İtaliya nəhəngi “Milan” hücum xəttini gücləndirmək üçün maraqlı bir transfer formulu üzərində işləyir.

Futbolpress.az xəbər verir ki, “rossonerilər” “Fiorentina”nın qolçusu Mois Kini heyətinə qatmaq üçün “yaradıcı” həll yolu tapıb.

İtaliyadan gələn xəbərlərə görə, növbəti mövsüm “Milan”ın sükanı arxasına keçəcəyi gözlənilən Massimiliano Alleqri “Yuventus”da birlikdə çalışdığı 26 yaşlı Kin ilə yenidən bir araya gəlmək istəyir. Təcrübəli mütəxəssis italyan forvardın fiziki və texniki gücünün “San Siro” üçün ideal olduğunu düşünür.

Kinin müqaviləsində 52 milyon avroluq sərbəstqalma bəndi olsa da, “Milan” rəhbərliyi bu məbləği tam nağd şəkildə ödəməyə isti baxmır. Bunun əvəzinə klub “Fiorentina”ya cəlbedici bir paket təklif edəcək.

Plan Santiaqo Ximenesi rəqibə təklif etmək və transfer üçün 10-15 milyon aralığında puldan keçməkdir.

“Fiorentina”nın Avrokuboklarda, xüsusən də Konfrans Liqasında “Kristal Pelas”a qarşı uğursuzluq ehtimalı Kinin Florensiyadakı gələcəyini sual altına salıb.

“Qalatasaray”da son həftələrin ən çox müzakirə olunan mövzusu Mauro İkardinin gözlənilmədən ehtiyat oyunçular skamyasına məhkum edilməsidir.

Futbolpress.az xəbər verir ki, argetinalı ulduz artıq komandanın hücum xəttində əsas seçim hesab olunmur.

Viktor Osimhenin heyətə qayıtması “Qalatasaray”ın hücum planlarını tamamilə dəyişib. Bu rəqabətdə geri düşən İkardi “Göztepe” və “Kocaelispor”la keçirilən son iki rəsmi matçda cəmi 15 dəqiqə meydanda qala bilib.

Xüsusilə “Kocaelispor” matçında buraxılan qoldan sonra Okan Burukun İkardini meydana daxil etmək üçün xeyli gözləməsi diqqətdən qaçmayıb. İnsayderlər bunu baş məşqçinin ulduz futbolçuya olan baxış bucağının dəyişməsi və ona artıq “toxunulmaz” kimi baxmaması kimi qiymətləndirirlər.

Mövsümün sonunda müqaviləsi başa çatacaq 33 yaşlı qolçunun gələcəyi dumanlıdır. Klub rəhbərliyi hazırda İkardi ilə yeni müqavilə imzalamağı planlaşdırmır. Texniki heyətin mövsümün qalan hissəsində yalnız məcburi hallarda ona şans verəcəyi iddia olunur.

​Bütün bu baş verənlər “Qalatasaray” və İkardi eşqinin mövsüm sonunda rəsmən bitəcəyi ehtimalını maksimuma çatdırıb.

Qadın futbolçulardan ibarət Azərbaycan millisi dünya çempionatının seçmə mərhələsində növbəti oyununu keçirib.

Futbolpress.az xəbər verir ki, səfərdə Andorra ilə üz-üzə gələn komandamız 3:1 hesablı qələbəyə sevinib.

“Andorra la Vella” stadionunda keçirilən qarşılaşmada Sevinc Cəfərzadə iki, Esra Maniya bir qol vurmağı bacarıb.

Daha əvvəl Macarıstana uduzan yığmamız (0:1) Şimali Makedoniyanı 2:0 hesabı ilə məğlub etmişdi.

Azərbaycan millisi hazırda C Liqasının 3-cü qrupunda 6 xalla ikinci pillədə qərarlaşıb. Lider Macarıstanın 7, üçüncü sıradakı Şimali Makedoniyanın 3, sonuncu pillədəki Andorranın isə 1 xalı var.

“Barselona”nın polşalı qol maşını Robert Levandovski “Beşiktaş”a təklif olunub.

​Futbolpress.az xəbər verir ki, insayder Ertan Süzgünun verdiyi məlumata görə, 37 yaşlı ulduzun adı “qara qartallar”ın masasındadır.

Lakin klubun texniki heyəti həm futbolçunun yüksək maliyyə xərcləri, həm də yaşı səbəbindən bu transferə hələlik isti baxmır.

​Hazırda bazar dəyəri 8 milyon avro olan 37 yaşlı forvardın “Barselona” ilə müqaviləsi bu il başa çatır.

Kişi voleybolçular arasında Yüksək Liqada finalçılar müəyyənləşib.

Futbolpress.az xəbər verir ki, yarımfinalda “Xilasedici” “Murov Az Terminal”ı 3:0 hesabı ilə məğlub edərək adını finala yazdırıb.

“Ordu” isə “Neftçi”ni məğlub edib – 3:2.

Oyunlar Fövqəladə Hallar Nazirliyinin idman zalında təşkil olunub.

Azərbaycan Basketbol Liqasında 1/4 final mərhələsinin ilk oyunlarına yekun vurulub.

Futbolpress.az xəbər verir ki, Bakı İdman Sarayında “Naxçıvan”la qarşılaşan “Sabah” qələbəyə sevinib – 106:74

Raundun əvvəlki görüşlərində NTD “Neftçi”ni (97:94), “Ordu” “Gəncə”ni (108:106), “Abşeron Lions” isə “Şəki”ni (109:78) məğlub edib.

1/4 finalın ikinci oyunları aprelin 16-17-də keçiriləcək.

​”Liverpul” “Borussiya Dortmund”un ulduz müdafiəçisi Niko Şlotterbeki heyətinə qatmaq üçün hərəkətə keçib.

Futbolpress.az xəbər verir ki, transferin reallaşması üçün İngiltərə təmsilçisinin vaxtı olduqca məhduddur.

Almaniya mətbuatının yaydığı məlumata görə, Şlotterbekin müqaviləsində xüsusi bir sərbəstqalma maddəsi var. Lakin bu maddə bütün yay boyu qüvvədə olmayacaq. Sözügedən bəndin iyulun ortalarında — tam olaraq 19 iyulda keçiriləcək Dünya Çempionatının finalı ilə eyni vaxtda başa çatacağı bildirilir.

Bu o deməkdir ki, “Liverpul” və ya Şlotterbeklə maraqlanan digər iki klub transferi bitirmək istəyirsə, yay transfer pəncərəsinin ilk həftələrində qəti addım atmalıdır. Əks halda, iyulun ortasından sonra “Dortmund”un istədiyi qiyməti diqtə etmək hüququ olacaq.

Əgər ulduz futbolçu 50 milyon avrodan baha olan sərbəstqalma məbləği ilə satılarsa, klubun yeni müdafiəçi tapmaq üçün təxminən 6 həftə vaxtı və ciddi büdcəsi olacaq.

​”Bornmut” klubunun baş məşqçisi Andoni İraola mövsümün sonunda vəzifəsindən ayrılacağını rəsmən elan edib.

​Futbolpress.az xəbər verir ki, 43 yaşlı ispaniyalı mütəxəssisin “Bornmut”la olan müqaviləsi bu mövsümün sonunda başa çatır.

Klub tərəfindən verilən rəsmi bəyanatda tərəflərin yeni müqavilə imzalanmayacağı və İraolanın yayda komanda ilə vidalaşacağı bildirilib.

Məlumata görə, təcrübəli məşqçi karyerasını Avropanın daha iddialı klublarından birində davam etdirmək niyyətindədir.

İraolanın rəhbərliyi altında “Bornmut” cari mövsümdə keçirdiyi 32 matçda 45 xal toplayaraq Premyer Liqada 11-ci pillədə qərarlaşıb.

“İnter Mayami”nin baş məşqçisi Xaviyer Maskerano vəzifəsindən ayrılıb.

Futbolpress.az xəbər verir ki, bu barədə klub rəhbərliyi rəsmi açıqlama yayıb.

Açıqlamada onun bu qərarı özünün verdiyi, şəxsi səbəbləri əsas gətirdiyi bildirilir.

Klubu müvəqqəti olaraq Gilyermo Hoyos çalışdıracaq.

Türkiyə Süper Liqasında çempionluğa fokuslanan “Qalatasaray”da gələn mövsümün heyət planlaması artıq start götürüb.

Futbolpress.az xəbər verir ki, baş məşqçi Okan Burukun siyahısı əsasında hərəkətə keçən klub rəhbərliyi Yaser Asprilla ilə bağlı qəti qərarını verib.

“Sport” nəşrinin yaydığı məlumata görə, “cim-bom” qış fasiləsində “Jirona”dan icarəyə götürdüyü 23 yaşlı kolumbiyalı oyunçunun transfer hüquqlarını almamağa qərar verib. Bu qərara əsas səbəb futbolçunun “Göztepe” ilə matçda yaşadığı zədə olub.

Xəbərin detallarında qeyd olunur ki, “Qalatasaray” rəhbərliyi zədə riskini və maliyyə şərtlərini nəzərə alaraq, Asprilla üçün nəzərdə tutulan 20 milyon avroluq satınalma maddəsindən istifadə etməyəcək.

Beləliklə, gənc vinger mövsümün sonunda İspaniyaya geri dönəcək.

​”İnter”in ulduz futbolçusu Hakan Çalhanoğlunun meneceri Qordon Stipic son günlər yayılan transfer şayiələrinə son qoyub.

Futbolpress.az xəbər verir ki, o, türkiyəli yarımmüdafiəçinin gələcəyi ilə bağlı faktları rəsmən açıqlayıb.

Menecer bildirib ki, 32 yaşlı futbolçunun Milan təmsilçisi ilə 2027-ci ilə qədər müqaviləsi var və o, həm klubundan, həm də İtaliyadakı həyatından olduqca məmnundur.

Transfer spekulyasiyalarına aydınlıq gətirən Stipic “cim-bom”la heç bir təmasın olmadığını vurğulayıb:

​”Gerçəklər çox sadədir: Nə keçən yay, nə də yanvar ayında ‘Qalatasaray’la hər hansı bir görüş keçirilməyib. Heç bir nöqtədə konkret təşəbbüs və ya tələb olmayıb”.

Hakanın hazırda yalnız uğura fokuslandığını deyən agent futbolçunun “İnter”lə A Seriyasının çempionluq mübarizəsinə və Türkiyə millisinin kapitanı kimi Dünya Çempionatına hazırlaşdığını qeyd edib.

Cari mövsümdə “İnter” forması ilə 28 rəsmi matça çıxan təcrübəli yarımmüdafiəçi 10 qol və 6 asistlə komandasının liderlərindən biri olduğunu bir daha sübut edib.

Nigeriya millisinin sabiq üzvü Efan Ekoku, “Qalatasaray”da forma geyinən həmyerlisi Viktor Osimhen haqqında kəskin fikirlər səsləndirib.

Futbolpress.az xəbər verir ki, o, Osimhenin hələ “ən yüksək səviyyəyə” çatmadığını iddia edib.

58 yaşlı Ekoku Osimhenin adının dünyanın ən yaxşı hücumçuları ilə eyni sırada çəkilməsinə qarşı çıxıb:

​”Osimhenin yüksək səviyyəli oyunçular arasında olduğunu düşünmürəm. Levandovski, Benzema və Ronaldo kimi simalar 15 ildir zirvədədirlər. Mbappe, Keyn və Haaland da həmçinin. Məncə, Osimhen onlardan bir pillə aşağıdadır”.

Ekoku gənc forvardın xarakterini də tənqid edərək, onun emosiyalarını idarə edə bilmədiyini vurğulayıb:

“O, duyğularını gizlədə bilmir və çox tez əsəbiləşir. Son Afrika Millətlər Kubokunda bəzi komanda yoldaşlarına qarşı komanda ruhuna zərər verə biləcək şəkildə danışdığını gördük. Onun yenidən Avropanın böyük klublarına qayıdıb-qayıtmayacağını görmək maraqlı olacaq”.

​Karyerası ərzində “Norviç”, “Uimbldon” və “Qrasshopper” kimi klublarda çıxış edən Ekoku Nigeriya millisi ilə 1994-cü ildə Afrika Millətlər Kubokunun qalibi olub.

​”Napoli” klubunun qalmaqallı prezidenti Aurelio De Laurentiis futbolun mövcud sistemini “darıxdırıcı” adlandıraraq, dünyanı şoka salacaq dəyişikliklər təklif edib.

Futbolpress.az xəbər verir ki, De Laurentiisin ən diqqətçəkən təklifi oyun müddəti ilə bağlı olub.

O, 90 dəqiqəlik sistemin artıq tamaşaçı itirdiyini iddia edərək, matçların hər biri 25 dəqiqə olmaqla, cəmi 50 dəqiqə davam etməsini istəyir. Prezidentin fikrincə, bu, oyunu daha intensiv və aksiyonla dolu edəcək.

Futbolun simvolu olan kartların ədalətsizliyə yol açdığını müdafiə edən klub rəhbəri, basketbol və buz hokeyindəki kimi dəqiqəlik cəza sistemini təklif edib.

İtaliyalı futbol adamı bu tədbirlərin qaçılmaz olduğunu bildirib. O, gənc nəslin uzunmüddətli oyunlardan sıxıldığını və futbolun digər əyləncə sektorları ilə rəqabət apara bilməsi üçün bu dəyişikliklərin vacib olduğunu vurğulayıb.

20 yaşadək cüdoçular arasında ne-vaza üzrə ACF Kuboku keçirilib.

Futbolpress.az xəbər verir ki, Abşeron Olimpiya İdman Kompleksində təşkil olunan turnirdə 32 klub və idman cəmiyyətindən 145 idmançı (113 oğlan, 32 qız) ümumilikdə 13 çəki dərəcəsində qüvvəsini sınayıb.

Cüdoda ne-vaza bacarıqları idmançıların görüş zamanı yer (parter) texnikalarını inkişaf etdirməsinə və təkmilləşdirməsinə şərait yaradır. Bu bacarıqlar həm fəndlərdən yayınmaq, həm də rəqibi daha effektiv şəkildə məğlub etmək üçün vacib taktiki yanaşmaların formalaşmasında mühüm rol oynayır.

Qalib və mükafatçıları təqdim edirik:

 

Oğlanlar

-60 kq

1. Kərim Kərimli (Neftçi İK)

2. Bahadır Feyzullayev (Neftçi İK)

3. Nicat Şıxızadə (JC 2012 Qobustan)

3. Fərid Qasımzadə (Azəri-Cüdo İKİB)

 

-66 kq

1. Nihad Rəhimov (RKİM)

2. Əli Cəfərov (Judo Club 2012)

3. Kənan Məmmədov (Bakı şəhəri 1 nömrəli RİOEUGİM PHŞ)

3. Zeyd Ələsgərov (Sərhədçi İM)

 

-73 kq

1. Fəqan Məmmədli (Judo Club 2012)

2. Tunar Məmmədli (Sərhədçi İM)

3. Rəsul Əmirzadə (Neftçi İK)

3. Ümüd Əbdülov (Bakı şəhəri 1 nömrəli RİOEUGİM PHŞ)

 

-81 kq

1. Məhəmməd Ağakişiyev (Sərhədçi İM)

2. Cahandar Haqverdiyev (Atilla İK)

3. Kənan Məmmədli (Judo Club 2012)

3. Həşim Abbasov (Atilla İK)

 

-90 kq

1. Qəzənfər Kazımlı (Bakı şəhəri 13 nömrəli İOEUGİM PHŞ)

2. Amir Xəzriyev (Bakı şəhəri 13 nömrəli İOEUGİM PHŞ)

3. Akif Zeydquliyev (Atilla İK)

 

-100 kq

1. Elşən Fərzəliyev (Judo Club 2012)

2. Fərid İsmayılov (Judo Club 2012)

 

+100 kq

1. Oqtay Məmmədov (Bakı şəhəri 8 nömrəli İOEUGİM PHŞ)

 

Qızlar

-52 kq

1. Sevil Abdulzadə (Neftçi İK)

2. Leyla Əliyeva (Judo Club 2012)

3. Gülay Haqverdiyeva (Neftçi İK)

 

-57 kq

1. Zeynəb Şərbətova (Naftalan UGİM)

2. Esmira Bayramova (Xəzri İK)

3. Zəhra Əliyeva (AHİTA)

3. Yasəmən Əkbəri (RKİM)

 

-63 kq

1. Zəhra Hüseynzadə (Xəzri İK)

2. Leyla Məcidova (Bakı şəhəri 13 nömrəli İOEUGİM PHŞ)

3. İlahə Əzizzadə (Neftçi İK)

 

-70 kq

1. Mələk Bayramlı (DİN İC)

2. Aynur Mirzağayeva (Neftçi İK)

 

-78 kq

1. Arzu Rəşidova (Sumqayıt şəhəri İOEUGİM)

2. Əsmər Əliyeva (Neftçi İK)

3. Zəhra İbadova (Neftçi İK)

 

+78 kq

1. Ceyran Vijehdolatabad (Fərid İK Sumqayıt)

2. Aysel Mustafazadə (İmişli)

3. Nərgiz Vəlizadə (Judo Club 2012)

Aprelin 20-dən 26-dək Albaniyanın Tirana şəhərində güləş üzrə Avropa çempionatı keçiriləcək.

Futbolpress.az xəbər verir ki, yarışda iştirak edəcək milli komandalarımızın heyəti müəyyənləşib.

Azərbaycan Güləş Federasiyasının elan etdiyi siyahı:

 

Yunan-Roma güləşi (20-22 aprel)

55 kq Rəşad Məmmədov

60 kq Nihat Məmmədli

63 kq Ziya Babaşov

67 kq Həsrət Cəfərov

72 kq Ruslan Nurullayev

77 kq Sənan Süleymanov

82 kq Qurban Qurbanov

87 kq İslam Abbasov

97 kq Murad Əhmədiyev

130 kq Beka Kandelaki

Baş məşqçi Məhəmməd Bəna

Böyük məşqçi Nurəddin Rəcəbov

Məşqçi Rövşən Bayramov

Məşqçi Bəhruz Həzrətipur

Məşqçi Rəsul Cəzini

Məşqçi Sabah Şəriəti

 

Qadın güləşi (22-24 aprel)

50 kq Elnurə Məmmədova

57 kq Jalə Əliyeva

59 kq Günay Qurbanova

62 kq Ruzanna Məmmədova

65 kq Birgül Soltanova

Baş məşqçi əvəzi Toğrul Əsgərov

Böyük məşqçi Ağahüseyn Mustafayev

 

Sərbəst güləş (24-26 aprel)

57 kq İslam Bazarqanov

61 kq Nürəddin Novruzov

65 kq Rəşid Babazadə

70 kq Kənan Heybətov

74 kq Turan Bayramov

79 kq Cəbrayıl Hacıyev

86 kq Arseniy Djioyev

92 kq Ali Tsokoyev

97 kq Osman Nurmaqomedov

125 kq Giorgi Meşvildişvili

Baş məşqçi Xetaq Qazyumov

Böyük məşqçi Cəbrayıl Həsənov

Məşqçi Taymuraz Kokoyev

Məşqçi Şərif Şərifov

 

Avropa çempionatında ədaləti I-S dərəcəli hakimlərimiz – Asif Şirəliyev, Sədi Quliyev və Bəşir İsazadə qoruyacaq.

Azərbaycan II liqasında 22-ci tura yekun vurulub.

Futbolpress.az xəbər verir ki, ikinci oyun günündə 3 görüş keçirilib.

“Xankəndi” evdə “Dinamo”ya 3:1 hesabı ilə qalib gəlib. “Qaradağ Lökbatan” öz meydanında “Quba”nı böyük hesabla məğlub edib – 5:1. “Şəki Siti” isə qonaq “Ağstafa Gəncləri”nə 1:4 hesabı ilə məğlub olub.

 

14 aprel (çərşənbə axşamı)

13:00. “Xankəndi” – “Dinamo” – 3:1

Qollar: Elvin Nəsibov, 7, 67; Emin Quliyev, 71-pen. // Valeh Seyidov, 34

Palms Sports FM (IV meydança)

16:00. “Qaradağ Lökbatan” – “Quba” – 5:1

Qollar: R.Quliyev, 43, 45, T.Axverdiyev, 55, S.Allahquliyev, 62, V.Hüseynov, 85 // B.Köçərli, 74

Lökbatan OİK stadionu

16:00. “Şəki Siti” – “Ağstafa Gəncləri” – 1:4

Qollar: R.İbrahimov, 8 // R.Süleymanov, 3, E.Hüseynov, 50, İ.Allahverdiyev, 66, E.Hüseynov, 72

Zaqatala OİK stadionu

Almaniya Bundesliqasında çıxış edən “Hoffenhaym” klubu türkiyəli milli futbolçu Ozan Kabakla müqaviləni yenilədiyini rəsmən açıqlayıb.

Futbolpress.az xəbər verir ki, mövsümün sonunda müqaviləsi başa çatacaq 26 yaşlı mərkəz müdafiəçisi klubu ilə uzunmüddətli yeni sazişə imza atıb.

Ozan Kabak imza mərasimində klubuna minnətdarlığını bu sözlərlə ifadə edib:

​”Burada özümü çox rahat hiss edirəm və komanda ilə birlikdə inkişaf potensialı görürəm. “Hoffenhaym” ağır zədəli olduğum dönəmdə belə mənə inandı və böyük dəstək oldu. Bu inkişafın bir parçası olmağa davam edərək birlikdə hədəflərimizə çatmaq istəyirəm”.

Qeyd edək ki, 2022-ci ilin yayında 7 milyon avroya “Şalke 04″dən transfer edilən Ozan cari mövsümdə meydana çıxdığı 21 oyunda 4 dəfə fərqlənib. O, “Hoffenhaym” karyerası ərzində isə ümumilikdə 84 matça çıxaraq 12 qol və 5 məhsuldar ötürmə ilə yadda qalıb.

​”The Athletic” nəşri hazırda karyerasını davam etdirən dünyanın ən yaxşı 15 qapıçısının reytinqini tərtib edib.

Futbolpress.az xəbər verir ki, reytinq hazırlanarkən qapıçıların elit səviyyədə çıxış etdikləri müddət, sabitlikləri və oyuna təsirləri əsas götürülüb.

Məhz bu uzunmüddətli meyarlara görə təkcə bu mövsüm parlayan bir çox qapıçı siyahıdan kənarda qalıb.

Siyahının ilk pilləsində “Real Madrid”in belçikalı qapıçısı Tibo Kurtua qərarlaşıb.

​Ümumi sıralama isə belədir:

1. ​Tibo Kurtua (“Real Madrid” / Belçika)

​2. Canluici Donnarumma (“Mançester Siti” / İtaliya)

3. ​Alisson (“Liverpul” / Braziliya)

​4. Manuel Noyer (“Bavariya” / Almaniya)

​5. Mayk Menyan (“Milan” / Fransa)

6. ​Emiliano Martines (“Aston Villa” / Argentina)

7. ​David Raya (“Arsenal” / İspaniya)

​8. Yan Oblak (“Atletiko Madrid” / Sloveniya)

​9. Xoan Qarsiya (“Barselona” / İspaniya)

​10. Qreqor Kobel (“Borussiya Dortmund” / İsveçrə)

11. ​Cordan Pikford (“Everton” / İngiltərə)

​12. Yan Sommer (“İnter” / İsveçrə)

​13. Unai Simon (“Atletik Bilbao” / İspaniya)

​14. Dioqu Koşta (“Portu” / Portuqaliya)

15. Ederson (“Fənərbağça” / Braziliya)

19 yaşadək qız futbolçulardan ibarət Azərbaycan millisi Avropa çempionatının seçmə mərhələsində ikinci oyununa çıxıb.

Futbolpress.az xəbər verir ki, Həbib Ağayevin rəhbərlik etdiyi kollektiv Çexiya ilə qarşılaşıb.

Xorvatiyanın Luçko şəhərində keçirilən görüş rəqibin darmadağınıyla baça çatıb – 0:9.

U-19 daha əvvəl Xorvatiyaya 6 cavabsız qolla uduzub.

“Yuventus”un futbolçusu Edon Zergova karyerasını Türkiyədə davam etdirə bilər.

Futbolpress.az xəbər verir ki, “Beşiktaş” kosovolu oyunçunun xidmətində maraqlıdır. Bu barədə “Takvim” nəşri məlumat yayıb. İstanbul klubu yayda oyunçu üçün danışıqlara başlamağı planlaşdırır.

27 yaşlı futbolçu bu mövsüm A Seriyasında 13 oyunda meydana çıxıb.

“Barselona”nın futbolçusu Lamin Yamal açıqlama verib.

Futbolpress.az xəbər verir ki, ispan vinger Neymarın yayda keçiriləcək dünya çempionatında iştirak etməsini arzuladığını deyib:

“Braziliya yığmasını onsuz təsəvvür edə bilmirəm. Çox istərdim ki, Neymar da dünya çempionatında oynasın. Uşaq vaxtı mənim kumirim idi. İndi onunla üz-üzə gəlməyi arzulayıram”.

“Çelsi”nin sabiq futbolçusu Con Obi Mikel “zadəganlar”ı tənqid edib.

Futbolpress.az xəbər verir ki, İngiltərə mətbuatına danışan keçmiş yarımmüdafiəçi sabiq klubu haqda bunları deyib:

“Bir milyon funt-sterlinqdən çox pul xərclənib, ancaq oyunu dəyişəcək futbolçu yoxdur. Bəzən oyunlarda meydana çıxan futbolçuları tanımıram.

“Real”, “Mançester Siti” hər il yeni futbolçular transfer edir. Onlar qısa zamanda fərq yaradırlar. Ancaq “Çelsi”də elə deyil. Nə qədər oyunçu gəlir, amma heç özlərini sübut edə bilmirlər”.

“Çelsi” Premyer Liqada 32 turdan sonra 48 xalla 6-cı sıradadır.

Türkiyənin Antalya şəhərində güləş üzrə “Zəfər kuboku” davam edir.

Futbolpress.az xəbər verir ki, U17 yaş qrupu üzrə keçirilən ənənəvi turnirin ikinci günündə 6 güləşçimiz fəxri kürsüyə yüksəlib.

Sərbəst güləşdə Hüseyn Rzazadə (48 kq) gümüş, Abbas Şəfiyev (55 kq) və Elgün Kərimli (92 kq) isə bürünc medal qazanıb.

Yunan-Roma güləşində isə Ömər Salmanovla (48 kq) Qurban Məcnunov (55 kq) bütün görüşlərini qələbə ilə başa vuraraq qızıl medalın sahibi olublar. Yusif Mirzəyev (48 kq) isə gümüş medalı boynundan asıb.

Azərbaycan güləşçiləri “Zəfər Kuboku”nda ilk gündə 4 medal qazanmışdı.

AFFA U-13 Liqasında pley-off mərhələsinin püşkü atılıb.

Futbolpress.az xəbər verir ki, AFFA-nın inzibati binasında baş tutan tədbirdə 1/8 final mərhələsinin cütləri müəyyənləşib.

Həmçinin, iştirakçı komandaların 1/4 və yarımfinaldakı potensial rəqibləri də bəlli olub.

U-13 Liqası, 1/8 final
“Qarabağ” – “Azəri” (Gəncə)
“Qəbələ” – “Ulduz” (Mingəçevir)
“Turan Tovuz” – “Viləş”
“Xan Lənkəran” – “Aran” (Beyləqan)
“Araz Saatlı” – “Sumqayıt”
“Araz-Naxçıvan” – “Sabah”
“Sumqayıt City” – “Zirvə”
“Neftçi” – “Metak”

Braziliyanın “Atletiko Paranaense” klubunun futbolçusu Bruninyo karyerasını Ukraynada davam etdirəcək.

Futbolpress.az xəbər verir ki, “Şaxtyor” 17 yaşlı vingerin transferi üçün “sambaçılar”la anlaşıb. Bu barədə insayder Fabrizio Romano məlumat yayıb.

Bruninyo yayda Donetsk klubuna qoşulacaq.

Vinger bu mövsüm Braziliya A Seriyasında 6 oyuna çıxıb.

Cüdo üzrə böyüklər arasında Avropa çempionatında iştirak edəcək Azərbaycan millisinin üzvləri ilə görüş keçirilib.

Futbolpress.az xəbər verir ki, görüşdə Azərbaycan Cüdo Federasiyasının vitse-prezidenti Elnur Məmmədli, federasiyanın icraçı vitse-prezidenti Rəşad Rəsullu, ACF prezidentinin müşaviri Natiq Bağırov, kişilərdən ibarət yığmanın baş məşqçisi Riçard Trautman, qadınlardan ibarət yığmanın baş məşqçisi Amina Abdellatif, həmçinin milli komandaların məşqçi heyəti iştirak edib.

Federasiya rəhbərliyi qarşıdan gələn Avropa çempionatı öncəsi milli üzvləri ilə bir araya gələrək idmançılara etimadlarını ifadə edib, turnirin məsuliyyəti və əhəmiyyəti barədə fikirlərini bölüşüb. Çıxışlarda Azərbaycan cüdoçularının qitə miqyaslı bu mötəbər yarışda uğurlu nəticələr əldə edəcəyinə inam ifadə olunub.

Eyni zamanda, idmançılara yarışöncəsi son tövsiyələr verilib, tatamidə intizam, soyuqqanlılıq və düzgün taktiki yanaşmanın vacibliyi diqqətə çatdırılıb. Görüşün sonunda cüdoçulara uğurlar arzulanıb.

Qeyd edək ki, böyüklər arasında Avropa çempionatı 16–19 aprel tarixlərində Gürcüstanın paytaxtı Tbilisidə keçiriləcək. Azərbaycan qitə çempionatında 15 cüdoçu (9 kişi, 6 qadın) ilə təmsil olunacaq.

“Barselona” Çempionlar Liqasının 1/4 finalının “Atletiko” ilə ilk matçının hakimi İştvan Kovaçdan UEFA-ya şikayət etmişdi.

Futbolpress.az xəbər verir ki, qurumun İntizam Komitəsi kataloniyalıların şikayətini rədd edib. UEFA-nın açıqlamasında bunlar qeyd olunub:

“Barselona”nın ötən həftə “Atletiko” ilə oyundan sonra hakimə qarşı etdiyi şikayət qəbuledilməzdir”.

Daha öncə İspaniya mətbuatı referinin bu mövsüm bir daha Çempionlar Liqasına təyinat almayacağını xəbər vermişdi.

“Barselona” – “Atletiko” matçında (0:2) meydan sahiblərinin müdafiəçisi Pau Kubarsi qırmızı vərəqə alıb. Klub bundan və ikinci hissədə rəqib futbolçu Mark Pubillin cərimə meydançasında əllə oynadığını, ancaq hakimin penalti təyin etmədiyini bildirmişdi.

Komandalar arasındakı cavab oyunu bu gün, saat 23:00-da olacaq.

İcarə əsasında “Milan”da çıxış edən Niklas Fullkruq yayda klubdan ayrılacaq.

Futbolpress.az xəbər verir ki, İtaliya təmsilçisi forvardın performansından narazıdır və onun transfer hüquqlarını almayacaq. Bu barədə insayder Fabrizio Romano məlumat yayıb.

Fullkruq bu mövsüm “Milan”la A Seriyasında 16 oyunda 1 qol vurub.

33 yaşlı hücumçu müqavilə ilə İngiltərənin “Vest Hem” klubuna məxsusdur.

“Bavariya”nın qapıçısı Manuel Noyerin adı İngiltərə klubları ilə hallanır.

Futbolpress.az xəbər verir ki, bu barədə Britaniya mətbuatı məlumat yayıb. Xəbərdə Premyer Liqadan bir neçə klubun alman qolkiperlə maraqlandığı bildirilib.

Noyer “Bavariya”dan ayrılmayacaq. O, karyerasını bu klubda bitirmək niyyətindədir.

41 yaşlı qapıçının Münhen təmsilçisi ilə müqaviləsi yayda başa çatır.

“Qarabağ” klubu xanım azarkeşləri üçün növbəti dəfə jest edib.

Futbolpress.az xəbər verir ki, Premyer Liqanın XXVIII turu çərçivəsində “Sabah” ilə keçiriləcək ev oyununda komandanı dəstəkləmək istəyən xanım azarkeşlər üçün giriş tamamilə pulsuzdur.

Aprelin 18-də Tofiq Bəhramov adına Respublika Stadionunda keçiriləcək oyuna saat 19:30-da start veriləcək.

“Qarabağ”ın sabiq futbolçusu Riçard Almeyda Braziliya mətbuatına açıqlama verib.

Futbolpress.az xəbər verir ki, o, “atlılar”da keçirdiyi illəri xatırlayıb:

“Uşaq olanda atama Çempionlar Liqasında oynamaq istədiyimi deyirdim. Allaha şükür ki, buna “Qarabağ”la nail oldum. Səkkiz il pley-off mərhələsində mübarizə apardıqdan sonra qrup mərhələsinə vəsiqə qazanmaq əməyimin bəhrəsi idi. “Stamford Bridge” və “Olimpico” kimi stadionlarda oynamaq möhtəşəm hissdir.

Həm meydanda, həm də ondan kənarda lider olmuşam. Oynamadığım vaxtlarda belə, paltardəyişmə otağında komanda yoldaşlarımı dəstəkləmişəm”.

Almeyda 2012-2019 və 2021-2025-ci illərdə “Qarabağ”ın formasını geyinib.

Futzal üzrə Azərbaycan millisinin üzvü Ülvi Əliyev açıqlama verib.

Futbolpress.az xəbər verir ki, o, Qazaxıstana məğlub olduqları yoldaşlıq görüşünü (2:9) belə şərh edib:

“Rəqibimizin gücünü bilirdik. Təsadüfi deyil ki, bu gün Avropanın 4-cü ən güclü komandasıdır. Dünya çempionatında da kifayət qədər yaxşı çıxış etmişdilər. Düzdür, Avropa çempionatının final mərhələsinə vəsiqəni pley-off oyunlarında əldən vermişdilər. Rəqabətli çempionatları var.

Oyun gərgin keçdi. 12-13 dəqiqə yaxşı mübarizə apardıq. Yorğunluq tədricən sözünü dedi. Çünki rəqibdən fərqli olaraq, biz Tbilisdə 2 ağır görüş keçirmişdik, üstəlik Aktauya gecə saatlarında gəldik və məşq etmədən oyuna çıxdıq. Dediklərim bəhanə kimi qəbul olunmasın. Nəticəyə görə məyusuq, ancaq bu məğlubiyyətin ətrafında dolanıb qalmaq istəmirik. Heyətimizdə gənclər də var, təcrübəlilər də. Yeni sistem qurulur, baş məşqçinin tələbi fərqlidir. Oyun təcrübəsi azdır, belə qarşılaşmalar bu boşluğu doldurmaq üçün bizə çox kömək edəcək. Yenə deyirəm, vəziyyət düşünüldüyü qədər də ağır deyil. Əsas odur ki, etdiyimiz səhvlərdən nəticə çıxaraq, oyunumuzu təkmilləşdirək. Vacib olan rəsmi matçlardır, ona qədər hazır olmalıyıq”.

“Zirə” Misli Premyer Liqasının XXVII turunda “Sabah”la heç-heçə edib – 2:2.

Matçdan sonra “qartallar”ın türkiyəli futbolçusu Eren Aydın “Futbolpress.az“ın suallarını cavablandırdı:

– Çətin “Sabah” səfərindən xalla döndünüz. Oyunu necə şərh edərdiniz?
– Həqiqətən, bu rəqibə qarşı oynamaq çox çətindir. Oyuna istədiyimiz kimi başlaya bilmədik. Amma xarakter göstərdik və geri düşməyimizə baxmayaraq, reaksiya verə bildik. Bu səfərdən qazanılan bir xalın əhəmiyyəti çoxdur.

– Əvvəlcə geri düşdünüz, sonra önə keçdiniz. Yekunda isə bərabərlik alındı. Qələbə üçün nə çatmadı?
– “Sabah” kimi rəqiblə oyunda geridönüş etmək asan deyil. Ancaq biz bir-birinə inanan kollektivik. Hesab nə olursa olsun, oyundan qopmuruq. Tələsmədik, üslubumuza sadiq qaldıq. Sona qədər mübarizə apardıq. Məncə, bir xal qənaətbəxşdir. Bu, komandamızın xarakterindən xəbər verir.

– Gəlişinizdən sonra komandada hücumda ən effektiv oyunçulardansınız. Bu da sizdən gözləntiləri artırır. Üzərinizdə təzyiq yaranmır?
– Təzyiq yoxdur. İşim komandaya kömək etməkdir. Futbol komanda oyunudur. Fərdi olaraq baxmırıq. Hər zaman əlimizdən gələnin ən yaxşısını etməyə çalışırıq. Özümüzə inanırıq. Məsuliyyətli biriyəm və gözləntiləri bilirəm. Bu, məni daha da motivasiya edir.

– Bir müddətdir, Azərbaycandasınız. Premyer Liqa ilə bağlı təəssüratlarınız nələrdir?
– Azərbaycan Premyer Liqasında fiziki oyuna üstünlük verilir. Hər oyun çox çətin keçir. Komandalar intizamlıdır. Premyer Liqa gözlədiyimdən daha rəqabətlidir. Futbolçu kimi burda inkişaf edəcəyəm.

– Qarşıda avrokoboklara vəsiqə uğrunda “Neftçi” ilə kritik oyun var. Qələbə sizi daha üstün edəcək. Şansları necə dəyərləndirirsiniz?
– “Neftçi” böyük və keyfiyyətli klubdur. Çətin oyun olacaq. Lakin biz də səviyyəmizi bilirik və meydana qələbə üçün çıxacağıq. Hədəfimiz avrokuboklara vəsiqə qazanmaqdır. Bu oyun bizim üçün çox vacibdir. Düzgün oynasaq və fürsətləri dəyərləndirsək, qazanacağımızı düşünürəm.

Şahin Cəfərov

Qəbələdə təlim-məşq toplanışında olan 20 yaşadək futbolçulardan ibarət Azərbaycan milli komandasının heyətində dəyişiklik baş verib.

Futbolpress.az xəbər verir ki, zədə səbəbindən “Qarabağ”ın futbolçusu Əli Bəşirovun əvəzinə heyətə “Qəbələ”nin oyunçusu Ariz Kərimov cəlb olunub.

Qeyd edək ki, U-20 aprelin 26-dək Qəbələdə hazırlıq keçəcək.

Ölkənin lotereya təşkilatçısı və idman mərc oyunları operatoru “Azərlotereya” yeni “Poz-Qazan” oyunu “Çempion”u təqdim edir.

“Çempion” oyununda ən böyük uduş məbləği 25 000 manatdır. Bu məbləğdə uduş olan biletlərin sayı 3 ədəddir. 10 biletdə 3000, daha 10 biletdə isə 1000 manat qazanmaq şansı var.

Qiyməti 3 manat olan lotereya biletlərinin ümumi sayı 2 000 000 ədəddir. Onlardan 565 523 ədədi uduşludur. Cəmi uduş məbləği isə 4 020 000 manatdır.

Qaydalara gəlincə, müvafiq xanalar pozulduqdan sona hər hansı oyun sırasındakı “Sənin nəticən” “Rəqibin nəticəsi”ndən böyük olarsa, qarşısındakı uduş qazanılır. “ÇARPAN” xanasında isə 2X, 5X,10X simvollarından birini tapdıqda uduş müvafiq olaraq 2, 5 və 10 dəfə artır.

Şans oyunlarında yalnız 18 yaşı tamam olan şəxslər iştirak edə bilərlər. Bir-birindən əyləncəli “Poz-Qazan” oyunlarında 500 000 manatadək böyük uduşlar qazana bilərsiniz.

Biletləri “Azərlotereya”  satış nöqtələri, “Misli” məntəqələri, “Azərpoçt” şöbələri, “Araz” və OBA marketlər şəbəkəsi, eləcə də mağaza və köşklərdən əldə etmək mümkündür.

 

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir:

Asiya Çempionlar Liqası

18:45 Traktor – Şabab Əl-Əhli (İdman TV)

Dünya çempionatı, seçmə mərhələ, qadınlar

21:00 Andorra – Azərbaycan (İdman TV)

Çempionlar Liqası

23:00 Atletiko – Barselona (CBC Sport)

23:00 Liverpul – PSJ (İctimai TV)

“Qəbələ” futbolçusu  Prins Ovusu ilə müqaviləni uzadıb.

Futbolpress.az xəbər verir ki, bu barədə klubun mətbuat xidməti məlumat yayıb. Futbolçu ilə sözləşmənin müddəti 2028-ci ilin iyun ayınadək uzadılıb.

20 yaşlı vinger “Qəbələ”nin heyətində keçirdiyi 29 oyunda 7 qol vurub və 3 məhsuldar ötürmə verib.

Qananın Nayan Akademiyasından transfer olunan futbolçu ötən mövsüm “Qəbələ”nin U-19 komandasında çıxış edib.

“Mançester Yunayted” İngiltərə Premyer Liqasının XXXII turunda “Lids”ə uduzub – 1:2.

Futbolpress.az “Sky Sports”a istinadən xəbər verir ki, “qırmızı şeytanlar”ın kapitanı Brunu Fernandeş matçdan sonra hakimlikdən narazılıq edib:

“Hakim haqda danışmaq istəmirəm. Danışsam, böyük problemlər olacaq. Qaydalar hamı üçün fərqlidir. Yaxşı olar ki, heç nə deməyim”.

“Mançester Yunayted” ikinci hissədə müdafiəçi Lisandro Martinesin qovulmasından sonra azlıqda qalıb. Klub oyunun birinci hissəsində rəqibin vurduğu ilk qolda da qayda pozuntusu olduğunu iddia edir.

Portuqaliyalı hücumçu Kriştiano Ronaldo 2030-cu ildə keçiriləcək dünya çempionatında oynamaq ehtimalından danışıb.

Futbolpress.az xəbər verir ki, 41 yaşlı hücumçu futbolda hər şeyin mümkünlüyündən söz açıb:

“Qarşıdan mundial gəlir. Yaxşı hədəflər uğrunda mübarizə aparacağıq. 2030-cu ildəki dünya çempionatında da iştirak etmək ehtimalım var. Hazırda 41 yaşımdayam və hər oyun qol vururamsa, bəlkə 4 il sonra da bunu bacararam”.

Ronaldo bu mövsüm “Əl Nəsr”də 28 oyunda 25 qol vurub.

“Mançester Yunayted” İngiltərə Premyer Liqasının XXXII turunda “Lids”ə uduzub – 1:2.

Futbolpress.az “Sky Sports”a istinadən xəbər verir ki, “qırmızı şeytanlar”ın baş məşqçisi Maykl Karrik matçdan sonra oyunun hakimliyindən narazılıq edib:

“Oyuna yaxşı başlamadıq. Rəqibin qayda pozuntusu etməsinə baxmayaraq, vurduğu qol qeydə alındı. Qol ləğv olunmalı idi, amma etmədilər. Bu, oyunda vacib məqamlardan idi.

İkinci hissədə isə azlıqda qaldıq. Lisandro Martines kobud oynamasa da, meydandan qovuldu. Bilmirəm, hakimlər onun davranışını necə aqressiv adlandıra bilər? Ən pisi odur ki, VAR-a baxandan sonra da qərar dəyişmədi. Artıq iki oyundur, əleyhimizə qərarlar verilir. Bu görüş isə karyeramda yaşadığım ən pis matçlardan idi”.

Misli Premyer Liqasında mövsümün sonuna altı tur qalıb.

Turnir cədvəlinin sonuncusu “Karvan-Yevlax” “Kəpəz”ə qalib gəlməklə liqada qalmaq ümidlərini cücərtdi. 11-ci pillədəki “Qəbələ”dən 8 xal geri qalan yevlaxlılar şanslarını davam etdirməkdədir.

Çempionatı 11-ci sırada bitirən komanda I Liqanın 2-cisi ilə pley-off oynayacaq. İstənilən halda, Premyer Liqadan pley-offa gedən komanda cütün favoritidir və elitada qalmağa daha yaxın olacaq.

“Karvan-Yevlax”:
28-ci tur: “Şamaxı”
29-cu tur: “Sabah”
30-ci tur: “Neftçi”
31-ci tur: “Turan Tovuz”
32-cü tur: “Qəbələ”
33-cü tur: “İmişli”

Təqvim autsayderin nə lehinədir, nə əleyhinə. “Şamaxı”, “Qəbələ”, “İmişli” kimi komandalarla oyunlarda qazanılacaq qələbə pley-off yolunu aça bilər. Lakin vəziyyət elədir ki, Yevlax klubu özünün qazanmasıyla yanaşı, “Qəbələ”nin də xal itirməsini gözləməlidir.

“Qəbələ”də isə hər şey özündən asılıdır. 8 xallıq fərq var və bu fərqin qapanması, “qırmızı-qaralar”ın sonuncu sıraya geriləməsi klub adına faciəvi mövsüm sayılacaq.

“Qəbələ”:
28-ci tur: “Sumqayıt”
29-cu tur: “Araz-Naxçıvan”
30-cu tur: “Zirə”
31-ci tur: “Qarabağ”
32-ci tur: “Karvan-Yevlax”
33-cü tur: “Şamaxı”.

Qadın futbolçulardan ibarət Azərbaycan milli komandası dünya çempionatının seçmə mərhələsi çərçivəsində bu gün Andorra ilə qarşılaşacaq.

Futbolpress.az xəbər verir ki, C Liqasının 3-cü qrupu çərçivəsində baş tutacaq görüşə saat 21:00-da start veriləcək.

Matç Andorra la Vella şəhərindəki Milli Stadionda keçiriləcək.

Milli 3-cü qrupda 3 xalla ikinci sıradadır. Lider Macarıstanın 4, üçüncü sıradakı Şimali Makedoniyanın 3, sonuncu – 4-cü pillədəki Andorranın 1 xalı var.

“Mançester Yunayted” İngiltərə Premyer Liqasının XXXII turunda “Lids”ə uduzub – 1:2.

Futbolpress.az xəbər verir ki, “qırmızı şeytanlar” 1981-ci ildən sonra birinci dəfə çempionatda “Old Trafford”da bu rəqibə məğlub olub.

“Mançester Yunayted” həmin tarixdən sonra “Lids”ə qarşı keçirdiyi 18 oyunda 11 qələbə qazanmış, 7 dəfə heç-heçə etmişdi.

Bu gün UEFA Çempionlar Liqasında 1/4 final mərhələsinin cavab oyunları keçirilib.

Futbolpress.az xəbər verir ki, “Barselona” “Atletiko”nun qonağı olub. Tərəflər arasındakı ilk oyunda madridlilər 0:2 hesabı ilə qalib gəlsələr də, bu dəfə katalonlar paytaxt klubundan 2:1 hesabı ilə üstün olub. Lakin bu qələbə növbəti mərhələyə adlamaq üçün kifayət etməyib.

Digər görüşdə “Liverpul” PSJ-ni qəbul edib. İlk oyunu 2:0 hesablı qələbə ilə başa vuran parislilər bu dəfə də eyni hesabla qalib gəliblər – 0:2.

UEFA Çempionlar Liqası
1/4 final mərhələsi, cavab oyunları

14 aprel

23:00 Atletiko – Barselona 1:2 

İlk oyun 2:0

Qol: L. Yamal, 4, F. Torres, 24 – A. Lukman, 31

23:00 Liverpul – PSJ 0:2

İlk oyun 0:2

Qol: O. Dembele, 72, 90+1

Misli Premyer Liqasında 27 turdan sonra ən çox məhsuldar ötürmə edən futbolçular məlum olub.

Futbolpress.az-ın məlumatına görə, “üçlük”də lider “Sabah”ın oyunçuları yer alıb. Aleksey İsayev, Velko Simiç və Timoteuş Puxaç hərəyə 10 məhsuldar ötürmə edib.

Növbəti “üçlük”də isə ikinci pillədə qərarlaşan “Qarabağ”ın futbolçularıdır. Kamilo Duran 8, Joni Montiel və Abdullah Zubir isə hərəyə 7 məhsuldar ötürmə müəllifi olub.

“Sabah” liqada 66 xalla liderdir. “Qarabağ” isə 56 xalla ikinci pillədə yer alıb.

Azərbaycan millisinin futbolçusu Vüsal İsgəndərlinin formasını geyindiyi “Partizani” Albaniya çempionatında növbəti oyuna çıxıb.

Futbolpress.az xəbər verir ki, sözügedən komanda səfərdə “Elbasani” ilə qarşılaşıb. Matç “Partizani”nin məğlubiyyəti ilə başa çatıb – 0:3.

Vüsal oyuna start heyətdə başlayıb və 62-ci dəqiqədə əvəzlənib.

“Partizani” çempionatda 44 xalla 5-ci sıradadır. “Elbasani” isə 56 xalla ikincidir.

“Qarabağ”ın U-12 komandası Antalyada “Friendship Cup” turnirində ikinci yeri tutub. Azərbaycan təmsilçisi həlledici görüşdə Polşanın “Rakuv” klubunun U-12 komandasına penaltilər seriyasında uduzub (0:0, penaltilər 3:4).

“Qarabağ”ın çalışdırıcısı Şöhrət Yusifovla turnir barədə söhbətləşdik:

“Turnir yüksək səviyyədə təşkil olunmuşdu, qaldığımız otel stadionlara 2 dəqiqəlik məsafədə idi. Bu da uşaqların tez bərpası üçün kifayət qədər üstünlük yaradırdı. Stadionların təbii ot örtüklü olması bizim üçün çox yaxşı oldu. Ən azından ildə 1-2 dəfə də olsa futbolçular təbii ot örtüyündə futbol oynamağın həzzini yaşaya bilirlər. Nəticə etibarilə qrupda olan bütün rəqiblərimizi məğlub etdik;

Qarabağ 2-1 Viz Sinara (Rusya)
Qarabağ 9-0 Manavgat kartalları(Türkiyə)
Qarabağ 1-0 Slovan Liberec (Çexiya)
Qarabağ 4-1 Dsi Fk (Türkiyə)
Qarabağ 7-0 Almaty Junior (Qazaxıstan).

Birbaşa yarımfinal mərhələsinə vəsiqə qazandıq. Yarımfinalda isə Bolqarıstanın “Slaviya” komandasına qalib gəldik – 3:0. Həlledici görüşdə isə “Rakuv”a penaltilər seriyasında uduzduq.

Turnirdə yeganə mənfi məqam fərdi nominasiyaların olmaması idi, ən azından futbolçular üçün belə turnirlərdən qazanılan mükafatlar həm motivasiya, həm də xatirədir”.

Yusifov bu il artıq üçüncü beynəlxalq turnirdə iştirak etdiklərini bildirdi. O, belə yarışların komanda üçün faydalarından söz açdı:

“Düşünürəm ki, bu yaşda futbolçular il ərzində nə qədər çox beynəxalq turnirlərdə iştirak etsələr, bir o qədər sürətli inkşaf yolu keçərlər. Biz hər turnir daha çox inkşaf edirik və bu, futbolçularda özünəinamı artırır. 

Şəxsi olaraq, mənim baş məşqçi kimi 5-ci beynəxalq turnirim idi. Hər yarış bizim üçün də böyük təcrübədir. “Qarabağ” rəhbərliyinə öz təşəkkürümü bildirirəm ki, həm komandamıza, həm də mənim kimi gənc məşqçilərə etimad göstərir, bizi belə yarışlara göndərirlər. Bu turnirlərdə oyunçular qədər, biz də inkşaf edirik”.

Yusifov Türkiyədəki turnirdə iştirak edən komandalarla Azərbaycan təmsilçiləri arasındakı əsas fərqlərə toxundu:

“Əsas fərq təcrübə ilə bağlıdır. Rəqiblərimizin çoxu ildə ən azı 8 belə beynəxalq yarışda iştirak edir. Görünən odur ki, futbolçular bu cür yarışlarda daha çox oynadıqca özünəinamı və təcrübələri artır. Bunun göstəricisi kimi, bu il qatıldığımız turnirlərdə həm oyun, həm də nəticə olaraq inkşafı gördük. İlk turnirdə komandamız qrupda qalmışdısa, ikincidə 1/4 final mərhələsində dayandı. Bu yarışda isə məğlubiyyətsiz finala qədər irəlilədik. Düşünürəm ki, bu yaş qrupunda nə qədər çox turnirlərdə iştirak imkanımız olsa, bir o qədər inkşafımız sürətlənər”.

Mütəxəssis futbolçuların və turnirdəki oyunların səviyyəsindən danışdı:

“Futbolçularımız texniki, fiziki baxımdan bu yaşda Avropadakılardan geri qalmır, deyərdim ki, çoxundan üstün və istedadlıdırlar. Sadəcə psixoloji cəhətdən inkşaf etmək istəyiriksə, turnirlərin sayı çox olmalıdır. Ki futbolçular bu tempə, sürətə, təzyiqə öyrəşsinlər. Daha inamlı və dominant olmaq üçün belə yarışlarda çox oynamaq, vərdiş etmək lazımdır. Çünki yerli çempionatla turnirin ab-havası eyni olmur”.

Yusifov 12 yaşa qədər uşaqlarla işləməyin çətinliklərinə toxundu:

“Bu yaş futbolda keçid dövrüdür və futbolçularla diqqətli işləmək lazımdır. Keçid dedikdə, buna qədər uşaqlar 7×7 oynayırdısa, artıq 12 yaşdan 9×9-a keçid edirlər. Hər bir uşağa fərdi yanaşmaq mütləqdir. Bunları detallı şəkildə izah etmək isə vaxt alır. Əslində, bunu çətinlik kimi yox, bu yaşda işə daha çox diqqət ayırmaq zərurəti kimi görürəm. Avqustdan yanvara qədər komandamız böyük irəliləyiş göstərdi. Turnirlərdəki yüksələn performansımız da bunu təsdiqləyir. 

Məşqlərdə ən böyük çətinlik isə uşaqları kökləməkdir. Baxırsan ki, bəzən diqqətləri başqa yerdə olur. Onların diqqətini çəkmək, fikirlərini toplamaq, futbolun incəliklərini sevə-sevə öyrətmək lazımdır. Məşq prosesində də nələrisə fərqli etməlisən ki, onlar üçün əyləncəli olsun, maraqları artsın”.

Mütəxəssis Azərbaycanda U-12 Liqasının təşkilatçılığından da danışdı:

“Təşkilatçılıq normaldır. U-12 Liqasının oyunlarının keçirilməsi üçün iki stadion var. Hər biri süni örtüklüdür, amma durumu yaxşıdır. Bəzən hava şəraitindən asılı olaraq oyunlar təxirə salınır. Bu, mənfi haldır. Bu yaş qrupu üçün üstüörtülü stadionlar daha məqsədəuyğundur. 

Digər mənfi məqam isə hakimlərlə bağlıdır. Onların təcrübəsizliyinə görə yersiz fit çalınır, oyunlar tez-tez dayanır.  Böyük futbol üçün uşaq yetişdiririksə, gərək onlar yüksək tempə uyğunlaşsın.

Bildiyiniz kimi, uşaq liqalarında U-12 yarışlarınadək nəticələr qeydə alınmır. Buna səbəb psixoloji amildir. Avropa nümunəsində nəzərə alınıb ki, bu yaşlarda böyükhesablı nəticələr qeydə alınır  və  psixologiyası hələ möhkəmlənməmiş uşaqlarda travma yarada bilər. 

12 yaşdan sonra oyunlar 9×9, 13 yaşdan isə 11×11 tərkibində keçirilir və nəticələr qeydə alınır. Medallar, nəticələr uşaqlar üçün böyük stimuldur. Özümüz də görürük ki, mükafatı olan turnirlərdə uşaqlar daha həvəsli olur. Amma ümumi baxanda, bu yaş qrupunda məqsəd futbolçu yetişdirmək, onların inkişafına fokuslanmaqdır”.

Şahin Cəfərov

Yazı Azərbaycan Respublikasının Medianın İnkişafı Agentliyinin maliyyə dəstəyi ilə hazırlanıb.

Sahə: Uşaq və gənclərin fiziki və mənəvi inkişafında idmanın rolu.

 

Türkiyə Superliqasında XXIX tura yekun vurulub.

Futbolpress.az xəbər verir ki, turun son oyun günündə iki görüş keçirilib.

“Eyüpspor” evdə “Samsunspor”u sınağa çəkib. Oyun qonaqların 1:2 hesablı qələbəsi ilə bitib.

“Rizespor” isə doğma meydanda “Qaziantep”i 2:1 hesabı ilə məğlub etməyi bacarıb.

Hazırda 68 xala malik “Qalatasaray” turnir cədvəlinin lideridir. Sonrakı pillələrdə “Fənərbağça” (66), “Trabzonspor” (64), “Beşiktaş” (55) qərarlaşıblar.

​”Fənərbağça”nın mövsümün əvvəlində böyük ümidlərlə heyətinə qatdığı Dorgeles Nene sərgilədiyi oyunla Avropa klublarını hərəkətə keçirib.

Futbolpress.az xəbər verir ki, 23 yaşlı futbolçunun yüksələn forması nəhənglərin diqqətindən qaçmayıb.

Super Liqanın son turunda “Kayserispor”u 4:0 hesabı ilə məğlub edən “sarı-lacivərdlilər”in heyətində Nene növbəti dəfə qol sevincini yaşayıb. Bununla da malili hücumçu bu mövsüm liqada vurduğu qolların sayını 10-a çatdırıb.

“Africa Top Sports”un yaydığı məlumata görə, yay transfer pəncərəsi yaxınlaşdıqca “Borussiya Dortmund”, “Bayer Leverkusen” və “Marsel” kimi klubların skautları Nenenin çıxışını yaxından izləyirlər. Futbolçunun bu performansı davam edəcəyi təqdirdə, “Fənərbağça”nın onu yayda heyətdə saxlaması çətin görünür.

Mövsümün əvvəlində 18 milyon avroya “Zalsburq”dan alınan Nene “Fənərbağça” forması ilə çıxdığı 37 rəsmi matçda 11 qol və 10 asistlə yadda qalıb.

​”A Spor” telekanalının məşhur şərhçisi Taner Karaman “Qalatasaray”ın transfer gündəmində olan milli futbolçu Hakan Çalhanoğlu ilə bağlı sensasiyalı proqnoz verib.

Futbolpress.az xəbər verir ki, Karaman təcrübəli yarımmüdafiəçinin “sarı-qırmızılı” formanı geyinmə ehtimalının çox yüksək olduğunu vurğulayıb.

O, transferin reallaşacağına tam əminliyini bu sözlərlə ifadə edib:

​”Hakan Çalhanoğlu gələn mövsüm 99 faiz ‘Qalatasaray’ forması geyinəcək”.

“İnter”in heyətində uğurlu çıxış edən və Avropanın ən yaxşı yarımmüdafiəçilərindən biri hesab olunan Hakanın İstanbula köçməsi xəbəri Türkiyə mediasında “ilin transfer bombası” kimi qiymətləndirilir.

“Qalatasaray” rəhbərliyinin bu transfer üçün bütün imkanlarını səfərbər etdiyi bildirilir.

Qana Futbol Federasiyası təcrübəli mütəxəssis Karlos Keyruşun milli komandanın baş məşqçisi təyin olunduğunu rəsmən açıqlayıb.

Futbolpress.az xəbər verir ki, 73 yaşlı mütəxəssis “Qara ulduzlar”ı 2026-cı il Dünya Çempionatına hazırlayacaq.

“Real Madrid” və “Mançester Yunayted” kimi nəhənglərdə çalışmış Keyruş milli komandalar səviyyəsində zəngin təcrübəyə malikdir. O, indiyədək Cənubi Afrika (2002), Portuqaliya (2010) və İran (2014, 2018) milliləri ilə dünya çempionatlarında iştirak edib.

11 iyun 2026-cı ildə start götürəcək Dünya Çempionatında Qana millisi maraqlı qrupda yer alıb. Keyruşun yetirmələri ilk matçını 18 iyunda Panamaya qarşı keçirəcək. Qrupun digər rəqibləri isə İngiltərə və Xorvatiya komandalarıdır.

​Təyinatdan dərhal sonra hazırlıqlara başlayan Keyruşun əsas hədəfi bu çətin qrupdan çıxaraq turnirdə yadda qalan nəticəyə imza atmaqdır.

Almaniya nəhəngi “Bavariya” heyətini gücləndirmək üçün İngiltərə Premyer Liqasına üz tutub.

Futbolpress.az xəbər verir ki, Münhen təmsilçisi “Nyukasl Yunayted”in ulduzu Entoni Qordonu transfer etməyi ciddi şəkildə planlaşdırır.

Məşhur insayder Florian Plettenberqin yaydığı məlumata görə, 25 yaşlı vinger sol cinah üçün əsas namizəd hesab olunur. Klub rəhbərliyi Qordonu həm Luis Diasın rəqibi, həm də onu əvəzləyə biləcək güclü bir alternativ kimi komandada görmək istəyir.

Mənbə bildirir ki, futbolçu tərəfi ilə artıq konkret danışıqlar baş tutub. Lakin klublar arasında hələlik rəsmi təmas qurulmayıb.

“Nyukasl” isə öz ulduz futbolçusunu komandada saxlamaq niyyətindədir və bu transferin asan olmayacağı gözlənilir.

Premyer Liqanın XXVIII turu çərçivəsində keçiriləcək “Qarabağ” – “Sabah” matçının biletləri sabah saat 15:00-dan etibarən satışda olacaq.

Futbolpress.az xəbər verir ki, biletlərin qiyməti 5–20 manat aralığındadır.

Biletlər sabah saat 15:00-dan etibarən iTicket.az-da onlayn satışda olacaq. 16, 17 və 18 aprel tarixlərində isə biletləri həm iTicket.az-dan onlayn, həm də Park Bulvar AVM-in 2-ci mərtəbəsində yerləşən fanşopdan və Tofiq Bəhramov adına Respublika stadionunun kassalarından əldə etmək mümkündür.

Stadionun qapıları azarkeşlər üçün matçın start fitindən 120 dəqiqə əvvəl açılacaq.

AFFA Hakimlər Komitəsinin sədri Rəhim Həsənov Misli Premyer Liqasının XXVII turunun oyunlarındakı mübahisəli epizodları şərh edib.

Futbolpress.az xəbər verir ki, mütəxəssis “Sabah” – “Zirə” oyununun hakimi Tural Qurbanovun səhv qərar verdiyini bildirib.

Bu gün keçirilən Qazaxıstan – Azərbaycan oyunundan sonra futzal millimizin baş məşqçi Yevgeni Kukseviç açıqlama verib.

Futbolpress.az xəbər verir ki, mütəxəssis oyun barədə bu fikirləri səsləndirib:

“Bu cür atmosferdə oynamaq çox çətindir. Azarkeşlər zalı doldurmuşdular, oyun zamanı dayanmadan öz dəstəklərini göstərdilər. Komandamız üçün hər bir oyun təcrübə qazanmaq baxımından vacibdir.

Qazaxıstan millisinin heyətində dəyişiklik olsa da, onlar dördlüyü və sistemi saxlayıblar. Yeni gələn futzalçılar isə onlara dəstək ola bilir. Çünki güclü, rəqabətli çempionatları var. Biz isə hələ sxemi və sistemi qurmamışıq

Bugünkü oyunda demək olar, bütün üstünlüyü rəqibə verdik. Gürcüstanla oyunlarda topu özümüzdə saxlayırdıq, hücumlar qururduq. Bu gün meydanda nəzarət tamamilə rəqibdə idi.

Qısa vaxtda ardıcıl qollar buraxırıq. Çünki oyunu üzərinə götürəcək lider futzalçımız yoxdur. Hər dəfə tapşırılır ki, əsəblərinizə hakim olun, soyuqqanlılığınızı qoruyun. Bu da psixoloji durumla bağlıdır. Bununla bağlı nə qədər söhbət aparsaq da, oyun zamanı dediyimizin əksini görürük.

Bu görüşləri danışan zamanı çətin olacağını bilirdik. Qısa vaxtda 4 oyun keçirmək ağırdır, lakin milli üçün faydalıdır”.

 

Azərbaycanın futzal millisi Aktaudakı təlim-məşq toplanışı çərçivəsində bu gün Qazaxıstan yığması ilə qarşılaşıb.

Futbolpress.az xəbər verir ki, görüş rəqibin  böyük hesablı qələbəsi ilə yekunlaşıb – 9:2.

Komandamız səfərə 16 futzalçı ilə yollansa da, görüş FİFA-nın reytinq cədvəlinə salınacağına görə, protokola 14 nəfərin adı daxil edilib. Tbilisi toplanışı ilə müqayisədə Azərbaycan millisinin qapısını Cavad Məmmədov qoruyub.

Matça rəng qatan məqamlardan biri uzun müddət mill komandamıza başçılıq etmiş Alesio Da Silvanın bu dəfə rəqib məşqçisi kimi əks düşərgədə olması olub.

Bu komandalar arasında növbəti oyun aprelin 15-də, saat 17:00-da başlayacaq.

Azərbaycan Basketbol Liqasında mövsümün “B” qrupunun ən dəyərli oyunçusu seçilib.

Futbolpress.az xəbər verir ki, “Ordu”nun üzvü təltif edilib.

Mükafatlandırılan idmançı komandanın təcrübəli basketbolçusu Cermeyn Hed olub.

 

Çempionlar Liqasının son çempionu PSJ titulunu qorumaq yolunda çıxacağı kritik “Liverpul” matçı öncəsi heyətini gücləndirib.

Futbolpress.az xəbər verir ki, təxminən bir aydır zədə səbəbindən meydanlardan uzaq qalan Bredli Barkola komandaya qoşulub.

“Çelsi” ilə matçda topuğundan ciddi zədə alan və həm klubun, həm də Fransa millisinin oyunlarını qaçıran 23 yaşlı ulduz artıq məşqlərə tam bərpa olunub. Luis Enrikenin oyun planında kilid rol oynayan Barkolanın “Enfild”də ilk 11-də başlaması gözlənilməsə də, oyunun gedişatında meydana daxil olma ehtimalı var.

Barkolanın qayıdışı sevinc yaratsa da, Paris təmsilçisi İngiltərəyə tam heyətlə yollanmayıb. Yarımmüdafiənin əsas simalarından olan Fabian Ruiz və gənc istedad Kventin Ndjantou zədə səbəbindən heyətdə yer almayıblar.

​İlk matçda 2:0 hesablı üstünlük qazanan PSJ bu üstünlüyü qoruyaraq yarımfinala adlamağı hədəfləyir.

Qadın voleybolçular arasında Azərbaycan Yüksək Liqasında daha bir finalçı müəyyənləşib.

Futbolpress.az xəbər verir ki, “Turan” və “Gəncə” arasında baş tutan yarımfinal görüşü tovuzluların qələbəsi ilə yekunlaşıb.

Tovuz Olimpiya İdman Kompleksində keçirilən oyun 3:0 hesabı ilə bitib.

“Turan” finalda “DH Volley” ilə qarşılaşacaq.

İngiltərə Premyer Liqasında son pillələrdən yaxa qurtarmağa çalışan “Tottenhem” ciddi itki ilə üzləşib.

Futbolpress.az xəbər verir ki, London təmsilçisinin kapitanı Kristian Romero sıradan çıxıb.

Argentinalı futbolçu XXXII turda “Sanderlend”lə oyunda dizindən zədə alıb.

Romero təxminən 5-8 həftə yaşıl meydanlardan uzaq qalacaq.

Müdafiəçi bu mövsüm “Tottenhem”in heyətində meydana çıxdığı 32 matçda 6 qol vurub, 4 məhsuldar ötürmə verib.

​”Yuventus” transfer bazarında maraqlı və bir o qədər də mübahisəli vəziyyətlə üzləşib.

Futbolpress.az xəbər verir ki, son 5 matçda bir dəqiqə belə şans qazanmayan Lois Openda rəsmən Turin klubunun daimi oyunçusu olub.

Məlumata görə, “Leypsiq”dən icarəyə götürülən belçikalı hücumçunun müqaviləsində “əgər komanda ilk 10-luqda yerini rəsmiləşdirərsə, 40.6 milyon avroluq satınalma öhdəliyi işə düşər” bəndi var idi. 32-ci turdan sonra “Yuve”nin 10-cu pillədən aşağı düşməyəcəyi dəqiqləşdiyi üçün bu transfer məcburi xarakter alıb.

Openda ilə illik 4 milyon avro maaşla 2030-cu ilə qədər müqavilə imzalanıb. “Qoca sinyora”nın yayda bu qədər yüksək maliyyə yükü olan oyunçudan necə qurtulacağı isə böyük maraq doğurur.

Aprelin 13-də Azərbaycan Cüdo Federasiyasının təşkilatçılığı ilə Abşeron Olimpiya İdman Kompleksində cüdo texnikaları imtahanı keçirilib.

Futbolpress.az xəbər verir ki, imtahanda 50 cüdoçu iştirak edib.

U-17 Liqa yarışının I turu üçün qeydiyyatdan keçmiş yeniyetmə idmançılar baza hərəkətlərini, eləcə də yaşıl və mavi kəmər dərəcələri üzrə texnikaları nümayiş etdiriblər.

İdmançıların yarışda topladığı xalın 70%-i, imtahan göstəricisinin isə 30%-i toplanaraq ümumi balını formalaşdırır. Bu yanaşma yeniyetmə cüdoçuların həm texniki hazırlığını, həm də rəqabət səviyyəsini paralel şəkildə inkişaf etdirməyə xidmət edir.

Formula 1 tarixinin ən uğurlu sürücülərindən biri olan Luis Hamilton karyerasındakı 105 qələbə və 7 dünya çempionluğuna baxmayaraq, əsl uğurun statistika olmadığını açıqlayıb.

Futbolpress.az xəbər verir ki, o, zirvədə olmağın çətinliklərindən və uşaqlıqda üzləşdiyi travmalardan danışıb.

​Karyerasının 20-ci mövsümünü keçirən britaniyalı pilot uğurları paylaşmağın önəmini vurğulayıb:

“Uğur göründüyü qədər böyük bir şey deyil. Zirvədə olmaq insana tənhalıq gətirə bilər. Əgər qələbəni ailənizlə, komandanızla və əzizlərinizlə paylaşa bilmirsinizsə, birinciliyin heç bir mənası yoxdur”.

Hamilton bu gün olduğu güclü xarakterə görə yaşadığı çətinliklərə borclu olduğunu qeyd edib:

“Məni ən çox formalaşdıran şey uşaqlıqda yaşadığım mühit oldu. Davalar, irqçilik, zorakılıq, təhqirlər və mənə ‘ölkənə geri dön’ deyən insanlar… Bütün bunları içimdə topladım və onlar bu gün olduğum şəxsiyyəti müəyyən etdi”.

Hamilton “Mersedes” ilə 2014-2021-ci illər arasında dominantlıq etsə də, son illərdə rəqabətdə geri düşdüyünü, lakin mübarizə əzmini itirmədiyini də bildirib.

Azərbaycanın stolüstü tennisçiləri Zemfira Mikayılova ilə Mərziyyə Nurmətova Türkiyə Super Liqasının bürünc mükafatına layiq görülüblər.

Futbolpress.az xəbər verir ki, “Masa Der Spor Klubu” tərəfindən dəvət alan seçmə komandanın üzvləri Ankara təmsilçisinin üçüncü yer tutmasında muhüm rol oynayıblar.

Təcrübəli idmançılar “Masa Der Spor Klubu”nun son iki turun 9 qarşılaşmasından 7-də qazandığı qələbələrdə əsas pay sahibi olublar.

10 komandanın mübarizə apardığı yarışda çempion adını “Çukurova Üniversitesi” komandası qazanıb. İkinci yeri isə “Çorum Belediyyesi ASK” kollektivi tutub.

Stolüstü tennisçilərimizin Türkiyə Super Liqasında çıxışı idmançıların oyun təcrübəsinin artırılması və qarşıdakı beynəlxalq yarışlara hazırlıq məqsədi daşıyıb.

Aprelin 12-də Türkiyənin Antalya şəhərində güləş üzrə “Zəfər Kuboku”na start verilib.

Futbolpress.az xəbər verir ki, U-17 yaş qrupu üzrə keçirilən ənənəvi turnirin ilk günündə 4 güləşçimiz fəxri kürsüyə yüksəlib.

Sərbəst güləşdə İbrahim Həsənov (51 kq) bütün rəqiblərini üstəliyərək qızıl medalın sahibi olub.

Yunan-Roma güləşçilərimiz isə ilk yarış günündə 1 dəst medal qazanıb. 51 kq-da Hüseyn Mustafazadə ikinci, İlkin Qurbanov isə üçüncü yeri tutub. Rəqiblərinə şans tanımayan Əli Məmmədov (71 kq) qızıl medala yiyələnib.

“Turan Tovuz”un kapitanı Faiq Hacıyev Misli Premyer Liqasında 100-cü oyununa çıxıb.

Futbolpress.az xəbər verir ki, bu barədə Tovuz klubunun mətbuat xidməti məlumat yayıb.

Çempionatın XXVII turunda keçirilən “Sumqayıt”la görüş onun üçün yubiley xarakteri daşıyıb.

Tovuzda baş tutan qarşılaşma meydan sahiblərinin 2:1 hesablı qələbəsi ilə başa çatıb.

“Mançester Siti”nin baş məşqçisi Xosep Qvardiola maraqlı açıqlama ilə gündəmə gəlib.

Futbolpress.az xəbər verir ki, mütəxəssis komandasının son turlarda performansının artmasının səbəbini belə izah edib:

“Səbəb günəşdir. Həqiqətən. Noyabrda da günəş çıxsaydı, yanvara Premyer Liqa çempionu olardıq”.

“Mançester Siti” çempionatda 64 xalla ikinci sıradadır. Ehtiyatda bir oyunu da olan “şəhərlilər” lider “Arsenal”dan 6 xal geri qalır.

“Fulhem”in futbolçusu Rayan Sessenyon karyerasını Türkiyədə davam etdirə bilər.

Futbolpress.az xəbər verir ki, “Qalatasaray” 25 yaşlı cinah oyunçusunun xidmətində maraqlıdır. Bu barədə Türkiyə mətbuatı məlumat yayıb.

Sessenyon 2024-cü ilin yayından “Fulhem”də çıxış edir. O, bu mövsüm Premyer Liqada 25 oyunda 2 qol vurub, 3 məhsuldar ötürmə edib. 25 yaşlı futbolçunun “transfermarkt”da dəyəri 20 milyon avrodur.

Qadın futbolçulardan ibarət Azərbaycan milli komandasının baş məşqçisi Siyasət Əsgərov dünya çempionatının seçmə mərhələsi çərçivəsində Andorra yığması ilə səfərdə keçiriləcək oyunöncəsi AFFA-nın mətbuat xidmətinə fikirlərini bildirib.

Futbolpress.az xəbər verir kk, mütəxəssis hədəflərinin qələbə qazanmaq olduğunu söyləyib:

“Sabah çox vacib oyuna çıxacağıq. Andorra yığması ilə ardıcıl iki dəfə qarşılaşacağıq. İndiki məqamda yalnız səfər matçını düşünürük. Qrupda daha yaxşı mövqedə qərarlaşmaq üçün Andorra ilə görüşlər böyük önəm kəsb edir. İspaniyada beş günlük təlim-məşq toplanışı keçdik, oyuna yaxşı hazırlaşdıq. Futbolçular da çox həvəslidirlər, matçın vacibliyini dərk edirlər. Rəqib barədə bütün məlumatları onlarla bölüşmüşük. Komanda oyuna tam hazırdır. Məqsədimiz Andorra ilə hər iki oyunda qələbə qazanmaqdır”.

Qeyd edək ki, C liqasının 3-cü qrupu çərçivəsində aprelin 14-də Andorra la Vella şəhərindəki Milli Stadionda keçiriləcək Andorra – Azərbaycan oyunu Bakı vaxtı ilə saat 21:00-da başlanacaq.

Misli Premyer Liqasında sona altı tur qalıb. “Sabah” 66 xalla birinci sıradadır. İkinci “Qarabağ” isə liderdən 10 xal geri qalır. “Atlılar”ın ehtiyatda bir oyunu da var.

Millinin sabiq baş məşqçisi Vaqif Sadıqov “Futbolpress.az“a açıqlamasında çempionluq mübarizəsindən söz açdı:

“Mövsümün əvvəlində deyirdik ki, liqada konkret nəsə demək olmur. Kimin favorit, kimin düşməyə əsas namizəd olduğunu qeyd edə bilmirdik. İndi də bunun şahidi oluruq. “Sabah” liderdir, “Qarabağ” onu izləyir. Arada xal fərqi var, ancaq hələ çempionluğun həll olunduğunu deyə bilmirik. Məncə, qarşıdakı oyun (red- “Qarabağ” – “Sabah” matçı) qızıl medallar üçün həlledici olacaq.

“Sabah” tək rəqiblərlə yox, həm də özüylə bacarmalıdır. Onlar oyunun ciddiyətini bilirlər. Bu matçda məğlub olmazlarsa, demək olar, çempionluğun taleyini həll edəcəklər. Matça böyük maraq var. İndidən görürəm ki, azarkeşlər bilet axtarışındadır. Meydanda liderlərin duelinə yaraşan atmosfer olacaq”.

“Qarabağ” “Sabah”la həm liqada, həm kubokda, daha sonra “Neftçi” ilə çempionatda ardıcıl oyunlar keçirəcək. Mütəxəssis “atlılar”ın belə təqvim üçün kifayət qədər təcrübəli olduğunu vurğuladı:

“Qarabağ”ın sıx qrafiki var, amma onlar kifayət qədər təcrübəlidir. İstər liqada, istər Çempionlar Liqasında dəfələrlə belə situasiyalar yaşayıblar və ona görə düşünmürəm ki, çətinlik olsun. İstərdim, hər klubumuz belə sərt qrafiklərə hazır olsun”

Sadıqov çempionatda ardıcıl 4 qələbə qazanan “Neftçi” haqda da fikirlərini bölüşdü:

“Hesab edirəm, Vernidubun gəlişiylə komanda artırıb. O, ilk müsahibəsində demişdi ki, hədəf avrokuboklardır və bu yolda irəliləyirlər. Oyundan-oyuna inkişafı görürük. Komanda məzmunlu futbol göstərir. Son turlar onu göstərir ki, “Neftçi” avrokuboklara iddialıdır. Öz oyunu və istəyiylə buna yaxınlaşır”.

Şahin Cəfərov

 

“Yuventus” icarə əsasında komandada çıxış edən Jeremi Boqanın transfer hüquqlarını almaq istəyir.

Futbolpress.az xəbər verir ki, bu barədə insayder Fabrizio Romano məlumat yayıb. Turin klubu cinah oyunçusunun performansından məmnundur və Fransa klubu ilə danışıqlara başlayacaq.

Boqa qış transfer dönəmində “Nitsa”dan “Yuventus”a keçib. O, A Seriyasında 9 oyunda 4 qol vurub.

Misli Premyer Liqasının bombardiri “Sabah”ın hücumçusu Coy-Lens Mikelsdir.

Futbolpress.az xəbər verir ki, forvard 18 qolla siyahıya başçılıq edir. İkinci pillədə onun komanda yoldaşı Velko Simiç qərarlaşıb. Yarımmüdafiəçinin aktivində 11 qol var.

“Üçlüy”ü “Neftçi”dən Bassala Sambu tamamlayır. Forvard 10 qolla rəqiblərini izləyir.

Bombardirlər siyahısında yeganə azərbaycanlı Emin Mahmudovdur. “Neftçi”nin kapitanı 9 qolla 4-cü sırada yer alıb.

Beşinci pillədə isə “Şamaxı”nın hücumçusu Karim Rossi qərarlaşıb – 9 qol.

Mərakeşin “Mas Fes” klubunun futbolçusu Dris El Jabli “Puşkaş” mükafatına namizəd olacaq qol vurub.

Futbolpress.az xəbər verir ki, o, “Vidad”la matçda cərimə meydançasından kənarda “rabona” zərbəsi ilə qol vurub.

Qolu burdan izləyə bilərsiniz.

“Puşkaş” hər ilin ən yaxşı qolunun müəllifinə verilən mükafatdır.

“Liverpul”un sabiq futbolçusu Ceymi Karrager açıqlama verib.

Futbolpress.az xəbər verir ki, mütəxəssis “Tottenhem” klubunun çıxışını şərh edib:

“Təqvimə baxırsan, hər şey “Tottenhem”in xeyrinədir. Lakin onların oyunu sadəcə dəhşətdir. “Tottenhem” hamı üçün asan rəqibə çevrilib. Buna inana bilmirəm. Deyəsən, onlar həqiqətən, aşağı liqaya düşəcəklər”.

“Tottenhem” Premyer Liqada 32 turdan sonra 30 xalla turnir cədvəlində 18-ci sıradadır.

“Komo”nun baş məşqçisi Sesk Fabreqas A Seriyasında “İnter”ə uduzduqları görüşü şərh edib.

Futbolpress.az xəbər verir ki, mütəxəssis 3:4 hesabıyla bitən matçla bağlı bunları deyib:

“Turnir cədvəlinə baxmıram. Komandam bir daha göstərdi ki, cəsarətli və enerjilidir. Məğlub olmağımıza baxmayaraq, xarakter göstərdik. Səhvlər etdik, normaldır, gənc komandayıq. Xırda səhvləri belə bağışlamayan rəqibə qarşı oynayırdıq.

Meydanda əlimizdən gələni etdik. Statistikaya baxın, hər komandaya “İnter”lə oyunda 20 dəqiq zərbə vurmaq nəsib olmur. İki il əvvəl bunu desəydilər, inanmazdım, düşünərdim ki, söhbət yoldaşlıq oyunundan gedir. Amma indi baxın haralardayıq”.

“Komo” A Seriyasında 58 xalla 5-ci sıradadır.

“Çelsi” futbolçusu Enzo Fernandesi bağışlayıb.

Futbolpress.az xəbər verir ki, bir müddət əvvəl “Real”da oynamaq istəməsi ilə bağlı açıqlama verən yarımmüdafiəçi yenidən komandaya qoşulub. Bu barədə baş məşqçi Liam Rosenyor yerli mətbuata açıqlamasında deyib:

“Enzo ilə danışdıq. O, komandanın liderləri ilə də söhbət etdi və problem həll olundu”.

“Çelsi” argentinalı futbolçunu qeyri-etik açıqlamasına görə iki həftəlik heyətdən kənarlaşdırmışdı.

Enzo bu mövsüm Premyer Liqada 30 oyunda 8 qol vurub, 3 məhsuldar ötürmə edib.

Qananın “Berekum Çelsi” klubunun 20 yaşlı futbolçusu Dominik Frimponq vəfat edib.

Futbolpress.az xəbər verir ki, o, bir qrup şəxsin klubun avtobusuna hücumu nəticəsində həlak olub. Bu barədə Qana Futbol Assosiasiyası məlumat yayıb.

Dominik bu mövsüm 13 oyunda 2 qol vurmuşdu.

“Kəpəz” sabitliyin darmadağın edildiyi klub nominasiyasında şəksiz liderdir.

Son 5 ilin ən çox baş məşqçi və rəhbərlik dəyişən klubudur.

“Yeni sponsor gələcək” xəbərləri yeni sponsor gələndən dərhal sonra yayılmağa başlayır. Bu baxımdan da unikal klubdur.

Son bir ildə Azər Bağırovu göndərib Adil Şükürovu gətirən, sonra Şükürovu yola salıb Bağırovu geri gətirən klub…

İndi də Bağırovun gedəcəyi/göndəriləcəyi sədaları eşidilir.

“Qarabağ”ı bir oyunda məğlub, digərində iki xalını əlindən alan “sarı-göylər” sonuncu pillədə olan “Karvan Yevlax”dan 4 qol “yeyir”…

Rəhbərlik mövsüm sonunadək ot örtüyünün istifadəyə veriləcəyini, doğma meydanda oynayacaqlarını açıqlayır, ardınca əks xəbərlər çıxır.

“Kəpəz” informasiya kirliliyində var-gəl edən yeganə klubdur. Sanki bu bir sistemlə edilir və klub bu “sistemə” qarşı mübarizədə ləngiyir, sürətinə çatdırmır.

Ümumiyyətlə, bir Qəzza münaqişəsi, bir İranda uran, bir də “Kəpəz”də baş məşqçi-rəhbərlik, azarkeş-rəhbərlik, rəhbərlik-rəhbərlik problemi düzələnə oxşamır…

Kamil Əhməd

AFFA-nın Təhsil və Reabilitasiya Mərkəzində məşqçilər üçün UEFA B kateqoriyalı məşqçi kursunun III mərhələsinə start verilib.

Futbolpress.az xəbər verir ki, aprelin 16-dək davam edəcək məşğələlərə Təhsil Şöbəsinin rəhbəri Aslan Kərimov və təlimatçı Osman Rəhimov rəhbərlik edirlər.

Kursda Azərbaycan millisinin sabiq futbolçusu Qara Qarayev da yer alır.

Azərbaycan Futbol Federasiyaları Assosiasiyası (AFFA) ilə “Roundglass Living” şirkəti arasında əməkdaşlıq müqaviləsi imzalanıb.

Futbolpress.az xəbər verir ki, razılaşma AFFA-nın baş katibi Cahangir Fərəcullayev və “Roundglass Living”in təsisçisi Sunny Singh (Sanni Sinq) tərəfindən rəsmiləşdirilib.

3 il müddətinə nəzərdə tutulan razılaşmanın əsas məqsədi ölkənin futbol ictimaiyyətində mental sağlamlığın və ümumi rifahın gücləndirilməsidir. Əməkdaşlıq çərçivəsində AFFA-nın və klubların əməkdaşları, hakimlər, məşqçilər, oyunçular və idman jurnalistləri “Roundglass Living” tətbiqinə çıxış əldə edəcəklər.

Platforma istifadəçilərə psixoloji sağlamlıq, zehinlilik, fiziki hazırlıq və emosional dayanıqlığı dəstəkləyən alətlər və məzmun təqdim edir. Şirkətin qurucusu Sunny Singh əməkdaşlığın əhəmiyyətini vurğulayaraq bildirib ki, “Roundglass Living”ın yalnız oyunçular üçün deyil, Azərbaycanda futbol sektorunda fəaliyyət göstərən hər kəs üçün dəstək rolunu oynayır.

Tətbiq çərçivəsində istifadəçilərə nəfəs texnikaları, meditasiya proqramları, yoqa sessiyaları, sağlam qidalanma və sağlam yuxu ilə bağlı tövsiyələr, həmçinin musiqi əsaslı rahatlama məzmunları təqdim olunur. Hazırda kommersiya əsaslı bir xidmət olan bu platformadan istifadə AFFA-nın dəstəyi ilə yerli futbol ictimaiyyəti üçün tamamilə ödənişsiz təmin olunacaq. Hazırda tətbiqdəki məzmunlar ingilis dilində təqdim edilsə də, yaxın gələcəkdə istifadəçilərin rahatlığı üçün platformanın digər dillərə də tərcümə olunması planlaşdırılır.

Qeyd edək ki, “Roundglass Living” hazırda ABŞ Gənclər Futbol Assosiasiyası (USYS), Yunanıstan Futbol Federasiyası (HFF) və 500-dən çox digər təşkilatla əməkdaşlıq edir, futbol dünyasında rifah təşəbbüslərini dəstəkləyir.

Yuxarıda qeyd olunan tərəfdaş qrupların platformada qeydiyyatı və sistemə inteqrasiyası AFFA tərəfindən mərkəzləşdirilmiş qaydada təmin ediləcəkdir.

“Sabah” və basketbol üzrə milli komandamızın üzvü Emmanuel Agbason FIBA Gənclər Çempionlar Liqasında (Youth Champions League) rəmzi “5”likdə yer alıb.

Futbolpress.az xəbər verir ki, basketbolçu bir sıra ortalama statistik göstəricilər üzrə birinci olub.

Effektivlik: 35.0

Xal: 24.5

Ribaund: 16.5

Blok-şot: 4.5

Emmanuel Agbason Gənclər Çempionlar Liqasında Türkiyənin “Tofaş Bursa” klubu ilə keçirilən oyunda double double a imza atıb.

“Sabah” BK-nın 86:60 hesablı qələbəsi ilə başa çatan oyunda 26 xal, 23 ribaundla qələbədə əsas pay sahiblərindən olub. “Sabah”ın Almaniya təmsilçisi “Porşe BBA Lyudviqsburq” komandasını 72:61 hesabı ilə məğlub etdiyi oyunda isə 28 xal, 20 ribaund, 8 blok-şotla turnirin rekord göstəricisinə imza atıb.

Xatırladaq ki, “Sabah” BK Azərbaycan basketbolu tarixində ilk dəfə iştirak etdiyi Gənclər Çempionlar Liqasında 12 komanda arasında 7-ci olub.

“Qalatasaray” baş məşqçisi Okan Burukla yollarını ayıra bilər.

Futbolpress.az xəbər verir ki, bu barədə Türkiyə mətbuatı məlumat yayıb. İddiaya görə, klub Super Liqada çempion olsa belə, mövsümün sonunda Burukla yollar ayrılacaq. Mütəxəssisin müqaviləsi yayda başa çatır.

“Qalatasaray” Super Liqada 68 xalla liderdir.

Stolüstü tennisçilərin “Baku Open” turniri başa çatıb.

Futbolpress.az xəbər verir ki, beynəlxalq Stolüstü Tennis Federasiyasının yaradılmasının 100 illiyinə və Bakının 2026-cı il “Dünya İdman Paytaxtı” seçilməsinə həsr olunan yarışda əsasən həvəskar və veteran stolüstü tennisçilər bacarıqlarını göstəriblər.

Peşəkar idmançılar isə yalnız qoşa yarışlarda – bir peşəkar və bir həvəskar olmaqla mübarizə aparıblar. “Şüa İdman Kompleksi”ndə təşkil olunan turnirin şəxsi yarışları Sergey Vermidin qələbəsi ilə nəticələnib.

İlqar Həsənov ikinci, Vaqif Məmmədov üçüncü yeri tutub. Qoşa yarışlarda Əli Heydərli ilə Tatyana Aliulina birinci olub. Onlar finalda Fikrət Paşayev – Xəyal Həşimli tandeminə qalib gəliblər. Əlixan Əlizadə ilə Hilal Həsənov fəxri kürsünün üçüncü pilləsinə qalxıb.

Fərqlənən idmançılara Azərbaycan Stolüstü Tennis Federasiyasının diplomları və tərəfdaşların mükafatları təqdim olunub.

“Sabah” Premyer Liqada 350-ci qolunu vurub.

Futbolpress.az xəbər verir ki, bu, “Zirə” ilə evdəki qarşılaşmaya təsadüf edib. Misli Premyer Liqasının XXVII turunun görüşündə (2:2) son qolun müəllifi olan İqor Noqeyra klub tarixinin yubiley topunu vurub.

“Sabah” 350-ci qola 239-cu matçında sevinib. Bakı klubunun orta məhsuldarlığı 1,46-ya bərabərdir. Bu qollardan 183-ü evdə, 167-si səfərdə qeydə alınıb.

Paytaxt təmsilçisi turnirin tarixində 350 və ya daha çox qol vuran 13-cü komanda olub. “Sabah”ın ilk qolu 2018-ci il avqustun 12-nə təsadüf edib. “Keşlə” (indiki “Şamaxı”) ilə səfər görüşündə Marko Deviç həlledici qola imza atıb – 1:0.

Ölkənin qanuni lotereya təşkilatçısı və idman mərc oyunları operatoru “Azərlotereya” ASC dövlət büdcəsinə ən çox vergi ödəyən şirkətlər sırasında ön sıralarda yer alıb.

Futbolpress.az xəbər verir ki, İqtisadiyyat Nazirliyi yanında Dövlət Vergi Xidməti 2025-ci ildə dövlət büdcəsinə ən çox vergi ödəyən və bu məlumatın ictimaiyyətə təqdim edilməsinə razılıq verən vergi ödəyicilərinin, həmçinin 2025-ci il üzrə dolayı vergilər (ƏDV, aksiz) istisna olmaqla hesablaması ən çox olan və bu barədə məlumatın açıqlanmasına razılıq verən 100 vergi ödəyicisinin siyahısını hazırlayıb.

Siyahıya əsasən, “Azərlotereya” ölkə üzrə ən çox vergi ödəyən 100 vergi ödəyicisi arasında 16-cı yerdə qərarlaşıb. Qeyri-neft sektoru üzrə isə “Azərlotereya” 6-cı olaraq ölkə iqtisadiyyatının şaxələndirilməsi yönündə verdiyi töhfəni bir daha nümayiş etdirib.

“Azərlotereya” 2025-ci ildə dövlət büdcəsinə 100,7 milyon manat vergi ödəyib. Bu göstərici əvvəlki illə müqayisədə artım nümayiş etdirir. Belə ki, şirkət 2024-cü ildə 92,4 milyon manat vergi ödəyərək ölkənin ən böyük vergi ödəyicilərindən biri kimi çıxış etmişdi.

Son illər fəaliyyətini daha da genişləndirən “Azərlotereya” yalnız oyun sənayesinin inkişafına və istehlakçı maraqlarının qorunmasına deyil, həmçinin ölkə iqtisadiyyatına, çox sayda insanın işlə təmin etməklə əmək bazarının inkişafına və dövlət büdcəsinin formalaşmasına, o cümlədən sosial-iqtisadi layihələrin maliyyələşdirilməsinə mühüm töhfə verir. Şirkətin dövlət büdcəsinə ödədiyi yüksək məbləğdə vergilər, idmanın inkişafına ayrılan vəsait və büdcəyə ödənən digər məcburi ödənişlərlə iqtisadi sabitliyin güclənməsinə və müxtəlif sahələr üzrə inkişaf layihələrinin həyata keçirilməsinə dəstək göstərir.

“Azərlotereya” bundan əlavə ölkədə idmanın inkişafı və xeyriyyə mədəniyyəti və sosial layihələrin həyata keçirilməsi istiqamətində aktiv rol oynayır. Şirkət “Misli Premyer Liqası” başda olmaqla futbol, voleybol və basketbol kimi idman növləri üzrə müxtəlif layihələr reallaşdırır. Bundan əlavə, Qarabağın sosial-iqtisadi inkişafına və “Əmanətə sədaqət” layihəsi çərçivəsində şəhid ailələrinin üzvlərinin təhsilinə dəstək göstərərək sosial məsuliyyət sahəsində mühüm addımlar atır.

“Azərlotereya” bundan sonra da şəffaf və məsuliyyətli fəaliyyət prinsiplərinə sadiq qalaraq ölkə iqtisadiyyatına, idmanın inkişafı və sosial layihələrin icrasına töhfə verməyə davam edəcək.

“Çelsi” İngiltərə Premyer Liqasının XXXII turunda “Mançester Siti”yə uduzub – 0:3.

Futbolpress.az xəbər verir ki, “zadəganlar” çempionatda ardıcıl üç oyundur ki, qol vurmadan məğlub olur. Bu, klub tarixində XXI əsrin antirekordudur.

“Çelsi” birinci dəfə 1998-ci ildə çempionatda ardıcıl üç matçda qol vurmadan uduzub.

London klubu Premyer Liqada 32 turdan sonra 48 xalla 6-cı sıradadır.

Bu gün futzal üzrə Azərbaycan millisi növbəti yoldaşlıq oyunu keçirəcək.

Futbolpress.az xəbər verir ki, komanda Aktaudakı BS Arenada Qazaxıstan yığması ilə qarşılaşacaq. Matç Bakı vaxtı ilə saat 19:00-da start götürəcək.

Qapıçılar: Emin Kürdov (Araz-Naxçıvan), Cavad Məmmədov (Baku Fire)

Oyunçular: Nihad İsmayılov, Emil Həsənzadə, Tofiq Əliyev (hamısı Neftçi İK), Tofiq Mikayılov, Oqtay Rüstəmli, Eldar Zeynalov, Novruz Kazıxanov, Murad Quluzadə, Kənan Manafov, Fərid Abbasov (hamısı Baku Fire), Pünhan Qasımzadə (U-19), Ədalət Ələkbərov, Ülvi Əliyev (hər ikisi Araz-Naxçıvan), Qüdrət Qasımzadə (Şuşa)

Coy Lens Mikels “Sabah”ın heyətində 70-ci qolunu vurub.

Futbolpress.az xəbər verir ki, almaniyalı hücumçunun yubiley topu Misli Premyer Liqasının XXVII turuna təsadüf edib. O, “Zirə” ilə ev görüşündə (2:2) fərqlənib.

Mikels bu göstərici ilə “Sabah” tarixinin ən yaxşı bombardiridir. O, 70-ci qolunu 133-cü oyununda vurub. Forvardın orta məhsuldarlığı 0,53-ə bərabərdir.

Coy Lens bu qollardan 56-nı Premyer Liqada vurub. O, Azərbaycan kubokunda 6, Konfrans Liqasında 5, Avropa Liqasında 3 dəfə fərqlənib.

Qeyd edək ki, Mikels “Sabah”da ilk qolunu 2021-ci il sentyabrın 26-da “Neftçi” ilə çempionatdakı ev oyununda (1:2) vurub.

Filip Ozobiç Azərbaycan çempionatları tarixinin rekorduna imza atıb.

Futbolpress.az xəbər verir ki, o, 1992-ci ildən keçirilən turnirin tarixində ən çox qol vuran legioner və ya çempionatda legioner kimi debüt edib sonradan Azərbaycan vətəndaşlığı alanlar arasında ən yaxşı bombardir olub.

Hazırda “Turan Tovuz”un formasını geyinən Xorvatiya əssilli yarımmüdafiəçi bunu 72-ci qolunu vurmaqla gerçəkləşdirib. O, Misli Premyer Liqasının XXVII turunun “Sumqayıt”la ev görüşündə (2:1) fərqlənib.

72-ci qolunu 225-ci matçında vuran Ozobiç Azərbaycan millisinin formasını geyinmiş gürcüstanlı Badri Kvaratsxeliyanın rekordunu geridə qoyub. “Kəpəz” və “Şəmkir”də oynamış forvard 132 matçda 71 qola imza atıb.

Filip Premyer Liqada 4 klubda çıxış edib. İndiki komandasında 26 oyunda 6 qola sevinən futbolçu bunadək “Qəbələ” (46 oyunda 16 qol), “Qarabağ” (95 oyunda 35 qol )və “Neftçi”nin (58 oyunda 15 qol) uğurları üçün çalışıb.

Qeyd edək ki, Premyer Liqada 2016/17 mövsümündə debüt edən yarımmüdafiəçi “Qəbələ”də vurduğu 11 qolla həmin çempionatın bombardiri adına şərik olub.

Misli Premyer Liqasının XXVII turu “Kəpəz” üçün əlamətdar olub.

Futbolpress.az xəbər verir ki, Gəncə klubu Azərbaycan çempionatının yüksək dəstəsində 350-ci səfər oyununu keçirib. Bu yubiley “Karvan-Yevlax”la matça təsadüf edib.

“Kəpəz” rəqib meydanlarında 164-cü məğlubiyyətini alıb – 1:4. Hesabında 100 qələbə olan qərblilər 86 matçdan bir xalla ayrılıb. 393 qola sevinən Gəncə təmsilçisi 538 top buraxıb.

“Kəpəz” çempionatın tarixində 350 və daha çox səfər matçı keçirən 4-cü komandadır. Yalnız “Qarabağ”, “Neftçi” və “Şamaxı”nın hesabında daha çox səfər görüşü var.

Ehtiram Quliyev elə tozanaq qoparmışdı ki…

Haqqında, “bu işi belə qoymayacaq!” dediyimiz adamlar kimi də… Amma nə oldu?

AFFA onun həşəmətli çıxışına 15 min cərimə kəsdi.

Sonra nə oldu?

Hələ heç nə…

Gözləyirik, görək Ehtiram bəyin hirsindən-qeyzindən bir şey qalıbmı?

Üç gün keçib, hələ də sakitçilikdir.

“Zirə” ilə kubok oyununda (0:2) baş hakim Əliyar Ağayevin iki qərarına üsyan edən Quliyevin dediklərinə görə gündəmə gəlməyi, cərimə olunmağı və sükunətə qərq olmağı (hələ ki)…

Hekayə belə bitsə, onda sual yaranacaq, Ehtiram bəy niyə sonadək getmir?

Düzü, sonadək getmək hara aparır; bilmirik. Ancaq bir mübarizə varsa, nəticəsi də bilinməlidir.

Nəticə?

Yoldaş Quliyev ötən ilin fevralında “Şamaxı” ilə matçda qar səbəbindən VAR və canlı yayımının olmaması ilə bağlı da analoji vəziyyət yaratmışdı. Klub həmin görüşdən öncə bəyanat yayıb, oyunun şəffaf keçiriləcəyinə şübhələrin olduğunu bildirmişdi. Rəhbərliyin bəlağətli çıxışı gündəmi zəbt etmiş, nəticəsi yenə cərimə ilə bitmişdi. Quliyev hətta sonradan passiv mövqeyə keçərək gərginliyi azaltmağa cəhd etmişdi…

Bu dəfə də eyni “taktika”?

Ölkənin futbol gündəmi əsasən neqativ auranın dominantlığı altında olur. Quliyev kimi funksionerlər neqativ səbəblərə qarşı emosional çıxışlar edəndə istər-istəməz bütün diqqətlər ona yönəlir. Hətta obraz birə beş böyüyür, xilaskar gözüylə baxanlar belə olur…

Məhz bu səbəbdəndir ki, azsaylı nümunələrdən biri kimi – Ehtiram bəyin bu cür hərəkətə keçməyindən sonra eyni tonallıqda davamını gətirməməsi məyusluq yarada bilər.

Bəlkə də biz emosional aclığın doymamağın yaratdığı boşluqda çabalayırıq; nə xilaskar?!

Nədən xilaskar…?

Elçin Cəlilov

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

Rusiya, Premyer Liqa
18:15 Akron – Dinamo Moskva (Matç Premyer)

Türkiyə, Super Liqa
21:00 Eyüpspor – Samsunspor (beİN Sports 1)
21:00 Rizəspor – Qaziantep (beİN Sports 2)

İtaliya, A Seriyası
22:45 Fiorentina – Latsio (Futbol 1)

İngiltərə, Premyer Liqa
23:00 Mançester Yunayted – Lids (İdman TV, beİN Sports 3)

İspaniya, La Liqa
23:00 Levante – Xetafe (Futbol 2)

Misli Premyer Liqasında mövsümün 4-cü het-triki qeydə alınıb.

Futbolpress.az xəbər verir ki, Rauf Rüstəmli XXVII turun “Karvan-Yevlax” – “Kəpəz” qarşılaşmasında (4:1) qonaqların qapısına 3 qol vurub.

Mövsümün əvvəlki 27 turunda 3 belə hadisə yaşanıb. “Qarabağ”ın futbolçuları Toral Bayramov V turda “Araz-Naxçıvan”ın (5:0), Kamilo Duran XXVII turda “Karvan-Yevlax”ın (7:0), “Qəbələ”nin legioneri Domi Massumo XVIII turda “İmişli”nin (3:2) qapısına üç dəfə yol tapıb.

Rauf Toraldan sonra cari mövsümdə het-trik edən ikinci azərbaycanlı olub. Bununla da son 16 ildə ilk dəfə birdən çox yerli statusa malik futbolçu het-trik edib.

Sonuncu dəfə 2009/10 mövsümündə belə hadisə yaşanıb. Həmin çempionatda 3 yerli oyunçu – Samir Musayev, Nadir Nəbiyev və Fərid Quliyev het-trikə imza atıb.

Sonrakı illərdə bir yerli futbolçunun iki het-trikinə təsadüf olunub. Amma iki oyunçunun belə uğur qazanması yaşanmayıb.

Qeyd edək ki, Rauf həm də “Karvan-Yevlax”ın Premyer Liqa tarixində ilk het-trik müəllifidir. Həmin matçdakı nəticə isə Yevlax təmsilçisinin yüksək dəstədə ilk böyükhesablı qalibiyyəti və ilk ev qələbəsi kimi də də tarixə düşüb.

“Napoli”nin baş məşqçisi Antonio Konte adının İtaliya yığması ilə hallanmasına münasibət bildirib.

Futbolpress.az “Football İtalia”ya istinadən xəbər verir ki, mütəxəssis daha əvvəl “millidə işləməyə hazıram” ifadəsinin ona məxsus olmadığını deyib:

“Mən “hardasa işləməyə hazıram” sözlərini deməmişəm. “Napoli” ilə müqaviləm var və fikir bildirmək qeyri-etik olar. Fikirlərim təhrif olunur. Məni düzgün başa düşün. Bu hal təkrarlansa, bir daha danışmayacağam”.

Azərbaycan millisinin futbolçusu Nəriman Axundzadənin formasını geyindiyi “Kolumbus Kryu” MLS-də növbəti oyuna çıxıb.

Futbolpress.az xəbər verir ki, sözügedən komanda azarkeşləri önündə “Orlando” ilə qarşılaşıb. Matç bərabərliklə başa çatıb – 1:1.

Nəriman bu görüşdə meydana çıxmayıb. O, sona qədər ehtiyatda qalıb.

“Kolumbus Kryu” 7 turdan sonra 6 xalla 11-ci sıradadır. “Orlando” isə 4 xalla 13-cüdür.

“Qalatasaray”ın baş məşqçisi Okan Buruk Super Liqada “Kocaelispor”la heç-heçə etdikləri oyunla bağlı fikirlərini bölüşüb.

Futbolpress.az xəbər verir ki, mütəxəssis 1:1 hesabıyla bitən matçı belə şərh edib:

“Oyuna yaxşı başladıq, qol vurduq. Üstünlük bizdə idi. İkinci hissədə lazımsız səhvlərə yol verdik və yekunda cəzalandırıldıq.

Bu oyunu qazanmalı idik. “Fənərbağça” və “Trabzonspor”la xal fərqini artırmaq şansımız var idi. Ancaq hələ də üstünlük bizdədir. Çempion biz olacağıq”.

“Qalatasaray” 29 turdan sonra 68 xalla birinci sıradadır. İkinci pillədə yer alan “Fənərbağça”nın isə 66 xalı var.

“Mançester Yunayted” futbolçusu Kobbi Maino ilə müqaviləni uzatmağa hazırlaşır.

Futbolpress.az xəbər verir ki, bu barədə komandanın baş məşqçisi Mayk Karrik yerli mətbuata açıqlamasında deyib. O, Kobbi ilə danışıqların son mərhələdə olduğunu bildirib.

20 yaşlı hücumçu bu mövsüm Premyer Liqada 22 oyunda 2 məhsuldar ötürmə edib. Onun indiki müqaviləsi 2027-ci ilin yayında başa çatır.

“Mançester Siti”nin futbolçusu Bernardu Silva İngiltərə Premyer Liqasında ən çox oyun keçirən portuqaliyalı oyunçu adını qazanıb.

Futbolpress.az xəbər verir ki, XXXII turun “Çelsi” ilə səfər oyunu Silvanın liqada 297-ci görüşü olub.

O, bu göstəricidə Luiş Boa Mortenin rekordunu (296 oyun) qırıb.

Premyer Liqada ən çox oyun keçirən futbolçuların “üçlüy”ünü Kriştiano Ronaldo tamamlayır – 233 matç.

Misli Premyer Liqası 2025/26 mövsümünün finişinə yaxınlaşır. Sona 6 tur qalıb və bütün diqqətlər turnir cədvəlindəki ilk iki pilləyə zillənib.

1. “Sabah” – 66
2. ⁠”Qarabağ” – 56

Arada 10 xal fərq var, lakin nəzərə alsaq ki, “atlılar”ın “Neftçi” ilə təxirə salınmış oyunu qalıb, onda qəti fikir bildirmək çətinləşir.

Ancaq buna baxmayaraq, “bayquşlar” haqda indidən çempionluq iddiaları səsləndirənlər az deyil.

Baxmayaraq ki, qarşıda son 12-13 ilin dominantı var, amma yenə də…

Buna səbəb arada xal fərqinin böyük olması, tərəflərin mövsümboyu duelində “futuristlər”in üstünlüyü kimi amillərdir.

Növbəti, 28-ci turda “zirvə görüşü” olacaq. Aprelin 18-i, saat 19:30-da “Tofiq Bəhramov” izdihama ev sahibliyi edəcək.

Tərəflər arasında mövsümün son oyunu növbəti azarkeş rekordunu müəyyənləşdirə bilər…

Bir sözlə, 28-ci tur özündə böyük məna daşıyır. “Sabah” qalib gəlsə, 99.9% çempion olacaq. “Qarabağ” qalib gəlsə, onda sonrakı turların afişasına indidən baxaq:

Sabah:
29-cu tur: “Karvan Yevlax”
30-cu tur: “Şamaxı”
31-ci tur: “Kəpəz”
32-ci tur: “Neftçi”
33-cü tur: “Turan Tovuz”

“Qarabağ”:
29-cu tur: “Neftçi”
30-cu tur: “Turan Tovuz”
31-ci tur: “Qəbələ”
32-ci tur: “İmişli”
33-cü tur: “Sumqayıt”

Turnir cədvəlindəki durum fonunda müqayisə etsək, afişa bir az “Sabah”ın lehinədir. Lakin bu, futboldur və burada proqnozlar darmadağın olmağı xoşlayır…

Bütün hallarda bu duelin mübarizəsinin ən dramatik halı növbəti turda olacaq.

Yarandığı ildən ən uğurlu, inamlı mövsümünü keçirən “tələbələr” ölkə çempionları siyahısını zənginləşdirməyə çox yaxın görünür.

Ancaq intriqa qətiyyən ölməyib. Bunun bariz nümunəsini 6 gün sonra “Tofiq Bəhramov”da görəcəyik.

Kamil Əhməd

Türkiyə Super Liqasında XXIX turun oyunları keçirilir.

Futbolpress.az xəbər verir ki, “Beşiktaş” azarkeşləri önündə “Antalyaspor”u məğlub edib.

“Trabzonspor” səfərdə “Alanyaspor”la heç-heçəyə razılaşıb. “Fənərbağça” səfərdə “Kayserispor”a darmadağınla qalib gəlib.

Lider “Qalatasaray” bu turda “Kocaelispor”la “sülh”ə razılaşıb.

Türkiyə Super Liqası
XXIX tur

10 aprel

Beşiktaş – Antalyaspor 4:2
Qollar: O.Kökçü, 4. J.Silva, 9. O.H.Qyu, 33; 59 – Van de Strek, 21. Ballet, 47.

11 aprel

Başakşəhər – Gənclərbirliyi 3:0
Qollar: Şomurodov, 9, 40. B.Yıldırım, 42.

Alanyaspor – Trabzonspor 1:1
Qollar: G.Yalçın, 67 (pen) – O.Tufan, 58.

Kayserispor – Fənərbağça 0:4
Qollar: Kante, 45+1. Taliska, 60, 87. Nene, 62.

12 aprel

Konyaspor – Karagümrük 3:0
Qollar: B.Kramer, 21, C.Muleka, 28, D.Qonçalves, 90+1

Göztəpə – Kasımpaşa 3:3
Qollar: X.Santos, 24, Jeh, 82 (pen.), M.Bokele, 89 – M.Ben Ounes, 5+1, A.Benediçak, 52, F.Krastev, 76 (avtoqol)

Qalatasaray – Kocaelispor 1:1
Qollar: L.Sane, 30 – B.Petkoviç, 72

13 aprel

21:00. Eyüpspor – Samsunspor
21:00. Rizəspor – Qaziantep

Stolüstü tennisçi Nihad Məmmədov adını “Ginnesin rekordlar kitabı”na yazdırmağa yaxındır.

Futbolpress.az xəbər verir ki, Azərbaycan seçmə komandasının üzvü bu gün “Şüa İdman Kompleksi”ndə təşkil olunan mərasimdə, topu uzaq məsafədən oyuna daxil etməkdə qeydə alınan dünya rekordunu yeniləməyə cəhd göstərib.

O, Azərbaycan Gənclər və İdman Nazirliyinin, Azərbaycan Stolüstü Tennis Federasiyasının rəsmilərinin və beynəlxalq dərəcəli hakim Zaur Mikayılovun nəzarəti ilə bu hərəkəti 17 metr məsafədən uğurla həyata keçirib.

Nihad Məmmədovun göstəricisi ASTF tərəfindən müvafiq qurumun baş ofisinə göndərilib. Rəsmi cavab təxminən 4-8 həftədən sonra veriləcək.

Qeyd edək ki, sözügedən rekord (16.70) son olaraq türkiyəli Osman Gürcüyə məxsus idi.

Misli Premyer Liqasının XXVII turunun “Turan Tovuz” – “Sumqayıt” oyunundan (2:1) sonra meydan sahibi komandanın baş məşqçisi Kurban Berdıyev jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:

– Vacib və lazımlı qələbə qazandıq. Oyundan əvvəl uşaqlarda həyəcan var idi. Şükür ki, qalib gəldik.

– İkinci hissədə oyununuzun alınmaması nə ilə bağlı idi? 2:0-dan sonra arxayınlıq yarandı? 
– 2:0-dan sonra çalışdıq ki, hesabı qoruyaq. Buna görə müdafiəyə çəkildik.

– Ot örtüyünün vəziyyəti necədir?
– Ot örtüyü çox yaxşı idi. Ümid edirik ki, həmişə belə qalar. Klubun prezidentinə təşəkkür edirik ki, bu cür şərait yaradıb.

– Əliyar Ağayev bu oyuna təyinat alsaydı, etiraz edərdiniz?
– Hakimləri tanımıram. Təyinat alsaydı, oynamalıydıq.

– Bu heyət avrokuboklarda oynamağa neçə faiz hazırdır?
– Nəsə demək çətindir. Heyətin möhkəmlənməsinə ehtiyac var. Avrokuboklara düşməyimiz hələ bəlli deyil. İndidən avrokuboklardan danışırıq, amma hələ ora çatmamışıq.

– Avrokuboklara düşsəniz, oyunlar Tovuzda olacaq?
– Əlbəttə. Bizim şəhərimiz, meydanımızdır.

– Müqaviləniz mövsümün sonuna kimidir. Uzatmaq istəyirsiniz?
– Klubdaxili məsələdir.

Şahin Cəfərov

Misli Premyer Liqasının XXVII turunun “Turan Tovuz” – “Sumqayıt” oyunundan (2:1) sonra qonaq komandanın baş məşqçisi Saşa İliç jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:

– Əvvəlcə onu deyim ki, mənim müdafiəçi Danilo Beskorovoyni ilə mübahisəmi yazan jurnalist burdadırmı? Bu, çox pis və yanlış məlumatdır. Bu məsələ həm oyunçu, həm klub, həm də mənim üçün xoşagəlməz haldır. Danilonun oynamamasının bu cür məsələ ilə heç bir əlaqəsi yoxdur. Milli fasilə zamanı sənəd məsələləri üçün Ukraynaya getmişdi və ona görə də məşqə gec qoşulmuşdu.

– Oyun haqda fikirlərinizi bölüşərdiniz.
– “Turan Tovuz”la oyunlar çətin olur. İlk 15 dəqiqədə qorxaq futbol oynadıq. İkinci hissədən razı qaldım. Oyunu idarə edə bildik.

– Birinci hissədəki qorxaq oyunun səbəbi nə idi?
– Bilmirəm. Ola bilər, stadiondakı atmosfer futbolçulara təsir etdi. Öz səhvlərimizdən qollar buraxdıq.

– Pasxa bayramı ilə bağlı sizi təbrik edirəm. Oyunlardan əvvəl hansısa rituallarınız olur?
– Hər oyundan əvvəl dua edirik ki, qələbə qazanaq. Ancaq artıq avrokuboklar üçün şansımız qalmayıb. İndi gözəl oyuna ümid edirik. Lakin hakimlərin də bəzi qərarları təsir edir. Mətbuatda da tez-tez hakim səhvləri ilə bağlı müzakirələr çıxır. “Araz-Naxçıvan”, “Neftçi” ilə matçlarda penalti olmaya-olmaya 11 metrlik zərbə təyin ediblər. Qərarların nəticəyə təsiri var.

– “İmişli” ilə aranızda fərq artıq 6-ya düşüb. Komandanın aşağı liqaya düşmə təhlükəsi olduğunu düşünürsünüz?
– Düşünmürəm. Düzdür, futbolda hər şey olur. Amma sonuncu sıra ilə aramızda fərq çoxdur.

Şahin Cəfərov

Misli Premyer Liqasının XXVII turunun “Qəbələ” – “İmişli” oyunundan (0:1) sonra meydan sahibi komandanın baş məşqçisi Kaxaber Sxadadze jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:

– “İmişli” böyük qüvvə ilə müdafiə olunan komandadır. Rəqib səhv edən kimi bundan isitfadə edirlər. Fərdi bacarıqları olan oyunçuları var. Təəssüf ki, standartdan səhv etdik və qol vurdular. Topa nəzarət edir, rəqibin cərimə meydançasına daxil olurduq. Sadəcə sonluq çatmırdı. Bu baxımdan problem var idi. Azarkeşlər narahat olur, başa düşürük. Onlar “Qəbələ”ni belə görmək istəmirlər. Premyer Liqada qalmağa çalışmalıyıq. “Kəpəz”lə oyunda necə oynadığımızı gördünüz. Bu gün isə qapıya düşə bilmədik, sonluq çatmadı. Rəqibin standart vəziyyətlərdən yaxşı istifadə etdiyini bilirdik. Bunun qarşısını ala bilmədik.

– “İmişli”nin öz stadionu yoxdur, Qubada oynayır. Amma öz meydançasında oynayan “Qəbələ”dən üst sırada qərarlaşıblar. Nə üçün belədir?
– Səhvlərimizin nədə olduğunu bilirik. Problemimiz indi yox, komanda liqadan düşəndə başlamışdı. I Liqada 17 xal fərqiylə çempion olduq. Ya komandanı tamamilə dağıtmalıydıq, ya da… I Liqada oynayanları saxlamalıydıq, dağıtmaq düzgün olmazdı. “Qəbələ”nin ambisiyaları var. Bir neçə il əvvəl avrokuboklarda oynayan komanda indi liqada qalmağa çalışır. Bu gün kimsə desə ki, “İmişli” bizdən yaxşı oynadı, razılaşmaram. Birinci Liqada olan komandanın 95 faizini qorumuşuq. Çünki bu uşaqlar əziyyət çəkiblər. İndi də oyunumuzla layiq olduğumuz yerdə deyilik. Bir az da bəxt gətirmir. Futbolçular çalışır. Bir şeyə söz vermişiksə, arxasında durmalıyıq. Mübarizəmizi sona qədər davam etdirməliyik.

Şahin Cəfərov

Misli Premyer Liqasının XXVII turunda keçirilən “Qəbələ” – “İmişli” oyunundan (0:1) sonra qonaq komandanın baş məşqçisi Jorj Kaşkilya jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib:

– Futbolçularımı təbrik edirəm. 
Gözəl oyun göstərdilər. “Neftçi” matçından sonra qələbə qazanmamışdıq, futbolçularda ruh düşkünlüyü var idi. Amma vəziyyəti dəyişə bildik. Son iki oyunda vacib xallar qazandıq. “Qəbələ” yaxşı komandadır, sürətli hücuma keçə bilirlər. Çalışdıq ki, onların qarşısını alaq. Taktikamız alındı. Standart vəziyyətdən fərqləndik və ilk hissəni öndə bitirdik. Fasilədən sonra çalışdıq ki, onlara çox şans verməyək. Yaxşı müdafiə olunduq və çətin oyunda üç xal qazandıq. Qələbəni bu gün ad günü olan klubumuzun prezidentinə həsr edirik.

– Uzun müddət sonra qələbə qazandınız. Geridönüş necə alındı?
– Bu, futboldur. 14 oyun qələbə qazana bilmədik. Bəzi matçlarda seriyanı poza bilərdik. Vacib odur ki, futbolçular məşqlərdə özlərini yaxşı göstərirdilər, çox çalışırdılar. Xarakterimizi, mənliyimizi göstərdik. Liqada qalmaq üçün xallara ehtiyac var. Mövqeyimizi hələ itirməmişik.

Şahin Cəfərov 

“Turan Tovuz” Misli Premyer Liqasının XXVII turunda bu gün “Sumqayıt”ı qəbul edəcək.

Futbolpress.az xəbər verir ki, saat 18:00-da start götürəcək oyuna komandalar aşağıdakı heyətlə çıxacaqlar:

“Turan Tovuz”: 1. Oleq Baklov 29. Filip Ozobiç 17. Rəhim Sadıxov 88. Faiq Hacıyev (k) 11. Ayxan Hüseynov 90. Joarlem Santos 15. Emmanuel Hakman 32. Hayderson Hurtado 7. Xorxe Silva 19. Roberto Olabe 2. Mark Rene Mampassi

Ehtiyat oyunçular: 41. Sergey Samok 13. Mehman Hacıyev 4. Şəhriyar Əliyev 10. Xəyal Nəcəfov 6. Fərid Yusifli 99. Vadji İbrahima 9. Coş Cinnelli

Baş məşqçi: Kurban Berdiyev

“Sumqayıt”: 1. Mehdi Cənnətov (k) 3. Höccət Haqverdi 21. Nihad Əhmədzadə 75. Nadir Orucov 9. Aleksandr Ramalinqom 72. Rayan Senhadji 33. Danilo Beskorovaynıy 23. Ronaldo Vaskez 71. Masaki Murata 95. Nsana Simon 11. Aleksa Yankoviç

Ehtiyat oyunçular: 22. Xəyal Fərzullayev 12. Murad Ağamalıyev 7. Rüstəm Əhmədzadə 29. Emil Mustafayev 8. Səbuhi Abdullazadə 24. Sənan Muradlı 37. Nihad Orucəli 97. Vüsal Paşayev 10. Nikola Ninkoviç 6. Sedrik Badolo 25. Abdul Raşid Mumini

Baş məşqçi: Saşa İliç

Aprelin 13-də və 15-də Aktau şəhərində Qazaxıstan yığması ilə qarşılaşacaq futzal üzrə Azərbaycan millisi bu gün gecə saatlarında səfərə çıxacaq.

Futbolpress.az xəbər verir ki, baş məşqçi matça 2-si qapıçı olmaqla ümumilikdə 16 futzalçı aparacaq. Tbilisi səfərindən sonra əvvəlcədən razılaşdırıldığı kimi, ailə vəziyyəti ilə əlaqədar qapıçı Rövşən Hüseynli Cavad Məmmədovla əvəzlənib.

Qapıçılar: Emin Kürdov (Araz-Naxçıvan), Cavad Məmmədov (Baku Fire)

Oyunçular: Nihad İsmayılov, Emil Həsənzadə, Tofiq Əliyev (hamısı Neftçi İK), Tofiq Mikayılov, Oqtay Rüstəmli, Eldar Zeynalov, Novruz Kazıxanov, Murad Quluzadə, Kənan Manafov, Fərid Abbasov (hamısı Baku Fire), Pünhan Qasımzadə (U-19), Ədalət Ələkbərov, Ülvi Əliyev (hər ikisi Araz-Naxçıvan), Qüdrət Qasımzadə (Şuşa)

Qeyd edək ki, Qazaxıstan millisi ilə yoldaşlıq görüşləri aprelin 13-də və 15-də Aktau şəhərindəki BS Arenada keçiriləcək.

“Qəbələ” Misli Premyer Liqasının XXVII turunda bu gün “İmişli”ni qəbul edəcək.

Futbolpress.az xəbər verir ki, saat 15:30-da start götürəcək oyuna komandalar aşağıdakı heyətlə çıxacaq:

Qəbələ: 1. Səlahət Ağayev 28. Murad Musayev (k) 66. Nuğay Rəşidov 27. Eşqin Əhmədov 24. İsmael Akinade 33. Seydina Keyta 50. Adriel Ba Loua 3. Eduardo Kunde 16. İsaak Amoah 14. Domi Massumo 30. Prins Ovusu
Ehtiyat oyunçular: 93. Rza Cəfərov 11. Asif Məmmədov 22. Fərid İsgəndərov 13. Nicat Əliyev 74. Süleyman Damadayev 10. Şahin Şahniyarov 12. İbrahim Sanqare
Baş məşqçi: Kaxaber Tsxadadze

İmişli: 1. Hüseynəli Quliyev 19. Azər Salahlı (k) 5. İdris İnqilablı 94. Rafael Vieqaş 10. Nikola Karaklaiç 29. Edvin Banquera 14. Ronaldo de Souza 23. Dioqo Rollo 79. Dioqo Kardozu 17. Ezekiel Morqan 7. Luis Silvestr
Ehtiyat oyunçular: 99. İmam Əli 21. Abbas Ağazadə 90. Riad Abbaszadə 97. Xəzər Mahmudov 70. Mehdi Tahirov 44. Həzrət İsayev 11. Vüsal Qənbərov 20. Nazim Hüseynov 6. Yau Mozes
Baş məşqçi: Jorj Kaşkilya

“İmişli” Misli Premyer Liqasının XXVII turunda “Qəbələ”nin qonağı olacaq. Bu gün keçiriləcək matça saat 15:30-da start veriləcək.

“İmişli”nin hücumçusu Dioqu Kardozu “Futbolpress.az“a açıqlamasında görüşlə bağlı fikirlərini bildirdi:

“Uzun müddət idi qol vura, xal qazana bilmirdik. Ötən oyunda bu seriyanı qırdıq. “Qəbələ” ilə matça da yaxşı hazırlaşmışıq. Görüşün əhəmiyyətini bilirik. Yaxşı nəticə qazanmağa çalışacağıq”.

Fevralda komandaya qoşulan portuqaliyalı forvard yeni klubuna uyğunlaşmasından danışdı:

“Yeni ölkəyə uyğunlaşmaq heç vaxt asan olmur. Bu, həm də Portuqaliyadan kənarda ilk təcrübəmdir. Bura gəlməzdən əvvəl Azərbaycan futbolu haqda məlumatım var idi. Burda oynayan bəzi tanışlardan da fikirlər öyrəndim. Eyni zamanda, “Qarabağ”ın Çempionlar Liqasındakı nəticələri ölkə futbolunun yaxşı səviyyəsi olduğundan xəbər verir”.

Kardozu komandanın hədəflərinə toxundu:

“Mehriban kollektiv var. Burda hər kəs bir ailə kimi birləşib. Məqsədimiz liqada qalmaqdır və bunu bacaracağımıza inanıram. Hər kəs işinin məsuliyyətini dərk edir”.

Şahin Cəfərov

I Liqada XXII turun təyinatları açıqlanıb.

Futbolpress.az xəbər verir ki, “Baku Sportinq” – “Şəfa” oyununu Əkbər Əhmədov idarə edəcək.

15 aprel (çərşənbə)

MOİK – “Zaqatala”
Hakimlər: Murad Səlimov, Mirnihad Seyidov, Aydın Baxşıyev, Maqsud Şamıyev
Hakim-inspektor: Zöhrab Qədiyev
AFFA nümayəndəsi: Zaur Hacı-Məhərrəmov
Binə qəsəbə stadionu, 15:00

“Şahdağ Qusar” – “Cəbrayıl”
Hakimlər: İslam Məmmədov, Səbuhi Əmrahov, Səbuhi Soltanov, Namiq Bəkirov
Hakim-inspektor: Feyzulla Feyzullayev
AFFA nümayəndəsi: Mübariz Hüseynov
Şamaxı OİK stadionu, 16:00

16 aprel (cümə axşamı)

“Baku Sportinq” – “Şəfa”
Hakimlər: Əkbər Əhmədov, Sənan Atayev, Rasim Axundov, Niyaz Əhmədov
Hakim-inspektor: Ceyhun Haşımov
AFFA nümayəndəsi: Kifayət Mustafayeva
Buzovna qəsəbə stadionu, 16:00

“Mingəçevir” – “Difai”
Hakimlər: Mahmud Bağırzadə, Qəzənfər Məmmədov, Taleh Məmmədov, Səbuhi Bayramov
Hakim-inspektor: Əmrah İbrahimov
AFFA nümayəndəsi: Elman Musayev
Y.Məmmədzadə adına Mingəçevir şəhər stadionu (ehtiyat meydança), 16:00

“Səbail”– “Şimal”
Hakimlər: Şamil İmanzadə, Vüqar Bayramov, Rəhman Aslanov, Nazim Abdullayev
Hakim-inspektor: Orxan Məmmədov
AFFA nümayəndəsi: Mahal Məmmədov
“Bayıl Arena”, 17:00

Almaniyalı keçmiş futbolçu Toni Kroos “Real”da işləyə bilər.

Futbolpress.az xəbər verir ki, bu barədə AS nəşri məlumat yayıb. Madrid təmsilçisinin sabiq üzvü klubun idman strukturunda vəzifə verilə bilər. Klub rəhbərliyi hazırda mütəxəssislə danışıq aparır.

Kroos 2014-2024-cü illərdə “Real”ın formasını geyinib.

“Qalatasaray” itki ilə üzləşib.

Futbolpress.az xəbər verir ki, yarımmüdafiəçi Yaser Asprilla zədələnib. Bu barədə Türkiyə mətbuatı məlumat yayıb. Cinah oyunçusunun azı 10 gün yaşıl meydanlardan uzaq qalacağı bildirilir.

Asprilla bu mövsüm Super Liqada 7 oyuna çıxıb.

Lionel Messinin formasını geyindiyi “İnter Mayami” MLS-də növbəti oyuna çıxıb.

Futbolpress.az xəbər verir ki, sözügedən komanda “Nyu York Red Bullz”la qarşılaşıb. 4 qolun vurulduğu matç bərabərliklə başa çatıb – 2:2.

Messi oyuna start heyətdə başlayıb və sona qədər oynayıb.

“İnter Mayami” 7 turdan sonra 12 xalla 10-cu sıradadır.

“Sabah” basketbol klubunun U-18 komandası Çempionlar Liqasında bu gün sonuncu oyununa çıxacaq.

Futbolpress.az xəbər verir ki, “bayquşlar” 7-8-ci yerlər uğrunda Türkiyənin “Tofaş” komandası ilə qarşılaşacaq. Görüşə saat 13:00-da start veriləcək.

U-18 daha əvvəl 5-8-ci yerlər uğrunda görüşdə Serbiyanın “Borats” klubuna uduzub – 60:67.

Almaniyanın “Yunion” klubunun yeni baş məşqçisi açıqlanıb.

Futbolpress.az xəbər verir ki, komandanın “sükanı” Mari-Luzie Etaya tapşırılıb. Bu barədə klubun mətbuat xidməti məlumat yayıb.

Mari-Luzie Bundesliqa tarixində ilk qadın baş məşqçi statusuna yiyələnib.

“Yunion” çempionatda 29 turdan sonra 32 xalla 11-ci sıradadır.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir:

İtaliya, A Seriyası
14:30 Cenoa – Sassuolo (Futbol 1)
17:00 Parma – Napoli (Futbol 1)
20:00 Bolonya – Leççe (Futbol 1)
22:45 Komo – İnter (Futbol 1, Matç TV)

Rusiya, Premyer Liqa
15:00 ÇSKA – Soçi (Matç Premyer)
17:30 Rostov – Spartak Moskva (Matç TV)
17:30 Lokomotiv Moskva – Dinamo Mahaçqala (Matç Premyer)
20:30 Zenit – Krasnodar (Matç Premyer, Matç TV)

Azərbaycan, Premyer Liqa
15:30 Qəbələ – İmişli (CBC Sport)
18:00 Turan Tovuz – Sumqayıt (CBC Sport)

Türkiyə, Super Liqa
15:30 Konyaspor – Fatih Karagümrük (beİN Sports 1)
18:00 Göztəpə – Kasımpaşa (beİN Sports 1)
21:00 Qalatasaray – Kocaelispor (Futbol 3, beİN Sports 1)

İspaniya, La Liqa
16:00 Osasuna – Betis (Futbol 2)
18:15 Malyorka – Rayo Valyekano (Futbol 2)
20:30 Selta – Ovyedo (Futbol 2)
23:00 Atletik – Vilyarreal (İdman TV)

İngiltərə, Premyer Liqa
17:00 Nottingem Forest – Aston Villa (İdman TV)
17:00 Sanderlend – Tottenhem (beİN Sports 3)
19:30 Çelsi – Mançester Siti (İdman TV)

 

Bu gün Misli Premyer Liqasında XXVII tura yekun vurulub.

Futbolpress.az xəbər verir ki, sonuncu gündə iki oyun baş tutacaq.

“Qəbələ” doğma divarlar arasında “İmişli”ni qəbul edib. Görüş qonaqların qələbəsiylə başa çatıb.

Digər görüşdə “Turan Tovuz” “Sumqayıt”a qalib gəlib.

Misli Premyer Liqası
XXVII tur

12 aprel

15:30 Qəbələ – İmişli 0:1
Qol: Rollo, 45
Qəbələ şəhər stadionu

18:00 Turan Tovuz – Sumqayıt 2:1
Qollar: Ozobiç, 9, Jo, 51 – Senhaci, 63
Tovuz şəhər stadionu

İtaliya A Seriyasının 32-ci turunda “Milan” doğma meydanda “Udineze”ni qəbul edib.

Futbolpress.az xəbər verir ki, qarşılaşma qonaqların 0:3 hesablı gözlənilməz qələbəsi ilə başa çatıb.

“Udineze”nin qazandığı bu tarixi qələbədə əsas pay sahiblərindən biri mövsümün əvvəlində “Qalatasaray”dan icarəyə götürülən Nikolo Zaniolo olub.

İtalyan ulduz matç boyu sərgilədiyi oyun və etdiyi 2 məhsuldar ötürmə ilə matçın qəhrəmanına çevrilib. Qonaqların qollarına Artur Atta (27′, 71′) və Yurgen Ekkelenkamp (37′) imza atıb.

Ardıcıl ikinci məğlubiyyətini alan “Milan” 63 xalda qalıb. Bir oyun artıq keçirməsinə baxmayaraq, “rossoneri” lider “İnter”dən artıq 9 xal geridədir. “Udineze” isə bu qələbə ilə xallarını 43-ə çatdıraraq 10-cu pilləyə yüksəlib.

 

İngiltərə Premyer Liqasının 32-ci turunda “Liverpul” doğma “Enfild” stadionunda “Fulhem”i qəbul edib.

Futbolpress.az xəbər verir ki, üç həftəlik qələbə həsrətinə son qoyan “mersisaydlılar” meydanı 2:0 hesablı qələbə ilə tərk ediblər.

Meydan sahiblərinə qələbəni gətirən qollar matçın ilk hissəsində vurulub. 36-cı dəqiqədə gənc istedad Rio Nqumoha hesabı açıb, cəmi 4 dəqiqə sonra isə komandanın lideri Məhəmməd Salah fərqi ikiyə çatdırıb.

Bu qələbə sayəsində xallarını 52-yə çatdıran “Liverpul” turnir cədvəlində 5-ci pillədəki yerini qoruyub və Çempionlar Liqasına vəsiqə şanslarını davam etdirib. “Fulhem” isə 44 xalla orta sıralarda qalıb.

Gələn həftə “Liverpul” səfərdə əzəli rəqibi “Everton”un qonağı olacaq. “Fulhem” isə “Brentford”la qarşılaşacaq.

Aprelin 11-də Gənclər və İdman Nazirliyi, Azərbaycan Milli İdman Növləri Assosiasiyasının birgə təşkilatçılığı ilə dövlət qurumlarının əməkdaşları arasında nərd yarışı keçirilib.

Futbolpress.az xəbər verir ki, Azərbaycan İdman Akademiyasında təşkil olunan tədbirdə 43 əməkdaş (32 kişi və 11 qadın) iştirak edib.

Maraqlı və gərgin mübarizə şəraitində keçən yarışın yekun nəticələrinə əsasən, qadınlar arasında Lətifə Məmmədova (Medianın İnkişafı Agentliyi) yarışın qalibi olub. İlahə Ələkbərova (Əmək və Əhalinin Sosial Müdafiəsi Nazirliyi) ikinci, Aysel Səfərova (Rəqəmsal İnkişaf və Nəqliyyat Nazirliyi) üçüncü yerə layiq görülüblər.

Kişilər arasında Teyyub Məmmədov (Ali Məhkəmə) birinci olub. Bəhruz Quliyev (“AzerGold” QSC) yarışı ikinci, Coşqun Mütəllimov (Ali Məhkəmə) isə üçüncü pillədə başa vurublar.

İspaniya La Liqasının 31-ci turunda baş tutan Kataloniya derbisində “Barselona” doğma “Kamp Nou”da “Espanyol”u qəbul edib.

Futbolpress.az xəbər verir ki, qarşılaşma meydan sahiblərinin 4:1 hesablı inamlı qələbəsi ilə başa çatıb.

“Barselona”ya qələbə qazandıran qolları Ferran Torres (9′, 25′), Lamin Yamal (87′) və Markus Reşford (89′) öz aktivinə yazdırıb. Xüsusilə ilk iki qolda Lamin Yamalın verdiyi məhsuldar ötürmələr diqqət çəkib. “Espanyol”un yeganə qoluna isə 56-cı dəqiqədə Pol Lozano imza atıb.

Bu matç 18 yaşlı Lamin Yamal üçün əlamətdar olub. İstedadlı ulduz La Liqada 100 oyuna çıxan ən gənc futbolçu kimi tarixə düşüb. Qeyd edək ki, Yamal cari mövsümdə liqada çıxdığı 27 matçda 15 qol və 11 asistlik performans sərgiləyib.

Əzəli rəqibi “Real Madrid”in xal itirdiyi həftədə qələbə qazanan “Barselona” xallarının sayını 79-a yüksəldib. Çempionatın bitməsinə 7 tur qalmış liderlə ikinci yer arasındakı xal fərqi 9-a çatıb. Derbidə uduzan “Espanyol” isə 38 xalda qalıb.

Gələn həftə “Barselona” “Selta Viqo”nu sınağa çəkəcək, “Espanyol” isə “Rayo Valyekano”nun qonağı olacaq.

Almaniya Bundesliqasının 29-cu turunda səfərdə “Sankt-Pauli”nin qonağı olan “Bavariya” rəqibini darmadağın edərək həm çempionluğa bir addım yaxınlaşıb, həm də tarixi rekorda imza atıb.

Futbolpress.az xəbər verir ki, matç boyu üstünlüyü əldən verməyən Münhen təmsilçisi rəqib qapısından düz 5 top keçirib.

Qolları Camal Musiala (9′), Leon Qoretska (53′), Maykl Olise (54′), Nikolas Cekson (65′) və Rafael Qerreyro (88′) öz aktivinə yazdırıb.

Belçikalı mütəxəssis Vensan Kompaninin rəhbərlik etdiyi komanda bu matçda vurduğu qollarla cari mövsüm Bundesliqada ümumi qol sayını 105-ə çatdırıb. Bununla da “Bavariya” 1971/1972 mövsümündə müəyyən etdiyi 101 qolluq tarixi klub rekordunu qırmağı bacarıb.

Bu qələbə ilə xallarının sayını 76-ya yüksəldən münhenlilər liderliyi inamla davam etdirir. Çempionatın bitməsinə 5 tur qalmış onlar ən yaxın izləyiciləri “Borussiya Dortmund”u 12 xal qabaqlayırlar.

Misli Premyer Liqasının XXVII turu çərçivəsində “Neftçi” öz meydanında “Araz-Naxçıvan”ı 2:1 hesabı ilə məğlub edib.

Futbolpress.az xəbər verir ki, oyundan sonra keçirilən mətbuat konfransında meydan sahiblərinin baş məşqçisi Yuri Vernidub jurnalistlərin suallarını cavablandırıb:

– Göstərdiyiniz oyunun hissələr arasında bu qədər fərqlənməsinin əsas səbəbi nədir?

– Birinci hissə həqiqətən gözəl performans sərgilədik. Ən azı 6-7 real qol şansını qaçırdıq. İkinci hissədə də 60-cı dəqiqəyə qədər yaxşı oynadıq, hətta ikinci qolu vurduq. Düşünürəm ki, ondan sonra əsas rolu psixologiya oynadı. İlk bir saat ərzində rəqib cəmi bir dəfə qola yaxın oldu ki, onda da qapıçımız inamlı oynadı. Futboldur, belə şeylər olur. Biz daha çox işləməliyik, fiziki hazırlıqları artırmalıyıq. Sevinirəm ki, kapitanımız geri qayıtdı, çünki o bizim üçün açar fiqurdur.

– Artıq avrokubok zonasının astanasındasınız. Öz üzərinizdə əlavə təzyiq hiss edirsiniz?

– Mən təzyiq hiss etmirəm, amma görürəm ki, dərəcə getdikcə artır. Əsas odur, oyunçular bunu başa düşüb, dərəcəni saxlasınlar. Bundan sonrakı bütün oyunlar bizim üçün kubok finalı kimi olacaq. Xallar qazanmalı, irəliləməliyik. Qarşıda “Zirə” və “Qarabağ” kimi çətin rəqiblər var. Bu oyunlardan çox şey asılı olacaq.

– Cənab Vernidub gəldikdən sonra çempionatda Abubakar start heyətində yer almayıb, daha çox sonradan meydana daxil olur. Deyə bilərikmi, yeni mövsüm üçün cənab Vernidubun siyahısında bu futbolçu yoxdur?

– Mətbuatı oxuyanda bəzən gülümsəyirəm, çünki elə şeylər olur ki, mən onlar haqqında ümumiyyətlə, heç nə deməmişəm, demək də istəmirəm. Abubakar “Neftçi”nin üzvüdür. Gözəl bilirsiniz ki, onun zədəsi olmuşdu. Üç həftə ərzində məşqlərə qatılmadı, müalicə aldı. Həftənin beş günü məşq etməklə əvvəlki fiziki vəziyyəti qaytarmaq mümkün deyil. Eyni sözlər Sambuya da aiddir. O artıq fərdi məşqlərə başlayıb. Onun bərpası üçün ən azı iki-üç həftə lazımdır. Ola bilər ki, “Qarabağ”la ikinci oyuna hazır olsun, amma buna şübhəylə yanaşıram. Eyni məsələ Ştoqrinə də aiddir.

– Sambu da qayıdandan sonra “Neftçi” 9 nömrəsiz oynaya bilərmi? Çünki belə komanda hücumda daha yaxşı görünür.

– Belə edək, gözləyək görək o nə vaxt qayıdır. Ondan sonra oturub düşünüb, təhlil edərik.

– Cənab Vernidub mətbuatdan danışdı. Ukrayna mətbuatında millinin baş məşqçi postuna namizədlərdən biri kimi o göstərilir. Bununla bağlı nə deyə bilər, yoxsa gələcək planlarında ancaq “Neftçi” var?

– Son ay ərzində mən Ukraynadan heç bir təmsilçi ilə danışmamışam, nə yazırlarsa, mənimlə əlaqəsi yoxdur.

Adil Nəhmətli

Misli Premyer Liqasının XXVII turu çərçivəsində “Neftçi” öz meydanında “Araz-Naxçıvan”ı 2:1 hesabı ilə məğlub edib.

Futbolpress.az xəbər verir ki, oyundan sonra keçirilən mətbuat konfransında qonaqların məşqçisi Vadar Nuriyev oyunla bağlı təəssüratlarını bölüşüb:

– Oyuna yaxşı hazırlaşmışdıq, final kimi yanaşırdıq, qələbə qazanmaq istəyirdik. Birinci hissədə “Neftçi” yaxşı oynadı, ikinci hissədə biz. Əvəzetmələrdən sonra vəziyyəti düzəltdik, qol da vurduq. Cinah oyunçularımız olmadığı üçün məcburi mövqe dəyişikliyinə getmişdik. Öz mövqeyində oynamayan futbolçular üçün matç çətin alındı. Ümumilikdə komandadan ikinci hissədə razı qaldıq.

– Dediniz ki, qarşılaşmaya final kimi baxırdıq, bu məğlubiyyətlə qatarın getdiyini demək olar?

– Deməzdim. Qarşıda hələ altı oyun var. Hələ ki avrokuboklardan tam qopduğumuzu demək olmaz.

– İlk hissədə “Araz-Naxçıvan” çox zəif oyun göstərdi, hətta deyə bilərik ki, bəxtiniz gətirməsəydi, hesab daha böyük ola bilərdi…

– Cinah oyunçularımız öz mövqelərində oynamırdılar. Bu vəziyyətin yaranacağını ehtimal etmirdik, amma oldu. Əsas futbolçularımız zədəlidir, məsələn, Bruno olsaydı, tam fərqli futbol oynayacaqdıq.

– Amma Slavik Alxasov var idi, sonradan meydana daxil oldu, Paronun da bu mövqedə ilk oyunu deyildi, “Karvan-Yevlax”la görüşdə sağ cinah müdafiəçisi kimi çıxış etmişdi.

– “Karvan-Yevlax”la “Neftçi”ni bir hesab etməyək, onların daha keyfiyyətli futbolçuları var.

Adil Nəhmətli

Misli Premyer Liqasının XXVII turunun “Sabah” – “Zirə” oyunundan (2:2) sonra meydan sahibi komandanın baş məşqçisi Valdas Dambrauskas jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü:

– Həqiqətən, çox yaxşı oyun alındı. Azarkeşlər üçün də maraqlı idi. İlk dəqiqədən etibarən sadəcə qalib gəlmək üçün mübarizə apardıq. Üç xalı qazanmaq istəyirdik. Oyun prinsiplərimizə sadiq qaldıq, topa çox nəzarət etdik, hücumlar qurduq. “Zirə”ni də təbrik edirəm. Bura bir xal üçün gəlmişdilər və bunu da əldə etdilər. Onları da təbrik edirəm. Ardıcıl üç oyundur, hesabda geri düşürük və sonra oyunu bərabərləşdiririk. İkinci hissədə çoxlu qol şanslarımız oldu. Sanki əlavə 3-4 dəqiqə də olsaydı, qol vuracaqdıq. Bizim günümüz deyildi. Bu matçı unutmalı və bərpa məşqinə köklənməliyik.

– “Qarabağ”ın xal itirməsi bugünkü oyuna nə dərəcə təsir etdi?
– Bu haqda düşünmürəm. Bu gün meydanda dominant tərəf biz idik. Səhvlərimizə görə qollar buraxdıq. Dərindən təhlillər etməliyik. Rəqib ilk hissədə iki hücuma iki qol vurdu. Nə üçün belə sadə qollar buraxırıq, bilmirəm. Təhlil edəcəyik. Digər komandaların nəticələrinə baxmırıq. Kiminsə köməyinə ehtiyacımız yoxdur. Öz oyunumuza və nəticələrimizə baxırıq.

– Şamaxıdakı nəticə futbolçuları psixoloji cəhətdən rahatlaşdırmadı?
– Nə üçün belə düşünürsünüz? Bu gün yaxşı oynadıq, dominant olduq. Bilmirəm, oyuna baxmısınız, ya yox… son dəqiqələrdə mərkəz müdafiəçilərimiz də hücumda idi. Qol vurmağı düşünürdük. Futbolda üç nəticə var: bərabərlik, heç-heçə, məğlubiyyət. Bu gün heç-heçə oldu. İndi bunu unudub, növbəti oyuna hazırlaşmalıyıq.

Şahin Cəfərov

Misli Premyer Liqasının XXVII turunun “Sabah” – “Zirə” oyunundan (2:2) sonra qonaq komandanın baş məşqçisi Rəşad Sadıqov jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü:

– Oyun bizim üçün həyəcanlı başladı. Rəqib böyük təzyiq göstərirdi. İrəli çıxanda top itirdik və qol buraxdıq. Sonrakı 10 dəqiqədə də pressinq etdilər. Lakin fasiləyə qədər geridönüş edə bildik. İkinci hissənin əvvəlində standart vəziyyətdən qol buraxdıq. Bundan sonra qol vurmağa çalışdıq, futbolçular xarakter göstərdilər. Oyunun son dəqiqələrində müdafiəmiz etibarlı oynadı və bir xal qazandıq. “Sabah”a qarşı qazanılan hər xal dəyərlidir. Düşünürəm ki, bu nəticə bizim üçün faydalı olacaq.

– İlk hissənin əvvəlində fəal idiniz…
– Bu komanda ilə əvvəlki oyunda 27 dəqiqəyə 3 qol buraxmışdıq. Bu gün də 15-ci dəqiqədə qol buraxanda çalışdım ki, futbolçuları toparlayım, dağılmasınlar.

– Liderlə oyunda xal qazandınız. Bu gün həm də “Qarabağ”a kömək oldunuz. Qarşıdan “Neftçi” ilə oyun gəlir. Həmin görüşü həlledici saymaq olar?
– “Sabah” möhtəşəm oynayır. Qazandığımız xal çox önəmlidir. İki xal “Qarabağ”dan, bir xal “Sabah”dan götürmüşük. Bunlar çox mühümdür. Ötən turda son dəqiqə qolu ilə qələbədən olmuşduq. Acı xal itkisi idi. Futbolçular çox məyus olmuşdu. Narahatlığım o idi ki, birdən bu məyusluq “Sabah”la da oyuna təsir edər. Qarşıda “Neftçi” və “Turan Tovuz”la oyunlarımız var. Ciddi matçlar olacaq. Başa düşürük ki, bu oyunlarda bizi nələr gözləyir.

– İssa Cibrilla və Ayron Qomis sanki meydandan çıxanda narazı idi. 
– Onları əvəzetmək istəmirdim. Qomis zədədən qayıdıb. Bir epizodda ayağını tutdu, həm də sarı vərəqəsi var idi. İssa bir məhsuldar ötürmə etdi, penalti qazandı. Çox məhsuldar oynadı. O da zədədən yeni qayıdıb. Gələcəyi düşünərək bu addımı atdım.

– Mövsümün sonuna az qalıb. İzlədiyiniz oyunçu var?
– Xeyr. Hələki bütün diqqətimiz çempionatdadır. Mövsümün sonunda rəhbərliklə danışacağıq. Hələ tələsmirik.

Şahin Cəfərov

“Barselona”nın futbolçusu Frenki de Yonq zədəsini sağaldıb.

Futbolpress.az xəbər verir ki, yarımmüdafiəçi komanda ilə məşqlərə qoşulub. O, La Liqada XXX tur çərçivəsində “Espanyol”la matçda meydana çıxa bilər.

Bu gün keçiriləcək görüşə saat 20:30-da start veriləcək.

“Neftçi” Misli Premyer Liqasının XXVII turunda bu gün “Araz-Naxçıvan”ı qəbul edəcək.

Futbolpress.az xəbər verir ki, saat 20:00-da start götürəcək oyuna komandalar aşağıdakı heyətlə çıxacaqlar:

“Neftçi”: 13. Kenan Piriç 8. Emin Mahmudov (k) 15. Elvin Bədəlov 7. Emil Səfərov 77. Falaye Sako 24. Mustafa Sek 5. İqor Ribeyro 18. İfeanyi Metyu 33. Breno Almeyda 11. İmad Faraj 10. Freddi Varqas
Ehtiyat oyunçular: 1. Emil Balayev 81. Məhdi Həsənov 4. Elvin Camalov 17. Murad Xaçayev 47. Murad Məmmədov 45. Vensan Abubakar 14. Edvin Kuç 6. Sessi Dalmeyda 27. Kristian Kostin 22. Luis Ortis 23. Cordan Rezabala 28. Alessio Kurçi

Baş məşqçi: Yuri Vernidub

“Araz-Naxçıvan”: 94. Tərlan Əhmədli 3. Bəxtiyar Həsənalızadə (k) 4. Rahil Məmmədov 26. Ömər Buludov 24. Mustafa Əhmədzadə 6. Patrik Andrade 17. İssuf Paro 23. Nuno Rodriqes 7. Hamidu Keyta 10. Felipe Santos 11. Ba-Muaka Simakala
Ehtiyat oyunçular: 12. Kristian Avram 5. Slavik Alxasov 8. Coşqun Diniyev 14. Ülvi İsgəndərov 16. Ramon Maçado 70. Şarl Boli 19. Bar Kohen
Məşqçi: Vadar Nuriyev

 

20 yaşadək futbolçulardan ibarət Azərbaycan milli komandası aprelin 13-dən 26-dək Qəbələdə təlim-məşq toplanışı keçirəcək.

Futbolpress.az xəbər verir ki, yığmaya 24 oyunçu çağırılıb.

N.	Ad/ Soyad	Klub
1	Həbib Hüşənov	Qəbələ
2	Bilal Hacıyev	Qarabağ
3	Rauf Əyyubov	Sabah
4	Uğur Qurbanlı	Qarabağ
5	Tuncay Əhmədov	Sabah
6	Səttar Tahirzadə	Marcet (İspaniya)
7	Murad Qurbanov	Zirə
8	Həzrət Səmədov	Sabah
9	Rəşad Alışov	Qarabağ
10	Əhməd Tarverdiyev	Sabah
11	Eltun Babazadə	Qarabağ
12	Ziya Şəkərxanov	Qəbələ
13	Şahin İbrahimov	Sabah
14	Əliəkbər Rzazadə	Qarabağ
15	Musa Mustafayev	Zirə
16	Abduləziz Cabbarlı	Qarabağ
17	Mehdi Mütəllimli	Qarabağ
18	Anar Hüseynov	Sabah
19	Əli Qazibəyov	Qarabağ
20	Əli Bəşirov	Qarabağ
21	Hikmət Cəbrayılzadə	Qarabağ
22	Şahismayıl Cəfərov	Qarabağ
23	Nihad Orucəli	Sumqayıt
24	Toğrul Tapdıqlı	Sabah

Misli Premyer Liqasının XXVII turu çərçivəsində “Şamaxı” “Qarabağ”ı qonaq edib.

Futbolpress.az xəbər verir ki, oyundan sonra meydan sahiblərinin baş məşqçisi Ayxan Abbasov mətbuata açıqlama verib.

Mütəxəssis nəticəni belə şərh edib:

– Azarkeşlərimizə təşəkkür etmək istəyirəm. Bilirik ki, çempionatın sonuna doğru “Qarabağ” hər oyuna final kimi yanaşır. Oyuna hazırlaşmağa vaxtımız az idi, çox yorulmuşduq, meydana itkilərlə çıxmışdıq. Sona qədər mübarizə apardıqlarına görə futbolçularıma təşəkkür edirəm. Hər xal bizim üçün vacibdir. Sona qədər bu tempi saxlamaq vacibdir.

– Bu gün komandanın əsas qol silahı Rossi yox idi. Bu sizə nə dərəcədə təsir göstərdi? 

– İstənilən futbolçumuzun yoxluğunu itki hesab edirəm, amma təbii ki, aparıcı oyunçuların olmaması daha böyük itkidir və komandaya təsir edir.

– Komandanız bu oyun da, keçən tur da çox əzmkar mübarizə nümayiş etdirdi. Bu əzmkarlıq rəqibin adına görədir, yoxsa ümumi oyun üslubunuz belədir? 

– Mövsümün əvvəlindən bilirdik ki, əzmkarlığımız az olsa, liqada qalmaqda çətinlik çəkə bilərik. İlboyu bu tempi saxlamaq da çətindir, amma ilk turdan bu günə kimi futbolçular maksimum çalışırlar. Oyunçuların inkişafı göz önündədir, bu gün Orucu xüsusən bəyəndim.

– Qazanılan nəticələrdə taktiki biliyiniz əsas rol oynayır, yoxsa verdiyiniz motivasiya? 

– Bu gün “Qarabağ”a görə məcburi fərqli taktika ilə oynadıq. Sevindirici haldır ki, futbolçular dəyişikliklərə tez adaptasiya olur. Təbii ki, komanda ruhu da çox vacibdir.

– Əsas qapıçınız cəza səbəbilə növbəti tur olmayacaq. Bu sizi qayğılandırır? 

– Rikardo bu gün Azərbaycan çempionatında ən yaxşı qapıçılardandı. Amma bir tərəfdən də Abdullaya şans verə biləcəyimə görə sevinirəm. Ümumən qarşıdakı turlarda hər kəsə şans verəcəm. Əsas heyətdə debüt etməyi gözləyənlər var.

– Mövsümün sonunda Şərqi Avropadan yeni məşqçi gətiriləcəyi ilə bağlı söhbətlər var. Hətta deyilənə görə, danışıqlar gedir, bununla bağlı nə deyə bilərsiniz? 

– “Şamaxı” mənim üçün doğmadır. İstəyərdim ki, burada davam edim, amma maddi cəhətdən də komanda möhkəmlənməlidir. İki ildir çox çətinliklər olsa da, çalışmışıq ki, öhdəsindən gələk. Məncə, klub doğru yoldadır, düzgün qərarlar verilməlidir. İlk dəfədir ki, çalışdığım klubdan rahat gedirəm.

Misli Premyer Liqasının XXVII turunun “Şamaxı” – “Qarabağ” oyunundan (0:0) sonra qonaq komandanın baş məşqçisi Qurban Qurbanov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:

– Futbolçulara və azarkeşlərimizə təşəkkür edirəm. Qalib gələ bilmədiyimizə baxmayaraq, sona qədər yaxşı mübarizə izlədik. Belə hallar olur, edəcək bir şey yoxdur. Qarşıdakı oyunlara baxmalıyıq. Rəqibi təbrik edirəm.

– Çempionluq yolunda vacib iki xal itirdiniz, bu, komandaya necə təsir edəcək?
– Artıq kifayət qədər təsirlənmişik. “Sabah” kimi rəqiblə 10 xallıq fərq az deyil. Qarşıdakı oyunlara daha pozitiv yanaşmalıyıq.

– Sözlərinizdən belə başa düşüldü ki, bundan sonra titul qazanmaq üçün əsas diqqəti kuboka yönəldəcəksiniz.
– Xeyr, çempionatda da hələ maraqlı oyunlarımız var. Qarşıdan “Sabah” və “Neftçi” ilə görüşlər gəlir. Alınmayan mövsümlər də olur. İstənilən halda, sona qədər azarkeşlərimizə yaxşı futbol göstərməliyik.

– Növbəti mövsüm üçün komandada köklü dəyişikliklər gözlənilirmi?
– Həmişə hər şey istədiyimiz kimi olmur, amma müəyyən dəyişikliklər etmək istəyərdik. Yeni futbolçulara, heyəti gücləndirməyə ehtiyac var.

– İndiyə qədər qazanılan uğurlu nəticələrin, gələn təkliflərin futbolçuların düşüncəsinə nə qədər təsiri olub?
– Əlbəttə ki, təsir olub. İstənilən halda, uğurlu mövsüm keçirmişik. Heyətin böyük hissəsinə müxtəlif təkliflər gəlib, amma heyətə yeni qoşulan oyunçulara bunun təsir etməsi bizim üçün mənfi nüansdır.

Adil Nəhmətli

“Sabah” Misli Premyer Liqasının 27-ci turu çərçivəsində “Bank Respublika Arena”da “Zirə”ni qəbul edir. 

Futbolpress.az xəbər verir ki, komandalar saat 18:00-da start götürəcək matçda meydana bu heyətlərlə çıxacaqlar:

“Sabah”: 92. Stas Pokatilov (k) 10. Aleksey İsayev 20. Coy Lens Mikels 21. Velko Simiç 40. İqor Noqeyra 80. Akim Zedadka 3. Stiv Solvet 27. Timoteuş Puxaç 13. İvan Lepiniça 11. Kahim Parris 7. Umarali Raxmonaliyev

Ehtiyat oyunçular: 55. Nicat Mehbalıyev 12. Rauf Əyyubov 17. Tellur Mütəllimov 2. Amin Seydiyev 5. Rəhman Daşdəmirov 6. Abdulax Xaybulaev 9. Xəyal Əliyev 70. Cesse Sekidika 22. Zinedin Uld Xaled 99. Patrik Mbina 53. Andrey Santos 19. Aron Maluda

Baş məşqçi: Valdas Dambrauskas

“Zirə”: 97. Tiaqo Silva 32. Qismət Alıyev (k) 26. Stefan Aka 4. Ruan Renato 9. Davit Volkov 30. Rikardo Martins 20. İssa Cibrila 93. Brahim Konate 5. Ange Mutsinzi 17. Ayron Qomis 22. Eren Aydın

Ehtiyat oyunçular: 13. Aydın Bayramov 41. Anar Nəzirov 70. Namik Ələskərov 21. Hacıağa Hacılı 8. İsmayıl İbrahimli 7. Rövlan Muradov 14. Elçin Əlicanov 29. Ceyhun Nuriyev 25. Enrike Kustodio 28. Leroy Mikels 10. Giorgi Papunaşvili 11. Junior Martins

Baş məşqçi: Rəşad Sadıqov

Azərbaycan millisinin futbolçusu Mahir Emrelinin formasını geyindiyi “Kayzerslautern” II Bundesliqada növbəti oyuna çıxıb.

Futbolpress.az xəbər verir ki, sözügedən komanda səfərdə “Herta” ilə qarşılaşıb. Görüş Berlin təmsilçisinin qələbəsiylə başa çatıb – 1:0.

Mahir oyunda iştirak etməyib. O, sona qədər ehtiyatda qalıb.

“Kayzerslautern” 29 turdan sonra 46 xalla 7-ci sıradadır.

​”Liverpul”dan ayrılmağa hazırlaşan Endryu Robertsonun yeni klubu böyük ölçüdə bəlli olub.

Futbolpress.az xəbər verir ki, şotlandiyalı ulduz karyerasını İngiltərə Premyer Liqasında davam etdirməyə çox yaxındır.

​Məşhur idman jurnalisti Fabrizio Romanonun yaydığı məlumatına görə, təcrübəli sol cinah müdafiəçisi “Tottenhem” ilə şifahi razılıq əldə edib. O, 2026-cı ilin iyul ayından etibarən London təmsilçisinə qoşulmağa hazırdır.

“Liverpul”u azad agent kimi tərk edəcək Robertsona bir çox fərqli klubdan təkliflər gəlsə də, İngiltərədə qalmaq faktoru bu qərarda həlledici rol oynayıb. Lakin tərəflər arasında hələlik rəsmi heç bir sənəd imzalanmayıb.

Keçidin tam rəsmiləşməsi üçün əsas şərt “Tottenhem”in Premyer Liqada yerini qorumasıdır. Əgər London klubu aşağı liqaya düşməkdən xilas olarsa, Robertson onlara qoşulacaq.

Futzal üzrə Azərbaycan millisinin baş məşqçisi Yevgeni Kukseviç bu gün Gürcüstan millisinə məğlubiyyətdən sonra (2:5) fikirlərini bölüşüb.

Futbolpress.az xəbər verir ki, mütəxəssis oyunçularının gözlənilməz səhvlərə yol verdiklərini deyib:

“Bu gün fərdi olaraq çox səhvlərə yol verdik. Səhvlərimizdən rəqib maksimum istifadə etdi və psixoloji baxımdan üstünlük qazandı. Xüsusilə də təcrübəli futzalçılardan belə səhvlər gözləmirdim. Demək olar ki, rəqib özü qol vəziyyəti yaratmadı, biz o vəziyyətləri verdik onlara. Fiziki baxımdan da bilirdik ki, üst səviyyədə deyilik. Bu, ikinci hissədə aşkar özünü büruzə verdi. Əsas fərdi səhvlər üzərində işləməliyik. Bu oyunlar göstərdi ki, qapımıza vurulan qollarda özümüz rəqibə daha çox kömək etmiş oluruq”.

İtaliya A Seriyasında çempionluğa doğru addımlayan “İnter”in türkiyəli ulduzu Hakan Çalhanoğlu “La Repubblica” nəşrinə maraqlı müsahibə verib.

Futbolpress.az xəbər verir ki, təcrübəli yarımmüdafiəçi həm Çempionlar Liqası arzusundan, həm də karyerasını bitirdikdən sonrakı planlarından danışıb.

Sabiq baş məşqçisi Simone İnzaqi və hazırkı çalışdırıcısı Kristian Kivu barədə danışan Hakan fərqli yanaşmaları qeyd edib:

​”Simone ilə möhtəşəm münasibətimiz var idi. O, məni komandada görməyi ürəkdən istəyirdi. Kivu isə oyunçularla daha çox empatiya qurur və onlara daha yaxındır. O, sənin meydandan kənarda necə yaşamağınla da yaxından maraqlanır”.

Ulduz futbolçu ən böyük arzusunun “İnter”lə kuboklar qazanmaq olduğunu gizlətməyib:

“İki Çempionlar Liqası finalını uduzduqdan sonra əsas məqsədim bu turniri qazanmaqdır. Həmçinin, milli komanda ilə Dünya Çempionatı matçlarımız var”.

Hakan futboldan sonra hansı sahəyə yönələcəyinə artıq qərar verib:

“Məşqçilikdən çox, idarəçilik sahəsində olmaq istəyirəm. İdman direktoru, federasiya rəsmisi və ya menecer ola bilərəm. Artıq indidən bunun üçün oxuyur və hazırlaşıram”.

Futzal üzrə Azərbaycan millisi növbəti dəfə yoldaşlıq görüşündə Gürcüstanla qarşılaşıb.

Futbolpress.az xəbər verir ki, komandamız meydan sahiblərinə yenə uduzub.

5:2 hesabı ilə başa çatan görüş Tbilisi şəhərindəki İdman Sarayında keçirilib.

Ayın 13-ü və 15-də yığma Aktauda Qazaxıstanla yoldaşlıq matçları keçirəcək.

Azərbaycanlı idmançı Əli Quliyev İsveçin Vasteros şəhərində keçirilən MMA üzrə “Fight Club Rush” turnirində qələbə qazanıb.

Futbolpress.az xəbər verir ki, bu barədə Gənclər və İdman Nazirliyi məlumat yayıb.

66 kq çəki dərəcəsində çıxış edən təmsilçimiz braziliyalı Fabrisio Nunesi məğlub edib.

​”Liverpul” və “Tottenhem”in sabiq qapıçısı Bred Fridel Portuqaliya millisinin kapitanı Kriştiano Ronaldonun 2026-cı il Dünya Çempionatında iştirak etmək qərarını tənqid edib.

Futbolpress.az xəbər verir ki, amerikalı qolkiper bu barədə Portuqaliyanın “Apula” qəzetinə açıqlama verib.

O, Ronaldonun fiziki cəhətdən yaxşı görünməsinə baxmayaraq, kollektiv oyuna mənfi təsir edəcəyini bildirib:

​”Bütün oyunçular bir gün təqaüdə çıxmalıdır, bu qaçılmazdır. Ronaldo hələ də əla fizikaya sahibdir, lakin oyun stili artıq əvvəlki kimi deyil. Elə bir an gəlir ki, oyunçu komandanın ümumi performansına xeyirdən çox zərər verə bilər”.

Fridel, Ronaldonun əzəli rəqibi Lionel Messinin əksinə, 2026-cı il mundialında iştirakının Portuqaliya üçün problem yaradacağını düşünür.

​Bu il ABŞ, Kanada və Meksikada keçiriləcək Dünya Çempionatında Portuqaliya 11-ci qrupda Demokratik Konqo, Özbəkistan və Kolumbiya ilə mübarizə aparacaq.

​”Fənərbaxça”nın keçmiş ulduzu Vedat Muriqi yenidən İstanbul nəhənginə qayıtmağa çox yaxındır.

Futbolpress.az xəbər verir ki, Kosovalı hücumçu qış transfer pəncərəsində baş tutmayan keçidin pərdəarxası məqamlarını açıqlayıb.

İspaniya La Liqasında çıxış edən təcrübəli futbolçu yanvar ayında “Fənərbaxça”ya qayıtmaq ehtimalının olduğunu təsdiqləyib:

​”Yanvarda “Fənərbaxça”ya getmək imkanım var idi. Lakin komandamız elitada qalmaq uğrunda mübarizə apardığı üçün klub rəhbərliyi gedişimə icazə vermədi”.

Qışda Con Duran, Yusif En-Nesiri və Cenk Tosun kimi hücumçularla yollarını ayıran, hazırda isə forvard mövqeyində alternatifsiz qalan “sarı-lacivərdlilər” yay üçün hərəkətə keçib. İstanbul təmsilçisinin ilk rəsmi gedişinin məhz Vedat Muriqi olacağı gözlənilir.

​Artıq “Fənərbaxça” rəhbərliyi köhnə qolçusunu geri qaytarmaq üçün hazırlıqlara başlayıb və bu dəfə transferin müsbət yekunlaşacağı gözlənilir.

Azərbaycanın stolüstü tennisçiləri Türkiyə Super Liqasında çıxışlarını davam etdirirlər.

Futbolpress.az xəbər verir ki, seçmə komandanın üzvləri Zemfira Mikayılova ilə Mərziyyə Nurmətova növbəti dəfə “Masader Spor Klubu” tərəfindən dəvət alıb. İdmançılarımız yarışın ikinci turunun oyunlarında sözügedən komandanın uğurları üçün çalışacaqlar.

Ankara təmsilçisi Türkiyə çempionatının iddialı komandalarından sayılır. “Masader Spor Klubu” bu mövsüm də mükafatlar uğrunda mübarizə aparmaqdadır.

Stolüstü tennisçilərimizin Türkiyə Super Liqasında çıxışına gəldikdə isə, ASTF-nin bu təklifi müsbət qarşılaması, idmançıların oyun təcrübəsinin artırılması və qarşıdakı beynəlxalq yarışlara hazırlıq məqsədi daşıyır.

“Qarabağ” Misli Premyer Liqasının XXVII turunda bu gün “Şamaxı”nın qonağı olacaq.

Futbolpress.az xəbər verir ki, saat 15:30-da start götürəcək oyuna komandalar aşağıdakı heyətlə çıxacaqlar:

“Şamaxı”: 1. Rikardo Fernandes 5. Arsen Ağcabəyov (k) 2. Abdulla Rzayev 97. Oruc Məmmədov 82. Rüfət Abbasov 7. Edqar Adilxanov 3. Vladislav Veremeyev 13. Rikardo Apolinario 4. Sezar Enrike 44. David Santos 19. Abdullahi Şuaybu
Ehtiyat oyunçular: 62. Abdulla Seydəhmədov 99. Səlim Həşimov 17. Rafael Məhərrəmli 80. Həbib İsmayılov 27. Emil Süleymanov 77. Nihat Mehralıyev 14. Ravil Qafarov 10. Andrey Tirkoveanu 88. Rodriqo Fernandeş 8. Alfons Msanqa
Baş məşqçi: Ayxan Abbasov

“Qarabağ”: 99. Mateus Koxalski 30. Abbas Hüseynov 44. Elvin Cəfərquliyev 10. Abdullah Zubir (k) 81. Kevin Medina 20. Kadi Borqes 2. Mateus Silva 9. Joni Montiel 15. Leandro Andrade 35. Pedro Bikalyo 17. Kamilo Duran
Ehtiyat oyunçular: 1. Şahruddin Məhəmmədəliyev 97. Fabian Buntiç 55. Bədavi Hüseynov 77. Ramil Şeydayev 27. Toral Bayramov 22. Musa Qurbanlı 32. Hikmət Cəbrayılzadə 8. Marko Yankoviç 21. Aleksey Kaşuk 11. Emmanuel Addai 24. Jeremi Qnali
Baş məşqçi: Qurban Qurbanov

 

Bir neçə gün əvvəl Bakı Futbol Federasiyasında BFF-nin prezidenti Tahir Süleymanovla Qərb Regional Futbol Federasiyasının rəhbəri Nadir Nəbiyevlə işgüzar görüş keçirilib. Məqsəd İnkişaf Strategiyasının tələblərinə uyğun olaraq futbolun gələcəyi naminə regionlarda görüləsi işlər barədə fikir mübadiləsi aparmaq olub. 

Nəbiyevlə mövzu ətrafında danışdıq:

“Qərb Regionlar Futbol Federasiyasına rəhbərlik etdiyim dönəmdə ilk dəfə belə görüş keçirildi. Təşkilatçı Regional Futbol Federasiyası idi. Zəng gəldi və görüşün vaxtını, məkanını söylədilər, iştirak etdik. İşgüzar görüş idi. Burda regionlarda olan problemlərdən, infrastrukturdan, görüləcək işlərdən danışdıq. Detalları açıqlamaq istəmirəm. Hər kəsin bildiyi məsələlər, başda da bölgələrdə uşaq futbolu problemləri müzakirə olundu. Regionlarda futbol infrastrukturu problemi AFFA-nın yeni inkişaf strategiyasında da əksini tapıb və bu istiqamətdə görüləcək işlərdən danışdıq”.

Veteran futbolçu ötən ay I Liqada çempionluq mübarizəsi aparan “Şəfa”da akademiyaya koordinator təyin edilib. Mütəxəssis yeni işindən və planlarından söz açdı:

“Şəfa” Premyer Liqa yolunda böyük addım atıb. Düzdür, hələ rəsmiləşən nəsə yoxdur, amma elitaya qalxmağa əsas namizəd klubdur. İndidən çalışırıq ki, Premyer Liqa üçün lisenziya tələblərini qarşılaya bilək. İşlərin 70-80 faizi hazırdır. Akademiyanın məskunlaşacağı yer hələlik dəqiqləşməyib. İndiki məqamda 4 yaş qrupu üzrə komanda var və onlar “ASK Arena”da hazırlıq keçir. Lakin Premyer Liqa üçün komanda sayı artırılmalıdır və gələcəkdə həmin arenada çətinlik yaşaya bilərik. Rəhbərlik də bu istiqamətdə işlər görməkdədir”.

Nəbiyev akademiyada daha 6 yaş qrupu üzrə komanda formalaşdırmaq planlarının olduğunu dedi:

“Qarşıda vaxt azdır. Seleksiya işlərinə başlayacağıq. Bunun üçün aşağı yaş liqalarında mövsümün bitməsini gözləyirik. 4 komandamız var və əlavə 6 kollektiv formalaşdırmağı nəzərdə tutmuşuq. İndi akademiyada 4 komanda üçün bütün şərait var. Lakin say artımı həm yeni oyunçulara, həm də məşqçilərə ehtiyacın olduğunu göstərir. İşlərimizi davam etdiririk. İnşallah, elitaya vəsiqə qazanaq, hər biri qaydasına düşəcək. Ümumi götürəndə işlərin 70-80 faizi demək olar, hazırdır”.  

Şahin Cəfərov

Hücumçu Liam Delap mövsümün sonunda “Çelsi”dən ayrıla bilər.

Futbolpress.az xəbər verir ki, forvard oyun praktikasının azlığından narazıdır. Bu barədə İngiltərə mətbuatı məlumat yayıb.  Delap yayda təklifləri dəyərləndirəcək.

23 yaşlı futbolçu bu mövsüm 33 oyunda 2 qol vurub, 4 məhsuldar ötürmə edib.

FIFA İran millisinin dünya çempionatındakı oyunlarını Meksikaya keçirməyəcək.

Futbolpress.az xəbər verir ki, bu barədə “Goal” nəşri məlumat yayıb. Meksika prezidenti Klaudiya Şeynbaum ali futbol qurumunun artıq rəsmi qərarını verdiyini deyib:

“FIFA rəsmi olaraq bildirdi ki, İran yığmasının oyunu Meksikada olmayacaq. Bu, yekun fikirdir”.

İran yığması daha əvvəl mundialdakı oyunları Meksikada keçirmək istədiyini bildirmişdi.

İyunun 11-dən iyulun 19-dək keçiriləcək dünya çempionatına ABŞ, Kanada və Meksika ev sahibliyi edəcək. İran yığmasının mundialda iştirakı hələ dəqiqləşməyib.

“Qalatasaray”ın sabiq futbolçusu Fernando Reges karyerasını bitirib.

Futbolpress.az xəbər verir ki, bu barədə braziliyalı yarımmüdafiəçi özü açıqlama verib.

Son klubu “Porİnternasional” olan Fernando “Mançester Siti”, “Qalaasaray”, “Quba” kimi klublarda çıxış edib.

 

Tbilisidə təlim-məşq toplanışını davam etdirən Azərbaycan millisi bu gün ikinci yoldaşlıq oyununu keçirəcək.

Futbolpress.az xəbər verir ki, futzalçılarımız saat 14:00-da Gürcüstan yığması ilə qarşılaşacaq. Bu komandalar arasında 2 gün əvvəl keçirilmiş görüşdə meydan sahibləri 4:2 hesabı ilə qalib gəlib.

Yoldaşlıq oyunu

11 aprel

14:00 Gürcüstan – Azərbaycan
Tbilisi arena

 

 

Aprelin 10-da Azərbaycan Şahmat Federasiyasının İcraiyyə Komitəsinin 2026-cı ildə ilk iclası keçirilib.

Futbolpress.az xəbər verir ki, toplantıda çıxış edən Azərbaycan Şahmat Federasiyasının prezidenti Mahir Məmmədov Gəncənin ilk dəfə ev sahibliyi etdiyi 8-18 yaşadək oğlan və qızlar arasında Azərbaycan çempionatının yüksək səviyyədə təşkil olunduğunu bildirib. AŞF rəhbəri fərqlənən yeniyetmələrin məşqçilər tərəfindən nəzarətə götürüləcəyini qeyd edib.

Ötən ilin Beynəlxalq Şahmat Federasiyası – FIDE tərəfindən “Sosial şahmat ili” elan olunduğu xatırlanıb. Bu səbəbdən FIDE 2025-ci ildə bütün dünya üzrə şahmatın sosial layihələrə cəlb olunmasına diqqəti artırıb. Beynəlxalq Şahmat Federasiyası 2025-ci ildə Azərbaycanda şahmata həsr olunan sosial layihələri yüksək qiymətləndirərək Azərbaycan Şahmat Federasiyasının İcraiyyə Komitəsinin üzvü, tanınmış şahmatçı Aynur Sofiyevanı xüsusi hazırlanan xatirə medalı ilə təltif edib. İclas zamanı mükafat Aynur Sofiyevaya Azərbaycan Şahmat Federasiyasının prezidenti, FIDE-nin vitse-prezidenti Mahir Məmmədov tərəfindən təqdim olunub.

İki saatdan çox davam edən iclasda Təsnifat Komissiyasının yaradılması və komissiyaya sədrin təyin edilməsi, qurumun saytının və loqosunun yenilənməsi, qadınlardan ibarət milli komandanın hazırlığı, federasiyanın dəstək proqramına dəyişikliklərin olunmasıyla bağlı məsələlər müzakirə olunub.

İclasda uşaq və gənclərdən ibarət komandanın baş məşqçisi Nicat Məmmədov, layihələr üzrə mütəxəssis Raul Quliyev, qadın şahmatçılardan ibarət komandanın məşqçisi Qədir Hüseynov və “Təhsil” RİM-nin şahmat üzrə baş məşqçisi Cavanşir Bağırovun hesabat və təklifləri dinlənilib.

AŞF rəhbəri Mahir Məmmədov milli komandaların payızda Özbəkistanda keçiriləcək Ümumdünya Şahmat Olimpiadasına hazırlığının federasiyasının diqqətində olduğunu söyləyib. Kişi şahmatçılardan ibarət komandanın olimpiadaya fərdi proqramla hazırlaşması barədə məlumat verilib.

20 yaşadək futbolçulardan ibarət Azərbaycan milli komandasının aprelin 13-26-sı aralığında Qəbələdə təlim-məşq toplanışı keçiriləcək.

Futbolpress.az xəbər verir ki, bununla əlaqədar AFFA-nın bayrağı altında keçirilən Gənclər Liqasında 18-19 aprel və 25-26 aprel tarixlərində baş tutması nəzərdə tutulan II mərhələnin IV və V turunun oyunları qeyri-müəyyən müddətə təxirə salınıb.

U-20-nin toplanışına görə Əvəzedicilər Liqasında da 13 aprel tarixindən sonra iki həftəlik fasilə olacaq.

Azərbaycan millisinin futbolçusu Mahir Emrelinin formasını geyindiyi “Kayzerslautern” II Bundesliqada bu gün növbəti oyuna çıxacaq.

Futbolpress.az xəbər verir ki, sözügedən komanda səfərdə “Herta” ilə qarşılaşacaq. Berlində baş tutacaq görüşə saat 15:00-da start veriləcək.

“Kayzerslautern” 28 turdan sonra 43 xalla 7-ci sıradadır. “Herta” isə 43 xalla 6-cıdır.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

Rusiya, Premyer Liqa
15:00 Krılya Sovetov – Axmat (Matç Premyer)
17:30 Rubin – Orenburq (Matç Premyer)
20:30 Baltika – Pari NN (Matç Premyer)

Azərbaycan, Premyer Liqa
15:30 Şamaxı – Qarabağ (CBC Sport, İdman TV)
18:00 Sabah – Zirə (CBC Sport)
20:00 Neftçi – Araz-Naxçıvan (CBC Sport)

İngiltərə, Premyer Liqa
15:30 Arsenal – Bornmut (beİN Sports 3)
18:00 Brentford – Everton (İdman TV)
20:30 Liverpul – Fulhem (beİN Sports 3)

İtaliya, A Seriyası
17:00 Torino – Verona (Futbol 1)
20:00 Milan – Udineze (Futbol 1)
22:45 Atalanta – Yuventus (Futbol 1)

Türkiyə, Super Liqa
18:00 Alanyaspor – Trabzonspor (Futbol 3, beİN Sports 1)
21:00 Kayserispor – Fənərbaxça (Futbol 3, beİN Sports 1)

İspaniya, La Liqa
20:30 Barselona – Espanyol (İdman TV)
23:00 Sevilya – Atletiko (İdman TV)

Abdullah Zubir yayda “Qarabağ”ı tərk edə bilər.

Futbolpress.az xəbər verir ki, bu barədə Fransanın “Lequipe” nəşri məlumat yayıb. Xəbərdə 34 yaşlı yarımmüdafiəçinin Qətər təmsilçisi “Əl Şahaniyə” ilə razılaşdığı bildirilir. Tərəflər arasında ilkin müqavilə imzalandığı da qeyd edilib.

Zubir 2018-ci ildən “Qarabağ”da çıxış edir. O, “atlılar”la 355 oyunda 77 qol vurub, 94 məhsuldar ötürmə edib.

“Liverpul”un qapıçısı Alisson Bekker karyerasını İtaliyada davam etdirə bilər.

Futbolpress.az xəbər verir ki, “Yuventus” braziliyalı qolkiperin xidmətində maraqlıdır. Bu barədə “La Gazetta dello Sport” nəşri məlumat yayıb. Turin klubu 33 yaşlı qapıçıya 3 illik müqavilə təklif etməyə hazırlaşır.

Alissonun “Liverpul”la müqaviləsi 2027-ci ilin yayına kimidir. O, bu mövsüm Premyer Liqada 25 oyuna çıxıb.

“Mançester Siti” qapıçısı Markus Bettinelli ilə müqaviləni uzadıb.

Futbolpress.az xəbər verir ki, bu barədə klubun mətbuat xidməti məlumat yayıb. 33 yaşlı qolkiperin sözləşməsi 2027-ci ilin yayına kimi artırılıb.

Bettinelli 2025-ci ildən “Mançester Siti”dədir. O, komanda ilə rəsmi oyuna çıxmayıb.

“Real” İspaniya La Liqasının XXXI turunda “Jirona” ilə heç-heçə edib – 1:1.

Futbolpress.az xəbər verir ki, “kral klubu” baş məşqçisi Alvaro Arbeloanın rəhbərliyi altında ilk 20 oyununda artıq 24 qol buraxıb. Bu, XXI əsrdə madridlilərin çalışdırıcıları arasındakı ən pis göstəricidir.

“Real” eyni zamanda son üç rəsmi matçda qələbə qazana bilməyib.

Azərbaycan millisinin futbolçusu Ozan Can Kökçünün formasını geyindiyi “Volendam” Niderland Erediviziyasında növbəti oyuna çıxıb.

Futbolpress.az xəbər verir ki, sözügedən komanda XXX tur çərçivəsində səfərdə “Tvente” ilə qarşılaşıb. Matç “Volendam”ın məğlubiyyəti ilə başa çatıb – 1:2.

Ozan bu oyunda iştirak etməyib. O, sona qədər ehtiyatda qalıb.

“Volendam” 30 turdan sonra 28 xalla 14-cü sıradadır.

“Tottenhem”in yeni baş məşqçisi Roberto De Zerbi açıqlama verib.

Futbolpress.az İngiltərə mətbuatına istinadən xəbər verir ki, mütəxəssis özünü komandanın keçmiş çalışdırıcıları Tomas Frank və İqor Tudorla müqayisə edib:

“Komandanın xallara ehtiyacı var. Keyfiyyətli kollektivik və daha yaxşı yerlərdə olmağa layiqik. Bundan əvvəlki məşqçilər Frank və Tudordan daha yaxşı deyiləm. Onların öz üslubları var. Sadəcə mən öz xarakterimizi, oyun tərzimi komandaya aşılamağa çalışacağam. Məqsədimiz liqada qalmaq və maksimum yuxarı sıralara yüksəlməkdir”.

“Tottenhem” Premyer Liqada 31 turdan sonra 30 xalla 18-ci sıradadır.

Bu gün Misli Premyer Liqasında XXVII turun növbəti oyunları keçirilib.

Futbolpress.az xəbər verir ki, günün birinci matçında “Qarabağ” səfərdə “Şamaxı” ilə üz-üzə gəlib. Görüş başladığı hesabla başa çatıb – 0:0.

Lider “Sabah” doğma divarlar arasında “Zirə” ilə qarşılaşıb. Matç bərabərliklə başa çatıb.

Günün son oyununda “Neftçi” “Araz-Naxçıvan”ı məğlub edib.

Misli Premyer Liqası
XXVII tur

11 aprel

15:30 Şamaxı – Qarabağ 0:0
Şamaxı şəhər stadionu

18:00 Sabah – Zirə 2:2
Qollar: Mikels, 16, Noqeyra, 50 – Renato, 32 (pen.), Eren Aydın, 40
“Bank Respublika Arena”

20:00 Neftçi – Araz-Naxçıvan 2:1
Qollar: Faraj, 33, B.Almeyda, 57 – S.Alxasov, 67
“Palms Sports Arena”

“Karvan-Yevlax” Misli Premyer Liqasında bu mövsüm ikinci qələbəsini qazanıb. Füzuli Məmmədovun yetirmələri XXVII turda “Kəpəz”ə böyük hesabla qalib gəlib – 4:1.

Uzun fasilədən sonra (red-komanda birinci qələbəsini II turda qazanıb) üç xala sevinən Yevlax təmsilçisi liqada qalmaq ümidlərini yenidən cücərtdi. “Kəpəz” qarşısında hər iki hissədə daha üstün oynayan və şanslar yaradan “Karvan-Yevlax” eyni zamanda bu mövsüm birinci dəfə 4 qol vurmağı bacarıb.

Yanvardan sonra oyun planında qismən artıran, buna baxmayaraq xallar qazanmaqda çətinlik yaşayan bölgə təmsilçisi sanki bütün qəzəbini “Kəpəz”lə oyunda büruzə verdi. İnamlı oyun və qələbə autsayderin düşərgəsində əhvalı müsbətə doğru dəyişəcək.

Qarşıda hələ 6 tur var və liqada qalmaq şansı davam edir. Növbəti  rəqib “Şamaxı” olacaq. Bu görüşdə də qazanılacaq qələbə və digər “qonşular”ın xal itkisi vəziyyəti yevlaxlıların xeyrinə dəyişə bilər.

“Kəpəz” isə “Qarabağ” üzərində qələbədən sonra ardıcıl ikinci oyunda məğlub olub. Ötən turda “Qəbələ”yə uduzan gəncəlilərin bu dəfə autsayder qarşısında xalsız qalması komandada eyforiya yarandığını göstərir. “Qarabağ”a minimal hesabla qalib gələn “sarı-göylər” sanki arxayınlaşıb və rahatdır. Son iki məğlubiyyət də elə bunun xəbərçisidir. Liqada qalmaq yolunda əsas rəqiblərə məğlubiyyət komandanı yenidən təzyiq altına sala bilər.

Şahin Cəfərov

İspaniya La Liqasında liderlik mübarizəsi aparan “Real Madrid” doğma meydanda “Jirona”nı qəbul edib.

Futbolpress.az xəbər verir ki, ötən həftəki məğlubiyyətdən sonra azarkeşlər qələbə gözləsə də, “kral klubu” bir xalla kifayətlənməli olub — 1:1.

​Matçın 51-ci dəqiqəsində Federiko Valverde “Real”ı önə keçirsə də, qonaqlar 62-ci dəqiqədə Tomas Lemarın qolu ilə tarazlığı bərpa ediblər.

​Bu nəticə ilə “Real Madrid” xallarını 70-ə çatdırıb. Lakin son iki turda itirilən 5 xal çempionluq yolunda vəziyyəti çətinləşdirib. Əgər lider “Barselona” (76) bu turda “Espanyol”u məğlub edərsə, əzəli rəqiblər arasındakı xal fərqi 9-a yüksələcək.

​”Jirona” isə çətin səfərdən qazanılan bir xalla xallarını 38-ə çatdırıb.

İngiltərə Premyer Liqasının XXXll turunda Londonun “Vest Hem” klubu doğma meydanda “Vulverhempton”u qəbul edib.

Futbolpress.az xəbər verir ki, Olimpiya Stadionunda keçirilən qarşılaşma ev sahiblərinin 4:0 hesablı parlaq qələbəsi ilə başa çatıb.

“Çəkicdöyənlər”ə qələbə qazandıran qolları 42 və 83-cü dəqiqələrdə Konstantinos Mavropanos, 66 və 68-ci dəqiqələrdə isə Tati Kastelyanos vurub.

​Bu qələbə sayəsində xallarının sayını 32-yə çatdıran “Vest Hem” təhlükəli zonadan uzaqlaşaraq 17-ci pilləyə yüksəlib. 17 xalı olan “Vulverhempton” isə turnir cədvəlinin sonuncu pilləsində qalıb.

​33-cü turda “Vest Hem” səfərdə “Kristal Pelas”ın qonağı olacaq. “Canavarlar” isə “Lids Yunayted” səfərində xal axtaracaqlar.

Bu gün İtaliya A Seriyasında XXXII tura start verilib.

Futbolpress.az xəbər verir ki, günün yeganə qarşılaşmasında “Roma” “Pisa”nı qəbul edib.

Meydan sahiblərinin heyətində Donyell Malen het-trik edib, beləcə, oyun 3:0 hesabı ilə başa çatıb.

“Roma” bu qələbə ilə xalını 57-yə çatdıraraq 6-cı pillədəki mövqeyini möhkəmləndirib.

İtaliya A Seriyası

XXXII Tur

11 aprel

“Roma” – “Pisa” 3:0

Qol: D. Malen, 3, 43, 52

Super Liqada çempionluq mübarizəsini davam etdirən “Trabzonspor” növbəti mövsüm üçün heyəti gücləndirmək planlarına start verib.

Futbolpress.az xəbər verir ki, Qaradəniz təmsilçisi Braziliyanın “Palmeyras” klubunun gənc istedadı Rafael Koutinyonu transfer etmək niyyətindədir.

​Məşhur insayder Yağız Sabuncuoğlunun yaydığı məlumata görə, “bordo-mavililər” 20 yaşlı yarımmüdafiəçini heyətə qatmaq üçün rəsmi addımlar atmağa hazırlaşır.

Braziliyanın U-20 milli komandasında da forma geyinən Koutinyo meydandakı universal keyfiyyətləri ilə seçilir. O həm mərkəz yarımmüdafiəçisi, həm dayaq yarımmüdafiəçisi, həm də “on nömrə” mövqelərində rahatlıqla çıxış edə bilir.

Gənc futbolçu bu mövsüm “Palmeyras” forması ilə çıxdığı 15 matçda 1 qol və 4 məhsuldar ötürmə ilə yadda qalıb.

Luis Enrike PSJ ilə yeni müqavilə imzalamağa yaxındır.

Futbolpress.az xarici mətbuata istinadən xəbər verir ki, ispan mütəxəssislə anlaşma 2030-cu ilin yayına qədər olacaq.

Razılaşmadan sonra 55 yaşlı mütəxəssis Avropanın ən çox maaş alan üç məşqçisindən biri ola bilər.

Hazırda Enrikenin maaşı ayda 1 milyon avro təşkil edir.

Türkiyə Super Liqasında XXIX tura start verilib.

Futbolpress.az xəbər verir ki, “Beşiktaş” evdə “Antalyaspor”u qəbul edib.

Turnir cədvəlinin 4-cü pilləsində qərarlaşan İstanbul təmsilçisi qələbə qazanaraq (4:2) xallarının sayını 55-ə çatdırıb. Antalyalılar isə bu nəticədən sonra 28 xalla 13-cü yerdə qərarlaşıblar.

Super Liqaya 67 xalla “Qalatasaray” başçılıq edir. Onlardan 4 xal geri qalan “Fənərbaxça” ikinci, “Trabzonspor” üçüncüdür.

Türkiyə Super Liqası

XXIX Tur

“Beşiktaş” – “Antalyaspor” 4:2

Qol: O, Kökçü, 4, J. Silva, 9, H. Oh, 33, 59 – S. Streek, 21, S. Ballet, 47

A Seriyasının lideri “İnter” ağır itki ilə üzləşib.

Futbolpress.az xəbər verir ki, komandanın kapitanı və bombardiri Lautaro Martines yenidən zədələnib.

​Ötən bazar günü bir aylıq fasilədən sonra yaşıl meydanlara qayıdan və “Roma”nı 5:2 hesabı ilə darmadağın etdikləri matçda dubl edən argentinalı forvardın sevinci uzun sürməyib. Klubun rəsmi bəyanatında bildirilir ki, müayinələr zamanı Lautaronun sol ayağında əzələ gərginliyi aşkar edilib.

Təcrübəli hücumçu ən azı iki həftə komandasına kömək edə bilməyəcək. Onun vəziyyəti bir neçə gündən sonra yenidən qiymətləndiriləcək.

Statistika göstərir ki, Lautaronun olmadığı dövrlərdə “nerazzurri” ciddi xal itkiləri yaşayır. Onun əvvəlki zədə dövründə komanda 7 oyunda cəmi 2 qələbə qazana bilmişdi.

Ulduz futbolçu hazırda 26 oyunda vurduğu 16 qolla İtaliya çempionatının bombardirlər siyahısına başçılıq edir.

Azərbaycan Karate Federasiyasının təşkilatçılığı ilə 10-12 aprel 2026-cı il tarixlərində Bakı şəhərində keçirilən “Grand Prix” beynəlxalq karate turnirinin rəsmi açılış mərasimi baş tutub.

Futbolpress.az xəbər verir ki, açılış mərasimi Bakı şəhərində yerləşən Sərhədçi İdman Mərkəzində keçirilib.

Bədii hissənin ardından final qarşılaşmalarına start verilib və qaliblərin mükafatlandırılması mərhələli şəkildə həyata keçirilib.

Tədbirdə 6 ölkəni təmsil edən ümumilikdə 700-ə yaxın idmançı iştirak edir.

“Grand Prix” beynəlxalq karate turniri müxtəlif yaş və çəki dərəcələri üzrə qarşılaşmalarla davam edir.

 

​”Arsenal”ın baş məşqçisi Mikel Arteta klubla yeni müqavilə imzalamağa yaxın olduğu barədə yayılan iddialara aydınlıq gətirib.

Futbolpress.az xəbər verir ki, hazırkı müqaviləsi 2027-ci ilə qədər olan ispaniyalı mütəxəssis bütün diqqətini çempionluq yarışına yönəltdiyini bildirib.

​Arteta “ESPN”ə verdiyi açıqlamada yeni müqavilə barədə hələlik rəsmi bir xəbər olmadığını vurğulayıb:

​”Hazırda bunu müzakirə etməyə vaxtımız yoxdur. Bütün fokusumuz mövsümün sonuna qədər qarşıda duran hədəfləri reallaşdırmaqdır. Burada çox xoşbəxtəm, ailəm özünü yaxşı hiss edir və bu klubda həyata keçirmək istədiyim hələ çox hədəfim var”.

​London təmsilçisi hazırda həm daxili, həm də beynəlxalq arenada uğurlu seriyasını davam etdirir. Sabah “Bornmut”u qəbul edəcək “topçular” qələbə qazanacağı təqdirdə “Mançester Siti” ilə xal fərqini 12-yə çatdırmaq şansı əldə edəcək.

​

“Sabah” basketbol klubunun U-18 komandası Çempionlar Liqasında növbəti oyununu keçirib.

Futbolpress.az xəbər verir ki, təmsilçimiz Serbiyanın “Borats” kollektivi ilə qarşılaşıb.

Bosniya və Herseqovinada keçirilən görüşdə “bayquşlar” 60:67 hesabı ilə məğlub olublar.

“Sabah”ın U-18 komandası daha öncə B qrupunda Almaniyanın “Porşe BBA Lyudviqsburq” kollektivini məğlub etsə də (72:61), Bosniya və Herseqovina təmsilçisi “İqokea”ya 58:88 hesabı ilə uduzub.

Türkiyə Super Liqasının son turunda “Antalyaspor”la qarşılaşan “Beşiktaş” bu yaxınlarda vəfat edən sabiq baş məşqçisi Mirça Luçeskunu xüsusi ehtiramla yad edib.

Futbolpress.az xəbər verir ki, “ağ-qaralar” matçdan öncə isinmə hərəkətlərinə üzərində Luçeskunun şəkli olan xüsusi köynəklər və “Səni heç vaxt unutmayacağıq, əsrin çempionu…” yazılmış pankartla çıxıblar.

Bu jest həm stadiondakı, həm də ekran başındakı azarkeşlər tərəfindən böyük rəğbətlə qarşılanıb.

​İstanbul nəhənginin baş məşqçisi Sergen Yalçın da oyundan əvvəl verdiyi açıqlamada kədərini gizlətməyib:

​”Həm “Qalatasaray”, həm də “Beşiktaş”la çempionluq yaşamış, çox dəyər verdiyimiz bir insanı itirdik. Mənə həmişə sahib çıxıb, bir ata kimi davranıb. Futbol dünyası çox böyük bir simasını itirdi. Ailəsinə səbir diləyirəm. Təəssüf ki, həyat bir yerdə hər kəs üçün bitir”.

​Mirça Luçesku 2003-cü ildə – klubun 100 illik yubileyində “Beşiktaş”ı çempion edərək adını klubun tarixinə qızıl hərflərlə yazdırıb.

Cüdo üzrə Azərbaycan millisinin Avropa çempionatına hazırlıqları davam edir.

Futbolpress.az xəbər verir ki, yığmanın mətbuata açıq məşqi keçirilib.

Məşq prosesindən videoreportajı təqdim edirik:

İtaliya milli komandasının müvəqqəti baş məşqçisinin adı bəlli oldu.

Futbolpress.az xəbər verir ki, yığma U-21 komandasına rəhbərlik edən Silvio Baldiniyə tapşırılıb.

İtaliya Futbol Federasiyası bir neçə gün öncə Cennaro Qattuzo ilə yollarını ayırıb. 67 yaşlı Baldini ilə iyun ayına kimi nəzərdə tutulan müqavilə imzalanıb.

Qış transfer pəncərəsində qalmaqallı şəkildə “Beşiktaş”dan ayrılaraq “Benfika”ya üz tutan Rafa Silva Portuqaliyada ciddi tənqid hədəfinə çevrilib.

Futbolpress.az xəbər verir ki, təcrübəli futbolçunun geri dönüşü böyük məyusluq yaradıb.

​Xatırladaq ki, Rafa Silva “Beşiktaş”dan ayrılmaq üçün klubla münasibətləri gərginləşdirmiş, hətta məşqlərə çıxmaqdan imtina etmişdi. Lakin böyük ümidlərlə transfer olunduğu “Benfika”da işləri heç də istədiyi kimi getmir. 32 yaşlı futbolçu yeni komandasında keçirdiyi 12 matçda cəmi 2 qol vura bilib.

​Məhsuldarlığı kəskin aşağı düşən Silvanın performansı Portuqaliya mətbuatında sərt şəkildə tənqid olunur. Azarkeşlər və ekspertlər onun həm fiziki, həm də psixoloji cəhətdən komandaya uyğunlaşmadığını, “Beşiktaş”dakı enerjisindən əsər-əlamət qalmadığını vurğulayırlar.

Görünən odur ki, İstanbullu azarkeşlərin sevgisindən qaçan ulduz futbolçu hazırda öz ölkəsində dəstək yerinə təzyiqlərlə üzləşib.

“Borussiya” futbolçusu Niko Şlotterbeklə yeni razılaşma əldə edib.

Futbolpress.az xəbər verir ki, 26 yaşlı müdafiəçi Dortmund təmsilçisi ilə yeni müqavilə imzalayıb.

Müqaviləyə əsasən, Almaniya millisinin üzvü 2031-ci ilin yayınadək komandasının şərəfini qoruyacaq.

Şlotterbek 2022-ci ildən cari klubunun formasını geyinir.

​”Liverpul”da bir dövrün sonuna gələn təcrübəli sol cinah müdafiəçisi Endryu Robertson karyerasını başqa bir Premyer Liqa nəhəngində davam etdirə bilər.

Futbolpress.az xəbər verir ki, bu barədə ​”The Athletic” nəşri məlumat yayıb.

“Tottenhem” 32 yaşlı müdafiəçini heyətinə qatmaq üçün hərəkətə keçib. London təmsilçisi Robertsonun böyük təcrübəsindən yararlanaraq müdafiə xəttini gücləndirməyi hədəfləyir. Bildirilir ki, onlar hələ qış transfer pəncərəsində şotlandiyalı ulduzla ilk təmasları qurublar.

Xatırladaq ki, “Liverpul” bir neçə gün öncə Robertsonun mövsüm sonunda komandadan ayrılacağını rəsmən açıqlayıb.

​2017-ci ildən “qırmızıların” formasını geyinən ulduz müdafiəçi çıxdığı 373 matçda 13 qol və 69 məhsuldar ötürmə ilə yadda qalıb.

Xəbər verdiyimiz kimi, Azərbaycan milli komandasının məşqçisi Elnur Çodarov UEFA Pro lisenziyası üzrə təhsil proqramı çərçivəsində Norveç təmsilçisi “Valerenqa”da bir həftəlik təcrübə proqramında iştirak edir.

Futbolpress.az mütəxəssisin ümumi Norveç təəssüratı və milli komandadan gözləntiləri ilə bağlı fikirlərini öyrəndi:

– Norveç səfərinizlə bağlı ümumi təəssüratınız necədir? Proqramınız necə irəliləyir? 

– Aprelin 5-dən “Valerenqa” klubunun düşərgəsindəyəm, ilk olaraq klubun bazası və akademiyası ilə tanış oldum. Daha sonra əsas komandanın baş məşqçisi Geir Bakke ilə görüşdüm, onların həftəlik məşq proseslərində iştirak edib iş prinsipləri ilə tanış oldum. Paytaxt təmsilçisinin “Vikinq”lə oyununu izlədim. Ümumilikdə mənim üçün çox yaxşı təcrübə proqramı oldu deyə bilərəm.

– Milli komandamızın hazırkı hazırlıq səviyyəsi sizi qane edirmi? 

– Məncə, həm oyun baxımından, həm də mübarizə baxımından inkişaf var. Qarşıdakı toplanışdan maksimum istifadə edəcəyik ki, Millətlər Liqasının oyunlarına tam hazır olaq. Bizi Millətlər Liqasında çətin oyunlar gözləyir, komandamıza inamımız böyükdür, çalışacağıq ki, yaxşı nəticələr qazanaq.

Adil Nəhmətli 

​”Çelsi”nin ulduz yarımmüdafiəçisi Enzo Fernandes komanda yoldaşları və klub rəhbərliyi ilə yaşadığı insidentdən sonra cəzalandırılıb.

Futbolpress.az xəbər verir ki, argentinalı futbolçu üzr istəməsinə baxmayaraq, “Mançester Siti” ilə vacib matçı tribunadan izləyəcək.

​Klub rəhbərliyi futbolçunun üzrünü qəbul etsə də, intizam qaydalarını əsas gətirərək onu ən mühüm oyunda meydandan kənarda saxlayıb.

“Çelsi”nin sükanı arxasında olan Liam Rozenyor məsələ ilə bağlı bunları deyib:

​”Enzo bazar günü oynamayacaq. Ümid edirəm ki, ondan sonra o, yenidən komandanın vacib hissəsinə çevriləcək. Hazırda aşmalı olduğumuz bəzi maneələr var. Onunla çox yaxşı söhbətimiz oldu, məndən və klubdan üzr istədi. Gələn həftə vəziyyətə yenidən baxacağıq”.

Xatırladaq ki, Enzo Fernandes Amerika Kubokundakı qələbədən sonra irqçi xarakterli şüarların yer aldığı video paylaşdığı üçün komanda yoldaşlarının və ictimaiyyətin ciddi narazılığına səbəb olmuşdu. Görünən odur ki, klub daxilində sular hələ durulmayıb.

​”Real” gələn mövsüm üçün baş məşqçi axtarışlarını sürətləndirib.

Futbolpress.az xəbər verir ki, Madrid klubunun hədəfində gözlənilməz bir ad – Didye Deşam var.

​Məşhur insayder Fabris Hokinsin yaydığı məlumata görə, Didye Deşam “kral klubu”nun gələn mövsüm üçün müəyyənləşdirdiyi namizədlər siyahısına daxil edilib.

Təcrübəli mütəxəssis 2026-cı il Dünya Çempionatından sonra Fransa milli komandasındakı postunu tərk edəcək. Bununla da onun 2012-ci ildən bəri davam edən fəaliyyəti sona çatacaq.

 

Misli Premyer Liqasının XXVII turu çərçivəsində ilk görüşdə “Karvan-Yevlax” “Kəpəz”i qonaq edib.

Futbolpress.az xəbər verir ki, oyundan sonra meydan sahiblərinin baş məşqçisi Füzuli Məmmədov mətbuata açıqlama verib.

Mütəxəssis nəticəni belə şərh edib:

– Son məğlubiyyətdən sonra komandanı bu oyuna kökləmək bizim üçün çətin oldu. Futbolçularda psixoloji gərginlik var idi, lakin həm rəhbərlik, həm də məşqçilər korpusu tam dəstək göstərdilər. Bilirdik ki, ağır oyun olacaq. “Kəpəz”in heyəti kifayət qədər güclüdür, amma çox ciddi hazırlaşmışdıq. Oyunçularımız əzmkarlıq göstərdilər, hesab daha da böyük ola bilərdi. 4:1 hesabına baxmayaraq, çətinlik çəkdik. 2:1 olanda rəqib oyunu dəyişə bilərdi, amma futbolçularım oyundan düşmədilər, əksinə, növbəti qolları da vurmağı bacardılar. Azarkeşlərimiz bundan çoxuna layiqdilər, lakin biz onları lazımi qədər sevindirə bilmirik. Buna görə məyus oluram. Qarşıda hələ 6 tur var, hər birində əzmkarlıq göstərməyə çalışacağıq. Bizi daha yaxşı qələbələr gözləyir.

– Həmişə deyirdiniz ki, bir qələbə olsun, hər şey düzələcək… 

– Əlbəttə ki, digər klublarda çalışdığım vaxtlarda da görmüşəm ki, qalibiyyət futbolçulara motivasiya verir. Bu oyundakı nəticə də bizi gələcək üçün ümidləndirdi.

– Erkən qolların, ilk hissəni öndə başa vurmağın psixoloji üstünlüyü varmı? 

– Əlbəttə, hər qol rəqibi həvəsdən salır. İlk hissədə Raufun iki qol vurması komandaya böyük ümid verdi. Fərq minimuma enəndə futbolçularda ehtiyatlılıq, hesabı qorumaq hissi yarandı. Deyərdim ki, üçüncü qol oyunun taleyini həll etmiş oldu.

– Rauf bu gün parlaq oyun göstərdi, siz onda bu bacarığı kəşf etmişdiniz? 

– O, əsas heyətə layiq futbolçulardan biridir, çox əzmkar və istəklidir. Son iki turu əsas heyətdə oynaya bilməmişdi, səbəb yalnız heyətdəki rəqabət idi. “Araz Naxçıvan”la oyunda gözləntilərdən aşağı çıxış etdiyi üçün ədalətli davranıb digər oyunçulara şans verməli olmuşduq. Rauf bu oyunla bir daha özünün hansı səviyyədə olduğunu sübut etdi.

– Bu qarşılaşma göstərdi ki, komanda top saxlaya, oyun göstərə, qol vura bilir. Bəs bu ana qədərki periodda nələr baş verirdi?

– Burda çox nüanslar var. Bəzən futbolçular xırda səhv edirlər, nəticədə qol buraxırıq. Dərhal psixoloji düşkünlük yaranır. Komandanın potensialına bələdəm, bəzi başqa oyunlarda da çox yaxşı oynamışıq, olub ki, qolumuzu da saymayıblar. Bəzi görüşlərdə qapımıza gözləmədiyimiz zamanda qollar vurulub. “Kəpəz” və bəzi komandalar var ki, biz onlarla nəinki başabaş, hətta üstün də oynaya bilirik. Bu gün də bunu göstərdik.

– Mövsümün bitməsinə 6 tur qalmış “Qəbələ” ilə “Karvan-Yevlax” arasında 8 xal fərq var. Bu fərqin aradan qalxacağına inanırsınız?

– Əlbəttə. Hər zaman inanmışam. Bütün oyunlara ümidlə çıxıram. Sona qədər mübarizə aparacağıq.

Adil Nəhmətli

Misli Premyer Liqasının XXVII turu çərçivəsində ilk görüşdə “Karvan-Yevlax”  “Kəpəz”i qonaq edib.

Futbolpress.az xəbər verir ki, oyundan sonra qonaqların baş məşqçisi Azər Bağırov mətbuata açıqlama verib.

Mütəxəssis nəticəni belə şərh edib:

– Çempionatda sonlara doğru itkilərimiz daha da çoxalır. Bu gün heyətdə məcburi əvəzetmələrə getmişdik, lakin təəssüf ki, müdafiədəki zonaları qoruya bilmədik. “Qarabağ”la oyundan sonra komandamı tanıya bilmirəm. “Qəbələ” ilə görüşdə də qapımızda çox bəsit qollar gördük. Düzəltməli, danışmalı olduğumuz məqamları bilirik. Qısaca, irəli baxmaq lazımdır.

– Dioqonun yoxluğu sanki özünü göstərdi, nə düşünürsünüz? 

– Əslində, əvəzedilməz futbolçu yoxdur, amma bu gün Dioqonun olmaması, müəyyən mövqelərdə oyunçu çatışmazlığı təsirini göstərdi.

– Komandanız bu gün qələbə qazansaydı, psixoloji üstünlük əldə edəcəkdiniz, amma indi vəziyyət tam əksinədir. Sizcə, komandada psixoloji cəhətdən hansı dəyişikliklərə ehtiyac var? 

– Bu, bir qədər geniş mövzudur. Mən komandanı götürəndə vəziyyət daha da xaotik idi, 7 oyuna xal yox idi. Bu gün sonuncu pillədən çox irəlidəyik. Dediyim kimi, oyunçu itkisi komandaya çox təsir edir, həm nəticəyə, həm də psixologiyaya zərəri var. İstəməzdik belə olsun, yenə də uduzmağı bacarmaq lazımdır. Düşünürəm ki, daha yaxşı olacaq.

– Ohorini oynatmaqla bağlı düşüncələriniz maraqlıdır. 

– Ohori bir gün bizimlə məşqə çıxıb. Fiziki hazırlıqlarını keçib, amma meydançada onu itirmək istəmədim ki, gələn matçlarda xidmətindən maksimum yararlanaq.

– Komandanızın ardıcıl məğlubiyyətlərini “Qarabağ” üzərindəki qələbədən sonra yaranan eyforiya ilə əsaslandırmaq olarmı?

– Əlbəttə, bu da ola bilər, amma əsas səbəb heyətdəki itkilərdi. Bilirsiniz ki, Dioqo komandanın aparıcı üzvüdür, bu gün onun meydanda olmaması, iki mövqenin birdən düzgün işləməməsinə gətirib çıxardı. Həmçinin, Raufun da yoxluğu bizə təsir elədi. Ehtiram bu gün mənim istədiyim şəkildə çıxış edə bilmədi. Bunlar hamısı məğlubiyyətin səbəbləridir.

– Eşitmişik ki, siz son məşqlərə çıxmamısınız. Bu nə dərəcədə doğrudur? 

– Xeyr, bu doğru deyil. Mən sadəcə bərpa məşqində iştirak etməmişəm, düşünürəm ki, bu normal haldır.

– Sirr deyilsə, nə üçün iştirak etməmisiniz? 

– Ailəvi məsələlərimlə bağlı Bakıda idim. Bütün günümüzü Gəncədə keçiririk, amma ailəvi problemləri də həll etmək vacibdir.

Adil Nəhmətli

“Yuventus” baş məşqçisi Luçano Spaletti ilə müqaviləni uzadıb.

Futbolpress.az xəbər verir ki, bu barədə klubun mətbuat xidməti məlumat yayıb. Mütəxəssisin sözləşməsinin müddəti 2028-ci ilin yayına kimi artırılıb.

“Yuventus” A Seriyasında 57 xalla 5-ci sıradadır.

“Barselona”nın futbolçusu Robert Levandovski karyerasını İtaliyada davam etdirə bilər.

Futbolpress.az xəbər verir ki, “Milan” polşalı hücumçunun xidmətində maraqlıdır. Bu barədə “Calciomercato” nəşri məlumat yayıb.

İtaliya klubu forvardı yayda azad agent kimi sıralarına qatmaq istəyir.

Levandovskinin ABŞ klublarından da təklifi var. Hücumçu qərarını yayda verəcək.

Polşalı futbolçu 2022-ci ildən “Barselona”da çıxış edir. O, 186 oyunda 118 qol vurub.

PSJ yayda “Mançester Yunayted” ilə yoldaşlıq oyunu keçirəcək.

Futbolpress.az xəbər verir ki, bu barədə Paris klubunun mətbuat xidməti məlumat yayıb.

Yoldaşlıq oyunu avqustun 8-də, İsveçdə baş tutacaq. Tərəflər yeni mövsümə hazırlıq çərçivəsində üz-üzə gələcək.

Avropa Liqasının 1/4 final mərhələsində Portuqaliyada keçirilən “Portu” – “Nottingem Forest” matçından sonra bədbəxt hadisə yaşanıb.

Futbolpress.az xəbər verir ki, matçın final fitindən sonra tribunada 84 yaşlı ingilis azarkeş vəfat edib. Onun ürəktutmadan dünyasını dəyişdiyi bildirilir. Bu barədə “The Sun” nəşri məlumat yayıb.

Matç 1:1 hesabıyla başa çatıb.

Polşa millisinin məşqçisi Yaçek Mager vəfat edib.

Futbolpress.az xəbər verir ki, bu barədə Polşa Futbol Assosiasiyasının mətbuat xidməti mələumat yayıb. Mütəxəssis 49 yaşında dünyasını dəyişib. Onun ölüm səbəbi açıqlanmayıb.

Mager 2025-ci ilin yayından millinin çalışdırıcısı Yan Urbanın məşqçilər korpusunda yer alırdı.

“Liverpul” müdafiəçisi Endryu Robertsonun yayda klubdan ayrılacağını açıqlayıb.

Futbolpress.az xəbər verir ki, cinay oyunçusunun müqaviləsinin müddəti uzadılmayacaq. Bu barədə klubun mətbuat xidməti məlumat yayıb.

Robertson 2017-ci ildən “Liverpul”un formasını geyinir. O, bu mövsüm Premyer Liqada 19 oyuna çıxıb.

“Liverpul”da daha öncə misirli hücumçu Məhəmməd Salahın komandadan ayrılacağı açıqlanmışdı.

“Neftçi”nin futbolçusu Emin Mahmudov zədəsini sağaldıb.

Futbolpress.az-ın məlumatına görə, yarımmüdafiəçi artıq komanda ilə məşqlərə qoşulub. Kapitan baş məşqçi Yuri Vernidubun şans verəcəyi təqdirdə, sabah “Araz-Naxçıvan”la Premyer Liqa matçında meydana çıxa bilər.

Mahmudov zədə səbəbindən XXVI turda “Sumqayıt”la səfər oyununda (3:1) iştirak etməyib.

Sabah keçiriləcək “Neftçi” – “Araz-Naxçıvan” oyununa saat 20:00-da start veriləcək.

Misli Premyer Liqasının XXVII turunun “Turan Tovuz” – “Sumqayıt” oyununun biletləri satışa çıxıb.

Futbolpress.az xəbər verir ki, biletləri bu gündən etibarən Tovuz şəhər stadionunun kassasından və şəhərin mərkəzində yerləşən satış məntəqəsindən əldə etmək olar.

Qeyd edək ki, 2 AZN-lik biletlərlə yanaşı məhdud sayda olan 5 AZN-lik VİP biletlər də satışdadır.

Oyun 12 aprel tarixində, saat 18:00-da Tovuz şəhər stadionunda baş tutacaq.

16-18 aprel tarixlərində kayak və kanoe üzrə gənclərdən ibarət Azərbaycan milli komandası Türkiyənin Muğla şəhərində keçiriləcək “Bahar Kuboku” beynəlxalq reqatasında iştirak edəcəklər.

Futbolpress.az xəbər verir ki, yarışlarda Azərbaycan Su İdman Növləri Federasiyası Qurban Sadıqlının məşqçiliyi ilə 7 nəfərlik heyətlə mübarizə aparacaq.

Elmir Tarverdiyev, Mustafa Vəlizadə, Qiyas Əhmədov, Tengiz Qaqnidze kayak qayığında, Hüseyn Səmədli, Vaqif Mustafazadə, Fəxri Sadıqlı isə kanoe növü üzrə mükafatçılar sırasına düşməyə çalışacaq.

“Karvan-Yevlax” Misli Premyer Liqasının XXVII turunda bu gün “Kəpəz”i qəbul edəcək.

Futbolpress.az xəbər verir ki, saat 15:30-da start götürəcək oyuna komandalar aşağıdakı heyətlə çıxacaqlar:

“Karvan-Yevlax”: 99. Pedro Mateuş 6. Vadim Abdullayev (k) 33. Eltun Turabov 13. Vüsal Məsimov 14. Uğur Cahangirov 16. Rauf Rüstəmli 5. Emin Rüstəmov 20. Coy Sleyd Mikels 2. Şakil Sno 11. Kayl Spens 21. İmani Barker
Ehtiyat oyunçular: 1. Kamran İbrahimov 25. Əmrah Bulud 17. Samir Abdullayev 37. Mois Nqvisani 19. Tompson Qavi 8. Peter Kings 10. Samuel Durrant 4. Olavale Doyeni
Baş məşqçi: Füzuli Məmmədov

“Kəpəz”: 33. Yusif İmanov 7. Ehtiram Şahverdiyev 77. Fərid Nəbiyev 88. Şakir Seyidov 11. Rəhman Hacıyev 6. Camal Cəfərov 9. Luis Paçu 24. Olavale Onanuqa 12. Mahamadu Ba (k) 14. Adama Fofana 4. Mate Abuladze
Ehtiyat oyunçular: 22. Məmməd Hüseynov 81. Elgün Bayramov 99. Əli Səmədov 5. Rauf Hüseynli 17. Ümid Səmədov 20. Elcan Əbilov 23. Fərid Kələntərov 66. Arzu Atakişiyev 21. Sadiq Şəfiyev 80. Şahnur İsmayılov 57. Amur Yusifov 10. Ryonosuke Ohori
Baş məşqçi: Azər Bağırov

 

“Kəpəz”in futbolçusu Məqsəd İsayev əməliyyat olunub.

Futbolpress.az xəbər verir ki, bu barədə klubun mətbuat xidməti məlumat yayıb. İsayev Türkiyənin İstanbul şəhərində uğurla əməliyyat keçirib.

Müdafiəçinin çarpaz bağlarında aparılan cərrahi müdaxilə uğurla başa çatıb.

Məqsəd bu mövsüm Premyer Liqada 20 oyuna çıxıb.

Azərbaycan milli komandasının sabiq baş məşqçisi Fernando Santuş karyerasını Qanada davam etdirə bilər.

Futbolpress.az xəbər verir ki, mütəxəssis sözügedən ölkənin yığma komandasını çalışdırmağa əsas namizəddir. Bu barədə Afrika mətbuatı məlumat yayıb. Santuşla danışıqların son mərhələdə olduğu bildirilir.

Qana yığmasında bir müddət əvvəl Otto Addo ilə yollar ayrılıb.

Santuş 2024-cü ilin yayından 2025-ci ilin sentyabrına kimi Azərbaycan millisinə rəhbərlik edib.

“Qəbələ”nin futbolçusu İsmael Akinadenin “Futbolpress.az“a müsahibəsi:

– “Kəpəz” üzərində vacib qələbə qazandınız və autsayderlə xal fərqini 11-ə yüksəltdiniz. Oyunu necə şərh edərdiniz?
– Bu oyun bizim üçün çox vacib idi. Matçdan əvvəl qarşımıza yalnız qələbə hədəfi qoymuşduq. Şükürlər olsun, yaxşı oyunla da istəyimizə çatdıq.

– Ardıcıl üç məğlubiyyətdən sonra belə mühüm oyuna köklənmək psixoloji baxımdan çətin olmadı?
– Qələbə qazana bilməmək pisdir. İstəyirdik ki, bu uğursuz seriyanı sonlandıraq. Bütün diqqətimizi matça vermişdik. İstədiyimiz tempi yaxaladıq və nəticəni qazandıq. Mövsümün qalan hissəsində də belə davam etməliyik.

– “Kəpəz”ə qədər 3 oyuna 13 qol buraxmışdınız. Necə toparlandınız?
– “Sabah”a qarşı 1:7 hesablı məğlubiyyət qəbuledilməz idi. Həmin gün futbol bəxti bizim yanımızda deyildi. İstədiklərimizi meydanda edə bilmədik. Onlarla kubokda yaxşı mübarizə aparmışdıq. Lakin sonra belə nəticənin olması bizi çox məyus etdi. Bilirdik ki, toparlanmalıyıq, yoxsa vəziyyətimiz daha pisləşə bilər. Çox çalışdıq və yekunda qələbəsizlik seriyamızı bitirdik.

– Qarşıda “İmişli” ilə oyun var. Qələbə sizi 9-cu pilləyə yaxınlaşdıra bilər…
– Vacib oyundur. Diqqətli olmalı və qələbə qazanmalıyıq. Meydanda üzərimizə düşənləri edəcəyik. Hər oyunun bizim üçün əhəmiyyəti böyükdür. İndi hansısa pillə haqda yox, “İmişli” ilə matçla bağlı düşünürük.

– Artıq 4 aydır, Azərbaycandasan. Çempionatla bağlı təəssüratların necədir?
– Azərbaycan liqası çox yaxşıdır. Bütün komandalarda texnikalı oyunçular var, yarış rəqabətli keçir. Azərbaycanda oynamaqdan zövq alıram. Karyeram boyu hər zaman olduğum yerdə fayda verməyə çalışmışam. Çətinliklər olsa da, bununla mübarizə aparmağı sevirəm. Hər oyun maksimumu etməyə çalışıram. Düzdür, bəzən istədiyim kimi alınmaya bilər, amma dəqiq olan bir şey var ki, meydana daxil oldumsa, bütün gücümü qoyacağam.

Şahin Cəfəriv

AFFA İntizam Komitəsinin iclası keçirilib.

Futbolpress.az xəbər verir ki, toplantıda I Liqanın XXI turunun oyunları ilə bağlı aşağıdakı qərarlar qəbul edilib:

9 aprel 2026-cı il tarixində I Liqada XXI turun “Şəfa” – “Səbail” oyununun 90+1-ci dəqiqəsində “Səbail” komandasının tərcüməçisi Fariz İsmayılov qeyri-etik ifadə və ya hərəkətə görə birbaşa qırmızı vərəqə aldığı üçün 3 oyun oyuna buraxılmasın, “Səbail” komandası 2400 manat cərimə edilsin (maddə 52.3);

9 aprel 2026-cı il tarixində I Liqada XXI turun “Difai” – “Şahdağ Qusar” oyununun 77-ci dəqiqəsində “Şahdağ Qusar” komandasının 40 nömrəli futbolçusu Kvaku Adjey ikinci sarıdan qırmızı vərəqə aldığı üçün 1 oyun oyuna buraxılmasın, “Şahdağ Qusar” komandası 150 manat cərimə edilsin (maddə 17.5, 17.7);

Misli Premyer Liqasında XXVII turun təyinatları açıqlanıb.

Futbolpress.az xəbər verir ki, “Sabah” – “Zirə” oyununu Tural Qurbanov idarə edəcək.

10 aprel

15:30. “Karvan-Yevlax” – “Kəpəz”
Hakimlər: Nicat İsmayıllı, Zeynal Zeynalov, Gülnurə Əkbərzadə, Ruslan Quliyev
VAR: Emin Əliyev
AVAR: Elçin Məsiyev
Hakim-inspektor: Ramil Diniyev
AFFA nümayəndəsi: Novruz Əzimov
Yevlax şəhər stadionu

11 aprel

15:30. “Şamaxı” – “Qarabağ”
Hakimlər: İnqilab Məmmədov, Elşad Abdullayev, Pərvin Talıbov, Vüqar Həsənli
VAR: Kamal Umudlu
AVAR: Vüsal Məmmədov
Hakim-inspektor: Anar Salmanov
AFFA nümayəndəsi: Eldəniz Musayev
Şamaxı şəhər stadionu

18:00. “Sabah” – “Zirə”
Hakimlər: Tural Qurbanov, Cəmil Quliyev, Asiman Əzizli, Elvin Bayramov
VAR: Rəvan Həmzəzadə
AVAR: Teymur Teymurov
Hakim-inspektor: Ömər Paşayev
AFFA nümayəndəsi: Elgiz Abasov
“Bank Respublika Arena”

20:00. “Neftçi” – “Araz-Naxçıvan”
Hakimlər: Əli Əliyev, Namiq Hüseynov, Rahil Ramazanov, Elçin Məsiyev
VAR: Rauf Cabarov
AVAR: Müslüm Əliyev
Hakim-inspektor: Asim Xudiyev
AFFA nümayəndəsi: Asif Əliyev
“Palms Sports Arena”

12 aprel

15:30. “Qəbələ” – “İmişli”
Hakimlər: Rəşad Əhmədov, Eyyub İbrahimov, Tərlan Talıbzadə, İslam Məmmədov
VAR: Əli Əliyev
AVAR: Zöhrab Abbasov
Hakim-inspektor: Əmrah İbrahimov
AFFA nümayəndəsi: Kifayət Mustafayeva
Qəbələ şəhər stadionu

18:00. “Turan Tovuz” – “Sumqayıt”
Hakimlər: Kamranbəy Rəhimov, Akif Əmirəli, Kərim Zeynalov, Kamran Əliyev
VAR: Fərid Hacıyev
AVAR: Rəhman İmami
Hakim-inspektor: Babək Quliyev
AFFA nümayəndəsi: Nəriman Axundov
Tovuz şəhər stadionu

“Səbail”dən ayrılan Yusif Nəbiyev fərdi məşqlər edir.

Futbolpress.az-ın məlumatına görə, cinah müdafiəçisi bu mövsüm “dənizçilər”lə I Liqa oyunlarına çıxdığı üçün “futbol ili”nin sonuna kimi başqa komandada oynaya bilməz. Nəbiyev bu səbəbdən hələ klubsuz olduğunu bildirdi:

“Səbail”lə oyunlara çıxdığım üçün başqa klubda oynaya bilmərəm. Ona görə yayı gözləyirəm. İndi özüm fərdi çalışıram ki, idman formasından çox düşməyim”.

Nəbiyev fevralda baş məşqçi Adil Şükürovla qalmaqal yaşamış və daha sonra klubdan ayrılmışdı.

“Mançester Yunayted”in futbolçusu Harri Maquayr açıqlama verib.

Futbolpress.az “The Athletic”ə istinadən xəbər verir ki, müdafiəçi özünü mövqeyinin ən yaxşılarından adlandırıb:

“İngiltərə millisinin dünya çempionatı üçün heyətində olacağıma inanıram. Gücüm var və özümü göstərə bilərəm. Məşqçi hansı rolu versə, qəbul etməyə hazıram. Hesab edirəm ki, mövqeyimə görə dünyanın ən yaxşıları arasındayam”.

Maquayr bu mövsüm 20 oyunda 2 qol vurub.

“Neftçi”nin sabiq futbolçusu Keysuke Honda karyerasını Sinqapurda davam etdirəcək.

Futbolpress.az xəbər verir ki, yaponiyalı yarımmüdafiəçi “Juronq”a keçib. Bu barədə klubun mətbuat xidməti məlumat yayıb. Honda yayda yeni klubuna qoşulacaq.

39 yaşlı futbolçu 2021-ci ilin martından iyuluna kimi “Neftçi”nin formasını geyinib.

Dünən Tbilisi Arenada Gürcüstanla keçirilən yoldaşlıq oyununda millinin ilk qolunu vuran Nihad İsmayılov Azərbaycan Futzal Federasiyasının mətbuat xidmətinə açıqlama verib.

Futbolpress.az xəbər verir ki, İsmayılov 2:4 hesabıyla bitən oyunla bağlı bunları deyib:

“Yaxşı oynadıq. Birinci hissədə qol vura bilməsək də, real imkanlar baxımından biz üstün idik. 6-7 epizodu boşa verdik. Dəyərləndirə bilsəydik, matçın gedişi fərqli olacaqdı. Əvəzində meydan sahibi komanda səhvlərimizi bağışlamadı. Çaşqınlıqdan istifadə edib, bir dəqiqə ərzində ardıcıl iki qol vuraraq üstünlük qazandılar.

İkinci hissəyə fərqli başladıq. Bu dəfə qolu biz vurduq. Belə deyim də, fasilədən sonra bərabər oyun oldu. Baş məşqçi komandaya cəlb olunan gənclərə də şans verdi. Əlbəttə, onlar dəvət olunublarsa və səfərə gətiriliblərsə, təcrübə toplamaq baxımından meydana çıxmaqları lazım idi. Onlar üçün yaxşı təcrübə oldu. Yoxlama oyunları da buna görə əhəmiyyətlidir.

Bu rəqiblə aprelin 11-də yenə qarşılaşacağıq. Bu dəfə qələbə qazanan tərəf biz olarıq. Komandamız oyundan oyuna yaxşı tərəfdən seçilir. Yaxşı kollektivimiz var. Ab-hava da müsbətdir. Uşaqlar hesabda geri düşməyimizə rəğmən ruhdan düşmədilər. Bu, fərqləndiriləcək məqamdır. Ardıcıl keçirəcəyimiz yoldaşlıq oyunları da irəliyə addım atmaq baxımından xeyrimizə olacaq”.

“Arsenal” baş məşqçisi Mikel Arteta ilə müqaviləni uzatmaq istəyir.

Futbolpress.az xəbər verir ki, bu barədə Britaniya mətbuatı məlumat yayıb. Tərəflər arasında danışıqlar artıq başlayıb.

Arteta 2019-cu ildən “Arsenal”a rəhbərlik edir.

“Topçular” İngiltərə Premyer Liqasında 31 turdan sonra 70 xalla liderdir. Komanda Çempionlar Liqasında isə 1/4 finalda mübarizə aparır.

UEFA Çempionlar Liqasının 1/4 final mərhələsinin “Barselona” – “Atletiko” matçının (0:2) baş hakimi İştvan Kovaç cəzalanıb.

Futbolpress.az xəbər verir ki, bu barədə İspaniya mətbuatı məlumat yayıb. Referi oyun zamanı yanlış qərarlara yol verdiyi üçün mövsümün sonuna kimi turnirə təyinat almayacaq.

“Barselona” görüşün birinci hissəsində müdafiəçisi Pau Kubarsinin qovulmasından sonra azlıqda qalıb. Daha sonra oyunun 54-cü dəqiqəsində “Atletiko”nun futbolçusunun öz cərimə meydançasında topa əllə oynamasına baxmayaraq, penalti təyin edilməyib.

“Barselona” matçdan sonra hakimdən UEFA-ya şikayətini bildirmişdi.

Azərbaycan Kubokunun yarımfinalının “Zirə” ilə ilk oyunundan (0:2) sonra media önünə çıxan Ehtiram Quliyevin emosiya dolu açıqlamaları gündəmi zəbt etdi. Onun çıxışını haqlı sayanlar da oldu, nahaq sayanlar da.

Quliyevin əsas etirazı matçın baş hakimi Əliyar Ağayevə idi. Sitat:

“…Haqqımız, uşaqların alın təri Əliyar Ağayevin haramı olsun. “Zirə”nin qələbəsinə kölgə salmaq istəmirəm. Amma futbolumuzda bu şeylər dəyişdirilməlidir. Biriləri bəzi şeyləri dilə gətirməlidir. Biz dilə gətirmədikcə, səssiz qaldıqca, “əliyargillər” belə oyunlar idarə edəcək, futbolumuzu bu günə qoyacaq. Yatırım etməyin də anlamı yoxdur. Belə çıxır ki, əziyyət çəkməyin də, oyunçu transfer etməyin də anlamı yoxdur, “əliyargillər”dən canımız, futbolumuzun “can”ı qurtarmalıdır”. 

Diqqətçəkən başqa məqam isə, “…oturub su içənlər” ifadəsi idi. Bu da məzhəb ayrıseçkiliyinə cəhd kimi yozuldu hətta:

“Suyu oturaraq içən hakimlərdən canımızı qurtarmalıyıq. Suyu uzanaraq içsinlər, ayaq üstə içsinlər, tək ayaq üstə içsinlər, amma haqqımızı, oyunçuların haqqını içməsinlər”.

Nominal olaraq “Turan Tovuz” İdarə Heyətinin sədri vəzifəsinə daşıyan, əslində isə klubun varlığında əsas pay sahibi olan Ehtiram bəyin etirazı haqlı idi. Bunu AFFA Hakimlər Komitəsinin sədri Rəhim Həsənovun Ağayevin qərarlarını şərh edərkən dediklərinə əsasən də bildirmək olar. Sitat:

“…Hakim epizodu monitordan izlədikdən sonra qərarında qalır. Hakimlər Komitəsi əlin-qolun qeyri-qanuni istifadə təsirini açıqlayıb. Oyunçu topa oynayarkən mübarizəyə qoşulan zaman əl və qol  hərəkəti rəqibin üz, baş-boyun istiqamətində güc tətbiq edərsə, bu, qayda pozuntusudur. Hakimlər Komitəsinin bu epizoddan gözləntisi penalti və sarı vərəqədir;

“…”Zirə”nin oyunçusu ayağını yuxarıdan gətirir və topa təmas etməyə çalışır. Lakin burda rəqibin ayağına düşüncəsiz təmas var. Bu səbəbdən Hakimlər Komitəsinin bu epizoddan gözləntisi penalti və sarı vərəqə qərarıdır”.

Güman ki, Əliyar bir neçə oyunluq cəzalanıb. Hərçənd bu, “Turan Tovuz”un itirilən xallarını geri qaytarmır. Atalar demiş, it də getdi, ip də getdi…

Və sanki Ehtiram bəyin çıxışı “sizif əməyi” effektini verdi. AFFA bu çıxışa görə 15000 manat cərimə kəsdi.

Sual yaranır. Quliyev haqlı idisə, yəni Əliyar səhv qərarlar vermişdisə (rəsmən açıqlandığı kimi), onda bu çıxışa görə böyük məbləğdə cərimə niyə?!

Deməli, böyük ehtimalla, məsələ hakimliyə etiraz məqamında deyil, sözügedən çıxışı daha dəqiq xatırlamaq gərəkdir. Ehtiram bəy azarkeşlərə səslənir… onları olanlara münasibət göstərməyə səsləyir. Bununla sanki təhrikedici mövqe tutur.

Böyük ehtimalla, assosiasiya bu və bu kimi detalları nəzərdə tutaraq maddi cərimə kəsib. Elə deyilsə, onda cərimənin məntiqi yoxdur.

Sadəcə, qərarda aydın açıqlamaq məqsədəuyğun olardı…

Bir nəticəyə təsir edən hakim səhvi və yaratdığı canfəşanlıq prosesi belə bir vəziyyətə gətirdi. Hansı ki, nə səbəb, nə nəticəsi gələcəyə faydalı oldu.

Yenə səhvlər olacaq, yenə Ehtiram Quliyev coşğulu çıxış edəcək.

Çünki yarımçıq qalan, həll olunmayan məqamlar çoxdur. Nə Ehtiram bəy etirazının məzmununu doğru qurur, nə AFFA ilə effektiv dialoq yaranır, nə də tərəflərin təcrübəli işgüzar/ideoloji komandası var ki, kritik məqamda effektiv yol seçə bilsinlər.

Bu dilemmanı şairin təbirincə ifadə etsək, desəm öldürərlər, deməsəm ölləm…

Elçin Cəlilov

P.S. Ehtiram bəy kimiləri bu futbolda çox belə vəziyyətlə qarşılaşacaqlar; deməsələr “ölərlər”, deyəndə də “öldürüləcək”…

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

Azərbaycan, Premyer Liqa
15:30 Karvan-Yevlax – Kəpəz (CBC Sport)

Türkiyə, Super Liqa
21:00 Beşiktaş – Antalyaspor (Futbol 3, beİN Sports 1)

İtaliya, A Seriyası
22:45 Roma – Piza (Futbol 1)

İspaniya, La Liqa
23:00 Real – Jirona (İdman TV, Futbol 2)

İngiltərə, Premyer Liqa
23:00 Vest Hem – Vulverhempton (beİN Sports 3)

“Santos”un hücumçusu Neymar karyerasını ABŞ-də davam etdirə bilər.

Futbolpress.az xəbər verir ki, bu barədə “The Athletic” nəşri məlumat yayıb. MLS təmsilçisi “Çinçinnati” braziliyalı futbolçunun xidmətində maraqlıdır. Klub nümayəndələri artıq oyunçunun meneceri ilə danışıqlara başlayıb.

Neymarın “Santos”la müqaviləsi ilin sonuna kimidir. O, bu mövsüm Braziliya çempionatında 4 oyunda 3 qol vurub, 2 məhsuldar ötürmə edib.