedən komandanı bundan sonra Şəhriyar Məmmədov çalışdıracaq.

Bu barədə klubun mətbuat xidməti məlumat yayıb. Tərəflər arasındakı müqavilənin müddəti açıqlanmayıb. Amma böyük ehtimalla, gənc mütəxəssis yeni klubu ilə 1 illik sözləşməyə imza atıb.

Xatırladaq ki, Şəhriyar Məmmədov daha əvvəl “Araz Saatlı” və MOİK-də çalışıb.

Qeyd edək ki, “Difai” Birinci Liqada 2025/2026-cı illər mövsümünü sonuncu sırada başa vuraraq İkinci Liqaya düşüb. Bu komanda ötən mövsüm keçirdiyi 27 oyunda cəmi 4 qələbə qazanıb, 6 heç-heçə edib, 17 məğlubiyyətə üzülüb. Cəmi 18 xal toplamış kollektiv 10 iştirakçı arasında sonuncu yeri tutub.

Azərbaycanı Avropa Konfrans Liqasında təmsil edəcək “Zirə”nin 2026/2027-ci illər mövsümünə hazırlıq planı açıqlanıb.

Arena.az xəbər verir ki, bu barədə paytaxt klubunun mətbuat xidməti məlumat yayıb.

Xəbərdə bildirilir ki, Bakıda hazırlıq keçən komanda iyunun 25-dək çalışmalarını paytaxda davam etdirəcək. Bu müddətdə bir yoxlama oyunu keçirəcək komanda iyunun 20-də “Qarabağ”la qarşılaşacaq. “Azərsun Arena”da baş tutacaq bu görüşə saat 18:00-da start veriləcək.

Qəsəbə təmsilçisi 25 iyun – 2 iyul tarixlərində Türkiyənin Bolu şəhərində hazırılıq keçəcək. Hazırlığın növbəti mərhələsində komanda daha iki yoxlama oyunu keçirəcək. Qarşılaşmalar 27 iyun və 1 iyul tarixlərində baş tutacaq. Rəqiblərin kimliyi və oyun saatları haqqında əlavə məlumat veriləcək.

Xatırladaq ki, “Zirə” Avropa Konfrans Liqasının 1-ci təsnifat mərhələsində Gürcüstanın “Torpedo” (Kutaisi) komandası ilə üz-üzə gələcək. Təmsilçimiz bu rəqibini keçəcəyi halda növbəti raundda “Hegelmann” (Litva) – “Payde” (Estoniya) cütünün qalibi ilə üz-üzə gələcək.

Bu yay “Liverpul”dan azad agent kimi ayrılmış Fransa yığmasının mərkəz müdafiəçisi İbrahima Konate Madrid “Real”ına keçib.

Arena.az xəbər verir ki, bu barədə İspaniya klubunun mətbuat xidməti məlumat yayıb.

27 yaşlı futbolçu yeni klubu ilə 4 illik (2030-cu ilin 30 iyununadək) müqavilə bağlayıb.

Xatırladaq ki, İbrahima Konate Fransanın “Soşo” klubunun yetirməsidir. O, 2017-ci ildən 2021-ci ilə qədər “Leypsiq”in (Almaniya) uğurları üçün çalışıb. Mərkəz müdafiəçisi “Liverpul”a 2021-ci ilin iyul ayında 40 milyon avro müqabilində məhz “Leypsiq”dən keçmişdi.

Fransalı futbolçu “Liverpul”un heyətində 183 oyuna çıxıb. O, bu oyunlarda 7 qola imza atıb, həmçinin 4 məhsuldar ötürmə müəllifi olub.

Fransa yığmasının üzvü “Liverpul”la 5 titul qazanıb. O, 2 dəfə (2022 və 2024-cü illərdə) İngiltərə Liqa Kubokunun, 1 dəfə İngiltərə Premyer Liqasının (2024/2025), 1 dəfə İngiltərə Federasiya Kubokunun (2022), 1 dəfə də İngiltərə Super Kubokunun (2022/2023) qalibi olub.

İbrahima Konate Fransanın aşağı yaş qrupları üzrə müxtəlif yığmalarında oynayıb. Müdafiəçi 2022-ci ilin iyun ayında əsas millidə debüt edib. O, yığma komandanın heyətində meydana çıxdığı 28 oyunda 1 məhsuldar ötürmə müəllifi olub.

“Transfermarkt” internet-portalı 27 yaşlı müdafiəçinin transfer dəyərini 45 milyon avro məbləğində qiymətləndirir.

Azərbaycan Futbol Federasiyaları Assosiasiyasının (AFFA) baş katibi Cahangir Fərəcullayev UEFA-da komitə üzvü seçilib.

Arena.az bu barədə AFFA-nın rəsmi saytına istinadən xəbər verir.

Xəbərdə bildirilir ki, Cahangir Fərəcullayev UEFA-nın Marketinq Məsləhət Komitəsinin üzvü təyin edilib. UEFA İcraiyyə Komitəsinin qərarına əsasən, Fərəcullayev sözügedən komitədə fəaliyyət göstərəcək.

Qeyd edək ki, UEFA İcraiyyə Komitəsi UEFA Komitələri və Ekspert Panellərinin tərkibini müzakirə edib və qitə futbol qurumuna üzv assosiasiyalar tərəfindən təqdim edilən namizədlər əsasında təklif olunan yeni tərkibi təsdiqləyib.

Futbol üzrə Azərbaycan çempionatının və kubokunun sonuncu qalibi olan “Sabah”ın müdafiəçisi Andrey Santos paytaxt klubundan ayrılıb.

Arena.az xəbər verir ki, 21 yaşlı müdafiəçi Gürcüstanın “İberiya” klubuna keçib.

Bu barədə Gürcüstan təmsilçisi məlumat yayıb. Xəbərdə bildirilir ki, “İberiya” Santosu icarə müqaviləsi əsasında heyətinə qatıb. Müqavilədə satınalma şərtinin olub-olmadığı açıqlanmır. “Sabah” isə bu keçidlə bağlı hələlik heç bir rəsmi açıqlama yayıb.

Xatırladaq ki, Andrey Santos ötən ilin yayında “Sabah”a qoşulub. Tam adı Andrey Viktor Souza Santos olan braziliyalı futbolçu başa çatmış mövsümdə Premyer Liqada 6 oyuna çıxıb. 21 yaşlı mərkəz müdafiəçisi paytaxt klubunun heyətində cəmi 8 matç keçirib.

Sonda onu da xatırladaq ki, “İberiya” “Sabah”ın Konfrans Liqasındakı potensial rəqibidir. Paytaxt təmsilçisi UEFA Çempionlar Liqasının 1-ci təsnifat mərhələsində TNS-ə (Uels) uduzarsa, Konfrans Liqasının 2-ci təsnifat mərhələsində “Flora” (Estoniya) – “İberiya” (Gürcüstan) cütünün məğlubu ilə qarşılaşacaq.

Bir neçə gün əvvəl “Sabah”dan ayrılmış nigeriyalı cinah hücumçusu Jesse Sekidika bundan sonra Cənubi Koreyada çıxış edəcək.

Arena.az xəbər verir ki, 29 yaşlı futbolçu K-Liqa təmsilçisi “Qanqvon”la rəsmi müqavilə imzalayıb.

Cənubi Koreya klubu Sekidikanın 70 nömrəli formanı geyinəcəyini açıqlayıb. “Qanqvon”un ən böyük transferi hesab edilən ön xətt oyunçusunu klub prezidenti Kim Byunq Ji şəxsən qarşılayıb və tibbi müayinə zamanı onu müşayiət edib.

Xatırladaq ki, Jesse Sekidika 2023-cü ilin sentyabr ayından “Sabah”da çıxış edirdi. O, “bayquşlar”ın tarixində mühüm rol oynamış futbolçulardandır. Nigeriyalı futbolçu “bayquşlar”ın heyətində bir dəfə Azərbaycan çempionu, iki dəfə isə Azərbaycan Kubokunun qalibi olub. Sekidika “Sabah”da ümumilikdə 107 oyun keçirib. O, bu matçlarda 21 qol və 10 məhsuldar ötürmə ilə fərqlənib.

29 yaşlı futbolçu karyerası ərzində Serbiyanın “Napredak” (2015-2018), Türkiyənin “Əskişəhərspor” (2018-2020), “Qalatasaray” (2020-2021), “Konyaspor” (2021), “Eyüpspor” (2022), “Ümraniyəspor” (2023) və Belçikanın “Leven” (2021) klublarında da oynayıb.

Dünən “Qarabağ”dan ayrıldığı rəsmən açıqlanmış kolumbiyalı mərkəz müdafiəçisi Kevin Medina Azərbaycan klubu ilə vidalaşıb.

Arena.az xəbər verir ki, müdafiəçi bununla bağlı sosial şəbəkə hesabında paylaşım edib:

“Bu gün həyatımda və karyeramda iz qoymuş bir klubla vidalaşıram.

“Qarabağ”a gəldiyim ilk gündən məni açıq ürəklə qarşıladılar. Burada möhtəşəm peşəkarlar, dosta çevrilən həmkarlar və hər zaman yanımda olan, dəstəyini əsirgəməyən ehtiraslı azarkeşlər tanıdım.

Bu illər mənim üçün böyük öyrənmə, zəhmət, uğur və inkişaf illəri oldu. Bu formanı geyinmək, bu gerbi təmsil etmək həm şərəf, həm də böyük məsuliyyət idi. Mən də hər zaman meydanda buna sədaqət, hörmət və peşəkarlıqla layiq olmağa çalışdım.

Bu yolun bir hissəsi olan hər kəsə təşəkkür edirəm: klub rəhbərliyinə, məşqçilər heyətinə, klub əməkdaşlarına və ən əsası komanda yoldaşlarıma. Birlikdə yaşadığımız hər an qəlbimdə və yaddaşımda əbədi qalacaq.

“Qarabağ” azarkeşlərinə xüsusi təşəkkürümü bildirirəm. Hər dəstəyinizə, hər mesajınıza, həm yaxşı, həm də çətin günlərdə yanımda olduğunuz üçün minnətdaram. Sizdən gördüyüm sevgi və yaşadığımız bütün anlar heç vaxt unudulmayacaq.

İndi isə yeni bir çağırışa başlamağın vaxtıdır. Bu böyük klubun tarixinin bir hissəsi olmaqdan qürur duyaraq və sonsuz minnətdarlıq hissi ilə ayrılıram. “Qarabağ”a gələcəkdə daha böyük uğurlar, yeni nailiyyətlər və daha parlaq bir gələcək arzulayıram. Bu klub həqiqətən də tarix yazan bir klubdur!”

Xatırladaq ki, 2020-ci ildən “Qarabağ”da çıxış edən 33 yaşlı müdafiəçinin karyerasını Malayziyanın “Johor” klubunda davam etdirəcəyi gözlənilir.

“Liverpul” heyətini yeni futbolçu ilə gücləndirməyə hazırlaşır.

Futbolpress.az xəbər verir ki, Mersisayd təmsilçisi “Osasuna”dan Viktor Munyosla anlaşıb. Bu barədə insayder Fabrizio Romano məlumat yayıb. İngiltərə klubu 22 yaşlı vinger üçün 40 milyon avro ödəyəcək.

Munyos İspaniya millisinin dünya çempionatı üçün heyətində yer alır.

Beynəlxalq dərəcəli voleybol hakimi Eldar Zülfüqarov Avropa Liqasının oyunlarına təyinat alıb.

Futbolpress.az xəbər verir ki, Avropa Voleybol Konfederasiyasının (CEV) qərarına əsasən, o, 19–21 iyun tarixlərində Gürcüstanın paytaxtı Tbilisidə keçiriləcək Avropa Liqasının üçüncü turunun qarşılaşmalarında hakim kimi fəaliyyət göstərəcək.

Bu mərhələdə qadınlar arasında Bosniya və Herseqovina, Gürcüstan və Slovakiya, kişilər arasında isə Gürcüstan, İspaniya və Çexiya milli komandaları mübarizə aparacaqlar.

“Çelsi”nin futbolçusu Enzo Fernandes karyerasını İspaniyada davam etdirə bilər.

Futbolpress.az xəbər verir ki, “Real” yarımmüdafiəçi ilə razılığa gəlib. Bu barədə insayder Nikolo Skira məlumat yayıb. “Kral klubu” Enzo üçün “Çelsi”yə təklif öndərməyə hazırlaşır.

Fernandes bir neçə ay öncə verdiyi açıqlamada “Real”da oynamaq arzusunun olduğunu bildirib.

Argentinalı futbolçu başa çatan mövsümdə 54 oyunda 15 qol vurub, məhsuldar ötürmə edib.

“Şəfa” üç futbolçusu ilə yollarını ayırıb.

Futbolpress.az xəbər verir ki, bu barədə klubun mətbuat xidməti məlumat yayıb.

Qapıçı Rəvan Kazımov, müdafiəçi Vüqar Həsənov və yarımmüdafiəçi Ruslan Hacıyevin “Şəfa” ilə müqavilələrinin müddəti başa çatıb.

Bakı təmsilçisi yeni mövsümdə Premyer Liqada mübarizə aparacaq.

Bakıda hazırlıq keçən “Zirə” iyunun 25-dək çalışmalarını paytaxda davam etdirəcək.

Futbolpress.az xəbər verir ki, bu müddətdə 1 yoxlama oyunu keçirəcək “qartallar” iyunun 20-də saat 18:00-da “Azərsun Arena”da “Qarabağ”la qarşılaşacaq.

25 iyun – 2 iyul tarixlərində Türkiyənin Bolu şəhərində hazırılığın növbəti mərhələsini keçirəcək “Zirə” burada iki yoxlama oyunu keçirəcək.

Qarşılaşmalar 27 iyun və 1 iyul tarixlərində baş tutacaq. Rəqiblərin kimliyi və oyun saatları hələ məlum deyil.

“Zirə”nin yay hazırlıq planı bəlli olub. Msport.az xəbər verir ki, bu barədə Bakı təmsilçisi məlumat yayıb. “Qartallar” iyunun 25-dək çalışmalarını […]

Source

Bu gün qadın futbolçular arasında UEFA Çempionlar Liqasının birinci təsnifat mərhələsinin püşkatma mərasimi keçirilib. Msport.az xəbər verir ki, püşk nəticəsində […]

Source

“Qarabağ” və “Zirə” komandaları arasında yoxlama görüşü keçiriləcək. Msport.az xəbər verir ki, qarşılaşma iyunun 20-də saat 18:00-da start götürəcək. Yoxlama […]

Source

Türkiyəli futbol mütəxəssisi İsmail Kartal yenidən “Fənərbağça” klubunun əsas komandasının baş məşqçisi təyin edilib.

Arena.az bu barədə İstanbul klubunun mətbuat xidməti məlumat yayıb.

Xəbərdə bildirilir ki, 65 yaşlı mütəxəssislə 1 illik (2026/2027-ci illər mövsümünün sonunadək) müqavilə imzalanıb.

İstanbul klubunun niderlandlı sabiq futbolçusu Dirk Kuyt İsmail Kartalın əsas köməkçisi təyin edilib. Oğuz Çetin isə bu klubun futbol direktoru təyin edilib.

Xatırladaq ki, bir neçə gün öncə baş tutmuş seçkilərdə qalib gəlmiş Aziz Yıldırım yenidən “Fənərbağça”ya prezident seçilmişdi. Yeni təyinatlar da məhz onun rəhbərliyə gəlişindən sonra gerçəkləşib. İsmail Kartal “Fənər”in baş məşqçi postunda ötən mövsümün sonunda istefaya göndərilmiş Domeniko Tedeskonu əvəz edib.

İsmail Kartal “Fənərbağça” üçün yad sima deyil. O, futbolçu karyerası dönəmində ən çox məhz bu klubun uğurları üçün çalışıb. Sağ cinah müdafiəçisi 1983-1993-cü illər aralığında İstanbul təmsilçisinin heyətində 200-dən çox oyun keçirib.

Kartal məşqçiliyə də 1996-cı ilə məhz “Fənərbağça”da başlayıb. O, müxtəlif vaxtlarda klubun yeniyetmə və gənclərdən ibarət komandalarına rəhbərlik edib, həmçinin əsas komandada köməkçi-məşqçi kimi çalışıb. Təcrübəli mütəxəssis 2014/15 mövsümündə “Fənərbağça”nın baş məşqçisi olub və komandaya Türkiyə Super Kubokunu qazandırıb. İstanbul klubu həmin vaxt onun rəhbərliyi altında meydana çıxdığı 46 oyunda 30 qələbə qazanıb, 10 heç-heçə edib, 6 məğlubiyyətə üzülüb.

Kartal 2022-ci ilin yanvarında yenidən bu posta gətirilib və may ayına kimi komandaya rəhbərlik edib. İstanbul klubu onun rəhbərliyi altında meydana çıxdığı 21 oyunda 12 qələbə qazanıb, 5 heç-heçə edib və 4 məğlubiyyətə üzülüb.

Türkiyəli mütəxəssis son olaraq 2023/2024-cü illər mövsümündə İstanbul klubuna rəhbərlik edib. O, 58 oyunda 44 qələbə, 7 heç-heçə, 7 məğlubiyyət görüb.

İsmail Kartal məşqçilik karyerası ərzində “Karabükspor”, “Sivasspor”, “Mardinspor”, “Altay”, “Malatyaspor”, “Orduspor”, “Ərzurumspor”, “Konyaspor”, “Rizəspor”, “Ankaragücü”, “Qaziantepspor”, “Əskişəhərspor” və “Persepolis”ə də rəhbərlik edib.

2026/2027 mövsümündən etibarən Azərbaycan Premyer Liqasında mübarizə aparacaq “Şəfa” daha 3 futbolçusu ilə yollarını ayırıb.

Arena.az xəbər verir ki, bu barədə klubun mətbuat xidməti məlumat yayıb.

Xəbərdə bildirilir ki, qapıçı Rəvan Kazımov, müdafiəçi Vüqar Həsənov və yarımmüdafiəçi Ruslan Hacıyevin müqavilələrinin müddəti başa çatıb. Klub hər üç futbolçuya göstərdikləri xidmətlərə görə təşəkkür edib, gələcək karyeralarında uğurlar arzulayıb.

Xatırladaq ki, daha öncə Əli Həsənli, Zahid Mərdanov, Emin Zamanov, Hüseyn Mürsəlov, Aqil Nəsibov, Amir Ebrahimzade, Seymur Rəhimov, Elvin İsmayılov, İbrahim Əliyev, Novruz Məmmədov, Aqşin Paşayev, Ürfan İsmayılov, Rəvan Kazımov, Vüqar Həsənovun da bu komandanı tərk etdiyi rəsmən elan edilmişdi.

“Şəfa” geridə qalmış mövsümdə Birinci Liqanın qalibi olaraq 2026/2027-ci illər mövsümündən etibarən Azərbaycan Premyer Liqasında iştirak hüququ qazanıb. Paytaxt təmsilçisi elitaya çıxdıqdan sonra baş məşqçi postuna Zaur Həşimovu gətirib. Sözügedən klub “Kəpəz”dən Məmmədov Hüseynov və Rauf Hüseynlini, “Sabah”dan Nicat Mehbalıyevi, həmçinin “Şamaxı”dan Arsen Ağcabəyovu, “Qəbələ”dən Murad Musayev transfer edib. Kapitan Tərlan Quliyev, Ramin Nəsirli, Elnur Cəfərovla da yeni müqavilə imzalanıb.

AFFA-nın baş katibi Cahangir Fərəcullayev UEFA Marketinq Məsləhət Komitəsinin üzvü təyin edilib.

Futbolpress.az xəbər verir ki, UEFA İcraiyyə Komitəsinin qərarına əsasən, Fərəcullayev sözügedən komitədə fəaliyyət göstərəcək.

Qeyd edək ki, UEFA İcraiyyə Komitəsi UEFA Komitələri və Ekspert Panellərinin tərkibini müzakirə edib və qitə futbol qurumuna üzv assosiasiyalar tərəfindən təqdim edilən namizədlər əsasında təklif olunan yeni tərkibi təsdiqləyib.

“Sabah” futbolçusu Andrey Santosu icarəyə verib.

Futbolpress.az xəbər verir ki, braziliyalı müdafiəçi “İberiya”da çıxış edəcək. Bu barədə klubun mətbuat xidməti məlumat yayıb.

Santos ötən mövsüm Premyer Liqada 6 oyuna çıxıb.

“Keşlə”nin (indiki “Şamaxı”) və “Qəbələ”nin sabiq baş məşqçisi Sənan Qurbanova xaricdən təklif var.

Futbolpress.az-ın məlumatına görə, Qırğızıstanın “Dordoy” klubu azərbaycanlı mütəxəssislə danışıqlar aparır.

“Dordoy” Qırğızıstan çempionatında 12 turdan sonra 11 xalla 16 komanda arasında 13-cü sıradadır.

Sənan Qurbanov hazırda “Neftçi” akademiyasının koordinatoru vəzifəsini icra edir.

Şahin Cəfərov

Özbəkistan milli komandasının baş məşqçisi Fabio Kannavaro dünya çempionatları tarixinə düşüb.

Futbolpress.az xəbər verir ki, yığma mütəxəssisin rəhbərliyi altında mundialda Kolumbiya ilə qarşılaşıb və 1:3 hesabıyla uduzub.

Kannavaro “Qızıl top” sahibi olaraq həm futbolçu, həm də baş məşqçi kimi mundialda iştirak edən dördüncü mütəxəssis olub.

Bundan əvvəl Frants Bekkenbauer, Oleq Bloxin və Marko van Basten bunu bacarıb.

Kannavaro 2006-cı ildə “Qızıl top” qazanıb.

Azərbaycan idmançıları Bosniya və Herseqovinanın Sarayevo şəhərində keçirilən taekvondo üzrə Klublararası Avropa çempionatında çıxış edib.

Futbolpress.az xəbər verir ki, bu barədə Taekvondo Federasiyasının mətbuat xidməti məlumat yayıb. Taekvondoçular 2 qızıl, 3 gümüş və 1 bürünc medal qazanıb.

Qızıl – Aydan Hüseynova (36 kq, İrəvan TK)
Qızıl – Rada Əsəd (44 kq, Mübariz TK)

Gümüş – İslam Quluzadə (33 kq, Alpman TK)
Gümüş – Gökalp Çilingir (40 kq, Nərimanov RİK)
Gümüş – Renad Zülfiqarlı (+57 kq, Alov TK)

Bürünc – Əkbər Tağıyev (+30 kq, Atlet TK)

Klub təmsilçilərimiz ümumi komanda hesabında bütün rəqiblərini qabaqlayaraq birinci yerə layiq görülüb və kubokun sahibi olub.

AFFA-nın baş katibi Cahangir Fərəcullayev UEFA Marketinq Məsləhət Komitəsinin üzvü təyin edilib. Msport.az xəbər verir ki, UEFA İcraiyyə Komitəsinin qərarına […]

Source

“Everton”un cinah oyunçusu İlimane Ndiaye karyerasını “Çelsi”də davam etdirə bilər. Msport.az xəbər verir ki, London klubu 26 yaşlı seneqallı futbolçu […]

Source

Futbol üzrə Azərbaycan Premyer Liqasında mübarizə aparan “Araz-Naxçıvan” yarımmüdafiəçisi İbrahim Piriyev ilə yeni müqavilə bağlayıb.

Arena.az xəbər verir ki, bu barədə Naxçıvan təmsilçisinin mətbuat xidməti məlumat yayıb.

21 yaşlı cinah yarımmüdafiəçisi ilə anlaşma 2 il müddətinə nəzərdə tutulub.

Xatırladaq ki, İbrahim Piriyev 2025/2026-cı illər mövsümündə “Araz-Naxçıvan”ın əvəzedici heyətində çıxış edib. Mütəmadi olaraq əsas komandanın məşqlərinə cəlb olunan oyunçu “Zirə” ilə Azərbaycan Premyer Liqasının son turunda keçirilmiş matçda debut edib.

“Araz-Naxçıvan” buna qədər Tərlan Əhmədli, Ömər Buludov, Slavik Alxasov və Ülvi İsgəndərovla da yeni müqavilə bağlamışdı.

Ramon Maçado, Hamidu Keyta, Bar Kohen, Nuno Rodriqes, Rahil Məmmədov, Bəxtiyar Həsənalızadə, Coşqun Diniyev, Kristian Avram, Felipe Santos və Ba-Muaka Simakala isə komandanı tərk ediblər.

Futbol üzrə Azərbaycan Birinci Liqasında mübarizə aparan “Səbail” komandasının baş məşqçisi Adil Şükürov istefaya göndərilib.

Arena.az xəbər verir ki, bu barədə Bakı təmsilçisi məlumat yayıb.

Birinci Liqa təmsilçisi mütəxəssisin başa çatmış müqaviləsinin müddətini uzatmayıb. Klub ona xidmətləri üçün təşəkkür edib, gələcək karyerasında uğurlar arzulayıb.

Xatırladaq ki, Adil Şükürov ötən ilin noyabrından “Səbail”də işləyirdi. Onun rəhbərliyi altında komanda Birinci Liqanın 2025/2026-cı illər mövsümünü 3-cü pillədə başa vurub və əsas tapşırığın (Premyer Liqaya vəsiqə qazanmaq) öhdəsindən gələ bilməyib.

Qeyd edək ki, ötən gün “Səbail” rəhbərliyində də dəyişiklik qeydə alınıb. Belə ki, İdarə Heyətinin qərarına əsasən, Mirzə Bayrampur klubun prezidenti vəzifəsinə təyin olunub. Yeni rəhbərliyin komandanın baş məşqçi postunu kimə tapşıracağı hələ bilinmir.

“Real” heyətini yeni futbolçu ilə gücləndirib.

Futbolpress.az xəbər verir ki, “kral klubu” “Liverpul”dan ayrılan İbrahim Konateni transfer edib. Bu barədə klubun mətbuat xidməti məlumat yayıb. Müdafiəçi ilə 4 illik müqavilə imzalanıb.

“Real” daha əvvəl Bernardo Silvanı transfer edib.

“Fənərbağça”nın yeni baş məşqçisi açıqlanıb.

Futbolpress.az xəbər verir ki, komandanın “sükanı” İsmail Kartala tapşırılıb. Bu barədə klubun mətbuat xidməti məlumat yayıb.

Kartal daha əvvəl 2014/15, 2023/24 mövsümlərində və 2022-ci ilin əvvəlindən iyuluna qədər “Fənərbağça”ya rəhbərlik edib.

“Araz-Naxçıvan” növbəti transferini reallaşdırıb.

Futbolpress.az xəbər verir ki, komanda gənc futbolçu İbrahim Piriyevlə müqavilə imzalayıb. 21 yaşlı cinah yarımmüdafiəçisi ilə anlaşma 2 il müddətinə nəzərdə tutulub.

Piriyev 2025-2026-cı illər mövsümündə “Araz-Naxçıvan”ın əvəzedici heyətində çıxış edib. Mütəmadi olaraq əsas komandanın məşqlərinə cəlb olunan futbolçu “Zirə” ilə Misli Premyer Liqasının son turunda keçirilmiş matçda debut edib.

Qeyd edək ki, “Araz-Naxçıvan” buna qədər Tərlan Əhmədli, Ömər Buludov, Slavik Alxasov və Ülvi İsgəndərovla yeni müqavilə imzalayıb.

Özbəkistan millisinin futbolçusu İqor Sergeyev DÇ-2026-da Kolumbiyaya uduzduqları oyunu şərh edib.

Futbolpress.az xəbər verir ki, hücumçu 1:3 hesabıyla bitən görüşlə bağlı bunları deyib:

“Başa düşürük, Kolumbiya millisi güclüdür. Amma heç-heçə edə bilərdik. Öz səhvlərimizdən qollar buraxdıq və buna görə məyusuq. Məncə, mundialda ilk oyunumuzda güclü rəqibə yaxşı müqavimət göstərdik. Hələ heç nə bitməyib, qarşıda oyunlar var”.

“Səbail” müqavilə müddəti başa çatan baş məşqçi Adil Şükürovla yollarını ayırıb.

Futbolpress.az xəbər verir ki, bu barədə klubun mətbuat xidməti məlumat yayıb.

Şükürov ötən ilin noyabr ayından “Səbail”i çalışdırırdı. “Dənizçilər” I Liqada üçüncü olub və Premyer Liqaya vəsiqə qazana bilməyib.

“Şahdağ Qusar” yeni mövsüm heyətini formalaşdırmaq üçün çalışmalarını davam etdirir.

Futbolpress.az xəbər verir ki, bölgə təmsilçisi hücumçusu Famil Camalovla müqavilənin müddətini artırıb. Bu barədə klubun mətbuat xidməti məlumat yayıb.

Camalov mövsümün sonuna qədər “Şahdağ Qusar”ın uğurları üçün çalışacaq.

Qeyd edək ki, Famil 2024-cü ilin yanvar ayından komandanın heyətində çıxış edir

İtaliya A Seriyasının son çempionu “İnter”, “Real Madrid”in fransalı yarımmüdafiəçisi Eduardo Kamavinqanı yay üçün əsas transfer hədəfi seçib. Msport.az xəbər […]

Source

“Fənərbağça” yeni baş məşqçisinin adını açıqlayıb. Msport.az xəbər verir ki, Aziz Yıldırım İstanbul klubunun prezidenti seçildikdən sonra Aykut Kocamanın vakant […]

Source

“Sabah” futbolçusu Andrey Santosu icarəyə verib. Msport.az xəbər verir ki, 21 yaşlı dayaq  yarımmüdafiəçi karyerasını Gürcüstanda davam etdirəcək. O, “İberiya” […]

Source

“Qalatasaray” “Yuventus”un yarımmüdafiəçisi Kefren Türama elçi düşüb. Msport.az xəbər verir ki, Türkiyə klubu 25 yaşlı fransız futbolçuya ciddi maraq göstərir […]

Source

“Liverpul” danışıqları uğurla başa vuraraq “Osasuna”nın 22 yaşlı cinah oyunçusu Viktor Munyosla müqaviləni razılaşdırıb. Msport.az xəbər verir ki, mersisaydlılar gözlənilmədən […]

Source

Portuqaliyalı hücumçu Pedro Markes karyerasını Azərbaycanda davam etdirə bilər.

Futbolpress.az xəbər verir ki, bu barədə Kipr mətbuatı məlumat yayıb. “Neftçi” forvardın xidmətində maraqlıdır.

28 yaşlı hücumçu azad agentdir. “Apollon”la müqaviləsi başa çatan Markeslə “Neftçi” ilə yanaşı, “Pafos” və AEL klubu da maraqlanır.

Pedro ötən mövsüm 33 oyunda 15 qol vurub, 6 məhsuldar ötürmə edib.

“Şahdağ Qusar” heyətini yeni futbolçu ilə gücləndirib.

Futbolpress.az xəbər verir ki, Azərbaycan I Liqasında çıxış edən klub Mehrac Baxşalını transfer edib. 23 yaşlı futbolçu “Qəbələ”dən icarə əsasında heyətə cəlb olunub.

Baxşalı 2027-ci ilin yayına kimi “Şahdağ Qusar”ın formasını geyinəcək.

Mehracın son klubu “Ordu” olub.

 

İngiltərə millisi DÇ-2026-nın qrup mərhələsində Xorvatiyanı məğlub edib – 4:2.

Futbolpress.az xəbər verir ki, matçda iki qol vuran Harri Keyn yığmanın tarixinə düşüb. Mundiallarda 10 qola çatan forvard İngiltərə tarixində dünya çempionatlarında ən çox qol vuran futbolçu rekorduna şərik olub.

Keyn daha bir qol vuracağı təqdirdə, keçmiş hücumçu Qari Linekerin rekordunu qıracaq.

Misli Premyer Liqası klubları yeni mövsümün çalışmalarına başlayıb. Liqada iştirak edəcək 12 klubdan 11-də artıq gedənlər, gələnlər var. Təkcə “İmişli” susqundur.

Çempionatı 9-cu sırada bitirən komandada qeyri-müəyyənlik var. Baş məşqçi Jorj Kaşkilya son oyundan sonra kluba və Azərbaycana vida edib. Lakin gedişi rəsmən təsdiqlənməyib. Mütəxəssisin adı vaxtaşırı “Sumqayıt” və “Kəpəz”lə hallanıb.

“İmişli” yeni mövsümə dair planlarını da açıqlamayıb. Heyətlə bağlı qeyri-müəyyənlik hökm sürür, nə gələn var, nə gedən. Qarşıda bir aydan çox vaxt olmasına baxmayaraq, toplanışa tez zamanda başlamaq klub üçün daha faydalıdır.

Transferlərdə aktiv isə “Şəfa”dır. Misli Premyer Liqasının debütantı baş məşqçi postuna Zaur Həşimovu gətirib. Bəzi futbolçularla müqavilə uzadılır, azad agent statusu daşıyan yerli oyunçular heyətə cəlb edilir. Ötən mövsümün komandasında yer alan bəzi futbolçular isə yola salınıb.

Çempionlar Liqasında iştirak edəcək “Sabah” və Avropa Liqasında mübarizə aparacaq “Qarabağ” artıq çalışmalara başlayıb. Konfrans Liqasının iştirakçıları “Zirə” və “Neftçi” də yaxın zamanda toplanışa start verəcək. Adıçəkilən klublar arasında yalnız “Neftçi”dən hələlik transfer yoxdur. Əvəzində Murad Məmmədov, Vensan Abubakar, Kristian Kostinlə vidalaşan “ağ-qaralar” əvvəlki mövsümlərdə transferlərdə buraxılan səhvləri təkrarlamamaq istəmir və oyunçu keçidlərində ehtiyatlı davranır.

Avrokuboklardan kənarlaşdırılan “Turan Tovuz”da isə planlar dəyişib. Bir neçə gün əvvəl Türkiyədə toplanışa başlayan klub CAS qərarından sonra burdakı hazırlığı ləğv edib. Tovuz təmsilçisi Bakıya qayıdıb və toplanışa burda davam edəcək.

Mövsümün bitməsiylə Saşa İliçlə vidalaşan “Sumqayıt” da hələ baş məşqçi axtarışındadır. “Kimyaçılar”ın yeni çalışdırıcısı böyük ehtimalla əcnəbi olacaq və məsələnin yaxın zamanda həllini tapması gözlənilir.

Hazırda liqada iştirak edəcək “İmişli” və “Sumqayıt”da baş məşqçi postu boşdur. “Araz-Naxçıvan” “sükanı” Cavid Hüseynova tapşırdı və ötən mövsümün komandasında əsas heyətin demək olar, bütün üzvləri yola salındı. Görünür, naxçıvanlılar yeni mövsümdə ortasıralar uğrunda mübarizə aparacaq.

Şahin Cəfərov

“Difai”nin yeni baş məşqçisi açıqlanıb.

Futbolpress.az xəbər verir ki, komandanın “sükanı” Şəhriyar Məmmədova tapşırılıb. Bu barədə klubun mətbuat xidməti məlumat yayıb.

Məmmədov daha əvvəl “Araz Saatlı” və MOİK-də çalışıb.

“Difai” I Liqada mövsümü sonuncu – 10-cu sırada bitirib və liqanı tərk edib. Komanda yeni mövsümdə II Liqada mübarizə aparacaq.

“Everton”un yarımmüdafiəçisi Cek Qriliş zədəsini sağaldıb və tam məşqlərə qayıdıb. Msport.az xəbər verir ki, 30 yaşlı futbolçu ciddi zədə səbəbindən […]

Source

“Real” daha bir ulduz futbolçu transferini razılaşdırıb. Msport.az xəbər verir ki, “Çelsi”nin və Argentina millisinin yarımmüdafiəçisi Entso Fernandeslə müqavilə imzalanıb. […]

Source

Fransa millisinin üzvü Malo Qusto zədələnib. Msport.az xəbər verir ki, 23 yaşlı müdafiəçi yığmanın məşqinda sıradan çıxıb. Qusto komanda yoldaşları […]

Source

Bir neçə gün əvvəl “Sabah”dan ayrılan Jesse Sekidikanın yeni komandası müəyyənləşib. Msport.az xəbər verir ki, nigeriyalı vinger karyerasını Cənubi Koreyada […]

Source

Özbəkistan yığmasının baş məşqçisi Fabio Kannavaro dünya çempionatının qrup mərhələsində Kolumbiyaya qarşı keçirdikləri oyunu şərh edib.

Arena.az xəbər verir ki, tarixində ilk dəfə mundiala qatılmış özbəklər DÇ-2026-nın qrup mərhələsinin ilk turunda qarşılaşdığı Kolumbiyaya 1:3 hesabıyla məğlub olublar.

Fabio Kannavaro məğlubiyyətdən sonra fikirlərini bölüşüb:

“Maraqlı oyun alındı. İkinci hissədə matçın gedişatını dəyişə bildik. Sol cinah vasitəsilə təhlükəli hücumlar qurur, oyuna nəzarəti ələ almağa çalışırdıq.

Hər şeydən əvvəl biz bura Özbəkistanı bütün dünyaya müsbət tərəfdən göstərmək üçün gəlmişik. Mən komandaya həmişə deyirəm ki, matç boyu fəal və cəsarətli oynamaq lazımdır. Kolumbiya kimi komandaya qarşı top olmadan oynamaq asan deyil.

Ümumilikdə ikinci hissədə yaxşı çıxış etdik, amma təəssüf ki, qollar buraxdıq. Bu oyunu xatırlayacağıq, çünki o, tarixidir. Biz dünya çempionatındayıq. Deyə bilərəm ki, bu qarşılaşma bizim üçün faydalı oldu. Səhvlərimiz var idi və onların üzərində işləyəcəyik.

Futbolçularımla fəxr edirəm. Onlar yaxşı oynadılar. Bu gün çox çətin matç idi. Belə bir stadionda, belə azarkeşlər qarşısında oynamaq asan deyil. Amma bu, eyni zamanda əlavə motivasiya da verə bilər”.

Kolumbiya yığmasının baş məşqçisi Nestor Lorenso isə qələbəni şərh edib:

“Bizi çox çətin oyunun gözlədiyini bilirdik. Qələbə böyük sevincdir. Lakin bir çox futbolçular yorğun təsir bağışlayırdılar. Bu, həm emosional, həm də fiziki gərginliklə bağlı idi.

Bundan əlavə, müəyyən çətinliklər yaşayırdıq, çünki hamı bizdən yalnız inamlı qələbə gözləyirdi. Düşünürəm ki, Özbəkistan yığmasının gücünü həqiqətən yalnız məşqçilər korpusu tam dərk edirdi”.

Amerika Birləşmiş Ştatları (ABŞ), Kanada və Meksikada təşkil edilmiş futbol üzrə sayca 23-cü dünya çempionatı (DÇ-2026) davam edir.

Arena.az xəbər verir ki, bu gün daha bir oyun baş tutub.

Mundialın növbəti matçında debütant Özbəkistan millisi Kolumbiya yığması üz-üzə gəlib. Mexikoda (Meksika) təşkil edilmiş K qrupunun oyununda 4 qol qeydə alınıb. Yekunda qələbəni bayram edən tərəf Kolumbiya millisi olub.

Kolumbiyanın qollarını Daniel Munyos (40), Luis Dias (65) və Xaminton Kampas (90+9) vurublar. Özbəkistan yığmasında isə Abbosbek Fayzullayev (60) fərqlənən oyunçu olub.

Xatırladaq ki, bu qrupun Portuqaliya – Konqo Demokratik Respublikası oyunu 1:1 hesablı heç-heçə ilə başa çatmışdı.

DÇ-2026
K qrupu
18 iyun

Özbəkistan – Kolumbiya 1:3
Qollar: Abbosbek Fayzullayev, 60 – Daniel Munyos, 40. Luis Dias, 65. Xaminton Kampas, 90+9.

Növbəti oyunların proqramı belədir:

A qrupu
20:00. Çexiya – Cənubi Afrika

B qrupu
23:00. İsveçrə – Bosniya və Herseqovina

Qana yığmasının baş məşqçisi Karlos Keyroş dünya çempionatının qrup mərhələsində Panama yığmasına qarşı keçirdikləri oyunu şərh edib.

Arena.az xəbər verir ki, DÇ-2026-nın qrup mərhələsinin ilk turu çərçivəsində baş tutmuş bu görüşdə Qana yığması rəqibi üzərində 1:0 hesablı qələbəyə sevinib.

Karlos Keyroş matçdan sonra qələbəni belə şərh edib:

“Əvvəlcə səbir göstərməli olduq, döyüşçülər kimi mübarizə apardıq. Bu oyunu ağlımız sayəsində qazandıq.

Panama futbol oynamağı bacaran komandadır. Bilirdik ki, onlar oyuna nəzarət etməyə çalışacaqlar. Bizim strategiyamız isə təşəbbüsü onlara vermək və bundan faydalanmaq idi”.

Panama yığmasının baş məşqçisi Tomas Kristiansen də matçdan sonra fikirlərini bölüşüb:

“Bu nəticə ağrılıdır, çünki Panama yığması daha artığına layiq idi. Birinci hissədə oyuna nəzarət edirdik, lakin ikinci hissədə rəqibin üslubunda oynamağa başladıq. Biz bunu istəmirdik, amma indi peşman olmağın vaxtı deyil. Qarşıda hələ iki oyunumuz var. Pley-off mərhələsinə yüksəlmək istəyiriksə, Xorvatiya ilə oyunda yaxşı nəticə əldə etməliyik.

Qanaya məğlubiyyətdən nəticə çıxarmalıyıq. Dünya çempionatında səhvlər çox baha başa gəlir. Xorvatiya ilə oyunda çəkinməyəcəyik. Panamanın məğlub edilməsinin nə qədər çətin olduğunu göstərmək istəyirik və son nəfəsimizə qədər mübarizə aparacağıq”.

Panama millisinin və “Turan Tovuz”un mərkəz müdafiəçisi Roderik Miller DÇ-2026-da ilk turun oyununda iştirak şansı qazanmayıb.

Arena.az xəbər verir ki, ABŞ, Kanada və Meksikanın birgə ev sahibliyi etdiyi DÇ-2026-nın L qrupunda Qana və Panama milliləri üz-üzə gəliblər.

Torontoda keçirilmiş qarşılaşma Qananın 1:0 hesablı qələbəsi ilə başa çatıb. Matçın böyük hissəsi qarşılıqlı hücumlar şəraitində keçsə də, komandalar yaranan imkanlardan istifadə edə bilməyiblər. Qarşılaşmanın taleyi əlavə olunmuş vaxtda həll edilib. Çaleb Yirenkyi 90+5-ci dəqiqədə fərqlənərək Qanaya üç xal qazandırıb.

Miller matçın iştirakçısı olmayıb. Panamanın mərkəz müdafiəçisi sonadək ehtiyat oyunçular skamyasında əyləşib.

Xatırladaq ki, Miller Panama millisinin DÇ-2026 üçün 26 nəfərlik yekun heyətində yer alıb. Bununla da Miller Azərbaycan Premyer Liqasında çıxış edərək dünya çempionatına dəvət almış ilk futbolçu kimi tarixə düşüb.

Qeyd edək ki, Panama millisi dünya çempionatında Xorvatiya, İngiltərə və Qana yığmaları ilə birgə L qrupunda mübarizə aparır.

Roderik Miller “Turan Tovuz”a 2023-cü ilin mart ayında transfer olunub. O, indiyə qədər Tovuz təmsilçisinin heyətində 80 oyuna çıxıb, 10 qola imza atıb, 4 məhsuldar ötürmə müəllifi olub.

Miller peşəkar karyerasına Panamanın “San Fransisko” komandasında başlayıb. Müdafiəçi Meksikanın “Venados”, Kolumbiyanın “Atletiko Nasional”, Portuqaliyanın “Feyrense”, Qazaxıstanın “Okjetpes”, Perunun “Karlos Steyn”, İraqın “Əl-Quva” və “Əl-Mina” klublarında legioner həyatı yaşayıb.

Roderik Panama millisində 48 oyun keçirib, 2 qola imza atıb, 1 assist müəllifi olub. O, Panamanın U-20 və U-23 yığmalarında da oynayıb.

Amerika Birləşmiş Ştatları (ABŞ), Kanada və Meksikada təşkil edilmiş futbol üzrə sayca 23-cü dünya çempionatı (DÇ-2026) davam edir.

Arena.az xəbər verir ki, bu gün daha bir oyun baş tutub.

Mundialın növbəti matçında Qana və Panama yığmaları üz-üzə gəliblər. Torontoda (Kanada) təşkil edilmiş L qrupunun oyununda cəmi bir qol qeydə alınıb. Yekunda qələbəni bayram edən tərəf Afrika təmsilçisi olub. Qanaya qələbə gətirən qolu 90+5-ci dəqiqədə Çaleb Yirenkyi vurub.

Xatırladaq ki, bu qrupun digər oyununda İngiltərə millisi Xorvatiya yığmasına 4:2 hesabıyla qalib gəlmişdi.

DÇ-2026
L qrupu
18 iyun

Qana – Panama 1:0
Qol: Çaleb Yirenkyi, 90+5.

Növbəti oyunların proqramı belədir:

K qrupu
06:00. Özbəkistan – Kolumbiya

A qrupu
20:00. Çexiya – Cənubi Afrika

B qrupu
23:00. İsveçrə – Bosniya və Herseqovina

İngiltərə yığmasının baş məşqçisi Tomas Tuxel dünya çempionatının qrup mərhələsində Xorvatiyaya qarşı keçirdikləri oyunu şərh edib.

Arena.az xəbər verir ki, DÇ-2026-nın qrup mərhələsinin ilk turu çərçivəsində üz-üzə gəlmiş komandaların görüşündə İngiltərə millisi 4:2 hesablı qələbəyə sevinib.

Tomas Tuxel matçdan sonra təşkil edilmiş mətbuat konfransında bunları söyləyib:

“Yaxşı reaksiya göstərdik. Birinci hissə bizim üçün bir qədər çətin keçdi. Komandada müəyyən gərginlik hiss olunurdu. Verdiyimiz qərarlar daha ehtiyatlı oynamaq və geri çəkilmək istəyi ilə bağlı idi. Oyunun ritmini tapmaqda çətinlik çəkirdik və rəqibin müdafiəsindəki boşluqlardan istifadə etmək üçün bizə özünəinam çatmırdı.

Statistikaya baxdım: birinci hissədə ikili mübarizələrin cəmi 33 faizini, ikinci hissədə isə 73 faizini qazanmışıq. Deməli, topsuz oyunda da ilk hissədə kifayət qədər yaxşı deyildik, lazımi fədakarlığı göstərmirdik.

İkinci hissədə futbolçuların reaksiyası xoşuma gəldi. Bu emosional bir qarşılaşma idi, meydanda çoxlu hisslər yaşanırdı. Oyunun ritminə düşmək üçün bizə müəyyən vaxt lazım oldu”.

Xorvatiya yığmasının baş məşqçisi Zlatko Daliç isə uduzduqları oyundan sonra komandasının çıxışını tənqid edib:

“İkinci hissəni çox pis keçirdik. Birinci hissədə iki qolu standart vəziyyətlərdən buraxdıq, onlardan biri penalti idi. Bəzi məqamlarda səhvlərə yol verdik.

Üçüncü qolu uzun ötürmədən sonra buraxdıq və həmin andan etibarən oyuna qayıtmağın nə qədər çətin olduğunu gördük. Biz pis reaksiya verdik və oyunumuzu yenidən düzgün qura bilmədik”.

Bu gün dünya çempionatında qrup mərhələsinin II turuna start veriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir:

DÇ-2026
20:00 Çexiya – CAR (İctimai TV, TRT 1)
23:00 İsveçrə – Bosniya və H (İctimai TV, TRT 1)
02:00 Kanada – Qətər (İctimai TV, TRT 1)
05:00 Meksika – Cənubi Koreya (İctimai TV, TRT 1)

 

Kevin Medina “Qarabağ”la vidalaşıb.

Futbolpress.az xəbər verir ki, müdafiəçi bununla bağlı sosial şəbəkə hesabında paylaşım edib:

“Bu gün həyatımda və karyeramda iz qoymuş bir klubla vidalaşıram.

“Qarabağ”a gəldiyim ilk gündən məni açıq ürəklə qarşıladılar. Burada möhtəşəm peşəkarlar, dosta çevrilən həmkarlar və hər zaman yanımda olan, dəstəyini əsirgəməyən ehtiraslı azarkeşlər tanıdım.

Bu illər mənim üçün böyük öyrənmə, zəhmət, uğur və inkişaf illəri oldu. Bu formanı geyinmək, bu gerbi təmsil etmək həm şərəf, həm də böyük məsuliyyət idi. Mən də hər zaman meydanda buna sədaqət, hörmət və peşəkarlıqla layiq olmağa çalışdım.

Bu yolun bir hissəsi olan hər kəsə təşəkkür edirəm: klub rəhbərliyinə, məşqçilər heyətinə, klub əməkdaşlarına və ən əsası komanda yoldaşlarıma. Birlikdə yaşadığımız hər an qəlbimdə və yaddaşımda əbədi qalacaq.

“Qarabağ” azarkeşlərinə xüsusi təşəkkürümü bildirirəm. Hər dəstəyinizə, hər mesajınıza, həm yaxşı, həm də çətin günlərdə yanımda olduğunuz üçün minnətdaram. Sizdən gördüyüm sevgi və yaşadığımız bütün anlar heç vaxt unudulmayacaq.

İndi isə yeni bir çağırışa başlamağın vaxtıdır.

Bu böyük klubun tarixinin bir hissəsi olmaqdan qürur duyaraq və sonsuz minnətdarlıq hissi ilə ayrılıram.

“Qarabağ”a gələcəkdə daha böyük uğurlar, yeni nailiyyətlər və daha parlaq bir gələcək arzulayıram. Bu klub həqiqətən də tarix yazan bir klubdur!”.

Medina 2020-ci ildən “Qarabağ”da çıxış edirdi.

“Neftçi” heyətini yeni futbolçu ilə gücləndirməyə hazırlaşır.

Futbolpress.az xəbər verir ki, “ağ-qaralar” Portuqaliya təmsilçisi “Santa Klara”dan Qustavo Klismanı transfer etməyə yaxındır. Bu barədə “Diário de Transferências” portalı məlumat yayıb. “Neftçi”nin yarımmüdafiəçi üçün 300 min avro ödəyəcəyi qeyd edilib.

Qustavo başa çatan mövsümdə Portuqaliya çempionatında 16 oyunda 1 qol vurub, 1 məhsuldar ötürmə edib. braziliyalı futbolçunun “transfermarkt”da dəyəri 500 min avrodur.

Argentina millisinin futbolçusu Rodriqo de Paul komanda yoldaşı Lionel Messi haqda açıqlama verib.

Futbolpress.az xəbər verir ki, yarımmüdafiəçi Messinin rekordlarla maraqlanmadığını deyib:

“And içərəm ki, rekordlar Messinin vecinə deyil. O, fərdi mükafatların arxasınca qaçmır. Bəzən deyirik ki, bu rekorda 1-2 qol qalıb, soruşur ki, hansı? O, ancaq komandasının uğurunu düşünən biridir”.

“Real” və İngiltərə millisinin yarımmüdafiəçisi Cud Bellingem dörd böyük beynəlxalq turnirdə oynayan ən gənc oyunçu olmaqla Avropa futbol tarixini yenidən […]

Source

İngiltərə milli komandası 2026-cı il dünya çempionatının L qrupunun ilk oyununda Xorvatiya millisini 4:2 hesabı ilə məğlub edib. Msport.az xəbər […]

Source

“Barselona”nın və Uruqvay millisinin müdafiəçisi Ronald Arauxonun 2026-cı il dünya çempionatı qrup mərhələsinin 3-cü turunda İspaniyaya qarşı oynaması ehtimalı çox […]

Source

Cənubi Afrika millisinin yarımmüdafiəçisi Temba Zvane 2026-cı il dünya çempionatı A qrupunun 1-ci turunda Meksika ilə oyunda (0:2) qırmızı vərəqə […]

Source

İngiltərə millisinin hücumçusu Harri Keyn 2026-cı il dünya çempionatının qrup mərhələsində Xorvatiya ilə oyunda penalti zərbəsini dəqiq yerinə yetirib. Msport.az […]

Source

Dünya çempionatında qrup mərhələsinin birinci turu başa çatıb.

Futbolpress.az xəbər verir ki, hər qrupda 2, ümumilikdə 24 oyun baş tutub. I turda vurulan qol sayı 75-dir.

Lionel Messinin het-triki, Meksika ilə CAR arasındakı açılış matçında üç qırmızı vərəqənin damğa vurduğu birinci turda üç futbolçu da avtoqolla yadda qalıb.

Meydan sahibləri ABŞ və Meksika qələbə qazanıb, Kanada isə bosniyalılarla “sülh”ə razılaşıb.

İlk turda 9 heç-heçə qeydə alınıb. Mundialın ilk sürprizinə Qətər yığması imza atıb. Komanda İsveçrə ilə matçda son dəqiqə qolu ilə məğlubiyyətdən qaçıb.

Digər sensasiya favorit İspaniyanın oyununda olub. “Buğalar” tarixində ilk dəfə mundialda iştirak edən Kabo Verdeyə qalib gələ bilməyib.

Portuqaliya millisi də uğursuz start verib. Kriştiano Ronaldolu portuqallar Konqo ilə matçda qələbə qazana bilməyib və bir xalla başlayıb.

İlk turun “adamı” isə Vozinyadır. Kabo Verde yığmasının qapıçısı ispanlara qarşı “divar” olub və çıxışı böyük ajiotaj yaradıb. Məhz bu oyundan sonra Vozinyanın instaqramda izləyici sayı 9 milyon artıb.

İkinci tura bu gün start veriləcək. Birinci matçda İsveçrə ilə Bosniya və Herseqovina münasibətlərinə aydınlıq gətirəcək.

Şahin Cəfərov

Dünya çempionatının K qrupunun I turunun Özbəkistan – Kolumbiya oyununun ən yaxşı futbolçusu açıqlanıb.

Futbolpress.az xəbər verir ki, mükafatı Cənubi Amerika təmsilçisinin oyunçusu Luis Dias qazanıb.

Kolumbiyalı vinger 3:1 hesabıyla qələbə qazandıqları oyunda bir qol, bir məhsuldar ötürmə ilə yadda qalıb.

Azərbaycanı Konfrans Liqasında təmsil edəcək “Zirə” transfer çalışmalarını davam etdirir.

Futbolpress.az-ın məlumatına görə, baş məşqçi Rəşad Sadıqov qapıçı Tyaqo Silvanın ayrılığından sonra heyətə əcnəbi qolkiperin cəlb edilməsini istəyib. Bu mövqeyə əsas namizədlər “İmişli”dən ayrılan Andrey Sinenka və “Şamaxı”nın qapıçısı Rikardo Fernandesdir. Hər iki qolkiperlə danışıqlar davam edir.

“Zirə” yeni mövsümdə Konfrans Liqasında mübarizə aparacaq. Komanda I təsnifat mərhələsində Gürcüstan təmsilçisi “Torpedo” ilə üz-üzə gələcək. “Qartallar” bu rəqibi keçsə, növbəti mərhələdə “Hegelmann” (Litva) – “Paide” (Estoniya) cütünün qalibi ilə qarşılaşacaq.

Şahin Cəfərov